Skandaloze! Një ide qesharake për finalen e Copa America

Sport Ekspres — Wed, 12 Jun 2019 20:42:27 +0000

Argjentina dhe Kolumbia kanë rënë dakord që të organizojnë së bashku Copa America 2020 dhe sapo kjo marrëveshje u bë publike, kanë plasur polemikat. Kjo për shkak se distanca mes dy shteteve është e konsiderueshme dhe kushtet atmosferike janë shumë të ndryshme.

Në Argjentinë, temperaturat janë shumë të ulëta në periudhën kur do të organizohet Copa America, ndërsa në Kolumbi, është shumë ndryshe, me temperature mbi 30 gradë. Edhe distanca mes dy shteteve, është shumë e madhe, plot 7500 km.

Për më tepër, është hedhur dhe ideja që finalja do të luhet me dy ndeshje, një në Argjentinë, e një në Kolumbi, brenda një jave. Futbollistët finalistë do të luajnë brenda 7 ditësh nga temperatura me minus, në +30 gradë. Për më tepër, do të udhëtojnë dhe 7500 km, kushte që rrezikojnë jo pak shëndetin e tyre.

Polemikat në rrjet janë të shumta, duke filluar që nga mediat, e deri te tifozët e kombëtareve pjesëmarrëse. Gjithë ky “bum” mediatik, pritet të ndikojë në organizimin e Copa America 2020, por deri më tani, këto janë kushtet në tavolinë.

Mançini zbulon të përzgjedhurit, Baloteli jashtë liste

Sport Ekspres — Mon, 27 May 2019 18:55:28 +0000

Roberto Mançini ka bërë publike listën me të grumbulluarit për ndeshjet e muajit qershor, ku Italia do të vihet përballë Bosnjës dhe Greqisë në kuadër të kualifikueseve të “Euro 2020”. Siç është bërë traditë në “epokën” Mançini, lista është me një numër tejet të lartë, plot 33 lojtarë.

Pas një mungesë të gjatë janë rikthyer ntë kombëtare Andrea Beloti dhe Antonio Mirante, ndërsa ka ardhur një ftesë e parë për portierin e Atalantës Pierluixhi Golini, ky i fundit përfitoi nga një dëmtim i Donarumës.

Jashtë liste ka mbetur Mario Baloteli. Mançinin ka preferuar ti besojë emrave si Imobile, Kualjarela, Pavoleti dhe Ken.

Portierë: Alesio Kranjno (Kaljari), Pierluixhi Golini (Atalanta), Salvatore Sirigu (Torino), Antonio Mirante (Roma)

Mbrojtës: Françesko Açerbi (Lacio), Kristiano Biragi (Fiorentina), Leonardo Bonuçi (Juventus), Giorgio Kielini (Juventus), Matia De Shiljo (Juventus), Emerson Palmieri (Çelsi), Alesandro Florenci (Roma), Armando Izo (Torino), Gianluca Mançini (Atalanta), Alesio Romanjoli (Milan), Leonardo Spinazola (Juventus)

Mesfushorë: Nikolo Barela (Kaljari), Federiko Bernardeski (Juventus), Brajan Kristante (Roma), Zhorzhinjo (Çelsi), Lorenco Pelegrini (Roma), Stefano Sensi (Sasuolo), Marko Verati (Paris Saint-Germain), Nikolo Zaniolo (Roma)

Sulmues: Andrea Beloti (Torino), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Lorenco Insinje (Napoli), Moise Ken (Juventus), Leonardo Pavoleti (Kaljari), Mateo Politano (Inter), Fabio Kualiarela (Sampdoria)