“Agustin Torasa është zyrtarisht bardheblu. Sulmuesi argjentinas ka nënshkruar marrëveshjen që e bën pjesë të Tiranës për sezonin e ardhshëm me opsionin për të vazhduar bashkëpunimin edhe me një tjetër vit. Torrasa vjen si një përforcim me shumë vlera për skuadrën bardheblu. Ish-futbollisti i Flamurtarit do t’i bashkohet Tiranës në ditët e para përgatitore në muajin korrik”.

Torasa në të shkuarën është aktivizuar edhe te Partizani. Tirana po tenton të nënshkruajë edhe me Idriz Bathën, i cili për më tepër ka mbajtur edhe shiritin e kapitenit te skuadra tjetër e kryeqytetit.

Useini nënshkroi me Renovën, një rikthim për mesfushorin në ish-ekipin e tij. Vlonjatët nuk po i jepnin lejekalimin dhe çështja është zgjidhur nga FIFA. Tashmë ai mund të luajë për Renovën dhe këtë fundjavë pritet të zbresë në fushën e blertë.

Torasa u bllokua të nënshkruante me Janbian në Kinë. Për të nënshkruar atje, argjentinasi ka kohë sot dhe nesër. Flamurtari nuk bën prapakthehu dhe palët do të duhet të përballen në gjyq. Edhe nëse nënshkruan në ndonjë klub, sulmuesi do të duhet të presë FIFA-s që të dalë me një vendim për të.

Raportohet shkrirja e Janbian, që kishte 35.88 milionë dollarë borxhe. Federata Kineze e Futbollit i ka nxjerrë të gjithë futbollistët të lirë dhe u ka dhënë një javë kohë klubeve të tjera kineze për të nënshkruar me ta.

Kështu, Albi Alla dhe Agustin Torasa mund të rikthehen në Vlorë. Qendërmbrojtësi është i lirë dhe mund të transferohet edhe diku tjetër, kurse për argjentinasin situata është më e komolikuar, sikurse edhe ka deklaruar administratori i Flamurtarit, Sinan Idrizi. Sulmuesi nuk kishte gjetur gjuhën e përbashkët për largimin. Mbetet për t’u parë se çfarë do të ndodhë me ta.

“Me Albin kemi biseduar para 20 ditësh, kishte një ofertë të mirë dhe folëm si miq. Nuk biseduam si punëdhënës-punëmarrës. Kam qenë unë ai që i kam thënë, që me këto kushte dhe këtë pagë, të shkojë sa më shpejt atje. Sigurisht për klubin do të ishte një minus i madh, por vendosa të kem primare atë që përfaqëson Albi Alla. Ka qenë një futbollist korrekt dhe shpresoj që pas kësaj kontratë të rikthehet në Vlorë. Unë i uroj suksese dhe pres ngjitjet e tij”, deklaron Idrizi, i cili më tej tregon situatën e krijuar me argjentinasin.

“Me Torasën ka një çështje. Ai ka qenë shumë korrekt në të gjithë aspektet. Klubi ka qenë pjesërisht jo korrekt me të. Në momentin që kërkohet një bashkëpunim i një lloji tjetër, bëhet shantazh dhe klubi me anë të një avokati do e padisë. Është rasti i dytë ose i tretë që na bëhet shantazh. Ditët e fundit Torasa vendosi të largohej. Nuk kemi mirëkuptim në largim, shpresoj të zgjidhim. E përsëris, Albi është histori tjetër, Torasa tjetër. Unë e kuptoj arsyen ekonomike, që të shkosh në një klub ku merr 30 mijë euro pagë në muaj, dhe është krejt normale. Mund të ishim ndarë edhe në një mënyrë tjetër”, shtoi Idrizi.

ALVESH – “Kam  një marrëveshje me Encon Danilo Alvesh. Danilo është realisht në Kazakistan, në një vend ku nuk ka det. Jam i sigurt që shumë shpejt do të kthehet në Vlorë. E merr malli shumë shpejt për Vlorën dhe e di shumë mirë këtë (qesh.) E kuptoj mirë, nuk dua të hyj në batuta. E pres dhe e dua shumë”, shprehet Idrizi.

SITUATA NË EKIP DHE KLUB – Më tej Idrizi foli për situatën në klub dhe pret një përgjigje nga Këhsilli Bashkiak në lidhje me pagesat që kompanitë turke që amdinistrojnë Flamurtarin kanë bërë për borxhet e prapambetura. Ai flet edhe për largimet që ndodhën në janar e së fundmi.

“Largimet? Nuk e di, nuk do doja të ndodhnin. Përgjegjësia së pari bie mbi mua, pro edhe te këta që janë pronarët e Flamurtarit: qytetarët e Këshillit Bashkiak. Minimumi të shkruajnë një letër dhe të thonë e morëm dhe kemi këtë përgjigje. E kam thënë shpesh, më vjen keq për gjithçka ndodh dhe do të më duhet të gjej mënyra të tjera. Nëse Këshilli Bashkiak nuk gjen kohë të na kthejë përgjigje, nuk e kuptoj ç‘ndodh. Flitet për komisione, por nuk na sjellin përgjigje. Nuk dua financim nga Këshilli Bashkiak.

Unë kam bërë disa investime, le të mos i njohin, por për arsye procedurale të kthejnë një përgjigje. Më thoni ku është ligji për privatizimin, se dëgjoj nëpër emisione. Dua të gjej të drejtën time. E kam thënë, hajde ta bëjmë sportin privat. Të gjitha këto bëhen në dëm të sportit. Për respekt të fanellës mundohem të përdor burimet e mia për të mbajtur ekipin, pasi për dy kompanitë ata nuk kthejnë përgjigje.

Kemi dy kompani që financojnë. Kemi edhe një marrëdhënie që na kanë thënë se borxhet e prapambetura janë të tyret. Nuk i dua paratë, nuk më intereson çfarë ka ndodhur më parë. Këto para që kam kaluar, në biznes planin tim nuk duhet të ishin. Është një zinxhir që duhet pikëzuar. Nuk kërkoj lekë, kërkoj përgjigje për pagesat që bëra. Kjo histori duhet mbyllur. Është e pamundur me këto kushte që të vazhdoj me këtë sistem. Kemi ardhur këtu të rindërtojmë një ekip, pasi të jetë ndërtuar klubi së pari. Dua të bëj klub, por është e palogjikshme të vazhdohet kështu. Tani i themi stop.

Dështimi më i madh, e kam thënë, është akademia e Flamurtarit. Kemi dështuar me vlonjatët. Më lumturojnë që janë 5-6 lojtarë, të cilët do bëjnë surprizën. Jam i lumtur nëse këta djem do respektojnë fanellën e qytetit. Largimet kanë qenë jo të dëshiruara, por e mira është se u hapet rrugë këtyre djemve”, përfundoi Idrizi.

Fillimisht ishte argjentinasi ai i cili mori fjalën, duke vënë në dukje forcën e skuadrës bardheblu. Për anësorin, kundërshti meriton të jetë në pozita më të mirë, duke treguar në këtë mënyrë se duhet pasi shumë kujdes, për të evituar çdo lloj surprize të pakëndshme.

“Tirana duhet të ishte më lart, pasi luan bukur. Do jetë ndeshje e fortë dhe duam ta mbyllim vitin me fitore”.

Njëriu i momentit në Vlorë është Danilo Alvesh, pasi golat e tij i kanë sjellë pikë në të gjitha ndeshjet kuqezinjve. Sulmuesi i skuadrës vlonjate u shpreh se ekipi ka vetëm një objektiv, ta mbyllë këtë vit me një sukses. Po ashtu Alvesh veçon se do të bëjë më të mirën e tij për ta ndihmuar sërish ekipin duke shënuar gola me peshë.

 “Nuk është e thjeshtë, por mendojmë pozitivisht. Do bëj maksimumin të shënoj dhe dua ta bëj diçka të tillë. Por me rëndësi është që të fitojë skuadra”.

Daja mund t’i bëjë llogaritë me ta në sfidën e radhës, që zhvillohet në shtëpi kundër Kamzës. Rikthehet në Vlorë si kundërshtar ish-trajneri Ernest Gjoka, por edhe lojtarë si Hektor Idrizaj dhe Sebino Plaku.

Te Flamurtari e kanë të qartë: ndaj Kamzës objektivi i vetëm është fitorja. Kuqezinjtë duan ta mbyllin sa më mirë vitin dhe të shtunën do tentojnë të marrin fitoren e dytë radhazi. Me Useinin dhe Bathën vlonjatët janë edhe më të fortë, ndërkohë që pritet edhe Torasa të rikuperohet plotësisht.

Daja erdhi me petkun e trajnerit kampion, por në skuadrën vlonjate ndoshta duhet ta shohë situatën me më shumë kujdes. Useini ka përfunduar në stol që pas ndeshjes së parë. Mesfushori ka luajtur vetën në ndeshjen e parë si titullar dhe më pas ka pasur ka pasur vetëm nga pak minuta për të si zëvendësues.

Pa ndeshjes me Skënderbeun trajneri i kritikoi ashpër të tijtë, duke shënjestruar më shuam se të tjerët një prej titullarëve me eksperiencë. Dikush që e njeh ambientin dhe e kishte parë ndeshjen nuk e kishte shumë të vështirë që ta kuptonte për kë bëhej fjalë.

Në ndeshjen e fundit ishte Torasa ai i cili reagoi keq dhe pas zëvendësimit ishte shumë i irrituar. Ndonëse trajneri e mohoi që të ishte motivi kryesor fakti që u ul në stol, vështirë të mos ketë pasi ndikim dhe zëvendësimi. Edhe Musta në ndeshjen e fundit ishte në stol, por nuk mund të gjykojmë zgjedhjet e trajnerit.

Daja duket se ka jo pak punë, nëse nuk do që ta ketë situatën nën kontroll. Kampionati sa vjen e vështirësohet dhe Flamurtari duhet që të evitojë ato gabime që i janë bërë rutinë në edicionet e shkuara, të paktën për të mos hedhur sërish poshtë edhe një edicion tjetër mundimin e administratorit Idrizi.

Pas Idriz Bathës dhe Blerim Kotobellit, vlonjatët kanë prezantuar edhe portierin Enea Koliçi. Kuqezinjtë kanë nevojë edhe për të tjera afrime dhe së fundmi janë arritur marrëveshjet edhe me dy lojtarë të tjerë që luajnë në krahët e sulmit.

“Sport Ekspres” mëson se ditën e hënë së bashku me pjesën tjetër të ekipit do të udhëtojnë drejt Greqisë edhe Agustin Torasa dhe Elton Kale. Të dy anësorët kanë spikatur në Superiore dhe pritet të mbajnë peshë në formacionin e Flamurtarit.

Argjentinasi ka qenë një nga idhujt e tifozëve të Partizani, ndërkohë që edhe braziliani Kale me Kukësin është paraqitur mjaft mirë. Të dy janë lojtarë me vlera dhe janë lëvizje mjaft të zgjuara nga vlonjatët, që këtë sezon kanë si objektiv të renditen në tre vendet e para.

Administratori Idrizi ka lënë dorë të lirë dhe zgjidhjet vijnë nga jashtë vendit, por janë lojtarë që kanë luajtur dhe kanë spikatur në Superiore. Sipas “Supersport”, kuqezinjtë kanë arritur marrëveshjen me brazilianin Elton Kale, i cili për 18 muaj ka qenë titullar te skuadra e Kukësit.

Anësori i majtë fitoi edhe titullin kampion me verilindorët, ndërkohë që momentalisht ka probleme me dokumentacionin, pasi pretendon se nuk ka nënshkruar për rinovimin e kontratës. Kale pritet në Vlorë, por jo i vetëm. Sërish në Amerikën Latine janë hedhur “grepat”.

Agustin Torasa është futbollisti tjetër me të cilin është gjetur akordi dhe Flamurtarin e pret ish-lojtarin e Partizanit. Me afrimin e këtyre dy lojtarëve, trajneri Daja do të ketë dy alternativa mjaft të mira për krahët e sulmit. Gjithsesi do të duhet të bëhen edhe përforcime të tjera, pasi mangësitë janë të mëdha.

“Sport Ekspres” kontaktoi me shtatshkurtrin në lidhje me ndeshjen e sotme ndërmjet Francës dhe Argjentinës. 29-vjeçari nuk heziton të japë parashikimin e tij për ndeshjen, por tregon dhe problemet që ka ekipi amerikano-jugor. “Këtu në Argjentinë u përjetua shumë keq paraqitja e Kombëtares tonë. Të them të drejtën e prisja, pasi nuk kanë zhvilluar as eliminatore të mira. Ekipi është i përçarë, ndërsa Federata ka dalë në krah të lojtarëve duke lënë trajnerin të vetëm”, – u shpreh fillimisht ai për situatat brenda grupit dhe përjetimin një vendin latin.

“Si argjentinas dua që ne të fitojmë Kupën e Botës, por për të qenë objektiv e shoh Francën si një skuadër shumë më të kompletuar se tonen. Ne kemi probleme në mbrojtje, por dhe porta nuk na ofron siguri. Kemi sulmues të frikshëm, por mesfusha nuk po bën si duhet urën lidhëse. Kam besim se mund të fitojmë vetëm nëse Mesi është në një ditë të mirë. Nëse ai është aty ku duhet, nuk ka njeri që mund të na ndalë”, – u shpreh Torasa.