I pari është zyrtarisht juventin dhe u mor pas harxhuar asnjë cent për kartonin e tij, ndërsa mbrojtësi holandez është shumë afër dhe pritet zyrtarizimi i tij nga çasti në çast.

“Rabiot është më shumë se një futbollist i mirë. Nuk është Mesi, por ka kualitet dhe luan në të gjithë fushën. Ai është një numër 8 i kohërave të vjetra, një ‘mezzala’ dhe jo një organizator.

De Ligt? A mund të tregohem i sinqertë? E njoh pak si futbollist, por shifrat 70, 100 dhe 200 milionë euro janë të ekzagjeruara. E blen një futbollist me miliarda dhe pas katër vitesh e humbet”, përfundon Mishel Platini.

Megjithatë, po aq ose ndoshta më shumë janë lumturuar edhe tifozët e PSG. Mbështetësit francezë kanë “pushtuar” faqen e bardhezinjve, duke mos e fshehur kënaqësinë dhe çlirimin e tyre si dhe duke mos i kursyer ironitë në komentet e bëra.

Rabiot nisi një luftë të heshtur me kampionët e Francës e cila nuk përfundoi kurrë. Shkak u bë mos rinovimi i kontratës dhe palëve filloi të mos ju a ndjejë më për njëri-tjetrin.

Lojërat e mesfushorit me klubin nuk i kanë pëlqyer tifozëve të PSG-së, të cilët tani ndihen mirë që “problematiku” Rabiot u largua. Zgjidhja perfekte për të gjithë: Juven, lojtarin dhe të dy tifozëritë…

Gjithsesi, që prej ditës së djeshme ai është pjesë e bardhezinjve të Juventusit. Rabiot ka thënë fjalët e para si juventin, duke prekur disa tema të ndryshme gjatë prononcimit të tij.

JUVENTUS – “Kam ardhur të një klub i madh, shumë prestigjioz dhe me një eksperiencë të madhe në nivel evropian. Ashtu si e shoh unë, Juventusi është një shkallë sipër PSG-së. Kam patur edhe më parë kontakte me Juven, por ishte një periudhë tjetër e jetës time. Tani kishte ardhur momenti i duhur për të ardhur dhe ja ku jam këtu.”

AKORDI – “Marrëveshja u mbyll para pak ditësh dhe më duhet të them se gjithçka ndodhi shumë shpejt. Nuk patëm asnjë problem për të rënë dakord. Juventusi ka një histori të madhe dhe kjo përfshin edhe lojtarët francezë. Ashtu si ata, shpresoj që edhe unë të sjell diçka nga vetja.”

PSG – “Do doja ta mbyllja ndryshe, por janë gjëra që ndodhin dhe nuk varej vetëm nga unë. Tani dua ta lë pas krahëve atë histori. Leonardo nuk tentoi të më mbante. E kishte kuptuar që gjithçka kishte mbaruar, thjesht donte të dinte se çfarë kishte ndodhur.”

SARRI – “Nuk kam biseduar akoma me trajnerin, por mendoj se Juventusi ka bërë zgjedhjen e duhur me Sarrin. Mua më pëlqen të luaj si ‘mezzala’ e majtë. Kam luajtur si në mesfushën me 3 edhe në atë me 2. Zgjodha numrin 25.”

BUFON – “Xhixhi më ka dhënë shumë këshilla dhe më ka folur shumë për Juven. Ai e njeh mirë skuadrën dhe ishte personi më i mirë për të diskutuar këtë temë. Mendimi i tij ka qenë shumë i rëndësishëm për mua.”

Ish-mesfushori i Arsenalit është një lojtar plot kualitet e eksperiencë dhe karakteristikat e tij janë ideale për futbollin që dëshiron të praktikojë Mauricio Sarri.

Ufficiale ???? @juventusfc #finoallafine pic.twitter.com/NXtsmAxT80

— Aaron Ramsey (@aaronramsey) July 1, 2019

Ramsej është prezantuar gjatë ditës së sotme, ndërkohë që Rabiot ka kryer kontrollet mjekësore. Ish-mesfushori i PSG-së është çliruar më në fund nga kontrata me francezët dhe po pret me padurim nisjen e sezonit të ri me Juventusin.

?? @Adriien_Rabiiot #JMedical pic.twitter.com/qy0awepvrq

— JuventusFC (@juventusfc) July 1, 2019

“dhurta

Nga transferimi në Torino, mesfushori do të përfitojë plot 9 milionë euro në sezon. Edhe pse i dyti, duhet të theksojmë se rroga e tij është shumë larg 31 milionëve që merr Ronaldo. Më poshte ju tregojmë 10 lojtarët më të paguar në Kampionatin Italian. Edhe këtu bie në sy supermacia e Juventusit. Tetë lojtarë të “Zonjës” janë pjesë e kësaj liste.

Kristiano Ronaldo (Juventus): € 31 milion

Adrien Rabiot (Juventus, jo zyrtare): € 9 milion

Gonzalo Higuain (Juventus): € 8.5 milion

Paulo Dibala (Juventus): € 7 milion

Aron Ramsej (Juventus): € 6.9m

Miralem Pjaniç (Juventus): € 6.5 milion

Xhanluixhi Donaruma (AC Milan): € 6 milion

Dagllas Kosta (Juventus): € 6 milion

Sami Kedira (Juventus): € 6 milion

Kalidu Kulibali (Napoli): € 6 milion

Kohët e fundit është folur mbi mundësinë e rinovimit dhe opsionin Juventus. Veronike Rabiot, nëna dhe agjentja e 24-vjeçarit, ka sqaruar të vërtetën në prononcimin e saj për “France Football”.

“Nuk ka patur asnjë kontakt midis meje dhe Leonardos. Lajmet se Leonardo nuk ka ardhur në takim apo që unë kam refuzuar ofertën e rinovimit nuk janë aspak të vërteta. Juventus? Ne jemi shumë supersticiozë. Është më mirë të flasësh pak deri kur të kryhet e gjitha”, përfundon agjentja e francezit.

Sipas raportimeve të “gianlucadimarzio.com”, sot do të vijë përgjigja pozitive e mesfushorit francez. Firma e kontratës së re do të bëhet me 1 korrik, datë kur Rabiot do të jetë përfundimisht lojtar i lirë.

Kjo është goditja e dytë me parametra zero e bardhezinjve. Në fillim u siguruar Aron Ramsej nga Arsenali pa harxhuar asnjë cent, ndërsa tani përsëritet e njëjta gjë me Adrien Rabiot, i cili po pret me padurim largimin nga PSG dhe nisjen e një aventurë të re.

Të shumta janë ofertat në drejtim të 24-vjeçarit, i cili dëshiron të harrojë sa më shpejt sezonin e fundit. Juventusi është ndër kandidatët për të siguruar shërbimet e francezit dhe kuotat e bardhezinjve janë shtuar pas fjalëve të vetë lojtarit.

“Është e vërtetë që Italia më pëlqen shumë. Juventusi më ka kërkuar dhe po busedojmë. Nuk mund të them asgjë tjetër, pasi nuk e di akoma se ku mund të përfundoj. Po negociojmë dhe nuk mund të them asgjë, por Juventusi është një klub i madh”, shprehet shkurt dhe qartë Adrien Rabiot, i cili nuk zbret në fushë që prej dhjetorit të vitit të kaluar.

Edhe me anë të Europa League, të besuarit e Unai Emeri ishin shumë pranë, pasi arritën finalen, por u mposhtën nga Çelsi. Si pasojë, buxheti i “Topçinjve” është ulur ndjeshëm nga mungesa në Champions League. Kjo gjë ka bërë që Emeri të heqë dorë nga dëshirat e shtrenjta dhe të rikthejë fokusin te lojtarët e lirë.

Futbollisti që trajneri spanjoll kërkon me çdo kusht është ish-lojtari i tij te PSG, Adrien Rabiot. I vetmi problem, është rroga e mesfushorit francez, i cili kërkon 300 mijë paundë në javë. Mbetet për t’u parë nëse kushtet e 24-vjeçarit do të plotësohen, që shihet si zëvendësuesi i Aron Ramsejt.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Veronika Rabiot është nëna e lojtarit dhe mban rolin e agjentes së tij. Në një prononcim të fundit për mediat, ajo nuk është kursyer aspak kundrejt presidentit Naser Al-Khelaifi. Këtë të fundit e akuzon për faktin që nuk merr nga futbolli, ndërsa heshti gjatë kohës që djali i saj u keqtrajtua para të gjithëve.

“Kur dikush merr vendime në jetë ka gjithmonë pasoja me afat të shkurtër, mesëm apo gjatë. Nuk e kuptoj se si ka mundësi që presidenti ka treguar se nuk merr vesh fare nga futbolli. Ai nuk ia ka haberin për lojtarët e futbollit, aq më tepër për njerëzit. Nëse Adrien do të dënohej për diçka të saktë, do të ishte gjithçka ndryshe… Të gjithë e dinë se ai është keqtrajtuar dhe vuan pa thënë asgjë.

Nuk e di nëse presidenti është koshient për atë që po ndodh. Situata është bërë e paqëndrueshme. Al-Khelaifi ka ‘zhdukur’ qetësinë dhe është e pamundur të injorosh faktin që një nga futbollistët më të mirë keqtrajtohet kështu para të gjithëve. Problemi është që ai nuk flet fare për këtë situatë. Nëse do të kishte folur, gjërat do të kishin marrë një tjetër rrjedhë”, përfundon Veronika Rabiot.

Sipas raportimeve të spanjolles “El Mundo Deportivo”, drejtori sportiv i bardhezinjve ka nisur sulmin për Adrien Rabio. Mesfushori francez do të largohet nga PSG me parametra zero në fund të sezonit.

E ardhmja e tij është akoma mister. Në fillim u përfol për një akord me Barcelonën, më pas erdhi interesimi i madh i Realit për 24-vjeçarin.

Tashmë ka hyrë në lojë Juventusi, që ndodhet i avantazhuar për të transferuar Rabio në Serie A. Paratiçi po negocion me nënën e lojtarit, e cila është edhe agjentja e tij. Bisedimet po shkojnë mbarë dhe Juventusi mund të konkretizojë një tjetër goditje si ajo e Aron Ramsejt.

Sipas lajmeve që vijnë nga mediat spanjolle, Reali i Madridit ka vepruar shpejt dhe ka arritur të bindë 23-vjeçarin, i cili do të largohet me parametra zero në fund të sezonit nga PSG. Drejtuesit e kampionëve të Europës kanë gjetur akordin me nënën e lojtarit, e cila është edhe agjentja e tij.

Lojtarin e pret një rrogë prej 10 milionë eurosh në sezon, ndërsa 10 milionë do të marrë dhe agjentja e nëna e tij në momentin e firmosjes së kontratës. Në marrëveshje janë përcaktuar dhe bonuset për Rabiot: 2 milionë euro do të përfitohen në momentin që lojtari do të arrijë shifrën 100 ndeshje me ekipin e Solarit, 2 të tjera në rast të fitimi të Champions Ligës dhe nga gjysmë milionë euro për fitimin e kampionatit dhe Kupës së Mbretit.

E ardhmja e tij lidhet me Barcelonën, por në garë për shërbimet e tij janë dhe skuadra si: Bajerni i Mynihut, Liverpuli dhe Totenhemi. Rabiot ka marrë një vendim së fundmi. Ai ka shkarkuar nga detyra agjenten e tij, e cila është dhe e ëma e futbollistit.

Lajmi është bërë publik nga katalanasja “Sport”, që raporton se francezi ka marrë këtë vendim si pasojë e mungesës së transferimit të tij në janar te klubi spanjoll.

Në Francë janë të sigurt për të ardhmen e lojtarit dhe “Le Parisien” raporton se Rabiot do të transferohet te Barcelona në fund të sezonit. Mesfushori ka arritur akordin me drejtuesit e klubit katalanas dhe mungon vetëm firma në kontratë. Kohëzgjatja e kontratës, rroga e lojtarit dhe bonuset janë përcaktuar të gjitha dhe ka dakordësi mes palëve.

Ai pritet të marrë rolin e Ivan Rakitiç, me kroatin që është gjithnjë e më larg Barcelonës. Por, nënkampioni i botës është një nga të preferuarit e Ernesto Valverdes dhe rinovimi i kontratës së trajnerit mund ta ndikojë në qëndrimin e 30-vjeçarit në ekip.

Kështu, sipas mediave në Angli, londinezët e Arsenalit, kanë menduar t’i ofrojnë francezëve një shkëmbim kokë më kokë. Mesut Ozil të kalojë në kryeqytetin francez, ndërsa Adrien Rabiot të drejtohet për në Londër.

Tashmë pritet të shqyrtohet kjo ofertë nga ana e drejtuesve të PSG-së, ku propozimi i Arsenalit, mund t’i bindë, pasi Rabiot është thuajse i larguar dhe përfitimet do të jenë minimale në rast se shitet, pasi kontrata e mesfushorit përfundon në fund të këtij sezoni. Ndoshta PSG mund të bindet dhe kjo do të ishte padyshim lëvizja më e bujshme e kësaj merkatoje.

Shuma që po tentohet të mblidhet me anë të platformës “Go Fund Me” është 300 mijë euro. Në mënyrë të pabesueshme brenda një ditë janë mbledhur 215 mijë euro dhe është vetëm çështje orësh para se objektivi i vënë të kapet.

Mbi 2000 veta kanë kontribuar në këtë platformë, por donacioni që bie më shumë në sy është ai mesfushorit të PSG-së Adrien Rabio, i cili dhuroi 25 mijë euro në një transaksion të vetëm.

Mesfushorit i përfundon kontrata me kampionët e Francës në verë dhe ai nuk ka pranuar rinovimin e saj, duke sjellë acarimin e klubit dhe marrjen e vendimit “përjashtues”. Barcelona dhe shumë klube të tjera të mëdha interesohen për 23-vjeçarin, por një tjetër klub është futur në garë.

Siç raporton “Mundo Deportivo”, Totenhemi është gati të paguajë 23 milionë euro për kartonin e Rabiot. Francezëve u pëlqen oferta dhe janë gati të pranojnë propozimin e anglezëve. Gjithçka mbetet në dorën e lojtarit, i cili është i turbullt dhe nuk po arrin të vendosë për të ardhmen.

Ajo i skadon në verë dhe PSG do të detyrohet të humbasë shërbimet e tij pa fituar asnjë euro. Agjentja e lojtarit, e cila është dhe nëna e tij, ka prishur çdo raport me drejtuesit e kampionëve të Francës dhe po negocion prej kohësh me klubin e Barcelonës.

PSG nuk e mori 23-vjeçarin në minifazën përgatitore në Doha dhe atij nuk i ka pëlqyer kjo gjë. Rabiot është lodhur nga kjo situatë dhe, siç raporton “L’Equipe”, është gati të dërgojë klubin në gjykatë.

Francezi nuk e duron faktin që po stërvitet me ekipin e dytë dhe shpreson që kjo situatë të ndryshojë, përndryshe palët do të përfundojnë përballë një… gjykatësi!

Tomas Tuhel ka folur në konferencën për shtyp përpara ndeshjes kundër Amiensit, duke i hapur rrugë rikthimit të 23-vjeçarit si pjesë e ekipit. Gjermani i stolit është gati për një hap të tillë, por ka një kusht të vetëm.

“Personalisht unë kam ende një raport të mirë me Rabiot dhe jam i hapur për gjithçka. Jam i gatshëm ta integroj përsëri me grupin, nëse raportet e tij me klubin normalizohen në këtë periudhë. Nuk mendoj se është e mundur tani një gjë e tillë, por, nëse qëndron, pas janarit mund t’i bashkohet grupit. Ai është stërvitur gjithmonë në një mënyrë shumë profesionale”, përfundon trajneri gjerman i PSG.

Po Rabiot? Kontrata e tij me PSG përfundon në fund të sezonit, ndërsa në garë është futur Bajerni i Mynihut. Bavarezët janë gati të marrin 23-vjeçarin që tani në janar, sigurisht duke paguar diçka te PSG.

Diçka e tillë i intereson dhe kampionëve të Francës, të cilët nuk dëshirojnë ta humbasin lojtarin me parametra zero në verë dhe kërkojnë 30 milionë euro. Një shumë e tillë cilësohet e lartë nga Bajerni, megjithatë Hasan Salihamixhiç, drejtori sportiv i klubit gjerman, ka zbuluar për “Bild” interesimin për mesfushorin.

“Ju e dini se si është merkato. Ne duhet t’i mbajmë sytë dhe veshët hapur. Rabiot? Ai është një lojtar interesant”, thekson boshnjaku i Bajernit. Nga ana tjetër, Frenk Riberi ka pësuar një dëmtim në kofshë. Bajerni vazhdon përgatitjet në Katar, ndërsa francezi do të qëndrojë pushim dy javë dhe do të mungojë në ndeshjen e 18 janarit kundër Hofenhajmit.

Siç citon Abdellah Boulma, gazetari francez, Rabiot ka insistuar në përfshirjen e një klauzole të veçantë në marrëveshjen me Barcelonën. Ai ka kërkuar që të mos detyrohet asnjëherë të aktivizohet në rolin e numrit “6” në mesfushën e katalanasve, që mbahet nga Sergio Buskets.

Rabiot është një lojtar, të cilit i pëlqen shumë faza ofensive, liritë taktike dhe “urren” të luajë në pozicionin para mbrojtjes. Diçka e tillë është e papranueshme për çdo klub, aq më tepër për Barcelonën, që ka vendosur të investojë për talentin holandez të Ajaksit dhe të heqë dorë nga Adrien Rabiot.

Le principal point d’achoppement dans la signature du contrat entre #Rabiot et Barcelone réside dans le fait que ce dernier a demandé que soit stipulé une clause qui lui éviterait de jouer en position de «6 »

— Abdellah Boulma (@abdellahboulma) January 9, 2019

Sipas raportimeve të “Gianlucadimarzio”, e ëma e Rabiot, e cila është njëkohësisht dhe agjentja e lojtarit, ka gjetur marrëveshjen me klubin katalanas. Transferimi do të bëhet në verë, me Barçën që siguron shërbimet e lojtarit me parametra zero. Rabiot do të firmosë një kontratë 5-vjeçare me një rrogë prej 10 milionë eurosh në sezon.

Barcelona do të paguajë dhe 10 milionë euro në dorë për francezin në momentin e firmosjes së kontratës së re. Negociatat zgjatën shumë, pasi për mesfushorin interesoheshin dhe disa klube të tjera europiane, por Barcelona veproi më shpejt se të gjithë dhe bindi familjen Rabiot për të zgjedhur ekipin e Leo Mesit.

Mediat franceze transmetuan lajmin e arritjes së një akordi mes francezit dhe Barcelonës, ndërsa firma pritet të vijë në ditët e para të janarit. Katalanasit kanë reaguar pas këtij lajmi me anë të një komunikate zyrtare. Asgjë nuk është e vërtetë, i vërtetë është vetëm interesimi i klubit spanjoll për 23-vjeçarin, por nuk ka akord mes palësh.

“Pas lajmeve të dala në Francë, Barcelona konfirmon se nuk ka shkelur asnjë rregull lidhur me formën e lojtarit të PSG. Kontaktet e vetme janë bërë në muajin gusht dhe ato të tashmet, përpara një jave. Në të dyja rastet, kontakti është bërë më drejtuesit sportivë të PSG për të treguar interesimin e Barcelonës për Adrien Rabiot. Klubi ynë gjithmonë ka dashur të punojë me transparencën më të madhe me PSG dhe çdo klub tjetër. Barcelona mohon çdo lloj marrëveshje me lojtarin e PSG, Adrien Rabiot”, përfundon komunikata zyrtare e klubit katalanas.

[? ÚLTIMA HORA]
Comunicado del FC Barcelona sobre el PSG y Rabiot
? https://t.co/zTY4LARd54

— FC Barcelona (@FCBarcelona_es) December 30, 2018

Aktualja me PSG skadon në verë, ndërsa Rabiot nuk pranoi të rinovonte kontratën, pavarësisht insistimit të kampionëve të Francës. Klubi francez u dorëzua duke pranuar vendimin e lojtarit dhe nuk e grumbulloi atë në ndeshjet e fundit.

Barcelona i ka ofruar një rrogë prej 10 milionë eurosh në sezon, ndërsa po kaq do të përfitojë dhe e ëma e lojtarit në formë komisioni, e cila është dhe menaxherja e mesfushorit. Rabiot do të jetë një katalanas që nga 1 janari. Vetëm disa detaje kanë mbetur për t’u përcaktuar në marrëveshjen mes klubeve, ndërsa Rabiot është një përforcim me shumë vlera për ekipin e Valverdes.

Pavarësisht këtyre deklaratave, kampionët e Francës mund ta shesin 23-vjeçarin në janar. Barcelona dhe Juventus janë klubet më të interesuara për shërbimet e tij. Bardhezinjtë mund të tërhiqen nga gara për Rabiot dhe mund ta lejojnë atë të zgjedhë Barcelonën.

Shkaku? Siç raporton ”Tuttosport”, Juventus është gati të bëjë këtë lëvizje për të mbërritur te… Pol Pogba. Francezi kërkohet dhe nga Barcelona, por katalanasit mund të mjaftohen me Rabiot, kështu që rriten shanset e rikthimit të mesfushorit të Junajtid tek ekipi torinez.

Nga ana tjetër, Juventus është në garë dhe për shërbimet e Matijs De Ligt. Mbrojtësi i talentuar i Ajaksit ka oferta nga shumë klube evropiane, ndërsa babai i tij ka folur për të ardhmen e 19-vjeçarit.

“Juventus mund të jetë një mundësi për të ardhmen e Matijs, por nuk është klubi i vetëm i interesuar. Tani jemi të përqendruar tek Ajaksi. Torino është një qytet i bukur dhe isha aty në verë për të ndjekur ndeshjen e Holandës. Në muajt e ardhshëm, unë, djali im dhe Rajola (menaxheri i De Ligt) do të marrim vendimin e duhur për të ardhmen e tij”, ka folur Frenk De Ligt për “Tuttosport”.

Kapiteni dhe titullari i kombëtares së Holandës u shpall dje fituesi i çmimit “Golden Boy” dhe shihet si një nga mbrojtësit e së ardhmes.

Siç citon “DAZN”, mesfushori francez nuk e ka pritur mirë mos aktivizimin si titullar për ndeshjen kundër Bordosë dhe mes palëve ka “ngrirë akulli”. Një gjë e tillë e ka acaruar 23-vjeçarin, i cili nuk ka pranuar të takohet me presidentin e PSG, Naser Al Khelaifi, për të diskutuar çështjen e rinovimit.

Barcelona, Juventus dhe Inter janë ndër klubet kryesore që interesohen për shërbimet e Rabiot, ndërsa rriten kuotat e largimit të tij nga PSG që në janar.

Për shërbimet e 23-vjeçarit interesohen shumë klube, sidomos Interi dhe Juventusi, që kanë nisur një luftë në distancë për lojtarin. Por, lajmet që vijnë nga Spanja nuk janë pozitive për dy klubet italiane. Siç citon “El Mundo”, lojtari e ka vendosur të ardhmen e tij.

Mamaja e Rabiot, njëkohësisht dhe menaxherja e tij, i ka dhënë fjalën Erik Abidalit, drejtorit sportiv të Barcelonës. Katalanasit e ndjekin prej kohësh francezin dhe Abidal ka patur negociata të shumta me mamanë e lojtarit. Familja Rabiot e ka marrë vendimin final më në fund dhe mesfushori pritet të kalojë në verë në Spanjë për të nisur aventurën e tij me Barcelonën.

Duket se interesimi ndaj francezit këto kohë ka ndryshuar kah. Është pikërisht Mançester Siti, ekipi që kërkon shërbimet e 23-vjeçarit dhe për këtë “Citizens” duket se po bëhen gati të hidhen në sulm që në merkaton e janarit. Në rast se transferimi nuk do të jetë i mundur në muajin janar, anglezët do të tentojnë që të firmosin një parakontratë me Rabiot, që do të transferonte automatikisht këtë të fundit, merkaton e verës në Mançester.

Për Adrien Rabiot është folur shpesh se ai nuk ndihet i lumtur në Paris, pavarësisht se është një titullar fiks i PSG. Duket se francezi kërkon një aventurë të re dhe për këtë fakt Pep Guardiola e kërkon në ekipin e tij. Rabiot ka të mbetur edhe një vit kontratë me PSG. Kujtojmë se në rast se ky transferim ndodh, atëherë do të ishte një rikthim për futbollistin francez tek Siti. Në moshën 14-vjeçare mesfushori ka qenë për një vit pjesë e “Citizens” ku dhe u largua për arsye se kërkonte të kthehej në Francë.

Gjithsesi PSG është klubi që vendos për të ardhmen e Nejmar, i cili së fundmi ka takuar shokët e tij te Barcelona, ndërkohë që është ngacmuar në lidhje me të ardhmen. Braziliani tregohet finok dhe përgjigja kur e pyesin për një kalim tijin te Reali i Madridit është ajo standardja: “Unë kam një kontratë në fuqi me PSG-në”.

Ngacmimet për Nejmarin nuk kanë mbaruar me kaq, pasi katalanasit duan të dinë nëse Adrien Rabiot do t’u bashkohet në të ardhmen. Prerazi sulmuesi thotë: “Nuk e di, do duhet të flisni vetë me Rabiot”.

Në Champions nuk do donte të përballej me Barcelonën, ndërkohë që 26-vjeçari ka bërë një koment edhe për Artur Melo, bashkëkombësin e tij që i është bashkuar katalanasve: “Ai është një lojtar i madh dhe jam i sigurt që do t’i japë Barcelonës atë që meriton”.

“Nuk jam i sigurtë nëse do të qëndrojë, por është në dorë të lojtarit. Ai e di mirë që unë dua të punoj me të dhe mendoj që mund të bëhet një lojtar i madh”.

Fjalë të shkurtra, por plot kuptim. Në Paris dëshirojnë qëndrimin e tij, duke filluar nga trajneri gjerman, por edhe presidenti Al-Kelafi, i cili e konsideron një pikë kyçe të ekipit. 23-vjeçarit i ka mbetur edhe një vit kontratë me kampionët e Francës, kështu që PSG është i detyruar ta shesë, për të mos e humbur në fund të sezonit pa përfituar asnjë euro. Diçka e tillë rrit shpresat e Barcelonës dhe Milanit, të cilët janë gati për të garuar mes tyre për shërbimet e Andre Rabiot.