“Sot në Prishtinë, për të ndjekur nga afër Kosovë–Irlandë, në ndeshjen e parë të UEFA Nations League. Suksese Dardanëve”, ka shkruajtur Armand Duka në faqen e tij zyrtare në “Facebook”./Sport Ekspres/

Përballë një Ireland që u përpoq të rezistonte, Kosova krijoi presion dhe kërkoi të gjente hapësirat për të zhbllokuar rezultatin. Goli i shumëpritur erdhi në minutën e 83-të dhe ishte pikërisht kapiteni Vedat Muriqi ai që ndezi stadiumin.

Sulmuesi shqiptar shënoi me kokë dhe i dha Kosovës avantazhin 1-0, rezultat që mbeti i pandryshuar deri në vërshëllimën e fundit. G

Por festa e Muriqit mori edhe një tjetër kuptim. Pas golit, sulmuesi përcolli një mesazh në mbështetje të çlirimtarëve të Kosovës që ndodhen në Hagë, duke e lidhur momentin e golit me një çështje që vazhdon të ketë peshë të madhe simbolike në Kosovë. Mesazhi i tij ishte i qartë: “Drejtësi për çlirimtarët!”

Me këtë fitore, Kosova merr tri pikë të rëndësishme në Grupin B3 dhe e nis në mënyrën më të mirë këtë edicion të Nations League. /Sport Ekspres/

Një rregull që duhej të ishte futur më herët, por që do të shërbejë shumë për të ardhmen tonë. Madje, Gega nuk ngurron të tregojë sesi lojtarët e rinjë nuk grumbullohen në ekipet e Superiores pasi disa njerëz përfitojnë me afrimet e të huajëve të cilët janë “askushi”, për t’i hequr shansin e provimit talentit vendas. Gjithashtu në prag të ndeshjeve të Kombëtares, u diskutua edhe për listën e Maran.

5 javët e para në Superiore, çfarë të ka bërë më shumë përshtypje deri tani?

Po e kam ndjekur fillimin e sezonit të kampionatit, diçka që e shoh si shumë pozitive është ndryshimi i formulës së kampionatit. E kam thënë mendimin tim edhe më para, Final Four nuk ishte zgjidhja më e mirë, por FSHF zgjodhi të bënte një risi. Për mua personalisht, Final Four nuk solli asgjë pozitive përveç problematikave pasi në fundin e kampionatit ndodhin plot “surpriza” apo “ndere”. Këtu nuk mund të ngarkosh me përgjegjësi FSHF, por klubet që i menaxhojnë situatat dhe i bëjnë llogaritë në fund. Sot kjo formulë e re, minimizon hapësirën për “nderet”.

Profesor, ti ke qenë trajneri i Shqipërisë U-19, U-21 dhe te Partizani besove shumë tek talentet e rinjë, u ke dhënë dorë të madhe. Si e shikon rregullin e FSHF për t’i detyruar ekipet e Superiores që të aktivizojnë një talent të ri?

Kjo është risi pozitive padyshim pjesa që duhet të aktivizohet me kusht një lojtar 17-vjeçar, kjo nxit klubet për të guxuar më shumë dhe për t’i dhënë hapësirë të rinjëve. Po është e vërtetë, në çdo ekip që kam drejtuar, duke nisur nga ekipet kombëtare, ka qenë gjëja kryesore t’i jap besim dhe hapësirë lojtarëve që vërtet kanë potencial për t’i shërbyer të ardhmes dhe asnjëherë nuk kam hezituar, pavarësisht nga mosha.

E kuptoj, por sa durim kanë klubet shqiptare për të pritur një talent të ri, pasi qasja jonë e përgjithshme nuk ka qenë shumë dashamirëse ndaj talenteve apo jo?

Padyshim që jo të gjithë e kuptojnë apo besojnë, në shumë raste dhe nuk iu intereson fare kjo pjesë sepse duan të sjellin lojtarë nga jashtë. Edhe pse ka shumë kosto, aty kanë hapësirë të abuzojnë dhe të përfitojnë nga interesat personale disa njerëz që sillen rreth klubeve. Unë për diçka që kam bindje teknike dhe që i shërben klubit, e kam bërë gjithmonë, i besoj të rinjëve.

Në të kaluarën ke drejtuar nga moshat e Shqipërisë emra si Rrahmani, Strakosha, Muriqi, Vojvoda, Hysaj, Strakosha. Tani vonë te Partizani ishte Himallari dhe Vata, që kishin pak ditë që ishin bërë 16 vjeç dhe i more nga U-15, u aktivizuan në Final Four dhe në Europë. A ka një faturë në Shqipëri kur guxon kështu?

Shiko, jo të gjithë ishin të lumtur sepse rrezikoheshin disa lojtarë që ishin marrë me kosto me idenë që klubi do të përfitonte prej tyre, por sot që flasim, këto fatura janë në kurrizin e atyre që hedhin lekë në klub. Sot me vendimin e FSHF, që është paksa i vonuar sepse kjo gjë është bërë për herë të parë në 1985 dhe ishte shumë frutdhënës si rregull, i njëjti rregull si ky tani. Aty spikaten lojtarë si Bersheni, Ilir Imami tek Dinamo, Millo te Gjirokastra, Ledion Pano te Partizani, Ermal Tahiri te Dinamo e shumë të tjerë.

Le të ndalemi pak te kampionati, çfarë të ka surprizuar, ndoshta Teuta e vendit të parë?

Nuk mendoj se ka shumë surpriza. Dinamo dhe Egnatia, me paraqitjen në Europë, kanë diferenca me të tjerët, pa hequr dhe Teutën që a ndryshuar shumë në krahasim me vitin e kaluar, është një projekt serioz në çdo hallk të klubit.

A mund të jetë Egnatia një histori si ajo e Skënderbeut?

Po, nëse ndjekin modelin që drejtonte Skënderbeun, mundësitë janë aty. Personalisht më ka pëlqyer edhe Laçi për mënyrën sesi është shfaqur në fushë, me shumë të rinjë, por taktikisht të vendosur mirë dhe me shumë grintë, por me lojtarë të rinjë që premtojnë shumë. Edhe Skënderbeu me Vorën kanë bërë ndeshje të mira si kundër Dinamos dhe Egnatias, por me pak fat dhe më shumë eksperiencë, mund të ishin në një vend tjetër.

Po Vllazninë, e prisje në fund?

Ndiej keqardhje për situatën që ndodhen, por duhet të reagojnë jashtë presionit që ka ai qytet për të qenë elitë në futbollin shqiptar. Duhet t’i menaxhojnë më qetë situatat dhe të merren përgjegjësi, që të korrigjohen gabimet. Kjo do ishte rruga më e drejtë për të dalë nga kjo situatë që ka kapur Vllazninë.

Partizani vazhdon të vuajë, i ke ndjekur ndeshjet, çfarë nuk po shkon?

Më vjen keq, nuk kam dëshirë të flas sepse nuk është në natyrën time për një ekip që kam punuar. Nuk flas kur largohem, kur punoj e them fjalën time pa hezituar, insistoj për bindjet e mia me mënyrën si e kuptoj futbollin, pa marrë parasysh faturën.

Lista e Shqipërisë nga Maran, si e gjykon dhe prisje emra të tjerë?

Lista është përgjegjësia e Maran. Shqipëria nuk është në situatë të mirë dhe kjo për dy arsye: “Lojtarët nuk aktiviziohen dhe disa lanë klubet elitare dhe kanë parë interesat ekonomike”. Kjo është normale, por nuk mund të them sesa do ndikojë në performancën e tyre te Shqipëria.

Lënia jashtë e Armando Brojës, nëse do të ishte ti trajner, do ta lije jashtë?

Po, për fat të keq, situatat në klube nuk i kanë shkuar në favor dhe të vjen keq, duke parë potencialin e padiskutueshëm të këtij njeriu. Ndoshta duhet një menaxhim më i mirë nga vetë Armando ose për të parë diku tjetër, një kampionat tjetër, do ishte mirë edhe në të mirë të Shqipërisë. A do ta merrja? Shiko, ne kemi edhe lojtarë të tjerë sot që kanë probleme minutazhi me klubet e tyre. Rasti i Brojës nuk është ndryshe, as i Jasirit, kampionati iranian ka vështirësi dhe Jasiri ka shënuar gola aty.

Ndërkohë në listë janë shtuar lojtarët e Superiores, Ismaili dhe Qefalija…

Më bëhet qefi që Qefalija është thirrur, po ashtu edhe mbrojtësi Ismaili. Jam i sigurtë që nëse i japin shansin, do të jenë të denjë të veshin fanellën e Kombëtares. Duket sikur po bëj PR e tyre, por nëse flasim të mbështesim futbollin në vend, duhet të guxojmë pasi nuk ka diferenca. është koha të guxojmë për të hapur një rrugë të re për Kombëtaren. Dhe për mua, si Qefalija dhe si Ismaili, duheshin marrë pa u dëmtuar dikush, duhej t’i kishte mbërritur ftesa që në fillim. /Sport Ekspres/

Turneu nisi me përballjen mes Vllaznisë së Veteranëve dhe Flamurtarit të Veteranëve, me skuadrën shkodrane që fitoi 1-0. Në gjysmëfinalen tjetër, Kombëtarja Shqiptare e Veteranëve u përball me Michigan, në një takim që u mbyll 1-1 pas kohës së rregullt. Përballja u vendos nga gjuajtjet e penalltive, ku Kombëtarja Shqiptare e Veteranëve fitoi 4-3 dhe siguroi vendin në finale.

Finalja solli përballjen mes Vllaznisë së Veteranëve dhe Kombëtares Shqiptare të Veteranëve, në një sfidë që dhuroi emocione dhe spektakël sportiv. Në fund, Vllaznia e Veteranëve triumfoi 2-1, duke fituar trofeun e “Kupës së Miqësisë”.

Përtej rezultateve, aktiviteti ishte një mundësi për të rikthyer në fushë emra të njohur të futbollit shqiptar dhe për të bashkuar breza e skuadra të ndryshme rreth të njëjtës dashuri për sportin. “Kupa e Miqësisë” përcolli një mesazh të qartë mbi vlerën e futbollit si një hapësirë bashkimi, respekti dhe miqësie, duke i dhënë veteranëve mundësinë të ndajnë sërish emocionet e lojës dhe të jenë pjesë e një aktiviteti të veçantë sportiv.

Më herët, Bicaj ka qenë trajneri i Lushnjes dhe Rei Manaj ka mbërritur disa herë në qytetin e lindjes për të dhënë kontribut. “Po, ka ardhur disa herë dhe është djalë i mirë. Ka dhënë disa herë premio, përshembull në ndeshjen Lushnja-Kukësi, dha 10 mijë euro premio për fitore. I jepte nga xhepi i tij, për qejf”, tha Bicaj. /Sport Ekspres/

Lukili gjeti i pari rrugën e rrjetës në minutën e 30 të takimit, ndërsa Albaneze dyfishoi shifrat në të 71-tën. Vetëm 2 minuta më vonë Murataj ngushtoi diferencat, por pa mundur të shmangë humbjen. Egnatia shkon kështu në kuotën e 12 pikëve dhe ndan vendin e dytë me Dinamon. Ndërkaq, Partizani e gjen veten në pozicionin e 7 me 4 pikë të grumbulluara./Sport Ekspres/

Elbasani e gjeti rrjetën fillimisht në minutën e 22-të, kur Nikaj përfitoi edhe nga një devijim i mbrojtësit Ndong për të kaluar verdheblutë në avantazh. Tirana nuk u dorëzua dhe vetëm tetë minuta më vonë erdhi përgjigjja e Redon Xhixhës. Sulmuesi bardheblu realizoi për 1-1 dhe i dha skuadrës së Klafuriçit më shumë besim. Megjithatë, Elbasani reagoi sërish. Në minutën e 37-të, Mazari u shkëput bukur nga mbrojtja, kaloi edhe portierin Bekaj dhe shënoi për 2-1. Pjesa e dytë nisi me një Tiranë më agresive dhe Xhixha goditi përsëri. Në minutën e 54-t, sulmuesi realizoi golin e dytë personal, duke vendosur rezultatin në 2-2. /Sport Ekspres/

Kryeqytetasit e nisën mirë sfidën dhe kaluan në avantazh në minutën e 23-të. Ishte Lorran ai që gjeti rrjetën për Dinamon, duke ndezur festën e skuadrës së Ilir Dajës. Por përgjigjja e Laçit ishte e menjëhershme. Vetëm dy minuta më vonë, Gamarra barazoi shifrat në 1-1.

Gamarra do të ishte protagonist edhe pak minuta më vonë, por këtë herë në krahun negativ. Në minutën e 44-t, lojtari i Laçit u ndëshkua me karton të kuq pas një ndërhyrjeje të parregullt, duke lënë skuadrën kurbinase me dhjetë lojtarë.

Në pjesën e dytë, Dinamo shfrytëzoi avantazhin numerik. Në minutën e 55-të, Vila realizoi golin e dytë, ndërsa Laçi tentoi të reagonte dhe iu afrua barazimit, duke goditur edhe shtyllën.

Në fund, Ruçi vulosi fitoren e Dinamos në minutën e 90+3-të, duke vendosur rezultatin përfundimtar 3-1.

Me këtë sukses, Dinamo ngjitet në kuotën e 12 pikëve, vetëm një pikë pas Teutës kryesuese, ndërsa Laçi mbetet me 7 pikë. /Sport Ekspres/

Vora kaloi në avantazh në minutën e 33-të. Bernard Karrica ekzekutoi në mënyrë spektakolare një goditje dënimi, duke mposhtur portierin Alia dhe duke i dhënë ekipit të tij epërsinë. Vendasit patën mundësi edhe për golin e dytë, por nuk arritën ta shfrytëzonin.

Në pjesën e dytë, situata u komplikua për Vorën. Në minutën e 63-të, Kashari mori kartonin e dytë të verdhë dhe u ndëshkua me të kuq, duke lënë ekipin me dhjetë lojtarë. Skënderbeu fitoi terren dhe kërkoi me ngulm golin e barazimit.

Momenti vendimtar erdhi në minutat shtesë. Pas ndërhyrjes së VAR-it, arbitri akordoi penallti për Skënderbeun për një mbajtje në zonë, vendim që shkaktoi protesta të shumta nga vendasit.

Nga pika e bardhë, Bismark nuk gaboi dhe në minutën e 96-të vendosi shifrat 1-1. Vora humbi kështu fitoren në sekondat e fundit, ndërsa Skënderbeu mori një pikë të rëndësishme në transfertë. /Sport Ekspres/

Heroi i takimit ishte Umejiego, i cili realizoi të dy golat e Teutës. Sulmuesi zhbllokoi rezultatin në minutën e 45+2’, duke i dhënë skuadrës së Edlir Tetovës avantazhin përpara pushimit.

Vllaznia kërkoi të reagonte në pjesën e dytë, por vetëm pak minuta pas rifillimit të lojës, Umejiego goditi sërish. Në minutën e 51-të, ai shënoi golin e dytë personal, duke vulosur fitoren e Teutës.

Shkodranët nuk arritën të gjenin rrugën e rrjetës dhe regjistruan një tjetër rezultat negativ. Pas pesë javësh, Vllaznia mbetet me vetëm 2 pikë dhe ende pa fitore, ndërsa Teuta ngjitet në kuotën e 13 pikëve dhe ruan kreun e renditjes.

Për Teutën, kjo është një tjetër deklaratë e fortë në kampionat, ndërsa Vllaznia duhet të reagojë shpejt për të dalë nga situata e vështirë në të cilën ndodhet. /Sport Ekspres/

Në barazim pa gola u mbyll sfida mes Bylisit dhe Besëlidhjes, ndërsa nga një pikë morën edhe Korabi dhe Iliria, të cilat barazuan 1-1 në takimin e zhvilluar në Peshkopi.

Në përfundim të javës së tretë, trajnerët e ekipeve kombëtare kanë përzgjedhur 11-shen më të spikatur të javës, sipas skemës 1-4-3-3.

Hasaj i Ilirisë bëri një paraqitje mjaft të mirë dhe është përzgjedhur si portieri më i mirë i javës së tretë.

Mbrojtja me katër formohet nga: Kodji (Bylis), Samake (Pogradeci), Chibuike (Kastrioti) dhe Spahiu (Besa).

Përpara mbrojtjes është pozicionuar Danaj (Besa), ndërsa më të avancuar janë Kasmollari (Kastrioti) dhe Bilali (Besëlidhja).

Treshja e sulmit përbëhet nga T. Marku (Korabi), Chinwendu (Pogradeci) dhe Naza (Sopoti).

Goli më i bukur i javës u përzgjodh ai i futbollistit të Pogradecit, Chinwendu Godswill Chukunonso, i cili realizoi golin e dytë në fitoren 0-3 të liqenorëve në transfertën ndaj Kukësit.

Të shtunën do të zhvillohen dy takimet e tjera. Vora pret Skënderbeun në shtëpi në ora 16:00 ndërsa një përballje mjaft interesante do të luhet në “Elbasan Arena” mes Dinamo City – KF Laçi.

Sakaq, të dielën Tirana do të përballet me Elbasanin në kryeqytet në ora 16:00 ndërsa sfida mbyllëse e kësaj jave do të luhet mes Egnatias dhe Partizanit në “Arena Egnatia” duke nisur nga ora 18:30. /Sport Ekspres/

Java e tretë e Kategorisë së Parë uli siparin këtë të mërkurë, me të gjashtë sfidat që u luajtën gjatë pasdites dhe dhuruan rezultate interesante në kampionat.

Besa regjistroi fitoren e radhës, duke triumfuar me shifrat 5-0 ndaj Orikut. Në “Kukës Arena”, Pogradeci mori një fitore të rëndësishme 3-0 ndaj Kukësit, ndërsa Bylisi dhe Besëlidhja ndanë pikët pas barazimit pa gola. Në një tjetër sfidë të kësaj jave, Korabi dhe KF Iliria u ndalën në barazimin 1-1.

Kastrioti siguroi tri pikët në shtëpi ndaj Flamurtarit, me fitoren 1-0, ndërsa Sopoti u triumfoi 3-1 në transfertën e Burrelit. Me përfundimin e javës së tretë, Kategoria e Parë vijon të ofrojë rivalitet dhe rezultate interesante në garën e këtij sezoni.

Përmes një postimi në profilet e tij në rrjetet sociale, Presidenti Duka u ka uruar nxënësve një vit të mbarë dhe i ka inkurajuar ata të mësojnë, të ëndërrojnë dhe të besojnë te vetja.

“Urime të gjithë nxënësve shqiptarë për vitin e ri shkollor e veçanërisht për vogëlushët që sot ulen për herë të parë në bankat e shkollës. Mësoni, ëndërroni dhe besoni te vetja juaj”, shprehet Presidenti Duka.

Në mesazhin e tij, kreu i FSHF-së ka theksuar gjithashtu angazhimin e Federatës për të qenë pranë fëmijëve edhe gjatë këtij viti, përmes projektit “Uniforma Ime”, i cili mbështet nxënësit me uniforma falas.

“Ne si Federatë Futbolli, do të jemi gjithmonë pranë jush, përmes projektit ‘Uniforma Ime’, me uniforma falas. Sepse shkolla dhe ëndrrat ecin së bashku”, – thekson Presidenti Duka.

Projekti “Uniforma Ime” është një nga nismat përmes të cilave FSHF synon të kontribuojë në mbështetjen e fëmijëve dhe të rinjve, duke përcjellë përtej fushës së futbollit vlerat e sportit, edukimit dhe solidaritetit.

Në ditën e parë të vitit të ri shkollor, FSHF u uron të gjithë nxënësve suksese, rezultate të mira dhe një vit të mbushur me dije, miqësi dhe ëndrra të reja.

Festa e rrogozhinasve zgjati pak. Nikaj tundi sërish rrjetën në minutat shtesë të pjesës së parë dhe vulosi shifrat në ato përfundimtare 2-1. Me këtë humbje Egnatia ka dorëzuar edhe kreun e renditjes, që është marrë nga Teuta./Sport Ekspres/

Laçi e nisi ndeshjen me synimin për të reaguar pas rezultateve jo të mira, ndërsa Vllaznia kërkonte fitoren e parë në kampionat. Pjesa e parë u mbyll pa gola, me të dyja skuadrat që patën momente, por pa arritur të zhbllokonin rezultatin.

Në fraksionin e dytë, Laçi u tregua më konkret. Në minutën e 50-të, Orgi Cena realizoi golin e avantazhit, duke ndezur stadiumin. Situata u komplikua edhe më shumë për Vllazninë në minutën e 71-të, kur Adrian Mehmeti u ndëshkua me karton të kuq dhe la skuadrën shkodrane me dhjetë lojtarë.

Ndeshja u ndërpre për disa minuta pas hedhjes së një objekti në fushë, ndërsa arbitri Kreshnik Cjapi kërkoi edhe boshatisjen e një pjese të tribunës.

Në fund, Laçi goditi sërish me Traoren, i cili shënoi në minutën e 88-të. Sfida përfundoi 2-0 pas plot 19 minutash shtesë. Me këtë sukses, Laçi ngjitet në 7 pikë, ndërsa Vllaznia mbetet me vetëm 2 pikë. /Sport Ekspres/

Gjatë këtyre vizitave po vlerësohen kushtet dhe kërkesat teknike të impianteve sportive, ndërsa janë evidentuar edhe përmirësimet dhe ndërhyrjet që nevojiten për t’i bërë stadiumet gati për zhvillimin e turneut.

Në një prononcim për fshf.org, Guillaume Poisson, Drejtues i Operacioneve në UEFA, foli për rëndësinë e këtyre inspektimeve dhe për përgatitjet që po bëhen në qytetet pritëse.

“Është vërtet shumë e rëndësishme për një vend si Shqipëria të ketë mundësinë të organizojë një prej turneve madhore të UEFA-s. Mendoj se kjo është një dëshmi e besimit që kemi te Federata Shqiptare e Futbollit dhe te aftësia e saj për të organizuar turnetë tanë. Kjo është një mundësi e shkëlqyer për të treguar se çfarë ka për të ofruar Shqipëria, çfarë mund të ofrojë sot dhe çfarë do të jetë në gjendje të ofrojë verën e ardhshme”, tha Poisson.

Ai bëri me dije se delegacioni i UEFA-s ka zhvilluar vizita në Shkodër dhe Elbasan, ku janë inspektuar stadiumet pritëse.

“Kemi qenë në Shkodër dhe në Elbasan për të vizituar stadiumet. Tashmë kemi evidentuar të gjitha përmirësimet dhe ndërhyrjet që duhen bërë. Qytetet pritëse i kanë marrë këto informacione dhe raportet përkatëse, ndaj e dinë se çfarë duhet të bëhet. Ne do të rikthehemi në muajin mars. Kjo do të jetë vizita jonë e fundit e punës, për të bërë vlerësimin përfundimtar dhe për të parë nëse impiantet dhe stadiumet janë gati për të pritur turneun”, u shpreh Drejtuesi i Operacioneve në UEFA.

Poisson u ndal edhe te rëndësia e përvojës që një Kampionat Europian U-21 duhet t’u ofrojë tifozëve dhe spektatorëve, duke theksuar rolin e publikut shqiptar në këtë event.

“Një ndeshje futbolli, veçanërisht në kuadër të një Kampionati Evropian U-21, nuk përbëhet vetëm nga 90 minutat e futbollit. Duhet të kemi parasysh të gjithë përvojën e spektatorit, përtej 90 minutave të futbollit.

Mendoj se publiku ka një rol shumë të madh për të luajtur: të jetë i pranishëm, të mbështesë komunitetin, të mbështesë vendin dhe të tregojë se Shqipëria di ta festojë futbollin dhe di t’i japë vëmendjen e merituar yjeve të së ardhmes.

Është një destinacion i mrekullueshëm për të kaluar verën e vitit 2027, ose të paktën periudhën nga 16 qershori deri më 3 korrik, kur turneu do të zhvillohet këtu. Ejani në Shqipëri, blini një biletë për një ndeshje dhe zbuloni këtë vend të bukur”, – përfundoi Guillaume Poisson.

Teuta e nisi më kërkuese dhe provoi disa herë për të gjetur golin. Boçi ishte protagonist në minutat e para, ndërsa në minutën e 31-të Vora pretendoi për penallti. Arbitri Indrit Myrtja e rishikoi episodin në VAR dhe vendosi të mos akordojë 11-metërsh.

Kur dukej se pjesa e parë do të mbyllej pa gola, Teuta goditi në limitet e saj. Në minutën 45+2, Umejiego përfitoi nga aksioni i ndërtuar nga Sherif Kallaku dhe dërgoi topin në rrjetë, duke i dhënë avantazhin vendasve.

Në pjesën e dytë, Vora kërkoi barazimin dhe pati disa mundësi, por Bernandoni shpëtoi Teutën. Në fund, drama u shtua. Në minutën e 88-të u fikën dritat në “Niko Dovana”, ndërsa pak më parë Myrtja kishte akorduar penallti për Teutën.

Pas rikthimit të ndriçimit, Pedro mori përsipër ekzekutimin dhe në minutën 90+5 vulosi fitoren 2-0.

Teuta merr kreun me 10 pikë, ndërsa Vora mbetet me vetëm 3 pikë. /Sport Ekspres/

Tetua merr kështu tre pikët e radhës në “Ahissnet Superiore” dhe udhëheq përkohësisht kampionatin. Trajneri Edlir Tetova i ka rrëmbyer përkohësisht kreun ish-ekipit të tij, Egnatias, teksa prin renditjen me 10 pikë të grumbulluara. Por Egnatia ka në dispozicion një ndeshje më tepër për të zhvilluar./Sport Ekspres/

Ndeshja nisi me ritëm të lartë dhe Dinamo gjeti golin e avantazhit që në minutën e 11-të. Hekuran Berisha përfitoi nga një gabim i Buxhelajt dhe mposhti Qirkon. Partizani reagoi shpejt dhe në minutën e 14-të Aliu barazoi shifrat me një goditje diagonale.

Megjithatë, pjesa e parë i përkiste Dinamos. Hoxhallari shënoi me kokë në minutën e 30-të, ndërsa vetëm katër minuta më vonë Silva-Richards realizoi golin e tretë, duke e çuar rezultatin në 1-3.

Në pjesën e dytë, Partizani u rikthye në lojë. Fadairo shënoi në minutën e 49-të, duke ngushtuar diferencën dhe duke ndezur shpresat e të kuqve për një përmbysje.

Por Dinamo nuk u dorëzua dhe vulosi fitoren në minutën e 78-të, kur Qardaku realizoi golin e katërt. Në fund, 4-2 për blutë, të cilët marrin një fitore të rëndësishme në derbi, ndërsa Partizani mbetet me shumë për të reflektuar pas një ndeshjeje me gjashtë gola. /Sport Ekspres/

Por Kosovës nuk do t’i mungojë vetëm lojtari më i njohur, ai i Napolit, por edhe Edon Zhegrova i Juventusit. Sipas lajmit që raporton Arlind Sadiku, Edon Zhegrova nuk e ka marrë ende ftesën e Kosovës për këto ndeshje dhe ka shumë gjasa, që këtë herë me vendim të dardanëve, Zhegrova të mos jetë pjesë e skuadrës. /Sport Ekspres/

Në kuadër të përgatitjeve për këtë event madhor, një delegacion i UEFA-s ndodhet këto ditë në Shqipëri për një vizitë inspektuese në stadiumet që do të presin ndeshjet e kampionatit.

Vizita synon të vlerësojë nga afër infrastrukturën dhe kushtet e stadiumeve pritëse, si edhe të vijojë koordinimin për përgatitjet që do të nevojiten në prag të turneut.

Delegacioni i UEFA-s kryesohet nga Guillaume Poisson, Shefi i Operacioneve të Turneve të UEFA-s, Njësia e Menaxhimit të Turneve dhe Eventeve.

Gjatë vizitës, delegacioni ka inspektuar stadiumin “Loro Boriçi” në Shkodër dhe “Elbasan Arena” në Elbasan, ndërsa në vijim po zhvillohen inspektimet në dy stadiumet e Tiranës që do të jenë pjesë e turneut.

Stadiumi “Air Albania” ishte ndalesa e radhës e delegacionit të UEFA-s, ndërsa të enjten do të inspektohet edhe “Arena e Demave”, stadiumi i klubit Partizani.

Vizita është pjesë e procesit të përgatitjes dhe koordinimit mes UEFA-s, Federatës Shqiptare të Futbollit dhe strukturave të pushtetit lokal, me synimin për të garantuar që të gjitha aspektet e organizimit të EURO U-21 2027 të përmbushin standardet e kërkuara nga UEFA.

Kampionati Europian U-21 do të jetë një mundësi e rëndësishme për Shqipërinë për të vijuar eksperiencën e saj në organizimin e eventeve të mëdha ndërkombëtare të futbollit, duke sjellë një tjetër dimension të rëndësishëm për zhvillimin e futbollit, promovimin e vendit dhe qyteteve pritëse.

Përgatitjet do të vijojnë gjatë muajve të ardhshëm, në bashkëpunim të ngushtë me UEFA-n, ndërsa stadiumet dhe qytetet pritëse do të jenë në qendër të këtij procesi deri në startin e turneut në vitin 2027.

Në takim ishin të pranishëm edhe Drejtori i Departamentit të Arbitrimit në FSHF, Bernardino González Vázquez, si dhe kryetari i Bashkimit të Arbitrave Shqiptarë të Futbollit, Tahir Kastrati.

Në fjalën e tij, Presidenti Duka theksoi rolin qendror që arbitri ka në zhvillimin e një ndeshjeje, duke nënvizuar përgjegjësinë që mbart trupa e arbitrimit për të garantuar mbarëvajtjen e lojës dhe respektimin e rregullave.

“Unë nuk marr përsipër të bëj leksione teknike se si arbitrohet, por të paktën një gjë e di dhe duhet ta dinë dhe të bindemi të gjithë, ai që komandon lojën është arbitri në fushë. Përgjegjësinë për çdo gabim që ndodh e ka arbitri në fushë. Të gjithë të tjerët janë aksesorë për ta ndihmuar arbitrin kryesor.

Nuk ka lidhje se në cilën kategori arbitroni, ndeshja është ndeshje, është përballje, është garë, është edukim, si në kategorinë superiore, si në nivelin amator, ti duhet të bësh maksimumin”, – tha kreu i qeverisë së futbollit.

Presidenti Duka u ndal gjithashtu te rëndësia e njohjes dhe zbatimit korrekt të rregullave të reja, si edhe te nevoja që e gjithë trupa e arbitrimit të funksionojë si një skuadër, në bashkëpunim me strukturat drejtuese të arbitrimit.

“Duke qenë në këtë fillim kampionati, doja t’ju rikujtoja rregullat e reja që janë futur. Nuk mund t’i nënvlerësoni ata. Një rregull i parespektuar, është më i keq se sa një rregull i pa vënë. Është shumë e rëndësishme që të respektohen dhe të mësohen nga të gjithë.

Sukseset e Benardinos varen gjithmonë nga dëshira dhe mbështetja. Në radhë të parë e Komitetit të Arbitrimit, në radhë të dytë nga juve arbitrat, e gjithë trupa e arbitrimit në futbollin shqiptar. Në fund të fundit edhe kjo është një skuadër, njësoj si skuadrat e futbollit, nëse nuk funksionon si një skuadër, suksesi është shumë i vështirë për t’u arritur, pothuajse i pamundur”, – u shpreh Presidenti Duka.

Në vijim, ai theksoi se standardet dhe përgjegjësia duhet të jenë të njëjta në çdo kategori, ndërsa paralajmëroi se shkeljet disiplinore do të trajtohen në përputhje me rregulloret përkatëse.

“Dënime publike nuk do të ketë për arsye teknike, përveç atyre disiplinore siç e parashikon rregullorja, por ama pezullime afatgjatë apo përgjithmonë padyshim do të ketë, sepse ai që e bën nuk ka pse ta vuajnë të gjithë.

Uroj që të kemi një edicion sa më të mbarë. Një edicion me lojëra të bukura, me spektakël, me sa më pak apo hiç gabime”, – tha ndër të tjera në fjalën e tij Presidenti i FSHF.

Bardheblutë e nisën më mirë takimin dhe kaluan në avantazh në minutën e 18-të. Basilio Ndong përfitoi nga një aksion i mirë i Tiranës dhe dërgoi topin në rrjetë, duke i dhënë skuadrës së Dean Klafuriç epërsinë.

Më herët, në minutën e katërt, Tirana fitoi një penallti, por pas rishikimit në VAR arbitri Andi Koçi ndryshoi vendimin dhe sfida vazhdoi pa 11-metërsh.

Skënderbeu u rikthye fuqishëm në pjesën e dytë dhe në minutën e 73-të gjeti golin e barazimit me Musa. Korçarët patën më pas mundësi për të përmbysur rezultatin.

Në minutën e 82-të, Tirana mbeti me 10 lojtarë, pasi Colley u ndëshkua me karton të kuq pas ndërhyrjes së VAR-it. Pavarësisht inferioritetit numerik, bardheblutë rezistuan deri në fund. Në minutën e 89-të, Skënderbeu ishte pranë golit të fitores, por goditja e Bismark u ndal në shtyllë.

Në fund, 1-1. Tirana shkon në 4 pikë pas katër javësh, ndërsa Skënderbeu mbetet me 2 pikë në fund të tabelës. /Sport Ekspres/

Në ceremoninë e inaugurimit mori pjesë Presidenti i FSHF-së, Armand Duka, së bashku me drejtues të klubit Teuta, trajnerë, futbollistë e futbolliste të akademisë, si edhe prindër dhe të apasionuar të futbollit. Fusha e re do të jetë në shërbim të ekipeve të klubit dhe veçanërisht të fëmijëve e të rinjve që ushtrojnë aktivitetin sportiv pranë akademisë së Teutës.

Gjatë ceremonisë, Presidenti i FSHF-së, Armand Duka, vlerësoi rëndësinë e këtij investimi për akademinë e Teutës dhe theksoi se infrastruktura është një element i rëndësishëm për të krijuar më shumë mundësi për fëmijët që zgjedhin futbollin.

“Është vërtetë një kënaqësi shumë e veçantë për mua që jam këtu mes futbollisteve dhe futbollistëve të akademisë Teuta, mes trajnerëve, drejtuesve të klubit Teuta, prindërit që ndjekin futbollin dhe sidomos në këtë fushë të re të shtuar për akademinë.

Në bashkëpunim me klubin ne po përfundojmë një fushë në Plepa për ekipin e parë, gjithashtu një fushë tjetër ku do të jenë fëmijët e zonave përreth në Katund të Ri që ju të stërviteni sa më mirë dhe ta shijoni sa më shumë futbollin.

Teuta është një klub i rëndësishëm, është një klub me histori, një klub me shumë kontribute për futbollin shqiptar, i cili i ka dhënë edhe futbollistë ekipit Kombëtar, së fundmi edhe futbolliste ekipit Kombëtar dhe kjo është vërtetë një kënaqësi akoma më e madhe që numri i vajzave në akademi është shtuar dhe ky është një nga prioritetet tona. Është kënaqësi gjithashtu që edhe vajzat profesioniste konkurrojnë me dinjitet në kategorinë superiore”, – u shpreh Presidenti Duka.

Presidenti Duka u ndal edhe te rëndësia që ka kjo hapësirë e re për fëmijët dhe të rinjtë e akademisë, duke i inkurajuar ata që ta shfrytëzojnë fushën për të zhvilluar talentin e tyre, por edhe për të shijuar futbollin.

“Unë dua t’i falënderoj shumë drejtuesit e klubit, por edhe vajzat që sakrifikojnë. Dua t’ju falënderoj shumë që jeni këtu sot. Uroj që kjo fushë të jetë gjithmonë e më plot me ju, me fëmijë sepse nëpërmjet jush ne sigurojmë të ardhmen e futbollit në qytetin tonë të Durrësit, por edhe në Shqipëri. Ta mbushni këtë fushë me energjinë tuaj pozitive, me buzëqeshje tuaj dhe të realizoni ëndrrat tuaj.

Ju falënderoj shumë dhe ju uroj shumë suksese. Uroj që t’i realizoni ëndrrat e juaja dhe duke qenë në prag të fillimit të shkollës ju uroj dhe vit të mbarë shkollor, paralelisht me futbollin dhe shkollën të rriteni dhe edukoheni sa më mirë.

Veçanërisht falënderoj edhe drejtuesit e futbollit të klubit Teuta, për bashkëpunimin, ndërtimin e fushës, organizimin dhe për gjithçka. Sukses të gjithë fëmijëve dhe klubit të Teutës”, – përfundoi Presidenti Duka.

Kjo nismë vjen në vazhdën e angazhimit të vazhdueshëm të FSHF-së për të qenë pranë Fshatit SOS, duke e shtrirë kontributin përtej fushës së sportit dhe duke mbështetur edhe iniciativa që lidhen drejtpërdrejt me edukimin dhe zhvillimin e fëmijëve.

Në aktivitet ishte e pranishme anëtarja e Komitetit Ekzekutiv të FSHF-së, Anila Basha, e cila u shpreh se ky kontribut, edhe pse modest në pamje të parë, përcjell një mesazh të rëndësishëm për fëmijët dhe brezat që do të vijnë.

“Ky kontribut i Federatës Shqiptare të Futbollit, edhe pse duket në pamje të parë modest, ka të bëjë me mesazhin për fëmijët dhe brezat që do të vijnë.

Ju do të nisni një rrugë shumë të rëndësishme, që është rruga e dijes, dhe ne gjithmonë përpiqemi që këtë rrugë të dijes ta shoqërojmë edhe me sportin, për çdo lloj sporti ku na mësohen kurajoja, disiplina, ndershmëria, të qenët bashkë, puna në grup, në ekip, pavarësisht të gjitha vlerave individuale që ka secili prej fëmijëve”, u shpreh Anila Basha.

Zampolli ndodhet në Tiranë në kuadër të një vizite gjatë së cilës ka zhvilluar takime me përfaqësues të institucioneve shtetërore, politikës dhe aktorë të ndryshëm në Shqipëri.

Gjatë takimit me Presidentin Duka, diskutimi u përqendrua te roli që sporti dhe veçanërisht futbolli mund të luajnë në diplomacinë sportive, në forcimin e marrëdhënieve ndërkombëtare dhe në promovimin e imazhit të një vendi në arenën globale.

Presidenti Duka e njohu të dërguarin special me zhvillimin e futbollit shqiptar gjatë viteve të fundit, transformimin e infrastrukturës sportive, rritjen e standardeve të organizimit dhe përfaqësimin gjithnjë e më të rëndësishëm të Shqipërisë në kompeticionet dhe strukturat ndërkombëtare të futbollit.

Në këtë kontekst, u diskutua edhe rëndësia që ka përfaqësimi i Shqipërisë në institucionet drejtuese të futbollit europian dhe botëror. Presidenti Armand Duka është një prej drejtuesve shqiptarë me përfaqësim të rëndësishëm në këto struktura, në detyrën e Zv. Presidentit të UEFA-s, si anëtar i Komitetit Ekzekutiv të UEFA-s, si edhe në FIFA, ku është anëtar i Komitetit të Federatave Anëtare.

“Ka dy shembuj se si rritet interesi. Anglia në vitin ’93. Anglia ishte “për faqe të zezë”. Futbolli ishte sporti i alabakëve. Në stadiume shkonin vetëm njerëz problematikë deri në fundin e viteve 80. Aq sa klubet angleze ishin të dënuara për vite të tëra për të mos marrë pjesë në Kupat e Europës. Si e edukuan ata tifozin? Ata bënë tre gjëra. E para, e futën futbollin edhe në gjërat sportive. Nëse marrim një paralelizëm: e futën në emisionet e mëngjesit, në emisionet e drekës, në “Big Brother”, e futën edhe në gazetat josportive. Pra, e bënë sportin një gjë më popullore. Nuk e izoluan sportin, siç e kanë izoluar këtu. E dyta, ribënë stadiumet nga e para dhe rritën çmimet e biletave për të afruar njerëz me një cilësi më të lartë në stadium. Dhe e treta, e bënë atë ndërkombëtar”, ka thënë Gjergji Stefa./Sport Ekspres/

“Partizani vet në pjesën e akademisë ka një potencial shumë të madh. Këtij trajnerit i kam vendosur një epitet, Bruti. Sepse i ka bërë shumë keq këto tre ndeshje. Bruti është diçka e keqe, beterr. Nuk është puna se fitoi, puna është se çfarë futbolli bën. Presidenti dhe ai klubi investon. Ti ke një akademi që ka lojtarë shumë të mirë. Partizani merr një trajner që atje ku ka qenë, me sa kam informacion, ka rënë ekipi. Vjen edhe thotë: ‘Unë bëra eksperiment’. Nuk mund të bësh eksperiment. Ke një fazë përgatitore, ke edhe ata lojtarë, që janë shumë të mirë”, është shprehur Roland Çelmeta./Sport Ekspres/

“Ka një statistikë të INSTAT-it që thotë se shqiptarët janë populli me ‘social netëork’-dashës në Europë. Që do të thotë se 95% e shqiptarëve mbi 16-vjeç përdorin rrjetet sociale në mënyrë sistematike. Madje 65% e bizneseve e kanë përqendruar strategjinë e tyre të marketingut në Shqipëri në rrjetet sociale. Janë miliarda euro që biznese të mëdha apo të vogla shpenzojnë për të promovuar produktet e tyre.

Problemi është që futbolli dhe klubet e futbollit nuk janë as në nivelin e një dyqani celularësh në strategjinë e marketingut. Nuk janë, me gjithë respektin. Se me agjensitë imobiliare, me agjensitë e marketingut, me telekomunikacionin nuk krahasohen fare. Edhe një dyqan celularësh, me gjithë respektin që kam për dyqanët e celularëve, i konkuron klubet e futbollit për marketing dhe për menaxhim. Përveçse nuk e përdorin rrjetin social, nuk përdorin as marketingun ‘offline’, i cili është rikthyer shumë në modë jashtë shtetit”, ka thënë Gjergji Stefa./Sport Ekspres/

Verdheblutë kaluan të parët në epërsi me anë të Nikajt. Ky i fundit tundi rrjetën në minutën e 25, por vetëm 12 minuta më vonë Berisha riktheu baraspeshën. Ndërkohë, kur kronometri po numëronte minutën e 65 Lorenco Vila përmbysi rezultatin në atë përfundimtar 2-1.

Me këtë fitore Dinamo ka shkuar në kuotën e 6 pikëve dhe renditet në vendin e 3-të në tabelën e klasifikimit./Sport Ekspres/

Skuadra e drejtuar nga Dean Klafuriç e nisi takimin me ritëm të lartë dhe shumë shpejt gjeti golin e avantazhit. Në minutën e 14-të ishte Tomislav Kiš ai që zhbllokoi sfidën, duke i dhënë Tiranës qetësinë e nevojshme. Bardheblutë nuk u ndalën dhe në minutën e 36-të dyfishuan rezultatin me Redon Xhixhën.

Në pjesën e dytë, Tirana vijoi dominimin dhe vulosi përfundimisht suksesin. Drilon Hazrollaj shënoi golin e tretë në minutën e 51-të, ndërsa në fund të takimit realizoi edhe golin e tij të dytë personal, duke kompletuar “pokerin” e bardhebluve.

Ky triumf ka një rëndësi të veçantë për Klafuriç, pasi është fitorja e tij e parë në stolin e Tiranës. Me tre pikët e marra, bardheblutë ngjiten në kuotën e 3 pikëve dhe marrin frymë pas startit negativ të kampionatit. /Sport Ekspres/

]]> https://sportekspres.com/presidenti-duka-projekti-i-fshf-per-ndertimin-e-dy-fushave-ne-luginen-e-presheves-nje-detyre-morale-per-femijet-shqiptare/ Sun, 06 Sep 2026 11:39:06 +0000 https://sportekspres.com/?p=476046 Federata Shqiptare e Futbollit vijon angazhimin për mbështetjen e fëmijëve dhe të rinjve shqiptarë në Luginën e Preshevës, përmes projektit për ndërtimin e dy fushave moderne të futbollit, një në Komunën e Preshevës dhe një në Komunën e Bujanocit.

Kjo nismë vjen në vijim të bashkëpunimit që FSHF ka ndërtuar prej vitesh me komunitetin e futbollit në Luginë, duke e mbështetur atë me materiale sportive, uniforma dhe aktivitete të ndryshme për fëmijët. Një prej këtyre aktiviteteve ishte edhe turneu i organizuar vitin e kaluar, ku morën pjesë futbollistë të vegjël nga Lugina e Preshevës dhe diaspora e saj.

Gjatë kontakteve të vazhdueshme me komunitetin e futbollit dhe përfaqësuesit e dy komunave, u evidentua nevoja për përmirësimin e infrastrukturës sportive dhe krijimin e kushteve më të përshtatshme për fëmijët dhe të rinjtë që duan të merren me futboll.

Pikërisht nga kjo nevojë lindi projekti për ndërtimin e dy fushave moderne, i cili tashmë është në fazën e përgatitjeve për realizim.

Në një prononcim për FSHF.org, Presidenti i Federatës Shqiptare të Futbollit, Armand Duka, thekson se kjo nismë shkon përtej ndërtimit të dy fushave sportive. Sipas tij, projekti synon t’u krijojë fëmijëve shqiptarë në Luginën e Preshevës më shumë mundësi për t’u marrë me futboll dhe për të zhvilluar talentin e tyre.

“Federata e Futbollit ka marrë një iniciativë për të ndërtuar dy fusha në Luginën e Preshevës, një në Bujanoc dhe një në Komunën e Preshevës. Kjo iniciativë nuk lindi sot, pasi bashkëpunimi dhe mbështetja jonë për fëmijët në Luginën e Preshevës kanë filluar prej vitesh, duke i mbështetur me materiale sportive dhe uniforma. Vitin e fundit organizuam edhe një turne me futbollistë të vegjël nga Lugina dhe nga diaspora e Luginës.

Gjatë diskutimeve me komunitetin e futbollit dhe komunat e Preshevës dhe Bujanocit, pamë se infrastruktura sportive ishte vërtet në nivele të padëshirueshme. Për këtë arsye, vendosëm në Komitetin Ekzekutiv që t’i mbështesim me ndërtimin e një fushe, por më vonë ky vendim u ndryshua dhe ne vendosëm ta zgjerojmë projektin”, – shprehet Presidenti Duka.

Zgjerimi i projektit në dy fusha solli edhe nevojën për një mbështetje më të gjerë financiare. Për këtë arsye, FSHF u është drejtuar bizneseve dhe donatorëve për t’u bërë pjesë e kësaj nisme dhe për të kontribuar në realizimin e saj.

Presidenti Duka falënderon bizneset që i janë bashkuar tashmë projektit, mes tyre edhe familjen Türker, e cila është bërë donatori i parë, ndërsa vlerëson gjithashtu bashkëpunimin me komunat dhe mbështetjen e komunitetit në Luginën e Preshevës.

“Ta zgjerojmë projektin, por nga ana tjetër ky projekt kërkon edhe financa. Për këtë ne iu drejtuam edhe bizneseve që të na mbështesin në iniciativën tonë, sepse për buxhetin tonë është vërtet një gjë që na rëndon shumë. Disa nga bizneset na janë përgjigjur pozitivisht për ta mbështetur projektin dhe për ta finalizuar atë.

Unë dua t’i falënderoj ato biznese që na kanë mbështetur. Në të ardhmen do të zhvillojmë aktivitete, promovime apo edhe inaugurimin e fillimit dhe përfundimit të punimeve bashkë me to. Dua të falënderoj edhe komunat për bashkëpunimin dhe të gjithë ata që kanë mbështetur këtë projekt nga Lugina e Preshevës.

Kjo nuk është vërtet një detyrë institucionale e Federatës, sepse ne duhet të organizojmë dhe të mbështesim futbollin brenda kufijve shtetërorë shqiptarë. Por është një detyrë morale e jona për shqiptarët që jetojnë jashtë kufijve tanë. Në fund të fundit, e kemi një obligim moral që t’i ndihmojmë ata për të qenë sa më shumë afër futbollit”, – tha Presidenti Duka.

Projekti i FSHF-së synon kështu të krijojë kushte më të mira për zhvillimin e futbollit të moshave në Preshevë dhe Bujanoc, duke u dhënë fëmijëve dhe të rinjve më shumë hapësira për të ushtruar sportin dhe për të ndjekur ëndrrat e tyre përmes futbollit.

Për realizimin e projektit, FSHF do të financojë ndërtimin e bazamentit, vendosjen e tapetit sintetik sipas standardeve të FIFA-s dhe pajisjen e fushave me porta, ndërsa komunat do të mbulojnë ndërtimin e ambienteve të zhveshjeve dhe hapësirave mbështetëse.

Federata Shqiptare e Futbollit vijon ndërkohë ftesën e hapur për bizneset, donatorët dhe të gjithë ata që dëshirojnë të kontribuojnë në këtë nismë, e cila synon t’i japë një mundësi më shumë fëmijëve shqiptarë në Luginën e Preshevës për të luajtur, për t’u zhvilluar dhe për të qenë sa më pranë futbollit.

Goli i parë u shënua nga Fadairo në minutën e 4 te Partizani, ndërsa autogoli i Vatas ktheu baraspeshën në të 21. Para mbylljes së pjesës së parë ishte Alliu që nuk gaboi para zone, duke ndëshkuar sërish Vllazninë.

Për shkodranët barazoi Musta në të 57 pas një gabimi të portierit të Partizanit, ndërsa në fundin e takimit, nga penalltia, Human shënoi edhe golin e 3 të takimit. /Sport Ekspres/

Kallaku zhbllokoi sfidën në minutën e 9-të nga pika e bardhë, pas një penalltie të fituar nga Toli. Vetëm tre minuta më vonë, Wotlai shënoi golin e dytë, në një aksion që u shoqërua me protesta nga lojtarët e Laçit, të cilët pretenduan për faull në sulm.

Kurbinasit patën mundësi të riktheheshin në lojë, por Bernardoni u shndërrua në protagonist duke pritur një penallti të Bibo-s në fundin e pjesës së parë.

Në fraksionin e dytë, Laçi ngushtoi diferencën me një supergol të Bibo-s nga distanca në minutën e 64-t. Megjithatë, kurbinasit nuk arritën të barazonin. Në minutën e 90-të, Alves Correia vulosi fitoren e Teutës me golin e tretë.

Me këtë sukses, skuadra e Edlir Tetovës shkon në kuotën e 7 pikëve pas tri javësh, vetëm dy pikë pas Egnatias kryesuese. /Elio Hajdari-Sport Ekspres/

Kampionët në fuqi e nisën ndeshjen në mënyrën më të mirë të mundshme. Në minutën e 14-të, Alessandro Albanese zhbllokoi takimin, duke i dhënë avantazhin skuadrës së Nevil Dedes.

Skënderbeu reagoi dhe në minutën e 34-t arriti të barazojë. Saleh Nasr u tregua i saktë nga pika e bardhë, duke rikthyer ekuilibrin në “Arena Egnatia”.

Në pjesën e dytë, Egnatia rriti presionin dhe kërkoi me ngulm golin e fitores. Shpërblimi erdhi në minutën e 84-t, kur Karim Loukili dërgoi topin në rrjetë dhe i dha avantazhin përfundimtar rrogozhinasve.

Në fund, Egnatia festoi fitoren 2-1 dhe regjistroi tri fitore në tri javët e para, duke grumbulluar 9 pikë dhe duke qëndruar në krye të renditjes. Skënderbeu, ndërkohë, mbetet me vetëm 1 pikë. /Elio Hajdari-Sport Ekspres/

Egnatia e ka nisur sezonin e ri në mënyrë pozitive, duke regjistruar dy fitore në dy javët e para të kampionatit, ndaj Tiranës dhe Vorës. Me gjashtë pikë të grumbulluara, skuadra rrogozhinase është në krye të renditjes pas dy javëve të para.

Çmimi “Trajneri i Muajit” iu dorëzua Nevil Dedes në ambientet e FSHF TV nga Drejtori i Departamentit të Skautizmit në FSHF, Tefik Osmani.

Në një prononcim për fshf.org, Dede u shpreh se çdo vlerësim personal është meritë e skuadrës dhe klubit, ndërsa vlerësoi startin pozitiv të Egnatias në kampionat.

“Gjithmonë çdo trofe personal që do të fitoj i takon vetëm djemve dhe klubit. Jam falënderues gjithmonë për djemtë dhe për mbështetjen maksimale të klubit.

Përsa i përket kampionatit, i uroj të gjithë kolegët dhe kundërshtarët tanë në garë një sezon sa më të mbarë. Mendoj që për ne ka filluar mirë, pavarësisht se kemi pasur ngarkesën e ndeshjeve europiane, por në fund fare, edhe me djemtë dhe me rotacionet që kemi bërë, ia kemi dalë. Realisht me vështirësi, sepse edhe ndeshja e fundit tregoi që ky kampionat do të jetë i fortë dhe shumë i luftuar”, – tha Dede.

Tekniku i Egnatias u ndal edhe te arritja e objektivit historik, sigurimi i fazës së Ligës në Conference League, duke theksuar rëndësinë e rritjes së vazhdueshme të cilësisë dhe të një mentaliteti të përbashkët për zhvillimin e futbollit shqiptar.

“Shpresoj që cilësia të jetë gjithmonë në rritje. Siç ne bëmë hapa të mëdhenj në Europë për të gjithë objektivat e klubit tonë, por edhe të futbollit shqiptar, shpresoj që edhe klubet e tjera të vazhdojnë me të njëjtin mentalitet, por mbi të gjitha ta kuptojnë që ne po bëjmë hapa të mëdhenj përpara.

Këtë duhet ta tregojmë në fushë dhe, në fund fare, një thirrje për të gjithë tifozët: të mundohemi t’i argëtojmë sa më shumë, që ata të vijnë të na mbështesin në numër sa më të madh. Besoj që ky vit është sfidë e madhe për të mbushur shkallët e stadiumit. Unë kështu e shoh, është mendim personal”, – përfundoi Nevil Dede.

E gjithë vëmendja jonë është padyshim tek Egnatia dhe sipas parashikimit të këtij superkompjuteri, Egnatia do të marrë vendin e 26 në renditje nga 36 ekipe që janë në total. Parashikimi në fjalë tregon se Egnatia do ta mbyll grupin me 2 fitore dhe 4 humbje, duke grumbulluar në total 6 pikë. Dhe po sipas tij, Egnatian do ta ndante nga kalimi i grupit vetëm 1 pikë. /Sport Ekspres/

? UEFA Conference League: single-outcome projected table

Instead of averaging thousands of simulations, this table plays out every remaining league-phase match only ONCE.

How each match is resolved:

? The favourite wins, with its most likely scoreline for goal difference… pic.twitter.com/Uu8M4wM00w

— Football Meets Data (@fmeetsdata) September 3, 2026

Gjatë vizitës, përfaqësuesit e FSHF-së u njohën nga afër me ecurinë e punimeve dhe ndërhyrjet e realizuara deri më tani për ta bërë fushën të gatshme për organizimin e ndeshjeve zyrtare.

Në impiant janë rikonstruktuar dhomat e zhveshjes, është sistemuar rrethimi i brendshëm i fushës dhe janë përmirësuar pankinat e ekipeve. Paralelisht, po punohet për finalizimin e elementëve të tjerë të nevojshëm për zhvillimin dhe organizimin e ndeshjeve sipas kërkesave të kampionatit.

Një nga ndërhyrjet kryesore që po realizohet aktualisht është vendosja e kullave të transmetimit, të cilat do të krijojnë kushtet e nevojshme teknike për mbulimin televiziv dhe monitorimin e ndeshjeve me sistemin VAR, që do të aplikohet edhe në Kategorinë e Parë gjatë këtij sezoni.

Ka përfunduar ndërkohë vendosja e stolave për spektatorët si edhe rrethimi i jashtëm i kompleksit. Me përfundimin e këtyre ndërhyrjeve plotësohen kushtet e nevojshme infrastrukturore, teknike dhe organizative për zhvillimin e ndeshjeve.

FSHF po ndjek nga afër procesin teksa impianti do të jetë gati në kohë për ndeshjet e Besës në Kategorinë e Parë dhe të ofrojë kushte sa më të përshtatshme për ekipet, zyrtarët e ndeshjes, transmetimin televiziv dhe tifozët.

Përshtatja e fushës së Akademisë së Besës është pjesë e punës së vazhdueshme për përmirësimin e kushteve në impiantet ku zhvillohen garat kombëtare dhe për rritjen e standardeve organizative e infrastrukturore të futbollit shqiptar.

Java e parë do të startojë të shtunën, më 5 shtator, me tri ndeshje që do të luhen në orën 16:00. Iliria – Pogradeci, Kukësi – Besëlidhja dhe Bylis – Sopoti do të jenë sfidat që do të hapin zyrtarisht sezonin e ri të kampionatit.

Të dielën, më 6 shtator, do të zhvillohen edhe tri përballjet e tjera të javës së parë. Në orën 16:00 do të zbresin në fushë Korabi – Oriku, Besa – Flamurtari dhe Burreli – Kastrioti, duke kompletuar programin e javës së parë

Një sezon i ri nis me objektiva të mëdha për të gjitha skuadrat, në një kampionat ku çdo javë sjell përballje të forta dhe garë të hapur për pikët.

Java 1

Iliria – Pogradeci, 05.09.2026, 16:00

Kukësi – Besëlidhja , 05.09.2026, 16:00

Bylis – Sopoti, 05.09.2026, 16:00

Korabi – Oriku, 06.09.2026, 16:00

Besa – Flamurtari, 06.09.2026, 16:00

Burreli – Kastrioti, 06.09.2026, 16:00