Zbavitje

Atleti më i pasur i botës e ka emrin Connor Mcgregor, njihuni me pasurinë e luftëtarit të MMA-së

Sport Ekspres — Wed, 21 Jul 2021 12:50:05 +0000

Conor Mcgregor u shpall atleti më i pasur në vitin 2020 sipas Forbes, pas shitjeve të aksioneve të brandit të uiskit “Proper Twelve”. Fitimi vjetor i irlandezit ishte për më shumë se 180 milionë euro.

McGregor njihet gjithashtu dhe për shpenzimet e tij marramendëse, teksa vetëm pak orë më parë ka publikuar në rrjetin social “Instragam” një të markës Lamborghini. Komentet mjaft pozitive u drejtuan drejt ish-kampionit të dy divizioneve, pasi e nisi gjithçka si hidraulik, ndërsa tani është duke arritur çdo gjë që dëshiron./Elio Hajdari-Sport Ekspres/

Mposht edhe kampionin e Europës, Bregu nderon Shqipërinë në turneun e bilardos

Sport Ekspres — Mon, 06 Jan 2020 18:36:26 +0000

Ed Bregu është bilardisti shqiptar që ka dalë triumfues nga një prej turneve më të mëdhenj europianë, French Open 8 ball. Në këtë kompeticion ishin pjesëmarrës 120 lojtarë të sportit të bilardos nga vende të ndryshme të botës. Fillimisht Bregu ka marrë pjesë në fazën kualifikuese, të cilën e kaloi pas tre fitoreve të arritura me rezultatet 5-1, dhe dy të tjerat 5-0, dhe vetëm një humbjeje të pësuar me shifrat 5-4.

Shqiptari nga Malësia e Madhe shënoi më pas një sukses të vërtetë në natën finale, ku nuk u mposht asnjëherë, teksa shijen e fitores e provoi plot 7 herë. Madje duke mposhtur dy herë edhe kampionin e Europës, Imrad Majid. Por përveç britanikut, pjesëmarrës ishin edhe dy kampionë të tjerë europianë, zvicerianët Dimitri Jungo dhe Ronald Regli, të cilët po ashtu pësuan humbje në përballjen me Bregun. Ky i fundit ishte shqiptari i vetëm në këtë garë dhe arriti në fund që të dilte triumfues i French Open 8 ball, duke i dhënë kështu Shqipërisë emër në një sport që ndoshta nuk është edhe aq i përhapur në vendin tonë./Sport Ekspres/

I njohur për momentet qesharake në fushë, ish-portieri i Barcelonës e kërkon suksesin në muzikë

Sport Ekspres — Tue, 24 Dec 2019 12:45:38 +0000

Dikur portier i Barcelonë, tani Pinto ka zgjedhur një rrugë krejt tjetër nga futbolli dhe është angazhuar me muzikë. Megjithëse shumicën e kohës ishte një zëvendësues i Victor Valdes, edhe në rastet kur futej titullar gafat apo momentet qesharake e shoqëronin në fushën e lojës.

Ndërsa tani Pinto ka vendosur t’i përkushtohet muzikës, edhe pse në një moshë 44-vjeçare, duke nxjerrë në treg edhe këngën e tij më të re “Salta la Comba”. Një këngë e rrymës hip-hop, në të cilën Pinto jep mesazhin për të ndjerë muzikën dhe për ta lënë veten të lirë në ritmet e saj./Sport Ekspres/

Tyson Fury jep premtimin: Do të mund Wilderin dhe do të shkoj në WWE

Sport Ekspres — Tue, 17 Dec 2019 18:19:39 +0000

Në datën 22 të muajit shkurt Tyson Fury do të rikthehet në ring për tu përballuar me Deontay Wilder. Të dy boksierët do të duelojnë për titullin WBC për peshat e rënda. Fury është i bindur që do të triumfojë në këtë duel, ndërsa premton të rikthehet në WWE passi të ketë rrëmbyer titullin. Boksieri britanik thotë se do të kthehet sërish, këtë herë për të shkatërruar Brock Lesnar.

“Do të kthehem sërish dhe do të shkatërroj Brock Lesnar në Wrestlemania në Florida. Pasi të mund Wilder do të vij për Brock”, ka thënë Tyson Fury. Ndërkohë Wrestlemania 36 do të nisë më 5 prill të vitit të ardhshëm dhe në rast triumfi, britaniku mund të hyjë në shfaqje me titullin kampion në brez./Sport Ekspres/

Këto grushta të marra nuk janë shaka, por djali i rrugës Diaz ndalohet nga doktori

Sport Ekspres — Sun, 03 Nov 2019 09:40:44 +0000

Dueli i vitit mes Nate Diaz dhe Jorge Masvidal, përfundon me triumfin e këtij të fundit, megjithëse jo në mënyrën që të dy luftëtarët dhe spektatorët do të dëshironin. Masvidal merr kështu titullin më të ri të krijuar në UFC “Baddest Motherf***er in the Planet”, që u krijua enkas për këta dy luftëtarë.

Ndeshja ka zgjatur vetëm 3 raunde dhe është mbyllur nga ndërhyrja e mjekut, i cili nuk e lejoi më duelin të zgjaste dhe shkak për këtë ishte ajo çarje në vetullën e syrit të djathtë të Diaz. Megjithëse në të shkuarën, djali i rrugës që dallon lehtësisht nga sportistët e tjerë për shkak të sjelles prej adoleshenti ka vazhduar të ndeshet pavarësisht këtij problemi. Vetulla është një pjesë delikate e Diaz pasi gjithmonë ka gjakderdhje prej andej. Por këtë herë ndaj Masvidal do të ishte doktori që u hoqi entuziazmin tifozëve të pranishëm, të cilët duke njohur Nate Diaz e dinin se ajo ndeshje do të shkonte deri në fund pa ndërhyrje.

Madje edhe vetë sportisti është shprehur pas ndeshjes se nuk dëshironte të ndalej me aq, por t’I shkonte deri në fund këtij dueli. Gjatë gjithë kohës ka pësuar grushtat e Masvidal, por nuk e ka çuar asnjëherë ndër mend tërheqjen. Kjo ka sjellë edhe vlerësimin e fituesit: “Diaz është një qen i ndyrë, atë të duhet vetëm ta vrasësh”. /Sport Ekspres/

https://www.youtube.com/watch?v=m5Agy2Yg8pA

“Psikopati” kthehet në WWE, Gzim Selmani flet shqip: Jemi më të fortët

Sport Ekspres — Tue, 01 Oct 2019 15:45:30 +0000

Të gjithë e njohim padyshim luftëtarin nga Shkodra, Gzim Selmani, i cili njihet me pseudonim ”Psikopati shqiptar”. Fillimet e karrierës i pati në artet marciale por shkëlqimin do ta merrtë ne kompanine më të madhe të wrestlingut ”WWE”. Rezar sic njihet në kompani Gzim Selmani dhe shoku i tij Akam arritën të kishin sukses që në paraqitjet e para duke fituar titullin ”RAW Tag Team Champions”.

Por pas 6 muajsh përshkak të një dëmtimi të shokut të tij, grupi i ashtuquajtur ”Autoret e dhimbjes” u detyrua të dorëzonte titujt dhe të largohej për pak kohë nga kompania. Kjo do të silltë një shok të madh tek fansat, pasi ky grup cilësohej si i pamposhtur duke dominuar cdo ndeshje prej fillimit deri në fund. A do të kthehej përsëri grupi ”Autorët e dhimbjes” ?

Ky ishte dyshimi më i madh i fansave por tashmë ata nuk kanë pse shqetësohen. Gzim Selmani dhe partneri i tij u kthyhen përsëri në WWE, ku pritet të dominojnë divizonin e peshave të rënda dhe të fitojnë titujt përsëri. Pronari “Vince Mcmahon” është admirues i atletëve me fizik anormal ,prandaj është bërë protagonist për rikthimin e tyre.

“Emri im është Rezar, dhe së bashku me Akam jemi Autorët e Dhimbjes(AOP). I kemi kallëzuar të gjithëve, të gjithë na frikësohen. Por ashtu duhet. I kemi kallëzuar të gjithëve se askush nuk mund të merret me ne. Nuk jeni më të fortë se ne. Tani e dini pse. Ne jemi më të mirët. Ne jemi AOP”, ka thënë Rezari./Sport Ekspres/

Është këtej ringu! Humbi ndjenjat dhe bënte si fitues, Quevedo bëhet qesharak

Sport Ekspres — Tue, 01 Oct 2019 13:19:37 +0000

Ndeshja e kickbox-it midis Jose Maria Quevedo dhe Hakin Ketaiebit në Francë është përhapur shumë në internet dhe kjo jo për rëndësinë që kishte ky duel, por për shkak të një episodi paksa qesharak në fundin e kësaj sfide.

Spanjolli Jose Maria ka pësuar një goditje të fortë nga kundërshtari, që e ka dërguar menjëherë në “knock out”, duke humbur për pak çaste edhe vetëdijen së bashku me ndeshjen. Pasi është përmendur, kickboxer-i është ngritur menjëherë dhe ka dalë nga ringu si të ishte fitimtar i përballjes.

Më pas, ka qenë një pjesëtar i stafit që e ka rikthyer sërish brenda litarëve të ringut, ku do të mësonte edhe faktin se ishte pikërisht ai që e kishte humbur atë ndeshje./Sport Ekspres/

https://youtu.be/LfydYAFDPcw

Ndeshja e vitit për titullin më të çuditshëm në histori:“Shk****ata më e keqe në planet”

Sport Ekspres — Fri, 27 Sep 2019 13:54:34 +0000

Jorge Masvidal nuk do e pranojë ndonjëherë se është promovues i mirë, por ai e di se ndeshjen e tij me Nate Diaz do e shikojnë të gjithë në “UFC 244” në New York. Përpara ndeshjes së tyre në nëntor për të kurorëzuar titullin më të çuditshëm të parë ndonjëherë të quajtur: “Shk****ata më e keqe në planet”. Ky do të jetë edhe saktësisht emërtimi i titullit që në anglisht quhet “Baddest mother***er in the planet” ose me inicialet që do të vendosen në titull BMF .

Kjo do të jetë ndeshja e vitit dhe më e shikuara gjatë këtij viti duke ia kaluar kështu edhe boksit, ku fituesi do të ketë në brez titullin jozyrtar që kushton 50,000 dollarë. Vlerë kjo që shkon mesatarisht sa gjysma e rrogës së luftëtarëve.

“Do të jenë dy djem të cilët do testojnë shpirtin e njërit tjetrit duke e çuar veten në limite.Të dy kemi qenë pjesë e shumë luftërave, ku kemi qenë në vështirësi, por ia kemi dalë të jemi fitimtarë në fund. E bukura e kësaj ndeshje është se nuk do të kthehet ne një ndeshje mundje sic bëjnë këta kampionë prej kartoni,që e mbajnë ndeshjen në tokë pa dhënë asnjë grusht të vetëm, me qëllimin e vetëm për të fituar ndonjë round” -ka thënë Masvidal.
Edhe pse nuk ka asnjë fjalë të keqe për kundërshtarin e tij Nate Diaz, kjo nuk do e pengojë atë të bëjë të njëjtën gjë që bëri kundër Darren Till dhe Ben Askren sic thotë dhe ai vetë “t’i nxjerr shpirtin nga trupi’’.

Pantallona lëkure për Mynih 1860: Top 10 uniformat më absurde në futboll

Sport Ekspres — Sun, 28 Jul 2019 14:59:36 +0000

Mynih 1860 hyn me të drejtë në listën e skuadrave me uniformat më të pazakonta të shfaqura në fushat e futbollit. Për nder të “Oktobrefest”, festës së birrës në Gjermani, klubi bavarez krijoi një uniformë të tretë me pantallona lëkure.

Një detaj, me të cilin skuadra e kategorisë së tretë, hyn në Top 10 të skuadrave me kompletet sportive më absurd. Askush nuk mund të harrojë Karibous të Kolorados dhe fanellat e tyre, për të rikthyer në memorie kaubojsët e perëndimit.

Aq të pazakonta janë edhe uniformat e spanjollëve të La Hoja Lorkas. Pikërisht nga Gadishulli Iberik kanë ardhur disa nga idetë më ekstravagande, shpeshherë të lidhura me iniciativat e publicitetit, si uniformat e Atletikos së Madridit, në të cilat ndoodhej Njeriu Merimangë.

Getafe ka prezantuar dikur “uniformat me dy fytyra” opër të sponsorizuar “Burger King”. Në listë nuk mungojnë muskujt e Hulk, tigrat, mjetet e punës apo njollat e gjakut, të paraqitura nga Athletik Bilbao në vitin 2004. Fotogaleria ju prezanton uniformat më qesharake.

[Best_Wordpress_Gallery id=”150″ gal_title=”Fanellat me te pazakonta”]

Shkurt e thërrasin “Daks”, njihuni me futbollistin me mbiemrin më të vështirë në planet

Sport Ekspres — Sun, 21 Jul 2019 17:44:35 +0000

Futbollistët njihen më së shumti nga mbiemrat. Por, ka dhe raste speciale ku përdoren nofka, në të shumtën e rasteve përdorimi i nofkave ndodh në Brazil . Arsyeja pas kësaj është se në shtetin e sambas, nuk kanë shumë diversitet në aspektin e mbiemrave dhe ndodh shpesh që të ketë dy ose më shumë persona me të njëjtin mbiemër si për shembull “Santos” “Da Silva” etj.

Por, ka dhe raste të rralla ku mbiemri është aq i vështirë për t’u shqiptar, sa që lojtari është detyruar të përdorë një nofkë për shmangur situatat e sikletshme. Rasti i tillë është edhe mesfushori i Kaizer Çifs në Afrikën e jugut që quhet (merrni frymë thellë), “Andriamirado Andrianarimanana”.

Siç edhe lexohet, jo vetëm mbiemri i mesfushorit është jashtëzakonisht i vështirë për t’u shqiptuar, por edhe emri i ka një shkallë vështirësie të lartë. Në Afrikë të Jugut e kanë gjetur një zgjidhje për ta anashkaluar këtë problem të pazakontë. Nofka e tij e re është “Daks” .

“Qenke sozia ime”, Klop dhe kërkesa e çuditshme nga gazetari

Sport Ekspres — Sun, 21 Jul 2019 10:21:46 +0000

Jurgen Klop mbetet një ndër trajnerët më zbavitës në qarkullim dhe ditët e fundit ka dhuruar momente komike në një konferencë për shtyp.

Pas ndeshjes miqësore kundër Dortmundit një gazetar nga salla pyeti: “Ndoshta nuk do shihemi më, a mund të më japësh një përqafim?”.

Klop ia ktheu duke qeshur: “Kjo është ndoshta pyetja e dytë më gazmore që më është bërë ndonjëherë”.

Më pas e takoi dhe përqafoi gazetarin, të cilit i tha: “Ti qenke sozia im”, mes të qeshurave e në sallë.

? "You look like my f***ing doppelganger."

? Jurgen Klopp's reaction after a journalist asked for a hug following @LFC's pre-season game against @BVB.

? Never change. pic.twitter.com/uVAkwvg3B0

— SPORF (@Sporf) July 20, 2019

Lajm i keq për tifozët, “FIFA20” zhduk emrin Juventus

Sport Ekspres — Tue, 16 Jul 2019 12:59:21 +0000

Emri i Juventusit nuk do të përmendet e shikohet në asnjë pjesë të video-lojës së famshme sportive në “FIFA” . Në edicionin FIFA 20 që do dalë në treg në muajin shtator, tifozët e kampionëve të Italisë do u duhet të mësohen me emrin alternativ “Piemonte Calcio”.

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

VIDEO: Skenë prekëse, tifozi i vetëm në stadium përlotet pas fitores së parë!

Sport Ekspres — Wed, 29 May 2019 18:55:53 +0000

Një video fantastike vjen nga Korea e Jugut, në një ndeshje të kategorisë së tretë, mes Pyeongchang FC e Goyang Citizen Football Club, luajtur më 18 maj.

Goyang i kishte humbur 6 ndeshjet e para të kampionatit dhe kërkonte pikën e parë, ndaj një rivali direkt, sepse edhe vendasit e kanë nisur shumë keq sezonin.

Falë gafave të portierëve, ndeshja po shkonte drejt barazimit 1-1, por në minutë e 93-të Goyang fitoi një penallti dhe shënoi golin e fitores.

Autori i golit shkoi drejt tribunës ku ishte vetëm një tifoz dhe iu përul në nderim! Arsyeja? Ai tifoz nuk ishte dosido, sepse kishte udhëtuar 4 orë për të ndjekur Goyang, ndërsa pas nderimit të skuadrës së zemrës u përlot.

VIDEO: Barcelona tërbon këngëtarin kinez, e pëson televizori!

Sport Ekspres — Thu, 09 May 2019 09:20:58 +0000

Për të dytin vit rresht, Barcelona është eliminuar turpshëm nga Champions League, me remontada që as në ëndërr nuk e çonte ndokush në Barcelonë.

Humbja 4-0 në Anfield konsiderohet një ndër dështimet më të mëdha në historinë e Champions League dhe goli i katërt ishte simboli i kaosit që mbretëronte dje te Barça.

Ndërkaq, eliminimi ka dëshpëruar keq një këngëtar kinez, Su Xing.

I tërbuar nga disfata, Su Xing nuk duroi dhe ia zbrazi nervat televizorit! Muzikën e tij nuk e njeh kush në Europë, por pas kësaj video është bërë hit edhe këtej!

???????????????????????? ???????
https://t.co/L0psaobrgT

— ???? | LFC (@danh_i2) May 8, 2019

Dibala me shokë befasojnë Barzalin për ditëlindje, plas gallata për moshën

Sport Ekspres — Wed, 08 May 2019 18:24:21 +0000

Andrea Barzali, një nga shtyllat e Juventusit dhe Italisë në shekullin e ri, ka mbushur 38 vjeç sot.

Veterani italian është befasuar nga shokët e tij të ekipit, sepse kur ka shkuar në dhomat e zhveshjes ka gjetur zbukurime, tullumbace dhe një tortë për ditëlindje.

Dibala ka pasur idenë për festën surprizë, ndërsa ka plasur gallata, sepse në vend të numrit 43, te qirinjtë e tortës dhe te tullumbacet ishte formuar numri 43, duke i shtuar 5 vite moshës së Barzalit.

View this post on Instagram

Tanti auguri @andreabarzagli15 ? sei il numero 1. Ti abbiamo organizzato la festa come bambini di 5 anni ?, tutto questo è perché ti vogliamo bene amico! ????

A post shared by Paulo Dybala (@paulodybala) on May 8, 2019 at 6:44am PDT

“Je numri 1. Të organizuam festën si fëmijët 5 vjeç, sepse të duam shumë, miku ynë!”, shkruan Dibala në Instagram.

Komentet kanë vërshuar në lidhje me numrin 43, pasi shumë tifozë kanë bërë humor, duke u kujtuar juventinëve që edhe klubi ngatërronin numrin e titujve kampionë (2 i janë hequr Juves nga Federata Italiane).

VIDEO: Vetëm 0.4 sekonda, 18-vjeçari shumë pranë rekordit të Bolt

Sport Ekspres — Thu, 02 May 2019 20:37:00 +0000

Usain Bolt, njeriu më i shpejtë në botë, vendosi rekordin absolut për 100 metra në vitin 2009, kur e ndali kronometrin në vetëm 9.58 sekonda. Sprintieri xhamajkan ka provuar dhe herë të tjera të përmirësojë këtë rekord, por duket i pathyeshëm jo vetëm nga ai, por nga asnjë sprintier tjetër.

Por sot, një 18-vjeçar nga Amerika, ka qenë shumë pranë këtij rekordi. Djaloshi quhet Mathju Bolling dhe gjatë një gare me grupmoshën e tij, e ka ndalur kronometrin në 9.98 sekonda, vetëm 0.4 sekonda më shumë se Bolt. Vetë sprintieri amerikan tha se nuk e kishte menduar asnjëherë një rekord të tillë dhe tani është më i motivuar se kurrë edhe të thyejë rekordin e xhamajkanit Bolt në të ardhmen.

Propozimi origjinal për martesë, a tha “po”?

Sport Ekspres — Tue, 23 Apr 2019 18:40:05 +0000

Për meshkujt e çmendur pas futbollit femra ideale do ishte ajo që merr vesh nga futbolli. Nëse pastaj shkon në stadium dhe është tifoze me të njëjtin ekip që është edhe mashkulli, mrekulli!

Në këtë rast, nuk ka më asnjë arsye për të mos u martuar, nëse është femra me të cilën je dashuruar. Kështu ka menduar një tifoz i thekur i Fenerbahçes, i cili në mes të ndeshjes i ka propozuar për martesë të dashurës, e cila ka mbetur e shtangur, por në fund ka thënë “po”!

Nëse refuzonte, karton i kuq!

? Pidió el VAR antes del sí quiero ?

? IG/furnur1601 IG/fenerbahce pic.twitter.com/wMIZSGJDFo

— AS (@diarioas) April 23, 2019

VIDEO: Perla e mbrëmjes, Suarez që tenton Rabona (pa sukses)

Sport Ekspres — Sat, 20 Apr 2019 22:09:57 +0000

E kemi parasysh termin sportiv Rabona? Kur një lojtar tenton të krosojë me finte, për spektakël, me pak fjalë.

Disa lojtarë e bëjnë mirë, ndoshta mbreti është Rikardo Kuaresma, disa të tjerë… tentojnë.

How close was @LuisSuarez9 to getting to that one!?!?! Inches! Somebody grab a ruler! ? pic.twitter.com/zPlsUMVkgK

— FC Barcelona (@FCBarcelona) April 20, 2019

Në ndeshjen Barcelona-Sociedad një nga momentet më zbavitëse të mbrëmjes ishte ai kur Luis Suarez tentoi një kros me Rabona. Nuk ishte ide perfekte…

https://twitter.com/atavratmesssi/status/1119684568964128770?s=19

VIDEO: Portieri i Anglisë përfshihet në sherr masiv

Sport Ekspres — Mon, 01 Apr 2019 22:09:59 +0000

Ngjarje e shëmtuar në Sandërlend, ku portieri i Kombëtares angleze Xhordan Pikford u përfshi në një grindje masive, ku nuk munguan as grushtet.

Ylli i Evertonit dhe Anglisë ishte në Sandërlend për të takuar miqtë e tij, pasi është prej atij qyteti dhe ka luajtur me “Macet e zeza” deri në viirn 2017.

Në dalje të një pabi Pikford u provokua nga disa tifozë, me shumë gjasa të Njukasllit, që lëshuan batuta edhe kundrejt të fejuarës së tij. Situata u nxeh dhe plasi boksi, ndërsa dikush filmoi me telefon dhe video ka marrë dhenë. Evertoni ka njoftuar se ka nisur një hetim për këtë histori.

Pickford got in shit yesterday apparently… pic.twitter.com/1Z77wdZMcz

— Cullo1878 (@alexmcculloug12) April 1, 2019

Barcelona i ofron rinovimit talentit, ia nis dokumentet gabimisht klubit rival

Sport Ekspres — Fri, 29 Mar 2019 15:12:55 +0000

Barcelona është klub i fuqishëm, i pasur dhe shumë i organizuar, por ndonjë gafë e bëjnë ehe punonjësit e saj. ESPN kanë publikuar sot një histori interesante rreth klubit katalan, që ka bërë një gafë komike.

Bëhet fjalë për një talent të Barcelonës, Ilaix Moriba, i cili sapo ka mbushur 16 vjeç dhe kjo e lejon të firmosë për çdo klub që ka dëshirë.

Mesfushori me origjinë nga Gana është pjesë e Spanjës U17 dhe shumë i talentuar, ndaj Barça i ka bërë ofertë shumë joshëse për ta mbajtur në klub.

Problemi është se e-maili nisur agjentit të futbollistit gabimisht iu dërgua drejtorit teknik të klubit rival të qytetit, Espanjolit.

Drejtuesit e Espanjolit mbetën gojëhapur kur lexuan e-mailin, sepse bëhej fjalë për shifra astronomike, më të larta se disa lojtarë të ekipit të parë te Espanjoli.

Moriba, gjithsesi, e ka arritur marrëveshjen me Barcelonën dhe sezonin e ardhshëm do të luajë me Barcelonën B.

(VIDEO) Penallti pa dashje, kapiteni 13-vjeçar i Gallatasaraj habit të gjithë

Sport Ekspres — Wed, 27 Mar 2019 14:42:27 +0000

Një ndeshje për ekipet Under-14 mes Gallatasaraj e Istanbulspor ka përfunduar në qendër të vëmendjes, për shkak të një gjesti të kapitenit të Gallatas, Beknaz Almazbekov.

Djaloshi nga Kirgizstanii fitoi një penallti pas një rrëzimi në zonë, por realisht nuk u prek fare nga mbrojtësi dhe u pengua pa dashje.

Arbitrja nuk e kuptoi dhe dha 11-metërsh, mes protestave të futbollistëve të Istanbulsporit, por vetë Almazbekov rregulloi gjithçka. 13-vjeçari e mori përsipër ekzekutimin e penalltisë dhe gjuajti jashtë qëllimisht.

Fair-Play që shumë futbollistë profesionistë nuk e kanë!

Nejmar hap krahun, tani numri 10 i “Seleçaos” është… Donald Tramp

Sport Ekspres — Tue, 19 Mar 2019 20:17:39 +0000

Presidenti i Brazilit, Zhair Bolsonaro, ka kryer vizitën e tij të parë zyrtare në SHBA. Gjatë takimit në Shtëpinë e Bardhë me homologun e tij Donald Tramp, Bolsonaro i dhuroi njeriut më të pushtetshëm në Amerikë një fanellë të kombëtares braziliane me mbiemrin e tij dhe numrin 10.

Natyrisht dhe presidenti amerikan i kishte marrë masat duke i dhuruar homologut të tij një fanellë të kombëtares amerikane.

Tramp është një fans i madh i futbollit, por atij amerikan, gjithsesi djali i tij i vogël Baron Tramp nuk i ka ngjarë babait duke preferuar futbollin që njohim të gjithë. Baron është pjesë e akademisë së DC United, ekip ku luan futbollisti i njohur anglez Uejn Runej.

Batuta e hidhur e Tefik Osmanit: Po të ishte Real Madridi shqiptar…

Sport Ekspres — Wed, 06 Mar 2019 08:00:32 +0000

Reali i Madridit u shpartallua nga Ajaksi në Bernabeu, duke u eliminuar nga Champions League, edhe pse kishte fituar në Amsterdam.

Eliminimi i bujshëm i Realit ka nxitur reagimin e Tefik Osmanit, i cili në Instagram ka postuar një mesazh të shkurtër, por kuptimplotë.

“Po të ishte Reali shqiptar, çfarë nuk do shkruanin shqiptarët. E shitën, turp, hiqni fanellat, ilaçe lekët që marrin dhe shumë gjëra të tjera“.

E qartë ironia e një futbollisti që ka parë shumë gjëra në karrierën e vet, por edhe ka duruar shumë akuza e ofendime, sepse në Shqipëri flasin të gjithë, janë specialistë të gjithë, e dinë si dalin ndeshjet kur ato kanë mbaruar..

Fantazia rumune: dordolecët zëvendësohen nga… korbat!

Sport Ekspres — Sun, 03 Mar 2019 11:23:04 +0000

Duhet ta shikosh, që ta besosh! Në Rumani, klubi kryesues i kampionatit, CFR Kluzh, ka gjetur një mënyrë qesharake për të trembur pëllumbat e korbat që të mos i afrohen fushës stërvitore.

Në vend të dordolecëve, ambientet stërvitore janë “zbukuruar” me korba të ngordhur, të varur anës fushës!

Gjithçka bëhet për të trembur shpendët e tjerë, apo edhe gjarpërinjtë, sipas asaj që shkruajnë mediat rumune.

Një nga ato lajme që të lë gojëhapur: kaq të çuditshëm janë njerëzit!

This is absolutely shocking and idiotic. According to Digisport, CFR Cluj decided to kill 4 crows and hang them around their training camp. Reason: they don’t want OTHER crows to come and eat the grass seeds which were just planted. pic.twitter.com/SIkcF78S79

— Emanuel Ro?u (@Emishor) March 1, 2019

Golfi është sport superseksi, e vërteton bukuroshja Lucy Robson

Sport Ekspres — Wed, 27 Feb 2019 23:25:11 +0000

Lucy Robson është një femër shumë seksi, por si ajo ka pa fund nëpër botë. Çfarë e bën të veçantë këtë vajzë?

Ajo praktikon sportin e golfit, një pasion më shumë sesa profesion, sepse në të vërtetë Lucy është një modele super e nxehtë, që ia vlen ta studiosh për mënyrën si luan… golf!

Feeling cute, might delete later?????

A post shared by Lucy Robson (@lucyrobson) on Feb 18, 2019 at 8:43am PST

Just practicing some moves for Valentine’s Day!! ? jk I’ll be at home cuddling with my dog ?

A post shared by Lucy Robson (@lucyrobson) on Feb 12, 2019 at 10:06am PST

It’s better in the bahamas.. @atlantisbahamas @whitesandsbah

A post shared by Lucy Robson (@lucyrobson) on Feb 3, 2019 at 5:28pm PST

Just call me @taniatare63

A post shared by Lucy Robson (@lucyrobson) on Nov 26, 2018 at 9:13am PST

VIDEO | Harrojini çmimet “Oscar”, në internet plas ironia!

Sport Ekspres — Mon, 25 Feb 2019 18:57:09 +0000

Në futboll, lojtarët që simulojnë janë të shumtë dhe shumë futbollistë “kryqëzohen” në rrjetet sociale për veprimet e tyre. Më i kritikuari, është Nejmar, por dhe emra si Heri Kejn dhe Mohamed Salah nuk mbeten pas.

Një video e postuar nga “90min” në faqen e tyre zyrtare në “Facebook”, ka plasur ironia pas çmimeve “Oscar”, duke thënë se aktorët e vërtetë janë disa futbollistë. Video e publikuar ka ironizuar jo pak me disa futbollistë: Për simulimet e tyre në fushën e lojës dhe për veshjet qesharake që zgjedhin në evenimente gala.

“Kur luaja te Barcelona, faleminderit që më kujton vëlla”, Osmani s’i lë shakatë

Sport Ekspres — Mon, 18 Feb 2019 21:14:47 +0000

Tefik Osmani vazhdon të jetë shumë aktiv në rrjetet sociale dhe tregon edhe njëherë tjetër se shakatë janë pjesë e pandarë e tij. Pas ngacmimeve brenda Shqipërisë, Osmani ka “shtegtuar” në Spanjë, duke përdorur një postim te yllit argjentinas, Leo Mesi për të vënë dhe emrin e tij.

Mbrojtësi dhe kapiteni i Teutës ka postuar një “InstaStory” në Instagramin e tij foton e Lionel Mesit me Serxhio Buskets, duke shkruar: “Faleminderit që më kujton vëlla. Kur luaja te Barcelona”, duke iu referuar mesfushorit Buskets, lojtar që i ngjan shumë Osmanit. Edhe njëherë tjetër, mbrojtësi i Teutës rikthehet në qendër të vëmendjes me kreativitetin e tij…

Postimi i mbrojtësit Osmani

VIDEO | Evra feston Shën Valentinin me panda, Osmani me… gomar

Sport Ekspres — Thu, 14 Feb 2019 18:13:14 +0000

Tefik Osmani dhe francezi Patris Evra janë shumë të ngjashëm… Në fakt, nuk kanë asnjë lidhje me njëri-tjetrin, por ajo që bëjnë në rrjetet sociale shkakton shpeshherë të qeshura. Francezi Evra ka me miliona ndjekës dhe shprehja e tij “I Love This Game” është bërë hit, duke u përmendur në të gjithë botën.

Ndërsa Osmani, është një nga futbollistët shqiptarë më aktivë në rrjetet sociale. Mbrojtësi i Teutës ka qenë sërish protagonist sot, në ditën e Shën Valentinit, pasi është munduar të “kopjojë” francezin Patris Evra.

Ky i fundit publikoi një video në “Twitter”-in e tij zyrtar, ku shihet se po feston ditën e Shën Valentinin me një arush panda. Një njeri me kostumin e pandas, por kjo pak rëndësi ka.

Happy Valentine’s Day everyone! Share the love always but especially today ??? ahahahaha I Loveeeee This Game ?????? #ValentinesDay #ILoveThisGame pic.twitter.com/50jl8PhPE3

— Patrice Evra (@Evra) February 14, 2019

Ndërsa Osmani, është treguar më origjinal. Mbrojtësi ka publikuar një foto në “InstaStory”, një burrë i moshuar me lule në dorë, mbi… gomar. Dhe njëherë tjetër, Osmani tregoi se është një nga futbollistët më gazmorë në Superiore.

Postimi i Tefik Osmanit

Hamilton mbret në pistë, i çmendur me pushime

Sport Ekspres — Sun, 03 Feb 2019 10:51:12 +0000

Në mars nis Botërori i Formula 1, por Ljuis Hamilton nuk bën pushime normale, me plazh e festa VIP.

Kampioni i botës, një ndër më të mëdhenjtë në historinë e Formula 1, është protagonist edhe jashtë piste, sepse pushimet e tij nuk janë normale.

Në janar Hamilton publikonte në rrjetet sociale foto duke bërë sërf në një pishinë me dallgë artificiale oqeanike, një eksperiencë e rrallë, ku britaniku tregoi se ishte goxha i zoti.
https://www.instagram.com/p/BtJg30ohTcg/?utm_source=ig_share_sheet&igshid=1i5pgd3n48nzr

Ditët e fundit Hamilton ka bërë diçka të pabesueshme, duke u marrë me parashutizëm.

“Kam patentën për parashutizëm. Ndjesia kur je duke fluturuar është e pabesueshme. Lere mënjanë frikën dhe provoje”, shkruan Hamilton.

https://www.instagram.com/p/BtZAaAkh3Hb/?utm_source=ig_share_sheet&igshid=1b9prz8wczzkg

VIDEO: Hazard gabon llogaritë, David Luiz e korrigjon me një shpullë

Sport Ekspres — Fri, 25 Jan 2019 13:38:25 +0000

Moment komik pas ndeshjes së djeshme mes Çelsit e Totenhemit në Kupën e Ligës në Angli, ku Çelsi fitoi me 11-metërsha dhe u kualifikua për në finale.

Eden Hazard, i shpallur Lojtari i Ndeshjes, po jepte intervistë dhe po thoshte: “Ata shënuan në rastin e vetëm që patën, ne patëm disa raste, por nuk shënuam“.

Aty ndërhyri David Luiz, i cili priste radhën për intervistë. Braziliani e goditi me shuplakë pas koke, duke i tërhequr vëmendjen: “15“, duke bërë që Hazard të korrigjohej: “Po, patëm 15 raste për gol“.

#davidluiz slapping #hazard head for Saying #Chelsea only had a ‘couple of chances’ and tells him It was actually 15 ??? #CHETOT #luiz #spurs #CarabaoCup pic.twitter.com/7s5IazRo7D

— Jp (@Jessptl) January 24, 2019

“Një vizitë në burg”, ylli i Totenhemit e kaloi fundjavën në polici

Sport Ekspres — Wed, 16 Jan 2019 09:01:26 +0000

Mbrojtësi i Totenhemit, Serzh Orjer, e kaloi mbrëmjen e së shtunës në polici, pasi u arrestua sepse dyshohej se kishte dhunuar të dashurën. 26-vjeçari nga Bregu i Fildishtë mungoi pikërisht për këtë arsye në ndeshjen e së dielës Totenhem-Man Utd.

Futbollisti nga Bregu i Fildishtë u përfshi në një grindje të ashpër me të dashurën e tij Hencha Voigt, një modele me të cilën ka edhe një fëmijë 1 vjeç.

Fqinjët sinjalizuan policinë, që prangosi futbollistin, i dyshuar për dhunë fizike ndaj të dashurës, edhe pse kjo nuk e ka denoncuar.

Orjer ka pasur probleme edhe në Francë, kur luante për PSG, ndërsa në një rast iu mohua hyrja në Angli për shkak të precedentëve penale.

Roma kërkon të blejë Mesin… në Twitter!

Sport Ekspres — Thu, 10 Jan 2019 17:50:28 +0000

Profili i Romës në anglisht në Twitter është një spektakël më vete, sepse klubi verdhekuq ka një menaxhim të veçantë të faqes dhe gjithnjë dhuron perla humori.

Ditën e sotme Roma mori pjesë në një sondazh të kanalit britanik “Sky Sports”, duke habitur të gjithë në Twitter.

“Cilin lojtar do donit që klubi yt të blinte në merkaton e janarit dhe pse?”, ishte pyetja e Sky.

Roma u përgjigj menjëherë, mjaft qartë: MESSI, duke e shoqëruar me ikonën e një dhie, që në anglisht përkthehet G.O.A.T. (Greatest of all time, Më i madhi i të gjitha kohërave).

Messi, ? https://t.co/wpUFpxeiUw

— AS Roma English (@ASRomaEN) January 10, 2019

PËRGJIGJJA E BARCELONËS – Një ëndërr, pak humor dhe përgjigje pikante nga Barcelona, po në Twitter: “Nëse e di, e di“, duke iu referuar “Më të madhit të gjithë kohërave“.

? When you know, you know.. ? https://t.co/BMIEBInVRH

— FC Barcelona (@FCBarcelona) January 10, 2019

I zakonshmi Vidal, borxhet në Itali e marrin në qafë

Sport Ekspres — Tue, 08 Jan 2019 19:18:38 +0000

Në një futboll ku futbollistët janë nën kontroll total nga agjentët dhe klubet, ka edhe disa rebelë, si Balotelli apo Arturo Vidal.

Ky i fundit është një personazh i veçantë, sepse gjithnjë përfundon në qendër të vëmendjes për ndonjë problem që nuk ka lidhje me futbollin.

Tani ish-mesfushori i Juventusit është në telashe me drejtësinë italiane, sepse Marca raporton se i janë konfiskuar nga gjykata në Torino 4 banesa në Monkalieri.

Sipas të përditshmes spanjolle, që ka publikuar edhe dokumentin që mbështet lajmin, gjithçka lidhet me një çështje të hapur prej vitit 2017, pasi Vidal nuk kishte shlyer në kohë një borxh prej 18.489 eurosh.

Në fund të vitit të shkuar Vidal kishte marrë paralajmërimin e fundit, por nuk e kishte vrarë mendjen.

VIDEO | Basti për Superclasicon i kushton portierit, Lamela kthehet në “berber”

Sport Ekspres — Fri, 14 Dec 2018 09:59:50 +0000

Shpesh kemi parë baste të ndryshme midis futbollistëve, si dhe premtime nga më të ndryshmet në rast se një objektiv arrihet të bëhet realitet. Erik Lamela, argjentinasi që aktivizohet me Totenhem, së bashku me portierin Paolo Gazaniga, që të dy argjentinas, kanë vënë një bast përpara finales së madhe të “Copa Libertadores”.

Lamela, njihet si një mbështetës i River Plejt, pasi lojtari ka dhe një të kaluar me argjentinasit, ku dhe u bë i njohur në arenën evropiane. 26-vjeçari ka vënë një bast me shokun e tij të skuadrës, portierin Gazaniga, ku Lamela ishte për River Plejtin si fituese të Libertadores, ndërsa portieri për Bokën.

Qëllimi i bastit ishte që kush lojtar do të humbiste, do i duhej të qethte flokët. Humbësin besoj e kuptuat të gjithë, pasi River Plejt është kurorëzuar kampione e Amerikës së Jugut, ndërsa Lamela ka nisur punën. Argjentinasi ka postuar një video, ku shfaqet duke qethur Gazanigën, si për të treguar bastin e fituar dhe përmbushjen e premtimit nga ana e shokut të tij të skuadrës.

And on the subject of ex-River players, @ErikLamela won a Libertadores bet with Boca supporting Spurs teammate Paulo Gazzaniga [via @SC_ESPN]pic.twitter.com/rHAjWJ2udD

— Peter Coates (@golazoargentino) December 13, 2018

Autogol dhe batuta, Batshuaj “masakron” Fil Xhons

Sport Ekspres — Thu, 13 Dec 2018 20:18:30 +0000

Mbrëmja e së mërkurës në Champions prodhoi rezultate surprizë, si fitorja e bujshme e CSKA-së së Moskës në Bernabeu, por edhe humor, me situata komike si ajo që prodhoi autogoli i Fil Xhons në Valencia. Ishte autogoli i parë pas shumë vitesh në Champions për Mançester Junajtid dhe i fundit që kishte shënuar autogol ishte pikërisht Fil Xhons.

Phil Jones – own goal.

This is 100% Romero’s fault. A keeper who likes to come off the line has to read two things: (1) the speed of the ball and (2) if their defender will reach it.

Romero misread both of them. pic.twitter.com/TCqrRqN76p

— AMKFootball (@AMKFootball) December 12, 2018

Pas ndeshjes nisën batutat dhe protagonistë ishin mbrojtësi anglez dhe sulmuesi i Valencias Miçi Batshuaj, me të cilin pati Xhons pati një duel pa fund gjatë ndeshjes. Batshuaj ndikoi, me presingun e tij në kufijtë e faullit, që Xhons të gabonte me pasimin që u shndërrua në autogol.

Gafë apo gabim normal, debati është i hapur, rëndësi ka të harrohet gjithçka dhe të shihet përpara, duke u munduar të nxirren mësimet e duhura.

Glad you like guys… but can we talk about Phil Jones face first ? ? #anotherone https://t.co/dLUjQw5Uh8

— Michy Batshuayi (@mbatshuayi) December 12, 2018

Megjithatë, pikërisht Batshuaji nuk i është ndarë Xhonsit, duke e tallur me një postim në Twitter në përgjigje të një postimi , ku vë në lojë shprehinë në fytyrën e Xhons, i cili në Angli është shpesh objekt humori për mimikat e fytyrës: “Më bëhet qejfi që u kanë pëlqyer këpucët e mia, djema, por a flasim fillimisht për fytyrën e Fil Xhons?”.

FOTO | Çmenduri angleze, Origi “përjetësohet” nga tifozi i Liverpulit

Sport Ekspres — Wed, 05 Dec 2018 18:41:16 +0000

Derbi i Merseyside i luajtur fundajvën e kaluar pati një fund mjaft emocionues, teksa pas një gafe të Pikford në sekondat e fundit të ndeshjes, bëri Divok Origin t’i jepte fitoren Liverpulit dhe të ringjallte sulmuesin belg, pas shumë kohësh.

Goli i shënuar nga 23-vjeçari çmendi në festë Jurgen Klop, por jo vetëm. Një tifoz, duket se ka thënë përpara ndeshjes, që në rast se Origi shënon gol unë do ta bëj tatuazh. Kjo gjë ndodhi, dhe tifozi e ka mbajtur premtimin e tij.

Tifozi në fjalë, ka bërë tatuazh në këmbën e tij emrin e Origit, pra Divock dhe e ka shkruar: “D1v0ck”, ku numri 1 simbolizon shkronjën “i” dhe njëkohësisht dhe numrin e golave të Liverpulit në derbin e fundit, ndërsa numri 0 simbolizon shkronjën “o” dhe njëkohësisht shifrën e golave të Evertonit. Diçka mjaft e veçantë.

VIDEO | Tmerri i përjetuar, Donaruma hero me penalltinë e pritur!

Sport Ekspres — Mon, 03 Dec 2018 21:29:20 +0000

Programi italian i “Le Iene”, në “Italia 1”, ka vendosur t’i bëjë një surprizë të hidhur portierit të Milanit, Xhanluixhi Donaruma. 19-vjeçari i talentuar ka qenë “viktima” e radhës e kamerës së fshehtë të emisionit të famshëm italian.

Pjesë e rrengut kanë qenë dhe menaxheri i futbollistit, Mino Rajola, si dhe të afërm të Donarumës. Portieri ka qenë duke blerë rroba në një dyqan, kur një person i armatosur dhe i veshur me rrip eksplozivi është futur në dyqan.

Ai ka qenë në kërkim të Lejlës, ish-të fejuarës së tij. Kjo e fundit nuk ka qenë e pranishme në dyqan dhe personi i armatosur ka sjellë panik tek të pranishmit, mes tyre dhe Donaruma.

Kulmi ka arritur kur shitësi, në përpjekje për të qetësuar personin e rrezikshëm, i ka thënë që do e prezantonte me një futbollist të famshëm. Donaruma ka tentuar ta qetësojë personin e armatosur, duke insistuar në pajtimin e tij me Lejlën, ndërsa gjithçka është zgjidhur nga një lojë “play-station”.

Nëse fitonte gardiani i Milanit, “terroristi” do i linte të gjithë të pranishmit të lirë. Nëse humbiste, ai dhe të gjithë të tjerët do të vdisnin! Donaruma u përgatit për ndeshjen e jetës dhe në fund arriti të priste penalltinë vendimtare, duke u shpëtuar jetën të gjithëve.

19-vjeçari i “pafajshëm” është lumturuar, por në fund i kanë treguar të vërtetën e “rëndë”. E gjitha ishte një rreng dhe kamera e fshehtë. Nuk ia vlen të mendosh se si është ndjerë në ato momente, vetëm ai e di…

VIDEO | Çfarë tersi Luiz Gustavo, autogoli është komik!

Sport Ekspres — Thu, 29 Nov 2018 20:39:10 +0000

Luiz Gustavo është një lojtar me eksperiencë të jashtëzakonshme, ka fituar gjithçka në karrierë dhe ka luajtur 60 ndeshje në kupat e Europës.

Megjithatë, u desh të vinte ndeshja e 60-të që të shënonte autogolin e parë dhe çfarë autogoli!
Marseja luan sot në Frankfurt dhe që në 17 minutat e para pësoi dy gola, në një ndeshje pa vlerë në fakt, sepse francezët janë eliminuar.

Gustavo shënoi këtë super-autogol në minutën e 17-të…

Luiz Gustavo just scored this own goal. pic.twitter.com/z5S21ChcQT

— Jan ?íha (@HonzaRihaftbl) November 29, 2018

VIDEO | Jurgen Klop humbet “fillin” e konferencës: Po më flet një zë erotik në kufje!

Sport Ekspres — Wed, 28 Nov 2018 15:16:39 +0000

Jurgen Klop dihet se është një trajner i paparashikueshëm. Shpesh e kemi parë që të bëjë veprime ”të çuditshme”. Gjermani di që të dhurojë spektakël edhe në konferencat për shtyp, ku nuk i rezervon batutat apo ndonjë moment që ai e kthen në situatë komike.

Në konferencën para ndeshjes me Liverpulin, trajnerit i është dashur që të ketë dhe një përkthyese, e cila i fliste në kufje, pasi gazetarët ishin nga vende të ndryshme. Gjithsesi, në një moment të caktuar, trajneri e ka humbur thelbin e pyetjes, pasi ishte fiksuar pas zërit që i fliste në kufje.

Klop nuk nguroi që ta tregonte në atë moment se personi që po fliste kishte një zë shumë erotik. Humor në sallë, por tekniku i PSG-së kërkon që ta përsërisë dhe një herë pyetjen, si për të dëgjuar “zërin erotik”, por dhe për të kuptuar pyetjen që të gjithë e kaluan në planin e dytë.

Klopp et… la voix érotique de la traductrice ? pic.twitter.com/jtSzwzlNkq

— beIN SPORTS (@beinsports_FR) November 28, 2018

(VIDEO) Maradona “tapë”, intervista më absurde në histori!

Sport Ekspres — Mon, 26 Nov 2018 21:03:22 +0000

Diego Maradona po e udhëheq skuadrën meksikane Dorados drejt ngjitjes në divizionin e parë, sepse tashmë ka siguruar kualifikimin për në finalen e madhe në play-off, por ish-Pibe de Oro mbetet gjithnjë në qendër të vëmendjes edhe për absurditetet që e rrethojnë.

Një intervistë pas ndeshjes së fundit të Dorados, në ndeshjen kundër Huarez, është bërë objekt humori dhe debati, sepse Maradona pati një pauzë aq të gjatë, sa mund të ishte luajtur edhe një pjesë tjetër loje dhe ai të mos e mbaronte fjalinë.

Pyetja e gazetarit ishte në lidhje me nivelin e kampionatit meksikan, por 58-vjeçari me sa duket ishte “tapë”, sepse nuk ka si shpjegohet ndryshe ajo që ndodhi më pas. Shihni videon…

Diego Maradona with one of the greatest post-match interviews ever. pic.twitter.com/jIJuF2Ppyv

— ESPN UK (@ESPNUK) November 26, 2018