Uzuni e nisi ndeshjen në mënyrë fantastike. Sulmuesit shqiptar iu deshën vetëm pak minuta për të gjetur rrugën e rrjetës dhe për të kaluar ekipin e tij në avantazh. Por ai nuk u ndal këtu. Pak minuta më vonë, Uzuni goditi sërish, duke shënuar edhe golin e dytë personal dhe duke i dhënë Austin FC një avantazh të rëndësishëm.

Para përfundimit të pjesës së parë erdhi edhe momenti i madh. Uzuni kompletoi hat-trickun, duke shënuar golin e tretë personal dhe duke vulosur një paraqitje të jashtëzakonshme.

Sulmuesi kuqezi tregoi edhe një herë instinktin e tij përpara portës dhe aftësinë për të bërë diferencën në ndeshjet e rëndësishme.

Ky hat-trick është një lajm i shkëlqyer edhe për Kombëtaren shqiptare, pasi Uzuni rikthehet të jetë në qendër të vëmendjes me një paraqitje që dëshmon formën e tij të shkëlqyer. /Sport Ekspres/

“Në një skenar ku Lukaku qëndron pa lëndime dhe rikthehet në formë, Vedat Muriqi nuk do ta shihte fushën! Është një fakt i vërtetë që ekziston një rrezik prej 50%. Nëse transferimi i Lukakut ndodh, ky rrezik duhet të merret përsipër”, ka thënë Serxhan Hamzaollu./Sport Ekspres/

“Vizioni për të parë drejt së ardhmes, në Shqipëri mban emrin Armand Duka. Më shumë se 20 vite në krye të FSHF, e ka transformuar Shqipërinë nga një realitet periferik në Europë në një lëvizje në rritje, të aftë për të konkurruar me këdo në skenën ndërkombëtare.
Në të njëjtën kohë, marrëdhëniet me UEFA-n dhe FIFA-n janë forcuar, duke i lejuar Shqipërisë të përfitojë nga programet e zhvillimit që synojnë shoqatat në zhvillim. Ideja është e thjeshtë, por ambicioze: të krijohen kushtet që talentet të rriten pa qenë të detyruar të kërkojnë jashtë vendit gjithçka që vendi i tyre nuk mund ta ofrojë.

Ndërtimi i stadiumit Air Albania përfaqëson një nga simbolet më të dukshme të fazës së re të futbollit shqiptar, por puna e Federatës nuk u kufizua vetëm në stadiumin kombëtar. Në vitet e fundit, investimet në qendrat stërvitore, kampet rinore dhe mjediset e dedikuara për përgatitjen e ekipeve kombëtare janë rritur.
Një ekip kombëtar që është bërë simbol i një vendi. Nën presidencën e tij, Shqipëria arriti rezultate historike.
Sot, Shqipëria nuk konsiderohet më thjesht një ekip kombëtar i aftë për të befasuar, por një lëvizje në zhvillim e sipër, e mbështetur nga një strukturë federale që ka zgjedhur të investojë në të ardhmen.

Dhe kjo është ndoshta trashëgimia më e rëndësishme e presidencës së Armand Dukës: të kesh demonstruar se një vizion i qartë, i shoqëruar me planifikim dhe investime, mund të ndryshojë fatin e një federate të tërë dhe të kontribuojë në rritjen e sportit si një trashëgimi kombëtare”, shkruhet në median italiane. /Sport Ekspres/

Pra talentet tona të ardhur nga Diaspora nuk po lejohen që të luajnë për Kombëtaren tonë teksa në muajin shtator do të rifillojë eventi për kuqezinjtë tanë që të zbresin në fushë. Dhe skandali nis këtu pasi këto shtetësi nuk janë pranuar dhe janë kthyer nga Presidenca te Ministria e Brendshme. Justifikimi i përdorur ishte arsyeja që sipas tyre ka ndryshime në ligjin e shtetësisë. Pra Shqipëria rrezikon që të humbasë disa talente në të ardhmen pasi Presidenca jonë thjeshtë ka pak inat…FSHF!

Deri këtu është çdo gjë në rregull, por situata fillon të bëhet me shumë nota sarkazme kur vetëm pak ditë më parë, Begaj i ka dhënë menjëherë shtetësinë shqiptare Albion Rrahmanit. Rrahmani është lojtari shqiptar i Kosovës që e donte këtë shtetësi për të përfituar në karrierën e tij pasi do të luajë në Itali, por ai është pjesë e Kosovës, nuk mund të luajë për Shqipërinë.
Arsyeja se përse Begaj e ka dhënë një shtetësi të tillë në mënyrë të menjëhershme dhe nuk vepron njësoj me lojtarët e tjerë që duan Shqipërisë është pasi Edon Zhegrova e mori të njëjtën shtetësi disa kohë më parë nga Edi Rama për të shkuar te Juventusi.

Pra ndryshe nga investimi për të ardhmen në rastin e talenteve shqiptarë të Diasporës, në rastin e Zhegrovës dhe të Rrahmanit, Qeveria kërkon të kapi “lajmin e parë” pasi këta lojtarë do të transferohen drejt Serisë A me “bekimin e tyre”.Por këtu qëndron edhe pjesa kontradiktore pasi në fakt kjo është meritë e FSHF që ka bërë një marrëveshje bashkëpunimi historike me Federatën Italiane të Futbollit që lojtarët shqiptarë të mos quhen të huaj në Itali. Pra Zhegrova dhe Rrahmani pasi u pajisën me pasaportën shqiptare, nuk do të quhen më të huaj në Itali. Dhe në momentin që Qeveria bën një të mirë të madhe për disa futbollistë në veçanti, pavarësisht sa shumë e urren, pas kësaj lëvizje, prapa qëndron sërish merita e FSHF. /Sport Ekspres/

Sulmuesi kuqezi ka pasur një histori të vështirë me dëmtimet gjatë viteve të fundit, duke humbur periudha të gjata për shkak të problemeve të ndryshme fizike. Tashmë, stafi teknik i Burnley-t po tregohet i kujdesshëm me rikthimin e tij, duke shmangur çdo rrezik për një dëmtim të ri. Broja do të vijojë punën për të rikuperuar formën dhe për t’u rikthyer sa më shpejt në dispozicion të skuadrës. /Elio Hajdari-Sport Ekspres/

“Kristian Shpendi është një sulmues me cilësi të jashtëzakonshme, siç e kanë demonstruar vitet që ka kaluar këtu. Mendoj se mund të shkojmë shumë mirë së bashku, ose të paktën të punojmë mirë së bashku, dhe patjetër që do të përpiqem të marr sa më shumë mësime prej tij”, është shprehur Alesandro Debenedeti./Sport Ekspres/

“Kam respekt të madh për Alegrin, i cili ka fituar kaq shumë në Itali. Besoj se secili ka idetë e veta dhe mënyrën e vet të shprehjes së futbollit, dhe kjo është në rregull. Nuk shkoi siç shpresoja, u lëndova dhe luajta pak. Kjo nuk ishte sipas planeve të mia. Për të bërë mirë, më duhet vazhdimësi.

Ka një atmosferë të re me Amorimin. Më pëlqen ideja e tij për futbollin: dominues dhe intensiv. Në Belgjikë, kam luajtur tashmë në një mesfushë me dy lojtarë, kështu që është një sistem që e njoh”, është shprehur Ardon Jashari./Sport Ekspres/

“Kristiani, ashtu si vëllai i tij Stiveni, është një sulmues modern. Një sulmues që e ka në gjak nuhatjen për gol. Shpresoj, për të mirën e Çezenës, që ai vërtetë të mund të qëndrojë me bardhezinjtë. Ai ka shënuar numër dyshifrorë golash në divizionin e dytë për dy vjet. Jam i bindur se, me kusht që të mos ketë probleme fizike, do të arrijë gjëra të mëdha edhe këtë sezon të ri”, ka deklaruar Domeniko Toskano./Sport Ekspres/

Drejtori i Hofenhajmit ka folur në lidhje me këtë çështje. Andreas Shikeri ka thënë se klubi i qendron pranë Asllanit, që sipas tij ka treguar nivelin më të lartë fizik dhe atletik në stërvitjet e zhvilluara me skuadrën e Hofenhajmit.

“Fisniku ka bërë përparim të jashtëzakonshëm te Hofenhajmi. Fakti që ky transferim nuk është realizuar është një lajm i keq për ne nga një perspektivë sportive. Është krejtësisht e qartë për ne se Fisniku është i aftë të performojë në nivelin më të lartë, si fizikisht ashtu edhe atletikisht.

Ne i qëndrojmë pranë lojtarit tonë. Fisniku dha një kontribut të rëndësishëm në suksesin tonë sezonin e kaluar, përfundoi stërvitjen parasezonale në nivelin e tij të lartë të zakonshëm dhe do të stërvitet përsëri me ekipin duke filluar nga java e ardhshme”, ka thënë Andreas Shiker, citon “Bild”./Sport Ekspres/

“Mirlindi është një fëmijë rruge, një lojtar rruge, Spartakut të Moskës i duhej. Në moshën 9 vjeçare pa vrasjen e një të afërmi dhe u përfshi në një turmë të keqe ku alkoli, droga dhe burgu ishin temat e përditshmërisë.

I hyri futbollit, pa shumë prentendime. Nuk luajti fare për Osijekun, u huazua te Mura dhe aty shënoi 20 gola. Pastaj trajneri i Rubin Kazan, Rakimov, shkoi për ta ndjekur nga afër dhe kur u kthye dy ditë më vonë në Rusi, ishte në humor të mirë. Me buzëqeshjen që nuk i ikte nga fytyra, Rakimov tha se kishte gjetur një sulmues që nëse e hidhnin edhe në një kafaz me kafshë, ai do të mbijetonte pasi do të bëhej një prej tyre. Ky është Mirlind Daku!

Në një Spartak Moskë që njeh shumë lojtar kualitativ, Mirlind Daku është njeriu i munguar, “horri” i ekipit, lojtari i rrugës, futbolli i shkollës së vjetër. Nuk e njeh stimulimin, të shkëlyen fanellën, bërtet, madje mund edhe ta pështyjë kundërshtarin. Por të jep një shkëndijë të fortë emocionale, të bën të përjetosh fanellën, ky është Mirlind Daku, lojtari i rrugës. Sot firmosi në ekipin e ri, Spartaku i Moskës ka marrë një njeri ndryshe për botën e futbollit…”, shkruan media ruse. /Sport Ekspres/

“Nëse Daku sjell cilësitë e tij më të mira në lojën e Spartakut, shanset e ekipit për të fituar kampionatin do të dyfishohen. Spartakut i mungonte pikërisht ky lloj sulmuesi”, ka thënë Valeri Keshinovi./Sport Ekspres/

Lojtari 23-vjeçar ka gjetur gjuhën e përbashkët për të bashkëpunuar deri në vitin 2031 me klubin gjerman. Sipas, gazetarit Filip Hince, disa detaje kanë mbetur ende për t’u formalizuar, çka do të bëjë që zyrtarizimi të vonojë pak më tepër nga sa pritej. Asllani po stërvitet privatisht dhe do të mungojë në ndeshjen miqësore kundër Lidsit. Megjithatë marrëveshja është arritur dhe Lajpcigu ka pranuar të paguajë 25 milionë euro në llogarinë bankare të Hofenhajmit./Sport Ekspres/

“E falënderoj Muçin. Vendimi i tij spontan për t’ia dhënë numrin e fanellës Salahut ishte një gjest shumë domethënës. Fakti që ai e bëri një gjë të tillë vetë na preku thellë. E falënderoj shumë edhe nga këtu”, ka thënë Ertugrul Dogani./Sport Ekspres/

24-vjeçari iu bashkua Bristol City gjatë kësaj vere nga Plymouth Argyle, pas një sezoni mbresëlënës ku spikati si një nga sulmuesit më efikas të League One. Paraqitjet e tij bindën drejtuesit e klubit të Championship-it të investonin për transferimin e tij, ndërsa Tolaj firmosi një kontratë katërvjeçare dhe mori fanellën me numrin 9.

Debutimi si titullar në ndeshjen e parë zyrtare të sezonit është një sinjal i qartë se Tolaj pritet të ketë një rol të rëndësishëm në planet e Bristol City. Sulmuesi kishte lënë përshtypje të mira edhe gjatë fazës përgatitore, duke shënuar gola në miqësore dhe duke treguar formë të mirë para nisjes së sezonit.

Për futbollistin me origjinë shqiptare, ky është një tjetër hap i madh në karrierë, pasi pas eksperiencave me Aldershot Town, Port Vale dhe Plymouth Argyle, tashmë do të provojë veten në Championship me synimin për të konfirmuar cilësitë e tij. Tifozët e Bristol City presin që Tolaj të jetë një nga armët kryesore në sulm dhe të ndihmojë ekipin në arritjen e objektivave të sezonit. /Sport Ekspres/

Pas sezonesh shumë të suksesshme me Rubin Kazan, ku u shndërrua në një nga sulmuesit më të rrezikshëm të kampionatit rus, Daku fiton tashmë një mundësi të madhe për të luftuar për trofe me Spartakun dhe për të qenë protagonist në objektivat e klubit të Moskës.

Sulmuesi pritet të ketë një rol të rëndësishëm në repartin ofensiv të Spartakut, i cili beson se shqiptari do të sjellë gola dhe eksperiencë. Ky transferim konsiderohet një hap i madh në karrierën e Dakut, pasi ai kalon te një skuadër me histori të pasur dhe me ambicie për titullin kampion.

Kalimi te Spartaku është gjithashtu një lajm shumë pozitiv për Kombëtaren shqiptare, pasi Daku do të vazhdojë të luajë në nivele të larta dhe në një klub me më shumë pretendime, duke synuar të konfirmojë formën e shkëlqyer që ka treguar në futbollin rus. /Sport Ekspres/

“Daku është një lojtar i shkëlqyer që është përshtatur në ligën ruse. Ai tregoi një nivel të lartë te Rubin. Mendoj se ai do të jetë menjëherë një aset për Spartakun. Ky është një transferim shumë i dobishëm. Mendoj se Spartakut gjithashtu i duhet të shtojë një mbrojtës të krahut në këtë afat kalimtar për të kompletuar skuadrën”, ka deklaruar Andrei Jeshçenko./Sport Ekspres/

Lojtari 34-vjeçar dëshironte numrin “10” në fanellë, po të njëjtin që mban në Kombëtaren e Egjiptit. Ernest Muçi ka treguar respektin e tij për figurën e Salasë, duke hequr dorë nga fanella me numrin “10”. Futbollisti shqiptar i ka dorëzuar ish-sulmuesit të Liverpulit numrin e dëshiruar pa krijuar aspak zhurmë dhe polemika. Mbetet për t’u parë se si do të jetë bashkëpunimi i tyre në fushën e lojës./Sport Ekspres/

Pjesa e parë ishte e ekuilibruar, me Chelsean që mbajti më shumë topin, por pa arritur të krijonte raste të shumta të pastra shënimi. Juventusi u mbrojt mirë dhe priti momentin e duhur për të goditur në kundërsulm, ndërsa portierët e të dy skuadrave u treguan të sigurt sa herë u vunë në provë.

Momenti vendimtar erdhi në pjesën e dytë, kur Edon Zhegrova realizoi një gol spektakolar nga distanca, duke mposhtur portierin e Chelseat dhe duke i dhënë avantazhin bardhezinjve. Pavarësisht përpjekjeve të londinezëve për të barazuar në minutat e mbetura, mbrojtja e Juventusit rezistoi deri në fund, me lojtarin shqiptar që mori rolin e heroit. /Sport Ekspres/

Dans le cadre de sa tournée de pré-saison à Hong Kong, la Juventus affrontait Chelsea en match amical. Entré à la mi-temps, l’ancien Lillois Edon Zhegrova a ouvert le score d’une magnifique frappe enroulée pour les Bianconeri pic.twitter.com/jRFvn3rArZ

— L’Équipe (@lequipe) August 5, 2026

Mbrojtësi me përvojë pritet të firmosë një kontratë të vlefshme deri në qershor të vitit 2028, ndërsa klubet kanë rënë dakord për një shumë transferimi prej rreth 3 milionë eurosh.

Romano bën me dije se dokumentacioni përfundimtar është duke u përgatitur dhe zyrtarizimi i marrëveshjes pritet të vijë shumë shpejt. Nëse gjithçka shkon sipas planit, Gjimshiti do t’i japë fund aventurës së tij shumëvjeçare te Atalanta, klub me të cilin u shndërrua në një nga mbrojtësit më të rëndësishëm të Serie A. /Elio Hajdari-Sport Ekspres/

“Sot mund të konfirmojmë se Nedim Bajrami i është bashkuar Al Taawoun-it në formë huazimi, me opsionin për ta bërë transferimin të përhershëm verën e ardhshme. Të gjithë te Rangers-i i urojnë Nedimit gjithë të mirat për kohën e tij në huazim”, ka komunikuar klubi Rangers./Sport Ekspres/

Gazetari gjerman, Florian Pletenberg, ka bërë me dije se 23-vjeçari i Kosovës mbetet zgjidhja e preferuar e Lajpcigut për sulmin. Ai shton se shitja apo jo e yllit të ekipit, Diomandesë, nuk do të ketë aspak ndikim në negociatat me Asllanin. Drejtuesit e klubit mendojnë se të dy lojtarët janë shumë të ndryshëm nga njëri-tjetri dhe se nuk luajnë në të njëjtin pozicion./Sport Ekspres/

Konfirmimi vjen nga i pagabueshmi i merkatos, Fabricio Romano. Gazetari italian ka bërë me dije se palët janë duke mbyllur marrëveshjen mes tyre. Marash Kumbulla do të transferohet me formulën e huazimit, teksa në vijim pritet edhe formalizimi i kontratës./Sport Ekspres/

E djathta e tij ishte e saktë, pavarësisht pozicionit të vështirë në të cilin ndodhej në zonë. Goli i tij ishte i vetmi i shënuar në këtë takim miqësor, i cili përfundoi me shifrat 1-0 në favor të Trabzonsporit. /Sport Ekspres/

Në ndeshjet e fazës së grupeve, Kombëtarja shqiptare ka zhvilluar nëntë takime, duke regjistruar 3 fitore, 1 barazim dhe 5 humbje. Përtej rezultateve sportive, skuadra ka dhuruar paraqitje dinjitoze, duke treguar përkushtim, shpirt gare, respekt për kundërshtarin dhe pasion për futbollin – vlera që e bëjnë këtë eksperiencë një sukses të vërtetë.

Pjesëmarrja në “Genuine Cup 2026” u jep këtyre sportistëve mundësinë të garojnë në një skenë ndërkombëtare, të krijojnë miqësi të reja dhe të dëshmojnë se futbolli është një gjuhë universale që bashkon njerëzit, pavarësisht aftësive apo sfidave që ata kanë.

Ky projekt është pjesë e angazhimit të vazhdueshëm të Federatës Shqiptare të Futbollit për të ndërtuar një futboll sa më gjithëpërfshirës dhe për t’u ofruar mundësi të barabarta të gjithë atyre që dëshirojnë të jenë pjesë e lojës.

Në bashkëpunim me partnerët institucionalë dhe organizatat që mbështesin personat me aftësi të kufizuara intelektuale si qendrat “Autizmi Flet”, “Edhe unë Mundem” dhe “Caritas Albania”, FSHF ka punuar në mënyrë të vazhdueshme për krijimin, zhvillimin dhe përgatitjen e këtij ekipi kombëtar, duke bërë të mundur pjesëmarrjen e tij në kompeticione ndërkombëtare.

Për Federatën Shqiptare të Futbollit, përgjegjësia sociale është një nga shtyllat kryesore të zhvillimit të futbollit. Përmes projekteve të tilla, FSHF synon të përdorë fuqinë e futbollit si një instrument integrimi, edukimi dhe përfshirjeje sociale, duke krijuar mundësi reale që edhe personat nga kategoritë më vulnerabël të jenë pjesë aktive e aktiviteteve sportive dhe të përfaqësojnë me krenari Shqipërinë në arenën ndërkombëtare.

Pjesëmarrja në “Genuine Cup 2026” mbetet një arritje e rëndësishme për futbollin shqiptar dhe një dëshmi se sporti mund të jetë një urë që bashkon, frymëzon dhe krijon mundësi të barabarta për të gjithë. Me këtë angazhim, FSHF konfirmon edhe një herë se futbolli nuk njeh barriera dhe se vlerat e tij shkojnë shumë përtej rezultatit në fushën e lojës.

Hull City, që do të jetë pjesë e Premier League në këtë sezon kërkon shërbimet e lojtarit shqiptar. Anglezët kërkuan një huazim me të drejtë blerje nëse Asllani përmbush pritshmëritë, por Interi nuk kërkon të zgjas më shumë telenovelën. Zikaltërit e lëshojnë Asllanin vetëm në rast se janë të sigurt për largimin e tij. Pra italianët kërkojnë që Hull të jetë e detyruar për ta blerë Asllanin në fundin e sezonit. /Sport Ekspres/

Pas përfundimit të lojës, Daku nuk mundi t’i fshihte emocionet e tij. Sulmuesi nga Gjilani shpërtheu në lot përpara tifozerisë së tij. Lot që rridhnin si një dëshmi e lidhjes së fortë shpirtërore që kishte krijuar me klubin e Rubin Kazanit dhe me tifozerinë e tij. Ndërkohë, shokët e skuadrës e kanë marrë në krahë si një mënyrë për të treguar respektin për kontributin që ai ka dhënë në këto sezone. Mirlind Daku do të vazhdojë të luajë ne Rusi, por tashmë do të veshë fanellën e një klubi me emër, si Spartaku i Moskës./Sport Ekspres/

Daku gjeti rrugën e rrjetës në pjesën e parë, kur shfrytëzoi në maksimum një rast të krijuar nga skuadra e tij dhe kaloi Rubin Kazanin në avantazh. Goli i tij rezultoi vendimtar për ecurinë e takimit, ndërsa sulmuesi shqiptar zhvilloi edhe një tjetër paraqitje bindëse, duke qenë vazhdimisht një kërcënim për mbrojtjen kundërshtare.

Ky është goli i dytë i Dakut në dy javët e para të kampionatit, një tregues i qartë se ai e ka nisur sezonin në formën më të mirë të mundshme. Me këtë ritëm, 28-vjeçari po konfirmon pritshmëritë e mëdha të klubit dhe tifozëve, të cilët presin që ai të jetë sërish protagonisti kryesor në repartin ofensiv.

Forma e shkëlqyer e Dakut është gjithashtu një lajm shumë pozitiv edhe për Kombëtaren shqiptare, pasi sulmuesi po fiton vazhdimësi dhe besim para sfidave të ardhshme ndërkombëtare. Nëse vazhdon me të njëjtin ritëm, ai pritet të jetë një nga emrat më të spikatur të kampionatit rus edhe në këtë sezon. /Sport Ekspres/

???? Goli i Mirlind Daku ndaj Akron Togliatti

2 gola në 2 paraqitjet e para në sezonin e ri në ligen ruse pic.twitter.com/DeWYxlVqb9

— AlbanianScout (@albanianscout) August 1, 2026

“E mirëpres vendimin e fundit të FIFA-s për t’u tërhequr nga plani per shitjen e një pjese të të drejtave të FIFAs tek investitorë privat që doli në dritë gjatë ditëve të fundit.
Megjithatë, zhvillimet që shoqëruan këtë proces kanë ngritur në mënyrë të pashmangshme pikëpyetje serioze mbi integritetin, transparencën, llogaridhënien dhe qeverisjen e futbollit, çështje që do të duhet patjetër të adresohen. Vendimet që ndikojnë në qeverisjen e sportit tonë duhet të udhëhiqen gjithmonë nga standardet më të larta të transparencës, qeverisjes së mirë dhe përgjegjshmërisë institucionale. Këto parime janë themelore për mbrojtjen e integritetit të futbollit.

Mbështes plotësisht qëndrimin e UEFA-s. Së bashku me UEFA-n dhe kolegët e mi, presidentët e federatave kombëtare, do të punoj ngushtë për të siguruar që mësimet e nxjerra nga kjo situatë të përkthehen në hapa konkrete dhe që të vendosen mekanizmat e nevojshëm për të parandaluar përsëritjen e rasteve të ngjashme në të ardhmen.
Përgjegjësia jonë e përbashkët është të mbrojmë futbollin, të ruajmë vlerat e tij dhe të sigurojmë që ai të vazhdojë të qeveriset me integritet, transparencë dhe gjithmonë në interesin më të mirë të lojës dhe të gjithë atyre që janë pjesë e saj. Edhe një herë u dëshmua se uniteti është vlera jonë më e madhe. UEFA tregoi sërish se, kur të gjithë aktorët e futbollit flasin me një zë të vetëm dhe qëndrojnë të bashkuar, gjithmonë mund të gjendet rruga e duhur”, shkruan Duka. /Sport Ekspres/

Në mesazhin e tij, kreu i FSHF-së thekson: “Urime Mario Mitaj për këtë hap të ri dhe shumë të rëndësishëm në karrierë! Kalimi te Genoa në Serie A është shpërblimi i merituar për punën, talentin dhe përkushtimin tënd të palodhur.

Fakti që lojtarët tanë po sigurojnë hapësira në kampionatet më të forta të Europës tregon qartë se futbolli shqiptar po fiton çdo ditë e më shumë respekt në arenën ndërkombëtare. Çdo kuqezi që shkëlqen në skena të mëdha është një frymëzim i madh për brezat e rinj dhe një krenari kombëtare.

Jam i bindur se me karakterin dhe aftësitë e treguara, do ta përfaqësosh me dinjitet fanellën kuqezi dhe futbollin tonë edhe në Itali. Suksese në këtë aventurë të re, Mario! Të gjithë jemi tifozë me ty!”, shkruan Duka. /Sport Ekspres/

Mitaj 22-vjeçari, i cili ka qenë një nga pikat kyçe të Kombëtares shqiptare, bashkohet me klubin italian të Genoas në formë huazimi me opsion blerjeje nga Al-Ittihad, duke nisur kështu një kapitull të ri në njërën prej ligave më prestigjioze në botë. /Sport Ekspres/

“Mario është një lojtar që kombinon dy karakteristika të rëndësishme: cilësinë teknike për të ndërtuar aksionet dhe forcën mendore që Genoa nuk mund ta ketë kurrë mungesë. Mirë se erdhe, Mario”, deklaroi Lopez. Mitaj vjen në Serie A pas eksperiencës me Al Ittihad në Arabinë Saudite, ndërsa më parë ka spikatur edhe me Lokomotivën e Moskës dhe AEK Athinën. Transferimi i tij konsiderohet një përforcim i rëndësishëm për krahun e majtë të mbrojtjes së skuadrës rossoblu.

Pritshmëritë janë të larta, pasi lojtari shqiptar njihet për shpejtësinë, aftësinë në fazën sulmuese dhe fleksibilitetin taktik. Genoa beson se Mitaj do të sjellë energji dhe cilësi në skuadrën e drejtuar për sezonin e ri të Serie A, ndërsa tifozët shpresojnë që ai të përshtatet shpejt dhe të bëhet një nga pikat e forta të ekipit. /Elio Hajdari-Sport Ekspres/

Pajisjet e markës CTN (Finlandë) kanë mbërritur tashmë në ambientet e FSHF-së, ndërsa ka nisur procesi i instalimit të tyre në Klinikën e Kombëtares, ku shumë shpejt do të jenë në funksion të futbollistëve të ekipeve kombëtare.

Ky investim është pjesë e projektit të vazhdueshëm të FSHF-së për modernizimin e Klinikës së Kombëtares, e cila sot përfaqëson një nga qendrat më të avancuara në vend në fushën e mjekësisë sportive. Përveçse ka ngritur një qendër të mirëfilltë diagnostikimi, rehabilitimi sportiv, traumatologjik dhe ortopedik, Federata po zgjeron vazhdimisht gamën e shërbimeve dhe teknologjive në dispozicion të sportistëve.

Me instalimin e pajisjeve të krioterapisë, Klinika e Kombëtares pasurohet edhe me pajisje moderne rekuperimi, duke ofruar mundësi edhe më të mira për riaftësimin e futbollistëve pas dëmtimeve, si edhe për rikuperimin optimal gjatë periudhave me ngarkesë të lartë stërvitore dhe konkurruese.

Krioterapia përfaqëson një nga metodat më moderne të rikuperimit sportiv, duke ndihmuar në përshpejtimin e rikuperimit muskulor, reduktimin e inflamacionit, lehtësimin e lodhjes fizike dhe përmirësimin e performancës së sportistëve. Përdorimi i kësaj teknologjie është tashmë standard në qendrat më të avancuara sportive në Europë dhe në botë.

Vendimi për investimin në këtë infrastrukturë moderne u miratua nga Komiteti Ekzekutiv i FSHF-së, pas një procesi të detajuar vlerësimi teknik dhe profesional. Përzgjedhja e pajisjeve u mbështet edhe nga ekspertiza e stafit mjekësor të ekipeve kombëtare, i cili analizoi nga afër zgjidhjet teknologjike të ofruara nga prodhues të ndryshëm ndërkombëtarë.

Ky investim konfirmon angazhimin e Federatës Shqiptare të Futbollit për të sjellë standardet më të larta të mjekësisë sportive edhe në Shqipëri, duke garantuar që futbollistët e ekipeve kombëtare të kenë në dispozicion të njëjtat kushte moderne për trajtim, rikuperim dhe performancë si sportistët e elitës në qendrat më prestigjioze sportive europiane.

Pas disa kohësh në Arabinë Saudite, mbrojtësi shqiptar zgjodhi që të ishte pjesë e kampionatit italian. Ai do të luajë me Genoa-n, në një marrëveshje që është huazim me të drejtë blerje. Brenda pak orësh pritet që të bëhen edhe testet mjekësore për të finalizuar këtë marrëveshje. /Elio Hajdari-Sport Ekspres/

“Do të shohim se ku do të përfundojë CSKA. Ata aktualisht po garojnë për Dakën. Do t’ju jap menjëherë disa informacione të brendshme: Daka kërkon 3 milionë euro pagë. CSKA nuk mund ta gjejë ende atë lloj page. Kjo është arsyeja pse nuk e kanë nënshkruar ende me të. Por ata kanë nevojë urgjente për një qendërsulmues”, ja treguar Genadi Orlovi./Sport Ekspres/

“Ne mezi presim që ai të kthehet, do të jetë një provë e mirë për mbrojtësit tanë, ne i dimë pikat e forta dhe të dobëta të tij”, ka deklaruar ndër të tjera Tom Cleverley./Sport Ekspres/

“Këtë sezon, goli që shënova në ndeshjen jashtë fushe kundër Beshiktashit ishte emocional për mua. Nuk reagova, por ndonjëherë ka gjëra që nuk mund të shprehen me fjalë. Jam i lumtur për të gjithë golat që kam shënuar. Më vonë, erdha në Trabzon dhe jam i lumtur këtu.

Do të konkurrojmë me Trabzonsporin në tre fronte. Besoj se mund të kemi sukses këtë sezon. Ne kemi një skuadër të aftë për ta arritur këtë. Skuadra jonë është bërë më e fortë. Po punojmë në përputhje me objektivat tona duke diskutuar mes nesh”, ka deklaruar Ernest Muçi./Sport Ekspres/

Ndërhyrja në impiant ka qenë rrënjësore, duke nisur nga rindërtimi i plotë i bazamentit të fushës, një proces i realizuar nga e para për të garantuar standardet më të larta teknike dhe funksionale.

Paralelisht është përfunduar edhe shtrimi i tapetit të ri hibrid, i cili do t’i ofrojë stadiumit një sipërfaqe loje moderne, të qëndrueshme dhe në përputhje me kërkesat e UEFA-s për zhvillimin e ndeshjeve ndërkombëtare.

Pas përfundimit të kësaj faze, është realizuar edhe mbjellja e barit natyral, ndërsa specialistët vijojnë procesin e mirëmbajtjes dhe monitorimit të vazhdueshëm të fushës, me qëllim që ajo të arrijë parametrat optimalë për zhvillimin e ndeshjeve zyrtare.

Sipas afateve të planifikuara, fusha e re e stadiumit “Air Albania” do të jetë plotësisht e gatshme për përdorim gjatë muajit shtator.

Ky investim është pjesë e strategjisë së Federatës Shqiptare të Futbollit për modernizimin e infrastrukturës sportive në vend dhe lidhet drejtpërdrejt me përgatitjet për finalet e Kampionatit Europian U-21 2027, që Shqipëria do të organizojë së bashku me Serbinë.

Organizimi i këtij kompeticioni përfaqëson një moment historik për futbollin shqiptar dhe një mundësi të jashtëzakonshme për promovimin e vendit në arenën ndërkombëtare. Për këtë arsye, FSHF po vijon investimet në impiantet sportive, me synimin për të garantuar standardet më të larta të organizimit dhe për të lënë një trashëgimi infrastrukturore afatgjatë për futbollin shqiptar.

Përfundimi i punimeve në “Air Albania” do t’i japë Shqipërisë një nga sipërfaqet më moderne të lojës në rajon, duke krijuar kushtet ideale për zhvillimin e ndeshjeve të ekipeve kombëtare, finaleve të UEFA EURO U-21 2027, si edhe të aktiviteteve të tjera të rëndësishme ndërkombëtare që Federata Shqiptare e Futbollit synon të sjellë në vend.

Arsyeja është e qartë, klubi nuk kërkon që te Asllani të krijohen pritshmëri të kota. Ata kërkojnë që lojtari shqiptar të largohet sa më parë dhe të mos ketë pretendime për klubin e ri, në mënyrë që Kristjani të mos i bëhet barrë e madhe klubit duke ia treguar se nuk do të ketë asnjë vend në ekip. /Sport Ekspres/

“Humbësi ka të drejtë të zemërohet, por ne flasim shumë për arbitrimin pas një ndeshjeje të shkëlqyer. Mund të them se më pëlqeu skuadra e Thunit, ata dhanë gjithçka nga vetja, luftuan edhe më vonë kur kishin më pak lojtarë. Urime për ta. Nuk do të kishte qenë e pamerituar nëse Thuni do të kishte avancuar. Por nëse i shoh të dyja ndeshjet, ende mendoj se ishim më të mirë me atë gol të vetëm dhe e meritonim të kualifikoheshim.

Zëvendësimet? Arbër Hoxha gjithashtu hyri nga stoli dhe ishte gjithashtu i mirë. Epo, të gjithë ata që hynë në fushë bënë atë që pres prej tyre”, ka deklaruar Mario Kovaçeviçi /Sport Ekspres/

Interesi për të nuk mungon as këtë verë. Sipas “La Gazzetta dello Sport”, Lazio po përpiqet të shfrytëzojë mundësinë për të veshur Brojën me fanellën e kaltër. Klubi italian ka kërkuar informacion për transferimin e sulmuesit të Kombëtares kuqezi. Në krahun tjetër Burnley po shqyrton mundësinë e formulës së huazimit me të drejtë blerjeje për shifrën 10-12 milionë euro. Mbetet për t’u parë nëse do të ketë një shtërngim duarsh mes palëve të përfshira pas këtyre diskutimeve./Sport Ekspres/