Italiani jo vetëm që i ka sjellë fat “djallit”, por edhe na ka rikthyer pas në kohë, ku shijuam shpërthimet e tij epike gjatë ndeshjes. Episodi kulmor ishte kur kuqezinjtë fituan penalltinë, me Galianin që feston si i çmendur.

Komentet janë të tepërta për një njeri si ai, mjafton t’i hedhësh një sy videos dhe e kupton se sa shumë e dashuron ky njeri Milanin.

Tak reaguje najbardziej zagorza?y fanatyk Milanu na ?wiecie, kiedy dyktuj? rzut karny. Adriano Galliani ?? #w?oskarobota pic.twitter.com/MOynqA54sV

— ACMilan.com.pl (@acmilan_com_pl) April 13, 2019

O pênalti foi anulado (corretamente). Mas a reação de Galliani nas tribunas traz aquela nostalgia impagável. Il Condor, eternamente uno di noi! ??

P.S: Detalhe pra Maldini que logo após a marcação do árbitro, abaixa a cabeça num mix de alívio com apreensão. pic.twitter.com/5E2CgDjq72

— Cuore Milanista BR (@cuoremilanbr) April 14, 2019

La celebración de Galliani ???? pic.twitter.com/j4TyTJtQrS

— AC Milan ?? (@ACMilanGoleador) April 13, 2019

Gjithashtu, Galiani ka folur edhe për dy blerjet e janarit, Lukas Paketën e Kristof Piatek. Italiani ka thënë se mesfushori i marrë nga Flamengo i pëlqen shumë, ndërsa “pistoletën” polake e ka krahasuar me Shevçenkon.

GATUZO – “Gatuzo me karakterin e tij të fortë është një surprizë e madhe të them të drejtën. Po bën shumë mirë dhe rezultatet e tregojnë këtë gjë. Jam i sigurt që Milani do të kthehet të jetë Milan.”

LEONARDO – “Paketa më pëlqen shumë. Më duhet ta komplimentoj Leonardon, pasi ka ndryshuar ekipin. Është ekspert dhe e njeh tregun mirë, sidomos atë brazilian.”

PIATEK – “Gjithmonë kam menduar se lojtarët janë të ndryshëm, por në shumë raste Piatek më ngjan me Shevçenkon. Gjithsesi, përpara se të arrijë Shevën ka një punë të madhe për të bërë përpara.”

Ishte viti 2013 dhe Milani pagoi 250 mijë euro për kartonin e tij. Për herë të parë me skuadrën e madhe u grumbullua nga Filipo Inzagi në shkurt të vitit 2015, ndërsa debutimi i tij si titullar erdhi nga Sinisha Mihajloviç. Ishte 25 tetori i vitit 2015, luhej Milan-Sasuolo dhe trajneri serb la në stol Diego Lopezin për t’i besuar portën 16-vjeçarit Donaruma.

Galiani ndihet krenar për të dhe uron që ai të mbyllë karrierën me ekipin e “Djallit”. Guximi i Mihajloviçit për t’i besuar një vend në formacion në moshë aq të re nuk e befasoi drejtuesin, i cili kujton dhe momentin më të bukur të kohëve të fundit.

“Nuk u befasova nga fakti që Mihajloviç e bëri të debutojë në moshën 16-vjeçare, sepse ka qenë gjithmonë talent i madh dhe ka luajtur shpeshherë me lojtarë më të mëdhenj se vetja. I dërgoj gjithmonë mesazhe dashurie kur bën pritje dhe ndeshje të mëdha. Ai e di që i dua të mirën dhe po bën paraqitje shumë të mira me Milanin. Ndjej një krenari të madhe kur mendoj zgjedhjen e bërë atë verë, duke ia rrëmbyer Interit. Ishte Mauro Biankezi, ai i cili insistoi se Xhixho është portieri i së ardhmes. Biankezi është një skaut i talentuar dhe menaxher i jashtëzakonshëm i ekipit të rinjve. Ai kishte nuhatur talentin e Donarumës dhe më shtynte që të nënshkruanim me të. Unë i dhashë dritën jeshile që të vepronte dhe firmosëm me lojtarin, duke fituar garën me Interin. Jam shumë i lumtur që e solla portierin te Milani dhe uroj që ta mbyllë karrierën me kuqezinjtë. Donaruma është sot ndër portierët më të mirë në botë. Momenti më i bukur? Fitimi i finales së Superkupës së Italisë në vitin 2016. Xhixho priti penalltinë e Dibalasë dhe më pas Pashaliç shënoi golin e fitores. Ishte një moment i paharrueshëm”, përfundon Adriano Galiani.

Ekipi që militon në Serie C ishte ndër më aktivët në merkaton e janarit. Nën udhëheqjen e një legjende si Adriano Galiani  u kryen 30 operacione transferimesh, 16 hyrje dhe 14 dalje.

Në një intervistë për “Gazzeta Dello Sport”, 74-vjeçari ndau disa nga detajet e transferimeve, ku zbuloi se kishte tentuar të sillte te Monza dy ish-futbollistë të famshëm të Milanit si Alberto Xhilardino dhe Rikardo Kaka.

KAKA – “Bisedova me Kakanë për të ardhur te Monza, por ai më tha se nuk donte të largohej nga Sao Paolo ku jeton me fëmijët e tij”.

XHILARDINO  – “Me të bisedova më gjatë, por në fund ai vendosi të ndahej me futbollin e luajtur për të ndjekur një trajektore të re”.

BISEDA ME ANÇELOTIN – “Para pak javës fola me drejtorin sportiv të Napolit Xhuntoli për një lojtar në pronësi të tyre. Gjatë bisedës ai ja kaloi celularin Ançelotit. Bëra shaka duke i thënë: Dikur diskutonim për transferimet e Bekam dhe Ibrahimoviç, tani po flasim për lojtarë të Serie C”, përfundoi Galiani.

Galiani është ndalur më së shumti në dyshen e momentin tek ekipi kuqezi, Paketa-Piatek. Dy lojtarët e marrë në merkaton e janarit, kanë sjellë një frymë tjetër te “djalli”, teksa rezultatet flasin vetë. Mbi këtë dyshe, Galiani ka thënë se ëndërron që të bëhen si dyshja e famshme, Kaka-Shevçenko.

“Më pëlqen ky Milan. Janë forcuar shumë në Janar dhe me Paketa e Piatek, tashmë mund të luftojnë deri në fund për kualifikimin në Champions. Piatek më kujton Shevën, e mendova menjëherë diçka të tillë sapo e pashë.

Ëndrra imë është që Paketa-Piatek të bëhën si Kaka-Sheva. Lojtarët kanë ndryshuar, por Gatuzo gjithmonë ka luajtur me 4-3-3. Piatek dhe Paketa kanë rritur ndjeshëm kualitetin e ekipit”, ka përfunduar Galiani.

74-vjeçari ka thurur elozhe për punën e Leonardos dhe ka bindjen që asnjë ekip nuk është përforcuar më shumë se kuqezinjtë në merkaton e janarit. Piatek dhe Paketa kanë sjellë entuziazmin e një kohe te tifozët dhe tashmë është një Milan ndryshe.

Në prononcimin e dhënë për “Radio Deejay”, Galiani tregon se është befasuar dhe e mbyll me Monzën, ekipin e tij të zemrës. Berluskoni dhe ai kanë marrë drejtimin e klubit, që garon në divizionin e tretë të futbollit italian. Shumë lëvizje në janar me objektivin kryesor kalimin në Serie B.

LEONARDO-GATUZO – “Milani është skuadra që është përforcuar më shumë në Europë. Me Piatek dhe Paketën, Leonardo u ka ndryshuar fytyrën kuqezinjve. Flasim shpesh së bashku, sepse Leo është miku im, por nuk ka nevojë për këshillat e mia. Gatuzo? Nuk e prisja, pasi besoja se karakteri i tij i fortë do ta kishte penguar të niste karrierën e trajnerit.”

MONZA – “Kemi bërë një merkato të madhe në janar, e para që kur Berluskoni bleu klubin. Afruam 16 futbollistë dhe larguam 14. Unë kam lindur dhe jam rritur në Monza. Jam tifoz i këtij ekipi, që kur mamaja më merrte në stadium kur isha i vogël. Kam refuzuar mijëra skuadra, Monza është një zgjedhje zemre dhe një operacion romantik i Berluskonit, i cili jeton 2 km larg stadiumit. Kam një dashuri të pafundme për Monzën. Nuk është punë, është pasion dhe nuk fitoj asnjë euro nga Monza.”

Gjithashtu përveçse Berluskonit, futbollit i është rikthyer edhe ish-administratori i deleguar i Milan, Adriano Galiani. Galiani bashkohet përsëri me Bersluskonin pas shumë vitesh, ku kujtojmë kanë arritur suksese të njëpasnjëshme më klubin e Milan.

Monza aktualisht luan në serinë C dhe këtë sezon e ka nisur në mënyrën më të mirë. Ekipi italian numëron 3 fitore në 3 ndeshje dhe kryeson tabelën e renditjes, duke qenë një ndër pretendentët kryesore për tu ngjitur një kategori më lart.