Trajneri i Kombëtares, Rolando Maran, dhe stafi i tij kanë pasur në dispozicion të gjithë grupin e lojtarëve, të cilët janë në gjendje optimale për sfidën e nesërme. Në seancën e fundit stërvitore, skuadra zhvilloi ushtrime fizike, punoi për skemat taktike dhe provoi goditjet standarde.

Ndërkohë, Departamenti i Komunikimit në FSHF bën me dije se mesfushori Luis Hasa, i cili aktualisht ndodhet në Tiranë, është rikuperuar pas temperaturës së lartë.

Hasa ka nisur një program të personalizuar stërvitor pranë Klinikës së Kombëtares dhe pritet të jetë i gatshëm për ndeshjen e fundit ndaj San Marinos, më 6 tetor në stadiumin “Air Albania”.

Shqipëria do të përballet nesër me Finlandën në orën 15:00, në stadiumin “Helsinki Olympic”, në ndeshjen e tretë të saj në UEFA Nations League.

Gjithçka vjen pasi Ronaldo vendosi të largohej nga grumbullimi i Portugalisë, një ditë para sfidës ndaj Danimarkës në Ligën e Kombeve. Kapiteni i Portugalisë deklaroi se, pas një bisede me presidentin e Federatës dhe konferencës së Jorge Jesus, kishte marrë vendimin për t’u larguar nga ekipi. Ronaldo shtoi se në një moment tjetër do të tregojë të vërtetën për arsyet e këtij vendimi.

Ndërkohë goditja e Portugalisë nuk mbaron këtu. Menjëherë te Portugalia kanë vendosur që numrin 7 të Kristiano Ronaldos ta japin te Leao, për t’i dhënë mesazhin yllit kryesor të ekipit se mund të bëjnë edhe pa atë. /Sport Ekspres/

Gjithçka vjen pasi Ronaldo vendosi të largohej nga grumbullimi i Portugalisë, një ditë para sfidës ndaj Danimarkës në Ligën e Kombeve. Kapiteni i Portugalisë deklaroi se, pas një bisede me presidentin e Federatës dhe konferencës së Jorge Jesus, kishte marrë vendimin për t’u larguar nga ekipi. Ronaldo shtoi se në një moment tjetër do të tregojë të vërtetën për arsyet e këtij vendimi.

Montenegro, i cili më herët ka shprehur publikisht vlerësimin e tij për Ronaldon dhe kombëtaren, thuhet se ka dashur të marrë qartësi nga Jorge Jesus për situatën që ka përfshirë kapitenin. Në Portugali, tashmë vëmendja është e gjitha te raporti mes trajnerit dhe Ronaldos dhe te ajo që mund të zbulohet pas kësaj krisjeje. /Sport Ekspres/

Ndërkohë në pjesën e dytë, falë golave të Bruno Guimares dhe Vinicius Junior rezultati shkoi në 2-4. Dhe ajo që është vënë re ishte goli i realizuar nga Vinicius. Mungesa e vetbesimit e ka bërë këtë njeri që të shihet si i shndërruar dhe gati nuk njihet nëse është po i njëjti që ka qenë më herët.

Në momentin e penalltisë, Vinicius u pa qartë se kishte një presion të madh, pavarësisht se luhej kundër Australisë dhe ishte një miqësore. Një top që për pak u kap nga portieri kundërshtar, por për fatin e Vinicius, shkoi në rrjetë. /Sport Ekspres/

Nga ana tjetër Norvegjia kishte ritëm dhe intensitet të lartë, duke e detyruar trajnerin për të mos rrezikuar me Ronaldon. Pavarësisht festës para kamerave për këtë fitore, Ronaldo ishte i vetmi që shkoi menjëherë drejt dhomave të zhveshjes pasi arbitri sinjalizoi fundin e takimit, ndërsa të tjerët shkuan të duartrokisnin dhe të festonin me tifozët.

Nga ana tjetër, trajneri Jorge Jesus tha: “Ronaldo nuk përshëndeti tifozët? Do të flas me të, Kombëtarja është Kombëtare. Përpara ndeshjes i thasë se do të luante, por në fund nuk ndodhi. Ky është futbolli. Ronaldo ishte gati të luante, por nuk ishte momenti i duhur për të, na duhej një lojtar me karakteristik tjetër. Mendova ta fusja pas një ore lojë, por sic po shkonte ndeshja, nuk ishte momenti i duhur”, tha trajneri. /Elio Hajdari-Sport Ekspres/

Nga ana tjetër Norvegjia kishte ritëm dhe intensitet të lartë, duke e detyruar trajnerin për të mos rrezikuar me Ronaldon. Pavarësisht festës para kamerave për këtë fitore, Ronaldo ishte i vetmi që shkoi menjëherë drejt dhomave të zhveshjes pasi arbitri sinjalizoi fundin e takimit, ndërsa të tjerët shkuan të duartrokisnin dhe të festonin me tifozët. /Sport Ekspres/

?| Ronaldo went straight to the tunnel after the final whistle on Portugal’s victory against Norway. ? pic.twitter.com/Q60t0htCr8

— Kalshi FC (@KalshiFC) September 28, 2026

Numri 10 i Brazilit ka një histori të jashtëzakonshme. Në të kaluarën, këtë fanellë e kanë veshur legjenda si Pelé, Rivelino, Zico, Rivaldo, Ronaldinho dhe Neymar. Tashmë, emri i Raphinhas i bashkohet kësaj liste prestigjioze.

27-vjeçari vjen në këtë rol pas disa sezoneve të shkëlqyera me Barcelonën, ku është shndërruar në një nga lojtarët kryesorë të skuadrës. Sipas të dhënave të publikuara nga Kurir, Raphinha ka realizuar 89 gola dhe 62 asistime në 185 paraqitje me klubin katalanas.

Edhe me Brazilin, ai ka krijuar një statistikë të rëndësishme: 42 ndeshje dhe 11 gola. Për më tepër, Raphinha është mes kandidatëve për fitimin e Topit të Artë këtë vit.

Tashmë, sfida e madhe për të është të justifikojë peshën e një fanellë që në historinë e Brazilit është mbajtur nga disa prej futbollistëve më të mëdhenj të të gjitha kohërave. /Sport Ekspres/

Sipas raportimeve të fundit, Mbappé pritet të kryejë testet mjekësore gjatë pasdites së sotme. Rezultatet pritet të dalin më vonë gjatë ditës dhe vetëm atëherë do të ketë një ide më të qartë për situatën e yllit të Real Madridit.

Ky është një moment shqetësues për klubin madrilen, pasi Mbappé është një nga lojtarët kryesorë të skuadrës dhe prania e tij ka një rëndësi të madhe në ndeshjet e ardhshme. Për momentin, ende nuk ka një diagnozë përfundimtare dhe as një afat zyrtar për rikthimin e tij.

Megjithatë, fakti që lojtari është kthyer në Madrid për t’iu nënshtruar kontrolleve të specializuara ka rritur shqetësimin rreth gjendjes së tij.

Tashmë të gjithë në Madrid presin me ankth rezultatet e testeve, të cilat do të përcaktojnë nëse Mbappé do të jetë në dispozicion së shpejti apo do të detyrohet të qëndrojë jashtë fushave për një periudhë më të gjatë. /Sport Ekspres/

Ndeshja nisi me ritëm të lartë dhe Holanda iu afrua golit të avantazhit me Virgil van Dijk, por goli i mbrojtësit u anulua pas ndërhyrjes së VAR-it për një faull në aksion. Gjermania nuk fali dhe në minutën e 33-të Felix Nmecha dërgoi topin në rrjetë, duke i dhënë avantazhin skuadrës së Jürgen Klopp.

Pas pushimit, Holanda u hodh e gjitha në sulm. Vendasit krijuan disa raste të pastra, me Mexx Meerdink që goditi edhe shtyllën, ndërsa Gjermania pati mundësinë për të mbyllur ndeshjen në kundërsulm.

Kur dukej se Gjermania do të festonte fitoren, erdhi momenti magjik i mbrëmjes. Në minutën e 92-të, Ruben van Bommel dha një asist fantastik me pjesën e jashtme të këmbës dhe Cody Gakpo e dërgoi topin në rrjetë për 1-1.

Një fund dramatik për një ndeshje të denjë për rivalitetin mes dy gjigantëve europianë, por ndeshja ishte spektakolare në debutimin e Klopp dhe Xavi në pankinat respektive. /Sport Ekspres/

Cristiano Ronaldo iu përgjigj kritikave të disa mediave dhe e shtoi me një vërejtje krejtësisht të papritur.“Ka kanale që janë përpjekur të më ‘vrasin’ për vite me radhë, por nuk kanë asnjë shans, as me një pushkë. Edhe atëherë, do t’i isha shmangur një plumbi”, tha portugezi. Pas këtij mesazhi të qartë, Ronaldo konfirmoi atë që ishte spekuluar për njëfarë kohe – ai po e mendonte seriozisht përfundimin e karrierës së tij ndërkombëtare pas Botërorit , por ndërkohë ndryshoi vendimin e tij.

Hetuesit dyshojnë se mjeku ka lëshuar një numër të madh certifikatash të rreme vaksinimi. Midis tyre dyshohet se është një dokument i lëshuar në emër të Granit Xhakës.
Në atë konfirmim, thuhej se Xhaka kishte marrë një vaksinë kundër koronavirusit. Megjithatë, sipas dyshimeve të hetuesve, vaksinimi nuk u krye kurrë. I gjithë rasti tani ka marrë një epilog të rëndë ligjor. Xhaka duhet të paraqitet para Prokurorisë në Lucern në fillim të tetorit për të dhënë një deklaratë dhe për t’iu përgjigjur pyetjeve të hetuesve.

Dënimi i mundshëm nuk është aspak i padëmshëm. Eksperti ligjor Andre Kuhn i shpjegoi gazetës zvicerane Blick se falsifikimi i dokumenteve trajtohet si një krim i rëndë në Zvicër. Një krim i tillë dënohet me gjobë, si dhe me burgim deri në pesë vjet. Pikërisht për këtë arsye, çështja mund të ketë pasoja shumë më serioze për Xhakën sesa një mosmarrëveshje e zakonshme ligjore. /Sport Ekspres/

Inter Miami mposhti Cruz Azul 2-0 në finalen e Kupës së Kampionëve dhe heroi absolut i fitores ishte përsëri kapiteni dhe ylli më i madh i ekipit nga Florida, Lionel Messi. Argjentinasi shënoi golin e parë dhe më pas asistoi Casemiron për golin e dytë, duke marrë pjesë drejtpërdrejt në të dy golat e ekipit të tij.

Dhe ajo që është veçanërisht e pabesueshme është se argjentinasi arriti 100 gola me fanellën e Inter Miamit me këtë gol. Megjithatë, pas ndeshjes u pa një atmosferë e tensionuar dhe shumë u habitën nga diskutimi midis Lionel Messit dhe komisionerit të MLS-së, Don Garber. Një nga lojtarët më të mirë të futbollit të të gjitha kohërave hyri në një konflikt të hapur verbal me njeriun e parë të ligës dhe videot e tyre duke shkëmbyer fjalë të ashpra me njëri-tjetrin me shpejtësinë e dritës përmbytën rrjetet sociale. /Sport Ekspres/

What did Don Garber do to Messi hahahaha pic.twitter.com/uykayLQZc3

— James (@atlutdjames) September 17, 2026

“Neymar e ka konfirmuar tashmë, ai nuk dëshiron të kthehet në ekipin kombëtar. Neymar nuk mund të zëvendësohet sepse ai ishte një talent i jashtëzakonshëm dhe unik”, tha eksperti italian. Ky është fundi i historisë së lojtarit që ishte figura qendrore e Brazilit për më shumë se një dekadë. Neymar është golashënuesi më i mirë në historinë e ekipit kombëtar me 80 gola në 130 paraqitje.

Neymar është një nga mungesat më të mëdha, por nuk është i vetmi. Casemiro, Alisson, Ederson, Alex Sandro dhe Lucas Paquetá janë ndër lojtarët e lënë jashtë listës, gjë që tregon se sa serioze janë ndryshimet që Ancelotti dëshiron të bëjë. /Elio Hajdari-Sport Ekspres/

Dënimin më të rëndë e ka marrë Leandro Paredes, i cili është pezulluar për 10 ndeshje për përfshirjen e tij në incidentet me futbollistët spanjollë. Nahuel Molina është dënuar me 7 ndeshje, ndërsa Thiago Almada me 1 ndeshje. Gjithashtu, ndihmësi i Lionel Scalonit, Roberto Ayala, është pezulluar për 3 ndeshje.

Nga ana e Spanjës, edhe Gavi është dënuar me një ndeshje për sjellje josportive gjatë përplasjes.

Përveç pezullimeve individuale, FIFA ka vendosur edhe masa ndaj Federatës Argjentinase. Argjentina do t’i zhvillojë dy ndeshjet e ardhshme në shtëpi me vetëm 50% të kapacitetit të stadiumit, ndërsa federata është gjobitur për shkelje të ndryshme disiplinore. /Elio Hajdari-Sport Ekspres/

Largimi i përkohshëm nga aktiviteti futbollistik vjen në një moment të rëndësishëm për klubin amerikan, i cili mbështetet shumë te eksperienca dhe cilësitë e yllit argjentinas. Messi ka qenë një prej figurave kryesore të skuadrës që prej transferimit të tij në MLS, duke luajtur një rol vendimtar në rezultatet dhe sukseset e fundit të ekipit. Megjithatë, në këtë moment prioriteti i tij duket të jetë familja. Klubi dhe tifozët e Inter Miamit pritet të respektojnë vendimin e futbollistit, ndërsa rikthimi i tij do të varet nga situata familjare. Për momentin, nuk ka një afat zyrtar për rikthimin e Messit në SHBA dhe as një konfirmim se kur ai do të luajë sërish me Inter Miamin. /Sport Ekspres/

Si kundërpërgjigje ndaj kësaj ftohjeje dhe mungesës së mbështetjes institucionale, Infantino thuhet se po përgatit një lëvizje surprizë dhe të papritur për Kampionatin Botëror 2030. Ndonëse turnetë kryesore dhe ndeshja finale e përmasave të tilla u paralajmëruan të mbaheshin në stadiumin ikonik “Santiago Bernabéu” në Madrid, tensionet e reja mund të ndryshojnë rrënjësisht skenarin.

Plani i ri që përflitet në korridoret e FIFA-s sugjeron zhvendosjen e finales së madhe të vitit 2030 në Marok, duke lënë Spanjën dhe Portugalinë pa ngjarjen më kulmore të turneut. Ky vendim, nëse zyrtarizohet, shihet si një goditje e drejtpërdrejtë ndaj interesave të Spanjës dhe vetë UEFA-s. /Sport Ekspres/

“Jam shumë i lumtur që ndodhem këtu. Falënderoj tifozët për durimin dhe mbështetjen. Shihemi në stadiumin Monumental”, deklaroi Vozinja menjëherë pas mbërritjes së tij. Colo Colo kishte zyrtarizuar marrëveshjen me portierin që më 24 korrik, por vonesat e përsëritura krijuan dyshime se transferimi mund të dështonte. Megjithatë, saga mori fund me mbërritjen e tij në Kili, ku tani pritet të kryejë vizitat mjekësore dhe të nisë menjëherë stërvitjen me ekipin. Tifozët e Colo Colo besojnë se eksperienca dhe forma e treguar nga Vozinja në Botëror do ta ndihmojnë skuadrën të luftojë për titullin kampion dhe të ketë një ecuri sa më të mirë në garat kontinentale sezonin e ardhshëm. /Elio Hajdari-Sport Ekspres/

Locura en la llegada de Vozinha a Chile!!

El nuevo arquero de Colo Colo ya está en Santiago y mañana se someterá a los exámenes médicos. @Cooperativa pic.twitter.com/FeHZ1lI38C

— Rodrigo Gomez Flores (@rodrigogomezf) August 3, 2026

“Besoj se kjo Kupë Bote ishte fundi i një brezi shumë të rëndësishëm lojtarësh. Duke nisur nga Neymar, duke vazhduar me Danilon dhe Casemiron. Të gjithë lojtarët që ishin mbi 30 vjeç gjatë Botërorit nuk do të jenë më me ne”, u shpreh Ancelotti.

Ky vendim shënon një ndryshim të madh në filozofinë e kombëtares braziliane, e cila pritet të mbështetet te futbollistët e rinj për ciklin e ardhshëm ndërkombëtar. Neymar, Casemiro dhe Danilo kanë qenë ndër figurat më të rëndësishme të Brazilit në dekadën e fundit, duke marrë pjesë në disa Kupa Bote dhe turne të mëdhenj kontinentalë.

Ancelotti synon të ndërtojë një skuadër më dinamike dhe konkurruese për sfidat e ardhshme, duke u dhënë hapësirë talenteve të rinj që pritet të udhëheqin Brazilin në vitet në vijim. Deklarata e tij konfirmon zyrtarisht mbylljen e një cikli historik dhe nisjen e një faze të re për një nga kombëtaret më të suksesshme në historinë e futbollit. /Sport Ekspres/

Sipas hulumtimit të publikuar, një nga stërgjyshërit e yllit argjentinas ka lindur në Brazil, më saktë në qytetin Ribeirao Preto të Sao Paulos, në fillim të shekullit të kaluar. Bëhet fjalë për Arderigo Coccettinin, biri i emigrantëve italianë që kishin mbërritur me anije në tokën braziliane në kërkim të një jete më të mirë në vitin 1899. Familja e tij kishte jetuar dhe punuar për një periudhë në fermat e brendshme të Brazilit, para se përfundimisht rrugët t’i dërgonin drejt Argjentinës, ku më vonë u lind edhe vetë legjenda e futbollit.

Ky zbulim ka ndezur menjëherë debate të forta mes tifozëve në rrjet. Shumë prej tyre po bëjnë pyetjen hipotetike se si do të dukej bota e futbollit sot, nëse familja e tij do të kishte vendosur të qëndronte përgjithmonë në Brazil. Pa dyshim, një kthesë e tillë fatlume do të thoshte se sot “Pleshti” mund të shkruante historinë me fanellën e përfaqësueses së Seleçaos dhe jo me atë të “Albicelestes”. /Elio Hajdari-Sport Ekspres/

Neymar largohet si golashënuesi më i mirë në historinë e Brazilit, me 80 gola dhe 58 asistime në 130 paraqitje. Gjatë karrierës së tij ndërkombëtare ai fitoi Kupën e Konfederatave në vitin 2013 dhe medaljen e artë olimpike në Rio 2016, por nuk arriti kurrë të realizonte ëndrrën e madhe për të ngritur Kupën e Botës. Lëndimet dhe eliminimet e dhimbshme në turnetë madhorë e shoqëruan gjatë gjithë rrugëtimit të tij me kombëtaren. /Elio Hajdari-Sport Ekspres/

“Për mua, Botërori përfundoi kur Argjentina fitoi ndaj Anglisë”, u shpreh Di María, duke lënë të kuptohet se ai e konsideroi atë ndeshje si kulmin emocional të turneut. Sipas tij, triumfi ndaj anglezëve ishte momenti më i rëndësishëm, pasi kishte ngarkesa emocionale dhe historike.

Di María, i cili mbetet një nga figurat më të dashura për tifozët argjentinas falë kontributit të tij në sukseset e viteve të fundit, theksoi se e kishte përjetuar me emocione të jashtëzakonshme kualifikimin në finale. Ai shtoi se ishte krenar për karakterin dhe shpirtin luftarak që tregoi skuadra, e cila përmbysi rezultatin ndaj Anglisë në minutat e fundit.

Deklarata e ish-anësorit është komentuar gjerësisht në mediat sportive, pasi tregon lidhjen e fortë emocionale që ai vazhdon të ketë me kombëtaren argjentinase edhe pas largimit. Fitorja ndaj Anglisë mbetet një nga momentet më të paharrueshme të Botërorit 2026 për Argjentinën, ndërsa fjalët e Di Marías kanë prekur shumë tifozë, të cilët e konsiderojnë atë një legjendë të “Albiceleste”. /Sport Ekspres/

Në një intervistë për CBS, Vozinha u shpreh qartë: “Shpresoj të gjej një ekip që më do për atë që mund të jap si futbollist, jo si figurë marketingu.” Kjo deklaratë ka tërhequr vëmendjen e mediave, pasi portieri është kthyer në një nga emrat më të përfolur në merkaton e verës pas performancave të shkëlqyera me kombëtaren e Kepit të Gjelbër.

Sipas raportimeve, një nga klubet më të interesuara është gjiganti kilian Colo-Colo, i cili i ka paraqitur një ofertë dhe besohet se palët janë shumë pranë arritjes së një marrëveshjeje. Interes për Vozinhën kanë shfaqur edhe klube të tjera nga Amerika, por vetë portieri dëshiron të zgjedhë një destinacion ku të vlerësohet për cilësitë e tij në fushë.

Pavarësisht moshës 40-vjeçare, Vozinha mbetet i bindur se mund të luajë ende në nivel të lartë. Ai theksoi se do të vazhdojë për aq kohë sa trupi i tij t’i përgjigjet kërkesave të futbollit profesionist, duke e bërë të qartë se pasioni për lojën është ende motivimi i tij më i madh. /Sport Ekspres/

Trajneri Mikel Arteta e konsideron Viniciusin si profilin ideal për të forcuar krahun e majtë të sulmit. Shpejtësia, aftësitë në duelet një kundër një dhe eksperienca në nivelet më të larta e bëjnë brazilianin një objektiv të ëndrrave për “Topçinjtë”. Megjithatë, realizimi i këtij transferimi mbetet shumë i komplikuar për shkak të kostos së lartë dhe pagës së futbollistit.

Nga ana tjetër, Real Madridi vazhdon të kërkojë rinovimin e kontratës së Viniciusit, por deri tani palët nuk kanë arritur një marrëveshje përfundimtare. Kjo situatë ka nxitur interesimin e disa klubeve të mëdha evropiane, me Arsenalin që po monitoron nga afër çdo zhvillim.

Nëse braziliani vendos të mos zgjasë kontratën me “Los Blancos”, Arsenali mund të hidhet në sulm me një ofertë rekord. Gjithsesi, për momentin bëhet fjalë vetëm për interes konkret dhe vlerësime të brendshme, ndërsa e ardhmja e Vinicius Junior pritet të sqarohet në javët e ardhshme, kur ai të rikthehet në Madrid për të diskutuar me drejtuesit e klubit spanjoll. /Sport Ekspres/

Drejtuesit e federatës kanë bërë të qartë se nuk bëhet fjalë për asnjë shkarkim apo ndryshim kursi. Përkundrazi, palët kanë dakordësuar që synimet mbeten maksimale dhe historike. Brazili synon të dominojë përsëri Amerikën Latine duke fituar Kupën e Amerikës nën drejtimin e tij, por mbi të gjitha, fokusi kryesor mbetet Botërori 2030.

Ançeloti, i njohur për qetësinë dhe menaxhimin e jashtëzakonshëm të yjeve, ka gjetur gjuhën e përbashkët me Federatën dhe lojtarët për të ndërtuar një skuadër fituese. Me këtë vendim, Brazili i jep fund spekulimeve dhe i hap rrugën një pune të qëndrueshme, me synimin e qartë për t’u rikthyer në majën e futbollit botëror pas disa vitesh pritjeje dhe zhgënjimesh në kompeticionet e mëdha. /Elio Hajdari-Sport Ekspres/

Presidentja e Federatës Norvegjeze, Lise Klaveness, ka deklaruar se ndërhyrje të tilla politike përbëjnë një kërcënim serioz për integritetin e futbollit. Sipas saj, rasti Balogun krijon një precedent të rrezikshëm dhe FIFA duhet të garantojë se vendimet disiplinore merren në mënyrë të pavarur dhe transparente, pa ndikime nga jashtë.

Ankesa pritet të diskutohet në mbledhjen e bordit të Federatës Norvegjeze më 6 gusht dhe, nëse miratohet, do t’i dorëzohet zyrtarisht FIFA-s. Klaveness ka kërkuar gjithashtu që presidenti i FIFA-s, Gianni Infantino, të pranojë publikisht se mënyra se si u trajtua çështja ishte e gabuar.

Kjo është hera e parë që një federatë kombëtare vendos të ndërmarrë hapa të tillë në lidhje me këtë skandal, duke shtuar presionin mbi FIFA-n për të sqaruar plotësisht rrethanat e vendimit dhe për të mbrojtur besueshmërinë e garës më prestigjioze të futbollit botëror. /Sport Ekspres/

Si asnjë herë më parë, Kupa e Botës do të zhvillohet në 3 kontinente: Europë, Amerikë e Jugut, Afrikë. Përpos Spanjës, Portugalisë dhe Marokut, të cilat kanë fituar zyrtarisht të drejtën për të mirëpritur Kampionatin Botëror, listës i janë shtuar së fundmi edhe Argjentina, Uruguaji dhe Paraguaji.

Uruguaji është përzgjedhur për faktin se ishte vendi që organizoi Kupën e Botës 1930, të cilën edhe e fitoi në fund. Arsyeja e përzgjedhjes së Argjentinës është për faktin se bardheblutë ishin finalistë dhe zunë vendin e dytë në Botërorin historik 1930.  Sa përket Paraguajit, në këtë vend gjenden zyrat qendrore të CONMEBOL-it, e cila është njëkohësisht federata kontinentale më e vjetër në glob. Të treja këto shtete do të mirëpresin nga një ndeshje të Kupës së Botës 2030. Kështu gjithsej do të jenë 6 ekipe të kualifikuara automatikisht në Kampionatin Botëror të ardhshëm: Spanja, Portugalia, Maroku, Argjentina, Uruguaji dhe Paraguaji. Ndërkaq, FIFA po shqyrton mundësinë e zgjerimit të mëtejshëm të Kombëtareve pjesëmarrëse nga 48 aktulisht në 64./Sport Ekspres/

“Arbitrimi në finale nuk ishte i padrejtë. Humbëm sepse ata ishin më të mirë dhe ne duhet ta dimë këtë. Ndoshta arritëm me burime të kufizuara, ky është realiteti. Ka momente kur është mirë t’i pranosh këto gjëra. Kjo do të na bëjë më të mirë. A është skuadra e bashkuar? Jo, nuk mund ta besoj se për çfarë po më pyesni”, ka deklaruar Lionel Skaloni./Sport Ekspres/

Por ajo që argjentinasit u përpoqën ta fshihnin ishte një detaj që ndodhi në dhomën e tyre të zhveshjes pasi mbaroi ndeshja. Mediat argjentinase zbuluan se kishte pasur një kaos të vërtetë në dhomën e zhveshjes së Gauços pas ndeshjes dhe se atë e krijoi Lautaro Martinez. Thuhet se sulmuesi i Interit ishte i tërbuar që Lionel Scaloni nuk i dha një shans në finale dhe se nuk luajti as një minutë pasi i udhëhoqi Gauçot në finale me golin e tij në gjysmëfinale. Lautaro ishte i sigurt se do të luante në finale, por Scaloni nuk i dha asnjë shans për 120 minuta, gjë që e zemëroi jashtëzakonisht sulmuesin dhe dyshohet se shkaktoi kaos në dhomën e zhveshjes. /Sport Ekspres/

“Dhimbja më e thellë vjen nga pamundësia për ta sjellë trofeun e Kupës së Botës përsëri në vendin tonë, sepse nëse dikush e meritonte ta përjetonte përsëri atë ndjenjë, ai/ajo ishe ti. Por, ndërsa orët kalojnë, po e kuptoj se lidhja që ndani me këtë ekip shkon shumë përtej vetë trofeut dhe kjo është ajo që po mbaj për të kaluar këtë moment.

Sot, shikoj se sa shumë njerëz e prisnin këtë dështim, duke përhapur teori konspirative të pabaza gjatë gjithë turneut vetëm për të qetësuar dhimbjen e mospërjetimit të asaj që ne argjentinasit po përjetonim, sepse buzëqeshjet tona i shqetësojnë, sepse mënyra se si ne jemi i bëjnë të ndihen keq… Por kjo vetëm sa riafirmoi se pasioni dhe dashuria për fanellën tonë mund të kapërcejnë çdo gjë. Do të dhembë për një kohë të gjatë, por sot, më shumë se kurrë, jam krenar që jam argjentinas”, ka deklaruar Rodrigo De Poli./Sport Ekspres/

Paredes ishte ndëshkuar fillimisht me karton të kuq gjatë finales me Spanjën, por pas shqyrtimit të rastit, vendimi u anulua. Pas kësaj, mbetën dilema nëse Komisioni Disiplinor i FIFA-s do të hapte një procedurë të veçantë ndaj futbollistit për incidentin në fjalë.

Megjithatë, organizata më e madhe e futbollit në botë ka sqaruar përfundimisht situatën. FIFA konfirmoi se nuk do të ketë asnjë veprim disiplinor ndaj mesfushorit argjentinas, duke mbyllur kështu çdo diskutim rreth çështjes. /Sport Ekspres/

Sizmologët pranuan se në të gjithë territorin e Spanjës pati lëkundje, të cilat erdhën si pasojë e festimit të njëkohësishëm të miliona qytetarëve që ishin mbledhur për të shijuar emocionet e finales së Kupës së Botës. Gjithashtu lëkundje pati edhe në momentin e golit të anulluar të Niko Uilliamsit./Sport Ekspres/

“Dhimbja është e madhe dhe kësaj plage do t’i duhet pak kohë që të shërohet. Por gjithashtu duhet të mbështetem te gjithë e mira… Te ndeshjet që përmbysëm, duke dhënë gjithçka, të cilat do të mbeten përgjithmonë në kujtesën tonë. Te mbështetna e një shteti të tërë, që së bashku me punën dhe përpjekjen e këtij grupi, na udhëhoqi të ishim edhe një herë tjetër mes më të mirëve të botës. Sot është e vështirë ta vlerësosh atë çfarë bëmë, por ky grup arriti dy herë radhazi në finalen e Kupës së Botës.

Ju falenderoj shumë nga thellësia e zemrës për çdo përshëndetje dhe për çdo mesazh. Edhe një herë, ia dolëm të bashkonim një komb dhe të ishim të gjithë bashkë, duke ndarë krenarinë e pamasë të të qenurit argjentinas. Gjithashtu dua të përgëzoj Spanjën për fitimin e kampionatit”, ka shkruajtur Lionel Mesi./Sport Ekspres/

“Mos flisni shumë. Keni gjithë javën që qaheni. Ti dhe Laporte, që të dy ju. Gjithë javën jeni ankuar për arbitrat”, zbulohet t’i ketë thënë Nikolas Otamendi Rodrit./Sport Ekspres/

“Mendoj se ndeshja duhej të ishte vendosur shumë më herët. Pritjet e Dibu-së na penguan të fitonim më shpejt. Duhet të kishim marrë epërsinë më herët, por është një finale e Kupës së Botës dhe duhet të vuash edhe kundër dhjetë lojtarëve, dhe ne jemi të përgatitur për çdo gjë.

Pas ndeshjes, disa lojtarë më pyetën se çfarë na ka mbetur ende për të fituar. Dhe unë u thashë, ndeshja në shtator. Kemi ende shumë për të fituar”, ka deklaruar Luis De La Fuente./Sport Ekspres/

Pak sekonda pas përfundimit të lojës, fusha u shndërrua në arenë dyluftinesh. Paredesi nuk i kontrolloi dot nervat e tij. duke u përplasur fizikisht me kundërshtarët. Fillmishit hodhi për tokë Erik Garsian, të cilin e kapi më pas prej fyti sapo u ngrit sërish në këmbë. E si për të mos u mjaftuar me kaq, Paredesi gjithashtu hodhi në tokë edhe Gavin. Një shpërthim emocional krejtësisht i panevojshëm që nuk i shkon aspak për shtat një finaleje të Kupës së Botës./Sport Ekspres/

Dalja me karton të kuq e Enzo Fernandezit në minutën e 93-të e lehtësoi edhe më tepër punën për kampionët e Europës. Koha e rregullt përfundoi 0-0, por me një lojtar më pak Argjentina e kishte mjaft të vështirë të mbante portën e paprekur në kohën shtesë. Ferran Torresi tundi rrjetën në minutën e 106, duke vulosur fitoren për ekipin e tij. Ky gol ndezi më në fund Argjentinën, e cila rrezikoi disa herë portën spanjolle. Megjithatë topi nuk hyri në rrjetë dhe në fund rezultati shkoi në favor të Spanjës. Kështu ekipi i De La Fuentes u kurorëzua kampione e re e Botës, duke vazhduar ciklin e nisur në Euro 2024. Tashmë duket se jemi sërish në epokën e dominimit spanjoll./Sport Ekspres/

“Kam dy fëmijë spanjollë. Kjo është arsyeja pse mbështes Spanjën. Por jam gjithashtu një mikeshë e Mesit dhe jam jashtëzakonisht krenare për arritjet e tij.

Është e mahnitshme që, pavarësisht se është 39 vjeç, ai luan si një djalë 18-vjeçar, duke shënuar kaq shumë gola ndërsa konkurron me atletë në të njëzetat e tyre. Ambicia, vendosmëria dhe arritjet e Mesit më bëjnë shumë përshtypje”, ka thënë Shakira./Sport Ekspres/

“Mendoj se kjo ndeshje nuk duhej të zhvillohej, ashtu siç nuk kishte ndeshje për vendin e tretë në EURO.  Synimet e mia personale? Shpresoj të kem një sezon vërtetë të jashtëzakonshëm, të pushoj shumë për t’u rikthyer më i fortë, të zhvilloj një sezon më të mirë se i mëparshmi dhe ta ndihmoj FC Barcelonën në maksimum”, ka deklaruar Zhyl Kunde./Sport Ekspres/

Gjithashtu, një detaj tjetër “zhveshi” realitetin e ekipit francez dhe tregoi se Didier Deschamps e kishte mbaruar kohën e tij në stolin e këtij ekipi. Gjatë pushimit për dehidratim, ai u përpoq t’i thoshte Rayan Cherkit se duhej të bëhej serioz dhe të përmirësonte lojën e tij, por mesfushori nuk donte ta dëgjonte fare dhe thjesht i bëri me dorë dhe kaloi pranë. Kamera e kapi atë dhe ky detaj u bë një nga temat kryesore të publikut në Francë, të cilët u neveritën nga ajo që ndodhi. /Elio Hajdari-Sport Ekspres/

Didier Deschamps qui embrouille QUE Cherki alors que c’est tout le monde !!!! #FRAANG
#CDM #WORLDCUP #EDF pic.twitter.com/yahNFbSas8

— CoffeeMoon ? (@AkaHypocrisie) July 18, 2026

“Janë dy standarte, që i ka parë i madh dhe i vogël, që FIFA do të ndihmojë Argjentinën dhe se kush arsyeja unë nuk e di. Po të jap një rast konkret, ajo goditja me krahë, me bërryl e Fernandez është e qëllimshme, në drejtim të qafës. Qafa është shumë delikate more, qafa të lë të paralizuar. Domethenë është shumë e çuditshme, ai ia këput nga qafa dhe arbitri nuk i jep as karton të verdhë, ai rast aty është për karton të kuq, ai nuk jep as të verdhë.

Nuk e do topin fare lojtari i Argjentinës, nuk ka interes për topin, godet direkt në qafë, pas qafe. është dëmtim dhe rrezik paralizimi i një njeriu. Nëse ti e bën rrugë atë karshi një njeriu, të arreston policia se quhet dëmtim fizik ndaj personit, ai nuk jep as karton të verdhë. Argjentina është gjykuar gjithmonë nga arbitra që lënë lojën e fortë, në të gjitha rastet dhe kështu favorizojnë Argjentinën nga FIFA pasi kjo i shkon në favor atyre, luajnë pisët dhe jo si në Europë që janë mësuar me rregulla, si në rastin e Anglisë dhe Zvicrës”, tha Rraklli. /Sport Ekspres/