AC Milan

Benaser: Milani nuk refuzohet kurrë, gati të jap 2000%

Sport Ekspres — Mon, 05 Aug 2019 21:03:17 +0000

Milani po ndërton një ekip me djem të rinj dhe me shumë perspektivë. “Gladiatori” i radhës që zbarkon në “San Siro” është Ismael Benaser. 21-vjeçari ka dhënë një intervistë për kanalin zyrtar të kuqezinjve, ku ka treguar arsyen pse zgjodhi Milanin dhe çështje të tjera rreth tij. Mesfushori shprehet se është e pamundur të refuzosh Milanin dhe është 2000% gati të nisë aventurën me kuqezinjtë.

“Jam shumë i lumtur që jam këtu dhe jam pjesë e këtij klubi të lavdishëm. Nuk di çfarë të them, përveçse jam entuziast dhe i nderuar që jam këtu. Milani është një nga klubet më të lavdishme në botë për historinë e tyre. Kur Milani telefonon, nuk mund të thuash ‘jo’. Thjesht duhet të shkosh atje!”

“Nuk e prisja gjithë këtë përparim timin sepse tre vite më parë nuk isha duke luajtur për ekipin tim kombëtar. U tregova i duruar, u stërvita shumë dhe tani gjithçka është e bukur. Jam shumë i lumtur. Do të jap gjithçka, mezi pres të filloj dhe ju siguroj se jam 2000% gati”, u shpreh algjeriani i talentuar.

Operacion 16 milionë euro, Milani zyrtarizon Benaser

Sport Ekspres — Sun, 04 Aug 2019 07:49:51 +0000

Milani ka zyrtarizuar transferimin e mesfushorit algjerian Ismael Benaser. Futbollisti 21-vjeçar i bashkohet “djallit” nga skuadra e Empolit falë një operacioni me kosto totale prej 16 milionë eurosh.

Ready to fight Ismaël? ??
Bienvenu Bennacer! ??#ForzaMilan pic.twitter.com/nKb3r8dmaD

— AC Milan (@acmilan) August 4, 2019

Benaser luante prej dy vitesh me ekipin toskan, ku impresionoi gjatë sezonit të kaluar pavarësisht se klubi toskan nuk arriti të siguronte mbijetesën në Serie A. Kontrata e algjerianit me Milanin është e vlefshme për 5 sezone dhe lojtari do të përfitojë një pagë vjetore prej 1.5 milionë eurosh (neto).

VIDEO | Festa i takon Junajtid, i riu Maldini e dreqos në fund

Sport Ekspres — Sat, 03 Aug 2019 18:21:23 +0000

Mançester Junajtid dhe Milan zhvilluan një takim miqësor në Uells në kuadër të turneut “International Champions Cup”. Në fund të 90-minutave rezultati mbeti i barabartë 2-2, ndërsa në goditjet e 11-metërshave fati i buzëqeshi anglezëve.

Rashford dërgoi i pari në avantazh Junajtid, ndërsa Milani u përgjigj me Suson. Autogoli i Lindelof në pjesën e dytë i jep avantazhin italianëve, por Lingart baraspeshon shifrat në 2 – 2. Në goditjet e 11-metërshave, lojtarët e Junajtid u treguan të saktë në të pesta penalltitë, ndërsa për Milanin gaboi Paolo Maldini, i cili është djali i legjendës Paolo Maldini.

Mançester Junajtid 2 – 2 Milan
Shënues: Rashford 14’, Lingard 72′ / Suso 26’, Lindelof 60 (aug)

Milani çmendej për të, talenti francez zgjedh Premier Ligën

Sport Ekspres — Fri, 02 Aug 2019 20:30:46 +0000

Është zyrtare: Alan Seint-Maksinim është lojtari më i ri i Njukasëll Junajtid. Sulmuesi francez ka gjetur akordin me klubin anglez dhe duket gati për aventurën e re. 22-vjeçari i ka kushtuar Njukasëllit plot 16 milionë sterlina, plus 4 milionë në bonuse.
Seint-Maksinim kërkohej me ngulm nga Milani gjatë muajit janar, por kuqezinjtë nuk ia dolën të bindën klubin e Nisës. Por këtë merkato vere, drejtuesit e klubit francez arritën ta shesin lojtarin e tyre për shumën që dëshironin, që ishte 20 milionë.

Seint-Maksinim do të mbajë të veshur fanellën me numrin 10 te Njukasëll, do të firmosë për gjashtë sezone dhe do të jetë pika e referimit në sulmin e ekipit anglez. Sezonin e shkuar, Maksinim shënoi 6 gola në 34 ndeshje në Ligue 1.

There’s a new No.10 in town at St. James’ Park…

Allan Saint-Maximin joins @NUFC on a six-year deal ?? https://t.co/turefi9Lk7 pic.twitter.com/wfGH0oxgTg

— Premier League (@premierleague) August 2, 2019

Ulvs “bastis” Milanin, pas Kutrones synon një mesfushor

Sport Ekspres — Fri, 02 Aug 2019 19:15:32 +0000

Ulvs dëshiron të krijojë një skuadër sa më konkurruese. Për ta bërë këtë ata kanë zgjedhur të “bastisin” Milanin. Patrik Kutrone u largua vetëm para pak ditësh te klubi anglez në këmbim të 22 milionë eurove. Horge Mendesh nuk ndalet me kaq, por synon një tjetër talent kuqezi.

Mediet angleze raportojnë se “Ujqërit” interesohen për Frenk Kesi. 22-vjeçari ka treguar aftësi shumë të mira, por nevoja e Milanit për të shitur i jep atij shumë premisa për t’u larguar. Mendesh ka gati valixhen me 30 milionë euro. Në fakt aq është edhe vlera e lojtarit në merkato. Mbetet për t’u parë reagimi i Milanit.

Leao flet si “Djall”: Te Milani për sukses, me Piatek do të jem perfekt

Sport Ekspres — Fri, 02 Aug 2019 16:56:12 +0000

Milani ka sjellë në Milano një talent mjaft interesant, Rafael Leao. 20-vjeçari zbarkoi në Milano për shifrën e 30 milionë eurove, që shkojnë në xhepat e Liles. Sulmuesi do të veshë fanellën me numrin 17. Ai ka thënë fjalët e para si Milanist.

MILANI-“E kam zgjedhur gjithmonë në Play Station sepse ishte një klub shumë i fortë. Shumë legjenda të mëdha kanë luajtur këtu. Kam parë shumë video të Kaka, Rui Kosta, Sedorf e Maldinit. Ata lojtarë të mëdhenj kanë shkruar historinë e këtij klubi dhe të futbollit evropian.”
IDHULLI KUQEZI-“Kaka nuk ishte nga kjo botë. Lojtarët brazilianë janë shumë të talentuar dhe Kaka ka lënë gjurmë të pashlyeshme këtu. Nuk mund ta besoj se kam firmosur me klubin, ku një legjndë si Kaka ka fituar Topin e Artë.”

BASHKËPUNIMI ME PIATEK-“Të luajnë dy sulmues dhe jo një është favor sepse ka më shumë shnace për të shënuar. Njëri mund të qëndrojë në qendër dhe tjetri të lëvizë lirisht sipas rastit. Unë kam ardhur të ndihmoj pavarësisht se në ç’pozicion më vë trajneri. Sa më shumë gola të shënojë Piatek aq më mirë është për ne. Shpresoj të arrijmë sa më shumë suksese.”

FESTIMI ME TELEFON-“Kjo nisi kur luaja me Sportingun dhe babai im nuk mundi të ishte i disponueshëm të më shihte. Që atëherë e bëj këtë shenjë si për t’i thënë babait se shënova një gol për të.”

Korrea te Milani? Veprimi i agjentit tregon shumë

Sport Ekspres — Thu, 01 Aug 2019 17:12:13 +0000

Milani është i vendosur për të nënshkruar me Anhel Korrean. Argjentinasi është objektivi më i madh i Maldinit dhe Boban. Pas ardhjes së Leao dhe Duarte, radha është të përqëndrohen të gjitha forcat në blerjen e yllit argjentinas.
Mediet italiane raportojnë se Milani dhe Atletiko janë shumë pranë një marrëveshje finale. Agjenti i Korreas ka udhëtuar drejt Italisë për të biseduar rreth termave përfundimtarë të kontratës.

Ditët e kaluara operacioni ishte shumë pranë mbylljes, por një diferencë prej 2 milionë eurosh mbi bonuset ishte ngërçi që bllokoi gjithçka. Tani gjërat kanë nisur të lëvizin dhe për pak ditë Korrea do të vishet kuqezi.

Milani nuk mbahet, blerja e radhës mbërrin në Malpensa

Sport Ekspres — Wed, 31 Jul 2019 18:53:56 +0000

Milani ka nisur të lëvizë fuqishëm në merkato. Kuqezonjtë kanë arritur marrëveshjen me Flamengon për të transferuar qendërmbrojtësin Leo Duarte. Braziliani është një nga më të mirët në kampinatin e vendit të tij.
23-vjeçari është fotografuar ditën e sotme në aeroportin e Malpensas në Milano. Mbrojtësi pritet t’i nënshtrohet vizitave mjekësore. Më pas ai do të firmosë kontratën në ambientet e klubit për t’u prezantuar më pasi si ylli më i ri që zbret në “San Siro”.

Atletiko s’bën lëshime, 10 milionë euro ndajnë Milanin nga Korrea

Sport Ekspres — Wed, 31 Jul 2019 09:09:10 +0000

Sulmuesi argjentinas Angel Korrea është rikthyer në objektivin numër 1 të merkatos së Milanit. Drejtuesit e klubit italian po negociojnë prej disa javësh me Atletikon, por palët s’po bien ende në një ujdi.

Sipas “Gazzeta dello Sport”, Atletiko nuk pranon të negociojë çmimin prej 50 milionë eurosh që ka vënë për kartonin e 24-vjeçarit. Ndërkohë, oferta e fundit e Milanit ka qenë 40 milionë euro.

Mbetet për t’u parë se cila do të jetë lëvizja e ardhshme e “djallit”. Situata e vështirë financiare dhe raporti jo i mirë me UEFA-n nuk e lejojnë më ekipin italian të bëjnë shpenzime të pamenduara në merkato.

Një tjetër faktor që po ndikon në vonimin e këtij transferimi është prishja e negociatave për shitjen e Andre Silvës të Monako. Drejtuesit e Milanit ishin shumë pranë përfitimit të 30 milionë eurove për shitjen e portugezit, por në momentit e fundit Monako ndryshoi qëndrim.

Galiani më i miri në histori? Njihuni me “perlat” e merkatos së Milanit të tij

Sport Ekspres — Wed, 31 Jul 2019 07:51:00 +0000

Nëse do të jepej një Top i Artë për drejtorët sportivë, me siguri që Masimo Galiani do e kishte fituar shumë herë në karrierën e tij 30-vjeçare te Milan. Ish-administratori i deleguar i Milanit në gjithë jetën e tij si drejtues ka bërë disa blerje të bujshme lojtarësh. Më poshtë ju njohim me disa nga blerjet me bujën më të madhe nën firmën e tij.

Zhorzh Ueah 1995

Pasi mori Saviçeviç dhe Boban, në vitin 1995, Galliani solli ne Milanelo, Zhorzh Ueah. Erdhi nga PSG, skuadër që Milani e kishte eliminuar në gjysmëfinalen e Champions League. Kushtoi 11 miliardë lireta. Presidenti aktual i Liberisë shënoi një edhe nga golat më të bukur në historinë e Serie A, në një përballje kundër Veronës.

Andri Shevçenko 1999

25 milionë dollarë të paguara Dinamos së Kievit për Shevçenkon, i cili gjithashtu do të bëhej një nga ikonat e kuqezinjve. Ukrainasi me 24 golat e tij do të bëhej i pari lojtarë i huaj, pas Platini që u bë golashënuesi më i mirë i kampionatit që në sezonin e parë në Serie A. Me fanëllën kuqezi arriti të fitojë edhe “Topin e Artë”.

Andrea Pirlo 2001

Me futjen e Berluskonit në politikë në mesin e viteve 1990, shumë detyra kyçe të Milanit iu deleguan Galianit. Pirlo erdhi nga Inter në 2001 për 35 miliardë lireta. Dëmtimet e pësuara nga disa mesfushorë, bënë që Ançeloti të provonte Pirlon përpara mbrojtjes. Që nga ai moment Andrea qëlloi të ishte vendimtar në shumë trofe.

Kaka 2003

Në 2003 vjen një tjetër goditje e firmosur nga Galliani. Kaka u ble për 8.5 milion dollarë dhe rezultoi të ishte një talent i pastër që solli sezone të tjera fituese për Milanin. Do të rishitej në vitin 2009 te Real Madrid për 65 milionë euro. Ashtu si në rastin e Shevës, rikthimi te kuqezinjtë, i vendosur nga Galiani me një goditje në ditën e fundit të merkatos në vitin 2013, që do të rezultonte një dështim.

Tiago Silva 2009

Në vitin 2009 kuqezinjtë kishin bllokuar marrjen e Thiago Silva. Vetëm 10 milionë dollarë u paguan te Fluminense. Në fillim Galiani do të pranonte ta linte atë në Brazil edhe për gjashtë muaj të tjerë. Në vitin 2012 mbrojtësi do të shkonte te PSG për 40 milionë euro.

Zlatan Ibrahimoviç 2010

Në vitin 2010, duke pasur marrëdhënie të mira me Mino Raiolën, Galliani bindi Barcelonën për ta marrë me këste, edhe pse Ibrahimoviç kishte ikur nga Interi një vit më parë për 70 milionë. Zlatan, do të ishte vendimtar për të fituar kampionatin e vitit 2011, i fundit i Milanit.

Mario Baloteli 2013

Në janar të 2013-ës Galliani bëri një tjetër goditje në merkato, duke sjellë te Milan një tjetër ish-lojtar të Interit. Për Mario Balotelin Milani i pagoi Mançester Sitit 20 milionë euro plus 3 të tjerë bonuse. Dhe në muajt e parë Balo tregoi aftësitë e tij, pastaj humbi në gafat e tij të zakonshme deri në shitje në verën e vitit 2014 te Liverpul.

Zyrtare | Milani bën shitjen e parë, sulmuesi kthehet në “ujk”

Sport Ekspres — Tue, 30 Jul 2019 17:33:23 +0000

Milani më në fund ka arritur të bëjë shitjen e parë të kësaj merkatoje. Patrik Kutrone është lojtari më i ri i Ulvërhempton. “Ujqërit” ishin të interesuar prej kohësh për sulmuesin dhe sot kanë mbyllur çdo detaj të kontratës së re.
Blerjen e tij e ka zyrtarizuar vetë klubi anglez në rrjetet sociale. Nuk bëhen ende të ditura detajet e këtij operacioni, megjithatë disa informacione kanë rrjedhur. Milani do të arketoje 22 milionë euro nga shitja e tij, ndërkohë që lojtari pritet të firmosë kontratë 5-vjeçare.

Kutrone është një prej sulmuesve më të talentuar në Itali, megjithatë Milani kurrë nuk besoi kurrë në aftësitë e tij. Vitin e fundit vuajti praninë e Higuain dhe Piatek, që e lanë në stolin e rezervave në shumicën dërrmuese të kohës.

We’re delighted to announce that Patrick Cutrone has become our latest summer signing! #WelcomeCutrone

??? pic.twitter.com/jq1kTQf9v5

— Wolves (@Wolves) July 30, 2019

Gjithçka e kryer, talenti Leao zbarkon në Milano

Sport Ekspres — Tue, 30 Jul 2019 09:40:35 +0000

Milani sakrifikoi Patrik Kutronen për të sjellë në Milano talentin portugez Rafael Leao. Kartoni i 20-vjeçarit i ka kushtuar “djallit” 30 milionë euro. Leao mbylli një sezon pozitiv në Francë, ku shënoi 8 gola në 24 aktivizime.

Ditën e sotme Leao është parë në aeroportin e Malpensës, ndërsa më pas është drejtuar për në zyrat e Milanit ku do t’i nënshtrohet analizave mjekësore për të finalizuar transferimi e bujshëm.

20-vjeçari është një prodhim i akademisë së famshme të Sportingut të Lisbonës. Në Portugali nuk iu dha kurrë shansi për të treguar veten, por francezët e Lilës treguan të mprehtë duke siguruar shërbimet e lojtarit me kosto 0.

Xhampaolo: S’më intereson rezultati, skuadra luajti mirë

Sport Ekspres — Sun, 28 Jul 2019 21:44:08 +0000

Humbja 1 – 0 ndaj Benfikës nuk e ka shqetësuar aspak trajnerit e Milanit, Marko Xhampaolo. Në intervistën e dhënë në fund të takimit, tekniku italian vlerësoi lojën e skuadrës së tij dhe u shpreh i kënaqur me punën e bërë gjatë javëvë të fundit në fazën përgatitore.

NDESHJA – “Rezultati nuk thotë asgjë. Nuk tregon sjelljen që ekipi bëri në këtë ndeshje. Për mua nuk është një humbje sepse skuadra tentoi deri në fund të dominonte lojën dhe ia arriti kësaj gjëje. Prisja më pak nga skuadra, por ky është vetëm fillimi”. Në mbrojtje kemi akoma shumë punë, ndërsa për sulmin nuk jam i shqetësuar. Krijojmë shumë, thjesht duhet të tregohemi efikas”.

FAZA PËRGATITORE –“Skuadra ka punuar shumë mirë dhe kjo më gëzon. Djemtë po mendojnë e veprojnë ashtu si unë u kam thënë. Ndeshjet miqësore na kanë shërbyer për të përmirësuar gjendjen e lojtarëve dhe për të qartësuar idenë e lojës gjatë ndeshjeve. Na u desh të punonim për të rikthyer në formë lojtarët e kthyer nga pushimet. Atmosfera në ekip është e mirë dhe më kanë pëlqyer shumë lojtarë si Borini, Çalhanoglu dhe Bilja”.

Bindja e Piatek: Kam lindur për të shënuar, ju tregoj dy idhujt e mi

Sport Ekspres — Sun, 28 Jul 2019 12:55:50 +0000

Kristof Piatek është një nga sulmuesit më të mirë të Serie A. Ashtu si në të kaluarin, edhe këtë sezon do të ketë një kundërshtar si Kristiano Ronaldo. Polaku në një intervistë shprehet se ylli i Juventusit është i preferuari i tij, së bashku me Henri. Bomberi i “djallit” deklaron se ka ardhur në këtë jetë për të dërguar topin në rrjetë.

“Jam shumë i lumtur që kam shënuar shumë gola në Serie A. Gjithmonë kam besuar te vetja. Kam lindur për të shënuar gola dhe e di se Serie A është shumë e vështirë për ta bërë këtë, por kur erdha në Xhenoa desha të tregoja diçka të madhe. Kur erdha në Itali, të gjithë thërritën ‘bombarduesi’. ‘Bum bum’ është si bombardues, kështu që bëra festimin dhe të gjithë u çmendën. Shpresoj se do të luajmë me dy sulmues. Do të luajmë futboll të mirë këtë sezon.”

“Jam i përqendruar në sfidën time, gjithmonë dua të shënoj dhe shpresoj se këtë sezon do të jetë situatë e njëjtë. Për mua, tifozët e Milanit janë të shkëlqyer dhe tani ndihem më mirë. Kam më shumë besim në stadium dhe dua të kem një vit të madh për ta. Kur isha i ri, i pashë shumë sulmues. Një nga më të mirët është Kristiano Ronaldo, i dyti ishte Tieri Henri”, përfundoi bomberi.

E kryer | Kutrone niset drejt Anglisë, arrihet marrëveshja me “Ujqërit”

Sport Ekspres — Sat, 27 Jul 2019 07:32:57 +0000

Pas dështimit të operacionit të Andre Silva duket se Milani do arrijë të bëjë shitjen e parë. “Sky Sport” raporton se drejtuesit kuqezinj janë dakortësuar me Ulvs për transferimin e Patrik Kutrones.
Sulmuesi ka lënë Bostonin, ku Milani ndodhet për të kryer fazën pregatitore dhe është nisur drejt Anglisë për të mbyllur detajet e fundit kontraktuale. Klubi italian pritet të arketojë rreth 20 milionë euro nga shitja e 21-vjeçarit.

Italiani e pati të pamundur të bindte Milanin. Ai gjithmonë mbajti “nofkën” e sulmuesit rezervë, pas ardhjeve të Higuain e Piatek. Sezonin e fundit minutat ishin të rralla dhe një destinacion i ri ishte i domosdoshëm.

FOTO | Publikohen fanellat e Milanit, janë thjesht “zjarr”!

Sport Ekspres — Fri, 26 Jul 2019 20:14:46 +0000

Ditën e sotme kompania “Puma” ka publikuar fanellat e dyta të Milanit. Këtë vit në uniformat, që përdoren për ndeshjet në transfertë do të mbizotëroje e bardha. Në supe janë dy shirite, ku njëri eshtë i kuq dhe tjetri i zi, për të simbolizuar ngjyrat e klubit. Reagimet e fansave në përgjithësi ishin pozitive, por kishte nga ata që shpreheshin se kanë kopjuar fanellat e dyta të Juventusit.

E kryer | Milani siguron transferimin e yllit brazilian

Sport Ekspres — Fri, 26 Jul 2019 19:30:38 +0000

Pas suksesit me ardhjen e Lukas Paketas, Milani ka arritur marrëveshjen për transferimin e një tjetër talenti seleçao. Kuqezinjtë janë pranë mbylljes së transferimit të Leo Duarte. Talenti aktivizohet me Flamengon. Italianët do të paguajnë rreth 11 milionë euro për 23-vjeçarin.

“Globoesporte” raporton se marrëveshja verbale është arritur dhe dy klubet kanë nisur shkëmbimin e dokumenteve për mbylljen e operacionit. Duarte aktivizohet si qendërmbrojtës dhe është titullar i padiskutueshëm për gjigantët brazilian.

Surprizon Milani, ndjek nga afër sulmuesin e Rejnxhërsit

Sport Ekspres — Fri, 26 Jul 2019 17:42:42 +0000

Andre Silva, Kristof Piatek, Patrik Kutrone dhe Fabio Borini janë vetëm disa nga lojtarët që trajneri Xhampaolo mund të përdorë në majë të sulmit te Milani. Megjithatë, kjo merkato do të ndryshojë shumë gjëra. Andre Silva është me valixhe në dorë, mungon vetëm akordi personal me klubin e Monakos.

Gjithashtu, edhe Kutrone ka bërë gati pasaportën, për një kalim në Premier League te Ulvërhampton.
Borini shihet më shumë si një lojtar krahu, ndërsa Piatek mbetet i vetëm në majë të sulmit. Xhampaolo kërkon të afrojë dhe një tjetër sulmues që të jetë partner me bomberin polak, ose të qëndrojë në pritje të mundësisë së tij në rast të një dëmtimi të 23-vjeçarit. Një lojtar me karateristika të tilla, mendohet të jetë Alfredo Morelos.

Ylli i Rejnxhërsit është një lojtar shumë cilësor dhe konsiderohet si futbollisti më i mirë që luan në elitën skoceze. Në ditën e tij, Morelos është i pandalshëm, një gjahtar goli dhe një luftarak i lindur. Cilësitë e tij brenda fushës së lojës janë shumë të mira dhe do të ishte një opsion i lirë për Milanin, megjithatë, kolumbiani është disi problematik jashtë fushave të lojës.

Të pafat te Milani, blerja e bujshme mbyll fazën përgatitore

Sport Ekspres — Thu, 25 Jul 2019 17:15:54 +0000

Milani po kryen fazën pregatitore, por vjen një lajm tepër negativ në kampin kuqezi. Teo Hernandez ka dalë nga fusha e lojës pas një problemi në kyçin e këmbës. Akoma nuk ka një lajm zyrtar rreth mungesës së tij, por sipas raportimeve të fundit ai nuk do të jetë i gatshëm deri në fillimin e sezonit në fund të gushtit.

Fillojnë shumë shpejt problemet e dëmtimeve në Milano, ku vitet e fundit kanë qenë armiku kryesor. Teo është një nga blerjet më të mëdha të kuqezinjve këtë verë. Francezi erdhi në “San Siro” nga Reali i Madridit për 20 milionë euro. Përtej gjithë entuziazmit që 21-vjeçari ka treguar, aventura e tij te Milani nis në mënyrën më të keqe të mundshme.

VIDEO | Vendos goli i Goreckës, Milani humbet miqësoren

Sport Ekspres — Wed, 24 Jul 2019 07:47:01 +0000

Bajerni i Mynihut ka mundur 1 – 0 Milanin në miqësoren e zhvilluar ditën e djeshme në Shtetet e Bashkuara të Amerikës. Goli i mesfushorit Gorecka i dha fitoren kampionëve të Gjermanisë.

Trajneri i Milanit, Marko Xhampaolo, hodhi në fushë ekipin me skemën e tij të preferuar 4-3-1-2, ku binin në sy qendërmbrojtësi 19-vjeçar Mateo Gabia dhe djali i Paolo Maldinit, Daniele, i cili luajti në rolin e trekuartistit në mbështetje të dy sulmuesve.

Paraqitje e mirë dhe nga Teo Hernandez. Mbrojtësi francez u shfaq shpeshherë i rrezikshëm me depërtimet nga krahu i majtë, por u detyrua ta braktisë sfidën para kohe për shkak të një dëmtimi të lehtë.

Bajern Mynih 1 – 0 Milan
Shënues: Gorecka 45+3’

Milan: Donaruma, Kalabria, Gabia, Striniç, Hernandez, Bilja, Çalhanoglu, Borini, Maldini, Kastijeho, Piatek. Trajner: M.Xhampaolo

Bajern Mynih: Nojer, Kimish, Pavard, Zyle, Dejvis, Sançes, Toliso, Gorecka, Koman, Arp, Myler. Trajner: N.Kovaç

https://www.youtube.com/watch?v=MqAWjbewrjc

E kryer | Korrea është i Milanit, investim gjigant i kuqezinjve

Sport Ekspres — Mon, 22 Jul 2019 18:13:10 +0000

Pas shitjes së Andre Silva, Milani nuk pret, por mbyll marrëveshjen me Atletikon për Anhel Korrean. Argjentinasi do të jetë lojtari më i ri i kuqezinjve. Gjithçka është e mbyllur, me Gazidis që do derdhë në arkat e madrilenëve 40 milionë euro në dorë dhe 10 milionë të tjera bonuse në varësi të paraqitjeve të latinit.

Korrea kishte arritur prej kohësh marrëveshjen personale me Milanin. Ai pritet të firmosë kontratë afatgjatë me italianët. Një transferim rekord i kuqezinjve, ku merita të mëdha merr agjenti Horege Mendes. Ai duket se do të jetë kampioni i fushës së tij këtë merkato.

Ndahet me shokët, sulmuesi kuqezi niset drejt Francës

Sport Ekspres — Mon, 22 Jul 2019 15:26:13 +0000

Vjen shitja e parë për Milanin këtë verë. Siç është raportuar edhe më parë, Andre Silva do i bashkohet Monakos. Sipas “Calciomercato”, sulmuesi është nisur drejt pricipatës franceze për të mbyllur të gjitha proçedurat e më pas për t’iu bashkuar ekipit të ri.
Milani ndodhet në Boston për të marrë pjesë në turneun miqësor “International Champions Cup”. Prej atje, sulmuesi është përshëndetur me shokët e ekipit aktual. Me zbarkimin në Monako do i nënshtrohet vizitave mjekësore e më pas do vërë të firmën mbi kontratë.

Portugezi do të kalojë në Francë për shifrën e 30 milionë eurove. 23-vjeçari qëndroi vetëm një vit në Milano, për t’u huazuar më pas te Sevija, nga ku u kthye këtë verë. Milani me këtë shitje i hap rrugën ardhjeve të fytyrave të reja me qëllimin e vetëm që është arritja në tre vendet e para.

Milani akord me yllin argjentinas, nis negociatat me Atletikon

Sport Ekspres — Sat, 20 Jul 2019 20:11:39 +0000

Sulmi i Milanit pritet të pësojë një revolucion dhe një afrim i madh është shumë pranë. Së fundmi njoftohet se Anhel Korrea me shumë mundësi do të jetë ylli i ri në “San Siro”. Sipas “TYC”, 24-vjeçari ka arritur marrëveshje mbi termat financiare me Milanin, duke pranuar të veshë fanellën kuqezi.

Me blerjet e shumta në Madrid, Korrea nuk e ka aspak të sigurt vendin në formacion. Edhe sezonin e kaluar nuk ishte një zgjedhje stabël e Simeones. Atletiko e ka pasuruar sulmin dhe mesfushën me shumë cilësi dhe ikja e Korreas duket në horizont.

Së fundmi ata kanë blerë 10% të kartonit të tij, që i takonte San Lorenzos. Sinjal ky që tregon se shitja është një opsion real. Milani do të hyjë në negociata me klubin spanjoll. Bardhekuqtë kërkojnë 50 milionë euro për të, ndërkohë që Milani jep më pak. Negociatat do zgjasin, por Korrea me shumë mundësi do zbarkojë në “San Siro”.

Kutrone “kurbani” i parë, Milani bën gati blerjen rekord

Sport Ekspres — Fri, 19 Jul 2019 07:34:10 +0000

Skuadra e Milanit nuk ka qenë shumë aktive në merkato. Megjithatë, periudha e transferimeve s’do të mbyllet pa një blerje “big” te skuadra nga Milani. Sipas “Sky Sports”, përfaqësuesit e klubit po negociojnë blerjen e argjentinasit të Atletiko Madrid, Angel Korrea.

Kartoni i sulmuesit shtatshkurtër vlerësohet në shumën e 55 milionë eurove nga drejtuesit e klubit spanjoll. Nëse transferimi mbyllet me kushtet e vendosura nga madrilenët, Korrea do të jetë blerja rekord e historisë së Milanit.

Për të mundësuar një transferimin të përmasave të tilla, Milanit i duhet të sakrifikojë një nga yjet e sulmit. Bëhet fjalë për të riun italian Patrik Kutrone. 21-vjeçari kërkohet me ngulm nga anglezët e Ulvërhempton. Një tjetër opsion është ai i shitjes së portugezit Andre Silva. Portugezi është në bisedime me Monakon dhe në ditët në vazhdim palët mund të gjejnë akordin përfundimtar.

Milani me plan të qartë, i rrëmben mbrojtësin Juventusit

Sport Ekspres — Thu, 18 Jul 2019 15:59:36 +0000

Milani është në kërkim të një partneri të denjë për Romanjolin në qendër të mbrojtjes. Duke parë zhvillimet e fundit zgjidhja e dyshes Maldini-Boban kalon nga Juventusi. Bardhezinjtë sapo zyrtarizuan Matijs De Ligt për plot 75 milionë euro.
Me ardhjen e holandezit minimizohet shumë mundësia e Ruganit për të qenë titullar në formacionin e parë të Sarrit. Kështu, mbrojtësi do të shqyrtojë seriozisht një kalim te një klub ku e ka vendin e sigurt në 11-she. Milani është alternativa më e mundshme për momentin.

Kuqezinjtë po krijojnë një skuadër simpatike dhe Ruganit do i pëlqente të ishte pjesë e tyre. Marrëdhëniet e mira mes drejtuesve të klubeve do ndihmonte në një zgjidhje të favorshme financiare për kuqezinjtë, që po vuajnë në këtë aspekt.

Agjenti i Depaj në “Casa Milan”, ja çfarë u bisedua

Sport Ekspres — Wed, 17 Jul 2019 17:25:53 +0000

Milani po mundohet të ndërtojë një skuadër cilësore me aq hapësirë financiare sa i lejohet. Paolo Maldini dhe Boban po tregohen tepër aktivë, duke biseduar me agjentë lojtarësh mbi mundësinë e afrimit të disa prej klientëve të tyre.
Takimi i fundit ka qenë me agjentin e Memfis Depaj, Kes Vos. Ky i fundit ka mbërritur në “Casa Milan” për të biseduar me krerët e klubit mbi tranferimin e ndonjë prej lojtarëve që ai ka në menaxhim.

Më parë Depaj ka shprehur interes për t’u transferuar përsëri në një klub të madh, pas asaj aventure të vakët te Junajtid vite më parë. Milani mund të jetë arena më e mirë për të rinisur aventurën e tij në nivelin më të lartë të futbollit.

Megjithatë, ai ka qenë vetëm një copëz e bisedës, pasi është biseduar për shumë emra. Për momentin holandezi është te Lioni dhe po tregon një nivel tepër të lartë.

Duhet dhe një mesfushor, Milani hedh sytë nga “shtëpia e futbollit”

Sport Ekspres — Tue, 16 Jul 2019 17:58:54 +0000

Megjithëse ka ardhur Kruniç dhe Benaser, Milanit i duhet edhe një tjetër mesfushor për të plotësuar këtë repart. Emri i radhës në objektivat e dyshes Boban-Maldini është Mikael Seri. Mesfushori afrikan është një lojtar tepër interesant dhe ka treguar një futboll tepër cilësor.
Ai aktivizohet në Premier Ligë me Fulhem, ku erdhi një vit më parë nga francezët e Nisës për 30 milionë euro. Pas vetëm një viti në Londër, qëndrimi i tij atje nuk është i sigurt. Milani ka treguar interes për të afruar 27-vjeçarin, për të cilin kohë më parë interesohej edhe Barcelona.

Tratativat për të sjellë yllin nga Bregu i Fildishtë në “San Siro” nuk pritet të jenë aspak të lehta. Milan ofron opsionin e huazimit njëvjeçar në këmbim të 2 milionë eurove për ta blerë më pas për 15 milionë verën e ardhshme. Ndërkohë, londinezët e i hapin bisedimet për 25 milionë euro.

Për tja rritur më shumë problemet Milanit mendon Gallatasaraj, që ka treguar interes serioz për mesfushorin e qendrës. Sezonin e fundit ai ishte një lojtar stabël në mesfushë për Fulhemin, ku luajti 32 ndeshje në Premier Ligë dhe arriti të shënonte 1 gol dhe të dhuronte 2 asiste.

Prapaskena me Benaser, ja si Arsenali mund t’ia vidhte Milanit

Sport Ekspres — Tue, 16 Jul 2019 15:58:49 +0000

Ismael Benaser është lojtari më i ri i Milanit. Këto të fundit paguan 16 milionë euro për ta sjellë të riun në “San Siro”. Mesfushori ka bërë paraqitje shumë të mira me Empolin gjatë gjithë sezonit të kaluar dhe po impresionon me Algjerinë në Kupën e Afrikës.

Duhet të themi se kombëtarja e tij është në finale dhe do të ndeshet me Senegalin. Për 21-vjeçarin përveç kuqezinjve, përflitej se kishin shfaqur interes edhe klube të tjerë. Një prej tyre ishte Arsenali, skuadër ku Benaser ka kaluar dy vite në ekipin e dytë. Megjithatë, siç konfirmojnë mediet e mëdha evropiane, Arsenali nuk e ka dashur yllin afrikan.

Ata kanë pasur në dispozicion aktivizimin e një klauzole, që bënte të mundur blerjen e mesfushorit me një çmim tepër më të ulët se ç’e mori Milani. Drejtuesit londinezë, pasi e studiuan situatën e lojtarit, vendosën për refuzimin e rikthimit të tij.

Benaser, kapiten i Arsenal U-23

Milan troket te Juventusi, synohet huazimi i mbrojtësit

Sport Ekspres — Tue, 16 Jul 2019 13:42:08 +0000

Qendërmbrojtësi turk Merih Demiral u zyrtarizua pak ditë më parë si lojtari më i ri i Juventusit. Kampionët e Italisë paguan 18 milionë euro për të bërë të tyrin të riun turk, i cili ka nënshkruar një kontratë 5-vjeçare.

Megjithëse, 21-vjeçari sa ka mbërritur te Juventusi, në Itali kanë filluar të qarkullojnë lajme që flasin për një mundësi huazimi të Demiral te skuadra e Milanit. Hapsirat për turkun te Juve nuk janë të shumta. Kielini, Bonuçi, Rugani dhe së shpejti De Ligt, janë konkurrenca e frikshme të cilët do të duhet që Demiral të luftojë për minuta.

“RAI Sport” raporton se për të bërë të mundur këtë dëshirë të Juventusit, duhet dhe leja e Sasuolos, e cila ka vendosur një klauzolë specifike në rast huazimi të lojtarit. Aktualisht në skuadrën e Milanit ndodhen vetëm 3 qendërmbrojtës: Romanjoli, Kaldara, Musakio.

E kërkon Leonardo te PSG, reagon ylli i Milanit

Sport Ekspres — Wed, 10 Jul 2019 21:27:32 +0000

Lukas Paketa ka vetëm gjashtë muaj që ka zbarkuar në Milano, por e ardhmja e tij në është vënë në dyshim. Fantazisti ka treguar një nivel mjaft të mirë në “San Siro”, duke shfaqur interesin e disa klubeve të mëdha. Drejtuesit e PSG janë më të interesuarit për të.

Drejtori i ri sportiv në Paris, Leonardo e njeh mjaft mirë brazilianin, pasi ishte ai që e solli në Milano. Kuqezinjtë paguan plot 35 milionë euro për të bindur Flamengon ta lërë të largohet. 21-vjeçari në një intervistë mohon zërat për largimin e tij nga Italia.

“Zërat për largimin tim janë vetëm spekulime. Jam i lumtur te Milani. Nuk kam shumë që kam ardhur dhr nuk kam pse largohem. Po mundohem të përshtatem. Dua të kem një sezon të mirë në mënyrë që të rritem në karrierën time”, u shpreh ylli brazilian.

“Jam shumë i gëzuar, falë Milanit jam burrë”

Sport Ekspres — Wed, 10 Jul 2019 19:37:17 +0000

Xhanluixhi Donaruma është një prej lojtarëve më të përfolur në merkato te skuadra e Milanit. Gardiani kërkohët me ngulm nga PSG, që janë të gatshëm të hapin “thesin” për djaloshin. Gjithsesi, drejtuesit e Milanit ndryshe nga më parë nuk kanë në plan ta shesin.

Donaruma (Portier)

Maldini e bëri të qartë se talenti nuk do të shitet dhe dëshiroi ta konfirmojë këtë, duke vënë portierin të prononcohet në seancën e parë stërvitore pas pushimeve. Ai shprehet se ndihet i emocionuar çdo fillim sezoni.

Thotë se po përmirësohet çdo ditë e më shumë. Falenderon Milanin që edhe pse i ri, e bën të ndihet burrë. Është rikuperuar nga dëmtimi që pësoi në fund të sezonit dhe pret të stërvitet me grupin.

“Kam ardhur pak më herët për të qenë gati të nis stërvitjen me pjesën tjetër të ekipit. Më erdhi shumë keq që e lashë ndeshjen e fundit ndaj SPAL aq shpejt. Gjithsesi, jam gati për sezonin e ri. Takimi i parë me skuadrën gjithmonë më ka emocionuar.”

”Më duket gjithmonë si hera e parë. Do bëjmë maksimumin të kthehemi në Evropë. Dështimi i vitit të kaluar në 10 minutat e fundit shpresoj të na shërbejë për mirë. Jam rritur dhe kam mësuar shumë gjëra. Falë Milanit e ndiej veten më burrë. Dua të vazhdoj të piqem si në fushë dhe jashtë saj”, përfundoi Donaruma.

Zyrtare | Milani njofton blerjen e radhës

Sport Ekspres — Mon, 08 Jul 2019 18:10:22 +0000

Pas Teo Hernandes, Milani ka prezantuar një tjetër blerje. Rade Kruniç është lojtari më i ri që zbarkon në Milano. Boshnjaku ishte një objektiv primar i kësaj merkatoje. Për të Milani është interesuar që në fillimin e merkatos dhe më në fund ish-futbollisti i Empolit është veshur kuqezi.

Lajmi është bërë i ditur nga vetë klubi i Milanit në “Twitter”. Noftimi është mjaft interesant. Nëpërmjet një video me pyejtje përgjigje arrijmë të zbulojmë se 25-vjeçari është mesfushori më i ri i kuqezinjve, por edhe hobet e tij.

Kruniç është një prej atyre që ka spikatur më shumë te Empoli. Shquhet për një vizion të madh loje. Sezonin e kaluar luajti 33 ndeshje në Serie A. Regjistron pesë gola dhe shtatë asiste. Rënia e Empolit nga elita e futbollit italian e bëri më të lehtë këtë lëvizje.

We know you know, but still, we want you to know! ? Welcome “DERA”

Sappiamo che già sapete, ma vogliamo comunque farvelo sapere ??? Benvenuto “DERA”#ForzaMilan ??? pic.twitter.com/NsMHpefbNA

— AC Milan (@acmilan) July 8, 2019

“Luftë luzitane” për gardianin e Juves, prioritet është Serie A

Sport Ekspres — Sun, 07 Jul 2019 07:00:03 +0000

Me ardhjen e Xhixhi Bufon, i hapet dera largimit të Matia Perin. Ky i fundit nuk e pëlqen aspak qëndrimin së stolin e rezervave dhe largimi tashmë është fakt. Ai erdhi në verën e kaluar për 12 milionë euro nga Xhenoa, por pavarësisht cilësive të padiskutueshme e ka pasur të pamundur të jetë mbi Vojçek Sheznit.
26-vjeçari kërkohet nga disa klube. Mediet italiane raportojnë se për të ka nisur një garë e hapur mes Benfikës dhe Portos. Dy klubet portugeze e kanë të domosdoshme praninë e një portieri me cilësi të larta dhe Perin është i duhuri.

Gjithsesi, dëshira e gardianit është të mos largohet nga Serie A. Në Itali për të interesohen Milani dhe Fiorentina. Kuqezinjtë mbeten një mundësi shumë e mirë. Donaruma shihet çdo ditë e më larg, me PSG që ka hapur thesin për ta blerë. Perin do ishte një zgjedhje e mirë dhe mjaft ekonomike.

Hernandez zyrtarisht kuqezi, ka betejë për supertalentin e Benfikës

Sport Ekspres — Sat, 06 Jul 2019 11:35:41 +0000

Milan, me ardhjen e Marko Xhampaolos, pritet të ndryshojë fytyrë në mesfushë. Tekniku i ri pret ardhjen e Kruniç dhe Benaser. Megjithatë, kjo dyshe nuk mjafton dhe Gazidis po tenton sjelljen e një lojtari tjetër me cilësi në këtë repart. Gedson Fernandes është objektivi i Milanit.
I riu i Benfikës ka treguar një talent të madh dhe ka tërhequr interesin e shumë gjigantëve evropianë. Milani është një nga të interesuarit dhe ka nisur bisedimet me Benfikën. “Sky Sport” raporton se klubi portugez nuk negocion me asnjë klub për një ofertë nën 30 milionë euro.

Fernandes, vetëm 20 vjeç, ka luajtur plot 46 ndeshje në të gjitha kompeticionet me Benfikën këtë sezon. Ka ndihmuar në nëntë gola të ndarë në gjashtë asiste dhe tre topa të çuar në rrjetë nga ai. Ardhja e tij në Milano do të ishte goditja më e madhe e merkatos nga kuqezinjtë këtë verë.

Ndërkohë së fundmi është konfirmuar edhe afrimi i Teo Hernandez, mbrojtësit të majtë që kuqezinjtë e kanë blerë dhe ka nënshkruar për pesë vite. Milani ende nuk ka dalë me njoftim, por në Federatën Italiane të Futbollit është depozituar kontrata me mbrojtësin.

Është në shitje, mbrojtësi i Milanit takim me drejtuesit

Sport Ekspres — Sat, 06 Jul 2019 06:48:19 +0000

Milani po mendon seriozisht shitjen e Laksalt. Uruguajani nuk ka bindur me paraqitjet e tij në Milano dhe largimi është zgjidhja perfekte për të dyja palët. 26-vjeçari regjistron vetëm 6 ndeshje si startues në gjithë sezonin e kaluar të Serie A.
Atalanta dhe Torino janë dy klubet, që interesohen për shërbimet e latinit. Klubi “granata” janë pala më e interesuar në këtë mes. Ndërkohë, Atalanta do të hyjë në garë për Laksalt në rast largimi të Gosenit.

Siç raportojnë mediet italiane, Laksalt ka ndërprerë pushimet dhe është paraqitur në zyrat e “Casa Milan”. Arsyeja ka qenë një takim me Ariel Krasouski, drejtor i jashtëm sportiv në klubin kuqezi. Gjatë bisedës është diskutuar e ardhmja e lojtarit. Zyrtari i Milanit i ka shpjeguar se është në shitje.

Laksalt është dakort me këtë ide dhe në konsensus me klubin do të zgjedhë ekipin e ri, ku do vazhdojë karrierën. Largimi i tij do të gjeneronte të ardhura në këto ditë të errëta financiare për Milanin. Lojtari vlerësohet rreth 14 milionë euro në merkato.

ZYRTARE | Milani në Prishtinë, “djalli” fton tifozët në “Fadil Vokrri”

Sport Ekspres — Fri, 05 Jul 2019 16:54:51 +0000

Pak javë më parë Feronikeli lajmëroi arritjen e një marrëveshje për zhvillimin e një miqësoreje me klubin e njohur italian, AC Milan. Ditën e sotme lajmi është konfirmuar dhe nga pala italiane. Takimi miqësor midis kampionëve të IPKO Superligës dhe Milanit do të zhvillohet më datë 10 gusht, ora 20:45 në stadiumin “Fadil Vokrri”, Prishtinë.

? On 10 August the Rossoneri will face FC Feronikeli in a historic friendly match, our first in Kosovo ?? ?? https://t.co/qoYGB3ef5v

? Il 10 agosto disputeremo la nostra prima storica partita in Kosovo, contro i campioni nazionali del Feronikeli ?? ?? https://t.co/wPZnH3pL2D pic.twitter.com/Xze5bfcX6M

— AC Milan (@acmilan) July 5, 2019

Klubi italian ka ftuar të gjithë fansat e tyre në Kosovë e në vendet e tjera të ballkanit për të qenë të pranishëm në këtë ndeshje. Ndeshja do të transmetohet në Kosovë nga “RTV Dukagjini”. Mëposhtë keni linkun ku mund të porosisni biletat.

http://bileta.t-ticket.al/biglietteria/listaEventiPub.do

Lapadula ikën nga Xhenoa, mbetet në Serie A

Sport Ekspres — Thu, 04 Jul 2019 21:18:00 +0000

Xhenoa ka arritur ta përforcojë skuadrën me disa lojtarë cilësorë si Zapata, Gumus apo Barreka. Megjithatë, klubit italian i duhet të largojë disa futbollistë për të ulur barrën e rrogave. Ish-sumuesi i Milanit, Xhanluka Lapadula është një prej atyre që bëjnë valixhet gati.
29-vjeçari nuk ka bindur aspak me formën e tij, duke e mbyllur sezonin e shkuar me vetëm një gol të shënuar. Leçe, e sapongjitur në elitën e futbollit italian, është në gjurmët e lojtarit ofensiv. Siç raportohet nga mediet përtej Adriatikut, marrëveshja mes dy klubeve është në hapat e fundit.

Lapadula pritet të huazohet me të drejtën e blerjes në fund të sezonit. Kujtojmë që Xhenoa ka shpenzuar jo pak për të, duke e blerë për 11 milionë euro nga Milani në verën e kaluar. Leçe ka arritur dakordësinë me lojtarin mbi termat financiare. Lapadula e dëshiron shumë një lëvizje në këtë moment, duke parë ngërçin që po përjeton.

GENOA, ITALY – AUGUST 26: Gianluca Lapadula of Genoa CFC reacts during the Serie A match between Genoa CFC and Juventus at Stadio Luigi Ferraris on August 26, 2017 in Genoa, Italy. (Photo by Valerio Pennicino/Getty Images)

Gjithçka për Veretut, Milani ka një propozim interesant

Sport Ekspres — Thu, 04 Jul 2019 20:14:45 +0000

Xhordan Veretut është objektivi i radhës në Milano dhe të gjitha organizmat e klubit janë përqëndruar për të bindur Fiorentinën të lërë të lirë francezin. Klubi nga Firence ka javë që bën rezistencë, duke mos pranuar asnjë ofertë.
Megjithatë, lëvizja e fundit e Milanit dhe lojtarit duket se do i japin goditjen përfundimtare kësaj lëvizje. Siç raportojnë mediet përtej Adriatikut, Veretut i ka shprehur drejtuesve të klubit dëshirën për t’u larguar. Ai gjitashtu i ka kërkuar atyre të shpejtojnë sa më shumë me marrëveshjen dhe të mos mundohen ta pengojnë.

Milani nga ana e tyre po bëjnë sa munden, duke nisur ofertën e radhës. Kuqezinjtë ofrojnë 13 milionë euro plus Lukas Bilia, për të bindur presidentin Komiso të lërë të lirë 26-vjeçarin. Si zakonisht, dëshira e lojtarit është më e rëndësishmja dhe duke parë situatën e këtij operacioni, mund të themi se Veretut te Milani është çështje ditësh.

Kutrone është në shitje, por ka një problem të madh

Sport Ekspres — Wed, 03 Jul 2019 18:44:54 +0000

Milanit i duhen hyrje në llogari për të eliminuar totalisht problemet me UEFA-n. Patrik Kutrone është nxjerrë në shitje nga Boban e Maldini për të gjeneruar të ardhura. Ata kërkojnë të paktën 25 milionë euro për të lënë të lirë sulmuesin, por ka një problem aspak të vogël.

Për Kutronen nuk është interesuar asnjë klub. Torino kishte shfaqur kureshtjen e saj, por kërkesat e klubit kuqezi mbi çmimin e lojtarit e kanë ndalur klubin “Granata”. Kështu, Milani duhet të gjejë një zgjidhje për ta shitur Kutronen. Ulja e çmimit është e para që të vjen në mendje.

Kutrone nga ana e tij ka treguar cilësi mjaft të mira, por mungesa e besimit nga Gatuzo ka sjellë probleme me ritmin e 21-vjeçarit. Sezonin e fundit në 12 ndeshje si titullar e dërgoi tre herë topin në rrjetë dhe regjistroi dy asiste.

Olmo i shkel syrin Milanit: Momenti për ndryshim

Sport Ekspres — Wed, 03 Jul 2019 17:28:51 +0000

Dani Olmo është një nga talentet më të mëdhenj të gjeneratës së re të Spanjës. 21-vjeçari i rritur në “La Masia” dhe transferuar më pas në Kroaci te Dinamo e Zagrebit ka mrekulluar gjithë klubet e mëdha evropiane. Barcelona, Junajtid, Milan e klube të tjera kanë shfaqur interes për talentin e “Furisë së Kuqe”.
Mediet evropiane raportojnë se Junajtid është gati të japë 40 milionë euro për Olmon. Dinamo e Zagrebit synon ta mbajë edhe një sezon tjetër për të rritur vlerën e tij, megjithatë vetë lojtari nuk e dëshiron këtë gjë. Në një intervistë, Olmo shprehet se është i lumtur për eksperiencën e kaluar në Kroaci. Megjithatë, shpjegon se ka ardhur momenti për të lënë Ballkanin dhe bërë përpara në një klub të madh.

“Vendimi për të lënë Barcelonën për Dinamon ishte i vështirë. Megjithatë, ishte më e mira për mua. Tani po marr frytet e atij vendimi dhe jam i kënaqur që kam luajtur në Kroaci. Mendoj se ka ardhur momenti për të bërë hapa para. Do shohim se ç’do ndodhë. Vera është e gjatë”, përfundoi ylli i Dinamos së Zagrebit.