Sezoni i shkuar ishte sukses i madh në fushë, por të gjithë lojtarët u larguan, me përjashtim të disa të rinjve vlonjatë. Në Vlorë kanë mbetur lojtarë që i mban lidhur kontrata, apo që nuk kanë ende oferta, sepse do të kishin ikur edhe 18-vjeçarët.

E megjithatë, Sinan Idrizi nuk dorëzohet dhe Sport Ekspres mëson se në fundjavë në Vlorë pritet të prezantohet trajneri i ri. Do të jetë Julian Ahmataj, i cili e ka pranuar ofertën e Idrizit, edhe pse e ka të qartë se do të duhet të nisë gjithçka nga zero, me një buxhet të denjë për Burrelin apo Mamurrasin.
Ahmataj do të marrë me vete stafin e tij, ndërsa nuk dihen ende detajet financiare, që në fakt nuk kanë shumë rëndësi, sepse në Vlorë nuk është se po i merr njeri paratë.

Pas prezantimit, Ahmataj do të mbledhë gjithë të rinjtë vlonjatë, si dhe do të flasë me lojtarë që i njeh personalisht, për t’i afruar me paga simbolike, por me premtimin se një vit i mirë në Vlorë do t’u hapë rrugën për klube më të pasur.

SEZONI – “Nuk ndihem komod që skuadra diskutoi mbijetesën. Vitin e kaluar ishim në Kupat e Europës, ndërsa këtë sezon për shkak të gabimeve tona përfunduam në këtë situatë. Të them të drejtën rezultatet e fundit më kanë mërzitur”.

KOSTIÇ DHE MEZANI  “Në fillim morëm dy trajnerë që “CV” të pasur, ne prisnim që ata të bënin çudi te Luftëtari, por nuk ndodhi kështu. Pastaj i besuam Gentian Mezanit, ai bëri një deklaratë të papërgjegjshme pas humbjes 5 – 1 dhe u detyruam ta largojmë Mezanin. Kur gjenerali dorëzohet, ushtarët demoralizohen, na u ndesh  të ndërhynim. Unë nuk e kisha parë, por një miku im më mori në telefon dhe më shpjegoi se ai kishte thënë se ekipi do të binte nga Kategoria ”.

AHMATAJ – “Të themi të vërtetën ai bëri një punë shumë të mirë, duke mbledhur ekipin. E mora vendimin për ta pezulluar pas ndeshjen me Kukësin për shkak se kisha dyshime për ndeshjen për Tiranën. Për këtë do flas më gjerë kur të mbarojnë këto dy ndeshjet. Edhe për futbollistët e pezulluar do flas pas ndeshjes me Partizanin, pasi nuk dua të hap plagë”.

ALEKSI DHE XHEKSON – “Albano Aleksi e kishte në kontratë që dy muaj para se t’i mbaronte marrëveshje që të besonte me ne, për kërkesat e tij. Ai nuk pranoi asnjë nga telefonatat e mia. Me Xheksonin do të diskutojmë për vazhdimësinë, gjithçka mund të arrihet”.

E ARDHMJA – “Luftëtari është një skuadër që do të shkruajë histori në kampionatin shqiptar. Do të shikoni lojtarët që do të vijnë, disa prej tyre do të jenë të Kategorisë Superiore, por edhe kampionateve jashtë. Së shpejti do të kemi dhe ekip femrash të Luftëtarit. Jemi duke mbyllur një kontratë me një skuadër të njohur në Europë që është thuajse çdo vit në Champions League. Me këtë marrëveshje ata do të sjellin eksperiencën e tyre dhe në të mirë të akademisë sonë. Nuk mund ta them akoma emrin e klubit. Do ta bëjmë ekipin shumë më të fuqishëm”.

PROBLEMET FINANCIARE – “E vërteta është që kemi pasur probleme me financat. Kemi shlyer shumë detyrime te vjetra, që nga Milinkoviç, Toledo dhe Bojom. Gjithsesi, klubi ka arritur të shesë katër lojtarë deri më tani dha na kërkojnë edhe dy lojtarë të tjerë. Këtë vit kemi arritur të dalim me fitim. Nuk më shkon në mendje kurrë për të shitur Luftëtarin. Ky ekip më dhimbset. E kam pasion, unë kam bërë 19 kilometra në këmbë për të parë klubin në kohën në Bonit, Kallucit dhe Brahos”.

BORDI DREJTUES – “Do krijojmë një bord të ri drejtues. Me 11 veta, ku do të jenë pjesë intelektualë të zonës dhe njohës të sportit. Çdo vendimmarrje do të merret aty”.

E ARDHMJA E RUÇIT – “I respektoj të gjithë futbollistët. Ruçi për shembull është një djalë shumë i mirë dhe profesionist. Ai ka dhe dy vite kontratë me ne, por më tha shpjegoi se kishte një hall familjar dhe unë e mirëkuptova. Kështu si veproi Ruçi të vepronte dhe Aleksi, ai nuk i përgjigjej as telefonatave të mija. Nuk ja mohoj atë që ka dhënë në këto katër vite, gjithsesi nuk është i pazëvendësueshëm”.

LOJTARËT NË FUND TË KONTRATËS – “Nga Luftëtari nuk do iki asnjeri. Ramadani është një njeri i veçantë. Të gjithë çunat kanë dhënë shpirtin për Luftëtarin. Me çdo futbollist që i mbaron kontrata do mundohemi të gjejmë marrëveshje për të vazhduar”.

PAGAT – “Presidenti i Tiranës më pyeste gjatë ndeshjes për pagat e lojtarëve tanë dhe unë ia thosha pa mbajtur sekrete. Çuditesha kur më tha se te Tirana, Ngo merrte 8500 euro në muaj, ndërsa kishte lojtarë të tjerë që merrnin nga 6500 euro dhe 6000 euro. Çdo lojtar te Luftëtari do marrë aq sa i takon”.

ELIMINIMI NGA KUPA – “U zhgënjyem shumë. Nuk na takonte ne që të pësonim pesë gola. Nuk i kishim pësuar gjithë sezonit. Nuk është se jam mosmirënjohës që na shpëtoi Kategoria, përkundrazi nëse do të fitonte Kastrioti do të ishim ne në rrezik, ne na shpëtoi barazimi i tyre. Kemi dhe dy ndeshje të vështira ndaj Skënderbeut dhe Partizanit, kjo nuk qëndron”.

AKADEMIA – “Kur u takova me presidentin e ekipit që po bisedojmë për marrëveshjen më përmendi fillimisht për akademinë. Një ekip duhet të nxjerrë nga akademia të paktën një ose dy lojtarë në vit. Akademia do të jetë pikë kyçe e projektit tonë të ardhshëm”.

NDESHJA – “Një ndeshje shumë me presion, nga të gjithë faktorët, pasi përballë kishim një skuadër shumë të fortë, që ka një organikë që të sulmon dhe të vë në vështirësi. Ata janë të aftë të shënojnë nga çdo pozicion, pavarësisht se ti mund të marrësh masa. Këto 3 pikë ishin mjaft të rëndësishme, por matematika nuk e ka thënë akoma fjalën e saj, ndaj nuk duhet të relaksohemi.

SEZONI I MBETUR – “T’i urojmë titullin Partizanit fillimisht, por kjo nuk do të thotë që ata do të vijnë për shëtitje në javën e fundit këtu. Na presin një ndeshje ndaj Skënderbeut dhe një ndaj Partizanit, dy ekipe elitare, që mund të na hapin shumë punë.

NDESHJA – “Ta fillosh pjesën e dytë me një penallti dhe pas 5 minutash të marrësh një gol tjetër në një aksion të parrezikshëm, ku dy lojtarë janë të shtrirë në tokë, ishte shumë keq për ne. Skuadra nuk ishte në ditën e saj më të mirë. Në moment që je në disavantazh të dy golave, nuk kishim çfarë të humbnim më. Skuadra nuk e mori veten, gjatë gjithë takimit. Lojtarët i kanë ndeshje të rënduara këtë, pasi lojtarët e rinj nuk kanë stabilitet. Kjo gjë bëri që ta humbnin ndeshjen në këtë mënyrë. Deri te penalltia, vajtëm shumë mirë, por më pas u ndikuam psikologjikisht dhe nuk kam fjalë çfarë të them”.

PENALLTIA – “Nuk merrem me arbitrat dhe nuk do të merrem asnjëherë. Ai ashtu e mendoi dhe e vendosi. Kjo ndikoi shumë për ne, sepse sapo kishim hyrë në fushën e lojës. Na ndëshkoi dhe aty mbaroi çdo gjë. Nëse nuk ka qenë penallti, do të na vijë shumë keq”.

REZULTATI – “Po të shikosh lojën, loja ishte shumë e mirë deri në minutën e 53’. Më pas, aktivizuam 5 sulmues dhe ekuilibrat u prishën. Por ky rezultat nuk do të ndikojë në kampionat, pasi objektivi ynë kryesor është qëndrimi në Superiore”.

TIRANA FAVORITE – “Ne jemi ndeshur tre herë përpara me Tiranën. Vinim te kjo ndeshje me vetëm barazime. Ekuilibrat u prishën në pak minuta dhe në disa episode në këtë ndeshje. Penalltia dhe goli i tretë i Ngo, pas këtyre episodeve i prishëm ekuilibrat. Ne arritëm te golat, por nuk vlen gjë, pasi ekuilibrat u prishën”.

DËMTIMET – “Nuk e kam të qartë se ku i kam dëmtimet e lojtarëve, pasi kanë dëmtime te ligamentet e gjurit. Ramadani ka një dëmtim të hershëm dhe e ka humbur formën fizike. Të humbësh kaq shumë lojtarë në një skuadër është shumë e vështirë të kesh ekuilibër. Por po e them prapë që ne kemi bërë një ndeshje shumë të mirë, aktivizuam tre sulmues për të arritur te golat, por pësuam shumë edhe për meritë të Tiranës, ata kanë shumë kualitet dhe cilësi”.

Eksperienca dhe dëmtimet e shumta janë dy ndër faktorët në disavantazh të Luftëtarit sipas Ahmatajt. Në daljen për shtyp për këtë ndeshje, tekniku bluzinjve tha se do të jetë i  detyruar t’i besojë lojtarëve të rinj.

“Ndeshjet fitohen në fushë dhe jo me deklarata. Vijmë në këtë takim të cunguar pas na mungojnë shumë lojtarë bazë të skuadrës, por kam shumë besim te brezi i ri dhe të lojtarët që stërvit”.

“Favoriti i kësaj gjysmëfinaleje është Tirana për faktin sepse është një skuadër që ka fituar shumë trofe dhe ka luajtur shumë ndeshje të tilla në këtë nivel dhe më lartë se ky nivel, ndërsa Luftëtari është në herë të parë për këtë situatë. Gjithsesi do bëjmë maksimumin për të kapur objektivin”.

“Ndonjëherë ndeshjet pa tifozë nuk i pëlqejnë askujt pasi futbolli në fund fare luhet për tifozët, janë ata që i japin adrenalinë futbollistëve dhe rrisin nivelin e lojës të lojtarët me thirrjet e tyre, por jemi të detyruar të luajmë kështu”.

NDESHJA – “Ishte një ndeshje e vështirë, Teuta ka një skuadër cilësore dhe mbulon çdo sektor të fushës. Patëm vështirësi në fillim të ndeshjes, pasi ndryshimet në formacion donin kohë që të përshtateshin. Krijuam shumë mundësi për të fituar dhe për të triumfuar në një ndeshje, duhet të punosh me besim, që të arrinim te goli. Po të bënim pak më mirë, mund të gjenim golin dhe të shënonim. Ndeshja mbaroi në barazim”.

FORMACIONET – “E kisha planifikuar pjesën që kundërshtari do të luajë me 2 sulmues. Me kalimin e minutave, hapësirat do të krijoheshin për ne dhe duhet t’i shfrytëzonim. Të dyja skuadrat bënë ndërrime të detyruara dhe ndeshja shkoi drejt barazimit”.

KUKAJ – “Sido që të ishte shprehur në fushën e lojës, nuk ka asnjë lloj vlerësimi për atë djalë. Ai meriton komplimente, luajti ndeshjen e parë. Të gjithë kemi luajtur ndeshjen e parë dhe kemi pasur emocione. Edhe nëse do të bënte gabime, ne vetëm do e mbështesnim”, përfundoi Ahmataj.

POZICIONIMI I ALEKSIT – “Aleksi ka shumë ndeshje që luan në atë pozicion (mesfushor para mbrojtjes), që pas dëmtimit të Ramadanit. Ka qenë ekuilibrus i skuadrës sonë, na ndihmon si në fazën mbrojtëse, por edhe atë sulmuese. Të them të drejtën na ka munguar disi ajo çfarë Aleksi  i jep skuadrës në fazën sulmuese”.

BARAZIMI NDAJ TIRANËS – “Në fillim kërkova më shumë se ç’duhet, por ma kishte imponuar skuadra me ndeshjet që kishte kryer më përpara. Prej kësaj mu krijua përshtypja se skuadra do të ishte më kreative në sulm”.

NDESHJA – “Jam i pakënaqur me atë që dhamë në fushën e lojës dhe unë jam fajtori i parë. Skuadra më dha shumë besim, që mund të tentojmë më shumë, mund të vinim në vështirësi skuadrën kundërshtare, por nuk ia dolëm te jemi gjatë gjithë kohës të rrezikshëm. Kundërshtari mund të na kishte shënuar edhe gola të tjerë”.

PRAPAVIJA – “Përballë kishim një skuadër shumë të fortë. Në varësi të skuadrës që ke përballë, bën dhe strategji. Tirana ka një ekip shumë të fortë dhe shpeshherë na kanë vënë në vështirësi. Kjo gjë na detyroi të kthehemi më prapa, por dhe lodhja fizike. Kemi dhe shumë mungesa, Ramadani, Rrapa, Hoxha luajti i dëmtuar. Më vjen mirë sepse siç erdhi ndeshja, rezultati shkoi në barazim. Kjo pikë na shërben për vazhdimësinë”.

LLOGARI – “Jo, nuk ishte një barazim me llogari. Nga një ndeshje, duhet të marrim maksimumin e skuadrës në atë ndeshje. Në këtë takim, morëm maksimumin që mund të merrnin. E rëndësishme ishte të mos e humbnin këtë ndeshje në një ditë jo të mirë tonën. Po t’i referohesh ndeshjes, kjo ishte një nga më të dobëta tonat”.

LOJTARËT E RINJ – “Ne duhet t’i japim eksperiencën e duhur lojtarëve të rinj, të marrin dhe ata minutat që iu takojnë. Fillimisht, lojtarët e rinj duhet të stabilizohen fizikisht, pasi nuk kanë luajtur në fazat e para të kampionatit. Kanë ndjerë vështirësi në lojë”.

RAMADANI DHE GJYKIMI – “Nuk merrem me gjykimin, kurrë nuk do të merrem. Merret dikush tjetër me këtë aspekt. Ramadani? Ka qenë i dëmtuar, ka filluar të stërvitet individualisht. Para dy ditësh, i është bashkaur grupit, por nuk e ka kaluar ende periudhën e rikuperimit”, u shpreh Ahamtaj.

NDESHJA –“Duhet të rikthehemi shumë në kohë që të gjejmë një gjysmëfinale që mbyllet që në ndeshjen e parë. Tirana bëri mirë, e bllokoi manovrën sulmuese tonën, e përgëzoj trajnerin Mema. Të dyja skuadrat ishin të vendosura mirë taktikisht.  Çdo gjë është e hapur

PRETENDIMI PËR PENALLTINË – “Nuk komentoj rastet, pasi kam vendosur të mos flas për asnjë vendim të arbitrave”.

MUNGESA E DUNGËS – “Mungesa e një lojtari si Dunga që ka bërë mirë ndihet. Janë mjekët që po merren me rikuperimin e tij. Ka një problem shëndetësor, besoj se do të jetë gati. Ne kemi shënuar në çdo ndeshje. Dunga ka shënuar pesë gola. Mund të them së shpërndarja e golave ka qenë e mirë, kanë shënuar dhe mbrojtësin e mesfushorët. Sot duhet përgëzuar dhe lojtari i ri Oshafi, një 19-vjeçar. Kemi dy alternativa për repartin e sulmit”.

KAMPIONATI – “Kam kërkuar që të jemi të vëmendshëm në çdo aspekt. Them se këtë e kemi bërë mirë, pasi ekipet kundërshtare e kanë të vështirë të na shënojnë”.

KRAHASIMI ME KAMZËN E VJETSHME – “Me Kamzën na shërbyen mirë rezultatet e para. Atëherë isha një trajneri më i ri dhe më duhet që fillimisht të bindja lojtarët. Te Luftëtari kam gjetur një skuadër më inteligjente. Kemi pasur shumë kohë për të përgatitur ndeshjet”.

Në daljen për shtyp që i paraprin transfertës së nesërme ndaj Flamurtarit, Ahmataj vuri theksin te situata e dëmtimeve, diçka për të cilën ai theksoi se do të marrë masa duke menaxhuar siç duhet grupin e lojtarëve që ka në dispozicion.

“E sigurt është do të japim maksimumin në ndeshjet tona. Askush nuk hyn në një ndeshje për të mundur ose për të mos rezultatin pozitiv. Nuk do t’i mendoj kurrë pikët para ndeshjes, por vetëm pas ndeshjes. Atë që jep në fushë atë merr, kjo është ajo që duhet t’i ngulis në kokë futbollistëve, që ata të hyjnë në ndeshje më mentalitet fitues”.

“Duhet të menaxhojmë lojtarët pasi në këtë fazë finale është shumë e rëndësishme që të mos kemi shumë dëmtime, pasi më pas mund të penalizohemi në cilësinë e skuadrës siç na ka ndodhur me kapitenin Ramadani që është i dëmtuar”.

Sulmuesi anësor Realdo Fili u shpreh se dëshiron tw ndihmojw duke shënuar. Goli i fundit i fierakut në Kategorinë Superiore daton thuajse tre muaj më parë në takimin e 27 janarit kundër Kastriotit: “Shpresoj që unë të ndihmoj ekipin jo vetëm me lojë të mirë, por edhe me gola dhe asiste, pasi janë të rëndësishme. Kryesorja është që ekipi të marrë rezultat pozitiv dhe të arrijmë objektivin”, përfundoi Fili.

Tekniku 39-vjeçar u pyet mbi deklaratat e trajnerit tw Tiranws Adrian Mema, kur ky i fundit përdori fjalwn provinca. Sipas Ahmatajt deklarata ishte e nxituar dhe jo e duhura, por diçka qw ai e mirwkupton si pasojë e stresit shkaktohet te trajnerët gjatw ndeshjeve.

DEKLARATAT E MEMËS MBI PROVINCAT – “Mos i merrni për bazë deklaratat që trajnerët japin në përfundim të ndeshjeve. Trajnerëve u ngarkohet shumë stres gjatë ndeshjeve. Të gjitha problemet e klubit në ato momente bien mbi shpinën e trajnerit. Në aspektin emocional nuk është momenti i duhur për të dhënë deklarata. E shikoj pak të nxituar, kështu e kuptoj. Natyrisht nuk ishte deklarata e duhur, por në unë e mirëkuptoj pasi dhe unë në momente të nxehta mund të them një fjalë që nuk mund të pëlqehet”.

LUFTËTARI – “Nuk është rastësore që gjithë këta lojtarë që dalin nga kjo skuadër. Presidentët bëjnë një punë shumë të mirë. Kemi një drejtor që quhet Gentian Nora. Ai punon shumë mirë dhe njeh çdo futbollist dhe ka sy për të përzgjedhur elementët e duhur”.

KONKURRENCA PËR NJË VEND NË EUROPË – “Është një garë shumë e fortë. Ky kampionat ka treguar se nuk ka më shumë diferenca. Skuadra që do të jetë në momentin më të mirë në hapat finalë do të jenë ato që do të kapin Europën. Ka të bëjë dhe me fatin, dëmtime e kartonat. Është një luftë shumë e fortë”.

EUROPA NËPËRMJET KUPËS – “Në radhë të parë objektivi i parë i skuadrës është largimi sa më i shpejtë nga zona e ftohtë, ky është objektivi. Pa diskutim që jemi në gjysmëfinale të Kupës dhe prej asaj mund të shkohet në Europë”.

FLAMURTARI – “Kanë një trajner që punon shumë mirë taktikisht kisht me skuadrën. Futbollistët me të cilën po punon kanë shkuar aty ku ai kërkon dhe kanë marrë një eksperiencë të mjaftueshme për të qenë të denjë për të përballuar rezultatin. Kjo na e bën shumë të vështirë, në situata të tjera ku ka qenë Flamurtari këtë sezon mund ishim ndjerë më komod për të marrë një rezultat më të thjeshtë. Ndeshje e parë e imja ndaj tyre ishte ndër më të vështirat nga aspekti taktik. Asaj skuadre nuk i gjen dot gabime pavarësisht elementit të ri që kanë brenda skuadrës”.

“Për mua Partizani është shpallur kampion. Kanë ditur të menaxhojnë mirë kampionatin. Tani po vuajnë pjesën e dëmtimeve. Të fitosh titullin nuk është thjesht të kesh një skuadër. Është diçka shumë komplekse. Duhet të dish si të përjetosh krizat e ndryshme. Titulli fitohet me organizim të klubit”.

“Unë mendoj që klubet duhet të bëjnë zgjedhje profesioniste. Trajneri duhet të përzgjidhet tre ose katër muaj para. Duhet analizuar mënyra e lojës dhe stërvitjes vendimet që merren. Këtu pushohet trajneri  dhe më pas hidhet një sy vërdallë te trajnerët që janë në dispozicion”.

“Puna është çelësi i suksesit. Grupi është impenjuar, meritat janë të lojtarëve për këto rezultate, Duhet përqendrim dhe të vazhdojmë me këtë ritëm. Kemi akoma për të dhënë në këtë kampionat”.

“E kam thënë që ditën e parë që nuk kemi kundërshtarë, kemi veten. Po i bëmë gjërat drejt në fushë, asnjë nuk na shënon rrjedhshëm. Pësojmë vetëm kur gabojmë. Ne shohim ndeshjet e radhës. Kam këmbëngulur që nuk kemi punë me ndeshjet e tjera. Ata kanë për detyrë të japin maksimumin dhe secili të marrë të mirat e kësaj loje”.

“Të gjithë komponentët janë në harmoni të plotë. Baza e skuadrës më ndjek dhe kur ndodh kjo gjërat shkojnë mirë. Lojërat kanë ardhur në rritje. Tentuam ta mbyllnim ndeshjen, mund të shënonim. Nuk kemi luksin të jemi kavalierë. Jemi në situatë të vështirë, ndaj nuk mund të bëjmë futboll të hapur. Na duhet ekuilibër”.

“Aleancat? Nuk marr pjesë tek aleancat. Jam trajner dhe merrem me stërvitjen. Nuk di të ketë aleanca. Nuk di të ketë. U mendua se na lejuam të ecim në Kupë, por e vërtetuam që nuk ka aleanca. Duhet të largohen këto dyshime në futboll. Ju garantoj që nuk kam informacion për aleanca”.

“Kupa do të na vërë në vështirësi, pasi kemi shumë pak lojtarë. Me kontigjentin që kemi, nuk mund ta përballojmë dot edhe kampionatin, edhe Kupën. Përveç Ramadanit, kishim dhe 2-3 lojtarë tjerë të dëmtuar. Nuk është e logjikshme që do të jenë kaq shumë ndeshje në pak javë, pasi kështu vetëm na dëmtohen lojtarët

Nuk ka ndeshje të lehtë, të gjitha ndeshjet janë të vështira. Sa më shumë vjen fundi i kampionatit, ndeshjen vështirësohen edhe më shumë. Do të jetë një ndeshje shumë ndryshe në kampionat, pasi Partizani po kërkon titullin kampion”, tha Ahmataj.

KUALIFIKIMI – “Padiskutim që jam i kënaqur nga puna që bëjë futbollistët në stërvitje. Kishim disa vështirësi, pasi sot kishim detyra të shtrënguara. Duhet të humbnim pak nga loja sulmuese dhe të ishim korrekt në fazën difensive. Vetëm kështu do të arrinim kualifikimin”.

OBJEKTIVAT – “Kur kam ardhur në Gjirokastër, Kupa nuk ka qenë fare në horizont. Por ndeshjet vazdhuan, puna vazhdoi dhe skuadra u rrit shumë. Do të jemi në maksimum deri në fund të kampionatit. Duam vetëm ndeshjet e kampionatit, por nëse kemi kontigjentin e duhur, do të shkojmë sa më larg dhe në Kupë. Duhet parë kalendari, pasi të luash 5 ndeshje në 2 javë, nuk më duket e drejtë”.

PARTIZANI NË KAMPIONAT – “Të gjitha ndeshjet janë të rëndësishme. Jam munduar që në gjithë këto ditë, të largoj mentalitetin që ndeshjet fitohen lehtë. Unë iu kam thënë lojtarëve që çdo rezultat pozitiv merret me sakfrifica dhe me punë. Padiskutim që Partizani është drejt titullit dhe ka një diferencë të mjaftueshme me ndjekësit, çka i bën të jenë më të qetë. Ne nuk i shikojmë kundërshtarët nga renditja në tabelë, por nga pikat e dobëta. Ndeshjet e kampionatit janë ndryshe nga ato të Kupës. Do të luhet ndryshe nga të dyja skuadrat”.

ENERGJITË – “Skuadra ka lojtarë që e kanë në genetikë sulmin, sidomos lojtarët e krahut që nuk i frenon dot. Unë kam qenë gjatë gjithë kohës në këmbë duke i qetësuar, por lojtarë të veçantë kanë harxhuar energji pafund. Kjo gjë më detyroi të bëj dhe ndërrime. Në kohën time, nuk kam luajtur në një situatë të tillë që është Luftëtari sot. Kam pasur dhe unë momentet e mia kur nuk e kaloja mesin e fushës dhe ruaja enërgjinë për ndeshjen e radhës”, tha Ahmataj.

NDËRPRERJA E KAMPIONATIT – “Ne duhet ta shfrytëzojmë mirë këtë periudhë. Të mbajmë ritmin lart, të përgatitemi mirë që të jemi në formë sa më optimale kundër Skënderbeut”.

KUALIFIKIMI NË KUPË – “Për mua, nuk ka kualifikim të mundshëm. Ka kualifikim ose eliminim. Futbollit nuk i dihet asnjëherë gjatë 90 minutave, e jo me gjatë 180, sidomos kundër. Ne do t’i japim rëndësinë e duhur Partizanit, por objektivi ynë kryesor është mbijetesa në Superiore”.

OBJEKTIVAT – “Ne merremi vetëm me skuadrën tonë, kemi rival vetëm veten tonë. Duhet të përmirësohemi dhe të marrim sa më shumë pikë. Të gjithë futbollistët që kam në dispozicion iu kërkoj të jenë në maksimum, të stërvitem mirë, të jenë profesionist. Vetëm kështu mund të bëjnë një karrierë shumë të mirë dhe t’i marrin maksimumin futbollit”, përfundoi Ahmataj.

RASTET – “Padiskutim që mundësi për të shënuar kemi pasur dhe në pjesën e parë, me aksione të rrjedhshme. Disa lojtarë kanë ardhur me vonesë në merkaton e janarit dhe nuk janë ende gati fizikisht. Gjithsesi, me kalimin e javëve po rriten dhe po ambientohen me skuadrën”.

ROTACIONI – “Kemi një grup lojtarësh që duhet t’iu japim besim që të shprehen në fushën e lojës. Ne nuk kemi një 11-she statike, pasi kemi dhe 6-7 lojtarë tjerë thuajse të një niveli. Nuk i lashë pushim për shkak të kalendarit, pasi vinim nga një pauzë e gjatë, por thjesht për t’iu dhënë minuta”.

TOLERIMET – “Kjo është një pyetje që nuk i bëhet një trajneri. Nuk mund t’i jap përgjigje kësaj pyetje. Unë stërvis lojtarët dhe punoj që të marr maksimumin. Nuk është në kompetencën time të bëj zgjedhje të tilla!”

XHEKSON – “Është një lojtar inteligjent. Kur është i përqëndruar, e bën mirë dhe fazën difensive, jo vetëm në sulm. Ka ardhur nga një dëmtim, por ai i ka aftësitë për të bërë edhe më shumë. Jam munduar t’i hap një ndihmë në krah, duke e dubluar, pasi Asani është një lojtar i rrezikshëm”.

KUALIFIKIMI – “Nuk është mbyllur çësthja e kualifikimit, pavarësisht se kemi marrë një rezultat favorizues. Asgjë më tepër, duhet të sakrifikojmë dhe në ndeshjen e dytë, pasi në Kupë mund të fitosh një ndeshje, por prapëseprapë eliminohesh. Kemi ende punë”.

GJYSMËFINALET PËR HERË TË PARË – “Padiskutim që do të jetë motivim më shumë. Futbollistët duhen ushqyer me frymën se çdo ndeshje, është si e fundit. Motivimi duhet të jetë maksimal për çdo sfidë, pasi kanë fatin e madh që zbresin në fushën e lojës dhe mbrojnë ngjyrat e një skuadre”, përfundoi Ahmataj.

NDESHJA NË KUPË – “Ndeshja e kupës është kundër një skuadre shumë të fortë. Që të përballosh kupën, duhen lojtarë dhe kontigjent më të plotë. Kalendari është shumë i ngjeshur dhe ne duhet të bëjmë rotacion, pasi e kemi më të rëndësishëm kampionatin. Në kupë do të japim maksimumin”.

FILOZOFIA E LOJËS – “Jo vetëm kundër Partizanit, por kundër kujtdo skuadre mundohemi të mos pësojmë gol. Kjo moto na ka udhëhequr deri më tani. Në futboll ka gabime, pasi pa gabime, nuk mund të shënohet asnjë gol”.

NDËRPRERJA E KAMPIONATIT – “Mendoj se të gjitha skuadrat i ka ndihmuar ndërprerja e kampionatit. Kalendari ishte shumë i ngjeshur dhe të gjithë kishim lojtarë jo mirë në gjendjen fizike. Tani janë rikuperuar disa dhe të shohim me optimizëm të ardhmen”.

TEUTA – “Është një skuadër e fortë dhe prandaj ka pretendime madhore në këtë kampionat. Kjo sfidë do vlerësim maksimal nga ana jonë, por jo mbivlerësim. Duhet të japësh maksimumin, pasi në një ndeshje futbolli ka hapësira pafund dhe të dyja skuadrat do të kenë mundësinë të fitojnë takimin”.

OBJEKTIVI – Gjithmonë, gjithmonë mendojmë vetëm për të fituar. Stërvitemi për të fituar çdo ndeshje dhe nuk ka rëndësi kë kundërshtar kemi përballë. Se sa do të arrijmë ta bëjmë këtë gjë, mbetet për t’u parë pas ndeshjes.

TIFOZËT – Padiskutim që ndeshjet luhet për tifozët, pasi janë ata që jetojnë çdo ditë me futbollin. E ndjej në gjithë qytetin këtë gjë, pasi këtu ka pasur një skuadër shumë cilësorë, me lojtarë që janë shitur edhe jashtë. Por unë ju garantoj se edhe lojtarët që janë aktualisht të Luftëtari, do të japin maksimumin për këtë fanellë”,- përfundoi Ahmataj.

Në një intervistë për “RTSH Sport”, 22-vjeçari ka zbuluar se çfarë ka ndryshuar te skuadra me ardhjen e trajnerit Julian Ahmataj dhe për synimet që ai ka për të ardhmen.

FILLIMI –  “Ishte profesor Hasan Lika ai që më dha besimin dhe më futi në fushë”.

“E para e punës është besimi. E gjithë skuadra do të ketë besim. Është një ëndërr për mua që të iki jashtë Shqipërisë. Kjo gjë varet  nga puna që unë do bëj. Normalisht që skuadra do të qëndrojë në Kategorinë Superiore. Kemi lojtarë shumë të mirë dhe prurjet e reja janë përshtatur mirë”

POZICIONI IDEAL – “Unë jam mbrojtës i djathtë, por mund të luajë dhe në krahun e majtë. Këtë sezon trajneri më kërkoi të luaja më përpara”.

AHMATAJ – “Ai ka besim te çdo njeri në skuadër. Kjo ka bërë që të jemi një skuadër akoma më e bashkuar”, përfundoi Demo.

Edhe Flamurtari përballë Skënderbeut është një sfidë shumë interesante dhe delikate për të dyja skuadrat. Të besuarit e Shehit u rikthyen te fitorja përballë Laçit dhe synojnë të ruajnë ecurinë, por përballë do të kenë Flamurtarin, skuadër që kërkon medoemos të lërë pas problematikat e javëve të fundit.

Trajnerët kanë zgjedhur formacionet e tyre për këto sfida, ky në sy bie formacioni i Ardian Memës, i cili nuk ka aspak ndryshime. Doka mungon për shkak kartonësh dhe i besohet Kërçikut. Ahmataj luan me Dungan në majë të sulmit, me mbështetjen e Demos dhe Filit nga krahët.

Daja nuk preferon të bëjë ndryshime, me Bathën sërish në majë të sulmit. Nga krahët do të luajnë Musta dhe Kale, me Torasën që pritet të ketë një rol të lirë pas sulmuesit.

Shehi i beson sërish në mbrojtje të riut Pëllumbi, i cili do të ketë partner në prapavijë të rikthyerin Radash. Në majë të sulmit Krasniqi, ndërsa nga krahët do të ketë shumë cilësi, me dy lojtari si Muzaka dhe Pervan.

Kategoria Superiore – Java 22
E diel, më 17 shkurt, ora 17:00

TIRANA – LUFTËTARI

Tirana: Abibi, Kërçiku, Turtulli, Imami, Hoxhallari, Karabeci, Daja, Hasani, Halili, Greca, Ngo. Trajner: Ardian Mema

Luftëtari: Ruçi, Rapa, Hoxha, Koconis, Xhekson, Ramadani, Aleksi, Rapo, Demo, Fili, Dunga. Trajner: Julian Ahmataj

Gjyqtarë: Kridens Meta, Egin Doda, Astrit Mahmuti, Laver Alla

Delegat: Lysien Nurishmi; Vëzhgues: Ilirjan Kristo

FLAMURTARI – SKËNDERBEU

Flamurtari: Koliçi, Ribaj, Pollozhani, Veliu, Kotobelli, Mustafa, Rrapaj, Kale, Torasa, Musta, Batha. Trajner: Ilir Daja

Skënderbeu: Dajsinani, Vangjeli, Radas, Pëllumbi, Abazi, Dita, Taipi, Sibo, Muzaka, Pervan, Krasniqi. Trajner: Orges Shehi

Gjyqtarë: Eldorjan Hamiti, Ridiger Cokaj, Ani Kociaj, Klodian Shahini

Delegat: Petrit Brahja; Vëzhgues: Plarent Kotherja

TIRANA – “Tirana është një skuadër shumë e fortë. Është e organizuar mirë dhe mund të mposhtë cilëndo skuadër. Në të ardhmen synon të fitojë dhe titullin kampion dhe ka shumë lojtarë cilësorë në përbërje”.

REZULTATI – “Ne kemi në dorë që t’i bëjmë më mirë gjërat, të përmirësohemi nga dita në ditë. Rezultati i mbetet fushës dhe do fitojë skuadra që shprehet më mirë në fushën e lojës”.

GJENDJA E SKUADRËS – “Nëse në ditën e ndeshjes nuk je me impenjim dhe vëmendje maksimale, çdo gjë shumohet dhe të kalon në disavantazh. Ky nivel që të futbollisti të jetë në gjendje optimale duhet të jetë prezent, sidomos përballë Tiranës”.

DËMTIMET – “Në vazhdimësi të stërvitjeve, nuk kemi asnjë të dëmtuar. Vlerësojmë kontributin e çdo lojtari. Do t’iu japim shanse shumë lojtarëve, që të më tregojnë ato që kanë treguar gjatë gjithë javëve në stërvitje”, përfundoi Ahmataj.

NDESHJA – “Për rezultatin nuk jam i kënaqur, vetëm fitorja të kënaq. Më kënaq loja, ishim në ekuilibër. U munduam t’i jepnin shanse vetes deri në fund. Patëm rastet tona dhe nuk shënuam. Kemi aktivizuar dy djem të rinj, pasi të ardhurit duan kohë”.

SKUADRA – “Kam një ide më të qartë për skuadrën, kemi një ekip me djem të mirë. Duan kohë, stërvitje dhe angazhim për të shkuar përpara. Nuk kemi luksin të bëjmë futboll brilant, por duhet t’i marrim maksimumin ekipit dhe çdo lojtari”.

DUNGA –  “E kuptoni që Flamurtari ka ekip të mirë, sidomos përpara. Kanë pesë lojtarë, duke futur edhe Rrapajn. Duhet ekuilibër. Nëse Aleksi shkonte lart, mund të na ndëshkonin. Menduam të ishim më të kujdesshëm. Rastet i patëm dhe mendoj se funksionoi”.

AGRESIVITETI – “Në fillim u munduam të ishim agresivë, por kishim një skuadër që i kishte marrë masat. Në futboll duhet dhënë mundësia që të shprehen. Nuk mund të dominosh tani, duhet ekuilibër dhe më pas të ngrihesh dhe të jesh agresiv. Pa ekuilibër nuk e bën dot. Filtron topi dhe bëhesh skuadër shumë e lehtë. Luftëtari është mundur në të shkuarën në shtëpi për shkak të mungesës së ekuilibrit. Duhet kohë për të arritur tek ajo që duhet”.

PENALLTIA – “Nuk jam marrë asnjëherë me arbitrat. Nuk e kam rastin, ta shoh përpara. Siç gabojmë ne, gabojnë edhe arbitrat”.

“Në një ndeshje futbolli, skuadra i ka marrë sinjalet që po luftove shumë, mund të bësh një llogari dhe mund të marrësh pikë. Ne jemi munduar të jemi me këmbë në tokë dhe të mos jemi euforikë.

Padiskutim që mungesa kemi, edhe ndeshjen e kaluar kemi pasur mungesa, madje më shumë seç kemi këtë javë. Mendoj se lojtarët që janë në dispozicion për të përballuar ndeshjen, do të marrin më të mirën nga kjo sfidë.

Siç e kam thënë dhe në ndeshjen e parë që ne nuk do të shkojmë në ndeshje për barazim ose për të humbur. Besojmë te mbijetesa. Ne shikojmë me pozitivitet dhe kërkojmë maksimumin në çdo takim”,- tha Ahmataj.

Dimitris Kotsonis është zyrtarisht futbollist i Luftëtarit. Me anë të një njoftimi në Instagram, klubi ka zyrtarizuar firmën me futbollistin grek. Po ashtu, në dispozicion për Ahmatajn do të jenë dhe Maldin Ymeraj, që është rikthyer nga dëmtimi, si dhe kapiteni Ramadani, që do të rikthehet në fushë pas pezullimit.

Njoftimi i klubit të Luftëtarit

Klubi njofton arritjen e marrëveshjes me lojtarin Dimitris Kotsonis. Qendërmbrojtësi nga Greqia është një tjetër përforcim për ekipin,pasi ka arritur akordin me drejtuesit tanë. Kotsonis ka luajtur për ekipe të njohura në Greqi, si Pas Lamia, Apollon Smyrnis, Paniliakos, Aris Saloniki, Panachaiki dhe Trikala. Ai pritet të debutojë nesër në ndeshjen kundër Laçit.

“Kemi gjithsej 80 milionë lekë të vjetra për gjithçka, nga topat gjer te grumbullimet. Merr kë të duash. Duam të shpëtojmë”. Julian Ahmataj u kthye gati tre javë më parë nga Burreli pa asnjë mëdyshje. Mund t’ia dal. Ishte e vështirë sa të duash. Burreli kishte 6 pikë dhe gjendej në vendin e fundit. Merkato e janarit nuk premtonte shumë, ndërkohë që konkurrentët kishin organikë dhe mbështetje. Me kaq para është pothuaj e pamundur të bësh gjëra të rëndësishme. Ahmataj është një nga ata që nuk frikësohet. Sezonin e shkuar mori Besën në një situatë të ngjashme dhe e shpëtoi, ndërsa në pjesën e parë të sezonit punoi me Korabin duke e lënë në vendin e tretë. Por Burreli ishte një sfidë e vërtetë. Ai është një trajner që dëshiron lart, dhe dështimi do ish relativisht një hap mbrapa. Për më tepër Burreli është klub bashkie dhe nuk ka president. Në realitetin e Kategorisë së Parë, presidentët janë shumë të rëndësishëm. Ndoshta më mirë kështu. Mori përgjegjësinë e zgjedhjes së lojtarëve dhe harton vetë deri në detaje çdo gjë, deri te uniformat dhe grumbullimet.

Këtë të shtunë fitoi 2-1 në Pukë. Nuk ishte e thjeshtë, sepse fillimisht shënuan vendasit dhe më pas 2 gola për të bërë përmbysjen e madhe. Në 4 ndeshje janë marrë 10 pikë, madje ka fituar në fushën e vështirë të Kavajës e ka mundur dhe një ekip ekspert në këtë nivel si Besëlidhja. Kush është çelësi i suksesit?

Përzgjedhja e lojtarëve ka qenë e kujdesshme. Osmanllari dhe Ivani erdhën në huazim nga Skënderbeu. Me Osmanllarin ka punuar dhe te Korabi, ashtu sikundër portierin Selaci e ka pasur dhe në Kavajë dhe te Korabi. Levendi erdhi huazim nga Tirana, prej ku erdhi edhe qendërmbrojtësi goleador Johan Beçka, autor i dy golave me vlerë 6 pikë në vitin e ri, ndërkohë që Bërdufi është një lotjar shumë i fortë. Në mesfushë afroi Fejzon, ish-lojtar i Bylisit, 20-vjeçar që në të shkuarën ka mundur pothuaj i vetëm Partizanin në Superiore. Mesfushë e sulm i bën shkëlqyeshëm një lojtar që është gati për Superiore, Majkel Peçi, një që fatkeqësisht nuk ka pasur besimin e duhur nga Tirana.

Burreli është i fortë dhe bën një futboll të mirë. Disa shenja u dhanë në miqësoren kundër Lirisë së Prizrenit në janar. Ndeshja përfundoi 3-1 për të besuarit e Shkëmbit, por pjesa e parë, ajo ku le të themi luajnë titullarët, shkoi në barazim1 1-1. Shkëmbi dhe Ahmataj janë i njëjti brez dhe pas ndeshjes konsumuan një kafe duke kujtuar kohët e vjetra. Kanë të dy një të përbashkët. Karrierën si trajner e kanë nisur nga dera e pasme, me këmbë në tokë dhe me predispozitën për t’u ngjitur.

Në Burrel janë të kënaqur. Një javë më parë në stadium ishin rreth 1500 vetë. Burreli i kishte humbur shpresat për qëndrim në Kategorinë e Parë, ndërsa këtë javë e panë dikë pas, Besën e Kavajës. Kanë marrë 10 pikë në këtë 2018 dhe nuk duan të ndalen këtu. Duan mrekullinë, të shpëtojnë duke qenë në 5 më të mirat para fazës së tretë, aty ku më pas e kanë të paktën të sigurt mbijetesën.

Gjergji Stefa

Ish-futbollisti i njohur, i cili vitet e fundit i është futur profesionit të trajnerit, drejtoi Besën sezonin e shkuar dhe tashmë ndërmerr një aventurë të re, por edhe të rrezikshme, sepse Korabi është pas me përgatitjet dhe ka nevojë për shumë lojtarë, duke parë eksodin veror.

Mësohet gjithashtu se ndihmëstrajner do të jetë Akil Jakupi, ndërsa trajner i portierëve është caktuar Blendi Vashaku.

Kategoria e Parë do të startojë në mesin e muajit të ardhshëm, ndaj Ahmataj ka vetëm 3 javë kohë për të ndërtuar një skuadër dinjitoze dhe të aftë të qëndrojë pa vuajtje në të Parën.