AEK

VIDEO | Sezon përrallor i PAOK, trofeu i Kupës shkon sërish në Selanik

Sport Ekspres — Sat, 11 May 2019 21:04:26 +0000

PAOK është shpallur kampion i Kupës së Greqisë për të shtatën herë në histori. Skuadra nga Selaniku mundi në finale AEK-un falë golit të vetëm të sulmuesit anglez Çuba Akpom.

Kupa është kthyer në një trofe tejet të preferuar të PAOK-ut gjatë viteve të fundit, pasi ky është viti i tretë radhazi që ky trofe shkon në Selanik. Megjithatë, këtë vit shijon më shumë se çdo herë tjetër, pasi është hera e parë që PAOK-u fiton kupën dhe kampionatin në të njëjtin sezon.

?????????? ??? ??????? ???? ????? ?? ?????! #PAOK #Champions #CupWinners #TheFutureIsHere pic.twitter.com/RItuunnbmz

— PAOK FC (@PAOK_FC) May 11, 2019

E bujshme | Dënim ekzemplar nga UEFA, përjashtohen kampionët e Greqisë

Sport Ekspres — Fri, 22 Feb 2019 18:06:54 +0000

Përballja midis AEK-ut të Athinës dhe Ajaksit të Amsterdamit më 27 nëntor, mori vëmendje të madhe nga mediet botërore për përplasjet midis dy tifozerive. Dhunë brenda e jashtë stadiumit dhe madje sulme me bombë molotov, të gjitha këto kanë mjaftuar që UEFA të japë një dënim ekzemplar.

Kampionët në fuqi të Greqisë janë dënuar me një pezullim një vjeçar nga kompeticionet e UEFA-s, që do të hyjë në fuqi në edicionin e radhës, ku klubi nga Athina do të kualifikohet.

UEFA nuk është mjaftuar vetëm me kaq. Krahas përjashtimit AEK do të luajë më dyer të mbyllura dy ndeshjet e ardhshme në Europë, ndërsa klubi do t’i duhet të paguajë dhe një gjobë prej 80 mijë eurosh.

https://twitter.com/ultrastyle01/status/1067489890462511109

PAMJE TË RËNDA

Mesfushori kuqezi ndërron skuadër, e kërkon gjiganti suedez

Sport Ekspres — Sun, 20 Jan 2019 18:42:03 +0000

Në kampionatin grek të futbollit, është një numër i madh futbollistësh shqiptarë që luajnë dhe një nga ata është dhe mesfushori 28-vjeçar, Astrit Ajdareviç, që mbron ngjyrat e AEK-ut.

Ajdareviç është grumbulluar edhe në kombëtaren shqiptare të futbollit dhe karriera e tij po pëson një ngritje të menjëhershme. Pas tri sezoneve të suksesshme me AEK-un, interesim për 28-vjeçarin ka ardhur nga kampionati suedez i futbollit, me Djugarden që interesohet për shërbimet e tij.

Ajdareviç nuk ka luajtur asnjë ndeshje këtë sezon me AEK-un dhe duket se nuk bën pjesë në planet e trajnerit dhe si pasojë, do të kërkojë largimin brenda muajit janar. Me Djugarden si një alternativë e kënaqshme për të, me shumë gjasa mesfushori kuqezi do të transferohet në Suedi.

AEK i bën dalje, Ajdareviç shikon për skuadër të re

Sport Ekspres — Wed, 28 Nov 2018 18:08:39 +0000

Astrit Ajdareviç mund të nisë që tani të kërkojë për ekip të ri, pasi te AEK-u i kanë bërë dalje. Së fundmi ai është nxjerrë edhe nga dhomat e zhveshjes prej presidentit të skuadrës greke. Lajmi raportohet nga “Sport24.gr”.

Klubi grek nuk ka në planë disa lojtarë, por sjellja është ndryshe me. Bakaseta, Lambropoulos dhe Simos, ndryshe nga mesfushori shqiptar janë lejuar të stërviten me skuadrën. Tashmë Ajdareviç duhet të zgjidhë kontratën me AEK-un.

Marrëveshja aktuale i përfundon më 30 qershor të vitit 2019. Për mesfushorin 28-vjeçar më e mira është që të largohet në një ekip ku të luajë. Në Suedi interesohen për të, ndërkohë që kanë nisur të lakohet emri i Djugardenit. Gjithsesi më parë duhet zgjidhur kontrata.

Ajdareviç këtë sezon me AEK-un është aktivizuar vetëm në një ndeshje kupe, ndërsa në kampionat vetëm është grumbulluar në tre takime. Ai iu bashkua skuadrës greke në janar të vitit 2017, ndërkohë që vjet dha kontributin e tij në fitimin e titullit kampion.

VIDEO | Sulm me shishe molotov dhe tifozë të gjakosur, në Athinë nuk flitet për futboll

Sport Ekspres — Tue, 27 Nov 2018 19:34:11 +0000

Takimi midis AEK dhe Ajaksit është shoqëruar me tensione të shumta midis dy tifozerive. Përleshjet e para filluan gjatë mbrëmjes së djeshme dhe vazhduan përgjatë të gjithë ditës së sotme. Por, skenat më të dhunshme nuk janë parë në rrugët e Athinës, por në tribunat e stadiumit.

Fillimisht të dyja tifozeritë po sulmonin njëra-tjetrën duke hedhur sende të fortë dhe flakadanë e tymuese, gjatë pushimit të pjesës së dytë ndodh e papritura, njëri prej tifozëve të AEK hedh një shishe molotov drejt tribunës ku ishin vendosur tifozët e Ajaksit

Fatmirësisht, shishja e mbushur me benzinë shpërthen vetëm pak metra nga tribuna dhe shmanget një tragjedi. Fotot e dhunës në stadium po bëjnë xhiron e botës. Me siguri UEFA do të japë një dënim shembullor për klubin grek, pasi skena kaq të dhunshme nuk shiheshin prej vitesh në ndeshjet e Champions League.

https://twitter.com/ultrastyle01/status/1067489890462511109

PAMJE TË RËNDA

VIDEO | Tensionet s’kanë fund, tifozët e AEK dhe Ajaks përplasen në tribuna

Sport Ekspres — Tue, 27 Nov 2018 18:10:03 +0000

Policia e Athinës nuk ka mundur të shmangë përplasjet midis tifozëve të AEK-ut dhe Ajaksit të Amsterdamit. Përleshjet filluan gjatë mbrëmjes së ditës së djeshme dhe vazhduan përgjatë të gjithë ditës së sotme.

Por, përplasjet midis tifozerive nuk janë ndalur as në tribunat e stadiumit të AEK-ut. Në një video që është shpërndarë së fundmi në internet, tifozeria e Ajaksit gjendet nën sulmin e vazhdueshëm me mjete piroteknike që vijnë nga tifozë të AEK-ut.

De ME slaat erop los in het vak met Ajax-fans #aekaja #ajax pic.twitter.com/hZsjnlgAWp

— Daniel Schoonenboom (@Schoonenboom) November 27, 2018

VIDEO | Ajaksi “copëton” AEK-un, Bogdani shënon golin e nderit

Sport Ekspres — Tue, 27 Nov 2018 17:25:50 +0000

Ekipi i moshave 19-vjeçarëve të skuadrës së AEK ka pësuar një humbje të thellë në “UEFA Youth League”, teksa janë mundur rezultatin 8 – 1 në ndeshjen ndaj moshatarëve të akademisë së Ajaksit të Amsterdamit. Golin e nderit për skuadrën greke e shënoi mbrojtësi shqiptar Donald Bogdani në minutën e dytë të kohës shtesë.

Humbje të thellë ka pësuar dhe Jang Bojs, ku luan mbrojtësi Kreshnik Hajrizi. Skuadra zvicerani u mund me rezultatin 6 – 2 nga vendasit e Mançester Junajtid, që treguan se jo më kot cilësohen si një ndër akademitë më të mirë në Angli së bashke me atë të Çelsit dhe Mançester Sitit.

Në ndeshjen midis moshave të Bajernit dhe Benfikës, që përfundoi me rezultatin 2 – 2, munguan Meritan Shabani dhe Marvin Çuni. Mesfushori Shabani, me shumë gjasa do të jetë i përzgjedhur nga Niko Kovaç për takimin e sotëm të bavarezëve në “Allianz Arena”.

VIDEO | Tension në Athinë, tifozët e Ajaksit përleshën me mbështetësit e AEK-ut

Sport Ekspres — Tue, 27 Nov 2018 15:48:21 +0000

Huliganizmin e pamë në Argjentinë në ndeshjen mes Riverit dhe Bokës, por edhe në Europë është përhapur në masë. Një mbrëmje e trazuar në Athinë, teksa tifozeria e AEK-ut dhe ajo e Ajaksit janë konfrontuar para ndeshjes së Champions-it që këto dy ekipe do të zhvillojnë.

Ndërhyrja e shpejtë e policisë ka evituar përplasjen fizike, pasi fillimisht tifozeria mike është afruar te selia e tifozëve të AEK-ut dhe ka hedhur disa flakadanë. Rreth 200 tifozë holandezë kanë udhëtuar drejt Greqisë, por numri i tifozëve që kanë krijuar incidentin është më i lartë dhe nga se mësohet, disa mbështetës të Panathinaikosit janë bashkuar me mbështetësit e Ajaksit.

Në video shihet se ka qenë një situatë mjaft e tensionuar dhe është dashur një numri i lartë i forcave të policisë për të kryer qetësinë në rrugët e Athinës.

Big clash in Athens tonight. Huge group of Ajax hooligans (200+-, included 60 Panathinaikos + 7 Cracovia) attacking the clubhouse of AEK Athene where are around 180+- hools located! pic.twitter.com/39hvmYcPIW

— ?????? ????? ???????? (@thecasualultra) November 26, 2018

AEK në telashe, UEFA mund ta dënojë për “keqtrajtimin” e tifozëve të Bajernit

Sport Ekspres — Tue, 20 Nov 2018 19:19:27 +0000

Tifozët e Bajernit të Mynihut kanë protestuar në lidhje me çmimet e larta të biletave në ndeshjen e luajtur në Athinë kundër AEK-ut dhe tashmë UEFA reagon, duke nisur një hetim në ngarkim të klubit grek.

AEK vendosi çmimin 15 euro për biletat e shitura tifozerisë greke, por 35 euro për çdo biletë për tifozët gjermanë.

Në bazë të rregullores së UEFA-s, çmimi i biletave për tifozerinë mike nuk duhet të jetë më i lartë se për tifozerinë vendase, në sektorë të ngjashëm.

Edhe një vit më parë tifozët e Bajernit u trajtuan në këtë mënyrë nga Anderlehti, që vendosi çmimin 100 euro për biletat e gjermanëve, por në atë kohë UEFA veproi dhe tifozët u rimbursuan pjesërisht.

Tani AEK do të mësojë vendimin e UEFA-s, që do të jepet në 31 dhjetor.

VIDEO | Debutim i suksesshëm për Jorgjin në Europë, e nis me një penallti

Sport Ekspres — Thu, 25 Oct 2018 20:48:04 +0000

Enea Jorgji është i pari gjyqtar shqiptar që arrin të gjykojë një ndeshje në grupet e Europa League-s. Pa dyshim një sukses madhor për “bilbilin” nga Elbasani, i cili në aspektin personal regjistron një arritje madhore.

Jorgji vuri drejtësi në ndeshjen mes AEK Alarnakës dhe Ludogoretsit. Gjyqtari shqiptar u bë protagonist në minutën e 24-të, teksa akordoi një 11-metërsh në favor të vendasve. Një veprim i drejtë nga ana e 34-vjeçarit, pasi portieri mik bëri një ndërhyrje në dëm të një prej lojtarëve vendas. Ndeshja përfundoi 1-1.

Një debutim i suksesshëm, pasi nuk pati asnjë moment tjetër të vështirë kjo sfidë historike për vetë Jorgjin, por dhe për futbollin shqiptar.

https://twitter.com/shumansko/status/1055508428804767747