Sipas vendimit të Komitetit Ekzekutiv të UEFA-s, të marrë më 3 mars 2022 dhe që është ende në fuqi, klubet dhe ekipet kombëtare bjelloruse janë të detyruara t’i zhvillojnë ndeshjet si pritëse në terrene neutrale. Po ashtu, vendimi parashikon që këto ndeshje të luhen pa praninë e tifozëve.

Për këtë arsye, edhe përballja Bjellorusi – Shqipëri në Budapest nuk do të jetë e hapur për publikun. Tifozët shqiptarë nuk do të kenë mundësi ta ndjekin ndeshjen nga shkallët e stadiumit, pavarësisht se takimi do të zhvillohet në një impiant jashtë territorit të Bjellorusisë.

Kuqezinjtë do ta mbyllin kështu fazën e grupeve të UEFA Nations League me këtë transfertë, në një ndeshje të rëndësishme për përfundimin e aventurës në Grupin C.

“Erdhi dita t’ua kthej të gjithëve fanellën me numrin 7 të kombëtares sonë. Nuk ishte një vendim i lehtë, sepse disa vendime nuk merren vetëm me mendje, por edhe me zemër.

Doja të fitoja, të isha më i miri, të hyja në histori dhe dhashë gjithçka për atë fanellë. Kam dështuar gjithashtu, kam vuajtur gjithashtu. Por unë kurrë nuk hoqa dorë.

Golat zbehen, trofetë mbeten në muze, ndërsa rekordet, herët a vonë, thyhen. Por ka diçka që koha nuk mund ta fshijë kurrë: vendin që kemi në zemrat e njerëzve. Nëse ndonjëherë ju kam bërë të lumtur, nëse ndonjëherë golat e mi ju kanë bërë të përqafoni dikë, të harronit diçka ose të ndiheshit krenar për kombin tonë, atëherë ia ka vlejtur.

E kalova jetën time duke punuar për t’u bërë lojtari më i mirë në botë. Sot e kuptoj se fitorja më e madhe ishte fakti që fitova të drejtën për të përfaqësuar vendin më të mirë në botë.

Fanella me numrin 7 mbetet. Krenaria që e kam veshur do të mbetet e imja përgjithmonë. Portugalia do të mbetet brenda meje përgjithmonë”, është shprehur ndër të tjera Kristiano Ronaldo./Sport Ekspres/

Portugal estará sempre em mim https://t.co/dnFj51rxmh

— Cristiano Ronaldo (@Cristiano) November 5, 2026

Vetëm pak minuta para golit, Pilo ishte në një tjetër aksion sulmues dhe u kthye mbrapa me shpejtësi pasi topi i përkiste Realit në kundërsulm. Për më tepër afër zonës ndodhej Mbappe me topin në kontroll dhe Pilo duhej t’ia hiqte nga këmba.

Në dukje mision i pamundur, jo vetëm për aftësitë e francezit, por edhe konsumimin dhe lodhjen e madhe të shqiptarit në konsumimin e energjisë. Pasi ia doli, Pilo praktikisht e festoi atë moment më shumë se goli duke e shoqëruar me të sharën në gjuhën shqipe…Të q..sha motrën! /Sport Ekspres/

Liverpooli kaloi dy herë në avantazh në këtë përballje. Fillimisht Trey Nyoni shënoi në minutën e 25-të, ndërsa Mason Greenwood barazoi katër minuta më vonë. Në pjesën e dytë, Alexander Isak riktheu epërsinë për anglezët në minutën e 69-të.

Megjithatë, Fenerbahçe nuk u dorëzua. Archie Brown vendosi baraspeshën në minutën e 73-të, ndërsa momenti i madh për Muriqin erdhi në minutën e 79-të. Sulmuesi shqiptar i Kosovës u tregua i saktë me kokë, duke dërguar topin në rrjetë dhe duke përmbysur rezultatin në 3-2.

Një gol me vlerë të jashtëzakonshme për Fenerbahçen dhe një tjetër moment krenarie për futbollin shqiptar. Muriqi bëhet heroi i Stambollit, ndërsa Liverpooli pëson një humbje të dhimbshme në Champions League, ndërsa nga ana tjetër, Pilo shënoi ndaj Real Madrid. /Sport Ekspres/

Në përballjen mes AEK-ut të Athinës dhe gjigantëve spanjollë, Pilo ka arritur të lërë gjurmën e tij në një sfidë të madhe europiane. Mbrojtësi shqiptar ka realizuar ndaj një prej klubeve më të mëdha në historinë e futbollit, duke marrë vëmendjen e tifozëve shqiptarë.

Megjithatë, goli i tij nuk mjaftoi që skuadra greke të shmangte humbjen, pavarësisht se në të 75, do e çonte rezultatin në 2-1. Real Madridi arriti të triumfonte me rezultatin 3-2, në një përballje me pesë gola dhe emocione deri në fund.

Pavarësisht rezultatit, për Pilion kjo është një arritje e veçantë. T’i shënosh Real Madridit në kompeticionin më prestigjioz europian është një moment që mbetet gjatë në kujtesë. Një tjetër arsye krenarie për futbollin shqiptar, me Pilion që tashmë mund të mburret se ka mposhtur portierin e Real Madridit në skenën e Champions League. /Sport Ekspres/

I pyetur për mundësinë që sulmuesi brazilian të fitojë çmimin më prestigjioz individual në futboll, Flick nuk ka ngurruar të shprehë bindjen e tij. “Raphinha mund ta fitojë Topin e Artë vitin e ardhshëm, jam i sigurt për këtë”, deklaroi trajneri gjerman.

Shifrat e brazilianit e mbështesin entuziazmin e teknikut. Në 13 ndeshje të luajtura këtë sezon me Barcelonën, Raphinha ka realizuar plot 19 gola dhe ka dhënë edhe 3 asistime. Ironia qëndron te fakti se braziliani nuk u përfshi as në 30 kandidatët për Topin e Artë këtë vit, pavarësisht paraqitjeve të shkëlqyera. Tashmë, me këto statistika, ai kërkon të hyjë fuqishëm në garën për çmimin e madh të vitit 2027. Megjithatë, konkurrenca pritet të jetë e fortë, veçanërisht nga shoku i tij i skuadrës, Lamine Yamal. /Sport Ekspres/

Delegacioni zhvilloi fillimisht një vizitë në ambientet e Shtëpisë së Futbollit, ku u njoh nga afër me infrastrukturën dhe kushtet që ofron selia e FSHF-së, përfshirë edhe Klinikën e Kombëtares.

Më pas, delegacioni zhvilloi një takim me Presidentin Armand Duka, ku u diskutua mbi zhvillimet në futboll dhe rëndësinë e bashkëpunimit mes institucioneve për zhvillimin dhe promovimin e këtij sporti. Gjithashtu, në takim mori pjesë edhe trajneri i Kombëtares, Rolando Maran.

Në përbërje të delegacionit ishin Christian Mossino, Zëvendëspresident i Parë i Lega Nazionale Dilettanti, dhe Mauro Foschia, President i Komitetit Rajonal Piemonte Valle d’Aosta.

Takimi u mbyll me shkëmbimin e dhuratave simbolike dhe një fotografi të përbashkët në ambientet e Shtëpisë së Futbollit.

Mbrojtësi i Kombëtares shqiptare po shfaq një nivel të lartë në Ligën e Kampionëve, ku deri më tani numëron një gol dhe një asist. Megjithatë, sot është momenti për të treguar se sa vlen, pasi përballë do të ketë një superfuqi si Reali i Madridit. Me Diomandenë në krahun e djathtë diçka është e sigurt për Pilon, do të përjetojë mbrëmjen më të lodhshme të karrierës së tij./Sport Ekspres/

“Luajtëm në të njëjtën mënyrë, me të njëjtën ambicie, pa u përqendruar te ndeshja apo rezultati. Kur luan në të njëjtën mënyrë, çdo gjë që ndodh është pozitive. E respektuam kundërshtarin, duke luajtur me të njëjtin intensitet gjatë gjithë ndeshjes. Është e vështirë për çdo skuadër që pëson tre gola brenda pesë minutash të marrë veten.

Tre zëvendësimet ishin një shaka. Nëse rezultati ishte 0-0 dhe ata nxjerrin jashtë tre lojtarë, e pastaj unë shtyj njërin prej tyre, i cili merr karton të verdhë, por lejohet të vazhdojë lojën… atëherë do t’i kisha shtyrë edhe dy të tjerët. Çfarë është kjo, lojë fëmijësh? Le t’i respektojmë profesionistët, ashtu siç respektojmë ekipin e gjyqtarëve”, ka thënë Luis Enrike./Sport Ekspres

“Sot ishte një përvojë e mirë, por një rezultat i keq. U përballëm me një ekip që luan në një nivel shumë të lartë, diçka që nuk e shohim në Premier League”, ka. thënë ndër të tjera Unai Emeri./Sport Ekspres/

Sulmuesi spanjoll realizoi golin e avantazhit për Barcelonën në përballjen ndaj Aston Villas, në minutën e tetë të takimit, duke shfrytëzuar një gabim në mbrojtjen e skuadrës angleze. Ky gol ishte i veçantë për 19-vjeçarin, pasi e çoi në kuotën e 14 realizimeve në Champions League përpara se të mbushë 20 vjeç.

Në këtë mënyrë, Yamal ka kaluar Kylian Mbappe, i cili mbante rekordin me 13 gola të shënuar në kompeticionin më të rëndësishëm europian për klube përpara ditëlindjes së tij të 20-të. Pas tyre në këtë renditje pozicionohet Erling Haaland, me 10 gola, ndërsa diferenca me dy yjet e tjerë është tashmë e konsiderueshme.

Ajo që e bën edhe më të jashtëzakonshëm këtë rekord është fakti se Yamal do të festojë 20-vjetorin vetëm më 13 korrik 2027. Kjo do të thotë se ylli i Barcelonës ka ende kohë për ta përmirësuar ndjeshëm këtë statistikë dhe për ta bërë rekordin edhe më të vështirë për t’u thyer. /Sport Ekspres/

Roma e nisi në mënyrën më të mirë takimin, duke kaluar në avantazh në minutën e 11-të me Matias Soulé. Vetëm shtatë minuta më vonë, Donyell Malen dyfishoi shifrat nga pika e bardhë e penalltisë, duke e vështirësuar ndjeshëm misionin e vendasve. Manchester United u rikthye në lojë në minutën e 58-të, kur Bruno Fernandes realizoi një penallti të përsëritur, pasi tentativa e parë ishte ndalur nga portieri kundërshtar.

Kur Roma mendonte se do të largohej me një fitore të madhe, në skenë doli Matheus Cunha. Sulmuesi brazilian barazoi shifrat në minutën e 83-të, ndërsa vetëm tre minuta më vonë realizoi golin e përmbysjes, duke shpërthyer festën në “Old Trafford”. Cunha u ndëshkua me karton të kuq në minutat shtesë, por United arriti të ruante avantazhin deri në fund, duke siguruar një triumf 3-2. /Sport Ekspres/

Formacioni është ndërtuar në skemën 1-4-3-3 dhe përfshin futbollistë nga gjashtë skuadra të kampionatit. Bylis, Besëlidhja, Iliria, Kastrioti, Besa dhe Flamurtari përfaqësohen në këtë përzgjedhje, me disa prej lojtarëve që patën ndikim të drejtpërdrejtë në rezultatet e javës.

Në portë është përzgjedhur Renato Beqaj i Bylisit.

Reparti i mbrojtjes përbëhet nga Lorenc Trashi (Besëlidhja), Adolf Selmani (Iliria), Spasian Nasto (Kastrioti) dhe Leart Zekolli (Besa).

Në mesfushë janë Festim Alidema (Besëlidhja), Rodrigo Javier Migone dhe Hetem Lushaj (Flamurtari), ndërsa treshja e sulmit përbëhet nga Do Carmo (Bylis), Manfredas Ruzgis (Besa) dhe Foti Çuçka (Iliria).

Vlerësimi i Drejtorisë Teknike të FSHF-së për trajnerin më të mirë të javës së 9-të i është dhënë Dritan Smajlajt të Ilirisë, pas fitores 3-2 në transfertë ndaj Sopotit, rezultat që e ngjiti skuadrën në krye të renditjes së Kategorisë së Parë.

Vendasit fituan në shifrat 3-1, por goli i shënuar nga shqiptari në minutën e 20 ishte e një tjetër kalibri. Vukaj ka nxjerrë një gol i vetëm teksa pasi mori topin, filloi të driblonte kundërshtarët dhe në fund shënoi një gol që ishte për notën 10 nga aftësitë individuale. /Sport Ekspres/

? What a goal by Alen Vukaj against Feyenoord U19.

The albanian winger is in top form at the moment and had already scored a superb goal in the last match against Donetsk. https://t.co/aSAsLwwida

— XI Scout ?? (@FootballAlbXI) November 3, 2026

“Të gjithë kemi fituar dhe të gjithë kemi humbur. Kam kaluar nëpër situata të panumërta ku, në sytë e shumë njerëzve, kam qenë një dështak. Por ky “dështaku” ka vazhduar të evoluojë dhe të përmirësohet, sepse ky është pikërisht mentaliteti që duhet të ketë një trajner. E tani, të gjithë mendojnë se unë jam “i zgjedhuri” apo diçka e tillë. Por e gjitha është gënjeshtër, thjesht gënjeshtër. E rëndësishme është të ndjekësh rrugën tënde”, ka deklaruar Luis Enrike./Sport Ekspres/

Ky çmim i është dorëzuar gjatë ceremonisë së organizuar nga Shoqata Panhelenike e Futbollistëve Profesionistë, e cila përkonte me 45 vjetorin e krijimit të kësaj organizate. Gjithashtu, Tomas Strakosha është përfshirë në formacionin më të mirë të sezonit 2025/26 të kampionatit grek./Sport Ekspres/

Ndeshja ishte e luftuar, me të dyja skuadrat që kërkuan të gjenin rrugën e rrjetës. Partizani arriti të shfrytëzonte momentin e tij, ndërsa durrsakët nuk ia dolën të konkretizonin rastet e krijuara, teksa goli i Atanaskovskit në të 59 mjaftoi që Partizani të dilte me tre pikë. /Sport Ekspres/

Por ajo që bie më shumë në sy është statistika e tij përpara portës. Sulmuesi i ri ka realizuar plot 148 gola në kategoritë e moshave, duke treguar një instinkt të jashtëzakonshëm golashënuesi. Ai aktivizohet si numër nëntë në ekipin e moshave të Real Madridit dhe spikat për forcën fizike, shpejtësinë dhe dominimin në duele. Lopez ka shkëlqyer edhe me Spanjën U-15, me të cilën fitoi Kupën e Botës për këtë grupmoshë. Në ndeshjen ndaj Barbadosit, ai realizoi një tregolësh brenda vetëm nëntë minutave. Sigurisht, rruga drejt futbollit profesionist është ende e gjatë, por Reali duket se ka një perlë të vërtetë në akademinë e tij. /Sport Ekspres/

“Po të varej vetëm nga unë, fanellën me numrin 10 do t’ia jepja Julian Alvarez. Për këtë nuk kam asnjë dyshim”, është shprehur Romero. Megjithatë, sulmuesi i Atletico Madridit preferon të vazhdojë me numrin e tij të zakonshëm, 9, duke ruajtur profilin e tij modest. Romero mendon se kjo fanellë duhet t’i besohet një futbollisti me përvojë në kombëtare, pasi përgjegjësia është shumë e madhe për lojtarët e rinj. Vendimi përfundimtar pritet të merret gjatë këtij muaji, kur Argjentina do të luajë dy miqësore ndaj Uruguait dhe Kosta Rikës. /Sport Ekspres/

Federata e Futbollit do të organizojë në muajin dhjetor edicionin e katërt të aktivitetit “Open Stage”, një nismë që tashmë është kthyer në traditë dhe synon të afrojë pranë ekipeve kombëtare talentet e reja shqiptare që jetojnë jashtë vendit.

Aktiviteti u drejtohet futbollistëve të lindur në vitet 2011, 2012 dhe 2013, të cilët jetojnë në Europë, SHBA dhe vende të tjera të botës. Përmes seancave stërvitore dhe vlerësimit nga stafi teknik i FSHF-së, synohet evidentimi i talenteve të reja dhe identifikimi i lojtarëve me potencial për t’u integruar në ekipet kombëtare të moshave.

Seancat do të zhvillohen në ambientet e Shtëpisë së Futbollit në Tiranë, sipas këtij kalendari:
* 7 dhjetor – Futbollistët e lindur në vitin 2011, ora 09:00
* 8 dhjetor – Futbollistët e lindur në vitin 2012, ora 09:00
* 9 dhjetor – Futbollistët e lindur në vitin 2013, ora 09:00
*
Të gjithë futbollistët e interesuar duhet të paraqiten me certifikatë mjekësore dhe leje nga klubi ku janë të regjistruar.

Aplikimet për pjesëmarrje janë të hapura deri më 1 dhjetor 2026. Futbollistët që dëshirojnë të bëhen pjesë e këtij aktiviteti duhet të plotësojnë formularin e aplikimit dhe ta dërgojnë në adresën e e-mail-it: openstage@fshf.al .

Përmes “Open Stage”, FSHF vijon të forcojë lidhjen me futbollistët e rinj shqiptarë që jetojnë jashtë vendit, duke u krijuar mundësinë të tregojnë potencialin e tyre dhe të afrohen me fanellën kuqezi.

FORMULAR REGJISTRIMI OPEN STAGE (1)

Ernest Muçi zhvilloi një paraqitje shumë të mirë me Trabzonsporin në kampionatin turk. Sulmuesi shqiptar kontribuoi fillimisht me një asist në fundin e pjesës së parë, duke ndihmuar skuadrën të kalonte në avantazh ndaj Gaziantepit. Në minutën e 61-të, Muçi realizoi edhe një gol spektakolar nga distanca, duke vulosur fitoren 2-0 të Trabzonsporit. Me këtë kontribut, futbollisti shqiptar shkon në kuotën e tre golave dhe gjashtë asisteve në kampionat këtë sezon.

Në Itali, Cristian Shpendi vazhdon të konfirmojë formën e mirë me fanellën e Çezenës. Sulmuesi shqiptar realizoi golin e barazimit në transfertën ndaj Südtirol, duke dërguar topin në rrjetë në minutën e 65-të. Ndeshja përfundoi në barazim 1-1, ndërsa Shpendi regjistron tashmë tetë gola në 10 ndeshje të luajtura në kampionat.

Një gol me peshë të veçantë realizoi edhe Indrit Tuci në kampionatin slloven. Sulmuesi shqiptar u bë protagonist në derbin mes Mariborit dhe Olimpija Ljubljanës, duke shënuar në pjesën e dytë golin që vendosi fatin e kësaj përballjeje. Me këtë realizim, Tuci ngjitet në kuotën e katër golave në kampionat këtë sezon.

Përveç futbollistëve që spikatën me gola dhe asiste, edhe një numër i konsiderueshëm lojtarësh të Kombëtares shqiptare u aktivizuan si titullarë me skuadrat e tyre në kampionatet përkatëse.

Nga minuta e parë e nisën Etrit Berisha, Berat Gjimshiti, Ardian Ismajli, Marash Kumbulla, Klisman Cake, Samuele Sina, Stavro Pilo, Kristjan Asllani, Ylber Ramadani, Qazim Laçi, Juljan Shehu, Arbër Hoxha, Nedim Bajrami, Jasir Asani, Taulant Seferi, Sabah Kerjota dhe Rey Manaj, duke vijuar angazhimin dhe kontributin e tyre në futbollin ndërkombëtar.

“Luajtëm me zemër. Allajbegoviçi është një lojtar shumë i fortë. Sot, para ndeshjes, folëm me Zhegrovën dhe thamë të gjuajmë më shumë. E kishim këtë ndër mend. Ai e ka atë goditje, duhet ta përdorë më shpesh dhe duhet ta bëjë këtë me bindjen që tregoi sot”, është shprehur Zheremi Boga./Sport Ekspres/

“Pashë sot që në momentin që Aleksi po luante si qendërmbrojtës, mendoj se kishin një njeri më shumë në mesfushë. Sepse sa merrnin topin, ai dilte lart dhe ai e dha asistin te goli, pavarësisht aftësive personale të Diabatesë. Aleksi ka arritur një status lideri dhe është e vështirë që ta humbi. Për më tepër i bashkangjiten edhe sukseset e Egnatias.

Në momentin që ka sukses ekipi edhe lideri i saj është akoma më i ndriçueshëm, pra shkëlqen më shumë. E ka treguar edhe më parë, edhe kur nuk ka qenë kapiten në skuadrat e tjera, që ka një karakter të fortë. Nuk hap rrugë. Sa do luajë në Shqipëri? Unë mendoj që do të jetë si Luka Modriçi, deri në 40-41 vjeç mund të luajë në Shqipëri”, ka thënë Andi Matraxhiu./Sport Ekspres/

Ndëkohë në krahun tjetër Vllaznia është ndalur në Korçë. Ndeshja mes kuqebluve dhe Skënderbeut ka përfunduar me rezultatin e barabartë 1-1. Ky rezultat i lë shkodranët në vendin e parafundit në tabelën e renditjes, me vetëm 9 pikë të grumbulluara në 10 javët e para të kampionatit./Sport Ekspres/

Ajo do të ishte dhe ndeshja e fundit e trajnerit Hayen, ndërsa trajneri i ri, Celestini, ka ardhur në krye të pankinës së Burnley. Debutimi erdhi dje kundër Portsmuthit në barazimin 0-0, ndërsa një nga temat e prekura ishte edhe ajo e Brojës.

“Ajo që dimë është që do të jetë për pak më gjatë jashtë fushës. Do të shohim njëherë deri në javën tjetër që të jemi më të sajtë. Por që të themi që tani, do të mungojë për 2, 3, 4 apo 5 javë, duhet të presim”, tha Celesini. /Sport Ekspres/

Egnatia nuk u mjaftua me barazimin dhe vijoi të kërkonte golin e fitores. Rrogozhinasit arritën të përmbysnin rezultatin, duke siguruar tri pikë të çmuara në garën për kreun e renditjes, falë golit të Diabate në të 77. Nga ana tjetër, Tirana largohet duarbosh nga kjo përballje, pavarësisht avantazhit të hershëm. Një rezultat që konfirmon edhe një herë ambiciet e Egnatias për të qëndruar në krye të kampionatit. /Sport Ekspres/

golden ç?kam?yoruz amk ya.. Arap spiker yorumuyla huzurlar?n?zda ERNEST MUÇ?.. https://t.co/x4gNXvvxlP

— Mehmet (@S1xtyMehmet) November 1, 2026

Prej disa ndeshjeve, Como po merr një dorë të madhe dhe nga arbitrat. Kjo ndodhi edhe në fitoren e sotme 1-0 kundër Venecias, atje ku goli i vetëm i takimit u shënua nga penalltia, ndërsa në krahun tjetër, Venecias iu mohua një penallti e pastër. /Sport Ekspres/

Il braccio si allarga, il corpo è in area: come è possibili le che non sia rigore dopo revisione? E soprattutto, perché episodi uguali sono stati giudicati rigore? Inaccettabile https://t.co/AgxC2DygQq

— Marco Giordano (@MarcoGiordano6) November 1, 2026

Muaji nëntor do të jetë i mbushur me angazhime për ekipet Kombëtare të Shqipërisë, të cilat do të zbresin në fushë në kompeticione zyrtare, ndeshje miqësore dhe turne zhvillimorë, me synimin për të arritur rezultate pozitive dhe për të vijuar punën përgatitore në të gjitha nivelet.

Nga Kombëtarja A, që do të luajë dy ndeshjet e fundit të edicionit të Nations League, te përfaqësueset e moshave, që do të vijojnë rrugëtimin në kualifikueset e Europianit 2027, nëntori do të sjellë një kalendar të ngjeshur për futbollin kuqezi.

Kombëtarja A, dy sfida vendimtare në Nations League
Kombëtarja shqiptare do të luajë dy ndeshjet e fundit të grupit C1 në Nations League, me objektivin për të mbrojtur vendin e parë në renditje deri në fund të këtij edicioni. Kuqezinjtë do të presin Finlandën më 12 nëntor në stadiumin “Air Albania”, në orën 20:45, ndërsa më 15 nëntor do të përballen me Bjellorusinë në transfertë, në stadiumin “Illovszky Rudolf” në orën 18:00.
Dy takime të rëndësishme për skuadrën kuqezi, që do të kërkojë ta mbyllë me sukses këtë fazë të kompeticionit.

Kombëtarja U-21, në vijim të përgatitjeve për Europianin 2027
Kombëtarja U-21 do të zhvillojë dy ndeshje miqësore në kuadër të përgatitjeve për Kampionatin Europian U-21 2027, ku Shqipëria do të jetë një nga vendet organizatore.
Skuadra e drejtuar nga Alban Bushi do të përballet me Luksemburgun më 13 nëntor dhe me Spanjën më 17 nëntor. Të dyja ndeshjet do të luhen në stadiumin “Air Albania”, në orën 19:00, duke i dhënë ekipit mundësinë të testojë grupin dhe të vijojë përgatitjet për këtë aktivitet madhor.

Kualifikueset e Europianit 2027 për U-19 dhe U-17
Kombëtarja U-19 do të marrë pjesë në raundin e dytë të kualifikueseve të Kampionatit Europian U-19 2027. Shqipëria do të përballet me Qipron më 11 nëntor dhe me Armeninë më 14 nëntor, në stadiumin “Sotira Municipal”, me synimin për të bërë një paraqitje sa më të mirë në këtë fazë të garës.

Ndërkohë, Kombëtarja U-17 do të luajë në raundin e parë të kualifikueseve të Europianit U-17 2027, në një mini-turne që do të zhvillohet në Shqipëri. Kuqezinjtë do të përballen me Suedinë më 11 nëntor, Skocinë më 14 nëntor dhe Finlandën më 17 nëntor. Të tria ndeshjet do të luhen në “Elbasan Arena”, në orën 14:00.

Vajzat U-19, në garë për Europianin 2027
Edhe Kombëtarja U-19 e vajzave do të jetë e angazhuar në nëntor, me ndeshjet e raundit të parë të kualifikueseve të Kampionatit Europian U-19 2027.
Shqipëria do të luajë fillimisht ndaj Qipros më 27 nëntor, ndërsa më 30 nëntor do të përballet me Moldavinë. Të dyja takimet do të zhvillohen në “Shtëpinë e Futbollit”, në orën 14:00, duke e kthyer kompleksin e FSHF-së në një tjetër pikë të rëndësishme të aktivitetit ndërkombëtar gjatë këtij muaji. Kombëtarja U-19 e vajzave do ta mbyll turneun me ndeshjen e fundit ndaj Letonisë më 3 dhjetor, në orën 14:00, po në “Shtëpinë e Futbollit”.

Kombëtarja U-15, tri ndeshje në turneun UEFA Development
Një tjetër angazhim për grupmoshat do të jetë turneu zhvillimor UEFA Development, ku do të marrë pjesë Kombëtarja U-15.
Shqipëria do të luajë tri ndeshje në “Shtëpinë e Futbollit”, përkatësisht ndaj Irlandës së Veriut më 19 nëntor, Polonisë më 21 nëntor dhe Ishujve Faroe më 24 nëntor. Përtej rezultateve, ky aktivitet do t’u shërbejë futbollistëve të rinj për të fituar eksperiencë ndërkombëtare dhe për të vijuar zhvillimin e tyre.

Kombëtarja e futbollit amator dhe ajo e futsallit, në sfida ndërkombëtare
Angazhimet e nëntorit do të përfshijnë edhe Kombëtaren e futbollit amator, e cila do të luajë dy ndeshjet e fundit në kuadër të UEFA Regions’ Cup. Shqipëria do të përballet me Piemonte Valle d’Aosta më 1 nëntor dhe me NI Eastern më 4 nëntor. Të dyja takimet do të zhvillohen në “Egnatia Arena”.

Ndërkohë, Kombëtarja e futsallit do të nisë rrugëtimin në fazën “Main Round” të kualifikueseve europiane për Kupën e Botës FIFA Futsal 2028. Kuqezinjtë do të luajnë ndaj Bjellorusisë më 6 nëntor, në orën 15:30, në sallën sportive “Humenne”, në Sllovaki.

Me një kalendar të pasur në të gjitha nivelet, nëntori do të jetë një muaj i rëndësishëm për futbollin shqiptar, me Kombëtaret që do të kërkojnë të përfaqësojnë denjësisht ngjyrat kuqezi, të fitojnë eksperiencë ndërkombëtare dhe të hedhin hapa të mëtejshëm drejt objektivave të tyre.

Kombëtarja A
Shqipëri vs Finlandë, 12.11.2026, 20:45, “Air Albania
Bjellorusi vs Shqipëri, 15.11.2026, 18:00, “Illovszky Rudolf Stadion”

Kombëtarja U-21
Shqipëri U21 – Luksemburg U21, 13.11.2026, 19:00, “Air Albania”
Shqipëri U21 – Spanjë U21, 17.11.2026, 19:00, “Air Albania”

Kombëtarja U-19, raundi i dyte i kualifikueseve per Euro U-19 2027
Shqipëri U19 – Qipro U19, 11.11.2026, 13:30, “Sotira Municipal Stadium”
Armeni U19 – Shqipëri U19, 14.11.2026, 13:30, “Sotira Municipal Stadium”

Kombëtarja U-19 e vajzave, Raundi i pare i kualifikuese te EURO U-19 2027 per vajza
Qipro U19 – Shqipëri U19, 27.11.2026, 14:00, “Shtëpia e Futbollit”
Shqipëri U19 – Moldavi U19, 30.11.2026, 14:00, “Shtëpia e Futbollit”

Kombëtarja U-17, raundi i pare i kualifikueseve per Euro U-17 2027
Suedi U17 – Shqipëri U17, 11.11.2026, 14:00, “Elbasan Arena”
Skoci U17 – Shqipëri U17, 14.11.2026, 14:00, “Elbasan Arena”
Shqipëri U17 – Finlandë U17, 17.11.2026, 14:00, “Elbasan Arena”

Kombëtarja U-15, turneu zhvillimor UEFA Development
Shqipëri U15 – Irlandë e Veriut U15, 19.11.2026, 14:00, “Shtëpia e Futbollit”
Shqipëri U15 – Poloni U15, 21.11.2026, 14:00, “Shtëpia e Futbollit”
Shqipëri U15 – Ishujt Faroe U15, 24.11.2026, 14:00, “Shtëpia e Futbollit”

Kombëtarja e futbollit amator, UEFA Regions’ Cup
Piemonte Valle d’Aosta – Shqipëri, 01.11.2026, 14:00, “Egnatia Arena”
Shqipëri – NI Eastern, 04.11.2026, 13:30, “Egnatia Arena”

Kombëtarja e Futsallit
Bjellorusi – Shqipëri, 06.11.2026, 15:30, Salla sportive “Humenne”, Sllovaki

Rezultati u zhbllokua shumë shpejt, teksa Pulisiçi e dërgoi topin në rrjetë që në minutën e 4-t. Vetëm 6 minuta më vonë Rabio dyfishoi shifrat për kuqezinjtë. Bastoni ngushtoi diferencat për Interin në minutën e 22-të, por goli i tij në fund do t’i shërbente vetëm statistikave. Moreira tundi rrjetën në minutën e 43-të, duke vulosur kështu një herë e mirë fitoren e Milanit.

Pas këtij triumfi në derbi, ekipi i drejtuar nga Amorimi u ngjit në vendin e 4-t në renditje, vetën 4 pikë larg kreut të Serisë A. Në krahun tjetër, zikaltrit rrezikojnë të humbin edhe vendin e parë në tabelën e klasifikimit./Sport Ekspres/

Në minutën e 65, Shpendi u gjend në çastin e duhur dhe në vendin e duhur për ta shtyrë topin në rrjetë. Goli i tij i dha barazimin 1-1 Çezenës përballë Sudtirolit. e vlefshme për javën e 10 të Serisë B. Ndërkohë, ky ishte goli i 8 i shë nuar në kampionat për Kristianin, i cili deri më tani udhëheq listën e golashënuesëve më të mirë në Serinë B italiane./Sport Ekspres/

Më pas, portugezi ka theksuar se sulmuesi e meriton plotësisht këtë trofe, i cili do të ishte një vlerësim i madh për gjithçka ka bërë gjatë karrierës së tij. “Ai e meriton Topin e Artë. Do të ishte qershia mbi tortë e karrierës së tij”, ka përfunduar Mourinho. Deklarata e tij vjen në një moment të veçantë për Kane, i cili është shpallur fitues i Topit të Artë 2026, duke lënë pas emra të mëdhenj si Kylian Mbappé dhe Lamine Yamal. Sulmuesi anglez ka realizuar një sezon të jashtëzakonshëm, me 73 gola për klubin dhe kombëtaren, duke u shpërblyer me çmimin më të madh individual në futboll. /Sport Ekspres/

Pjesa e parë ishte e luftuar, me të dyja skuadrat që provuan të gjenin rrugën drejt rrjetës. Manchester United madje pati një gol të anuluar për pozicion jashtë loje, pas ndërhyrjes së VAR-it. Në minutën e 50-të, Morgan Rogers zhbllokoi rezultatin për Chelsea-n, pas një aksioni individual fantastik. Ky gol i dha më shumë qetësi skuadrës londineze, që nisi të kontrollonte më mirë lojën.

Momenti vendimtar erdhi në minutat e fundit, kur Lisandro Martinez u ndëshkua me dy kartonë të verdhë brenda një kohe shumë të shkurtër, duke lënë Manchester United me 10 lojtarë. Chelsea fitoi penallti dhe Cole Palmer u tregua i saktë nga pika e bardhë në minutën e 64-t. Kështu, Chelsea siguroi tri pikë të rëndësishme, ndërsa Manchester United vazhdon të zhgënjejë dhe kriza e skuadrës së Michael Carrick bëhet gjithnjë e më e thellë. /Sport Ekspres/

Nëntë javët e para kanë sjellë rivalitet dhe konkurrencë mes skuadrave, ndërsa tashmë kampionati hyn në një fazë të re, ku ekipet do të kërkojnë të konsolidojnë pozitat e tyre dhe të vijojnë garën për objektivat sezonale.

Java e 10-të do të zhvillohet në dy ditë, më 1 dhe 2 nëntor, me pesë takime që premtojnë emocione dhe rivalitet në fushën e lojës.

Sfida e parë do të jetë ajo mes Tiranës dhe Egnatias, që do të luhet të dielën në orën 13:30. Po të dielën, në orën 18:30, do të zhvillohen dy përballjet AF Elbasani – Laçi dhe Skënderbeu – Vllaznia.

Të hënën, java do të vijojë me takimin Vora – Dinamo City, në orën 13:30, ndërsa në orën 18:30 do të luhet përballja Teuta – Partizani, që do të mbyllë këtë javë të kampionatit.

Me nisjen e fazës së dytë, çdo pikë merr rëndësi në funksion të objektivave sezonale, ndërsa skuadrat do të kërkojnë të konfirmojnë formën dhe të përmirësojnë pozitat e tyre në renditje.

Abissnet Superiore, java 10

Tirana – Egnatia, 1 nëntor, 13:30

AF Elbasani – Laçi, 1 nëntor, 18:30

Skënderbeu – Vllaznia, 1 nëntor, 18:30

Vora – Dinamo City, 2 nëntor, 13:30

Teuta – Partizani, 2 nëntor, 18:30

Në fokus është edhe derbi Tirana-Dinamo, ku trajneri i Dinamos, Ilir Daja, u përfshi në një përplasje me gjyqtarin Enea Jorgji. Episodi shkaktoi tensione gjatë takimit dhe tashmë ka dalë vendimi, ku trajneri do mungojë për 5 ndeshje.

Ndërkohë, vendimet e Komisionit përfshijnë edhe çështje të tjera që lidhen me klubet e Abissnet Superiore dhe kategoritë e moshave. Tirana është gjithashtu mes skuadrave që preken nga masat e fundit, ndërsa u vendos edhe një ultimatum për një prej çështjeve të trajtuara.

Vendimet e Disiplinës vijnë në një moment të rëndësishëm të kampionatit, ku tensionet në fushë dhe jashtë saj kanë shtuar vëmendjen ndaj sjelljes së lojtarëve dhe zyrtarëve.

AF Elbasani, për sjellje të gabuar të spektatorëve, duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
Zyrtari i AF Elbasani, Armand Memetaj, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
Zyrtari i FC Dinamo City, Ilir Daja, për shkelje të rregullave themelore të sjelljes së mirë dhe sjellje josportive ndaj zyrtarëve të ndeshjes, në bazë të neneve 13/2 dhe 14/1/j të KDE, dënohet me 5 (pesë) ndeshje pezullim nga veprimtaritë.
Zyrtari i FC Dinamo City, Mark Dodaj, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
Lojtari i KF Tirana, Owono Nchama Basilio Ndong, për sjellje josportive ndaj lojtarëve të ekipit kundërshtar, në bazë të nenit 14/1/b të KDE dënohet me 2 (dy) ndeshje pezullim nga aktiviteti.
KF Pogradeci, për dështim në garantimin e rendit dhe sigurisë në ndeshje, duke lejuar hyrjen e personave të paautorizuar në fushën e lojës, si dhe për sjellje të gabuar të spektatorëve, të shoqëruar me hedhje sendesh në fushën e lojës dhe rrezikim të sigurisë së zyrtarëve të ndeshjes dhe lojtarëve të ekipit kundërshtar, në bazë të neneve 8/1, 17/1, 17/2/a dhe 17/2/b të KDE, dënohet me gjobë në masën 300.000 (treqind mijë) lekë. Në bazë të nenit 76/1/a të KDE, gjoba aplikohet në masën 50%.
Zyrtari i KF Pogradeci, Xhuliano Topuzi, për kërcënim ndaj zyrtarëve të ndeshjes, në bazë të nenit 14/1/k të KDE, dënohet me 10 (dhjetë) ndeshje pezullim nga të gjitha veprimtaritë e organizuara nga FSHF. Në zbatim të nenit 6/2/c të KDE, zyrtarit i ndalohet hyrja në të gjitha stadiumet, në veprimtaritë sportive të organizuara nga FSHF, deri në përfundim të dënimit.
Flamurtari FC, për sjellje të gabuar të spektatorëve, të shoqëruar me hedhje sendesh në fushën e lojës dhe rrezikim të sigurisë së zyrtarëve të ndeshjes, në bazë të neneve 8/1, 17/1, dhe 17/2/b të KDE, dënohet me gjobë në masën 200.000 (dyqind mijë) lekë. Në bazë të nenit 76/1/a të KDE, gjoba aplikohet në masën 50%.
Zyrtari i Flamurtari FC, Shkëlqim Ramaj, për shkelje të rregullave themelore të sjelljes së mirë dhe sjellje josportive ndaj zyrtarëve të ndeshjes, në bazë të neneve 13/2 dhe 14/1/j të KDE, dënohet me 5 (pesë) ndeshje pezullim nga veprimtaritë.
Zyrtari i Flamurtari FC, Josel Shtrepi, për protestë ndaj vendimeve të zyrtarëve të ndeshjes, në bazë të nenit 14/1/c të KDE, dënohet me 2 (dy) ndeshje pezullim nga veprimtaritë.
KF Bylis, për mos respektimin e përgjegjësive dhe rregulloreve të aktivitetit duke shkaktuar vonesa në fillimin e lojës, në bazë të nenit 8/1, të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.
Pranimin e kërkesës së kërkuesit Qendrim Ismaili. Klubi i Futbollit Tirana, për dështim në ekzekutimin e vendimit nr. 8, datë 02.04.2026 të Dhomës Kombëtare të Zgjidhjes së Mosmarrëveshjeve, në bazë të nenit 29/1/b të KDE, Klubit të Futbollit Tirana i jepet një afat paralajmërues prej 30 (tridhjetë) ditësh për të ekzekutuar vendimin.

Kundër vendimit lejohet ankim brenda 3 (tre) ditëve përpara Komisionit të Apelit.

Përmes një postimi në rrjetet sociale, Duka ka vlerësuar rezultatet e arritura nga talentet e rinj shqiptarë, të cilët kanë regjistruar një bilanc fantastik: 9 fitore në 10 ndeshje të zhvilluara dhe vetëm një humbje.

Ky rezultat i ka pozicionuar kuqezinjtë në vendin e 17-të mes 189 përfaqësueseve nga e gjithë bota, një arritje që merr vlerë të veçantë duke pasur parasysh nivelin dhe përmasat e aktivitetit ndërkombëtar.

Duka e ka cilësuar këtë eksperiencë si një hap të rëndësishëm në rrugën e zhvillimit të futbollit shqiptar, duke falënderuar gjithashtu trajnerin Armand Dama dhe të gjithë stafin për punën e bërë.

Një sinjal pozitiv për të ardhmen, me një brez të ri futbollistësh që po fiton eksperiencë dhe po përfaqëson Shqipërinë me dinjitet në arenën ndërkombëtare.

Futbolli bashkon, rivaliteti mbetet në fushë! Në korridorin e “Arena Egnatia”, pas ndeshjes Egnatia–Teuta, më afrohet presidenti i Teutës, Fatos Troplini, me buzëqeshjen e tij karakteristike dhe më thotë: “Duhet të shkojmë deri te sportistët e Egnatias për të takuar Elion Sotën. Dua t’i uroj shërim nga afër!”

Një fjali e thjeshtë, por me shumë kuptim. Së bashku u nisëm për ta takuar Sotën, por drejtori Klejdi Zenelaj na shpjegoi se ai ishte larguar tashmë. Z. Fatos mori informacion të plotë dhe më pas u largua.

Ky ishte një gjest human, qytetar dhe institucional, që meriton të vlerësohet, si nga presidenti Troplini, drejtuesit e Teutës dhe, në veçanti, trajneri Braja dhe lojtarët e Teutës, të cilët ishin të trishtuar, ashtu edhe nga kultura dhe infrastruktura që ofron KF Egnatia në marrëdhëniet me kolegët dhe rivalët.

Sepse futbolli nuk është vetëm rezultat, pikë, rivalitet apo interes, por është respekt, qytetari, kujdes për njëri-tjetrin dhe mesazhe paqeje. Është aftësia për të ndier dhimbjen e tjetrit, edhe kur ai mban një fanellë tjetër. Mirënjohje presidentit Fatos Troplini dhe gjithë familjes së Teutës për këtë gjest!

Elion Sota, shërim të shpejtë! Të rikthehesh sa më parë në fushë, më i fortë, më i shëndetshëm dhe më i gatshëm për të dhënë kontributin tënd për Egnatian, ashtu siç ke bërë gjithmonë! Ky është futbolli që duam, ky është sporti që na bashkon! Ky është një mesazh plot vlera qytetarie për futbollin dhe shoqërinë tonë.

Siç edhe kishte deklaruar qysh në momentin e nënshkrimit të kontratës me FSHF në muajin maj, Maran vazhdon të vëzhgojë nga afër ndeshjet e kampionatit dhe të monitorojë paraqitjet e lojtarëve që janë ose mund të jenë kandidatë potencialë për Kombëtaren shqiptare. Gjithashtu, trajneri kuqezi ka vizituar më parë edhe disa skuadra të kampionatit gjatë procesit stërvitor, duke monitoruar mënyrën se si punohet dhe ka pasur mundësinë të flasë nga afër edhe me teknikët e klubeve shqiptare.

Formacioni është ndërtuar me skemën 1-3-5-2 dhe përfshin lojtarë nga shtatë skuadra të kampionatit. Egnatia është skuadra më e përfaqësuar me katër futbollistë, ndërsa trajneri më i mirë i javës është shpallur Nevil Dede.

Formacioni më i mirë i javës së 9-të – Skema 1-3-5-2

Mario Dajsinani (Egnatia)

Erjon Hoxhallari (Dinamo City), Georgios Lagonidis (KF Skënderbeu), Eneo Bitri (Egnatia)

Ardit Nikaj (AF Elbasani), Klaus Kashari (Vora), Albano Aleksi (Egnatia), Leandro Frroku (Vora), Redon Xhixha (Tirana)

Ildi Gruda (Egnatia), Amadou Traore (Laçi)

Trajneri më i mirë: Nevil Dede (Egnatia)