Duke reflektuar mbi ciklin e mëparshëm strategjik dhe sfidat përpara, Presidenti Duka theksoi se rreth 95% e objektivave të strategjisë “Futbolli për Kombin 2022-2025” janë realizuar ose ndodhen në fazë të avancuar zbatimi, duke e cilësuar këtë periudhë si një bazë të fortë për ndërtimin e hapit të radhës.

Në vijim, kreu i FSHF-së nënvizoi se strategjia e re “Vision to Victory 2026–2030” është ndërtuar për të qenë e matshme, e zbatueshme dhe e lidhur drejtpërdrejt me realitetin e futbollit shqiptar, duke vendosur objektiva të qarta për pjesëmarrjen, performancën, infrastrukturën, edukimin dhe qeverisjen.

Më poshtë, fjala e plotë e Presidentit Armand Duka e mbajtur në prezantimin e strategjisë “Vision to Victory 2026–2030”:

Të nderuar përfaqësues të komunitetit të futbollit shqiptar,
të dashur partnerë, miq dhe bashkëpunëtorë,
përfaqësues të institucioneve, trajnerë, sportistë dhe dashamirës të futbollit,

I nderuar zoti Ministër i Turizmit, Kulturës dhe Sporteve, Blendi Gonxhja.

Mirëmbrëa dhe mirë se keni ardhur sonte në këtë natë të veçantë por shumë të rëndësishme për Federatën Shqiptare të Futbollit dhe për të gjithë komunitetin e futbollit në vend. Sot kemi kënaqësinë dhe përgjegjësinë të shpalosim para jush strategjinë e zhvillimit të futbollit shqiptar për katër vitet e ardhshme 2026–2030.

Federata, tashmë një institucion i konsoliduar, e ka ndërtuar rrugën e zhvillimit të futbollit me kujdes, përkushtim dhe guxim. Asgjë nuk i është lënë rastësisë. Çdo objektiv, çdo hap dhe çdo vendim janë planifikuar mbi baza reale, duke u mbështetur në nevojat konkrete, kapacitetet ekzistuese dhe në mundësitë për zhvillim. Kjo ka qenë filozofia jonë e punës dhe kjo filozofi na ka udhëhequr gjatë gjithë rrugëtimin tonë.

Në vitin 2022, prezantuam strategjinë “Futbolli për Kombin”, një dokument ambicioz, por realist, ku vendosëm objektiva të qarta dhe përcaktuam rrugën konkrete për arritjen e tyre. Strategjia u ndërtua në mënyrë të detajuar, e ndarë në fusha të qarta veprimi, me objektiva të matshme dhe me përgjegjësi të mirëpërcaktuara. Ajo nuk mbeti thjesht një dokument orientues, por u respektua, u ndoq me përkushtim dhe u zbatua në praktikë, duke prodhuar rezultate konkrete, të cilat u pasqyruan edhe në materialin filmik që sapo pamë.

Një nga objektivat kryesore të asaj strategjie ishte rritja e pjesëmarrjes në futboll. Ne synonim të arrinim 23 mijë futbollistë djem dhe 4 mijë futbolliste për vajza. Ky objektiv u realizua plotësisht 100% dhe u tejkalua për djemtë ndërsa u realizua 50% për vajza –  një tregues i qartë i progresit, por edhe i punës që ende na pret përpara, veçanërisht në zhvillimin e futbollit të vajzave.

Kjo rritje nuk erdhi rastësisht. Ishte rezultat i drejtpërdrejtë i projekteve të realizuara në shkolla, akademi, në klube, i përmirësimit të infrastrukturës sportive, i mbështetjes së fëmijëve me bazë materiale falas, si dhe i rritjes sasiore dhe cilësore të trajnerëve të futbollit.

Në futbollin e vajzave, strategjia “Rising Star” ka prodhuar rezultate konkrete: rritje të vazhdueshme të numrit të lojtareve, krijimin e ligave dhe festivaleve rajonale, programe të strukturuara të identifikimit të talenteve, kualifikimin e Vllaznisë në UEFA Women’s Champions League dhe marrëveshja e transmetit televiziv, duke rritur dukshmërinë dhe profesionalizmin e këtij sektori.

Gjatë këtij katërvjeçari, specialistë dhe personalitete nga më të mirët e futbollit shqiptar dhe atij europian kontribuuan në edukimin e 2,340 trajnerëve të rinj, nga niveli UEFA UEFA C deri tek A dhe UEFA PRO. Për t’u ardhur sa më pranë komuniteteve dhe për të shërbyer si model për akademitë e sportit, këto trajnime nuk u zhvilluan vetëm në Tiranë, por edhe në Shkodër, Durrës, Elbasan, Fier, Lezhë, Korçë dhe Gjirokastër.

Një tjetër objektiv i rëndësishëm lidhej me rezultatet e ekipeve kombëtare, si për djemtë ashtu edhe për vajzat.

Kombëtarja A e vajzave arriti fillimisht të ngjitej nga Liga C në Ligën B të UEFA Nations League dhe në edicionin pasardhës, siguroi qëndrimin në Ligën B, duke u pozicionuar mes skuadrave më konkurruese të kontinentit.

Ndërkohë, ekipet e moshave arritën pjesërisht objektivin e pjesëmarrjes në Elite Round, ndërsa Kombëtarja U-17 e djemve mori pjesë në finalet e Kampionatit Europian, që u zhvillua në vendin tonë– një eksperiencë e jashtëzakonshme për lojtarët, stafet dhe për gjithë futbollin shqiptar.

Objektivi më madhor i strategjisë “Futbolli për Kombin” ishte kualifikimi i Kombëtares A në një turne final, Kampionat Europian ose Botëror. Objektiv i realizuar dhe i tejkaluar, pasi ekipi kombëtar mori pjesë në finalet e UEFA EURO 2024 në Gjermani dhe sot është pjesë e fazës play-off të Kampionatit Botëror 2026, duke shkruar një faqe të re në historinë e futbollit shqiptar.

Për të realizuar objektivat në futboll, është e pamundur pa një infrastrukturë të mirë. Dhe ky objektiv ka qenë një nga prioritetet kryesore të asaj strategjie. Ne kishim si synim të ndërtonim 100 fusha të reja futbolli dhe të kishim një bashkëpunim strategjik në çdo vit, duke realizuar 40 % të tyre për arsye të ndryshme. Sa i përket bashkëpunimeve strategjike, janë investuar në infrastrukturë 16,503,145 euro në total nga të cilat 6,764,793 euro nga projektet e federatës dhe të tjerat nga partnerët.

Në infrastrukturë, janë ndërtuar mbi 40 fusha të reja futbolli, si dhe janë zhvilluar 5 projekte madhore stadiumesh si ai i Egnatias, Partizanit, Vorës, Gramshit dhe Besës së Kavajës që është në proces. Për herë të parë u realizua një audit kombëtar i terreneve sportive, i cili sot shërben si bazë për planifikimin racional të investimeve. “Shtëpia e Futbollit” është konsoliduar si një qendër kombëtare ekselence për edukim, trajnim dhe administrim.

Për arritjen e objektivave ishin të domosdoshme: modernizimi i qeverisjes së Federatës, rritja e transparencës, digjitalizimi i proceseve, dhe niveli i lartë profesional, të gjitha këto të arritura e tejkaluara.

Sot me bindje mund të themi se kemi ndërtuar një administratë funksionale, efikase e të besueshme, e cila ka ndërmarrë hapa të qëndrueshëm drejt modernizimit dhe profesionalizimit institucional. Janë përmirësuar strukturat dhe proceset e vendimmarrjes, janë konsoliduar praktikat e menaxhimit dhe kontrollit të brendshëm, si dhe është forcuar përputhshmëria me standardet dhe kërkesat e vendosura nga UEFA dhe FIFA.

Jemi fokusuar me shumë kënaqësi e zell për të realizuar një objektiv tjetër shumë te rëndësishëm: forcimin e rolit social të futbollit, duke e përdorur atë si mjet edukimi, integrimi dhe përfshirjeje, përmes projekteve komunitare, programeve gjithëpërfshirëse dhe nismave sociale, të cilin me krenari mund të themi se e kemi realizuar falë edhe bashkëpunimeve me partnerë dhe grupe interesi.

Federata ka kaluar me sukses nga iniciativa të shpërndara në një sistem të strukturuar dhe funksional, duke realizuar plotësisht objektivat e strategjisë “Futbolli për Kombin”.

Sot, në përfundim të këtij cikli katërvjeçar, mund ta themi me përgjegjësi të plotë se 95% e këtyre angazhimeve janë realizuar ose janë në fazë të avancuar zbatimi.

Të gjitha këto na çojnë në një përfundim të qartë:
strategjia “Futbolli për Kombin” është ndjekur, zbatuar dhe ka rezultate konkrete.

Mbi bazën e rezultateve që sapo paraqitëm, dhe situatës aktuale në vend vijmë para jush me strategjinë e re “Vision to Victory 2026–2030”. Kjo strategji është ndërtuar për të qenë e matshme, e zbatueshme dhe e lidhur drejtpërdrejt me realitetin e futbollit shqiptar.

Një prioritet i qartë, si bazë e rëndësishme për arritjen e objektivave, është zhvillimi i burimeve njerëzore. Deri në vitin 2030 synojmë një rritje të mëtejshme 30% të trajnerëve të licencuar, vijimin e rregullt të kurseve UEFA C në të gjithë territorin e vendit dhe konsolidimin e programeve UEFA A dhe UEFA Pro. Në të njëjtën kohë, do të rritet numri dhe cilësia e arbitrave të rinj dhe do të forcohet profesionalizmi i drejtuesve sportivë dhe stafit administrativ.

Në drejtim të qeverisjes dhe digjitalizimit, synimi është që proceset kryesore administrative dhe sportive të funksionojnë plotësisht në mënyrë të digjitalizuar dhe të bazuar në të dhëna. Kjo do të na mundësojë për raportim më të rregullt, vendimmarrje më të saktë dhe rritje të transparencës ndaj klubeve, akademive, partnerëve dhe publikut.

Deri në vitin 2030, synojmë që të arrijmë një numër futbollistësh djem të regjistruar 26 mijë nga 24,078 që janë sot, pavarësisht sfidave demografike me të cilat përballet vendi. Kjo rritje do të vijë përmes zgjerimit të programeve në shkolla dhe komunitete, forcimit e rolit të shoqatave rajonale, mbështetjes së drejtpërdrejtë të klubeve për moshat e vogla, krijimit të më shumë aktiviteteve të organizuara për fëmijët dhe të rinjtë, përmirësimit të infrastrukturës, vazhdimit te projekteve “Uniforma Ime” dhe “Topi YT”.

Brenda këtij angazhimi, një vëmendje e veçantë i kushtohet futbollit të vajzave. Deri në fund të ciklit strategjik synojmë që numri i vajzave të regjistruara të rritet të paktën me 50%. Kjo do të realizohet përmes incentivimit financiar të klubeve që investojnë në futbollin e vajzave, zgjerimit të garave kombëtare dhe rajonale, programeve të identifikimit të talenteve dhe rritjes së ekspozimit dhe dukshmërisë së futbollit të vajzave.

Paralelisht, strategjia synon ndërtimin e një sistemi të unifikuar kombëtar për identifikimin dhe zhvillimin e talenteve, ku akademitë elitare dhe klubet profesioniste të punojnë mbi metodologji të përbashkëta unike trajnimi. Qëllimi është të rritet numri i lojtarëve shqiptarë që aktivizohen në kampionate elitare europiane dhe të sigurohet që ekipet kombëtare të moshave të jenë rregullisht konkurruese në fazat finale të kompeticioneve të UEFA-s.

Në aspektin e infrastrukturës, deri në vitin 2030 synojmë të shtojmë 30 deri në 40 fusha të reja futbolli, nga projektet e Federatës, kryesisht në rajonin e Tiranës, ku edhe dendësia e popullsisë është edhe më e madhe, që mund të ndikojë në përmirësimin e raportit popullsi–fusha, e cila fatkeqësisht sot është në nivele të pakënaqshme me 1 fushë futbolli për 18,981 banorë në një kohë që në vendet më të zhvilluara europiane kanë një raport: 1 fushë futbolli për 3800 banorë.

Por objektivi real dhe nevoja e domosdoshme në rang kombëtar duhet të jetë ndërtimi i 200 fushave të reja futbolli, i cili nuk mund të arrihet nga Federata, por kërkon mbështetjen nga buxhetet e shtetit.

Objektiv strategjik shumë i rëndësishëm mbetet rritja e numrit të spektatorëve në shkallët e stadiumeve në kampionatet kombëtare të të gjitha niveleve. Kjo do të arrihet në bashkëpunim me klubet profesioniste dhe akademitë, duke i asistuar ato me projekte konkrete dhe duke synuar të njëjtën qasje si në ekipin kombëtar A.

Shumë i rëndësishëm është edhe dimensioni financiar. Strategjia synon rritjen e të ardhurave komerciale dhe ndërtimin e partneriteteve afatgjata, në mënyrë që investimet në futbollin e bazës, zhvillimin e talenteve dhe infrastrukturën të jenë të qëndrueshme në kohë dhe të planifikuara në mënyrë strategjike.

Forcimi financiar i klubeve dhe akademive të futbollit. Ato sot vuajnë financiarisht dhe zhvillimi do të jetë shumë i ngadaltë pa mbështetje e incentiva financiare qoftë dhe i përkohshëm. Do të vazhdojmë mbështetjen financiare direkte nga buxhetet e federatës, siç kemi bërë këtë për vitin 2026 me 3 milion euro, dhe do të vazhdojmë të bashkëpunojmë me Qeverinë për finalizimin e ligjit të Sponsorizimeve në Sport. Progresi i futbollit dhe e të gjithë sportit shqiptar do të jetë shumë i ngadaltë pa një ligj të tillë.

Objektivat për ekipet kombëtare mbeten:

• Pjesëmarrja e ekipit A të djemve në turnetë final Europian dhe Botëror dhe renditja në vendin e 50-të të FIFA-s.
• Ekipi U-21 kalimi i fazës së grupeve në Euro 2027, i cili do të zhvillohet në vendin tonë dhe kualifikimi në fazën finale të Euro 2029.
• Qëndrimi në Ligën B i ekipit kombëtar të vajzave dhe synimi për t’u kualifikuar në kampionatin Europian 2029 në Gjermani.

Këto objektiva nuk janë deklarata vullneti. Ato do të shoqërohen me plane vjetore zbatimi, tregues performance, monitorim të rregullt dhe raportim publik. Sepse për ne, strategjia nuk matet nga ajo që shkruhet, por nga ajo që realizohet në terren.

Dëshiroj të falënderoj Ministrin e Turizmit, Kulturës dhe Sportit, Z. Gonxhja, i cili me marrjen e detyrës ka bashkëpunuar shumë mirë dhe është interesuar për zhvillimin e futbollit. Kam shumë besim se me mbështetjen e tij, ne do ta realizojmë ligjin e shumëpritur të sponsorizimeve.

Dëshiroj të shpreh një falënderim të veçantë për ekspertët e UEFA-s dhe ekipin e UEFA Grow për mbështetjen dhe ekspertizën e tyre në hartimin e kësaj strategjie. Po ashtu, falënderoj stafin e FSHF-së, shoqatat rajonale, klubet dhe të gjithë partnerët që kanë kontribuar në këtë proces.

“Vision to Victory” është një ftesë e hapur për të gjithë ju. Një ftesë për unitet, për ambicie dhe për besim. Vetëm së bashku mund ta kthejmë vizionin në fitore – jo vetëm në rezultate sportive, por në një futboll që zhvillon njerëzit, komunitetet dhe vendin tonë.

Katër vitet që vijnë do të jenë vendimtare. Me përkushtim, profesionalizëm dhe bashkëpunim, jam i bindur se do ta çojmë futbollin shqiptar në një nivel të ri.

Le ta ndërtojmë së bashku këtë rrugëtim.
Le ta kthejmë “Vision to Victory” në sukses të përbashkët.
Faleminderit!

Pasagjere në këtë udhëtim ishin edhe vajzat e Kombëtares, së bashku me stafin teknik, të cilët pas pritjes së gjatë në aeroport janë detyruar të kthehen mbrapsht. Kompania “Air Albania” ka ndërprerë çdo mënyrë komunikimi me pasagjerët, duke u hequr mundësinë e ankimit apo të sqarimit të situatës. Një përvojë e pakëndshme për të gjithë qytetarët që kishin blerë një biletë për të qenë pjesë e këtij fluturimi. Një papërgjegjshmëri e këtillë dëmton seriozisht edhe imazhin e profesionalizmin e Kombëtares shqiptare të vajzave, që tashmë rrezikon të mos luajë dy miqësoret e planifikura prej muajsh./Sport Ekspres/

“Ishte shumë e vështirë. Liga B është ligë e skuadrave shumë të mira të Europës. E quaj sukses për ekipin e femrave që të jemi në këtë ligë. Tregon rritjen që kemi pasur. Kemi pasur shumë dëmtime, kemi pasur shumë vështirësi. Por në fund ia arritëm falë mundit dhe djersës së këtyre vajzave, sakrificave së tyre, doli me sukses.

Forca e këtij ekipi është grupi. Është harmonia, grinta që ka ky ekip. Është karakteri i këtyre vajzave. Nga më të vjetrat deri te më të rejat e kanë pranuar njëra-tjetrin dhe japin më të mirën e mundshme. Ato që kanë i japin të gjitha, i shkrijnë për ekipin, për Kombëtaren. Jam krenar që i drejtoj këtoj vajza.

Kombëtarja e çunave ka ardhur shumë mirë deri këtu. Në ndeshjen me Anglinë nuk kemi çfarë të humbim. Dashtë Zoti të dalim me Andorrën mirë dhe pastaj të presim që të marrim maksimumin me Anglinë. Jemi afër”, ka deklaruar Armir Grima./Sport Ekspres/

“Sonte vajzat kuqezi e ndriçuan “Air Albanian”!
Me pasion, grintë dhe një lojë fantastike, ato mposhtën Qipron dhe siguruan qëndrimin e merituar në Ligën B! Urime vajza për këtë fitore të madhe”, ka shkruajtur Armand Duka./Sport Ekspres/

Këtë të premte, duke nisur nga ora 17:30, ajo do të arbitrojë sfidën mes ekipeve kombëtare të femrave të Çekisë dhe Austrisë. Një përballje kjo që është e vlefshme për Ligën e Kombeve. Në ndihmë të Emanuela Rustës do të jenë edhe Mirjeta Salla dhe Edjena Kapxhiu në rolin e arbitreve të anësore. Gjyqtare e 4-t e takimit do të jetë Rita Verhapi./Sport Ekspres/

1. KF Tirana, për sjellje të gabuar të spektatorëve, duke hedhur sende në fushën e lojës dhe duke ndezur flakadanë dhe mjete të tjera piroteknike, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.

2. KF Vllaznia, për sjellje të gabuar të spektatorëve duke ndezur flakadanë dhe mjete të tjera piroteknike, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.

3. AF Elbasani, për sjellje të gabuar të spektatorëve duke ndezur flakadanë dhe mjete të tjera piroteknike, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
AF Elbasani, urdhërohet të dëmshpërblejë dëmet e shkaktuara në Stadiumin “Loro Boriçi” sipas akt konstatimit, brenda 15 ditëve.

4. FK Vora, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.

5. KF Pogradeci, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.

6. Zyrtari i KF Burreli, Klevis Gjoka, për sjellje josportive ndaj zyrtarëve të ndeshjes në mënyrë të përsëritur, në bazë të neneve 14/1/j dhe 33/1/a të KDE, dënohet me 8 (tetë) ndeshje pezullim nga veprimtaritë.

7. Zyrtari i KF Gramshi, Gazmir Fucija, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

8. Zyrtari i KF Maliqi, Erjon Beqiraj, për protestë ndaj vendimeve të zyrtarëve të ndeshjes, në bazë të nenit 14/1/c të KDE, dënohet me 2 (dy) ndeshje pezullim nga veprimtaritë.

9. Zyrtari i KF Erzeni, Durim Keçi, për kërcënim ndaj zyrtarëve të ndeshjes në mënyrë të përsëritur, në bazë të neneve 14/1/k dhe 33 të KDE, dënohet me 6 (gjashtë) muaj pezullim nga veprimtaritë. Në zbatim të nenit 6/2/c të KDE, zyrtarit i ndalohet hyrja në të gjitha stadiumet dhe në veprimtaritë sportive të organizuara nga FSHF, deri në përfundim të dënimit.

10. Lojtari i KF Tërbuni, Brajan Marku, për sjellje të dhunshme që cënon reputacionin e sportit të futbollit dhe të gjithë pjesëmarrësve të saj, në bazë të neneve 13/2/d, 14/1/i dhe 32 të KDE, dënohet me 1 (një) vit pezullim nga veprimtaritë.

11. FC Kinostudio U-19, për mos respektimin e detyrimeve, përgjegjësive për organizimin e ndeshjes dhe rregulloreve të aktivitetit duke shkaktuar vonesa në fillimin e lojës, në bazë të nenit 8/1, të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/e të KDE, gjoba të aplikohet në masën 3%.

12. Lojtari i FC Kinostudio U-19, Aldo Qordja, për provokim të spektatorëve, në bazë të nenit 14/1/f të KDE, dënohet me 2 (dy) ndeshje pezullim nga veprimtaritë.

13. Zyrtari i KF Tirana U-18, Kevin Paraj, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

14. Lojtari i FK Tomori U-17, Hoselito Haruni, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 6 (gjashtë) ndeshje pezullim nga veprimtaritë.

15. Lojtari i AF Elbasani U-17, Rei Kovaci, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 6 (gjashtë) ndeshje pezullim nga veprimtaritë.

16. Zyrtari i FK Partizani U-16, Ermal Serjani, për sulm ndaj zyrtarëve të ekipit kundërshtar, në bazë të nenit 14/1/i të KDE, dënohet me 6 (gjashtë) ndeshje pezullim nga veprimtaritë.

17. Zyrtari i KF Tirana U-16, Akil Jakupi, për sulm ndaj zyrtarëve të ekipit kundërshtar, në bazë të nenit 14/1/i të KDE, dënohet me 6 (gjashtë) ndeshje pezullim nga veprimtaritë.

18. Lojtari i FK Tomori U-15, Lion Deliu, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

19. Pranimin e kërkesës së kërkuesit FK Apolonia sh.a. Klubi i Futbollit Tirana, për dështim në ekzekutimin e vendimit nr. 16, datë 10.09.2025 të Dhomës Kombëtare të Zgjidhjes së Mosmarrëveshjeve, në bazë të nenit 29/1/b të KDE, Klubit të Futbollit Tirana i jepet një afat paralajmërues prej 30 (tridhjetë) ditësh për të ekzekutuar vendimin.

Kundër vendimit lejohet ankim brenda 3 (tre) ditëve përpara Komisionit të Apelit.

Vendimet e plota të Komisionit të Disiplinës:

1. Zyrtari i AF Elbasani, Armand Mehmeti, për sjellje josportive ndaj të zyrtarit të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
2. Zyrtari i FC Dinamo City, Ilir Daja, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë.
3. Zyrtari i FC Dinamo City, Adrian Bardhi, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 6 (gjashtë) ndeshje pezullim nga veprimtaritë. Në zbatim të nenit 6/2/b të KDE, zyrtarit i ndalohet hyrja në dhomat e zhveshjes dhe ambientet e brendshme të stadiumit, deri në përfundim të dënimit.
4. Lojtari i KF Tirana, Akileu Ndreca, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
5. Lojtari i KF Pogradeci, Redon Raza, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
6. Lojtari i KS Burreli, Lorenxho Murra, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 5 (pesë) ndeshje pezullim nga veprimtaritë.
7. Lojtari i KF Vllaznia U-21, Erigestino Pepnikaj, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
8. Lojtari i KF Tirana U-21, Helsen Sholla, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
9. Lojtari i FC Dinamo City U-21, Alesio Koci, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 3 (tre) ndeshje pezullim nga veprimtaritë.
10. Lojtari i KF Egnatia U-21, Egiljano Kokonozi, për sulm ndaj lojtarëve të ekipit kundërshtar, në bazë të nenit 14/1/b të KDE, dënohet me 8 (tetë) ndeshje pezullim nga veprimtaritë.
11. AS F.Shehu U-13, për braktisjen e ndeshjes së vlefshme të kampionatit Kategoria e Dytë U-11, Zona Rajonale Gjirokastër, kundër AF Luftëtari U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
12. AF Luftëtari U-13, për braktisjen e ndeshjes së vlefshme të kampionatit Kategoria e Dytë U-11, Zona Rajonale Gjirokastër, kundër AS F.Shehu U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
13. Rrëzimin e kërkesës së zyrtares të KFF Gramshi, Edonisa Aliu, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit.

“Dy fitore fantastike në pak ditë, urime vajzave të Kombëtares dhe stafit kuqezi. Ta nisësh me gol të pësuar dhe të reagosh, është një shenjë rritjeje dhe pjekurie dhe vajzat tona e treguan edhe në ndeshjen e dytë ndaj Kroacisë me fitoren 2-1 që arritën.

Gëzohem shumë për këto dy fitore, që do u shërbejnë vajzave tona si motivim për të ardhmen. Le të besojmë, të përpiqemi të marrim sa më shumë rezultate të tjera pozitive dhe të shohim sa më shumë vajza që duan t’i bashkohen sportit të bukur të futbollit”, ka shkruajtur Armand Duka./Sport Ekspres/

Kjo fitore është përshëndetur edhe nga kreu i FSHF-së, i cili ka shkruajtur në llogarinë e tij në “Facebook”: “Një fitore e madhe për vajzat kuqezi! Urime Kombëtares shqiptare të vajzave për fitoren e merituar 4-0 ndaj Kroacisë në UEFA Nations League! Ky është një sukses i rëndësishëm që konfirmon përmirësimin dhe rritjen e ekipit tonë kombëtar. Forca dhe suksese në sfidën e radhës në Kroaci! Besojmë te puna juaj, pasioni dhe përkushtimi që tregoni në çdo ndeshje”./Sport Ekspres/

Vendimet e plota të Komisionit të Disiplinës:

1. Lojtari i KF Skënderbeu, Sie Bismark Charles Kwarena, për sjellje josportive ndaj lojtarëve kundërshtarë, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
2. KF Vllaznia, për mos përmbushje të detyrimeve dhe përgjegjësive dhe sjellje të gabuar të spektatorëve, duke hedhur sende në fushën e lojës dhe duke ndezur flakadanë dhe mjete të tjera piroteknike, në bazë të neneve 17/1, 17/2/b dhe 17/2/c të KDE, dënohet me gjobë në masën 300.000 (treqind mijë) lekë.
3. FK Apolonia, për mos respektimin e detyrimeve, përgjegjësive për organizimin e ndeshjes dhe rregulloreve të aktivitetit duke shkaktuar vonesa në fillimin e lojës në mënyrë të përsëritur, në bazë të neneve 8/1, 17/1 dhe 33/1/b të KDE, dënohet me gjobë në masën 200.000 (dyqind mijë) lekë. Në zbatim të nenit 76/1/a të KDE, gjoba të aplikohet në masën 50%.
4. Flamurtari FC, për sjellje të gabuar të spektatorëve, duke hedhur sende në fushën e lojës, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.
5. FK Kukësi, për sjellje të gabuar të spektatorëve, duke hedhur sende në fushën e lojës, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.
6. Zyrtari i KF Burreli, Klevis Gjoka, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
7. FC Besa, për sjellje të gabuar të spektatorëve, duke hedhur sende në fushën e lojës, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.
8. Lojtari i Basania FC, Fatjon Marku, për sjellje sulm ndaj zyrtarëve të ndeshjes, në bazë të nenit 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë.
9. FC Besa U-21, për braktisjen e ndeshjes së vlefshme të kampionatit Abissnet Superiore U-21, kundër KF Vllaznia U-21, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
10. SG Tirana U-13, për braktisjen e ndeshjes së vlefshme të Kategorisë së Dytë, Zona Rajonale Tiranë U-13, kundër Akf Peza U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
11. Rrëzimin e kërkesës së zyrtarit të FC Turbina, Xhynejt Cutra, si të pabazuar në Kodin e Disiplinës dhe Etikës.
12. Rrëzimin e kërkesës së zyrtarit të KF Shkëndija Tiranë, Luan Pinari, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit.

Sot do të luhen tre ndeshje. Gramshi do të përballet me Partizanin në takimin e parë të grupit A. Sfida është programuar të luhet në ora 13:00. Sakaq, ndeshja e parë e grupit B do të luhet mes Kinostudios dhe Laçi.

Takimi është planifikuar të luhet në ora 13:00 në QSK Kamëz.

Ndërsa ndeshja e parë e grupit C, është ai mes Tiranës dhe Lushnjes. Kjo sfidë do të luhet në kompleksin “Skënder Halili” në ora 13:00.

Takimet e tjera në secilin grup do të zhvillohen më 2 dhe 9 shkurt 2025.

Ndeshjet e para të Kupës së Shqipërisë

Grupi A: Gramshi – Partizani, 28 janar, ora 14:00

Grupi B: Kinostudio– Laçi, 28 janar, ora 13:00

Grupi C: Tirana – Lushnja, 28 janar, ora 13:00

Lojtarja ka marrë në duar “Topin e Artë”, duke u shpërblyer kështu për punën e shkëlqyer që ka kryer me ekipin e Vllaznisë dhe të Kombëtares shqiptare. Në garë për trofeun më të rëndësishëm në kategorinë e vajzave ishin edhe Xhesika Ndoji, Mesuare Begallo dhe Vanesa Levendi./Sport Ekspres/

Ndërkohë, në kategorinë e djemve ishte Ermir Rashica ai që fitoi çmimin “Talenti i vitit 2024”. Ishin trashëgimtarët e Sabah Bizit dhe Sefedin Brahos ata që dorëzuan trofeun për Rashicën. Të nominuar për këtë kategori ishin edhe Ermal Meta, Ledjo Tresaj dhe Ergis Arifi./Sport Ekspres/

Kjo ishte ndeshja e kthimit të fazës “play off” mes këtyre dy Kombëtareve. Ballafaqimi i parë mes tyre kishte përfunduar po me fitoren e Suedisë. Vajzat e ekipit kombëtar suedez kanë siguruar kualifikimin për në EURO 2025 me rezultatin e përgjithshëm 8-0./Sport Ekspres/

Për të vulosur shifrat përfundimtare në 3-0 do të mendonte Ndoj. Kjo e fundit e dërgoi topin në rrjetën e skuadrës gjeorgjiane në minutën e 82-të. Me këtë fitore vajzat e Vllaznisë kalojnë me sukses turin e parë paraeliminator të Champions League-s. Kundërshtari i radhës do të jetë St. Pollten-i./Halit Delibashi-Sport Ekspres/

Pas përfundimit të kampionatit të rregullt ditën e djeshme, këtë të hënë, në ambientet e “Shtëpisë së Futbollit” u hodh edhe shorti i fazës “Final 4” që u drejtua nga anëtarja e Komitetit Ekzekutiv në FSHF, Anila Basha.

Skuadrat u ndanë në dy vazo, Vllaznia dhe Apolonia si skuadrat e renditura më mirë në klasifikim ishin të vendosura në vazon e parë ndërsa Tirana e Partizani, si ekipet e renditura në vendin e tretë dhe të katërt në kampionat, u vendosën në vazon e dytë.

Partizani – Vllaznia dhe Tirana – Apolonia janë çiftet e fazës “Final 4”, një risi në futbollin e vajzave në këtë edicion. Ndeshjet do të zhvillohen me takime vajtje-ardhje në datat 3 dhe 7 maj. Tirana do të presë Apoloninë në kompleksin “Skënder Halili” në takimin e parë më 3 maj, ndërsa ndeshja e dytë do të zhvillohet në Fier më 7 maj. Ndërkaq, sfida e parë mes Partizanit e Vllaznisë do të luhet në stadiumin “Arena e Demave” më 3 maj ndërsa ndeshja e 7 majit do të luhet në Shkodër.

Në rast barazimi t? rezultateve pas dy takimeve t? lojës s? rregullt, skuadra e renditur m? mir? n? klasifikim kualifikohet p?r n? ndeshjen finale.

Finalja e madhe që do të përcaktojë edhe kampionen e këtij edicioni do të luhet më 11 maj në “Shtëpinë e Futbollit”.

Sakaq, dy ekipet që nuk kalojnë në finale do të zhvillojnë një ndeshje me një takim, për të përcaktuar vendin e tretë dhe të katërt, me ndeshjen që do të luhet po në “Shtëpinë e Futbollit”.

Ekipi kampion i “Abissnet Superiore” për vajza do të përfaqësojë Shqipërinë në raundin para-eliminator në UEFA Champions League.

Vendimet e plota të Komisionit të Disiplinës:

1. Zyrtari i KF Laçi, Pashk Laska, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 5 (pesë) ndeshje pezullim nga aktiviteti. Në zbatim të nenit 6/2/c të KDE, zyrtarit i ndalohet hyrja në të gjitha stadiumet, në veprimtaritë sportive të organizuara nga FSHF, deri në përfundim të dënimit.
2. KF Vllaznia, për sjellje të gabuar të spektatorëve, duke ndezur flakadanë dhe hedhur sende në fushën e lojës, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.
3. FK Partizani, për sjellje të gabuar të spektatorëve, duke ndezur flakadanë, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë.
4. KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
5. FK Bylis, për sjellje të gabuar të spektatorëve, duke ndezur mjete piroteknike dhe hedhur sende në fushën e lojës, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.
6. KF Vora, për sjellje të gabuar të spektatorëve, duke hedhur sende në drejtim të lojtarëve në fushën e lojës, në bazë të nenit 17/2/b të KDE, dënohet me gjobë në masën 100.000 (njëqind mijë) lekë.
7. Zyrtari i KF Luzi Vogël 2008, Arvin Lusha,për sulm fizik ndaj zyrtarëve të ndeshjes, në bazë të nenit 14/1/l të KDE dënohet me 2 (dy) vite pezullim nga aktiviteti. Në zbatim të nenit 6/2/c të KDE, zyrtarit i ndalohet hyrja në të gjitha stadiumet, në veprimtaritë sportive të organizuara nga FSHF, deri në përfundim të dënimit.
8. Zyrtari i KF Luzi Vogël 2008, Arbër Lusha,për sjellje josportive ndaj zyrtarëve të ndeshjes, në bazë të nenit 14/1/i të KDE dënohet me 5 (pesë) ndeshje pezullim nga aktiviteti.
9. KF Luzi Vogël 2008, për sjellje të gabuar të spektatorëve, duke hedhur sende në terrenin sportiv dhe duke shkaktuar dhunë ndaj zyrtarëve të ndeshjes, në bazë të neneve 6/3/b, 6/3/d 17/1/c, 17/2/b, 17/2/f, 17/2/h dhe 35 të KDE, dënohet me zhvillimin e 4 (katër) ndeshjeve pa spektatorë dhe në fushë asnjanëse.
10. FK Tomorri, për sjellje të gabuar të spektatorëve, duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
11. KF Burreli, për sjellje të gabuar të spektatorëve, duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
12. Lojtari i Akademia e Futbollit U-17, Deivid Muça, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
13. Sugjerim Viking Tirana U-9, për braktisjen e ndeshjes së vlefshme të Kategorisë së Dytë, zona Rajonale Tiranë grupi C, kundër Tirana United U-9, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin      3-0. Sipas nenit 76/1/e të KDE, gjoba të aplikohet në masën 3%.
14. Tirana United.B U-13, për braktisjen e ndeshjes së vlefshme të Kategorisë së Dytë, zona Rajonale Tiranë grupi F, kundër Tirana United U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
15. Tirana G Boys U-13, për braktisjen e ndeshjes së vlefshme të Kategorisë së Dytë, zona Rajonale Tiranë grupi F, kundër Rinia EL U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
16. Fushë-Kruja U-11, për braktisjen e ndeshjes së vlefshme të Kategorisë së Dytë, zona Rajonale Tiranë grupi B, kundër Akademia e Futbollit.B U-11, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
17. AF Kamza U-11, për braktisjen e ndeshjes së vlefshme të Kategorisë së Dytë, zona Rajonale Tiranë grupi G, kundër Sea Akademi U-11, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
18. KF Valbona U-11, për braktisjen e ndeshjes së vlefshme të Kategorisë së Dytë, zona Rajonale Tiranë, kundër AF Kamza U-11, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
19. KS Alidemi U-14, për braktisjen e ndeshjes së vlefshme të Kategorisë së Dytë, zona Rajonale Tiranë, kundër Rinia EL U-14, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
20. KF Tirana U-19, për braktisjen e ndeshjes së vlefshme të Kategorisë së Dytë, zona Rajonale Tiranë, kundër Shkëndija Tiranë U-19, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
21. Dinamo Junior U-15, për braktisjen e ndeshjes së vlefshme të Kategorisë së Dytë, zona Rajonale Tiranë, kundër Rinia EL U-15, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
22. Kamza Junior, për braktisjen e ndeshjes së vlefshme të Kategorisë së Dytë, zona Rajonale Tiranë, kundër Holle B, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
23. Akademia Holle, për braktisjen e ndeshjes së vlefshme të Kategorisë së Dytë, zona Rajonale Tiranë, kundër Titans, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
24. Titans B, për braktisjen e ndeshjes së vlefshme të Kategorisë së Dytë, zona Rajonale Tiranë, kundër Rinia EL A, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
25. Atletic Tirana U-9, për braktisjen e ndeshjes së vlefshme të Kategorisë së Dytë, zona Rajonale Tiranë, grupi C, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
26. Studenti B U-9, për braktisjen e ndeshjes së vlefshme të Kategorisë së Dytë, zona Rajonale Tiranë, grupi C, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
27. Tirana Yong Stars A U-9, për braktisjen e ndeshjes së vlefshme të Kategorisë së Dytë, zona Rajonale Tiranë, grupi D, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
28. National SP U-9, për braktisjen e ndeshjes së vlefshme të Kategorisë së Dytë, zona Rajonale Tiranë, grupi D, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
29. AP Dinamo JR U-9, për braktisjen e ndeshjes së vlefshme të Kategorisë së Dytë, zona Rajonale Tiranë, grupi C, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
30. Etien Akademi U-9, për braktisjen e ndeshjes së vlefshme të Kategorisë së Dytë, zona Rajonale Tiranë, grupi C, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
31. Etien Academy B, U-9, për braktisjen e ndeshjes së vlefshme të Kategorisë së Dytë, zona Rajonale Tiranë grupi D, kundër Akademia Europiane e Futbollit U-9, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
32. Pranimin e kërkesës së lojtarit të FK Skënderbeu, Mateo Burimi, pezullimin e pjesës së mbetur të dënimit. Periudha e pezullimit me kusht, në zbatim të nenit 34/1 të KDS, do të jetë 6 (gjashtë) muaj.
33. Pranimin e kërkesës së zyrtarit të KF Tirana, Akil Jakupi, pezullimin e pjesës së mbetur të dënimit. Periudha e pezullimit me kusht, në zbatim të nenit 34/1 të KDS, do të jetë 6 (gjashtë) muaj.
34. Rrëzimin e kërkesës së lojtarit të FK Butrinti Salvador Gjonaj, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit

Në listën e të ndëshkuarëve është edhe Albi Doka. Mbrojtësi i Tiranës është pezulluar për 3 javë nga aktiviteti sportive për shkak të fjalëve fyese drejtuar gjyqtarit të ndeshjes. Ndërkaq, Vllaznia Femra është përjashtuar nga aktiviteti i Kupës së Shqipërisë për këtë edicion dhe në atë pasardhës, duke qenë se ekipi nuk u paraqit në fushë në përballjen kundër Gramshit./Halit Delibashi-Sport Ekspres/

Vendimet e plota të Komisionit të Disiplinës:

1. KF Vllaznia, për sjellje të gabuar të spektatorëve, duke hedhur sende në fushën e lojës në ndeshjen kundër FK Kukësi, në bazë të nenit 17/2/b të KDE, dënohet me gjobë në masën 100.000 (njëqind mijë) lekë.
2. FK Kukësi, për sjellje të gabuar të spektatorëve, duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
3. KF Erzeni, për sjellje të gabuar të spektatorëve, duke hedhur sende në terrenin sportiv dhe duke shkaktuar dhunë ndaj zyrtarëve të ekipit kundërshtarë, në bazë të neneve 6/3/b, 17/1/c, 17/2/b, 17/2/f, 17/2/h dhe 35 të KDE, dënohet me gjobë në masën 200.000 (dyqind mijë) lekë dhe zhvillimin e 4 (katër) ndeshjeve pa spektatorë.
4. Lojtari i KF Tirana, Albi Doka, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 3 (tre) javë pezullim nga veprimtaritë.
5. AF Elbasani, për sjellje të gabuar të spektatorëve, duke hedhur sende në fushën e lojës dhe fyer tifozerinë kundërshtare, në bazë të neneve 17/2/b dhe 17/2/h të KDE, dënohet me gjobë në masën 100.000 (njëqind mijë) lekë. Në zbatim të nenit 76/1/a të KDE, gjoba të aplikohet në masën 50%.
6. Lojtari i KF Teuta U-17, Samuel Xhafkollari, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë. Në aplikim të nenit 34/1 dhe 34/3 të KDE, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht do të jetë 6 (gjashtë) muaj.
7. KF Vllaznia Femra, për braktisjen e ndeshjes së vlefshme të Kupës së Shqipërisë, kundër KF Gramshi Femra, në bazë të neneve 16/1 të KDE dhe 32/2 të rregullores së aktivitetit, dënohet me gjobë në masën 100.000 (njëqind mijë) lekë, humbet ndeshjen në tavolinë me rezultatin 3-0 dhe përjashtohet nga gara për sezonin aktual si dhe atë pasardhës. Sipas nenit 76/1/d të KDE, gjoba të aplikohet në masën 5%.
8. Rrëzimin e kërkesës së lojtarit të AF Luftëtari, Sousa Santos Jersival, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit

FSHF-ja ka shpërndarë çmimet për kategoritë përkatëse si në sektorin e meshkujve, ashtu edhe në atë të femrave. “Këpuca e Artë” për vajza i ka shkuar Valentina Trokës, ndërsa për meshkuj fitues është shpallur Florent Hasani. Orges Shehi ka fituar çmimin si trajneri i vitit 2023, ndërsa Enea Jorgji është përzgjedhur si arbitri më i mirë i Superiores në këtë vit kalendarik. Megi Doçi ka marrë në duart e saj “Topin e Artë” për kategorinë e vajzave, ndërsa në kategorinë e djemve ishte Arinaldo Rrapaj ai që u vlerësua me trofeun “Topi i Artë”. Gjithashtu sot është përgjedhur edhe formacioni më i mirë i vitit 2023 në “Abissnet Superiore”, ku dominojnë lojtarët e Egnatias. Në fund, ceremonia është mbyllur me një çmim për Kombëtaren shqiptare. Kuqezinjtë janë vlerësuar nga FSHF-ja me titullin më të lartë, “Nderi i Kombit”./Halit Delibashi-Sport Ekspres/

Lista e plotë e çmimeve për më të mirët e vitit 2023:

“Këpuca e Artë” për femra për vitin 2023, Valentina Troka

“Këpuca e Artë” për meshkuj, Florent Hasani

Trajneri më i mirë, Orges Shehi

“Topi i Artë” për femra, Megi Doçi

“Topi i Artë” për meshkuj, Arinaldo Rrapaj

Arbitri më i mirë, Enea Jorgji

Formacioni më i mirë: Sherri – Përgjoni, Malota, Najdovski, Hadroj – Rrapaj, Aleksi, Fernando – Cara, Duamena, Hasani

“Nderi i Kombit” në futboll, Kombëtarja shqiptare

“Ditën e sotme ishte planifikuar të luhej ndeshja KF Tirana Femra – KF Vllaznia Femra, në kompleksin “Skënder Halili”. Në këtë takim, klubi shkodran nuk ka lejuar që ndeshja të luhet, duke dhënë shembullin më të keq, në një vend ku futbolli i femrave po zhvillohet dhe për më tepër që dy skuadrat ishin duke zhvilluar kampionat me pikë të plota dhe duke ndarë vendin e parë. Në minutën e 22-të ndeshja është ndërprerë, pasi skuadra kundërshtare ka reaguar ndaj pankinës sonë, fillimisht duke sharë e duke fyer, e më pas duke kaluar edhe në dhunë fizike.

Situata ka eskaluar, ku drejtuesit e Vllaznisë Femra, janë larguar nga pankina e tyre dhe kanë ardhur në pankinën e skuadrës së Tiranës dhe kanë nisur të shfaqin akte të tmerrshme dhune e të godasin stafin teknik, drejtuesit e klubit të Tiranës Femra si edhe futbollistet. Klubi i Vllaznisë Femra ka dhunuar barbarisht drejtoreshën e klubit të Tiranës, Edonisa Aliaj, portieren Delvina Dyrmishi dhe futbollisten Flondra Behrami. Dhuna ndaj grave edhe vajzave është një shkelje e përhapur e të drejtave të njeriut dhe një problem global i shëndetit publik me përmasa epidemike. Ne si klub, presim zbardhjen e kësaj çështjeje nga organet kompetente dhe jemi të gatshëm të bashkëpunojmë deri sa ngjarja të zbardhet plotësisht e aktorët që po shkatërrojnë futbollin “Fair Play”, të marrin dënimin e merituar. Asnjë justifikim për dhunën ndaj vajzave dhe grave! Asnjë justifikim për dhunën në sport”, ka njoftuar zyra për shtyp e klubit Tirana./Halit Delibashi-Sport Ekspres/

Të gjitha ndeshjet do të zhvillohen më 6 dhjetor në ora 13:00 dhe ekipet fituese do të kalojnë në fazën tjetër të garës.

Më poshtë edhe kalendari me ndeshjet e vlefshme për turin e 1/16 të Kupës së Shqipërisë:

Sakaq, ndeshja e vlefshme për Superkupën e Shqipërisë mes Partizanit dhe Egnatias do të luhet në stadiumin ‘Air Albania’, më 20 dhjetor, në ora 19:00.

Në ceremoninë hapëse të këtij aktiviteti ishin të pranishëm Sekretari i Përgjithshëm i FSHF-së, Ilir Shulku dhe Zv.Ministri i Arsimit dhe Sportit, Endrit Hoxha, ndërkohë që tribunat e fushës në Shtëpinë e Futbollit ishte e mbushur me vajza dhe djem nga shkollat pjesëmarrëse në këtë kampionat.

Në fjalën e tij përshëndetëse, Sekretari i Përgjithshëm i FSHF-së, Ilir Shulku vlerësoi bashkëpunimin e shkëlqyer me Ministrinë së Arsimit dhe Sportit, ndërkohë që theksoi se futbolli i vajzave është rritur ndjeshëm në vitet e fundit falë është mbështetjes së pakursyer të Federatës. Njëkohësisht z. Shulku theksoi edhe rëndësinë që ka ky turne në zbulimin e talenteve të reja, të cilat mund të vijojnë karrierën në klubet e futbollit.

“Jam shumë i lumtur sot që marrim pjesë te ky kampionat i shkollave 9-vjeçare të vajzave. Do falënderoja pa diskutim Ministrinë e Arsimit dhe Sportit për bashkëpunimin e shkëlqyer që kemi pasur gjithë këto vitet e fundit. Ju e dini shumë mirë që futbolli i vajzave në Shqipëri këto vitet e fundit është zhvilluar. Kemi ekipe kombëtare nga U15-ta, U17-ta, U19-ta dhe ekipi A. Unë do t’u thoja të gjithë klubeve të futbollit, akademive të futbollit, t’i hedhin sytë nga kampionatet e shkollave 9-vjeçare, për vajza dhe për djem, sepse jam i bindur që do të gjejnë elementë, talente që do të jenë nesër e ardhmja e futbollit shqiptar. Udhë të mbarë kampionatit”, – tha Sekretari i Përgjithshëm, Ilir Shulku.

Ndërsa, Zv.Ministri i Arsimit dhe Sportit, Endrit Hoxha, u shpreh se futbolli i vajzave po zgjon çdo ditë e më shumë interes dhe i ftoi të gjithë nxënësit e shkollave që të angazhon sa më shumë me futboll.

“Realisht shikoj një pjesëmarrje shumë të madhe. Falënderojmë edhe nxënësit e shkollave që kanë ardhur për të parë ekipet e tyre. Unë doja të falënderoja bashkëpunimin e mirë që ka ministria me Federatën e Futbollit, por gjithashtu edhe me UEFA-n, përmes së cilës kemi këtë projekt. Është viti i pestë që po zhvillohet, por për shkak të pandemisë me një ndërprerje ne po e fillojmë me katër ekipet, për të arritur deri në finale. Po shikojmë që sporti po merr një vëmendje jo vetëm te çunat, por edhe te vajzat tashmë. Realisht vlen për t’u përgëzuar mundi, djersa, sakrifica që trajnerët bëjnë me këta fëmijë për t’i edukuar drejt sportit, disiplinës sportive, sidomos sportit të bukur të futbollit. U urojmë sot suksese, të fitojë ekipi më i mirë”, – tha Zv.Ministri Hoxha.

Pas ceremonisë hapëse u luajtën edhe dy ndeshjet e para të kampionatit në Tiranë e më konkretisht u ndeshën shkollat “28 Nëntori” kundër asaj “Kristaq Rama” dhe shkolla “Musine Kokalari” me shkollën “Bedri Llagami”.

Në Tiranë janë regjistruar në këtë kampionat skuadrat e 20 shkollave, ndërsa në rang kombëtar janë aktualisht 57 shkolla pjesëmarrëse.

“Klubi i Futbollit Tirana Femra prezanton drejtoreshën sportive të skuadrës. Edonisa Aliu do të jetë përgjegjëse për merkaton e ekipit femra bardh’ e blu. Ish kapitenja e Feronikelit në futbollin e femrave merr kështu detyrën e rëndësishme të drejtoreshës sportive ne klubin KF Tirana Women”, ka njoftuar klubi Tirana./Halit Delibashi-Sport Ekspres/

Vendimet e plota të Komisionit të Disiplinës:

Mbrojtësi i Tiranës mbyll para kohe sezonin dhe do të mungojë në derbi, pasi është ndëshkuar me 5 ndeshje pezullim nga çdo aktivitet.

KF Skënderbeu, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.
KF Erzeni, për sjellje të gabuar të spektatorëve duke hedhur sende në terrenin sportiv, në bazë të nenit 65/2 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
Lojtari i KF Tirana, Jocelin Behiratche, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga të gjitha aktivitetet.
Lojtari i KF Burreli, Markovanbasten Cema, për provokim të publikut, në bazë të nenit 52/1 të KDS, dënohet me 2 (dy) ndeshje pezullim nga aktiviteti.
Zyrtari i FC Lushnja, Marius Sula, për sjellje josportive ndaj zyrtareve te ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
Lojtari i Valbona FK, Endri Spahiu, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
Lojtari i KF Sopoti, Mateus Levendi, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
Lojtari i KF Sopoti, Kevin Myslimi, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
Zyrtari i KF Sopoti, Sazan Bozra, për sjellje josportive ndaj zyrtarëve të ndeshjes, në bazë të nenit 48/2/a të KDS, dënohet me 10 (dhjetë) ndeshje pezullim nga aktiviteti.
Lojtari i KF Naftëtari, Andreino Cerriku, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
Lojtari i Shenkollit, Devi Perlesi, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
KF Memaliaj, për dështim në përmbushjen e përgjegjësive, në bazë të nenit 64/1 të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/b të KDS, gjoba të aplikohet në masën 20%.
Lojtari i SH.S PEPA U-19, Mustjon Halili, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
Lojtari i Vora FK U-19, Elio Sulaj, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
Lojtari i FK Kukësi U-17, Ermal Syla, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
Lojtari i FC Lushnja U-15, Igli Mebelli, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
Lojtari i FC Besa U-15, Lulzim Cani, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
Lojtari i KF Skënderbeu U-19, Mustjon Halili, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
Zyrtari i Rinia EL U-17, Enkele Lika, për sjellje josportive ndaj kundërshtarit, në bazë të nenit 47/2/a të KDS, dënohet me 3 (tre) ndeshje pezullim nga aktiviteti.
Zyrtari i Akademia e Futbollit U-17, Spartak Hackavija, për sulm ndaj kundërshtarit, në bazë të nenit 47/2/b të KDS, dënohet me 12 (dymbëdhjetë) ndeshje pezullim nga aktiviteti.
Lojtari i Tirana Futsal, Florian Gjoni, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
Lojtari i Flamurtari Futsal, Xhulio Taka, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
Lojtari i Flamurtari Futsal, Karlo Kalus, për sulm ndaj zyrtarit të ndeshjes, në bazë të nenit 48/1/b të KDS, dënohet me 12 (dymbëdhjetë) muaj pezullim nga aktiviteti.
Zyrtari i Flamurtari Futsal, Mario Kalus, për sulm ndaj zyrtarit të ndeshjes, në bazë të nenit 48/2/b të KDS, dënohet me 18 (tetëmbëdhjetë) muaj pezullim nga aktiviteti.
Lojtari i IMMI, FSHF Sunday League, Erjon Malaj, për sjellje josportive ndaj zyrtarit të ndeshjes dhe sjellje ofenduese, në bazë të nenit 11/1/d, 11/1/f, 31, 38, 48/1 dhe 55/1 të KDS, përjashtohet nga të gjitha aktivitetet futbollistike të organizuara nga FSHF.
Roamel FT, për aktivizimin e një lojtari që nuk kishte të drejtë të luante në ndeshjen e vlefshme për Kampionatin FSHF Sunday League, kundër Nova Team, në bazë të neneve 30/3 dhe 53 të KDS, humbet ndeshjen në tavolinë me rezultatin 3-0.
Rrëzimin e kërkesës së lojtarit të KF Spartaku, Endri Dahriu, si të pabazuar në Kodin e Disiplinës Sportive.
Kundër vendimit lejohet ankim brenda 3 (tre) ditëve përpara Komisionit të Apelit.

Vendimet e plota të Komisionit të Disiplinës:

1. Zyrtari i KF Skënderbeu, Gentian Lico, për sjellje josportive ndaj kundërshtarit dhe zyrtarëve të ndeshjes në mënyrë të përsëritur, në bazë të nenit 47/2/a dhe 48/2/a të KDS, dënohet me 10 (dhjetë) ndeshje pezullim nga aktiviteti.

2. KF Skënderbeu, për sjellje të gabuar të spektatorëve, në bazë të nenit 65/1 dhe 65/3/c të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/a të KDS, gjoba të aplikohet në masën 50%.

3. Lojtari i KF Shkumbini, Dejan Hasbajrami, për sjellje josportive ndaj kundershtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.

4. Lojtari i KF Pogradeci, Kevi Berberi, për sjellje josportive ndaj kundershtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.

5. Lojtari i Akademia e Futbollit U-17, Frenki Doda, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 5 (pesë) ndeshje pezullim nga aktiviteti.

6. Zyrtari i KF Vllaznia, Brikeno Bizi, për sjellje josportive ndaj zyrtareve te ndeshjes, në bazë të nenit 48/1/a të KDS, dënohet me 8 (tetë) ndeshje pezullim nga aktiviteti.

7. FC Kinostudio U-16, për aktivizimin e një lojtari që nuk kishte të drejtë të luante në ndeshjen e vlefshme për Kampionatin Kombëtar të Femrave U-16, kundër KF Egnatia U-16, në bazë të neneve 30/3 dhe 53 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.

8. Rrëzimin e kërkesës së lojtarit të FC Dinamo U-19, Albi Azizi, si të pabazuar në Kodin e Disiplinës Sportive.

9. Rrëzimin e kërkesës së lojtarit të fk Skënderbeu U-19, Rei Dalipi, si të pabazuar në Kodin e Disiplinës Sportive.

10. Rrëzimin e kërkesës së Futboll Klub Skënderbeu, si të pabazuar në Kodin e Disiplinës Sportive.

11. Rrëzimin e kërkesës së Klubit të Futbollit Tirana, si të pabazuar në Kodin e Disiplinës Sportive.

12. Rrëzimin e kërkesës së Raiffeisen Bank, FSHF Sundey League si të pabazuar në Kodin e Disiplinës Sportive.

Trajneri i Kombëtares së vajzave, Armir Grima e nisi ndeshjen me këtë formacion: Antigoni Hyska, Arbenita Curraj, Sara Maliqi, Mimoza Hamidi, Qëndresa Krasniqi, Megi Doçi, Luçije Gjini, Kristina Maksuti, Ezmiralda Franja, Armera Tukaj, Alma Hilaj.

Shqipëria luan mirë në minutat e para të takimit, duke qarkulluar saktë topin, e duke tentuar edhe rrjetën kundërshtare. Miket kalojnë të parat në avantazh në minutën e katërt, me Natasha Andonovën, e cila provon nga jashtë zone dhe gjen rrjetën shqiptare, duke e gjetur të papërgatitur mbrojtjen dhe portën tonë. Vajzat kuqezi nuk dorëzohen, por tentojnë të gjejnë golin e barazimit.

Kristina Maksuti i afrohet shumë pranë golit të baraspeshës, duke humbur një mundësi të artë në minutën e 10-të të takimit. Qëndresa Krasniqi i dhuron një top mjaft të mirë për të shënuar, por topi i gjuajtur nga Maksuti kalon shumë pranë shtyllës së majtë dhe nuk gjen rrjetën.

Vajzat kuqezi të drejtuara nga trajneri Grima kanë kontrollin e lojës në minutat e ardhshme të takimit. Megi Doçi i afrohet golit sërish në minutën e 26-të, teksa pas një goditje dënimi, dërgon topin drejt portës, por që largohet nga mbrojtja kundërshtare. Dy minuta më vonë, Qëndresa Krasniqi hyn brenda zonës maqedonase, duke ftuar sërish Megi Doçin të godasë, por topi përfundon jashtë vijës fundore. Gjyqtarja kosovare akordon penallti për skuadrën tonë në minutën e 36-të, pas një ndërhyrje të Zhivikj ndaj Kristina Maksutit, duke e shtyrë brenda zonës. 11-metërshi merret përsipër nga kapitenia Megi Doçi, e cila nuk gabon dhe e çon topin në rrjetë, duke barazuar rezultatin në minutën e 37-të.

Barazimi nuk i kënaq kuqezezat, të cilat kërkojnë avantazhin që në fraksionin e parë. Qëndresa Krasniqi ka një rast mjaft të mirë në minutën e 42-të, pas një pasimi të saktë të Mimoza Hamidin. E majta e Krasniqit kalon shumë pranë rrjetës kundërshtare, por përfundon jashtë. Edhe Kristina Maksuti ka një tjetër mndësi të artë për të kaluar në epërsi, por finalizimi është i gabuar, me topin që përfundon jashtë rrjete. Pjesa e parë mbyllet me barazimin 1-1.

Trajneri Grima bën menjëherë tre zëvendësime, duke hedhur në fushë Viona Rexhepin, Endrina Elezajn dhe Matilda Gjergjin për Antigoni Hyskën, Luçije Gjinin dhe Armera Tukaj. Vajzat kuqezi bëjnë një pjesë të dytë të mirë, duke kontrolluar topin dhe loja luhet vetëm në gjysmëfushën kundërshtare në pjesën më të madhe të minutave. Maksuti, Krasniqi dhe Doçi i afrohen disa herë golit të avantazhit, por mungon finalizimi për vajzat kuqezi. Trajneri shqiptar bën edhe pesë zëvendësime të tjera në radhët e ekipit kuqezi, duke hedhur në fushë Gresa Berishën, Fortesa Berishën, Djellza Istrefaj, Vesa Paqarizin dhe Valentina Trokën. Goli i epërsisë për Shqipërinë vjen pikërisht nga sulmuesja e Apolonisë, Valentina Troka. Është kapitenia Doçi e cila asiston për Trokën, e cila kalon Shqipërinë në avantazh në minutën e 90. Ka kohë edhe për dy zëvendësime të tjera, me Bajraktarin dhe Metallën që hyjnë në fushë, në vend të Maliqit dhe Doçit.

Valentina Troka realizon edhe golin e tretë për Shqipërinë dhe të dytin personal. Fortesa Berisha i dhuron një top mjaft të bukur Trokës brenda zonës, e cila nuk gabon dhe e çon në rrjetë, duke vulosur kështu shifrat 3-1.

Partizani duhet të shlyejë një gjobë prej 200 mijë lekësh si dhe do të zhvillojë dy ndeshje pa tifozë, ndërsa Tirana do të paguajë gjobën me vlerën 200 mijë lekë dhe do të luajë 4 ndeshje pa praninë e tifozëve në stadium. Ndërkohë dënime ka pasur edhe për Egnatian dhe Erzenin, lojtarët e të cilëve u përfshinë në një skenë dhu.ne në përballjen e javës që lamë pas. /Halit Delibashi-Sport Ekspres/

Vendimet e plota të Komisionit të Disiplinës:

1. KF Egnatia, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
2. KF Erzeni, për sjellje të gabuar të spektatorëve duke hedhur sende në terrenin sportiv, në bazë të nenit 65/2, 65/3/c dhe 65/3/h të KDS, dënohet me gjobë në masën 100.000 (njëqind mijë) lekë.
3. Lojtari i KF Erzeni, Rejnaldo Troplini, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
4. Lojtari i KF Bylis, Xhoele Macolli, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
5. FK Partizani, për sjelljen e gabuar të spektatorëve duke hedhur sende brenda rrethimit të fushës si dhe dështim në përmbushjen e detyrimeve dhe përgjegjësive që shkaktuan ndërprerje të përkohshme të lojës, në bazë të neneve 50, 63, 64/2, 65/3/a 65/3/c, dhe 65/3/f të KDS, dënohet me zhvillimin e 2 (dy) ndeshjeve pa spektatorë si dhe gjobë në masën 200.000 (dyqind mijë) lekë. FK Partizani, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
6. Zyrtari i KF Partizani, Ervin Hajdari, për provokim të publikut, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
7. KF Tirana, për sjelljen e gabuar të spektatorëve duke hedhur sende brenda rrethimit të fushës si dhe dështim në përmbushjen e detyrimeve dhe përgjegjësive që shkaktuan ndërprerje të përkohshme të lojës, në bazë të neneve 50, 64/2, 65/2, 65/3/a, 65/3/c, 65/3/f dhe 65/4/b të KDS, dënohet me zhvillimin e 4 (katër) ndeshjeve pa spektatorë si dhe gjobë në masën 200.000 (dyqind mijë) lekë. KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.
8. Lojtari i KF Partizani U-21, Dionis Cikani, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
9. Lojtari i FC Dinamo U-21, Fabjan Perdreca, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
10. Lojtari i Iliria sh.a, Agim Guni, për sjellje josportive ndaj Zyrtarit të ndeshjes, në bazë të nenit 48/1/a të KDS, dënohet me 6 (gjashtë) ndeshje pezullim nga aktiviteti.
11. KF Skënderbeu femra, për braktisjen e ndeshjes së vlefshme për Kampionatin Kombëtar të Femrave, kundër KF Teuta femra, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
12. FK Kukësi femra, për braktisjen e ndeshjes së vlefshme për Kampionatin Kombëtar të Femrave, kundër KF Tirana femra, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
13. Lojtari i FC Internacional Tirana U-19, Armando Hasa, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
14. Lojtari i KF Vllaznia U-19, Aldo Nika, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
15. Lojtari i KF Vllaznia U-19, Markelian Guri, për sjellje josportive ndaj kundërshtarit, në bazë të nenit 47/1/d të KDS, dënohet me 3 (tre) ndeshje pezullim nga aktiviteti.
16. FC Internacional Tirana U-19, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/e të KDS, gjoba të aplikohet në masën 3%.
17. Zyrtari i KF Spartak Tirana U-17, Endrit Këmbaci, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
18. Në bazë të Nenit 11/1/g të KDS, ndalohet hyrja për një afat të pacaktuar në çdo stadium ku organizohen aktivitete të FSHF të personave të mëposhtëm: Renis Zeqir Aga, Amarildo Rexhep Greca, Amarildo Astrit Xhaxho.
19. Rrëzimin e kërkesës së lojtarit të KF Maliqi, Arlind Xaka, si të pabazuar në Kodin e Disiplinës Sportive.
20. Rrëzimin e kërkesës së lojtarit të KF Shkumbini, Eledio Muzhaqi, si të pabazuar në Kodin e Disiplinës Sportive.
21. Rrëzimin e kërkesës së lojtarit të KF Shkumbini, Mikel Zogu, si të pabazuar në Kodin e Disiplinës Sportive.

“Klubi zyrtarizon emërimin e Ylli Shehut në drejtimin e ekipit të femrave. Pas eksperiencave të mëparshme në ekipet e akademisë U-19 dhe U-17 Shehu tashmë do të udhëheqë vajzat e kuqe, skuadër e cila mbetet një ndër prioritetet e veçanta të klubit. Oriand Abazaj do të jetë trajneri ekipit U-17 duke zëvendësuar në këtë post Ylli Shehun”, ka njoftuar klubi Partizani./Halit Delibashi-Sport Ekspres/

Për të njëjtën masë disiplinore është dënuar edhe FK Tomori, i cili duhet të shlyejë një gjobë prej 50 mijë lekësh. Ndërkohë Apolonia paralajmërohet se në rast të përsëritjes së sjelljes së gabuar nga ana e zyrtarevë të klubit do të marrë ndëshkimin e merituar sipas rregullores nga Komisioni i Disiplinës./Halit Delibashi-Sport Ekspres/

Vendimet e plota të Komisionit të Disiplinës:

1. KF Egnatia, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 100.000 (njëqind mijë) lekë.
2. FK Apolonia, në bazë të nenit 12 të KDS, paralajmërohet se në rast të përsëritjes të sjelljes së gabuar të zyrtarëve të klubit, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
3. FK Tomori, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
4. Lojtari i KF Maliqi, Arlind Xaka, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
5. Lojtari i SH.S Albpetrol, Rudin Nako, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 3 (tre) ndeshje pezullim nga aktiviteti.
6. Lojtari i Shënkolli, Ded Bushi, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
7. Lojtari i KF Bylis U17, Paulin Sinarrapaj, për provokim të publikut, në bazë të nenit 52/1 të KDS, dënohet me 2 (dy) ndeshje pezullim nga aktiviteti.

Duke nisur nga tetori i vitit 2022 e deri më tani FSHF ka transmetuar direkt 78 ndeshje të moshave, ekipe kombëtare djem e vajza veçanërisht nga eliminatoret e Europianëve të moshave U-17 e U-19. Përveç transmetimeve direkte të mbuluara nga vetë FSHF në disa raste është bashkëpunuar dhe me RTSH-në, që ka mbështetur Federatën në këtë nismë të rëndësishme për t’i dhënë audiencë më të madhe futbollit shqiptar.

Duke iu referuar statistikave, këto ndeshje janë ndjekur nga më shumë se 100 mijë shikues pa pagesë në kanalin Youtube, ndërkohë që ka mbi 2 milionë impresione nga ndjekësit. Shifra të konsiderueshme që konfirmojnë se futbolli shqiptar ka pasur më shumë audiencë dhe shikueshmëri krahasuar me vite të kaluara, pikërisht falë investimit të FSHF në këtë drejtim.

FSHF ka bërë të mundur transmetimin e të gjitha ndeshjeve eliminatore të Europianëve për vajzave dhe djem të luajtura në Shqipëri, madje në bashkëpunim edhe me federata të tjera janë transmetuar edhe disa ndeshje në transfertë. Janë transmetuar live thuajse të gjitha ndeshjet zyrtare dhe miqësore të ekipeve Kombëtare të moshave për djem nga qershori e deri më tani.

Ndërkaq, duke filluar nga tetori i vitit të kaluar të paktën dy nga ndeshjet kryesore të javës në kampionatet e moshave në “Abissnet Superiore”, nga grup-mosha U-17 dhe U-19, janë transmetuar direkt dhe pa pagesë nga Federata Shqiptare të Futbollit. Gjithashtu, është transmetuar dhe një ndeshje në javë nga kampionati i vajzave, teksa përveç këtyre janë transmetuar edhe ndeshjet e turneut të përfaqësueseve rajonale që organizohet nga FSHF dy herë në vit e ku marrin pjesë futbollistë nga e gjithë Shqipëria të grup-moshave U-13, U-14 dhe U-15.

Kjo nismë i ka dhënë një audiencë akoma më të madhe veçanërisht futbollit të vajzave, që vazhdon të tërheq interesimin gjithnjë e më të madh të shumë vajzave që po afrohen me ekipe. FSHF do të vazhdojë t’i japë mundësinë futbolldashësve të ndjekin drejtpërdrejtë pa pagesë ndeshje nga kampionatet e moshave dhe kampionati i vajzave, duke promovuar kështu të rinjtë e të rejat, dhe duke i dhënë më shumë shikueshmëri futbollit të fëmijëve dhe vajzave, që janë dy nga prioritetet kryesore në strategjinë e Federatës.

Numri një i qeverisë së futbollit u shpreh se kjo mbrëmje gala është organizuar me qëllimin për të vlerësuar e stimuluar më të mirët në shumë drejtime, duke besuar se krijojmë modelet frymëzuese që duhet të ndjekin më të rinjtë.

“Loja jonë – padyshim më e bukura në glob -ashtu siç është garë e konkurrencë, është edhe edukim e bashkim. Jetojmë në një shoqëri ku debatohet shumë, ka përplasje të forta idesh dhe shpesh, tension e konfliktualitet. Por ama ka një vend ku të gjithë i lënë mënjanë ndasitë, e ku bëhen bashkë, burra e gra, të rinj e të reja, të vegjël e të moshuar, të majtë e të djathtë. E ky është futbolli. Sidomos Kombëtarja jonë kuqezi. Pikërisht këto veti magjike e bëjnë lojën tonë më emocionuese, ngarkojnë me përgjegjësi më të madhe të gjithë aktorët”, – tha Presidenti Duka, duke renditur më tej disa arritje të rëndësishme siç ishin lançimi i strategjisë “Futbolli për Kombin”, organizimi në Tiranë i një aktiviteti të përmasave ndërkombëtare, finalja e UEFA Conference League në 25 maj, në stadiumin tonë “Air Albania”, inaugurimi i stadiumit “Kukës Arena” në Kukës apo edhe ndërtimi i shumë fushave të reja futbolli në Durrës, Kukës, Tiranë, Lushnjë, Shkodër, Orikum, Luz, etj.

Presidenti i FSHF-së përmendi edhe inaugurimin e Shtëpisë së Futbollit, një vepër madhore dhe e rëndësishme për infrastrukturën e futbollit në vend, por edhe iniciativa të tjera në kuadër të përgjegjësisë sociale apo edhe bashkëpunimit me institucionet arsimore.

“Sot jemi në një aktivitet që ka një moment falënderimi. Për ata që janë një shembull suksesi, e duhet të jenë po ashtu motivim për çdo të ri e të re, që do të arrijë majat. Janë djem dhe vajza që kanë arritur këtu me punë të madhe, sakrifica të përditshme, me mund e me djersë e duke pasur besimi tek vetja. Cilësi këto që na duhen të gjithëve për të arritur rezultate. Janë cilësi të kampionëve”, – tha ndër të tjera Presidenti Duka.

Më poshtë, fjala e plotë e mbajtur nga Presidenti i FSHF-së, Armand Duka në mbrëmjen gala:

Përshëndetje të gjithëve,

Jemi në një natë ndryshe për futbollin, jemi mësuar t’i shohim djemtë dhe vajzat në fushën e blertë dhe jo në këtë skenë shumë të bukur të Teatrit të Operas dhe Baletit. Dua t’i falënderoj të gjitha nga zemra që jeni sot këtu veçanërisht të ftuarit të veçantë të kësaj mbrëmjeje: Ministren e Arsimit dhe Sportit, znj. Evis Kushi.

Një falënderim për përfaqësuesit diplomatikë, Shkëlqesitë Ambasadorë e stafet e tyre. Një falënderim i veçantë për Presidentin e Federatës së Kosovës, mikun e çmuar Agim Ademi.

E po ashtu i uroj Mirëseardhjen mikut tonë, ish-futbollistit të Kombëtares së Francës e Realit te Madridit, Kristian Karembe dhe po ashtu edhe ish-futbollistit të Barcelonës, Arsenalit, Manchester City-t e sot drejtues i ekipit tonë kombëtar, Silvinio Mendes Campos Junior.

Jemi sot këtu, për të vlerësuar e stimuluar më të mirët në shumë drejtime, duke besuar se krijojmë modelet frymëzuese që duhet të ndjekin më të rinjtë. Loja jonë – padyshim më e bukura ne glob -ashtu siç është garë e konkurrencë, është edhe edukim e bashkim. Jetojmë në një shoqëri ku debatohet shumë, ka përplasje të forta idesh dhe shpesh, tension e konfliktualitet. Por ama ka një vend ku të gjithë i lënë mënjanë ndasitë, e ku bëhen bashkë, burra e gra, të rinj e të reja, të vegjël e të moshuar, të majtë e të djathtë, artistë e këngëtarë. Dhe ky është futbolli. Sidomos KOMBETARJA jonë KUQEZI. Pikërisht këto veti magjike e bëjnë lojën tonë më emocionuese, ngarkojnë me përgjegjësi më të madhe të gjithë aktorët:

Lojtarë; Trajnerë; Arbitra; Drejtues klubesh; Por veçanërisht ne si FEDERATE. Me këtë ndjenjë përgjegjësie të madhe, ne të gjithë bashkë jemi përpjekur të sjellim rezultate e arritje ndër vite.

Mbyllëm një vit sfidues 2022, me ngjarje e evente, zhvillime e investime të rëndësishme. E nisëm me kuvendin tonë të debatuar e të sulmuar për të vazhduar me lançimin e strategjisë “Futbolli për Kombin”. Vazhduam me një aktivitet të përmasave ndërkombëtare siç ishte finalja e UEFA Conference League në 25 maj, në stadiumin tonë “Air Albania”, e cila dëshmoi se jo vetëm komuniteti i futbollit, por edhe gjithë Shqipëria mund të organizojë evente të rëndësishme. Inauguruam: Stadiumin “Kukës Arena” në Kukës dhe këtu gjej rastin të falënderoj Kryeministrin e vendit dhe qeverinë shqiptare, që u bënë partner me FSHF ashtu si dhe më parë në impiantet e Elbasanit, Shkodrës e Tiranës. Në të njëjtën kohë dua t’i uroj shërim të shpejtë Kryeministrit, i cili do të duhet të ishte sonte këtu por për arsye shëndetësore, nuk mundi dot.

Ndërtuam shumë fusha të reja vitin e kaluar në Durrës, Kukës, Tiranë, Lushnjë, Shkodër, Orikum, Luz, Vorë e gjithkund. Një tjetër risi e 2022 ishte investimi më i madh privat i historisë sportive shqiptare: kompleksi Partizani, me stadium modern, hotel e ambiente stërvitje e pushimi, mundësuar e financuar nga miku ynë dhe i futbollit, Gazmend Demi, i cili është për t’u vlerësuar për këtë kontribut të jashtëzakonshëm në infrastrukturë.

Gjithahstu gjatë këtij viti duke pasur parasysh marrëdheniet apo mbështetjen e madhe që ka FSHF nga FIFA dhe UEFA kemi pasur vizitën e dy personaliteteve: Aleksander Ceferin në shkurt e Gianni Infantino në shtator, kur ne bëmë gati “Shtëpinë e Futbollit”, një derë e hapur për të gjithë, si për lojtarët profesionistë, ashtu edhe për më të rinjtë që duan të jenë pjesë e lojës sonë magjike, jo vetëm për të marrë dije e për t’u stërvitur, por edhe për t’u kuruar e rikuperuar. Do të jetë i hapur për të gjithë ju mbase për të parë edhe historinë e futbollit shqiptar ndër vite.

Në prag të Botërorit të Katarit, kreu i FIFA-s, Infantino do të falënderonte një vend tëvogël në Europë që ishte Shqipëria dhe Kryeministrin e saj Edi Rama të cilët i hapën dyert e tyre vajzave Afgane të futbollit, ku ne si FSHF iu bashkuam kësaj iniciative, krijuam infrastrukturën e nevojshme që ato të vazhdojnë të luajnë e të ushtrojnë ëndërrën dhe pasionin e tyre. U bëmë pjesë e ndihmës për Futbollin e Ukrainës me sa mundëm, një ndhmë modeste në një kohë mjaft të vështirë për miqtë tanë, e një kohë sfidash për krejt globin.

Investuam fuqimisht për të vijuar në partneritet me FIFA e UEFA, projektet tona madhore, pjesë e strategjisë “Futbolli për Kombin”, që e lançuam në fillim të vitit të kaluar. Projekti “Topi im”, “Uniforma ime”, “100 fushat”, janë plane madhore që hyjnë në çdo familje shqiptare.

Futbolli punon nuk flet: shumë pak e dinë se futbolli organizon 571 ndeshje në javë në Shqipëri në të gjitha kategoritë, vajza, djem, profesionistë e amatorë. Viti 2022, ishte një vit fitues për vajzat tona të futbollit. Për herë të parë në histori, vajzat e ekipit tonë Kombëtar që arritën rekord pikësh në eliminatoret e Botërorit. Të mos harrojmë se historia jonë e futbollit të vajzave është e shkurtër krahasamisht me atë që duhet për të arritur majat. Vllaznia e vajzave kualifikohet në grupet e UEFA Ëomen Champions League, mes 16 më të mirave, por edhe Ky fakt, na bën të ndihemi krenarë. I falënderoj shumë vajzat dhe presidentin Matia.

Shqipëria po rrit talente, dhe këtë e treguan të rinjtë nën 17 vjeç që nisën rrugëtimin drejt Elite Raund të Europianit, mes 32 ekipeve më të mira të kontinentit. Në mars do të luajnë ndeshje të rëndësishme. Le të shpresojmë të na bëjnë krenar ne, kombin dhe flamurin kuqezi. Këtë vit, 2023, falë punës sonë kemi arritur të fitojmë besimin e UEFA për të organizuar 10 turne ndërkombëtare kualifikues në vendin tonë. Kurrë ndonjëherë më parë nuk ka ndodhur, kjo falë punës së zyrtarëve, administratorëve, arbitrat dhe gjithkujt që punon me futbollin shqiptar.

Gjithashtu një premtim të madh e të rëndësishëm për futbollin këtë vit: do të ndërtohen tre stadiume të reja, në Durrës, Vlorë e Korçë dhe një i katërt në Tiranë, por jo me fonde shtetërore.

Pas zgjedhjes së trajnerit të ri të kombëtares, kemi një synim të qartë; të rikthehemi në podin e më të mëdhenjve me pritshmëritë tona për Euro 2024. Por sigurisht nuk e arrijmë dot pa mbështetjen e çdo shqiptari.

Sot jemi në këtë aktivitet jemi për të vlerësuar dhe falënderuar më të mirët.

Ata që janë një shembull suksesi, e duhet të jenë po ashtu motivim për çdo të ri e të re, që do të arrijë majat.

Janë djem dhe vajza që kanë arritur këtu me punë të madhe, sakrifica të përditshme, me mund e me djersë e duke pasur besimi tek vetja.

Cilësi këto që na duhen të gjithëve për të arritur rezultate.

Janë cilësi të KAMPIONEVE.

Urime fituesve! Urime më të mirëve

Falënderime e mirënjohje të gjithëve.

Një sukses ndoshta i pabesueshëm, por që erdhi gradualisht si pasojë e punës së mirë të bërë nga klubin shkodran, por edhe falë mbështetjes së madhe që Federata Shqiptare e Futbollit ka dhënë dhe jep për zhvillimin e futbollit të vajzave.

Për këtë arsye një çmim i veçantë në mbrëmjen gala të FSHF-së “Më të Mirët 2022” ka shkuar pikërisht për Vllazninë e vajzave me motivacionin “si promotore e jashtëzakonshme në rritjen e cilësisë sportive në futbollin e femrave në Shqipëri dhe për arritjen në fazën e grupeve në UEFA Ëomen Champions League 2022-2023, rezultat i paimagjinuar më parë”. Në fazën e grupeve Vllaznia u përball me klube si Real Madrid, Chelsea dhe Paris Saint Germain, superfuqi për futbollin e vajzave në Europë.

Moderatorët e mbrëmjes kanë ftuar në skenë të gjithë ekipin e Vllaznisë dhe drejtuesit për të marrë çmimin “Pllakatë” të FSHF-së, që i është dorëzuar pikërisht nga Presidenti Duka, i cili ka falënderuar ekipin kuqeblu që ka bërë krenar të gjithë me arritjet e jashtëzakonshme në Shqipëri dhe tashmë edhe në Europë.

Presidenti i FSHF-së shprehu besimin që ky sukses të pasohet nga të tjera arritje, që do të ishin padiskutim të merituara për këto vajza dhe këtë klub që prej vitesh kanë bërë një punë të mrekullueshme. “Urimet më të përzemërta për të gjitha ju! Jeni burim frymëzimi dhe krenaria për ne dhe çdo vajzë që dëshiron të ndjekë rrugën magjike të futbollit”, – tha Presidenti Duka.

“Është emocion i veçantë që shpërblehet puna e vazhdueshme e bërë gjatë gjithë viteve. Në fakt, jo si gjithë lojtarët që kërkojnë të ikin jashtë, unë kam bërë gjithçka që të jap gjithçka me Vllazninë dhe ekipin kombëtar. Një falenderim i veçantë shkon për të gjithë trajnerët dhe kapitenët e ekipeve që më kanë votuar mua si “Topin e Artë” të vitit 2022. Sigurisht dhe një falenderim edhe më i veçantë shkon për shoqet e ekipit tim, për ato që shkëlqyen në Champions League dhe dhanë gjithçka. Falenderimet janë të shumta dhe nuk dua të lë pa përmendur edhe presidentin Armand Duka, sepse është i vetmi person që i ka qendruar afër këtij sporti. Nuk duhen lënë pas edhe ata njerëz që jashtë fushës së blertë japin gjithçka që ky sport të jetë më i suksesshëm dhe më i popullarizuar. Ky çmim është edhe i dy shoqeve që ishin në nominim me mua”, është shprehur Megi Doçi./Halit Delibashi-Sport Ekspres/

“Topi i Artë i vitit 2022” shkon për Redon Xhixhën, ndërsa dy alternativat e tjera ishin Xhuliano Skuka dhe Mentor Mazrekaj. Sulmuesi 24-vjeçar la pas një vit mjaft të suksesshëm, ku ngriti në duart e tij kupën e titullit kampion me Tiranën. Në pamundësi për të qenë në sallën e Teatrit, Operas dhe Baletit, duke qenë se ndodhet në Azerbajxhan në ekipin e tij të ri, çmimin e ka tërhequr kapiteni i bardhebluve, Marsel Ismajlgeci./Halit Delibashi-Sport Ekspres/

Këpuca e Artë 2022 për vajza i ka shkuar sulmueses së Vllaznisë, Megi Doçi, rekordmene absolute në kampionatin e vajzave me fanellën kuqeblu me 66 gola të shënuar sezonin e kaluar, ndërsa trofeun ia ka dorëzuar anëtarja e Komitetit Ekzekutiv të FSHF-së, Anila Basha, e cila u shpreh: “Isha 10 vjeç kur babai më mori përdore dhe më çoi në stadium, nga ajo ditë u dashurova me futbollin dhe më pas nuk reshta së luajtur futboll, ishin fjalët e kapitenes së parë të ekipit tokë kombëtare. Sot kemi gati 200 futbolliste dhe presim të masivizohet futbolli i vajzave. Vajzat duhet të inkurajohen, do të kënaqen, pasi edhe mbështetja nuk do të mungojë”.

Pas marrjes së çmimit, Megi Doçi u shpreh: “Kënaqësi të jem sonte mes më të mirave dhe më të mirëve. Diçka e bukur, organizim i bukur. Falënderoj FSHF-në për zhvillimin e futbollit të femrave në Shqipëri. Ky çmim i dedikohet familjes time, që më ka mbështetur gjithmonë”, – tha Doçi para të pranishmëve.

Çmimi i parë që u dhurua në këtë event i përkiste kategorisë së femrave. Rosela Vasa mori në duart e saj trofeun e “Talenti i vitit 2022”, duke fituar kështu konkurencën me Xhesika Ndojin dhe Gelda Kadiolin./Halit Delibashi-Sport Ekspres/

“Mbrëmja gala ‘Më të mirët e vitit 2022’, organizohet nga FSHF në bashkëpunim me partnerin tonë Digitalb, të cilin dua ta falënderoj shumë për mbështetjen për këtë aktivitet. Në këtë mbrëmje do të kurorëzojmë vitin magjik, vitin më të mirë ku arritëm të organizojmë finalen e Conference league, patëm projektin ‘Uniforma ime’ dhe shumë turne të mëdha që iu besuan Federatës Shqiptare të Futbollit.

Në këtë mbrëmje gala do të jepen 10 çmime të mëdha, Topi i Artë për meshkuj e femra, Këpuca e Artë për meshkuje femra, talenti i vitit në futbollin e meshkujve, talentja e vitit në futbollin e femrave, formacionin e vitit, gjyqtari i vitit, trajneri i vitit. Do kemi shumë momente të bukura për të ndarë bashkë.

Në këtë mbrëmje gala do të ketë personalitete të mëdha nga brenda dhe jashtë vendit, do të jetë Kryeministri i Republikës së Shqipërisë Edi Rama, ministrja e arsimit, do kemi personalitet të futbollit ndërkombëtar, por do i zbulojmë atë ditë në sallë dhe figura të njohura të futbollit shqiptar ndër vite e ndër dekada”, ka zbuluar Andi Verçani./Halit Delibashi-Sport Ekspres/

Megjithëse nuk arritën të marrin asnjë pikë në fazën e grupeve, vajzat e Vllaznisë do të kthehen me krenari nga Madridi. Vetë fakti që mbërrijnë deri në këtë pikë të turneut më madhor të futbollit europian është një arritje historike që do të mbahet mend gjatë. Një fakt pozitiv mbrëmjen e sotme është shënimi i golit të parë që një ekip shqiptar, qoftë për femra, qoftë për meshkuj, shënon në Champions League. Ishte Megi Doçi ajo që tundi rrjetën e Realit të Madridit, pas një ekzekutimi fantastik të një goditjeje dënimi në minutën e 5 të takimit./Halit Delibashi-Sport Ekspres/

Vllaznia ka arritur të shënojë golin e parë në grupet e Champions League. Sigurisht, kush tjetër veçse Megi Docit mund të realizonte.

Lojtarja shqiptare arriti të shënonte nga goditja e dënimit në minutën e 5 në transfertën ndaj Realit të Madridit dhe nisi të festonte si Kristiano Ronaldo. /Sport Ekspres/

Dy golat e tjerë janë shënuar në pjesën e dytë të takimit. Bachmann tund rrjetën në minutën e 60 dhe vajzat kuqeblu mendojnë të kundërpërgjigjen menjëherë. Topi i takon atyre për ta nisur edhe një herë nga mesfusha dhe prej aty provohet edhe spektakli. Futbollistja e Vllaznisë sheh portieren larg portës dhe kërkon golin që nga mesi i fushës, por më pas gardiania e PSG-së zotëron topin në limitet e vijës fatale. Skuadra franceze mban rrjetën të paprekur dhe shënon përsëri në minutën e 81-të me anë të Folquet-it./Halit Delibashi-Sport Ekspres/