Atje do të përballen me dyshen moldave Bobcis-Korsakov. Me dy fitore dhe një humbje, këto ishin statistikat e shqiptarëve në tre ndeshjet e para. Ndërkohë në ndeshjen e katërt, Serbia nuk pranoi të dilte në fushë dhe të luante me Kosovën. Erioni dhe Ermali i përshëndetën me festimin e shqiponjës… /Sport Ekspres/

“Është normale që të ndodhë në një ndeshje finale. Me afrimitetin tonë dhe të prindërve me profesorin është diçka normale. Prandaj edhe ne në atë video nuk kemi reaguar, pasi nuk është ndonjë veprim për të bërë bujë dhe nuk është dhunë. Thjesht quhet një veprim, jo dhunë. Prindërit e dinë që është çdo gjë normale, sepse edhe prindërit tanë kanë shumë afrimitet me profesorin. Gjithashtu, ata kanë qenë në ndeshjen tonë. Kanë parë çdo gjë, çdo veprim që bëjmë ne, dhe na kanë thënë që e meritojmë një të gjuajtur ose të sharat e profesorit, sepse është një ndeshje finale dhe çdo ndeshje e ka një të tillë”, ka thënë volejbollistja e Skënderbeut./Halit Delibashi-Sport Ekspres/

Kjo ishte finalja e pestë mes tyre, e cila i jep fund edhe garës për titullin kampion. Partizani fiton me rezultat të përgjithshëm të ndeshjeve 3-2 dhe shtojnë një tjetër kupë në vitrinën e klubit historik shqiptar./Halit Delibashi-Sport Ekspres/

“Ishte vërtetë një finale shumë emocionuese dhe një atmosferë shumë e mirë. Unë e kisha të njohur atë atmosferë ndoshta. Fakti që po luaja në shtëpi dhe çdo gjë ishte si një finale. E shijuam fitoren, sepse ishte një fitore që vinte nga disavantazhet. Ishim gjatë gjithë kohës në disavantazh dhe arritëm të fitonim diçka që vërtetë kishim punuar fort.

Tashmë po bëhen gati 7 muaj që po jetoj në Korçë. Për mua ishte një ndjenjë shumë e veçantë. Ishin njerëz që unë i kisha parë prej vitesh. Po luaja në Prishtinë, po luaja në një kompeticion që me ekipet kosovare nuk e kisha pasur mundësinë. Duke luajtur kundër një ekipi të Kosovës, por duke mbrojtur ngjyrat e Skënderbeut, ishte siklet që po luaja kundër Kosovës dhe po fitoja me Shqipërinë, pavarësisht që nuk janë ato inatet. Shqipëria më hapi dyert, ashtu siç ia hapi mamasë sime dikur.

Mungesa e spektatorëve? Faktikisht, në qytetet e tjera po, ndërsa në Korçë nuk mungon spektatori. Pallati është gjithmonë i mbushur plot. Ne ishim mësuar. Por ishim mësuar ta kishim gjithmonë turmën përkrahë nesh, ndërsa në Prishtinë kishim vetëm drejtuesit e klubit, familjarët e mi, shoqëria ime dhe gjithë të tjerët që kishin ardhur nga Korça për të na parë. Të kesh kundër turmën nuk është e lehtë“, është shprehur Edona Kalludra./Halit Delibashi-Sport Ekspres/

“Volejbolli besoj se është sporti i parë i harruar në Shqipëri, për vetë kushtet që kemi, për financat. Një pjesë e rëndësishme e sportit janë tifozët. Te ne vijnë vetëm familjarët tanë, edhe ata kur i marrim ne me zor. Janë edhe rrogat. Normalisht që çdokush punon për lekë. Nuk ka financa. Kushtet mungojnë. Unë personalisht gjithmonë jam larë në shtëpi pas ndeshjeve. Dushet lënë për të dëshiruar. Nuk janë kushtet për t’u larë“, ka treguar Silvana Bushati./Halit Delibashi-Sport Ekspres/

Për më tepër, mburret me përgatitjet për Botërorin e volejbollit. “FIVB po punon ngushtë me federatën ruse të volejbollit dhe komitetin organizativ të Volejbollit 2022 në përgatitjen e ngjarjeve të ndryshme të volejbollit dhe volejbollit të plazhit që do të zhvillohen në këtë vend. Gjithçka po shkon sipas planit”, shkruante deklarata e FIVB për agjencinë Reuters.

“Megjithëse FIVB beson se sporti duhet të mbetet i ndarë nga politika, ne po monitorojmë nga afër situatën për të garantuar sigurinë dhe mirëqenien e të gjithë pjesëmarrësve në ngjarjet tona. Ky është prioriteti ynë”, përfundon deklarata. /Elio Hajdari-Sport Ekspres/

Ëndrrat në luftë gjithnjë janë të forta dhe të largëta… dhe ato vështirësoheshin më shumë, kur mbështilleshin me merakun e drejtë të familjes, që kujdesej thjesht për ekzistencën fizike  të vajzës së vogël.

Në atë kaos shoqëror Kleitja triumfoi, duke u mbështetur fort te magjia e topit.

Nga bankat e shkollës në parket… kjo është historia e veçantë e Kleitja Parllaku, e cila gjatë karrierës së saj 14-vjeçare në volejboll fitoi gjithçka duke përfaqësuar edhe vendin në arenën ndërkombëtare.

Karriera e Kleitja Parllaku, ka kaluar vetëm në dy stacione, Studenti, me të cilët u bë pjesë në tetor të 1998 dhe pas 8 vitesh të suksesshme ku fitoi çdo trofe të mundshëm u transferua te UMB Volley me shumë polemika, ku edhe mbylli karrierën në 2012.

Kleitja, si lindi pasioni për volejbollin? Kush të afroi për herë të parë në parket?

Ka qenë mësuesja e edukimit fizik në shkollën 8 vjeçare “Lidhja e Prizrenit”, e cila më sugjeroi për herë të parë të merrem me volejboll. Isha vetëm 13 vjeç dhe ishte hera e parë që dëgjoja për këtë sport.

Kur e nise volejbollin besoje se do të arrije këto nivele?

Nuk e mendoja kurrë se volejbolli do bëhej pasioni im më i madh dhe profesioni im në të ardhmen. Kam kaluar një periudhë të jashtëzakonshme, duke fituar trofe të rëndësishëm kolektivë dhe individualë.

Për shumë vajza Ela Tase është sportistja që i bëri vajzat të dashurojnë volejbollin, po ju?

Padiskutim që po. Ela bëri krenar gjithë shqiptarët, ishte një sportiste e jashtëzakonshme, arritjet e saj janë shkruar me gërma të arta në librat e volejbollit shqiptar.

Ke luajtur volejboll në një moment të vështirë, pas 1997 vetëm për sport nuk mund të flitej. Si i binde prindërit për t’u marrë me volejboll?

Ka qenë shumë e vështirë për t’i bindur. Ishte periudhë shumë e vështirë. Çdo ditë i lutesha prindërve të më regjistronin në volejboll, por ishte e pamundur. Kam insistuar shumë, derisa një ditë u ktheva nga shkolla dhe i thashë sot do shkojmë të takojmë trajnerët e ekipit të Studentit. E kisha lënë takimin vetë pas mbështetjes nga mësuesja e edukimit fizik, e cila ngulmonte për të nisur volejbollin. Sot që e mendoj po të mos kisha vepruar kështu, ndoshta nuk do të kisha luajtur kurrë volejboll.

Për të arritur gjërat që do, duhet të sakrifikosh; ju shoqëronin prindërit në atë periudhë në stërvitje?

Sakrificat kanë qenë të medha. Mbaj mend që në vitet e shkollës gjithmonë çanta ime ishte shumë e rëndë. Në të mbaja librat e shkollës dhe bazën materiale për t’u stërvitur, sepse më duhej të shkoja në stërvitje menjëherë sa mbaroja shkollën. Ka qenë mami ime, e cila më shoqëronte çdo ditë në stërvitje, nuk bëhej fjalë që vajzat të lëviznin vetëm nëpër rrugët e Tiranës. Kanë qenë kohë tepër të vështira, por ndihem krenare për zgjedhjen që kam bërë.

Si e kujton ndeshjen tënde të parë, debutim në parket?

Është një ndjesi unike. Nuk mund t’i përshkruaj ato emocione. Aty mësova se çfarë është ndjenja e përgjegjësisë. Kam qenë shumë e vogël dhe ndonjëherë mendoja a mund ta përballoj dot gjithë këtë ngarkesë emocionale.

Ke fituar shumë trofe dhe medalje, cila është më e veçantë?

Gjatë karrierës sime kam fituar trofe të rëndësishëm, por sezoni 2004-2005 ka qenë ndër më të veçantët, sepse e nisëm si një ekip pa objektiva të mëdha dhe në fund arritëm të fitonim çdo trofe të mundshëm.

Ke luajtur me shumë vajza gjatë karrierës së gjatë, mikesha juaj më e mirë nga parketi?

Nuk do t’i harroj kurrë  momentet që kalonim me vajzat në stërvitje, në ndeshje dhe gjatë grumbullimeve. Luaja me vajza të shkëlqyera në një ekip fantastik. Mikja ime më e mirë është Nerisa Kuqi.

Maja për një sportist është të përfaqësojë ekipin kombëtar. Çfarë momentesh do të veçoje?

Ftesa nga kombëtarja shqiptare ishte e jashtëzakonshme. Emocionet e para me fanellën kuqezi nuk mund t’i përshkruaj me fjalë. Kemi pasur shumë grumbullime, rezultate befasuese. Jam krenare që kam përfaqësuar vendin në arenën ndërkombëtare.

Po momentet më të vështira?

Momenti më i vështirë në sport për mua ka qenë në 2006 kur më detyruan të bëja një vit pushim. Unë isha pjesë e Studentit dhe kisha disa oferta. Mu desh të rrija një vit pa luajtur në mënyrë që të merrja kartonin dhe të bëhesha pjesë e UMB Volej, pas insistimit të trajnerit Kreshnik Tartari.

Çfarë ke mësuar nga jeta sportive?

Për mua sporti është shumë i rëndësishëm për formimin e karakterit të një individi. Mbi të gjitha të mëson disiplinën, rregullin, si të sillesh në shoqëri dhe të injekton mentalitetin e fituesit.

Pasi u tërhoqe si sportiste, dashuria për volejbollin ishte e madhe dhe vendose të trajnoje vajzat e reja. Si e përshkruan këtë eksperiencë?

Të merresh me moshat e reja është kënaqësi e madhe, por edhe lodhje sigurisht. Pas 2013 nisa një rrugëtim të ri si trajnere me vajzat e vogla. Është ndjesi e veçantë kur pasionin dhe dashurinë që ke për volejbollin e përcjell te brezat e tjerë.

Sot të rinjtë e kanë humbur dashurinë për sportin, preferojnë më tepër lojërat elektronike. Si mund t’i kthejmë sërish te parketi apo fushat me bar jeshil?

E vërtetë dhe besoj që është shqetësuese. Në ditët e sotme është bërë e vështirë t’i largosh fëmijët nga telefonat dhe t’i drejtosh në sport. Duhet të ketë më shumë ambiente për të ushtruar sportin dhe kjo gjë duhet bërë me profesionalizëm dhe seriozitet. Qeveria duhet të hartojë politika për t’iu shërbyer fëmijeve. Në shkolla aktualisht lënda e edukimit fizik pothuajse është e pamundur të realizohet si duhet. Unë në shkollë u dashurova me sportin, kjo duhet të ndodhi edhe me brezat e rinj, por që kjo të realizohet duhet të funksionojnë mekanizmat…

I ndjek ndeshjet finale të kampionatit shqiptar?

I ndjek sa herë kam mundësi dhe gjithmonë kam emocion, sikur luaja vetë, veçanërisht kur luajnë ish ekipet e mija.

A duhet një organizim më i mirë nga federata, për ta promovuar më tepër sportin e volejbollit?

Gjithmonë ka shumë për të bërë. Mua më vjen shumë keq që volejbolli nuk ka të njëjtin nivel me vitet e kaluara. Të vjen keq kur i sheh pallatet e sportit bosh.

Si kampionati ashtu edhe kombëtarja kanë rënë në kualitet vit pas viti, sipas jush përse ka ndodhur?

Ekipet zinxhir duhet të funksionojnë më mirë. Nëse nuk ka masivitet nuk mund të ketë cilësi dhe progres.

Në fund diçka për të shtuar?

Për mua është kënaqësi të flas gjithmonë për volejbollin. Sporti është zgjedhja më e mirë që kam bërë. Edhe sot që u bënë kohë që jam larguar nga parketi, sa herë shoh ndeshje finale momenti i ngritjes së kupës më emocionon pa masë.

Një mesazh për vajzat që duan të t’i përkushtohen volejbollit?

Të bëhesh një sportiste e mirë duhet ta dashurosh shumë këtë sport. Kryesorja është puna dhe disiplina nëse do të arrish majat. Vetëm duke u stërvitur fort çdo ditë mund të ecësh përpara. Sigurisht që duhet të jeni të gatshëm të bëni edhe sakrifica të mëdha, sepse nëse shoqet e tua dalin apo argëtohen t’i duhet të mbash regjim.

SKEDA ME ARRITJET E KLEITJA PARLLAKU

STUDENTI

1999- fitues të Kupës Rinia (të reja)

2001- fitues të kampionatit kombëtar (të reja) dhe Kupës së Federatës

2003- fitues të kampionatit kombëtar

2004- fitues të Kupës së Shqipërisë

2005- fitues të Kupës së Shqipërisë dhe të kampionatit kombëtar

2006- fitues të Kupës së Federatës

UMB Volley

2009- fitues të Kupës së Shqipërisë

2010- fitues të Kupës së Shqipërisë

EKIPI KOMBETAR

2001- Women’s Youth Ballkan Championship Lehivo/Greece

2002- Junior Girl’s Ballkan Championship Tokat/Turkey

2003- International tourmant of Pescara, fitues të kompeticionit

Edhe Federatat e volejbollit kanë gjetur marrëveshjen e tyre për të bërë një Kosovën me Shqipërinë. Superkupa Mbarëkombëtare e Volejbollit është kupa më e re për ekipet në të dyja anët e kufirit. Në të do të luajnë kampioni i Shqipërisë me atë të Kosovës, si dhe fituesit e Kupës së të dy shteteve si për meshkuj ashtu edhe për femra.

Një nismë për t’u duartrokitur kjo që bashkë me “Ligën Unike“ shërbejnë si një “shuplakë“ e fortë për qeveritë tona që për vite nuk kanë mundur dot të bëjnë atë që sporti ka bërë këto kohë. Shqiptarët po mësojnë së fundi fuqinë e vërtetë që mbart me vete sporti, pasi vetëm ai duket po bën realitet ëndrrën për bashkim./Halit Delibashi-Sport Ekspres/

Njoftimi i Federatës Shqiptare të Volejbollit:

SUPERKUPA MBARËKOMBËTARE E VOLEJBOLLIT

Pas një takimi informal, të mbajtur të martën në mbrëmje në Durrës, drejtuesit e Federatës Shqiptare të Volejbollit dhe ata të Federatës së Volejbollit të Kosovës, kanë finalizuar hollësitë e marrëveshjes së arritur në shkurt të këtij viti, për organizimin e Superkupës Mbarëkombëtare të Volejbollit. Kjo Superkupë do të organizohet si midis kampiones së Shqipërisë dhe asaj të Kosovës si për femra, ashtu edhe meshkuj, por edhe midis fitueses së Kupës së Shqipërisë dhe asaj të Kosovës, për të dyja gjinitë. Kjo Superkupë Mbarëkombëtare do të zhvillohet në hapësirat midis fazave të kampionateve përkatëse, ndërsa datat e sakta do të zyrtarizohen në javët në vijim..

Sipas Pëllumbit, Kosova është një shembull i mirë, kjo jo vetëm për ligjin e sportit, por për buxhetin disa herë më të madh që qeveria e Kosovës i jep sektorit të sportit. Neglizhenca e shtetit shqiptar po ndikon direkt në ecurinë e klubeve të volejbollit në Shqipëri, ku shumë prej tyre nuk kanë mundësi financiare për të siguruar përfaqësimin në evenimentet ndërkombëtare.

“Ligji i sponsorizimit në Kosovë nuk është se po funksionon, por buxheti i tyre për sportin është i mjaftueshëm për të mbajtur në nivele të kënaqshme sportet e ndryshme dhe t’u mundësojë atyre përfaqësimin në eventet ndërkombëtare”.

“Sporti në Shqipëri është në gjendje të mjerueshme. Nuk e meritojmë këtë lloj diskriminimi. Ligji i ri i sportit është një iniciativë për t’u përshëndetur, por problemi kryesor në Shqipëri është buxheti i vogël, duhet të dyfishohet”.

Të pafat kuqezinjtë, që e humbën në mënyrë krejtësisht të rastësishme setin e parë, 25-22, ndërsa fituan 25-15 të dytin. Shpresat për finalen u shuan shpejt, megjithatë, sepse Mali i Zi i fitoi 25-19 dy setet e tjera, duke siguruar finalen.

Në finale Mali i Zi do të përballet me Greqinë, pasi kjo e fundit mundi Serbinë 3-1. Kjo do të thotë se të shtunën në mbrëmje Greqia do të luajë për trofeun ballkanik kundër Malit të Zi, ndërsa Shqipëria për një vend në podium, përballë Serbisë.

VOLEJBOLL / KAMPIONATI BALLKANIK U20

TE SHTUNEN, 28/06/2019

11:30 Maqedonia e Veriut – Kosovë (vendet 7-8)

14:00 Rumani – Bosnje-Hercegovinë (vendet 5-6)

16:30 Shqipëri – Serbi (vendet 3-4)

19:00 Mali i Zi-Greqi (FINALE)

Ky ishte takimi i fundit i fazës së grupeve, ku më parë Shqipëria mundi Kosovën dhe Greqinë. “Kampionati Ballkanik” është një turne që zhvillohet në Tiranë prej datës 24 qershor, në të marrin pjesë tetë përfaqësuese U20 të shteteve të ballkanit.

Ky ishte takimi i  dytë e Shqipërisë në këtë turne që zhvillohet në Tiranë prej ditës së djeshme. Në sfidën e mëparshme Shqipëria regjistroi fitore 3 – 0 ndaj Kosovës. Ditën e nesërme kuqezinjtë do zhvillojnë ndeshjen e fundit të fazës së grupeve kundër Maqedonisë së Veriut.

Kampionati Ballkanik është një turne që zhvillohet në Tiranë në datat 24-28 qershor. Shqipëria, Kosova, Maqedonia e Veriut, Rumania, Mali i Zi, Greqia, Bosnja dhe Serbia janë skuadrat pjesëmarrëse që janë ndarë në dy grupe me nga katër skuadra.

Shqipëria U20 3 – 0 Kosova U20
(25 – 9, 25 – 11, 25 – 13)

Thaka sezonin e fundit është aktivizuar në Poloni, ndërkohë që më parë ka luajtur edhe në Sllovaki. Sava nis një etapë të re në karrierën e saj dhe do kërkojë të bëjë sa më mirë.

“Kombëtarja e basketbollit të femrave rikthehet të luaje përballë publikut shqiptar. Ditën e Shtunë, datë 17 Nëntor në kompleksin olimpik “Feti Borova” në Tiranë, vajzat kuqezi të basketbollit do të përballen me kundërshtarët nga Hungaria.

Blinibileta.com vazhdon shitjen e biletave për këtë event çdo ditë pranë biletarisë së stadiumit “Selman Stërmasi”, si dhe ditën e ndeshjes pranë kompleksit “Feti Borova”. Çmimet e biletave janë 200 lekë të reja”, njofton Federata Shqiptare e Basketbollit.

Ndeshja me Hungarinë është e parafundit për kualifikueset e Eurobasket femra 2019. Më 21 nëntor vajzat kuqezi luajnë ndeshjen e fundit kundër Lituanisë. Vajzat kuqezi prej disa ditësh janë grumbulluar në Korçë dhe stafi teknik i përbërë nga Viron Toska dhe Ledina Koçi po punojnë me seriozitet me vajzat e ftuara për këto dy ndeshje.

https://www.facebook.com/blinibilet/photos/a.574123219624422/714667168903359/?type=3&theater&notif_t=page_post_reaction&notif_id=1542094774563317

Seti i parë u fitua nga Italia me rezultatin (25-21), ndërsa vajzat serbe nuk u përmbajtën në setin e dytë. Ato fituan me rezultatin (14-25), duke barazuar sfidën.

Në setin e tretë trajneri Mazanti bëri një ndryshim në formacionin e Italisë. Pietrini u fut në vendin e Sylës, ndërsa seti i tretë nisi mirë për Serbinë, që u shkëput me rezultatin 1-6. Italianet reaguan, duke arritur të fitojnë në fund me dy pikë diferencë. Paola Egonu ishte deçizive në këtë set, duke shënuar pikën e fundit.

Seti i katërt foli për Serbinë që udhëhoqi (2-8) dhe (5-9). Italia reagoi duke ngushtuar diferencën, por seti shkoi për Serbinë, që fitoi me rezultatin (19-25).

Gjithçka u përcaktua në setin e pestë dhe atë final. Fillim i mirë i italianeve, të cilat shkëputen me rezultatin (3-1) dhe më vonë (7-6). Loja ka ritëm dhe frikë për të mos gabuar. Serbia përmbysi rezultatin, duke kaluar në (8-10), ndërsa arriti të fitonte setin me rezultatin (12-15). Fitore e madhe për vajzat serbe, të cilat shpallen Kampione Bote, ndërsa zhgënjimi në kampin italian ishte shumë i madh.

ITALI – SERBI 2-3
(25-21, 14-25, 25-23, 19-25, 12-15)

AND IT IS SERBIA!! ???
WORLD CHAMPIONS! ???
3-2 against Italy at the #VolleyballWCHS final, congratulations!!https://t.co/k6uoJpysZr pic.twitter.com/ys59PMW4iW

— CEVolleyball (@CEVolleyball) October 20, 2018

GJERGJ VYSHKA

Polonia nisi dominimin prej fillimit të setit të dytë, ku ylli i mbrëmjes ishte Kurek, ndërsa në ndihmë të skuadrës erdhi edhe Salpuk, si një alternativë mjaft e vlefshme në fazën ofensive. Mesatarja e pikëve të realizuara ishte e shkëlqyer për skuadrën e Hejnen, që e mbylli këtë set me fitoren e lehtë 25-20.

Dominimi i Polonisë, që vazhdoi të luante me të njëjtin ritëm dhe goditja psikologjike e pësuar nga Brazili ndikuan që edhe seti i tretë të fliste për kampionët e rinj të botës, ku përveç Kurek, i cili e mbylli takimin me 24 pikë, spikatën edhe kapiteni Kubiak, Salpuk dhe Drzizga. Kampionët e botës konfirmohen në “çatinë” e volejbollit global, duke fituar titullin e tretë në histori, pas atyre të viteve 1974 dhe 2014. Në anën tjetër, kampionëve Olimpikë të Brazilit u mbetet të kënaqen vetëm me medaljen e argjendtë.

Për të ardhur në finale Partizani mundi Studentin me rezultatin 3-0. Një ndeshje e dominuar nga ekipi i drejtuar prej Ylli Tomorit, pasi të kuqtë triumfuan duke i fituar tre setet me diferencë të konsiderueshme: 21-14, 25-18 dhe 25-16.

Kështu Partizani sfidon sonte Tiranën, që e kishte siguruar më parë finalen. Bardheblutë mposhtën 3-1 Erzenin kampion në fuqi. Kryeqytetasit fituan setin e parë 25-20, ndërkohë që shijakasit reaguan dhe fituan setin e dytë me të njëjtin rezultat. Më pas Tirana triumfoi në dy setet e tjera 25-17 dhe 25-22, duke u kualifikuar në finale.

FINALJA E FEMRAVE – Po sot luhet edhe finalja e Kupës së FSHV-së për femra. Ky takim nis në orën 18:00. Barleti Volley kaloi në finale pasi mundi Tiranën me rezultatin 3-2 (22-25, 25-11, 25-27, 25-18, 15-13) dhe përballë do të ketë Partizanin. Vajzat e skuadrës së kuqe mundën Teutën me rezultatin 3-0 (25-19, 25-17, 25-21) dhe kërkojnë trofeun.

Ndonëse gjithçka u duk se do të merrte për mirë për vajzat ruse, të cilat fituan në dy setet e para, nuk ndodhi kështu pasi italianet arritën që të përmbysnin gjithçka në tre setet e fundit. Një sukses mëse i merituar ky për Italinë U-19, që në fund festoi jo pak për këtë sukses.

Sa i përket garës për vendin e trete dhe të katër, ishte Polonia, ajo që me jo pak vuajte Turqinë. Edhe në këtë ndeshje u deshën plot 5 sete, për të përcaktuar skuadrën që do të ngjitej në “podium”.

Hasku ishte pjesë e Partizanit sezonin e fundit, ndërsa më parë luante për UMB Volley, duke shkëlqyer dhe duke u bërë edhe pjesë e kombëtares shqiptare.

Volejbollistja 19-vjeçare me origjinë nga Lezha, 1.84 e gjatë, ka spikatur me lojën e saj në qendër dhe ka bindur klubin zviceran ta afrojë për sezonin e ardhshëm.

Edhe Federata Shqiptare e Volejbollit e ka uruar volejbollisten kuqezi, ndërsa Lugano i ka uruar mirëseardhjen edhe në shqip, duke prezantuar në faqen e vet zyrtare.

Presidenti i Luganos, Paolo Bernaskoni, është kujdesur personalisht për këtë transferim dhe ka fjalë shumë të mira për Sarën: “Ajo pasqyron në mënyrë perfekte tipin e atletes ku klubin ynë synon të investojë: e re, me vullnet dhe me hapësira të mëdha përmirësimi. Jam i bindur që nën supervizionin e trajnerit tonë Galimberti ajo do të jetë një nga surprizat e sezonit të ardhshëm”.

Gjergj Vyshka

Barleti Volej – Partizani 1-3 (0-3)

(25-23, 23-25, 19-25, 12-25)

Barleti Volej: Am.Prenga, Gjermeni, Pira, M.Tuci, Braho, Picaku, Shabaku (L)/Agolli, Brati, Xhelilaj, Çaushaj, Neli Trajner: H.Gurabardhi

Partizani: E.Tuci, Xheka, Nezaj, Matraku, Medina Shakoa Uinderlis Gisel, Feuerharmel De Oliveira Larisa, Fagu (L)/Shera, Hasku, Blloku, Meçorapaj, Saliaj (L) Trajner: R.Tarja

Gjyqtarë: T.Zguri, Ko.Gjoka (Tiranë)

Asistentë: K.Tota, L.Nurçe (Tiranë)

Partizani është kampion i Shqipërisë në volejboll për femra, kjo pas plotë 64 vitesh. Ka mundur Barleti Volej, ndërsa për të pestë herë radhazi, një herë në Kupën e Shqipërisë dhe katër herë në kampionat, fiton me të njëjtin rezultat 3-1. E ky mund dhe duhet të quhet plotësisht viti i Partizanit, sepse theu hegjemoninë e Barletit Volej, që kishte të paktën katër vjet që nuk njihte kundërshtar. Në fund të fundit edhe volejbolli shqiptar i femrave ka nevojë për ndërrim fytyre. Ndaj quhet sukses që Partizani sot është kampion i Shqipërisë në volejboll për femra, ndërsa do të jetë nder nëse do të marrë pjesë dhe në Kupat e Evropës, atje ku ekipet e vajzave mungojnë prej gjashtë vitesh.

Ndeshja

Barleti Volej mundohet të bëjë të vështirin, ndërsa arrin që të marrë setin e parë në pikët e fundit 25-23. Madje kryeson dhe në të dytin përgjatë gjithë kohës, ndërsa Partizani nuk arrin të rritet në nivelin e kërkuar. Nuk janë në gjendjen e tyre më të mirë jo vetëm të huajat De Oliveira dhe Shakoa, por as Tuci e Nezaj, apo dhe të tjerat. Për rrjedhojë me shumë vështirësi Partizani e ka marrë setin e dytë 25-23. Dhe këtu Partizani lirohet, ndërsa e fiton setin e tretë 25-19. Dhe për t’i vënë vulën suksesin shërben seti i katërt, që e ka fituar me rezultat 25-12. Kaq mjafton dhe në sallën kryesore të Pallatit të Sportit “Asllan Rusi” festa është tërësisht e kuqe. Dhe e meriton Partizani një aktivitet të tillë

Ceremonia

Në ceremoninë e dorëzimit të kupës për Partizanin kanë qenë të pranishëm presidenti i Komitetit Olimpik Kombëtar Shqiptar, Viron Bezhani, presidenti i Federatës Shqiptare të Volejbollit, Erlind Pëllumbi, anëtari i kryesisë Ilia Vasili, si dhe sekretari i përgjithshëm Albens Vokopola. Sapo kapitenia e Partizanit, Esmeralda Tuci, ka ngritur trofeun, të gjithë kanë shpërthyer nga gëzimi. Festë, thirrje, foto, ndërsa gjithçka ishte në mbretërinë e Partizanit.

Rikthimi i Mirditës në elitën e volejbollit shqiptar mbetet padyshim një lajm i mirë për sportin shqiptar, një ekip me traditë në volejbollin tonë, që gjithnjë ka treguar dashuri për sportin e rrjetës. Ky rezultat u arrit edhe falë mbështetjes që jep Bashkia e këtij qyteti për skuadrën e volejbollit si dhe ndihmës financiare nga sponsori i skuadrës Muhamet Troplini. Ndërkohë që mbështetja e tifozerisë mirditore nuk ka munguar asnjëherë, duke përkrahur vajzat në ndeshjet e kampionatit.

Presidenti Erlind Pëllumbi përcolli në këtë ceremoni edhe përshendetjen dhe urimin e Ministres së Sportit, Lindita Nikolla, që vlerëson këtë rezultat të arritur nga skuadra e Mirditës. “Më vjen mirë që Rrësheni do të jetë sërish në hartën e elitës së volejbollit shqiptar, një qytet që e do sportin e volejbollit dhe që gjithnjë ka treguar dashuri për të. Unë uroj skuadrën e stafin e saj si dhe të gjithë ata që kanë bërë të mundur këtë rikthim të Mirditës në elitën e volejbollit. FSHV ju uron suksese në të ardhmen”, tha presidenti Erlind Pëllumbi. /fshf.org.al

Mbi rrjetë në lartësi arrin 3 metra, kurse në bllok 2.75 metra. Pozicioni i saj është diagonaliste me pasin në pozicion katër në fushë. Në karrierën e saj nuk ka luajtur ndonjëherë në Evropë dhe eksperienca me Partizanin është e para në kontinentin tonë.

Të kuqet kanë pasur dhe vitet e kaluara lojtare të huaja, si malazeze, apo braziliane. E tashmë me Shakoan duket se kërkojnë të jenë më të plotë si ekip për të pretenduar marrjen e titullit kampion dhe të Kupës së Shqipërisë. Prezantimi me skuadrën e trajnerit Roland Tarja do të bëhet sot.

Barleti Volley ka dominuar grupin e vet, duke i fituar pastër të tre ndeshjet, ndërsa Tirana fitoi bindshëm dy ndeshjet ndaj Vllaznisë e Korabit.

Teuta nuk e ka humbur qetësinë, teksa setin e parë e ka fituar Skënderbeu, 25-17. Tre sete radhazi nga durrsaket 25-15, 25-13 dhe 25-19 dhe 3-1. Po kështu lehtësisht ka fituar dhe Partizani ndaj Lushnjës, 3-0, teksa ka fituar dy sete 25-17 dhe të fundit 25-21. Partizani kishte siguruar gjithçka që dje dhe ka pasur mundësi të provojë edhe vajza të reja, përtej titullareve. E kështu, Partizani dhe Teuta janë gjysmëfinaliste të Kupës së Shqipërisë.

Renditja

Skuadra                N             F              H             Set.                        P

Partizani               3              3              0              9-1                          9

Teuta                    3              2              1              7-4                          6

Skënderbeu           3              1              2              4-6                          3

Lushnja                 3              0              3              0-9                          0

Gjergj Vyshka

Problemi i mungesës së pagave në klubin shumësportësh Studenti, apo vonesa e tyre, nuk është kaq i thjeshtë sa mund të duket. E thënë ndryshe nuk është aq i thjeshtë sa kërkohet të minimizohet nga drejtuesit aktual të klubit shumësportësh Studenti. Ata që duket se po e vuajnë më shumë këtë mungesë pagash janë djemtë e volejbollit të meshkujve, të cilët në këtë periudhë kanë pasur dhe rezultate pozitive, ndërsa në kampionat kanë humbur vetëm një ndeshje me Partizanin. Dhe atë që ndodh aktualisht, ndërsa një gjë të tillë duket se e vuajnë dhe disiplinat e tjera, kjo që nga qitja, basketbolli, mundja, pingpongu, xhudo, karateja, noti etj, e tregon trajneri i Studentit, Altin Demi. Në sezonin 2016-2017, teksa skuadra drejtohej prej Arben Sakos, Demi ka qenë në rolin e ndihmëstrajnerit. Dhe shuma që ai ka marrë për detyrën që ka bërë është katastrofale. “Nga viti i kaluar – tregon Demi për Sport Ekspres – kam marrë vetëm 7000 lekë të rinj; një herë 5000 lekë dhe një herë tjetër 2000 lekë. Më thoni çfarë mund të bëhet ndryshe? Çfarë mund t’i thuhet lojtarëve, të cilët ashtu sikurse unë janë të gjithë familjarë dhe bëjnë një punë për të cilën duhet të paguhen. Nuk e di a do vijnë në stërvitje, apo jo, sepse me këtë gjendje që jemi e kanë kthyer në fakultative. E thënë ndryshe vijnë kur t’i teket. Është problem i mprehtë dhe nuk bëhet më fjalë për rezultate, apo stërvitje. Ndaj kemi kërkuar sensibilizimin e situatës, sepse nuk mund të vazhdohet më kështu”. Dhe gjithçka ka lindur spontanisht nga një kërkesë që Sport Ekspres ka bërë ndaj trajnerit Altin Demi për të folur për rezultatet e skuadrës së tij. “Ju merreni – thotë Demi – me fanellat kanë apo s’kanë emra mbi shpinë. Në fakt ka të tjera probleme më të mëdha. Ndaj dhe po e themi që gjendja është e vështirë”. Aktualisht Studenti është klub që varet prej Ministrisë së Arsimit, Sportit dhe Rinisë dhe merr buxhet shteti. Por ajo që ndodh nuk është normale, sepse të gjithë ngrejnë shpatullat kur i pyet “a i keni marrë pagesat?!”.

Çfarë pat thënë shefi i klubit, Blendi Nallbani?

Prej më shumë se sa dy javësh në drejtim të redaksisë së gazetës Sport Ekspres është lëshuar një informacion që sportet në klubin shumësportësh Studenti kanë gjashtë muaj që nuk paguhen, apo që volejbolli të hënën e kaluar pat lënë dhe seancën stërvitore, e cila qe mbuluar me mungesën e dritave në sallën Nr.2 të Pallatit të Sportit “Asllan Rusi”. Ja se çfarë pat thënë shefi i klubit shumësportësh, Blendi Nallbani, rreth kësaj situate: “Nuk është aspak e vërtetë që volejbolli ka lënë seancën stërvitore, por ka pasur një fikje të dritave 15-20 minuta në sallën nr.2 të Pallatit të Sportit “Asllan Rusi” dhe më pas gjithçka është normalizuar. Nuk besoj se është problemi i vonesave të pagave ajo që ndikoi në humbjen me Partizanin. Unë kam qenë vetë sportist dhe për atë që më takonte kam bërë fjalë i pari, ama kur kam hyrë në fushë gjithçka e kam harruar. Volejbollit i takojnë, sikurse i takojnë të gjitha sporteve, sepse e kanë merituar. Por nuk duhet të harrojnë se janë disiplina sportive më e paguar dhe e trajtuar në klubin tonë. Ne kemi një fond të caktuar financiar, i cili është i limituar. Ardhja në shtator e tre disiplinave sportive të reja na detyroi që të paguanim dhe këto. E tashmë kemi kërkuar dhe një fond shtesë nga Ministria e Arsimit, Sportit dhe Rinisë për të plotësuar të gjitha disiplinat sportive. Deri në fund të këtij muaji gjithçka do të jetë e plotësuar, sikurse deri në fund të vitit nuk do të ketë asnjë të papaguar. Nuk e di se çfarë është bërë më parë, por të paktën në periudhën time në krye të këtij klubi nuk ka mbetur asnjë pa u paguar. Gjej rastin të falënderoj Drejtorinë e Sportit në Ministrinë e Arsimit, Sporti dhe Rinisë, por dhe Drejtorinë e Financës, që bëri të mundur krijimin e këtij fondi shtesë dhe më tej akoma lëvrimin e tij sa më të shpejtë. Ne një pjesë të borxhit ndaj “Asllan Rusit” e kemi paguar dhe atë që ka mbetur, kjo dhe falë dashamirësisë së kryebashkiakut Veliaj dhe institucionit të tij, ndërsa gjej rastin që ta falënderoj, na e kanë falur. Që do të thotë se ne tani mund të stërvitemi normalisht në sallën Nr.2 të Pallatit të Sportit “Asllan Rusi”, ndërsa kemi pasur dhe probleme kur për shkak makinacionesh na kanë hequr nga shkolla 9-vjeçare “Misto Mame”. E theksoj me bindje, Studenti nuk ka probleme financiare, por vonesa që do të zgjidhen deri në fund të këtij muaji, apo deri në fund të vitit”.

Studenti i sezonit 2017-2018

• Ledjon Rama
• Enea Martini
• Emiljano Xhabrahimi
• Ervis Bici
• Grios Pirra
• Aldo Kupi
• Denis Rama (kapiteni i skuadrës)
• Jurgen Gorenca
• Gracian Shehu
• Norgen Baruti
• Katriel Myrta
• Denis Bajrami
• Elvis Muça
• Ervin Kola

Trajner: Altin Demi, Agim Reka

Rezultatet e Studentit, sezoni 2016-2017

Studenti – Partizani 0-3           Kupa e Federatës

Erzeni – Studenti 2-3        Kampionat

Studenti – Elbasani 3-0      Kampionat

Farka Volej – Studenti 0-3   Kampionat

Studenti – Tirana 3-2        Kampionat

Teuta – Studenti 0-3         Kampionat

Skënderbeu – Studenti 1-3    Kampionat

Studenti – Partizani 1-3           Kampionat

Studenti – Vllaznia     ?         Kampionat

Totali 8 ndeshje; 6 Fitore, 2 humbje; Setavarazhi 19-9

Rusët triumfuan 3-2, në një finale të jashtëzakonshme, ku humbën për herë të parë një set në këtë turne.

Fillimi ishte rus, me setin e parë që përfundoi 25-19 për favoritët e mëdhenj, por gjermanët, që nuk u dorëzuan kurrë, barazuan 1-1 në setin e dytë (25-20). Sërish Rusia në avantazh, duke fituar setin e tretë 25-22, por në setin e katërt Gjermania dominoi, 25-17.

Vendimtar do të bëhet seti i pestë, me rusët që triumfuan në fund, 15-13, në një finale dramatike dhe spektakolare. Më i miri në fushë ishte Giorgi Grozer i Gjermanisë, me 27 pikë, por nuk mjaftuan, pasi Rusia ishte më mirë në tërësi, si ekip.

Ndërkaq, medalja e bronzit i shkoi Serbisë, që mposhti Belgjikën 3-2 në finalen e vogël (25-17, 22-25, 19-25, 25-22, 15-12).

FINALE

Gjermani – Rusi 2-3 (19-25, 25-20, 22-25, 25-17, 13-15)

Një fitore e Shqipërisë kundër Azerbajxhanit, në volejboll për meshkuj, ka tërhequr vëmendjen e Federbetit, që shkruan në Facebook: “Kompanitë e basteve partnere me Federbetin kanë marrë shumë baste të çuditshme në dy ndeshje për Euro League në volejboll për meshkuj.

1. Shqipëri-Azerbajxhan (23.06)
2. Suedi-Azerbaijan (25.06)

Janë luajtur disa baste të mëdha dhe shumë të veçantë. Të dy kundër Azerbajxhanit, të dy shumë të çuditshëm. ‘Shqipëria fitore me të paktën 5 pikë diferencë në setin e parë (-4.5/-5.5 linja aziatike) dhe ‘Suedia fitore me të paktën 5 pikë diferencë në setin e parë (-4.5/-5.5 linja aziatike).  Në rastin e parë Shqipëria e fitoi setin e parë 25-15, në të dytin Suedia e fitoi setin e parë 25-18.

Gabuam dje ndaj Suedisë, që na mundi keqas, ndaj sot ishim të detyruar të fitonim.

Suedia mposhti lehtësisht Azerbajxhanin dhe e shtoi presionin mbi tanët, që sërish nuk ia dolën ndaj Maqedonisë.

Një ndeshje në ndjekje, sepse Maqedonia ishte gjithnjë një hap përpara, duke kryesuar 1-0 me sete, 2-1 pas barazimit tonë e më pas seti final, ku nuk patëm shans. 15-10, gjithnjë në disavantazh dhe mbetemi në Tiranë. Për të ardhur keq, mbetemi sërish larg fazës finale.

Pas suksesit të djeshëm, pritej një fitore nga kuqezinjtë, që në fakt vuajtën shumë. Seti i parë përfundoi 25-22, me suedezët thuajse gjithë kohën në avantazh, ndërsa tanët nuk arritën të jepnin goditjen finale, kur pranë fundit bënë një kthesë të përkohshme.

Në setin e dytë u dërrmuam totalisht, duke u dorëzuar 25-12.

Reaguam në setin e tretë, duke fituar 25-23, por i njëjti rezultat u përsërit në setin e katërt në favor të nordikëve, edhe pse ishim ne që e nisëm më mirë.

Një disfatë e rëndë, që na detyron të fitojmë nesër, kundër Maqedonisë. Përballë është kombëtarja më e fortë e grupit, por gjithashtu e kualifikuar, ndaj shpresojmë që motivimi ynë të jetë më i madh.

Gjashtë ndeshje në Shqipëri, tre sfida jetike për kombëtaren tonë, që është pranë kualifikimit në fazën finale, pas dy fitoreve në Maqedoni.

Sot u luajt ndeshja e parë dhe erdhi triumfi 3-0 ndaj Azerbajxhanit, me tre sete të pastra, sidomos i pari.

Paraqitje perfekte e kuqezinjve, sidomos Anton Qafarenës dhe Gazmend Husaj.

Tani na duhet edhe një fitore në dy ndeshje dhe jemi në turin final.

Është bërë një punë e mirë nga federata e volejbollit për ndërtimin e një skuadre sa më cilësore. Grumbulluam një numër të madh lojtarësh, prej nga përzgjodhëm grupin final. Puna u organizua mirë dhe rezultati ishte premtues, pas ndeshjeve të para në Shkup. Megjithatë, ishte vetëm pjesa e parë, sepse këtë fundjavë kemi tre ndeshjet vendimtare në Tiranë, te Parku Olimpik.

SUEDIA – “Suedia është një rival cilësor, nuk e them për justifikim nëse na mund. Atë ndeshje e fituam më shumë me zemër, lojtarët dhanë gjithçka në fushën e lojës. E nisëm keq, disa gjëra nuk na ecën si e prisnim, por shpirti i vendosur në fushë solli përmbysjen.

MAQEDONIA – “Humbja ndaj Maqedonisë? Kishim përballë ekipin më kompakt të turneut, ka lojtarë cilësorë, që luajnë bashkë prej vitesh. Keqardhja është që ndoshta i respektuam më shumë sesa duhet, mund të kishim fituar ndonjë set, edhe pse kundërshtari ishte superior.

AZERBAJXHANI – “Reaguam mirë, duke fituar ndeshjen kundër Azerbajxhanit, që në fakt ishte favorit. Skuadra e kuptoi që kishte një shans të artë për të shpresuar te kualifikimi dhe e trajtoi si finale atë takim.

SYNIMET – “Skuadra është e re, edhe pse kemi disa lojtarë me përvojë si Xhelati, Husaj, Shurdhi e ndonjë tjetër. Kemi edhe disa djem të rinj, që janë debutues në këto nivele, ndaj nuk ishim të sigurt se sa mund të arrinim. Ende nuk jam i sigurt sa larg mund të shkojë kjo skuadër. Gjithsesi, jam shumë i kënaqur deri tani, sepse fituam dy ndeshje në Maqedoni me ndihmën e gjithë skuadrës, diçka mjaft e bukur, ndaj jam optimist. Njerëzit po na japin një shtysë të jashtëzakonshme, i lutem zotit që të marrim fitore, çka do të ishin pozitive për opinionin, popullin dhe për sportin e volejbollit, sepse njerëzit duhet të kuptojnë që në Shqipëri nuk luhet vetëm futboll. Volejbolli është një sport me traditë në Shqipëri dhe po punohet shumë për ta ringritur. Duhet shumë punë, por edhe para. Federata na ka krijuar kushtet më të mira të mundshme, jam i kënaqur, sepse po bëhet maksimumi i mundshëm për volejbollin e meshkujve dhe të femrave. Unë e di mirë sa e vështirë është të organizosh turne të tillë, me 4 ekipe, ndaj është një eksperiencë pozitive dhe federata meriton lëvdata.

THIRRJA – “Luajmë nga e premtja deri të dielën, është një kompeticion shumë i rëndësishëm dhe uroj që të kemi sa më shumë tifozë në mbështetje. Njerëzit duhet të kuptojnë që volejbolli është një sport i ndërlikuar, humbja dhe fitorja ndahen nga pak pikë, ndaj duhet një atmosferë e nxehtë dhe nuk duhet entuziazëm vetëm kur fitohet. Skuadra duhet të japë gjithçka dhe të transmetojë entuziazëm, ndërsa spektatori do të na e kthejë mbrapsht këtë energji”.

Kombëtarja e volejbollit të meshkujve ka arritur një fitore me shumë vlerë përballë Azerbajxhanit. Një fitore shprese që rrit ndjeshëm shanset për kualifikim në EUROLIGË.

Në ndeshjet e para të zhvilluara në Maqedoni, djemtë kuqezi kanë arritur fitoren e dytë përballë azerëve, duke lënë të hapur çështjen e kualifikimit për ndeshjet e kthimit.

Gjithçka ka nisur mirë për të besuarit e Jani Melkas, të cilët kanë fituar dy setet e para me të njëjtin rezultat 22-25. Seti i tretë ka shkuar në favor të azerëve, ndërsa në setin e katërt kuqezinjtë kanë dominuar plotësisht, duke triumfuar 10-25.

Fakti që ndeshjet e radhës do të luhen në Shqipëri i rrit akoma më shumë shanset që kombëtarja jonë të ecë akoma dhe më tej. Shqipëria ndodhet në grupin A së bashku me Suedinë, Maqedoninë dhe Azerbajxhanin. Ndeshjet e kthimit do të luhen në datat 23,24 dhe 25 qershor në Parku Olimpik “Feti Borova”.

Përballë skuadrës më të dobët në grup, që e mundëm bindshëm në Tiranë, Shqipëria ka humbur 3-1 në Minsk, rezultat që gjithsesi nuk ndryshon asgjë, sepse Austria e mbyll e fundit, poshtë Shqipërisë.

Në setin e parë dhe të dytë asnjë rezistencë nga Shqipëria, që u mund me rezultat identik 25-16.

Seti i tretë u fitua nga tonat, 25-18, por në të katërtin, që ishte më i luftuari i ndeshjes, u mundëm 25-23, pas 31 minutash beteje.

Prenga, Matoshi e Bici shënuan 46 pikë dhe Thaka ishte perfekte në bllok, por nuk ia dolëm, edhe për faktin se u evidentua problemi i zakonshëm, mungesa e një stoli cilësor.

Dominim total nga maqedonasit, më të freskët e të qartë dhe me shumë entuziazëm nga të luajturit para tifozerisë së vet.

Seti i parë u mbyll 25-21, me Shqipërinë që ishte gjithnjë në disavantazh. Seti i dytë edhe më keq, sepse vendasit fituan 25-16, ndërsa në setin e tretë tentuam gjatë dhe ishim në avantazh për një pjesë të mirë të takimit, por sërish u dorëzuar dhe u mundëm 25-22.

Nesër Shqipëria do të ndeshet me Azerbajxhanin dhe shpresa është që të arrihet fitorja që do të hapte rrugën e kualifikimit, sepse pas një jave të njëjtat ndeshje do të luhen në Shqipëri, aty ku shpresat për të paktën 2 fitore të tjera janë të mëdha.

Sot në Bjellorusi nuk ka pasur surpriza, sepse Kombëtarja Shqiptare e Volejbollit të Femrave është mundur 3-0 dhe konfirmohet zyrtarisht jashtë Ligës së Europës.

Skuadra e trajnerit Atin Mërtiri humbet vendin e dytë të Grupit B, duke zbritur në pozicionin e tretë me 6 pikë, ndërsa Bjellorusia shkon në 9 pikë.

Edhe nëse fitojmë nesër dhe humbjet Bjellorusia, sërish mbetemi të tretët, sepse jemi të disavantazhuar në përballjet direkte me kundërshtarët.

Seti i parë nisi në mënyrën më të mirë për vajzat kuqezi, që rivalizuan deri në pikën e 22-të, por më pas u dorëzuan.

Në setin e dytë nuk pati më histori, pasi bjelloruset dominuan 25-12, ndërsa në të tretin, ndeshja shkoi deri në barazimin 23-23, por skuadra shqiptare nuk arriti të qëndronte në lojë, duke u dorëzuar në dy pikët e fundit.

Një disfatë e pritshme, sepse ka diferenca të mëdha, por këto kualifikuese treguan se kombëtarja kuqezi ka hapësira të mëdha rritjeje, nëse punohet seriozisht, që tek ekipet e moshave.

Mos të harrojmë se ekipi dominues në grupin tonë, Finlanda, përbëhet nga vajza 19-22 vjeç.

(19-25, 23-25, 20-25)

Shqipëria: Marina, Ar.Prenga, Thaka, Bici, Rexhepi, Tuci, Sejfullai (L)/Matoshi, Sade Trajner: A.Martiri

Finlanda në volejboll për femra na e ka marrë dorën, ndërsa edhe dje në Minsk, atje ku është duke u luajtur stacioni i dytë i Ligës së Evropës, na ka mundur 0-3. E kemi nisur mirë setin e parë, ndërsa kemi kryesuar 8-7 në pushimin e parë teknik. Më pas Finlanda ka përmbysur në 13-16, 15-21 dhe ka marrë setin e parë 19-25. Edhe seti i dytë është për finlandezet 5-8, 11-16, 20-21 dhe në fund 23-25. Po kështu në të tretin 6-8. Kemi kthyer në 16-15, por sërisht janë finlandezet në avantazh 20-21 dhe krejt seti 20-25 dhe 0-3. Pikëshënuesja më e mirë e ndeshjes Pia Korhonen e Finlandës me 19 pikë e ndjekur nga Erblira Bici me 17 pikë, Arjola Prenga 15 pikë. Në bllok ka dalë fituese Laura Pihlajamaki dhe Arjola Prenga secila me katër të tilla. Kurse në shërbim Pia Korhonen e Finlandës me katër të tilla. Në total Shqipëria në tre sete ka shënuar 62 pikë prej të cilave 51 pikë vetë, kurse 11 pikë kanë ardhur nga gabimet e Finlandës, që vazhdon të jetë skuadër, e cila gabon shumë pak. Në krahun tjetër Finlanda në tre sete ka shënuar 75 pikë në total prej të cilave 53 pikë vetë, kurse 22 pikë kanë ardhur nga gabimet e Shqipërisë, që ashtu si në ndeshjen e parë thuajse e ka falur një set. Sot ndaj Bjellorusisë ndeshja vendimtare për vendin e dytë në grup.

Grupi A – Liga e Evropës

Shqipëri – Finlandë        0-3

Bjellorusi – Austri        3-0

Renditja

Skuadra         N    F    H    Setavarazhi          P

Finlanda        4    4    0    12-0                 12

Bjellorusia     4    2    2    7-6                  6

Shqipëria       4    2    2    6-8                  6

Austria         4    0    4    1-12                 0

Luhet sot

Finlandë – Austri          ora 15:30

Bjellorusi – Shqipëri      ora 18:00

Shqipëri – Suedi 3-2

(15-25, 23-25, 25-23, 26-24, 15-9)

Shqipëria: Bashi, Xhelati, Shurdhi, Kula, Deliu, Husaj, Kola (L), Musliu (L), Muslia (L)/Gjoklaj, A.Qafarena, Çali, Koçi Trajner: J.Melka

Shqipëria e meshkujve ka fituar me përmbysje në ndeshjen e parë të Ligës së Evropës, e cila është duke u zhvilluar në Shkup të Maqedonisë. Nga 0-2 në disavantazh në 3-2 ndaj Suedisë, në një ndeshje ku Gazmend Husaj është vendimtar me sulmet e tij. Sidomos në setin e tretë, të katërt dhe të pestë, shpërthimet e kosovarit të Inegol Beledejesi Bursa janë spektakolare. E në fund 27 pikë të shënuara dhe dy me shërbim e bëjnë Gazmend Husajn lojtarin e ndeshjes. Por nuk duhen harruar dhe Enea Xhelati, Alvi Shurdhi, Arqile Bashi, Asmend Kula, Amarildo Deliu dhe lojtarët e lirë Renato Kola dhe Italo Muslia, pa harruar këtu dhe zëvendësuesit Gjoklaj, Anton Qafarena, Redjo Koçi, Ervin Çali kanë bërë gjithçka mirë dhe e kanë merituar suksesin duke i dhënë shpresë vetes se do të jenë të tillë dhe në vazhdim ndaj Maqedonisë dhe Azerbajxhanit. Aq më tepër që stacionin e dytë të Ligës së Evropës do ta mirëpresim në Tiranë më 23-25 qershor.

Ndeshja

Faktikisht takimin e kemi nisur si të trembur, të pa ambientuar me arenën ndërkombëtare, ndërsa përvoja e pakët karshi kundërshtarit që ne kishim, i cili ishte Suedia, bënte të veten. Sidomos mungesa e miqësoreve, që shërbejnë për kolaudimin e skuadrës, e kanë bërë të veten. Dhe për rrjedhojë në setin e parë nuk jemi vetvetja, ndërsa Suedia kryeson vazhdimisht 5-8, 5-10, 10-16. Kemi një afrim 14-16, 15-17. Por këtu ndalemi dhe Suedia fiton 15-25. Setin e dytë e kemi nisur mirë, teksa kemi kryesuar 8-6, 16-13, 18-16, 22-20. E pikërisht atëherë kur mendohej se po shkonim drejt fitimit të setit të dytë, Suedia ndryshon rrjedhën e lojës dhe përmbys në 22-23 dhe merr setin 23-25. Duket sikur ka një nënvlerësim të suedezëve ndaj nesh, ndërsa në setin e tretë, teksa kanë kryesuar 7-8, 15-16, 20-22, janë pranë fitores. Por rizgjohet Husaj dhe Shqipëria nuk përmbahet më, ndërsa fitohet seti i tretë 25-23. Kuqezinjtë ngrihen psikologjikisht dhe kryesojnë në të katërtin 8-6. Përmbys Suedia në 15-16. Madje për nervozizëm ndaj gjyqtarit izraelit ka karton të kuq për Xhelatin dhe 17-18. Melka merr pushim dhe skuadra merr zemër dhe përmbys në 21-19. Pas barazimit 24-24 dy pikët me Husajn na japin fitoren e setit të katërt 26-24. Husaj fillimisht e Deliu në fund me shërbim dhe fitojmë setin 15-9 dhe krejt ndeshjen 3-2. Ajo që na ka çaluar gjatë ndeshje ishte sulmi në qendër i suedezëve, ndërsa Kula, apo Bashi e kanë pasur të vështirë të ndalin vrullin e nordikëve. Megjithatë ia kemi dalë të fitojmë.

Shifrat

Pikëshënuesi më i mirë i ndeshjes është Gazmend Husaj i Shqipërisë me 27 pikë i ndjekur Fredrik Gustavson i Suedisë me 18 pikë, si dhe Enea Xhelati e Erik Sundberg me 13 pikë. Në bllok ka dalë fitues Gustavson i Suedisë me tre mure fituese, ndjekur nga David Peterson dhe Erik Sundberg me dy të tilla, e po kaq dhe Enea Xhelati. Në shërbim është fitues Amarildo Deliu me tre të tilla i ndjekur nga Gazmend Husaj, apo dhe Linus Ekstrand, David Peterson me dy të tilla. Në total Shqipëria në pesë sete ka shënuar 104 pikë prej të cilave 69 pikë vetë, kurse 35 pikë kanë ardhur nga gabimet e Suedisë. Në krahun tjetër Suedia në total ka shënuar 106 pikë prej të cilave 65 pikë vetë, kurse 41 pikë kanë ardhur nga gabimet e tanëve, që kështu e kanë merituar fitoren.

Grupi A – Liga e Evropës

Shqipëri – Suedi 3-2

Maqedoni – Azerbajxha 3-0

Renditja

Skuadra N F H Setavarazhi P

Maqedonia 1 1 0 3-0 3

Shqipëria 1 1 0 3-2 2

Suedia 1 0 1 2-3 1

Azerbajxhani 1 0 1 0-3 0

Luhen sot

Azerbajxhan – Suedi ora 17:00

Maqedoni – Shqipëri ora 19:30

Gjergj Vyshka

Erblira Bici është shquar se fenomen në kampionat. Por tashmë është e tillë dhe në kombëtare, ndërsa dje me lojën e saj të shkëlqyer në të gjitha drejtimet, i ka lënë të gjitha me gojë hapur. Jo vetëm shënonte, por në kthimin e topit nga kundërshtaret në shërbim u krijonte mundësinë që të shënonin të tjerat. Një proges që ka ardhur nga ndeshja në ndeshje në Ligën e Evropës. 12 pikë ndaj Finlandës me sulm, 21 pikë ndaj Austrisë dhe dje 32 pikë ndaj Bjellorusisë. E Erblira Bici është totalisht kombëtarja e Shqipërisë. Eksperienca tek Mondovi në Itali e ka ndihmuar shumë të rritet 20-vjeçaren, që po bëhet gradualisht një Ela Tase e dytë. Ja dhe intervista e saj për “Sport Ekspres”…

32 pikë të shënuara në total, 29 me sulm, dy me shërbim dhe një me bllok. Si mund të shpjegohet?

Si mund të shpjegohet? Për mua nuk është hera e parë që realizoj kaq shumë pikë, sepse e kam bërë dhe në kampionatin italian ku dhe aktivizohem prej një viti. Është një punë e madhe që ka bërë trajneri me mua dhe sigurisht që në kombëtare ky është një rekord. E rëndësishme është se sot e gjithë skuadra luajti me mua, u bë bashkë me mua, nuk pati xhelozira pse u dha topi atje e pse nuk u dha këtu. Dhe kjo është meritë e padiskutueshme e ekipit dhe i falënderoj, po pse jo dhe e dy trajnerëve Martiri e Tare që na kanë bërë grup ku nuk mund të çajë askush.

Sa ju ka ndihmuar përvoja italiane?

Shumë. Mos harroni që luaj në një kampionat të fortë dhe ke se çfarë mëson. Ua thashë dhe më sipër, me mua ka punuar shumë trajneri i ekipit. Ndaj jam në këtë pikë.

Ndërkohë sot jemi në vendin e dytë në Ligën e Evropës. A mundet të shpresojmë për më shumë?

Mundësitë janë. Vërtetë na mundi Finlanda, por kjo nuk do të thotë se nuk mund ta mundim ne në Bjellorusi. Ashtu sikurse do të pretendojmë ta mundim përsëri Bjellorusinë dhe Austrinë dhe mundësitë janë. Tashmë me këto dy fitore, që ia dedikojmë tifozëve tanë, kjo kombëtare mund të bëjë shumë mirë dhe në ndeshjet e tjera.

E pas Ligës së Evropës do të kemi ndonjë stacion të ri të Bicit?

Unë mendoj se do të jem përsëri në Itali me të njëjtën skuadër. Pastaj të shohim. E rëndësishme është se jam duke ecur mirë dhe kjo u shpreh dhe në fushë.

Së fundi, një dedikim?

Familjes sime, por dhe të gjithë skuadrës, e cila më mbështeti fort. Dhe gjithë bashkë ia arritëm që të dilnim fitues ndaj Bjellorusisë.

Dje mundëm Austrinë, sot ia dolëm kundër Bjellorusisë favorite, duke fituar 3-1.

Një ndeshje e madhe, një Shqipëri me zemër të madhe, e ndihmuar nga një publik fantastik.

Bjelloruset ishin mjaft të organizuara dhe e fituan setin e parë 25-22, por ndjesia ishte se isjim aty, pikë për pikë.

Duhej një shkëndijë dhe na e dha magjikja Erblira Bici, që ishte pa asnjë dyshim heroina e kombëtares sonë.

33 pikë, shërbime të frikshme e një nivel loje në rritje nga Bici, por e gjithë kombëtarja ishte në mbrëmjen e duhur.

Fitore 25-22 në setin e dytë dhe aty treni mori rrugën, me dy setet pasues 26-24 e 25-23, në një sfidë që emocionoi të gjithë.

Në fund, valle për vajzat kuqezi, jemi të dytat pas Finlandës perfekte, por tani kemi edhe 3 finale në Bjellorusi për ta ruajtur vendin.