Si parantezë, në kampionatin Shqiptar të Basketbollit Fieri nuk përfaqësohet vetëm nga ky ekip, por dhe nga disa të tjerë të cilët trajtohen si klube te huaja dhe iu mbyllen dyert për seancat stërvitore . Madje kjo gjë shkon deri atje, ku nën zë administratorët e këtij pallati sporti kanë vendosur tarifa të ndryshme në para për ata që kërkojnë të sterviten në këtë ambient ose te zhvillojnë ndeshjet e kampionatit. A është në dijeni Federata e Basketbollit për gjithë këtë? Sepse e keqja më e madhe ndodh kur i ferkojmë kokën një ekipi i cili prej vitesh nuk sjell asnjë trofe në këtë qytet. Pra ekipet e tjera me sakrifica të mëdha vazhdojnë të luajnë jashtë qytetit te Fierit dhe Apollonia vazhdon të vegjetojë pa asnjë rezultat.

Ecim më tej në korridoret me myk të sporteve të rënda, bisedojmë me disa familjarë qe me keqardhje na thonë se fëmija e tyre është dëmtuar dhe sëmurë disa herë për shkak të ambientit ku ai stërvitet. Aty pranë shikojmë disa të rinj që stërviten me rrobat e tyre, nuk kanë asnjë uniformë sepse edhe pse sponsorat ua kanë mundesuar, prapë diçka nuk shkon me administrimin. Në një rrëfim për Sport Ekspres një ish sportist i klubit shumë sportësh Apollonia na rrëfen çfarë ndodh pas dyerve të administratës së këtij klubi. Nuk dua ta identifikoj personin i cili qëndron përpara meje sepse do ti kushtonte ‘bukën e fëmijëve’ siç e thote vetë ai, pasi mund të flaket në rrugë fare lehtë. Ai na tregon fakte skandaloze dhe kur i vërtetuam ngelëm të shokuar. Në gërmimet tona në zyrat e Bashkisë dhe administratës të klubit Apollonia shohim njëanshmëri në mënyrën si ndahet buxheti. Mjafton të shihni kontrastin e fotove dhe të kuptoni se si shkojnë gjërat në këtë vend.

Foto ku stërvitet ekipi i administratorit

Foto ku stërviten ekipet e tjera

Te klubi i Basktbollit Apollonia shkon shuma më madhe, pra rreth 60%, te sportet e rënda si boksi, peshëngritja, mundja etj nuk investohet fare dhe 40% e shumës tjetër nuk dihet se ku shkon. Te basketbolli biletat, honoraret u faturohen sportistëve te rrogat e tyre. Ne bordorot e pagave trajneri aktual i klubit të basketbollit Apollonia rezulton se ka nje pagë maramendese, megjithëse thuhet se ajo që përfiton në të vërtet…

Në Fier klubi shumë sportësh Apollonia ka shumë sponsora, por të ardhurat e tyre nuk figurojnë asgjëkundi. Sponsorat afrohen kontribuojnë në uniforma dhe mjete te ndryshme sportive, por e vërteta është që ekipeve zinxhir të moshave detyrohen t’i blejnë ato me para në dorë. Ka sportistë që paguhen 30-35 mijë lekë por nuk rezultojnë në asnjë bordero fiktive. Ajo pastaj që të habit është firma e administratorit për pagën e majme të bashkëshortes së tij, e cila merr dy rroga për dy ekipe që drejton, por rezultatet janë për t’u harruar. Në kohën që Kryeministri Edi Rama kërkoi dorëheqjen e shumë punojësve të Bashkive në vende të ndryshme, administratori Palion Zarka e paraqiti dorëheqjen, por nuk u largua në asnjë ditë nga zyra, madje e përdor vulën e tij për çdo lëvizje të klubit.

E si për të mos mjaftuar e gjithë kjo, ekipe si ato të ciklizmit ku dhe këtu nepotizmi është ulur këmbëkryq në letra figuron si buxhet për 10 sportistë, por në fakt ata nuk egzistojnë. Njerëz të besuar të personave me pozitë, furrnizohen çdo muaj me naftë, vlera e të cilës përkthehet ne 4 million lekë te vjetra. Pra ne Fier bashkia jep shpirtin për basketbollin sidomos për ekipin qe drejtohet nga bashkëshortja e administratorit, dhe për administratorin që na figuron të jetë edhe presidenti i shoqatës së Apollonia Basket për meshkuj. E në fakt nuk duhet të habitemi me Fierin dhe bashkinë e këtij vendi pasi në nëntorin e vitit të kaluar si një rast i pa precedent, kryetari Subashi dhe vartësit e tij i rritën si pa të keq rrogën vetes sepse punonin shumë dhe paga nuk e justifikonte mundin e tyre.

Një ciklist që drejton basketbollin

Tani imagjinoni sikur të na jetë prishur makina e të shkojmë ta rregullojmë te hidrauliku. E di, është për të qeshur e për te qarë, por në këtë qytet duhet të jemi përgatitur për cdo gjë. Në c’vend të botës keni parë e dëgjuar që një ish ciklist administron një klub basketbolli dhe nga ana tjetër njihet si president i shoqatës së një tjetër klubi si Apollonia Basket per meshkuj? Në krye të një klubi mund të vendoset cdo kush që ka të kaluar sportive, por jo të jetë njëkohësisht edhe presidenti i Shoqatës Apolonia Basket për meshkuj dhe të përdor të njëjtin NIPT, atë të klubit, që është totalisht në varësi të Bashkisë. Bashkia Fier i ka të qarta këto gjëra, por nuk i intereson të ndryshojë asgjë për sa kohë kampionati shqiptar i Basketbollit kuotohet në baste në Kinë.

Letër e hapur për Ina Zarkën

Ju lutem, lejoni sportistet që të stërviten në pallatin e sportit dhe t’i luajnë ndeshjet aty. Nuk kanë rëndësi projektet që bëni për të afruar vajzat drejt basketbollit, janë projekte që nuk shërbejnë asgjë, për sa kohë nuk i lejoni në pallatin e sportit. është koha për të punuar, jashtë fasadave. Një ish lojtare e mirë jo domosdoshmërisht mund të jetë edhe një trajnere e mirë, të gjithë kemi vend për të përmirësuar nga gabimet tona, është koha të dëgjoni më shumë këshilla.

Volejbolli pa vëmendje

Dy fjalë edhe për volejbollin në Fier që është katandisur në mëshirë të fatit. Ekzistojnë tre ekipe volejbolli për hir të vërtetës U20, U18, U16 dhe nuk kanë një paraqitje të keqe por kjo falë një trajneri dhe një figure që punon me pasion për këtë sport. Megjithatë as volejbolli nuk shkel dot në një pallat sporti i cili është ndërtuar nga taksapaguesit fierak.

Madje volejbollin administratori Zarka e drejton nga palestrat e shkollave, sepse në pallatin e ri të sportit ka vend vetëm për ekipin që ai drejton si president për sportistët e tij amerikan që nuk dihet çfarë kontratash nënshkruajnë. Ndërkohë këto ditë në kryeqytet pamë një shfaqje të shëmtuar, të zhvilluar pikërisht nga Federata Shqptare e Volejbollit dhe KOKSH me rastin e 80-vjetorit të kësaj Federate dhe nuk iu dha asnjë zë gjithë peripecive që po kalon volejbolli në këtë vend. U fol vetëm për arritje të mëdha që për hir të vërtetës i perkasin vetëm të shkuarës në këtë disiplinë dhe pikërisht e shkuara e këtij sporti u la në harresë.

Nuk pati një minutë heshtje në nder të gjithë figurave që na përfaqsojnë në këtë sport elitar. Kujtojmë që vetëm pak kohë më parë ne humbëm një nga figurat më të mëdha të volejbollit mjeshtrin dhe ¨Nderin e Kombit¨ Vangjel Koja. Dhe këtu më vjen ndër mend një shprehje e fashme e Winston Churchill që thotë: ¨Nje komb që harron të kaluarën e tij është i destinuar të mos ketë të ardhme”. E për sa i përket spektaklit të kësaj mbrëmje gala qe nuk pati asgjë për të qenë e tillë, më vjen natyrshëm t’i drejtohem FSHV, KOKSH dhe presidentit Erlind Pëllumbi ktheni vëmendjen nga kaluara e ardhmja dhe sidomos nga brezat e rinj dhe lërini mbrëmjet gala për Armando Dukën. Ai di të organizojë mbrëmje gala dhe të nderojë sic duhet të shkuarën e të ardhmen e një sporti popullor sic eshte futbolli. Me pak fjalë 80-vjetori i FSHV-se ishte një mbledhje e pështirë në acarin e ¨Akademisë së Arteve¨ ku veteranëve iu bë e qartë sa e ftohtë dhe e ngrirë është e marrëdhënia e tyre me këtë institucion. /Sport Ekspres/

Boksieri i talentuar shqiptar me 13 dhjetor do të ndeshet në Stamboll me Makaveli Mponji – boksierin nga Tanzania, shkruan GazetaBlic Sport.

Bajra në tetë ndeshje ka 7 fitore, 4 me K.O dhe një humbje, teksa Mponji ka 12 ballafaqime, 10 fitore dhe 2 humbje.

Ky duel zhvillohet në Stamboll në kuadër të WBO dhe IBO në peshat e lehta, për kampion bote.

Por, kush është Eris Bajra?

Bajra fillimisht ishte kiksbokser, teksa kaloi në boks në vitin 2020. Që atëherë lufton në mënyrë profesionale dhe vazhdon të grumbullojë fitore.

Carja dha një paraqitje spektakolare, duke thyer tre rekorde europiane në kategorinë Youth (63 kg) dhe madje edhe një rekord bote në shkëputje për Youth.

Për këtë sukses të jashtëzakonshëm të sportistes Carja, ka reaguar edhe kryebashkiakja e Durrësit, Emiriana Sako.

“Urime të përzemërta peshëngritëses sonë të jashtëzakonshme, Enkileda Carja, që shkëlqeu në Kampionatin Europian për të Rinj & U23 që po zhvillohet në Durrës, duke u shpallur kampione e trefishtë e Europës!
Me një performancë fantastike, Enkileda theu 3 rekorde europiane dhe madje edhe 1 rekord bote, duke treguar forcë, vendosmëri dhe përkushtim shembullor”, shkruan Sako.

Carja i realizoi me sukses të gjashta provat, duke ngritur 98 kg në shkëputje, 118 kg në shtytje dhe 216 kg në dygarësh, duke shfaqur një performancë të shkëlqyer dhe plot vetëbesim.

Ky është një sukses i madh për talenten e Teutës, por edhe për trajneren e saj të palodhur, Eglantina Kalemi.

U desh, nuk e di pse një postim “entuziast” i FSHB-së, mbi një humbje dërrmuese të Serbisë karshi 20-vjecareve të koshit, që më tej, me të drejtë apo pa të drejtë të lëshohej tërë dynjaja të fliste për këtë shifër, që as rezultat nuk mund të konsiderohet. Dikush madje, kishte hapur edhe librin e shtëpisë, madje, kish harruar vetëm “motrën” të shante për të gjithë ata që guxuan në të drejtën e tyre të quanin me gjithfarlloj epitetesh këtë rezultat, për hir të së vërtetës aspak dinjitoz. Përtej anës serbe që postoi këtë sukses, nuk e kuptoj ende se kush ishte ajo mendje e ndritur që, në mes të vapës, plazhit, start gushtit gjykoi që të ofronte për publikun në rrjete sociale një rezultat tërësisht për të ardhur keq.

Në fakt, ata që duhej të reagonin të parët ishin dhe janë ata që konsiderohen apo vetëshpallen, edhe si kokat e mëdha të basketbollit ndër vite, për ti dhënë një kontur më amortizues kësaj paraqitjeje në publik.
E për hir të së vërtetës nuk është rezultati i parë ky në këto nivele bastarde, ka patur edhe vite më parë, por këtë radhë mori më shumë konotacion pasi kundërshtari ishte Serbia, por edhe sepse vetë FSHB e serviri në tabakanë e saj sociale. Ku taktikisht edhe mund ta shmangte. Sepse kështu ishte në fakt.
Për të ardhur në skanimin e plotë se: “Përse na rrahin e s’na lanë me qajt?”. Pavarësisht se kush, pse këto rezultate, e përse këto çirrje më pas për një situatë të tillë.

FSHB ndër vite e ka konsideruar sukses një recetë të tillë organizimi, për të vetmen arsye: “Sepse ka zgjedhur primare pjesëmarrjen, se sa kualitetin”. Pra, mjafton të marrim pjesë, pavarësisht se si dalim. Dhe këtë e dikton edhe skema: Federata lekë s’ka (e në të vërtetë s’ka e s’ka), nëse doni ekip kombëtar moshash, gjeni lekë, bëni ekipin, merrni pjesë, arrini çfarë mund të arrini. Dhe një skemë e tillë ka ardhur, edhe si pasojë e mungesës së financimit real, pasi shteti çon në Koksh 2.5 milionë euro për basketbollin e aq për volejbollin dhe Federatat mbesin me nga një 100-she vjetore buxheti dhe me premtimin e vetë ish-basketbollistit dinamovit që në takimin e fundit elektoralo-sportiv në investimin e FSHF-së, teksa i fliste me nostalgji Pjerinit që kish përballë, federatave u thoshte: “E di që vuani për lekë, por, më mirë do të bëhet! Dhe ata u mbushën këtu! U mbushën shumë me oksigjen premtues se më e mira do të bëhet!”

Por, përtej parave që janë jetike, skema e diktuar ç’proporcionale në raportin masivitet-cilësi, prej vitesh ka sjellë në ndërtimin e disa skuadrave që diktohen nga burimi i financimit, e që reflektojnë më pas në parketin e turpërimit. Rezultatet më tej janë spektakolare, sepse është vjelur ajo që është korrur, e thjeshtë. Në fushë luan çuni i babit, fjala që bie, gocë e mamit, djali i hallës, çuni i shokut, djali i djalit të bosit, që befas një ditë shndërrohen në një kualitet “të frikshëm” sportiv për të veshur fanellën e ekipit kombëtar! Përfundimi: 116-22, por mbase ka pas edhe më keq, por më keq se kaq nuk ka ku shkon.
Ndoshta në anën e tij trajneri, apo team-menageri i ekipit në fjalë do të thoshte: “Në vend të më falenderoni që gjeta investimin, ngrita ekipin, mora pjesë në garë, pa asnjë lekë nga shteti e federata, tani më kërkoni edhe rezultate…”

E ndoshta këtu për një moment edhe rri pak stand-bye, paçka se vetë nuk arrij dot kurrë ta kuptoj që në 4 perioda lojë, në 40 minuta në total kohë basketbolli, një ekip kombëtar të shënojë 22 pikë, ose 5.5 pikë në një period 10 minutëshe. Pyeta një mikun tim ish-basketbollist se në 10 minuta lojë sa sulme mund të ndërtohen në total në këto nivele, që ne kemi në basket dhe kur e zotërojmë ne topin. Për një periodë diku te 20-25 sulme më tha. E për këtë ne nxorrëm 5.5 pikë. Vërtetë kaq mundësi kemi të bëjmë në një 10-minutësh lojë? 5.5 pikë? Nuk e besoj kurrë. Edhe në këtë nivel që kemi, edhe në këtë standart të ngritur të ekipeve kombëtare: Financoje vetë dhe merr pjesë!

Për arsye menaxheriale, apo financuese mbase nuk mund ta atakohet stafi teknik i kësaj kombëtareje, por, për 22 pikët në 40 minuta lojë basketbolli, teknikisht dhe profesionalisht ato duhet të japin një shpjegim, për të mos u mjaftuar vetëm me alibinë: Shteti ka braktisur sportin etj etj etj. Teknikisht, a ka një shpjegim? Mendoj që duhet të ketë, përtej slloganit të vazhdueshëm e të përhershëm që: Këtë nivel kemi, kaq takat kemi, më shumë se kaq nuk shkojmë e lloj lloj turlirash të tjera për të mbuluar atë që nuk mundet dot të mbulohet.

E një shpjegim të tillë duhet ta japin ata që I kanë dhënë zë basketbollit, siç edhe thuhet, në formën e një rekomandimi, këshillimi, apo edhe shprehje opinioni, për të çuar një zë deri te presidenca e FSHB-së: Avni! Nuk shkon më ky mekanizëm përfaqësimi! Pavarësisht dëgjon apo nuk dëgjon zoti Ponari.
Këta zëra tani evokojnë të kaluarën e viteve të vajgurit, kur me nostalgji të madhe proklamojnë triumfe “universalë” asokohe në basketbollin e meshkujve. Që personalisht nuk më rezulton që basketbolli i asaj kohe të këtë triumfuar në europë e botë në europianë, apo botërorë në ato vite. Për aq përfaqësim sa I kishte lënë edhe sistemi. Volejbolli po, me Ela Tasen e madhe e Moza Ibrahimin e profesor Tartarin, por basketbolli? Nuk di të ketë mrekulluar dynjanë në europë e botë. Po nejse histori tjetër. Kemi mbetur ende te 75-75 që mbase edhe vetë i zoti i punës e ka harruar…!

Sot hodha unë ca rreshta mbi këtë sistem të ekipeve kombëtare të basketbollit, por zëri më kritik i mbetet njerëzve të fushës ti kushtojnë pak kohë edhe këtij sporti, që siç thonë i kanë dedikuar jetën e tyre. Të lënë për një moment tik-tokun e plazhit teksa u del “pa dashje” ndonjë shalë porto-rikaneje, apo ndonjë meme politike, por edhe ndonjë aksion për lirimin e hapësirave publike, e të merren pak për këtë gjë që siç shpesh thonë kanë lënë gjakun dhe jetën. Sepse në këtë mënyrë do të frenojnë “diarrenë” e rrjeteve sociale, dhe do të orientojnë gjithollogët për rezultate të tilla të basketbollit të moshave në ekipet tona kombëtare!

Në mënyrë që, në një rrugë, apo tjetër ato ti japin një argument më shumë presidentit të basketbollit që ta rishohë me urgjencë këtë mekanizëm të ekipeve kombëtare. Ose, ose të rrimë të gjithë bashkë në të njëjtin oborr “masturbimi”, e të themi pas ndeshjes: Djali (vajza) miku, shoku, luajti sot në mënyrë të shkëlqyer, ishte në ditën më të mirë. Na rrahën me 50 pikë, po çfarë rëndësie ka. Rëndësi ka që dëfrehen, por mbi të gjitha që e kanë mësuar himnin më mire, se edhe vetë ata..! Me këtë sistem realisht jemi mirë: Vetëm përpara!

Dikush do të thotë që më në fund Qeveria po hedh një vështrim drejt sportit. Nuk ishte e largët koha e COVID ku të gjithë përfituan “pagën e luftës” përveç futbollistëve. E megjithatë edhe në këtë rast, gjëja nuk është kaq e bukur, por është e kësaj forme siç ndodh në Shqipërinë tonë: “Ligjet janë të bukura, shpesh si vëndet perëndimore, zbatimi i tyre më pas është si një shtet i harruar diku në Europë”.

Pyetjet mund të jenë të shumta, por shumëkush mund të ngrejë dyshime për transparencën, mënyrën sesi do të ndahet një fond i tillë dhe ku do të shkojë ai. Por në fund të fundit, e marrim të mirëqenë se gjithçka do të shkojë në vendin e vet. Të paktën, nëse fonde të tilla vazhdojnë të xhirojnë në këtë mënyrë, përse sporti në Shqipëri është kaq larg?

Vetëm dje Shqipëria u poshtërua në grupmoshat e futbollit, 116-22 kundër Serbisë në basketboll për femra. Dhe kjo është vetëm një prej fushave të sportit, duke hequr futbollin që ka një tjetër menaxhim, çdo anë tjetër e sportit lë shumë për të dëshiruar. Për momentin e vetmja gjë që krenohen drejtuesit përveç futbollit janë disa medalje që marrim nga mundja, xhudo.

Dhe ato nuk mbajnë firmën e Shqipërisë, por janë disa atletë të huaj të cilët për arsye nga më të ndryshmet nuk garojnë dot më për vendet e tyre dhe më pas zgjedhin Shqipërinë si e vetmja mundësi për të mos mbyllur karrierën në arenën ndërkombëtare, si i vetmi shtet që është gati për të pranuar “të përjashtuarit” e shteteve të tjera. Madje as ata nuk dimë t’i mbajmë pasi skiatorja italiane Lara Colturi donte të ikte nga Shqipëria duke kërkuar zyrtarisht largimin.

Të paktën, të kemi disa rezultate dhe për shifrat, askush më nuk do të flas. Të paktën, të jemi më shumë konkurrues me shtetet e tjera dhe të mos kemi diferenca kaq të mëdha, si ajo e djeshmja në basketboll, 116-22. E teksa fondet dhe mbështetja për futbollin mungon, ajo për KOKSH ngelet e pakursyeshme, por përderisa nuk po prodhon asnjë rezultat të vetëm dhe menaxhimi në këtë aspekt lë gjithmonë për të dëshiruar, pikëpyetja tona të ngritura në kokë nuk mund të quhen më aludime. Apo toka shqiptare nuk prodhon talente? Apo toka shqiptare nuk ka njerëz aq të aftë sa për t’u përpjekur që të konkurrojnë me kundërshtarët, vetëm të konkurrojnë, askush nuk po thotë për të fituar…

Pak çudi sepse historia na tregon për një racë shumë superiore në krahasim me të tjerët dhe sporti mbështetet fortë në genin e popullit, të sportistëve. Nëse mbështetja financiare nuk po mungon për sportistët që e meritojnë këtë mbështetje, atëherë përse jemi kaq larg të tjerëve? Situata duket e pandryshuar, fondet shtohen gjithmonë e më shumë dhe pas disa muajsh apo vitesh, këto shifrat do të përmenden si një hap pozitiv dhe zhvillimi për sportin në Shqipëri, që vazhdon të krenohet me prodhimet artificiale të Azerbajxhanit, Taxhikistanit apo Italisë. Gjithsesi, një dolli me fund, për sportin në Shqipëri, GëZUAR! /Sport Ekspres/

Shqipëri-Serbi, derbi i Ballkanit, por këtë herë u luajt për grupmoshat e basketbollit në Divizionin B të Eurobasket 2025. Por përtej rivalitetit të madh jashtë fushe mes dy vendeve, brenda fushe, nuk kishte aspak rivalitet.

Përkundrazi, Shqipëria kishte ngritur flamurin e bardhë pa nisur ndeshja. Në fund, rezultati ishte poshtërues, Serbia fiton kundër Shqipërisë në shifrat 116-22. Një dështim i madh i sporteve të tjera vazhdon në vendin tonë, përkundër gjithë financimeve të rritura të Qeverisë Shqiptare për KOKSH.

Dështimi vazhdon vit pas viti, por këtë herë merr një vëmendje tjetër pasi ishte kundër Serbisë një rezultat i tillë që nuk gjen asnjë shpjegim duke konfirmuar edhe njëherë tjetër se jemi vite dritë larg në sport me vendet e tjera afër nesh, përkundër futbollit, që zbut gjithë hendekun. /Sport Ekspres/

Kjo mbështetje vjen si reagim ndaj një vendimi të padrejtë të KOKSH, i cili refuzoi përfshirjen në rendin e ditës të një kërkese zyrtare dhe legjitime të FSHF-së, për të trajtuar zbatimin e vendimit përfundimtar të Gjykatës së Arbitrazhit për Sportin (CAS). Në vend të kësaj, në rend dite është vendosur një monolog i paralajmëruar i Presidentit të shkarkuar të KOKSH.

Vendimi i CAS ka shpallur të pavlefshme proceset dhe vendimmarrjet e mëparshme të KOKSH, duke renditur shkelje të qarta të të drejtave të anëtarëve dhe të procedurave statutore.

Refuzimi për të dëgjuar një anëtar të barabartë dhe për të diskutuar çështje të një rëndësie thelbësore institucionale përbën një shkelje të hapur të parimeve demokratike dhe të frymës olimpike. Ky veprim bie ndesh jo vetëm me Kartën Olimpike, por edhe me Kartën Evropiane të Sportit dhe çdo standard të mirëqeverisjes në organizatat sportive.

Kur federata më e madhe sportive në vend nuk lejohet të shprehë zërin e saj në një forum që duhet të jetë mishërim i demokracisë dhe barazisë, atëherë të gjithë ne, si anëtarë të kësaj organizate, jemi të ekspozuar ndaj të njëjtës padrejtësi.

Nëse FSHF nuk mund të flasë, kush tjetër mund të ketë garanci për lirinë e shprehjes dhe të drejtën për përfaqësim?

FSHSU ndan shqetësimin e FSHF-së për drejtimin jo transparent dhe përjashtues të KOKSH, i cili po dëmton funksionimin normal të organizatës dhe po minon besimin midis anëtarëve. Ne besojmë se çdo anëtar duhet të ketë të drejtën e barabartë për të shprehur, për të propozuar dhe për të marrë pjesë në mënyrë aktive në vendimmarrje.

Në këtë frymë, FSHSU njofton se nuk do të marrë pjesë në Asamblenë e 31-të të Përgjithshme të KOKSH, si protestë dhe solidaritet ndaj një procesi të deformuar dhe të padrejtë.

Ne do të vazhdojmë të mbështesim fuqishëm ligjshmërinë, transparencën, kontrollin dhe balancat, si dhe parimin e përfaqësimit të barabartë – si gurë themeltarë për një sistem sportiv të drejtë, të hapur dhe demokratik.

Oferta mbulon sezonet 2026, 2027 dhe 2028, dhe Aston Martin është e qartë se nuk do të kursehet kur vjen puna për të sjellë kampionin në fuqi. Sipas burimeve, pas kësaj oferte astronomike qëndron fondi i investimeve sovrane të Arabisë Saudite – Fondi i Investimeve Publike (PIF).

PIF tashmë zotëron 20% të kompanisë Aston Martin Lagonda, dhe përmes gjigantit të naftës Aramco është gjithashtu sponsori kryesor i ekipit F1. Nëse Verstappen do ta pranonte këtë ofertë, paga e tij aktuale vjetore prej rreth 50 milionë euro do të shkonte në 88 milionë euro. /Elio Hajdari-Sport Ekspres/

Por rasti i Lara Colturit është kejtësisht i ndryshëm. Skiatorja 18-vjeçare erdhi për të përfaqësuar Shqipërinë dhe na dha medalje, teksa në botërorin e skive rrëmbeu vendin e dytë duke ngritur lart flamurin e Shqipërisë. Të gjithë mediat botërore shkruajtën dhe u habitën sesi Shqipëria kishte një skiatore që ishte ndër më të talentuarat në botë dhe ishte vetëm 18-vjeçe.

Deri në moshën 15-vjeçare ajo ka konkurruar për Italinë dhe ka korrur disa suksese, por jo në turne të njohur zyrtarisht për shkak të moshës. Më pas për shkak të konkurrencës së madhe në Itali dhe presionit për rezultate, Lara u nis drejt Shqipërisë, për të përfaqësuar vendin tonë.

Por pas disa sukseseve të arritura dhe medaljeve të dhëna për Shqipërinë, Lara Colturi, italiania që nderoi Shqipërinë, pa se KOKSH-i nuk po i ofronte mbështetjen financiare të duhur. Kështu ajo i dërgoi një letër zyrtare ku i kërkoi që të largohej për të shkuar që të përfaqësonte Italinë dhe të linte përfundimisht Shqipërinë.

Pyetja është: “Si ka mundësi që KOKSH që merr jo pak mbështetje nga Qeveria në buxhet, por me miliona euro, të mos i ofrojë një mbështetje financiare një kampioni botëror si Lara Colturi, kur e gjithë bota foli për të dhe Shqipërinë?”.

Por mbi të gjitha, pyetja që shtrohet është: “Nëse në raste si Lara Colturi, një kampione dhe talent i njohur ndërkombëtarisht, i mungon një mbështetje e tillë financiare, çfarë ndodh me talentet e sporteve të ndryshme në Shqipëri, që nuk janë kaq të afirmuar sa Lara Colturi dhe mbi të gjitha nuk e kanë një pasaportë italiane apo gjermane?”.

Situata nuk duket fort e mirë, më e dhimbshmja është fakti se Lara Colturi do të iki drejt Italisë dhe askush nuk e quan dot “tradhtare”, në këtë rast askush nuk mund të akuzojë për tradhti skiatoren italiane që për disa kohë nderoi Shqipërinë.

Madje edhe nëse Shqipëria nuk i jep lejen e kalimit, Lara është gati që të djeg një vit mos prezence, vetëm për t’u rikthyer në Itali. Pasi nuk po prodhonim dot në sportet tona kampionë për shkak të mungesës së kushteve, u mendua një ide jo fort e keqe për të marrë kampionë të dënuar apo që nuk i ishte dhënë shumë hapësirë në shtete të tjera për shkak të konkurrencës.

Por edhe këta kampionë të huaj treguan pikërisht të njëjtin problem, mungesën e mbështetjes. Në fakt do të ishte më e mirë që kjo mbështetje t’i jepej sportistëve të lindur në Shqipëri dhe të formuar mes ëndrrash në këtë vend, sesa disa produkteve të tjerë të gatshëm që vijnë nga shtetet e tjera. Nëse nuk arrijmë të mbajmë dot edhe një kampione të njohur ndërkombëtarisht dhe që quhej si një prej talenteve më të mëdha në botë, situata është alarmante dhe kjo konfirmon dështimin tonë. Sado i bukur të vishet produkti, edhe nëse ka ambalazh të jashtëm, kur vjen në Shqipëri, koha e skadencës është e shkurtër. /Sport Ekspres/

Kolturi ka dorëzuar kërkesën zyrtare në Komitetin Olimpik Ndërkombëtar për të përfaqësuar vendin e saj të lindjes, Italinë. Si afat përfundimtar për shqyrtimin e kësaj kërkese është vendosur data 1 maj. Në rast mosmiratimi, atëherë skiatorja do të qendronte për një vit jashtë garave të skive, duke humbur kështu edhe Lojërat Olimpike Dimërore 2026./Sport Ekspres/

“Në nëntor, ne theksuam se sa e rëndësishme është që General Motors të sjellë Cadillac në Formula 1. Ky është një hap pozitiv në zhvillimin e sportit tonë. Falenderoj GM dhe TWG Motorsports për përkushtimin dhe punën e tyre gjatë gjithë këtyre muajve. Ne mezi presim ardhjen e tyre në rrjet në 2026”, tha Domenicali. /Elio Hajdari-Sport Ekspres/

PËRGJIGJE NDAJ DEKLARATËS SË SHOQATËS TEUTA BASKET

Në lidhje me pretendimet e vazhdueshme dhe tekanjoze të Shoqatës Teuta Basket mbi zhvillimet e fundit në Kupën e Republikës, dëshirojmë të sqarojmë opinionin publik durrsak dhe komunitetin e basketbollit mbi pretendimet e Arqile Gorres, i cili vepron kundër interesave të sportistëve dhe sportdashësve durrsakë.

1. Organizimi i ndeshjes dhe respektimi i rregullores

Federata Shqiptare e Basketbollit (FSHB) ka vepruar dhe vepron në përputhje me rregulloret e miratuara, të cilat janë pranuar edhe nga Teuta Basket si shoqatë anëtare e FSHB-së. Vendimi për zhvillimin e ndeshjes në Elbasan është marrë në bazë të kritereve organizative dhe teknike, duke pasur si qëllim garantimin e një gare të ndershme dhe të barabartë për të gjitha ekipet pjesëmarrëse. Ekipi i Teutës ishte pjesë e këtij vendimi dhe ishte i gatshëm të luante në Pallatin e Sportit në Elbasan.

2. Ndryshimi i vendndodhjes së ndeshjes

Për arsye teknike, u bë e pamundur zhvillimi i ndeshjeve në Elbasan dhe federata vendosi që ndeshjet të zhvillohen në Pallatin e Sportit “Goga” në Durrës, në kushte më të mira, por me një kosto më të lartë për federatën. Kjo u bë për të garantuar vijimin e garës dhe për të mos dëmtuar ekipet.

Në të kaluarën, z. Gorrea ishte ankuar për kushte të papërshtatshme në këtë pallat, ndërsa këtë herë gjeti një justifikim tjetër për të mos marrë pjesë, duke kërkuar që ndeshja të shtyhej pa asnjë bazë të rregullt.

3. Refuzimi i pjesëmarrjes dhe pasojat

Nëse një ekip nuk pranon të luajë sipas rregullave të përcaktuara, atëherë nuk mund të ketë përjashtime të veçanta. Shoqata Teuta Basket, me vendimin e saj për të mos marrë pjesë, shkeli dëshirën e sportistëve për të luajtur, të sportdashësve durrsakë për të parë ekipin e tyre dhe, si pasojë, do të përballet me masat përkatëse disiplinore për tërheqjen nga Kupa e Republikës.

4. Akuzat e pabazuara dhe prapavija e sulmeve ndaj FSHB-së

Akuzat e Shoqatës Teuta Basket ndaj federatës janë të pabazuara dhe nuk kanë asnjë argument valid. Këto janë pjesë e një platforme të mirëorganizuar nga z. Gorrea, i cili ka zhvilluar takime të fshehta me subjekte të ndryshme për të sulmuar federatën dhe drejtuesit e saj.

FSHB rikujton sukseset e arritura si:

• 5 medalje me ekipet kombëtare U16, U18 dhe U20 vetëm vitin e kaluar.
• Liga UNIKE, nga e cila Teuta Basket u tërhoq, duke u kritikuar nga opinioni sportiv në Durrës.
• Liga SIGAL për U20, për djem dhe vajza.
• Organizimi i kampionateve ndërkombëtare në Shqipëri, që rrisin imazhin dhe nivelin e basketbollit vendas.

5. Financimi dhe mbështetja ndaj klubeve

FSHB është e vetëdijshme për sfidat financiare që përballet basketbolli shqiptar dhe ka lobuar vazhdimisht për rritjen e mbështetjes financiare për klubet. Ndërkohë, Shoqata Teuta Basket merr më shumë fonde nga Bashkia Durrës sesa federata për gjithë Shqipërinë dhe i përdor këto fonde pa asnjë përgjegjësi. Nëse një ekip refuzon të marrë pjesë në aktivitetet e federatës, atëherë duhet të ketë pasoja edhe në mbështetjen financiare që i jepet nga institucionet publike.

6. Respekti për basketbollin dhe sportdashësit

FSHB respekton historinë e çdo klubi dhe kontributin e çdo individi në zhvillimin e basketbollit shqiptar. Megjithatë, mbështetja e së shkuarës nuk mund të përdoret si justifikim për veprime që dëmtojnë frymën sportive dhe garën e ndershme.

7. Basketbolli do të ecë përpara

Pavarësisht pengesave dhe sulmeve të pabazuara, FSHB do të vazhdojë të punojë për zhvillimin e basketbollit shqiptar. Në vijim, do të organizohen dy ndeshje të rëndësishme për ekipet kombëtare dhe gjashtë kampionate të moshave, ndërkohë që Shqipëria do të presë edhe kampionate evropiane.

FSHB do të vijojë në rrugën e zhvillimit të basketbollit shqiptar me përkushtim dhe profesionalizëm.

Gjithashtu, vërejmë se sulmet ndaj FSHB-së ndodhin çdo vit përpara fazës së play-off-it, dhe i bëjmë thirrje opinionit publik që të reflektojë në mënyrë konstruktive mbi këtë situatë.

Basketbolli është mbi gjithçka – le të fitojë sporti!

“Gjithçka është bërë jashtë dijenisë së sportit universitar dhe sportit shkollor. Iniciativa që është marrë për të iniciuar këtë ligj, është marrë jashtë aktorëve kryesorë, Federata e Sportit Universitar dhe Shkollor. Që këtu fillon zanafilla e një ligji të parregullt, i jashtëligjshëm dhe pse jo absurd e abuziv gjithashtu. Ne kemi bërë përpjekjet tona me insititucionet përkatës, Ministrinë e Arsimit dhe Kuvendin e Shqipërisë, Ministria e Drejtësisë etj.

Kemi shpresuar që të paktën këto institucione serioze dhe të rëndësishme që drejtojnë jetën politike në vend të mund ta ndalin këtë ligj abuziv. Nuk besoj që ka një vend të botës, nëse ka unë tërhiqem, që të vërë KOKSH-in në pozitat e një federate sportive. Në të gjitha drejtimet, konsiderohet një shkelje e statutit të vetë, një shkëlje e nenit 27/9 të Komitetit Olimpik Ndërkombëtar. Në këtë rast, KOKSH-i po merr rolin e federatave sportive. Pra, po tjetërson edhe statutin e vetë”, ka deklaruar Besnik Veliu./Sport Ekspres/

“Une si ish menaxher i sporteve luftarake  e kam pranuar me shqetësim kete  informatën se në mbrëmjen e boksit profesionist që eshte zhvilluar  të dielën në Tiranë ku një boksieri serb te cilit i është lejuar hyrja në ring me nje  këngë shume provokative dhe anti-Kosovë. Shprehi shqetsim  te thellë me këtë ngjarje dhe kërkoj nga UBSH- Unioni i Boksit Shqiptar, si mbikëqyrës i eventeve të boksit profesionist në Shqipëri, të marrë masa ndaj organizatoreve dhe të tregohen më te kujdesshëm në të ardhmen. Po ashtu kërkoj t’ua tërheqë vërejtjen organizatorëve që një ngjarje e tillë të mos përsëritet.  Uroj që ngjarje të tilla të pakëndshme të mos përsëriten kurrë.

Viteve te fundit  boksierët shqiptarë i zgjedhin boksieret serbët për kundërshtarë dhe madje kryesisht të nivelit me të ulët, për të fituar dhe për të rritur famën. Mposhtja e një boksieri nga Serbia shpesh bën bujë, ndërsa pak ka analiza për nivelin e boksierëve kundërshtarë”, tha Dalipi. /Sport Ekspres/

Usyk fitoi me vendim unanim kundër Fury-t, duke mbetur i pamposhtur në karrierën e tij. Gjyqtarët vendosën të tre me pikët 116-112 në favor të sportistit ukrainas, që mbrojti kështu me sukses titujt kampionë./Sport Ekspres/

Vendi i parë u rrëmbye nga Mikaela Shiffrin, e cila bën një rekord më vete duke arritur 99 fitore në kampionatin botëror të skive. Pra, Lara Colturi bëri gjithçka që mundej dhe shkoi deri në limitet që mund të arrijë një qënie njërëzore pasi përpara saj doli një skiatore me 99 fitore.
Por jo vetëm kaq, duhet theksuar se Lara Colturi është vetëm 18 vjeç. Kështu për herë të parë në historinë e Shqipërisë, flamuri ynë do të ngrihet në podiumin e një kampionati botëror skish. Por nuk ishte vetëm ky rekordi që shkroi Lara, në fakt ajo shkroi edhe një rekord tjetër pasi kishte disa vite që nuk ndodhte që një 18-vjeçare të arrinte që të ngjitej në podium. Për këtë sukses të madh të Colturit kanë shkruar shumë media botërore, të cilat janë habitur kur kanë parë emrin dhe mbiemrin e vajzës të bashkuar me flamurin kuqezi. Në fakt, karriera e Lara Colturit ishte e paracaktuar. E rritur në një familje ku mamaja dhe babai e ushtronin këtë sport, Lara nuk mund të merrte një tjetër drejtim.

Deri në moshën 15-vjeçare ajo ka konkurruar për Italinë dhe ka korrur disa suksese, por jo në turne të njohur zyrtarisht për shkak të moshës. Më pas për shkak të konkurrencës së madhe në Itali dhe presionit për rezultate, Lara u nis drejt Shqipërisë, për të përfaqësuar vendin tonë. Mamaja e saj ka origjinë të largët nga Shqipëria ndërsa Italia nuk mund ta ndalonte dot pasi sipas rregullave, deri pa mbushur 16-vjeç, një sportist mund të zgjedh që të ndryshojë shtetin që përfaqëson pa pasur miratimin apo lejen e shoqatës që është pjesë. Kështu Lara u nis drejt Shqipërisë, me sigurinë e madhe që do të bëhet një yll botëror. Sot në të gjitha mediat botërore po shkruhet se Shqipëria ka një yll botëror në gjirin e saj dhe se në të ardhmen, Colturi do ta dominojë këtë skenë. Një arritje historike, fantastike, që do të shijonte më shumë nëse do të vinte nga sportistët e lindur dhe rritur në Shqipëri, por deri atëherë, mund të gëzojmë me huazimet nga Europa, rezulton e vetmja mënyrë për të ngritur lart flamurin shqiptar. /Sport Ekspres/

Një djalosh i vogël dhe shumë i talentuar në pjesën e boksit është Enes Hoxha. Me origjinë nga Ladorishti i Strugës, Enesi kërkon që të dërgojë sa më lart flamurin e Shqipërisë. Rruga është e gjatë përpara dhe mundësitë janë, pasi Enesi cilësohet si një prej talenteve më të mëdhenj për moshën e tij. Në datën 7 dhjetor, boksieri i vogël do të ketë një ndeshje shumë të rëndësishme kundër Suheil Ahmadi, me përballjen që do të zhvillohet në Zvicër. Tani është koha që Enesi të tregojë forcën e tij dhe të nis rrugën e suksesshme që e pret, të paktën në bazë të asaj që thonë specialistët që e kanë stërvitur. /Sport Ekspres/

Ndërkohë teksa të gjithë dje ishin me mendjen nga Shqipëria, Ramiz Brahimaj e veshi Joe Rogan me qeleshe. Joe Rogan është njeriu më i famshëm i UFC, sportit që tërheq vëmendje të madhe në mbarë botën dhe dje ka mbajtur një qeleshe në ring. Ramiz Brahimaj kishte një ndeshje kundër Mickey Gall.

Shqiptari arriti ta vendos në gjumë kundërshtarin e tij dhe të fitojë me knock-out që në raundin e parë. Gall u vendos në cepin e ringut dhe nuk mundi dot të reagonte pas grushtit të fuqishëm të shqiptarit, kërkoi menjëherë ndihmën e shpejt.

Brahimaj ka shkuar menjëherë për të festuar duke falënderuar Allahun për këtë arritje. Në fakt ky shqiptar UFC ka kaluar një tumor të rrallë në sy që vendosi në vështirësi gjithë karrierën e tij. Por në fund arriti ta kalojë dhe të rikthehet sërish në nivele tël arta. Pas ndeshjes, Brahimaj i ka dhënë një plis Rogan si dhuratë që ta mbaj. “Është plisi shqiptar, e kam nga gjyshërit e mi. Është një kapele fisnore. Ju lutem tregojani Rogan që të bëjë kujdes me atë plisin se ishte e gjyshërve të mi. Ky është simboli i të gjithë shqiptarëve, ia vendosa Rogan se është më i famshëm se mua”, tha Brahimaj duke kërkuar që të gjithë ta shihnin plisin shqiptar në mes të UFC. /Sport Ekspres/

Shqipëria po merr pjesë në këtë garë me 7 garues, të cilët janë të përfshirë në 5 disiplina të ndryshme. Për fatin e mirë, Shqipëria është kualifikuar në 16 më të mirët në “autoslalom electric” me Brunilda Gjurën, Matias Mirdita dhe në Esport, me Kristi Nanin. Brunilda Gjura ka marrë vendin e gjashtë, ndërsa kjo garuese është pjesë e Prishtina Racing Team që nga viti 2019. Ajo njihet si një prej garueseve më entuziazste që nuk ka munguar në asnjë garë dhe është garuesja e parë grua shqiptare, teksa ka marrë çmimin prestigjioz Helmeta e artë. /Sport Ekspres/

Përtej sekondave, ajo që bie në sy nga ky atlet është shkëputja e frikshme dhe diferenca e madhe që ka me garuesit e tjerë. Një gjë të tillë e kam parë më herët vetëm nga Usain Bolt, ndërkohë që uk duhet harruar që Gout Gout ka lindur në 20 dhjetor të vitit 2007. /Sport Ekspres/

Read about a 16-year-old Sudanese kid in Australia who ran 100m in 10.2 seconds this year. Found the footage— freakin ridiculous. pic.twitter.com/Bz8tYuPkeK

— Del Walker ?? (@TheCartelDel) August 23, 2024

Mundësi nga Çeçenia fitoi ndaj hungarezit Ismail Musukaev me shifrat 13-12. Një ndeshje shumë e luftuar, me një pikë diferencë, por e mjaftueshme që Shqipëria të merrte medaljen e dytë të bronzit në Lojërat Olimpike. /Elio Hajdari-Sport Ekspres/

Pas një humbje të pamerituar në mbrëmjen e djeshme, Valiev u kthye sot për të fituar dy takime dhe për të marrë medaljen e bronzit. Në fund, ai u përball me mundësin nga Taxhikistani, Viktor Rasadin. Një fitore e pastër, 6-2, që më shumë i dhuron Shqipërisë historinë, pasi nga ana tjetër Valiev nuk e shijoi shumë këtë medalje pasi kërkonte të luftonte për atë të arit. Megjithatë, për fatin e keq, duhej të prisnim kaq shumë vite që medaljen e parë të Shqipërisë në Lojërat Olimpike ta fitonim nga një rus. /Sport Ekspres/

Por KOKSH-i vazhdon ta injorojë fjalën e fundit të thënë nga KAS-i. Madje këtij injorimi i është bashkuar edhe shteti shqiptar. Krye bashkiaku i Tiranës dhe zv. ministri i Sporteve, Endri Hoxha, ishin të pranishëm në pallatin e sporteve ku po zhvillohej ndeshja e Abakarovit, i cili po garonte në Lojërat Olimpike Paris 2024 për flamurin kuqezi.

Prania e zotit Hoxha në mbështetje të KOKSH-it, në një moment kur institucioni shtetëror që ai përfaqëson është njoftuar nga KAS-i për pavlefshmërinë e Asamblesë Zgjedhore të KOKSH-it, është një shenjë e injorimit të shkallës më të lartë ndërkombëtare të drejtësisë sportive./Sport Ekspres/

Ky i fundit ështe eliminuar në çerekfinalen e stilit të lirë deri në 57 kg. Një dorëzim total i Abakarov që ka humbur 12-0 nga Aman Aman i Indisë, duke hequr shpresat e Shqipërisë. /Elio Hajdari-Sport Ekspres/

“Atje nuk ka kondicioner, është vapë, ushqimi është i keq. Shumë sportistë lëvizin për këtë arsye: nuk është alibi apo justifikim, është një realitet që ndoshta jo të gjithë e dinë”, tha Thomas. Ai është parë teksa po dremit në park dhe foto është bërë virale në rrjetet sociale. /Elio Hajdari-Sport Ekspres/

Pikërisht në raundin e 4-t, Bakaj i dha ganezit goditjen e ‘knock out’-it. E djathta e 25-vjeçarit gjunjëzoi kundërshtarin, i cili nuk mundi të ngrihej dot përsëri në këmbë. Kështu Amarildo Bakaj u shpall fitues dhe ruan ende rekordin e tij si i pamposhtur. Ai numëron 11 fitore në 11 duele të zhvilluara, të gjitha të fituara me “knock out”./Halit Delibashi-Sport Ekspres/

Amarildo Bakaj (11-0, 11 KOs) ?? is the new WBO Youth Light Heavyweight World Champion. He defeated Jon Mbanugu (10-1-1, 10 KOs) ?? in the fourth round in Lezhe, Albania. pic.twitter.com/ijKJbSS6oQ

— Permante (@PermantexG) August 4, 2024

263 medalje ari për Kinën, 149 për Suedinë, 292 për Anglinë, 1,070 për Shtetet e Bashkuara… Duke parë këto numra, fitimi i medaljes së arit duket i lehtë. Megjithatë, disa vende ende nuk kanë arritur të marrin të parin. Në Evropë, Mali i Zi, Bosnje-Hercegovina, Shqipëria dhe Moldavia janë ende në kërkim të medaljes së parë. /Elio Hajdari-Sport Ekspres/

Alice Bellandi ishte në qendër të vëmendjes teksa festoi medaljen e artë olimpike duke puthur të dashurën e saj Jasmine Martin, një xhudiste me origjinë braziliane, e cila garon për Afrikën e Jugut dhe jeton në Romë.

“Çfarë nuk shkon me këtë? Ky është floriri plot dashuri. Më vjen keq që kjo puthje shihet si diçka e jashtëzakonshme, është dashuri. Kë do të puthje pas rezultateve kaq të rëndësishme? “, tha Alice Bellandi. /Elio Hajdari-Sport Ekspres/

Ajo theksoi se nuk do të dorëzohet si italianja Angela Carini dhe fjalët e saj po bëjnë jehonë në mediat botërore. 

“Nuk kam frikë, nuk më interesojnë as historitë në media dhe në rrjetet sociale. Nëse ai është mashkull, do të jetë një fitore më e madhe për mua”, theksoi hungarezja. /Elio Hajdari-Sport Ekspres/

Shoqata Ndërkombëtare e Boksit (IBA), organizatorja e Kampionatit Botëror, tha në atë kohë se Imane “po pretendonte të ishte një grua”. Në bazë të testeve ata zbuluan se Imane ka kromozome XY (gratë zakonisht kanë XX çifte kromozomesh, kurse meshkujt XY), shkruan “The Times”.

Megjithatë, Imane Khelif iu dha drita jeshile për të garuar në Lojërat Olimpike të Parisit në kategorinë 66 kilogramë, gjë që zemëroi garuesit e tjerë. Përpara ndeshjes, Angela Carini shprehu shqetësimin e saj se duhej të luftonte kundër një burri të provuar biologjikisht.

Pikërisht në fillim të ndeshjes, Angela mori një goditje jashtëzakonisht të fortë dhe menjëherë vendosi të dorëzohej. Ajo hoqi dorezat dhe u gjunjëzua në dysheme në lot duke mos provuar më tej forcën kundrejt një burri…femër. /Elio Hajdari-Sport Ekspres/

Today, Angela Carini had her Olympics dreams shattered by Imane Khelif, a male boxer.

It is suspected that he BROKE HER NOSE.

Don’t let this pass quietly. MEN SHOULD NOT BE ALLOWED TO BEAT WOMEN FOR SPORT.

SAVE WOMEN’S SPORTS. pic.twitter.com/i5GMdgWrwb

— Hazel Appleyard (@HazelAppleyard_) August 1, 2024

Algeria‘s biological man Imane Khelif has beat Italy’s Angela Carini after only 45 sec in 66 kg boxing preliminaries at the #Olympics.
What a disgrace!
What about the rights of biological female athletes?
Where are all the feminists when you need them?pic.twitter.com/KOV9rLKZ2K

— Velina Tchakarova (@vtchakarova) August 1, 2024

Në vitet e kaluara Kosova mori tre medalje të arta. Gjithçka filloi në ndeshjet e para të vitit 2016, kur Majlinda Kelmendi fitoi medaljen e artë në Rio de Zhaneiro, dhe më pas Distria Krasniqi dhe Nora Gjakova fituan medaljen e artë në Tokio. Trajneri Driton Kuka është i kënaqur me të gjithën këtë arritje dhe e ka krahasuar me Serbinë. “Serbia ka 300 klube të xhudos dhe zero medalje olimpike, Kosova ka pesë”, tha Kuka. /Sport Ekspres/

Pas më shumë se një orë ndërprerje, arbitri mori vendimin për të parë aksionin e golit në monitorin e VAR-it. Nga pamjet që kishte në dispozicion, gjyqtari u bind për pozicion jashtë loje dhe anulloi golin. Për më tepër, lejoj edhe disa minuta lojë, që sollën edhe golin e fitores për Marokun.

Trajneri Havier Maskerano ka shfryrë në rrjetin e tij social në “Twitter”, ku ka shkruar: “Cirku më i madh që kam parë në jetën time”. Ndërkohë, në intervistën e dhënë pas ndeshjes, ai u shpreh se loja u ndërpre për arsye sigurie dhe nuk duhej të rifillonte sërish. Ai ka shtuar se lojtarët pritën shumë gjatë dhe nuk u njoftuan në asnjë çast se do të dilnin sërish në fushë. Madje sipas tij, as futbollistët e Marokut nuk dëshironin të luanin më./Halit Delibashi-Sport Ekspres/

Më herët edhe KAS-i i kishte konsideruar të pavlefshme zgjedhjet e bëra nga Komiteti Olimpik Kombëtar Shqiptar, ku u largua në kundërshtim me statutin presidenti Viron Bezhani. Pavarësisht këtij vendimi, KOKSH-i vendosi që më 29 maj të organizonte Asamblenë e Zakonshme, e cila tashmë u hodh poshtë nga Gjykata e Tiranës. Kjo e fundit, siç raporton “Supersport”-i, me vendimin e marrë më 19.7.2024 ka gjykuar se “kërkesa e Presidentit Fidel Ylli për regjistrimin e vendimeve dhe Asamblesë së Përgjithshme të datës 29 maj, është e pabazuar në ligj dhe në statut, ndaj edhe është refuzuar”./Sport Ekspres/

Kaosi mbretëroi për minuta të tëra, deri sa në stadium u kthye sërish qetësia. E si kurrë më parë në historinë e futbollit, arbitri vendosi të anullonte golin pas plot 1 ore e 15 minutash pasi ishte shënuar. Rishikimi i pamjeve në monitorin e VAR-it dëshmoi se kishim të bënim me një pozicion jashtë loje. Por çuditë nuk mbaruan këtu. Arbitri lejoi të luheshin edhe 3 minuta lojë, gjatë së cilave Maroku arriti të shënonte gol dhe të merrte fitoren 1-2. Ngjarje e pabesueshme./Halit Delibashi-Sport Ekspres/

One of the most embarrassing moments in football…

This referee disallowed Argentina’s goal two hours later.. ? pic.twitter.com/04Lt98oukZ

— Football Tweet ?? (@Football__Tweet) July 24, 2024

“Është një vendim i datës 17 qershor 2024, që shpall të pavlefshme Asamblenë Statutore dhe Zgjedhore të fundi të komitetit Olimpik. Ajo që më habit më tepër dhe që me të vërtetë skandalizohem është arroganca ose mospërfillja, kur përdorin ish presidentin e Komitetit Olimpik për të thirrur asamblenë e radhës. Një asamble analize vjetore. Çdo vendim i marrë nga ajo Asamble e datës 10 në 2021-shin e më pas, është i paligjshëm. Të gjithë vendimet duhet të çregjistrohen, përfshi këtu edhe vendimi për regjistrimin e presidentit, apo edhe vendime të aktivitetit financiar. Nga Asambleja e Jashtëzakonshme, çdo vendim i marrë, është i paligjshëm.

Duhet të theksojmë se nuk ka të drejtë të thërrasë asnjë gjë dhe këtë e kupton çdo njeri. Nuk ka çfarë të thërrasë, sepse ia ka hequr vulën tjetërkush. Ia ka hequr këtë vulë një gjykatë më e lartë se kushdo dhe këta nuk kanë më çfarë të bëjnë, ndonëse mendojnë se mund të abuzojnë. Duhet të ulin kokën dhe të ikin me turp. Normalisht që do të thirrej ish-presidenti dhe do të bëheshin veprimet e duhura ligjore, pasi do të çregjistroheshin veprimet e marra pas Asamblesë së 2021-shit. Pas këtij hapi, do të bëheshin hapat për zgjedhjet e reja, pasi këtu bëhet fjalë për t’i dhënë bazë ligjore Komitetit Olimpik.

Duhet të ketë një ministri që duhet të ruajë fytyrën e saj dhe shtetin shqiptar. KOKSH-i dhe ai president nuk kanë fytyrë dhe duan të mbrojnë me çdo kusht pozitat e veta. Duhet mbrojtur shteti, pasi nëse shkohet në Lozanë për veprimet e pas këtij vendimi, do të jetë një turp për shtetin shqiptar. Janë dhënë shumë lekë. Kur unë merrja zero lekë nga shteti shqiptar, këtu janë dhënë miliarda. I takon SPAK-ut të hetojë se si janë shpenzuar këto miliarda”, ka thënë Viron Bezhani, citon “Supersport”-i./Sport Ekspres/

Fury mori humbjen e parë në karrierë, teksa dy prej tre gjyqtarëve të ndeshjes vendosën t’i jepnin fitoren boksierit ukrainas. Momenti më i rëndësishëm për triumfin e Usyk-ut ishte në raundin e 9, kur hodhi “knock doën” kundërshtarin. Ndërkohë, të dy boksierët ranë dakort që të përleshen sërish me njëri-tjetrin, teksa kjo pikë është e parashkruar edhe në kontratë.

Por pas ndeshjes, Fury nuk e pranoi humbjen dhe shkaktoi shumë polemika me deklaratën. “Unë besoj se e fitova këtë ndeshje, ai mori vetëm disa raunde, por unë shumicën e tyre. Patëm një ndeshje të madhe. Vendi i Usyk është në luftë dhe njerëzit simpatizojnë vende të tilla, unë mendoj se e fitoja këtë ndeshje”, tha Fury. /Sport Ekspres/

Fury mori humbjen e parë në karrierë, teksa dy prej tre gjyqtarëve të ndeshjes vendosën t’i jepnin fitoren boksierit ukrainas. Momenti më i rëndësishëm për triumfin e Usyk-ut ishte në raundin e 9, kur hodhi “knock down” kundërshtarin. Ndërkohë, të dy boksierët ranë dakort që të përleshen sërish me njëri-tjetrin, teksa kjo pikë është e parashkruar edhe në kontratë./Halit Delibashi-Sport Ekspres/

HOW did Tyson Fury survive this from Oleksandr Usyk ? pic.twitter.com/49IbID0yNl

— Happy Punch (@HappyPunch) May 18, 2024

“Tenisti i njohur serb Djokoviç po përgatit një skandal në Gjenevë. Ai do të ofendojë 300 mijë shqiptarë në Zvicër me provokimet e tij tashmë tradicionale, shoviniste dhe raciste”, shkruan media zvicerane. /Sport Ekspres/

Një arritje e jashtëzakonshme e Krasniqit e cila ka ngritur lart flamurin e Kosovës në arenën europiane. Kjo është hera e dytë që sportistja shqiptare var në qafë medaljen e artë./Halit Delibashi-Sport Ekspres/

“Ndej keqardhje për Florianin. Ai kishte një problem me dorën e tij. Por ishte një dylu.ftim i shkëlqyer. Sa i mërzitur jam për Florianin, aq i kënaqur jam për Krisin (Kogon). Floriani do të kthehet sërish. Ai ende po përmirësohet. Pati disa gjëra që nuk shkuan mirë për të sot (dje), por baza e tifozëve dhe fakti që ka Grant Smithin atje, vërtetë besoj se edhe ai është një lu.ftëtar elitar”, ka thënë Ben Shalomi./Halit Delibashi-Sport Ekspres/