Ndërkaq, historia e sulmuesit Stefan Nikoliç ishte një tjetër sinjal se sa keq punohet në klubin e kuq, pasi erdhi një sulmues e firmosi pa miratimin e trajnerit, ndërkohë që flitet për projekte afatgjata e ambicioze, bazuar tek të rinjtë.

Sot vjen rrëmuja e radhës, sepse Sport Ekspres mëson se sulmuesi Besart Abdurahimi ka braktisur të kuqtë. 27-vjeçari nuk është paraqitur fare në stërvitjen e sotme dhe ka ikur në Kroaci. Kërkesa e tij për klubin është e qartë: prishje kontrate!

Sulmuesi erdhi me bujë me fillim të vitit dhe firmosi kontratë goxha të majme, por luajti vetëm 14 ndeshje në kampionat, shënoi 2 gola duke luajtur rrallë nga minuta e parë dhe nuk luajti titullar as kundër Mariborit në Europa League.

Klubi i kuq i bën presion Abdurahimit që të ulë pagën, por sulmuesi i kombëtares maqedonase është lodhur nga situata e nderë në Tiranë dhe është arratisur. Një hall i ri për Partizanin, që duhet të mbyllë një tjetër gropë në sulm, nëse nuk gjendet marrëveshje për kthimin e sulmuesit.

Nga Shkëndija e Tetovës vjen Besart Abdurahimi, sulmues 27-vjeçar, anëtar i kombëtares maqedonase deri në vitin 2015, përveçse i Kroacisë U-21 me herët.

Një futbollist me CV impresionuese: U rrit të Zagrebi, ku pati një ecuri të shkëlqyer, derisa shkoi te Hapoel i Tel Avivit në sezonin 2013-14.

Hapi tjetër në Belgjikë, një sezon e gjysmë të Lokereni, pastaj pak muaj në Astana e pak te Cerezo Osaka në Japoni.

Para një viti Shkëndija e ktheu në Europë, titullar deri në gusht, por pas humbjes 6-0 ndaj Milanit në San Siro Abdurahimi ka qenë gjithnjë në stol, edhe pse dy gola i ka shënuar në kampionat.

Ka një pagë shumë të rëndë, ndaj edhe bisedimet u zvarritën shumë më Partizanin, që natyrisht nuk mund të përballojë pagën e Shkëndijës, por Abdurahimi ka nevojë të luajë rregullisht dhe Partizanit i duhej sulmues, ndaj është gjetur akordi dhe sot Abdurahimi del në stërvitje.

P