“Realisht e dinim se ishte një kundështar i vështirë. E respektonim, por nuk e kishim frikë. Besoj se çdo gjë që kemi punuar me djemtë rezultoi e saktë. Më vjen keq për golin e pësuar, sepse e kishim punuar. Duhet të pranojmë kualitetin, cilësinë, eksperiencën e tyre europiane. Por unë jam krenar dhe do flas më shumë për djemtë. Nuk di nga t’ja filloj për çunat. Ajo që më pëlqeu më shumë është që nuk vuajtëm fizikisht. Me raste mund të jemi të barabartë, por me zotërim ata janë më të fortë se ne. Shifrat nuk tregojnë realisht nivelin tonë.

Nuk e përcaktojnë dot nivelin tonë as ata, një ekip kaq me buxhet të madh dhe me histori. Ne treguam se kush jemi, dinjiteti, personaliteti, sa mirë dimë të luajmë edhe futboll. Ata kanë eksperiencë shumë të madhe europiane, ndërsa ne jemi në hapin e parë. Rëndësi ka që nuk gabuam. Vetëm 1 humbje kemi. Kjo më bën të jem optimist dhe ta shikoj gotën gjysmë plot”, është shprehur Nevil Dede./Sport Ekspres/

Ndërkohë vetëm pak minuta më vonë, ekipi i Danimarkës do të barazonte rezultatin. Një ndeshje e cila ishte e padrejtë për Egnatian pasi magjia e saj në Europë si debutuese kalon në plan të dytë për shkak të situatës në vend, por me rëndësi është fakti që Egnatia del me pikën e parë në ndeshjen e saj në Europë. /Sport Ekspres/

Përmes një reagimi publik, tifozët rrogozhinas kanë bërë të ditur se nuk do të jenë të pranishëm në stadium, në shenjë solidariteti me studentët që po protestojnë dhe kërkojnë përmirësimin e kushteve të tyre.

“Ultras Egnatia bojkoton ndeshjen. Sot heshtja jonë është mesazh solidariteti”, thuhet në mesazhin e publikuar nga grupimi, i cili thekson mbështetjen për protestat dhe kërkesat e studentëve.

Ky vendim vjen në një moment të veçantë për klubin rrogozhinas, që po përgatitet të përfaqësojë Shqipërinë në fazën e ligës të kompeticionit europian. Megjithatë, atmosfera festive që zakonisht shoqëron sfida të tilla pritet të jetë ndryshe, pasi një pjesë e rëndësishme e tifozërisë ka zgjedhur të mos jetë në shkallët e stadiumit. Ndërkohë, për shkak të situatës së krijuar në kryeqytet, UEFA ka vendosur që ndeshja Egnatia-Midtjylland të zhvillohet në “Elbasan Arena”, në orën 18:45. Kështu, protesta studentore lë gjurmën e saj edhe në futboll, ndërsa Egnatia përballet me një sfidë historike në arenën europiane. /Sport Ekspres/

Një nga momentet që simbolizon këtë pritje daton më 11 mars 2019, kur kryeministri Edi Rama zhvilloi një takim me drejtuesit e futbollit shqiptar, ku ndër të tjera u diskutua edhe për Ligjin e Sponsorizimit. Në atë tryezë u fol për afatet dhe nevojën e ndërhyrjeve ligjore, ndërsa u përmend edhe një periudhë prej 100 ditësh për përmbushjen e zotimeve të diskutuara.

Më shumë se shtatë vite më vonë, premtimi vijon të jetë në qendër të debatit. Ajo që në atë kohë u diskutua si një objektiv i afërt, sot mbetet një kërkesë e vazhdueshme e aktorëve të futbollit, të cilët e konsiderojnë këtë ligj thelbësor për të garantuar më shumë investime dhe për të krijuar kushte më të favorshme për zhvillimin e sportit.

Klubet shqiptare mbështeten në një masë të konsiderueshme te kontributi financiar i presidentëve dhe investitorëve privatë. Mbajtja e skuadrave në nivele konkurruese, investimet në infrastrukturë, zhvillimi i akademive dhe përmirësimi i kushteve për futbollistët kërkojnë burime të konsiderueshme financiare.

Në mungesë të një mekanizmi të posaçëm që nxit sponsorizimin, sigurimi i këtyre të ardhurave mbetet një sfidë e vazhdueshme. Për rrjedhojë, klubet e kanë të vështirë të krijojnë stabilitet financiar dhe të planifikojnë zhvillimin afatgjatë, ndërsa barra ekonomike bie kryesisht mbi investitorët ekzistues.

Për Federatën Shqiptare të Futbollit dhe komunitetin sportiv, miratimi i një ligji efektiv do të përbënte një hap të rëndësishëm drejt zgjerimit të bazës së financimit, duke krijuar stimuj për bizneset që duan të mbështesin futbollin dhe sportet e tjera.

Ndërsa Shqipëria vijon të diskutojë për këtë çështje, Kosova ka prej vitesh një mekanizëm ligjor që mbështet sponsorizimin në sport. Ligji nr. 05/L-090, i miratuar në vitin 2016, ka krijuar një kuadër përmes të cilit bizneset që sponsorizojnë aktivitete sportive mund të përfitojnë lehtësime tatimore, sipas kushteve dhe kritereve të përcaktuara në legjislacion.

Ky model përbën një pikë të rëndësishme referimi për Shqipërinë, pasi synon të ndërthurë interesin e bizneseve për të përfituar lehtësime fiskale me nevojën e klubeve dhe federatave për të siguruar financime shtesë.

Sipas të dhënave të paraqitura për vitin 2025, sporti në Kosovë përfitoi gjithsej 24.456.037 euro nga mekanizmi i sponsorizimit. Prej kësaj shume, 9.141.428 euro shkuan për futbollin, sportin më popullor në vend.

Ligji i Sponsorizimit ka vijuar të jetë pjesë e diskutimeve institucionale edhe gjatë viteve të fundit. Megjithatë, ndryshimet e bëra në legjislacionin sportiv nuk kanë përmbushur pritshmëritë e aktorëve të futbollit për krijimin e një sistemi të krahasueshëm me atë të vendeve të rajonit.

Për futbollin shqiptar, një ligj i tillë nuk do të ishte thjesht një lehtësi fiskale. Ai mund të shërbente si një instrument për të zgjeruar burimet e financimit, për të nxitur përfshirjen e investitorëve të rinj dhe për të ulur varësinë e klubeve nga kontributi i një numri të kufizuar individësh.

Shtatë vite pas takimit të marsit 2019, futbolli shqiptar kërkon që Ligji i Sponsorizimit të mos mbetet më një premtim i përsëritur. Tashmë, përgjegjësia për ta kthyer këtë kërkesë shumëvjeçare në realitet mbetet te institucionet që kanë në dorë procesin ligjor.

Takimi do të luhet në të njëjtën orë, 18:45, ndërsa ndryshon vetëm stadiumi ku do të zhvillohet përballja.

Kampionët e Shqipërisë do të nisin kështu rrugëtimin e tyre historik në fazën e ligës të UEFA Conference League, pas një ecurie të suksesshme në fazat kualifikuese.

Për Egnatian, kjo ndeshje përfaqëson një tjetër moment të rëndësishëm, teksa skuadra rrogozhinase synon të përfaqësojë denjësisht futbollin shqiptar në arenën europiane.

Përballë do të jetë skuadra daneze e Midtjylland, në një sfidë që shënon debutimin e Egnatias në këtë fazë të kompeticionit.

Policia e Shtetit raportohet se ka hezituar të marrë përsipër mbarëvajtjen e takimit, ndërsa situata pranë stadiumit “Air Albania” është përkeqësuar nga protestat dhe përdorimi i gazit lotsjellës. Ky i fundit ka depërtuar deri në ambientet e stadiumit, duke penguar zhvillimin normal të përgatitjeve të skuadrës daneze.

Përballja e planifikuar për të enjten, më 15 tetor, në orën 18:45, përfaqëson një moment historik për Egnatian, e cila do të debutojë në fazën e ligës të Conference League. Kampionët shqiptarë synojnë të nisin me rezultat pozitiv aventurën europiane, por zhvillimet e fundit kanë krijuar pasiguri të madhe.

Tashmë, vëmendja është përqendruar te vendimi zyrtar i autoriteteve dhe organizatorëve për fatin e ndeshjes. Ende pritet të sqarohet nëse sfida do të zhvillohet sipas programit apo do të ketë ndryshime. Një situatë e tillë rrezikon të zbehë atmosferën e një prej mbrëmjeve më të rëndësishme europiane në historinë e klubit nga Rrogozhina. /Sport Ekspres/

Skuadra kryeqytetase zhvilloi një paraqitje bindëse, duke konfirmuar avantazhin e krijuar edhe në ndeshjen e parë në Maltë, ku triumfoi me rezultatin 2-0. Me fitoren 4-0 në sfidën e kthimit, Partizani U-19 e mbyll përballjen me rezultatin e përgjithshëm 6-0 dhe vijon rrugëtimin në kompeticionin europian.

Të kuqtë kaluan në avantazh në minutën e 43-të me Lleshin, ndërsa një autogol i Formosës në minutën e 45+1-të dyfishoi shifrat për Partizanin. Në pjesën e dytë, Rrenga shënoi golin e tretë në minutën e 53-të, ndërsa Hyseni vulosi fitoren 4-0 në minutën e 68-të.

Pas këtij suksesi, Partizani U-19 do të përballet në raundin e dytë të UEFA Youth League me skuadrën çeke Hradec Králové, duke vijuar përfaqësimin e futbollit shqiptar në këtë kompeticion europian të moshave.

Fitorja me rezultat të përgjithshëm 6-0 ndaj Valletta U-19 përbën një tjetër arritje për kampionët e Shqipërisë, të cilët e nisin sezonin europian me dy fitore dhe pa pësuar asnjë gol.

Në ceremoninë e diplomimit mori pjesë edhe Presidenti i FSHF-së, Armand Duka. Në përfundim të kursit u diplomuan 15 trajnerë, mes tyre emra të njohur të futbollit shqiptar, si Ilir Bozhiqi, Taulant Guma, Ideal Lekiqi, Bledian Rizvani, Alfred Osmani dhe Bledar Baholli.

Gjatë programit, kursantët u fokusuan te aspektet taktike, përgatitja psikologjike, analiza e performancës dhe bashkëpunimi me stafin teknik. Në zhvillimin e kursit kontribuuan edhe specialistë ndërkombëtarë nga klube të njohura europiane, si Real Madrid, Liverpool, Inter dhe Tottenham.

Në fjalën e tij në ceremoninë e diplomimit, Presidenti Duka vlerësoi rëndësinë e këtij programi për futbollin shqiptar, duke theksuar se përfundimi i edicionit të parë përbën një hap të rëndësishëm në formimin profesional të trajnerëve të portierëve.

“Është vërtet kënaqësi për mua të jem sot me ju këtu në një ditë vërtet të rëndësishme për futbollin në përgjithësi. Sot në këtë sallë shoh figurat kryesore të trajnimit të portierëve në Shqipëri, në ciklin që përfunduat. Ciklin e parë që organizon FSHF, për trajner portierash i nivelit më të lartë, UEFA Goalkeeper A. Ky është një zhvillim shumë i rëndësishëm për Federatën e Futbollit, për futbollin shqiptar në përgjithësi, për ta rritur atë në nivelet më të larta profesionale. Ju jeni të parët që keni dalë nga ky edicion i parë, që ka zgjatur afërsisht 1 vit.

Nëse do të shohim historinë e futbollit shqiptar, kohën kur ne kemi filluar për herë të parë të përgatisim në mënyrë zyrtare trajnerë, që kanë të drejtën e ushtrimit të këtij profesioni, jo vetëm brenda kufijve të Shqipërisë, por në të gjithë botën, koha është e shkurtër, por zhvillimi është i madh”, – u shpreh ai.

Presidenti Duka vlerësoi gjithashtu punën e të gjithë atyre që kontribuuan në organizimin e këtij kursi, duke theksuar rëndësinë e vijimit të programeve të kualifikimit për trajnerët në sektorë të ndryshëm të futbollit.

“Zhvillimi që ka futbolli dhe kaq shumë nivel ekspertize dhe nivel profesional që kërkon shumë shpejt, besoj që do të fillojmë të bëjmë edhe përgatitje për trajnerët e çdo sektori të fushës. Unë jam vërtet i kënaqur. Dua të falënderoj në radhë të parë administratën, sekretarin e Përgjithshëm, Ilir Shulkun, drejtorin Teknik, Abdyl Kuriun, dua të falënderoj shumë Erion Metën sepse ka qenë një shtysë, Ardi Beharin si drejtues i shkollës së futbollit shqiptar, sepse ka qenë një shtysë dhe insistues që ne ta fillojmë UEFA Goalkeeper A në vitin 2025 dhe që përfundon sot. Jemi nga Federatat e para. Uroj që t’i shërbejë shumë përgatitjes së portierëve”, – theksoi Presidenti i FSHF-së.

Në përfundim, Presidenti Duka uroi trajnerët e diplomuar për sukses në punën e tyre dhe i inkurajoi që të kontribuojnë në zhvillimin e mëtejshëm të këtij sektori, duke nënvizuar se përvoja e edicionit të parë do të shërbejë edhe për përmirësimin e organizimit në të ardhmen.

“Duke pasur parasysh sa i rëndësishëm që është, ne i kemi dhënë peshën e duhur, rëndësinë e duhur. Besoj që e kemi organizuar mirë, por padyshim që ka vend për përmirësim. Ju jeni ata që do ta çoni akoma më tej, sepse jeni realisht në nivelin e profesorëve, pavarësisht se ky ishte zyrtarisht edicioni i parë i këtij kursi të përgatitjes së trajnerëve në Shqipëri. Ju uroj shumë suksese në terren dhe ta çoni akoma më përpara këtë sektor të rëndësishëm apo këtë pjesë shumë të rëndësishme të futbollit në përgjithësi në vendin tonë”, – përfundoi Presidenti Duka.

Ky projekt vjen pas rezultateve pozitive të sistemit ekzistues, të instaluar nga FSHF në tarracën e stadiumit, i cili ka kontribuar ndjeshëm në reduktimin e shpenzimeve të energjisë dhe në uljen e emetimeve të dioksidit të karbonit (CO?).

Vetëm gjatë periudhës mars–tetor 2026, sistemi fotovoltaik i stadiumit “Air Albania” ka mundësuar shmangien e emetimit të rreth 471.2 tonëve CO?, një ndikim mjedisor i përllogaritur si ekuivalent me mbjelljen e 25,728 pemëve.

Rezultate të rëndësishme janë arritur edhe në ambientet e Shtëpisë së Futbollit, ku përdorimi i energjisë së rinovueshme ka kontribuar në shmangien e emetimit të 653.4 tonëve CO?, ekuivalent me mbjelljen e 35,677 pemëve.

Në total, investimet e FSHF-së në këto dy impiante kanë mundësuar reduktimin e emetimeve me rreth 1,124.6 tonë CO?, një ndikim mjedisor i përllogaritur si ekuivalent me mbjelljen e 61,405 pemëve.

Zgjerimi i miratuar i sistemit fotovoltaik në stadiumin “Air Albania” synon të rrisë më tej prodhimin e energjisë së pastër, duke mundësuar mbulimin e një pjese edhe më të madhe të nevojave energjetike të stadiumit. Ky investim pritet të sjellë përfitime të mëtejshme ekonomike dhe mjedisore, duke reduktuar varësinë nga energjia elektrike e marrë nga rrjeti dhe duke kontribuar në uljen e gjurmës së karbonit.

Përmes këtyre investimeve, FSHF vijon angazhimin për modernizimin e infrastrukturës sportive dhe integrimin e parimeve të qëndrueshmërisë mjedisore në aktivitetin e saj.

FSHF synon që zhvillimi i futbollit shqiptar të shoqërohet me investime të përgjegjshme ndaj mjedisit, duke promovuar përdorimin e energjisë së pastër dhe një të ardhme më të gjelbër për sportin.

Në UEFA Europa League, Enea Jorgji do të jetë arbitri kryesor i ndeshjes Torreense – Sunderland, që do të zhvillohet në stadiumin “Estádio Municipal de Leiria”. Në këtë takim, dy asistentët e Jorgjit janë Denis Rexha dhe Ridiger Çokaj, ndërsa Juxhin Xhaja do të jetë arbitri i katërt. Albert Doda është caktuar në rolin e AVAR.

Ndërkohë, në UEFA Conference League, Florian Lata do të drejtojë sfidën Riga FC – FC Kairat Almaty, e cila do të luhet në stadiumin “Skonto Stadions”, në orën 18:45.

Lata do të ketë në krah asistentët Erind Burgu dhe Ilir Tartaraj, ndërsa Andi Koçi do të jetë arbitri i katërt. Kreshnik Bajramaj është caktuar në sistemin VAR, ndërsa Olsion Yzeiraj në rolin e AVAR.

Angazhimi i arbitrave shqiptarë në këto dy kompeticione europiane përbën një tjetër vlerësim për arbitrimin shqiptar dhe dëshmon rritjen, zhvillimin dhe besimin që ata gëzojnë në arenën ndërkombëtare.

Dosti tha se e kishte kundërshtuar që në fillim emërimin e Bratus, duke argumentuar se ai merrte drejtimin e një skuadre me të cilën nuk kishte njohje të mëparshme.

“Unë e kam thënë që kur është lajmëruar si trajner i Partizanit se me këtë nuk ka për të bërë hajër, për shumë arsye. Erdhi nga Rumania, ku ekipi ku kishte qenë kishte rënë nga kategoria. Do të vinte në një kampionat që nuk e njihte dhe në një ekip që nuk e njihte”, u shpreh Dosti.

Dosti e cilësoi katastrofik bilancin e Partizanit pas gjashtë javësh kampionat, me vetëm katër pikë të grumbulluara dhe vendin e parafundit në klasifikim. Ai vlerësoi se skuadra ka nevojë për një trajner që njeh futbollin shqiptar dhe që mund të bashkojë grupin në këtë moment të vështirë.

Sipas tij, deri në përfundim të fazës së parë, objektivi kryesor duhet të jetë grumbullimi i pikëve, ndërsa në merkaton e dimrit nevojiten investime dhe përforcime në disa reparte.

“Duhet një trajner që t’i mbledhë lojtarët, një trajner që e njeh futbollin shqiptar. Me këta lojtarë duhet të japë maksimumin deri në fazën e parë dhe të marrë pikët që i duhen Partizanit”, u shpreh ai.

I pyetur për emrat që po përmenden si kandidatë për të marrë drejtimin e skuadrës, mes tyre drejtori i akademisë, Genc Tomorri, dhe trajneri i Partizanit B, Alfred Deliallisi, Dosti tha se një zgjidhje e përkohshme nga brenda klubit mund të ishte e përshtatshme, në pritje të gjetjes së trajnerit të duhur.

Ai shtoi se Partizani ka nevojë edhe për një trajner që të rikthejë besimin te lojtarët dhe ta shndërrojë momentin e vështirë në një pikënisje për rezultate më të mira.

Duke analizuar humbjen në derbi, Dosti kritikoi zgjedhjen e formacionit dhe vonesën në kryerjen e zëvendësimeve. Sipas tij, Partizani nuk ka një skemë të qartë loje dhe kjo është një nga arsyet që skuadra po has vështirësi në kampionat.

“Unë e kam thënë dhe e kam shkruar se Partizani është pa fizionomi, pa skemë. Nuk e dimë si luan dhe kush luan. Për këtë nuk duhet të na duket çudi që Partizani është në këtë gjendje. Të gjitha fajet nuk mund t’ia lëmë vetëm trajnerit, sepse edhe Demi duhet të kishte reaguar më shpejt”, tha Dosti.

Pas gjashtë javësh të kampionatit, Partizani renditet në vendin e parafundit me katër pikë dhe ka pësuar 13 gola, duke pasur mbrojtjen më të dobët të kampionatit.

“Është e vertetë. Jam golashënuesi më i mirë në derbi dhe në Kupat e Europës. Para ca ditësh pashë një emision për 100 vjetorin e klubit Tirana dhe nuk ishte përmendur emri im. Më bëri përshtypje se si një klub aq i madh si Tirana, ku përmenden lojtarë si Stërmasi, dhe golashënuesi më i mirë i Kupave të Europës dhe golashënuesi më i mirë në derbi nuk përmendet. U çudita shumë. Si ka mundësi? Njerëzit mund të kenë pakënaqësi me presidentin, me trajnerë, me lojtarë e me njëri-tjetrin, por historia është histori dhe duhet të shkruhet.

Por do ta diskutoj me kolegët e mi kur të shkoj në Tiranë, pasi pashë që edhe lotjarët dhe trajnerët që unë kisha luajtur nuk ma kishte përmendur asnjëri emrin. Nuk po e përmend për emrin tim. Është i vetmi klub që kërkon të trashëgojë historikun e vetë. Historia nuk zhbëhet. Si mund ta edukosh ti brezin që do të vijë. Siç thatë që Manaj do të kapi golat e Bogdanit, ashtu Xhixha do të kapi golat e Fortuzit. Historia është histori”, ka thënë Indrit Fortuzi./Sport Ekspres/

“Një moment historik për klubin tonë dhe për gjithë Shqipërinë! Të enjten, sytë e të gjithëve do të jenë te kjo sfidë e madhe, ku së bashku synojmë të shkruajmë historinë!

Ejani edhe ju në stadium, bëhuni pjesë e këtij momenti historik dhe na mbështesni drejt ëndrrës sonë! Le ta shkruajmë historinë së bashku”, ka shkruajtur klubi Egnatia./Sport Ekspres/

“FK Partizani njofton përfundimin e bashkëpunimit me trajnerin Florin Bratu dhe pjesëtarët e stafit të tij teknik. Ky vendim vjen si pasojë e rezultateve zhgënjyese të regjistruara në këtë fillim sezoni, të cilat kanë cenuar ndjeshëm objektivat sportivë të klubit. Seanca e radhës stërvitore do të drejtohet nga Alfred Deliallisi, trajneri aktual i Partizanit B. FK Partizani i uron Florin Bratu dhe stafit të tij suksese në vazhdim të karrierës së tyre sportive”, ka njoftuar klubi Partizani./Sport Ekspres/

“Shikoj një trajner që nuk ka lidhje me trajningun. E kam ndjekur gjatë të gjitha javëve. Shprehet dhe thotë që po bën eksperiment. Dhe ai sot eksperimentoi prapë. Eksperimentoi duke lënë jashtë lojtarët cilësorë. Duhet të jenë lojtarë që e mbajnë peshën e dërbit. Të lësh lojtarë si Murataj, Sidibenë, apo në ndërrimet e tij që nuk e di… Më falni për zhargonin, por nuk e di cili furgon e ka sjellë atë Dumbanë aty. Nuk mund të themi që gjithë ky klub i madh akoma me Bintsukanë”, ka thënë Roland Çelmeta./Sport Ekspres/

Rezultati 1-1 mbeti në fuqi deri në minutën e 80, kur Ilievski ktheu shifrat në favor të Tiranës. Vetëm 5 minuta më vonë Kis vulosi rezultatin përfundimtar në 1-3. Me këtë fitore Tirana shkon në top 4-she, ndërsa Partizani zhytet edhe më thellë në krizën e rezultateve./Sport Ekspres/

Dy vendet e para kanë fituar me rezultate identike, 2-0, kundër Korabit dhe Ilirsë. Nga ana tjetër edhe Kastrioti ka fituar 2-0 kundër Orikut me dopietën e Beshirajt. Tre vendet e para i takojnë Pogradecit, Besës dhe Byliti që kanë një marrsh më shumë. Ndërkohë Kastrioti, Korabi dhe Flamurtari mbyllin 6 vendet e para, që të japin luftën për Play Off-in në Superiore.

Korabi 0-2 Pogradeci (Shanaj 53′, Lleshaj 63′)
Besa 2-0 Iliria (Danaj 15′, Ruzgis 36′)
Burreli 0-0 Besëlidhja
Kastrioti 2-0 Oriku (Beshiraj 50′, 53′)

Tef Prela është një emër që lidhet me një periudhë të rëndësishme të historisë së arbitrimit në Shqipëri.

Ai iu afrua arbitrimit në vitin 1969 dhe brenda pak vitesh kaloi nga ndeshjet e fëmijëve, të rinjve dhe kategorisë së dytë, në skenën e Kategorisë së Parë.

Rreth 170 ndeshje të gjykuara në Kategorinë e Parë janë një dëshmi e qartë e jetëgjatësisë, përkushtimit dhe besimit që ai fitoi gjatë viteve në futbollin shqiptar.

Por karriera e tij nuk u kufizua vetëm brenda Shqipërisë. Tef Prela ka pasur edhe eksperiencë në arenën ndërkombëtare, duke gjykuar dy ndeshje europiane, një në Kupën e Kupave në vitin 1988 në Turqi dhe një tjetër në vitin 1990 në San Marino.

Edhe pas largimit nga Shqipëria dhe emigrimit në Shtetet e Bashkuara të Amerikës, ai vijoi të ishte pjesë e arbitrimit, duke gjykuar për tre vite, nga 1996 deri në 1998.

Gjatë ceremonisë së vlerësimit në “Shtëpinë e Futbollit”, Presidenti Duka theksoi rëndësinë e kontributit të Tef Prelës dhe të gjithë arbitrave që kanë qenë pjesë e historisë së futbollit shqiptar, duke vlerësuar rolin e tyre në zhvillimin e këtij sporti.

“Për mua është kënaqësi që sot nderojmë me mirënjohje një nga figurat e arbitrimit shqiptar, z. Tef Prela. Nëpërmjet vlerësimit, mirënjohjes që FSHF bën sot për z. Tef Prela, për të gjithë kontributin e tij në arbitrim, padyshim ne tregojmë mirënjohje për të gjithë ata që kanë vënë nga një gur në ndërtimin e kësaj shtëpie të futbollit shqiptar.

Arbitrat faktikisht nuk janë shpeshherë në qendër të duartrokitjeve, por pa arbitrat është e pamundur që kjo lojë të zhvillohet dhe të vijë në këto nivele ku jemi sot. Ne jemi koshient që kjo shtëpi është e përbërë nga futbollistë, trajnerë, drejtues, zyrtarë klubesh dhe arbitra, faktor i domosdoshëm për futbollin shqiptar.

I uroj z. Tef Prela një jetë të gjatë. E falënderoj për të gjithë kontributin. Ju ftoj të gjithë ju që ta ndiqni këtë shembull pozitiv të arbitrimit shqiptar dhe ta çoni akoma më tej stafetën e Tef Prelës dhe të gjithë kolegëve të tij në futbollin shqiptar”, – tha Presidenti Duka.

Përmes këtij vlerësimi, FSHF shpreh mirënjohjen për Tef Prelën dhe kontributin e tij ndër vite, duke nderuar një figurë që i ka kushtuar një pjesë të rëndësishme të jetës futbollit shqiptar. Ky vlerësim është njëkohësisht mirënjohje për të gjithë arbitrat që, me profesionalizmin dhe përkushtimin e tyre, kanë ndihmuar në zhvillimin e futbollit në vend.

Pas një penalltie të ekzekutuar dhe të pritur nga portieri, topi u kthye prapë mbrapa me fat dhe nga aty, Loukili gjeti golin e avantazhit. Ndërkohë me një kundërsulm të frikshëm nga Montenegro në fundin e takimit, Diabate nuk do ta kishte të vështirë për të gjetur golin e dytë në minutën e 89. Kështu Egnatia mban hapin e Teutës, duke u gjendur në vendin e dytë me vetëm një pikë më pak. /Sport Ekspres/

Tre përballjet e mbetura do të zhvillohen ditën e nesërme. Laçi dhe Egnatia masin forcat në orën 13:30, ndërsa në “Loro Boriçi”, duke nisur nga ora 18:30, do të luhet përballja mes Vllaznisë dhe Dinamos.

Java e 6 e kampionatit kulmon me emocionet e derbit të kryeqytetit. Partizani e luan derbin e parë si pritës, teksa të dyja skuadrat synojnë të përdorin derbin si një mënyrë për t’u kthyer te rezultatet pozitive. Kryesfida Partizani-Tirana do nisë mbrëmjen r nesërme në orën 18:30./Sport Ekspres/

Gjatë muajit shtator, Teuta regjistroi tri fitore në tri ndeshjet e zhvilluara, duke siguruar rezultate pozitive dhe duke u renditur në krye të kampionatit me 13 pikë.

Çmimi iu dorëzua trajnerit Tetova nga Drejtori Teknik i FSHF-së, Abdyl Kuriu, në ambientet e FSHF TV.

Në një prononcim për fshf.org, Edlir Tetova u shpreh i lumtur për këtë vlerësim, duke ia dedikuar arritjen stafit teknik dhe lojtarëve, të cilët i konsideroi pjesën më të rëndësishme të këtij suksesi.

“Sigurisht që është një arritje për mua personalisht, por mbi të gjitha edhe për klubin. Pjesëmarrësit më të afërt janë stafi dhe lojtarët, sepse pa ta kjo nuk do të ishte e mundur. Kështu që dedikimi është për stafin dhe lojtarët”, – tha Tetova.

Ai theksoi gjithashtu se skuadra ka ende hapësirë për përmirësim, duke shprehur besimin se Teuta do të vijojë me paraqitje pozitive edhe në javët e ardhshme. Në përfundim, trajneri uroi që ekipi të ketë gjithnjë e më shumë tifozë në stadium, për ta mbështetur gjatë ndeshjeve të kampionatit.

“Mendoj që deri në këto momente kemi pasur paraqitje të mira. Pesë ndeshjet e para kanë qenë pozitive për klubin tonë. Mendoj që nuk jemi në 100% të potencialit tonë. Shpresoj që të kemi ecuri më të mirë në javët në vazhdim dhe, sigurisht, të kemi sa më shumë tifozë në vazhdim”, – përfundoi trajneri i Teutës, Edlir Tetova.

Pas ndërprerjes për ndeshjet e Kombëtares, skuadrat e elitës së futbollit shqiptar rikthehen në fushë për të vijuar garën për pikët e radhës. Java e 6-të do të zhvillohet në datat 10 dhe 11 tetor, me dy takime të shtunën dhe tri të tjera të dielën.

Të shtunën, AF Elbasani do të përballet me Vorën, ndërsa Teuta do të presë Skënderbeun. Të dyja ndeshjet do të luhen në orën 18:30.

E diela do të sjellë fillimisht sfidën mes Laçit dhe Egnatias, në orën 13:30, ndërsa në orën 18:30 do të luhen dy përballjet e tjera të javës, Vllaznia – Dinamo City dhe derbi i kryeqytetit, Partizani – Tirana.

Në stadiumin “Air Albania”, do të luhet derbi mes Partizanit dhe Tiranës, me dy rivalët historikë që do të kërkojnë triumfin për t’u rikthyer te fitorja në kampionat.

Kalendari i javës së 6-të të Abissnet Superiore:

E shtunë, 10 tetor

AF Elbasani – FK Vora, ora 18:30

Teuta – Skënderbeu, ora 18:30

E diel, 11 tetor

KF Laçi – Egnatia, ora 13:30

Vllaznia – Dinamo City, ora 18:30

Partizani – Tirana, ora 18:30

Shkodra Live raporton se në stërvitjen e Vllaznisë zbriti edhe Alban Xhaferi, por jo ekipi, pasi pretendojnë rroga të pamarra dhe të prapambetura. Po sipas medias në fjalë, thuhet se në seancën stërvitore nga ekipi i parë ishim vetëm 4 lojtarë të rinj si Bizi, Uldedaj, Tahiri dhe Arës. Pas një mbledhje të bërë, më pas stërvitja ka vazhduar vetëm me 4 lojtarët që ishin në dispozicion nga ekipi i parë. /Sport Ekspres/

Laçi, që garon në Abissnet Superiore, arriti të kalojë më tej, duke mposhtur Këlcyrën me rezultatin e thellë 8-2. Me një fitore të thellë avancoi edhe Pogradeci, që mposhti Delvinën me shifrat 7-0.

Një tjetër triumf bindës regjistroi AF Luftëtari, që mundi 5-0 Tomorin në shtëpi.

Edhe Shiroka kaloi pa vështirësi në raundin tjetër, duke mposhtur Lushnjën me rezultatin 4-0 në transfertë.

Besa siguroi biletën për në turin tjetër pas fitores me përmbysje 4-1 ndaj Devollit, ndërsa të njëjtën gjë bëri edhe Kastrioti, që përmbysi Luzin dhe triumfoi 3-1. Bylisi mposhti Albpetrolin 4-1, ndërsa Apolonia fitoi 3-1 ndaj Maliqit dhe siguroi kualifikimin.

Kukësi iu fal një goli në limite në shtëpi për të mposhtur Erzenin me rezultatin 3-2 dhe për të avancuar në raundin tjetër, ndërsa Iliria dhuroi spektakël në fitoren 4-3 ndaj Koplikut.

Butrinti kaloi me sukses Orikun, duke fituar 2-1, ndërsa Korabi mposhti me të njëjtin rezultat Tërbunin. Për më tej siguroi kalimin edhe Eagle FA, që befasoi Burrelin, duke triumfuar 3-1.

Një ditë më herët, Flamurtari dhe Skënderbeu fituan respektivisht 4-1 ndaj Gramshit dhe Naftëtarit, ndërsa Besëlidhjes iu desh koha shtesë për të mposhtur Sopotit me rezultatin 2-1 dhe për të marshuar më tej.

Rezultatet e ndeshjeve të raundit të 1/32-ve të Kupës së Shqipërisë

Besëlidhja 2-1 Sopoti

Flamurtari 4-1 Gramshi

Skënderbeu 4-1 Naftëtari

AF Luftëtari 5-0 Tomori

Apolonia 3-1 Maliqi

Besa 4-1 Devolli

Burreli 1-3 Eagle FA

Bylis 4-1 Albpetrol

Iliria 4-3 Koplik

Kastrioti 3-1 Luzi

Korabi 2-1 Tërbuni

Kukësi 3-2 Erzeni

Laçi 8-2 Këlcyra

Lushnja 0-4 Shiroka

Oriku 1-2 Butrinti

Pogradeci 7-0 Delvina

Ndeshjet e raundit të 1/16-ve të Kupës së Shqipërisë

Kastrioti – Eagle FA

Besa – Korabi

Iliria – AF Luftëtari

Pogradeci – Kukësi

Skënderbeu – Apolonia

Laçi – Shiroka

Flamurtari – Butrinti

Bylis – Besëlidhja

Ndërkohë Musa, Bismark, Braga dhe Thomas, vendosën fitoren e thellë. Besëlidhja është duke u ndeshur aktualisht ndaj Sopotit, me ndeshjen që po vazhdon në shtesë dhe po fitohet në shifrat 2-1. /Sport Ekspres/

Tre ndeshje e para të turit 1/32 do të luhen më 6 tetor, në orën 13:30, ndërsa 13 takimet e tjera do të zhvillohen më 7 tetor, po në orën 13:30.

Në këtë raund marrin pjesë dy ekipet e renditura në vendin e 9-të dhe të 10-të të “Abissnet Superiore” për sezonin 2025/26, 12 ekipet e Kategorisë së Parë të sezonit të kaluar, 16 ekipet më të mira të Kategorisë së Dytë, grupet A dhe B, si edhe dy ekipet e kualifikuara nga turi paraeliminator.

Përballjet e turit 1/32 janë:

6 tetor, ora 13:30

Flamurtari – Gramshi

Besëlidhja – Sopoti

Skënderbeu – Naftëtari

7 tetor, ora 13:30

Kukësi – Erzeni

Katrioti – Luzi 2008

Burreli – Eagle Football

Besa – Devolli

Korabi – Tërbuni

Iliria – Veleçiku

Luftëtari – Tomori

Pogradeci – Delvina

Apolonia – Maliqi

Laçi – Këlcyra

Lushnja – Shiroka

Oriku – Butrinti

Bylis – Albpetrol

Pas përfundimit të turit të parë, gara do të vijojë me fazat e ardhshme të Kupës së Shqipërisë, në rrugëtimin drejt trofeut të sezonit 2026/27.

Ekipet e renditura nga vendi i parë deri në të tetin në “Abissnet Superiore” për sezonin 2025-2026 do të nisin garën nga faza 1/8.

Për përcaktimin e çifteve çerekfinaliste dhe gjysmëfinaliste do të hidhet short i lirë, ndërsa ndeshjet do të luhen me sistem vajtje-ardhje, me dy takime.

Përballë ishte një Izrael që vinte pas dy humbjeve radhazi, ndaj tri pikët ishin të rëndësishme për të dyja skuadrat. Kosova pati momentet e saj gjatë takimit dhe kërkoi vazhdimisht hapësira për të goditur portën kundërshtare, por mbrojtja izraelite rezistoi. Edhe vendasit provuan të rrezikonin, por pa arritur të gjenin rrugën drejt rrjetës.

Ky është barazimi i dytë mes dy kombëtareve në historinë e përballjeve të tyre, ndërsa Kosova kishte fituar 1-0 në takimin e vitit 2023. Me këtë pikë, Dardanët vazhdojnë luftën në Grupin B3, në një grup ku çdo rezultat mund të ketë peshë të madhe në garën për pozicionet e kreut. /Sport Ekspres/

Aktiviteti kishte në fokus ndërgjegjësimin e nxënësve mbi rëndësinë e përfshirjes së vajzave në futboll dhe mundësitë që sporti ofron për zhvillimin e tyre.

Gjatë aktivitetit u zhvillua një bashkëbisedim me nxënësit e klasave të treta, të katërta dhe të pesta, i shoqëruar edhe me një pyetësor mbi futbollin e vajzave. Fëmijët patën mundësinë të ndanin mendimet e tyre rreth pjesëmarrjes së vajzave në futboll, ndërsa aktiviteti vijoi me lojëra dhe aktivitete të ndryshme sportive.

Nxënësit u angazhuan me interes dhe entuziazëm, duke përcjellë edhe përmes përgjigjeve dhe pjesëmarrjes së tyre rëndësinë e krijimit të hapësirave ku çdo fëmijë mund të afrohet me futbollin.

Përmes aktiviteteve të Grassroots, FSHF synon të sjellë futbollin më pranë fëmijëve dhe të promovojë një sport gjithëpërfshirës, ku vajzat dhe djemtë kanë të njëjtat mundësi për të marrë pjesë, për të luajtur dhe për t’u zhvilluar përmes sportit.

Mesazhi i aktivitetit në shkollën “Korb Muça” ishte i qartë: futbolli është një sport për të gjithë dhe çdo vajzë duhet të ketë mundësinë të jetë pjesë e tij.

Vendasit u shfaqën mjaft të rrezikshëm edhe në pjesën e dytë të lojës. Çukuemeka tundi rrjetën përsëri në minutën e 61-të, duke venitur shpresat e tifozëve shqiptar. Kosova reagoi në m8nutën e 83-të, kur Zhegrova shndërroi në gol një 11 metërsh. Megjithatë, goli i sulmuesit të Juventusit në fund i vlejti statistikave, pasi dardanët u larguan me një humbje 3-1 nga stadiumi. Ndeshja e radhës për Kosovën është ajo ndaj Izraelit./Sport Ekspres/

Dinamo mori menjëherë kontrollin e lojës, duke qarkulluar topin dhe duke kërkuar vazhdimisht portën kundërshtare. Epërsia erdhi në minutën e 12-të, kur Farruku finalizoi saktë një pasim fantastik të Ajzerajt.Otrant Olympic reagoi shpejt dhe gjeti golin e barazimit në minutën e 16-të, por vetëm gjashtë minuta më vonë Blutë kaluan përsëri në avantazh. Këtë herë ishte Ruçi që goditi bukur fluturimthi pas pasimit të marrë nga Skënder Meta, duke realizuar golin e dytë për Dinamon.Në fundin e pjesës së parë erdhi edhe goli i tretë. Farruku u shfaq sërish protagonist, duke finalizuar pas një asisti perfekt të Ismailit dhe duke dërguar skuadrën në pushim me avantazhin 3-1.

Pjesa e dytë nisi me tri zëvendësime për Blutë. Sali, Xhejms dhe Manellari morën vendet e Kirit, Ismailit dhe Vilës.Edhe pas pushimit, Dinamo vazhdoi të kontrollonte lojën dhe të krijonte raste për shënim. Në minutën e 65-të, trajneri Daja kreu të tjera ndryshime, duke larguar nga fusha Metën, Sembenen dhe Mustaphën, ndërsa në lojë u aktivizuan Jonathan, Gudiabi dhe Nani.Në minutën e 73-të erdhën të tjera zëvendësime. Lorran, Ruçi dhe Ajzeraj lanë fushën, ndërsa në vendet e tyre u aktivizuan Rama, Bleta dhe Lushaku.Vetëm dy minuta më vonë, Farruku kompletoi tripletën personale, duke shënuar golin e tij të tretë të ndeshjes dhe të katërtin për Dinamon.Në minutën e 77-të, trajneri Daja bëri edhe dy ndryshime të tjera. Biden, i cili aktivizohet me ekipin B të Dinamos, mori vendin e Farrukut, ndërsa Kruja u hodh në fushë në vend të Alhassan. Në minutat e mbetura rezultati nuk ndryshoi dhe takimi u mbyll me fitoren 4-1 të Dinamos.

]]> https://sportekspres.com/armand-duka-mbeshtet-nga-afer-kosoven-feston-nga-stadiumi-suksesin-e-dardaneve/ Fri, 25 Sep 2026 09:32:00 +0000 https://sportekspres.com/?p=476493 Kosova nisi mbrëmë rrugëtimin në sezonin e ri të Ligës së Kombeve. Një nisje e suksesshme për dardanët, të cilët mposhtën Irlandën me shifrat 1-0. I pranishëm në stadiumin “Fadil Vokrri” ishte edhe Armand Duka, i cili mbështeti nga afër Kosovën.

“Sot në Prishtinë, për të ndjekur nga afër Kosovë–Irlandë, në ndeshjen e parë të UEFA Nations League. Suksese Dardanëve”, ka shkruajtur Armand Duka në faqen e tij zyrtare në “Facebook”./Sport Ekspres/

Përballë një Ireland që u përpoq të rezistonte, Kosova krijoi presion dhe kërkoi të gjente hapësirat për të zhbllokuar rezultatin. Goli i shumëpritur erdhi në minutën e 83-të dhe ishte pikërisht kapiteni Vedat Muriqi ai që ndezi stadiumin.

Sulmuesi shqiptar shënoi me kokë dhe i dha Kosovës avantazhin 1-0, rezultat që mbeti i pandryshuar deri në vërshëllimën e fundit. G

Por festa e Muriqit mori edhe një tjetër kuptim. Pas golit, sulmuesi përcolli një mesazh në mbështetje të çlirimtarëve të Kosovës që ndodhen në Hagë, duke e lidhur momentin e golit me një çështje që vazhdon të ketë peshë të madhe simbolike në Kosovë. Mesazhi i tij ishte i qartë: “Drejtësi për çlirimtarët!”

Me këtë fitore, Kosova merr tri pikë të rëndësishme në Grupin B3 dhe e nis në mënyrën më të mirë këtë edicion të Nations League. /Sport Ekspres/

Një rregull që duhej të ishte futur më herët, por që do të shërbejë shumë për të ardhmen tonë. Madje, Gega nuk ngurron të tregojë sesi lojtarët e rinjë nuk grumbullohen në ekipet e Superiores pasi disa njerëz përfitojnë me afrimet e të huajëve të cilët janë “askushi”, për t’i hequr shansin e provimit talentit vendas. Gjithashtu në prag të ndeshjeve të Kombëtares, u diskutua edhe për listën e Maran.

5 javët e para në Superiore, çfarë të ka bërë më shumë përshtypje deri tani?

Po e kam ndjekur fillimin e sezonit të kampionatit, diçka që e shoh si shumë pozitive është ndryshimi i formulës së kampionatit. E kam thënë mendimin tim edhe më para, Final Four nuk ishte zgjidhja më e mirë, por FSHF zgjodhi të bënte një risi. Për mua personalisht, Final Four nuk solli asgjë pozitive përveç problematikave pasi në fundin e kampionatit ndodhin plot “surpriza” apo “ndere”. Këtu nuk mund të ngarkosh me përgjegjësi FSHF, por klubet që i menaxhojnë situatat dhe i bëjnë llogaritë në fund. Sot kjo formulë e re, minimizon hapësirën për “nderet”.

Profesor, ti ke qenë trajneri i Shqipërisë U-19, U-21 dhe te Partizani besove shumë tek talentet e rinjë, u ke dhënë dorë të madhe. Si e shikon rregullin e FSHF për t’i detyruar ekipet e Superiores që të aktivizojnë një talent të ri?

Kjo është risi pozitive padyshim pjesa që duhet të aktivizohet me kusht një lojtar 17-vjeçar, kjo nxit klubet për të guxuar më shumë dhe për t’i dhënë hapësirë të rinjëve. Po është e vërtetë, në çdo ekip që kam drejtuar, duke nisur nga ekipet kombëtare, ka qenë gjëja kryesore t’i jap besim dhe hapësirë lojtarëve që vërtet kanë potencial për t’i shërbyer të ardhmes dhe asnjëherë nuk kam hezituar, pavarësisht nga mosha.

E kuptoj, por sa durim kanë klubet shqiptare për të pritur një talent të ri, pasi qasja jonë e përgjithshme nuk ka qenë shumë dashamirëse ndaj talenteve apo jo?

Padyshim që jo të gjithë e kuptojnë apo besojnë, në shumë raste dhe nuk iu intereson fare kjo pjesë sepse duan të sjellin lojtarë nga jashtë. Edhe pse ka shumë kosto, aty kanë hapësirë të abuzojnë dhe të përfitojnë nga interesat personale disa njerëz që sillen rreth klubeve. Unë për diçka që kam bindje teknike dhe që i shërben klubit, e kam bërë gjithmonë, i besoj të rinjëve.

Në të kaluarën ke drejtuar nga moshat e Shqipërisë emra si Rrahmani, Strakosha, Muriqi, Vojvoda, Hysaj, Strakosha. Tani vonë te Partizani ishte Himallari dhe Vata, që kishin pak ditë që ishin bërë 16 vjeç dhe i more nga U-15, u aktivizuan në Final Four dhe në Europë. A ka një faturë në Shqipëri kur guxon kështu?

Shiko, jo të gjithë ishin të lumtur sepse rrezikoheshin disa lojtarë që ishin marrë me kosto me idenë që klubi do të përfitonte prej tyre, por sot që flasim, këto fatura janë në kurrizin e atyre që hedhin lekë në klub. Sot me vendimin e FSHF, që është paksa i vonuar sepse kjo gjë është bërë për herë të parë në 1985 dhe ishte shumë frutdhënës si rregull, i njëjti rregull si ky tani. Aty spikaten lojtarë si Bersheni, Ilir Imami tek Dinamo, Millo te Gjirokastra, Ledion Pano te Partizani, Ermal Tahiri te Dinamo e shumë të tjerë.

Le të ndalemi pak te kampionati, çfarë të ka surprizuar, ndoshta Teuta e vendit të parë?

Nuk mendoj se ka shumë surpriza. Dinamo dhe Egnatia, me paraqitjen në Europë, kanë diferenca me të tjerët, pa hequr dhe Teutën që a ndryshuar shumë në krahasim me vitin e kaluar, është një projekt serioz në çdo hallk të klubit.

A mund të jetë Egnatia një histori si ajo e Skënderbeut?

Po, nëse ndjekin modelin që drejtonte Skënderbeun, mundësitë janë aty. Personalisht më ka pëlqyer edhe Laçi për mënyrën sesi është shfaqur në fushë, me shumë të rinjë, por taktikisht të vendosur mirë dhe me shumë grintë, por me lojtarë të rinjë që premtojnë shumë. Edhe Skënderbeu me Vorën kanë bërë ndeshje të mira si kundër Dinamos dhe Egnatias, por me pak fat dhe më shumë eksperiencë, mund të ishin në një vend tjetër.

Po Vllazninë, e prisje në fund?

Ndiej keqardhje për situatën që ndodhen, por duhet të reagojnë jashtë presionit që ka ai qytet për të qenë elitë në futbollin shqiptar. Duhet t’i menaxhojnë më qetë situatat dhe të merren përgjegjësi, që të korrigjohen gabimet. Kjo do ishte rruga më e drejtë për të dalë nga kjo situatë që ka kapur Vllazninë.

Partizani vazhdon të vuajë, i ke ndjekur ndeshjet, çfarë nuk po shkon?

Më vjen keq, nuk kam dëshirë të flas sepse nuk është në natyrën time për një ekip që kam punuar. Nuk flas kur largohem, kur punoj e them fjalën time pa hezituar, insistoj për bindjet e mia me mënyrën si e kuptoj futbollin, pa marrë parasysh faturën.

Lista e Shqipërisë nga Maran, si e gjykon dhe prisje emra të tjerë?

Lista është përgjegjësia e Maran. Shqipëria nuk është në situatë të mirë dhe kjo për dy arsye: “Lojtarët nuk aktiviziohen dhe disa lanë klubet elitare dhe kanë parë interesat ekonomike”. Kjo është normale, por nuk mund të them sesa do ndikojë në performancën e tyre te Shqipëria.

Lënia jashtë e Armando Brojës, nëse do të ishte ti trajner, do ta lije jashtë?

Po, për fat të keq, situatat në klube nuk i kanë shkuar në favor dhe të vjen keq, duke parë potencialin e padiskutueshëm të këtij njeriu. Ndoshta duhet një menaxhim më i mirë nga vetë Armando ose për të parë diku tjetër, një kampionat tjetër, do ishte mirë edhe në të mirë të Shqipërisë. A do ta merrja? Shiko, ne kemi edhe lojtarë të tjerë sot që kanë probleme minutazhi me klubet e tyre. Rasti i Brojës nuk është ndryshe, as i Jasirit, kampionati iranian ka vështirësi dhe Jasiri ka shënuar gola aty.

Ndërkohë në listë janë shtuar lojtarët e Superiores, Ismaili dhe Qefalija…

Më bëhet qefi që Qefalija është thirrur, po ashtu edhe mbrojtësi Ismaili. Jam i sigurtë që nëse i japin shansin, do të jenë të denjë të veshin fanellën e Kombëtares. Duket sikur po bëj PR e tyre, por nëse flasim të mbështesim futbollin në vend, duhet të guxojmë pasi nuk ka diferenca. është koha të guxojmë për të hapur një rrugë të re për Kombëtaren. Dhe për mua, si Qefalija dhe si Ismaili, duheshin marrë pa u dëmtuar dikush, duhej t’i kishte mbërritur ftesa që në fillim. /Sport Ekspres/

Turneu nisi me përballjen mes Vllaznisë së Veteranëve dhe Flamurtarit të Veteranëve, me skuadrën shkodrane që fitoi 1-0. Në gjysmëfinalen tjetër, Kombëtarja Shqiptare e Veteranëve u përball me Michigan, në një takim që u mbyll 1-1 pas kohës së rregullt. Përballja u vendos nga gjuajtjet e penalltive, ku Kombëtarja Shqiptare e Veteranëve fitoi 4-3 dhe siguroi vendin në finale.

Finalja solli përballjen mes Vllaznisë së Veteranëve dhe Kombëtares Shqiptare të Veteranëve, në një sfidë që dhuroi emocione dhe spektakël sportiv. Në fund, Vllaznia e Veteranëve triumfoi 2-1, duke fituar trofeun e “Kupës së Miqësisë”.

Përtej rezultateve, aktiviteti ishte një mundësi për të rikthyer në fushë emra të njohur të futbollit shqiptar dhe për të bashkuar breza e skuadra të ndryshme rreth të njëjtës dashuri për sportin. “Kupa e Miqësisë” përcolli një mesazh të qartë mbi vlerën e futbollit si një hapësirë bashkimi, respekti dhe miqësie, duke i dhënë veteranëve mundësinë të ndajnë sërish emocionet e lojës dhe të jenë pjesë e një aktiviteti të veçantë sportiv.

Më herët, Bicaj ka qenë trajneri i Lushnjes dhe Rei Manaj ka mbërritur disa herë në qytetin e lindjes për të dhënë kontribut. “Po, ka ardhur disa herë dhe është djalë i mirë. Ka dhënë disa herë premio, përshembull në ndeshjen Lushnja-Kukësi, dha 10 mijë euro premio për fitore. I jepte nga xhepi i tij, për qejf”, tha Bicaj. /Sport Ekspres/

Lukili gjeti i pari rrugën e rrjetës në minutën e 30 të takimit, ndërsa Albaneze dyfishoi shifrat në të 71-tën. Vetëm 2 minuta më vonë Murataj ngushtoi diferencat, por pa mundur të shmangë humbjen. Egnatia shkon kështu në kuotën e 12 pikëve dhe ndan vendin e dytë me Dinamon. Ndërkaq, Partizani e gjen veten në pozicionin e 7 me 4 pikë të grumbulluara./Sport Ekspres/

Elbasani e gjeti rrjetën fillimisht në minutën e 22-të, kur Nikaj përfitoi edhe nga një devijim i mbrojtësit Ndong për të kaluar verdheblutë në avantazh. Tirana nuk u dorëzua dhe vetëm tetë minuta më vonë erdhi përgjigjja e Redon Xhixhës. Sulmuesi bardheblu realizoi për 1-1 dhe i dha skuadrës së Klafuriçit më shumë besim. Megjithatë, Elbasani reagoi sërish. Në minutën e 37-të, Mazari u shkëput bukur nga mbrojtja, kaloi edhe portierin Bekaj dhe shënoi për 2-1. Pjesa e dytë nisi me një Tiranë më agresive dhe Xhixha goditi përsëri. Në minutën e 54-t, sulmuesi realizoi golin e dytë personal, duke vendosur rezultatin në 2-2. /Sport Ekspres/

Kryeqytetasit e nisën mirë sfidën dhe kaluan në avantazh në minutën e 23-të. Ishte Lorran ai që gjeti rrjetën për Dinamon, duke ndezur festën e skuadrës së Ilir Dajës. Por përgjigjja e Laçit ishte e menjëhershme. Vetëm dy minuta më vonë, Gamarra barazoi shifrat në 1-1.

Gamarra do të ishte protagonist edhe pak minuta më vonë, por këtë herë në krahun negativ. Në minutën e 44-t, lojtari i Laçit u ndëshkua me karton të kuq pas një ndërhyrjeje të parregullt, duke lënë skuadrën kurbinase me dhjetë lojtarë.

Në pjesën e dytë, Dinamo shfrytëzoi avantazhin numerik. Në minutën e 55-të, Vila realizoi golin e dytë, ndërsa Laçi tentoi të reagonte dhe iu afrua barazimit, duke goditur edhe shtyllën.

Në fund, Ruçi vulosi fitoren e Dinamos në minutën e 90+3-të, duke vendosur rezultatin përfundimtar 3-1.

Me këtë sukses, Dinamo ngjitet në kuotën e 12 pikëve, vetëm një pikë pas Teutës kryesuese, ndërsa Laçi mbetet me 7 pikë. /Sport Ekspres/

Vora kaloi në avantazh në minutën e 33-të. Bernard Karrica ekzekutoi në mënyrë spektakolare një goditje dënimi, duke mposhtur portierin Alia dhe duke i dhënë ekipit të tij epërsinë. Vendasit patën mundësi edhe për golin e dytë, por nuk arritën ta shfrytëzonin.

Në pjesën e dytë, situata u komplikua për Vorën. Në minutën e 63-të, Kashari mori kartonin e dytë të verdhë dhe u ndëshkua me të kuq, duke lënë ekipin me dhjetë lojtarë. Skënderbeu fitoi terren dhe kërkoi me ngulm golin e barazimit.

Momenti vendimtar erdhi në minutat shtesë. Pas ndërhyrjes së VAR-it, arbitri akordoi penallti për Skënderbeun për një mbajtje në zonë, vendim që shkaktoi protesta të shumta nga vendasit.

Nga pika e bardhë, Bismark nuk gaboi dhe në minutën e 96-të vendosi shifrat 1-1. Vora humbi kështu fitoren në sekondat e fundit, ndërsa Skënderbeu mori një pikë të rëndësishme në transfertë. /Sport Ekspres/

Heroi i takimit ishte Umejiego, i cili realizoi të dy golat e Teutës. Sulmuesi zhbllokoi rezultatin në minutën e 45+2’, duke i dhënë skuadrës së Edlir Tetovës avantazhin përpara pushimit.

Vllaznia kërkoi të reagonte në pjesën e dytë, por vetëm pak minuta pas rifillimit të lojës, Umejiego goditi sërish. Në minutën e 51-të, ai shënoi golin e dytë personal, duke vulosur fitoren e Teutës.

Shkodranët nuk arritën të gjenin rrugën e rrjetës dhe regjistruan një tjetër rezultat negativ. Pas pesë javësh, Vllaznia mbetet me vetëm 2 pikë dhe ende pa fitore, ndërsa Teuta ngjitet në kuotën e 13 pikëve dhe ruan kreun e renditjes.

Për Teutën, kjo është një tjetër deklaratë e fortë në kampionat, ndërsa Vllaznia duhet të reagojë shpejt për të dalë nga situata e vështirë në të cilën ndodhet. /Sport Ekspres/