Sikurse raportojnë mediat në Kosovë, në vitin 2012, Ademi dhe Rama e kanë kërcënuar Kadollin që t’u japë 30 mijë euro ose një makinë të tipi “BMW X5”, që do t’i jepej Kryesuesit të Asamblesë Komunale të Prishtinës, Sami Hamiti. Veç kërcënimeve, Kadolli edhe është sulmuar.

Akuza tjetër ka qenë për ushtrim të ndikimit, pasi Sami Hamiti duhet të ndryshonte statusin e një ngastre toke nga “zonë e gjelbëruar” në “zonë ndërtimore”. Akuza e dytë ka rënë poshtë dhe Ademi e Rama janë dënuar për kërcënimet e bëra ndaj Kadollit.

Futbollisti i Hanoverit është lindur e rritur në Gjermani. Në të shkuarën Muslija ka qenë pjesë e grumbullimeve të disa prej grupmoshave të 4-herë kampionëve të Botës. I aftë të luajë në krahët e mbrojtjes e mesfushës, 20-vjeçari do të jetë një aset më shumë për trajnerin Bernard Shaland për ndeshjet e muajit shator kundër Çekisë dhe Anglisë.

REAGIMI AGIM CANËS  – “Më ka habitur. Më pas akuzoi arbitrin e pastaj portierin. Çdokush ka të drejtë të zemërohet pas një mosarritje të diçkaje, por jo të sillet kështu. Agim Cana e ka një emër në futboll, ka qenë pjesë e gjeneratës së artë. Është një njeri që e din futbollin, s’duhet të fliste kështu. Në vendet të tjera ku janë bërë gjëra të ngjashme ka pasur raste ku njerëzit janë dënuar të mos merren përgjithmonë me futboll”.

https://www.youtube.com/watch?v=5751brB9FSU

Njeri nga të ftuarit në panelin e emisionit i kujtoi Ademit një deklaratë të disa muajve më parë nga Redi Jupi, ku ish-trajneri i kombëtares U21 të Shqipërisë tha se vetëm Milot Rashica mund të jetë pjesë e formacionit titullar të Shqipërisë. Numri një i FFK-së u mundua të shmangë polemikat duke e konsideruar këtë si thjesht një deklaratë subjektive: “Redi ka qenë futbollist shumë i mirë dhe një trajneri i mirë gjithashtu. Secili e shikon nga këndvështrimi i tij.  T’iu tregoj një histori. Shumë trajnerë kanë thënë për Vedat Muriqin se ai s’mund të bëhej kurrë futbollist. Sot Vedati është në majat më të larta. Pra është çështje subjektive”.

Ndërtimet pritet të fillojnë brenda këtij viti. Krahas stadiumit në investim do të përfshihet një hotel dhe parqe në hapësirën përreth. Vendndodhja e stadiumit është pak kilometra larg Prishtinës dhe pranë autostradës dhe aeroportit.

Presidenti i FFK-së, Agim Ademi falënderoi qeverinë e Kosovës për investimet e bëra për zhvillimin e futbollit ndër vite: “Ministria e sportit dhe qeveria prej fillimit të punës së tyre kanë punuar shumë për futbollin, duke filluar me renovimin e stadiumeve, pastaj me ndërtimin e 12 fushave me bari sintetik dhe tani me Stadiumin Kombëtar, i cili do të jetë kupola e infrastrukturës në vendin tonë. Ndihem shumë mirë që ky projekt po jetësohet, jo vetëm për futbollistët tanë, por edhe për tifozët pasi kërkesat janë shumë të mëdha. Ne aktualisht e kemi stadiumin ‘Fadil Vokrri’ me 12 mijë ulëse derisa kërkesa online për bileta për ndeshjet e Kombëtares së Kosovës është 100 mijë. Pra kjo është dëshmi se njerëzit në Kosovë dhe bashkatdhetarët tanë e duan futbollin. Falënderimet për këtë projekt i takojnë kryeparalemtarit Veseli që na ka mbështetur fuqishëm në çdo periudhë. Në raste të këtilla mbështetja e institucioneve është e domosdoshme. Një falënderim të veçantë edhe kryetarit të komunës së Drenasit, Ramiz Lladrovci, si dhe për tifozët Dardanët. Urime dhe e gëzofshim këtë stadium”, përfundoi Ademi.

FLORENT MUSLIJA – “Ndoshta Muslija. Jemi në bisedime më të dhe me shumë të tjerë. Besoj që tani me këto rezultate që po vijnë interesi dhe dëshira e gjithsecilit rritet.

FUTBOLLISTËT E IPKO SUPERLIGA NË PËRFAQËSUESE – “Do më bëhet shumë qejfi nëse ka më shumë futbollistë të Ligës së Kosovës, pasi është një promovim për kampionatin. Megjithatë, kjo është një e drejtë ekskluzive e trajnerit. Unë i kam thënë që do më bëhej qejfi nëse do kishim sa më shumë futbollistë të ligës në përfaqësuese. Shaland thjesht po përpiqet të bëjë më të mirën”.

E ARDHMJA E SHALAND – “Sigurisht do të vazhdojmë edhe pas kualifikueseve. Ndihet shumë i kënaqur. E ka thënë dhe vetë që ky është ekipi më i bashkuar dhe luftarak që ka pasur”.

Djali i të ndjerit Vokrri ka akuzuar kreun aktual të FFK-së për abuzime dhemungesë të transparencës financiare në lidhje me menaxhimet dhe fondet e FFK-së. Në një status në llogarinë e tij në Facebook, Gramoz Vokrri thotë se Agim Ademi e largoi nga Federata (mbante postin si drejtori i marrëdhënieve të jashtme) për shkak se ai shfaqi kundërshti ndaj tij.

Megjithatë, nuk ka munguar as reagimi i Ademit, i cili në një dalje për shtyp enkas për këtë çështje deklaroi se Vokrri nuk paraqitej prej më shumë se një muaji në Federatë dhe për këtë mungesë ai nuk kishte dhënë asnjë arsye. Ndër të tjera kreu i FFK-së tha se ai i kishte propozuar Vokrrit pesë vende pune të ndryshme në strukturat e Federatës, por çdo ofertë u refuzua nga djali i ish-presidentit.

“Shorti mund të ishte edhe më i vështirë. Normalisht edhe ekipet e tjera, Bullgaria dhe Çekia e Mali i Zi kanë luajtur në kompeticione të rëndësishme”, tha fillimisht Ademi, cili nuk e përfundon me kaq fjalën e tij.

Më tej ai shtoi: “Jemi ekipi më i ri dhe shpresoj të jemi më entuziasti. Besoj në ekipin tonë, te kualiteti dhe cilësitë e lojtarëve. Shpresoj të kualifikohemi të dyja ekipet”, u shpreh Ademi për “Supersport”.

Për shortin e përfaqësueses së Kosovës ka folur dhe Edon Zhegrova, lojtari i Genkut në kampionatin belg të futbollit.

“Anglia është e fortë. ne do mundohemi të japim maksimumin, të japim gjithçka nga vetja për të shkuar në evropian. Çdo ndeshje të shërben, është eksperiencë e re për ne. Duhet të japim maksimumin dhe të fitojmë çdo ndeshje, pavarësisht kë kemi kundërshtar”.

“Grupi i Shqipërisë? Nuk di çfarë të them. Normalisht grup i vështirë, uroj të ketë sa më shumë sukses Shqipëria dhe të kualifikohet. Për mua është njëjtë, si Kosova, ashtu edhe Shqipëria”, përfundon 19-vjeçari i talentuar.

Asgjë e keqe në këtë mes, kështu dëshiron dhe është çështje zemre. Me rezultatet e fundit që Dardanët kanë marrë kohët e fundit, do të jenë të shumtë ata që do dëshirojnë të përfaqësojnë shtetin e tyre.

Presidenti i FFK, Agim Ademi, për “Supersport” është shprehur se i kanë dyer e hapura për këdo lojtar që e ndjen Kosovën. “Ndikon ky vend i parë kjo në prurjet e reja, por secili që ka qenë deri më tani e ndjen Kosovën dhe ata që e ndjejnë janë të mirëseardhur. Sigurisht do të kemi prurje të reja, që i presim me padurim. Më gëzon fakti që kur flitet për disa nga futbollistët, që mos t’i bëj publike tani, pasi janë duke ardhur. I gjithë grupi, pasi unë flas me ta, është në gjendje t’iu presë me duart hapur”.

“Mund të zbuloni një emër? Emri i parë është Loret Sadiku, të cilit do t’ia përfundojmë dokumentacionin. Sigurisht që ka edhe të tjerë, por e thashë Loret Sadikun pasi na ka mbetur peng nga ato ndeshjet miqësore. Pastaj ishte gjendja e tij e keqe në dokumentacion, që do të marrin një rrugë tani”, përfundoi Ademi.

Veç Dermakut, edhe Ardian Ismajli ka vendosur të veshë fanellën kuqezi. Ai ishte pjesë e Kosovës U21, por më parë është aktivizuar edhe me përfaqësuesen A. Në të shkruarën mbrojtësi i Hajduk Split ka qenë pjesë e zboreve të Shqipërisë U19.

Këto lëvizje i ka komentuar edhe presidenti i Federatës së Futbollit të Kosovës, Agim Ademi. Për “insporti.com” ai ka thënë: “Sigurisht së është dëshira e lojtarëve dhe e shohin një perspektivë më të madhe te Shqipëria. Ismajli ka qenë kapiten i Kosovës U-21 dhe e kemi vlerësuar dhe respektuar. Ndoshta e kanë parë konkurrencën dhe është larguar. Neve na vjen shumë keq. Si për Ismajlin, si për Dërmakun, na vjen keq që nuk janë në mesin tonë. Mund të them se ata janë djemtë të mirë dhe ne u dëshirojmë shumë suksese”.