Pak kohë më parë, trajneri i bardhezinjve kishte thënë në media se do të kishte një takim me presidentin Anjeli, ku do të diskutohej mbi të ardhmen e tij si dhe mbi sezonin e ardhshëm, takim që ndodh çdo fund sezoni.

Fillimisht u tha se një takim i tillë nuk do të ndodhë, pasi Juventusi kishte vendosur që do të merrte në krye të stolit Antonio Konten, por këto zëra ranë shumë shpejt poshtë, pasi Interi duket se është më pranë trajnerit italian.

Ditën e sotme, duket se është qartësuar gjithçka dhe sipas asaj që raporton “Corriere dello Sport”, Alegri dhe Anjeli do të kenë një takim kokë më kokë pasditen e sotme, ku pritet të merret dhe vendimi përfundimtar mbi të ardhmen e stolit të Juventus.

Trajneri aktual Masimiliano Alegri u shpreh në përfundim të takimit të së martës se nuk ka ndërmend të largohet nga kampionët e Italisë, qëndrim ky që ishte i njëjtë me atë të presidentit Andrea Anjeli.

Gjithsesi, situata pritet të qartësohet gjatë muajve në vazhdim. Konte fillimisht duhet të mbyllë njëherë e mirë gjyqin me klubin e Çelsit, ku kërkon të dëmshpërblehet për shkarkimin nga skuadra londineze me 23 milionë euro. Ky proces gjyqësor zgjat prej thuajse 1 viti.

Gjithsesi, presidenti Andrea Anjeli ka lavdëruar Ajaksi dhe ka komentuar qetësisht eliminimin, duke folur për Sky Sport.

“Zanati im është të jem i pranishëm edhe në raste të tilla. Ajaksi e meritoi plotësisht kualifikimin. Megjithatë, Juve ka 4 vite që kap rregullisht çerekfinalet dhe ky është motiv krenarie. 

“Ky nis faji i Juves? Ajaksi e meritoi totalisht, është një skuadër që ecën me cikle dhe është rritur me kalimin e kohës. Ky është një kompeticion ku nuk mjafton gjysmë ore. Të shtunën do kemi shansin të fitojmë titullin e tetë rresht dhe nuk duhet ta harrojmë. Bilanci mbetet pozitiv, eliminimi ndaj Ajaksit nuk është turp, sepse ka vënë në vështirësi të mëdha Bajernin dhe Realin. Largohemi pa keqardhje, pa pengje, ishte ndryshe pak kohë më parë. 

“E ardhmja? Skuadra është e re, mund të rritet dhe do të luftojë sërish për Champions League. Alegri nuk gaboi asgjë, do qëndrojë me ne, ka edhe një vit kontratë dhe në verë do ulemi të bisedojmë për rinovimin“.

Në fillim të vitit 2014 Antonio Konte ia bëri të qartë presidentit të Juventuesit Andrea Anjeli se ai do të dorëhiqej në fund të sezonit, duke mos e respektuar kontratën e tij që përfundonte deri në vitin 2015.

I gjendur në këtë lloj situate Alegri së bashku me drejtuesit e lartë të Juventusit Fabio Paratiçi dhe Xhuzepe Marota u takuan me agjentin e trajnerit serb që asokohe drejtonte Sampdorian. Mes palëve u arrit një marrëveshje për një kontratë dy vjeçare me një opsion për një sezon të tretë.

Gjithçka dukej e kryer, derisa pak javë më vonë Konte ndryshoi mendje dhe gjithçka u shkrumbua. Për ta bërë situatën akoma më të trishtë për Mihajloviç, Konte bëri përsëri një kthesë 180 gradë duke u dorëhequr në fund të sezonit, pasi mori drejtimin e kombëtares së Italisë, ndërsa drejtuesit e Juves zgjodhën Alegrin, i cili vazhdon  e sot e kësaj ditë të jetë “timonieri” i kampionëve të Italisë.

Ikardi ka kaluar shumë ditë të trazuara te zikaltrit. Çështja e rinovimit është zgjatur shumë, me sulmuesin dhe drejtuesit e klubit që nuk kanë gjetur ende akordin. Për më tepër, Ikardit iu hoq dhe shiriti i kapitenit. Këto zhvillime të fundit, kanë bërë që e ardhmja e argjentinasit të vihet në dyshim.

Shumë zëra e çojnë ish-kapitenin e Interit te Juventusi, një lëvizje që mund të jetë më e bujshmja në verë. Bisedimet e para mes dy klubeve priten të nisin shumë shpejt dhe me Anjelin që është gati të paguajë, Interi thjesht duhet të vendosë së sa para mund të përfitojë.

Sulmuesi, i cili bëri epokë me aktivizimet e tij te Juventus, duket se është vlerësuar nga drejtuesit bardhezinj dhe i është dhënë posti i ambasadorit. Trezege është gjithashtu dhe golashënuesi më i mirë i huaj i të gjitha kohërave, për Juventusin.

Francezi kaloi plot 10 vite me fanellën bardhezi, pasi u largua nga Monako në vitin 2000. Tashmë 41-vjeçari, pasi shkëlqeyu në fushë me Juventusin, ka për detyrë ta prezantojë atë jashtë fushë.

Uefa dhe Shoqata e Klubeve Europiane ishin shumë kritikë ndaj propozimeve të FIFA në fillim të këtij viti për të rikonfiguruar Botërorin e klubeve. Duke folur në atë kohë, Infantino tha se kishte investitorë, të cilët kurrë nuk ishin identifikuar, të gatshëm të paguajnë 12 miliardë dollarë për katër turne çdo katër vjet, duke nisur nga viti 2021. Pavarësisht se nuk është asgjë zyrtare, thuhet se një pjesë e madhe e parave vjen nga Arabia Saudite.

Klubet të mëdha në Evropë, duke përfshirë Real Madridin dhe Barcelonën, si dhe klube të mëdhenj të Premier Ligës, kanë dalë në mbështetje të idesë për një Botëror të ri klubesh çdo katër viti, që i premton një mesatare prej më shumë se 100 milionë sterlinash për secilin klub pjesëmarrës.

Këtë javë, 36 anëtarët e këshillit nga gjashtë konfederatat rajonale të FIFA-s do t’u prezantohet riformatimi i projektuar i Kupës së Botës për klube. Propozimet kuptohen të përfshijnë një mundësi për një turne të ri klubesh me një numër në rritje të ekipeve (opsionet e fundit ishin 16 ose 24) që do të zhvillohen çdo katër vjet, në vend të Kupës aktuale të Konfederatave, në qershor, një vit përpara Kupës së Botës.

Infantino po kërkon rizgjedhjen si president i FIFA vitin e ardhshëm dhe ka premtuar shoqatat kombëtare të futbollit të FIFA-s se organi qeverisës botëror do të shpenzojë më shumë se 4 miliardë dollarë për zhvillimin e futbollit globalisht deri në vitin 2026.

Ndërkohë, presidenti i UEFA-s, Aleksander Ceferin, u tall me planin e FIFA-s në maj, në një fjalim për ministrat e sporteve të BE, duke thënë: “Nuk mund ta pranoj që disa njerëz të verbuar nga ndjekja e fitimit po konsiderojnë të shesin shpirtin e turneve të futbollit për fonde private. Paraja nuk sundon dhe modeli evropian i sportit duhet të respektohet. Futbolli nuk është për shitje”.

Gjithashtu lidhur me këtë temë ka ndërhyrë dhe presidenti i ECA dhe presidenti i Juventus, Andrea Anjeli, po ashtu ishte i shqetësuar rreth propozimit, duke përshkruar përfitimet e mundshme financiare si “të dyshimta”. Anjeli theksoi se kalendari i turneut të futbollit është pajtuar globalisht deri në vitin 2024 dhe përparësia e tij pas kësaj është të kërkojë zgjerimin e formatit të “UEFA Champions League” për të përfshirë më shumë ndeshje dhe kjo do të sjellë më shumë të ardhura për ekipet pjesëmarrëse.