Abramovich

Çelsi nuk i ka dhënë asnjë qindarkë, Konte troket në derën e “CAS”-it

Sport Ekspres — Wed, 07 Nov 2018 19:17:28 +0000

Antonio Konte nuk e ka përjetuar aspak mirë shkarkimin nga posti si trajneri i skuadrës së Çelsit. Tekniku italian ishte i bindur se e meritonte të vazhdonte në krye të pankinës së ekipit londinez, por presidenti Roman Abramoviç vendosi ta zëvendësonte me bashkëkombësin e tij Mauricio Sarri.

Sipas burimeve të medies angleze “Sky Sports”, avokatët e Kontes po bëhen gati për ta çuar cështjen e shkarkimi të tij në gjykatën e arbitrazhit sportiv (CAS) në Lozanë të Zvicrës, ku do të kërkojnë që klienti i tyre të shpërblehet me tetë milionë Euro për shkak se është shkarkuar në mënyrë të padrejtë.

Klubi i Çelsit po përdor disa “kurthe” ligjore për t’ia vonuar këtë kompensim ish-trajnerit, duke i bërë të ditur atij se gjatë dy viteve të tij te Çelsi ai ka shkelur disa rregulla të kontratës së tij si: Sjellja e gabuar me lojtarët (përjashtimi i Diego Kostës), vonesa në daljet për shtyp, mosprania në eventet e sponsorve të klubit dhe më qesharakja nga të gjitha, parkimi i gabuar i makinës në ambientet e kompleksit stërvitor.

Ka interesim për blerjen e Çelsit, Abramoviç kërkon 3 miliardë sterlina

Sport Ekspres — Fri, 28 Sep 2018 11:02:00 +0000

Çelsi njihet si një klub i madh ditët e sotme dhe një motiv për këtë fakt është padyshim presidenti aktual i saj, Roman Abramoviç. Manjati rus ka mbushur plot 15 vite si president i bluve dhe shpenzimet e tij kanë qenë gjithmonë të pakursyera për drejtuesit e klubit, me seli në Londër.

Ditët e fundit po përflitet shumë për një interes të mundshëm nga Amerika. Pikërisht ky interes vjen për arsyen e blerjes së Çelsit. Është miliarderi amerikan Pol Alen, i cili thuhet se kërkon të futet në bisedime për blerjen e skuadrës londineze.

Gjithsesi Abramoviç duket se nuk futet dhe aq lehtë në bisedime. Rusi kujtojmë ka refuzuar dhe një ofertë që u bë në drejtim të tij, ku i ofruan 2.3 miliardë sterlina për klubin e tij. Abramoviç ka bërë me dije se duhet të paktën deri në 3 miliardë sterlina, që ky i fundit të mendojë për ta shitur ekipin e Çelsit.

Biznesmeni amerikan Alen, zotëron ekipin e Seattle Sounders, të cilët luajnë në “MLS” amerikane. Gjithashtu, Pol Alen njihet si president i klubit të futbollit amerikan, Seattle Seahaëks.

Abramoviç i gatshëm të shesë Çelsin, ja sa kërkon biznesmeni rus

Sport Ekspres — Tue, 25 Sep 2018 15:08:35 +0000

Miliarderi rus, Roman Abramoviç, është shumë pranë shitjes së klubit të Çelsit. Lajmi bëhet i ditur nga media prestigjioze “Bloomberg”, që në shkrimin e saj theksohet se biznesmeni 51-vjeçar është i gatshëm ta shesë klubin londinez nëse në zyrën e tij vjen një ofertë prej të paktën 3 miliardë dollarësh.

Lidhja e Abramoviç me Çelsin filloi në vitin 2003, ku rusi filloi transformimin e ekipit nga një skuadër e mesit të tabelës, në një ekip pretendent, që përveç fitimit të titujve në Angli arriti të kishte sukses edhe në arenën europiane, ku në vitin 2012 fitoi trofeun e Champions League përballë Bajernit të Mynihut.

Arsyeja kryesore pas këtij vendimi të manjatit rus është gjendja e tensionuar politike midis Mbretërisë së Bashkuar dhe Rusisë. Qeveria britanike ka filluar të marrë masa për konfiskimin e pasurive të personave të lidhur ngushtë me presidentin rus, Vladimir Putin dhe Abramoviç është një ndër dhjetëra biznesmenët që po hetohet nga autoritet britanike.