Abazi

Largim i bujshëm nga Skënderbeu, gati kalimi në IPKO Superliga

Sport Ekspres — Tue, 30 Jul 2019 14:45:38 +0000

Futbollistët shqiptarë që po zgjedhin transferimin në Kosovë, po shtohen dita-ditës dhe kësaj liste, pritet t’i bashkohet edhe Leonit Abazi. Mbrojtësi i majtë është një nga lojtarët më të mirë të Skënderbeut, por me situatën kaotikë tek “Ujqërit e Dëborës”, e ardhmja e tij është në dyshim.

GazetaOlle raporton se Abazi do të transferohet në IPKO Superliga te skuadra e Prishtinës, skuadër që synon me doemos titullin kampion sezonin e ardhshëm. Ardhja e Abazit, do të ishte një përforcim shumë i rëndësishëm për ta.

26-vjeçari është prej pesë sezonesh pjesë e Skënderbeut, ku ka luajtur në total 138 ndeshje në të gjitha kompeticionet. Gjithashtu, Abazi ka gjetur dhe disa herë rrjetën me fanellën bardhekuqe (7 gola).

Abazi: Ky sezon i shkëlqyer për mua, Kupa fitohet thjeshtë

Sport Ekspres — Thu, 14 Feb 2019 18:42:18 +0000

Mbrojtësi Leonit Abazi po kalon sezonin e tij më të mirë me fanellën e Skënderbeut. 25-vjeçari ka qenë një lojtar shumë i rëndëisshëm për Shehin në krahun e majtë të mbrojtjes dhe paraqitjet e tij kanë qenë pozitive. Sot për “RTSH Sport”, mbrojtësi foli për ndeshjen e ardhshme kundër Flamurtarit, ecurinë e Sknëderbeut në Kupën e Shqipërisë dhe marrëdhëniet me trajnerin Shehi.

SEZONI AKTUAL – “Me Shehin, ky sezon ka qenë i shkëlqyer, në aspektin personal, pasi trajneri është shumë i hapur me lojtarët dhe shumë i afërt. Nuk e kisha menduar që këtë sezon të më eci kaq mirë në aspektin personal, por jam i lumtur për këtë gjë. Çdo lojtar ka pikësynimin që të luajë jashtë. Unë po mendoj të luaj sa më mirë këtu dhe të më pas të shohim”.

KUPA E SHQIPËRISË – “Skënderbeu lufton në të dyja garat, si në Kupë, ashtu dhe në kampionat. Skënderbeu ka treguar se di të fitojë dhe Kupa mund të fitohet thjeshtë, prandaj pse jo”.

FLAMURTARI – “Ndeshja kundër Flamurtarit është shumë e rëndësishme. Duhet të japim maksimumin dhe të dalim me rezultat pozitiv nga kjo sfidë”,- përfundoi Abazi.

VIDEO | Perla nga Vangjeli e Krasniqi, optimizëm në Korçë

Sport Ekspres — Wed, 06 Feb 2019 18:21:00 +0000

Skënderbeu mori një fitore shumë të rëndësishme sot në Kupën e Shqipërisë, pasi mposhtën skuadrën e Besëlidhjes me rezultatin e pastër 3-0. Pas disa ndeshjeve jo të mira në kampionat dhe një situate të trazuar, kjo fitore mund të jetë pika e kthesës për të besuarit e Shehit.

Golat nga Vangjeli, Abazi dhe Krasniqi i dhanë fitoren “Ujqërve” në takimin e sotëm, duke u kualifikuar dhe duke vazhduar ecurinë e tyre në Kupë. Mbrojtësi Vangjeli realizoi një gol spektakolar, duke goditur nga jashtë zone dhe duke mposhtur portierin mik, i cili bëri të pamundurën për ta ndaluar atë top që përfundoi në rrjetë. Abazi dyfishoi shifrat, ndërsa Krasniqi konkretizoi me gol një aksion spektakolar të Skënderbeut.

Kupa e Shqipërisë

Skënderbeu – Besëlidhja 3-0
Vangjeli 57’ Abazi 72’ Krasniqi 84’

Abazi: Përballë Kastriotit është ndeshja më e rëndësishme e sezonit

Sport Ekspres — Fri, 01 Feb 2019 18:04:11 +0000

Mbrojtësi i Skënderbeut, Leonit Abazi ka folur para ndeshjes kundër Kastriotit për “RTSH Sport”, ku i habiti të gjithë. Në fjalën e tij, mbrojtësi tha se ndeshja kundër Kastriotit është sfida më e rëndësishme e futbollit, pasi “Ujqërit” duhet të rikthehen me doemos te fitorja.

“Sigurisht që është një seri negative e ekipit tonë. Çështje të Skënderbeu nuk ka ,por duhet të japim sinjal dhe të reagojmë, pasi duhet të kthehemi te fitoret.

Të them të drejtën, është ndeshja më e rëndësishme për ne. Kastrioti është në vendin e fundit, por nuk duhet ta mendojmë këtë gjë, është një ndeshje e rëndësishme për ne, pasi duhet të kthehemi te fitoret.

Deri sa matematika na mban në lojë, nuk do të dorëzohemi në asnjë moment për titullin kampion”,- tha Abazi.

Kukësi dhe Skënderbeu bëjnë “llogaritë”, nëntë të rrezikuar

Sport Ekspres — Thu, 06 Dec 2018 15:20:46 +0000

Ndeshja e parë e javës së 16-të do të jetë ajo mes Kukësit dhe Skënderbeut. Superfida e kësaj jave do të luhet në Kamzë, me verilindorët që do të kërkojnë fitoren e parë ndaj skuadrave pretendente. Do të jetë një kalendar i vështirë për Kukësin, që menjëherë pas Skënderbeut do të takohet me Partizanin. Cungu shpesh ka veçuar se ka probleme me alternativat dhe lojtarët duhet të bëjnë kujdes për takimin e ardhshëm.

Shameti, Dzaria, Rexhinaldo dhe Shkodran kanë nga tre kartonë dhe nëse do të ndëshkohen nesër javën e ardhshme do të jenë të detyruar që ta ndjekin takimin me kryesuesit nga tribuna. Në këtë pikë Skënderbeu rrezikon akoma dhe më shumë.

Korçarët kanë plot 5 lojtarë që rrezikojnë të humbasin ndeshjen e javës së ardhshme. Aliti, Abazi, Demte, Dita, Bregu kanë të gjithë nga 3 kartonë dhe një ndëshkim në sfidën e Kamzës ndaj Luftëtarit nuk do të jenë në fushë. Një ndeshje e madhe, por që do kujdes. Kjo gjë mund të privojë disi lojën e fortë, sidomos te Kukësi, pasi askush nuk do të humbasë ndeshjet e mëdha.