Si parantezë, në kampionatin Shqiptar të Basketbollit Fieri nuk përfaqësohet vetëm nga ky ekip, por dhe nga disa të tjerë të cilët trajtohen si klube te huaja dhe iu mbyllen dyert për seancat stërvitore . Madje kjo gjë shkon deri atje, ku nën zë administratorët e këtij pallati sporti kanë vendosur tarifa të ndryshme në para për ata që kërkojnë të sterviten në këtë ambient ose te zhvillojnë ndeshjet e kampionatit. A është në dijeni Federata e Basketbollit për gjithë këtë? Sepse e keqja më e madhe ndodh kur i ferkojmë kokën një ekipi i cili prej vitesh nuk sjell asnjë trofe në këtë qytet. Pra ekipet e tjera me sakrifica të mëdha vazhdojnë të luajnë jashtë qytetit te Fierit dhe Apollonia vazhdon të vegjetojë pa asnjë rezultat.

Ecim më tej në korridoret me myk të sporteve të rënda, bisedojmë me disa familjarë qe me keqardhje na thonë se fëmija e tyre është dëmtuar dhe sëmurë disa herë për shkak të ambientit ku ai stërvitet. Aty pranë shikojmë disa të rinj që stërviten me rrobat e tyre, nuk kanë asnjë uniformë sepse edhe pse sponsorat ua kanë mundesuar, prapë diçka nuk shkon me administrimin. Në një rrëfim për Sport Ekspres një ish sportist i klubit shumë sportësh Apollonia na rrëfen çfarë ndodh pas dyerve të administratës së këtij klubi. Nuk dua ta identifikoj personin i cili qëndron përpara meje sepse do ti kushtonte ‘bukën e fëmijëve’ siç e thote vetë ai, pasi mund të flaket në rrugë fare lehtë. Ai na tregon fakte skandaloze dhe kur i vërtetuam ngelëm të shokuar. Në gërmimet tona në zyrat e Bashkisë dhe administratës të klubit Apollonia shohim njëanshmëri në mënyrën si ndahet buxheti. Mjafton të shihni kontrastin e fotove dhe të kuptoni se si shkojnë gjërat në këtë vend.

Foto ku stërvitet ekipi i administratorit

Foto ku stërviten ekipet e tjera

Te klubi i Basktbollit Apollonia shkon shuma më madhe, pra rreth 60%, te sportet e rënda si boksi, peshëngritja, mundja etj nuk investohet fare dhe 40% e shumës tjetër nuk dihet se ku shkon. Te basketbolli biletat, honoraret u faturohen sportistëve te rrogat e tyre. Ne bordorot e pagave trajneri aktual i klubit të basketbollit Apollonia rezulton se ka nje pagë maramendese, megjithëse thuhet se ajo që përfiton në të vërtet…

Në Fier klubi shumë sportësh Apollonia ka shumë sponsora, por të ardhurat e tyre nuk figurojnë asgjëkundi. Sponsorat afrohen kontribuojnë në uniforma dhe mjete te ndryshme sportive, por e vërteta është që ekipeve zinxhir të moshave detyrohen t’i blejnë ato me para në dorë. Ka sportistë që paguhen 30-35 mijë lekë por nuk rezultojnë në asnjë bordero fiktive. Ajo pastaj që të habit është firma e administratorit për pagën e majme të bashkëshortes së tij, e cila merr dy rroga për dy ekipe që drejton, por rezultatet janë për t’u harruar. Në kohën që Kryeministri Edi Rama kërkoi dorëheqjen e shumë punojësve të Bashkive në vende të ndryshme, administratori Palion Zarka e paraqiti dorëheqjen, por nuk u largua në asnjë ditë nga zyra, madje e përdor vulën e tij për çdo lëvizje të klubit.

E si për të mos mjaftuar e gjithë kjo, ekipe si ato të ciklizmit ku dhe këtu nepotizmi është ulur këmbëkryq në letra figuron si buxhet për 10 sportistë, por në fakt ata nuk egzistojnë. Njerëz të besuar të personave me pozitë, furrnizohen çdo muaj me naftë, vlera e të cilës përkthehet ne 4 million lekë te vjetra. Pra ne Fier bashkia jep shpirtin për basketbollin sidomos për ekipin qe drejtohet nga bashkëshortja e administratorit, dhe për administratorin që na figuron të jetë edhe presidenti i shoqatës së Apollonia Basket për meshkuj. E në fakt nuk duhet të habitemi me Fierin dhe bashkinë e këtij vendi pasi në nëntorin e vitit të kaluar si një rast i pa precedent, kryetari Subashi dhe vartësit e tij i rritën si pa të keq rrogën vetes sepse punonin shumë dhe paga nuk e justifikonte mundin e tyre.

Një ciklist që drejton basketbollin

Tani imagjinoni sikur të na jetë prishur makina e të shkojmë ta rregullojmë te hidrauliku. E di, është për të qeshur e për te qarë, por në këtë qytet duhet të jemi përgatitur për cdo gjë. Në c’vend të botës keni parë e dëgjuar që një ish ciklist administron një klub basketbolli dhe nga ana tjetër njihet si president i shoqatës së një tjetër klubi si Apollonia Basket per meshkuj? Në krye të një klubi mund të vendoset cdo kush që ka të kaluar sportive, por jo të jetë njëkohësisht edhe presidenti i Shoqatës Apolonia Basket për meshkuj dhe të përdor të njëjtin NIPT, atë të klubit, që është totalisht në varësi të Bashkisë. Bashkia Fier i ka të qarta këto gjëra, por nuk i intereson të ndryshojë asgjë për sa kohë kampionati shqiptar i Basketbollit kuotohet në baste në Kinë.

Letër e hapur për Ina Zarkën

Ju lutem, lejoni sportistet që të stërviten në pallatin e sportit dhe t’i luajnë ndeshjet aty. Nuk kanë rëndësi projektet që bëni për të afruar vajzat drejt basketbollit, janë projekte që nuk shërbejnë asgjë, për sa kohë nuk i lejoni në pallatin e sportit. është koha për të punuar, jashtë fasadave. Një ish lojtare e mirë jo domosdoshmërisht mund të jetë edhe një trajnere e mirë, të gjithë kemi vend për të përmirësuar nga gabimet tona, është koha të dëgjoni më shumë këshilla.

Volejbolli pa vëmendje

Dy fjalë edhe për volejbollin në Fier që është katandisur në mëshirë të fatit. Ekzistojnë tre ekipe volejbolli për hir të vërtetës U20, U18, U16 dhe nuk kanë një paraqitje të keqe por kjo falë një trajneri dhe një figure që punon me pasion për këtë sport. Megjithatë as volejbolli nuk shkel dot në një pallat sporti i cili është ndërtuar nga taksapaguesit fierak.

Madje volejbollin administratori Zarka e drejton nga palestrat e shkollave, sepse në pallatin e ri të sportit ka vend vetëm për ekipin që ai drejton si president për sportistët e tij amerikan që nuk dihet çfarë kontratash nënshkruajnë. Ndërkohë këto ditë në kryeqytet pamë një shfaqje të shëmtuar, të zhvilluar pikërisht nga Federata Shqptare e Volejbollit dhe KOKSH me rastin e 80-vjetorit të kësaj Federate dhe nuk iu dha asnjë zë gjithë peripecive që po kalon volejbolli në këtë vend. U fol vetëm për arritje të mëdha që për hir të vërtetës i perkasin vetëm të shkuarës në këtë disiplinë dhe pikërisht e shkuara e këtij sporti u la në harresë.

Nuk pati një minutë heshtje në nder të gjithë figurave që na përfaqsojnë në këtë sport elitar. Kujtojmë që vetëm pak kohë më parë ne humbëm një nga figurat më të mëdha të volejbollit mjeshtrin dhe ¨Nderin e Kombit¨ Vangjel Koja. Dhe këtu më vjen ndër mend një shprehje e fashme e Winston Churchill që thotë: ¨Nje komb që harron të kaluarën e tij është i destinuar të mos ketë të ardhme”. E për sa i përket spektaklit të kësaj mbrëmje gala qe nuk pati asgjë për të qenë e tillë, më vjen natyrshëm t’i drejtohem FSHV, KOKSH dhe presidentit Erlind Pëllumbi ktheni vëmendjen nga kaluara e ardhmja dhe sidomos nga brezat e rinj dhe lërini mbrëmjet gala për Armando Dukën. Ai di të organizojë mbrëmje gala dhe të nderojë sic duhet të shkuarën e të ardhmen e një sporti popullor sic eshte futbolli. Me pak fjalë 80-vjetori i FSHV-se ishte një mbledhje e pështirë në acarin e ¨Akademisë së Arteve¨ ku veteranëve iu bë e qartë sa e ftohtë dhe e ngrirë është e marrëdhënia e tyre me këtë institucion. /Sport Ekspres/

U desh, nuk e di pse një postim “entuziast” i FSHB-së, mbi një humbje dërrmuese të Serbisë karshi 20-vjecareve të koshit, që më tej, me të drejtë apo pa të drejtë të lëshohej tërë dynjaja të fliste për këtë shifër, që as rezultat nuk mund të konsiderohet. Dikush madje, kishte hapur edhe librin e shtëpisë, madje, kish harruar vetëm “motrën” të shante për të gjithë ata që guxuan në të drejtën e tyre të quanin me gjithfarlloj epitetesh këtë rezultat, për hir të së vërtetës aspak dinjitoz. Përtej anës serbe që postoi këtë sukses, nuk e kuptoj ende se kush ishte ajo mendje e ndritur që, në mes të vapës, plazhit, start gushtit gjykoi që të ofronte për publikun në rrjete sociale një rezultat tërësisht për të ardhur keq.

Në fakt, ata që duhej të reagonin të parët ishin dhe janë ata që konsiderohen apo vetëshpallen, edhe si kokat e mëdha të basketbollit ndër vite, për ti dhënë një kontur më amortizues kësaj paraqitjeje në publik.
E për hir të së vërtetës nuk është rezultati i parë ky në këto nivele bastarde, ka patur edhe vite më parë, por këtë radhë mori më shumë konotacion pasi kundërshtari ishte Serbia, por edhe sepse vetë FSHB e serviri në tabakanë e saj sociale. Ku taktikisht edhe mund ta shmangte. Sepse kështu ishte në fakt.
Për të ardhur në skanimin e plotë se: “Përse na rrahin e s’na lanë me qajt?”. Pavarësisht se kush, pse këto rezultate, e përse këto çirrje më pas për një situatë të tillë.

FSHB ndër vite e ka konsideruar sukses një recetë të tillë organizimi, për të vetmen arsye: “Sepse ka zgjedhur primare pjesëmarrjen, se sa kualitetin”. Pra, mjafton të marrim pjesë, pavarësisht se si dalim. Dhe këtë e dikton edhe skema: Federata lekë s’ka (e në të vërtetë s’ka e s’ka), nëse doni ekip kombëtar moshash, gjeni lekë, bëni ekipin, merrni pjesë, arrini çfarë mund të arrini. Dhe një skemë e tillë ka ardhur, edhe si pasojë e mungesës së financimit real, pasi shteti çon në Koksh 2.5 milionë euro për basketbollin e aq për volejbollin dhe Federatat mbesin me nga një 100-she vjetore buxheti dhe me premtimin e vetë ish-basketbollistit dinamovit që në takimin e fundit elektoralo-sportiv në investimin e FSHF-së, teksa i fliste me nostalgji Pjerinit që kish përballë, federatave u thoshte: “E di që vuani për lekë, por, më mirë do të bëhet! Dhe ata u mbushën këtu! U mbushën shumë me oksigjen premtues se më e mira do të bëhet!”

Por, përtej parave që janë jetike, skema e diktuar ç’proporcionale në raportin masivitet-cilësi, prej vitesh ka sjellë në ndërtimin e disa skuadrave që diktohen nga burimi i financimit, e që reflektojnë më pas në parketin e turpërimit. Rezultatet më tej janë spektakolare, sepse është vjelur ajo që është korrur, e thjeshtë. Në fushë luan çuni i babit, fjala që bie, gocë e mamit, djali i hallës, çuni i shokut, djali i djalit të bosit, që befas një ditë shndërrohen në një kualitet “të frikshëm” sportiv për të veshur fanellën e ekipit kombëtar! Përfundimi: 116-22, por mbase ka pas edhe më keq, por më keq se kaq nuk ka ku shkon.
Ndoshta në anën e tij trajneri, apo team-menageri i ekipit në fjalë do të thoshte: “Në vend të më falenderoni që gjeta investimin, ngrita ekipin, mora pjesë në garë, pa asnjë lekë nga shteti e federata, tani më kërkoni edhe rezultate…”

E ndoshta këtu për një moment edhe rri pak stand-bye, paçka se vetë nuk arrij dot kurrë ta kuptoj që në 4 perioda lojë, në 40 minuta në total kohë basketbolli, një ekip kombëtar të shënojë 22 pikë, ose 5.5 pikë në një period 10 minutëshe. Pyeta një mikun tim ish-basketbollist se në 10 minuta lojë sa sulme mund të ndërtohen në total në këto nivele, që ne kemi në basket dhe kur e zotërojmë ne topin. Për një periodë diku te 20-25 sulme më tha. E për këtë ne nxorrëm 5.5 pikë. Vërtetë kaq mundësi kemi të bëjmë në një 10-minutësh lojë? 5.5 pikë? Nuk e besoj kurrë. Edhe në këtë nivel që kemi, edhe në këtë standart të ngritur të ekipeve kombëtare: Financoje vetë dhe merr pjesë!

Për arsye menaxheriale, apo financuese mbase nuk mund ta atakohet stafi teknik i kësaj kombëtareje, por, për 22 pikët në 40 minuta lojë basketbolli, teknikisht dhe profesionalisht ato duhet të japin një shpjegim, për të mos u mjaftuar vetëm me alibinë: Shteti ka braktisur sportin etj etj etj. Teknikisht, a ka një shpjegim? Mendoj që duhet të ketë, përtej slloganit të vazhdueshëm e të përhershëm që: Këtë nivel kemi, kaq takat kemi, më shumë se kaq nuk shkojmë e lloj lloj turlirash të tjera për të mbuluar atë që nuk mundet dot të mbulohet.

E një shpjegim të tillë duhet ta japin ata që I kanë dhënë zë basketbollit, siç edhe thuhet, në formën e një rekomandimi, këshillimi, apo edhe shprehje opinioni, për të çuar një zë deri te presidenca e FSHB-së: Avni! Nuk shkon më ky mekanizëm përfaqësimi! Pavarësisht dëgjon apo nuk dëgjon zoti Ponari.
Këta zëra tani evokojnë të kaluarën e viteve të vajgurit, kur me nostalgji të madhe proklamojnë triumfe “universalë” asokohe në basketbollin e meshkujve. Që personalisht nuk më rezulton që basketbolli i asaj kohe të këtë triumfuar në europë e botë në europianë, apo botërorë në ato vite. Për aq përfaqësim sa I kishte lënë edhe sistemi. Volejbolli po, me Ela Tasen e madhe e Moza Ibrahimin e profesor Tartarin, por basketbolli? Nuk di të ketë mrekulluar dynjanë në europë e botë. Po nejse histori tjetër. Kemi mbetur ende te 75-75 që mbase edhe vetë i zoti i punës e ka harruar…!

Sot hodha unë ca rreshta mbi këtë sistem të ekipeve kombëtare të basketbollit, por zëri më kritik i mbetet njerëzve të fushës ti kushtojnë pak kohë edhe këtij sporti, që siç thonë i kanë dedikuar jetën e tyre. Të lënë për një moment tik-tokun e plazhit teksa u del “pa dashje” ndonjë shalë porto-rikaneje, apo ndonjë meme politike, por edhe ndonjë aksion për lirimin e hapësirave publike, e të merren pak për këtë gjë që siç shpesh thonë kanë lënë gjakun dhe jetën. Sepse në këtë mënyrë do të frenojnë “diarrenë” e rrjeteve sociale, dhe do të orientojnë gjithollogët për rezultate të tilla të basketbollit të moshave në ekipet tona kombëtare!

Në mënyrë që, në një rrugë, apo tjetër ato ti japin një argument më shumë presidentit të basketbollit që ta rishohë me urgjencë këtë mekanizëm të ekipeve kombëtare. Ose, ose të rrimë të gjithë bashkë në të njëjtin oborr “masturbimi”, e të themi pas ndeshjes: Djali (vajza) miku, shoku, luajti sot në mënyrë të shkëlqyer, ishte në ditën më të mirë. Na rrahën me 50 pikë, po çfarë rëndësie ka. Rëndësi ka që dëfrehen, por mbi të gjitha që e kanë mësuar himnin më mire, se edhe vetë ata..! Me këtë sistem realisht jemi mirë: Vetëm përpara!

PËRGJIGJE NDAJ DEKLARATËS SË SHOQATËS TEUTA BASKET

Në lidhje me pretendimet e vazhdueshme dhe tekanjoze të Shoqatës Teuta Basket mbi zhvillimet e fundit në Kupën e Republikës, dëshirojmë të sqarojmë opinionin publik durrsak dhe komunitetin e basketbollit mbi pretendimet e Arqile Gorres, i cili vepron kundër interesave të sportistëve dhe sportdashësve durrsakë.

1. Organizimi i ndeshjes dhe respektimi i rregullores

Federata Shqiptare e Basketbollit (FSHB) ka vepruar dhe vepron në përputhje me rregulloret e miratuara, të cilat janë pranuar edhe nga Teuta Basket si shoqatë anëtare e FSHB-së. Vendimi për zhvillimin e ndeshjes në Elbasan është marrë në bazë të kritereve organizative dhe teknike, duke pasur si qëllim garantimin e një gare të ndershme dhe të barabartë për të gjitha ekipet pjesëmarrëse. Ekipi i Teutës ishte pjesë e këtij vendimi dhe ishte i gatshëm të luante në Pallatin e Sportit në Elbasan.

2. Ndryshimi i vendndodhjes së ndeshjes

Për arsye teknike, u bë e pamundur zhvillimi i ndeshjeve në Elbasan dhe federata vendosi që ndeshjet të zhvillohen në Pallatin e Sportit “Goga” në Durrës, në kushte më të mira, por me një kosto më të lartë për federatën. Kjo u bë për të garantuar vijimin e garës dhe për të mos dëmtuar ekipet.

Në të kaluarën, z. Gorrea ishte ankuar për kushte të papërshtatshme në këtë pallat, ndërsa këtë herë gjeti një justifikim tjetër për të mos marrë pjesë, duke kërkuar që ndeshja të shtyhej pa asnjë bazë të rregullt.

3. Refuzimi i pjesëmarrjes dhe pasojat

Nëse një ekip nuk pranon të luajë sipas rregullave të përcaktuara, atëherë nuk mund të ketë përjashtime të veçanta. Shoqata Teuta Basket, me vendimin e saj për të mos marrë pjesë, shkeli dëshirën e sportistëve për të luajtur, të sportdashësve durrsakë për të parë ekipin e tyre dhe, si pasojë, do të përballet me masat përkatëse disiplinore për tërheqjen nga Kupa e Republikës.

4. Akuzat e pabazuara dhe prapavija e sulmeve ndaj FSHB-së

Akuzat e Shoqatës Teuta Basket ndaj federatës janë të pabazuara dhe nuk kanë asnjë argument valid. Këto janë pjesë e një platforme të mirëorganizuar nga z. Gorrea, i cili ka zhvilluar takime të fshehta me subjekte të ndryshme për të sulmuar federatën dhe drejtuesit e saj.

FSHB rikujton sukseset e arritura si:

• 5 medalje me ekipet kombëtare U16, U18 dhe U20 vetëm vitin e kaluar.
• Liga UNIKE, nga e cila Teuta Basket u tërhoq, duke u kritikuar nga opinioni sportiv në Durrës.
• Liga SIGAL për U20, për djem dhe vajza.
• Organizimi i kampionateve ndërkombëtare në Shqipëri, që rrisin imazhin dhe nivelin e basketbollit vendas.

5. Financimi dhe mbështetja ndaj klubeve

FSHB është e vetëdijshme për sfidat financiare që përballet basketbolli shqiptar dhe ka lobuar vazhdimisht për rritjen e mbështetjes financiare për klubet. Ndërkohë, Shoqata Teuta Basket merr më shumë fonde nga Bashkia Durrës sesa federata për gjithë Shqipërinë dhe i përdor këto fonde pa asnjë përgjegjësi. Nëse një ekip refuzon të marrë pjesë në aktivitetet e federatës, atëherë duhet të ketë pasoja edhe në mbështetjen financiare që i jepet nga institucionet publike.

6. Respekti për basketbollin dhe sportdashësit

FSHB respekton historinë e çdo klubi dhe kontributin e çdo individi në zhvillimin e basketbollit shqiptar. Megjithatë, mbështetja e së shkuarës nuk mund të përdoret si justifikim për veprime që dëmtojnë frymën sportive dhe garën e ndershme.

7. Basketbolli do të ecë përpara

Pavarësisht pengesave dhe sulmeve të pabazuara, FSHB do të vazhdojë të punojë për zhvillimin e basketbollit shqiptar. Në vijim, do të organizohen dy ndeshje të rëndësishme për ekipet kombëtare dhe gjashtë kampionate të moshave, ndërkohë që Shqipëria do të presë edhe kampionate evropiane.

FSHB do të vijojë në rrugën e zhvillimit të basketbollit shqiptar me përkushtim dhe profesionalizëm.

Gjithashtu, vërejmë se sulmet ndaj FSHB-së ndodhin çdo vit përpara fazës së play-off-it, dhe i bëjmë thirrje opinionit publik që të reflektojë në mënyrë konstruktive mbi këtë situatë.

Basketbolli është mbi gjithçka – le të fitojë sporti!

Tifozët e Crvena Zvezdës kanë shpalosur baner me fjalët që njihen ndryshe nga serbët si “mallkimi i Kosovës”. Bëhet fjalë për mallkimin e princit Lazar për ata që nuk e ndoqën në luftën kundër turqve në betejën e Kosovës. Pasi baneri u shfaq në tribunë, tifozët nisën koret skandaloze: “Kosova është Serbi”./Sport Ekspres/

pic.twitter.com/bEvXJITTwH

— DELIJE SEVER (@DELIJEDelije_) January 4, 2024

Por policia e Kosovës nuk e ka lejuar shfaqjen e kësaj koreografie në sallën e sportit. Megjithatë, grupimi i tifozëve nga Mitrovica e ka publikuar në rrjetet sociale, duke marrë kështu një shpërndarje të gjerë në të gjitha mediat shqiptare./Halit Delibashi-Sport Ekspres/

“Duam që të fitojmë këtë ndeshje me Flamurtarin. Ne kemi ende rezerva për tifozët në basketbollin e femrave, ndoshta ka të bëj edhe pjesa e marketingut. Nuk kanë qenë shumë të pranishëm, ndryshe nga ndeshjet derbi apo në këtë fazë të fundit që kanë qenë më të shumtë. Ne kërkojmë fitoren sot, por të dy këto ekipe kanë cilësi të barabarta, janë me meritë këtu. Unë kam bindje se sot do të fitojmë”, tha Lalaj. /Sport Ekspres/

Partizani fitoi 86-83 kundër Tiranës duke i eliminuar nga gjysmëfinalja, por rezultati ka pak rëndësi. Të dyja kampet janë përfshirë në një përplasje fizike ku nuk kanë munguar grushtet mes basketbollistëve. Në një intervistë për “Sport Magazine” që transmetohet në “Ora Neës” dhe moderohet nga Drilon Xhepollari ishte sekretari i përgjithshëm i Federatës Shqiptare të Basketbollit, Korab Llazani. Ky i fundit tregoi pak mbi masat ndëshkuese që do të merren pas kësaj situate skandaloze.

“Të vjen keq që në një ndeshje të tillë si ajo mes Partizanit dhe Tiranës të ndodh një shfaqje e tillë. Masat organizative nuk kanë qenë në nivelin e duhur. Ndoshta ka pasur një lloj nënvlerësimi. Ne po përgatisim raportet për këtë situatë dhe do të ketë një mbledhje të komitetit drejtues të Federatës. Vendimi do të merret atje dhe nuk mund të flas para kohe.

Policia duhej të ishte aty afër, por gjithsesi nuk mund të ishin në numër për ta përballuar këtë situatë. Për më tepër që çdo gjë ka shpërthyer në fare pak kohë, papritur, teksa sportistet po i jepnin duart njëra-tjetrës. Ne do të zbatojmë çdo pikë të rregullores, për këtë duhet të jeni të sigurt. Ne duam luftë sportive, jo dhunë. Ne duam që të afrojmë njerëzit në pallatin e sportit dhe kërkojmë që skena të tilla të mos përsëriten më në të ardhmen”, tha Llazani. /Sport Ekspres/

Partizani fitoi 86-83 kundër Tiranës duke i eliminuar nga gjysmëfinalja, por rezultati ka pak rëndësi. Të dyja kampet janë përfshirë në një përplasje fizike ku nuk kanë munguar grushtet mes basketbollisteve. /Elio Hajdari-Sport Ekspres/

“Kemi bërë ndeshjen tonë më të mirë të sezonit në ndeshjen e parë gjysmëfinale kundër Teutës. Ne kemi traditë në basketbollin shqiptar, të paktën në këto 20 vitet e fundit. Të fitosh në transfertë ndaj Teutës është padyshim një hap drejt finales. Nuk ka mbaruar akoma, është akoma e hapur çdo gjë. Duhet të kemi vëmendjen se Teuta ta bën të keqen nga momenti në moment. Dua të mos zhgënjejmë tifozët pasi do të kemi shumë të pranishëm sot. Kemi mbështetjen e tifozëve që nuk e ka asnjë nga ekipet.

Trajner dhe basketbollist? Jetojmë në Shqipëri, të jesh në punë, të merresh me basketbollin, të merresh edhe me fëmijët e tjerë është shumë e vështirë. Unë e kisha në plan që kur të lërë sportin, të merrem prapë me këtë pasion. Më vijnë fëmijët e vegjël me deformime në trup, rrinë gjithë ditën me kokën ulur ngaqë luajnë vetëm me lojëra kompjuterike. Unë fajin ia vendos prindërve, duhet t’i aktivizojnë fëmijët me sporte”, th Vogli. /Sport Ekspres/

Por organizimi i këtij kompeticioni ishte për notën “10”. Shumë merita i takojnë padyshim edhe drejtorit të klubit shumësportësh Flamurtari, Klevis Kasos. Ky i fundit solli në Pllatin e Sportit figura të shquara të sportit në Vlorë, duke i dhënë tjetër jehonë dhe vëmendje basketbollit, që nuk ka mbështetje të madhe në Shqipëri.

I ftuar në “Ora Sport” që transmetohet në “RTV Ora”, Klevisi nuk i kurseu thumbimet për Partizanit. “Edhe kur lodhesh dhe del i dyti, prapë është mirë. Partizani kishte ekip të mirë, por ne kemi fituar 4 përballje me Partizanin. Shyqyr që humbi Flamurtari një Kupë, kjo ishte surpriza e javës dhe e Ligës Unike. Kishte organizim të mirë nga të gjithë. U fut për të ndihmuar këtë organizim edhe Komiteti Olimpik, falënderoj Fidel Yllin. Aktiviteti la shije të mirë në mbarë Shqipërinë, nuk e prisja këtë”, tha mes të tjerash Kaso. /Sport Ekspres/

“Edhe Maqedonia, edhe Kosova, edhe Mali i Zi, edhe Serbia, e cila e bëri me ngut ligjin e sponsorizimit. Ata u mblodhën menjëherë për të diskutuar çfarë çalonte dhe miratuan ligjin e sponsorizimit. Ligji ekzistues është për vende të zhvilluara. Një kompani, e cila ka të ardhura të mëdha, me këtë ligj mund të japë deri në 400 mijë euro për sportin në Shqipëri. Ligji i sponsorizimit bën të mundur formalizimin e Federatave sportive. Kemi ende sportistë individual që paguhen si në diktaturë. Një ligj për sponsorizimet nuk e cënon aspak buxhetin e shtetit, përkundrazi. 50% e sponsorizimeve do të kthehen mbrapsht në formën e taksave dhe sigurimeve.

Ndërtimi i një ligji të tillë do të bëjë një rritje të të gjitha kategorive të sporteve. Jam i bindur që çdo biznes do të donte të investonte në sport. Do të kishim një ndërtim të jashtëzakonshëm të ekipeve të mëdha. Kosova i jep 500 mijë euro ekipeve të Ligës Unike, ndërsa Shqipëria nuk i jep asgjë. Ky është vendim politik. Askush nuk e gëzon të drejtën ta bëjë përveç qeverisë. Ka vende si Hungaria që 100% e tatimit mbi fitimin i shkon disa Federatave. Shqipëria do ta kishte të domosdoshme një shifër 20-30% për ndërtimin e ekipeve të mëdha. Ne kemi shumë talente të reja, që humbasin interesin pas moshës 20-vjeçare, pasi nuk shohin të ardhme te basketbolli. Buxheti në Shqipëri për sportin është 1 milionë euro, ndërkohë që në Kosovë është 9 milionë euro. Pra përveç sponsorizimeve, ata kanë edhe 9 milionë euro buxhet për sportin. Diferenca është mjaft e madhe“, ka deklaruar Avni Ponari./Halit Delibashi-Sport Ekspres/

“Unë dua të fokusohem vetëm te basketbolli dhe të jem lojtar profesionist, por duke pasur edhe punën tjetër, kjo gjë më pengon pak. Atë kohë të lirë që kam ia përkushtoj vetëm stërvitjes dhe basketbollit. Kam menduar edhe për të ikur jashtë, por për momentin jam i kënaqur këtu te Teuta. Është e vështirë këtu në Shqipëri që të jesh lojtar profesionist. Si në rastin tim, duhet të bëj edhe një punë tjetër për të pasur jetesë më të mirë. Ideja është që duhet një sakrificë për të marrë frytet në fund. Mbështetja e tifozëve ka qenë gjithmonë nga tifozët e Teutës, megjithëse e dimë që futbolli është i pari. Më bën përshtypje që nuk janë transmetuar të gjitha ndeshjet tona, vetëm ato të Kupës.

Dua që ndeshjet të ndiqen edhe në televizion, se jo të gjithë kanë mundësinë për ta parë. Ka shumë vështirësi edhe infrastrukturë. Pallatet e sportit janë të ftohta dhe këtu është shumë temperaturë e ulët në dimër dhe shumë e lartë në verë, nuk ka një temperaturë standarte 21 gradë celcius, si kudo në botë. Ne jemi munduar që të marrim disa rezistenca në stërvitje që të jetë sadopak ngrohtë ambienti, por sigurisht që kjo është larg standarteve normale. Te Teuta është një aventurë fantastike pasi kemi parë vetëm suksese me rezultate. Jemi të gjithë të impenjuar dhe për çdo fitore kemi pasur festime. Kur humbasim bëjmë mbledhje. Më bën përshtypje që drejtuesit janë edhe në stërvitje duke na parë, jo vetëm në ndeshje”, tha Hysaj. /Sport Ekspres/

“Teuta në basketboll për meshkuj fitoi Kupën e Shqipërisë. “Djemtë e Detit”, mposhtën me shifrat 82-74 ekipin e Kamzës. Nën drejtimit e trajnerit Melzin Lazimi dhe zv.trajnerit Besi Dervishi, Teuta vazhdon të fitojë trofe të rëndësishëm. Një tjetër sukses, që konfirmon punën e shkëlqyer të bërë edhe nga shefi i klubit shumësportësh Teuta, Kreshnik Leka“, shkruhet në njoftimin e klubit Teuta në llogarinë zyrtare në “Instagram“./Halit Delibashi-Sport Ekspres/

 

View this post on Instagram

 

A post shared by KS Teuta (@k.s.teuta)

Përpara nisjes së ndeshjes së basketbollit mes Vëllaznimit dhe Golden Eagle Yllit, figurat që ndihmuan në ndihmuan në çështjen kombëtare nisin të ngrihen një e nga një në momentin e intonimit të himnit të Shqipërisë. Të gjithë të pranishmit në sallë këndojnë në kor vargjet e himnit, duke ofruar momente rrënqethëse e mjaft patriotike./Halit Delibashi-Sport Ekspres/

Sot është luajtur ndeshja e basketbollit mes Vëllaznimit dhe Golden Eagle Yllit, gjatë së cilës në tribuna janë shfaqur disa nga figurat e shquara të kombit shqiptar. Janë plot 12 portrete figurash të njohura historike që janë shfaqur nga grupimi i tifozëve në sallën e basketbollit të Gjakovës. Një gjest që meriton duartrokitje./Halit Delibashi-Sport Ekspres/

Edmond Gëzdari nuk e ka përshëndetur gjestin e tifozëve gjakovarë. Sipas tij, rregullat janë vendosur dhe duhen respektuar deri në fund. “Unë e shoh ndryshe. Nuk jam dakort me këtë. Ka rregulla që duhen ndjekur. Po sikur Rama të dalë nesër dhe të thojë: ‘Bëtë gabim që kënduat himnin tonë‘? Ka rregulla“, ka thënë Gëzdari.

Por më pas ka pasuar edhe replika e gazetarit Eno Skarço. Ky i fundit ka mbështetur veprimin e bërë në Gjakovë, pasi në fund të fundit është kënduar himni që i bashkon të gjithë shqiptarët. “E megjithatë, sa bukur kur thyhen rregullat kështu“, ështe shprehur Eno Skarço./Halit Delibashi-Sport Ekspres/

Para nisjes së ndeshjes kundër Bashkimit, tifozët gjakovarë kanë kënduar njëzëri himbin kombëtar të Shqipërisë. Në tribuna është shpalosur edhe një banderolë shumë domethënëse poshtë flamurit kuqezi: “Vëllezër qemë, jemi, s’kemi për t‘u ndarë. Besë e fe kemi kombin shqiptar“./Halit Delibashi-Sport Ekspres/

Gjatë momentit që nisi të luhej himni i Republikës së Kosovës, kanë nisur menjëherë vërshëllimat. Por jo vetëm kaq. E gjithë salla njëzëri nisën të këndonin himnin e vetëm të gjithë shqiptarëve, atë të Shqipërisë./Halit Delibashi-Sport Ekspres/

“Është periudha që kampionatet kombëtare kanë nisur rrugëtimin e tyre. Në fund të muajit shtator zhvilluam kupën e Federatës si një formë testi në prag të kampionatit të edicionit 22-23. Risi në këtë edicion ka një lloj shpërndarje ndryshe nga se jemi mësuar ta shohim në periudhën e fundviteve. Suprizë është ekipi i Beslidhjes. Kemi një rënie të numrit, kemi nj krizë sa u përket  femrave. Te kategoria e meshkujve do të ketë rivalitet.

Basketbolli i femrave në nivel global është në vështirësi, kjo ndikon dhe te ne. Niveli i mbështetjes është i ulët për basketbollin, në veçanti për të femrave. Ka një lloj rënie se infrastruktura për këtë sport është shumë e mangët dhe e dobët. Të duash të zhvillohesh sidomos për femra duhet të merren disa hapa të rëndësishëm.

Konfirmimi i skuadrave prej nivelit të ulët ekonomik që kanë klubet po sjellin vështirësi në rinisjen e edicionit të ri. Vështirësitë i mirëkuptoj se Ligji për sponsorizimin, që fatkeqësisht nuk po gjen mbështetjen e duhur, në Kosovë ka bërë që një klub mesatar të ketë buxhet më të madh se gjithë buxheti i federatave në Shqipëri. Duhet të gjejmë dhe mbështetjen e medias. Kjo na vë përballë vështirësive të cilat për skuadrat tona nuk i dëshirojmë”, ka deklaruar Korab Llazani./Halit Delibashi-Sport Ekspres/

Ashtu si edhe në futboll, Kombëtaret marrin shpeshherë lojtarë që nuk i përkasin, vetëm për të përforcuar grupin e tyre.

“Unë kam qenë gjithmonë kundër natyralizimit, për sa kohë që jam në ekipin kombëtar, kjo nuk do të ndodhë, as një anëtar i yni nga një vend tjetër. Kur nuk jam unë, le të vendosin të tjerët.

Për mendimin tim, ekipi kombëtar duhet të jetë i pastër – ne tashmë kemi gara klubesh për lojtarë në të gjithë botën që të konkurrojnë kundër njëri-tjetrit dhe kjo është fantastike.

Unë jam kundër këtij rregulli, preferoj të humbas me lojtarë nga vendi im se sa të fitojë me një lojtar që nuk është argjentinas”, tha trajneri. /Sport Ekspres/

31-vjeçari është sulmuar nga qentë e rrugës në qytetin e Pejës, duke iu dashur të marrë ndihmë mjekësore. Eksperienca e re nis nga spitali për Waldow-in, i cili ka shpërndarë një foto në rrjetet sociale, ku shihen shenjat e mbetura në trupin e tij nga kafshimi./Halit Delibashi-Sport Ekspres/

Ata arritën të mposhtin në finalen e katërt Vllazninë në Shkofër me shifrat 68-53 dhe fitore 3-1 në serinë e finaleve.

Një performancë e shkëlqyer e ekipit tonë, që dominoi kampionatin gjatë gjithë sezonit. Ky ishte titulli i dytë radhazi për “Djemtë e Detit”, që shfaqën potencialin edhe në Ligën Unike duke shkuar në final four.

 

View this post on Instagram

 

A post shared by KS Teuta (@k.s.teuta)

Basketbollisti amerikan, Gordon, ka bërë kosh me zhytje për të dhuruar më tepër spektakël. Por ndodhi ajo që më pak mund ta kishte menduar. Koshi bie përtokë dhe kjo sjell ndërprerjen e takimit, deri në momentin e krijimit të kushteve të duhura për të zhvilluar lojën./Halit Delibashi-Sport Ekspres/

Një grup i këtyre dy tifozerive kanë shëtitur në rrugët e Beogradit në një makinë ushtarake, në të cilën ishte shënuar gërma Z. Grekët dhe Serbët ndezin Ballkanin me simbolin e lu.ftës ruse në Ukrainë, që është përdorur gjerësisht në propagandën e Vladimir Put.init./Halit Delibashi-Sport Ekspres/

pic.twitter.com/uKqQOAiiqL

— Pluton (@Pluton45873221) May 19, 2022

Trajneri i durrsakëve, Melzin Lazimi, ka premtuar se durrsakët do të arrijnë që të fitojnë kampionatin, por gjithashtu se do të vazhdojnë rrugëtimin e tyre mëse dinjitoz në Ligën Unike. /Sport Ekspres/

 

View this post on Instagram

 

A post shared by Klubi Shumësportësh Teuta (@k.s.teuta)

Kombëtarja e basketbollit të Ukrainës kishte një pritje të ngrohtë mes duartrokitjeve në Spanjë. Në ditën kur Rusia nisi pusht.imin, lojtarët duhet të luanin për ndeshjen kualifikuese të Botërorit 2023.

Mes lotëve është kënduar himni, ndërsa në faqen e tyre shkruhej: “Jo luf.të”. Një thirrje kjo e basketbollistëve që edhe në këtë rast shkon në veshin e shurdhër të Putin. /Sport Ekspres/

“Aktualisht jam në Shkup dhe jam i tronditur. Kam marrë informacionin se nuk më lejohet të hyj në territorin e Kosovës. Nuk kam asnjë shpjegim se pse ka ndodhur kjo. Një problem i madh është krijuar me Federatën Maqedonase sepse po kërkohej zgjidhje alternative si të shkohej në Stamboll për t’u takuar me pjesën tjetër të Kombëtares”, tha Bajic. /Sport Ekspres/

Kombëtarja e vajzave na “nxin faqen” përsëri në basketboll, ku duket se nuk janë mjaftueshëm të përgatitura për të na përfaqësuar në arenat ndërkombëtare. Pjesa më e errët e ndeshjes së sotme ishte çereku i dytë, aty ku Shqipëria nuk mundi të shënonte asnjë pikë, duke i dhënë kundërshtareve epërsinë 0-34.

Ndërkohë teksa këto shifra u raportuan në emisionin “Ora Sport”, Altin Sulçe ka dhënë një mendim që të shpëtohet imazhi i Shqipërisë. “Kjo është e papranueshme. Më mirë që të luajnë me njëra-tjetrën këtu sesa të na turpërojnë andej”, u shpreh Sulçe. /Sport Ekspres/

Kombëtarja e vajzave na “nxin faqen” përsëri në basketboll, ku duket se nuk janë mjaftueshëm të përgatitura për të na përfaqësuar në arenat ndërkombëtare. Pjesa më e errët e ndeshjes së sotme ishte çereku i dytë, aty ku Shqipëria nuk mundi të shënonte asnjë pikë, duke i dhënë kundërshtareve epërsinë 0-34./Halit Delibashi-Sport Ekspres/

Këto shifra ishin shumë të thella dhe për skuadrën e drejtuar nga Maros Kovacik, ishte vetëm nisja e fazës kualifikuese në grupin D. “Shkatërrim, masak.ër”, ishte mënyra sesi mediat polake e komentuan këtë ndeshje, që ka habitur jo pak njerëz në Poloni, pasi janë shifra që e tejkalojnë çdo lloj imagjinate me 106 pikë diference. /Sport Ekspres/

“Atmosfera është shumë e mirë, sidomos pas fitores ndaj Rahovecit në Ligën Unike. Derbi është gjithmonë i zjarrtë. Partizani ka ekip të mirë, megjithëse nuk ka marrë rezultate pozitive në javët e para. Shpresoj të fitojmë ne në fund. Shpresojmë shumë që ta bëjmë si Tirana e futbollit, që të fitojmë në derbi”, tha Hysenagolli.

Nga krahu tjetër, pjesëtari i Partizanit, Mired Jani uron që të jenë sa më shumë tifozë në mbështetje që derbi të jetë i zjarrtë. “Në derbi ka atmosfertë të veçantë dhe do të jetë e luftuar nga fillimi në fund. Do të ketë rivalitet dhe unë shpresoj se Partizani do të dali me fitore. Shpresoj se tifozët do të afrohen në parket, ashtu si edhe në futboll. Sa më shumë tifozë të ketë, aq më shumë do të jetë i rivalizuar”, tha Jani. /Elio Hajdari-Sport Ekspres/

Kundërshtari nuk bëri aspak rezistencë, teksa në kuartetin e fundit nuk shënoi asnjë pikë, duke pësuar një disfatë totale 0:40 në favor të Kosovës. Kjo është humbja e dytë radhazi për Gjibrartarin në FIBA European Challenger, që po zhvillohet në Prishtinë. /Elio Hajdari-Sport Ekspres/

Sezoni kulmoi me fitoren e titullit kampion, ndërsa meritat shpërndahen edhe me shokët e skuadrës. Kur flitet për të ardhmen talenti i durrsakëve tregon se shkëlqimi i tij nuk ka kaluar pa vëmendje ndërsa ka ngjallur interes deri në Australi, por për shkak të një mos marrëveshje nuk u arrit konkretizimi.

“Trofeu është kënaqësi e madhe pasi arritëm t’ia dalim nga beteja e parë te e fundit. Kemi pasur përballje dhe lëkundje në stërvitje dhe ndeshje. Por të gjithë bashkë ia dolëm deri në fund. Një ditë para gjysmëfinales kam thyer hundën dhe duke parë të arsyeshme se duhet të luaja me patjetër, kam sakrifikuar. Ne jemi një grup shumë i mirë dhe jemi edukuar me sport që të vegjël në mënyrën e duhur falë trajnerit Besim Dervishaj. Ishte inspirimi ynë që ne jemi këtu sot dhe falë atij ne dolëm kampion.

Një nga figurat e basketbollit dhe ikonë që unë pëlqej është Erkand Karaj, ish kapiteni i Tiranës, që më ka motivuar. Në NBA? Është ylli Stephen Curry. E ardhmja? Dua të qëndroj te Teuta në këto momente. Ëndërra e çdo lojtari është që të luaj në nivele të larta dhe jashtë Shqipërisë. Kam pasur kontakte nga Australia, por për shkakun e një mos marrëveshje nuk arrita që të shkoj”, tha Proj. /Sport Ekspres/

Golden Eagle Ylli triumfoi në sekondat e fundit të duelit, të cilin e fitoi me rezultatin 79-82. Më i miri i kësaj finaleje u zgjodh Erjon Kastrati, që dha një kontribut të madh në fitimin e këtij trofeu me 21 pikët e shënuara në këtë finale./Halit Delibashi-Sport Ekspres/

Nuk bëhet më fjalë për kaosin dhe betejat me gjykatat, që ishte tema e përsëritur deri në këto kohë, por me mënyrën sesi po përgatitet Asambleja e Përgjithshme e 17 prillit ku do të dali edhe presidenti i ri me trupën e tij drejtuese.

Po flasim për institucionin më të lartë në sportit në vend dhe që po përgatit zgjedhjet më të dyshimta. Pikësëpari nga dokumenti zbulohet se Fidel Ylli, Martin Biba dhe Vojo Malo do të jenë kandidantët për president, ndërsa për mungesë dokumentacioni është hequr një figurë shumë e shquar për sportin si Artan Shytaj.

Për të vazhduar më tej teksa në dokumentin e hartuar nga Komisioni i Verifikimit dhe Etikës, janë hequr 23 Federata që nuk kanë të drejtë vote në Asamblenë e 17 prillit. Këtu futen Federata të rëndësishme që i kanë sjellë shumë arritje sportit shqiptar në këto vite si FSHF, ajo e mundjes, Atletikës dhe Peshëngritjes. Arsyet janë justifikuan me mungesën e listës së aktiviteteve të vitit 2020 dhe pagesës së kotës financiare të përvitshme. Ky skandal i publikuar nga “Balkanëeb” ka tërhequr shumë vëmendje dhe të pyetur po nga e njëjta media, Federatat e përjashtuara janë shprehur se këto pretendime nuk ekzistojnë për lënien e tyre jashtë.

Në bazë të listës mund të shohim se kanë të drejtë vote vetëm 18 Federata, duke e bërë procesin disi më të kontrollueshëm teksa më shumë se ata që do të marrin pjesë janë lënë jashtë. Zgjedhje që bëhen në mënyrën tonë dhe siç dimë ne, në fakt nuk është hera e parë që e dëgjojmë në Shqipëri… /Sport Ekspres/

Kjo fitore e dërgon Pejën përballë Rahovecit, duel që do të luhet më datë 13 prill në Durrës. Po në të njëjtin qytet një ditë më pas do të zhvillohet edhe finalja e Ligës Unike, që do të mësojë fituesin e parë të këtij kompeticioni mbarëkombëtar./Halit Delibashi-Sport Ekspres/

Ndeshja ishte duke shkuar drejt kohës shtesë, pasi në basketboll nuk lejohen barazimet. Por nuk ndodhi kështu. Në sekondën e fundit, Jalen Suggs bën të pamundurën, dukë shënuar një tri pikësh nga mesi i fushës. Komentatorët dhe e gjithë salla shpërthyen në festë nga kjo super arritje. Menjëherë sa po u shënua tripikëshi, arbitri akordoi përfundimin e sfidës dhe Gonzaga u kualifikua në gjysmëfinale të play-offit. /Elio Hajdari-Sport Ekspres/

JALEN SUGGS. UNBELIEVABLE! ??@ZagMBB #FinalFour pic.twitter.com/QeEAjENYmG

— NCAA March Madness (@marchmadness) April 4, 2021

“ Unë kam qenë anëtar i komunitet ku jetoj dhe e di shumë mirë se çfarë vuajnë mbi 300 fëmijë në shkollë. Unë jam zëri i tyre dhe do të vazhdojë me platformën time në mënyrë që gjërat të rregullohen jo vetëm në zonën ku unë jetoj, por në të gjithë botën”- u shpreh Xhejms.

Gjithashtu 36 vjeçari deklaroi se është i habitur nga fjalët e Zllatanit, pasi ky i fundit kishte denoncuar racizmin që i bëhej atij në Suedi, për shkak të mbiemrit.

“Ai është një person që ishte duke folur për racizmin që i bëhej në Suedi, për shkak se mbiemri i tij nuk ishte si mbiemrat tradicional suedez. Unë jam personi i gabuar për t’iu drejtuar në atë mënyrë, pasi unë i bëj detyrat e mia shumë mirë”- mbylli prononcimin për mediat Xhejms. /Elio Hajdari-Sport Ekspres/