Në kuadër të përgatitjeve për organizimin e këtij kompeticioni madhor, stadiumi “Air Albania” do t’i nënshtrohet një projekti të rëndësishëm infrastrukturor, që përfshin ndërhyrje në bazamentin e fushës dhe zëvendësimin e tapetit aktual, me synimin për të përmbushur standardet më të larta të kërkuara nga UEFA për zhvillimin e ndeshjeve ndërkombëtare dhe finaleve të UEFA U-21 EURO 2027.

Në mbledhjen e fundit të Komitetit Ekzekutiv të FSHF-së u miratuan edhe subjektet që do të realizojnë këtë projekt. Për fazën që lidhet me ndërhyrjen në bazamentin e fushës u përzgjodh subjekti “Everest sh.p.k”, që, pas procesit të prokurimit, rezultoi se plotëson të gjitha kriteret teknike dhe ligjore të kërkuara, si edhe disponon eksperiencën e nevojshme në realizimin e projekteve të infrastrukturës sportive.

Ndërkohë, për fazën e dytë të projektit, që lidhet me furnizimin dhe instalimin e tapetit me bar hibrid, Komiteti Ekzekutiv miratoi kompaninë “Hatko Sports International L.L.C – FZ”, një emër me eksperiencë ndërkombëtare në realizimin e fushave sportive sipas standardeve të UEFA-s dhe FIFA-s.

Kuqezinjtë do të përballen me Slloveninë U-21 më 5 qershor 2026, në stadiumin e Ajdovš?inës, në orën 20:15. Kjo do të jetë miqësorja e parë e këtij grumbullimi për skuadrën e drejtuar nga Alban Bushi.

Ndërkohë, në kuadër të të njëjtit program përgatitor, Kombëtarja U-21 do të zhvillojë edhe një tjetër test miqësor ndaj Italisë U-21, më 8 qershor 2026 në stadiumin “Omero Tognon” në Pordenone, ndeshje e cila është bërë tashmë publike.

Federata Shqiptare e Futbollit ka arritur marrëveshjen me Federatën Italiane të Futbollit për zhvillimin e kësaj ndeshjeje miqësore, e cila do të nisë në orën 18:15.

Kjo përballje do të jetë ndeshja e dytë në kuadër të grumbullimit të muajit qershor për Kombëtaren U-21. Ndërkohë, FSHF është duke punuar për të finalizuar edhe një tjetër ndeshje miqësore, që pritet të zhvillohet gjatë javës së parë të muajit qershor.

Këto ndeshje miqësore janë pjesë e përgatitjeve të Kombëtares U-21 në kuadër të Kampionatit Europian U-21 2027, ku Shqipëria është e kualifikuar automatikisht si një nga vendet organizatore.

Skuadra kuqezi vjen në këtë fazë me një formë shumë pozitive, duke regjistruar katër fitore në katër ndeshjet e fundit miqësore. Takimet e qershorit do t’i shërbejnë stafit teknik, të drejtuar nga Alban Bushi, për të vlerësuar dhe testuar elementët e grupit në prag të përfundimit të sezonit 2025-2026.

Një vëmendje e veçantë do t’i kushtohet edhe futbollit të vajzave, ku të gjitha lojtaret e interesuara do të kenë mundësinë të marrin pjesë pa kufizim moshe.

Ky aktivitet do të zhvillohet në kompleksin “Hudson Sports Complex, Warwick, NY” dhe do të organizohet nga ish-mbrojtësi i Kombëtares shqiptare, Ansi Agolli. Gjithashtu, pjesë e këtij udhëtimi do të jetë edhe Drejtori i Departamentit të Skautizmit në FSHF, Tefik Agolli.

Qëllimi i këtij seleksionimi është evidentimi i talenteve të reja, si edhe ndjekja nga afër e progresit të futbollistëve shqiptarë që jetojnë dhe aktivizohen në SHBA dhe Kanada.

Të gjithë të interesuarit për të marrë pjesë në këtë proces seleksionimi duhet të dërgojnë të dhënat e tyre në adresën e e-mailit: seleksionime@fshf.al. Aplikimi duhet të përfshijë emrin, mbiemrin, datëlindjen, klubin ku aktivizohen, pozicionin në fushë, faqen zyrtare të klubit, pasaportën që zotërojnë, si dhe një numër kontakti.

Trajnerja Daniela Kodra e nisi ndeshjen me këtë formacion titullar: Mone (GK), Rushaj, Nika, Kadiolli, Bajramaj, Ago (C), Bushati, Malaj, Qose, Reci, Leka

Pjesa e parë u mbyll pa gola, me Shqipërinë që kishte kontrollin e lojës dhe krijoi disa raste të mira për shënim, por pa arritur konkretizimin.

Në pjesën e dytë, vajzat e rritën ritmin dhe gjetën golin e avantazhit në minutën e 47-të me Lekën.

Në minutën e 80-të, Shqipëria dyfishoi shifrat me Klesta Agon, ndërsa në minutën e 86-të Malaj shënoi golin e tretë duke vulosur fitoren 3-0.

Me këtë rezultat, Shqipëria e mbyll grupin në vendin e dytë me 4 pikë. Turqia renditet e para me 9 pikë, Mali i Zi i treti gjithashtu me 4 pikë, ndërsa Lihtenshtejni mbyll renditjen me 0 pikë.

Ndeshjet e grupit B5 u luajtën në Shqipëri, nën organizimin e Federatës Shqiptare të Futbollit.

Trajnerja Kodra e nisi ndeshjen me këtë formacion: Helshani (GK), Hysa, Nika, Kadiolli, Bajramaj, Vata, Bushati, Ago (C), Stalaj, Reci dhe Leka.

Pjesa e parë u mbyll me avantazhin 0-1 për Malin e Zi, pas golit të realizuar nga Dresaj në minutën e 29-të. Kuqezezat krijuan disa raste gjatë 45 minutave të para, por nuk arritën të gjenin rrugën e rrjetës.

Në pjesën e dytë, Shqipëria u shfaq më kërkuese dhe dominoi lojën në pjesën më të madhe të saj. Goli i barazimit erdhi në minutën e 72-të, kur Gelda Kadiolli realizoi një gol spektakolar direkt nga goditja e këndit, duke dërguar topin në rrjetë.

Kuqezezat përmbysën rezultatin në minutën e 90-të me një eurogol të Bora Bushatit, e cila goditi saktë nga distanca, duke kaluar Shqipërinë në avantazh 1-2. Megjithatë, Mali i Zi reagoi menjëherë dhe arriti të barazojë vetëm dy minuta më vonë, duke vulosur rezultatin përfundimtar 2-2.

Në ndeshjen tjetër të këtij grupi, të zhvilluar në “Egnatia Arena”, Turqia mposhti Lihtenshtejnin me rezultatin 6-0.

Shqipëria do të luajë ndeshjen e dytë të këtij raundi ndaj Turqisë më 12 prill, në ora 15:00, në “Shtëpinë e Futbollit”. Takimi do të transmetohet drejtpërdrejt në FSHF TV.

“Turp të qoftë. Gjysmë turk që e flet turqishen, si shumica që janë të lindur në Prizren, por që është më patriot dhe që ndihet më kosovar se ti. Të mendosh që një lojtar i Kombëtares në një lojë vendimtare për shtetin e vet, të shesë lojën vetëm pse është i lindur në Prizren dhe flet turqisht, duhet të ketë probleme mentale ose të jetë një njeri pa gjak, pa ndjenja dhe pa respekt. Për një lojtar që i ka dhënë gjithçka për kombëtaren e Kosovës. Ty personalisht gjithë këtë mund, gjithë këtë dhimbje prej ditës së parë deri më dje që e kam bërë për futbollin e shtetit, për kombëtaren, kurrë hallall nuk ta bëj. Të dënoftë Zoti”, shkruan Muriqi. /Sport Ekspres/

Trajneri Armand Dama e nisi takimin me këtë formacion titullar: Marsid Hoxha (GK), Drion Ibrahimi, Rian Nezaj, Jon Ajvazi (c), Aend Cekrezi, Sebastian Sina, Angelos Como, Tom Keqi, Haxhi Rrena, Fabio Hysemi dhe Lorent Zhara.

Pjesa e parë u mbyll pa gola. Në pjesën e dytë, stafi teknik aktivizoi disa lojtarë nga stoli, duke u dhënë mundësi pothuajse të gjithë futbollistëve të grumbulluar të marrin minuta.

Shqipëria kaloi në avantazh në minutën e 69-të me golin e Xhemalit, por Japonia reagoi shpejt, duke barazuar në minutën e 78-të me Aoyama Haru dhe duke përmbysur rezultatin vetëm katër minuta më vonë. Ndeshja u mbyll me rezultatin 1-2.

Në ndeshjen tjetër të zhvilluar në “Shtëpinë e Futbollit”, Suedia mposhti Austrinë 1-0.

Kuqezinjtë U-16 do të zbresin sërish në fushë më 3 prill, ku do të përballen me Suedinë në orën 14:30 në “Shtëpinë e Futbollit”. Takimi do të transmetohet drejtpërdrejt në FSHF TV.

Trajneri Fatjon Tafaj aktivizoi këtë formacion titullar: Raffaele Huli (GK), Lucas Cekrezi, Kris Gecaj (C), Leon Sylejmani, Andreas Llana, Gabriel Kulla, Arman Durmiši, Oliver Blini, Endrit Asani, Rikardo Sheji dhe Serxhio Vogli.

Kuqezinjtë shënuan të parët në minutën e 21-të me Arman Durmisi, i cili ktheu në gol harkimin e Lukas Cekrezit, por pesë minuta më vonë Camilleri vendosi baraspeshën. Megjithatë Gabriel Kulla në të 35-ën riktheu përsëri në avantazh Shqipërinë. Pak pa u mbyllur pjesa e parë Durmisi realizoi dhe të tretin në portën e miqve.

17-vjeçari konfirmoi formën e mirë që po kalon, teksa në fillimin e pjesës së dytë, realizoi të tretin personal dhe të katërtin për kuqezinjtë. Redzepi, i aktivizuar nga stoli shënoi golin e pestë, ndërsa Kulla realizoi dhe dy hetë të tjera gjashtin në minutat e 72 dhe të 80-të.

Në ndeshjen tjetër të grupit B4, Norvegjia fitoi 3-0 ndaj Luksemburgut në stadiumin “Niko Dovana”.

Kombëtarja do të luajë më 31 mars ndaj Norvegjisë ndeshjen e tretë dhe fundit të këtij raundi, që do të vendosë dhe fatin e kualifikimit. Takimi do të zhvillohet po në “Shtëpinë e Futbollit” në ora 15:00.

FSHF vijon gjithashtu bisedimet për të siguruar edhe një tjetër ndeshje miqësore për Kombëtaren U-21 gjatë muajit mars.

Deri në Kampionatin Europian U-21 2027, Kombëtarja U-21 do të angazhohet vetëm në ndeshje miqësore, pasi Shqipëria është kualifikuar automatikisht në këtë turne si një nga vendet organizatore.

Këto teste miqësore kanë rëndësi të veçantë për trajnerin Alban Bushi dhe stafin teknik, duke ofruar mundësinë për të vlerësuar nga afër gjendjen e lojtarëve, për të konsoliduar grupin dhe për të testuar elementë të rinj në funksion të Europianit U-21 2027.

Ndërkohë sekreti i Federatës Serbe të Futbollit, Branko Radujko, i ftuar në “Mozzart Sport”, tregon sesi erdhi shkarkimi i Stjokovic menjëherë pas asaj humbje me Shqipërinë. “Pas ndeshjes unë shkova te Stojkovic dhe i thashë: “Dragan, kaq, këtu mbaroi. As tifozët, as populli ynë e as Federata nuk mund ta duroj më këtë. Duhet t’i japim fund tani. Pastaj Stojkovic më tha: “E kuptoj, e ndiej, do të shkoj te konferenca dhe do të them se do të largohem”. Doli dhe aty tha se do të largohej dhe la asistentin e tij për të drejtuar ekipin në Andorra”, tha Radujko. /Sport Ekspres/

Ahmataj ka falenderuar presidentin e FSHF, Armand Duka dhe bashkëpuntorët në punën e tij, për gjithë impenjimin maksimal dhe vullnetin për rezultate në këto kohë. Në fund, Ahmataj shpreh gjithë bindjen e tij se e gjitha kjo eksperiencë do të kurorëzohet me Shqipërinë në Botëror. /Sport Ekspres/

“Doja të dilja dhe të flisja para mikrofonit për të marrë përgjegjësinë. Nuk kisha humbur kurrë penallti në karrierën time, e humba tani dhe e gjuajta tmerrësisht shumë keq. I kërkoj falje trajnerit dhe gjithë shokëve të ekipit. Penalltia mund të humbet, por unë duhet të marrë përgjegjësinë”, tha Asllani. /Elio Hajdari-Sport Ekspres/

Asnjë shpresë e vetme për Serbinë, teksa trajneri i Anglisë, Tuchel, do të hedh në fushë formacionin më të mirë. Kjo pasi për Anglinë është ndeshja e fundit në shtëpi përpara se të fillojë Botërori. Trajneri i Anglisë u shpreh se e di mirë se Serbia do ta luajë këtë ndehsje si finale, por ai po e përgatit për të përsëritur fitoren 5-0 si në ndeshjen e parë në Beograd.

“Varet gjithmonë nga ne. E kemi bërë mirë punën në ndeshjen e fundit dhe do ta bëjmë përsëri tani. Për Serbinë do të jetë një ndeshje finale dhe kështu do të shohim anën e tyre më të mirë. Ne jemi përgatitur për këtë dhe shpresoj se këtë herë do të kemi edhe stadiumin me vete. është një ndeshje kualifikuese Botërori, një ndeshje në shtëpi, jemi këtu për të fituar”, tha Tuchel.

Por ka edhe një arsye tjetër se përse Anglia nuk duhet të gabojë me Serbinë dhe nuk duhet të zhgënjejë tifozët me performancën. Në ndeshjen e fundit të luajtur në Wembley, ku Anglia fitoi 3-0 me Uellsin, trajneri Tuchel nuk ngurroi që të kritikonte tifozët e Anglisë.

“Ne e dërguam rezultatin 3-0 shumë shpejt. Mund të shënonim edhe golin e 4 apo të 5, por nuk e realizuam dot. Në stadium e donin këtë gol të 4 dhe të 5 dhe pastaj qëndruan në qetësi, sepse ne nuk e realizuam dot. Mendoj se ishte shumë qetësi dhe lojtarët tanë nuk e morën energjinë mbrapsht të tifozëve të tyre, nuk na mbështetën”.
Këtë herë stadiumi do të jetë i stërmbushur dhe të gjithë në Angli janë me sytë nga trajneri, për të parë se çfarë performance do të ketë. Në një moment kur steka është ngritur, Tuchel nuk do të falë asgjë dhe do të kërkojë që të vazhdojë me këtë ritëm të frikshëm të rezultateve në rrugën drejt Botërorit. Një marsh më pak Anglia mund ta ketë me shumë gjasa në ndeshjen kunër Shqipërisë në transfertë, pra në Air Albania, por kurrsesi nuk mund ta ketë në këtë moment. /Sport Ekspres/

Sulmuesi i Flamurtarit, Erald Maksuti, nuk do të jetë pjesë e këtij grumbullimi për shkak të dëmtimit të pësuar në ndeshjen e fundit të kampionatit ndaj Bylisit.

Trajneri Alban Bushi ka vendosur të thërrasë sulmuesin e Partizanit, Besar Gudjufin, i cili do të bashkohet me ekipin në Moldavin.

Trajneri Mehmeti hodhi në fushë këtë 11-she titullare: Ndoj (GK), Kerxhaliu, Muharremi, Avdylaj, Elqeni (C), Ramadani, Shofiti, Mehmeti, Prendi, Gjomarkaj, Kajtazi.

Kuqezinjtë zhvilluan një lojë të bukur dhe me raste të shumta. Pjesa e parë u mbyll me rrjeta të paprekura, ndërsa në fraksionin e dytë kuqezinjtë e vegjël shënuan golin e fitores me Prendin. Ky i fundit shfrytëzoi mirë asistin e Mehmetit, duke u futur në zonë dhe duke e çuar topin në rrjetë në minutën e 64-t.

Ndeshja u mbyll me rezultatin 1-0 për Shqipërinë U-15, që korr kështu suksesin e dytë radhazi në këtë turne.

Në takimin tjetër të ditës së sotme, Kosova mposhti Armeninë me shifrat 4-3.

Takimet e fundit të turneut UEFA Development U-15 do të luhen më 3 nëntor. Shqipëri – Kosovë është programuar në orën 14:00, ndërsa Armeni – Maqedoni e Veriut në orën 10:00.

Është mbyllur një tjetër javë pozitive për lojtarët e Kombëtares shqiptare, të cilët vazhdojnë të jenë protagonistë për ekipet e tyre me gola dhe asiste.

Medon Berisha shënoi golin e parë në Seria A me klubin e Lecce-s. Mesfushori i Kombëtares, që ka blinduar vendin e titullarit, realizoi një gol spektakolar nga një goditje dënimi, duke i shënuar skuadrës së Udinezes. Në këtë ndeshje, titullar në mesfushë krah Berishës ishte edhe Ylber Ramadani.

Jasir Asani vazhdon të jetë protagonist në Iran me skuadrën e Esteghlalit. Në fitoren 3-0 në transfertë ndaj Fajr Sepasit, Asani zhbllokoi takimin në minutën e 42-të nga penalltia, duke u treguar i saktë përballë portierit kundërshtar.

Cristian Shpendi u rikthye këtë fundjavë te goli, pasi shënoi në sfidën Sudtirol – Cesena, që përfundoi 0-1 falë golit të sulmuesit të Kombëtares. Për Cristian Shpendin ky ishte goli i tretë këtë sezon me fanellën e Cesenës.

Nazmi Gripshi luajti ndeshjen e fundit në kampionat me Astanën, që luftoi deri në fund për të fituar titullin kampion, por pa sukses. Në duelin vendimtar ndaj Kairat Almaty, Astana barazoi 1-1 dhe Gripshi asistoi për golin e vetëm të skuadrës së tij në minutën e 15-të.

Taulant Seferi ishte protagonist me një asist në fitoren 2-0 të Bodrumsporit ndaj Igdir FK. Në minutën e 79-të, futbollisti kuqezi shërbeu saktë për shokun e skuadrës Habesoglu, që shënoi golin e dytë dhe vulosi fitoren e Bodrumsporit.

Titullarë këtë javë ishin gjithashtu Thomas Strakosha, Mario Mitaj, Klisman Cake, Berat Gjimshiti, Arlind Ajeti, Kristjan Asllani, Arbër Hoxha, Mirlind Daku dhe Rey Manaj.

Në ditën e sotme, Esteghal u përball kundër Fajr Sepasi në transfertë dhe fitoi në shifrat 0-3. Goli i parë i ndeshjes u realizua nga Jasir Asani, i cili nga 11 metrat nuk mund të gabonte. /Elio Hajdari-Sport Ekspres/

Shqipëria U-17 për vajza zhvilloi sot në stadiumin “Elbasan Arena” ndeshjen e dytë të raundit të parë kualifikues të Kampionatit Europian 2026, përballë Estonisë. Vajzat kuqezi, të drejtuara nga trajnerja Cyme Lulaj, barazoi me rezultatin 1-1 një takim qw ishte mjaft i luftuar deri në fund.

Teknikja Lulaj e nisi ndeshjen me këtë formacion titullar: Ambra Reshiti (GK), Kristel Tuku, Marina Rushaj (c), Desara Lorja, Audrina Lajthiza, Albana Malaj, Gurie Mehmetaj, Heidi Bekteshi, Emi Maksuti, Sibora Kuka dhe Alesja Loshja.

Skuadra shqiptare e nisi më mirë ndeshjen, duke krijuar disa raste të rrezikshme përpara portës kundërshtare. Avantazhi erdhi në minutën e 29-të, pas një krosi të saktë të kapitenes Rushaj, që u devijua në rrjetë nga futbollistja estoneze Sootaga, duke i dhënë epërsinë ekipit tonw.

Pjesa e parë u mbyll me avantazhin 1-0 për vajzat kuqezi. Në pjesën e dytë, Estonia reagoi dhe arriti të barazojë rezultatin në minutën e 59-të me anë të Pihlak, duke vendosur shifrat përfundimtare 1-1.

Pas këtij rezultati, Shqipëria renditet në vendin e katërt të grupit me një pikë, po aq sa edhe Estonia. Në krye të renditjes ndodhen Izraeli dhe Greqia, me nga katër pikë secila. Në ndeshjen tjetër të ditës së sotme, e luajtur në Rrogozhinë, Greqia dhe Izraeli ndanë pikët pas barazimit 1-1.

Skuadra kuqezi do të luajë ndeshjen e fundit të këtij raundi të enjten, në ora 14:00, sërish në “Elbasan Arena”, përballë Izraelit.

Kuqezinjtë u mposhtën në këtë takim me rezultatin 3-1.

Trajneri Fatjon Tafaj e nisi ndeshjen me këtë formacion titullar: Lleshi, Mezani, Varesis, Pierro, Marku, Vata, Qosja, Allasufi, Luka, Himallari dhe Mali.

Pjesa e parë ishte e luftuar, me raste nga të dyja skuadrat, por pa gola. Në fraksionin e dytë, Sllovenia zhbllokoi rezultatin në minutën e 54-t me Koren Tian, ndërsa pas katër minutash Deen Okanovic realizoi golin e dytë.

Skuadra mike vulosi fitoren në minutën e 72-t, me golin e tretë të shënuar nga Tristan Kotar.

Pavarësisht disavantazhit, kuqezinjtë nuk u dorëzuan dhe ngushtuan diferencën me golin e Mattias Allasufit.

Shqipëria U-17 do të luajë ndeshjen e dytë miqësore ndaj Sllovenisë më 11 tetor, në orën 11:00, në “Shtëpinë e Futbolli

Ndërkohë në ndeshjen e fundit, Muslika ka marrë sërish qëndrën e vëmendjes me Totenhemin U-18. Në këtë takim, lojtari 16-vjeçari dhuroi dy asiste për shokët e ekipit, njëra nga goditja e këndit dhe tjetra nga loja normale. Muslika është ndër lojtarët më të vlerësuar te akademia e Totenhemit dhe e ardhmja e këtij djali duket e ndritur. /Elio Hajdari-Sport Ekspres/

Zyrtarët e UEFA-s të shoqëruar nga përfaqësues të FSHF, kanë vizituar stadiumet që do të mirëpresin këtë kampionat historik.

Përshtypja e përgjithshme e inspektorëve të UEFA-s ishte pozitive, ndërkohë që paralelisht janë vizituar edhe 28 hotele si dhe 21 qendra stërvitore, të cilat do të vlerësohen nga UEFA e do të formësohen në “Team Base Camp”-s për katalogun që do t’u ofrohet ekipeve finaliste.

Vizita e radhës e UEFA-s është planifikuar në mars të viti 2026 për të parë sërish ecurinë e këtij projekti madhështor.

Komitetit Ekzekutiv i UEFA-s vendosi në shkurt të këtij viti që Shqipëria të jetë një nga vendet organizatore të Kampionatit Europian U-21 të vitit 2027. Ky turne, i cili do të zhvillohet në qershor të vitit 2027, do të përfshijë 16 skuadra që përfaqësojnë talentet më të spikatura të futbollit të moshave në Europë, mes tyre edhe lojtarë që tashmë aktivizohen në ligat më të mira të kontinentit.

Megjithatë kuqezinjtë e vegjël nuk arritën ta mbanin deri në fund baraspeshën. Ekipi kombëtar U21 u thye në minutën e 81-të, kur Ngonzoja vulosi përfundimisht shifrat në 2-1. Pavarësisht humbjes, trajneri Alban Bushi ka marrë sinjale pozitive nga ekipi./Sport Ekspres/

Por në këtë vëllazërore kishte disa momente të veçanta emocionuese. Për ta nisur që nga fillimi i ndeshjes, teksa të dyja ekipet, si Shqipëria dhe Kosova nisën që të këndonin himnin kombëtar së bashku.

Një skenë emocionuese dhe që ndodh rrallë që të dyja ekipet të këndojnë të njëjtin himn.
Ndërkohë kulmi i emocioneve ka ndodhur në pjesën e parë, në një episod vendimtar. Arbitri dha në mënyrë të pakuptimë një penallti në favor të Shqipërisë. Një penallti që solli me të drejtë protesta të mëdha te Kosova pasi askush nuk e kuptoi sesi arbitri e akordoi atë penallti. Pas shumë protestash dhe kërkim arsyeje, një prej lojtarëve të Shqipërisë u vendos para pikës së bardhë.

Pavarësisht se kishte një rast të mirë shënimi goli, lojtari e pasoi topin te portieri i Kosovës duke mos e goditur në portë dhe duke e lënë vetë penalltinë. Të gjithë nisën që të duartrokisnin në stadium për këtë gjest kaq të bukur të ardhur nga futbollisti ynë. Në fund Kosova U-19 fitoi 0-1, por padyshim që me këto episode kaq të bukura, rezultati ishte i fundit që kishte rëndësi në këtë takim. /Sport Ekspres/

Trajneri Bushi e nisi sfidën me këtë formacion titullar: Aron Jukaj (GK), Feta Fetai (c), Zylyf Muca, Elton Fikaj, Ervin Bashi, Gabriel Ramaj, Burak Alili, Ermir Rashica, Etnik Brruti, Aidon Shehu, Enes Osmani.

Pjesa e parë ishte e barabartë. Rasti i parë i rrezikshëm erdhi në minutën e 9-të me Shehun, që provoi me një goditje, por u ndal nga portieri. Në vijim, Gjermania krijoi disa mundësi të mira, por Jukaj reagoi mjaft mirë.

Në minutën e 39-të, Shqipëria ishte pranë golit me një goditje dënimi të fortë të Brrutit, por portieri kundërshtar devijoi në këndore. Pjesa e parë u mbyll pa gola.

Gjermania e nisi pjesën e dytë me 10 zëvendësime dhe kaloi në avantazh në minutën e 48-të me Ansah. Vetëm katër minuta më pas, Pejcinovic dyfishoi rezultatin.

Në minutën e 56-të, trajneri Bushi kreu tre zëvendësime, duke aktivizuar Gudjufin, Tomën dhe Arlind Kurtin.

Pesë minuta më vonë, Shqipëria pati një mundësi të mirë me Alilin, por tentativa e tij përfundoi jashtë kuadratit.

Deri në fund, kuqezinjtë aktivizuan edhe Përndrecën, Elezajn, Simnicën dhe Markun, por pa arritur të gjenin rrugën e rrjetës.

Ndeshja u mbyll 0-2 për Gjermaninë.

Shqipëria U-21 do të zhvillojë ndeshjen e dytë miqësore më 8 shtator, ndaj Zvicrës, në orën 18:30, në stadiumin “Brügglifeld” të qytetit Aarau.

Nëse do të ndaleshim te një lojtar që mund të ketë magjinë e Armando Brojës, pra të mënyrës sesi bëri për vete shqiptarët dhe njëkohësisht të thithjes së vëmendjes mediatike, është pikërisht Muslika.
Shumë pritshmëri janë për të edhe për faktin që po del nga shkolla angleze e futbollit, që të jep një dorë më të madhe për të shkuar larg në të ardhmen nëse investon shumë punë dhe përkushtim. Një emër për t’u mbajtur mend në të ardhmen, Muslika mund të jetë ylli i radhës së Shqipërisë. /Sport Ekspres/

Nga data 4 deri më 9 shtator në Varshavë do të zhvillohet turneu ndërkombëtar miqësor “Syrenka Cup Tournament U-17”, ku do të marrë pjesë edhe Kombëtarja shqiptare U-17, së bashku me Poloninë, Rumaninë dhe Norvegjinë.

Takimet e para të turneut do të luhen më 4 shtator. Shqipëria do të përballet me Poloninë në stadiumin “GKS Pogon Stadium”, në orën 16:00, ndërsa sfida Rumani – Norvegji do të zhvillohet në “Aktywna Warszawa Stadium”, në orën 13:00.

Ndeshjet e dyta janë programuar për datën 6 shtator. Shqipëria do të luajë kundër Norvegjisë në “Sulejówek Municipal Stadium”, në orën 13:00, ndërsa Polonia do të përballet me Rumaninë në “Municipal Stadium Marsza?ka Józefa Pi?sudskiego”, në orën 16:00.

Ndeshjet e fundit të turneut do të zhvillohen më 9 shtator, në të njëjtën orë 11:00. Shqipëria do të përballet me Rumaninë në “Municipal Stadium Marsza?ka Józefa Pi?sudskiego”, ndërsa takimi tjetër Norvegji – Poloni do të luhet në “GKS Pogon Stadium”.

Kalendari i ndeshjeve: 

Rumani – Norvegjia, 4 shtator, 13:00, “Aktywna Warszawa Stadium”

Poloni – Shqipëria, 4 shtator, 16:00, “GKS Pogon Stadium”

Norvegji – Shqipëri, 6 shtator, 13:00, “Sulejówek Municipal Stadium”

Poloni – Rumani, 6 shtator, 16:00,  “Municipal Stadium Marsza?ka Józefa Pi?sudskiego”

Shqipëri – Rumani, 9 shtator, 11:00, “Municipal Stadium Marsza?ka Józefa Pi?sudskiego”

Norvegji – Poloni, 9 shtator, 11:00, “GKS Pogon Stadium”

Ndeshja hapëse e turneut është Shqipëri U-19 – Moldavi U-19, e cila do të luhet më 4 shtator, në orën 17:00.

Më 6 shtator është programuar takimi Moldavi U-19 – Kosovë U-19, që do të zhvillohet në orën 10:30.

Ndeshja e tretë dhe e fundit, Shqipëri U-19 – Kosovë U-19, do të luhet më 8 shtator, në orën 10:30.

Ky turne shërben si përgatitje për kualifikueset e Kampionatit Europian 2026. Shqipëria U-19 është pjesë e Grupit 5, së bashku me Ukrainën, Malin e Zi dhe Sllovakinë. Ndeshjet e këtij mini-turneu do të organizohen nga FSHF më 12, 15 dhe 18 nëntor.

Në barazimin 2-2 në kohën e rregullt, Asllani ishte një prej lojtarëve më të vlerësuar. Madje në golin e dytë të Interit, ishte një top i hapur prej shqiptarit që do të sillte tundjen e rrjetës te zikaltërit. Por këto performanca ndikojnë vetëm në rritjen e vlerës dhe marrjen e vëmendjes për ekipin e ri pasi në fakt rrugët mes tij dhe Interit janë ndarë. /Elio Hajdari-Sport Ekspres/

Obviously Pio goal was great.

But Bonny dribbling the ball away from two people on the wing to keep possession and then quickly making it back to scoring position is good to see.

Smart of Asllani to quickly switch the field a play with that pass too

pic.twitter.com/ECz15Xlw9B

— Adriano FC (@ImperatoreFC) August 12, 2025

Kuqezinjtë do të nisin menjëherë përgatitjet në qendrën stërvitore të Coverciano-s, ndërsa ndeshja e parë ndaj Italisë do të zhvillohet më 5 gusht, në orën 18:00. Miqësorja e dytë do të luhet më 7 gusht, në orën 11:00.

Këto dy takime janë një shans i mirë për stafin teknik dhe lojtarët, në kuadër të përgatitjeve për raundin e parë kualifikues të Kampionatit Europian U-19. Shqipëria do të jetë vendi organizator i grupit 5, ku do të përballet me Ukrainën, Malin e Zi dhe Sllovakinë në muajin nëntor.

Federata Shqiptare e Futbollit dhe ajo Italiane kanë rënë dakord që të dy takimet të zhvillohen në Novara, në qendrën sportive “Novarello”. Ndeshja e parë do të luhet më 5 gusht, në orën 18:00, ndërsa sfida e dytë më 7 gusht, në orën 11:00.

Skuadra kuqezi, e drejtuar nga trajneri Julian Ahmataj, do të nisë grumbullimin në fillim të muajit gusht. Këto dy miqësore luksi do t’i shërbejnë ekipit dhe stafit teknik si një mundësi testimi dhe përgatitjeje në kuadër të raundit të parë kualifikues për Kampionatin Europian U-19, që zhvillohet në muajin nëntor në vendin tonë.

Shqipëria është pjesë e grupit 5 së bashku me Ukrainën, Malin e Zi dhe Sllovakinë.

Në një prononcim të shkurtër për fshf.org, trajneri Mahmuti ndihet i kënaqur dhe i vlerësuar për rikthimin si trajner kuqezi.

“Është kënaqësi dhe nder që rikthehem përsëri në Federatën e Futbollit, i angazhuar si trajner i ekipit kombëtar. Në radhë të parë dua të falënderoj Presidentin Armand Duka për mundësinë dhe vlerësimin duke më afruar sërish në gjirin e ekipeve kombëtare. Gjithashtu edhe drejtorin teknik për mundësinë e bashkëpunimit me të.

Ndihem i vlerësuar që jam trajner i kombëtares U-15. Do të jap maksimumin në këtë detyrë të re. Puna me fëmijët është sa e bukur, por njëkohësisht e vështirë sepse fëmijët kërkojnë një përkushtim të jashtëzakonshëm si nga ana psikologjike, por edhe në anën tekniko-taktike”.

Tekniku shqiptar tregon edhe planet dhe objektivat për të ardhmen në krye të ekipit kombëtar U-15. “Ky projekt karakterizohet nga puna jonë e përditshme dhe synimi është rritja dhe zhvillimi i cilësive të fëmijëve. Të mundohemi që ata të shkojnë sa më lart në ekipet e tjera zinxhir kombëtare” – thotë trajneri Genti Mahmuti për fshf.org.

Përveç ekipit kombëtar U-15, Genti Mahmuti do të jetë edhe një nga trajneri i grupmoshës së datëlindjes 2011 në akademinë “Elite Youth”.

Emocionet e rikthimit? – Është vlerësim për mua që rikthehem në Federatën Shqiptare të Futbollit, këtë herë si trajner i parë. Kjo është eksperienca ime e dytë, pas një eksperience me ekipin Kombëtar U-21 përkrah trajnerit Alban Bushi. Dua të falënderoj shumë FSHF-në, Presidentin Armand Duka dhe gjithashtu drejtorin Pea, që më dhanë mundësinë për të ardhur dhe për t’u bërë pjesë e shtëpisë së futbollit shqiptar.

Kampionati Europian U-17 “Shqipëri 2025”? – I ndoqa pothuajse të gjitha ndeshjet. Organizimi ishte në perfeksion. Skuadrat ishin mjaft cilësore, u prodhua futboll, ndoqa edhe ekipin shqiptar. Ka elementë që janë goxha premtues. Sigurisht që ekipet ishin shumë të forta, pasi të luash kundër kundërshtarëve të tillë nuk është e lehtë, pavarësisht se ke edhe kualitetin brenda. Por ajo që unë pashë dhe që është shumë e rëndësishme, ka elementë goxha të mirë te Kombëtarja U-17.

Objektivat? – Sigurisht, do të nisë me projektin “Step by Step”, ku do të fillojmë me pjesën e trajnimit të lojtarëve. Më pas kemi një projekt tjetër që lidhet më shumë me pjesën e zyrës. Do të ketë punë të madhe edhe me skautimin e lojtarëve, që do të realizohet në bashkëpunim me stafin e skautimit, drejtorin dhe të gjithë të tjerët për seleksionimin. Është shumë e rëndësishme ulja e marzhit të gabimit. E them këtë sepse shikoj që ka elementë shumë të mirë, si në Shqipëri, ashtu edhe jashtë vendit. Qëllimi është të kemi sa më shumë lojtarë cilësorë.

Perlala, i cili vjen nga akademia e De Graafschap, do të luajë për skuadrën Feyenoord Under 16. “Scout-i” Enver Jaho, i cili bashkëpunon me FSHF, këmbënguli që Perlala të vishte fanellën e kombëtares shqiptare U15, edhe pse kishte edhe oferta të tjera.

“Kalimi im te një klub i madh si Feyenoord është hapi i duhur për zhvillimin tim si futbollist. Me kushtet fantastike që ofron Varkenoord dhe stafi i kualifikuar i trajnerëve, kam shumë besim se do të përmirësohem edhe më tej. Mezi pres t’i tregoj të gjithëve se çfarë jam i aftë të bëj në fushë,” tha Perlala.

Perlala, i hodhi hapat e parë në futboll me klubin amator FC Trias nga Winterswijk. Talenti i tij u zbulua nga De Graafschap, për të cilin luajti për shtatë sezone, derisa mori këtë hap të madh drejt Feyenoord.

Perlala, që tashmë mbron ngjyrat kuqezi të Shqipërisë U15, shihet si një investim për të ardhmen. Këtë e tregon edhe kontrata trevjeçare që ka firmosur me Feyenoord – një marrëveshje e rrallë për lojtarë 15-vjeçar.

Mahmuti rikthehet në strukturat kuqezi pas eksperiencës së mëparshme si zëvendëstrajner i ekipeve kombëtare U-19 dhe U-21 gjatë viteve 2012–2016. Ai ka qenë gjithashtu pjesë e stafit të Partizanit, Dinamos dhe shkollës sportive “Loro Boriçi”.

Tekniku kuqezi ka firmosur një kontratë 2-vjeçare dhe do të drejtojë skuadrën U-15 në ndeshjet miqësore dhe ato zyrtare.

Gjithashtu, Mahmuti do të jetë një nga trajnerët përgjegjës në akademinë e FSHF-së, “Elite Youth Academy”. Më konkretisht ai do të jetë trajneri i grupmoshës së datëlindjes 2011.

“Elite Youth Academy” është një nga projektet më ambicioze të Federatës Shqiptare të Futbollit, që synon të ndërtojë një strukturë të qëndrueshme dhe moderne për identifikimin, edukimin dhe zhvillimin teknik të talenteve më premtues në moshë të hershme. Me staf të specializuar, metodologji të unifikuar dhe mbështetje gjithëpërfshirëse, ky projekt përfaqëson një hallkë kyçe në vizionin afatgjatë të FSHF-së për të ndërtuar Kombëtare të forta e konkurruese në të gjitha nivelet e moshave.

Ndërkohë, trajneri Armand Dama do të vijojë punën me të njëjtën grup-moshë duke marrë drejtimin e Kombëtares shqiptare U-16 dhe do të vijojë punën në “Elite Youth Academy” me brezin e datëlindjes 2010.

Sakaq, trajneri Françesko Vitobello do të jetë në drejtimin e grup-moshës së datëlindjes 2012 në “Elite Youth Academy”.

Federata e Futbollit ka arritur marrëveshjen me trajnerin shqiptar, i cili do të ulet që sot në stolin kuqezi dhe do të drejtojë ekipin në ndeshjet e ardhshme zyrtare e miqësore.

Tafaj ka një përvojë të gjatë dhe të vyer në fushën e trajningut. Së fundmi, ai ka drejtuar ekipin e Kukësit, ndërsa më herët ka qenë trajner i Kamzës dhe zëvendës-trajner në ekipe si Dinamo City, Partizani, Shkëndija, Kukësi, Kamza dhe Vllaznia. Nga nëntori i vitit 2018 deri në nëntor të 2019-s, Fatjon Tafaj ka qenë edhe pjesë e stafit teknik të Kombëtares U-21, në rolin e zëvendës-trajnerit.

Trajneri 43-vjeçar do të drejtojë ekipin kombëtar U-17 për dy vitet e ardhshme sipas kontratës së nënshkruar me FSHF.

Por shqiptarët duhet të shohin me interes ndeshjen Gjermani-Francë U-21 dhe te Shqipëria, veçanërisht në stafin teknik dhe atë drejtues të Federatës Shqiptare të Futbollit, duhet ta ndjekin me shqetësim rezultatin e këtij takimi. Nëse Gjermania U-21 fiton dhe arrin në finale, rreziku do të jetë i madh edhe për Shqipërinë. 

Arsyeja? Është e thjeshtë! Dy talentet me më bujë të përmendur në gjithë këto kohët e fundit te Shqipëria janë Nelson Ëeiper dhe Brajan Gruda. Të dy këta futbollistë janë pjesë e Gjermanisë U-21 në këtë Europian dhe po të dy këta futbollistë, kanë zgjedhur që të luajnë me karta të hapura. Ata kanë dhënë intervista në kohët e fundit ku e kanë thënë hapur se do të presin edhe për pak kohë ftesën e Gjermanisë A dhe nëse ajo nuk vjen, do të vijnë te Shqipëria. Pra nëse edhe për pak muaj Gjermania A nuk i dërgon një ftesë këtyre futbollistëve, më pas ata do të vishen kuqezi. 

Deklaratat janë publike dhe lojtarët të paktën kanë luajtur pastër duke e treguar hapur qëllimin e tyre. Nga ana tjetër Shqipëria për sa kohë nuk ka rezultatet më të mira të mundshme, është e detyruar që të mbajë dyert hapur për lojtarë të tillë. Dhe për t’iu rikthyer temës tonë, nëse Gjermania U-21 shkon në finale dhe më pas fiton turneun, atëherë trajneri i Gjermanisë A është i detyruar që në ndeshjet e shtatorit të ftojë 2-3 elemente nga grupi fitues i Gjermanisë U-21 në këtë Europian. 

Dhe ndër këto 2-3 elemente mund të jetë Brajan Gruda ose Nelson Ëeiper, në mos të dy bashkë. Përshembull në cerekfinalen ndaj Italisë ku Gjermania fitoi 3-2, Nelson Ëeiper e filloi nga stoli dhe Brajan Gruda e nisi si titullar. Brajan Gruda zhvilloi një ndeshje të dobët dhe doli nga fusha, ndërsa Ëeiper hyri nga stoli dhe shënoi golin e 2 të Gjermanisë kundër Italisë. Problemi këtu qëndron në faktin që Brajan Gruda i cili bëri një mbyllje spektakolare të sezonit me Brighton, nuk po zhvillon performancat më të mira të mundshme me Gjermaninë U-21, ndërsa Ëeiper që nuk kishte një kohë të mirë me Mainzin në Bundesligë, po gjen golin me Gjermaninë U-21. Kjo bën që të dy lojtarët të jenë të riskuar për një ftesë të mundshme nga Gjermania A, qoftë edhe për një djegie me pak minuta, në rast se U-21 i tyre fiton Europianin. /Sport Ekspres/ 

Trajneri Francesco Vitobello e nisi takimin me këtë formacion titullar: Flori Zeka (GK), Kevin Kerxhaliu, Kevin Muharremi, Denian Avdylaj, Deni Duka, Aleksandros Shofiti, Santjago Perkola, Elio Tavani, Aleks Basho, Alesio Gjomarkaj, Elez Elqeni (C).

Në pjesën më të madhe të lojës, ndeshja ishte e barabartë. Të dyja ekipet tentuan të gjenin rrugën e rrjetës, por sfida nuk prodhoi asnjë gol.

Mundësitë më të mira për shënim për Kombëtaren kuqezi erdhën në fraksionin e dytë, ku trajneri Vitobello kreu disa zëvendësime. U aktivizuan edhe Mehmeti, Sakaj, Ramadani, Ndoj, Sijoni, Bahushi dhe Meço. Në fund, ndeshja u mbyll 0-0.

Mbyllen këtu dy ndeshjet miqësore të Kombëtares shqiptare U-14. Të dyja takimet ndaj Maqedonisë së Veriut U-14 u mbyllën në barazim.

Organizimi dhe zhvillimi i këtij eventi nuk do të ishte i mundur pa angazhimin dhe punën e palodhur të rreth 200 vullnetarëve, të cilët u përfshinë në mbarëvajtjen e aktivitetit, duke mbuluar dhe asistuar në pozicione të ndryshme, si siguria, media, akreditimi, logjistika, si dhe organizimi i ceremonive hapëse në çdo ndeshje.

Përveç vullnetarëve shqiptarë, rreth 10 djem e vajza nga e gjithë bota dhanë kontributin e tyre në këtë eksperiencë.

Aruuke Aidaralieva, me origjinë nga Kurdistani dhe studente në vendin tonë, rrëfen për fshf.org eksperiencën e saj në këtë event. “Ishte hera ime e parë në Shqipëri dhe në fakt ishte një eksperiencë shumë e bukur. Nuk kam marrë pjesë më parë si vullnetare në evente futbolli, por në vendlindjen time, Kurdistan, kam qenë vullnetare në sport në përgjithësi. Ishte një eksperiencë shumë e mirë dhe do t’ja rekomandoj të gjithë shokëve të mi.

Dua të falënderoj Sarën dhe kam shumë respekt për grupin e vullnetarëve dhe për organizimin. Ishte diçka shumë e bukur në Shqipëri, dhe veçanërisht me ekipin tuaj. Ju falënderoj shumë për këtë eksperiencë”.

Dauda Ibrahim Dachia, gjithashtu student në Shqipëri, me origjinë nga Afrika vlerëson pjesëmarrjen në këtë aktivitet dhe tregon eksperiencën e tij.

“Kam marrë pjesë në disa aktivitete vullnetarizmi në vende të ndryshme si Poloni, Çeki, Greqi dhe Holandë. Gjithashtu, jam vullnetar edhe këtu në Kryqin e Kuq. Kjo eksperiencë do të më ndihmojë shumë në të ardhmen, sepse pavarësisht llojit të vullnetarizmit, ai ka një ndikim pozitiv në shoqëri. Për më tepër, përvojat që fiton në vullnetarizëm të ndihmojnë edhe në karrierën profesionale, pasi gjatë kësaj kohe fiton aftësi dhe eksperiencë që mund t’i kërkojë një institucion, shkollë apo organizatë.

Dua të falënderoj Federatën Shqiptare të Futbollit për mundësinë që më dha për të marrë pjesë në këtë program. Falënderoj gjithashtu të gjithë ata që punuan për ta bërë të mundur këtë program, si dhe shokët që u bashkuan dhe treguan energjinë dhe motivimin e tyre për të ndihmuar, gjë që është shumë e rëndësishme. Falënderoj të gjithë që ishin pjesë dhe i uroj suksese të mëtejshme për këtë program”.

Dodaj tundi rrjetën i pari në minutën e 46 të takimit, ndërsa në të 74-tën Dragoneri riktheu baraspeshën. Por ky ekuilibër zgjati vetëm 2 minuta, pasi në minutën e 76 Osmani shënoi golin e fitores. Kuqezinjtë do të luajnë miqësoren e dytë në datën 8 qershor, duke nisur nga ora 19:00, kundër Turqisë U21./Sport Ekspres/