Pas përfundimit të procesit të heqjes së barit dhe tapetit ekzistues, si edhe ndërhyrjeve për përmirësimin e bazamentit të fushës, ka nisur tashmë shtrimi i tapetit të ri. Në fazën e ardhshme të projektit do të realizohet edhe mbjellja e barit duke i dhënë stadiumit një sipërfaqe loje të standardeve më të larta.

Ky investim është pjesë e strategjisë së FSHF-së për përmirësimin e infrastrukturës sportive në të gjithë vendin, me synimin për të garantuar terrene moderne dhe kushte optimale për zhvillimin e ndeshjeve dhe aktiviteteve futbollistike.

Stadiumi “Air Albania” është një nga katër stadiumet e përzgjedhura për të pritur ndeshjet finale të Kampionatit Europian U-21 2027. Për këtë arsye, investimet dhe ndërhyrjet në këtë impiant kanë një rëndësi të veçantë, duke synuar përmbushjen e standardeve më të larta të UEFA-s dhe ofrimin e një eksperience sa më cilësore për ekipet dhe tifozët.

Gjatë takimit, palët ranë dakord për të bashkëpunuar në realizimin e projektit për ndërtimin e një kompleksi modern sportiv në Laç, një investim strategjik që do të realizohet në partneritet mes Federatës Shqiptare të Futbollit, Bashkisë Kurbin dhe Klubit të Futbollit Laçi.

Ky projekt përfaqëson një tjetër hap të rëndësishëm në strategjinë e FSHF-së për zhvillimin dhe modernizimin e infrastrukturës sportive në të gjithë vendin, duke krijuar kushte bashkëkohore për zhvillimin e futbollit dhe mbështetjen e brezave të rinj.

Komiteti Ekzekutiv i FSHF-së ka miratuar mbështetjen për këtë projekt, ndërsa marrëveshja e bashkëpunimit mes tre palëve përcakton angazhimin e përbashkët për realizimin e një prej investimeve më të rëndësishme infrastrukturore në rajonin e Kurbinit.

Kompleksi i ri sportiv do të ndërtohet sipas standardeve moderne dhe do të përfshijë dy fusha futbolli me bar artificial me përmasa standarde, një fushë me bar natyral me përmasa standarde, si edhe një fushë me përmasa të vogla, duke krijuar një qendër të plotë stërvitore dhe zhvillimi për futbollin.

Federata Shqiptare e Futbollit do të kontribuojë me 50% të vlerës totale të investimit, Bashkia Kurbin me 30%, ndërsa KF Laçi me 20%, ku përfshihet edhe vlera e truallit të siguruar nga klubi.

Investimi është planifikuar të realizohet në tre faza. Në fazën e parë, për të cilën FSHF, Bashkia Kurbin dhe KF Laçi kanë rënë dakord të kontribuojnë së bashku, do të ndërtohen fushat sportive, infrastruktura rrugore e kompleksit dhe rrethimi i tij. Në fazat pasuese do të ndërtohen tribuna, ambientet mbështetëse me dhomat e zhveshjes, si edhe godina e hotelit, duke kompletuar të gjithë kompleksin sipas projektit të parashikuar.

Kompleksi do të krijojë kushte moderne për zhvillimin e futbollit në të gjitha nivelet dhe do të shërbejë si një qendër e rëndësishme për aktivitetin e KF Laçit, akademive sportive, ekipeve kombëtare, si edhe për komunitetin e Bashkisë Kurbin. Njëkohësisht, investimi do të kontribuojë në rritjen e standardeve të infrastrukturës sportive dhe në krijimin e mundësive më të mira për identifikimin dhe zhvillimin e talenteve të rinj.

Realizimi i këtij projekti konfirmon edhe një herë modelin e bashkëpunimit ndërmjet Federatës Shqiptare të Futbollit, pushtetit vendor dhe klubeve, si mënyra më efikase për të sjellë investime të qëndrueshme në shërbim të futbollit dhe komuniteteve lokale.

FSHF mbetet e angazhuar të vijojë investimet strategjike në infrastrukturën sportive në të gjithë Shqipërinë, me objektivin për të krijuar kushte sa më cilësore për zhvillimin e futbollit dhe për të lënë një trashëgimi të qëndrueshme për brezat e ardhshëm.

Deliallisi zhvilloi një sezon pozitiv në Kategorinë e Parë dhe konsiderohet një nga trajnerët e brezit të ri që ka spikatur me punën e tij. Sezonin e tij më të mirë, Deliallisi e regjistroi në 2022-2023, ku arriti të mbaj në sallonet e mëdha të futbollit shqiptar një ekip të vogël si Erzeni, që befasoi me paraqitet në fushë. Burime pranë trajnerit bëjnë me dije se në drejtim të tij kanë ardhur disa propozime, mes tyre edhe nga një klub nga Kosova, por për momentin Alfred Deliallisi nuk ka marrë asnjë një vendim për të ardhmen. /Sport Ekspres/

Në një reportazh të përgatitur nga FSHF TV, prezantohet në detaje ky investim madhor i futbollit shqiptar, i shtrirë në një sipërfaqe prej rreth 6 hektarësh dhe i pajisur me tre fusha moderne futbolli, dy me bar natyral dhe një me bar artificial.

Pjesë e kompleksit janë gjithashtu qendra e fizioterapisë, zona SPA, palestra moderne, qendra e VAR dhe ambientet e FSHF TV, duke e kthyer “Shtëpinë e Futbollit” në një institucion gjithëpërfshirës dhe multifunksional.

Sekretari i Përgjithshëm i FSHF-së, Ilir Shulku, dhe administratori i kompleksit, Ledio Ndini, flasin në këtë reportazh për rëndësinë e një qendre të tillë për zhvillimin e futbollit shqiptar, për standardet që ofron kompleksi dhe për projektet e reja që pritet të realizohen në të ardhmen.

“Janë tre fusha futbolli, në të cilat zhvillohen aktivitete zyrtare. Kjo e bën këtë kompleks vërtet të veçantë, pasi një kompleks i tillë nuk gjendet askund tjetër në rajon. Nga eksperienca ime, kam parë komplekse të ngjashme edhe në federata të tjera. Turqia ka një kompleks shumë të mirë, po ashtu edhe Bullgaria, por krahasuar me vendet e tjera të rajonit, kompleksi ynë është, pa diskutim, më i miri”, deklaroi Sekretari i Përgjithshëm i FSHF-së, Ilir Shulku.

Një nga projektet më ambicioze është ndërtimi i një hoteli modern brenda kompleksit, i cili do të jetë në shërbim të ekipeve kombëtare, delegacioneve të huaja sportive dhe, në periudhat pa aktivitete, edhe për qytetarët.

“Në hapësirën që ndodhet pas godinës së zyrave, do të ndërtohet hoteli i Shtëpisë së Futbollit. Ai do të jetë një hotel me pesë kate mbi tokë dhe dy kate nëntokësore për parkim. Hoteli do të shërbejë për akomodimin e ekipeve kombëtare të të gjitha moshave, si edhe të ekipeve të huaja që do të marrin pjesë në aktivitetet sportive të organizuara këtu. Në periudhat kur nuk do të ketë aktivitete sportive, hoteli do të jetë i hapur edhe për publikun, duke funksionuar si një hotel i zakonshëm”, tha administratori i kompleksit, Ledio Ndini.

Me infrastrukturën moderne, teknologjinë e avancuar dhe shërbimet që ofron për sportin dhe komunitetin, “Shtëpia e Futbollit” është shndërruar në një simbol të zhvillimit të futbollit në vend dhe në qendrën më të rëndësishme sportive në Shqipëri.

Projekti parashikon ndërtimin e një qendre bashkëkohore futbolli, e cila do të përfshijë disa fusha futbolli, ambiente shërbimi dhe mbështetëse, dhoma zhveshjeje për ekipet dhe stafet teknike, zyra administrative, si edhe struktura akomoduese për sportistët.

Kompleksi synohet të shërbejë jo vetëm për nevojat e KF Laçit, por edhe si një qendër rajonale futbolli për të gjithë zonën veriore të vendit. Ai do të krijojë kushte moderne për zhvillimin e ekipeve të moshave, ekipeve elitare, organizimin e grumbullimeve, turneve dhe aktiviteteve të ndryshme sportive në nivel kombëtar dhe ndërkombëtar.

FSHF e konsideron këtë projekt një investim strategjik me ndikim afatgjatë për zhvillimin e futbollit dhe komunitetit lokal. Përveç përmirësimit të infrastrukturës sportive, realizimi i tij do të ndikojë drejtpërdrejt në rritjen e kapaciteteve stërvitore, krijimin e hapësirave moderne për edukimin dhe zhvillimin e talenteve të rinj, si dhe në forcimin e rolit të futbollit si faktor zhvillimi për komunitetin.

Për realizimin e këtij investimi është propozuar një model bashkëpunimi ndërinstitucional, ku kontributet do të ndahen mes KF Laçit, Federatës Shqiptare të Futbollit dhe Bashkisë Kurbin. Në këtë drejtim, klubi i është drejtuar të gjitha palëve me kërkesë për mbështetje, duke synuar që projekti të materializohet nëpërmjet një partneriteti që i shërben interesit publik dhe zhvillimit të sportit në rajon.

Komiteti Ekzekutiv i FSHF-së vlerësoi rëndësinë e veçantë të këtij investimi dhe mbështeti në parim vijimin e procedurave për realizimin e projektit, duke e konsideruar atë një mundësi të rëndësishme për zhvillimin e futbollit në Laç dhe në të gjithë zonën përreth.

Federata Shqiptare e Futbollit mbetet e angazhuar për të vijuar investimet në infrastrukturë në çdo rajon të vendit, me bindjen se zhvillimi i futbollit nis nga krijimi i kushteve moderne për stërvitje, edukim dhe rritjen e brezave të rinj të futbollistëve.

Në këtë kuadër, bashkëpunimi i të gjitha institucioneve dhe aktorëve lokalë mbetet thelbësor për të kthyer projekte të tilla në realitete konkrete në shërbim të komunitetit dhe sportit shqiptar.

Komiteti miratoi kërkesën e ardhur nga klubi i futbollit Partizani për zëvendesimin e tapetit me bar natyral me mbjellje me një tapet me bar hibrid. Sipas kërkesës së ardhur nga klubi, kjo zgjidhje konsiderohet më e përshtatshme, për të garantuar standarde më të larta të cilësisë së fushës, qëndrueshmëri më të madhe ndaj ngarkesës së përdorimit dhe kushte optimale për zhvillimin e aktiviteteve sportive në stadium.

FSHF ka marrë përsipër të mbulojë financimin dhe realizimin e mbjelljes së barit në fushën e stadiumit dhe sistemin e vaditjes.

Në kompleksin “Arena e Demave” do të ndërtohen edhe dy fusha të tjera të miratuara tashmë. Në fushën me bar natyral me përmasa standarde, FSHF do të mbulojë financimin e sistemit të vaditjes, mbjelljen e barit  si dhe pajisjen me porta, ndërsa në fushën tjetër po me përmasa standarde, FSHF do të vendosë tapetin artificial si edhe një set portash.

Ky investim përfaqëson një hap të rëndësishëm në përmbushjen e standardeve ndërkombëtare dhe në rritjen e kapaciteteve infrastrukturore të vendit, duke konfirmuar angazhimin e FSHF-së për organizimin me sukses të finaleve të Europianit U-21 2027.

Javën e kaluar u përmbyll me sukses një tjetër edicion i kursit UEFA A, që mblodhi së bashku emra të njohur të futbollit shqiptar dhe trajnerë të rinj ambiciozë, tashmë të përgatitur për të hedhur hapat e radhës në karrierën e tyre.

Në një prononcim për fshf.org, ish-mesfushori i Kombëtares, Taulant Xhaka vlerësoi nivelin e kursit të organizuar nga FSHFdhe tregoi edhe synimet për të ardhmen.

Vlerësimi për nivelin e kursit dhe komentet në fund – Niveli i kursit ka qenë shumë i lartë. Profesorët kanë qenë të një niveli të lartë dhe kemi mësuar shumë mirë. Falënderoj FSHF-në për këtë mundësi. E vlerësoj shumë lart këtë kurs dhe diplomën UEFA A.

E ardhmja e Taulantit si trajner– Do e pres Granitin deri sa të mbyllë karrierën e vet dhe do e nis me Granitin bashkë. E kam një synim për të ardhmen te Basel, tek ekipi i parë. Por do pres Granitin derisa të mbarojë futbollin dhe do t’ia nisim së bashku.

Ndërkaq, ish-futbollisti Jorind Skënderi u shpall studenti më i mirë i kursit. Skënderi shprehet se pjesëmarrja në këtë kurs dhe pajisja me licencë ishte një eksperiencë e jashtëzakonshme për të, teksa vlerëson edhe nivelin e grupit pjesëmarrës, kurrikulën e FSHF-së dhe Sektorin e Edukimit.

Ish-futbollisti shqiptar tregon edhe ëndrrat që ka për të ardhmen, ku dëshira më e madhe është të jetë trajner i kombëtares shqiptare.

Pjesëmarrja në kursin UEFA A dhe vlerësimi si studenti më i mirë  – Ka qenë një eksperiencë e jashtëzakonshme për mua si trajner i ri. Kam qenë shumë i lumtur që kam qenë pjesë e këtij grupi. Falënderoj FSHF-në për mundësinë që më dha, Sektorin e Edukimit për dijen dhe që na ka qëndruar pranë gjatë këtij kursi. Ka qenë një kurs me intensitet. Grupi ka qenë fantastik, kemi shkëmbyer eksperienca me njëri-tjetrin dhe jemi rritur të gjithë së bashku. Vlerësimi në fund si studenti më i mirë ka qenë kurorëzimi i një pune sistematike që kam bërë që nga dita e parë që kam qenë pjesë e këtij kursi. Shpresoj që të jetë një ogur i mirë dhe një shtysë e madhe për mua si trajner i ri që të zhvillohem akoma edhe më shumë në këtë profesion.

Gjej rastin të falënderoj edhe klubin e KF Tirana, ku unë jam trajner aktualisht. Jam rritur si lojtar dhe trajner dhe shpresoj që të rritem akoma edhe më shumë në këtë klub. Të ardhmes nuk i dihet, shpresoj që të jap më të mirën dhe të arrij të plotësoj ëndrrën time si një trajner të niveleve të larta.

Synimet për të ardhmen – Dikur kam pasur një ëndërr për të prekur kombëtaren si futbollist dhe nuk e arrita dot. Shpresoj të realizoj këtë ëndërr si një trajner dhe besoj se ky është kulmi i një ëndrre që mund të arrij në të ardhmen.

Kampionati “Abissnet Superiore” pritet që të ngrejë siparin të shtunën 22 gushtit dhe të përfundojë më 9 maj 2027.

Ndërkaq, kampionati i “Kategorisë së Parë” është programuar të fillojë më 5 shtator 2026 dhe të përfundojë më 2 maj 2027.

Finalja e Superkupës së Shqipërisë do të zhvillohet në muajin dhjetor, përkatësisht më datë 27 dhjetor 2026.

Ndërsa Kupa e Shqipërisë do të nisë rrugëtimin më datë 16 shtator 2026 dhe do të ulë siparin me finalen më datë 12 maj 2027.

Kampionati i vajzave është planifikuar të nisë më 19 shtator dhe të përfundojë më 2 maj 2027.

Më poshtë gjeni të gjitha datat e fillimit dhe përfundimit të të gjitha aktiviteteve kombëtare për sezonin futbollistik 2026-2027:

• Kampionati “Abissnet Superiore” të fillojë më datë 22.08.2026 dhe të mbarojë në datën 09.05.2027
• Kampionati “Kategoria e Parë” të fillojë më datë 05.09.2026 dhe të mbarojë në datën 02.05.2027
• Superkupa e Shqipërisë të luhet më 27.12.2026
• Kupa e Shqipërisë të fillojë më datë 16.09.2026 dhe të mbarojë në datën 12.05.2027
• Kampionati “Kategoria e Dytë” të fillojë më datë 12.09.2026 dhe të mbarojë në datën 25.04.2027
• Kampionati “Kategoria e Tretë” të fillojë më datë 11.10.2026 dhe të mbarojë në datën 18.04.2027
• Kampionati i vajzave të fillojë më datë 19.09.2026 dhe të mbarojë në datën 02.05.2027
• Kampionati “Abissnet Superiore” për moshat U-19, U-18 dhe U-17 të fillojë më datë 06.09.2026 dhe të mbarojë në datën 09.05.2027
• Kampionati “Abissnet Superiore” për moshat U-16 dhe U-15 të fillojë më datë 12.09.2026 dhe të mbarojë në datën 02.05.2027
• Kampionati “Kategoria e Parë” për moshat U-19 dhe U-17 të fillojë më datë 13.09.2026 dhe të mbarojë në datën 02.05.2027
• Kampionati “Kategoria e Parë” për moshat U-16 dhe U-15 dhe U-14 të fillojë më datë 04.10.2026 dhe të mbarojë në datën 01.05.2027
• Kampionati “Kategoria Superiore Elitë” për moshat U-14 dhe U-13 të fillojë më datë 12.09.2026 dhe të mbarojë në datën 15.05.2027

Në ceremoninë e inaugurimit morën pjesë Presidenti i FSHF-së, Armand Duka, drejtuesit e akademisë, përfaqësues të komunitetit sportiv, prindër dhe dhjetëra fëmijë që do të kenë mundësinë të stërviten në këtë impiant të ri.

Ky investim është pjesë e angazhimit të vazhdueshëm të FSHF-së për zgjerimin e infrastrukturës sportive në të gjithë vendin dhe krijimin e kushteve sa më të mira për zhvillimin e futbollit të fëmijëve dhe të rinjve.

Në fjalën e tij gjatë ceremonisë, Presidenti Duka vlerësoi rëndësinë e investimeve në terrenet sportive dhe theksoi se futbolli duhet të jetë sa më pranë fëmijëve.

“Jam vërtet shumë i lumtur që marr pjesë sot në këtë ceremoni inaugurimi të kësaj fushe, e cila nuk është thjesht një fushë futbolli me bar artificial, por është mendimi ynë për të investuar për ju dhe të gjithë bashkëmoshatarët tuaj, për të luajtur futboll, për t’u rritur sa më të gëzuar dhe për t’u edukuar sa më mirë nëpërmjet futbollit.

Jam shumë i bindur që i gjithë brezi ynë ka borxhe karshi moshës suaj për infrastrukturën që duhet të bëjë për futbollin. Fatmirësisht, ne në Shqipëri jemi vendi i parë në Europë që e dashurojmë futbollin. Të gjithë prindërit duhet t’i sjellin fëmijët në futboll. Të gjithë fëmijët të bëjnë “presion” te prindërit që t’i dërgojnë në futboll. Detyra e të gjitha institucioneve është që të krijojnë sa më shumë kushte dhe kemi deficite për infrastrukturën sportive dhe fushat e futbollit. Por sot jemi në një rast të mirë, në një shembull që është për t’u ndjekur nga të gjithë.

Unë dua të falënderoj drejtuesit e akademisë “Tirona Republic Football Academy”. Është një bashkëpunim me Federatën e Futbollit. Siç dihet, kjo fushë është investuar nga FSHF dhe nga financat private të drejtuesve të akademisë. Dua t’i falënderoj që kanë marrë këtë iniciativë dhe të sensibilizoj të gjithë ata që e duan futbollin dhe ata që kanë mundësi, por që nuk merren me futboll, që t’i bashkohen iniciativës sonë për të bërë sa më shumë fusha futbolli dhe për të qenë sa më pranë jush për të përmirësuar infrastrukturën, që vërtet t’ju plotësojmë kushtet juve që të ndiqni ëndrrën dhe pasionin tuaj, për të vazhduar këtë lojë të bukur.

Dua t’ju falënderoj të gjithëve ju, kryesisht fëmijëve që jeni këtu. Dua t’ju falënderoj që na ndiqni lojën dhe neve. Falënderoj të gjithë pjesëmarrësit, prindërit për besimin që kanë te ne, drejtuesit e akademisë dhe uroj ta shijoni këtë fushë. Uroj që ta shijoni futbollin, të gëzoni, të qeshni, të bëni gola, të miqësoheni sa më shumë dhe të rriteni si një komunitet dhe skuadër. Faleminderit shumë që jeni sot këtu”, – tha Presidenti Duka.

Fusha e re në Picallë do të vihet në shërbim të fëmijëve dhe të rinjve të zonës, duke ofruar një hapësirë moderne për stërvitje dhe aktivitete sportive. Ky është një tjetër investim konkret i FSHF-së në kuadër të projektit “100 Fushat”, që synon rritjen e numrit të terreneve sportive dhe përmirësimin e kushteve për zhvillimin e futbollit në të gjithë Shqipërinë.

Një nga vendimet më të rëndësishme të miratuara në mbledhjen e sotme ishte ndryshimi i formatit të kampionatit “Abissnet Superiore”, që do të hyjë në fuqi duke filluar nga sezoni 2026/2027, me qëllim rritjen e konkurrueshmërisë së kampionateve, ruajtjen e interesit sportiv gjatë gjithë sezonit dhe përmirësimin e përgatitjes së klubeve shqiptare për pjesëmarrjen në kompeticionet europiane

Nga sezoni 2026/2027, kampionati nuk do të zhvillohet më me katër faza të rregullta, 36 javë garë dhe fazën “Final 4”. Formati i ri parashikon zhvillimin e tre fazave të rregullta, me gjithsej 27 javë.

Pas përfundimit të tyre, skuadrat do të ndahen në dy grupe, bazuar në renditjen përfundimtare. Pikët e grumbulluara gjatë fazës së rregullt do të përgjysmohen përpara nisjes së fazave play-off dhe play-out.

Gjashtë skuadrat e renditura në vendet e para do të kualifikohen në fazën play-off, ku do të zhvillojnë ndeshje me sistem vajtje-ardhje, me një total prej 10 javësh garë. Skuadra që renditet në vendin e parë në përfundim të kësaj faze do të shpallet kampione e edicionit 2026/2027.

Katër skuadrat e renditura në vendet e fundit (nga vendi i 7-të deri në vendin e 10-të) do të marrin pjesë në fazën play-out, ku do të luajnë gjithashtu me sistem vajtje-ardhje-vajtje, në një total prej 9 javësh garë.

Skuadra e renditur në vendin e fundit në përfundim të fazës play-out do të bjerë automatikisht në Kategorinë e Parë. Dy vendet e para të Kategorisë së Parë në përfundim të këtij sezoni ngjiten automatikisht në “Abissnet Superiore”.

Ekipet e renditura në vendet e 3, 4, 5 dhe 6 të Kategorisë së Parë në fazën play-off do të zhvillojnë ndeshje sipas skemës 3 vs 6 dhe 4 vs 5. Fituesit e këtyre dy çifteve do të përballen në një finale dhe fituesi i kësaj finaleje do të ngjitet në kampionatin “Abissnet Superiore” në sezonin e ardhshëm.

Ndërsa skuadra tjetër finaliste do të zhvillojë një finale me skuadrën e renditur e parafundit në fazën play-out të “Abissnet Superiore”. Fituesja e këtij dueli do të sigurojë pjesëmarrjen në “Abissnet Superiore”.

Ndërkohë, duke filluar nga sezoni 2027/2028, kampionati “Abissnet Superiore” do të zgjerohet nga 10 në 12 skuadra. Sipas formatit të ri, kampionati do të zhvillohet në dy faza të rregullta, me gjithsej 22 javë garë.

Pas përfundimit të tyre, skuadrat do të ndahen në dy grupe sipas renditjes përfundimtare pas 22 javësh. Pikët e grumbulluara gjatë fazës së rregullt do të përgjysmohen përpara nisjes së fazave play-off dhe play-out.

Gjashtë skuadrat e para do të garojnë në fazën play-off, ku do të zhvillojnë ndeshje me sistem vajtje-ardhje, në total 10 javë garë. Skuadra e renditur në vendin e parë do të shpallet kampione e edicionit 2027/2028.

Po ashtu, gjashtë skuadrat e renditura në gjysmën e poshtme të tabelës do të zhvillojnë fazën play-out, me sistem vajtje-ardhje dhe 10 javë garë. Dy skuadrat e renditura në dy vendet e fundit do të bien automatikisht në Kategorinë e Parë për sezonin pasardhës.

Skuadra e renditur e treta e parafundit do të luajë ndeshjen e play-off-it për qëndrimin në kategori ndaj fituesit të fazës play-off të Kategorisë së Parë (luhet mes skuadrave të renditura në vendet 3-4-5-6).

Gjatë punimeve të Asamblesë, Presidenti Duka mbajti një fjalë përshëndetëse në emër të UEFA-s, duke përcjellë mesazhin e mbështetjes së institucionit më të lartë të futbollit europian për FIGC-në dhe futbollin italian.

Në fjalën e tij, Presidenti Duka përcolli përshëndetjet e Presidentit të UEFA-s, Aleksander ?eferin, duke vlerësuar rolin dhe kontributin e FIGC-së si një nga federatat më të rëndësishme dhe me më shumë ndikim në futbollin europian.

“Është një nder i madh t’i përcjell përshëndetjet e UEFA-s kësaj asambleje të jashtëzakonshme. Ju përcjell përshëndetjet nga Presidenti Ceferin. Ne po ndjekim nga afër zhvillimet në futbollin italian dhe konfirmojmë mbështetjen tonë të plotë për FIGC-në, një nga federatat më me ndikim dhe më të shquara në futbollin evropian”.

Ai shprehu mirënjohjen për ish-presidentin Gabriele Gravina për punën, përkushtimin dhe përgjegjshmërinë e treguar në drejtimin e futbollit italian gjatë viteve të fundit, duke nënvizuar se rezultatet e arritura nga Italia në të gjitha nivelet dëshmojnë për forcën dhe cilësinë e sistemit të futbollit në vend.

“Dua të them disa fjalë në veçanti për Gabriele Gravinën, i cili nuk është vetëm Presidenti i FIGC dhe Zv.Presidenti i UEFA-s, por edhe një mik me të cilin kam ndarë vite të rëndësishme në futbollin evropian. E falënderoj për punën e tij, pasionin dhe ekspertizën e tij, si dhe ndjenjën e përgjegjësisë me të cilën e udhëhoqi FIGC-në gjatë kohërave të vështira. Dorëheqja e tij tregon përkushtimin e tij ndaj futbollit italian; është një vendim që meriton respekt, sepse marrja e përgjegjësisë në kohë të vështira kërkon guxim”.

Presidenti Duka theksoi se futbolli italian ka ndërtuar themele të forta për të ardhmen, falë investimeve në zhvillimin e talenteve dhe sektorin e të rinjve, ndërsa vlerësoi edhe sukseset e përfaqësueseve italiane në vitet e fundit.

“Dështimi për t’u kualifikuar për Kupën e Botës është një zhgënjim që prek të gjithë; ka dëmtuar futbollin italian, ka dëmtuar Gabriele-n dhe ka prekur të gjithë ne që ndjekim futbollin. Humbja e një ndeshjeje pa meritë, një karton i kuq dhe një penallti e humbur mund të eklipsojnë vite të tëra pune dhe të ndikojnë opinionin publik.

Duhet të shohim përtej një episodi të vetëm; do të ishte gabim të ndaleshim vetëm te ky rezultat i ndeshjeve për play-off. Italia fitoi Kampionatin Evropian në vitin 2021, arriti gjysmëfinalen historike për ekipin kombëtar të vajzave në vitin 2025 dhe ka pasur suksese me ekipeve kombëtare të të rinjve në kompeticionet ndërkombëtare.

Këto nuk janë rezultate të rastësishme, ato tregojnë se futbolli italian prodhon talente, puna e bërë në sektorin e të rinjve është e shkëlqyer dhe themelet për të ardhmen janë të forta”.

Në fund të fjalës së tij, Zv.Presidenti i UEFA-s uroi dy kandidatët për gatishmërinë e tyre për të marrë përgjegjësinë e drejtimit të futbollit italian dhe siguroi se UEFA do të vazhdojë të mbështesë FIGC-në në projektet dhe objektivat e saj.

“Sot është një ditë e rëndësishme për FIGC-në dhe për futbollin italian. Kjo asamble do të zgjedhë presidentin që do të udhëheqë futbollin italian. U shpreh urimet e mia më të mira dy kandidatëve; gatishmëria e tyre për të kandiduar është një shenjë e përkushtimit të tyre të madh ndaj futbollit italian. Ju siguroj se UEFA do të vazhdojë të punojë përkrah FIGC-së me të njëjtën mbështetje që ka qenë gjithmonë pjesë e punës sonë. Një FIGC e fortë do të thotë futboll evropian më i fortë”.

Presidenti Duka ndaloi gjithashtu te organizimi i Kampionatit Europian 2032, duke theksuar rëndësinë e investimeve në stadiume dhe infrastrukturë sportive, në mënyrë që kjo ngjarje madhore të lërë një trashëgimi të qëndrueshme për brezat e ardhshëm.

“Nuk mund të mos ndalem edhe te Kampionatit Europian 2032, me Italinë që pret një nga ngjarjet më të rëndësishme sportive në botë. U bëj thirrje institucioneve kombëtare, rajonale dhe lokale që duhet ta shfrytëzojnë këtë mundësi të jashtëzakonshme. Është koha për të investuar në stadiume dhe infrastrukturë për t’i lënë trashëgimi brezave të ardhshëm strukturat e duhura sportive. Jam i bindur se futbolli italian do të dijë ta përballojë me sukses edhe këtë sfidë”.

Në përfundim të Asamblesë, Giovanni Malagò u zgjodh Presidenti i ri i Federatës Italiane të Futbollit, duke marrë drejtimin e një prej federatave më prestigjioze në futbollin europian.

Menjëherë pas përfundimit të procesit zgjedhor, Presidenti Duka u takua me Presidentin e ri Malagò, duke i uruar suksese në detyrën e re dhe një mandat të suksesshëm në krye të FIGC.

“Pas marrëveshjes me klubin Dinamo, nga sot jam lojtar i lirë. Dua të shpreh mirënjohjen time të sinqertë për Presidentin e klubit, stafin, bashkëlojtarët dhe të gjithë tifozët e Dinamos për mbështetjen dhe respektin gjatë kësaj periudhe. Ishte një nder të isha pjesë e këtij klubi dhe ju jam falënderues për çdo moment të përbashkët.

I uroj Dinamos shumë suksese në vazhdim, si në kampionat ashtu edhe në çdo sfidë që e pret në të ardhmen. Ndërsa për mua fillon një kapitull i ri. Shumë shpejt do t’ju njoftoj edhe me skuadrën time të ardhshme. Faleminderit për gjithçka”, ka njoftuar Bernard Berisha./Sport Ekspres/

Një prej ndërhyrjeve të rëndësishme po realizohet në “Shtëpinë e Futbollit”, ku dy fushat me bar natyral i janë nënshtruar një procesi të plotë rehabilitimi. Pas heqjes së tapetit ekzistues, në ditët në vijim do të nisë mbjellja e barit të ri.

Ky është një investim i planifikuar nga FSHF, që synon rritjen e cilësisë së terreneve stërvitore dhe krijimin e kushteve optimale për ekipet kombëtare dhe aktivitetet e futbollit në vend.

Punimet po ecin sipas afateve të parashikuara dhe fushat pritet të jenë gati për përdorim në mesin e muajit shtator.

“Josa, sipas opinionit tim”, u shpreh ish-mesfushori nigerian.

I pyetur për lojtarin më të mirë me të cilin ka luajtur te Skënderbeu, Orelesi theksoi se skuadra ka pasur shumë futbollistë cilësorë ndër vite, duke përmendur Ivan Gvozdenoviçin, Sebino Plakun dhe Pero Pejiçin.

Gjatë intervistës, ai vlerësoi edhe presidentin e klubit, Ardjan Takaj, për mënyrën se si ka drejtuar ekipin.

“Është një njeri i mirë që i trajton të gjithë lojtarët njësoj”, tha Orelesi.

Ndërkohë, kur u pyet se çfarë pëlqen më shumë në Shqipëri, ish-futbollisti veçoi futbollin dhe gastronominë shqiptare.

“Më pëlqen futbolli dhe ushqimi. Më pëlqen pilafi. Korça ka ushqimin më të mirë”, u shpreh ai.

Shorti i hedhur sot në selinë e UEFA-s në Nion të Zvicrës përcaktoi që kampionët e Shqipërisë të përballen me skuadrën sllovene, NK Celje, në rast kualifikimi.

Sipas kalendarit të UEFA-s, në rast suksesi të Egnatias, ndeshja e parë e këtij turi do të luhet në “Egnatia Arena” më 21 ose 22 korrik, ndërsa takimi i kthimit do të zhvillohet në Slloveni më 28 ose 29 korrik.

Në shortin e hedhur në Nion të Zvicrës, nënkampionët e Shqipërisë u vendosën përballë ekipit bjellorus të Bate, Dinamo City përballë ekipit të Astanës ndërsa Vllaznia do të luajë kundër ekipit të Malishevës.

Të treja skuadrat shqiptare do t’i luajnë ndeshjet e para në shtëpi ndërsa sfidat e kthimit do t’i luajnë në transfertë.

Ndeshjet e para të turit të parë kualifikues do të zhvillohen më 9 korrik, ndërsa ato të kthimit një javë më vonë, më 16 korrik.

Në krahun tjetër, goglat kanë qenë më bujare me Dritën. Kampionët e Kosovës do të përballen në turin e parë kualifikues të Ligës së Kampionëve me Zhalgirisin e Lituanisë.  Ndeshjet e para do të luhen në datat 7 dhe 8 korrik, ndërsa ndeshjet e kthimit do të luhen më 14 dhe 15 korrik./Sport Ekspres/

Studimi tregon se interesi për futbollin e vajzave është rritur nga 3% në vitin 2016 në 12% aktualisht. Ndryshe nga trendi europian, ku interesi vjen kryesisht nga meshkujt, në Shqipëri janë vetë vajzat dhe gratë që e ndjekin më shumë futbollin e vajzave, me 17% interes krahasuar me 8% te meshkujt.

Raporti evidenton gjithashtu se 46% e shqiptarëve shprehin interes për futbollin e vajzave, ndërsa një në pesë persona identifikohet si tifoz i këtij sporti, duke e vendosur Shqipërinë në nivele të ngjashme me mesataren europiane.

Perceptimi ndaj futbollit të vajzave mbetet pozitiv. Sipas të anketuarve, 74% e shqiptarëve besojnë se zhvillimi i futbollit të vajzave përfaqëson një zhvillim pozitiv shoqëror, ndërsa 59% mendojnë se ai ofron odele pozitive për brezin e ri.

Gjetjet e raportit tregojnë se shqiptarët e konsiderojnë përmirësimin e imazhit të futbollit të vajzave si prioritetin kryesor për zhvillimin e mëtejshëm të këtij sporti, ndërsa investimet në bazë dhe te moshat e reja renditen si faktori i dytë më i rëndësishëm.

Për tifozët e futbollit të vajzave, motivimi kryesor për ta ndjekur këtë sport lidhet me kohën cilësore të kaluar me familjen dhe miqtë, emocionet që ofron loja dhe atmosfera e ndeshjeve.

Nga ana tjetër, raporti identifikon edhe sfidat që mbeten përpara. Mungesa e njohjes së futbollisteve, mbulimi i kufizuar mediatik dhe atmosfera rreth ndeshjeve renditen ndër arsyet kryesore që pengojnë një pjesë të tifozëve të ndjekin më shumë futbollin e vajzave.

Të dhënat e raportit konfirmojnë se futbolli i vajzave në Shqipëri është në rritje të vazhdueshme dhe se investimet e Federatës së Futbollit në zhvillimin e këtij sektori po kontribuojnë në zgjerimin e interesit dhe përfshirjes në këtë sport.

Studimi evidenton një rritje të ndjeshme të interesit për futbollin në vend gjatë viteve të fundit. Nëse në vitin 2016, 65% e shqiptarëve deklaronin se ndiqnin futbollin, sot kjo shifër ka arritur në 78%, duke e renditur Shqipërinë në krye të Europës për interesin ndaj këtij sporti dhe dukshëm mbi mesataren europiane prej 48%.

Futbolli mbetet sporti më i ndjekur si nga meshkujt ashtu edhe nga vajzat. Interesi i meshkujve arrin në 91%, ndërsa ai i vajzave është rritur ndjeshëm nga 42% në vitin 2016 në 65% aktualisht. Rritje është regjistruar në të gjitha grupmoshat, me grupin 45-54 vjeç që ka shënuar progresin më të madh.

Raporti tregon gjithashtu se mbi katër në dhjetë shqiptarë janë shumë të apasionuar pas futbollit, ndërsa shtatë në dhjetë e konsiderojnë veten tifozë të këtij sporti. Arsyet kryesore që i afrojnë shqiptarët me futbollin janë cilësia e lojës, koha e kaluar me familjen dhe miqtë, si edhe atmosfera që ofrojnë stadiumet.

Përveçse sporti më i ndjekur, futbolli është edhe aktiviteti sportiv më i praktikuar nga të rriturit. Pjesëmarrja në futboll është rritur ndjeshëm nga 18% në vitin 2016 në 34% aktualisht. Sipas studimit, tre në pesë shqiptarë kanë luajtur futboll të paktën një herë gjatë jetës së tyre.

Shumica e futbollistëve amatorë zgjedhin ta praktikojnë sportin në mënyrë joformale, me miq dhe në komunitet, ndërsa përfitimet fizike dhe emocionale mbeten motivet kryesore që i mbajnë të lidhur me lojën.

Të dhënat e raportit konfirmojnë ndikimin pozitiv të investimeve të Federatës së Futbollit në zhvillimin e sportit, përmes projekteve të masivizimit, përmirësimit të infrastrukturës dhe zgjerimit të mundësive për të luajtur futboll në të gjithë vendin.

Me një perceptim pozitiv prej 7.5 pikësh, futbolli vazhdon të jetë sporti me imazhin më të mirë në Shqipëri, duke ruajtur një diferencë të konsiderueshme ndaj çdo sporti tjetër.

Për të ndjekur nga afër ecurinë e projektit, FSHF zhvilloi së fundmi një inspektim në terren. Drejtori i Departamentit të Projekteve Infrastrukturore në FSHF, Kevin Lleshi monitoroi ecurinë e punimeve dhe në një prononcim për fshf.org tregoi se për shkak të problematikave të shkaktuara nga reshjet gjatë dimrit, projekti u rishikua për të garantuar një zgjidhje të qëndrueshme dhe cilësore.

“Pas problematikave të shkaktuara gjatë dimrit, u desh të rishikonim projektin në qytetin e Krujës dhe në bashkëpunim të ngushtë me Bashkinë, morëm masa për të garantuar një zgjidhje cilësore dhe afatgjatë për këtë investim. Jemi të kënaqur që tashmë kemi hyrë në fazën finale të punimeve, në shtrimin e tapetit artificial dhe shumë shpejt qyteti i Krujës do të ketë një fushë moderne dhe cilësore për të gjithë komunitetin sportiv”, – nënvizon Kevin Lleshi për fshf.org.

Projekti po realizohet nga FSHF në bashkëpunim me Bashkinë e Krujës dhe synon të krijojë kushte moderne për zhvillimin e aktiviteteve sportive dhe stërvitjen e futbollistëve të rinj. Ky investim është pjesë e strategjisë së FSHF-së për përmirësimin e infrastrukturës në të gjithë vendin.

Në ndeshjet e fundit të edicionit, Tirana U-13 mposhti Partizanin me rezultatin 3-2, ndërsa Tirana U-14 regjistroi një fitore të thellë 7-0 ndaj Apollo 2016, duke mbyllur në mënyrën më të mirë rrugëtimin drejt titullit kampion.

Mbrëmjen e së enjtes, në kompleksin “Skënder Halili”, Federata e Futbollit organizoi ceremoninë e dorëzimit të medaljeve dhe trofeut të kampionit, ku legjenda e futbollit shqiptar, Sulejman Demollari nderoi bardheblutë e vegjël me kupën dhe medaljet e merituara.

Vlerësimi vjen pas rezultateve të shkëlqyera të skuadrës rrogozhinase në fazën “Final Four”, ku Egnatia siguroi titullin kampion për të tretin sezon radhazi. Nën drejtimin e Nevil Dedes, Egnatia triumfoi në të tre përballjet ndaj AF Elbasanit, Vllaznisë dhe Dinamo City, duke mbyllur me sukses sezonin.

Çmimi “Trajneri i Muajit” për muajin maj iu dorëzua Nevil Dedes nga Drejtori Teknik i FSHF-së, Abdyl Kuriu, në studiot e FSHF TV, në “Shtëpinë e Futbollit”, si vlerësim për punën dhe sukseset e arritura me skuadrën kampione të Shqipërisë.

Raporti evidenton se Shqipëria renditet e para në Europë për interesin ndaj futbollit, me 78% të të rriturve që deklarojnë se janë të interesuar për këtë sport, një shifër dukshëm më e lartë se mesatarja europiane prej 48% dhe në rritje të ndjeshme krahasuar me vitin 2016, kur ky tregues ishte 65%.

Në fjalën e tij përshëndetëse, Presidenti i FSHF-së, Armand Duka, falënderoi UEFA-n dhe Nielsen Sport për realizimin e studimit, duke theksuar se kërkime të tilla kanë luajtur një rol të rëndësishëm në orientimin e strategjive të Federatës për zhvillimin e futbollit shqiptar.

“Dua të falënderoj përfaqësuesit e UEFA-s dhe të kompanisë ‘Nielsen Sport’ për pjesëmarrjen dhe punën e bërë në këtë studim, në lidhje me të dhënat për futbollin në Shqipëri.

Padyshim që dua ta falënderoj UEFA-n për të gjithë mbështetjen që i jep Federatës Shqiptare të Futbollit, jo vetëm me projekte dhe iniciativa, jo vetëm me këtë studim, por edhe me studime të tjera, të cilat na ndihmojnë të ndërtojmë më mirë strategjinë e zhvillimit të futbollit dhe të përcaktojmë prioritetet që duhet të kemi në rrugën tonë për realizimin e objektivave, duke e bërë futbollin sa më atraktiv, sa më të bukur dhe sa më lider në vendin tonë.

Gjetjet e këtij kërkimi janë vërtet impresionuese, sepse Shqipëria renditet e para në Europë për interesin ndaj futbollit, me 78% të njerëzve që shprehin interes për këtë sport. Ky është një lajm i mirë dhe obligues në të njëjtën kohë. Krahasuar me vitin 2016, kur ky tregues ishte 65%, tashmë ka arritur në 78%, shumë mbi mesataren europiane prej 48%”, tha Presidenti Duka, duke shtuar:

“Ky është një lajm i mirë, por në të njëjtën kohë edhe një obligim, sepse Federata Shqiptare e Futbollit duhet të punojë edhe më shumë për të përmbushur pritshmëritë e tifozëve dhe për të realizuar dëshirat e të gjithë të interesuarve për futbollin.

Futbolli është sporti më i ushtruar dhe më i luajturi në Shqipëri, me 34% të të rriturve që merren me sport dhe 41% të fëmijëve.

Këto të dhëna, padyshim, kanë ardhur edhe falë projekteve të Federatës Shqiptare të Futbollit, si ‘Uniforma Ime’, ‘Topi Im’, si edhe falë përmirësimeve në infrastrukturë. Të gjitha gjetjet e këtij studimi do të shërbejnë si një busull edhe më e qartë për ne dhe për të ardhmen.

Dua të garantoj të gjithë ata që kanë interes për futbollin se Federata Shqiptare e Futbollit do ta ketë objektiv përmirësimin e mëtejshëm të punës së saj. Megjithëse, sipas këtij studimi, imazhi i Federatës është përmirësuar krahasuar me vitin 2016, me 5% më shumë, duke arritur sot në 52% imazh pozitiv.

Këto shifra do të jenë një busull e rëndësishme për ne në përmirësimin dhe zhvillimin e mëtejshëm të futbollit në vend”, – u shpreh Presidenti Duka.

Sipas raportit, futbolli vazhdon të jetë sporti më i praktikuar në Shqipëri, me 34% të të rriturve dhe 41% të fëmijëve që angazhohen në aktivitete futbollistike. Gjithashtu, futbolli gëzon imazhin më pozitiv ndër të gjitha sportet në vend, me një vlerësim mesatar prej 7.5 nga 10, duke lënë pas sportet e tjera si volejbolli dhe atletika.

Studimi evidenton gjithashtu rritjen e interesit për Kombëtaren shqiptare, e cila ka kaluar nga 61% në vitin 2016 në 66% aktualisht. Ndërkohë, ndërgjegjësimi për ekipet kombëtare të moshave dhe për Kombëtaren e vajzave ka njohur rritje të konsiderueshme, duke reflektuar efektet pozitive të investimeve në zhvillimin e futbollit në të gjitha nivelet.

Një tjetër tregues pozitiv lidhet me perceptimin publik ndaj Federatës Shqiptare të Futbollit. Sipas raportit, 47% e të anketuarve kanë një opinion shumë pozitiv për FSHF-në, ndërsa vlerësimi mesatar i imazhit të institucionit arrin në 7 nga 10, një rezultat mbi mesataren europiane dhe mbi nivelin e federatave të tjera sportive në Shqipëri.

Arsyet kryesore që ndikojnë në këtë perceptim pozitiv janë progresi i vazhdueshëm i futbollit shqiptar, rezultatet e Kombëtares, përmirësimi i infrastrukturës sportive dhe puna transformuese e realizuar në vitet e fundit.

Raporti “UEFA Grow Market Research” do të shërbejë si një instrument i rëndësishëm për Federatën Shqiptare të Futbollit në përcaktimin e prioriteteve dhe strategjive të ardhshme, me synimin për të forcuar më tej pozicionin e futbollit si sporti më i dashur dhe më i ndjekur në Shqipëri.

Në minutën e 52-të ishte Albion Rrahmani ai që dyfishoi shifrat nga pika e bardhë e penalltisë, ndërsa shifrat përfundimtare u vulosën nga Matoshi. Ky i fundit gjeti golin falë një goditjeje me kokë në minutën e 77 të miqësores. Një fitore e pastër e dardanëve, që vazhdojnë të tregojnë një formë të mirë nën drejtimin e Fodës./Sport Ekspres/

Një lajm i rëndë për familjen e tij, klubin e Elbasanit, miqtë, bashkëlojtarët dhe gjithë komunitetin e futbollit shqiptar, që humbet një djalë të ri me të ardhme përpara dhe pasion të madh për futbollin.

Përmes një mesazhi publik, Presidenti i FSHF-së, Armand Duka, shprehu ngushëllimet e tij për këtë humbje të rëndë.

“Me pikëllim të thellë mora lajmin për ndarjen e parakohshme nga jeta të Fatjon Bunjakut. Kjo është një tragjedi e rëndë dhe një humbje e madhe, pasi bëhet fjalë për një djalë të ri, vetëm 22 vjeç, me një të ardhme të tërë përpara. Fatjoni do të kujtohet për talentin, përkushtimin dhe pasionin e tij për futbollin, si dhe për respektin që gëzonte tek të gjithë ata që e njohën. Ngushëllimet më të sinqerta familjes Bunjaku, të afërmve, miqve, bashkëlojtarëve dhe klubit të Elbasanit. U prehtë në paqe shpirti i tij dhe qoftë i përjetshëm kujtimi për të”, – shkruan Presidenti Duka në mesazhin e tij.

Federata Shqiptare e Futbollit i bashkohet ngushëllimeve për familjen Bunjaku, të afërmit, miqtë, bashkëlojtarët dhe klubin e Elbasanit në këto momente të vështira.

U prehtë në paqe shpirti i tij dhe qoftë i përjetshëm kujtimi për të.

Finalja mes Belgjikës dhe Italisë do të luhet më 7 qershor në stadiumin “Lilleküla staadion” në Talin, në orën 19:00. Florian Lata është caktuar si arbitër kryesor, ndërsa në ekipin e arbitrimit do të jetë edhe asistenti shqiptar Mario Shazivari. Asistent i dytë do të jetë Nikola Borovic nga Serbia, ndërsa arbitër i katërt Thomas Gary Owen nga Uellsi.

Ky emërim vjen pas paraqitjeve shumë të mira të Florian Latës gjatë turneut final në Estoni. Arbitri shqiptar drejtoi ndeshjen hapëse të Kampionatit Europian U-17 mes Estonisë dhe Kroacisë më 28 maj, ndërsa më 1 qershor ishte gjithashtu arbitër kryesor në takimin Francë – Mali i Zi.

Besimi i UEFA-s për t’i besuar Florian Latës drejtimin e finales është një vlerësim i rëndësishëm për performancën e tij gjatë turneut, por edhe një tjetër dëshmi e nivelit në rritje të arbitrimit shqiptar në arenën ndërkombëtare.

Federata e Futbollit përgëzon Florian Latën dhe Mario Shazivarin për këtë arritje të rëndësishme dhe u uron suksese në drejtimin e finales së Kampionatit Europian U-17.

Ndeshja finale e Kampionatit Europian U-17 , Belgjikë – Itali, do të transmetohet live në FSHF TV.

Shumë emocione, spektakël, gola dhe adrenalinë në 90 minutat e luajtura në fundjavën që lamë pas, e cila përcaktoi Egnatian si kampione të Shqipërisë për të tretin edicion radhazi.

FSHF TV sjell një reportazh të dedikuar për dy ndeshjet e luajtura në “Air Albania” dhe “Elbasan Arena”, me pamje ekskluzive nga mbledhjet para sfidave, përgatitjet e gjyqtarëve, momentet më të veçanta gjatë ndeshjeve, si dhe intervista ekskluzive.

Materiali i përgatitur nga FSHF TV sjell një pasqyrë të plotë të atmosferës së “Final 4”, duke ndjekur ekipet dhe protagonistët që nga mbërritja në stadium e deri te vërshëllima e fundit.

Përmes intervistave me protagonistët, pamjeve ekskluzive dhe përmbledhjes së dueleve të fundit, reportazhi ofron një këndvështrim ndryshe mbi atë çka ndodhi në “Final 4”.

Në këtë tur të parë kualifikues, ekipi i Nevil Dedes rrezikon të përballet me Dritën e Kosovës, ndërsa kundërshtari më i vështirë mbetet Universitatea e Kraiovës, kampione e Rumanisë. Më tej, UEFA mund të ndajë ekipet në grupe më të vogla, duke e ulur numrin e kundërshtarëe potencialë. Shorti do të hidhet më 16 qershor.

Kundërshtarët e mundshëm të Egnatias:

1. Shamrok Rovers (Irlandë)
2. Kups (Finlandë)
3. Drita (Kosovë)
4. Linkoln Red Imps (Gjibraltar)
5. Borac Banja Luka (Bosnje dhe Hercegovinë)
6. Vikinguri i Rejkjavikut (Islandë)
7. Kairati (Kazakistar)
8. Universitatea Kraiova (Rumani)
9. Riga (Letoni)
10. KI (Ishujt Faroi)
11. Larne (Irlanda e Veriut)
12. Flora (Estoni)
13. Petrokub Hinçesti (Moldavi)
14. Nju Saints (Uells)

Klubi Vllaznia ka njoftuar sot përmes faqes së vetë zyrtare në “Facebook” se ka vendosur të zgjasë bashkëpunimin si me trajnerin Martini, ashtu edhe me drejtorin sportiv Sinani. Të dy kanë firmosur një kontratë 2-vjeçare dhe do të kenë mundësinë të çojnë përpara projektin e Vllaznisë, me shpresën se titulli kampion do të kthehet në Shkodër./Sport Ekspres/

Në fakt, askush nuk e priste. Pas ardhjes së Dedes, Egnatia ka mundur çfarë gjeti përpara dhe në fund u kurorëzua me titull kampion, duke lënë pas vetes Elbasanin, që sot fitoi ndaj Vllaznisë, por fitorja, nuk vlejti për asgjë. /Sport Ekspres/

Por për të festuar duhet që sot të mposhtin Dinamon, pa parë se çfarë ndodh në ndeshjen Vllaznia-Elbasani. Dhe kjo për meritë të Nevil Dedes, që e nisi me fitoren e madhe, 0-4 ndaj Elbasanit, për të vazhduar me një tjetër fitore të madhe ndaj Vllaznisë, duke bërë të mundur një skenar, që as vetë presidenti Demrozi ndoshta nuk e kishte imagjinuar.

Sot është detyra për të mundur Dinamon, paradoksalisht, sot Egnatia e ka për detyrë të fitojë titullin, ndërsa Nevil Dede ka pasur një shkrim për të gjithë futbollistët përpara kësaj ndeshje.

“Djem futbollistë,
Nëse luani për dinjitetin tuaj,
nëse luani për fanellën,
nëse luani për klubin,
nëse luani për shokun tuaj,
Zoti jua bëftë hallall!

Por mos luani kurrë për ata që sot ju ngrenë e nesër ju ulin.
Mos luani kurrë për ata që ju keqtrajtojnë.
Mos luani kurrë për ata që ju fyejnë apo ju ofendojnë.
Mos luani kurrë për ata që nuk ju respektojnë dhe nuk ju vlerësojnë.

Miqtë tanë arbitra,
Ndihmojini të ndihen të respektuar dhe të vlerësuar. Respektojeni dinjitetin e tyre njerëzor, sepse edhe ata janë pjesë e lojës sonë.
Le të garojmë me ndershmëri, respekt dhe dinjitet në çdo ndeshje.
Në fund, le të fitojë më i miri”

Në ora 19:00 do të luhen njëkohësisht dy ndeshjet vendimtare të javës finale. Në stadiumin “Air Albania”, Vllaznia do të përballet me AF Elbasanin në një duel direkt mes dy skuadrave pretendente për trofeun, ndërsa në “Elbasan Arena”, Egnatia do të sfidojë Dinamo City-n, me rrogozhinasit që mbajnë fatin në duart e tyre.

Egnatia kryeson garën dhe kërkon të mbyllë sezonin me një tjetër sukses historik, por AF Elbasani dhe Vllaznia vijojnë të besojnë deri në fund te mundësia për të ngritur trofeun kampion. Përballjet direkte të këtij sezoni kanë treguar se diferencat mes skuadrave janë minimale, çka e bën edhe më të paparashikueshme mbrëmjen finale.

Sytë e tifozëve do të jenë të përqendruar te dy stadiumet, ku çdo gol, çdo rast dhe çdo moment mund të ndryshojë fatin e titullit kampion. Pas një sezoni të luftuar dhe plot emocione, gjithçka do të vendoset në 90 minutat e fundit të “Final 4”.

Një mbrëmje për t’u mos u humbur, aty ku futbolli shqiptar do të kurorëzojë kampionen e sezonit 2025/26. Biletat për dy ndeshjet e fundit të “Final Four” mund të blihen online në platformën ebileta.al , si edhe fizikisht pranë stadiumeve “Air Albania” dhe “Elbasan Arena”

Falë këtij triumfi, skuadra kuqeblu siguroi trofeun e 13-të radhazi të kampionatit. Kapitenia Megi Doçi zhbllokoi sfidën në pjesën e parë, duke i dhënë avantazhin Vllaznisë pas një 45-minutëshi të luftuar dhe me raste nga të dyja skuadrat.

Në pjesën e dytë, Apolonia tentoi të rikthehej në lojë, por vajzat shkodrane administruan mirë avantazhin dhe në minutën e 81-të, Teresa Deda realizoi edhe golin e dytë, që vulosi fitoren dhe titullin kampion për Vllazninë.

Pas përfundimit të takimit u zhvillua ceremonia e dorëzimit të medaljeve dhe trofeut. Zëvendës-presidenti i FSHF-së, Lutfi Nuri dhe anëtarja e Komitetit Ekzekutiv të FSHF-së, Anila Basha, i dorëzuan medaljet dhe kupën ekipit kampion.

Falë rritjes së koeficientit të Shqipërisë në UEFA, vendi ynë do të përfaqësohet me dy skuadra në UEFA Women’s Champions League. Kampionia Vllaznia do të garojë në “Champions Path”, ndërsa Apolonia, si skuadra e renditur në vendin e dytë në kampionat, do të marrë pjesë në “League Path”. Të dyja ekipet do ta nisin aventurën europiane nga raundi i dytë kualifikues.

“Unë me stafin tim përvec ekipit të parë, ishim tërë kohën në vëzhgim të moshave të Partizanit nga U-15 deri te ne, ishim gjithë ditën në Kompleks për të parë këto ndeshjet. Cdo javë merrnim në ekipin e parë, dy lojtarët që kishin bërë më mirë gjatë javës në akademi nga U-16 te ekipi B, bënin stërvitje me ne. Nëse do isha deri në fund, Partizani do të ishte në Final Four. Do të fitonim me Flamurtarin, Dinamon dhe Egnatian, ekipi ishte në ngritje kur ne ikëm, ishte thjesht ngërci i golit psikologjik. Madje kur kam biseduar me stafin kam thënë se ne do të kapim Egnatian me 54 pikë, jo Dinamon që po e po”, tha Kërnaja. /Sport Ekspres/

Një edicion i vështirë për verilindorët, të cilët, pavarësisht oshilacioneve gjatë sezonit, arritën të mbështeten te talentet e rinj që udhëhoqën skuadrën në momentet më të rëndësishme dhe madje shkruan histori në kampionat.

Një nga emrat që u kthye në lider të skuadrës së Kukësit është talenti Leo Ballhysa. Me paraqitjet, golat dhe asistet e tij, ai rezultoi një nga lojtarët kyç në mbijetesën e ekipit, duke marrë përgjegjësi në momentet vendimtare të sezonit.

Edhe në sfidën e fundit ndaj Butrintit, Ballhysa ishte ndër më të mirët në fushën e lojës, duke qenë protagonist në golin e dytë me një asist perfekt, por edhe me krijimin e disa rasteve të rrezikshme për portën kundërshtare.

Ndonëse është folur më pak për të, Ballhysa ka hyrë në historinë e Kategorisë së Parë, pasi ka realizuar golin më të shpejtë në histori, duke gjetur rrugën e rrjetës në më pak se 34 sekonda.

22-vjeçari shihet si një nga talentet më premtues të futbollit shqiptar dhe menaxhohet nga kompania SSM, e drejtuar nga Shkumbin Qormemeti dhe Haris Faki?.

Pas një sezoni shumë pozitiv me Kukësin, Leo Ballhysa pritet të bëjë një hap të rëndësishëm në merkaton e verës, teksa disa skuadra pritet të shfaqin interes për shërbimet e tij.

Kujtojmë se talenti 22-vjeçar ka qenë pjesë edhe e skuadrave elitare të futbollit shqiptar si Tirana, Dinamo dhe Laçi, duke fituar eksperiencë në ambiente konkurruese që në moshë të re.

Një përballje mes dy skuadrave me traditë në futbollin e vajzave, që gjatë viteve kanë prodhuar sfida të luftuara dhe emocione të shumta në fushën e lojës. Edhe këtë sezon, duelet mes Vllaznisë dhe Apolonisë kanë qenë mjaft konkurruese.

Shkodranet triumfuan 0-2 në transfertë në përballjen e parë të kampionatit, ndërsa takimi i dytë në Shkodër u mbyll në barazim 1-1.

Në rrugën drejt finales, Vllaznia kaloi me meritë, pasi fitoi të dyja ndeshjet gjysmëfinale ndaj Gramshit, fillimisht 0-1 në transfertë dhe më pas me rezultatin e thellë 6-1 në Shkodër. Nga ana tjetër, Apolonia kaloi Teutën pas dy barazimeve, duke siguruar kualifikimin falë renditjes më të mirë në klasifikimin e përgjithshëm të kampionatit.

Finalja mes Vllaznisë dhe Apolonisë do të luhet këtë të premte, në stadiumin “Selman Stërmasi”, duke nisur nga ora 16:00.

Në stadiumin “Air Albania”, në ora 19:00, Vllaznia do të përballet me Elbasanin në një duel direkt ku objektivi është vetëm fitorja. Shkodranët kërkojnë tre pikët për të mbajtur gjallë ëndrrën e titullit, ndërsa Elbasani synon të kurorëzojë një sezon fantastik me trofeun kampion. Të dy skuadrat do të jenë njëkohësisht me vëmendjen edhe te sfida tjetër e javës, duke shpresuar në një hap fals të Egnatias.

Në “Elbasan Arena”, Egnatia do të luajë ndaj Dinamo City-t në një tjetër përballje me peshë të madhe. Rrogozhinasit, që i kanë fituar të dyja ndeshjet ndaj Elbasanit dhe Vllaznisë në fazën “Final 4”, mbajnë fatin në duart e tyre dhe do të kërkojnë të mbyllin sezonin me triumfin historik.

Dy stadiume, dy ndeshje dhe një trofe për t’u fituar. Të dielën, sytë e të gjithë tifozëve do të jenë të përqendruar te java finale e kampionatit, aty ku do të shpallet edhe kampioni i këtij edicioni.

“Vllaznia e luajti Final Four 4 javë përpara në intervista, ikën nga fusha dhe vajti në media, kishte filluar të festonte. E humbi kampionatin në mënyrën më të organizuar të mundshme, e kanë bërë perfekte. Nuk mund ta humbisje kampionatin më mirë se kaq”, tha Alliu. /Sport Ekspres/

Tsague do të shënonte dopietë në dy minuta teksa në të 25 dhe në të 27 gjeti dy gola dhe vetëm 10 minuta më vonë, Diallo, vendosi përfundimisht fitoren, 3-0.

Pas kësaj fitore, Elbasani i bashkohet Egnatias me pikë të barabarta, por kërkon hapin e gabuar të Egnatias ndaj Dinamos për të fituar titullin kampion. /Sport Ekspres/

Vllaznia riktheu baraspeshën në minutën e 77 dhe po provonte të kthente lojën në favorin e saj. Por shpresat e shkodranëve u shuan 10 minuta më vonë. Adjesa tundi sërish rrjetën dhe vulosi shifrat përfundimtare në 1-2. Një fitore e madhe për Egnatian që tashmë shkon në kuotën e 34 pikëve dhe është një hap larg titullit kampion./Sport Ekspres/