Rami nuk përmbahet: Inzagi ishte katastrofë si trajner!

Sport Ekspres — Fri, 28 Sep 2018 21:16:38 +0000

Adil Rami është rikthyer të flasë për periudhën kur aktivizohej me kuqezinjtë e Milanit. Lojtari nuk ka patur kurrë një raport të mirë me Filipo Inzagin. Të dy kanë punuar bashkë te Milani, në sezonin 2014-2015, ku francezi aktivizohej si mbrojtës i ekipit, ndërsa ish-sulmuesi i famshëm ishte ulur në stolin e kuqezinjve.

32-vjeçari lëshon fjalë të rënda kundrejt Inzagit si trajner dhe thekson faktin që çdokush mund të arrijë të bëjë rolin e trajnerit, kur diçka të tillë e ka bërë Filipo Inzagi.

“Do të doja të trajnoja në të ardhmen, sepse e shoh vetën mirë në pankinë. Inzagi? Nëse ia ka dalë të trajnojë dhe një si ai, çdokush mund të bëhet trajner. Kam patur shumë mjeshtra në karrierën time si: Garsia, Blank, Deshamp, Emeri dhe Sedorf. I shihja kur punonin dhe mendoja se sa e vështirë mund të ishte të jesh si ata, ndërsa Inzagi ishte një katastrofë“, përfundon lojtari i Olimpik Marsejës.

I propozoi për martesë, Pamela Anderson refuzon Raminë dhe i jep fund lidhjes

Sport Ekspres — Sat, 08 Sep 2018 15:49:34 +0000

Gjatë muajve të fundit emri i Adil Ramisë ishte përmendur shpesh në kronikat rozë të medieve franceze e amerikane. Arsyeja për këtë ka qenë lidhja që qendërmbrojtësi francez ka pasur me aktoren me famë botërore, Pamela Anderson.

Por, lidhja midis tyre nuk ka zgjatur më shumë se një vit. Sipas asaj që raporton “TMZ”, 51-vjeçarja i ka dhënë fund lidhjes me ish-lojtarin e Milanit në një mënyrë shumë mizore.

Sipas asaj që shkruan media amerikane, Anderson ia ka bërë të ditur fundin e marrëdhënies në momentin kur lojtari i ka propozuar për martesë, një reagim ky krejt i kundërt nga çe priste 32-vjeçari, i cili ka 19 vite diferencë me Pamelën.