“Jemi në vendin e parë për sa i përket pritshmërive për gol, jemi në vendin e parë sa i përket golave të pakët të pësuar dhe jemi në vendin e parë sa i përket goditjeve të pakta që marrim në portë. Balliu ka vendosur të tërhiqet nga Kombëtarja, ndërkohë sa i përket Strakoshës, do ta kishim vendosur në rrezik nëse e grumbullonim tani. Kemi të gjitha mundësitë për ta mbyllur në vendin e parë të grupit.

Ne kemi vendosur që ditën e hënë të hapim portën për të gjithë tifozët që duan të ndjekin seancën tonë stërvitore, duam të kemi një sinergji mes ekipit, lojtarëve dhe tifozëve. Kushdo që të ndjeki stërvitjen nga tifozët në Shtëpinë e Futbollit, e ka derën e hapur. Jasir Asani? E ka vëmendjen tonë, por duhet të vazhdojë. Kam zgjedhur këta lojtarë pasi dua garancinë, por jo se lojtarët e tjerë janë jashtë vëmendjes tonë”, tha Maran. /Sport Ekspres/

Lajmi është bërë i ditur nga gazetari i Top Channel, Endi Tufa, i cili raporton se mbrojtësi 34-vjeçar ka komunikuar vendimin për t’u tërhequr nga përfaqësuesja. Sipas raportimeve, faktorët kryesorë që kanë ndikuar në këtë zgjedhje janë dëmtimet e fundit, mosha dhe dëshira për t’u përqendruar te karriera në nivel klubesh.

Balliu debutoi me Shqipërinë më 6 tetor 2017, në ndeshjen ndaj Spanjës, ndërsa gjatë kësaj periudhe u bë një alternativë e rëndësishme në krahun e djathtë të mbrojtjes. Ai ishte gjithashtu pjesë e skuadrës që siguroi kualifikimin historik në Europianin e vitit 2024. Bilanci i tij me kuqezinjtë është 24 ndeshje, 1780 minuta aktivizim dhe dy asistime.

Tërheqja e tij krijon një tjetër çështje për trajnerin Rolando Maran, i cili duhet të gjejë alternativat për krahun e djathtë të mbrojtjes. Elseid Hysaj mbetet një nga emrat kryesorë për këtë pozicion. /Sport Ekspres/

Me ardhjen e Celestini, Broja nuk ka debutuar ende për shkakun e dëmtimit. Por pavarësisht se për të gjithë tifozët e Burnley, historia e shqiptarit ka marrë fund, për Celestinin, nuk duket kështu.

Trajneri i ri i Burnley ka folur dy herë në pak ditë rreth situatës shëndetësore të Armando Brojës duke treguar se llogarit plane mbi shqiptarin dhe se do të tentojë ta rikthejë atë në formë. Para ndeshjes së fundjavës, Celestini ka konfirmuar se Broja nuk do të jetë i gatshëm, por do të kërkojë dhe pak më tepër kohë, ndërsa pritet që të shihet pas përfundimit të ndeshjeve të Kombëtares. /Sport Ekspres/

Trajneri i Kombëtares, Rolando Maran, do të shpallë nesër, e premte, në ora 12:00 listën e lojtarëve të ftuar për dy ndeshjet e fundit të UEFA Nations League ndaj Finlandës dhe Bjellorusisë.

Tekniku do të shpallë listën në konferencën për media që do të zhvillohet në Shtëpinë e Futbollit, ku do t’i përgjigjet pyetjeve të gazetarëve në lidhje me zgjedhjet e tij.

Grumbullimi i Kombëtares do të nisë të hënën zyrtarisht me kuqezinjtë që nisin përgatitjet për dy sfidat vendimtare ndaj Finlandës, që luhet më datë 12 nëntor, ora 20:45 në stadiumin “Air Albania” dhe ndaj Bjellorusisë, që luhet më datë 15 nëntor stadiumin “Illovszky Rudolf” të Budapestit, Hungari.

Shqipëria aktualisht renditet në vendin e parë në Grupin C1 me 9 pikë, e ndjekur nga Bjellorusia dhe Finlanda me nga 7 pikë secila.

Sipas vendimit të Komitetit Ekzekutiv të UEFA-s, të marrë më 3 mars 2022 dhe që është ende në fuqi, klubet dhe ekipet kombëtare bjelloruse janë të detyruara t’i zhvillojnë ndeshjet si pritëse në terrene neutrale. Po ashtu, vendimi parashikon që këto ndeshje të luhen pa praninë e tifozëve.

Për këtë arsye, edhe përballja Bjellorusi – Shqipëri në Budapest nuk do të jetë e hapur për publikun. Tifozët shqiptarë nuk do të kenë mundësi ta ndjekin ndeshjen nga shkallët e stadiumit, pavarësisht se takimi do të zhvillohet në një impiant jashtë territorit të Bjellorusisë.

Kuqezinjtë do ta mbyllin kështu fazën e grupeve të UEFA Nations League me këtë transfertë, në një ndeshje të rëndësishme për përfundimin e aventurës në Grupin C.

Vetëm pak minuta para golit, Pilo ishte në një tjetër aksion sulmues dhe u kthye mbrapa me shpejtësi pasi topi i përkiste Realit në kundërsulm. Për më tepër afër zonës ndodhej Mbappe me topin në kontroll dhe Pilo duhej t’ia hiqte nga këmba.

Në dukje mision i pamundur, jo vetëm për aftësitë e francezit, por edhe konsumimin dhe lodhjen e madhe të shqiptarit në konsumimin e energjisë. Pasi ia doli, Pilo praktikisht e festoi atë moment më shumë se goli duke e shoqëruar me të sharën në gjuhën shqipe…Të q..sha motrën! /Sport Ekspres/

Liverpooli kaloi dy herë në avantazh në këtë përballje. Fillimisht Trey Nyoni shënoi në minutën e 25-të, ndërsa Mason Greenwood barazoi katër minuta më vonë. Në pjesën e dytë, Alexander Isak riktheu epërsinë për anglezët në minutën e 69-të.

Megjithatë, Fenerbahçe nuk u dorëzua. Archie Brown vendosi baraspeshën në minutën e 73-të, ndërsa momenti i madh për Muriqin erdhi në minutën e 79-të. Sulmuesi shqiptar i Kosovës u tregua i saktë me kokë, duke dërguar topin në rrjetë dhe duke përmbysur rezultatin në 3-2.

Një gol me vlerë të jashtëzakonshme për Fenerbahçen dhe një tjetër moment krenarie për futbollin shqiptar. Muriqi bëhet heroi i Stambollit, ndërsa Liverpooli pëson një humbje të dhimbshme në Champions League, ndërsa nga ana tjetër, Pilo shënoi ndaj Real Madrid. /Sport Ekspres/

Në përballjen mes AEK-ut të Athinës dhe gjigantëve spanjollë, Pilo ka arritur të lërë gjurmën e tij në një sfidë të madhe europiane. Mbrojtësi shqiptar ka realizuar ndaj një prej klubeve më të mëdha në historinë e futbollit, duke marrë vëmendjen e tifozëve shqiptarë.

Megjithatë, goli i tij nuk mjaftoi që skuadra greke të shmangte humbjen, pavarësisht se në të 75, do e çonte rezultatin në 2-1. Real Madridi arriti të triumfonte me rezultatin 3-2, në një përballje me pesë gola dhe emocione deri në fund.

Pavarësisht rezultatit, për Pilion kjo është një arritje e veçantë. T’i shënosh Real Madridit në kompeticionin më prestigjioz europian është një moment që mbetet gjatë në kujtesë. Një tjetër arsye krenarie për futbollin shqiptar, me Pilion që tashmë mund të mburret se ka mposhtur portierin e Real Madridit në skenën e Champions League. /Sport Ekspres/

Mbrojtësi i Kombëtares shqiptare po shfaq një nivel të lartë në Ligën e Kampionëve, ku deri më tani numëron një gol dhe një asist. Megjithatë, sot është momenti për të treguar se sa vlen, pasi përballë do të ketë një superfuqi si Reali i Madridit. Me Diomandenë në krahun e djathtë diçka është e sigurt për Pilon, do të përjetojë mbrëmjen më të lodhshme të karrierës së tij./Sport Ekspres/

Vendasit fituan në shifrat 3-1, por goli i shënuar nga shqiptari në minutën e 20 ishte e një tjetër kalibri. Vukaj ka nxjerrë një gol i vetëm teksa pasi mori topin, filloi të driblonte kundërshtarët dhe në fund shënoi një gol që ishte për notën 10 nga aftësitë individuale. /Sport Ekspres/

? What a goal by Alen Vukaj against Feyenoord U19.

The albanian winger is in top form at the moment and had already scored a superb goal in the last match against Donetsk. https://t.co/aSAsLwwida

— XI Scout ?? (@FootballAlbXI) November 3, 2026

Ky çmim i është dorëzuar gjatë ceremonisë së organizuar nga Shoqata Panhelenike e Futbollistëve Profesionistë, e cila përkonte me 45 vjetorin e krijimit të kësaj organizate. Gjithashtu, Tomas Strakosha është përfshirë në formacionin më të mirë të sezonit 2025/26 të kampionatit grek./Sport Ekspres/

Federata e Futbollit do të organizojë në muajin dhjetor edicionin e katërt të aktivitetit “Open Stage”, një nismë që tashmë është kthyer në traditë dhe synon të afrojë pranë ekipeve kombëtare talentet e reja shqiptare që jetojnë jashtë vendit.

Aktiviteti u drejtohet futbollistëve të lindur në vitet 2011, 2012 dhe 2013, të cilët jetojnë në Europë, SHBA dhe vende të tjera të botës. Përmes seancave stërvitore dhe vlerësimit nga stafi teknik i FSHF-së, synohet evidentimi i talenteve të reja dhe identifikimi i lojtarëve me potencial për t’u integruar në ekipet kombëtare të moshave.

Seancat do të zhvillohen në ambientet e Shtëpisë së Futbollit në Tiranë, sipas këtij kalendari:
* 7 dhjetor – Futbollistët e lindur në vitin 2011, ora 09:00
* 8 dhjetor – Futbollistët e lindur në vitin 2012, ora 09:00
* 9 dhjetor – Futbollistët e lindur në vitin 2013, ora 09:00
*
Të gjithë futbollistët e interesuar duhet të paraqiten me certifikatë mjekësore dhe leje nga klubi ku janë të regjistruar.

Aplikimet për pjesëmarrje janë të hapura deri më 1 dhjetor 2026. Futbollistët që dëshirojnë të bëhen pjesë e këtij aktiviteti duhet të plotësojnë formularin e aplikimit dhe ta dërgojnë në adresën e e-mail-it: openstage@fshf.al .

Përmes “Open Stage”, FSHF vijon të forcojë lidhjen me futbollistët e rinj shqiptarë që jetojnë jashtë vendit, duke u krijuar mundësinë të tregojnë potencialin e tyre dhe të afrohen me fanellën kuqezi.

FORMULAR REGJISTRIMI OPEN STAGE (1)

“Luajtëm me zemër. Allajbegoviçi është një lojtar shumë i fortë. Sot, para ndeshjes, folëm me Zhegrovën dhe thamë të gjuajmë më shumë. E kishim këtë ndër mend. Ai e ka atë goditje, duhet ta përdorë më shpesh dhe duhet ta bëjë këtë me bindjen që tregoi sot”, është shprehur Zheremi Boga./Sport Ekspres/

Ajo do të ishte dhe ndeshja e fundit e trajnerit Hayen, ndërsa trajneri i ri, Celestini, ka ardhur në krye të pankinës së Burnley. Debutimi erdhi dje kundër Portsmuthit në barazimin 0-0, ndërsa një nga temat e prekura ishte edhe ajo e Brojës.

“Ajo që dimë është që do të jetë për pak më gjatë jashtë fushës. Do të shohim njëherë deri në javën tjetër që të jemi më të sajtë. Por që të themi që tani, do të mungojë për 2, 3, 4 apo 5 javë, duhet të presim”, tha Celesini. /Sport Ekspres/

golden ç?kam?yoruz amk ya.. Arap spiker yorumuyla huzurlar?n?zda ERNEST MUÇ?.. https://t.co/x4gNXvvxlP

— Mehmet (@S1xtyMehmet) November 1, 2026

Muaji nëntor do të jetë i mbushur me angazhime për ekipet Kombëtare të Shqipërisë, të cilat do të zbresin në fushë në kompeticione zyrtare, ndeshje miqësore dhe turne zhvillimorë, me synimin për të arritur rezultate pozitive dhe për të vijuar punën përgatitore në të gjitha nivelet.

Nga Kombëtarja A, që do të luajë dy ndeshjet e fundit të edicionit të Nations League, te përfaqësueset e moshave, që do të vijojnë rrugëtimin në kualifikueset e Europianit 2027, nëntori do të sjellë një kalendar të ngjeshur për futbollin kuqezi.

Kombëtarja A, dy sfida vendimtare në Nations League
Kombëtarja shqiptare do të luajë dy ndeshjet e fundit të grupit C1 në Nations League, me objektivin për të mbrojtur vendin e parë në renditje deri në fund të këtij edicioni. Kuqezinjtë do të presin Finlandën më 12 nëntor në stadiumin “Air Albania”, në orën 20:45, ndërsa më 15 nëntor do të përballen me Bjellorusinë në transfertë, në stadiumin “Illovszky Rudolf” në orën 18:00.
Dy takime të rëndësishme për skuadrën kuqezi, që do të kërkojë ta mbyllë me sukses këtë fazë të kompeticionit.

Kombëtarja U-21, në vijim të përgatitjeve për Europianin 2027
Kombëtarja U-21 do të zhvillojë dy ndeshje miqësore në kuadër të përgatitjeve për Kampionatin Europian U-21 2027, ku Shqipëria do të jetë një nga vendet organizatore.
Skuadra e drejtuar nga Alban Bushi do të përballet me Luksemburgun më 13 nëntor dhe me Spanjën më 17 nëntor. Të dyja ndeshjet do të luhen në stadiumin “Air Albania”, në orën 19:00, duke i dhënë ekipit mundësinë të testojë grupin dhe të vijojë përgatitjet për këtë aktivitet madhor.

Kualifikueset e Europianit 2027 për U-19 dhe U-17
Kombëtarja U-19 do të marrë pjesë në raundin e dytë të kualifikueseve të Kampionatit Europian U-19 2027. Shqipëria do të përballet me Qipron më 11 nëntor dhe me Armeninë më 14 nëntor, në stadiumin “Sotira Municipal”, me synimin për të bërë një paraqitje sa më të mirë në këtë fazë të garës.

Ndërkohë, Kombëtarja U-17 do të luajë në raundin e parë të kualifikueseve të Europianit U-17 2027, në një mini-turne që do të zhvillohet në Shqipëri. Kuqezinjtë do të përballen me Suedinë më 11 nëntor, Skocinë më 14 nëntor dhe Finlandën më 17 nëntor. Të tria ndeshjet do të luhen në “Elbasan Arena”, në orën 14:00.

Vajzat U-19, në garë për Europianin 2027
Edhe Kombëtarja U-19 e vajzave do të jetë e angazhuar në nëntor, me ndeshjet e raundit të parë të kualifikueseve të Kampionatit Europian U-19 2027.
Shqipëria do të luajë fillimisht ndaj Qipros më 27 nëntor, ndërsa më 30 nëntor do të përballet me Moldavinë. Të dyja takimet do të zhvillohen në “Shtëpinë e Futbollit”, në orën 14:00, duke e kthyer kompleksin e FSHF-së në një tjetër pikë të rëndësishme të aktivitetit ndërkombëtar gjatë këtij muaji. Kombëtarja U-19 e vajzave do ta mbyll turneun me ndeshjen e fundit ndaj Letonisë më 3 dhjetor, në orën 14:00, po në “Shtëpinë e Futbollit”.

Kombëtarja U-15, tri ndeshje në turneun UEFA Development
Një tjetër angazhim për grupmoshat do të jetë turneu zhvillimor UEFA Development, ku do të marrë pjesë Kombëtarja U-15.
Shqipëria do të luajë tri ndeshje në “Shtëpinë e Futbollit”, përkatësisht ndaj Irlandës së Veriut më 19 nëntor, Polonisë më 21 nëntor dhe Ishujve Faroe më 24 nëntor. Përtej rezultateve, ky aktivitet do t’u shërbejë futbollistëve të rinj për të fituar eksperiencë ndërkombëtare dhe për të vijuar zhvillimin e tyre.

Kombëtarja e futbollit amator dhe ajo e futsallit, në sfida ndërkombëtare
Angazhimet e nëntorit do të përfshijnë edhe Kombëtaren e futbollit amator, e cila do të luajë dy ndeshjet e fundit në kuadër të UEFA Regions’ Cup. Shqipëria do të përballet me Piemonte Valle d’Aosta më 1 nëntor dhe me NI Eastern më 4 nëntor. Të dyja takimet do të zhvillohen në “Egnatia Arena”.

Ndërkohë, Kombëtarja e futsallit do të nisë rrugëtimin në fazën “Main Round” të kualifikueseve europiane për Kupën e Botës FIFA Futsal 2028. Kuqezinjtë do të luajnë ndaj Bjellorusisë më 6 nëntor, në orën 15:30, në sallën sportive “Humenne”, në Sllovaki.

Me një kalendar të pasur në të gjitha nivelet, nëntori do të jetë një muaj i rëndësishëm për futbollin shqiptar, me Kombëtaret që do të kërkojnë të përfaqësojnë denjësisht ngjyrat kuqezi, të fitojnë eksperiencë ndërkombëtare dhe të hedhin hapa të mëtejshëm drejt objektivave të tyre.

Kombëtarja A
Shqipëri vs Finlandë, 12.11.2026, 20:45, “Air Albania
Bjellorusi vs Shqipëri, 15.11.2026, 18:00, “Illovszky Rudolf Stadion”

Kombëtarja U-21
Shqipëri U21 – Luksemburg U21, 13.11.2026, 19:00, “Air Albania”
Shqipëri U21 – Spanjë U21, 17.11.2026, 19:00, “Air Albania”

Kombëtarja U-19, raundi i dyte i kualifikueseve per Euro U-19 2027
Shqipëri U19 – Qipro U19, 11.11.2026, 13:30, “Sotira Municipal Stadium”
Armeni U19 – Shqipëri U19, 14.11.2026, 13:30, “Sotira Municipal Stadium”

Kombëtarja U-19 e vajzave, Raundi i pare i kualifikuese te EURO U-19 2027 per vajza
Qipro U19 – Shqipëri U19, 27.11.2026, 14:00, “Shtëpia e Futbollit”
Shqipëri U19 – Moldavi U19, 30.11.2026, 14:00, “Shtëpia e Futbollit”

Kombëtarja U-17, raundi i pare i kualifikueseve per Euro U-17 2027
Suedi U17 – Shqipëri U17, 11.11.2026, 14:00, “Elbasan Arena”
Skoci U17 – Shqipëri U17, 14.11.2026, 14:00, “Elbasan Arena”
Shqipëri U17 – Finlandë U17, 17.11.2026, 14:00, “Elbasan Arena”

Kombëtarja U-15, turneu zhvillimor UEFA Development
Shqipëri U15 – Irlandë e Veriut U15, 19.11.2026, 14:00, “Shtëpia e Futbollit”
Shqipëri U15 – Poloni U15, 21.11.2026, 14:00, “Shtëpia e Futbollit”
Shqipëri U15 – Ishujt Faroe U15, 24.11.2026, 14:00, “Shtëpia e Futbollit”

Kombëtarja e futbollit amator, UEFA Regions’ Cup
Piemonte Valle d’Aosta – Shqipëri, 01.11.2026, 14:00, “Egnatia Arena”
Shqipëri – NI Eastern, 04.11.2026, 13:30, “Egnatia Arena”

Kombëtarja e Futsallit
Bjellorusi – Shqipëri, 06.11.2026, 15:30, Salla sportive “Humenne”, Sllovaki

Në minutën e 65, Shpendi u gjend në çastin e duhur dhe në vendin e duhur për ta shtyrë topin në rrjetë. Goli i tij i dha barazimin 1-1 Çezenës përballë Sudtirolit. e vlefshme për javën e 10 të Serisë B. Ndërkohë, ky ishte goli i 8 i shë nuar në kampionat për Kristianin, i cili deri më tani udhëheq listën e golashënuesëve më të mirë në Serinë B italiane./Sport Ekspres/

Përmes një postimi në rrjetet sociale, Duka ka vlerësuar rezultatet e arritura nga talentet e rinj shqiptarë, të cilët kanë regjistruar një bilanc fantastik: 9 fitore në 10 ndeshje të zhvilluara dhe vetëm një humbje.

Ky rezultat i ka pozicionuar kuqezinjtë në vendin e 17-të mes 189 përfaqësueseve nga e gjithë bota, një arritje që merr vlerë të veçantë duke pasur parasysh nivelin dhe përmasat e aktivitetit ndërkombëtar.

Duka e ka cilësuar këtë eksperiencë si një hap të rëndësishëm në rrugën e zhvillimit të futbollit shqiptar, duke falënderuar gjithashtu trajnerin Armand Dama dhe të gjithë stafin për punën e bërë.

Një sinjal pozitiv për të ardhmen, me një brez të ri futbollistësh që po fiton eksperiencë dhe po përfaqëson Shqipërinë me dinjitet në arenën ndërkombëtare.

Kuqezinjtë do të përballen me Bjellorusinë në orën 15:30, në sallën sportive të “Humenné”, në Sllovaki, në një ndeshje të rëndësishme për nisjen e këtij raundi kualifikues.

Shqipëria siguroi pjesëmarrjen në këtë fazë pas paraqitjes në raundin paraprak dhe tashmë synon të vijojë rrugëtimin në kualifikueset europiane, ku bën pjesë në Grupin 6 së bashku me Bjellorusinë dhe Kazakistanin.

Ndeshjet e “Main Round” do të zhvillohen me sistem vajtje-ardhje nga tetori 2026 deri në mars 2027. Në përfundim të kësaj faze, fituesit e 12 grupeve dhe katër skuadrat më të mira të renditura në vendin e dytë do të kualifikohen direkt në “Elite Round”, ndërsa tetë skuadrat e tjera të renditura në vendin e dytë do të luajnë në “Main Round” play-off.

Pak më vonë, shqiptari fitoi një penallti, nga e cila Rayo Vallecano barazoi rezultatin në 1-1. Për më tepër, aksioni solli edhe përjashtimin me karton të kuq të mbrojtësit të Recreativos, Roan Riera. Statistikat e Kumbullës ishin mbresëlënëse, veçanërisht në duelet fizike. Qendërmbrojtësi fitoi të gjitha pesë duelet në tokë, duke regjistruar një sukses të përsosur prej 100%. Ai fitoi gjithashtu një nga dy ndërhyrjet e tentuara dhe regjistroi pesë aksione mbrojtëse, duke treguar siguri dhe vendosmëri në fushë.

Ky është sezoni i tretë i Kumbullës në futbollin spanjoll. Pas eksperiencës me Espanyolin dhe huazimit te Mallorca, mbrojtësi synon të gjejë vazhdimësi te Rayo Vallecano. Ai është rikthyer gjithashtu në Kombëtaren shqiptare pas një viti mungesë, duke u grumbulluar për ndeshjet e Ligës së Kombeve. Debutimi pozitiv është një sinjal inkurajues për vazhdimësinë e tij këtë sezon. /Elio Hajdari-Sport Ekspres/

“Krahasimet me trajnerin më pëlqejnë gjithmonë, por ai ka shënuar shumë më tepër se unë. Jam shumë i lumtur që kam shënuar një gol të bukur dhe, mbi të gjitha, për fitoren. Ishte e rëndësishme t’i ktheheshim fitoreve dhe e bëmë këtë në mënyrën më të mirë të mundshme, para tifozëve tanë.

Mungesa e golave prej disa ndeshjesh? Për një sulmues që ushqehet me gola, momente të tilla mund të ndodhin gjatë gjithë sezonit. E rëndësishme është të dish si të reagosh. Jam i lumtur që jam rikthyer te golat, por gjëja më e rëndësishme ishte grupi. Shiriti i kapitenit? Është gjithmonë kënaqësi ta mbash, dhe mbi të gjitha, është një nder”, ka deklaruar Kristian Shpendi./Sport Ekspres/

Pas miqësores me Luksemburgun, të programuar më 13 nëntor, sfida ndaj Spanjës përbën një tjetër test të rëndësishëm për skuadrën e drejtuar nga Alban Bushi, në kuadër të përgatitjeve për Kampionatin Europian U-21 2027.

Përballja me një nga përfaqësueset e njohura të futbollit europian në këtë grupmoshë do t’i shërbejë ekipit kuqezi për të vijuar punën dhe për të fituar eksperiencë në prag të sfidave të ardhshme.

Shqipëria është një nga vendet organizatore të Kampionatit Europian U-21 2027 dhe e ka të garantuar pjesëmarrjen në fazën finale të këtij kompeticioni.

Por historia e tij e përplasjes është çuditërisht pikërisht me një sulmues të Shqipërisë, Armando Sadikun. Në prill të vitit 2019, sulmuesi Armando Sadiku u bë protagonist i një ngjarjeje të bujshme në Zvicër, ku pas një supergoli kundër Baselit, shpërtheu në të shara në gjuhën shqipe drejtuar stolit dhe trajnerit të tij te Lugano, Fabio Celestini. “Të q..fsha robt”, ishin fjalët e Sadikut drejtuar Celestinit.

Pas ndeshjes, trajneri Celestini e kaloi me elegancë dhe sportivitet këtë situatë duke thënë se nëse Sadiku e kishte me të, atëherë uronte që ta bënte më shumë në të ardhmen, nëse do të shënonte gol. Por nga ana tjetër, Sadiku u la në stol menjëherë në ndeshjen e ardhshme dhe në vazhdim hapësira për të u kufizua akoma edhe më shumë. Pra për Celestinin, hakmarrja shërbëhet në një pjatë të ftohtë dhe mbi të gjitha, duhet të harrohen kryengritjet ndaj trajnerit. Pra Broja duhet të bëjë kujdes pasi mbi të gjitha, Celestini e njeh mirë edhe gjuhën shqipe. /Sport Ekspres/

Dy asiste për Kabasakal dhe Sismir, ndërsa në golin e tretë, pasi Muci goditi në portë dhe topi u devijua nga portieri, Franculino shënoi. Ndërkohë në minutën e 83, ishte një tjetër kombinim Muci-Fanculino që solli golin. Por kjo është komplet e pakët nëse shihni sesi Muci ka “degjeneruar” mbrojtësit e Rizespor në minutën e fundit, për të dalë nga rrethi i tyre me driblime dhe për pak iu afrua golit të sezonit. /Sport Ekspres/

Por duket se situata ka ndryshuar dhe Asani do të grumbullohet për ndeshjet finale të nëntorit. Gazetari nga Irani, Erfan Hoseiny, ka publikuar lajmin se pas disa ndeshjeve pozitive të zhvilluar me Esteghal, Jasir Asani do të ftohet sërish nga Shqipëria për ndeshjet e ardhshme. /Sport Ekspres/

“Duket si një dëmtim serioz, Broja po ndiente shumë dhimbje”, tha Hayen, përpara se të largohej nga posti i trajnerit të Burnley, pas asaj humbje shkatërruese me Lincoln. Pra duke parë faktin se Broja ndiente shumë dhimbje, por nga ana tjetër doli vetë nga fusha e blertë, pritet që ky dëmtim të jetë i shkallës së dytë. Kështu sulmuesi ynë pritet që të mungojë për 3-6 javë në Angli, duke humbur kështu kohë rikuperimi me trajnerin e ri që Burnley pritet ta zyrtarizojë këto ditë. /Sport Ekspres/

Trajnerja Rabite Tota e nisi sfidën me këtë formacion: Isolda Velillari, Enxhi Xhyra, Era Bane, Kamela Kuzari, Glorja Kupe, Rukena Demushi, Perla Kallanxhi, Estela Gjoni, Natali Ziu, Amelia Simaku dhe Anna Patrizia Ziso.

Pjesa e parë ishte e ekuilibruar, me Irlandën e Veriut që shënoi me Hobson në të vetmin rast të rrezikshëm që krijoi. Vajzat kuqezi, ndonëse patën disa mundësi shënimi, e patën të vështirë të gjenin rrugën drejt rrjetës.

Në pjesën e dytë, Hobson shënoi edhe golin e dytë, duke i dhënë më shumë qetësi skuadrës së Irlandës së Veriut, e cila më pas thelloi rezultatin me nga dy gola të Rankin dhe McCabe, një gol të Smyth, si dhe falë një autogoli të Shoshës. Shqipëria U15 e vajzave e mbylli turneun pa pikë, ndërsa Irlanda e Veriut u rendit në vendin e dytë me 4 pikë po aq sa dhe Letonia.

“Më ka prekur thellë plagosja e rëndë e Erjon Vishkullit, pjesëtar i Tifozëve Kuq e Zi dhe mbështetës i përkushtuar i Kombëtares sonë. Në këtë moment të vështirë, i shpreh Erjonit dhe familjes së tij afërsinë dhe solidaritetin tim. Federata Shqiptare e Futbollit është e gatshme të ofrojë ndihmë konkrete për trajtimin dhe rikuperimin e tij, në koordinim me familjen. Erjoni ka qenë pranë Kombëtares me zemër e pasion. Sot, familja kuqezi është pranë tij. Nga zemra, shërim sa më të shpejtë, Erjon”, shkruan Duka. /Sport Ekspres/

Kishte shumë pikëpyetje nëse Broja do të luante apo jo si titullar sot kundër Lincoln, por Hayen zgjodhi t’i besonte dhe t’i jepte një shans të fundit. Megjithatë ironia e fatit është fakti se duket se cdo gjë po shkon kundër sulmuesit tonë. Broja është dëmtuar dhe ka lënë fushën që në minutën e 10. /Sport Ekspres/

Pavarësisht moshës 40-vjeçare, për shkak të performancës së dobët të Brojës, Vardy e tejkaloi në hierarki. Pasi e nisi për dy ndeshje radhazi si titullar, për shkak të moshës dhe ngarkesës fizike, Vardy do të dëmtohej.

Kështu Broja ngeli si alternativë e vetme, ndërsa trajneri Hayen pa një ndryshim sistemi për të luajtur pa sulmues pykë, për të mos hedhur shqiptarin. Dhe në mesin e paragjykimeve dhe kritikave, Broja e nis si titullar, në një shans të fundit për të treguar veten. /Sport Ekspres/

Por sot ka shkuar një hap më tej historia pasi Elia Caprile është pajisur me pasaportën shqiptare, me dekretin e presidentit Bajram Begaj. Por sipas FIFA-s, kjo nuk mjafton dhe mbetet të shihet nëse FIFA do t’i jap leje apo do të gjendej një tjetër lidhje që portieri i Cagliarit të vijë te Shqipëria. Por jo vetëm Caprile, edhe mbrojtësi që ka qenë te Kosova, Amar Gerxhaliu, pjesë e Eruzurmspor, është pajisur me pasaportën shqiptare. /Sport Ekspres/

Flemming u përshtat dhe nisi të shënonte gola, aq sa kaloi te Ipsëich në Premier League, në një moment kur Burnley ra në Championship. Më pas te Burnley nisën të fusnin Amdounin, duke bërë një tjetër eksperiment për ta hequr nga roli që ishte projektuar te Burnley dhe për ta vendosur si sulmues pykë.

Amdouni nisi të shënonte dhe nga ana tjetër u mor Vardy, 39-vjeç, që kishte lënë futbollin, për të qenë zgjedhja e dytë te Burnley. Situata tani është bërë qesharake pasi Amdouni u dëmtua dhe për të mos luajtur me Brojën, Burnley bëri një “çmenduri” duke luajtur dy ndeshje radhazi me Vardyn 39-vjeç si titullar.

Për shkak të ngarkesës së madhe fizike dhe jashtë normales për moshën e tij, Vardy është dëmtuar. Pra në ndeshjen e nesërme kundër Lincoln, Burnley do të jetë pa Amdouni dhe Vardyn. Por sipas lajmeve që qarkullojnë pranë klubit të Burnley, trajneri Hayen po përgatit një tjetër eksperiment me një tjetër lojtar për ta futur si sulmues pykë, vetëm që Broja të mos luajë. Pra mos u habisni që një ditë, te Burnley të fusin një portier si sulmues, vetëm që Broja të mos jetë në fushë. /Sport Ekspres/

“Lojtarët ofrojnë ekuilibrin. Të gjesh ekuilibrin do të thotë të gjesh përshtatjen e duhur. Unë e di se çfarë mund të ofrojnë lojtarët dhe punoj më shumë me dobësitë e tyre sesa me pikat e forta. Ismajli ishte gjithmonë luftarak, por luante shumë mirë me topin dhe tregonte personalitet në lëvizjet e tij.

Kur stërvit lojtarë mbi 30 vjeç, të cilët kanë vetëbesim, nuk është e lehtë t’u hysh thellë në mendje apo t’i ndryshosh. Jam i kënaqur me Ismajlin. Ai është stërvitur gjithmonë me profesionalizëm dhe jam i sigurt se do të bëjë një ndeshje të mirë edhe ndaj Moncës”, është shprehur Ignacio Abate./Sport Ekspres/

“Humbëm dhe është një mbrëmje për t’u harruar për të gjithë. Por në të njëjtën kohë, duhet të mësojmë nga kjo përvojë dhe të kuptojmë se çfarë ndodhi. Luajtëm kundër një skuadre angleze. Gjërat ishin ndryshe nga zakonisht dhe situata ishte shumë e ndërlikuar.

Na mungoi mentaliteti i duhur për të qenë në lartësinë e duhur që nga sekonda e parë dhe për të luftuar. Nuk dua të them se nuk ishim gati, por në duelet e para ata ishin më të fortë. Pas penalltisë së parë gjithçka u bë e vështirë, pasi askush nuk e priste. Dhe pas golit të dytë, shoqëruar me kartonin e kuq ndërkohë që ishim ende në minutën e njëzetë, u bë shumë e vështirë të riktheheshim në lojë. Ishte e vështirë të përballeshe me Bournemouth-in, veçanërisht kur mbetëm me një lojtar më pak”, ka deklaruar Ardon Jashari./Sport Ekspres/

“Salah është një nga më të mirët, jo vetëm për lojtarët te Hearts-it, por për çdo lojtar në botë. Ai është një nga heronjtë e mi. E kam ndjekur dhe jam përpjekur të mësoj prej tij.

A do të doja të merrja fanellën e Salah pas ndeshjes? Kam folur tashmë me futbollistin shqiptar që luan për Trabzonsporin dhe është gjithashtu pjesë e kombëtares sonë. Shpresoj të siguroj një vend në formacionin titullar. Le të shohim. “Por, më mirë do të ishte të merrnim tri pikët. Kështu që, shpresoj që Salah të ketë një ndeshje të dobët të enjten”, është shprehur Sabah Kerjota./Sport Ekspres/

“Ishim konkurrues, ndërtuam lojën dhe patëm momente të mira gjatë ndeshjes. Kundër kundërshtarëve të tillë duhet të jesh i përqendruar 110%. E dinim që ndeshja do të ishte e vështirë. Erdhëm me planin tonë dhe ushtruam presion të lartë. Fatkeqësisht, rezultati është i thellë, por ne vazhdojmë me përpjekjet dhe ecim përpara.

Pas golit të tretë që pësuam, loja jonë ra. Çdo aksion i kundërshtarit është i rrezikshëm. Duhet të kishim qenë më të qëndrueshëm për të shmangur atë gol.

Goli i shënuar? Për mua ka rëndësi, por skuadra humbi, ndaj nuk mund të jem i lumtur. Po ecim përpara dhe po përqendrohemi te ndeshja e radhës në kampionat, që është edhe objektivi ynë kryesor”, ka thënë Stavro Pilo./Sport Ekspres/

Pilo is currently the only Albanian international who consistently performs well at the highest level.?? https://t.co/Po7echDY0c

— XI Scout ?? (@FootballAlbXI) October 20, 2026

Në golin e parë, aksioni u gatua nga këmbët e shqiptarit. Pas disa veprimeve të bukura, në të 20, Ernest Muci mori topin në krahë dhe goditi drejt portës, ku portieri devijoi topin dhe Tufan më pas e dërgoi në rrjetë. Shumë lojtarë vrapuan drejt Mucit për ta përgëzuar për aksionin, ndërsa shqiptari u vlerësua si një nga më të mirët e takimit. /Sport Ekspres/

?? Ozan Tufan’?n derbide perdeyi açan golü.
https://t.co/0UlURSxWLO

— Fanatik (@fanatikcomtr) October 19, 2026

Por kaq nuk ka mjaftuar për t’i ndryshuar mendjen Spaletit. Trajneri italian ka zgjedhur ta lërë në stol Zhegrovën edhe mbrëmjen e sotme. Bardhezinjtë do të përballen me Lacion, duke nisur nga ora 20:45./Sport Ekspres

Rusta është caktuar si arbitre e katërt në ndeshjen Japoni – Zambia, e vlefshme për fazën e grupeve të këtij kompeticioni. Takimi do të zhvillohet të dielën në orën 17:00, në “Mohammed VI Football Academy”, në Salé, dhe i përket Grupit D.

Në këtë ndeshje, arbitre kryesore do të jetë Caroline Lanssens nga Belgjika, ndërsa asistente do të jenë Staša Špur nga Sllovenia dhe Linda Schmid nga Zvicra. Arbitre rezervë asistente është caktuar Amina Gutschi nga Austria.

Përzgjedhja e Emanuela Rustës në një aktivitet të këtij niveli përbën një tjetër vlerësim të rëndësishëm për arbitrimin shqiptar dhe konfirmon përfaqësimin e tij në kompeticionet më të rëndësishme ndërkombëtare të futbollit.

Botërori U-17 për vajza i vitit 2026 është edicioni i dhjetë i këtij turneu dhe këtë vit bashkon përfaqësueset më të mira të kësaj grupmoshe në një prej aktiviteteve kryesore të FIFA-s për futbollin e vajzave.

Prania e arbitrave shqiptarë në skenën ndërkombëtare është një tregues i rëndësishëm i zhvillimit të arbitrimit në vend dhe i mundësive që krijohen për të vijuar përfaqësimin e Shqipërisë në nivelet më të larta të futbollit botëror.