Gossip

Telashe për babain e Lamin Jamalit, sulmohet me thikë pas një sherri

Sport Ekspres — Thu, 15 Aug 2024 17:52:42 +0000

Suksesi i jashtëzakonshëm në fushën e lojës po shoqërohet me lajme aspak pozitive në jetën personale të tij. Pas lajmeve në lidhje me marrëdhënien e tij në çift, 17-vjeçari është kthyer sërish në qendër të vëmendjes. Këtë herë për shkak të babait të tij.

Munir Nasraui është në gjendje të rëndë shëndetësore dhe po merr trajtimin e duhur mjekësor. Babai i Jamalit është përfshirë në një sherr me tre afrikano-veriorë, të cilët e kanë sulmuar me thikë. Nasraui ka njoftuae se gjendet jashtë rrezikut për jetën, por vazhdon të mbetet në një gjendje të rënduar shëndetësore./Halit Delibashi-Sport Ekspres/

Wanda Nara pa grim dhe me bikini, gruaja e Mauro Icardi zgjon imagjinatën e burrave në mbarë botën

Sport Ekspres — Fri, 12 Jan 2024 14:14:45 +0000

Wanda Nara ditët e fundit i ka kaluar në Dubai me pushime me Mauro Icardin dhe tashmë çifti është rikthyer në Argjentinë. Ajo publikoi foto të reja në krahët e Icardit dhe sërish në plan të parë sigurisht që ishte trupi perfekt.

Fotot janë realizuar në tarracën e shtëpisë së saj në Nordelta dhe argjentinasja e famshme ka veshur bikini të zeza për të ekspozuar sa më shumë hiret e saj. Krejtësisht natyrale, pa asnjë pikë grimi, ajo ka bërë një selfie dhe ka provokuar jo pak. /Elio Hajdari-Sport Ekspres/

View this post on Instagram

A post shared by ???Wanda??? (@_wandanara_)

Ndodhet në katin e 47 dhe ka sipërfaqe 4400 metër katrorë, shihni apartamentin ku jeton Lionel Mesi

Sport Ekspres — Wed, 09 Aug 2023 08:38:47 +0000

Lionel Mesi i dha fund të luajturit në futbollin europian. 36-vjeçari firmosi me Inter Miami-n si lojtar i lirë, ku po shkëlqen me paraqitjet e tij. 7 herë fituesi i Topit të Artë ka shënuar 7 gola në 4 paraqitje, duke u treguar tifozëve amerikanë përse cilësohet si një nga më të mirët e historisë. Por transferimi në anën tjetër të Atlantikut duket se është planifikuer edhe më parë nga Mesi.

Argjentinasi bleu një apartament buzë oqeanit në vitin 2020 për shifrën e 9 milionë dollarëve. Apartament që tashmë është kthyer në vendbanimin e tij të përditshëm. Banesa në fjalë ndodhet në katin e 47 të Porsche Desihn Tower dhe ka një sipërfaqe prej 4400 metrash katrorë. Ajo përbëhet nga 6 tualete dhe 6 dhoma gjumi, një kuzhinë moderne, si dhe ka një tarracë mjat të madhe./Sport Ekspres/

Lionel Messi purchased an apartment in the Porsche Design Tower in Miami during 2020, at a cost of $9 million.?????? pic.twitter.com/tWI6focx36

— Albiceleste News ? (@AlbicelesteNews) June 9, 2023

VIDEO/ I thërrasin emrin e Shakirës dhe Kasijasi i bën provokimin e hapur, Pike: Unë jam kampion bote, ju jeni askushi

Sport Ekspres — Fri, 04 Aug 2023 18:42:21 +0000

Zherard Pike ka përjetuar një eksperiencë të hidhur në Madrid. Ish-lojtari i Barcelonës ka festuar në një diskotekë në kryeqytetin spanjoll përfundimin e sezonit në Ligën e Mbretërve. Por të pranishmit nuk i kanë kursyer ngacmimet, teksa kanë thirrur në kor emrin e ish-bashkëshortes së tij: “Shakira, Shakira”!

Ndërkohë, Pike i është kundërpërgjigjur me fjalët: “Çfarë keni? Unë jam kampion bote, ndërsa ju jeni askushi”. Por provokimi nuk ka përfunduar me kaq, pasi Kasijasi ka hyrë në skenë dhe ka kërkuar të kujtojë momentet kur u shpallën kampionë bote me këngën simbol të Kampionatit Botëror: “Waka-Waka”, e cila këndohet pikërisht nga Shakira./Halit Delibashi-Sport Ekspres/

Not the crowd screaming Shakira’s name at Pique??? pic.twitter.com/URiz2rRO9O

— Salma (@chronicallysal) July 30, 2023

Myrto Uzuni ndryshon pamje, e nis sezonin me ngjyrë të re të flokëve

Sport Ekspres — Sat, 22 Jul 2023 19:53:54 +0000

Pushimet mbaruan dhe tani është koha për të punuar për sezonin e ri. Myrto Uzuni është kthyer në Granada, ku i është bashkuar ekipit në sezonin përgatitor. Sulmuesi shqiptar e nis sezonin e ri me ndryshime në pamjen e jashtme.

Uzuni ka ndryshuar ngjyrën e flokëve. Lojtari nga Berati ka pozuar në një foto të shpërndarë në rrjetet sociale, ku shihet se ka lyer flokët me ngjyrë të verdhë./Sport Ekspres/

FOTO/ Uzuni shijon pushimet në Santorini, i tregon të gjithëve kush është golashënuesi më i mirë i kampionatit

Sport Ekspres — Sat, 15 Jul 2023 19:16:57 +0000

Granada ka nisur stërvitjen, por në mesi e lojtarëve mungojnë Vajsmani dhe Myrto Uzuni. Sulmuesi shqiptar ka pasur nevojë për më tepër kohë për të pushuar pas angazhimeve që pati në muajin qershor me Kombëtaren. Lojtari nga Berati do i bashkohet grupit ditën e dielë, ndërsa ditët e fundit ka qenë duke shijuar pushimet e tij në Santorini.

Por edhe në kohën e tij të lirë Uzuni nuk e heq fanellën e Granadës. Lojtari shqiptar ka shpërndarë disa fotografi në llogarinë e tij zyrtare në “Instagram”, ku i mban veshur fanellën e Granadës. Në shpinën e tij lexohet fjala “pichichi”, e cila nënkupton golashënuesin më të mirë të kampionatit./Halit Delibashi-Sport Ekspres/

????

Myrto Uzuni = Carisma. #??????????? ?? pic.twitter.com/nTcuMvOUMB

— Granada CF ???? (@GranadaCF) July 12, 2023

Në Argjentinë e bëjnë lajm të sigurt, Uanda Nara diagnostifikohet me sëmundjen e rëndë

Sport Ekspres — Sat, 15 Jul 2023 09:37:43 +0000

Familja Ikardi po përjeton momente të këqija ditët e fundit. Shkak është bërë gjendja shëndetësore e Uanda Narës. Menaxherja e Mauro Ikardit, njëkohësisht edhe bashkëshortja e tij, është shtruar në spital në Buenos Aires, ku po i nënshtrohet analizave mjekësore.

Në Argjentinë e bëjnë të sigurt se 36-vjeçarja vuan nga një sëmundje e rëndë. Mediat në vendin amerikano-jugor raportojnë se Uanda Nara është diagnostifikuar me leuçemi./Sport Ekspres/

I apasionuar pas shpejtësisë dhe makinave luksoze, vëllai i Kristjan Asllanit tërheq vëmendjen e mediave italiane

Sport Ekspres — Wed, 15 Mar 2023 09:59:49 +0000

Kristjani nuk është i vetmi person i njohur në familjen Asllani. Mesfushori i Interit njihet në Itali për aftësitë e tij në futboll, por në rrjetet sociale vëmendje të gjerë ka edhe vëllai i tij, Emanueli. Ky i fundit ka përfunduar edhe në faqet e gazetave italiane për shkak të pasionit të tij për shpejtësinë dhe për makinat luksoze.

“Tuttosport”-i ka shkruar një artikull për vëllain e madh të Kristjan Asllanit, i cili njihet për videot që poston në rrjetet e tij sociale, ku ndiqet nga një numër i madh personash. Makinat e shtrenjta dhe dozat e ironisë nuk mungojnë asnjëherë në postimet e tij.

“Shumë njerëz e njohin Kristjan Asllanin, mesfushorin e Interit, por të gjithë në rrjetet sociale e njohin Emanuelin, vëllain e madh të çmendur pas supermakinave. 28-vjeçari shqiptar është në fakt shumë i njohur në “TikTok” dhe në “Instagram” (ku numëron mbi 380 mijë ndjekës), ku publikon video ironike duke drejtuar makina luksoze ekscentrike dhe origjinale.

I riu shqiptar i bazon tërësisht faqet e tij zyrtare në makinat luksoze: Lamborghini, Ferrari, Mercedes e shumë modele të tjera me çmime tejet të larta. Në të gjitha këto makina, influencuesi shfaqet në “Instagram”-in e tij dhe në “TikTok”-un e tij teksa lëviz me shpejtësi nëpër rrugët e Milanos, duke treguar atë prestigj të shfrenuar që vetëm makina të tilla mund të rrënjosin. Aspekti më i mirë i pasionit të tij, megjithatë, është se çdo xhirim dhe video ka gjithmonë atë majë ironie që nuk e bën atë kurrë të neveritshëm dhe asnjëherë mendjemadh, por përkundrazi jashtëzakonisht argëtues”, ka shkruar “Tuttosport”-i në artikullin e tij për Emanuel Asllanin./Halit Delibashi-Sport Ekspres/

Fëmijët po e prisnin me dhurata në shtëpi, lojtari i Argjentinës i zhgënjen dhe feston fitoren e Kupës së Botës me të dashurën

Sport Ekspres — Fri, 23 Dec 2022 10:48:18 +0000

Rodrigo De Paul ishte një nga pikat kyçe të Argjentinës së Scaloni-t. 28-vjeçari luajti një rol thelbësor në mesfushë në fitimin e Kupës së Botës. Brenda fushe lojtari i Atletico Madridit fitoi dashurinë dhe respektin e tifozëve, por jo veprimet jashtë saj.

De Paul-i ka zhgënjyer me sjelljen e tij pas fitimit të Kupës së Botës, teksa ka zgjedhur të dashurën përpara fëmijëve të tij. Ish-partnerja e tij, Camila Homs, nuk e ka fshehur zhgënjimin nga mesfushori, pasi vajza dhe djali ishin duke e pritur në shtëpi me dhurata. Por De Paul nuk ka shkuar t’i takojë, pasi ka zgjedhur të hidhet në krahët e të dashurës së tij të re, Tina Stoessel-it./Sport Ekspres/

Myrto Uzuni si nuk e keni parë kurrë më parë, shkëlqen së bashku me të dashurën e re

Sport Ekspres — Sun, 03 Jul 2022 20:50:56 +0000

Një yll në fushën e blertë, tani edhe jashtë saj. Myrto Uzuni është në një lidhje me të dashurën e re, Uarda Hyseni. Cifti është zbuluar pak kohë më parë pas mbështetjes që i është dhënë nga tifozja e veçantë në ndeshjet e Kombëtares. Ndërkohë së fundmi Uzuni ka publikuar një fotografi në rrjetet sociale, që nuk ka vend për shumë koment. /Sport Ekspres/

Thumb për Endri Çekiçi? Megi Pojani pozon nga shtrati: 5 minuta se.ksi dhe pastaj…

Sport Ekspres — Thu, 30 Jun 2022 22:18:27 +0000

Megi Pojani dhe Endri Çekiçi janë kthyer në çiftin më të përfolur në media. Dyshja në fjalë mendohen të jenë në një marrëdhënie me njëri-tjetrin, gjë që është lënë të kuptohet nga fotot e shpërndara prej tyre.

Por së fundmi Megi ka shpërndarë një postim në profilin e saj në “Instagram”, ku shihet me telefonin e saj duke pozuar në shtrat. “5 minuta se.ksi, pastaj sloth që vuan nga miopia”, shkruan Megi Pojani bashkangjitur fotove. Fjalë këto që duken si një thumbim për Çekiçin./ Sport Ekspres/

View this post on Instagram

A post shared by Megi Pojani (@megipojani)

Lojtari i Romës që shënoi golin historik në Tiranë, tani lidhet me parukieren shqiptare që të magjeps

Sport Ekspres — Wed, 29 Jun 2022 12:52:56 +0000

Zaniolo ishte lojtari që i dha trofeun Romës në finalen e Conference League ndaj Feynord. Goli historik do të vinte në Air Albania, atje ku e gjithë Europa kishte përqendruar vëmendjen në një ditë të vetme. Mediat kanë publikuar edhe një fotografi të re ku kanë kapur mat Zaniolon me të dashurën e re.

Ajo është shqiptare, Klejdis Bardhi, që të magjeps me bukurinë e saj. Ky çift dukej jo pak i lumtur në shoqërinë e njëri-tjetrit, teksa në një jaht luksoz, Klejdis kujdeset që të bëjë me krem Zaniolon kundër diellit. /Sport Ekspres/

Me plis në kokë dhe duke valëvitur flamurin shqiptar, golashënuesi më i mirë i Finlandës feston në dasmën e motrës së tij

Sport Ekspres — Sat, 18 Jun 2022 19:39:13 +0000

Timu Puki ka qenë i pranishëm në Kosovë në dasmën e motrës së tij, e cila ka lidhur martesë me një bashkëshort shqiptar. Golashënuesi më i mirë në historinë e Kombëtares së Finlandës ka festuar ditën e veçantë të motrës së tij sipas zakoneve shqiptare.

Lojtari i Noruiçit ka mbajtur një plis në kokë si dhe ka valëvitur flamurin shqiptar gjatë dasmës. Puki gjithashtu ka kërcyer vallet tona tradicionale. Shqiptarët nuk janë të panjohur për të, teksa sezonin e shkuar ishte shok skuadre me Milot Rashicën./Halit Delibashi-Sport Ekspres/

FOTO/ “Mos i bëni ‘zoom‘”! Vanda Nara provokon me foton, e shijon ndryshe perëndimin e diellit në Kenia

Sport Ekspres — Sat, 11 Jun 2022 18:24:59 +0000

Vanda Nara është duke shijuar pushimet e saj në Afrikë, ku ka udhëtuar së bashku me bashkëshortin e saj, Mauro Ikardin. Të dy kanë qenë aktiv në rrjetet sociale për të shpërndarë çastet e tyre të lumtura në Kenia.

Nuk kanë munguar as fotot provokuese të menaxheres së Ikardit, që nuk heziton të tregojë format e saj trupore. Vanda Nara ka shpërndarë një foto në llogarinë e saj në “Instagram”, ku shihet e shtirë dhe duke shijuar perëndimin e diellit, ndërsa shkruan: “Mos i bëni ‘zoom’”./Sport Ekspres/

View this post on Instagram

A post shared by Wanda nara (@wanda_nara)

Lojtari i Kosovës i jep fund beqarisë, martohet me ish të dashurën e Taulant Xhakës

Sport Ekspres — Fri, 27 May 2022 18:54:48 +0000

Florent Hadërgjinaj i ka dhënë fund beqarisë. Lojtari i përfaqësueses së Kosovës është martuar me Dorina Podrimjën. Modelja shqiptare i ka thënë po propozimit të 27-vjeçarit për të lidhur kurorë së bashku.

Lajmin e ka ndarë vetë Hadërgjonaj përmes një postimi në llogarinë e tij në “Instagram”. Kujtojmë se Dorina Podrimja më parë ka qenë në një marrëdhënie me lojtarin e Kombëtares shqiptare, Taulant Xhakën./Sport Ekspres/

Beatriks telefonohet nga Neymar-Mbappe, Alesia Bami nuk mbetet pas: Më ka shkruajtur Ronaldo dy herë për darkë

Sport Ekspres — Mon, 10 Jan 2022 23:54:49 +0000

Betriks Ramosaj do të tregonte disa ditë më parë se mban komunikim me yjet e PSG-së, Neymar-in dhe Mbappe-në, të cilët e kanë telefonuar dhe e kanë ftuar në festat që kanë organizuar në Paris. Por pas nuk mbetet as Alesia Bami. Kjo e fundit ka qenë e pranishme në një lojë të zhvilluar në “E Diell”, ku secilit prej pjesëmarrësve u shtrohej një pyetje, ndërsa në rast se nuk do të kishte përgjigje atëherë personi që pyeste e godiste me vezë.

“Na trego emrin e futbollistit që të ka shkruajtur më shumë se dy herë për të dalë për darkë”, ishte pyetja e drejtuar karshi moderatores së “Procesit Sportiv”. Fillmisht Bami shprehet se nuk i kujtohet emri, ndërsa më pas shton: “Besojeni ose jo, nuk më intereson. Unë përgjigjen time do e jap. Është Cristiano Ronaldo”. Një përgjigje kjo që duket se nuk ka bindur aspak personat e tjerë, teksa është pasuar menjëherë nga të qeshurat dhe Manushi vendos ta gjuajë me vezë./Sport Ekspres/

“Takimi përfundoi me një puthje”, gazetari argjetinas zbulon arsyen qesharake përse Ikradi u largua nga dhoma e Çina Suarezit

Sport Ekspres — Fri, 26 Nov 2021 19:11:16 +0000

Marrëdhënia mes Uanda Narës dhe Mauro Ikardit duket se ka rigjetur paqen e trazuar nga tradhëtia bashkëshortore e lojtarit të PSG-së. Por duket se mes sulmuesit argjentinas dhe Çina Suarezit nuk ka pasur asgjë më tepër se sa një puthje dhe kjo për një arsye qesharake dhe të çuditshme.

Gazetari argjentinas, Angel De Brito, zbulon se Ikardi është larguar nga hoteli për shkak të aromës së keqe në dhomën kun gjendej Çina. Këtë e konfirmon edhe gazetarja Janina Latorre.

“Takimi i tyre përfundoi me një puthje. Nuk kishte s.eks sepse e shqetësonte era në dhomën ku ishte Çina. Për këtë arsye ai u largua nga hoteli”, ka thënë De Brito./Sport Ekspres/

“Si një vajzë në shkollë”/ Futbollisti anglez thyen barrierat, seti fotografik ndez reagime në rrjet

Sport Ekspres — Wed, 10 Nov 2021 21:50:35 +0000

Dominik Kalvert Levin ka thyer barrierat së fundmi. Në setin fotografik për revistën “Homme +“, futbollisti anglez tërheq vëmendjen me pamjen e tij të jashtëm. Këmishë, kollare, xheketë dhe… fund. Një veshje tipike kjo e vajzave në shkollat britanike.

Për këtë shkak lojtari i Evertonit ka ndezur reagime të mëdha në rrjet. Opinioni publik është i ndarë në dy pjesë. Nga njëra anë qendrojnë ata që vlerësojnë guximin dhe origjinalitetin e Kalvert Levinit, ndërsa në krahun tjetër gjenden ata skeptikët, të cilët e shohin si të papranueshme një pamje të tillë nga një mashkull./Halit Delibashi-Sport Ekspres/

View this post on Instagram

A post shared by Dominic Calvert-Lewin (@domcalvertlewin)

Pas lutjeve të shumta nuk fshihej dashuria, Mauro Ikardi do të mbetej trokë nëse do ndahej nga Uanda Nara

Sport Ekspres — Fri, 05 Nov 2021 17:52:51 +0000

Mauro Ikardi dhe Uanda Nara ishin dy emrat më të përfolur kohëve të fundit dhe kjo jo për shkak të futbollit. Çifti ishte në prag të ndarjes, teksa sulmuesi argjentinas u përfshi në një tradhëti me Çina Suarezin.

Një akt ky që dukej i papranueshëm për Uanda Narën, e cila në fund e fali pas lutjeve të shumta të futbollistit të PSG-së. Por pas këtyre lutjeve duket se nuk fshihet dashura, por interesat personale të Ikardit. Në Argjentinë zbulojnë se në rast ndarjeje, atëherë me shumë mundësi sulmuesi do të mbetej trokë.

“Në rast të një divorci, Ikardi duhej t’i jepte Uandës 70 milionë euro. Makinat luksoze dhe pasuritë e patundshme gjithashtu janë në duart e saj. Ata kanë 7 makina dhe 5 shtëpi në Itali dhe Argjentinë”, ka thënë gazetarja Deborah D’Amato./Sport Ekspres/

Majkëll Ngo nuk e mendon dy herë për Bora Zemanin, Erjola Doçi zbulon: Grezda frymëzohet nga profili im në mesnatë

Sport Ekspres — Tue, 05 Oct 2021 17:39:38 +0000

Majkëll Ngo ka qenë i ftuar mbrëmjen e djeshme në studion e “Procesi Sportiv“, ku futbolli nuk ka qenë e vetmja temë diskutimi për të. Gazetari Edi Manushi i ka vënë në pozitë të vështirë për të zgjedhur se cilën nga moderatoret e “Top Channel“ do të zgjidhte në kohën e lirë në darkë. Mes Bora Zemanit, Fjoralba Ponarit dhe Nevina Shtyllës, sulmuesi i Tiranës nuk e mendon dy herë përgjigjen. “Atë me të verdha”, thotë Ngo duke drejtuar gishtin nga fotografia e Bora Zemanit.

Ndërkohë një pyetjeje të tillë nuk i ka shpëtuar as Erjola Doçi, që përpara saj i janë vendosur si alternativa Eros Grezda, Majkëll Ngo dhe Bekim Balaj. “Me sy hapur, nuk e di. Me sy mbyllur, Grezdën. Frymëzohet nga profilet tona në mesnatë”, ka thënë Erjola Doçi, cila më pas ka lënë të nënkuptohet se të dy kanë shkëmbyer edhe mesazhe në rrjetet sociale./Sport Ekspres/

Nga një njohje “Facebook”-u në prindër për herë të parë, Sadiku merr emocionet më të mëdha në jetë

Sport Ekspres — Sat, 02 Oct 2021 18:58:33 +0000

Armando Sadiku është bërë baba për herë të parë pak ditë më parë, kur në jetë erdhi djali i tij, Luis. Gjatë karrierës së tij sulmuesi shqiptar ka përjetuar momente të lumtura, por asgjë nuk mund të krahasohet me emocionet e marra nga ardhja në jetë e fëmijës së tij.

Djali i tij është fryt i një dashurie të lindur vite më parë në përmjet “Facebook”-ut. Fillimisht nisi si një njohje në rrjetet sociale, ndërsa tashmë hyjnë në një etapë tjetër të jetës së tyre, atë të prindërimit./Halit Delibashi-Sport Ekspres/

FOTO/ Morata është i lidhur me shqiptarët, pas Vrionit tregon miqësinë me Rei Manajn në rrjetet sociale

Sport Ekspres — Wed, 22 Sep 2021 21:44:22 +0000

Alvaro Morata duket se është i lidhur ngushtë me shqiptarët. Sulmuesi spanjoll nuk e ka fshehur asnjëherë raportin tejet miqësor që ndan me Vrionin, të cilit i ka dedikuar edhe gola me fanellën e Juventusit. Por lojtari i huazuar në Austri nuk është i vetmi shqiptar që ka një miqësi me Moratan.

Futbollisti i Juventusit ka treguar marrëdhënien shoqërore që ndan me Rei Manajn. Të dy lojtarët ishin kundërshtarë në fushën e lojës ditën e sotme, teksa bardhezinjtë luanin kundër Specias. Megjithatë pas 90 minutave “rivaliteti” i ka lënë vendin miqësisë.

Të dy sulmuesit kanë bërë një fotografi së bashku, të cilën Alvaro Morata nuk ka ngurruar ta shpërndajë në rrjetet sociale. Në një “story” të postuar në “Instagram”-in e tij, spanjolli ndan foton me Manajn, të cilin e quan vëlla./Halit Delibashi-Sport Ekspres/

VIDEO/ McGregor e ka humbur toruan, kërkon të rrahë këngëtarin në tapetin e kuq pasi refuzoi një foto me të

Sport Ekspres — Mon, 13 Sep 2021 20:56:33 +0000

Conor McGregor e ka humbur tërësisht toruan kohët e fundit, teksa pas dështimeve të fundit në kafaz kthehet protagonist me veprimet e papërgjegjshme në jetën private. Luftëtari i UFC-së ishte i pranishëm në mbrëmjen gala të ndarjes së çmimeve të MTV-së, por rrezikoi ti jepte një njollë nisjes së saj.

Sipas raportimeve të mediave amerikane, McGregor ka kërkuar një foto rreperit Machine Gun Kelly, i cili ka refuzuar një ofertë të tillë. Kaq ka mjaftuar që ish-kampioni i dyfishtë në MMA të humbiste qetësinë e tij dhe të kërkonte një konfrontim fizik.

McGregor ka hedhur pijen e tij në drejtim të MGK, por menjëherë kanë ndërhyrë punonjësit e sigurisë. Këta të fundit kanë shmangur një sherr mes palëve, që do e kthente tapetin e kuq në një oktagon të vërtetë./Halit Delibashi-Sport Ekspres/

Footage of Conor McGregor throwing his drink at MGK and Megan Fox at the MTV #VMAs.?? pic.twitter.com/YamamLTlEq

— Hip Hop Ties (@HipHopTiesMedia) September 13, 2021

FOTO/ Hoteli me 5 yje që i mundëson kinema private, pishinë dhe 6 restorante, 17 mijë paund nata e rrethojnë Mesin me luks

Sport Ekspres — Fri, 13 Aug 2021 18:36:16 +0000

Lionel Mesi ka siguruar një kontratë 2-vjeçare me PSG-në, ku do të sigurojë një pagë stratosferike në sezon. Sigurisht që parëtë nuk i mungojnë dhe ylli i ri i Parisit ia lejon vetes rehatinë maksimale. Mesi e rrethon veten dhe familjen e tij me luks në kryeqytetin francez. 6 herë fituesi i Topit të Artë është duke qendruar në hotelin me 5 yje, “Le Royal Monceau”, ku shpenzon një shifër prej 17 mijë paundësh në natë.

Me një sasi të tillë parash sulmuesit argjentinas nuk i mungon asgjë. Një kinema private, pishina dhe 6 restorante modern janë të gjitha në dispozicion të tij. Më parë në këtë hotel ka qendruar edhe Neymar, si dhe emra të njohur si Robert De Niro, Walt Disney apo Winston Churchill./Halit Delibashi-Sport Ekspres/

VIDEO/ Tërheq vëmendjen e të gjithëve me format trupore, Mesi detyrohet të fshijë videon ku stërvitet me gruan

Sport Ekspres — Wed, 28 Jul 2021 18:55:39 +0000

Lionel Mesi është ende në pritje për të vendosur të ardhmen e tij, megjithatë nuk lë pas dore stërvitjen individuale për të ruajtur formën e tij fizike. Ylli argjentinas ka shpërndarë në rrjetin e tij social një video nga palestra e tij, ku shihet bashkëshortja Antonela duke u stërvitur.

Format e saj trupore kanë tërhequr menjëherë vëmendjen, duke shtyrë ndjekësit e 6 herë fituesit të Topit të Artë të komentonin për fizikun e saj. Numri i madh i reagimeve ka detyruar Mesin të fshijë më pas videon nga profili i tij, megjithëse tepër vonë, pasi vijon të qarkullojë në rrjet./Sport Ekspres/

Your ? is horny af ? pic.twitter.com/ga5ZKSEahP

— LM10 ? (@Bobwinah) July 27, 2021

VIDEO/ Autografi që nuk mund ti thoshte “jo“, Ronaldinjo i plotëson kërkesën e veçantë tifozes

Sport Ekspres — Sun, 18 Jul 2021 21:02:15 +0000

Futbollistët janë gjithnjë në qendër të vëmendjes dhe shpesh herë u ndodh të ndalen në rrugë për të shkrepur një foto apo për të dhuruar një autograf. Edhe pse i tërhequr prej vitesh nga futbolli i niveleve të larta, Ronaldinjo vijon të ketë interesin e lartë të tifozëve.

Ikona e Brazilit është ndalur së fundmi nga një vajzë, e cila i propozon kërkesën e veçantë, një autograf të shkruar në pjesën e gjoksit të saj. Ronaldinjo ia ka pranuar menjëherë dëshirën simpatizantes së tij, duke firmosur autografin që nuk mund t’i thoshte dot jo./Sport Ekspres/

https://twitter.com/ad_saying/status/1416302895712985096

“E ktheva në forcë“, Zeko flet për ngjarjen në RTSH: Që femrat të mos u nënshtrohen një drejtori që flet me fjalë të pahijshme

Sport Ekspres — Thu, 08 Jul 2021 17:57:49 +0000

Në një intervistë në “Syri TV” gazetarja e mirënjohur e futbollit, Enkejda Zeko hodhi “bombën”, duke deklaruar se një karriera ë saj në këtë sport u krijua nga rrethanat. Sipas saj, ajo dëshironte të tregonte një model të ri në të cilën femrat gazetare vlerësohen për punën që bëjnë dhe jo për pamjen e jashtme. Gjithashtu Zeko deklaroi se gazetaret nuk duhet të durojnë asnjë koment negativ nga shefat e tyre.

“Jam krenare për zgjedhjen që kam bërë. Zgjodha sportin e kushtëzuar nga rrethanat. Gazetaria ka nevojë për lajme të vërteta sepse lajmi është edhe edukues, jo vetëm informativ. Ngjarjen në RTSH e kam kthyer në forcë për t’u treguar femrave që nuk duhet t’u nënshtrohen një drejtori që flet fjalë të pahijshme. Ka më pak rëndësi dukja se sa përmbajtja. Më mirë femrat të jenë aty për të përçuar vlerat e duhura.”- deklaroi Zeko./Sport Ekspres/

VIDEO/ Europiani fantastik merr shpërblimin e madh, Xhaka merr përqafimin që i kishte munguar gjatë

Sport Ekspres — Mon, 05 Jul 2021 21:47:26 +0000

Granit Xhaka nuk mundi të ishte në fushë për të ndihmuar shokët e skuadrës, në mënyrë që të tentonin kualifikimin ndaj Spanjës. Pas fitimit të çmimit lojtari i ndeshjes ndaj Francës, shqiptari u ndëshkua me kartonin e verdhë, duke humbur kështu sfidën Zvicër-Spanjë. Teksa tashmë gjithçka ka mbaruar për helvetët, mesfushori i Arsenalit është takuar me familjarët e tij.

Bashkëshortja e Granitit, Leonita Xhaka ka publikuar një video ku ai përqafohet me vajzën e tij të vogël. Në postimin e gruas së tij thuhet se Graniti kishte 6 javë pa takuar familjen, pasi ishtë gjatë gjithë kohës i fokusuar me Kombëtaren e Zvicrës./Elio Hajdari-Sport Ekspres/

View this post on Instagram

A post shared by LEONITA XHAKA (@leonita.x)

FOTO/ E mban Italinë edhe në dorën e tij, ora e personalizuar e Mancinit kap vlerën 200 mijë euro

Sport Ekspres — Sun, 20 Jun 2021 19:57:40 +0000

Trajneri italian, Mançini është njeriu i momentit në Euro 2020. 56 vjeçari ka krijuar një grup fantastik, pavarësisht emrave jo shumë të mëdhenj në organikë. Në 3 ndeshjet e grupeve, Italia grumbulloi 9 pikë, ku ka shënuar 10 gola dhe nuk ka pësuar asnjë të tillë.

Megjithatë, Mançini ka marë vëmendjen e publikut të gjerë edhe për orën që kishte vendosur ditën e sotme. Në “Tëitter” është zbuluar dhe dizajni i saj si dhe vlera monetare . Marka e orës është “Richard Mille” e personalizuar me emrin e tij, së bashku me muajin dhe ditën e lindjes. Por as në aksesorët që zgjedh nuk e harron Italinë, teska ora mban ngjyrat e kombit të tij. Vlera e orës shkon 200,000 euro, çka tregon se Roberto Mançini është i apasionuar pas aksesorëve të shtrenjtë./Elio Hajdari-Sport Ekspres/

Lojtarët shqiptarë të apasionuar pas makinave luksoze, Berisha prezanton Lamborghinin 200 mijë euro

Sport Ekspres — Sun, 30 May 2021 19:24:37 +0000

Lojtarët shqiptarë kanë treguar që janë të apasionuar pas makinave luksoze dhe të shpejta. Pak kohë më parë Taulant Xhaka dhe Granit Xhaka ishin duke ngarë një Lamborghini mjaft të shtrenjtë. E njëjta gjë ka ndodhur dhe me futbollistin shqiptar që aktivizohet tek Përfaqësuesja e Kosovës, Bernard Berisha.

29-vjeçari ka publikuar një foto ku është në vendin e shoferit të një Lamborghini Urus. Në internet kjo makinë vlerësohet me një çmim mjaft të lartë, mbi 200.000 euro. Faqja e Facebookut “Fansat e Futbollit Kosovar” deklaron se kjo është makina më e re e Bernard Berishës./Elio Hajdari-Sport Ekspres/

“I kisha sytë nga ia gjithë kohës, por ai jo”, çifti Jupi tregon historinë e dashurisë: Nuk e dinim që ishte futbollist

Sport Ekspres — Mon, 10 May 2021 22:41:46 +0000

Shpesh e shihnim në studio televizive për të dhënë analizat e detajuara të ndeshjeve të futbollit, por këtë herë Redi Jupi zgjedh të rrëfejë jetën e tij private. Më konkretisht, historinë e tij të njohjes me bashkëshorten Vivian. Vajza e një mjeku të njohur, Mentor Petrela, është njohur me ish-futbollistin gjatë pushimeve të përbashkëta në jug të vendit, ndërsa zbulon në “E diela shqiptare“ se si ajo edhe i ati i saj nuk ishin në dijeni se Jupi ishte një lojtar i njohur në Shqipëri.

“Kur heq dorë nga pritja të vjen çdo gjë. Isha në një moment kur nuk prisja të njihesha me një vajzë, as për të krijuar familje. Po vazhdoja me ritëm të çuditshëm, më erdhi kjo vajzë. Njiheshim nga larg në Tiranë, por u njohëm në Dhërmi. Ishim në pushime me miq të përbashkët. Ishte personi më normal që kisha parë ndonjëherë. Normaliteti është luks. Një njeri pozitiv, më dukej sikur mendonte si unë. Të gjithë kanë mënyrën e vetë të mendimit. Njerëz normal quaj ata që kam afër, kamë të njëjtat valë radio. Merresha vesh me sy, e shikoja që ishim në sintoni dhe më tërhoqi shumë kjo gjë”, ka thënë Redi Jupi. Më pas edhe Vivian ka dhënë versionin e saj të historisë.

“Ishim rreth 20 veta. Pjesa më e madhe ishin çifte-çifte. Nuk e di pse ndjeja diçka. Unë i kisha sytë komplet nga Redi gjithë kohës, kur ai jo. Kam qenë 23-vjeçe kur u njohëm. Ne kishim bërë një prezantim paraprak. E ftova Redin për darkë një natë që babi ta njihte, por ishte pak skeptik, sepse nuk kishim shumë kohë bashkë. Studionim në atë periudhë. Na shihte te shtëpia që studionim të dy. Një ditë më tha: ‘Kush është ky djali që vjen‘? Por nuk ishim njohës të futbollit apo sportit. Asnjëri nuk e dinte që ishte futbollist i famshëm”, tregon Vivian./Halit Delibashi-Sport Ekspres/

FOTOT/ “Një shtëpi” në det! Ibrahimoviç zhytet në luks, i bën dhuratë vetes jahtin luksoz 20 milionë euro

Sport Ekspres — Fri, 16 Apr 2021 19:48:28 +0000

Vitet e gjata në një karrierë të suksesshme i kanë sjellë Zllatan Ibrahimoviçit miliona euro në llogarinë e tij banakre. Sigurisht me shuma të tilla në pronësinë e tij, sulmuesi suedez nuk kursehet aspak kur vjen puna për të rrethuar veten e tij nga luksi. Lojtari 39-vjeçar ka vendosur të përkëdhelë veten, duke i bërë dhuratë një jaht superluksoz që kap vlerën e 20 milionë eurove.

“Një shtëpi” në det, e tillë është Rebeka. 40 metra i gjatë, 3 kate dhe një pishinë nga e cila mund të shohësh detin. Gjithashtu jahti përfshin një palestër, një vend për “barbecue”, si dhe 5 kabina fjetjeje. Asgjë nuk mungon brenda jahtit të ri të Ibrahimoviç, të cilit i mbetet vetëm të shijojë kohën e tij të pushimit i zhytur në luksin që ia ka mundësuar vetes./Halit Delibashi-Sport Ekspres/

Dëbohet ish-presidenti shqiptar i klubit italian, njoftimi i policisë: I padëshiruar dhe i rrezikshëm për shoqërinë

Sport Ekspres — Fri, 19 Feb 2021 17:58:41 +0000

Një biznesmen shqiptar është detyruar të largohet nga Italia drejt Shqipërisë. Bëhet fjalë për Gëzim Sallakun, i cili në të shkuarën është marrë edhe me aktivitet sportiv, duke qenë presidenti i klubit të Darfos. Policia italiane ka vendosur të dëbojë nga vendi i tyre 48-vjeçarin, që ka një të shkuar të lidhur me krimin.

Mediat përtej Adriatikut bëjnë me dije se Sallaku ka përfunduar disa herë nën prangat e karabinierëve, por këtë herë ka ardhur verdikti për të shpallur të padëshiruar në Itali. “Person i padëshiruar, sepse nuk është i pajisur me dokumentacion dhe është i rrezikshëm për shoqërinë”, është njoftimi që del nga policia e Breshias, vend në të cilin Sallaku banonte së bashku me familjen e tij./Halit Delibashi-Sport Ekspres/

“Hakmarrja” e të dashurës i zbulon “sekretin”, ylli i Milanit mban në shtëpi fanellën e Juventusit

Sport Ekspres — Fri, 12 Feb 2021 21:59:49 +0000

Teo Herndandez është duke kaluar një periudhë mjaft të mirë te Milani, ku ka fituar zemrën e të gjithë tifozëve kuqezi me lojën e tij. Por këta të fundit ndoshta nuk e kanë pritur mirë detajin që gjendej në shtëpinë e francezit. Futbollisti në fjalë i punuar një rrëng partneres së tij, duke e mbuluar me shirita dhe duke e publikuar me pas në rrjetet sociale.

Por “hakmarrja” nuk ka munguar, e madje i zbulon edhe një “sekret“ të tijin. Në foton e shpërndarë në “Instagram” vëmendjen e ka marrë fanella e Juventusit që gjendej në dhomën e tij. Me siguri fanella ka përfunduar në banesën e tij pas një shkëmbimi të mundshëm mes të dyja skuadrave. Por megjithatë ngjyrat bardhezi në shtëpinë e një lojtari të Milanit nuk janë të mirëpritura nga tifozët, aq më tepër kur dihet rivaliteti i madh mes këtyre dy klubeve./Halit Delibashi-Sport Ekspres/

VIDEO/ Lënë mënjanë makinat luksoze, lojtarët madrilenë shkojnë në stërvitje me… Fiat Panda

Sport Ekspres — Mon, 11 Jan 2021 20:30:53 +0000

Shpesh jemi mësuar t’i shohim futbollistët të rreshtojnë makinat e tyre luksoze rreth parkimit të stadiumit, teksa pagat e tyre ua mundësojnë një gjë të tillë. Por ka edhe momente të tilla kur në pah del modestia. Kryeqyteti spanjoll është mbuluar nga dëbora për shkak të stuhisë që ka goditur vendin dhe lojtarët e Atletikos së Madridit kanë vendosur që të shkojnë në stërvitje me një … Fiat Panda.

Një makinë kjo që kushton shumë pak dhe është e përballueshme nga të gjitha shtresat e shoqërisë. Karrasko, Lemar dhe Vërsaljiko kanë zgjedhur këtë mënyrë për të udhëtuar në rrugët e mbuluara nga dëbora. Ishte pikërisht mbrojtësi kroat që ka publikuar edhe video gjatë rrugës për në “Vanda Metropolitano” në rrjetin e tij social në “Instagram”./Halit Delibashi-Sport Ekspres/

Carrasco chegando no Metropolitano com o Fiat Panda jajakakajakak pic.twitter.com/nEAtCF0Cjf

— Atleti Brasil (@AtletiBrasil) January 11, 2021

Tradhëtoi partneren me shoqen e saj, PSG i mbyll kontratën para kohe sulmuesit

Sport Ekspres — Sun, 06 Dec 2020 19:54:06 +0000

Jese Rodriguez ka qenë në mes të një furtune mediatike kohët e fundit. Lajmi për tradhëtinë e tij ndaj partneres ka pushtuar mediat dhe është cilësuar si një skandal në Francë. Sulmuesi spanjoll mësohet të ketë tradhëtuar Aurah Ruiz, me të cilën ka edhe një fëmijë, me shoqen e saj module Rocio Amar.

Kjo situatë aspak e hijshme jashtë fushave të lojës i ka dhënë goditjen përfundimtare edhe në të ardhmen e tij në radhët e PSG-së. Me kampionët e Francës Rodriguez është bashkuar në vitin 2016 nga Reali i Madridit, megjithëse nuk ia ka dalë dot të bëjnë një vend në formacion. Të gjitha këto së bashku kanë bërë që PSG të vijë me një njoftim zyrtar ditën e sotme, ku bën me dije se ka ndërprerë përpara kohe kontratën me 27-vjeçarin, e cila përfundonte në qershor të vitit të ardhshëm./Halit Delibashi-Sport Ekspres/

Nga turpi i Realit e pëson gruaja e Iskos, shfenohen tifozët: Ku***, ti e ke bërë ashtu

Sport Ekspres — Mon, 09 Nov 2020 19:45:25 +0000

Reali i Madridit është mbërthyer nga një krizë rezultatesh këtë sezon, ku pas dështimeve në Ligën e Kampinëve vijon zhgjënjimin edhe në La Liga. Një humbje e turpshme për kampionët në fuqi të kampionatit spanjoll erdhi mbrëmjen e djeshme, teksa Valencia i shkatërroi me shifrat 4-1.

Lojtarët janë shënjestruar menjëherë nga tifozët, por nga tërbimi i këtyre të fundit nuk kanë shpëtuar as bashkëshortet e futbollistëve. Isko është kritikuar së shumti për rënien nga forma, ndërsa mbrëmjen e djeshme tifozët janë shfrenuar në rrjete sociale ndaj partneres së tij, Sara Salamo, të cilën e shohin si fajtore të gjendjes në të cilën ndodhet mesfushori spanjoll.

“Ku***, nuk do ta fal kurrë atë që i bëre Iskos“, apo “Isko është kështu për shkakun tënd“ ishin disa prej komenteve të tifozëve të Realit të Madridit, të cilat vetë Salamo i ka shpërndarë në profilin e saj në “Twitter“. /Halit Delibashi-Sport Ekspres/

En España no hay machismo.? pic.twitter.com/PSmjlJWUMJ

— Sara Sálamo (@SaraSalamo) November 8, 2020

Panik për Ronaldon/ Grabitet shtëpia 7 milion paundëshe e yllit portugez, hajdutët largohen me … fanellën e firmosur të Juves

Sport Ekspres — Thu, 08 Oct 2020 17:57:53 +0000

Momente paniku kanë kapur familjen e Kristiano Ronaldos. Mbrëmjen e djeshme, teksa futbollisti ishte duke luajtur kundër Spanjës me Portugalinë, shtëpia e tij tejet luksoze me vlerë 7 milionë paund në Madeira është grabitur. Sipas asaj që raportojnë mediat portugeze me sa duket ka pasur bashkëpunim nga stafi i 5 herë fituesit të Topit të Artë.

Një punëtor i shtëpisë ka hapur derën e garazhit duke lejuar grabitësin të hyjë në ambientet e brendshme. Mësohet se së bashku me sendet e vjedhura, hajduti është larguar edhe me një fanellë të firmosur të Juventusit që Ronaldo e mbante në shtëpinë e tij.

Kamerat e sigurisë kanë kapur imazhet e personit që ka kryer grabitjen, i cili është identifikuar nga forcat e policisë. Megjithatë ende nuk ka një të arrestuar për këtë ngjarje. Theksojmë se nuk dihet nëse nëna apo vëllai i yllit portugez ka qenë në shtëpi në momentet kur ka ndodhur grabitja, ndërsa Xhorxhina ishte në Francë për Javën e Modës në Paris./Halit Delibashi-Sport Ekspres/

Fatmirësisht luan për PSG-në, Vanda Nara tregon “vuajtjet” nga humbjet: Ikardi nuk bën s*** nëse nuk fiton

Sport Ekspres — Fri, 11 Sep 2020 20:42:20 +0000

Çifti Ikardi-Vanda Nara tërheq gjithnjë vëmendje mediatike, në qendër të së cilës kanë qenë që prej fillimit të marrëdhënies së tyre. Kjo për nga vetë mënyra se si lidhja e tyre u formua, me Vandën që ishte bashkëshortja e shokut të argjentinasit, Maksi Lopez.

Ndërkohë menaxherja e sulmuesit të PSG-së zbuluar së fundi edhe më shumë detaje nga marrëdhënia e tyre dhe ndikimi që humbjet kanë të Ikardi. Me sa duket disfatat në fushë reflektohen edhe në shtrat për lojtarin argjentinas. Nara ka treguar “vuajtjet” e saj, teksa shprehet se Mauro Ikardi refuzon të bëjë s*** nëse ekipi i tij nuk fiton. Por fatmirësisht për Vandën, 27-vjeçari luan për PSG-në dhe nuk i duhet të shijë shpesh shijen e humbjes.

“Nuk di ç’të them. Duhet ta provojë përpara ndeshjes, por Mauro është shumë profesionist dhe nuk bën asgjë përpara takimit. Ndodh vetëm pasi përfundon ndeshja dhe kjo vetëm nëse takimi ka shkaur mirë. Nëse nuk shkon mirë, ai as nuk m’i hedh sytë”, ka thënë Vanda Nara për “Repubblica della Donne”./Halit Delibashi-Sport Ekspres/

“Shkijet duan të na marrin edhe bukurinë“, Hygerta Sako i kthehet ndjekësit serb: Krenare që kam gjak ilir

Sport Ekspres — Sun, 06 Sep 2020 18:48:37 +0000

Moderatorja Hygerta Sako njihet për bukurinë e saj dhe shpesh e tregon edhe në rrjetet sociale, ku është shumë aktive. Sigurisht komentet apo komplimentat nuk mungojnë për të, megjithëse së fundi është hasur me një mesazh që nuk i ka pëlqyer. “Dukesh si serbe“, i shkruan një person serb ish-misit shqiptar.

Por Hygerta Sako nuk e lë pa një përgjigje, duke ia kthyer me krenari se është shqiptare. “Dukem si shqiptare dhe jam krenare që kam gjak ilir”, është përgjigja e gazetares së “RTSH”-së. Këtë gjë vendos të shpërndajë me të gjithë në llogarinë e saj në “Instagram”, ku e shoqëron me fjalët: “Edhe bukurinë duan të na e përvetësojnë shkijet”. Ndërkohë në një tjetër postim të saj, Sako shton: “Komenti i tij ishte provokim i pastër, ndaj meritonte t’i thuhej kush janë autoktonët”./Halit Delibashi-Sport Ekspres/