Afrika e Jugut

VIDEO | Salah “out”, Afrika e Jugut eliminon Egjiptin

Sport Ekspres — Sat, 06 Jul 2019 20:55:15 +0000

Afrika e Jugut ka befasuar të gjithë duke eliminuar Egjiptin nga Kupa e Kombeve të Afrikës pas fitores 1 – 0 në fazën e 1/16-ve. “Faraonët” konsideroheshin si ekipi favorit për të fituar turneun, kjo dhe për shkak se ishin vendi organizator i evenimentit, por sot në fushën e blertë Afrika e Jugut luajti si e barabartë dhe nuk vodhi asgjë.

Gabimi fatal i Egjiptit u bë në minutën e 85-të, teksa një kundërsulm i Afrikës së Jugut kapi të papërgatitur mbrojtjen e vendasve. Në çerekfinale Afrika e Jugut do të përballlet me Nigerinë.

Egjipt 0 – 1 Afrika e Jugut
Shënues: Lorç 85’

VIDEO | Pasion afrikan, hyrja në stadium e kombëtares së vajzave bëhet “hit”

Sport Ekspres — Sun, 09 Jun 2019 11:08:32 +0000

Mbrëmjen e 7 qershorit nisi rrugëtimin Kupa e Botës për futbollin e femrave, që do të kulmojë në finalen e madhe me 7 korrik. Ditën e djeshme gjithashtu u luajtën sfida, ku Kombëtarja e Spanjës mposhti Afrikën e Jugut.

Gjithsesi, për këta të fundit e rëndësishme është pjesëmarrja, që me sa duket kanë nisur që në fillim ta shijojnë në maksimum.

Go BANYANA GOO TOMORROW IS THE BIG DAY FOR EVERYONE IS SOUTH AFRICA ?? pic.twitter.com/Suw6Y734ht

— Triboneus Bazela (@triboneus) June 7, 2019

Ditën e djeshme, kur kanë mbërritur në stadium për përballjen me Spanjën, përfaqësuesja e Afrikës së Jugut, ka bërë një hyrje spektakolare. Këngë, hare dhe kërcim, me videon që po bën xhiron e Botës…

“Para një jave po festonim, tani po të vajtojmë”, 23-vjeçari afrikan humbet jetën

Sport Ekspres — Sat, 25 May 2019 14:09:53 +0000

TS Galaksi është një ekip që merr pjesë në elitën e futbollit të Afrikës së Jugut. Në fundjavë mposhtën ekipin e Kaizer Çif në finalen e Nedbank Cup. 1-0 përfundoi ndeshja, por TS Galaksi nuk ka mundur të festojë fitimin e trofeut.

Tembinkosi Mbamba ka humbur jetën në një aksident rrugor, sipas raportimeve të mediave lokale. Tragjedia e 23-vjeçarit i ka trishtuar të gjithë dhe klubi ka marrë një vendim. TS Galaksi ka vendosur t’i shtyejë festimet e parashikuar për me datë 2 qershor.

“Para një jave po festonim së bashku, ndërsa tani po të vajtojmë. Ngushëllimet më të sinqerta për familjen. Pusho i qetë djalosh”, lexohet në mesazhin e publikuar në Twitter nga klubi afrikan.

A sad morning for the TS Galaxy family as we woke up to the sad news of Thembinkosi Mbamba’s passing. Last week we were celebrating with him, today we mourn him. Our sincere condolences to his family during this difficult period. Sleep well young Rocket. pic.twitter.com/pCKyxH0orv

— TS Galaxy FC (@TSGALAXYFC) May 25, 2019

Dërgoi Afrikën e Jugut për herë të parë në Botëror, shuhet legjenda e sulmit

Sport Ekspres — Sun, 13 Jan 2019 11:24:38 +0000

Një ndër sulmuesit më të fortë të Afrikës së Jugut ka humbur jetën. Fil Masinga ka shënuar 18 gola me kombëtaren afrikane, ndërsa ka luajtur në Europë me ekipt e Lids Junajtid, Salernitanës dhe Barit.

Ish-sulmuesi i famshëm ka ndërruar jetë gjatë ditës së sotme në moshën 49-vjeçare. Shkaqet nuk bëhen të ditura, ndërsa kreu i futbollit të Afrikës së Jugut ka reaguar në rrjetet sociale për vdekjen e Masingës.

“Ditë e trishtë për futbollin e Afrikës së Jugut. Masinga ishte një shërbëtor besnik i lojës së futbollit, brenda dhe jashtë fushave të blerta”, u shpreh Deni Xhordan, kreu i Federatës së Afrikës së Jugut në “Twitter”.

Masinga mbahet mend për golin deçiziv të shënuar kundër Kongos, çka i dha mundësinë Afrikës së Jugut të kualifikohet për herë të parë në histori në Botërorin Francë 1998. Masinga ishte pjesë e kombëtares dhe gjatë fitimit të Kupës së Kombeve të Afrikës në vitin 1996.