“Dardanët” u përpoqën të ndryshonin fatin e këtij takimi, por nuk ia dolën dot ta dërgonin topin në rrjetë. Falë kësaj fitoreje, Turqia ka siguruar kualifikimin në Kupës së Botës pas plot 24 viteve./Sport Ekspres/

“Kemi lojtarë shumë të mirë në ekip. Besoj që fitorja na ka dhënë shumë besim. Kështu që të martën kundër Turqisë shpresoj që do të bëjmë një lojë shumë të mirë. Do t’i marrim të gjithë tifozët pranë vetes. Shpresoj që të fitojmë lojën dhe të shkojmë në Kupën e Botës. Në fund shihet se çfarë bëhet në fushë. Ata mund të jenë favoritë sa të duan. Favoritë ishin edhe Sllovakia e Suedia. Ne kemi për të kryer punën tonë. Do të japim maksimumin në fushë dhe më pas do ta shohim pas lojës”, ka deklaruar Fisnik Asllani./Sport Ekspres/

“Jemi gati për ndeshjen dhe besoj se do të jetë një ditë e bukur në Prishtinë. Do të japim gjithçka për të marrë këtë fitore. Deri në momentin e fundit nuk ka përfunduar asgjë dhe ja ku jemi tani. Tani gjithçka varet nga ne. Mendoj që e kemi merituar të jemi deri këtu dhe do të japim maksimumin për ta merituar fitoren. Sa i përket tifozëve, mbështetja e tyre ka qenë e jashtëzakonshme. Kanë qenë gjithmonë pranë nesh dhe na kanë dhënë forcë në çdo moment. Jemi shumë mirënjohës për këtë dhe shpresoj t’i bëjmë krenarë duke dhënë gjithçka në fushë”, ka thënë Arijanet Muriçi./Sport Ekspres/

“Vedat Muriqi donte të luante për Kombëtaren tonë. Në atë kohë, trajner ishte Fatih Terimi. Në fakt, shumica e dokumentacionit u kompletua ndërkohë që ai ishte te Giresunspori. Por nuk u realizua për shkak të disa detajeve të vogla. Tani fati ka luajtur lojën e tij. Muriqi do të luajë kundër Kombëtares së Turqisë për t’u kualifikuar në Kupën e Botës”, ka thënë Haldun Domac./Sport Ekspres/

“Nuk do t’i kisha ftuar për një arsye. Shumë shpesh tifozët kanë ditur që, ndoshta nga entuziasmi i tyre i tepruar, të shkaktojnë më shumë dëme se sa dobi. Ne kemi nevojë për tifozë që përkrahin dhe jo që bëjnë probleme. Tani çdo gjë shihet me lupë dhe ne nuk kemi lluksin të kemi tifozë me probleme. Prandaj këtu nuk e shoh që duhet të vijnë tifozë të organizuar. Tifozë të organizuar janë vetëm “Dardanët”. Të tjetër duhet të jenë tifozë që vetëm e përkrahin me zemër, por jo kush e bën ndonjë gjest të pahijshëm”, ka deklaruar Fatmir Zhdrella./Sport Ekspres/

Trajneri i dardanëve ka vendosur që të hedhë nga minuta e parë Muriqin dhe Asllanin në qendër të sulmit. Ndërkaq mesfusha do të përbëhet nga Rexhbeçaj dhe Hoxha në qendër, si dhe Vojvoda e Muslija respektivisht në krahun e djathtë dhe të majtë. Sa i përket mbrojtjes, Dellova dhe Gallapeni do të mbulojnë krahët, ndërsa Hajdari dhe Hajrizi do të pozicionohen në qendër. Porta i është besuar Arijanet Muriqit.

Ndërkohë, Zhegrova do ta ndjekë ndeshjen nga stoli. Lojtari i Juventusit nuk ka pasur minuta në këmbë me klubin bardhezi, duke ndikuar kështu edhe në zgjedhjet e trajnerit Foda te Kosova./Sport Ekspres/

“Unë kam shumë miq në Kosovë, por miq të mirë. Unë e di që ata janë një popull që kanë vuajtur. Kanë dalë nga një regjim dhe sot po lulëzojnë. Unë i kam ndjekur edhe Dajën, edhe Mirelin, edhe ty, edhe Klodian Duron. Ke shkuar si shqiptar i Shqipërisë dhe ata janë shqiptarë të Kosovës. Nuk janë kosovarë, janë shqiptarë edhe ata, dardanë. Më vjen mirë që ti ke përçuar atë frymën tënde, modulin tënd.

Por mos u tut atje, sepse midis shumë kosovarëve të mirë ka edhe qelbësira pro serbë, që nuk i pëlqen shumë kjo ndërthurje e shqiptarëve të Shqipërisë me shqiptarët e Kosovës. Ata gjithmonë do na kenë inat për këtë ndërthurje pozitive. Siç marrim ne lojtarët e Kosovës, ose të Dardanisë, se unë nuk dua të them kosovarë, të cilët edhën këtu dhe dhanë çdo gjë të mirë. Ashtu edhe trajnerët tanë po japin çdo gjë të mirë. Prandaj, këmbëngul te puna jote. Ata elementë nuk dalin zbuluar. Kur je anti shqiptar, je pro serb.

Kishte shanse të vinte Fadil Vokrri në Shqipëri dhe ta tallte njeri?! Të vinte Agim Cana e shumë lojtarë dhe t’i tallja unë? Nuk kishte shanse. Vdekjen mund t’a prisja, por jo të tallësh Klodian Duron. Është personalitet”, është shprehur Sokol Kushta./Sport Ekspres/

“Ka një grup lojtarësh shumë cilësor. Një klub i organizuar. Jo më kot ka pasur suksese. Janë seriozë në çdo komponentë të klubit. Një fitore e madhe e ekipit tonë sot. Ishte një fitore morale më shumë dhe për të kthyer besimin. Një ekipet më të forta në Kosovë, me plot gojën, Ballkani, por arritëm të merrnim 3 pikët. Kur e kam pranuar këtë punë, ju më njihni mirë që s’kam pasur frikë nga sfidat, objektivi minimal është shpëtimi nga kategoria. Nuk kemi marrë rezultatet e duhura, megjithëse statistikat flasin për ne. Por rezultatet do të vijnë nga ndeshja në ndeshje.

Përse nxorra pasaportën shqiptare? Unë jam 51 vjeç dhe am 40 vjet në fushë, nuk kam parë ndonjë ndeshje futbolli kur ty të mohohen 5 kartonë të kuq të kundërshtarit, kur të mohohet një gol i rregullt dhe kur të mohohet edhe një penallti. Nuk e di se për çfarë ekzistonte VAR-i në atë ndeshje. Në momentin final, kur ti shprehesh emocionalisht… Nuk ishte e duhura ajo, por jemi njerëz dhe punojmë me gjak dhe kemi emocionet tona. Protesta ie për padrejtësitë që ndodhën në atë ndeshje. Nuk dua të gjykoj askënd, por me kaq shumë raste të faktuara, nxorra pasaportën për të thënë në kamera: ‘Thuajini këtij burri që po drejton ndeshjen të japi barazi sportive, sepse unë shqiptar jam, nuk jam serb’.

Nuk kemi ndonjë diferencë të madhe në drejtimin e klubeve dhe në respektimin e institucionit të trajnerit, si në Kosovë, ashtu edhe në Shqipëri. Unë gjithmonë jam ndjerë i respektuar në çdo klub që kam punuar dhe kam kontribuar si trajner. Jo gjithmonë rezultatet varen nga puna jonë. Varet edhe nga performanca e lojtarëve, nga performance e drejtuesëve tanë, por varet mbi të gjitha edhe nga ai që i bie fyellit dhe e përdor VAR-in për orendi shtëpie”, ka deklaruar Nevil Dede./Sport Ekspres/

Si kuqezinjtë e Tetovës, ashtu edhe skuadra gjilanase janë renditur përkatësisht në vendin e 22-të dhe të 20 të Ligës së Konferencës. Duke qenë mes 24 më të mirave, të dyja skuadrat kanë prerë kështu biletën për në fazën “play off” të këtij kompeticioni./Sport Ekspres/

Megjithatë, kualifikimi për herë të parë në Botëror do të sillte me vete edhe sakrifica për tifozët shqiptarë. FIFA ka publikuar sot oraret e ndeshjeve dhe shqiptarët duhet të sakrifikojnë gjumin e mëngjesit për të parë ndeshjet e Kombëtares.

Përballja e parë, në rast kualifikimi në grupe, do të jetë në Monterrei përballë Tunizisë. Ndeshja luhet në orën 04:00 të mëngjesit me orarin tonë. Ndërkaq, sfida e radhës përballë Holandës do të zhvillohet në orën 19:00, ndërsa ajo ndaj Japonisë në orën 01:00 të mëngjesit. Po të njëjtin fat do të ketë edhe Kosova në rast kualifikimi. Sfidat kundër Australisë dhe Paraguajit do të luhen më 06:00, ndërsa ajo e fundit kundër SHBA-ve do të zhvillohet në orën 04:00./Sport Ekspres/

Ndërkaq, fati është treguar më bujar me Kosovën. Në rast se do të kalojnë me sukses fazën “play off”, atëherë dardanët do të luajnë në një grup të një shkalle vështirësie jo të lartë. Kështu, në rast kualifikimi, Kosova do të luajë kundër SHBA-ve, Australisë dhe Paraguajit. Mbetet për t’u parë nëse shqiptarët do të arrijnë të përfaqësohen me të paktën një ekip në Kupën e Botës 2026./Sport Ekspres/

Muslija tundi rrjetën me një gol spektakolar në minutën e 74-t. Një gol që në fund i dha Kosovës një barazim në ndeshjen e fundit në grup. Dardanët e mbyllin këtë fushatë kualifikuese në vendin e dytë në grup, duke siguruar kështu një biletë për në “play off”-in e Kupës së Botës 2026./Sport Ekspres/

“Kosova luan me një sistem tjetër, por nuk duhet të përshtatemi shumë. Ata duhet të përshtaten me ne. Kam një stol të fortë dhe jemi në pozicion të mirë. E kemi lënë pas anën emocionale. Nesër nuk ka ndeshje vëllazërore. Do të jetë një ndeshje e përqendruar te rezultati. Të bëhemi gati, të hyjmë në fushë dhe le t’ja nisim”, ka deklaruar Murat Jakini./Sport Ekspres/

Për disa çaste helvetët janë detyruar të stërviten në errësirë. Në “Fadil Vokrri” u ndërpre energjia elektrike, duke bërë që ekipi i Zvicrës të mbetej në terr. Vetë Federata Zvicerane e Futbollit ka shpërndarë në “Instagram” një foto nga fusha e stadiumit, ku ka shkruajtur: “Upsss… Ikën dritat”. Një situatë e kaluar me sportivitet nga pala zvicerane./Sport Ekspres/

Kosova ka mposhtur Slloveninë në Ljubjanë me shifrat 0-2. Fisnik Asllani tundi rrjetën që në minutën e 6 të takimit, ndërsa në minutën e 64-t Karniçniku shënoi një autogol spektakolar. Kaq mjaftoi që dardanët të merrnin tre pikët e nevojshme për të siguruar “play off”-in. Tashmë mbetet të shihet se cilët do të jenë kundërshtarët e radhës së Shqipërisë dhe Kosovës./Sport Ekspres/

Drita arriti ta shfrytëzonte epërsinë numerike në fushë. Ajzeraj e dërgoi topin në rrjetë në minutën e 57, duke i dhënë fitoren e parë në histori në Ligën e Kampionëve Dritës. Vlen të theksohet se ekipi nga Kosova është i pamposhtur në 3 ndeshjet e para të këtij kompeticioni./Sport Ekspres/

Ndërkohë nëse Sllovenia fiton në këtë ndeshje, atëherë gjithcka do të mbyllet në takimet e fundit. Federata Sllovene e Futbollit ka dalë me një njoftim ku tregon se janë shitur të gjitha biletat për këtë ndeshje, një muaj para se të fillojë gjithçka. A do të kemi një tjetër pushtim shqiptarësh si në Suedi? Mbetet të shihet! /Sport Ekspres/

Për herë të parë në histori Shqipëria dhe Kosova është kaq afër Botërorit dhe mund të ndodhi një magji e madhe, që hera e parë e jona të na gjejë bashkë në këtë eveniment kaq shumë të rëndësishëm. Por e bukura e kësaj kohe dhe fatit që po vepron në të mirën e shqiptarëve nuk është vetëm kjo, por edhe bashkimi kundër Serbisë.
Shqipëria e mundi për herë të parë në histori Serbinë në një ndeshje direkte në fushën e blertë dhe siguroi të gjitha shanset për ta marrë vendin e dytë. Kështu në Serbi nisën llogaritë sesi mund të shkonin në Botëror duke dalë në vendin e tretë në grupin tonë.

Dhe sipas llogarive të tyre, shansi i vetëm mbetet nga Liga e Kombeve. Dhe sipas këtyre llogarive, Suedia duhet të merrte vendin e dytë për të mbajtur në lojë sadopak shpresat e Serbisë deri në fund.
Pra nëse Suedia fitonte kundër Kosovës dje në mbrëmje dhe afrohej me vendin e dytë, Serbia kishte shansin e saj për të shkuar në Botëror edhe pse do të ishte në vendin e tretë në grup, pas nesh.

Të paktën ky është raportimi i mediave serbe dhe kështu pas Shqipërisë, me fitoren dje të Kosovës, një tjetër goditje e madhe ka ardhur për Serbinë. Kjo pasi Suedia ka fituar grupin në Ligën e Kombeve dhe e ka të siguruar vendin në Play Off të Botërorit. Por nëse dilte edhe në vendin e dytë të grupit kualifikues ku ndodhet edhe Kosova, do të linte një vend bosh në Ligën e Kombeve, nga ku Serbia kërkonte të përfitonte.

Shqipëria i dha një goditje dhe Kosova i dha të fundit, Serbia është totalisht jashtë çdo gare. Media serbe “Sportklub” shkruan mes deshpërimit: “Suedia humbi, por kjo nuk është problem për suedezët, sepse si fitues të njërit prej grupeve të Ligës së Kombeve, ata janë të sigurt se do të kualifikohen për Kupën e Botës në SHBA, Meksikë dhe Kanada në Play Off.

Suedia mund të arrijë vendin e dytë në grup vetëm nëse fiton dy fitore bindëse në ndeshjet e nëntorit dhe nëse Kosova humbet ndeshjet e saj. Është e qartë se kjo do të jetë shumë, shumë e vështirë të ndodhë”, shkruan media serbe. /Sport Ekspres/

Tashmë dardanët arrijnë kuotën e 7 pikëve dhe gjenden në vendin e dytë në grupin B. Ekipi i drejtuar nga Foda është vetëm 3 pikë larg kreut të grupit, që mbahet nga Zvicra. Ndërkohë në lojë kanë mbetur edhe dy ndeshje, pas të cilave do të përcaktohen edhe skuadrat që do të presin një biletë për në Kupën e Botës 2026./Sport Ekspres/

Ndërkohë ndeshja tjetër e grupit B mes Suedisë dhe Zvicrës ka përfunduar me fitoren 0-2 të helvetëve. Granit Xhaka tundi rrjetën nga pika e bardhë e penalltisë në minutën e 65, ndërsa në të 90-n Manzambi vulosi fitoren për zviceranët. Tashmë helvetët udhëheqin grupin me 9 pikë të plota, ndërsa Kosova i ndjek në vendin e dytë me 4 pikë të grumbulluara deri më tani./Sport Ekspres/

Fillimisht ishte Rexhbeçaj ai që tundi rrjetën e suedezëve në minutën e 26. Më pas, kur kishin mbetur edhe 3 minuta nga përfundimi i pjesës së parë, Vedat Muriqi e dërgoi sërish topin pas portierit kundërshtar. Një fitore e madhe për dardanët, që kanë ndezur sërish entuziasmin për të bërë realitet një ëndërr, atë të kualifikimit në një kampionat botëror./Sport Ekspres/

“Grupin nuk e kemi zgjedhur ne. Na ka rënë kështu. Duhet të luftojmë kundër atyre që na kanë rënë. Duhet të dimë edhe se çfarë cilësie kanë të tjerët, mos të mendojmë se është lehtë. Zvicra dhe Suedia kanë shumë paraqitje në Botërorë apo Europianë. Këtë duhet ta dimë.

Ju e doni fitoren. Këtë nuk po kuptoni. Ju doni që të kualifikohemi në Botëror pa marrë parasysh që nuk jemi vetëm. Ne kemi treguar shumë cilësi që prej sa kemi qenë në Kombëtare. Nuk po merrni parasysh edhe shumë gjëra të tjera. Nuk është me rëndësi që vetëm të fitojmë. Duhet të tregojmë një fytyrë tjetër. Duhet të tregojmë se kemi vullnet për t’u kualifikuar. Se çfarë ndodh pastaj… Kjo nuk është bastore. Nëse do bastore, shko vëre Kosovën. Unë jam këtu që prej fillimit dhe e di sa kemi dhënë ne për Kosovën”, ka deklaruar Mërgim Vojvoda./Sport Ekspres/

“Personalisht, por mendoj se edhe gjithë ekipi, nuk e kemi pritur këtë rezultat. Nuk doli asgjë ashtu siç e kishim menduar. Asgjë nuk funksionoi. Me gabimet trashanike që kemi bërë, kemi marrë 4 gola në pjesën e parë. Kemi humbur. As ne nuk kemi dashur që të ndodhte, por tashmë mbaroi kjo lojë, kështu që mbrapa s’mund ta kthejmë.

Kemi biseduar me lojtarët dy orë para lojës dhe kemi qenë të motivuar. Por ndonjëherë pasi hyn në fushë dhe e sheh që asgjë nuk po funksionon, fillon të hysh nëpër mendime. Personalisht, si kapiten i dytë i ekipit, i kërkoj pikë së pari tifozëve dhe shtetit tonë dhe pastaj pres moral dhe motivim në “Fadil Vokrri” ndaj Suedisë, që të vërtetë tani na duhet më shumë se sa teknika dhe taktika”, ka thënë Vedat Muriqi./Sport Ekspres/

Akanzhi (22′), Emboloja (25′, 45′) dhe Vidmeri (39′) ishin autorët e golave për skuadrën zvicerane. Në krahun tjetër, porta kundërshtare dukej shumë larg për Kosovën. Muriqi realizoi të vetmen goditje brenda katërkëndëshit, por e cila ishte qendrore dhe nuk paraqiti asnjë kërcënim për portierin. Ndeshja e radhës për dardanët do të jetë ajo e 8 shtatorit kundër Suedisë në “Fadil Vokrri”./Sport Ekspres/

“Pse shqiptarët e Zvicrës po joshen nga Kosova? Konkurrenca është e madhe. Kemi shumë lojtarë që gjenden në këtë situatë. Në fund zgjedhim lojtarët më të mirë dhe kemi shumë nga të gjitha vendet. Do të jetë një ndeshje e hapur. Jam i lumtur që do ta luajmë përsëri këtë ndeshje, sepse Kosova ka një skuadër shumë të mirë. Kanë treguar performanca shumë të mira”, ka thënë Murat Jakini./Sport Ekspres/

Ndërkohë, për “Klan Sport Kosova” është shprehur: “Nuk është grup i lehtë, nuk kemi kundërshtarë të lehtë. Por me Zvicrën kemi kallëzuar se mund të nxjerrim rezultate pozitive. Sidomos këtu nesër, kur do të ketë më shumë shqiptarë se sa zviceranë. Kështu që nesër, me gjithë fuqinë që kemi, shpresoj t’i gëzojmë tre pikët”./Sport Ekspres/

Pas këtyre performancave të mira, Zabërgja është ftuar nga Foda për ndeshjet e shtatorit. Kështu lojtari shqiptar do të jetë pjesë e Kosovës për këto takime për të gëzuar shqiptarët, këtë herë në përfaqësuesen e Kosovës. /Sport Ekspres/

Becali ka vazhduar me një tjetër deklaratë anormale teksa ka konfirmuar praninë e tij në Kosovë, por në një variant tjetër. “Do të shkoj në Prishtinë me 20 truproja. Dëgjova kërcënime të ndryshme, kështu më thanë se atje ka dhunë. Nuk dua t’i fyej, por më mirë kështu”, tha Becali. /Elio Hajdari-Sport Ekspres/

Me eleminimin që i kanë bërë Steuas, Shkëndija siguroi turin e tretë të Champions League, Play Off e Europa League dhe fazën e grupeve të Conference League. Për herë të parë, Shkëndija siguroi fazën e grupeve të një turneu europian dhe për momentin, në rastin më të keq, do të shkojnë në Conference League.

Dy fitore, brenda dhe në transfertë kundër Steauas, vërtetuan qartësisht se Shkëndija është në një nivel tjetër. Ndërkohë më poshtë mund të shikoni një aksion në stilin Tiki Taka si Barcelona të Shkëndijës në transfertë kundër Steuauas, për të kuptuar sesi mund të fitosh edhe me lojë të bukur. /Sport Ekspres/

Kreu i qeverisë së futbollit shqiptar  përgëzon klubet e Egnatia-s, Dinamo City-t, Ballkani-t, Dritës dhe Shkëndijës për paraqitjet e tyre dinjitoze në raundet kualifikuese të UEFA Champions League dhe UEFA Conference League.

Në urimet e tij, Presidenti Duka u shpreh suksese në ndeshjet e radhës. Egnatia do të përballet me Olimpija Ljubljana në turin e tretë të Conference League, ndërsa Dinamo City do të luajë kundër Hajduk Split. Pas eliminimit nga FC Copenhagen, Drita do të përballet me FCSB në raundin e tretë të Europa League.

Sakaq, Ballkani do të luajë ndaj Shamrock Rovers në raundin e tretë Conference League teksa Shkëndija e Tetovës që ka shkruar historinë duke u kualifikuar në turin e tretë të Champions League, do të përballet me Qarabag.

Më poshtë, gjeni letrat e plota të urimit të Presidentit Duka për klubet shqiptare, në shenjë vlerësimi për arritjet e deritanishme.

Më parë me Skënderbeun, më pas me Ballkanin dhe tani me Dinamon, duket se magjia e Dajës është shumë e vështirë që të iki. Dinamo e kaloi turin e parë në Conference League me fat për shkak të një dënimi që mori një skuadër europiane, duke shkuar në turin e dytë të Conference League pa luajtur asnjë ndeshje.

Në turin e dytë, sot Dinamo luajti kundër Atletic Escaldes dhe fitoi në shifrat 1-2. Në fakt, Atletic Escaldes vjen nga Andorra dhe mund të duket tërësisht modeste, por kjo skuadër mundi dy herë Dudelange në turin e parë të Conference League, që ka një histori më të pasur se ekipet shqiptare në Europë. Dhe Dinamo nuk fitoi me vështirësi, por e ktheu ndeshje në stërvitje duke u tallur dhe humbur shumë raste të pastra, pasi nëse ato do të shfrytëzoheshin me seriozitet, ndeshja duhej të dilte të paktën 1-5.

Pjesa e parë foli e gjitha për Dinamon që ishte instaluar në portën e Escaldes, por pa mundur dot që ta rrezikojë shumë portën, vetëm një rast i pastër me topin që shkoi ngjitur me shtyllën. Escaldes nuk e kishte goditur asnjëherë portën e Dinamos derisa erdhi minuta e 38 dhe me një goditje këndi, topi shkoi në rrjetë. Në pjesën e dytë, Dinamo e shkeli tërësisht Escaldes duke shënuar dy herë me Zabërgjan dhe Qardakun, por njëkohësisht duke humbur edhe 4-5 raste të tjera të pastra ku topi thjesht duhej të shtyhej në rrjetë.

Nuk mbahet mend se kur është hera e fundit që një ekip i Shqipërisë të performojë në një nivel të tillë kaq të lartë në transfertë në ndeshjet e Europës, duke luajtur vetëm me një portë, pavarësisht nivelit të kundërshtarit. Madje shpesh ndodh që ekipet që ne i quajmë amatore, të fitojnë thellë ndaj kampionëve të Superiores. Ilir Daja jep leksione të pastra futbolli, ndërsa në të gjitha momentet kur Escaldes niste topin, trajneri i Dinamos zgjidhte që të bënte presion me 4 lojtarë në vijën e parë të portës së kundërshtarin.

Kështu ekipi i Andorrës u asfiksua i gjithi duke mos e pritur një mënyrë të tillë loje nga skuadra shqiptare, duke mos arritur dot që të ndërtojë qoftë edhe një aksion model përgjatë 90 minutave. Duket qartë se edhe këtë herë, Ilir Daja do të kërkojë që të futet në grupet e Conference League, por këtë herë me Dinamon. /Sport Ekspres/

Pikërisht në këtë skuadër, 32-vjeçari do të luajë në sezonin e ardhshëm. Gjithcka është bërë e ditur nga faqja zyrtare e ekipit kryeqytetas në Kosovë, që tregon për këtë afrim të ri. /Elio Hajdari-Sport Ekspres/

Në pjesën e dytë ishte po ai, i cili përmbysi takimit me dy golat e shënuar përkatësisht në minutat 59 dhe 79. Saidi ngushtoi diferencat në minutën e 84-t, por Fisnik Asllani fiksoi shifrat përfundimtare në 4-2 në minutën e 90’+2′ të ndeshjes. Një tjetër fitore për Kosovën, që shfaq një formë mjaft të mirë përpara nisjes së fushatës kualifikuese për në Kupën e Botës 2026./Sport Ekspres/

Armenët kaluan të parët në epërsi falë autogolit të shënuar nga Saipi në minutën e 8 të takimit. Dellova ktheu sërish baraspeshën në minutën e 23-të, por vetëm 5 minuta më vonë Sperstiani tundi rrjetën e dardanëve.

Kosova u kundërpërgjigj në pjesën e dytë të lojës. Vojvoda nga pika e bardhë e penalltisë (61′), Emërllahu (71′) dhe Albion Rrahmani (90′, 90’+3′) vulosën fitoren 5-2 të Kosovës përballë Armenisë. Një rezultat pozitiv për ekipin e Fodës, që ende nuk ka nisur fushatën kualifikuese për Kampionatin Botëror 2026./Sport Ekspres/

“Kompletojmë marrëveshjen për transferimin e Drilon Hazrollajt në FC Rapid 1923. Njoftojmë opinion publik se lojtari jonë më i mirë është transferuar në Rapid të Rumanisë, për një shifër rekord në futbollin e Kosovës, duke e bërë atë lojtarin më të shtrenjtë që ka kaluar ndonjëherë nga klubet kosovare!

Ndonëse Driloni do të bëjë hapin e madh drejt një karriere ndërkombëtare, ai do të mbetet me FC Malishevën deri në përfundim të sezonit, duke dhënë kontributin e tij të çmuar në skuadër, deri më 17 qershor, kur ai do t’i bashkohet skuadrës së re në Rumani.

Kjo është një arritje jo vetëm për Drilonin, por edhe për klubin tonë, që ka besuar dhe investuar në zhvillimin e tij, e të talentëve tjerë dhe rritjen e mundësive për të shkuar në nivele të larta.Ky transferim është një dëshmi e angazhimit të klubit tonë për të përmbushur vizionin e tij: të zhvillojmë lojtarët e rinj dhe të krijojmë talente që kanë synim arenen ndërkombëtare.

Ne besojmë se ky është vetëm fillimi i një rrugëtimi të shkëlqyeshëm për futbollistët tanë dhe do të vazhdojmë të punojmë pa u lodhur për të krijuar mundësi për futbollistët e rinjë, të mbështesim dhe shndërrojmë ëndrrat e tyre në realitet. Ky është vetëm fillimi – së bashku do të arrijmë shumë më tepër! Suksese Drilon në kapitullin e ri!”, ka njoftuar klubi Malisheva./Sport Ekspres/

Vedat Muriqi barazoi ndeshjen në minutën e 35-të, ndërsa në minutën e 3-të të shtesës së pjesës së parë përmbysi rezultatin. Ndërkohë në minutën e 79 ishte përsëri “pirati” ai që e dërgoi topin në rrjetën e Islandës, duke mbyllur përfundimisht historinë e këtij takimi. Kosova fiton me rezultat të përgjithshëm 5-2 dhe siguron ngjitjen në ligën B të Ligës së Kombeve. Një sukses për t’u duartrokitur për dardanët./Sport Ekspres/

Kosova ka hedhur kështu njërën këmbë në Ligën B të Ligës së Kombeve. Ekipi që do të ngjitet një ligë më sipër do të vendoset përfundimisht në ndeshjen e kthimit./Sport Ekspres/

Në këtë mbledhje u miratuan 22 plot projekte të rëndësishme për federatat anëtare të UEFA-s.

Një nga vendimet kryesore ishte miratimi i projektit të Federatës së Futbollit të Kosovës për Kampin Nacional të FFK-së në Hajvali, që do të transformohet në një stadium të kategorisë së katërt me kapacitet prej 14 mijë vendesh.

Komiteti HatTrick është një nga organet më të rëndësishme vendimmarrëse të UEFA-s, që ofron mbështetje për federatat anëtare në realizimin e projekteve për zhvillimin e futbollit.

Aktualisht, projekti ndodhet në fazat e para, ndërsa përveç fushës, do të rindërtohen edhe dhomat e zhveshjes, duke përmirësuar ndjeshëm kushtet në këtë kompleks sportiv.

Ky investim është pjesë e një programi më të gjerë të Federatës së Futbollit, që ka miratuar projekte të rëndësishme infrastrukturore në disa stadiume dhe fusha anembanë vendit, me qëllim përmirësimin e kushteve për zhvillimin e futbollit.

Ndërkohë, të tjera investime të rëndësishme në infrastrukturë pritet të miratohen së shpejti nga Federata e Futbollit.

Çmimi i trajnerit më të mirë të vitit ka shkuar sërish për Ilir Dajën. Ky i fundit e fiton këtë çmim për të tretin vit radhazi. Një dëshmi e pastër e punës së jashtëzakonshme dhe të gjurmës që ka lënë në kampionatin e Kosovës./Sport Ekspres/