Abaz Karakaci

Spikati me Egnatian, dy oferta për Karakaçin

Sport Ekspres — Sat, 05 Jan 2019 13:19:32 +0000

Egnatia e nisi vitin me një ndryshim në pankinë, teksa vendin e Ilir Duros e zuri Bledar Sinella. Te Rrogozhinasit do të ketë lëvizje, si në hyrje ashtu edhe në dalje. Drejtuesit po punojnë për ta përforcuar skuadrën, por ka edhe lojtarë që kanë spikatur dhe për të ka interesim.

Një nga ata lojtarë është edhe mesfushori Abaz Karakaçi. Shkodrani është kontaktuar nga dy klube të Kategorisë së Parë dhe e ardhmja e tij tek Egnatia është në dyshim. Sigurisht është nën kontratë dhe për të ardhur “divorci” do të duhet që palët të gjejnë gjuhën e përbashkët.

Karakaçi ka qenë një nga lojtarët kryesorë të Egnatias në 14 javët e para dhe vetëm në një takim nuk është aktivizuar për shkak të një kartoni të kuq. Në ndeshjet e tjera ka qenë titullar, madje ka arritur edhe të shënojë gola të rëndësishëm.

Tre herë e ka gjetur rrugën e rrjetës mesfushori me tipare sulmuese, që tanimë ka marrë edhe oferta. Në ditët në vijim mbetet për t’u përcaktuar e ardhmja e shkodranit, i cili ka provuar të luajë edhe në Superiore me Tërbunin, Apoloninë dhe Vllaznisë. Në të Parën ka veshur fanellën e Luftëtarit, Partizanit, Adës, Butrintit, Besëlidhjes dhe Kastriotit.

Egnatia tenton një shkodran për mesfushën

Sport Ekspres — Tue, 21 Aug 2018 10:13:32 +0000

Egnatia ka bërë disa afrime këtë verë, por ende nuk e ka mbyllur merkaton. Drejtuesit e klubit rrogozhinas janë duke punuar për të bërë edhe një tjetër afrim dhe “SportEkspres.com” mëson se kanë nisur bisedimet me një mesfushor dhe nesër pritet të vendoset përfundimisht nëse do të ketë bashkëpunim mes palëve.

Konkretisht objektivi është Abaz Karakacci, i shumëshëtitur në Shqipëri. Sezonin e fundit ai ishte pjesë e Kastriotit, skuadër që u ngjit në Kategorinë Superiore. Te Egnatia tanimë presin një përgjigje nga mesfushori.

Futbollisti 25-vjeçar është lojtar i lirë dhe në të shkuarën ka luajtur në elitë me Vllazninë, Apoloninë dhe Tërbunin. Ndërkohë në të Parën është aktivizuar me Partizanin, Adën, Butrintin dhe Luftëtarin.

Karakaçi lojtar i lirë, ekipi i ri çështje ditësh

Sport Ekspres — Mon, 30 Jul 2018 13:58:27 +0000

Kastrioti u ngjit në Superiore dhe sezonin e shkuar për këtë arritje dha kontribut edhe mesfushori Abaz Karakaçi. Futbollisti 25-vjeçar ishte një nga shkodranët e afruar në verë. Pas nje eksperiencë në Lezhë me Besëlidhjen ai u rikthyer në Krujë, ndërkohë që me mbylljen e kampionatit e mbylli bashkëpunimin me Kastriotin.

Tashmë Karakaçi është lojtar i lirë dhe po mendohet për të ardhmen. Sigurisht dëshira është që të luajë në Superiore, ku edhe ka luajtur me parë me fanellën e Vllaznisë, Apolonisë dhe Tërbunit. Shkodrani ka eksperiencë të madhe në vendin tonë.

Në të Parën është aktivizuar edhe me Partizanin, Adën, Butrintin dhe Luftëtarin. Gjatë kësaj periudhe në drejtim të tij ka pasur disa oferta, por ende nuk ka vendosur se ku do të luajë sezonin e ardhshëm. Gjithsesi ditët kalojnë dhe së shpejti Karakaçi do të ndajë mendjen për ekipin e tij të ri.