Kalimin te kampionët e Italisë e sheh si një ëndërr te realizuar dhe një sfidë të madhe. Mauricio Sarrin e njeh dhe është gati të japë maksimumin në çdo pozicion që trajneri do ta vendosë.

Uellsiani është i karikuar në maksimum dhe ndodhet në fazën e fundit të rikuperimit. Dëmtimi i pësuar po lihet pas krahëve dhe Ramsej shpreson që t’i bashkohet Juves sa më shpejt të jetë e mundur.

JUVENTUSI – “Jam shumë i lumtur që ndodhem te Juventusi. Po punoj fort për t’u bashkuar me ekipin sa më shpejt. Rikuperimi po shkon mirë dhe po kthehem në formë. Kur dëgjova për interesimin e Juves, mendova se do të ishte një ëndërr, përveçse një sfidë e madhe.”

SARRI – “Jam mirëpritur nga të gjithë. Kam biseduar disa herë me Sarrin dhe po pres me padurim të ndihmoj atë dhe skuadrën për të realizuar objektivat e vendosura nga klubi. Ai është shumë i thjeshtë në komunikim dhe kjo është diçka shumë e bukur. Akoma nuk është marrë një vendim për prezencën time në Turin e Azisë.”

STILI – “Më pëlqen të kem impakt në lojën e skuadrës, të shënoj dhe të dhuroj asiste. Mund të mbroj dhe të shtyj përpara. Bashkë me trajnerin do e kuptojmë se ku mund të jem më i dobishëm për Juventusin. Sarri bëri shumë mirë në Angli dhe besoj se mund të bëjë të njëjtën gjë këtu, duke kërkuar fitoren dhe lojën e bukur.”

NUMRI – “Doja të merrja numrin tetë. E mora menjëherë sapo mora vesh që ishte i lirë. E di që e ka patur më parë një kampion si Markizio. Do të jem krenar nëse arrij të bëj ato që ka bërë ai këtu. Jam gati për këtë sfidë të madhe.”

Ish-mesfushori i Arsenalit është një lojtar plot kualitet e eksperiencë dhe karakteristikat e tij janë ideale për futbollin që dëshiron të praktikojë Mauricio Sarri.

Ufficiale ???? @juventusfc #finoallafine pic.twitter.com/NXtsmAxT80

— Aaron Ramsey (@aaronramsey) July 1, 2019

Ramsej është prezantuar gjatë ditës së sotme, ndërkohë që Rabiot ka kryer kontrollet mjekësore. Ish-mesfushori i PSG-së është çliruar më në fund nga kontrata me francezët dhe po pret me padurim nisjen e sezonit të ri me Juventusin.

?? @Adriien_Rabiiot #JMedical pic.twitter.com/qy0awepvrq

— JuventusFC (@juventusfc) July 1, 2019

“dhurta

Plot 11 sezone me “Topçinjtë”, 369 ndeshje, 64 gola, 62 asiste: Mesfushori më me shumë gola në historinë e klubit të Arsenalit. Një mesfushor “Box to Box”, sa në mbrojtje, ashtu dhe në sulm. Një lojtar që çdo trajner do e donte në skuadër.

Sot, në ndeshjen e fundit të sezonit në shtëpi për Arsenalin, mesfushorit uellsian iu bë një “Paradë Nderi”, ku i gjithë stadiumi, lojtarët e Arsenalit dhe stafi teknik, e duartrokitën për të gjitha ato që Ramsej ka bërë në klubin londinez. Një lojtar që vështirë se do të zëvendësohet te “Topçinjtë” dhe një armë e fortë e shtuar në arsenalin e Alegrit te Juventusi.

Trajneri vlerëson transferimin e mesfushorit të Arsenalit në Serie A në prononcimin e dhënë për “Sky U.K”. Ramsej do të vihet nën urdhrat e Alegrit duke nisur nga sezoni i ardhshëm.

Gigs nuk i kursen elozhet për kampionët e Italisë dhe bën një krahasim me Bejlin. Ky i fundit luante me Totenhemin përpara se të kalonte te Reali i Madridit, aty ku u shndërrua një lojtar i nivelit të lartë.

“Të gjithë e kemi parë se çfarë ka bërë Bejl pasi u transferua në Spanjë. Juventusi do të jetë një eksperiencë shumë e mirë për Ramsejn. Aron do të shkojë në një klub të madh, klubin më të madh italian. Mjafton të shikoni se çfarë strukturash kanë krijuar bardhezinjtë. Vendimi për t’u larguar nga Arsenali nuk ka ndikuar tek ai, pasi po vazhdon të luajë mirë”, përfundon legjenda uellsiane.

Trajneri francez analizon cilësitë e Ramsejt, ndërsa ndalet dhe te dueli Atletiko Madrid-Juventus. Dy ndeshjet do të jenë të ekuilibruara, por në fund do të kalojnë përpara bardhezinjtë e Alegrit, ekip që Venger e sheh si kandidatin kryesor për fitimin e kupës me veshë të mëdhenj, të paktën më atë që ka parë deri në këtë moment.

RAMSEJ – “Me marrjen e Ramsejt, Juventusi ka kryer një operacion të madh në merkato, sepse Aron është një futbollist i shkëlqyer. Nuk ka shumë mesfushorë me cilësitë e tij në qarkullim. Ramsej është i aftë në inkursionet e tij dhe në shënimin e golit, ndërsa jep një kontribut të mirë dhe në aspektin e sasisë dhe ritmit të ndeshjes. Ai është një mesfushor ‘mezzala’ i kompletuar (mesfushor me tipare sulmuese që shpesh ndërron vendin me sulmuesin anësor), të cilin e sheh në çdo pjesë të fushës. Largimi i tij është një humbje e madhe për Arsenalin dhe një mundësi vërtetë interesante për Juventusin.”

CHAMPIONS – “Pres një ndeshje të ekuilibruar. Atletiko mbrohet mirë dhe riniset në mënyrë të frikshme në kundërsulm, por Juventusi luan një futboll të bukur dhe është favorit për t’u kualifikuar sipas mendimit tim. Nuk mund të them tani që kush do e fitojë kupën, sepse në tre muaj e gjysmë mund të ndodhë gjithçka dhe mund të ndryshojnë shumë gjëra. Janë 4-5 ekipe që kanë shanse reale për ta fituar Champions Ligën. Nga ndeshjet e fazës së grupeve, Juventusi është ekipi që më ka bindur më shumë në aspektin e lojës dhe mentalitetit.”

“Të jesh te Juventusi është sikur të jesh te një familje. Kam mësuar shumë gjëra në periudhën time këtu, por ka dhe gjëra të njëjta siç kisha te Liverpuli. Juventusi më pëlqen shumë, pasi këtu jemi mbledhur të gjithë kampionët.

“Edhe Aron Ramsej është një kampion! Të luash për aq shumë vite në nivele të larta dhe të shënosh aq shumë gola nga mesfusha është diçka e rrallë. Më vjen shumë mirë që do të vijë këtu dhe konkurrenca nuk më shqetëson aspak”,- u shpreh Emre Çan.

Sigurisht në pamje të parë duket një lëvizje me shumë leverdi, por për të bindur uellsianin, Juventusit i është dashur t’i ofrojë një kontratë nga e cila do të përfitojë 450 mijë euro në javë, çka e bën atë lojtarin e dytë më të paguar në Serie A pas Kristiano Ronaldos.

Drejtori Sportiv i “Zonjës së Vjetër”, Fabio Paratiçi, ka shpjeguar në një intervistë se Ramsej është një lojtar që i ofron Juventusit diçka ndryshe. Drejtuesi i torinezëve nuk ngurron të ndajë dhe disa detaje taktike, që sigurisht do të jenë biseduar me trajnerin Alegri.

RAMSEJ – “Atë e morëm sepse është një lojtar që na ofron diçka që nuk e kemi për momentin. Një lojtar me aftësi jashtëzakonisht të mira teknike, por ka disa mangësi në fazën mbrojtëse dhe taktike. Mendoj se kjo e fundit vjen, pasi ai nuk e ka gjetur kurrë pozicionin e tij ideal. Vendi ideal për të do të ishte në një  mesfushë me tre lojtarë si një ‘mezzala’ (mesfushor me tipare sulmuese që shpesh ndërron vendin me sulmuesin anësor)”, përfundoi Paratiçi.

Gjatë ditës së djeshme, mesfushori kreu vizitat e para mjekësore, ndërsa Juventusi ka një plan për lojtarin. Klubi italian nuk dëshiron të presë fundin e sezonit dhe po insiston ta ofrojë Ramsejn në Torino që në këtë seksion merkato, me vetë lojtarin që dëshiron të aktivizohet në Champions që këtë sezon me ekipin e ri.

Arsenali ka ulur pretendimet e tij dhe, siç raportojnë mediat italiane, kërkon diçka më pak se 20 milionë euro për ta lënë të lirë menjëherë 28-vjeçarin. Unai Emeri po bëhet pengesë, pasi kërkon ta mbajë deri në fund të sezonit Ramsejn, ndërsa “topçinjtë” po punojnë për të arritur marrëveshjen me Denis Suarez të Barcelonës për ta zëvendësuar lojtarin e ri të Juventusit.

“The Guardian” zbulon detajet e marrëveshjes, që do të bëhet zyrtare pas finales së Superkupës së Italisë midis Juventusit dhe Milanit, që zhvillohet me datë 16 janar. 28-vjeçari do të kryejë vizitat mjekësore pas finales dhe do të firmosë një kontratë 4-vjeçare me një rrogë prej 7.2 milionë sterlinash në sezon (rreth 8 milionë euro).

Ramsej do të bëhet kështu lojtari i dytë më i paguar i Juventusit pas Kristiano Ronaldos. Bardhezinjtë e ndiqnin prej kohësh, ndërsa mos rinovimi i lojtarit me Arsenalin ia bëri më të thjeshtë punën drejtuesve të “Zonjës së Vjetër”, pasi uellsiani, i cili ka shënuar mbi 50 gola në mbi 300 ndeshje të luajtura me “topçinjtë”, do të zbarkojë në Torino në verë me parametra zero.

“Topçinjtë” janë të vetëdijshëm prej kohësh për faktin e largimit të Ramsejt, por ata kanë bërë tentativën e fundit për të fituar diçka prej tij. “Tuttosport” raporton se klubi anglez i ka kërkuar Juventusit 22 milionë euro për të marrë uellsianin që në janar, por “Zonja e Vjetër” e ka refuzuar këtë propozim.

Drejtuesit e Juves janë shprehur se nuk u intereson kjo ofertë, edhe për faktin që kanë një akord me futbollistin. 22 milionë euro mund të kursehen dhe Ramsej do të vijë në verë në Torino me parametra zero, ndërsa Arsenali humbet përfundimisht shërbimet e një prej lojtarëve kryesorë të ekipit pa fituar asnjë qindarkë.

Siç raportohet në mediat italiane, mesfushori është pothuajse një lojtar i Juventusit. Ramsej ka arritur në parim akordin, ndërsa pritet përgjigja zyrtare e lojtarit. Mesfushori do të nënshkruajë një kontratë 4-vjeçare me klubin torinez me një rrogë prej 6.5 milionë eurosh në sezon.

Rroga e Ramsejt shkon në 7 milionë euro, nëse ai zhvillon më shumë se gjysmën e ndeshjeve, ndërsa nëse luan mbi 70% të ndeshjeve, rroga bëhet 8 milionë. Juventus do të paguajë dhe 9 milionë euro për agjentët e lojtarit dhe agjencinë që zotëron të drejtat e mesfushorit të “topçinjve”.

Nga ana tjetër, Juventus është pranë një tjetër goditje me parametër zero. Drejtuesit e klubit pëlqejnë shumë Zhan-Kler Tobido, mbrojtësin të Tuluzës. 19-vjeçari luan në rolin e qendërmbrojtësit, ndërsa bën mirë dhe atë të mesfushorit difensiv. Kontrata e tij skadon në verë, por “zonja e vjetër” duhet të fitojë konkurrencën e Dortmundit, Leverkuzenit dhe Laipcigut për shërbimet e Tobido.

Kuqezinjtë po tentojnë të përfitojnë nga Ivan Gazidis, i cili e njeh mirë pasi ka qenë pjesë e Arsenalit. Nga ana tjetër është dhe Reali i Madridit, që po tenton ta bindë lojtarin nëpërmjet Garet Bejl. Të dy janë shokë ekipi në kombëtaren e Uellsit dhe Bejl po insiston t’i mbushë mendjen Ramsejt për të kaluar në Madrid.

Garës për shërbimet e mesfushorit i është bashkuar dhe PSG. Kampionët e Francës kanë nevojë për një mesfushor, pasi Adrien Rabiot është gjithnjë e më pranë Barcelonës. Në fund është vetë lojtari, i cili i ka bërë të qarta kërkesat e tij. Ai dëshiron një rrogë prej 8 milionë eurosh në sezon dhe komisione të larta për agjentët e tij.

Juventusi duket se është shumë pranë mesfushorit, të cilit siç raportohet në mediat më të mëdha në Itali, i është ofruar një kontratë e parefuzueshme nga ana e bardhezinjve. Plot 10 milionë euro në sezon për të, një ofertë që duket se e ka bindur 28-vjeçarin. Kjo metodë u përdor dhe për Emre Xhan, pasi kujtojmë, “zonja e vjetër” e transferoi si një lojtar të lirë turko-gjermanin verën e këtij viti.

Ramsej po luan sezonin e tij të dhjetë me “topçinjtë” e Londrës, ku në vitin 2008 u ble nga Kardif Siti për shumën e 7 milionë eurove. Aktualisht Ramsej përfiton te Arsenali 110 mijë sterlina në javë, ndërsa me kontratën që thuhet se i ka ofruar Juventusi do të përfitojë gati dy herë më shumë.