“FK Partizani me kënaqësi zyrtarizon arritjen e transferimit të lojtarit Rrok Toma nga ekipi italian UC AlbinoLeffe. Sulmuesi 21 vjeçar tashmë do të jetë pjesë e Partizanit, pasi ka firmosur me të kuqtë një kontratë 3 vjeçare me opsion rinovimi edhe për një tjetër sezon. Toma aktualisht kontigjent i ekipit tonë përfaqësues U-21 do ti bashkohet të kuqve pas impenjimeve me kuqezinjtë në dy testet miqësore ndaj Gjermanisë dhe Zvicrës”, ka njoftuar klubi Partizani./Sport Ekspres/

“Flamurtari F.C. prezanton sulmuesin e ri : Alessandro Bolzan. Bolzan vjen nga Cagliari Calcio (Serie A, Itali) dhe është gati të sjellë eksperiencën, golat dhe shpirtin fitues në skuadrën kuqezi! Mirë se vjen në Flamurtari F.C , Alessandro”, ka njoftuar klubi Flamurtari./Sport Ekspres/

“Faleminderit Regi Lushkja! Ju njoftojmë se është arritur marrëveshja me klubin iranian Tractor FC për transferimin e lojtarit. Suksese goalman”, ka njoftuar klubi Egnatia./Sport Ekspres/

“KF Vllaznia ka kënaqësinë të njoftojë se ka arritur akordin me futbollistin Cristian Dros. Mesfushori që sezonin e kaluar ka qenë pjesë e Elbasankt, tashmë do të jetë kuqeblu deri në vitin 2027. Welcome Cristian”, ka njoftuar klubi Vllaznia./Sport Ekspres/

“Sport Time”, mëson ekskluzivisht se një klub i madh suedez ka trokitur te menaxheri i Qefalijas për të nisur bisedimet për një transferim të mundshëm në sallonet e mëdha të futbollit nordik.

21-vjeçari, i cili është pjesë e kombëtares Shpresa, ka qenë titullar në të katërta ndeshjet që Dinamo ka zhvilluar në Europë, ndaj Escaldes dhe Hajdukut të Splitit.

Mesfushori, i cili është nën kontratë me Dinamon, është i fokusuar tek “play off”-i, ku “nëndetësja” do të përballet me polakët e Jagiellonia.

Ndërkohë që Qefalija mendon vetëm për fushën, në skenë shfaqet menaxheri i tij, i cili është duke dëgjuar propozimin e klubit suedez, që për momentin mbetet sekret.

“Faleminderit Baton Zabërgja! Ndeshja kundër Hajdukut në “Air Albania” ishte e fundit për Baton Zabërgjën me fanellën e Dinamo City, para transferimit në Ukrainë. Dhe “Zabi” luajti siç di vetë, duke vënë “firmën” e tij në suksesin e madh të Dinamos.

Klubi blu dhe veçanërisht presidenti Adrian Bardhi e falënderojnë lojtarin për përkushtimin e jashtëzakonshëm profesional. Shembulli më i mirë i futbollistit që sakrifikon gjithçka për fanellën dhe shokët e ekipit. I dha shumë Dinamos dhe mori po aq shumë prej saj.
Suksese me skuadrën e re në Ukrainë! Do të mbetesh gjithmonë një dinamovit, dera për ty do të jetë gjithmonë e hapur. Faleminderit Baton Zabërgja! Faleminderit kampion”, ka njoftuar klubi Dinamo./Sport Ekspres/

“Nikola Buriç pjesë e kampionëve. Sulmuesi transferohet nga ekipi i NK Domzhale me një kontratë dy vjeçare. Mirë se erdhe dhe suksese”, ka njoftuar klubi Egnatia./Sport Ekspres/

“FK Partizani me kënaqësi zyrtarizon arritjen e marrëveshjes me Rowan Human. Mesfushori 24-vjeçar njëkohësisht pjesë e përfaqësueses së Afrikës së Jugut ka nënshkruar me të kuqtë për dy sezone me opsion rinovimi edhe për një tjetër vit. Fantazisti i bashkohet Partizanit nga skuadra afrikano jugore AmaZulu. Gjithashtu ai ka qenë pjesë edhe në Izrael me Makabi Tel Aviv dhe Beitar Tel Aviv. Human pritet të sjellë më shumë cilësi dhe eksperiencë në repartin e mesfushës”, ka njoftuar klubi Partizani./Sport Ekspres/

“FK Partizani me kënaqësi zyrtarizon afrimin më të ri në merkato Obiero Amos Nondi. Mesfushori nga Kenia njëkohësisht pjesë e përfaqësueses së Kenias ka nënshkruar me të kuqtë një kontratë 1+1. Nondi i bashkohet Partizanit pas dy sezoneve te ekipi Ararat Armenia, ku në kampionatin armen ka spikatur me paraqitjet e tij. 26 vjeçari pasi ka kaluar me sukses vizitat mjekësore i është bashkuar ekipit”, ka njoftuar klubi Partizani./Sport Ekspres/

“Bernard Berisha vishet blu! Bernard Berisha është lojtari më i ri i Dinamo City. Presidenti Adrian Bardhi, ka bërë surprizën e radhës, duke arritur të bindë futbollistin kosovar për të veshur fanellën blu.

Sulmuesi i njohur sjell eksperiencë ndërkombëtare te “Nëndetësja” jonë… Ai ka luajtur me përfaqësuesen e Kosovës dhe në Rusi. Berisha gjithashtu e njeh mjaft mirën futbollin shqiptar, pasi më parë ka veshur fanellën e Besës dhe Skënderbeut. Ai vjen si një vlerë e shtuar për skuadrën dhe trajnerin Ilir Daja”, ka njoftuar klubi Dinamo./Sport Ekspres/

“KF Vllaznia ka kënaqësinë të njoftojë arritjen e marrëveshjes me futbollistin Sherif Kallaku për të qenë pjesë e skuadrës tonë deri në vitin 2027. Lojtari ndërkohë pasditen e sotme ka zhvilluar edhe seancën e parë stërvitore me ekipin duke u vënë menjëherë në dispozicion të stafit teknik. Mirë se erdhe në familjen kuqeblu Sherif”, ka njoftuar klubi Vllaznia./Sport Ekspres/

“Faleminderit Itodo Mandela! Klubi i Dinamo City bën me dije se ka arritur marrëveshjen për transferimin e lojtarit Peter Itodo Mandela në Ukrainë, te skuadra e Metalist 1925. Presidenti Adrian Bardhi dhe klubi e falënderojnë sulmuesin për kontributin e dhënë me fanellën blu sezonin e kaluar, ku ai spikati.
Gjithashtu, i urojmë lojtarit suksese me skuadrën e tij të re”, ka njoftuar klubi Dinamo./Sport Ekspres/

“Guillem Jaime pjesë e kampionëve.Kemi kënaqësinë tju njoftojmë se mbrojtësi ka nënshkruar kontratën për dy vitet në vazhdim.Mirë se erdhe dhe suksese”, ka njoftuar klubi Egnatia përmes faqes së vetë zyrtare në “Facebook”./Sport Ekspres/

Nuk ka munguar as reagimi i trajnerit të Vllaznisë, Edi Martinit, i cili ka përdorur llogarinë e tij në “Facebook” për t’u shprehur. “Urime Egnatia, urime Gruda, urime Demrozi, jeta vazhdon…”, ka shkruajtur Edi Martini./Sport Ekspres/

“Ildi Gruda pjesë e kampionëve. Futbollisti dhe Presidenti Demrozi kanë firmosur një kontratë 2 vjecare me klubin deri në Qershor 2027. Pas konfirmimit të regjistrimit nga Federata Shqiptare e Futbollit, futbollisti u bë pjesë e listës për ndeshjet eleminatore të UEFA Champions League”, ka njoftuar klubi Egnatia./Sport Ekspres/

“Carlos García është zyrtarisht trajner i Flamurtari Football Club. Më herët ka qenë zv.trajner te Chicago, si dhe në Itali tek Udinese.
Sa i përket karrierës si futbollist, ka luajtur me RCD Espanyol, UD Almería, Real Betis, Maccabi Tel Aviv në Izrael, Alanyaspor në Turqi. Mirë se vjen në familjen e madhe Kuqezi të Flamurtari F.C”, ka njoftuar klubi Flamurtari./Sport Ekspres/

“Judah Garcia është lojtari më i ri i Partizanit. Klubi njofton arritjen e marrëveshjes me sulmuesin anësor nga Trinidad Tobago. 24 vjeçari i bashkohet të kuqve pas eksperiencës te AEK Athina B në kampionatin grek. Garcia i cili është njëkohësisht edhe pjesë e përfaqësueses së Trinidad Tobago ka nënshkruar me të kuqtë një kontratë 1+1”, ka njoftuar klubi Partizani./Sport Ekspres/

“Faleminderit Mario Rabiu! KF Skënderbeu ka arritur marrëveshjen me klubin nga Kazakistani FC Aktobe për transferimin e mesfushorit Mario Rabiu. Klubi i Futbollit Skënderbeu falenderon Marion për kontributin e dhënë dhe i uron sa më shumë suksese në karierrën e tij”, ka njoftuar klubi Skënderbeu./Sport Ekspres/

“Faleminderit Ermir Rashica! KF Skënderbeu ka arritur marrëveshjen me klubin ukrainas FC Metalist 1925 për transferimin e sulmuesit Ermir Rashica. Klubi i Futbollit Skënderbeu falenderon Ermirin për kontributin e dhënë dhe i uron sa më shumë suksese në karierrën e tij”, ka njoftuar klubi Skënderbeu./Sport Ekspres/

“KF Tirana njofton transferimin në formë huazimi me te drejtë blerje të portierit Mustafë Abdullahu drejt Karlsruher SC. KF Tirana falenderon klubin Gjerman për bashkëpunimin dhe transferimin e lehtë të lojtarit pranë tyre. Të lumtur që vazhdojmë të bashkëpunojmë me klubet më në zë të Europës”, ka njoftuar klubi Tirana./Sport Ekspres/

“Unë pretendoj te Dodaj që të konsolidohet edhe pak në kampionatin tonë. Shpresoj që të arrijmë një trofe me atë. Ai ka një të ardhme fantastike dhe shpresoj që të shkojë në një nga top 5 ligat kryesore të Europës. Mendoj që aty e ka vendin në të ardhmen.

Kemi pasur diskutime me Lens, jo ofertë konrete, që nuk është finalizuar. Por Dodaj është në vëmendjen e këtyre top 5 ligave. Kemi pasur oferta konkrete nga Ukraina, gjithashtu edhe nga Bullgaria. Por do të kisha preferuar shumë që Dodaj të luante në një nga këto top 5 ligave”, ka deklaruar Alban Xhaferi./Sport Ekspres/

“FK Partizani me kënaqësi zyrtarizon rikthimin e David Atanaskoskit. Mbrojtësi i majtë i cili ishte pjesë e Partizanit për dy sezone, pas eksperiencës në Rumani rikthehet në Shqipëri duke konfirmuar se të kuqtë mbeten e vetmja zgjedhje në kampionatin Shqiptar. Atanaskoski ka firmosur me të kuqtë një kontratë për një vit e gjysëm. Në total 28 vjeçari me Partizanin ka dhuruar 77 paraqitje duke fituar me të kuqtë titullin kampion në sezonin 2022 – 2023 dhe trofeun e Superkupës së Shqipërisë”, ka njoftuar klubi Partizani./Sport Ekspres/

“Partizani me kënaqësi zyrtarizon afrimin e Blessing Eleke. Klubi ka arritur marrëveshjen me sulmuesin nigerian, i cili bashkohet me të kuqtë pas eksperiencave te disa prej ekipeve mjaft me emër në arenat europiane. Qendërsulmuesi 28 vjeçar konsiderohet një tjetër përforcim cilësor në merkaton e janarit dhe do të jetë një tjetër vlerë e shtuar e repartit ofensiv të ekipit”, ka njoftuar klubi Partizani./Sport Ekspres/

“Paulo Estrela zyrtarisht bardhekuq! Mesfushori portugez ka arritur marrëveshjen për 2.5 vite me klubin dhe është zyrtarisht lojtar i Skënderbeut. 25 vjeçari me një të kaluar tek FC Porto dhe Portimonense SC në Superligën Portugeze, ka kryer paraditen e sotme testet mjekësore dhe është bashkuar me grupin në seancën stërvitore”, ka njoftuar klubi Skënderbeu./Sport Ekspres/

“Sa vjeç është lojtari që u shit? 24 vjeç. Sa merr Partizan inga kjo shitje? 250 mijë euro. A e kuptoni se çfarë katastrofe jemi?! Shesim lojtarë për një hyrje, për një apartamentë. Kjo është katastrofë. Unë nuk e di që ky lojtar të ketë bërë çudira. Nivel mesatar dhe mbimesatar. Aq më keq, nuk jam dakort me këto zgjedhje që të shkosh të luash në Ukrainë. Nuk është një kampionat që do të bjerë në sy në Shqipëri. Aq më tepër kur vendin e ka të zënë, sepse atje luan mbrojtësi i Kombëtares së Ukrainës. E treta e punës, në moshën 24-vjeçare i ke mbaruar punët me kampionatin shqipar dhe nëse nuk do të shkosh në një kampionat elitar jashtë, atëherë nuk do të rritesh më.

I uroj sukses këtyre dy lojtarëve për karrierën e vetë, po nuk është se do t’i mungojë gjë kampionatit. Tani nuk bën diferencë as kush vjen e as kush ikën, sepse niveli nuk është aq i madh. Është lojtar punëtor, është lojtar që vrapon. Talent nuk kam parë unë”, ka thënë Ilirjan Alliu./Sport Ekspres/

“KF Vllaznia ka kënaqësinë të njoftojë arritjen e akordit dhe firmosjen e zgjatjes së kontratës edhe për 3 vitet e ardhshme me futbollistin Antonio Delaj”, ka komunikuar klubi Vllaznia./Halit Delibashi-Sport Ekspres/

“KF Vllaznia ka kënaqësinë të njoftojë se pjesë e tij do të jetë dhe futbollisti Edlin Randy Essang Matouti. Lojtari dhe klubi kanë firmosur sëbashku një kontratë trevjeçare. Ai është federuar ditën e fundit të mbylljes së merkatos, ndërkohë që sot ka mbërritur në Shkodër për t’iu bashkuar ekipit në stërvitje. Matouti është 21 vjeç, luan në repartin e sulmit dhe kohët e fundit ka debutuar edhe me kombëtaren e vendit të tij- Gabon. Mirë se erdhe në familjen kuqeblu Essanga Matouti”, ka njoftuar klubi Vllaznia./Halit Delibashi-Sport Ekspres/

Veselinoviçi më herët ka drejtuar Vojvodinën në kampionatin serb, si dhe ka qenë trajner në ekipet e moshave të Kombëtares së Serbisë. Ndërkohë që prej vitit të shkuar 54-vjeçari ka qenë pa ekip. Përvojat e tij të fundit si trajner kanë qenë në Arabinë Saudite./Halit Delibashi-Sport Ekspres/

“Tifozë të dashur, skuadra nga dita në ditë po plotësohet e po komponohet! Për t’i ndjekur objektivat tona ashtu siç na takon, kemi kënaqësinë të ju njoftojmë se kampionëve të Republikës së Kosovës, iu është bashkuar edhe një futbollist kualitativ.

Mbrojtësi 21 vjeçar, Elmando Gjini, tashmë është veshur portokall e zi. Lojtari që mbron ngjyrat e Kombëtarës së Shqipërisë, së fundmi ishte pjesë e Teutës së Durrësit, skuadër me të cilën FC Ballkani ka arritur marrëveshje për blerjen e kartonit të tij.

Me futbollistin që karrieren te grupmoshat e reja e ka zhvilluar te disa skuadra evropiane, ndër to Genoa e Bologna të Serie A, kemi nënshkruar kontratë 4 vjeçare. Klubi i dëshiron mirëseardhje shkodranit, duke i uruar suksese drejt arritjes së synimeve tona të përbashkëta. Na priftë e mbara”, ka njoftuar klubi Ballkani./Halit Delibashi-Sport Ekspres/

“Klub Futboll Egnatia njofton se “kampioni” ynë Edlir Tetova ka rinovuar kontratën deri në vitin 2027. Hap i rëndësishëm për vazhdimin e një projekti afatgjat të nisur 2 sezone më parë mes presidentit Agim Demrozi dhe trajnerit Edlir Tetova që ka sjell deri tani 2 Kupa të Shqipërisë dhe trofeun e titullit kampion”, ka njoftuar klubi Egnatia./Halit Delibashi-Sport Ekspres/

“Përshëndetje! Klubi ka kënaqësinë të njoftojë se në “Bordin e avionit të kampionëve” ka hipur një “luftëtar” i ri. Dardan Vuthaj ka firmosur për dy sezone, duke nisur kështu një udhëtim të gjatë me ne. Presidenti Agim Demrozi i ka uruar mirë se ardhjen sulmuesit, i cili vjen pas aventurave me disa skudra të njohura në Itali”, ka njoftuar klubi Egnatia./Halit Delibashi-Sport Ekspres/

Ndërkohë, Vaskezi është vetëm 21 vjeç dhe kartoni i tij zotërohet nga Salcburgu. Megjithatë, dy sezonet e fundit ka luajtur i huazuar në ligën e dytë austriake në radhët e Kapfenbergut. Të dy lojtarët kanë nënshkruar kontratë 3-vjeçare me Skënderbeun. Lajmin e ka përcjellë vetë klubi korçar në faqen e vetë zyrtare në “Facebook”./Halit Delibashi-Sport Ekspres/

“Klubi i Futbollit Teuta njofton afrimin e tretë të merkatos së verës, duke rikthyer në shtëpi mesfushorin Emiliano Vila! Mesfushori 36-vjeçar do të jetë zyrtarisht futbollisti më i ri i Teutës, duke u rikthyer aty ku hodhi hapat e parë si futbollist. Klubi i uron mirëseardhje Vilës dhe sa më shumë suksese me fanellën blu”, ka njoftuar klubi Teuta./Halit Delibashi-Sport Ekspres/

“Klubi i Futbollit Tirana njofton se ka arritur marrëveshjen me qendërmbrojtësin Mahamadou Dembele! 25-vjeçari francez është një prodhim i akademisë së PSG-së, teksa ka luajtur me skuadra si Salzburg, Troyes e Sitard. Dembele ka qenë gjithashtu pjesë kombëtares së Francës, që nga U16 deri në U21. Klubi i Tiranës i uron mirëseardhje në familjen bardh’ e blu”, ka njoftuar klubi Tirana./Halit Delibashi-Sport Ekspres/

“Klubi i Futbollit Tirana njofton se ka arritur marrëveshje me mesfushorin spanjoll, Ian Soler! Futbollisti 28-vjeçar është një prodhim i akademisë së Espanjolit, teksa është aktivizuar edhe me të rinjtë e Almerias e Fulhamit! KF Tirana i uron mesfushorit mirëseardhje në familjen bardh’ e blu”, ka njoftuar klubi Tirana përmes faqes zyrtare në “Facebook”./Halit Delibashi-Sport Ekspres/

“Mirësevjen Arhan Isuf! Klubi i Futbollit Tirana njofton afrimin e radhës në merakton e verës. Mbrojtësi i djathtë, Arhan Isuf është emri më i ri që do të rreshtohet në radhët e bardhebluve. 25-vjeçari bullgar është bashkuar në stërvitje me ekipin dhe ka nisur përgatitjet për sezonin e tij të parë në kampionatin shqiptar, pas një eksperience të gjatë në futbollin bullgar. Klubi i Tiranës i uron mirëseardhje mbrojtësit Isuf dhe shumë suksese me fanellën bardh’ e blu”, ka njoftuar klubi Tirana./Halit Delibashi-Sport Ekspres/

“Faleminderit Nazmi Gripshi! Bëjmë me dije se marrëveshja me futbollistin nga Durresi ka përfunduar, andaj klubi e falenderon mesfushorin për kontributin e dhënë tek ne, duke i uruar suksese në vazhdim të karierës së tij. Suksese Gripshi”, ka njoftuar klubi Ballkani./Halit Delibashi-Sport Ekspres/

Gazetari nga Kosova, Lorik Gashi, ka zbuluar në studion e emisionit “Kampionët” se një klub rus ka ofruar 1.7 milionë euro për shërbimet e Hazrollajt. Një shifër rekord kjo për kampionatin e Kosovës, e cila është refuzuar nga Malisheva. Gashi njofton se arsyeja e dhënies së një përgjigjeje negative është se vetë lojtari nuk dëshiron të vazhdojë karrierën e tij në Rusi./Halit Delibashi-Sport Ekspres/

“Klub Futboll Egnatia njofton se ka arritur të nënshkruaj kontratë me sulmuesin Youba Drame për 2.5 vitet e ardhshme. Drame me një cv të pasur pritet të jetë një vlerë e shtuar për skuadrën tonë dhe një alternativë më shumë në formacion e trajnerit Edlir Tetova”, ka njoftuar klubi Egnatia./Halit Delibashi-Sport Ekspres/

“Të dashur tifozë, ju njoftojmë se super mesfushori ynë dhe i Kombëtares së Kosovës, Qëndrim Zyba, e vazhdon karrieren te skuadra prestigjioze e Legias së Varshavës. Futbollisti huazohet te ekipi polak deri në fund të sezonit, me të drejtë blerje të gjithë kartonit.

Klubi e falenderon Zybën për kontributin e madh që ka dhënë me ne, duke ndihmuar në arritjen e objektivave tona, kurse ne jemi të lumtur që si vatër e ngritjes profesionale të lojtarëve, krijojmë në vazhdimësi mundësi për ta që të arrijnë lartë e më lartë. Të priftë e mbara Qëndrim”, ka njoftuar klubi Ballkani./Halit Delibashi-Sport Ekspres/