Tapia merr vendimin, zyrtarizohet trajneri i Argjentinës

Sport Ekspres — Wed, 31 Jul 2019 09:39:36 +0000

Federata Argjentinase e Futbollit (AFA) ka konfirmuar Lionel Skalonin në rolin e trajnerit për kualifikueset e Botërorit “Katar 2022”. 41-vjeçari mbante prej thuajse një viti rolin si trajneri i përkohshëm pas dorëheqjes së Horhe Sampaolit.

#SelecciónMayor El Comité Ejecutivo de la @afa resolvió hoy darle continuidad a Lionel Scaloni como entrenador de la @Argentina durante las próximas Eliminatorias para el Mundial de Qatar 2022, que comenzarán el año próximo. https://t.co/XLvUTRnSyP pic.twitter.com/4bksLz2Z9r

— AFA (@afa) July 30, 2019

Më parë Skaloni kishte pasur një eksperiencë 2-vjeccare si ndihmës i Sampaolit te Sevija dhe më pas kombëtarja argjentinase. Në ndryshim nga Sampaoli, Skaloni nuk pranoi të jepte dorëheqjen duke pranuar më pas ofertën e bërë nga federata për të qenë trajneri i përkohshëm.

Paraqitja e mirë në ndeshjet e fundit të turneut “Copa America”, ku Argjentina u eliminua mes polemikave në gjysmëfinale nga Brazili, duke se ka mjaftuar për të bindur presidentin Klaudio Tapia.

Mbyllet “çështja” Mesi, tani Argjentinës i duhet një trajner

Sport Ekspres — Mon, 10 Dec 2018 18:37:59 +0000

Dështimi në Botëror “Rusi 2018”, u përjetua me shumë keq nga Lionel Mesi, i cili pak javë pas eventit më të rëndësishëm të futbollit botëror, vendosi që të bënte një pauzë nga kombëtarja. Në dy grumbullimet të përfaqësueses “albiçeleste” emri i yllit të Barcelonës ka munguar për shkak të këtij vendimi.

Gjithsesi, “pleshti” pritet të rikthehet te dy herë kampionët e botës gjatë vitit 2019. Ditën e djeshme në “Santiago Bernabeu”, Mesi u takua me presidentin e federatës argjentinase, Shiki Tapia, me të cilin bisedoi gjatë.

Teksa, “çështja” Mesi është drejt mbylljes në Argjentinë i duhet të gjejnë një trajneri të zotin, pasi në pesë muajt e fundit, detyra i është besuar ish-ndihmësit të të larguarit Horge Sampaoli, Lionel Skaloni,i cili nuk ka drejtuar asnjëherë një ekip në karrierën e tij.