Lazari tundi rrjetën në minutën e 66, duk befasuar kështu kuqezinjtë. Këta të fundit u hodhën në sulm, por golin e gjetën në minutat e kohës së shtuar. Ismajli fitoi një penallti, të cilën e shndërroi në gol Asllani. Me këtë fitore kuqezinjtë marrin sërish kreun e renditjes, me 9 pikë të grumbulluara gjithsej./Sport Ekspres/

“Harry Kane është sulmues i nivelit më të lartë të mundshëm. Nuk do të gjeni një Harry Kane tjetër. Do të ketë dikë tjetër, por nuk do të jetë Harry apo një kopje e Harry-t. Ne do të gjejmë një zgjidhje… por ndoshta jo unë. Mund të duhen edhe 10 vite të tjera”, është shprehur Thomas Tuchel./Sport Ekspres/

“Është e vështirë të gjesh një shpjegim për një paraqitje pa dyluftime, faulle, agresivitet apo frymë grupi… Jam këtu prej 20 vitesh, por kjo është hera e parë që ndihem i turpëruar pas një ndeshjeje.

Mund të humbasësh, dikush mund të jetë më i mirë, dhe ata aktualisht janë më të mirë, por të humbasësh në këtë mënyrë dhe të hedhësh poshtë reputacionin që kemi ndërtuar ndër vite, është e papranueshme. Ndihem i turpëruar”, ka deklaruar Luka Modriçi./Sport Ekspres/

Trajneri Friis ka shprehur hapur pakënaqësitë e tij pas ndeshjes. Ai ka thënë për mediat se në fund të lojës u ndje 20 vite më i vjetër. Sipas tij loja u bë kaotike, megjithëse ekipi ishte në epërsi numerike ndaj ndaj Shqipërisë.

“Jam 49 vjeç, por në fund të pjesës së dytë ndihesha sikur isha 69. Loja u bë tejet kaotike, duke marrë parasysh se ne ishim në avantazh dhe e kishim situatën nën kontroll.

Kemi një ekip të ri dhe në pjesën e dytë luajtëm pak a shumë si një ekip i moshave. Nuk luajtëm me qetësinë e duhur për të kontrolluar situatat, qoftë me apo pa top. Por kjo është ajo që ndodh ndonjëherë me ekipet e reja. Duhet të gjejmë elementet e duhura për t’ia dalë mbanë”, ka deklaruar Jacob Friis-i./Sport Ekspres/

Nisur nga forma mjaft e mirë e Greqisë, njëri prej gazetarëve ka shtruar pyetjen se cilat janë ndryshimet mes këtij ekipi dhe atij që fitoi Europianin 2004. Përgjigjen e menjëhershme e ka marrë nga Pavloviçi, i cili ia ka kthyer me humor: “Unë kam në atë vit kam lindur”. Një batutë që ka shkaktuar të qeshura për Klopin, por edhe për të pranishmit e tjerë në sallë.

I vënë në vështirësi nga kjo përgjigje, gazetari ka vazhduar me fjalët: “E di, por ndoshta mund të kesh parë video në ‘Youtube'”./Sport Ekspres/

“Cristiano Ronaldo nuk refuzoi të stërvitej. Nuk ka asnjë problem. Cristiano më tha: ‘Nëse do që të luaj, do të luaj. Nëse do që të ulem në stol, do ta bëj. Nëse do që të jem në tribunë, do ta bëj’”, ka thënë Jorge Jesus./Sport Ekspres/

Gazetari gjerman e ka pyetur trajnerin e Spanjës se cilin nga lojtarët e “pancerave” do të donte të kishte në skuadër. De La Fuente e kishte të qartë përgjigjen: Florian Virtci.

“Florian Virtc! Lojtar i jashtëzakonshëm. Fatkeqësisht, ai nuk ka pasaportë spanjolle. Më pëlqen shumë mënyra se si luan”, ka deklaruar Luis De La Fuente./Sport Ekspres/

Sportdashësit spanjollë që ishin të pranishëm në stadium treguan një qytetari të jashtëzakonshme, teksa u ngritën në këmbë dhe duartrokitën të gjithë yllin kroat. Por ky gjest nuk ishte i vetmi. Pas përfundimit të ndeshjes, futbollistët e Spanjës shkuan të gjithë në radhë për të takuar legjendën e futbollit kroat. Vëmendjen e tërhoqi mbi të gjithë Rodri. Mesfushori i Barcelonës shkoi dy herë pranë Modriçit dhe nuk hoqi dorë deri sa ky i fundit e vuri re prezencën e tij. Një respekt i jashtëzakonshëm, të cilin vetëm disa lojtarë të veçantë si Luka Modriçi kanë mundësinë ta përjetojnë./Sport Ekspres/

Manaj: “Trajneri më tha: ‘ke edhe 10 minuta kohë për të shënuar se do të zëvendësoj’. Por unë i thashë: ‘më lër edhe 15 minuta’. Dhe kështu shkoi. Por do të ishte mirë që të shënonin edhe Shpendi ose Daku nëse do të futej, pasi këtu jemi si një familje dhe për sulmuesin është e rëndësishme që të shënojë. Për objektiva përsonale nuk më pëlqen shumë të flas. Ajo që dua është që të fitojmë tani Ligën e Kombeve dhe të futemi në Europian. Për pjesën e golave, nuk e di. Ndeshjen e kaluar, kush merr vesh nga futbolli…, dhe unë mendoj se kam zhvilluar ndeshje shumë të mirë. Por dëgjoj lajme negative, sepse mi tregon shoqëria. Unë nuk i lexoj, por më vjen keq, sepse i lexon familja. Besoj se ekipi mund të japi edhe më shumë. Njerëzit mund të mendojnë se është San Marino, por ne erdhëm këtu para 5 viteve dhe mezi i shënuam gol në minutën e 80. Finlanda i shënoi 7 gola San Marinos, por barazoi sot 0-0 me Bjellorusinë, të cilën ne e mundëm 2-0”.

Maran: “Skuadra hyri në fushë për të marrë rezultatin dhe e bëmë. Pjesa e parë më ka pëlqyer, sepse ishim më kërkues. Pjesa e dytë ishte më tepër te menaxhimi i situatës. Te pjesa e dytë e kemi pasur më shumë mendjen te ndeshja me Finlandën. Në ndeshje të tilla duhet edhe të provosh diçka, kështu që aktivizuam disa lojtarë të rinj. San Marino e ka nga një rast në rino e ka nga një rast në çdo ndeshje. Kemi qenë si gjithë të tjerët, asgjë më shumë. Ne kemi pasur 14 goditje në portë.

Nuk mund të jemi një top Kombëtare, por me karakteristikat që kemi mund të bëjmë mjaftueshëm mirë. Mund të luajmë, mund edhe të argëtojmë. Kishte aksione të njëjta që ishin të përsëritura 7-8 herë. Kjo tregon që lojtarët e kanë perceptuar filozofinë time. Kishim ritëm dhe kjo më pëlqem. Absolutisht që i kemi lojtarët për të bërë një futboll sulmues. Manajn doja ta ndërroja më herët, por ai më thoshte: ‘Mister, edhe pak, edhe pak se dua të shënoj’. Dhe ai e bëri golin”./Sport Ekspres/

Maran: “Skuadra hyri në fushë për të marrë rezultatin dhe e bëmë. Pjesa e parë më ka pëlqyer, sepse ishim më kërkues. Pjesa e dytë ishte më tepër te menaxhimi i situatës. Te pjesa e dytë e kemi pasur më shumë mendjen te ndeshja me Finlandën. Në ndeshje të tilla duhet edhe të provosh diçka, kështu që aktivizuam disa lojtarë të rinj. San Marino e ka nga një rast në rino e ka nga një rast në çdo ndeshje. Kemi qenë si gjithë të tjerët, asgjë më shumë. Ne kemi pasur 14 goditje në portë.

Nuk mund të jemi një top Kombëtare, por me karakteristikat që kemi mund të bëjmë mjaftueshëm mirë. Mund të luajmë, mund edhe të argëtojmë. Kishte aksione të njëjta që ishin të përsëritura 7-8 herë. Kjo tregon që lojtarët e kanë perceptuar filozofinë time. Kishim ritëm dhe kjo më pëlqem. Absolutisht që i kemi lojtarët për të bërë një futboll sulmues. Manajn doja ta ndërroja më herët, por ai më thoshte: ‘Mister, edhe pak, edhe pak se dua të shënoj’. Dhe ai e bëri golin”./Sport Ekspres/

Kuqezinjtë bënë detyrën në San Marino, ku prania e madhe e tifozëve i bëri të ndiheshin si të shtëpinë e tyre. Loja e shpejtë dhe me pasime po jepte frytet e veta dhe goli i parë i shënuar nga Mehmeti në minutën e 22-të ishte mëse i pritshëm. Uzuni tundi rrjetën vetëm 5 minuta më vonë, ndërsa Manaj fiksoi shifrat në ato përfundimtare 0-3. Një fitore e rëndësishme për Kombëtaren shqiptare, e cila tani udhëheq grupin me 6 pikë të plota./Sport Ekspres/

Finalndezët shihen si kundërshtarët më të fortë në grup, por sot nuk kanë mundur të marrin asgjë më shumë se sa një barazim 0-0. Me këtë rezultat, Finlanda shkon në kuotën e 4 pikëve dhe vendi i parë në grup pret për kuqezinjtë. Në rast fitoreje kundër San Marinos, atëherë ekipi ynë kombëtar do të kryesonte grupin me 6 pikë të plota./Sport Ekspres/

Rolando Marani ka ndryshuar gjysmën e formacionit. Berisha i ka lënë vendin Sherrit, Pilo Mitajt dhe Hysaj i ka lënë krahun e djathtë Sinës. Ky i fundit do të debutojë kështu me ekipin e parë të Shqipërisë, teksa më herët ka qenë pjesë e U19-s. Ndërkohë nga minuta e parë do të jenë në fushë edhe Shehu, Uzuni dhe Mehmeti./Sport Ekspres/

“30 minutat e para ishin për t’u harruar. Nuk ishim të përqendruar mendërisht dhe, për të luajtur në këtë nivel çdo tri ditë, nevojitet diçka më shumë. Dy vite më parë ishim në Serinë C, vitin e kaluar fituam Serinë B dhe duhet të përmirësohemi. Për mua, këto janë mësime të rëndësishme.

Jo, tifozët vërshëllyen edhe pas rezultatit 1-0, dhe ata (lojtarët) nuk e meritonin. Në fund të pjesës së parë, patjetër që po. Në fillim kishte një atmosferë të mrekullueshme. Nuk e prisja një gjë të tillë, sidomos duke marrë parasysh atë që ka bërë skuadra në tre vitet e fundit”, ka deklaruar Vinçenco Montela./Sport Ekspres/

“Janë ndeshje të tilla që ndihmojnë për të ndërtuar mentalitetin e një skuadre. Duhet të kemi shumë respekt për ekipin e San Marinos. E rëndësishme është që të bëjmë ndeshjen më të mirë të mundshme. Duhet të kemi identitet, por në varësi të situatave mund të provojmë edhe vertikalizimin. Mund t’i përdorim të dyja. Ne duhet të hyjmë në fushë për të bërë atë që duhet të bëjmë dhe nuk duhet të kënaqemi thjesht me disa elementë të caktuar. Le të themi që formacionin e kam vendosur. Nuk mund ta them, sepse ende nuk e dinë lojtarët dhe do të ishte mungesë respekti po ta thoja pa e ditur ata. Ajo që më kënaq është se tifozët tanë do të jenë të pranishëm dhe në numër të madh. Kjo na bën përgjegjës për t’i bërë ata krenarë”, ka deklaruar Rolando Maran./Sport Ekspres/

Nga ana tjetër Norvegjia kishte ritëm dhe intensitet të lartë, duke e detyruar trajnerin për të mos rrezikuar me Ronaldon. Pavarësisht festës para kamerave për këtë fitore, Ronaldo ishte i vetmi që shkoi menjëherë drejt dhomave të zhveshjes pasi arbitri sinjalizoi fundin e takimit, ndërsa të tjerët shkuan të duartrokisnin dhe të festonin me tifozët. /Sport Ekspres/

?| Ronaldo went straight to the tunnel after the final whistle on Portugal’s victory against Norway. ? pic.twitter.com/Q60t0htCr8

— Kalshi FC (@KalshiFC) September 28, 2026

Vendasit u shfaqën mjaft të rrezikshëm edhe në pjesën e dytë të lojës. Çukuemeka tundi rrjetën përsëri në minutën e 61-të, duke venitur shpresat e tifozëve shqiptar. Kosova reagoi në m8nutën e 83-të, kur Zhegrova shndërroi në gol një 11 metërsh. Megjithatë, goli i sulmuesit të Juventusit në fund i vlejti statistikave, pasi dardanët u larguan me një humbje 3-1 nga stadiumi. Ndeshja e radhës për Kosovën është ajo ndaj Izraelit./Sport Ekspres/

Kur po pritej minuta e fundit e lojës, kuqezinjtë dyfishuan shifrat. Një asist spektakolar i Hysajt nxorri Muçin të vetëm në zonë. Sulmuesi i Trabzonsporit nuk e mendoi dy herë gjuajtjen dhe e majta e tij e dërgoi topin në rrjetë.

Shqipëria diktoi ritmin edhe në pjesën e dytë të lojës. Rastet e kuqezinjve në pjesën e dytë ishin të shumta, aq dukej se dy gola ishin pak për këtë përballje. Shqipëria e Maranit e nis kështu me fitore edicionin e ri të Ligës së Kombeve, ndërsa më datë 29 shtator i pret transferta me San Marinon./Sport Ekspres/

Berisha rikthehet në portë pas një mungese të gjatë, ndërsa përpara tij rreshtohet 4-shja Hysaj, Ismajli, Gjimshiti dhe Pilo. Mesfusha përbëhet nga Seferi, Asllani dhe Ramadani, ndërsa në repartin e sulmit gjenden Muçi, Manaj dhe Hoxha./Sport Ekspres/

Pesha e një trajneri të kalibrit të Jurgen Klopit doli më së miri në pah gjatë një momenti të lojës kur Hollanda po qarkullonte topin. Lojtarët holandezë po luanin të qetë në gjysmëfushën e tyre dhe këtu ishte momenti kur Klopi vendosi të ndërhynte. Mjaftoi një sinjal i vetëm prej tij dhe të gjithë futbollistët e Gjermanisë shtynë menjëherë përpara për të bërë presion mbi kundërshtarin. Një lëvizje e njëkohësishme e të gjithë lojtarëve, që tregon më së miri ndikimin që Jurgen Klopi ka në skuadër./Sport Ekspres/

“Ka shumë prej tyre që janë këtu për herë të parë. Ata janë të lumtur që ndodhen këtu dhe duan të japin maksimumin. Nuk përqendrohem te gjërat negative. Po nisem për të bërë diçka të madhe dhe për t’u dhuruar spektakël tifozëve. Me siguri do të sjellim diçka në shtëpi në katër vitet e ardhshme, jam i bindur për këtë. I njoh disa nga lojtarët, thjesht duhet të luajnë”, ka deklaruar Roberto Mançini./Sport Ekspres/

Ndeshja Finlandë – Shqipëri do të zhvillohet më 3 tetor 2026, në “The Olympic Stadium” të Helsinkit, dhe biletat e rezervuara për tifozët shqiptarë janë tashmë të disponueshme për blerje online.

Për të siguruar biletën, tifozët duhet të përdorin linkun e posaçëm “Away Fans”, të regjistrohen në platformë dhe më pas të përzgjedhin vendet që dëshirojnë në sektorin e dedikuar për tifozerinë mike. Pas përzgjedhjes së vendeve, pagesa kryhet online përmes platformës.

?? Për të blerë biletat për tifozët shqiptarë, klikoni këtu:

https://www.lippu.fi/en/event/suomi-albania-huuhkajat-uefa-nations-league-2026-olympiastadion-21995001/?affiliate=3RU&utm_source=chatgpt.com

Finlandë – Shqipëri
? 3 tetor 2026
? UEFA Nations League – Liga C
?? The Olympic Stadium, Helsinki

FSHF fton tifozët shqiptarë që do të jenë në Helsinki të bëhen pjesë e kësaj sfide dhe të mbështesin kuqezinjtë në një tjetër ndeshje të rëndësishme të UEFA Nations League.

Në 3 tetor kuqezinjtë do të luajnë sfidën e parë me Finandën në transfertë, ndërsa më datë 6 presin San Marinon në “Air Albania”. Dy ndeshjet e fundit do të zhvillohen në datat 12 nëntor me Finlandën në shtëpi dhe në 15 nëntor ndaj Bjellorusisë në Minsk./Sport Ekspres/

Ndarja zyrtare vazove është publikuar dhe kuqezinjtë ndodhen në vazon e parë. Ndërkohë në vazon e dytë gjenden Finlanda, Sllovakia, Bullgaria dhe Armenia. Më tej një vazo më poshtë, Shqipëria do të “peshkojë” njërin prej Bjellorusisë, Ishujve Faroe, Qipros dhe Estonisë.

Ndërkaq vazoja e fundit përbëhet nga fituesi i çiftit Letoni-Gjibraltar, fituesi i çiftit Luksemburg-Maltë, Moldavia dhe San Marino./Sport Ekspres/

Kundërshtarët e mundshëm të Shqipërisë në Ligën e Kombeve:

Vazo 2: Finlandë, Sllovaki, Bullgari, Armeni

Vazo 3: Bjellorusi, Ishujt Faroe, Qipro, Estoni

Vazo 4: Fituesi i çiftit Letoni-Gjibraltar, Fituesi i çiftit Luksemburg-Maltë, Moldavi, San Marino

Ndërkohë në pjesën e dytë ishte Ronaldo ai që mendoi për ta dërguar ndeshjen në shtesa. Ylli portugez e dërgoi topin pas shpinës së Unai Simonit në minutën e 61-të, çka ktheu sërish në lojë luzitanët. Koha shtesë përfundoi po me shifrat 2-2, teksa në ruletën e penalltive portugezët u treguan më të saktë. Jamali nuk arriti të linte gjurmën e tij në këtë finale dhe në fund u detyrua të shihte Ronaldon të ngrinte një tjetër trofe në karrierën e tij mbresëlënëse./Sport Ekspres/

Pjesa e dytë nisi përsëri me epërsinë e spanjollëve. Jamali në minutën e 54-t dhe Pedri në minutën e 55 i dërguan shifrat në 4-0. Mbapeja ngushtoi shifrat në minutën e 59, por Jamali tundi përsëri rrjetën e francezëve në minutën e 67. “Gjelat” nisën reagimin e tyre me anë të Sherkit, Vivianit dhe Kolo Muanisë, të cilët shënuan përkatësisht në minutata 79′, 84′, 90’+4′. Por golat e tyre nuk mjaftuan për të shmangur humbjen. Spanja arrin kualifikimin në finale të Ligës së Kombeve, ku më 8 qershor ylli i së ardhmes, Lamin Jamali, do të sfidojë një nga yjet më të mëdhenj të së shkuarës së afërt, Kristiano Ronaldo./Sport Ekspres/

Vetëm 5 minuta më vonë Ronaldo rrëmbeu skenën e protagonizmit. Ylli 40-vjeçar shënoi golin e përmbysjes, që në fund i siguroi Portugalisë një vend për në finale të Ligës së Kombeve. Luzitanët do të mësojnë mbrëmjen e nesërme se cili mes Spanjës dhe Francës do të jetë kundërshtari me të cilin do të përballen në finale./Sport Ekspres/

Spaleti ka deklaruar pas ndeshjes se lojtarët e ekipit të tij e dinin këtë strategji të kundërshtarit, por sërish gabuan. Ai shton se ndoshta pësimi i këtij goli do t’i bëjë ta kuptojnë më mirë gabimin e kryer, në mënyrë që në ndeshjet në vazhdim të jenë më të vëmendshëm ndaj detajeve.

“Ndeshjet prodhojnë gjithmonë lajme. Pjesa e parë pati pak vendosmëri. Në pjesën e dytë ne e kuptuam që duhet të jepnim më shumë dhe pamë Italinë që të gjithë presin. Meritonim pak më tepër fat. Goli i dytë? E kishim parë që ata e godasin topin shpejt. E dinim këtë, por nëse më pas kthejmë shpinën dhe nuk ia dalim dot… Në këtë pikë është më mirë që e pësuam golin, të paktën kështu do ta kuptojnë”, ka deklaruar Luçiano Spaleti./Sport Ekspres/

Në minutën e 5 sulmuesi 40-vjeçar fitoi të drejtën e një penalltie dhe dukej se kjo e sotmja do të ishte mbrëmja e tij. Por gjuajta e 5 herë fituesit të Topit të Artë ishte për t’u harruar, duke e dërguar topin në duart e portierit kundërshtar.

Megjithatë Ronaldo e shleu gabimin e tij në minutën e 72-të, kur i dërgoi shifrat në 2-1 për luzitanët. Koha e rregullt përfundoi me rezultatin 3-2 në favor të portugezëve, ndërsa në kohën shtesë shifrat u thelluan në 5-2. Një fitore e rëndësishme e Portugalisë, e cila tashmë është kualifikuar në gjysmëfinale të Ligës së Kombeve./Sport Ekspres/

Kjo pasi “pancerat” fituan ndeshjen e parë me shifrat 1-2. Kimishi (30’ p.), Musiala (36’) dhe Klajndinsti (45’) shënuan për Gjermaninë, ndërsa në pjesën e dytë ishin Kini (49’, 69’) dhe Raspadori (90’+5’ p.) barazuan për Italinë./Sport Ekspres/

Gjermanët përfituan nga kjo situatë dhe e ekzekutuan me shpejtësi goditjen e dënimit. Topi shkoi në këmbët e Musialës, i cili me portën e zbrazët e kishte golin një lojë fëmijësh./Sport Ekspres/

Vedat Muriqi barazoi ndeshjen në minutën e 35-të, ndërsa në minutën e 3-të të shtesës së pjesës së parë përmbysi rezultatin. Ndërkohë në minutën e 79 ishte përsëri “pirati” ai që e dërgoi topin në rrjetën e Islandës, duke mbyllur përfundimisht historinë e këtij takimi. Kosova fiton me rezultat të përgjithshëm 5-2 dhe siguron ngjitjen në ligën B të Ligës së Kombeve. Një sukses për t’u duartrokitur për dardanët./Sport Ekspres/

Ndërkohë Kroacia ka befasuar Francën, duke e mposhtur me shifrat 2-0 me anë të golave të Budimirit (26’) dhe Perishiçit (45’+1’). Fitore ka pasur edhe për Danimarkën, e cila e ka shfrytëzuar më së miri atmosferën e jashtëzakonshme të tifozëve përballë Portugalisë. Ndeshja u vendos nga Hojlundi në minutën e 78.

E vetmja ndeshje që përfundoi në barazim ishte ajo mes Hollandës dhe Spanjës. Iberikët kanë barazuar me shifrat 2-2 në transfertë. Për Hollandën shënuan Gakpoja (28’) dhe Rajndersi (46’), ndërsa për Spanjën e dërguan topin në rrjetë Niko Uilliamsi (9’) dhe Merinoja (90’+3’)./Sport Ekspres/

Kosova ka hedhur kështu njërën këmbë në Ligën B të Ligës së Kombeve. Ekipi që do të ngjitet një ligë më sipër do të vendoset përfundimisht në ndeshjen e kthimit./Sport Ekspres/

“Luka Modriçi është një nga më të mirët e të gjitha kohërave. Ai është ende këtu, endë në nivelin më të mirë, ende në majë. Është ende në klubin më të madh në botë. Ai është kapiteni, është kapiteni jonë. Është një lojtar i madh. Nuk ka për të luajtur për 20 vite të tjera, kështu që duhet ta shijojmë çdo ditë, çdo ndeshje. Është kënaqësi ta shohësh atë duke luajtur”, ka thënë Kilian Mbapeja./Sport Ekspres/

“Nuk do të jetë kurrë një ndeshje si të tjerat. Ata e kanë pasur gjithmonë këtë lloj arrogance, janë ndjerë superiorë me ne. Por ne gjithnjë i kemi ulur me këmbë në tokë. Jemi të përulur, por në të njëjtën kohë kërkojmë të arrijmë maksimumin”, ka deklaruar Rikardo Kalafiori./Sport Ekspres/

Ditën e sotme FSHF-ja ka shpërndarë një statistikë sa i përket pasimeve të kryera nga lojtarët kuqezinj në këtë edicion të Ligës së Kombeve. Mario Mitaj prin listën e futbollistëve të Kombëtares me saktësinë më të lartë të pasimit në Ligën e Kombeve.

Mbrojtësi shqiptar ka një saktësi pasimi prej 89.5%, teksa 277 prej 308 pasimeve të tij kanë përfunduar në zotërim të shokëve të skuadrës. Pas tij vjen Kristjan Asllani me një saktësi 89%. Ndërkohë top 5-shja plotësohet me Ardian Ismajlin (88.84%), Nedim Bajramin (87.5%) dhe Ylber Ramadani (83.34%)./Sport Ekspres/

Zinçenko në minutën e 5 dhe më pas Jaremçuku në minutën e 10 tronditën kuqezinjtë pa nisur ende mirë lojë. Pas një pjese të parë zhgënjyese, Silvinjo luajti të gjitha kartat e mundshme për të kthyer rezultatin në pjesën e dytë. Uzuni fitoi një 11 metërsh, i cili i shndërrua më pas në gol nga Nedim Bajrami, duke mbajtur gjallë shpresat për një përmbysje. Megjithatë, kuqezinjtë nuk arritën ta dërgonin sërish topin në rrjetë, duke lënë në fuqi rezultatin përfundimtar 1-2 për verdheblutë. Me këtë humbje Shqipëria e mbyll grupin në vendin e fundit, çka e dërgon automatikisht në ligën C sezonin e ardhshëm./Sport Ekspres/

Silvinjo ka përzgjedhur 11 lojtarët që do t’i besojë nga minuta e parë. Trajneri brazilian ka befasuar me zgjedhjet e tij, teksa këtë herë ka lënë në stol Nedim Bajramin dhe i ka besuar fanellën e titullarit Ernest Muçit. Ndërkohë, në majën e sulmit këtë herë do të jetë Mirlind Daku dhe jo Indrit Tuci./Sport Ekspres/