agjenti

Jo vetëm futbollistët dhe trajnerët, dënohet edhe agjenti i “urryer”

Sport Ekspres — Thu, 09 May 2019 09:35:50 +0000

Federata Italiane e Futbollit (FIGC) ka vendosur të pezullojë për 3 muaj Mino Rajolën. Agjenti i famshëm nuk do të ketë mundësi për të kryer veprime në futbollin italian gjatë kësaj periudhe, ndërsa mund të ushtrojë pa problem profesionin e tij në Angli dhe vendet e tjera.

Shkaku i këtij skualifikimi nuk bëhet i ditur, por mediat e vendit fqinj aludojnë se ka lidhje me një transferim të para 4 viteve. Rajola, një nga agjentët më të fuqishëm në botën e futbollit, i cili zotëron të drejtën e emrave si Ibrahimoviç, Pogba, De Ligt dhe Baloteli, transferoi sulmuesin Xhanluka Skamaka nga Roma te PSV.

Ishte viti 2015 dhe sulmuesi, i cili ishte atëherë 16 vjeç u transferua në ekipin e njohur holandez. Me dy muaj pezullim është dënuar edhe Vinçenco Rajola, kushëri i Minos së njohur. Avokati i tyre ka nisur punën dhe kërkon në mënyrë të menjëhershme pezullimin e këtij vendimi.

I prishi transferimin te Liverpuli, Fekir shkarkon agjentin

Sport Ekspres — Fri, 19 Apr 2019 20:40:26 +0000

Nabil Fekir ishte shumë pranë firmës me Liverpulin gjatë merkatos së verës, por gjithçka u ndërpre në minutat e fundit, për shkak se bordi drejtues i të kuqve dhe agjenti i lojtarit nuk ranë dakord. Fekir vazhdoi edhe këtë sezon te Lioni, ku është dhe kapiten i skuadrës.

Kampioni i botës ka shënuar 12 gola këtë sezon, përfshirë këtu dhe një gol kundër Mançester Sitit në Ligën e Kampionëve dhe mbetet një objektiv i Liverpulit. Për t’u transferuar te të kuqtë, Fekir ka filluar të mendojë që tani.

Vetë Zhan Pierre Bernes, ish-agjenti i Fekir, pranoi se nuk është më krahu i djathtë i sulmuesit: “Ishte një zgjedhje që e bëri Fekir. Ishte momenti i duhur për t’u ndarë”. Fekir është në kërkim të një agjenti të ri, i cili mund t’i mundësojë transferimin te Liverpuli.

Agjenti i Hysajt i bën presion Çelsit: Janari po mbaron!

Sport Ekspres — Sat, 12 Jan 2019 10:46:59 +0000

Agjenti i mbrojtësit Elseid Hysaj, Mario Xhufredi ka dhënë një tjetër intervistë për mediat italiane dhe është shndërruar në një nga personazhet më të dëgjuar në mediat e shtetit fqinj.

Si zakonisht, Xhufredi ka folur hapur për të ardhmen e Hysajt, me mbrojtësin shqiptar që po pret me padurim që transferimi i tij te Çelsi të kryhet. Xhufredi pranoi sot se nëse janari mbyllet dhe Hysaj mbetet te Napoli, atëherë do të nisin bisedimet për rinovimin e kontratës.

“Të dëgjosh se Ançeloti ka besim te Hysaj, është diçka shumë pozitive. Por merkato e janarit është ende e hapur dhe kemi interesim nga disa skuadra, me Çelsin si opsion shumë i pëlqyer.

Gjithsesi, nëse merkato mbyllet dhe Hysaj mbetet te Napoli, atëherë do të nisin bisedimet për të rinovuar kontratën”,- përfundoi agjenti i mbrojtësit shkodran.