Dje ishte deklaruar se do të mblidhej Komisioni i Etikës për të marrë vendimin mbi ndeshjen e dyshuar për trukim, Tirana-Bylis. Por ky takim u anullua për shkak ishin vetëm 2 të pranishëm, nga 5 vetë që është edhe numri total i këtij komisioni.
Shtyrja e afatit është e pavendosur, ndërsa ka një bashkëpunim me Uefën për zbardhjen e kësaj ngjarjeje. Përtej koefiçientëve të çuditshem, Komisioni i Etikës do të shikojë me vëmendje integritetin dhe sjelljen e lojtarëve të caktuar në fushën e lojës, falë videove të gjendura në arkivë.
Ndërkohë që ajo që ende nuk dihet me siguri është nëse ky vendim do të vijë përpara ndeshjes së finales së Kupës së Shqiperisë Teuta-Tirana. /Sport Ekspres/