VIDEO | Gol “alla-Roben”, Zeka dhuron spektakël në Holandë

Sport Ekspres — Mon, 06 May 2019 16:59:09 +0000

Futbollisti i kombëtares së shpresave të Shqipërisë, Agim Zeka, u huazua gjatë merkatos së janarit nga francezët e Lilës në Holandë te klubi i Fortuna Sitard.

Hapësirat në ekipin e parë kanë qenë të pakta, por 20-vjeçari po e tregon më së miri veten në kampionatin e skuadrave U21.

Së fundmi mëngjarashi shqiptar ka shënuar një gol tejet të bukur që tregon pse drejtuesit e Lilës pranuan të derdhnin 300 mijë euro nga arkat e Skënderbeut dy vite më parë.

Shpejtësi, teknikë në driblim dhe një goditje e fuqishme që shtang në vend portierin, ky gol i ka të gjitha.

https://www.instagram.com/p/BxIA_vQBqxb/?utm_source=ig_web_copy_link

Ish-lojtari i Skënderbeut në shënjestër, e duan në Holandë

Sport Ekspres — Thu, 17 Jan 2019 08:33:45 +0000

Një ish-lojtar i Skënderbeut mund të transferohet në Holandë. Ky është lajmi më i fundit që raportohet nga “1linburg.nl”. Flasim për sulmuesin anësor Agim Zeka, lojtar edhe i Shqipërisë U21. I riu momentalisht luan në Portugali, ku klubi francez i Lilë e ka lënë në huazim.

Zeka është aktualisht pjesë e Leixões, por nuk është se ka pasur hapësira për të. Ai ka luajtur vetëm 3 ndeshje si zëvendësues në pjesën e parë të këtij sezoni, ndërkohë që tanimë i del emri te holandezët e Fortuna Sittard.

Këta të fundit kanë vënë në shënjestër Zekën dhe një lojtar kroat, të dy elementë të rinj. Nuk dihet se si do të bëhet kalimi te Sittard. Në Holandë paga minimale për lojtarët e huaj është e konsiderueshme, ndaj duhet parë se çfarë do të ndodhë.