Ndërkohë, Harri Meguajeri ka reaguar për mospjesëmarrjen në Kupën e Botës. Mbrojtësi i Mançester Junajtedit ka deklaruar se kishte bindjen se do të përfaqësonte vendin e tij këtë verë, por verdikti i Tuhelit e ka lënë të shkatërruar.

“Isha i bindur se mund të luaja një rol të rëndësishëm këtë verë për vendin tim pas sezonit që kam pasur. Jam shokuar dhe i shkatërruar nga vendimi.

Nuk kam dashur asgjë më shumë sesa të vesh atë fanellë dhe të përfaqësoj vendin tim përgjatë viteve. U uroj lojtarëve gjithë të mirat këtë verë”, ka deklaruar Harri Meguajeri./Sport Ekspres/

Presidenti amerikan Donald Trump tani ka shprehur publikisht pakënaqësinë e tij, i cili pranoi në një intervistë me New York Post se ai vetë nuk do të kishte shpenzuar kaq shumë para për të parë drejtpërdrejt ndeshjet e Kupës së Botës. Trump u habit kur mësoi se biletat më të lira për disa ndeshje të fazës së grupeve ishin mbi 1,000 dollarë.

“Nuk e dija që çmimet ishin kaq të larta. Sinqerisht, as unë nuk do ta paguaja këtë çmim,” tha Trump.
Sipas të dhënave nga platforma StubHub, bileta më e lirë për ndeshjen midis SHBA-së dhe Paraguait në stadiumin SoFi në Los Angeles kushton më shumë se 1,050 dollarë. /Sport Ekspres/

Pati një qetësi që zgjati disa ditë, dhe së fundmi Presidenti i FIFA-s, Gianni Infantino, foli për gjithçka. Konkretisht, Infantino tha qartë se Irani po vjen në Kupën e Botës.

“Irani po vjen, me siguri. Shpresojmë që situata të jetë e qetë deri atëherë, gjë që do të ndihmonte patjetër. Po, sigurisht që duhet të vijnë. Ata përfaqësojnë popullin e tyre. Ata u kualifikuan. Lojtarët duan të luajnë”, tha Infantino.

Ende nuk ka një vendim zyrtar nga Irani, por tani ata kanë pësuar një tjetër goditje të rëndë. Kjo vjen për shkak se Angola dhe Maqedonia e Veriut anuluan ndeshjet miqësore që kishin planifikuar me ta. /Elio Hajdari-Sport Ekspres/

FIFA ka vënë në dispozicion një platformë për rishitjen e biletave dhe personat që zotërojnë një të tillë po përpiqen të përfitojnë sa më shumë të jetë e mundur. Çmimi më i lartë kap shifrën e 2.3 milionë dollarëve dhe i përket finales së Kupës së Botës. Ndërsa çmimi më i ulët për një biletë në finale është rreth 10900 dollarë.

Ndërkohë FIFA merr përqindjen e vetë të fitimit, 15% të vlerës nga blerësi dhe 15% të vlerës nga ai që e rishet. Pra në rast se bileta prej 2.3 milionë dollarësh do të shitej me sukses, atëherë FIFA do të përfitonte 690 mijë dollarë./Sport Ekspres/

“Samu Kosta, një ditë para lojës, më çon mesazh. Më dërgoi një foto. Ishte në Meksikë për të bërë një ndeshje miqësore. Me Zhoao Feliskin, me Ruben Neveshin, duke parë Kosovën. Duke parë ndeshjen e Kosovës. Antionio Sançezi me dërgoi foto nga shtëpia me fanellën e Kosovës, duke u bërë gati për të parë lojën e Kosovës në finale. Me Mohikën unë kan qenë bashkë me të për 2 vite. Ai e ka parë se sa e kam dashur unë të kualifikoheshim. Kur u ktheva, dështuam. Ata e kanë parë që isha totalisht i rënë me moral”, është shprehur Vedat Muriqi./Sport Ekspres/

“La Repubblica” ka zbuluar prapaskenat që kanë ndodhur në kampin italian. Sipas medias në fjalë, lojtarët e grumbulluar kanë kërkuar 300 mijë euro bonus për t’u kualifikuar në Botëror. Një shifër që përkthehet ndryshe në 10 mijë euro shpërblim për secilin.

Megjithatë, trajneri Gatuzo e ka konsideruat si të pavend kërkesën e futbollistëve. Ai u ka kërkuar këtyre të fundit që të kryenin detyrën në fushën e lojës dhe të mos dorëzonin kërkesë zyrtare në Federatë. Gatuza u ka komunikuar lojtarëve se pasi të ndodhte kualifikimi, atëherë mund të diskutonin në lidhje me këtë çështje./Sport Ekspres/

Ndërkohë në kompeticionin më të lakmuar të globit do të marrë pjesë edhe Suedia. E pikërisht këtu qendron edhe paradoksi i madh i rregullave të UEFA-s dhe FIFA-s. Nëse për Italinë 18 pikë nuk mundën t’i siguronin kualifikimin për në Kupën e Botës, Suedisë i kanë mjaftuar vetëm 2 pikë. Verdheblutë e përfunduan grupi në vendin e fundit, teksa u mposhtën dy herë edhe nga Kosova në ballafaqimet e tyre të drejtpërdrejta, por prekën fazën “play off” falë Ligës së Kombeve. Në fund, as Kosova e renditur e dyta dhe me një bilanc dukshëm më superior se sa nordikët e as Italia nuk do të jenë në Amerikë në muajin qershor, por Suedi do të ketë fatin të jetë mes më të mirëve të globit në turneun më të rëndësishëm të futbollit./Sport Ekspres/

“Mbrëmë, pas ndeshjes, qava. Qava për shkak të zhgënjimit që nuk munda ta çoja Italinë aty ku e meriton të jetë. Qava për shkak të trishtimit të madh që po ndiej, së bashku me të gjithë ekipin “axurr”, për të cilin jam krenar që jam kapiten, dhe e di që tani, edhe ju, tifozët e ekipit tonë kombëtar, po e ndjeni gjithashtu.

Fjalët janë pak të dobishme tani, është e vërtetë. Por ndiej një gjë fort brenda dhe dua ta ndaj me ju. Pas një zhgënjimi kaq të madh, duhet të gjejmë guximin për të kthyer faqen, edhe një herë. Dhe për ta bërë këtë kërkon shumë forcë, pasion dhe bindje. Gjithmonë duke besuar. Kjo është forca lëvizëse pas ecjes përpara. Sepse jeta i shpërblen ata që japin gjithçka, pa u ngurruar. Dhe këtu duhet t’ja nisim përsëri. Së bashku. Edhe një herë. Për ta sjellë Italinë përsëri aty ku e meriton të jetë”, ka shkruajtur Xhanluixhi Donaruma./Sport Ekspres/

Me mijëra tifozë kanë festuar në rrugët e Sarajevës pas përfundimit të finales së “play off”-it. Ata kanë nderuar dhe duartrokitur lojtarët e Kombëtares së tyre në shenjë respekti për suksesin historik që u arrit përballë Italisë. Sigurisht që nuk mund të mungonin koret për Edin Xhekon. Mijëra zëra kanë thirrur njëkohësisht emrin e kapitenit të tyre, i cili në moshën 40-vjeçare do të udhëheqë kombin e tij në Kupën e Botës 2026 në Amerikën e Veriut./Sport Ekspres/

??? Bosna Hersek, 40 ya??ndaki Edin Dzeko liderli?inde Dünya Kupas?’na gidiyor!

pic.twitter.com/7RZW54ouEN

— fenertalks (@fenertalks) April 1, 2026

Kini kaloi në epërsi të kaltrit që në minutën e 15, por më pas loja mori një rrjedhë tjetër për Italinë. Bastoni u ndëshkua me karton të kuq në minutën e 41-të, duke lënë kështu ekipin me një lojtar më pak në një ndeshje kaq të rëndësishme. Bosnja arriti ta shfrytëzonte me sukses epërsinë numerike dhe barazoi shifrat me anë të TabKoviçit në minutën e 79. Ndeshja më pas shkoi në shtesa, ku rezultati mbeti po i njëjtë. Fituesi u vendos nga ruleta e penallive, ku boshnjakët u treguan më të saktë dhe siguruan kualifikimin në Kupën e Botës 2026./Sport Ekspres/

“Dardanët” u përpoqën të ndryshonin fatin e këtij takimi, por nuk ia dolën dot ta dërgonin topin në rrjetë. Falë kësaj fitoreje, Turqia ka siguruar kualifikimin në Kupës së Botës pas plot 24 viteve./Sport Ekspres/

“Kemi lojtarë shumë të mirë në ekip. Besoj që fitorja na ka dhënë shumë besim. Kështu që të martën kundër Turqisë shpresoj që do të bëjmë një lojë shumë të mirë. Do t’i marrim të gjithë tifozët pranë vetes. Shpresoj që të fitojmë lojën dhe të shkojmë në Kupën e Botës. Në fund shihet se çfarë bëhet në fushë. Ata mund të jenë favoritë sa të duan. Favoritë ishin edhe Sllovakia e Suedia. Ne kemi për të kryer punën tonë. Do të japim maksimumin në fushë dhe më pas do ta shohim pas lojës”, ka deklaruar Fisnik Asllani./Sport Ekspres/

“Jemi gati për ndeshjen dhe besoj se do të jetë një ditë e bukur në Prishtinë. Do të japim gjithçka për të marrë këtë fitore. Deri në momentin e fundit nuk ka përfunduar asgjë dhe ja ku jemi tani. Tani gjithçka varet nga ne. Mendoj që e kemi merituar të jemi deri këtu dhe do të japim maksimumin për ta merituar fitoren. Sa i përket tifozëve, mbështetja e tyre ka qenë e jashtëzakonshme. Kanë qenë gjithmonë pranë nesh dhe na kanë dhënë forcë në çdo moment. Jemi shumë mirënjohës për këtë dhe shpresoj t’i bëjmë krenarë duke dhënë gjithçka në fushë”, ka thënë Arijanet Muriçi./Sport Ekspres/

“Vedat Muriqi donte të luante për Kombëtaren tonë. Në atë kohë, trajner ishte Fatih Terimi. Në fakt, shumica e dokumentacionit u kompletua ndërkohë që ai ishte te Giresunspori. Por nuk u realizua për shkak të disa detajeve të vogla. Tani fati ka luajtur lojën e tij. Muriqi do të luajë kundër Kombëtares së Turqisë për t’u kualifikuar në Kupën e Botës”, ka thënë Haldun Domac./Sport Ekspres/

Sulmuesi i Barcelonës ka treguar nivelin e tij të lartë të përulësisë. Teksa po përshëndetej me shokët e ekipit, Levandovski nuk ngurroi të afrohej te lojtarët e Shqipërisë. Futbollisti polak shkoi të takonte dhe t’i ngrinte sado pak moralin lojtarëve kuqezinj, të cilët gjendeshin të ulur në fushë me trishtimin që u dallohej lehtësisht në fytyrë./Sport Ekspres/

Robert Lewandowski dzi?kuj? kolegom i pociesza Alba?czyków. Kapitan ???? pic.twitter.com/9xZrBWGh58

— Dominik Wardzichowski (@dwardzich22) March 26, 2026

“Do të doja ta kisha fituar këtë ndeshje 2-0, por pozitive është se i përmbysëm gjërat. Luajtëm pak me zjarrin në pjesën e dytë, sepse mendoj se u hapëm shumë, por e dinim që ishim një ekip më i mirë dhe ishte e vështirë për ne të pranonim faktin që po humbisnim 1-0.

Patjetër që prisnim të dilnim agresivë kundër Shqipërisë. E bëmë, ndoshta jo tërësisht me kokën lart. Rezultati ishte siç ishte planifikuar, por mendoj se nëse do të kishim luajtur pak më qetë, do të kishim shënuar gjithashtu. Doli ashtu siç ndodhi. Jemi të lumtur. Kjo është arsyeja pse jam në portë dhe është puna ime të pres ato gjuajtje. Jam i lumtur që në fund bëri diferencën dhe unë ndihmova vërtetë. Nëse eliminojmë gabimet individuale të panevojshme, jam optimist dhe i bindur se do të fitojmë në Stokholm”, ka thënë Kamil Grabara./Sport Ekspres/

“Ndonjëherë duhet të marrësh vendime teknike. Muçi humbi disa ndeshje nga dëmtimet. Mehmeti u kthye në Kombëtare pas shumë kohësh. Kështu që i kemi besuar lojtarëve që bënë një ndeshje shumë të mirë kundër Anglisë në shtëpi. Kjo mendoj se është 11-shja më e mirë. Nuk do të ndryshojmë. Mënyra se si do t’i qasemi ndeshjes do të jetë e njëjtë. Të jemi të kujdesshëm në mbrojtje. Por gjithashtu do të jemi agresivë dhe të provojmë ta çojmë topin në zonën kundërshtare.

Manaj është një mungesë e madhe. Ka qenë sulmuesi ynë kryesor. Ai është shumë i mirë për të mbajtur topin dhe i jep mundësinë ekipit të shkojë përpara. Gjithashtu edhe për personalitetin e tij. Por ne kemi lojtarë të tjerë dhe kemi nevojë të besojmë për këtë ndeshje.

Kemi menduar edhe për penalltitë. I kemi praktituar. Të gjithë 23 lojtarët kanë kryer penallti në stërvitje, për të parë se sa të sigurt janë. Ndonjëherë në stërvitje nuk është njësoj si në stadium. Këtu jemi përpara 60 mijë njerëzve. Por shpresojmë të mos shkojmë drejt penalltive dhe ta fitojmë ndeshjen brenda 90 minutave”, ka thënë Pablo Zabaleta./Sport Ekspres/

Trajneri i dardanëve ka vendosur që të hedhë nga minuta e parë Muriqin dhe Asllanin në qendër të sulmit. Ndërkaq mesfusha do të përbëhet nga Rexhbeçaj dhe Hoxha në qendër, si dhe Vojvoda e Muslija respektivisht në krahun e djathtë dhe të majtë. Sa i përket mbrojtjes, Dellova dhe Gallapeni do të mbulojnë krahët, ndërsa Hajdari dhe Hajrizi do të pozicionohen në qendër. Porta i është besuar Arijanet Muriqit.

Ndërkohë, Zhegrova do ta ndjekë ndeshjen nga stoli. Lojtari i Juventusit nuk ka pasur minuta në këmbë me klubin bardhezi, duke ndikuar kështu edhe në zgjedhjet e trajnerit Foda te Kosova./Sport Ekspres/

“Ata fituan ndeshjen e Ligës së Kombeve kundër Ukrainës, si dhe një ndeshje të rëndësishme dhe mjaft prestigjoze kundër Serbisë. Sipas mendimit tim, ata performuan shkëlqyeshëm në Kampionatin Europian. Humbën 0-1 ndaj Spanjës, 1-2 ndaj Italisë dhe barazuan 2-2 me Kroacinë. Kjo dëshmon se është një ekip i aftë që të shkaktojë surpriza. Shpresoj që të mos e bëjë nesër.

Kjo është ndeshja më e rëndësishme e jetës sime. Pres një ndeshje mjaft të hapur. Edhe pse Shqipëria është një ekip i përqendruar në mbrojtje, ata janë të vetëdijshëm se këtu duhet të mbarojë loja. Na kanë krijuar shumë probleme në çdo ndeshje. Është një skuadër me formacion të qendrueshëm, pasi ka punuar me të njëjtin trajner për 3 vite. Janë shumë të organizuar dhe po përpiqen të maksimizojnë pikat e tyre të forta. Do të doja që ne ta kontrollonim ndeshjen, por nuk e dimë se si do të sillet skuadra shqiptare. Do të përpiqemi të luajmë në një mënyrë që i bën ata të sillen ashtu siç duam ne. A do ta arrijmë këtë? Do ta zbulojmë nesër”, ka deklaruar Jan Urbani./Sport Ekspres/

“Nuk do të jetë e lehtë. Janë një ekip që mbrohen shumë mirë dhe pësojnë pak gola. Çelësi do të jetë gjetja e një mënyre për të thyer mbrojtjen e tyre. Ne kemi një plan, por mbetet për t’u parë. Ka gjithmonë presion, nuk mund t’i shpëtosh dot. Mendoj se secili lojtar në Kombëtare ka luajtur tashmë në ndeshje të një rëndësie të caktuar. Secili mund ta përballojë presionin individualisht. Gjithashtu, ne do të jemi gati mendërisht. Të gjithë e dinë se nuk do të jetë e lehtë. Ndeshjet e fundit kundër Shqipërisë e kanë treguar këtë. Ata gjithmonë na kanë shkatuar probleme, por ne shpesh ia kemi dalë që të gjejmë një rrugë kundër tyre”, ka thënë Jakub Moderi./Sport Ekspres/

“Shqipëria është gjithmonë një kundërshtar i vështirë, por ne do të luajmë në shtëpi. Shpresoj që ta kontrollojmë lojën, të vendosim ritmin tonë dhe të mos i lënë ata të shkojnë përpara. E respektojmë Shqipërinë. Ndeshjet në transfertë me ta kanë qenë gjithmonë shumë të vështira, por as ato në shtëpi nuk kanë qenë të lehta gjithashtu. Madje, edhe kur rezultati ishte në favorin tonë. Kjo është finalja e parë. Nuk ka vend për gabime. Plani kundër Shqipërisë? Të shënojmë më shumë se ata. Kaq mjafton”, ka deklaruar Robert Levandovski./Sport Ekspres/

“Tani do të luajmë kundër Shqipërisë plot vetëbesim, por më vjen keq, në raundin kualifikues për EURO-n e fundit, Shqipëria fitoi grupin kundër nesh dhe gjithashtu kundër Republikës Çeke. Shqipëria thjesht luan futboll të mirë dhe nëse dikush nuk e sheh këtë, nuk është faji im.

E di se për çfarë niveli janë të aftë. I mbaj mend duke luajtur kundër Italisë, Kroacisë dhe Spanjës në Kampionatin Europian dhe si arritën ta mposhtnin Ukrainën në Ligën e Kombeve. Kjo skuadër ka stabilitet, një trajner të mençur që ka qenë në krye për tre vjet dhe ata dinë si të luajnë.

Shqiptarët luajnë në klube të mira dhe shfaqin një stil loje italiane, duke huazuar shumë nga idetë e tyre nga ai rajon. Ata nuk e humbasin topin lehtë dhe kur janë nën presion, nuk kalojnë në panik. Janë një ekip teknikisht i shëndoshë, i aftë të thyejë presionin dhe pësojnë pak gola. Theksi është te mbrojtja, prandaj nuk shënojnë shumë gola. Kështu duan të luajnë dhe kjo u ka sjellë rezultatet që meritojnë”, ka deklaruar Jan Urbani./Sport Ekspres/

“Tani do të luajmë kundër Shqipërisë plot vetëbesim, por më vjen keq, në raundin kualifikues për EURO-n e fundit, Shqipëria fitoi grupin kundër nesh dhe gjithashtu kundër Republikës Çeke. Shqipëria thjesht luan futboll të mirë dhe nëse dikush nuk e sheh këtë, nuk është faji im.

E di se për çfarë niveli janë të aftë. I mbaj mend duke luajtur kundër Italisë, Kroacisë dhe Spanjës në Kampionatin Europian dhe si arritën ta mposhtnin Ukrainën në Ligën e Kombeve. Kjo skuadër ka stabilitet, një trajner të mençur që ka qenë në krye për tre vjet dhe ata dinë si të luajnë.

Shqiptarët luajnë në klube të mira dhe shfaqin një stil loje italiane, duke huazuar shumë nga idetë e tyre nga ai rajon. Ata nuk e humbasin topin lehtë dhe kur janë nën presion, nuk kalojnë në panik. Janë një ekip teknikisht i shëndoshë, i aftë të thyejë presionin dhe pësojnë pak gola. Theksi është te mbrojtja, prandaj nuk shënojnë shumë gola. Kështu duan të luajnë dhe kjo u ka sjellë rezultatet që meritojnë”, ka deklaruar Jan Urbani./Sport Ekspres/

Valukeviçi ka qenë prej kohësh nën vëzhgim nga trajneri Jan Urban, i cili madje e ka telefonuar që në vjeshtën që lamë pas. Por, siç tregon Magiera, lojtari nuk i ka hapur telefonin. Për më tepër, ende nuk ka telefonuar mbrapsht. Sjellja e tij nuk është pranuar nga stafi i Kombëtares polake, që tashmë ka zgjedhur ta lërë jashtë listës për ndeshjet ‘play off’.

“Nuk na e hapi telefonin në vjeshtë dhe nuk na ka telefonuar mbrapsht që atëherë. Kështu që kjo nuk është më një çështje për ne”, ka treguar Jacek Magiera./Sport Ekspres/

“Nuk mund të fusësh në një ndeshje kaq vendimtare një djalë që ka pësuar 56 gola në Bundesligë këtë sezon. Ai nuk ka mesataren më të mirë dhe nuk duket siç e portretizojnë gjithmonë. Nësep ret 17 nga 20 gjuajtje në një ndeshje, por bën 2 gabime, atëherë kjo është një performancë e dobët për mua. Kur bëhet fjalë për portierët, nuk i shoh statistikat”, ka deklaruar Tomaz Hajto./Sport Ekspres/

“Këto ftesa janë shumë të arsyeshme, por për fat të keq janë të varfëra. Aktualisht, potenciali i ekipit kombëtare polak është më i dobët se mesatarja. Këto janë qartësisht ftesa të orientuara drejt detyrave tani për tani. Prandaj Grosiçki dhe Berezinski janë aty. Përndryshe, duke pasur parasysh performancën e tyre aktuale, ftesa të tilla nuk duhet të bëheshin”, ka thënë Marek Kozminski./Sport Ekspres/

Ndërkohë pjesa e tjetër përbëhet nga emra që luajnë në kampionate të forta në kontinentin e vjetër, por me skuadra që nuk trembin me emrin e tij. Niveli nuk është aspak superior në krahasim me lojtarët e Kombëtares shqiptare, çka i rrit së tepërmi shpresat e kuqezinjve për një kualifikim të mundshëm./Sport Ekspres/

Lista e Kombëtares së Polonisë

Portierë:

Dragovski (Vidzev Lodz), Grabara (Volfsburg), Koçalski (Karabak), Mrozek

Mbrojtës:

Bednarek (Porto), Berezinski (Palermo), Kesh (Aston Vila), Kedziora (PAOK), Kivior (Porto), Pirka (St. Pauli), Visnievski (La Specia), Zilkovski (Roma)

Mesfushorë:

Grosiçki (Pogon Zencin), Kaminski (Këln), Moder (Fejnord), Pjotuzevski (Porto), Rozga (Sturm Grac), Skorash (Skoras), Sliz (Brondbi), Zimanski (Fenerbahçe), Zalevski (Atalanta), Zielinski (Inter)

Sulmues:

Levandovski (Barcelona), Pjontek (Al Duhail), Zviderski (Panathinajkos)

Irani duhej të luante të tre ndeshjet në SHBA. Dy ndeshje, kundër Zelandës së Re dhe Belgjikës, janë planifikuar në Los Angeles, dhe një duel kundër Egjiptit në Seattle. Iranianët kërkuan që ndeshjet e tyre të zhvendoseshin në Meksikë. FIFA e hodhi poshtë kërkesën për shkak të ndërlikimeve të një ndryshimi të papritur të vendndodhjes, por vendimi nuk është përfundimtar.

Gjithçka do të jetë e qartë më 30 prill në Kongresin e FIFA-s në Vancouver dhe duhet theksuar se Meksika është gati të marrë përsipër organizimin e ndeshjeve të kësaj Kombëtare. Presidentja e shtetit Claudia Sheinbaum dha një përgjigje të prerë kur u pyet nëse Meksika ishte gati të priste iranianët: “Po, është.” /Elio Hajdari-Sport Ekspres/

“Trajnerët e klubeve kanë thënë kohët e fundit se dikush nuk duhet të thirret në ekipin kombëtar. O njerëz, kapërceni veten. Ky është ekipi kombëtar polak. Disa njerëz harrojnë se së shpejti mund të bëhen trajnerë të ekipeve kombëtare dhe i shohin gjërat krejtësisht ndryshe.

Si suedezët ashtu edhe ukrainasit janë brenda mundësive tona, por së pari duhet të merremi me Shqipërinë. Nuk mund të dorëzohemi, duhet të jemi të përgatitur për të luftuar. Besoj se gjithçka do të shkojë mirë “, ka thënë Roman Kosecki./Sport Ekspres/

“Hej Ançeloti, po unë? Është publikuar lista e lojtarëve të Kombëtares. Nuk isha i grumbulluar. Jam i mërzitur, kjo dallohet. Por unë gjithmonë do të mbështes ekipin kombëtar”, ka thënë Nejmari./Sport Ekspres/

“Hey Ancelotti… what about me?” ?

Neymar’s ???????? to Brazil final list exclusion ???

? @Neymarjr YT channel pic.twitter.com/e15stdQoxR

— Fabrizio Romano (@FabrizioRomano) March 18, 2026

Ndërkohë, Poteri ka përzgjedhur edhe një lojtar shqiptar. Bëhet fjalë për Besfort Zenelin, vëllain e Arbër Zenelit. Kujtojmë se Suedia është një prej kundërshtarëve të mundshëm të Shqipërisë. Në rast se kuqezinjtë do të kalojnë me sukses testin e parë me Poloninë, atëherë do të përballen me fituesin e çiftit Ukrainë-Suedi./Sport Ekspres/

VM-playoff väntar – här är truppen ?? pic.twitter.com/nvwa5bE9wm

— Svensk Fotboll (@svenskfotboll) March 18, 2026

Agjenti Daniel Kanievski konfirmoi në një intervistë për “goal.pl” se portieri polak nuk do të mund të jetë pjesë e grumbullimit të marsit të ekipit kombëtar. Ai ka theksuar se dëmtime të kësaj natyre kërkojnë disa javë kohë për rekuperim./Sport Ekspres/

Zinchenko, Dovbyk, Batagov dhe Mykkhavko nuk do të jenë në dispozicion në këtë grumbullim për ekipin kombëtar të ukrainës. Lojtarët në fjalë janë të dëmtuar, duke lënë kështu një mungesë të madhe në skuadër. Ukraina do të luajë përballjen e parë “play off” më 26 mars kundër Suedisë. Në rast kualifikimi, atëherë do të përballet me fituesin e çiftit Poloni-Shqipëri./Sport Ekspres/

Lista e plotë e Kombëtares së Ukrainës:

Portierë:

Anatoliy Trubin (Benfica), Dmytro Riznyk (Shakhtar Donetsk), Ruslan Neshcheret (Dynamo Kyiv)

Mbrojtës:

Illia Zabarnyi (Paris Saint-Germain), Oleksandr Svatok (Austin), Valeriy Bondar, Yukhym Konoplya (të dy me Shakhtar Donetsk), Maksym Talovierov (Stoke City), Vitaliy Mykolenko (Everton), Oleksandr Tymchyk (Dynamo Kyiv), Bohdan Mykhailichenko, Borys Krushynskyi (të dy me Polissya Zhytomyr)

Mesfushorë:

Yehor Yarmoliuk (Brentford), Ivan Kaliuzhnyi (Metalist 1925 Kharkiv), Oleh Ochere?ko (Shakhtar Donetsk), Heorhiy Sudakov (Benfica), Ruslan Malinovskyi (Genoa), Mykola Shaparenko, Oleksandr Pikhalyonok, Nazar Voloshyn (të tre me Dynamo Kyiv), Oleksiy Hutsuliak (Polissya Zhytomyr), Viktor Tsyhankov (Girona), Oleksandr Zubkov (Trabzonspor)

Sulmues:

Vladyslav Vanat (Girona), Roman Yaremchuk (Lyon), Matviy Ponomarenko (Dynamo Kyiv).

Lista rezervë:

Yevhen Volynets, Serhiy Chobotenko, Eduard Sarapiy, Oleksandr Nazarenko, Ihor Krasnopir (të gjithë me Polissya Zhytomyr), Kostiantyn Vivcharenko, Volodymyr Brazhko (të dy me Dynamo Kyiv), Yehor Nazaryna (Shakhtar Donetsk), Oleksiy Sych (Karpaty Lviv).

Pjesën e lëndimeve duket se nuk do ta vuajë vetëm Shqipërië, por edhe skuadra kundërshtare. Adam Buksa nuk do të jetë në dispozicion të trajnerit të Polonisë për sfidën me kuqezinjtë. Sulmuesi polak është dëmtuar dhe lajmin e ka konfirmuar vetë klubi i tij, Udinezja./Sport Ekspres/

“Ndihem i lënduar, i trishtuar dhe shpirtin e kam copa. Përpiqem të gjej kuptimin e gjithë kësaj dhe pyes veten: ‘Përse’? Ka momente në jetë që janë të vështira për t’u kuptuar, sidomos nëse gjithmonë ke bërë gjënë e duhur dhe ke vepruar me mirëbesim. Me një zemër të rënduar, i falenderoj të gjithë për fjalët e mira dhe për lutjet e tyre”, ka shkruajtur Luis Angel Malagoni./Sport Ekspres/

“Ne kemi luajtur kundër Polonisë 3 vite më parë, por nuk mund të themi që është e njëjta skuadër. Mund të kenë disa lojtarë të njëjtë, poe janë në një moment tjetër dhe me një trajner të ri. Mënyra se si luajnë është tërësisht ndryshe. Duket sikur kanë më shumë vetëbesim. Këtë javë kemi parë 5-6 ndeshje të tyre me trajneri e ri dhe do të jetë shumë e vështirë.

Sigurisht, duhet ta respektojmë Poloninë, pasi fakti që kemi fituar ndaj tyre herën e fundit në Shqipëri nuk do të thotë se do të jetë e njëjta gjë. Polonia është një skuadër që shkon përherë në këto faza, qoftë në “play off” apo duke u kualifikuar në Europian ose Botëror duke luajtue ndeshje të tilla. Pra e kanë përvojën e të qenurit në situata të tilla. Për Shqipërinë, për ne, është hera e parë, prandaj është shumë e rëndësishme që të besojmë se mund t’ja dalim. Sigurisht, mund të na mungojë përvoja e të përjetuarit të një situate të tillë më parë, por ajo që duhet të sjellim në këtë ndeshje është shpresa e të gjithë kombit. I njohin lojtarët tanë, cilësitë e tyre dhe e dimë që mund t’ja dalin. Kemi besim dhe jemi optimistë që do të vijmë në këtë ndeshje me qëllimin dhe energjinë e duhur për të luajtur kundër Polonisë dhe shpresojmë të kalojmë në fazën tjetër. Më pas kemi një ndeshje tjetër për të arritur qëllimin kryesor, që është shkuarja në Kampionatin Botëror, çka do të ishte diçka fantastike.

Kur e shoh skuadrën tonë duke luajtur, kur shoh lojtarët tanë dhe flas me ta, është hera e parë për këtë komb dhe për Kombëtaren që të arrijë në një ndeshje të tillë. Ata janë shumë krenarë për këtë dhe shumë entuziastë për këtë ndeshje, gjë që ne si staf teknik e shohim qartë. Lojtarët po e presin këtë moment. Kjo është diçka fantastike. Kemi shanse. E kemi vërtetuar më parë ndaj këtyre ekipeve se mund t’i mposhtim, sidomos sepse kjo është hera e parë. Është një shans i madh për Shqipërinë. Të gjithë presim të përjetojmë eksperiencën e pjesëmarrjes në Kupën e Botës në qershor. Por për këtë kemi ende dy hapa të tjerë. Kështu që le të marrim hapin e parë, më pas të dytin, dhe pastaj do të vijë momenti kur mund të festojmë të gjithë bashkë”, ka deklaruar Pablo Zabaleta./Sport Ekspres/

Pajisjet në fjalë do të përdoren në rast trazirash në stadium. Disa operatorë të specializuar do të kontrollojnë në distancë këta robotë, të cilët do të jenë të pajisur me altoparlantë dhe sisteme transmetimi videoje në kohë reale. Diçka e tillë i lejon forcat e rendit të mbajnë në vëzhgim situatat delikate në stadium./Sport Ekspres/

Megjithatë, kualifikimi për herë të parë në Botëror do të sillte me vete edhe sakrifica për tifozët shqiptarë. FIFA ka publikuar sot oraret e ndeshjeve dhe shqiptarët duhet të sakrifikojnë gjumin e mëngjesit për të parë ndeshjet e Kombëtares.

Përballja e parë, në rast kualifikimi në grupe, do të jetë në Monterrei përballë Tunizisë. Ndeshja luhet në orën 04:00 të mëngjesit me orarin tonë. Ndërkaq, sfida e radhës përballë Holandës do të zhvillohet në orën 19:00, ndërsa ajo ndaj Japonisë në orën 01:00 të mëngjesit. Po të njëjtin fat do të ketë edhe Kosova në rast kualifikimi. Sfidat kundër Australisë dhe Paraguajit do të luhen më 06:00, ndërsa ajo e fundit kundër SHBA-ve do të zhvillohet në orën 04:00./Sport Ekspres/

Ndërkohë fati nuk i ia buzëqeshur Halandit. Sulmuesi i Mançester Sitit është kualifikuar për herë të parë në një kompeticion madhor si Kupa e Botës, por e ka gjetur veten në njërin prej grupeve më të vështirë. Kundërshtarët e tii do të jenë Franca me Senegalin, si dhe fituesi i play off-it mes Bolivisë, Surinamit dhe Irakut.

Ndërkaq, fati është treguar më bujar me Kosovën. Në rast se do të kalojnë me sukses fazën “play off”, atëherë dardanët do të luajnë në një grup të një shkalle vështirësie jo të lartë. Kështu, në rast kualifikimi, Kosova do të luajë kundër SHBA-ve, Australisë dhe Paraguajit. Mbetet për t’u parë nëse shqiptarët do të arrijnë të përfaqësohen me të paktën një ekip në Kupën e Botës 2026./Sport Ekspres/