Shtatë minuta para fundit ishte sërish Ikardi që shënoi golin e dytë, por Piatek realizoi edhe një herë nga pika e bardhë e penalltisë pak minuta më vonë. Ndeshja shkoi në shtesë, por në 30 minuta u shënuan edhe dy gola. Ishte dita e 11-metërshave për vendasit, me Lapadulën këtë herë që mori përsipër ekzekutimin dhe nuk gaboi.

Kur të gjithë menduan se u zgjidh kualifikimi, ish lojtari i Partizanin, Kristian Adorian arriti që të shënonte golin e tretë për Entelën në minutën e 120+2’. Pas atij goli skuadrat ju drejtuan 11-metërshave.

U deshën plot 19 penallti për të vendosur se kush do të kalonte më tej. Ishte sërish lojtari i cili në të shkuarën ka veshur fanellën e Partizanit që ekzekutoi saktë 11-metërshin e tetë, ndërsa më pas vendasit gabuan, duke i dhënë kualifikimin e tij.

Nga Partizani u largua si një dështim, por ja që nuk qenka dhe aq i pavlerë. Entela sot gëzon vetëm prej tij. Xheno e Serisë A sot goditi 11 penallti gjatë gjithë ndeshjes dhe nuk u kualifikua dot!

Ditën e sotme Kasano i është bashkuar zyrtarisht në stërvitje skuadrës së Virtus Entelës. Mes palëve nuk ka ende një kontratë, por pritet që në javët në vazhdim të merret një vendim përfundimtar dhe në rast të gjetjes së një akordi, Kasano do të provojë për herë të parë të luajë në Serie C.

Te Virtus Entela, Kasano do të stërvitet së bashku me ish-lojtarin e Partizanit, Kristian Adorjan. Mesfushori holandez, i cili nuk la gjurmë te të kuqtë, u rikthye në Itali pas një eksperiencë të shkurtër në Irlandë.

Adorjan vinte nga një sezon jo i keq në Serinë B, ku me Novarën kishte shënuar 2 gola në 25 ndeshje dhe në moshën 25-vjeçare kishte motivim të madh për të treguar sa vlente. Megjithatë, askush nuk shkëlqeu te Partizani në pjesën e parë të sezonit dhe hungarezi nuk bënte përjashtim. Në dhjetor klubi i kuq e nxorri jashtë planeve të veta, edhe për shkak të pagës së lartë, por problemi është se kontrata e huazimit 1-vjeçar nuk prishej aq lehtë.

Novara i kërkoi me dëshpërim një sistemim dhe më në fund ia ka gjetur, sepse hungarezi do të shkojë në Irlandë, te Dundalku, skuadra nënkampione e vendit, që pas pak javësh do të nisë kampionatin. Hap pas në karrierë për Adorjanin, por të paktën do të luajë, ndërsa te Partizani ishte i djegur dhe digjte edhe arkën e klubit të kuq.

???Welcome Krisztián | Üdvözöljük Krisztián ??#DundalkFC sign Hungarian midfielder, Krisztián Adorján, on loan from @NovaraChannel. More to follow on https://t.co/2BZKYsYTb1 pic.twitter.com/F7Z9yIS5MN

— Dundalk FC (@DundalkFC) February 1, 2018

Megjithatë, nga të qenit talent te Liverpuli deri te shkëlqimi në Superiore disa vite më vonë nuk është aq e thjeshtë sa mendohet dhe Adorjan mund të quhet një dështim kolosal, përtej faktin se askush nuk shkëlqeu te Partizani në pjesën e parë të sezonit. Në dhjetor klubi i kuq e nxorri jashtë planeve të veta, edhe për shkak të pagës së lartë, por problemi është se kontrata e huazimit 1-vjeçar nuk prishet aq lehtë.

Novara e ka të qartë se mesfushori do të mbetet pa luajtur deri në verë, ndaj po i kërkon me dëshpërim një sistemim. Ditën e djeshme nga Italia (TMW) erdhi lajmi se hungarezi pritet të shkojë në Irlandë, te Dundalku, skuadra nënkampione e vendit, që pas pak javësh do të nisë kampionatin. Hap pas në karrierë, por më mirë se të rrijë rrugëve në Tiranë. Partizani lutet që Dundalku dhe Adorjan të bien dakord…

Edgar Çani është emri që ka shqetësuar më shumë në radhët e Partizanit. Sulmuesi është afruar në skuadër pas operimit dhe akoma nuk është në formën e tij, por një tjetër dyshim ka lindur në radhët e të kuqve. E kjo lidhet as më shumë e as më pak se sa me yllin e Partizanit, Kristjan Adorjan. Hungarezi i afruar me bujë bindi të gjithë fillimisht me paraqitjet e tij, pasi ka një teknikë mjaft të mirë. Njeh driblimin, e përkëdhel sferën kur e ka në këmbë, njeh vertikalizimin dhe është mjaft e vështirë të ia rrëmbesh topin nga këmbët. Ama, rezultatet e fundit të Partizanit dhe rastet e humbura me Skënderbeun kanë kthyer vëmendjen te ai. Adorjan u zëvendësua në sfidën e fundit kundër korçarëve duke mos e çuar ndeshjen deri në fund. Juliano e largoi nga ndeshja në minutën e 64-ët. Para sfidës me Kukësin, 24-vjeçari shfaqi probleme fizike duke rritur dyshimet te ai.

PROBLEMET FIZIKE – Dilemat janë rritur në kampin e kuq, pasi Adorjan nuk po arrin të marrë të plotë edhe ngarkesën fizike. Në momentin që stafi teknik aplikon lojëra të forta dhe me ritëm të lartë, hungarezi nuk është stabël. Ai së bashku me Çanin hynë dhe dalin nga këto ushtrime. Adorjan, po ashtu edhe sulmuesi, qëndrojnë për pak minuta me grupin, më pas nxirren jashtë për të pushuar dhe më pas rikthehen përsëri në ushtrime. Një rutinë që ka vazhduar dhe vazhdon thuajse çdo herë që Juliano aplikon një program me ritëm të lartë fizik. Një sjellje e tillë ka ngjallur dyshime edhe te pjesa tjetër e lojtarëve dhe grupit. Ata kanë filluar të dyshojnë për gjendjen fizike të Adorjanit.

ADORJAN – Sezonin e fundit, mesfushori e ka luajtur te Novara dhe ka qenë lojtar stabël, pasi ka luajtur në 25 ndeshje. Adorjan nuk ka pasur dëmtime sezonet e fundit, pasi sipas të dhënave, dëmtimi i fundit që ka pasur dhe që pasqyrohet ka qenë në radhët e Novarës, në sezonin 2014-15. Ai ka qëndruar rreth 5 muaj jashtë fushave. Megjithatë, në kampin e kuq nuk janë të shqetësuar, pasi lojtari nuk ka ndonjë problem serioz, gjithsesi fakti që nuk e ka marrë ngarkesën e plotë, ka ngjallur dyshime. Dëmtimi i Çanit duke se ka bërë paksa me “dritëhije” edhe ambientin e kuq.

 3

ndeshje ka zhvilluar Adorjan me fanellën e Partizanit. Ai ka qëndruar në fushë për 270 minuta. 

Tuttosport shkruan se Partizani ka marrë nga Novara mesfushorin Kristian Adorjan.

Tashmë 24 vjeç, Adorjan është pjesë e kombëtares hungareze, ndërsa është rritur te MTK e Budapestit, por në vitin 2009 e bleu Liverpuli.

Disa vite me të rinjtë e “The Reds”, një sezon te Groningeni në Holandë në huazim (19 ndeshje e 3 gola) para kalimit në Itali, te Novara, në vitin 2014.

Aty Adorjan është bërë i rëndësishëm në sezonin e fundit, duke luajtur 25 ndeshje e duke shënuar 2 gola.

Mesfushor ofensiv, Adorjan i sjell Partizanit fantazi dhe organizim, natyrisht në pritje të zyrtarizimit nga vetë klubi i kuq, që deri tani nuk ka zyrtarizuar asnjë lëvizje, përveç trajnerit Mark Juliano.