Një vendim i papritur ky, që befasoi jo pak opinionin sportiv. Klubi doli me një komunikatë zyrtare, teksa presidenti refuzoi kategorikisht largimin e Kartalit. Por duket se trajneri është 100% i vendosur t’i shkojë pas fjalës së tij. Ai ka braktisur seancën e sotme stërvitore, duke mos u shfaqur në terrenet sportive të Fenerbahçes për të stërvitur lojtarët. Një situatë aspak normale për përmasat. e këtij klubi, që duhet të marrë sa më parë një zgjidhje./Sport Ekspres/

Por gjërat nuk shkuan ashtu siç priteshin. Forma fizike e Vardit lë për të dëshiruar, duke e bërë të pamundur fitimin e fanellës së titullarit. Trajneri ka pranuar se me formën aktuale, ish-lojtari i Leiçesterit mund të përballojë vetëm 20 minuta lojë./Sport Ekspres/

“Barcelona është e frikshme! Janë të frikshëm, vërtet. Ata gjejnë gjithmonë zgjidhje. Barcelona të bën të dukesh keq, sepse janë në gjendje të gjejnë zgjidhje në çdo moment. Pavarësisht se cili lojtar hyn në lojë, niveli mbetet shumë i lartë”, ka thënë Çesk Fabregasi./Sport Ekspres/

Ndeshja Finlandë – Shqipëri do të zhvillohet më 3 tetor 2026, në “The Olympic Stadium” të Helsinkit, dhe biletat e rezervuara për tifozët shqiptarë janë tashmë të disponueshme për blerje online.

Për të siguruar biletën, tifozët duhet të përdorin linkun e posaçëm “Away Fans”, të regjistrohen në platformë dhe më pas të përzgjedhin vendet që dëshirojnë në sektorin e dedikuar për tifozerinë mike. Pas përzgjedhjes së vendeve, pagesa kryhet online përmes platformës.

?? Për të blerë biletat për tifozët shqiptarë, klikoni këtu:

https://www.lippu.fi/en/event/suomi-albania-huuhkajat-uefa-nations-league-2026-olympiastadion-21995001/?affiliate=3RU&utm_source=chatgpt.com

Finlandë – Shqipëri
? 3 tetor 2026
? UEFA Nations League – Liga C
?? The Olympic Stadium, Helsinki

FSHF fton tifozët shqiptarë që do të jenë në Helsinki të bëhen pjesë e kësaj sfide dhe të mbështesin kuqezinjtë në një tjetër ndeshje të rëndësishme të UEFA Nations League.

Sezoni i ri i Ligës së Kampionëve ka nisur me goleadë edhe për Bajernin e Mynihut. Kampionët e Gjermanisë kanë triumfuar me rezultatin 5-0 ndaj Bodo/Glimtit./Sport Ekspres/

“Nuk e kishim menduar kurrë se do të gjendeshim në një situatë të tillë, po ju them të drejtën. Njerëzit që po ndjekin ndeshjen janë të moshës 80-90 vjeç… Në thelb, kjo është ajo që përfaqëson klubi: të vepruarit për hir të komunitetit dhe tifozëve”. ka deklaruar Tieri Henri./Sport Ekspres/

Kanë dalë në shitje biletat e rezervuara për tifozët shqiptarë për ndeshjen San Marino – Shqipëri, e vlefshme për UEFA Nations League – Liga C, që do të zhvillohet më 29 shtator 2026, në stadiumin e San Marinos.

Tifozët shqiptarë që dëshirojnë të ndjekin Kombëtaren në këtë sfidë në transfertë mund të blejnë biletat për sektorët e dedikuar për tifozerinë mike.

Sektorët për tifozët shqiptarë ndodhen në Tribunën SUD, e cila në platformën e shitjes së biletave është e përcaktuar si “Albania”.

Si të blini biletën

Procedura e blerjes është e njëjtë me atë të ndjekur për ndeshjet e Kombëtares.

Tifozët duhet të hyjnë në platformën zyrtare të shitjes së biletave, të krijojnë një llogari duke përdorur adresën e email-it dhe më pas të përzgjedhin vendet që dëshirojnë në sektorët e dedikuar për tifozerinë shqiptare.

Biletat mund t’i gjeni në këtë link:

Biletat San Marino – Shqipëri

San Marino – Shqipëri
? 29 shtator 2026
? UEFA Nations League – Liga C
?? Stadiumi i San Marinos
Tribuna SUD – “Albania”

FSHF fton tifozët shqiptarë që do të jenë në San Marino të përkrahin Kombëtaren dhe të krijojnë një atmosferë sa më të bukur në mbështetje të Shqipërisë.

Pas eksperiencave të ndryshme në Premier League dhe periudhave të vështira për shkak të dëmtimeve, shqiptari kërkon stabilitet dhe një sezon pozitiv. Urimi i Burnley vjen në një moment ku vëmendja është sërish te Broja, pas atij sherri të ndodhur me tifozët, ndërsa sulmuesi shpreson që ditëlindja e tij të shënojë edhe fillimin e një kapitulli të ri, me më shumë gola dhe paraqitje të rëndësishme. /Sport Ekspres/

Sipas Decos, Silva kishte dëshirë të madhe për të veshur fanellën blaugrana, por kërkesat e tij nuk përputheshin me parametrat që klubi katalanas kishte vendosur për transferimet. Problemi kryesor ishte financiar, por edhe roli që lojtari kërkonte në skuadër.

“Bernardo donte të vinte te Barcelona, por nuk u përputhëm. Problemi ishte ekonomik dhe sa minuta do të luante. Ai donte të luante, ndërsa unë preferoj lojtarët tanë”, deklaroi Deco.

Silva, pas nëntë vitesh te Manchester City, firmosi një kontratë dyvjeçare me Real Madridin. Portugezi, tashmë 32-vjeç, ka zhvilluar katër ndeshje me madrilenët, por ende nuk ka regjistruar gol apo asist.

Kështu, një lojtar që dëshironte Barcelonën përfundoi te rivalët e përjetshëm, duke i dhënë këtij transferimi një tjetër dimension. Tani mbetet për t’u parë nëse vendimi i Decos do të rezultojë i drejtë apo nëse Silva do ta bëjë Barcelonën të pendohet për refuzimin. /Sport Ekspres/

Në ceremoninë e inaugurimit mori pjesë Presidenti i FSHF-së, Armand Duka, së bashku me drejtues të klubit Teuta, trajnerë, futbollistë e futbolliste të akademisë, si edhe prindër dhe të apasionuar të futbollit. Fusha e re do të jetë në shërbim të ekipeve të klubit dhe veçanërisht të fëmijëve e të rinjve që ushtrojnë aktivitetin sportiv pranë akademisë së Teutës.

Gjatë ceremonisë, Presidenti i FSHF-së, Armand Duka, vlerësoi rëndësinë e këtij investimi për akademinë e Teutës dhe theksoi se infrastruktura është një element i rëndësishëm për të krijuar më shumë mundësi për fëmijët që zgjedhin futbollin.

“Është vërtetë një kënaqësi shumë e veçantë për mua që jam këtu mes futbollisteve dhe futbollistëve të akademisë Teuta, mes trajnerëve, drejtuesve të klubit Teuta, prindërit që ndjekin futbollin dhe sidomos në këtë fushë të re të shtuar për akademinë.

Në bashkëpunim me klubin ne po përfundojmë një fushë në Plepa për ekipin e parë, gjithashtu një fushë tjetër ku do të jenë fëmijët e zonave përreth në Katund të Ri që ju të stërviteni sa më mirë dhe ta shijoni sa më shumë futbollin.

Teuta është një klub i rëndësishëm, është një klub me histori, një klub me shumë kontribute për futbollin shqiptar, i cili i ka dhënë edhe futbollistë ekipit Kombëtar, së fundmi edhe futbolliste ekipit Kombëtar dhe kjo është vërtetë një kënaqësi akoma më e madhe që numri i vajzave në akademi është shtuar dhe ky është një nga prioritetet tona. Është kënaqësi gjithashtu që edhe vajzat profesioniste konkurrojnë me dinjitet në kategorinë superiore”, – u shpreh Presidenti Duka.

Presidenti Duka u ndal edhe te rëndësia që ka kjo hapësirë e re për fëmijët dhe të rinjtë e akademisë, duke i inkurajuar ata që ta shfrytëzojnë fushën për të zhvilluar talentin e tyre, por edhe për të shijuar futbollin.

“Unë dua t’i falënderoj shumë drejtuesit e klubit, por edhe vajzat që sakrifikojnë. Dua t’ju falënderoj shumë që jeni këtu sot. Uroj që kjo fushë të jetë gjithmonë e më plot me ju, me fëmijë sepse nëpërmjet jush ne sigurojmë të ardhmen e futbollit në qytetin tonë të Durrësit, por edhe në Shqipëri. Ta mbushni këtë fushë me energjinë tuaj pozitive, me buzëqeshje tuaj dhe të realizoni ëndrrat tuaj.

Ju falënderoj shumë dhe ju uroj shumë suksese. Uroj që t’i realizoni ëndrrat e juaja dhe duke qenë në prag të fillimit të shkollës ju uroj dhe vit të mbarë shkollor, paralelisht me futbollin dhe shkollën të rriteni dhe edukoheni sa më mirë.

Veçanërisht falënderoj edhe drejtuesit e futbollit të klubit Teuta, për bashkëpunimin, ndërtimin e fushës, organizimin dhe për gjithçka. Sukses të gjithë fëmijëve dhe klubit të Teutës”, – përfundoi Presidenti Duka.

Ndeshja ishte e luftuar dhe me ritëm të lartë, por Arsenali ishte më kërkues dhe kontrolloi pjesën më të madhe të lojës. Napoli pati vështirësi për të krijuar raste të pastra, ndërsa portieri i vendasve, Alex Meret, mbajti ekipin në lojë me disa ndërhyrje të rëndësishme. Pas pushimit, Meret u zëvendësua nga Vanja Milinkovi?-Savi?.

Goli i fitores erdhi në minutën e 75-të. Martin Ødegaard finalizoi një aksion të bukur të Arsenalit, duke goditur saktë dhe duke i dhënë skuadrës së Mikel Artetës tre pikë të arta në një transfertë shumë të vështirë. Në ndeshjet e tjera të orës 21:00, Liverpool mposhti Atlético Madridin 2-1, pasi përmbysi avantazhin e spanjollëve. PSG shkatërroi Slovan Bratislavën 6-1, me Ferran Torres që realizoi tre gola, ndërsa Sporting mposhti Galatasarayn 3-1. Një mbrëmje e madhe europiane, me Arsenalin që e nis Champions-in me një triumf prestigjioz në Napoli. /Sport Ekspres/

Skuadra e Hansi Flick nuk humbi kohë për të treguar superioritetin. Raphinha zhbllokoi sfidën që në minutat e para, ndërsa më pas Karim Adeyemi dyfishoi avantazhin me një gol spektakolar. Barcelona dominoi lojën dhe nuk i la shumë hapësira skuadrës holandeze për të reaguar.

Në pjesën e dytë, katalanasit vazhduan me të njëjtin ritëm. Raphinha realizoi golin e tij të dytë personal në minutën e 57-të, duke konfirmuar edhe një herë formën fantastike që po kalon. Lamine Yamal më pas vendosi emrin e tij në listën e golashënuesve me një goditje të bukur, ndërsa Feyenoordi arriti të shënonte golin e nderit me Sem Steijn.

Megjithatë, festa e Barcelonës nuk kishte përfunduar. Gabriel Jesus vulosi rezultatin përfundimtar 5-1, duke kompletuar një mbrëmje perfekte për ekipin e Flick.

Me këtë fitore të thellë, Barcelona dërgon një mesazh të qartë për rivalët në Europë. Katalanasit nuk kanë nisur thjesht me tre pikë, por me një paraqitje që tregon se synimi i tyre është të shkojnë deri në fund në Champions League. /Sport  Ekspres/

Sipas raportimeve, Messi do të marrë 100 për qind të aksioneve të klubit, duke u bërë pronari i vetëm i Eldense. Megjithatë, finalizimi i plotë i operacionit kërkon përfundimin e procedurave ligjore dhe miratimin e autoriteteve përkatëse në Spanjë.

Eldense nuk po kalon një moment të mirë sportiv. Pas katër ndeshjeve të para të sezonit, skuadra ka grumbulluar vetëm dy pikë dhe ndodhet në vendin e 20-të, çka ka sjellë edhe ndryshime në pankinë.

Kjo nuk është investimi i parë i Messit në futbollin spanjoll. Në prill, ai bleu gjithashtu klubin katalanas UE Cornellà, që luan në një kategori më të ulët.

Me Eldense, Messi hyn në një projekt shumë më ambicioz. Klubi është vetëm një kategori larg elitës së futbollit spanjoll dhe tashmë emri i një prej futbollistëve më të mëdhenj në histori pritet të sjellë vëmendje të jashtëzakonshme ndërkombëtare. /Sport Ekspres/

Tekniku italian ka ndjekur nga afër disa prej ndeshjeve të klubeve ku aktivizohen futbollistë të Kombëtares shqiptare, me fokus të veçantë te lojtarët që nuk kanë qenë në dispozicion për dy ndeshjet miqësore të muajit qershor ndaj Izraelit dhe Luksemburgut.

Gjatë këtij turi, Maran ka monitoruar paraqitjet e futbollistëve kuqezi në Turqi, si edhe në vendet e Europës Veriore, duke pasur mundësinë të takohet nga afër me disa prej tyre dhe të diskutojë mbi formën e tyre, gjendjen fizike dhe ecurinë në klubet përkatëse.

Vëzhgimi i lojtarëve në aksion me klubet e tyre është pjesë e punës së stafit teknik për të pasur një panoramë sa më të plotë të futbollistëve që mund të jenë pjesë e Kombëtares në sfidat e ardhshme.

Në javët e fundit, trajneri Maran dhe stafi i tij kanë vijuar një punë intensive monitorimi dhe analize të lojtarëve që bëjnë pjesë në listën e gjerë të Kombëtares. Vëmendja është përqendruar te forma aktuale e secilit futbollist, aktivizimi i tyre në klubet respektive dhe mundësitë që ata mund t’i ofrojnë skuadrës kuqezi.

Kjo periudhë pune do të shërbejë për të finalizuar listën e futbollistëve që do të grumbullohen për ndeshjet e para të UEFA Nations League, teksa Kombëtarja shqiptare përgatitet për një tjetër edicion ndërkombëtar.

Shqipëria do ta nisë aventurën e re në UEFA Nations League më 26 shtator, në “Air Albania”, ndaj Bjellorusisë. Vetëm tri ditë më vonë, më 29 shtator, kuqezinjtë do të luajnë në transfertë ndaj San Marinos.

Sfida e tretë do të zhvillohet më 3 tetor në transfertë ndaj Finlandës, ndërsa më 6 tetor Shqipëria do të rikthehet në shtëpi për përballjen e dytë ndaj San Marinos.

Me përgatitjet që tashmë kanë hyrë në një fazë intensive, stafi teknik po vijon të monitorojë nga afër të gjithë lojtarët në dispozicion, me synimin për të ndërtuar grupin më të mirë të mundshëm për sfidat e Nations League.

Për çdo tifoz të interesuar për të ndjekur ndeshjet e Kombëtares në shtëpi, biletat për ndeshjet Shqipëri-Bjellorusi dhe Shqipëri-San Marino mund t’i gjeni në linqet më poshtë:

Kjo nismë vjen në vazhdën e angazhimit të vazhdueshëm të FSHF-së për të qenë pranë Fshatit SOS, duke e shtrirë kontributin përtej fushës së sportit dhe duke mbështetur edhe iniciativa që lidhen drejtpërdrejt me edukimin dhe zhvillimin e fëmijëve.

Në aktivitet ishte e pranishme anëtarja e Komitetit Ekzekutiv të FSHF-së, Anila Basha, e cila u shpreh se ky kontribut, edhe pse modest në pamje të parë, përcjell një mesazh të rëndësishëm për fëmijët dhe brezat që do të vijnë.

“Ky kontribut i Federatës Shqiptare të Futbollit, edhe pse duket në pamje të parë modest, ka të bëjë me mesazhin për fëmijët dhe brezat që do të vijnë.

Ju do të nisni një rrugë shumë të rëndësishme, që është rruga e dijes, dhe ne gjithmonë përpiqemi që këtë rrugë të dijes ta shoqërojmë edhe me sportin, për çdo lloj sporti ku na mësohen kurajoja, disiplina, ndershmëria, të qenët bashkë, puna në grup, në ekip, pavarësisht të gjitha vlerave individuale që ka secili prej fëmijëve”, u shpreh Anila Basha.

Pasi hyri menjëherë në minutën e 45 në takimin e fundit kundër Bristol City, në atë humbje të Burnley, këtë herë Broja është lënë në stol për gjithë ndeshjen. Nuk dihet nëse ky vendim ishte për performancën e dobët të Brojës në atë përballje të kaluar apo për faktin se menjëherë pas ndeshjes, sulmuesi shqiptar pati një përplasje me një tifoz të Burnley te parkimi i stadiumit. /Sport Ekspres/

Skuadra e José Mourinhos e gjeti avantazhin në minutën e 14-të. Kylian Mbappé përfitoi nga një gabim i mbrojtjes së Interit dhe, pas asistit të Brahim Diaz, dërgoi topin në rrjetë për 1-0. Vetëm në minutën e 23-të, Real Madrid dyfishoi avantazhin me Fede Valverden, i cili përfitoi nga një tjetër gabim i skuadrës italiane.

Interi nuk u dorëzua dhe në pjesën e dytë rriti ndjeshëm presionin. Përpjekjet e zikaltërve u shpërblyen në minutën e 77-të, kur Carlos Augusto shënoi dhe riktheu Interin në lojë.

Minutat e fundit ishin dramatike, me Interin që kërkoi me çdo kusht barazimin. Megjithatë, Thibaut Courtois ishte vendimtar për Realin, duke realizuar disa pritje të rëndësishme dhe duke ruajtur fitoren.

Në fund, Real Madrid mori tri pikët e para në Champions League, ndërsa Interi u largua nga Madridi me një humbje, pavarësisht reagimit të fortë në pjesën e dytë. /Sport Ekspres/

Zampolli ndodhet në Tiranë në kuadër të një vizite gjatë së cilës ka zhvilluar takime me përfaqësues të institucioneve shtetërore, politikës dhe aktorë të ndryshëm në Shqipëri.

Gjatë takimit me Presidentin Duka, diskutimi u përqendrua te roli që sporti dhe veçanërisht futbolli mund të luajnë në diplomacinë sportive, në forcimin e marrëdhënieve ndërkombëtare dhe në promovimin e imazhit të një vendi në arenën globale.

Presidenti Duka e njohu të dërguarin special me zhvillimin e futbollit shqiptar gjatë viteve të fundit, transformimin e infrastrukturës sportive, rritjen e standardeve të organizimit dhe përfaqësimin gjithnjë e më të rëndësishëm të Shqipërisë në kompeticionet dhe strukturat ndërkombëtare të futbollit.

Në këtë kontekst, u diskutua edhe rëndësia që ka përfaqësimi i Shqipërisë në institucionet drejtuese të futbollit europian dhe botëror. Presidenti Armand Duka është një prej drejtuesve shqiptarë me përfaqësim të rëndësishëm në këto struktura, në detyrën e Zv. Presidentit të UEFA-s, si anëtar i Komitetit Ekzekutiv të UEFA-s, si edhe në FIFA, ku është anëtar i Komitetit të Federatave Anëtare.

Strakosha pësoi një dëmtim në përballjen e fundit kundër Arisit, e cila rezultoi më e rëndë se sa pritej. Bëhet me dije se portieri i AEK-ut do të humbasë të gjitha ndeshjet deri në pushimin e Kombëtareve. Një lajm i keq edhe për Kombëtaren kuqezi, teksa Strakosha me shumë ngjasa nuk do të jetë i gatshëm për ndeshjet e Ligës së Kombeve./Sport Ekspres/

Nga minuta e parë në këtë sfidë ka luajtur edhe Stavro Pilo. Një mbremje e bukur për mbrojtësin e Kombëtares shqiptare, i cili e ka festuar debutimin e tij në Ligën e Kampionëve me një fitore.

Ndërkohë, në krahun tjetër, Strakosha “u zhduk” në mënyrë të papritur nga lista e ekipit. Trajneri i AEK-ut nuk e ka përfshirë në skuadër portierin shptar pët ndeshjen e sotme në Ligën e Kampionëve./Sport Ekspres/

“E gjej kërkimin e një çmimi individual si ky fëmijëror, patetik. Nuk sjell madhështi. Kur je një lojtar i nivelit të tij, të kërkosh diçka të tillë… Më shqetëson. Duhet të flasim për ndarjen, për kolektivin. Të kërkosh diçka kur nuk e ke fituar ligën, Ligën e Kampionëve ose Kupën e Botës, e shoh pothuajse të pahijshme”, ka thënë Kristof Dugari./Sport Ekspres/

“Ai është shoku i Kilian Mbapesë, apo jo?Jam shumë i lumtur me sezonin që pata. Mendoj se çdo herë që përballeshim me njëri-tjetrin, ndoshta bëja diçka që i bënte ata të mos më pëlqenin! Dhe kjo është normale. Marrëdhënia ime me Usmanin (Dembelenë) është shumë e mirë dhe e kuptoj që ai dëshiron të zgjedhë lojtarë të tjerë. Por jam shumë i lumtur me atë që dhashë këtë vit dhe jam i bindur se të gjithë e panë, edhe nëse ai nuk e pa”, ka deklaruar Lamin Jamali./Sport Ekspres/

Kombëtarja U-21 vijon përgatitjet për Kampionatin Europian U-21, “EURO 2027”, teksa Federata Shqiptare e Futbollit ka arritur akordin me Federatën Ukrainase të Futbollit për zhvillimin e një ndeshjeje miqësore.

Shqipëria U-21 do të përballet me Ukrainën U-21 më 5 tetor 2026, në Debrecen të Hungarisë. Orari i takimit do të përcaktohet dhe bëhet i ditur në një moment të dytë.

Kjo sfidë është pjesë e programit të përgatitjeve të Kombëtares U-21 për Kampionatin Europian të vitit 2027. Shqipëria do të jetë pjesë e këtij turneu si një nga vendet organizatore.

Për skuadrën kuqezi, përballja me Ukrainën do të jetë një tjetër mundësi e rëndësishme për të testuar grupin dhe për të vijuar punën në funksion të një prej eventeve më të rëndësishme të futbollit europian për moshat.

Kjo nuk do të jetë hera e parë që dy skuadrat përballen në një ndeshje miqësore. Në takimin e fundit mes Shqipërisë U-21 dhe Ukrainës U-21, të zhvilluar në nëntor të vitit të kaluar në “Elbasan Arena”, kuqezinjtë triumfuan me rezultatin 2-0.

“Po përballemi me një ekip me shumë kampionë, por kemi pikat tona të forta dhe lojtarë që dëshmojnë çdo vit se janë në një nivel të lartë. Jemi përgatitur mirë për ndeshjen, duke rikuperuar energjinë dhe formën tonë fizike. E dimë se me kë po përballemi. Mbape është padyshim një nga sulmuesit më të mirë në botë.

Liga e Kampionëve? Është një objektiv. Ne të gjithë ëndërrojmë, por nuk është një fiksim. Duhet të qëndrojmë të qetë. E dimë që ka disa ekipe tepër të talentuara atje. Është një objektiv për ne. Që kur kam ardhur këtu, e kam përsëritur se duhet të punojmë për t’i sjellë Interit sa më shumë trofe të jetë e mundur”, ka deklaruar Lautaro Martinezi./Sport Ekspres/

“Shpresoj ta fitojmë këtë titull të gjashtëmbëdhjetë. Jemi gati. Ky është kompeticioni ynë. Performancat tona kanë qenë zhgënjyese në dy vitet e fundit. Qëllimi ynë i parë është të përfundojmë në tetë vendet e para. Liga e Kampionëve është ende pasioni ynë. Ky sezon do të jetë ndryshe nga dy të mëparshmit dhe ne do ta fitojmë Ligën e Kampionëve”, ka deklaruar Viniciusi./Sport Ekspres/

“Ne punuam shumë për këtë ndeshje. Siç e dini, trajneri ynë Fatih është larguar. Për t’i bërë tifozët tanë të lumtur, u përgatitëm shumë mirë për këtë ndeshje. Kishim nevojë të tregonim një reagim në këtë ndeshje. Në fakt, morëm shpërblimin tonë për këtë. Ia dedikojmë 3 pikët tifozëve tanë.

Salah është një lojtar i shkëlqyer. Nuk kam nevojë ta them fare këtë. Kimia ime me të është shumë e mirë. Ne jemi vërtet një ekip me lojtarë me shumë përvojë dhe cilësorë”, ka deklaruar Ernest Muçi./Sport Ekspres/

“Ka dy shembuj se si rritet interesi. Anglia në vitin ’93. Anglia ishte “për faqe të zezë”. Futbolli ishte sporti i alabakëve. Në stadiume shkonin vetëm njerëz problematikë deri në fundin e viteve 80. Aq sa klubet angleze ishin të dënuara për vite të tëra për të mos marrë pjesë në Kupat e Europës. Si e edukuan ata tifozin? Ata bënë tre gjëra. E para, e futën futbollin edhe në gjërat sportive. Nëse marrim një paralelizëm: e futën në emisionet e mëngjesit, në emisionet e drekës, në “Big Brother”, e futën edhe në gazetat josportive. Pra, e bënë sportin një gjë më popullore. Nuk e izoluan sportin, siç e kanë izoluar këtu. E dyta, ribënë stadiumet nga e para dhe rritën çmimet e biletave për të afruar njerëz me një cilësi më të lartë në stadium. Dhe e treta, e bënë atë ndërkombëtar”, ka thënë Gjergji Stefa./Sport Ekspres/

“Partizani vet në pjesën e akademisë ka një potencial shumë të madh. Këtij trajnerit i kam vendosur një epitet, Bruti. Sepse i ka bërë shumë keq këto tre ndeshje. Bruti është diçka e keqe, beterr. Nuk është puna se fitoi, puna është se çfarë futbolli bën. Presidenti dhe ai klubi investon. Ti ke një akademi që ka lojtarë shumë të mirë. Partizani merr një trajner që atje ku ka qenë, me sa kam informacion, ka rënë ekipi. Vjen edhe thotë: ‘Unë bëra eksperiment’. Nuk mund të bësh eksperiment. Ke një fazë përgatitore, ke edhe ata lojtarë, që janë shumë të mirë”, është shprehur Roland Çelmeta./Sport Ekspres/

Në Turqi, Rey Manaj ishte protagonist absolut në fitoren 2-1 të Sivassporit në transfertën ndaj Antalyasporit. Sulmuesi i Kombëtares shqiptare dha asistin për golin e avantazhit në minutën e 20-të, ndërsa në pjesën e dytë gjeti edhe vetë rrugën e rrjetës, duke realizuar golin e dytë të skuadrës së tij në minutën e 61-të. Një paraqitje shumë e mirë e Manajt, i cili kontribuoi drejtpërdrejt në të dy golat e Sivassporit.

Një debutim spektakolar ishte ai i Kristjan Asllanit me fanellën e Al Jazira. Mesfushori shqiptar e nisi aventurën e re në mënyrën më të mirë të mundshme, duke shënuar një gol të bukur në minutat shtesë të takimit ndaj Shabab Al-Ahli Dubai. Një goditje spektakolare e Asllanit vulosi fitoren e Al Jaziras dhe i dha debutimit të tij një moment të veçantë.

Në kampionatin turk, protagonist ishte edhe Ernest Muçi, i cili shënoi në fitoren e thellë 5-0 të Trabzonsporit ndaj Gençlerbirli?i. Sulmuesi kuqezi realizoi golin e katërt të takimit, pas një asistimi të saktë nga Salah, duke kontribuar në një tjetër sukses bindës të skuadrës së tij.

Edhe Taulant Seferi gjeti rrugën e rrjetës në Turqi. Sulmuesi shqiptar shënoi në minutën e 53-të për Kayserisporin në transfertën ndaj Karagümrük, duke i dhënë skuadrës së tij avantazhin e parë të takimit. Sfida përfundoi në barazim 1-1.

Në Itali, Cristian Shpendi vijon momentin pozitiv me Cesenën. Sulmuesi shqiptar shënoi golin e barazimit në minutën e 77-të në përballjen ndaj Mantovës, duke vendosur rezultatin përfundimtar 1-1. Ky ishte realizimi i tretë radhazi i Shpendit në kampionat, duke konfirmuar formën e mirë të tij në javët e fundit.

Një gol me peshë të veçantë ishte ai i Bujar Pllanës në Zvicër. Mbrojtësi i Kombëtares shqiptare shënoi në minutat e fundit të derbit mes Grasshopper dhe Zürich, duke i dhënë skuadrës së tij barazimin 2-2. Pllana realizoi me kokë në minutën e 96-të, duke shmangur humbjen e Grasshopper dhe duke regjistruar golin e tij të parë me klubin zviceran, ku u transferua gjatë kësaj vere.

Përveç futbollistëve që gjetën rrugën e rrjetës, edhe disa prej legjionarëve të tjerë u aktivizuan me skuadrat e tyre. Si titullarë u paraqitën Thomas Strakosha, Berat Gjimshiti, Klisman Cake, Stavro Pilo, Ylber Ramadani, Qazim Laçi dhe Arbër Hoxha.

Ndërkohë, si zëvendësues u aktivizuan Ardian Ismajli, Mirlind Daku dhe Armando Broja, duke vijuar angazhimin e tyre në kampionatet ku luajnë.

“Ka një statistikë të INSTAT-it që thotë se shqiptarët janë populli me ‘social netëork’-dashës në Europë. Që do të thotë se 95% e shqiptarëve mbi 16-vjeç përdorin rrjetet sociale në mënyrë sistematike. Madje 65% e bizneseve e kanë përqendruar strategjinë e tyre të marketingut në Shqipëri në rrjetet sociale. Janë miliarda euro që biznese të mëdha apo të vogla shpenzojnë për të promovuar produktet e tyre.

Problemi është që futbolli dhe klubet e futbollit nuk janë as në nivelin e një dyqani celularësh në strategjinë e marketingut. Nuk janë, me gjithë respektin. Se me agjensitë imobiliare, me agjensitë e marketingut, me telekomunikacionin nuk krahasohen fare. Edhe një dyqan celularësh, me gjithë respektin që kam për dyqanët e celularëve, i konkuron klubet e futbollit për marketing dhe për menaxhim. Përveçse nuk e përdorin rrjetin social, nuk përdorin as marketingun ‘offline’, i cili është rikthyer shumë në modë jashtë shtetit”, ka thënë Gjergji Stefa./Sport Ekspres/

Në momentin më të mirë të Juventusit, Milani arrin të gjejë rrugën e golit. Ciseja shënoi në minutën e 69, duke befasuar të pranishmit në stadium. Megjithatë Juventusi nuk u dorëzua. Bardhezinjtë e kërkuan golin dhe në minutat e fundit e gjetën atë. I ardhur nga stoli, Gati bëri atë që për shumë minuta asnjë nga sulmuesit e Juventusit nuk e bëri. Goditja me kokë e mbrojtësit italian në minutën e 92-të e dërgoi sërish ndeshjen në baraspeshë. Rezulati 1-1 mbeti më pas i pandryshuar, duke bërë që të dyja skuadrat të largoheshin me nga një pikë nga stadiumi./Sport Ekspres/

Rei Manaj konfirmoi edhe në këtë ndeshje se po gëzon një formë të jashtëzakonshme këtë sezon. Tashmë sulmuesi 29-vjeçar numëron 6 gola të shënuar në 4 ndeshjet e fundit që ka zhvilluar me Sivasporin./Sport Ekspres/

Verdheblutë kaluan të parët në epërsi me anë të Nikajt. Ky i fundit tundi rrjetën në minutën e 25, por vetëm 12 minuta më vonë Berisha riktheu baraspeshën. Ndërkohë, kur kronometri po numëronte minutën e 65 Lorenco Vila përmbysi rezultatin në atë përfundimtar 2-1.

Me këtë fitore Dinamo ka shkuar në kuotën e 6 pikëve dhe renditet në vendin e 3-të në tabelën e klasifikimit./Sport Ekspres/

Ndryshe nga herët e tjera, sor ishte Salah ai që shërbeu për sulmuesin shqiptar. “Faraoni” dha asist në minutën e 59, kur Ernest Muçi tundi rrjetën e Gençlerbirligisë. Tashmë Trabzonspori është duke udhëhequr pastër me shifrat 4-0./Sport Ekspres/

Skuadra e drejtuar nga Dean Klafuriç e nisi takimin me ritëm të lartë dhe shumë shpejt gjeti golin e avantazhit. Në minutën e 14-të ishte Tomislav Kiš ai që zhbllokoi sfidën, duke i dhënë Tiranës qetësinë e nevojshme. Bardheblutë nuk u ndalën dhe në minutën e 36-të dyfishuan rezultatin me Redon Xhixhën.

Në pjesën e dytë, Tirana vijoi dominimin dhe vulosi përfundimisht suksesin. Drilon Hazrollaj shënoi golin e tretë në minutën e 51-të, ndërsa në fund të takimit realizoi edhe golin e tij të dytë personal, duke kompletuar “pokerin” e bardhebluve.

Ky triumf ka një rëndësi të veçantë për Klafuriç, pasi është fitorja e tij e parë në stolin e Tiranës. Me tre pikët e marra, bardheblutë ngjiten në kuotën e 3 pikëve dhe marrin frymë pas startit negativ të kampionatit. /Sport Ekspres/

]]> https://sportekspres.com/peng-sesi-e-trajtuan-drejtuesit-por-jo-hakmarrje-fratessi-nuk-e-harron-interin-per-hir-te-tifozeve-dhe-kujtimeve/ Sun, 06 Sep 2026 14:14:00 +0000 https://sportekspres.com/?p=476052 Davide Frattesi ka folur për aventurën e tij të re te Lazio, duke shpjeguar arsyet që e bindën të largohej nga Interi dhe të nisë një kapitull të ri në karrierë. Mesfushori italian theksoi se vendimi për t’u transferuar te skuadra bardhekaltër ishte marrë me bindje të plotë.

“Kam dashur shumë të vij këtu te Lazio, sepse kërkoja një klub që të më përfshinte 100% në një projekt”, u shpreh Frattesi. Një rol të rëndësishëm në zgjedhjen e tij ka pasur edhe trajneri Gennaro Gattuso, me të cilin kishte punuar më parë në Kombëtaren italiane. Sipas Frattesit, bisedat me teknikun e bindën edhe më shumë për zgjedhjen e tij.

I pyetur për të kaluarën te Interi dhe nëse transferimi te Lazio lidhet me dëshirën për hakmarrje, Frattesi ishte i qartë: “Nuk ka asnjë ndjenjë të tillë”. Ai pranoi se mund të ketë disa pengje, por kujtimet nga periudha zikaltër mbeten shumë pozitive.

“Te Interi përjetuam momente të jashtëzakonshme, të vështira për t’u përsëritur në një karrierë. Ndoshta ka pak peng, por nuk do t’i ndërroja kurrë ato emocione me tifozët”, tha ai. Tani Frattesi synon të japë maksimumin për Lazion, duke kërkuar sa më shumë paraqitje, gola dhe asistime. /Elio Hajdari-Sport Ekspres/

Minutat për të janë me pikatore, pavarësisht se Burnley ka larguar nga ekipi të gjithë sulmuesit kryesor, Flemming dhe Foster. Por duket se mënyra sesi Broja stërvitet nuk i pëlqen trajnerëve në Angli, që bëjnë eksperimente duke futur mesfushorët si sulmues vetëm për të mos hedhur Brojën në fushë.

Dhe duket se për Brojën do të vijnë ditë më të vështira në të ardhmen. Kjo pasi Burnley nuk i beson aspak shqiptarit dhe ka kthyer nga tërheqja e futbollit Jamie Vardy. 39-vjeçari ishte pa ekip dhe kontratë, ndërsa Burnley e ka marrë duke nënshkruar një vit kontratë me të pasi nuk beson më te Armando Broja. /Sport Ekspres/

Kjo nismë vjen në vijim të bashkëpunimit që FSHF ka ndërtuar prej vitesh me komunitetin e futbollit në Luginë, duke e mbështetur atë me materiale sportive, uniforma dhe aktivitete të ndryshme për fëmijët. Një prej këtyre aktiviteteve ishte edhe turneu i organizuar vitin e kaluar, ku morën pjesë futbollistë të vegjël nga Lugina e Preshevës dhe diaspora e saj.

Gjatë kontakteve të vazhdueshme me komunitetin e futbollit dhe përfaqësuesit e dy komunave, u evidentua nevoja për përmirësimin e infrastrukturës sportive dhe krijimin e kushteve më të përshtatshme për fëmijët dhe të rinjtë që duan të merren me futboll.

Pikërisht nga kjo nevojë lindi projekti për ndërtimin e dy fushave moderne, i cili tashmë është në fazën e përgatitjeve për realizim.

Në një prononcim për FSHF.org, Presidenti i Federatës Shqiptare të Futbollit, Armand Duka, thekson se kjo nismë shkon përtej ndërtimit të dy fushave sportive. Sipas tij, projekti synon t’u krijojë fëmijëve shqiptarë në Luginën e Preshevës më shumë mundësi për t’u marrë me futboll dhe për të zhvilluar talentin e tyre.

“Federata e Futbollit ka marrë një iniciativë për të ndërtuar dy fusha në Luginën e Preshevës, një në Bujanoc dhe një në Komunën e Preshevës. Kjo iniciativë nuk lindi sot, pasi bashkëpunimi dhe mbështetja jonë për fëmijët në Luginën e Preshevës kanë filluar prej vitesh, duke i mbështetur me materiale sportive dhe uniforma. Vitin e fundit organizuam edhe një turne me futbollistë të vegjël nga Lugina dhe nga diaspora e Luginës.

Gjatë diskutimeve me komunitetin e futbollit dhe komunat e Preshevës dhe Bujanocit, pamë se infrastruktura sportive ishte vërtet në nivele të padëshirueshme. Për këtë arsye, vendosëm në Komitetin Ekzekutiv që t’i mbështesim me ndërtimin e një fushe, por më vonë ky vendim u ndryshua dhe ne vendosëm ta zgjerojmë projektin”, – shprehet Presidenti Duka.

Zgjerimi i projektit në dy fusha solli edhe nevojën për një mbështetje më të gjerë financiare. Për këtë arsye, FSHF u është drejtuar bizneseve dhe donatorëve për t’u bërë pjesë e kësaj nisme dhe për të kontribuar në realizimin e saj.

Presidenti Duka falënderon bizneset që i janë bashkuar tashmë projektit, mes tyre edhe familjen Türker, e cila është bërë donatori i parë, ndërsa vlerëson gjithashtu bashkëpunimin me komunat dhe mbështetjen e komunitetit në Luginën e Preshevës.

“Ta zgjerojmë projektin, por nga ana tjetër ky projekt kërkon edhe financa. Për këtë ne iu drejtuam edhe bizneseve që të na mbështesin në iniciativën tonë, sepse për buxhetin tonë është vërtet një gjë që na rëndon shumë. Disa nga bizneset na janë përgjigjur pozitivisht për ta mbështetur projektin dhe për ta finalizuar atë.

Unë dua t’i falënderoj ato biznese që na kanë mbështetur. Në të ardhmen do të zhvillojmë aktivitete, promovime apo edhe inaugurimin e fillimit dhe përfundimit të punimeve bashkë me to. Dua të falënderoj edhe komunat për bashkëpunimin dhe të gjithë ata që kanë mbështetur këtë projekt nga Lugina e Preshevës.

Kjo nuk është vërtet një detyrë institucionale e Federatës, sepse ne duhet të organizojmë dhe të mbështesim futbollin brenda kufijve shtetërorë shqiptarë. Por është një detyrë morale e jona për shqiptarët që jetojnë jashtë kufijve tanë. Në fund të fundit, e kemi një obligim moral që t’i ndihmojmë ata për të qenë sa më shumë afër futbollit”, – tha Presidenti Duka.

Projekti i FSHF-së synon kështu të krijojë kushte më të mira për zhvillimin e futbollit të moshave në Preshevë dhe Bujanoc, duke u dhënë fëmijëve dhe të rinjve më shumë hapësira për të ushtruar sportin dhe për të ndjekur ëndrrat e tyre përmes futbollit.

Për realizimin e projektit, FSHF do të financojë ndërtimin e bazamentit, vendosjen e tapetit sintetik sipas standardeve të FIFA-s dhe pajisjen e fushave me porta, ndërsa komunat do të mbulojnë ndërtimin e ambienteve të zhveshjeve dhe hapësirave mbështetëse.

Federata Shqiptare e Futbollit vijon ndërkohë ftesën e hapur për bizneset, donatorët dhe të gjithë ata që dëshirojnë të kontribuojnë në këtë nismë, e cila synon t’i japë një mundësi më shumë fëmijëve shqiptarë në Luginën e Preshevës për të luajtur, për t’u zhvilluar dhe për të qenë sa më pranë futbollit.

Goli i parë u shënua nga Fadairo në minutën e 4 te Partizani, ndërsa autogoli i Vatas ktheu baraspeshën në të 21. Para mbylljes së pjesës së parë ishte Alliu që nuk gaboi para zone, duke ndëshkuar sërish Vllazninë.

Për shkodranët barazoi Musta në të 57 pas një gabimi të portierit të Partizanit, ndërsa në fundin e takimit, nga penalltia, Human shënoi edhe golin e 3 të takimit. /Sport Ekspres/

Sot shqiptari ka hyrë nga stoli në të 65 kundër Shabab Al Ahli dhe arriti të shënonte golin e tretë të takimit. Një gol që u shënua në trekëndësh, duke mos i lënë asnjë shans portierit kundërshtar për të reaguar, ndërsa festa ishte e cmendur. /Sport Ekspres/