Siç citon “Gazzetta dello Sport”, Leonardo dhe Maldini kanë përcaktuar tre emra për sulmin e Gatuzos: Marko Pjaca, Adem Ljajiç, Kevin Princ Boateng dhe Rodrigo De Paul. Kroati është huazuar nga Juventusi te Fiorentina, aty ku nuk po arrin të bëjë diferencën.

Ljajiç, i cili është aktivizuar dhe me Interin, la Torinon për të kaluar në Turqi te Beshiktashi, aty ku po aktivizohet me sukses, por problemet financiare të ekipit turk mund të detyrojnë lojtarin të rikthehet në Serie A me Milanin që po monitoron situatën.

Emri i tretë është një ish. Ganezi i Sasuolos nuk e ka mohuar kurrë dëshirën për t’u rikthyer në Milanelo, aty ku kaloi tre sezone. Raportet mes klubeve janë shumë të mira dhe një gjë e tillë do lehtësonte rikthimin e Boateng te Milani.

Nga ana tjetër, “Djalli” është futur në garë për shërbimet e Rodrigo De Paul. “Tuttosport” zbulon se agjenti i argjentinasit të Udinezes ka patur kontakte të shumta me Leonardon gjatë vjeshtës, ndërsa negociatat kanë nisur përsëri. 24-vjeçari është pika më e fortë e ekipit friulan, zotëron teknikë, forcë, sens goli si dhe bën mirë rolin e mesfushorit ofensiv, por dhe krahët e sulmit.

Kuqezinjtë nuk mund të shpenzojnë shumë, por De Paul është një dëshirë e madhe e drejtuesve dhe do të bëhet maksimumi për të siguruar shërbimet e tij.

26-vjeçari kërkonte të ishte një titullar i padiskutueshëm te Torino, por kjo gjë nuk i është premtuar dhe të dy klubet janë pranë mbylljes së akordit për transferimin e lojtarit në Turqi.

Ljajiç është nisur drejt Stambollit mëngjesin e sotëm dhe ai mbasi të kryejë vizitat mjekësore do të firmosë kontratën 5-vjeçare me Beshiktashin. Ai do të huazohet një vit siç citon “TMW”, me të drejtë blerje sezonin e ardhshëm nga Beshiktash për shumën e 8 milionë eurove.

Klube si Beshiktash, Fenerbahçe dhe Tranzonspor kërkojnë shërbimet e fantazistit, por orët e fundit kanë ardhur dhe sinjale nga Bundesliga. Shalke 04 është e interesuar për Ljajiç, por palët mund të kenë një takim në fillimin e javës së ardhshme.

Mbas 8 viteve në Serinë A, ku Ljajiç ka luajtur me Fiorentinën, Romën, Interin dhe Torinon, ai është gati për të nisur një aventurë te re dhe 26-vjeçari mund të kalojë në Gjermani, nëse negociatat me Shalken mbyllen me sukses.