“Shkëndija ka arritur suksesin më të madh jo vetëm në historikun e saj, por edhe në futbollin e Maqedonisë së Veriut dhe jo vetëm. Sigurisht që viti 2025 do të mbetet një panoramë e bukur. Një kujtesë e shkëlqyeshme, një përvojë e jashtëzakonshme, me shpresën që ne do ta përsërisim, pse jo edhe ta tejkalojmë. Për herë të parë në futbollin tonë, edhe në Shqipëri nuk ka ndodhur, Shkëndija dhe Drita, jo vetëm që ishin në fazën kryesore të një kompeticioni europian, do të jenë edhe në pranverë pjesë e Ligës së Konferencës.

Ka kohë që i kemi shmangur ato kufij që fatkeqësisht politika nuk mundi t’i ndryshojë. Ne tashmë jemi një. Në Tetovë çdonjëri nga ju, edhe për ne kur vijmë aty, duhet të jemi sin ë vendin tonë. Nuk shoh ndonjë dallim.

Është diçka e jashtëzakonshme ajo që ka ndodhur me Caken. Në verë ishte një lojtar i lirë për t’u larguar nga Shkëndija. Me dokumentat në dorë vendosi të qendrojë, sepse tha: ‘Ka një histori pa bërë’. Shyqyr Zotit u bë ajo histori dhe sot ofertat për Caken janë jashtëzakonisht të mëdhaja. Çdo lojtar i Shkëndijës ka oferta nga gjithandej. Interesim për Caken ka nga Rusia. Fabris Tamba ishte fare pranë kalimit në kampionatin e Ukrainës për një çmim rekord. Zyrtarisht 800 mijë euro ishte oferta për Tambën.”, ka thënë Faton Zylbehari./Sport Ekspres/

Por kur në Shkup pritej vetëm vërshëllima përfundimtare për të festuar fitoren, ndodhi befasia e madhe. Jagiellonia barazoi rezultatin në minutën e 10 të shtesës. Goli i shënuar në sekondat e fundit nga Lozanoja i hoqi fitoren nga duart Shkëndijës. Tashmë skuadra shqiptare numëron një fitore, një barazim dhe një humbje në Ligën e Konferencës./Sport Ekspres/

Kreu i qeverisë së futbollit shqiptar  përgëzon klubet e Egnatia-s, Dinamo City-t, Ballkani-t, Dritës dhe Shkëndijës për paraqitjet e tyre dinjitoze në raundet kualifikuese të UEFA Champions League dhe UEFA Conference League.

Në urimet e tij, Presidenti Duka u shpreh suksese në ndeshjet e radhës. Egnatia do të përballet me Olimpija Ljubljana në turin e tretë të Conference League, ndërsa Dinamo City do të luajë kundër Hajduk Split. Pas eliminimit nga FC Copenhagen, Drita do të përballet me FCSB në raundin e tretë të Europa League.

Sakaq, Ballkani do të luajë ndaj Shamrock Rovers në raundin e tretë Conference League teksa Shkëndija e Tetovës që ka shkruar historinë duke u kualifikuar në turin e tretë të Champions League, do të përballet me Qarabag.

Më poshtë, gjeni letrat e plota të urimit të Presidentit Duka për klubet shqiptare, në shenjë vlerësimi për arritjet e deritanishme.

Fitorja e sotme 2-1 kundër Rabotniçkit i ka siguruar kuqezinjve matematikisht vendin e parë në renditje. Kjo është hera e 5-të në historinë e klubit shqiptar që fiton titullin kampion në Maqedoninë e Veriut. Ndërkohë kampione në fuqi ishte një tjetër skuadër shqiptare, Struga Trim&Lum./Sport Ekspres/

“Pas 7 viteve të jashtëzakonshme dhe të mbushura me arritje historike, kam vendosur të tërhiqem nga pozita e Presidentit të Federatës së Futbollit të Maqedonisë. Ky vendim vjen si rezultat i reflektimit tim për një moment të përshtatshëm ndryshimi, pas një periudhe që do të mbetet si më e suksesshmja në historinë e futbollit tonë.

Nën drejtimin tim, së bashku me ju, kemi shkruar kapituj të artë për futbollin e Maqedonisë: kualifikimi historik në Kampionatin Europian EURO 2020, renditja e dytë në grupin kualifikues për Kupën e Botës dhe fitorja e paharrueshme kundër Italisë në Palermo, sukseset e Ligës së Kombeve me kalimin në Ligën B dhe realizimi i projekteve të shumta infrastrukturore në bashkëpunim me UEFA-n dhe FIFA-n.

E lë këtë pozicion me krenari dhe falënderim të madh për të gjithë ata që kontribuuan në këto arritje: lojtarët, trajnerët, klubet, investitorët, administratën, Komitetin Ekzekutiv dhe çdo dashamirës të futbollit. Unë do të vazhdoj të ushtroj rolin tim deri më 22 dhjetor, kur në një Kuvend të Jashtëzakonshëm do të zgjidhet pasardhësi im. Me besim të plotë në të ardhmen e Federatës dhe të futbollit tonë, ju falënderoj nga zemra për mbështetjen dhe bashkëpunimin ndër vite”, ka njoftuar Muhamed Sejdini./Sport Ekspres/

Meritë kryesore në këtë sukses ka edhe Shpëtim Duro. Pas titullit të fituar në sezonin e shkuar, trajneri shqiptar e dërgoi Strugën drejt të dytit sukses radhazi. Duro u largua nga stoli i struganëve vetëm tre javë përpara fundit të kampionatit, kur ekipi ishte me pikë të barabarta me Shkëndijën dhe Shkupin./Halit Delibashi-Sport Ekspres/

Njoftimi i klubit Struga Trim & Lum shkaktoi jo pak çudi në opinionin sportiv. Duro u emërua në krye të tyre në marsin e vitit të shkuar, kur i udhëhoqi drejt titullit të parë kampion në histori. Suksesi nuk u ndal vetëm në kampionatin e Maqedonisë së Veriut, por u shtri edhe në Europë. Trajneri i njohur kryeqytetas e drejtoi Strugën deri në fazën “play off” të Ligës së Konferencës. E si për të mos u mjaftuar me kaq, këtë sezon është ende në garë për titullin kampion.

Kampionati maqedonas është vetëm 3 javë larg fundit të tij dhe Struga, Shkëndija dhe Shkupi janë të treja në kyre me pikë të barabarta. Ndërkohë, në dy ndeshjet e fundit të kampionatit, Struga do të përballet drejtpërdrejtë me Shkëndijën dhe Shkupin, duke e pasur në dorë fatin e saj. Por drejtuesit e kanë parë të udhës të largojnë nga detyra Shpëtim Duron në këtë moment delikat të kampionatit, duke shkaktuar habi të madhe në opinionin sportiv mbarë shqiptar./Halit Delibashi-Sport Ekspres/

“Jemi paraqitur mirë në ndeshje, nuk ka rëndësi rezultati sepse e kemi mendjen te ndeshjet europiane dhe po përgatitemi për to. Por, jemi në një nivel me dy skuadrat më të mira të kampionatit shqiptar (Tirana dhe Partizani) edhe pse kemi humbur, kemi luajtur më mirë se ato.

Është hera e parë për Strugën në Champions dhe objektivat janë që të kalojë një raund, kemi lojtarë me përvojë si Ibrahimi dhe Shabani. Ta shohim, ndeshjen e parë jemi 50 me 50, ata kanë më shumë përvojë. Edhe për mua është aventura e parë në Champions, viti i katërt që bashkëpunoj me trajner Duron, kemi një simpati për njëri-tjetrin. E njohim gjuhën e njëri-tjetrit në mënyrë perfekte”, është shprehur Mentor Mazrekaj./Halit Delibashi-Sport Ekspres/

“KF Shkëndija shpreh falemenderim dhe mirënjohje maksimale për Valmir Nafiun për gjithë kontributin e dhënë në fanellën kuqezi. Sulmuesi anësorë Valmir Nafiu nuk do të jetë pjesë e Shkëndijës në të ardhmen. Klubi përmes kësaj komunikate konfirmon ndërprerjen me konsesus të kontratës me futbollistin.

Valmir Nafiu largohet pas gati 5 sezoneve në fanellën e Shkëndijës, përjashtuar 6 muajt e fundit kur si huazim luajti te Koshice e Sllovakisë. Nafiu është rritur në shkollën e futbollit Shkëndija dhe ishte pjesë e ekipit të parë në vitin 2011 kur kuqezinjtë fituan titullin e parë në histori si kampionë të vendit. Pas disa viteve karrierë ndërkombëtare, Nafiu në vitin 2018 kthehet te Shkëndija ku ishte pjesë e dy titujve tjerë (2019 dhe 2021).

Ndërprerje me konsesus të kontratës është bërë edhe me mesfushorin Oktaj Rakip, i cili dy sezonet e fundit ishte i huazuar te Boreci, Gostivari dhe Besa e Dobërdollit. Me këtë rast KF Shkëndija shpreh falenderimet dhe mirënjohjen maksimale për Valmir Nafiun dhe Oktaj Rakip për angazhimin, profesionalizmin dhe mundin e dhënë në fanellën kuqezi”, ka komunikuar klubi Shkëndija./Halit Delibashi-Sport Ekspres/

Struga mposhti sot Sileksin me rezultatin 3-0, ku vendosën dy golat e Shabanit dhe goli i Ibrahimit. Ekipi i udhëhequr nga Duro shkon në kuotën e 62 pikëve, me një diferencë prej 7 pikësh nga Shkupi i vendit të dytë. Matematika e dërgon kështu trofeun në duart e lojtarëve të Strugës, megjithëse kanë mbetur edhe dy javë nga përfundimi i kampionatit./Halit Delibashi-Sport Ekspres/

“Shpëtim Duro, po përdor zhargonin e Formula 1, është në pole-position për të fituar titullin kampion, gjithashtu është edhe në finale të Kupës. Nëse do të fitojë në trofe do të jetë vazhdim i një pune që ka nisur këtu në Maqedoninë e Veriut. Shpëtim Duro ka bërë një punë të shkëlqyer te Shkëndija dhe tani te Struga. Shqiptarët janë karakterizuar gjithmonë për mikpritjen, sidomos për trajnerët që vijnë nga mëmë Shqipëria. Dera do të jetë gjithmonë e hapur për ta. Gara për titullin kampion ka vetëm tre emra, Shkëndija, Struga dhe Shkupi. “, ka thënë Faton Zylbehari./Halit Delibashi-Sport Ekspres/

“FC Dinamo Kiev ka nënshkruar kontratë me mesfushorin 19-vjeçar nga Maqedonia e Veriut, Reshat Ramadanin. Ai do të performojë për “bardheblutë” në numrin 92. Mesfushori është një nga lojtarët e rinj më të mirë në Maqedoninë e Veriut, në moshën 19 vjeçare filloi të luajë për Kombëtaren U21 (ka kaluar tre ndeshje). Mesfushori i talentuar debutoi për skuadrën e parë të Shkendisë sezonin e kaluar (7 ndeshje, 1 gol), ndërsa në sezonin aktual 2022/23 u bë lojtari kryesor i skuadrës tetovare, për të cilën kaloi 15 ndeshje”, ka njoftuar klubi Dinamo Kiev./Halit Delibashi-Sport Ekspres/

Por përvoja e tij në Ukrainë nuk po shkon aspak ashtu siç mund ta kishte pritur. Hapësirat mungojnë, prandaj Totre ka vendosur të ndryshojë fanellë këtë  merkato dimërore. “Supersport”-i raporton se mesfushori do të kthehet atje ku nisi karrierën, te Shkëndija. Palët kanë rënë dakort për një huazim 6 mujor de zyrtarizimi është çështje ditësh./Halit Delibashi-Sport Ekspres/

Intervista e plotë e Eraldo Çinarit:

Çinari: “Të them të drejtën kishte kohë që isha në bisedime me klubin dhe këto ditë u bë e mundur të gjenim akordin mes njëri tjetrit. Ndjehem shumë i lumtur dhe mezi pres të filloj me stërvitje dhe ndeshje.”

…..Mesazhe nga tifozët?…..

Çinari: “Po është e vërtetë, shumë tifozë të Shkëndijës më kanë dërguar mesazhe në rrjetet sociale, si në Facebook, si në Instagram dhe më kanë bë të ndjehem jashtëzakonisht mirë kur kam dëgjuar që mezi presin që të jem pjesë e ekipit.”

…..pishman që nuk ke ardhë më herët këtu?…..

Çinari: “Është e vërtetë që tashmë një kohë Shkëndija më ka ofruar bashkëpunim, por të them të drejtën tank u bë e mundur dhe shpresoj që të na ecin gjërat mbarë.”

…..në kohën e duhur në vendin e duhur?…..

Çinari: “Unë shpresoj shumë që të ndodh ashtu si thoni ju dhe do të punoj shumë që të arrijmë objektivat që ka klubi.”

…..mendimi juaj për Shkëndijën?…..

Çinari: “Kam mendim shumë të mirë për klubin, sepse Shkëndija njihet në gjitha trojet shqiptare dhe si themi ne është një nga ekipet më të mira në trojet shqiptare. Kështu që për mua është një kënaqësi e madhe të jem pjesë e këtij ekipi.”

…..Çka të bindi të vije te Shkëndija?…..

Çinari: “Më ka bindur projekti i klubit dhe mikpritja shumë e mirë e drejtuesve që më bënë të ndjehem jashtëzakonisht mirë.”

…..Pse Shkëndija kur s’mungonin edhe tjera oferta?…..

Çinari: “Është e vërtetë, nuk kanë munguar edhe oferta tjera gjatë, por si që thash më herët projekti i klubit më pëlqeu. Unë premtoj se do të jap maksimumin për klubin, maksimumin për tifozët dhe shpresoj që të rikthehem ai Eraldo Çinari i dikurshëm që ka kontribuar shumë për ekipin.”

…..vjen në Tetovë pas aventurës turke me Samsunspor…..

Çinari: “Sigurisht se është eksperiencë shtesë për mua. Se sa do të jap unë për klubin dhe për ekipin besoj se do të tregojë koha. Tani për tani është shumë herët të flasim për këto gjëra, por ajo që garantoj unë është maksimumi im dhe kjo pjesë nuk do të diskutohet. Ata që më njohin e dinë shumë mirë se Çinari kur futet në lojë jep gjithmonë maksimumin.”

…..sa e njeh grupin e lojtarëve?…..

Çinari: “Të them të drejtën njof pak a shumë. E njoh Ferhan Hasanin, kemi luajtur bashkë me Bubën, është Bruno Dita me të cilin shumë vite kemi luajtur kundër njëri tjetrit në Superligën e Shqipërisë. Është edhe Cake dhe besoj se të gjithë do të ma bëjnë sa më të lehtë ambientimin në ekip.”

…..Del Shkëndija kampione?…..

Çinari: “Për tifozët e mrekullueshëm unë dua të them edhe një herë se kualiteti në ekip është dhe unë premtoj se gjithsecili nga lojtarët dhe unë personalisht i pari do të jap maksimumin e maksimumit për të arritur objektivat që ka klubi. Dihet se objektivat e klubit janë shumë më lartë, titulli kampion, sepse vetë ekipi është i ndërtuar i tillë nga lartë e deri tek i fundit si me thënë. Kështu që besoj se deri në fund do të jemi konkurentë shumë të fortë për titullin kampion.”

“Marr të drejtën në emër të gjithë grupit të tifozëve “Ballistët“, me gjithëse unë jam pjesë zyrtare e grupit medial të Shkëndijës. Është një javë e festës. Të shtunën dhe të dielën Tetova do të jetë në festë. Janë tifozët e Kombëtares shqiptare. Bëjnë 30 vjet. Është një jubile. Janë kundër Maqedonisë, janë gjithmonë me Shqipërinë. Në fakt janë të zjarrtë dhe janë fantastikë. Janë numri 12 i Shkëndijës. Ndiqeni festën. Është bërë një dokumentar. Është përgatitur dhe është inçizuar në shumë vende në Shqipëri, në Kosovë dhe në Maqedoni.

Kjo që do të ndodhë në fundjavë do të jetë ndër gjërat më të bukura. Përgatisim thjesht spektakël. Të shtunën, në Pallatin e Kulturës në Tetovë, do të përurohet dokumentari i përgatitur me rastin e 30 vjetorit të ‘Ballistëve’. Më pas të dielën Shkëndija përballet me Tikveshin në kuadër të kampionatit. Pas ndeshjes, në mbrëmje, mendoj që gjithë qyteti do të jetë në zjarr. Do të përgatitet një spektakël nga ana e tyre“, ka njoftuar Faton Zylbehari./Halit Delibashi-Sport Ekspres/

“Ne Italinë e lamë jashtë një herë, tani ndoshta i ka ardhur rasti Anglisë. Gjasat për kualifikim me rivalë të tillë bëhen të vogla, nuk bëhen të heqësh dorë që në fillim. Por duhet të jesh i sinqertë me mundësitë reale dhe me faktin që kush është kush në kualifikimet për Kampionatin Europian. Në aspektin e pjesës komerciale është diçka e bukur. Për të drejtat televizive dhe për reklamat do të jetë e bukur. Për pjesën sportive ndoshta do të kishim shpresuar diçka si Shqipëria apo Kosova, edhe pse ata nuk e kanë të sigurt.

Është e çuditshme çfarë ndodh me Maqedoninë. Në play off për Kupën e Botës, nga të gjithë përfaqësueset, po të zgjedhësh më të keqen e mundshme, shkon bie Italia dhe më pas Portugalia. Të paktën njëra më e lehtë, njëra të jetë ndryshe. Të gjithë kanë shpresuar nga vazo e parë dhe e dyta të jenë më të lehtë, por ky është short. S’kemi ç’të bëjmë, do luajmë dhe do provojmë shanset tona. Shumë të rezervuar edhe nga Italia, nuk është se janë gëzuar. Në dy përballjet e fundit me Italinë, në Torino kemi barazuar 1-1, i kemi mundur në Palermo.

Shqipëria? Jam i kënaqur. Kombëtarja i ka shanset e veta. Është një short relativisht i favorshëm, gjithmonë nëse çunat do e bëjnë detyrën dhe do i japin hakun punës së tyre. Do Zoti ndodh një mrekulli dhe një kualifikim i mundshëm”, është shprehur Faton Zylbehari./Halit Delibashi-Sport Ekspres/

“Rikthehet Goce Sedlloski! Të dashur tifozë ju njoftojmë që kryetrajneri i ri i FC SHKUPI do të jetë Goce Sedlloski ndërsa si ndihmës i parë i tij, legjenda e klubit Arben Nuhiu. Së bashku me ta në pozitën e kryetarit të klubit rikthehet dhe Suat Alija”, shkruhet në njoftimin e bërë nga faqja zyrtare e Shkupit në “Facebook”./Halit Delibashi-Sport Ekspres/

“Faleminderit Goce! Skuadra jonë F.C Shkupi njofton se ka pranuar dorëheqjen e kryetrajnerit Goce Sedlloski. Klubi ynë e falenderon atë për kontributin, që pas 21 viteve arritëm të shpallemi kampionë, si dhe i uron shumë fat në sfidat e radhës. Vazhdojmë drejt qëllimeve tona!”, ka njoftuar klubi i Shkupit./Halit Delibashi-Sport Ekspres/

Stojanovski ka qenë pjesë e Renovës, me të cilët ka fituar edhe këpucën e artë në kampionatin e Maqedonisë së Veriut. Sulmuesi vjen në Tetovë nga Gorica e Kroacisë, ndërsa më parë ka mbajtur veshur edhe fanellën e Nimesë në Ligue 1 të Francës. Një përforcim i rëndësishëm ky për Shkëndijën në prag të sfidave europiane. /Sport Ekspres/

Njoftimi i klubit:

KF Shkëndija njofton se ka arritur marrëveshje me sulmuesin Vllatko Stojanovski. 25 vjeçari Stojanovski me klubin tonë ka nënshkruar marrëveshje me kohëzgjatje prej dy vitesh.

Stojanovski te skuadra kuqezi vjen nga kampionati kroat nga ekipi i Goricës, ndërsa paraprakisht ka luajtur edhe në Nimes të Francës dhe Split të Kroacisë, ndërsa në kampionatin vendor për dy vite radhazi ka qenë pjesë e Renovës. Si pjesë e përfaqësueses A të Maqedonisë së Veriut, Stojanovski luajti edhe në Kampionatin Evropian Euro 2020. Në vitin 2019 Stojanovski u shpall golashënuesi më i mirë i Ligës së Parë Futbollistike të Maqedonisë së Veriut.

“Mendoj se ky është një moment shumë i duhur në karrierën time, që të vij në një klub si Shkëndija që gjithmonë luan për tituj dhe që ka përvojë të madhe në garat evropiane. ”, tha Stojanovski pas nënshkrimit të kontratës.

KF Shkëndija Stojanovskit i uron shumë fat dhe suksese në fanellën e Shkëndijës!

Ndërkohë përpara nisjes së takimit, Shkupi ka prezantuar edhe fanellën e re që do të përdorë për takimet që do të luajë në shtëpi. Fanella do të hyjë në përdorim që në turin e parë të Champions League-s./Halit Delibashi-Sport Ekspres/

Klubi i Shkupit ka zgjedhur një kundërshtar të denjë për një kompeticion të tillë, teksa do të provojnë veten në një takim miqësor me gjigantët e Fenerbahçes. Ndeshja do të zhvillohet më 22 qershor në orën 17:00./Halit Delibashi-Sport Ekspres/

Por Ibraimi i surprizon të gjithë me zgjedhjen e tij. As Partizani dhe as Shkupi, 35-vjeçari zgjedh Struga Trim Lum. “InfoSport.mk” raporton se Ibraimi do të vijojë karrierën e tij në skuadrën strugane, ku do të ketë mundësinë të përmirësojë edhe më shumë statistikat e tij në kampionatin e Maqedonisë së Veriut./Halit Delibashi-Sport Ekspres/

“Shkëndija angazhon përforcim mjaft cilësor në repartin e mbrojtjes. Bëhet fjalë për mbrojtësin e djathtë, 28 vjeçarin Bashkim Velija, i cili me klubin tonë ka nënshkruar kontratë me kohëzgjatje prej dy vitesh. Bashkim Velija së fundmi ka qenë pjesë e skuadrës së Laçit nga Republika e Shqipërisë, ndërsa paraprakisht për disa sezone radhazi ka luajtur për ekipin e Renovës”, shkruan klubi i Shkëndijës në njoftimin e tij në faqen zyrtare./Halit Delibashi-Sport Ekspres/

“Levica“ ka dorëzuar pranë Agjencisë për Rini dhe Sport për kryerjen e mbikëqyrjes inspektuese kundrejt klubit të  Shkupit dhe Federatës Maqedonase të Futbollit. Sipas tyre nenet 7, 15, 16 dhe 17 të ligjit për përdorimin e stemës, flamurit dhe himnit të Maqedonisë së Veriut janë shkelur./Halit Delibashi-Sport Ekspres/

“Sapo u futëm në hotel dhe në këto hotele superluksoz kishte prenotuar Italia. Por nuk ka ardhur këtu dhe ka ndërruar destinacion për në Konia. Është punë e destinuar të ngjitet shkallë në shkallë. Pa dashur të kërcejmë, pa dashur nga dy shkallë përnjëherë. Është një ekip që nga 2017, kur mori pjesë U21-shi në kampionatin europian U21 dhe më pas pjesa dërmuese të kombinuar me lojtarët më me përvojë, si puna e Ezgjanit, shkuan në Europian. Tashmë bashkohen me seleksionuesin që në 2017 bëri atë ekip që shkoi për herë të parë në Kampionat Europian. Dhe ja ku jemi për herë të parë me gjëra historike. Për herë të parë pas 20 viteve Gjermania mundet në shtëpi, për herë të parë Maqedonia kap vendin e dytë në një grup eliminator dhe ja ku jemi në balotazh. Të gjithë na panë si viktimë kur shorti ishte i pamëshirshëm me ne, na vendosi përballë Italisë. Por jemi ne këtu në Porto.

Në Federatën e Futbollit të Maqedonisë së Veriut flitet me gjuhën e futbollit, jo maqedonisht dhe shqip. Jemi krenar, askush nuk na e merr të drejtën, sepse jemi shqiptar. Ne nuk është se kemi bërë ndarje kufijsh. Në kushtet du e Jemi të detyruar të jetojmë jashtë kufijve të shtetit biologjik, ne ne jemi krenar që gjithë ajo fatkeqësi që jetojmë të ndarë, në një farë mënyre kompsenohet, sepse ne të gjithë i gëzohemi suksesit të Shqipërisë, nesër Kosovës. Në kushtet kur nuk janë këto dyja, jemi ne. Ne gëzohemi për faktin se po bëjmë një garë sportive, përfaqësimi i shqiptarëve është rritur. Këto suksese historike janë duke ndodhur pikërisht kur Federata e Futbollit të Mqedonisë së Veriut po drejtohet nga një shqiptar“, ka deklaruar Faton Zylbehari./Halit Delibashi-Sport Ekspres/

Sipas “Sportmedia.mk“ skuadra që luan në elitën e futbollit turk ka ofruar 400 mijë euro në tryezën e Shkëndijës, por këta të fundit nuk joshen nga një shifër e tillë. Tetovarët dëshirojnë 800 mijë euro për talentin e tyre, i cili deri më tani ka shënuar 8 gola dhe ka dhënë 3 asiste në 38 paraqitje të zhvilluara gjithsej. Ndërkohë, në ofertën e bërë, Gaziantep i kërkon Elezit të luajë me Shkëndijën deri në momentin që do të mbushë 18 vjeç./Sport Ekspres/

“Është pak e vështirë për një klub që del kampion sepse janë dhe ndeshjet e Evropës, normalisht edhe lodhja fizike. Gjithsesi mendoj se do rikthehemi aty ku na takon të jemi. Që ditën e parë që filluam kemi pasur ngarkesa fizike dhe shpresoj që këtë javë do vijojmë me përgatitje më të detajuara.

Stadiumet në Shqipëri janë të vetmet që janë shumë më të mira se në Maqedoninë e Veriut. Në pjesën e futbollistëve duhet të kenë një fushë me bar natyral se sa artificial për të bërë stërvitje. Në Maqedoni të gjitha ekipet e kanë. Lojtarët më parë do preferonin të bënin stërvitje në baltë me bar natyral se sa me bar sintetik.

Modele për shënime goli? Ka shumë modele si çohet topi në rrjetë, e rëndësishme është vetëm ta çosh topin në rrjetë. Ajo ka më shumë vlerë. Për mua e rëndësishme është ta kaloj vijën”, ka thënë Rubin Hebaj./Halit Delibashi-Sport Ekspres/

Bëhet fjalë për Naser Alijin, i cili ka dhënë fund me Budapest Honvedin dhe tashmë është një lojtar i lirë. Mbrojtësi i majtë do të ishte një vlerë mjaft e madhe për ekipin e Shkëndijës, që do të rriste ndjeshëm cilësinë në skuadër./Sport Ekspres/

“KF Shkëndija dhe mesfushori Kamer Qaka kanë rënë dakord që të ndajnë rrugët. Qaka nuk do të jetë në të ardhmen pjesë e Shkëndijës, ndërsa bashkëpunimi është ndërprerë me marrëveshje ndërmjet të dyja palëve. Rikujtojmë që Kamer Qaka skuadrës sonë iu bashkëngjit në muajin janar vitit 2021, dhe me Shkëndijën e fitoi titullin e kampionit të Maqedonisë së Veriut. KF Shkëndija e falënderon Kamer Qakën për kontributin e dhënë në fanellën kuqezi, duke i uruar shumë fat dhe suksese në vazhdim të karrierës së tij”, njofton klubi i Shkëndijës./Halit Delibashi-Sport Ekspres/

Menjëherë pas fitores, maqedonasit kanë festuar në dhomat e zhveshjes, teksa një video është shpërndarë në faqen zyrtare të Federatës së Maqedonisë së Veriut në “Instagram”. Të gjithë lojtarët e kësaj Kombëtareje ishin të përfshirë në këtë festim duke brohoritur “vendi i Maqedonisë”, përveç Alioskit, i cili ishte një nga futbollistët kyç të skuadrës nuk ishte mjaft i përfshirë. Lojtari shqiptar dukej më i përmbajtur në dhomat e zhveshjes, pavarësisht suksesit historik që ka arritur në fushën e lojës./Elio Hajdari-Sport Ekspres/

 

View this post on Instagram

 

A post shared by Football Federation-Macedonia (@ffmacedonia)

“Sot Maqedonia është e mbytur nga gjëra të ndryshme. Më vjen mirë që e bëmë kaq të lumtur këtë popull. Kjo dhomë e zhveshjes nuk ka bardh e zi, nuk ka shqiptar-maqedonas, ka një fanellë dhe ne e tregojmë këtë dhe mendoj se Maqedonia me meritë hyri në “play off”.

Çfarë u thashë lojtarëve para ndeshjes? Ato filma m’u rikthyen nga Gjeorgjia, e di çfarë presioni është nga ajo anë, por u thashë çfarë ndava me ju. Ne duam të ecim përpara, të përparojmë, sporti bën diferencën dhe i bëmë njerëzit të lumtur. Më vjen mirë që më në fund i kemi bashkuar njerëzit, sot Maqedonia ka treguar se dëshiron të ecë përpara dhe këta djem, ky staf profesional e kanë treguar fshehurazi se çfarë duam të arrijmë. Na kanë nënvlerësuar, por duke luftuar ne ia dolëm”, ka thënë Ristevski./Halit Delibashi-Sport Ekspres/

Rumania ka barazuar sot në shifrat 0-0 kundër Islandës dhe mbetet në vendin e tretë me 1 pikë më pak se Maqedonia. Në lojë janë edhe 90 minuta përpara se të përfundojë faza e grupeve për kualifikueset e Kupës së Botës dhe përfaqësuesja maqedonase me shumë mundësi nuk do të hedhë hap fals ndaj Islandës më 14 nëntor. Mjafton një fitore dhe vendi i dytë i përket Maqedonisë, çka përkthehet në një biletë për në fazën play-off për Botërorin e Katarit 2022. Një sukses tillë do të ishte arritje e madhe për këtë përfaqësuese, e cila asnjëherë nuk ka shkuar kaq larg./Halit Delibashi-Sport Ekspres/

“Kur e mësova se mund të vij në Shkëndijë, menjëherë më lindi dëshira që sa më shpejt të vij në Tetovë dhe të nënshkruaj. Jam tepër i lumtur që pas tre viteve përsëri kthehem në një ekip shqiptar, por edhe më i lumtur që i bashkëngjitem një skuadre siç është Shkëndija, me gjithë armatën e tyre të tifozëve kuqezi. Mendoj se ky është një moment shumë i duhur në karrierën time që të vij në një klub i cili luan futboll me sulme.

Ndjehem shumë mirë që jam këtu, pasi që e di se Shkëndija është kampion aktual i Maqedonisë së Veriut dhe ka ambicie që përsëri edhe këtë vit të shpallet kampion. Ambiciet e mia përshtaten me ambiciet e klubit. Por ajo që më shumë më përshtatet mua si golashënues është stili i lojës i Shkëndijës, që është lojë ofensive me shumë sulme. Besoj se me ndihmën e bashkëlojtarëve do të arrijmë suksese dhe do të dalim kampionë”, ka thënë Sindrit Guri faqen zyrtare të klubit të Shkëndijës./Halit Delibaashi-Sport Ekspres/

Kujtojmë që vetëm tre ditë më parë, drejtuesit e klubit shqiptar ndërprenë kontratën me Ernest Gjokën, përshkak të rezultave të dobëta në Kupat e Europës. Bruno Akrapoviç drejtonte CSKA e Sofies, përpara se të rikthehej në Maqedoninë e Veriut tek klubi i Shkëndijës./Elio Hajdari-Sport Ekspres/

Kështu klubet që vijnë nga Champions League, si Teuta, Shkëndija apo edhe Prishtina do të kenë përballë kundërshtarë të një vështirësie jo të lartë. Kampionët e Superiores përballen me Inter Klub D’Eskaldes nga Andorra, ndërsa Shkëndija do të ndeshet me Rigën dhe Prishtina luan shanset e saj me uellsianët e Nomads.

Një tablo krejt tjetër shfaqet për skuadrat shqiptare që vijnë në turin e dytë pas triumfit në turin e parë të Ligës së Konferencës. Partizani gjen në këtë raund Bazelin, Laçi ekipin rumin Universita Kraiova, ndërsa Vllaznia AEL Limasolin. Përpos klubeve të Kategorisë Superiore në garë janë edhe Shkupi e Drita, që respektivisht përballë do të kenë Santa Klarën (Portugali) dhe Fejnordin. Këto takime do të luhen në datat 22 dhe 29 korrik./Halit Delibashi-Sport Ekspres/

“Nëse kjo është më e mira e Maqedonisë atëherë atëherë ne me të vërtetë kemi arritur në fund të futbollit për klube. Ajo 0: 5 është disfata më e rëndë në historinë e klubit në futbollin evropian. Sigurisht, ne nuk i numërojmë ato 0: 6 në “San Siro” në Milano. Mura, nëse do të ishte me fat mund të kishte arritur 10: 0, 11: 0, kjo është sa shanse kishin djemtë bardh e zi, të cilët thjesht luajtën futboll. Kështu që mund të themi vetëm: Shkendja – Turp t’ju vijë! Dikush me të vërtetë duhet të përgjigjet për këtë.

Kjo është një humbje e dhimbshme dhe e turpshme jo vetëm për Shkendijën, por edhe për futbollin maqedonas në përgjithësi. Përsëri, dikush te Shkendija me të vërtetë duhet të përgjigjet për këtë. Për këtë, “kokat duhet të fluturojnë”, shkarkimet duhet të ndahen. Kjo nuk mund të vazhdojë. Shkendija sonte në Murska Sobota dukej si gjithçka, por jo klubi ynë më i mirë. Sllovenët u tallën me Shkendijen kur donin të tundnin rrjetën e Zahov. Të gjithë meritojnë kritika, natyrisht më së shumti stafi profesional”, shkruhet ndër të tjera në artikullin e “Sportmedia.mk” për paraqitjen e Shkëndijës kundër Mura-s./Halit Delibashi-Sport Ekspres/

“Nuk e fton Besart Ibraimin me gjithë ato gola e me rekorde. Çfarë duhet të bëjë Ibraimi më shumë? Ka marrë lojtarë të tjerë që nuk i kanë 2-3 gola në kampionat, ndoshta edhe nuk luajnë hiç. Nuk janë as kampionate më të mëdha se ne. Në të njëjtën kohë ka marrë edhe Ferhan Hasanin. Për çfarë e ka marrë Hasanin? Se ka 2 minuta lojë? Dhe nuk merr Besart Ibrahimin. Agim Ibrahimi te Kukësi ka luajtur dhe ka bërë edhe gola, ndërsa Hasani as 3 minuta nuk i ka luajtur. E shikoni çfarë liste ka bërë ai.

Ka ndërhyrje nga jashtë? Padyshim që ka. Është drejtpërdrejtë kapiteni Goran Pandev. Nuk guxon që të njoftojë të paktën 1 lojtarë ose 2. Nuk ka pasur mundësi se ka qenë shumë dobët (Akademija) Pandevi se nuk ishte çudi t’i merrte 3-4 lojtarë“, ka thënë Omer Bunjaku./Halit Delibashi-Sport Ekspres/

Kreu i qeverisë së futbollit shqiptar ka shprehur lumturinë e tij përmes një postimi në rrjetin e tij social në “Facebook“. Duka e veçon skuadrën nga Tetova si një shembull se si duhet të funksionojë një klub futbolli, si dhe në fund uron për një përfaqësim sa më dinjitoz në kualifikueset e Champions League për të bërë krenarë të gjithë popullin shqiptar./Halit Delibashi-Sport Ekspres/

Postimi i Armand Dukës:

Kënaqësi e veçantë të merrja pjesë sot në ceremoninë e kurorëzimit të KF Shkëndijës së Tetovës si kampione e Maqedonisë së Veriut. I katërti titull kampion në histori për klubin shqiptar, që po krijon një traditë të shkëlqyer, duke u kthyer në një shembull se si duhet të funksionojë një klub futbolli. Dëshmia më e mirë se me punë dhe sakrificë mund të arrihen majat.

I shpreha urimet e mia të përzemërta presidentit të KF Shkëndijës, Lazim Destani, drejtuesve dhe stafit teknik të klubit tetovar për këtë sezon që u mbyll me këtë arritje fantastike. Shpresoj që të vazhdojnë me të njëjtin ritëm dhe të kontribuojnë për zhvillimin e futbollit, siç kanë bërë deri më sot.

Shumë i gëzuar dhe për rritjen e vazhdueshme që po shfaq futbolli në Maqedoninë e Veriut nën drejtimin e mikut tim Muamed Sejdini, që u kurorëzua me kualifikimin në Kampionat Europian.

I lumtur edhe për suksesin e trajnerit të KF Shkëndijës, Ernest Gjokën, i cili është një produkt i shkollës së trajnerëve të FSHF-së. Gjë që tregon se trajnerët e formuar dhe të licencuar nga FSHF janë të denjë për të drejtuar çdo skuadër, në çdo vend.

Emocion i veçantë për mua ishte dhe ritakimi me tifozët e zjarrtë të Shkëndijës, Ballistët, që as sot nuk munguan në festën e madhe të skuadrës së tyre të zemrës, të cilën e kanë mbështetur kudo. Edhe ata kanë një meritë të madhe në këtë arritje, edhe se pandemia nuk i mundësoi këtë sezon të tregonin nëpër stadiume dashurinë ndaj ngjyrave kuqezi.

Pas festës së titullit kampion nuk ka kohë për të humbur, pasi KF Shkëndija duhet të nisë nga puna për t’u përfaqësuar sa më denjësisht në Champions League, e për të bërë krenarë të gjithë shqiptarët kudo që ndodhen. Uroj që klubi tetovar të shijojë sa më shumë suksese në arenën ndërkombëtare, ashtu siç ka bërë në këto vite të fundit.

Skuadra e Superligës së Shqipërisë, Bylis, ka uruar në faqen e saj zyrtare në “Facebook” skuadrën e Shkëndijës. “Krenarë për ju! Urojmë nga zemra ekipin FC Shkëndija për fitimin e titullit kampion në Maqedoninë e Veriut!”- shkruhet në postimin e ballshiotëve./Elio Hajdari-Sport Ekspres/

Lojtarët e Shkëdijës gjendeshin të ngjitur në pjesën e jashtme të stadiumit, ndërsa poshtë tyre ndodheshin tifozët e skuadrës. Kore, këngë dhe një atmosferë tejet e ngrohtë ka shoqëruar festën për titullin kampion në Tetovë. Vetë klubi ka shpërndarë pamje nga këto momente të veçanta me tifozerinë e tyre./Halit Delibashi-Sport Ekspres/