Carja dha një paraqitje spektakolare, duke thyer tre rekorde europiane në kategorinë Youth (63 kg) dhe madje edhe një rekord bote në shkëputje për Youth.

Për këtë sukses të jashtëzakonshëm të sportistes Carja, ka reaguar edhe kryebashkiakja e Durrësit, Emiriana Sako.

“Urime të përzemërta peshëngritëses sonë të jashtëzakonshme, Enkileda Carja, që shkëlqeu në Kampionatin Europian për të Rinj & U23 që po zhvillohet në Durrës, duke u shpallur kampione e trefishtë e Europës!
Me një performancë fantastike, Enkileda theu 3 rekorde europiane dhe madje edhe 1 rekord bote, duke treguar forcë, vendosmëri dhe përkushtim shembullor”, shkruan Sako.

Carja i realizoi me sukses të gjashta provat, duke ngritur 98 kg në shkëputje, 118 kg në shtytje dhe 216 kg në dygarësh, duke shfaqur një performancë të shkëlqyer dhe plot vetëbesim.

Ky është një sukses i madh për talenten e Teutës, por edhe për trajneren e saj të palodhur, Eglantina Kalemi.

Kjo mbështetje vjen si reagim ndaj një vendimi të padrejtë të KOKSH, i cili refuzoi përfshirjen në rendin e ditës të një kërkese zyrtare dhe legjitime të FSHF-së, për të trajtuar zbatimin e vendimit përfundimtar të Gjykatës së Arbitrazhit për Sportin (CAS). Në vend të kësaj, në rend dite është vendosur një monolog i paralajmëruar i Presidentit të shkarkuar të KOKSH.

Vendimi i CAS ka shpallur të pavlefshme proceset dhe vendimmarrjet e mëparshme të KOKSH, duke renditur shkelje të qarta të të drejtave të anëtarëve dhe të procedurave statutore.

Refuzimi për të dëgjuar një anëtar të barabartë dhe për të diskutuar çështje të një rëndësie thelbësore institucionale përbën një shkelje të hapur të parimeve demokratike dhe të frymës olimpike. Ky veprim bie ndesh jo vetëm me Kartën Olimpike, por edhe me Kartën Evropiane të Sportit dhe çdo standard të mirëqeverisjes në organizatat sportive.

Kur federata më e madhe sportive në vend nuk lejohet të shprehë zërin e saj në një forum që duhet të jetë mishërim i demokracisë dhe barazisë, atëherë të gjithë ne, si anëtarë të kësaj organizate, jemi të ekspozuar ndaj të njëjtës padrejtësi.

Nëse FSHF nuk mund të flasë, kush tjetër mund të ketë garanci për lirinë e shprehjes dhe të drejtën për përfaqësim?

FSHSU ndan shqetësimin e FSHF-së për drejtimin jo transparent dhe përjashtues të KOKSH, i cili po dëmton funksionimin normal të organizatës dhe po minon besimin midis anëtarëve. Ne besojmë se çdo anëtar duhet të ketë të drejtën e barabartë për të shprehur, për të propozuar dhe për të marrë pjesë në mënyrë aktive në vendimmarrje.

Në këtë frymë, FSHSU njofton se nuk do të marrë pjesë në Asamblenë e 31-të të Përgjithshme të KOKSH, si protestë dhe solidaritet ndaj një procesi të deformuar dhe të padrejtë.

Ne do të vazhdojmë të mbështesim fuqishëm ligjshmërinë, transparencën, kontrollin dhe balancat, si dhe parimin e përfaqësimit të barabartë – si gurë themeltarë për një sistem sportiv të drejtë, të hapur dhe demokratik.

Kolturi ka dorëzuar kërkesën zyrtare në Komitetin Olimpik Ndërkombëtar për të përfaqësuar vendin e saj të lindjes, Italinë. Si afat përfundimtar për shqyrtimin e kësaj kërkese është vendosur data 1 maj. Në rast mosmiratimi, atëherë skiatorja do të qendronte për një vit jashtë garave të skive, duke humbur kështu edhe Lojërat Olimpike Dimërore 2026./Sport Ekspres/

“Gjithçka është bërë jashtë dijenisë së sportit universitar dhe sportit shkollor. Iniciativa që është marrë për të iniciuar këtë ligj, është marrë jashtë aktorëve kryesorë, Federata e Sportit Universitar dhe Shkollor. Që këtu fillon zanafilla e një ligji të parregullt, i jashtëligjshëm dhe pse jo absurd e abuziv gjithashtu. Ne kemi bërë përpjekjet tona me insititucionet përkatës, Ministrinë e Arsimit dhe Kuvendin e Shqipërisë, Ministria e Drejtësisë etj.

Kemi shpresuar që të paktën këto institucione serioze dhe të rëndësishme që drejtojnë jetën politike në vend të mund ta ndalin këtë ligj abuziv. Nuk besoj që ka një vend të botës, nëse ka unë tërhiqem, që të vërë KOKSH-in në pozitat e një federate sportive. Në të gjitha drejtimet, konsiderohet një shkelje e statutit të vetë, një shkëlje e nenit 27/9 të Komitetit Olimpik Ndërkombëtar. Në këtë rast, KOKSH-i po merr rolin e federatave sportive. Pra, po tjetërson edhe statutin e vetë”, ka deklaruar Besnik Veliu./Sport Ekspres/

Por KOKSH-i vazhdon ta injorojë fjalën e fundit të thënë nga KAS-i. Madje këtij injorimi i është bashkuar edhe shteti shqiptar. Krye bashkiaku i Tiranës dhe zv. ministri i Sporteve, Endri Hoxha, ishin të pranishëm në pallatin e sporteve ku po zhvillohej ndeshja e Abakarovit, i cili po garonte në Lojërat Olimpike Paris 2024 për flamurin kuqezi.

Prania e zotit Hoxha në mbështetje të KOKSH-it, në një moment kur institucioni shtetëror që ai përfaqëson është njoftuar nga KAS-i për pavlefshmërinë e Asamblesë Zgjedhore të KOKSH-it, është një shenjë e injorimit të shkallës më të lartë ndërkombëtare të drejtësisë sportive./Sport Ekspres/

Pikërisht në raundin e 4-t, Bakaj i dha ganezit goditjen e ‘knock out’-it. E djathta e 25-vjeçarit gjunjëzoi kundërshtarin, i cili nuk mundi të ngrihej dot përsëri në këmbë. Kështu Amarildo Bakaj u shpall fitues dhe ruan ende rekordin e tij si i pamposhtur. Ai numëron 11 fitore në 11 duele të zhvilluara, të gjitha të fituara me “knock out”./Halit Delibashi-Sport Ekspres/

Amarildo Bakaj (11-0, 11 KOs) ?? is the new WBO Youth Light Heavyweight World Champion. He defeated Jon Mbanugu (10-1-1, 10 KOs) ?? in the fourth round in Lezhe, Albania. pic.twitter.com/ijKJbSS6oQ

— Permante (@PermantexG) August 4, 2024

Më herët edhe KAS-i i kishte konsideruar të pavlefshme zgjedhjet e bëra nga Komiteti Olimpik Kombëtar Shqiptar, ku u largua në kundërshtim me statutin presidenti Viron Bezhani. Pavarësisht këtij vendimi, KOKSH-i vendosi që më 29 maj të organizonte Asamblenë e Zakonshme, e cila tashmë u hodh poshtë nga Gjykata e Tiranës. Kjo e fundit, siç raporton “Supersport”-i, me vendimin e marrë më 19.7.2024 ka gjykuar se “kërkesa e Presidentit Fidel Ylli për regjistrimin e vendimeve dhe Asamblesë së Përgjithshme të datës 29 maj, është e pabazuar në ligj dhe në statut, ndaj edhe është refuzuar”./Sport Ekspres/

“Është një vendim i datës 17 qershor 2024, që shpall të pavlefshme Asamblenë Statutore dhe Zgjedhore të fundi të komitetit Olimpik. Ajo që më habit më tepër dhe që me të vërtetë skandalizohem është arroganca ose mospërfillja, kur përdorin ish presidentin e Komitetit Olimpik për të thirrur asamblenë e radhës. Një asamble analize vjetore. Çdo vendim i marrë nga ajo Asamble e datës 10 në 2021-shin e më pas, është i paligjshëm. Të gjithë vendimet duhet të çregjistrohen, përfshi këtu edhe vendimi për regjistrimin e presidentit, apo edhe vendime të aktivitetit financiar. Nga Asambleja e Jashtëzakonshme, çdo vendim i marrë, është i paligjshëm.

Duhet të theksojmë se nuk ka të drejtë të thërrasë asnjë gjë dhe këtë e kupton çdo njeri. Nuk ka çfarë të thërrasë, sepse ia ka hequr vulën tjetërkush. Ia ka hequr këtë vulë një gjykatë më e lartë se kushdo dhe këta nuk kanë më çfarë të bëjnë, ndonëse mendojnë se mund të abuzojnë. Duhet të ulin kokën dhe të ikin me turp. Normalisht që do të thirrej ish-presidenti dhe do të bëheshin veprimet e duhura ligjore, pasi do të çregjistroheshin veprimet e marra pas Asamblesë së 2021-shit. Pas këtij hapi, do të bëheshin hapat për zgjedhjet e reja, pasi këtu bëhet fjalë për t’i dhënë bazë ligjore Komitetit Olimpik.

Duhet të ketë një ministri që duhet të ruajë fytyrën e saj dhe shtetin shqiptar. KOKSH-i dhe ai president nuk kanë fytyrë dhe duan të mbrojnë me çdo kusht pozitat e veta. Duhet mbrojtur shteti, pasi nëse shkohet në Lozanë për veprimet e pas këtij vendimi, do të jetë një turp për shtetin shqiptar. Janë dhënë shumë lekë. Kur unë merrja zero lekë nga shteti shqiptar, këtu janë dhënë miliarda. I takon SPAK-ut të hetojë se si janë shpenzuar këto miliarda”, ka thënë Viron Bezhani, citon “Supersport”-i./Sport Ekspres/

Institucioni i udhëhequr nga Elez Gjoza nuk ka arritur t’a pajisë trajnerin me vizë për të udhëtuar drejt Meksikës. Për këtë arsye, Eltjon Kofsha, i cili në një moshë fare të re, do të duhet të përballojë i vetëm Kampionatin Botëror të peshëngritjes për moshat nën 20-vjeç.

Gabimet e njëpasnjëshme vazhdojnë te peshëngritja shqiptare duke penalizuar sportistët, por edhe Shqipërinë, që humbet mundësinë të përfaqësohet në kompeticionet më prestigjoze me shtangistët elitarë.
Peshëngritësi i talentuar Ertjan Kofsha nuk do të ketë suportin e trajnerit Leonard Toska në Botërorin e Peshëngritjes për U20, që po zhvillohet në Guadalajara në Meksikë (15-23 nëntor).

Trajneri e priste me padurim këtë turne, por paaftësia e Federatës Shqiptare të Peshëngritjes me në krye presidentin Elez Gjoza për t’i nxjerrë vizën, ka bërë që Ertjan Kofsha, të shkojë në kompeticion pa mentorin e tij.
Në një sport ku roli i trajnerit është determinant, sepse sportistët janë të rinj dhe kanë ethet e garës, tekniku luan rol të madh me ndryshimin e peshave dhe këshillat.

Imagjinoni sikur kombëtarja e futbollit të luaj një ndeshje pa trajnerin Sylvinho.
Nëse ky skandal do të ndodhet te FSHF, atëherë do të ishte një bombë e vërtet, por te peshëngritja po mundohen t’i fshehin këto çudira që bëhen vetëm në Shqipëri.
S

kandalet në FSHP, po dalin si kërpudhat pas shiut dhe askujt nuk i bën më përshtypje. Ndërkohë që FSHP dhe z.Gjoza janë në gjyq me legjendën Pirro Dhima, ndodh edhe kjo.

Por policia e Kosovës nuk e ka lejuar shfaqjen e kësaj koreografie në sallën e sportit. Megjithatë, grupimi i tifozëve nga Mitrovica e ka publikuar në rrjetet sociale, duke marrë kështu një shpërndarje të gjerë në të gjitha mediat shqiptare./Halit Delibashi-Sport Ekspres/

“Shqipëria ka arritur një rezultat të jashtëzakonshëm në Europianin e Shahut. 13-vjeçarja, Kler Çaku, me 7 fitore dhe 2 barazime shpallet kampione Europe në Kampionatin e Rapidit, që sapo mbaroi në Slloveni, për vajzat deri në moshën 14-vjeçare. Kjo fitore vjen vetëm pak orë përpara ngjarjes së jashtëzakonshme për sportin shqiptar. Teksa Shqipëria mbledh në Durrës yjet botërorë të shahut, Çaku i dhuron vendit të saj një titull si kampione. Kleri është gjithashtu pjesëmarrëse në Europianin e Shahut që do të zhvillohet në Durrës, me ekipin e Teutës”, ka njoftuar klubi shumësportësh Teuta./Halit Delibashi-Sport Ekspres/

Pranova ftesën nga programi “Good Morning Albanians” për të komentuar rastin e dopingut të Shqipërisë me sportistin Daniel Godelli në Europianin e Peshëngritjes. Situata në prapaskenë ishte befasuese nga mospëlqimi i hapur i presidentit aktual të Komitetit Olimpik për praninë time “live” në emision. U desh që të nderoja profesionalizmin e gazetareve që më ftuan dhe të vijoja në mënyrë që emisioni të mund të paraqiste të dyja anët e medaljes!

Ndërkohë që përgatitjes profesionale të kronikës e skaletës nga gazetaret, presidenti aktual i KOKSH-it i përgjigjej me ilustrime e biseda të denja për një bisedë paspune apo fundjave birrarie, përveç leksioneve që mbajti presidenti, ku besoj nuk është koha për to, por që duhen masa konkrete antidoping, sepse po degjenerohemi publikisht… Ai po gënjen përsëri, siç e ka zakon. Herën e parë tha se mua në mandatin e parë më zgjodhi Stavri Bello dhe qeveria, kur në fakt ishte e kundërta, ata ishin mbështetësit kryesorë të kandidaturës tjetër, Genc Bogës. Ndërsa tani gënjen për herë të dytë, pasi kësaj radhe përballë deklaron sërish se mua president të KOKSH-it më paska zgjedhur politika dhe ministrat e asaj kohe, por kjo në fakt është e vërteta se si ai vetë është zgjedhur president i pandemisë dhe ligjthyerjes.

Sa turp! Ky di vetëm të gënjejë. Kur realiteti është ndryshe dhe faktet flasin qartë, sepse në kohën kur unë kam fituar zgjedhjet në KOKSH në mandatin e dytë, kandidati kundërshtar ishte Ilir Trebicka, një afarist dhe mik i Kryeministrit Rama dhe fushatën për të asokohe e bëri vetë zv.ministri i Sportit, por në fund rezultati foli qartë, pasi unë fitova me një diferencë prej 40 votash. Pra, që ti Fidel je për të disatën herë gënjeshtar, vërtetohet, pasi cili është ai ministër që mund të ndërhynte para kryeministrit Rama në zgjedhje për të më farëzuar mua dhe jo Trebickën…?!

Por tani, le t’i rikthehem thelbit të bisedës për çështjen e dopingut. Daniel Godelli është përkohësisht i pezulluar tashmë. Ndonëse Fideli donte ta quante një gabim banal njerëzor të mundshëm, duhet t’ia kujtoj se sportisti sot në Shqipëri e merr dopingun për të rritur peshën trupore, për të mbajtur rezultatin. Si ka mundësi që Federata Shqiptare e Peshëngritjes nuk komunikuaka me institucionet për lajmin e dopingut, dhe na e paska lënë Fidelin pa informacion, pasi nuk paska mundësi teknologjie të komunikojë me institucionet në Shqipëri…?!

Sekretariati i FSHP-së duhet të komunikojë me institucionet kudo, ku të ndodhet, në orare zyrtare, por edhe jozyrtare kur bëhet fjalë për situata të jashtëzakonshme siç është rasti i lajmit për doping. Presidenti i KOKSH-it i bën punët me telefonata personale…?! Dhe nuk iu përgjigjka Elezi nga Europiani më?? Hajde institucionalizim hajde… Një shtet që ka 5 milionë dollarë për sporte në shkolla, nuk mbetet pa u çuar katër shoqërues sportistëve pretendentë për medalje në Lojërat Olimpike. Demagogji dhe biseda birrarie nga presidenti i një institucioni me histori, në vend që të konstatojë hapur që kemi një rezultat, i cili tregon për përdorim dopingu, që tregon se nuk ka strategji efikase dhe ndërdepartamentale që të veprojë si duhet në Shqipëri.

Përse të mos shfaqet organigrama sportive dhe ndërvarësia, e cila tregon se si është aktualisht i strukturuar sistemi?! Sepse në fakt nuk ka koordinim dhe funksionalitet profesional, por ekzistencë vasale rrogëmarrëse dhe kufindarëse institucionesh dhe rrogëmarrësish të bindur. Kam mbetur me ‘mbresa’ se si presidenti me detaje tregon si rrotullohet kapaku i kavanozit të urinës së shembullit të sportistit, se si bëhet testi B antidoping, kur në fakt detyra e tij është të demonstrojë se si sistemi ka dështuar. Se si e ka dështuar Godellin e dikë tjetër, në sfidat e veta për të mbajtur rrogat me çdo kusht, qoftë edhe duke dopuar rezultatet, që edhe nëse do të jenë të fundit në kampionat Europian, të mbeten te të parët në Shqipëri me rezultat, në mënyrë që të marrin rrogën këtu.

Jemi në vitin 2023 dhe mund të shikoni qartë të dyja anët e medaljes se çfarë efikasiteti ka sistemi sportiv në Shqipëri, dhe se si propaganda shfryhet si tullumbace e shpuar para fakteve. Dopingu në peshëngritje, delja e zezë e një kopeje të pashëndetshme, nën një qeverisje fasade vezulluese. 12 vite përpara, nuk kishte doping politik aq sa ka sot kjo qeveri dhe presidenti aktual i KOKSH-it.

Mundësi më i mirë i Kupës së Shqipërisë, u shpall Endrio Avdyli, i cili garon në peshën 61 kg. Një parqitje mjaft e mirë edhe nga mundësi Marjus Malko, i cili doli i pari në peshën 92 kg, po në stilin e lirë. Ndërkohë në vendin e dytë dolën plot 6 mundës nga Teuta: Haxhi Sina, Ylli Xhani, Hekuran Troplini, Marin Jaku, Arjan Danaj dhe Ardit Domi.

Një sukses që tregon punën e mirë të bërë nga trajneri Sinan Trimi dhe stafi i tij, por edhe nga drejtori i Klubit Shumësportësh, Kreshnik Leka, i cili gjithmonë i ka qëndruar pranë sporteve dhe falë suportit të tij Teuta po njeh vetëm rezultatet pozitive.

 

View this post on Instagram

 

A post shared by KS Teuta (@k.s.teuta)

27-vjeçarja ka grumbulluar 7275 pikë, plot 265 pikë se sportistja britanike, Chelsie Giles, e cila renditet e dyta. Tabela e renditjes është pubkikuar në faqen zyrtare të Federatës Ndërkombëtare të xhudos./Halit Delibashi-Sport Ekspres/

“Është normale që të ndodhë në një ndeshje finale. Me afrimitetin tonë dhe të prindërve me profesorin është diçka normale. Prandaj edhe ne në atë video nuk kemi reaguar, pasi nuk është ndonjë veprim për të bërë bujë dhe nuk është dhunë. Thjesht quhet një veprim, jo dhunë. Prindërit e dinë që është çdo gjë normale, sepse edhe prindërit tanë kanë shumë afrimitet me profesorin. Gjithashtu, ata kanë qenë në ndeshjen tonë. Kanë parë çdo gjë, çdo veprim që bëjmë ne, dhe na kanë thënë që e meritojmë një të gjuajtur ose të sharat e profesorit, sepse është një ndeshje finale dhe çdo ndeshje e ka një të tillë”, ka thënë volejbollistja e Skënderbeut./Halit Delibashi-Sport Ekspres/

Kjo ishte finalja e pestë mes tyre, e cila i jep fund edhe garës për titullin kampion. Partizani fiton me rezultat të përgjithshëm të ndeshjeve 3-2 dhe shtojnë një tjetër kupë në vitrinën e klubit historik shqiptar./Halit Delibashi-Sport Ekspres/

“Top Channel“ raporton se më në fund, sportisti shqiptar mund t’i rikthehet përsëri garave në disiplinën e kërcimit së gjati. Periudha 2-vjeçare e ndalesës ka marrë fund dhe tashmë Smajlaj mund të synojë të tjera medalje në karrierën e tij./Halit Delibashi-Sport Ekspres/

“Është vlerësim dhe është shumë vonë. Çfarë e ka penguar shtetin shqiptar që në këto 32 vite demokraci të bëjë të njëjtën gjë për sportistët elitarë të sporteve individuale. Unë kam luajtur futboll dhe, nuk e them për t’u mburrur, jam paguar më shumë se sa janë paguar sportistë të sporteve individuale. Pagesa e tyre ka qenë e papërfillshme. Ata janë heronj që me pagesa mizerie kanë arritur që të sjellin medalje për vendin tonë“, ka thënë Rezart Dabulla./Halit Delibashi-Sport Ekspres/

“Ishte vërtetë një finale shumë emocionuese dhe një atmosferë shumë e mirë. Unë e kisha të njohur atë atmosferë ndoshta. Fakti që po luaja në shtëpi dhe çdo gjë ishte si një finale. E shijuam fitoren, sepse ishte një fitore që vinte nga disavantazhet. Ishim gjatë gjithë kohës në disavantazh dhe arritëm të fitonim diçka që vërtetë kishim punuar fort.

Tashmë po bëhen gati 7 muaj që po jetoj në Korçë. Për mua ishte një ndjenjë shumë e veçantë. Ishin njerëz që unë i kisha parë prej vitesh. Po luaja në Prishtinë, po luaja në një kompeticion që me ekipet kosovare nuk e kisha pasur mundësinë. Duke luajtur kundër një ekipi të Kosovës, por duke mbrojtur ngjyrat e Skënderbeut, ishte siklet që po luaja kundër Kosovës dhe po fitoja me Shqipërinë, pavarësisht që nuk janë ato inatet. Shqipëria më hapi dyert, ashtu siç ia hapi mamasë sime dikur.

Mungesa e spektatorëve? Faktikisht, në qytetet e tjera po, ndërsa në Korçë nuk mungon spektatori. Pallati është gjithmonë i mbushur plot. Ne ishim mësuar. Por ishim mësuar ta kishim gjithmonë turmën përkrahë nesh, ndërsa në Prishtinë kishim vetëm drejtuesit e klubit, familjarët e mi, shoqëria ime dhe gjithë të tjerët që kishin ardhur nga Korça për të na parë. Të kesh kundër turmën nuk është e lehtë“, është shprehur Edona Kalludra./Halit Delibashi-Sport Ekspres/

“Edhe Maqedonia, edhe Kosova, edhe Mali i Zi, edhe Serbia, e cila e bëri me ngut ligjin e sponsorizimit. Ata u mblodhën menjëherë për të diskutuar çfarë çalonte dhe miratuan ligjin e sponsorizimit. Ligji ekzistues është për vende të zhvilluara. Një kompani, e cila ka të ardhura të mëdha, me këtë ligj mund të japë deri në 400 mijë euro për sportin në Shqipëri. Ligji i sponsorizimit bën të mundur formalizimin e Federatave sportive. Kemi ende sportistë individual që paguhen si në diktaturë. Një ligj për sponsorizimet nuk e cënon aspak buxhetin e shtetit, përkundrazi. 50% e sponsorizimeve do të kthehen mbrapsht në formën e taksave dhe sigurimeve.

Ndërtimi i një ligji të tillë do të bëjë një rritje të të gjitha kategorive të sporteve. Jam i bindur që çdo biznes do të donte të investonte në sport. Do të kishim një ndërtim të jashtëzakonshëm të ekipeve të mëdha. Kosova i jep 500 mijë euro ekipeve të Ligës Unike, ndërsa Shqipëria nuk i jep asgjë. Ky është vendim politik. Askush nuk e gëzon të drejtën ta bëjë përveç qeverisë. Ka vende si Hungaria që 100% e tatimit mbi fitimin i shkon disa Federatave. Shqipëria do ta kishte të domosdoshme një shifër 20-30% për ndërtimin e ekipeve të mëdha. Ne kemi shumë talente të reja, që humbasin interesin pas moshës 20-vjeçare, pasi nuk shohin të ardhme te basketbolli. Buxheti në Shqipëri për sportin është 1 milionë euro, ndërkohë që në Kosovë është 9 milionë euro. Pra përveç sponsorizimeve, ata kanë edhe 9 milionë euro buxhet për sportin. Diferenca është mjaft e madhe“, ka deklaruar Avni Ponari./Halit Delibashi-Sport Ekspres/

“Teuta në basketboll për meshkuj fitoi Kupën e Shqipërisë. “Djemtë e Detit”, mposhtën me shifrat 82-74 ekipin e Kamzës. Nën drejtimit e trajnerit Melzin Lazimi dhe zv.trajnerit Besi Dervishi, Teuta vazhdon të fitojë trofe të rëndësishëm. Një tjetër sukses, që konfirmon punën e shkëlqyer të bërë edhe nga shefi i klubit shumësportësh Teuta, Kreshnik Leka“, shkruhet në njoftimin e klubit Teuta në llogarinë zyrtare në “Instagram“./Halit Delibashi-Sport Ekspres/

 

View this post on Instagram

 

A post shared by KS Teuta (@k.s.teuta)

Përpara nisjes së ndeshjes së basketbollit mes Vëllaznimit dhe Golden Eagle Yllit, figurat që ndihmuan në ndihmuan në çështjen kombëtare nisin të ngrihen një e nga një në momentin e intonimit të himnit të Shqipërisë. Të gjithë të pranishmit në sallë këndojnë në kor vargjet e himnit, duke ofruar momente rrënqethëse e mjaft patriotike./Halit Delibashi-Sport Ekspres/

Sot është luajtur ndeshja e basketbollit mes Vëllaznimit dhe Golden Eagle Yllit, gjatë së cilës në tribuna janë shfaqur disa nga figurat e shquara të kombit shqiptar. Janë plot 12 portrete figurash të njohura historike që janë shfaqur nga grupimi i tifozëve në sallën e basketbollit të Gjakovës. Një gjest që meriton duartrokitje./Halit Delibashi-Sport Ekspres/

“Unë jam pjesë e Federatës së Peshëngritjes, jam anëtar i Komitetit Drejtues. Federata e Peshëngritjes e mori ekskluzivitetin për të organizuar këtë kompeticion shumë të rëndësishëm. Padyshim që pati kontributin e saj edhe Bashkia e Durrësit dhe Komiteti Olimpik. Të gjitha u bashkuan bashkë. Ishte një event sportiv shumë i arrirë. Pati rreth 700 pjesëmarrës. Kjo ishte një gjë shumë e mirë për qytetin e Durrësit.

Në ping-pong për femra dolëm për të 9-in vit rresht kampionë. Në basketboll dy vitet e fundit kemi dalë kampion, pastaj arritjen më të madhe kishim me finalen në Balkan Ligë. Nuk e ka arritur klub tjetër shqiptar basketbolli. Mundjen e kemi kampionë për të rinj dhe nënkampionë për të rritur”, ka thënë Kreshnik Leka./Halit Delibashi-Sport Ekspres/

“Volejbolli besoj se është sporti i parë i harruar në Shqipëri, për vetë kushtet që kemi, për financat. Një pjesë e rëndësishme e sportit janë tifozët. Te ne vijnë vetëm familjarët tanë, edhe ata kur i marrim ne me zor. Janë edhe rrogat. Normalisht që çdokush punon për lekë. Nuk ka financa. Kushtet mungojnë. Unë personalisht gjithmonë jam larë në shtëpi pas ndeshjeve. Dushet lënë për të dëshiruar. Nuk janë kushtet për t’u larë“, ka treguar Silvana Bushati./Halit Delibashi-Sport Ekspres/

Edmond Gëzdari nuk e ka përshëndetur gjestin e tifozëve gjakovarë. Sipas tij, rregullat janë vendosur dhe duhen respektuar deri në fund. “Unë e shoh ndryshe. Nuk jam dakort me këtë. Ka rregulla që duhen ndjekur. Po sikur Rama të dalë nesër dhe të thojë: ‘Bëtë gabim që kënduat himnin tonë‘? Ka rregulla“, ka thënë Gëzdari.

Por më pas ka pasuar edhe replika e gazetarit Eno Skarço. Ky i fundit ka mbështetur veprimin e bërë në Gjakovë, pasi në fund të fundit është kënduar himni që i bashkon të gjithë shqiptarët. “E megjithatë, sa bukur kur thyhen rregullat kështu“, ështe shprehur Eno Skarço./Halit Delibashi-Sport Ekspres/

“Kam pasur shumë medalje, janë mund e djersë. Herën e parë kur u shpalla kampion e kujtoj me nostalgji me thënë të drejtën dhe nuk e kujtoj shumë nga emocionet. Isha 15 vjeç kur dola kampion Shqipërie. Ka qenë besimi i trajnerit tim Zef Gjoni që më bëri të hyj në atë aktivitet. Ishte këmbëngulja e tij që tha se duhet të konkurrosh se s’bën me të rriturit. Në Shqipëri kemi pasur kundërshtar shumë të fortë, në botë edhe më të fortë, në Europë. Në sportet individuale sporti të ngre lartë ose të ul aty.

Nuk jam supersticioz por besoj në Zot. Nuk jam supersticioz, kam forcën e besimit. Por kemi të gjithë ndonjë huq. Unë gjithmonë vesh dorezën e djathtë para. Dorezën e djathtë e vesh të parën dhe këpucën e djathtë e vesh të parën. Kategoria e peshave të rënda është më e pëlqyera? Në këtë kategori janë knock out-et më të forta, boksierët më të fortë më të përgatitur, trupat më të bukur dhe duelet më të forta dhe të ashpra. Njerëzit duan të shohin duele e knock out-e. Boksierët e peshës super të rëndë në gjithë botën e vjedhin vëmendjen. Unë bëj tre herë në ditë stërvitje. Tani kam gjetur balancat që ndoshta jo më kanë munguar por është pjekuria sportive dhe e shumë gjërave. Kam gjetur qetësinë psikologjike në sport. Nuk ndodh asnjëherë që të lë stërvitjen, dikur e kam lënë. Këtu vjen dhe pjekuria sportive”, ka thënë Nelson Hysa./Halit Delibashi-Sport Ekspres/

Para nisjes së ndeshjes kundër Bashkimit, tifozët gjakovarë kanë kënduar njëzëri himbin kombëtar të Shqipërisë. Në tribuna është shpalosur edhe një banderolë shumë domethënëse poshtë flamurit kuqezi: “Vëllezër qemë, jemi, s’kemi për t‘u ndarë. Besë e fe kemi kombin shqiptar“./Halit Delibashi-Sport Ekspres/

Gjatë momentit që nisi të luhej himni i Republikës së Kosovës, kanë nisur menjëherë vërshëllimat. Por jo vetëm kaq. E gjithë salla njëzëri nisën të këndonin himnin e vetëm të gjithë shqiptarëve, atë të Shqipërisë./Halit Delibashi-Sport Ekspres/

“Është periudha që kampionatet kombëtare kanë nisur rrugëtimin e tyre. Në fund të muajit shtator zhvilluam kupën e Federatës si një formë testi në prag të kampionatit të edicionit 22-23. Risi në këtë edicion ka një lloj shpërndarje ndryshe nga se jemi mësuar ta shohim në periudhën e fundviteve. Suprizë është ekipi i Beslidhjes. Kemi një rënie të numrit, kemi nj krizë sa u përket  femrave. Te kategoria e meshkujve do të ketë rivalitet.

Basketbolli i femrave në nivel global është në vështirësi, kjo ndikon dhe te ne. Niveli i mbështetjes është i ulët për basketbollin, në veçanti për të femrave. Ka një lloj rënie se infrastruktura për këtë sport është shumë e mangët dhe e dobët. Të duash të zhvillohesh sidomos për femra duhet të merren disa hapa të rëndësishëm.

Konfirmimi i skuadrave prej nivelit të ulët ekonomik që kanë klubet po sjellin vështirësi në rinisjen e edicionit të ri. Vështirësitë i mirëkuptoj se Ligji për sponsorizimin, që fatkeqësisht nuk po gjen mbështetjen e duhur, në Kosovë ka bërë që një klub mesatar të ketë buxhet më të madh se gjithë buxheti i federatave në Shqipëri. Duhet të gjejmë dhe mbështetjen e medias. Kjo na vë përballë vështirësive të cilat për skuadrat tona nuk i dëshirojmë”, ka deklaruar Korab Llazani./Halit Delibashi-Sport Ekspres/

“Çdo shifër nën 1 milionë euro do të ishte skandaloze. Me gjithë respektin për peshëngritjen, por shiko çfarë ambienti është aty. Atletika, mbretëresha e sportit. Fiton në mes të Gjermanisë, ajo tjetra ishte 50 metra larg“, është shprehur Sulejman Starova./Halit Delibashi-Sport Ekspres/

“Kam pritur gjithë karrierën time për t’u rikthyer për një ndeshje kaq të madhe në Atdhe. Kjo është për të gjithë shqiptarët dhe Shqipërinë time. Kjo është koha ume, në 25 gusht kthehem në Shqipëri për t’u ndeshur për titullin e dytë në karrierën time WBC Silver Interim kundra meksikanit Miguel Parra në një stadium gjigant si “Air Albania”. Ju pres të gjithëve atje…. I pres të gjithë shqiptarët kudo që janë nëpër botë atë ditë në stadium. Biletat dalin në shitje këtë të enjte në orën 10:00 në faqen https://al.ebileta.al/ Më shumë informacione mbi biletat në vazhdim”, ka lajmëruar Florian Marku./Halit Delibashi-Sport Ekspres/

Qerimaj arriti të ngrinte 150 kilogramë në baterinë B, duke siguruar kështu të artën në këtë disiplinë. Po aq sa ai ngriti edhe Asanidze, por sportisti shqiptar ishte i pari që provoi peshën  150 kg dhe për këtë arsye vendi i parë shkon për të./Halit Delibashi-Sport Ekspres/

Basketbollisti amerikan, Gordon, ka bërë kosh me zhytje për të dhuruar më tepër spektakël. Por ndodhi ajo që më pak mund ta kishte menduar. Koshi bie përtokë dhe kjo sjell ndërprerjen e takimit, deri në momentin e krijimit të kushteve të duhura për të zhvilluar lojën./Halit Delibashi-Sport Ekspres/

“Sot në zyrën time kanë qenë mbi 20 federata. Buxheti i sportit është ulur në mënyrë drastike këtë vit është diçka katastrofale. Është ulur me 1 miliardë lekësh. Do mblidhemi dhe t’i bëjmë të ditur qeverisë, se ky që kanë bërë me buxhetin e sportit është një turp. Unë nuk e filloj projektin, nëse qeveria nuk i kthen dinjitetin sportit. Nuk ka para qeveria?! Le të hapen bastet sportive atëherë, që lulëzojnë në këtë moment. Greqia ka, Italia ka. Duhet të bashkohemi që t’i bëjmë presion qeverisë, për t’i dhënë sportit atë që meriton.

Kjo nuk i falet as parlamentit asnjërit, që e ulën buxhetin me 1 miliardë lekë. Nuk e kuptoj se çfarë ka ndodhur. Do detyrohen të na i kthejnë ato lekë. Ne nuk duam të bëjmë grevë, që të na dëgjojë qeveria. I duam si partnerë. Duam të na dëgjojë, të na thotë se kompanitë e basteve do i hapin. Buxheti do rritet kur qeveria t’i thërrasë mendjes dhe të hapë kompatinë e basteve. Buxhetet janë mjerane dhe ne nuk mund të bëjmë dot me këto. Sportin e lehtëson vetëm hapja e kompanive të basteve”, ka deklaruar Fidel Ylli./Halit Delibashi-Sport Ekspres/

Ëndrrat në luftë gjithnjë janë të forta dhe të largëta… dhe ato vështirësoheshin më shumë, kur mbështilleshin me merakun e drejtë të familjes, që kujdesej thjesht për ekzistencën fizike  të vajzës së vogël.

Në atë kaos shoqëror Kleitja triumfoi, duke u mbështetur fort te magjia e topit.

Nga bankat e shkollës në parket… kjo është historia e veçantë e Kleitja Parllaku, e cila gjatë karrierës së saj 14-vjeçare në volejboll fitoi gjithçka duke përfaqësuar edhe vendin në arenën ndërkombëtare.

Karriera e Kleitja Parllaku, ka kaluar vetëm në dy stacione, Studenti, me të cilët u bë pjesë në tetor të 1998 dhe pas 8 vitesh të suksesshme ku fitoi çdo trofe të mundshëm u transferua te UMB Volley me shumë polemika, ku edhe mbylli karrierën në 2012.

Kleitja, si lindi pasioni për volejbollin? Kush të afroi për herë të parë në parket?

Ka qenë mësuesja e edukimit fizik në shkollën 8 vjeçare “Lidhja e Prizrenit”, e cila më sugjeroi për herë të parë të merrem me volejboll. Isha vetëm 13 vjeç dhe ishte hera e parë që dëgjoja për këtë sport.

Kur e nise volejbollin besoje se do të arrije këto nivele?

Nuk e mendoja kurrë se volejbolli do bëhej pasioni im më i madh dhe profesioni im në të ardhmen. Kam kaluar një periudhë të jashtëzakonshme, duke fituar trofe të rëndësishëm kolektivë dhe individualë.

Për shumë vajza Ela Tase është sportistja që i bëri vajzat të dashurojnë volejbollin, po ju?

Padiskutim që po. Ela bëri krenar gjithë shqiptarët, ishte një sportiste e jashtëzakonshme, arritjet e saj janë shkruar me gërma të arta në librat e volejbollit shqiptar.

Ke luajtur volejboll në një moment të vështirë, pas 1997 vetëm për sport nuk mund të flitej. Si i binde prindërit për t’u marrë me volejboll?

Ka qenë shumë e vështirë për t’i bindur. Ishte periudhë shumë e vështirë. Çdo ditë i lutesha prindërve të më regjistronin në volejboll, por ishte e pamundur. Kam insistuar shumë, derisa një ditë u ktheva nga shkolla dhe i thashë sot do shkojmë të takojmë trajnerët e ekipit të Studentit. E kisha lënë takimin vetë pas mbështetjes nga mësuesja e edukimit fizik, e cila ngulmonte për të nisur volejbollin. Sot që e mendoj po të mos kisha vepruar kështu, ndoshta nuk do të kisha luajtur kurrë volejboll.

Për të arritur gjërat që do, duhet të sakrifikosh; ju shoqëronin prindërit në atë periudhë në stërvitje?

Sakrificat kanë qenë të medha. Mbaj mend që në vitet e shkollës gjithmonë çanta ime ishte shumë e rëndë. Në të mbaja librat e shkollës dhe bazën materiale për t’u stërvitur, sepse më duhej të shkoja në stërvitje menjëherë sa mbaroja shkollën. Ka qenë mami ime, e cila më shoqëronte çdo ditë në stërvitje, nuk bëhej fjalë që vajzat të lëviznin vetëm nëpër rrugët e Tiranës. Kanë qenë kohë tepër të vështira, por ndihem krenare për zgjedhjen që kam bërë.

Si e kujton ndeshjen tënde të parë, debutim në parket?

Është një ndjesi unike. Nuk mund t’i përshkruaj ato emocione. Aty mësova se çfarë është ndjenja e përgjegjësisë. Kam qenë shumë e vogël dhe ndonjëherë mendoja a mund ta përballoj dot gjithë këtë ngarkesë emocionale.

Ke fituar shumë trofe dhe medalje, cila është më e veçantë?

Gjatë karrierës sime kam fituar trofe të rëndësishëm, por sezoni 2004-2005 ka qenë ndër më të veçantët, sepse e nisëm si një ekip pa objektiva të mëdha dhe në fund arritëm të fitonim çdo trofe të mundshëm.

Ke luajtur me shumë vajza gjatë karrierës së gjatë, mikesha juaj më e mirë nga parketi?

Nuk do t’i harroj kurrë  momentet që kalonim me vajzat në stërvitje, në ndeshje dhe gjatë grumbullimeve. Luaja me vajza të shkëlqyera në një ekip fantastik. Mikja ime më e mirë është Nerisa Kuqi.

Maja për një sportist është të përfaqësojë ekipin kombëtar. Çfarë momentesh do të veçoje?

Ftesa nga kombëtarja shqiptare ishte e jashtëzakonshme. Emocionet e para me fanellën kuqezi nuk mund t’i përshkruaj me fjalë. Kemi pasur shumë grumbullime, rezultate befasuese. Jam krenare që kam përfaqësuar vendin në arenën ndërkombëtare.

Po momentet më të vështira?

Momenti më i vështirë në sport për mua ka qenë në 2006 kur më detyruan të bëja një vit pushim. Unë isha pjesë e Studentit dhe kisha disa oferta. Mu desh të rrija një vit pa luajtur në mënyrë që të merrja kartonin dhe të bëhesha pjesë e UMB Volej, pas insistimit të trajnerit Kreshnik Tartari.

Çfarë ke mësuar nga jeta sportive?

Për mua sporti është shumë i rëndësishëm për formimin e karakterit të një individi. Mbi të gjitha të mëson disiplinën, rregullin, si të sillesh në shoqëri dhe të injekton mentalitetin e fituesit.

Pasi u tërhoqe si sportiste, dashuria për volejbollin ishte e madhe dhe vendose të trajnoje vajzat e reja. Si e përshkruan këtë eksperiencë?

Të merresh me moshat e reja është kënaqësi e madhe, por edhe lodhje sigurisht. Pas 2013 nisa një rrugëtim të ri si trajnere me vajzat e vogla. Është ndjesi e veçantë kur pasionin dhe dashurinë që ke për volejbollin e përcjell te brezat e tjerë.

Sot të rinjtë e kanë humbur dashurinë për sportin, preferojnë më tepër lojërat elektronike. Si mund t’i kthejmë sërish te parketi apo fushat me bar jeshil?

E vërtetë dhe besoj që është shqetësuese. Në ditët e sotme është bërë e vështirë t’i largosh fëmijët nga telefonat dhe t’i drejtosh në sport. Duhet të ketë më shumë ambiente për të ushtruar sportin dhe kjo gjë duhet bërë me profesionalizëm dhe seriozitet. Qeveria duhet të hartojë politika për t’iu shërbyer fëmijeve. Në shkolla aktualisht lënda e edukimit fizik pothuajse është e pamundur të realizohet si duhet. Unë në shkollë u dashurova me sportin, kjo duhet të ndodhi edhe me brezat e rinj, por që kjo të realizohet duhet të funksionojnë mekanizmat…

I ndjek ndeshjet finale të kampionatit shqiptar?

I ndjek sa herë kam mundësi dhe gjithmonë kam emocion, sikur luaja vetë, veçanërisht kur luajnë ish ekipet e mija.

A duhet një organizim më i mirë nga federata, për ta promovuar më tepër sportin e volejbollit?

Gjithmonë ka shumë për të bërë. Mua më vjen shumë keq që volejbolli nuk ka të njëjtin nivel me vitet e kaluara. Të vjen keq kur i sheh pallatet e sportit bosh.

Si kampionati ashtu edhe kombëtarja kanë rënë në kualitet vit pas viti, sipas jush përse ka ndodhur?

Ekipet zinxhir duhet të funksionojnë më mirë. Nëse nuk ka masivitet nuk mund të ketë cilësi dhe progres.

Në fund diçka për të shtuar?

Për mua është kënaqësi të flas gjithmonë për volejbollin. Sporti është zgjedhja më e mirë që kam bërë. Edhe sot që u bënë kohë që jam larguar nga parketi, sa herë shoh ndeshje finale momenti i ngritjes së kupës më emocionon pa masë.

Një mesazh për vajzat që duan të t’i përkushtohen volejbollit?

Të bëhesh një sportiste e mirë duhet ta dashurosh shumë këtë sport. Kryesorja është puna dhe disiplina nëse do të arrish majat. Vetëm duke u stërvitur fort çdo ditë mund të ecësh përpara. Sigurisht që duhet të jeni të gatshëm të bëni edhe sakrifica të mëdha, sepse nëse shoqet e tua dalin apo argëtohen t’i duhet të mbash regjim.

SKEDA ME ARRITJET E KLEITJA PARLLAKU

STUDENTI

1999- fitues të Kupës Rinia (të reja)

2001- fitues të kampionatit kombëtar (të reja) dhe Kupës së Federatës

2003- fitues të kampionatit kombëtar

2004- fitues të Kupës së Shqipërisë

2005- fitues të Kupës së Shqipërisë dhe të kampionatit kombëtar

2006- fitues të Kupës së Federatës

UMB Volley

2009- fitues të Kupës së Shqipërisë

2010- fitues të Kupës së Shqipërisë

EKIPI KOMBETAR

2001- Women’s Youth Ballkan Championship Lehivo/Greece

2002- Junior Girl’s Ballkan Championship Tokat/Turkey

2003- International tourmant of Pescara, fitues të kompeticionit

“Një privilegj i lartë, krenari e veçantë dhe nderim i cili do të më shoqërojë tërë jetën është “Dekorata e Flamurit Kombëtar” që mu akordua sot nga Presidenti i Republikës, z.Ilir Meta në ceremoninë e mbajtur në ambjentet e Presidencës. Faleminderit z. President për vlerësimin me anë të titullit më të lartë që mund të jepet, dekorata më e rëndësishme e më e veçantë që institucioni i Presidentit të Republikës lëshon për figura të cilat kanë nderuar e nderojnë vendin tonë. Vlerësime të tilla na bëjnë të ecim përpara më të fortë! Jam falenderues pafund kundrejt familjes dhe personave që më kanë mbështetur deri më sot dhe kanë pasur bindjen që mund të arrijmë suksese të mëdha me punë dhe djersë. Krenar pafund! Brikeni”, ka shkruar Briken Calja./Halit Delibashi-Sport Ekspres/

“Niveli kohët e fundit ka filluar të rritet. Po punohet edhe me grupmoshat. Të gjitha ekipet kanë grupmosha. Është një gjë shumë e mirë, sepse do ketë prurje në volejboll. Arritja më e madhe është që sportistët shqiptarë po promovohen edhe jashtë vendit. Kemi volejbollistë mjaft të mirë që po luajnë edhe në kampionatet europiane”, ka thënë Osman Qepa./Halit Delibashi-Sport Ekspres/

Sportistët pjesëmarrës në këtë kompeticion janë pritur nga kreu i KOKSH-it, Fidel Ylli, i cili ka shprehur mirënjohjen e tij për paraqitjen e bërë. Ndërkohë gjatë takimit Beqiri është shprehur se ndihet krenar që ngriti flamurin shqiptar në mes të Beogradit.

“Jam shumë krenar, pasi ishte një emocion shumë i madh për mua të ngrija flamurin shqiptar në mes të Beogradit. Kjo ishte një arritje historike. Shpresoj se si sportisë si puna ime dhe boksierë si unë dhe kolegët e mi të arrijnë të njëjtin qëllim. Dua të falenderoj të gjithë shqiptarët që më mbështetën dhe më kanë bërë të ndihem krenar”, ka thënë Alban Beqiri./Halit Delibashi-Sport Ekspres/

Sigurisht që një kusht i tillë nuk është pranuar nga pala e Kosovës, e cila është tërhequr mbapsht dhe ka nisur kontaktet me AIBA-n për ti dhënë zgjidhje problemit. Ndëkohë krahë boksierëve dardanë ka dalë edhe delegacioni shqiptar. Trajneri i Shqipërisë ka vendosur të tërheqë sportistët e tij nga Kampionati Botëror i Boksit Amator që do të zhvillohet në Beograd në rast se Serbia nuk lejon kalimin e Kosovës në kufi./Halit Delibashi-Sport Ekspres/