Fundjavën e shkuar ish-kapiteni i kombëtares shqiptare debutoi me New York Cosmos, në ndeshjen  hapëse të National Premier Soccer League në Amerikë.

Ishte një moment i veçantë për Agollin, i cili ka nisur një jetë të re në Amerikë, ndërsa më pas ndjenjat ia lanë vendin fushës dhe Ansi ishte si zakonisht, perfekt në krahun e tij, duke ndihmuar Cosmos të fitonte 2-0 ndaj New York Athletic Club.

“Ishte një eksperiencë e mirë, ndeshja ime e parë“, tha Agolli pas ndeshjes, duke folur për faqen zyrtare të klubit (www.nycosmos.com) “Isha paksa i emocionuar para ndeshjes, sepse ishte një skuadër e re. Siç e thashë më parë, të luash për Cosmos është një përgjegjësi e madhe, për mua dhe gjithë ekipin. Isha i emocionuar para ndeshjes, ndërsa më pas në ndeshje gjithçka shkoi mbarë. Jam shumë i lumtur për rezultatin dhe për lojën e mirë në ndeshjen e parë“.

Ndonëse në teori është një mbrojtës, Agolli u duk një mesfushor, për depërtimet e shumta dhe kroset e rrezikshme që hodhi në zonën kundërshtare, natyrisht duke mos lënë asnjëherë boshllëqe në prapavijë.

“Në futbollin modern, je i detyruar të bësh dy role njëkohësisht”, tha Agolli. “Tani anësorët, sidomos ata të mbrojtjes, duhet të ndihmojnë shumë sulmin dhe të gjejnë kohën e duhur për të sulmuar. Varet edhe nga trajneri. Trajneri ynë e pëlqen lojën me anësorë që avancojnë shumë në sulm. I përshtatet stilit tim, kam luajtur edhe më parë kështu“.

Trajneri Carlos Mendes ka komplimente për Agollin: “Ka sjellë te ne goxha lojë sulmuese dhe ndihmon shumë në sulm. Është lojtar që të entuziazmon. Është ende duke u përshtatur, po njihet me grupin, sistemin dhe mënyrën si luajmë. Është një ndryshim i madh për të, mendoj se do përmirësohet nga java në javë. Ka eksperiencë të madhe, na ndihmon me zgjuarsinë dhe kreativitetin e tij. Alamet lojtari!”.

Cosmos synon të kapë fazën play-off në korrik, por skuadra është ende në ndërtim e sipër, pasi 8 lojtarë kanë mbetur nga viti i shkuar.

“Nuk është e lehtë“, tha Agolli. “Këtë radhë kemi bërë punë shumë të mirë, jemi stërvitur mirë. Nuk është e lehtë të marrësh maksimumin nga ndeshja e parë, sepse skuadra është e re. E kuptoj këtë gjë, duhet të punojmë shumë, sepse kemi shumë për të përmirësuar dhe sezoni është i gjatë“.

Prej një muaji në Amerikë, Agolli është rehatuar dhe ka marrë edhe familjen, ndërkohë që ka nisur të frekuentojë komunitetin shqiptar në Nju Jork.

“Kam krijuar disa lidhje dhe kam gjetur njerëz shumë interesantë. Kishte disa shqiptarë edhe në ndeshjen e parë, në stadium. Shpresoj që të jenë sa më të shumtë në vazhdim“, tha Agolli.

Në ndeshjen e parë ishin 3,750 tifozë, shifër goxha e mirë për një ndeshje që nuk i përket MLS-së. “Shumë bukur”, tha Agolli.

“E dija edhe më parë që Cosmos ka tifozët e vet besnikë. Jo shumë ekipe kanë tifozë të tillë. Kam parë tifozë të jashtëzakonshëm, i falënderoj që erdhën të na mbështesnin“.

Në një lidhje direkte me emisionin “Zona Gol”, Agolli sqaroi arsyet që e çuan në marrjen e këtij vendimi, ndërsa komentoi dhe gjendjen e kombëtares dhe klubin e zemrës: Tiranën.

KARRIERA NË SHBA – “Ishte një vendim që u mor për një arsye komplekse. Familja ime jeton prej vitesh këtu”.

EKSPERIENCA NË AMERIKË – “Ka shumë ndryshime që nga sistemi që funksionojnë kampionatit. Këtu ka liga të ndryshme, ku më e madhja është “MLS”. Janë kampionate të ndara . Ambienti është paska amerikan, këtë e them në sensin pozitiv. Stërvitja fillon dhe mbaron duke qeshur, në Azerbajxhan kishte më shumë disiplinë dhe seriozitet, ndoshta ky është mentaliteti këtu”.

SHKARKIMI I PANUÇIT I VONUAR ? – “Mendoj se Federata mendon gjithmonë për të mirën e skuadrës. Mendoj se ishte vendimi i duhur që iu dha besim trajnerit, më pas rezultatet negative treguan se duhej ndryshim. Shpresoj që ai të ketë marrë mësime për të ardhmen e tij, nëse do të vijojë të jetë trajner”.

GABIMI I PANUÇIT – “Unë kam luajtur për 14 vite me skuadrën kombëtare. Ekipi ka pasur disiplinë. Shumica e lojtarëve janë rritur në shtete si Zvicra, Gjermania e Greqia dhe janë rritur me profesionalizëm. Gjatë epokës së De Biazit nuk kemi pasur probleme disipline, nuk mendoj se disiplina ishte diçka që po i ngacmonte skuadrës”.

BULKU TRAJNER I KOMBËTARES – “Bulkun e kam më shumë se shok. Jemi rritur bashkë e kemi kaluar vështirësi e momente të mira. I uroj sa më shumë suksese në detyrën e re. Është një njeri që ka shumë eksperiencë”.

TIRANA – “Me ardhjen e Ardi Memës e kam ndjekur pak më shumë. Skuadra më është dukur mirë me trajnerin e ri. Tirana është një skuadër që më ka dhënë shumë. Më ka dhënë atë egon që ka karakteristikë kjo skuadër, pa atë nuk besoj që do të arrija të fitoja as shumë në karrierën time. Çdo lojtar që del nga kjo skuadër ka diçka ekstra. Edhe nëse nuk e luaj një ndeshje të fundit me Tiranën, nuk kam pse të kem pishmane, kam fituar tituj e superkupa aty”.

PARTIZANI – “Mendoj se Partizani e ka merituar atë që ka arritur deri tani. Është një skuadër që ka treguar stabilitet gjatë të gjithë vitit. E meriton plotësisht vendin e parë”.

ARENA KOMBËTARE – “Mezi po e pres ndërtimin e stadiumit. Do t’i japë një imazh tjetër ekipit kombëtar. Tifozët do të jenë shumë pranë fushës dhe kjo do të jetë një armë plus për ne”.

“Ndihem shumë mirë, në stërvitje jam impresionuar. Këtu janë si një familje brenda dhomave të zhveshjes. Jam shumë i emocionuar dhe mezi po pres fillimin e ndeshjeve dhe të marrim fitoret që na duhen.

“Në Shqipëri, kur flitet për futbollin amerikan, skuadra e Kozmosit është emri i parë që të vjen ndërmend. E njoh mirë këtë klub dhe traditën e tij, prandaj do të bëj më të mirën që ta përfaqësoj ashtu siç duhet”, ishin fjalët e Agollit.

Për mbrojtësin kuqezi, foli dhe zv. presidenti i klubit amerikan, Xho Barone, i cili tha: “Jemi shumë të emocionuar që kemi Ansin në skuadër. Eksperienca e tij në futboll flet vetë dhe nuk ka nevojë për superlativa. Do të jetë një lojtar kyç për ne, jo vetëm në fushën e lojës, por dhe eksperiencën që do t’iu japë futbollistëve të rinj. Ka pak ditë këtu që është stërvitur, por kualiteti i tij është i dukshëm dhe ka rënë menjëherë në sy. Pavarësisht se ka fituar shumë trofe dhe ka arritur gjëra të mëdha, ai është shumë modest, gjë që më ka pëlqyer shumë te ai”, përfundoi zv. presidenti.

“Kur erdha ne këte vend 9 vite më parë, nuk do e besoja që shumë gjëra do të ndryshonin kaq shumë te unë. Kam jetuar në vende të tjera me parë, kam luajtur futboll. Çdo gjë ishte shumë e zakonshme, ishte normale… Gjithçka ndryshoi kur erdha tek Qarabag, 9 vite më parë. Drejt, 9 vjet, plot krenari, kujtime dhe vlera në cdo moment.

9 vjet Qarabag… Kam fituar shumë gjëra, kampionate, trofe, pjesëmarrje në Ligën e Europës, Ligën e Kampioneve, por më e rëndësishmja, fitova shtëpinë time të dytë. Kam kaluar kujtime që nuk do i harroj kurrë. Këto 9 vite kanë qenë vitet më të bukura të jetës sime. Dashuria e njerëzve, shpresa, Qarabag… Futbolli ishte më shumë se një lojë. 9 vite gëzime e sakrifica. U rritëm së bashku, u ngjitëm në majë.

U bëmë zëri i 1 milionë të shpërngulurve nga shtëpitë e tyre, u bëmë zëri i Azerbaixhanit. 5 kampionate, 3 kupa, 4 pjesëmarrje në Ligën e europes, në Ligën e Kampioneve. Shpresoj të kem një pjesë në këtë sukses. Sa e mrekullueshme ishte ta vishja më shumë se 300 herë uniformën e Qarabag.

Është një ndjenjë tjetër të luash për Qarabag. Sot po shkoj, por unë gjithmonë do të të mbaj në zemer, Qarabag, Azerbaixhan. Dashuria e njerëzve ishte e pabesueshme dhe e paharrueshme. Si mund të harroj ata që më duan dhe vleresojnë mua? Ata qe më mbeshtesin?

Tifozë, ju falenderoj shumë. Jeni pjesa më e bukur e këtyre 9 viteve të paharrueshme. I dashur Qarabag, ti je gjithmonë me mua, je ne zemrën time, të dua, Qarabag, Azerbaixhan. Do takohemi së shpejti dhe mos harroni, Qarabag ësht Azerbaixhan…”

 

View this post on Instagram

 

Kur erdha ne këte vend 9vite më parë, nuk do e besoja që shumë gjëra do të ndryshonin kaq shumë te un. Kam jetuar në vende të tjera me parë, kam luajtur futboll.Cdo gjë ishte shum e zakonshme, ishte normale…Gjithcka ndryshoi kur erdha tek Qarabag, 9 vite më parë.Drejt, 9 vjet, plot krenari, kujtime dhe vlera në cdo moment. 9vjet Qarabag…Kam fituar shum gjëra, kampionate, trofe, pjesëmarje ne ligën e europes, ligën e kampioneve..por më e rendesishmja, fitova shtëpine time të dytë.Kam kaluar kujtime që nuk do i harroj kurrë.kto 9vite kan qenë vitet më të bukura te jetes sime.Dashuria e njerëzve, shpresa, Qarabag..Futbolli ishte më shume se një lojë.9 vite gëzime e sakrifica.U rritëm së bashku, u ngjitëm në majë, Qarabag.. U bëmë zëri i 1 milion të shpërngulurve nga shtëpitë e tyre, u bëmë zëri i Azerbaixhanit. 5 kampionate, 3 kupa, 4 pjesmarje ne ligën e europes, ne ligën e kampioneve.. Shpresoj te kem një pjesë në këtë sukses.Sa e mrekullueshme ishte ta vishja me shumë se 300 herë uniformen e Qarabag.. ësht një ndjenjë tjeter të luash për Qarabag.Sot po shkoj, por un gjithmon do të të mbaj ne zemer, Qarabag, Azerbaixhan.Dashuria e njerezvë ishte e pabesueshme dhe e paharrueshme.Si mund të harroj ata që më duan dhe vleresojnë mua, Dhe ata qe më mbeshtesin? Tifozë, ju falenderoj shumë.Jeni pjesa më e bukur e këtyre 9 viteve të paharrueshëm. I dashur Qarabag, ti je gjithmon me mua, je ne zemrën time, të dua, Qarabag, Azerbaixhan. Do takohemi së shpejti dhe mos harroni, Qarabag ësht Azerbaixhan…?? #Qarabag#AgdamAzerbaycan

A post shared by Ansi Agolli (@ansiagolli) on Mar 16, 2019 at 9:30am PDT

Në përfundim të takimit trajneri i Karabagut, sqaroi arsyen e largimit të 36-vjeçarit: “Nuk ka njerëz në futbollin tonë që nuk e duan Agollin, por familja e tij ndodhet në Amerikë, i uroj fat”, tha
Kurbanov.

Ndërkaq, vetë lojtari përgatiti një mesazh lamtumire për tifozët e tij. Një video speciale me kohëzgjatje pesë minuta, ku Agolli jep përshëndetet me fansat Karabagut në gjuhën azere.

Sipas sajtit “sportal.az”, Agolli është në negociata me ekipin amerikan “New York Cosmos”. Në një intervistë të dhënë me këtë portal, Agolli shpjegoi vendimin për t’u larguar nga Azerbajxhani pas thuajse një dekade:

 – U zhgënjeve që nuk luajte sot?
– “Jo, nuk u mërzita. Jam futur 317 herë në fushë me fanellën e Karabagut. Ky ekip është gjithçka për mua”

– Po largoheni për shkak të familjes, apo ka ndonjë arsye tjetër?

“Sigurisht familja luajti rol të madh në këtë vendim. Ata jetojnë në SHBA. Mendoj se ky është hapi i duhur. Ndonjëherë të duhet të marrësh disa vendime të dhimbshme. Çdo fillim e ka një fund”.

Bëhet fjalë për dy futbollistët e kombëtares sonë, Ansi Agolli dhe Sabien Lilaj, që aktivizohen në kampionatin azer.

Në një postim në llogarinë zyrtare të Metës në “twitter”, ai ka postuar një foto të takimit me dy futbollistët ku shkruan:  Kënaqësi e veçantë që vizitën në Baku të Azerbajxhanit ?? ta nisja me një takim të ngrohtë me dy nga ambasadorët tanë më të mirë këtu, futbollistët e shquar Ansi Agolli dhe Sabien Lilaj.

Kënaqësi e veçantë që vizitën në #Baku të #Azerbajxhanit ?? ta nisja me një takim të ngrohtë me dy nga #ambasadorët tanë më të mirë këtu, futbollistët e shquar #AnsiAgolli dhe #SabienLilaj.?? pic.twitter.com/GAbgjqQfsg

— Ilir Meta (@ilirmetazyrtar) March 13, 2019

Titullarë për skuadrat e tyre kanë luajtur edhe dy mbrojtësit kuqezi, Mërgim Mavraj dhe Ansi Agolli. Kapiteni i kombëtares bëri një ndeshje të mirë në mbrojtjen e Ingolshtadit, por nuk arriti të ndihmojë skuadrën e tij që të shmangë humbjen. St. Pauli e mposhti Ingolshtadin 1-0, me ekipin e Mavraj që vazhdon të jetë në zonën e ftohtë të renditjes.

Agolli për Karabakun bëri disi më mirë, pasi skuadra e tij arriti të marrë një pikë në transfertë Sabah Baku, ndeshje e vlefshme për kampionatin azerbajxhanas. Mëngjarashi kuqezi luajti 90 minuta në të majtë të mbrojtjes, duke ndihmuar shpeshherë skuadrën e tij në fazën sulmuese.

Megjithatë, legjenda e Karabakut sqaron të gjithë dhe mohon spekulimet, duke lënë gjithçka të hapur për të ardhmen.

“SportEkspres.com” ka kontaktuar mbrojtësin 36-vjeçar, i cili ka mohuar lajmin e përhapur ditën e sotme: “Ajo është faqe tifozësh, nuk është faqja zyrtare e klubit. Tifozët japin mendime, apo komentojnë zëra merkatoje, por gjithçka është në rangun e bisedave mes tifozëve. E vërteta është që nuk kam vendosur ende, jemi në kulmin e sezonit, në garë të egër për titull dhe nuk ka kuptim që të merremi me çështje të tilla në këtë moment“.

Futbollisti i famshëm i kombëtares sonë, me të cilën luan prej më shumë se një dekade, është pjesë e Karabak që prej vitit 2010, ka fituar 5 tituj kampionë në Azerbajxhan dhe ka qenë gjithnjë lojtar kyç, në fushë e jashtë saj.

Këtë sezon aktivizimi i tij ka qenë më “i llogaritur”, për shkak të kalendarit shumë të ngjeshur, por sërish Agolli ka luajtur 13 ndeshje në të gjitha kompeticionet dhe mbetet një lider te kampionët e Azerbajxhanit.

Në ndeshjen tjetër të kampionatit azer, skuadra e Sabien Lilajt dhe nigerianit Xhejms Adeniji, Gabala, u ndal në një barazim pa gola me Zirën e vendit fundit. Ndeshja mbaroi pas 33 minutash, pasi takimi kishte filluar që ditën e djeshme, por mjegulla e rënduar bëri që arbitri të ndërpriste takimin në minutën 57-të. Pushimi një ditor, mesa duket ka favorizuar ekipin e Keshlës, që arriti të merrte një pikë të vlefshme, me anë të së cilës kalon në vendin e parafundit të tabelës.

Kthim në fushë pas një periudhe të gjatë në stol, ka pasur dhe për mbrojtësin durrsak Renato Arapi, i cili aktivizohet në ligën e parë turke (divizioni i dytë) me skuadrën e Afjet Afjonsporit. Mëngjarashi luajti për 90 minuta në përballjen direkte për mbijetesë ndaj Eskishehirsporit, ku u ndëshkua me një karton të verdhë. Ndeshja përfundoi me fitoren 2 – 1 të Afjet, që me tri pikët e fituara sot e largohet përkohësisht nga zona e ftohtë.

Agolli dihet se nuk është më në listën e Panuçit, kapiteni u mor në dy ndeshjet e muajit të shkuar, doli në konferencë, por nuk luajti asnjë minutë. Diçka e tillë ka ndodhur dhe me Lilën, i po ashtu u shfaq përkrah Panuçit në konferencë si kapiten, por nuk është se është se ka qenë ndër preferencat e trajnerit. Berisha ishte lojtari që pasoi shiritin pas Agollit, por dhe ai e humbi vendin e titullarit.

Rregulli i Panuçit ishte që shiritin ta mbante lojtari me më shumë prezenca në fushë, Roshi ishte lideri ndaj Norvegjisë, por më pas u dëmtua dhe për disa kohë duhet të qëndrojë jashtë fushës. Edhe Hykës i erdhi rasti për të qenë kapiten. Por, pas ndeshjes me Izraelin në shtëpi nuk u grumbullua më. Hysaj mund të thuhet se ka shpëtuar disi, i cili e ka mbajtur shiritin ndaj Skocisë,.Edhe shkodrani ka qenë jo pak i akuzuar për paraqitjet e tij jo në lartësinë që pritet.

Në fund Mavraj, i cili duket se tani është krisur dhe me Panuçin. Mbrojtësi i cili luan në Greqi u tradhtua nga nervat dhe la skuadrën me 10 lojtarë pas 23 minutash. Shiriti është bërë si makth! Na mungo një lider në fushë, na mungon një si… Lorik Cana!

“Është një gjë normale pas një kualifikimi në Europian që të kemi një periudhë me luhatje. kemi kaluar dhe më parë situata luhatje. Është një ndeshje ku mund të tentojmë fitoren. Kemi përballë një kundërshtar që vjen me shumë mungesa. Duhet të futemi në fushë dhe të japim më të mirën e të mos mendojmë për më shumë. Them se kemi shanse të mira për një rezultat pozitiv”.

Raporti me Panuçin? “Kontaktet me skuadrën i kam të përditshme, pasi ne sepse njihemi prej vitesh. Nuk kam kontakt më trajnerin dhe nuk është se duhet ta themi unë që ta marrin vesh të tjerët. Edhe grumbullimin e fundit kam bërë më të mirën dhe kam treguar atë që kam treguar me çdo trajner më parë. Atë qe unë e kam në dorë e bëj.

Aktivizimi i një lojtari emri i të cilit nuk ndodhej në protokollin e takimit, i ka kushtuar tri pikët skuadrës së Karabakut. Në minutat e fundit të takimit trajneri Kurban Kurbanov zëvendësoi kapitenin Sadigov me të riun Husejnov, ky i fundit nuk ishte i regjistruar në protokollin e dorëzuar para fillimit të ndeshjes.

Një gafë e madhe e cila sipas rregullores do ta dëmtojë shumë skuadrën, e cila pritet ta humbasë ndeshjen në tavolinë. Një gabim trashanik, por ja që ndodh edhe në një skuadër që edicionin e shkuar luajti në grupet e Championsit dhe barazoi në dy raste me Atletikon e  Madridit.

Mund të konsiderohet një rast unik fakti se edhe në mesin e muajit të shkuar, saktësisht me 15 shtator, Sabail ka barazuar 1-1 me Ziran dhe pas ndeshjes është mësuar se kundërshtari kishte aktivizuar një lojtar të pafederuar. Karabaku siç duket nuk ka nxjerrë mësim dhe ka bërë të njëjtën idiotësi.

Mbrojtësi e ka nisur ndeshjen titullar, ashtu si dhe Lilaj e Xhejms, por në fund kampionët në fuqi kanë regjistruar një fitore 4-1. Skuadra e mesfushorit dhe sulmuesit ndodhen në një pozitë mjaft negative, pasi kanë vetëm 4 pikë pas katër javësh.

Karabaku në anën tjetër ndodhet 3 pikë pas vendit të parë, por me një ndeshje më pak se Nefcci kryesues. Skuadra e mbrojtësit kuqezi është një nga favoritët kryesor për të dalë kampion edhe këtë edicion.

Ansi, sa keq ju vjen që nuk ishit në fushë këtë ndeshje?

Nuk më vjen keq. Jam mësuar. Çdo kapiten e ka për detyrë që të paraqitet dhe të përgjigjet. Trajneri e tha mjaft saktë dhe nuk kam çfarë mund të them më tepër. Çdo lojtari që vjen në Kombëtare vjen për të luajtur. Zgjedhjet i bën trajneri. Më vjen apo jo mua keq nuk ka rëndësi. E rëndësishme është që nesër të marrim një rezultat pozitiv dhe të ecim përpara.

Keni luajtur më parë në Skoci, i keni treguar shokëve për atmosferën këtu?

Shokët e ekipit e kanë parasysh atmosferën që do jetë këtu nesër. Do jetë atmosferë mjaft e mirë për çdo lojtar. Këtë duhet ta shfrytëzojmë pozitivisht, për të dhënë akoma më shumë në lojë, duke futur pa emocione dhe për të dhënë maksimumin.

Çfarë parandjenje ka Agolli, do të jetë në fushë nesër?
Unë kam dhënë më të mirën ën stërvitje., Jam në një formë të mirë dhe më pas nuk e di. Trajneri e tha që nuk e ka zgjedhur akoma formacionin. Uroj të jem!

Komenti juaj për Binakun?
Binaku është paraqitur shumë mirë në ndeshjen e fundit, më bëri përshtypje përshtatja e këtij të riu, pasi ishte hera e parë që grumbullohej. Ishte diçka pozitive. Mund të them fjalë të mira për Gavazajn që luante ndeshjen e parë. E kaluan mjaft mirë këtë provë duke marrë dhe një fitore. Fjalë mjaft pozitive.

Si spektator qëndroi dhe Ansi Agolli, por të paktën ekipi i tij arriti të përmbyste humbjen 1-0 në Moldavi duke çuar tri topa në rrjetën Sherif Tiraspolit. Kampionët e Azerbaixhanit kishin si synim grupet e Champions-it, por të paktën siguruan një biletë për në Europa League.

Ish-mbrojtësi i Maqedonisë, që pritet të veshë fanellën e kombëtares, është zëvendësuar që në minutën e 40-të në ndeshjen që Mariupol ka barazuar 2-2 në shtëpi me Lviv. Mbrojtësi i majtë ishte titullar dhe në minutën e gjashtë shkaktoi penallti, por që fatmirësisht nuk u kthye në gol nga miqtë. Gjithsesi Demiri doli nga loja në minutën e 40-të. Forma e dobët, apo ndonjë dëmtim, mbetet për t’u mësuar.
Në Kroaci nga minuta e parë me Inter Zapreshicc ishte mbrojtësi Herdi Prenga. Kundër Hajdukut të Splitit skuadra e mbrojtësit shqiptar kaloi dy herë në avantazh, por në fund ndeshja u mbyll 2-2 dhe Prenga mori një të verdhë në të 74’.

Fiorin Durmishaj gjithashtu nuk ka triumfuar sot. Sulmuesi i Panionios luajti 90 minuta me skuadrën e tij kundër OFI Kretë, por nuk mundi të shënojë dot. Durmishaj u zverdh në shtesën e pjesës së parë.

Agolli është një nga lojtarët më të mirë të skuadrës së Karabakut dhe lider në fushën e lojës e jashtë saj. Mbrojtësi i majtë ka luajtur 8 sezonet e fundit te klubi që po dominon totalisht në Azerbajxhan, duke fituar 5 kampionatet e fundit.

“Short i fortë. Izraelin e njohim, sapo jemi ndeshur me ta, ndërsa Skocia është një emër i rëndësishëm, që synon të kthehet në kompeticione të rëndësishme, ku mungon prej vitesh. Megjithatë, synimi ynë është që ta fitojmë grupin dhe kam besim se do t’ia dalim.

Skocia dhe baza nga Seltiku? Janë një ekip i fortë në fushën e vet, janë shumë luftarakë dhe luftojnë për çd top, duke qenë shumë të fortë fizikisht. Në aspektin e cilësisë nuk janë superiorë ndaj nesh, mendoj.

Kosova kundër Azerbajxhanit? Është një grup i fortë për Kosovën, Azerbajxhani po mundohet të rritet si kombëtare. Shumica e lojtarëve të Azerbajxhanit janë te Karabagu dhe janë relativisht të kënaqur nga shorti, ndihen superiorë. Të shohim, do të jetë një grup i ekuilibruar”.

Këtë e konfirmon vetë Agolli, i cili ka folur në emisionin “Zona Gol” në Supersport: “Panuçi më telefonoi dhe më shprehu besimin e tij. Për të unë vazhdoj të jem pjesë shumë e rëndësishme e kombëtares. Trajneri ka një projekt afatgjatë te Shqipëria dhe kërkon të provojë sa më shumë lojtarë kjo është arsyeja kryesore që unë nuk jam pjesë e këtij grumbullimi pasi bëhet fjalë thjeshtë për një ndeshje miqësore. Tërheqja ime nga kombëtarja? Këtë nuk mund ta them, në futboll nuk mund të bësh parashikime, nuk e di edhe për sa kohë do të luaj. Unë gjithsesi ndihem i kompletuar për ato çfarë kam arritur me Shqipërinë. Jam kapiteni i kombëtares dhe kam luajtur në një Kampionat Europian”.

Agolli është një lider edhe te Karabaku në Azerbajxhan, klub që në dekadën e fundit është futur në elitën e futbollit evropian, me rezultate mahnitëse: “Deri tani kemi bërë paraqitje shumë të mira me skuadrën e Karabakut në Champions League, normalisht është një kënaqësi më vete të japësh më të mirën tënde, në mënyrë që ekipi të arrijë ato objektiva që ka. Sigurisht që u ndjeva mirë që e pashë veten në formacionin e javës në Champions. Unë te Skënderbeu? Kam kontratë me Karabakun, ndihem mirë te klubi ku jam dhe dua të qëndroj sa më gjatë aty”.

Agolli nuk ka në plan të kthehet në Superiore, por e ka ende një ëndërr: “Nuk kam asnjë peng nga karriera ime e deritanishme. Për fat të mirë i kam arritur të gjitha ato që kam dashur dhe për të cilat kam luftuar, gjithmonë bëhet fjalë brenda mundësive. Megjithatë kam edhe një dëshirë të fundit përpara se të var këpucët në gozhdë, të fitoj edhe një tjetër titull kampion me Tiranën, pasi ndjesitë dhe emocionet që kam përjetuar kur kam qenë pjesë e bardhebluve nuk do t’i harroj kurrë. Kam kaluar një periudhë të bukur te Tirana dhe kam ndjesi të veçanta për atë skuadër”.

Këtë vit Karabaku për herë të parë në histori ka siguruar një vend në grupet e Ligës së Kampioneve dhe dje ndaj Romës Agolli debutoi, pasi mungoi në ndeshjen e parë, për dëmtim.

“Ishte ndeshja ime e parë në grupe. Është një emocion i madh të luash në këtë kompeticion mjaft të rëndësishëm të Europës dhe ndihem mjaft mirë. Dhashë maksimumin tim që ta ndihmoja skuadrën”, shprehet Agolli për Supersportin, në lidhje telefonike. “Emocionet? Është një ndjenjë mjaft e mirë, pasi të luaja në grupet e Champions League ka qenë një ëndërr e hershmja e imja. Mundohem të jap më të mirën nga ndeshja në ndeshje, ta luaj si finale dhe të ndihmoj ekipin, pasi vetëm kështu mund të japësh më të mirën”.

Janë lënë pas edhe probleme fizike dhe Agolli tashmë mendon për kombëtaren: “Besoj se e kam kaluar dëmtimin dhe dalëngadalë do marr edhe formën më të mirë. Ishte vetëm ndeshja e parë pas dëmtimit, ndërsa të dielën do të kemi një ndeshje të rëndësishme për kampionat për skuadrën tonë. Më pas do të mendoj për dy ndeshjet e Kombëtares, që janë mjaft të forta. Janë dy ndeshje mjaft të vështira, sikurse e dini edhe ju që bëhet fjalë për dy skuadra mjaft të forta. Duhet të zbresim në fushë dhe të japim më të mirën. Nuk kemi asgjë për të humbur në këto dy përballje, veçse të fitojmë sa më shumë eksperiencë, të luajmë sa më shumë në grup dhe t’i shijojmë këto dy sfida, pavarësisht se përballe do kemi dy skuadra mjaft të forta”.

Kapiteni kuqezi ka bërë gjithçka për të qenë gati, por nuk ia ka dalë mbanë, ndërsa në rrjetet sociale ka postuar një mesazh inkurajimi për shokët e skuadrës.

“Pra, sot nis gjithçka! Sot, për herë të parë në histori, një skuadër azere do të luajë në Champions League. Edhe pse dua shumë të luaj në këtë ndeshje, për shkak dëmtimi nuk do të jem në gjendje për të marrë pjesë. Gjithsesi, e di se shokët e skuadrës janë po aq të entuziazmuar sa mua dhe jam i sigurt se do të japin gjithçka për një performancë të madhe në këtë kompeticion magjik. Kësaj here do t’i mbështes nga stadiumi. Gjithmonë Karabak!”

So it begins! Tonight for the first time in history, an Azeri team will play in the Champions League. Even though I very much want to play this game, due to an injury I will not be able to participate. However, I know my teammates are as excited as I am, and I am sure they will give everything they have for a great performance in this magical competition. I will be supporting from the stands this time… Forever Qarabag!#a?dam #azerbaycan

A post shared by Ansi Agolli (@ansiagolli) on Sep 12, 2017 at 8:23am PDT

Përkrah trajnerit të Kombëtares, Kristijan Panuçit, ishte dhe kapiteni Ansi Agolli. Dalja e parë para medieve për kapitenin kuqezi, pas ndeshjes me Litenshtejnin dhe nuk mund të komentonte dhe arsyet se pse vendosi që të mos dilte para gazetarëve, por dhe festimin e tij pas golit të shënuar. Agolli tregon se ishte vetëm një festim i momentit duke shmangur polemikat.

“Të shënosh është një ndjesi shumë e mirë, por më e rëndësishme është të arrijmë rezultatin”.

“Skuadra duhet të përqendrohet tek fusha. Të japim maksimumin, të ndihmojmë shoku-shokun që të shkojmë tek sukses. Çdo gjë tjetër ndikon negativisht në përqendrimin në lojë”.

“Gjendja ime është mjaft e mirë. E kuptoj ku doni të dilni. Kemi pasur një ecuri prej tre ndeshjesh negative gjithnjë kam dal dhe kam thënë atë që kisha për të thënë. Këtë herë nuk dola, nuk kam një arsye. Ashtu e mendova, nuk është se kam inat apo dua të bëj polemikë. Festimi? Erdhi në mënyrë spontane, nuk ka asnjë polemikë”.

Me siguri pyetja e gazetarëve ka dëshpëruar kapitenin, i cili nuk e ka pëlqyer këtë ngacmim, edhe pse realisht nuk është bërë me qëllim të keq, sepse në gjithë botën lojtarët kur kapin moshën 35 vjeç pyeten shpesh si e shohin të ardhmen e vet, sidomos në lidhje me kombëtaren. Një gol i bukur dje, vrap drejt kameras, duke treguar moshën e tij 35 vjeç, si dhe më pas shenja me gisht: “Heshtni të gjithë, mos më pyesni sa vjeç jam, më shihni si luaj!”. Ishte ndeshja e 70-të me kombëtaren, për një nga heronjtë e Europianit dhe pa dyshim ndër më të mëdhenjtë në historinë e futbollit shqiptar, me trofe pa fund brenda e jashtë vendit. Na fal, kapiten!

??

A post shared by Ansi Agolli (@ansiagolli) on Sep 2, 2017 at 12:57pm PDT

Në “Hall of Fame”! Shqiptari Ansi Agolli do të luajë në fazën e grupeve të Champions League. Një arritje gjigante e “djaloshit” model nga Tirana, që në fillimet e shekullit të ri nisi karrierën e tij futbollistike. Ka kaluar shumë kohë prej “epokës” bardheblu. Tani është një histori tjetër, sepse pasi ka shijuar tituj, kupa, kualifikime grupesh në Europa League, apo Euro 2016-ën me Shqipërinë, ndërkohë që të mërkurën ka prerë një tjetër “finish të madh”. Me Karabakun e tij, Ansi ka “shënuar” emrin e tij në “murin” e të mëdhenjve shqiptarë që do të luajë në Champions. Dhe të thuash që ai ia doli, jo me Marsejën, apo ndonjë skuadër tjetër, por me Karabakun nga Azerbajxhani i largët. Agolli, tani kapiten i kombëtares shqiptare rrëfen atë që ka arritur të mërkurën në mbrëmje në Kopenhagen. Një “ëndërr” që ka magjepsur të gjithë skuadrën e vogël azerbajxhanase, që besoi dhe ia arriti: Të ishte aty me më të mëdhenjtë e Europës, Çelsin, Romën e Atletikon.

Këtë herë do të luajë kundër “yjeve”, por Grizmani e ndonjë tjetër, Ansin nuk e tremb. Edhe më parë është përballur me ta, ndonëse këtë herë “përplasja” do të jetë speciale, pasi grupet e Championsit janë “ajka” e futbollit evropian. Në një intervistë për “Sport Ekspres”, kapiten Agolli zbulon se si ekipi i vogël ia doli të jetë me skuadrat e milionave dhe si klubet shqiptare duhet të gjejnë rrugën drejt suksesit. Një urim edhe për skuadrat shqiptare dhe Skënderbeun që mbrëmë sërish bëri mrekullinë, duke qenë në fazën e grupeve të Europa Ligë. Ja intervista e plotë me Ansi Agollin…  

– Hytë në histori me Karabakun pas kualifikimit ndaj Kopenhagenit. Na trego pak, si mund të realizohet diçka e tillë, a mjaftojnë investimet? Çfarë ka të veçantë Karabaku, që po ecën kaq mirë?

As diskutohet që investimet në futboll janë të rëndësishme. Japin  garanci për skuadrën, por nuk mjafton vetëm kjo. Janë dy mundësi për të ecur në këto kompeticione. I pari është investimi me shifra marramendëse, duke blerë lojtarë të shtrenjtë në mënyrë që të bëjnë diferencën dhe të japin rezultat sa më shpejt. Mënyra tjetër është të krijosh një skuadër, ku forca kryesore të jetë grupi. Jemi skuadra me buxhetin më të vogël në fazën e grupeve. Kjo, sepse nga klubi ynë është zbatuar një projekt afatgjatë, që ka nisur para disa viteve dhe hap pas hapi ka marrë frytet e veta. Ndeshja e djeshme ishte “qershia mbi tortë”, edhe pse asgjë nuk ishte e lehtë.

– Klubet shqiptare, ku çalojnë sipas jush, që ende nuk i ëndërrojnë grupet në Champions?

Nuk mund të themi që të gjitha klubet nuk po ecin. Për shembull kemi Skënderbeun, që me një buxhet modest kapi “play-off”-in e Europa Ligës dhe kjo nuk është pak. Për të arritur në Champions, duhet edhe pak më shumë investim. Po ashtu edhe pak më shumë fat në short. Mendoj se klubet shqiptare duhet t’i përkushtohen me më shumë profesionalizëm kompeticioneve europiane dhe duhet të kenë më shumë durim. As diskutohet, që kampionati është kryesori, por suksesi në kompeticionet europiane të rrit nga ana ekonomike, ndaj dhe ky duhet të jetë synim më vete! Jam i sigurt që Skënderbeu do të kualifikohet për në grupe, ja shembulli për klubet shqiptare (shënim: intervista u bë në pushimin e ndeshjes Skënderbeu-Dinamo).

-Si funksionon, a kishit ndonjë premtim të veçantë nga klubi?

Në të tilla raste nuk ka nevojë për karikim nga klubi. Është një shans historik, që të jep një vetë motivim!

-A e di që je shqiptari më i suksesshëm në histori, për trofe, ndeshje europiane e suksesi europian?

Interesi i skuadrës është para interesit personal. Arritjet personale i mbaj për vete. Ato të skuadrës më japin më shumë emocione!

-Kaq vite në Azerbajxhan, e prisje?

Duke parë ecurinë e skuadrës nga viti në vit, të them të drejtën e prisja. Është bërë një punë mjaft profesionale nga i gjithë klubi, por në veçanti nga trajneri, Gurban Gurbanov. Në mos këtë vit, vitin që vinte isha i sigurt që do ndodhte(kualifikimi), por asgjë s’ka ndodhur pa stërvitje, pa sakrifica, pa zhgënjime. E rëndësishme është këmbëngulja dhe besimi që skuadra tregoi.

-Veteran në teori, por dukesh 10 vite më i ri. A do të të lëshojë më Karabaku, se ke kohë që thua se do luash në fundin e karrierës në Shqipëri? Mos kanë ndërmend të të mbajnë në klub edhe pas futbollit?

Atë nuk e parashikoj dot. Ajo që bëj unë është që të stërvitem sa më shumë e të luaj në ndeshje, si të jetë takimi i fundit. Forma fizike ka mjaft rëndësi në futbollin e sotëm, e unë mundohem ta ruaj, duke u stërvitur dita-ditës sa më mirë.

-Grupi më i frikshëm i Championsit. Çelsi, Atletiko e Roma. Një koment?

Besoj që grupi nuk ka nevojë për koment. Ne këto nivele çdo gjë vështirësohet. E rëndësishme është të përfitohet sa më shumë eksperiencë nga ky kompeticion i mrekullueshëm.

Si zakonisht, Ansi Agolli ishte i paprekshëm në formacion dhe në krahun e majtë ishte perfekt, duke qenë i pakalueshëm.

Pas ndeshjes ylli i kombëtares shqiptare deklaroi: “Ishte një ndeshje shumë e vështirë. Kundërshtari ynë ka shumë eksperiencë dhe ishte shumë i fortë. Kemi kryer 50% të punës dhe do të mundohemi të përdorim shanset tona në ndeshjen e kthimit.

“Trajnerët kanë bërë një punë të shkëlqyer dhe ne u munduam të jepnim më të mirën tonë. Trajneri Gurbanov ka përgëzoi pas ndeshjes dhe ishte i kënaqur me ndeshjen që luajtëm. Megjithatë, tani jemi me mendjen në Danimarkë”.

Përfundoi 1-0 për azerët, me një gol të shënuar nga Madatov në minutën e 25-të, gol i çmuar, që afron kualifikimin historik.

Një ndeshje shumë e mirë e Karabakut, që ishte superior gjatë gjithë ndeshjes dhe kontrolloi mjaft mirë FC Kopenhagenin.

All Goals & highlights – Qarabag 1-0 FC… by goalsarena2017

Si zakonisht, në krahun e majtë të mbrojtjes ishte i pakalueshëm Ansi Agolli, një lojtar me rëndësi të jashtëzakonshme për Karabakun, jo thjesht për atë që jep në fushë, por edhe si lider i skuadrës në momente të vështira.

Që tani Karabaku ka siguruar të paktën 3 milionë euro, edhe nëse eliminohet, por kualifikimi është ëndrra e madhe, sepse jo vetëm që kalohet për herë të parë në grupet e Champions League, por në total klubi do të arkëtonte menjëherë 14.7 milionë euro!

Duke pasur parasysh buxhetin e Karabakut, aq para do të mbulonin thuajse dy sezone dhe Karabaku do të bëhej klubi i parë azer që do të mbyllte një sezon me bilanc super pozitiv dhe do të siguronte edhe të ardhmen.

Barazimi në Azerbajxhan tregoi se Sherifi i Tiraspolit ka skuadër mjaft cilësore dhe jo rastësisht e eliminoi Kukësin. Megjithatë, dje në Tiraspol Karabaku ka treguar se është superior, duke fituar 2-1. Rezistenca e Sherifit zgjati deri në shtesën e pjesës së parë, kur Ndlovu shënoi për Karabakun. Në pjesën e dytë Karabaku pritu me qetësi, derisa Miçel në minutën 86 shënoi golin e dytë, me asist nga Ansi Agolli.

Mbrojtësi i kombëtares sonë u tregua perfekt edhe sot, ndonëse mori edhe një karton të verdhë. Pa vlerë goli me 11-metërsh nga Badibanga në shtesë për Sherifin, që tashmë shkon në play-off në Europa League. Një sukses, ai i Karabakut, sigurisht, që erdhi pas dy ndeshjesh të mira, ku moldavët preferuan më shumë të mbroheshin se sa të sulmonin.

Pas ndeshjes, kapiteni i Shqipërisë, për “Sport Ekspres” ka shprehur gjithë lumturinë: “E donim këtë kualifikim me çdo kusht. Dëshira s’na mungonte dhe, në harkun e 180 minutave, mendoj se e merituam plotësisht të kalonim më tej. Edhe në Azerbajxhan bëmë gjithçka mirë, por na mungoi fati dhe finalizimi. Asisti? Mendoj se janë gjëra normale, por jam i kënaqur për fitoren dhe jo pasimin që bëra, pasi është detyra ime. I gëzuar edhe për faktin se u hakmora për Kukësin? (Qesh)… Jo, nuk ka lidhje, por sigurisht që ndoqa ndeshjen e Kukësit dhe mund të them që ishte tepër i pafat ndaj Sherifit, pasi në “Elbasan Arena” dominoi”.

Duke folur për Supersportin, mbrojtësi i kombëtares sonë komenton përballjen e mundshme me verilindorët: “E ndoqa shortin dhe me thënë të drejtën u ndieva i emocionuar, për faktin se ekziston mundësia që të përballemi me një skuadër shqiptare. Unë besoj se Kukësi ka bërë progres të dukshëm, dhe jo më kot u shpall kampion sezonin që u mbyll, nuk do të habitesha nëse do ta kalonte Sherifin e Tiraspolit.”

Për sa i përket çështjes së trajnerit të ri të kombëtares, Agolli shton: “Pritet të zgjidhet shpejt sipas informacioneve dhe unë shpresoj që trajneri t’i adaptohet skuadrës dhe të përshtatet, pasi kemi ende për të dhënë duke qenë se mbeten edhe 4 ndeshje për tu luajtur nga këto eleminatore, pavarësisht se objektivi është Europiani 2020”.

Faleminderit Mister!

Në 6 vitet tuaja në drejtimin e kombëtares, na mësuat shumë, na treguat qe forca e grupit mund të sjellë rezultate të pamenduara, e na bëtë të besojmë më shumë tek vetvetja. Bashkë arritëm të shkruajmë historinë e futbollit shqiptar, e emri juaj aty qëndron me shkronja kapitale.

Po e lini skuadrën në një nivel më të lartë seç e gjetët para 6 vjetësh, me pretendime për rezultate më të mira e për lojë me të bukur.

Për të gjitha këto, jam i bindur që shqiptarët do t’ju mirëpresin gjithmonë. Fundja, edhe ju jeni një prej nesh tashmë.

Mirupafshim ne rrethana të tjera, e uroj kurrë si kundërshtarë!

Ishte një nder.

Faleminderit Mister! Në 6 vitet tuaja në drejtimin e kombëtares, na mësuat shumë, na treguat qe forca e grupit mund të sjellë rezultate të pamenduara, e na bëtë të besojmë më shumë tek vetvetja. Bashkë arritëm të shkruajmë historinë e futbollit shqiptar, e emri juaj aty qëndron me shkronja kapitale. Po e lini skuadrën në një nivel më të lartë seç e gjetët para 6 vjetësh, me pretendime për rezultate më të mira e per lojë me të bukur. Për të gjitha këto, jam i bindur që shqiptarët do t'ju mirëpresin gjithmonë. Fundja, edhe ju jeni një prej nesh tashmë. Mirupafshim ne rrethana të tjera, e uroj kurrë si kundërshtarë! Ishte një nder. Grazie Mister! Nei vostri sei anni alla direzione della squadra nazionale, ci avete insegnato molto, ci avete mostrato che la forza del gruppo può portare risultati inaspettati, e ci avete fatto credere di più in noi stessi. Insieme siamo riusciti a scrivere la storia del calcio albanese, dove il vostro nome sara scritto in caratteri cubitali. Lasciate la squadra in un livello superiore a quando l'avete trovata sei anni fa, con la gente che si aspetta risutlati migliori e bel gioco. Per queste ragioni, sono convinto che per gli albanesi sarete sempre il benvenuto. Dopo tutto, adesso siete uno di noi. Ci rivediamo in altre circostanze, mi auguro mai come avversari! E stato un onore.

A post shared by Ansi Agolli (@ansiagolli) on Jun 14, 2017 at 3:35am PDT