Vendasit u befasuan nga San Nicolas në minutën e 33, përpara se letonezi Zelenkovs të lëshonte një predhë nga distanca pak minuta më vonë. Pjesa e parë u mbyll në 1-1 dhe me fillimin e së dytës, Gutkvskis shënoi nga penalltia. Letonia do të gjente edhe golin e tretë që u anulua me Var për pozicon jashtë loje, ndërsa Oliveira në të 78, barazoi te Andorra duke marrë pikën e parë në grup. /Sport Ekspres/

Ndërkohë në stadium ishte edhe trajneri i Zvicrës që pa nga afër ndeshjen e zhvilluar nga Jashari. Deri tani, mesfushori kishte zhvilluar në total vetëm dy minuta në ndeshje zyrtare me Zvicrën, por do të jetë i ftuar në Kombëtare për dy ndeshjet e radhës dhe pritet që të jetë titullar kundër Kosovës dhe Sllovenisë.
Për fat të keq, Jashari do të përpiqet që të tregojë forcën e tij në ndeshjen ndaj shqiptarëve për të treguar se duhet të jetë pjesë e rëndësishme për Zvicrën. /Elio Hajdari-Sport Ekspres/

Weiper shënoi golin e parë të ndeshjes, ndërsa në minutën e 72 u aktivizua edhe Gruda. Gruda hyri me nervozitetin e performancave të dobëta me U-21, duke u ndëshkuar me karton të verdhë në minutën e 76.
Megjithatë ai arriti të shënonte golin e tretë të ndeshjes në minutat shtesë.

Kështu dy lojtarët, Weiper dhe Gruda, të cilët thanë se do të vinin te Shqipëria nëse nuk i merr Gjermania A, tani shënuan të dy në gjysmëfinale dhe janë pjesë e finales së madhe të Europianit. Llogjikisht nëse Gjermania fiton Europianin, në shtator, trajneri i ekipit A do të marrë 2-3 elemente nga grupi fitues i Gjermanisë U-21 dhe mes tyre rrezikojnë të ftohen ëeiper dhe Gruda, duke i djegur mundësinë Shqipërisë. /Sport Ekspres/

“E kam ndjerë emocionin deri tani në kampin stërvitor. Mendoj se krijuam një energji pozitive si fillim dhe jemi gati për ndeshjen nesër. Duhet të vërtetojmë se jemi gati, duhet t’i bëj njerëzit të besojnë tek unë dhe projekti im. Kjo është puna jonë dhe nuk do të ndalet. Është e mahnitshme, do të luajmë kundër Shqipërisë dhe kemi një Ëembley plotë, është shumë emocionuese. Jam pak nervoz, por është pjesë e emocionit.

Unë në fakt jam gjithmonë pak nervoz para ndeshjeve, nuk mund të ishte ndryshe as tani. Tani është momenti të bëjmë hapin e parë, duhet të tregojmë respekt për Shqipërinë, për cilësinë dhe futbollin e këtij kundërshtari, duhet të jemi gati për t’u përshtatur me lojën. Nuk jemi injorantë të themi se ne do të diktojmë lojën dhe të tjerët duhet të na përshtaten ne, jo, të gjithë do të përpiqen të gjejnë një zgjidhje kundër nesh dhe kjo është arsyeja se përse edhe ne duhet t’i përshtatemi të tjerëve”, tha Tuchel. /Elio Hajdari-Sport Ekspres/

Në fillim Serbia do të luajë kundër Austrisë në Vjenë dhe në Beograd, sa i përket play off në Ligën e Kombeve. Më pas ndeshja e parë e Serbisë në kualifikueset e Botërorit do të jetë kundër kuqezinjëve në transfertë. Serbia ka apeluar dënimin e UEFA-s duke kërkuar që të ketë tifozët në Tiranë dhe dënimi të kishte një ulje të ndëshkimit, megjithatë UEFA ka reaguar negativisht duke konfirmuar se serbët nuk do të udhëtojnë në Shqipëri. /Sport Ekspres/

“Është një kënaqësi e madhe të shohësh Granit Xhakën duke luajtur, ka qenë pjesë e niveleve të larta botërore për një vit e gjysmë. Është një super lider që luan me zemër për Kombëtaren e tij”, tha Milan Vilotic. /Elio Hajdari-Sport Ekspres/

Kjo pasi Rumania ndodhet në vendin e parë me 12 pikë, ndërsa Kosova vjen e dyta me 9 pikë. Në rast barazimi pikësh, është ndeshja direkte që vendoset në zbatim dhe dardanëve i duhet një fitore më e thellë se 0-3 për të lënë pas vetes Rumaninë dhe të mos varen nga rezultati i tyre në ndeshjen e fundit ndaj Qipros në shtëpi, ku fitorja është mision i lehtë.

Për shkak të kësaj arsye, por edhe të përplasjes së rumunëve me shqiptarët, interesimi është i frikshëm. Mediat rumune kanë raportuar se janë shitur 5000 bileta në vetëm 30 minuta për ndeshjen Rumani-Kosovë. Sipas tyre, stadiumi do të jetë i tejmbushur, teksa priten 40.000 tifozë në Bukuresht.

Rumunët kanë shpalosur në të kaluarën se Kosova është pjesë e Serbisë. Për t’i kthyer reston, tifozët shqiptarë kanë vërshëllyer himnin e Rumanisë në momentin kur këta të fundit kanë ardhur për të luajtur me Kosovën. E gjitha kjo i ka nxitur edhe më tepër rumunët për të qenë prezent në ndeshjen e radhës kundër dardanëve. E sigurt është që ekipin e Fodës e pret një ferr i vërtetë në transfertë, atje ku do të ketë me siguri shumë thirrje kundër shqiptarëve. /Sport Ekspres/

Pa shumë histori kaloi ndeshja e Xhakës në Serbi, përtej pritshmërive për të pasur konflikte të reja. Në fakt, që përpara nisjes së ndeshjes, u kuptua se situata do të ishte më paqësore. Trajneri i Serbisë e cilësoi Xhakën si një kampion të madh dhe prej lojtarëve më të mirë në Europë, ndërsa nuk fshehu as vlerësimet për Xherdan Shaqirin.

Në fundin e ndeshjes, Graniti i dha dorën lojtarëve të Serbisë dhe pati një takim të ngrohtë me trajnerin e Serbisë. Por çfarë ndodhi këtë herë? Duket se kjo çështje ishte zgjedhur që përpara nisjes së ndeshjes duke mos i lënë asgjë rastësisë. Një plan disi djallëzor i serbëve që i bën një trajtim ndryshe mesfushorit shqiptar.

Xhaka kishte disa roje sigurie gjatë gjithë kohës që ishte në Serbi, me justifikimin për t’i ofruar më shumë siguri. Por arsyeja e vërtetë e kësaj lëvizje të Serbisë qëndron pas mbylljes së takimit. Kur ndeshja mbaroi, ishte një prej rojeve që hyri në fushë dhe qëndronte afër Granit Xhakës, duke e shoqëruar deri në dhomën e zhveshjes.

Me këtë lëvizje, serbët siguronin gjithçka në mënyrë që Graniti të mos bënte një tjetër lëvizje në shtëpinë e tyre, që do të ishte poshtëruese. Këtu flasim për veprime që Xhaka ka bërë në të kaluarën, si në Botërorin e fundit kur veshi fanellën e Jasharit. Pra nëpërmjet rojes së sigurisë, te Serbia kishin në kontroll çdo veprim të Granit Xhakës dhe kështu gjithçka kaloi në heshtje. /Sport Ekspres/

“Tifozët serbë krijuan skandal në ndeshjen e kombëtares”, është titulli i tabloidit Blick, i cili më pas shton në tekst: “Fillimi i ndeshjes u shënua me thirrje nacionaliste. Disa herë në dhjetë minutat e para tifozët thirrën ‘Kosova është Serbi’. Kjo nuk është e vetmja gjë problematike. Para ndeshjes është shfaqur një flamur që tregon hartën e Kosovës me ngjyra serbe. Kjo ka ndodhur edhe pse lejohen vetëm flamujt e Serbisë dhe Zvicrës në stadium. Flamuri u zhduk për njëfarë kohe. Megjithatë, kur filloi ndeshja, pankarta nacionaliste u rishfaq.

Ata janë gjobitur tashmë dy herë për shkak të këtij flamuri. Pas humbjes nga Brazili në Kupën e Botës, flamuri u pa në dhomën e zhveshjes së Serbisë dhe FIFA i gjobiti me 20 mijë franga. Këtë verë në Gjermani, u shfaq në mesin e tifozëve dhe UEFA e gjobitën federatën serbe me 10 mijë euro”.

Zviceranët janë të pakënaqur me fishkëllimën e himnit kombëtar të këtij vendi dhe shpresojnë që UEFA të reagojë sërish dhe të ndëshkojë Serbinë. /Elio Hajdari-Sport Ekspres/

Arnautovic ka arritur ta fitojë këtë duel, thellë madje, Austria fitoi 5-1, ndërsa lojtari zikaltër shënoi dy gola, ndërsa Haland nuk e gjeti dot rrjetën. Goli i parë ishte një kryevepër teksa topi goditi traversën, më pas shkoi në rrjetë dhe nuk i la asnjë shans portierit për reagim. /Sport Ekspres/

Kjo pasi tifozët nisën që ta vërshëllenin Xhakën sa herë prekte topin në fushën e blertë dhe njëkohësisht nisën thirrjet: “Kosova është Serbi”. Ndërkohë pas ndeshjes, Xhaka ka takuar lojtarët e Serbisë dhe ka përqafuar trajnerin e serbëve. Megjithatë kjo humbje duket se i la një shije të hidhur mesfushorit të Leverkusen përkundër situatës më të qetë, teksa pasi shkoi në dhomën e zhveshjes, nuk foli për disa minuta dhe ishte i mendueshëm sipas një foto që tregon atmosferën e Zvicrës pas atij takimi. /Sport Ekspres/

Kili kaloi në epërsi me Vargas në minutën e dytë, por brazilianët barazuan në fund të pjesës me golin e Igor de Cruz. Luis Enrique solli fitoren për miqtë pas një depërtimi të shkëlqyer në minutën e 89-të.

Pas ndeshjes, presidenti i Brazilit zbuloi në një emision radiofonik se ka kontaktuar me trajnerin e Brazilit dhe i ka thënë se kombëtarja duhet të përbëhet ekskluzivisht nga lojtarë që luajnë në Brazil, domethënë që të mos ketë vend për Vinicius, Rodrigo, Allison, Endrik dhe të tjerë që performojnë në Evropë.

“Lojtarët që luajnë në ligën braziliane nuk janë më keq se ata që luajnë në Evropë. Askush nuk është Garrincha apo Romario. Në Brazil, lojtarët kanë të njëjtën cilësi si ata në Evropë dhe kjo është arsyeja pse ne duhet të japim një shans atyre nga liga jonë”, tha presidenti. /Elio Hajdari-Sport Ekspres/

Ai është parë para një klubi nate në Suedi natën e së enjtes, duke i zhgënjyer tifozët francezë. I maskuar, Mbappe po shkonte për t’u dëfryer, ndërsa tifozët francezë mendojnë se lojtari “ka falsifikuar” dëmtimin. Të gjithë po pyesin se si është e mundur që Mbappe është gati për të luajtur te Real Madrid, por jo te Kombëtarja. /Elio Hajdari-Sport Ekspres/

“Unë e konsideroj Granit Xhakën si një prej lojtarëve më të mirë me këmbën e majtë në Europë. Shaqiri është një lojtari i madh gjithashtu, por gjithçka i vjen fundi një ditë. Besoj se ndeshja nesër do të jetë e ndershme. Unë jam më i shqetësuar për Xhakën pasi është lojtar i madh dhe duhet të jemi të kujdesshëm për ta bllokuar dhe neutralizuar. Nëse ia dalim, atëherë me shumë gjasa do të kemi rezultatin e duhur. Për gjërat e tjera nuk duhet të shqetësohemi”, tha Stojkovic. /Sport Ekspres/

“Iu nevojitën tre muaj për të kuptuar që ishte prekje e topit me dorë, të cilën pothuajse të gjithë arritën ta shikonin për një sekondë. Kjo më qetëson shumë (qesh).  A mund ta quaj veten kampion Europe tani, sepse ata e kanë konfirmuar zyrtarisht? Nuk mendon kështu”, është shprehur Toni Krosi./Halit Delibashi-Sport Ekspres/

Duke folur për TNT, Chile Chandia tha: “Pa asnjë nevojë, Messi kapi topin me dorë në mes të fushës. Meqenëse nuk kishte asnjë shans për të shënuar për Meksikën në atë aksion, unë i thashë: “Kjo është karton të verdhë, por unë do ta fal. Mjafton të më japësh fanellën tënde pas ndeshjes. Kështu e mora fanellën. Rezultati ishte 3-0 për Argjentinën, kur kishin ngelur edhe dy minuta nga fundi. Nëse do t’i jepja kartonin e verdhë Mesit, ai nuk do të luante në finalen e Copa America”, zbuloi Chandia. /Elio Hajdari-Sport Ekspres/

“Ne krijuam raste, shënuam edhe golin. Por, ashtu siç thashë, futbolli nuk është vetëm për sulmin,  por edhe për mbrojtjen. Na humbi goli i dytë. Po e shikoja tani (golin e dytë?), edhe nuk e kuptoj se si është e mundur të mbrosh kështu në këtë nivel. Shqipëria, ashtu si në EURO, mbrojti në një mënyrë mjaft të organizuar. Ishte shumë e vështirë të çaje mbrojtjen e tyre”, ka thënë Sergei Rebrov./Halit Delibashi-Sport Ekspres/

Në pjesën e dytë djemtë tanë hynë me një mungesë përqendrimi dhe e pësuan në minutën e 48 nga Konopia. Për fat të mirë, Ismajli dhe Asani përmbysën ndeshjen. Por autori i golit, Konopia, ka çuditur pas ndeshjes me deklaratën e bërë duke krijuar iluzione për një tjetër panoramë ndeshje nga ajo që ndodhi në të vërtetë.

“Ndeshja ishte e vështirë, ne e dinim forcën e Shqiëprisë dhe që është kundërshtar i parehatshëm. Në golat e pësuar gabuam shumë, ne kishim më shumë raste, më shumë gjuajtje në portë. E pësuam nga dy kundërsulme. Korne e tyre erdhi nga kundërsulmi, Shqipëria kishte shumë fat sot. Një kaos aty në zonë, topi shkon te lojtarët e tyre dhe futet goli. E zotëruam lojën, duhej të fitonim”, tha autori i golit te Ukraina. /Sport Ekspres/

Aleksandar Mitrovic dhe Milinkovic Savic nuk u ftuan për dy ndeshjet e radhës në Ligën e Kombeve. Sipas raportimit të trajnerit, të dy lojtarët mungojnë për arsye dëmtimi. Megjithatë kjo është një gënjeshtër pasi të dy këta lojtarë kanë luajtur për 90 minuta dje me Al Hilalin, madje Mitrovic realizoi edhe dy gola. Kjo lë të nënkuptuar se futbollistët nuk dëshirojnë të luajnë me Kombëtaren e Serbisë. /Sport Ekspres/

Ky është vendimi i fundit që është zyrtarizuar nga portieri që bëri një revolucion në futbollin e luajtur. Ishte pikërisht Neuer që ndryshoi mendësinë e futbollit modern, se portieri duhet të jetë mbrojtësi i parë dhe përveç reflekseve dhe duarve, duhet të përdor shumë mirë edhe këmbët. /Elio Hajdari-Sport Ekspres/

22-vjeçari më parë ishte i lidhur me Barcelonën dhe PSG-në. Barca ishte e bindur se Ëilliams do të përfundonte në Katalonjë, më pas PSG u shfaq me ofertën e dyfishtë të parave dhe u përpoq të prishte marrëveshjen për klubin katalanas. Megjithatë, mund të ndodh lehtësisht që të dyja skuadrat të mbeten bosh. Nga Spanja vijnë informacione se sulmuesi ka vendosur të mbetet lojtar i Athletic Bilbaos.

Klubi bask njoftoi se do t’i ofrojë futbollistit të tyre një kontratë të re, financiarisht shumë më të fortë se ajo që ka aktualisht, dhe ai, të paktën sipas “Sobis”, pranoi ta nënshkruante atë. /Sport Ekspres/

Ai bëri një premtim se do t’i lyente flokët me ngjyrë të kuqe në rast se do të fitonte kampionatin evropian dhe pak ditë më vonë Cucurella vendosi ta përmbushë premtimin dhe tregoi se si duket modeli i flokëve të tij.

Cucurella është lyer me të kuqe dhe ka pozuar me fanellën e Spanjës nga ndeshja finale dhe ka qenë e dashura e tij ajo që publikoi këto foto dhe tregoi se Marc e përmbushi premtimin që i kishte bërë. /Elio Hajdari-Sport Ekspres/

Pavarësisht atij barazimi me Kroacinë, vazhdojmë të mbajmë vendin e 6. Më lart se ne janë disa Kombëtare që në aspektin cilësor, janë dukshëm poshtë Shqipërisë. Kapërcimin e madh e bëri Turqia nga vendi i 42 në të 26, ndërsa në tre vendet e para gjenden Argjentina, Franca dhe Spanja. /Sport Ekspres/

Declan Rise vlen 100 milionë euro? Po çfarë po bën ai? Rise thjesht merrte topin dhe ia kthente mbrapa John Stones, është i padobishëm. Nëse vlen vërtet 100 milionë euro, atëherë duhet të jesh në gjendje ta shtysh topin përpara. Bellingham? Nuk është për ndeshje deçizive, është thjeshtë një djalë i fortë që ka energji për 90 minuta dhe nuk lodhet. Por numri 10 mbi shpinë është i diskutueshëm për të, sigurisht që Bellingham mund ta vesh, por për mua ai nuk është një numër “10”, tha Van Der Vaart. /Elio Hajdari-Sport Ekspres/

“Ata luajnë për Francën, por prindërit e tyre janë nga Angola. Mamaja e tyre është nga Kameruni, babai nga Nigeria, por pasaporta thotë francez”, u tha në këngën e argjentinasve. /Sport Ekspres/

E gjitha kjo arritje e madhe vjen në saj të trajnerit Luis De La Fuente, njeriu që ndryshoi Spanjën. Një Kombëtare e madhe në letër, por askush nuk kishte pritshmëri për të. Mediat spanjolle kanë treguar se kjo ishte arsyeja se pse Spanja i luajti të gjitha ndeshjet në Gjermani si të luante në transfertë, tifozët e kishin braktisur pasi nuk besuan se Kombëtarja e tyre mund të mbërrinte deri në këtë pikë me këta emra lojtarësh.

Por De La Fuente ia doli. Në dhjetor të vitit 2022, atij i besuan vendin e trajnerit te Spanja duke zëvendësuar Luis Enriqe pas humbjes ndaj Markokut në Botëror. De La Fuente kishte punuar për shumë vite te moshat e Spanjës, duke përgatitur fëmijët e talentuar për ekipin A. Nga viti 2013-2018, De La Fuente ishte trajneri i Spanjës U-19, nga viti 2018-2022, ishte trajneri i Spanjës U-21 dhe U-23.

Kur mbërriti në Kombëtare A, e dinte se më kë punonte dhe sa vlejnë djemtë tek të cilët besoi. Ai mori në Gjermani shumë lojtarë me eksperiencë si Rodri, Merino, Ojarzabal, Fabian Ruiz, Cucurrela, Grimaldo, Le Norman, Morata, Olmo, por edhe të rinjë si Fermin Lopez, Ferran Torres, Lamine Jamal, Nico Ëilliams.

Sesa i di cilësitë e lojtarëve të tij, u pa qartë edhe në finale. Të gjithë po qeshnin kur trajneri nxori nga fusha Moratën dhe aktivizoi Ojarzabal, por në fund ishte pikërisht ky lojtari që shpalli Spanjën kampion europe.

“Si trajner vij që nga moshat, angazhimi ynë është t’i besojmë të rinjëve dhe këto nuk janë thjeshtë fjalë që thuhen rëndomtë”, u shpreh De La Fuente. Ky trajner ka një filozofi dhe psikologji shumë interesante për futbollin dhe i përsërit lojtarëve shumë herë këto fjalë para ndeshjes.

“Hyjmë 11, dalim 11”, kjo është komanda e lëshuar nga trajneri. “Kartoni i kuq është i ndaluar rreptësisht, është një mëkat dhe vdekje për ne. Ndalohet rreptësisht çdo protestë e tepërt ndaj gjyqtarëve, humbje kontrolli që do të na dërgoi në inferioritet numerik”. Ky është pra njeriu që shkroi historinë me Spanjën dhe padyshim që një shembull i tillë mund të përdorej edhe nga Shqipëria në të ardhmen. /Sport Ekspres/

Në pak fjalë, kjo është edhe historia e Nico Ëilliam ose më saktë, e familjes së tij. Një histori filmash, me sakrifica që e tejkalojnë çdo fantazi, por nëse Spanja fitoi Europianin me Ëilliamsi-n, është edhe për shkakun se familja e këtij të fundit nuk u dorëzua në momentin që të gjithë do të kishin hequr dorë.

Prindërit e Nick Ëilliams janë emigrantë nga Afrika. Ata vendosën të largoheshin nga Gana në 1994 dhe të shkonin në Europë. I ati i tij, Felix Ëilliams, mori me vete në këtë udhëtim të pasigurt edhe gruan e tij shtatëzanë, Maria.

Dhe kështu u nisën për një jetë më të mirë, por duke rrezikuar edhe fundin e tyre. Ata nuk kishin parë për një anije që t’i dërgonte në Europë dhe për këtë arsye u nisën për në Europë në këmbë.

Po, e dëgjuat saktë, në këmbë. Ata kaluar në Burkina Faso dhe Mali, ndërsa një pjesë e udhëtimit të tyre i dërgoi në shkretërirën më të madhe në botë, Sahara. Shumë njerëz lanë eshtrat e tyre atje, teksa gjatë rrugës, u përballën me shumë vështirësi si etja, uria, grabitjet. Nëpërmjet Algjerisë, familja e Ëilliams arriti në Marok.

Qëllimi i tyre ishte Spanja dhe arritën në territorin spanjoll të Melilla, duke kapërcyer gardhin kufitar. Më pas ata u arrestuan nga policia, siç shpjegoi një prift, një i njohur i familjes Ëilliams nga Gana.

“Ata thanë se vinin nga Liberia dhe kishin ikur për shkak të luftës. Për shumë vite mendova se vinin nga andej”, tha Mardones për “BBC”. Qeveria spanjolle në atë kohë i dërgoi emigrantët nga Melilla në pjesë të ndryshme të Spanjës dhe kështu familja Ëilliams u shpërngul për në Bilbao.

Ndërsa nëna punonte në punë të ndryshme dhe kujdesej për fëmijët, babai u nis drejt Anglisë. Atje punoi në punë të vështira fizike, në bujqësi dhe ndërtim, ai dërgonte para në Spanjë që djemëve të mos i mungonte ushqimi. Madje në një kohë punoi edhe si roje sigurie në stadiumin e Chelsea.

“Unë gjithmonë do ta vlerësoj atë që babai dhe nëna ime bënë për ne. Ata janë luftëtarë, na kanë rrënjosur respektin, punën e palodhur çdo ditë, edhe kur askush nuk të jep asgjë. E vërteta është se jam shumë krenar që i kam si prindër dhe përpiqem të bëj gjithçka që mundem për t’i bërë ata krenarë me djalin e tyre”, tha Nico Ëilliams. /Sport Ekspres/

Porta mbrohet nga Menjo, ndërsa përpara tij në mbrojtje me 4 rreshtohen Kukureja në të majtë, Saliba dhe Akanzhi në qendër dhe Uoker në të djathtë. Mefusha flet e gjitha spanjisht, teksa përbëhet nga Rodri, Fabian Ruizi dhe Dani Olmo. Ndërkaq, në sulm rreshtohen Uilliamsi, Musiala dhe Jamali./Halit Delibashi-Sport Ekspres/

?? Introducing the UEFA EURO 2024 Team of the Tournament, as selected by UEFA’s Technical Observer panel.#EURO2024 pic.twitter.com/ITp3ipcWxF

— UEFA EURO 2024 (@EURO2024) July 16, 2024

Njëra prej surprizave sigurisht që ishte edhe Shqipëria e trajnerit të talentuar Sylvinho, i cili gjithashtu arriti të trembë Italinë e Spaletit në ndeshjen e parë, duke shënuar edhe golin rekord me Nedim Bajramin pas vetëm 23 sekondash lojë.

Shqipëria nuk u kualifikua në fazën e 1/16-ve, por doli nga EURO 2024 me kokën lart, pasi luftoi me gjithë zemër kundër Spanjës dhe që mori një pikë të çmuar kundër Kroacisë pas atij barazimi spektakolar 2-2.

Në kuadër të ndeshjeve të ardhshme të Ligës së Kombeve dhe kualifikueseve për Botërorin 2026, Presidenti i Federatës Shqiptare Armand Duka foli ekskluzivisht për kanalin turk “TRT” duke bërë gjithashtu edhe një rezume të Kampionatit Evropian dhe disa shifra interesante për të njohur nivelin futbollistik.

– Çfarë Europiani ishte ky sipas jush President?

– I mrekullueshëm, në të gjitha aspektet, organizative, sportive, për tifozët etj. Për mendimin tim ishte Kampionati Europian më i miri i realizuar ndonjëherë, më i mirë edhe se Botërori. Kaq shumë tifozë, ka qenë një spektakël.

– EURO 2024 ka lënë shenjë te disa kombëtare…

– Tashmë nuk ka më dallime të dukshme mes ekipeve kombëtare. Çdo tifoz kishte shpresën për të parë ekipin e tij të vazhdonte më tej dhe të fitonte trofeun. Tifozët të cilët sigurisht kanë lënë gjurmë gjatë këtij turneu ishin turqit dhe shqiptarët tanë për koreografitë e krijuara dhe mbështetjen e madhe.

– Montela bëri mirë, por Turqia u eliminua. Si e keni parë Turqinë, por edhe talentet e reja të këtij turneu si Arda Guler që luan për Real Madridin dhe Lamine Yamal të Barcelonës?

– Turqia ka bërë një Kampionat Europian shumë të bukur. Ka luajtur më mirë se Holanda, por pagoi mungesën e përvojës europiane. Keqardhje për autogolin ndaj Portugalisë. Tifozët mund të shpresojnë gjëra të mëdha për të ardhmen, si dhe për Arda Guler që është një talent i pastër dhe do të dëgjojmë të flitet shumë për të. Sa i përket Yamal, vlen i njëjti diskutim. Ndryshe nga Guler, ai arriti në finale, por për mua nuk ka dallim në karakteristika.

Talentet e reja gjithmonë kanë bërë histori, shikoni Messin. Yamal pati fatin që shkoi deri në finale. Edhe ne kemi një fenomen që ka luajtur shumë mirë dhe do të dëgjojmë për të në të ardhmen e afërt, Kristjan Asllani.

Kombëtarja e drejtuar nga Luis De La Fuente u rikthye dje në Spanjë, ku fillimisht u pritën në pallatin mbretëror nga familja mbretërore, e më pas në mbrëmje festuan me tifozët. Lojtarët u shfaqën në skenë përpara mijëra të pranishmëve që kishim mbushur sheshin kryesor të Madridit, bashkë me rrugët pranë tij.

Dani Olmo ka rrëmbyer për një moment mikrofonin dhe ia ka marrë këngës përpara popullit të tij, duke i ftuar të festojnë bashkë me të. Lumturia dukej qartë si në fytyrat e lojtarëve të Spanjës, ashtu edhe në ato të personave të pranishëm në shesh./Halit Delibashi-Sport Ekspres/

Dani Olmo no sabe ni en qué continente está ahora mismo bfjdjdjdjdjd

pic.twitter.com/fpXcWpJqMG

— gam (@mbapadre) July 15, 2024

Për këtë arsye, vetë lojtari ka preferuar që ta mbyll me nder dhe të mos jenë drejtuesit e Zvicrës që ta largojnë në të ardhmen. Pas një kontributi të madh, Shaqiri ka njoftuar me një reagim në rrjetet sociale largimin e tij nga Kombëtarja. Ai i ka falënderuar të gjithë edhe në gjuhën shqipe.

“Shtatë turne, shumë gola, 14 vite me Kombëtaren e Zvicrës dhe shumë momente që nuk harrohen. Është koha për t’i dhënë lamtumirën Kombëtares. Mbeten kujtime të mëdha dhe për këtë arsye ju them faleminderit të gjithëve”, shkruan Shaqiri.

Sigurisht kur vitet të kalojnë, pengu më i madh i këtij lojtari do të jetë fakti që nuk e përjetoi një emocion të madh me Shqipërinë, por zgjodhi që të ishte pjesë e Zvicrës. Por tani është histori e së shkuarës, Shaqiri e mbyll me futbollin e luajtur në Kombëtare. /Sport Ekspres/

Ishte finalja e gjashtë që sulmuesi anglez humbi në karrierën e tij. Ai dështoi dy herë në Kupën e Anglisë, dy herë në finalet e Kampionatit Evropian, një herë u mund në finalen e Champions League dhe nuk arriti të ngrejë trofeun as në finalen e Superkupës së Gjermanisë. Gjithashtu duhet theksuar se pas ardhjes së tij në Bayern Munich, ka përfunduar edhe mbretërimi 12-vjeçar i bavarezëve në Bundesligë. /Sport Ekspres/

Por si qëndron në dashuri? Nuk shkruhej askund, por në tribunat kundër Francës, pranë prindërve të Yamal u pa një vajzë e re.

Ajo quhet Alex Padilla dhe Yamal e ndjek në rrjete sociale dhe sipas raportimeve të pakonfirmuara të dy janë në një lidhje. Nuk dihet shumë për vajzën, por është e sigurt që me kalimin e kohës shumë do të dihet për publikun sepse është e vështirë t’u fshehësh diçka gazetarëve.

Lamine nuk është nga ata futbollistë të fryrë që adhurojnë gjërat luksoze dhe që ndërron të dashurën çdo ditë. Për më tepër, ai është një djalë shumë modest, i tërhequr, i përkushtuar ndaj jetës së tij familjare dhe suksesit të tij.

Alex është normalisht aktive në rrjetin social Tiktok dhe kur u mor vesh se ajo ishte e dashura e një ylli të famshëm, profili i saj filloi të rritet me shpejtësi për sa i përket numrit të ndjekësve. 

Shumëkush nuk mund ta besonte se e dashura e një ylli të famshëm është një person që kishte vetëm disa mijëra ndjekës në rrjetet sociale dhe është padyshim një person “i zakonshëm”, që nuk i përket atyre zonjave influencuese që postojnë foto me bikini nga destinacionet luksoze gjatë gjithë ditës dhe mburren në çdo hap të “jetës së tyre”. /Elio Hajdari-Sport Ekspres/

Goli vendimtar u shënua në minutën e 112-të nga Lautaro Martinez pas një aksioni shumë të bukur, por edhe shumë të shpejtë të Argjentinës. Gjithçka u duk se u ndal në minutën e 66-të kur Leo Messi u dëmtua, dhe sigurisht që futi frikën te Argjentina.

Pas një sprinti, Messi mbeti i shtrirë, por nuk mundi të vazhdonte garën dhe duhej të largohej nga fusha. Pasi mbërriti në stol, argjentinasi, ashtu si edhe Ronaldo në Europian, ka shpërthyer në lot. /Sport Ekspres/

Lionel Messi in tears after being subbed out due to injury ? pic.twitter.com/gzZtbGmxLB

— B? (@MutedBo) July 15, 2024

“Nuk mund të ishe më i lumtur, duke parë tifozët, lojtarët… sot ishte një ditë e mrekullueshme. Një ekip u kurorëzua me meritë kampion europian. Sot jam edhe më i lumtur e krenar dhe shpresoj që ky impuls të na shërbejë për të qenë më të mirë çdo ditë.

Gjithmonë mund të përmirësohemi. Ky është qëllimi ynë. Virtyti i kësaj skuadre është se ne gjithmonë mendojmë që të jemi pak më të mirë dhe do ta arrijmë, sepse këta lojtarë janë shembull për të gjithë. Janë shumë të mirë”, ka deklaruar Luis De La Fuente./Halit Delibashi-Sport Ekspres/

“Jam shumë i lumtur. Është një ëndërr. Dhurata më e mirë që mund të merrja. Kjo është një ëndërr. Dua të shkoj te familja për të festuar. Kur barazuan ndeshjen, na vunë në një presion të madh. Por ky ekip, nuk ka rëndësi se si jemi, gjithmonë e përmbys ndeshjen dhe përfundon duke fituar. Shokët e skuadrës më ndihmojnë shumë dhe ndihem shumë mirë e shumë i lumtur me ta”, ka deklaruar Lamin Jamali./Halit Delibashi-Sport Ekspres/

“Është e vështirë të gjesh fjalët se si ndihemi tani. Një ndeshje e vështirë. Bëmë mirë për t’u kthyer sërish në lojë dhe na u nevojit shumë përpjekje për t’u përmirësuar. Të pësosh një gol në minutat e fundit është shumë e vështirë për t’u pranuar. Kemi bërë përmbysje gjatë gjithë kampionatit. Në pjesën e parë e kishim të vështirë të mbanim zotërimin e topit. Në pjesën e dytë ishim më mirë dhe shënuam golin.

Ata na kapën me një krosim dhe kjo është mënyra se si përfundoi. Ne humbëm një mundësi. Këto finale nuk janë të lehtë për t’u arritur. Duhet të përfitosh prej tyre dhe ne nuk e bëmë këtë gjë sërish. Është e dhimshme dhe do të na dhembë për një kohë të gjatë. Southgate-t do t’i duhet pak kohë për të vendosur (për të ardhmen). Donim të fitonim edhe për atë”, ka deklaruar Harry Kane./Halit Delibashi-Sport Ekspres/

“Çfarë dite, sigurisht dita më e mirë e karrierës sime sportive. Ne kemi qenë një familje, tani jemi ekipi më i suksesshëm në Europian. U fol për gjeneratat e mëparshme që shënuan rrugën për ne dhe tani jemi kampionë të Europës, një ditë e pabesueshme për të gjithë.

Kemi bërë histori, kemi mposhtur katër kampionë bote. Mentaliteti i kësaj skuadre… shumë prej nesh kemi qenë kampionë të Europës me ekipet e të rinjve dhe sot jemi kampionë të Europës dhe çfarë na ka mbetur. Ka ardhur koha që një spanjoll të fitojë Topin e Artë”, ka deklaruar Rodri./Halit Delibashi-Sport Ekspres/

Pjesa e parë u mbyll me rrjeta të paprekura, por në të dytën mjaftuan pak sekonda që Niko Uilliamsi të zhbllokonte rezultatin. Anglia u kundërpërgjigj në minutën e 73-të me anë të një goli për notën 10 nga Kol Palmeri. Kur dukej se ndeshja do të shkonte drejt kohës shtesë, Ojarzabali u shfaq si geroi i Spanjës. Sulmuesi e shtyu topin drejt rrjetës në minutën e 87, duke dëshpëruar anglezët.

Finalja përfundoi me rezultatin 2-1 në favor të iberikëve, që vendosin rekordin në Kampionatin Europian. Trofeu i katërt në historinë e Kombëtares spanjolle, më shumë se çdo ekip tjetër kombëtar në këtë kompeticion. Ndërkohë ky është zhgënjimi i dytë radhazi për anglezët. Ashtu si në EURO 2020-n, edhe këtë herë trofeu nuk vjen në shtëpi./Halit Delibashi-Sport Ekspres/

Në krahun tjetër, Sauthgejti ka aktivizuar nga minuta e parë Shaun në vend të Tripierit në fashën e majtë. Gjithashtu, titullar do të jetë edhe Fil Fodeni, i cili së bashku me Bellinghemin, Sakanë dhe Kejnin do të përpiqen të kërcënojnë mbrojtjen e Spanjës./Halit Delibashi-Sport Ekspres/