PSG nuk i harron dy gabimet, merret vendimi për Rabio

Sport Ekspres — Fri, 15 Mar 2019 11:40:20 +0000

Humbja e PSG përballë Mançester Junajtid me rezultatin 3-1 në “Parc des Princes” i dhuroi ekipit anglez një kualifikim të jashtëzakonshëm. Zemërim dhe trishtim i madh në kampin francez, me ekipin e Tuhel që nuk shfrytëzoi avantazhin 2-0 të ndeshjes së parë.

Ndërsa të gjithë vuanin humbjen kundër ekipit të Solskjaerit, Adrien Rabio dëfrehej në një klub nate të kryeqytetit francez. Mesfushori dukej në formë dhe as që i interesonte rezultati i shokëve.

23-vjeçarit i përfundon kontrata me PSG në fund të sezonit dhe ai pritet të largohet drejt Barcelonës, Liverpulit ose Mançester Junajtid. Rabio nuk zhvillon një ndeshje me ekipin që nga dhjetori i kaluar.

Përveç festës në një moment të papërshtatshëm, francezi ka pëlqyer edhe një video të Patris Evra, aty ku ish-mbrojtësi po festonte me Pol Pogba triumfin e madh anglez.

Klubi i PSG ka marrë masa ndaj lojtarit dhe ka vendosur ta pezullojë Rabio deri me datë 27 mars. Raportet mes palëve janë prishur prej kohësh, por dy veprimet e fundit të mesfushorit: festa në natën e eliminimit dhe pëlqimi i videos së Evrasë kanë detyruar drejtuesit e PSG të marrin këtë vendim.

? Rabiot, de fiesta tras la eliminación del PSG de la Champions.
? En el vídeo se ve al francés junto a un amigo, Isaac Haddad.
? Están en una fiesta en el club Tam Tam de París pic.twitter.com/96RD1X74Lo

— Mundo Deportivo (@mundodeportivo) March 7, 2019

Adrien Rabiot ‘suspended until March 27’ by PSG for nightclub visit and social media activity after defeat to Man Utd https://t.co/KagVAkA8Gt pic.twitter.com/tblD1x74kF

— Mirror Football (@MirrorFootball) March 15, 2019

Fiksimi i Juventusit, Paratiçi me mision në Francë

Sport Ekspres — Thu, 11 Oct 2018 08:45:24 +0000

Adrien Rabio është nga më të kërkuarit në merkato. mesfushori francez i PSG-së del lojtar i lirë verën e ardhshme dhe janë disa klubet që janë hedhur në sulm për të siguruar shërbimet e tij. Kryeqytetasit francezë janë munduar shumë që t’ia rinovojnë kontratë, por Rabio e ka ndarë mendjen: kërkon të provojnë një eksperiencë të re.

Juventusi është ndër klubet e para që ka shfaqur interes për shërbimet e mesfushorit. Në të shkuarën bardhezinjtë kanë goditur me lëvizjet me parametra zero. Pirlo, Pogba, Koman dhe i fundit Emre Çan janë lojtarë të marrë pa paguar asnjë qindarkë.

Të komentosh për cilësitë e tyre është humbje kohe. Por ka pasur edhe lojtarë që nuk kanë dashur të pranojnë një projekt sportiv që të nxjerr fitues. Vitsel zgjodhi milionat e Kinës para Juventusit. Rabio do të jetë pjesë e rëndësishme e një klubi dhe të fitojë trofe.

Barcelona e josh, Milani e ka ndjekur edhe për shkak se Leonardo e njeh mirë lojtarin. Por kampionët në fuqi të Italisë po lëvizin. Fabio Paratiçi të dielën ishte në Paris dhe aspak për turizëm. Rabio është objektivi.