Kampionët në fuqi e nisën ndeshjen në mënyrën më të mirë të mundshme. Në minutën e 14-të, Alessandro Albanese zhbllokoi takimin, duke i dhënë avantazhin skuadrës së Nevil Dedes.

Skënderbeu reagoi dhe në minutën e 34-t arriti të barazojë. Saleh Nasr u tregua i saktë nga pika e bardhë, duke rikthyer ekuilibrin në “Arena Egnatia”.

Në pjesën e dytë, Egnatia rriti presionin dhe kërkoi me ngulm golin e fitores. Shpërblimi erdhi në minutën e 84-t, kur Karim Loukili dërgoi topin në rrjetë dhe i dha avantazhin përfundimtar rrogozhinasve.

Në fund, Egnatia festoi fitoren 2-1 dhe regjistroi tri fitore në tri javët e para, duke grumbulluar 9 pikë dhe duke qëndruar në krye të renditjes. Skënderbeu, ndërkohë, mbetet me vetëm 1 pikë. /Elio Hajdari-Sport Ekspres/

Egnatia e ka nisur sezonin e ri në mënyrë pozitive, duke regjistruar dy fitore në dy javët e para të kampionatit, ndaj Tiranës dhe Vorës. Me gjashtë pikë të grumbulluara, skuadra rrogozhinase është në krye të renditjes pas dy javëve të para.

Çmimi “Trajneri i Muajit” iu dorëzua Nevil Dedes në ambientet e FSHF TV nga Drejtori i Departamentit të Skautizmit në FSHF, Tefik Osmani.

Në një prononcim për fshf.org, Dede u shpreh se çdo vlerësim personal është meritë e skuadrës dhe klubit, ndërsa vlerësoi startin pozitiv të Egnatias në kampionat.

“Gjithmonë çdo trofe personal që do të fitoj i takon vetëm djemve dhe klubit. Jam falënderues gjithmonë për djemtë dhe për mbështetjen maksimale të klubit.

Përsa i përket kampionatit, i uroj të gjithë kolegët dhe kundërshtarët tanë në garë një sezon sa më të mbarë. Mendoj që për ne ka filluar mirë, pavarësisht se kemi pasur ngarkesën e ndeshjeve europiane, por në fund fare, edhe me djemtë dhe me rotacionet që kemi bërë, ia kemi dalë. Realisht me vështirësi, sepse edhe ndeshja e fundit tregoi që ky kampionat do të jetë i fortë dhe shumë i luftuar”, – tha Dede.

Tekniku i Egnatias u ndal edhe te arritja e objektivit historik, sigurimi i fazës së Ligës në Conference League, duke theksuar rëndësinë e rritjes së vazhdueshme të cilësisë dhe të një mentaliteti të përbashkët për zhvillimin e futbollit shqiptar.

“Shpresoj që cilësia të jetë gjithmonë në rritje. Siç ne bëmë hapa të mëdhenj në Europë për të gjithë objektivat e klubit tonë, por edhe të futbollit shqiptar, shpresoj që edhe klubet e tjera të vazhdojnë me të njëjtin mentalitet, por mbi të gjitha ta kuptojnë që ne po bëjmë hapa të mëdhenj përpara.

Këtë duhet ta tregojmë në fushë dhe, në fund fare, një thirrje për të gjithë tifozët: të mundohemi t’i argëtojmë sa më shumë, që ata të vijnë të na mbështesin në numër sa më të madh. Besoj që ky vit është sfidë e madhe për të mbushur shkallët e stadiumit. Unë kështu e shoh, është mendim personal”, – përfundoi Nevil Dede.

E gjithë vëmendja jonë është padyshim tek Egnatia dhe sipas parashikimit të këtij superkompjuteri, Egnatia do të marrë vendin e 26 në renditje nga 36 ekipe që janë në total. Parashikimi në fjalë tregon se Egnatia do ta mbyll grupin me 2 fitore dhe 4 humbje, duke grumbulluar në total 6 pikë. Dhe po sipas tij, Egnatian do ta ndante nga kalimi i grupit vetëm 1 pikë. /Sport Ekspres/

? UEFA Conference League: single-outcome projected table

Instead of averaging thousands of simulations, this table plays out every remaining league-phase match only ONCE.

How each match is resolved:

? The favourite wins, with its most likely scoreline for goal difference… pic.twitter.com/Uu8M4wM00w

— Football Meets Data (@fmeetsdata) September 3, 2026

Gjatë vizitës, përfaqësuesit e FSHF-së u njohën nga afër me ecurinë e punimeve dhe ndërhyrjet e realizuara deri më tani për ta bërë fushën të gatshme për organizimin e ndeshjeve zyrtare.

Në impiant janë rikonstruktuar dhomat e zhveshjes, është sistemuar rrethimi i brendshëm i fushës dhe janë përmirësuar pankinat e ekipeve. Paralelisht, po punohet për finalizimin e elementëve të tjerë të nevojshëm për zhvillimin dhe organizimin e ndeshjeve sipas kërkesave të kampionatit.

Një nga ndërhyrjet kryesore që po realizohet aktualisht është vendosja e kullave të transmetimit, të cilat do të krijojnë kushtet e nevojshme teknike për mbulimin televiziv dhe monitorimin e ndeshjeve me sistemin VAR, që do të aplikohet edhe në Kategorinë e Parë gjatë këtij sezoni.

Ka përfunduar ndërkohë vendosja e stolave për spektatorët si edhe rrethimi i jashtëm i kompleksit. Me përfundimin e këtyre ndërhyrjeve plotësohen kushtet e nevojshme infrastrukturore, teknike dhe organizative për zhvillimin e ndeshjeve.

FSHF po ndjek nga afër procesin teksa impianti do të jetë gati në kohë për ndeshjet e Besës në Kategorinë e Parë dhe të ofrojë kushte sa më të përshtatshme për ekipet, zyrtarët e ndeshjes, transmetimin televiziv dhe tifozët.

Përshtatja e fushës së Akademisë së Besës është pjesë e punës së vazhdueshme për përmirësimin e kushteve në impiantet ku zhvillohen garat kombëtare dhe për rritjen e standardeve organizative e infrastrukturore të futbollit shqiptar.

Java e parë do të startojë të shtunën, më 5 shtator, me tri ndeshje që do të luhen në orën 16:00. Iliria – Pogradeci, Kukësi – Besëlidhja dhe Bylis – Sopoti do të jenë sfidat që do të hapin zyrtarisht sezonin e ri të kampionatit.

Të dielën, më 6 shtator, do të zhvillohen edhe tri përballjet e tjera të javës së parë. Në orën 16:00 do të zbresin në fushë Korabi – Oriku, Besa – Flamurtari dhe Burreli – Kastrioti, duke kompletuar programin e javës së parë

Një sezon i ri nis me objektiva të mëdha për të gjitha skuadrat, në një kampionat ku çdo javë sjell përballje të forta dhe garë të hapur për pikët.

Java 1

Iliria – Pogradeci, 05.09.2026, 16:00

Kukësi – Besëlidhja , 05.09.2026, 16:00

Bylis – Sopoti, 05.09.2026, 16:00

Korabi – Oriku, 06.09.2026, 16:00

Besa – Flamurtari, 06.09.2026, 16:00

Burreli – Kastrioti, 06.09.2026, 16:00

1. AF Elbasani, për mospërmbushje të përgjegjësive lidhur me rendin dhe sigurinë, për incidentet e ndodhura pas përfundimit të ndeshjes, si brenda ashtu edhe në afërsi të stadiumit, në bazë të neneve 8/1 dhe 17/1 të KDE, dënohet me gjobë në masën 100.000 (njëqind mijë) lekë.
2. Zyrtari i KF Vllaznia, Alban Xhaferi, për sulm ndaj zyrtarëve të ndeshjes, në bazë të nenit 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë.

Në zbatim të nenit 6/2/c të KDE, zyrtarit i ndalohet hyrja në të gjitha stadiumet gjatë zhvillimit të veprimtarive sportive të organizuara nga FSHF, deri në përfundimin e dënimit.

3. Zyrtari i KF Vllaznia, Edi Martini, për shkelje të rregullave themelore të sjelljes së mirë dhe sjellje josportive ndaj zyrtarëve të ndeshjes, në bazë të neneve 13/2 dhe 14/1/j të KDE dënohet me 6 (gjashtë) ndeshje pezullim nga veprimtaritë.
4. Zyrtari i KF Vllaznia, Elis Dervishaj, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga veprimtaritë.
5. Zyrtari i FC Dinamo City, Ilir Daja, për protestë ndaj vendimeve të zyrtarëve të ndeshjes, në bazë të nenit 14/1/c të KDE, dënohet me 2 (dy) ndeshje pezullim nga veprimtaritë.
6. Pranimin e kërkesës së lojtarit të FK Partizani, Human Lancaster Rowan, për konvertimin e pjesës së mbetur të dënimit, bazuar në nenin 75 të Kodit të Disiplinës dhe Etikës.
7. Rrëzimin e kërkesës së Klubit të Futbollit Delvina, në lidhje me faljen e dënimit për zhvillimin e ndeshjeve pa spektatorë, si të pabazuar në Kodin e Disiplinës dhe Etikës.
8. Rrëzimin e kërkesës së lojtarit të KF Iliria, Brajan Selmani, si të pabazuar në Kodin e Disiplinës dhe Etikës.
9. Rrëzimin e kërkesës së lojtarit të KF Oriku, Bruno Telushi, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit.

Edicioni i ri i Kategorisë së Parë 2026–2027 nis të shtunën e 5 shtatorit. Një edicion ndryshe ky i këtij viti, që synon të rrisë garën dhe të krijojë më shumë mundësi për skuadrat pjesëmarrëse për të siguruar ngjitjen në Abissnet Superiore.

Kampionati do të zhvillohet në 3 faza, me një total prej 33 javësh, duke garantuar një sezon intensiv për të gjitha ekipet.

Risia e këtij edicioni lidhet me garën për ngjitjen në elitë. Dy skuadrat e renditura në dy vendet e para do të sigurojnë direkt ngjitjen në “Abissnet Superiore” për sezonin e ardhshëm.

Ndërkohë, ekipi i tretë që do të ngjitet në elitë do të përcaktohet përmes ndeshjeve play-off mes skuadrave të renditura në vendet 3, 4, 5 dhe 6 në klasifikimin përfundimtar pas 33 javësh. Fituesi i finales së play-off-it do të ngjitet në “Abissnet Superiore”.

Për të përcaktuar skuadrën e katërt që do të promovohet, finalisti i dalë nga play-off-i i luajtur me ekipeve të renditura në vendet 3, 4, 5 dhe 6 do të përballet në një ndeshje vendimtare me skuadrën e renditur në vendin e tretë nga fundi të Abissnet Superiore në fazën play-out.

Një edicion që sjell më shumë mundësi, më shumë rivalitet dhe më shumë emocione për skuadrat e Kategorisë së Parë, duke e bërë garën për ngjitjen në elitën e futbollit shqiptar edhe më të fortë.

Në portë është përzgjedhur Aldo Teqja, ndërsa katërshja e mbrojtjes përbëhet nga Arlind Kurti (Laçi), Vasilios Zhongo (Teuta), Usni Ismaili (Dinamo City) dhe Yago (Egnatia).

Në mesfushë spikatën këtë javë Edon Murataj (Vllaznia), Klevi Qefalija (Dinamo City) dhe Stiven Bibo (Laçi).

Në repartin ofensiv janë përzgjedhur Alessandro Albanese (Egnatia), Rubin Hebaj (Elbasani) dhe Muço Boçi (Teuta).

Në krye të formacionit të javës është vendosur trajneri i Egnatias, Nevil Dede, i cili është vlerësuar si trajneri më i mirë i javës së dytë.

Dinamoja ka regjistruar kështu fitoren e parë sezonale në “Abissnet Superiore”. Ndeshja e radhës për “nëndetësen blu”  do të jetë ajo kundër Elbasanit, e cila do të luhet më 6 shtator./Sport Ekspres/

Kampionët në fuqi të Superiores kanë mposhtur me shifrat 1-3 ekipin e Vorës. Karrica zhbllokoi rezultatin në minutën e 65 për Vorën, por festa zgjati pak. Adjesa riktheu baraspeshën 4 minuta më vonë, ndërsa më pas Albaneze në minutën 75 dhe Jago në të 85-n përmbysën rezultatin. Një tjetër fitore për Egnatian që po tregon menjëherë forcën e vetë në kampionat./Sport Ekspres/

Familja Türker, me rrënjë të hershme në këto troje, ka vendosur të kontribuojë konkretisht në projektin që synon ndërtimin e dy fushave të futbollit, një në Komunën e Preshevës dhe një në Komunën e Bujanocit, duke krijuar më shumë mundësi për fëmijët dhe të rinjtë e kësaj zone.

Kontributi i familjes Türker do të jetë një mbështetje e drejtpërdrejtë për realizimin e këtij projekti, i cili synon t’u ofrojë të rinjve shqiptarë të Luginës së Preshevës ambiente moderne dhe të sigurta për të ushtruar sportin, për t’u zhvilluar dhe për të ndjekur ëndrrat e tyre përmes futbollit.

Në mesazhin e përcjellë për FSHF.org, familja Türker shpreh kënaqësinë dhe krenarinë për mundësinë për të dhënë këtë kontribut.

“Familja Türker, si një familje me rrënjë të hershme në këto troje, shpreh kënaqësinë dhe krenarinë e saj për mundësinë për të dhënë një kontribut konkret në zhvillimin e sportit dhe të rinjve në Bujanoc dhe Preshevë.”

Kontributi realizohet nën udhëheqjen e djemve të themeluesit të familjes, Sabredin Türker, Tamer dhe Faruk Türker, me mbështetjen e xhaxhait të tyre, Kadri Türker. Në kuadër të projektit, familjen Türker do ta përfaqësojë z. Tamer Türker.

“Ky projekt synon të krijojë më shumë mundësi për të rinjtë në rajon dhe të mbështesë zhvillimin e sportit. Familja Türker beson se investimi tek të rinjtë është një investim në të ardhmen dhe synon, përmes këtij kontributi, të mbështesë krijimin e mundësive të reja për brezat e ardhshëm”, thuhet më tej në mesazhin e familjes.

Projekti i FSHF-së parashikon që Federata të financojë ndërtimin e bazamentit të dy fushave, shtrimin e tapetit artificial sipas standardeve të FIFA-s dhe vendosjen e portave, ndërsa Komunat e Preshevës dhe Bujanocit do të realizojnë ndërtimin e dhomave të zhveshjes dhe ambienteve të tjera mbështetëse.

Ftesa për donatorët mbetet e hapur – Pas kontributit të parë të familjes Türker, Federata Shqiptare e Futbollit vijon ftesën drejtuar bizneseve, kompanive dhe donatorëve që dëshirojnë të bëhen pjesë e kësaj nisme.

Mbështetja e tyre do të kontribuojë drejtpërdrejt në krijimin e kushteve më të mira sportive për qindra fëmijë dhe të rinj në Preshevë dhe Bujanoc dhe do të ndihmojë në realizimin e një projekti me rëndësi të veçantë sociale.

Të gjithë të interesuarit mund të kontaktojnë Federatën Shqiptare të Futbollit në adresën: info@fshf.org.al.

Projekti për dy fushat në Luginën e Preshevës është një investim në sport, në komunitet dhe mbi të gjitha, në të ardhmen e fëmijëve dhe të rinjve.

Zhongo riktheu përkohësisht barazimin, ndërsa më pas ishte Boçi në minutën e 79 dhe Umejiegoja në minutën e 8r-t përmbysën shifrat. Një fitore spektakolare kjo e Teutës, i cila shijoi sot tre pikët e para në kampionat./Sport Ekspres/

Por tifozët reaguan menjëherë. Këta të fundit ndezën dritat e telefonave dhe ndriçuan kështu tribunat e “Niko Dovanës”. Tifozeria e shtoi edhe më tepër atmosferën në stadium, pavarësisht se loja ishte e ndalur. Ndriçimi u rikthye sërish dhe pas disa minutave ndërprerje, loja nisi përsëri./Sport Ekspres/

Projekti ka përfshirë ndërhyrje të plota në infrastrukturën e fushës, duke nisur nga ndërtimi i bazamentit dhe sistemi modern i drenazhimit, deri te depozita e ujit dhe sistemi i vaditjes. Në fazën përmbyllëse është realizuar mbjellja e barit natyral, duke i dhënë kompleksit një terren të ri të përshtatshëm për zhvillimin e aktiviteteve të nivelit të lartë.

Fusha e rikonstruktuar do të ketë një rol të rëndësishëm edhe në organizimin e Kampionatit Europian U-21, Shqipëri 2027. Ajo do të jetë një prej terreneve që do të përdoren nga ekipet pjesëmarrëse gjatë zhvillimit të turneut, duke kontribuar në krijimin e kushteve sa më të mira për skuadrat europiane që do të marrin pjesë në këtë kompeticion.

Përveç fushës së futbollit, në Kompleksin Sportiv “Shefqet Lamçja” janë përmirësuar edhe ambientet mbështetëse, përfshirë dhomat e zhveshjes, duke krijuar kushte më moderne dhe funksionale për futbollistët dhe stafet teknike.

Ky investim përfaqëson një tjetër hap të rëndësishëm në strategjinë e FSHF-së për zhvillimin dhe modernizimin e infrastrukturës së futbollit në të gjithë vendin. Shtimi i një fushe me bar natyral dhe me standarde FIFA i jep Elbasanit një tjetër hapësirë sportive cilësore, e cila do t’i shërbejë jo vetëm organizimit të aktiviteteve ndërkombëtare, por edhe zhvillimit të futbollit në vijimësi.

Në prag të Euro U-21 2027, investime të tilla marrin një rëndësi të veçantë, duke garantuar që Shqipëria të ketë infrastrukturën e nevojshme për të mirëpritur një prej kompeticioneve më të rëndësishme të futbollit europian të moshave dhe, njëkohësisht, duke lënë pas një trashëgimi të qëndrueshme për futbollin shqiptar.

Një fushë e re me standarde FIFA, një investim për Euro U-21 2027 dhe një tjetër pasuri infrastrukturore për futbollin shqiptar.

“Federata Shqiptare e Futbollit dënon me forcë incidentin e rëndë të ndodhur pas përfundimit të ndeshjes AF Elbasani–Vllaznia, ku Presidenti i Vllaznisë, Alban Xhaferri, ka goditur fizikisht një prej asistentëve të arbitrit të ndeshjes.

Një akt i tillë është absolutisht i papranueshëm dhe nuk ka asnjë vend në futbollin shqiptar. Dhuna ndaj arbitrave dhe zyrtarëve të ndeshjes përbën një cenim të rëndë të integritetit të garës dhe të vetë vlerave të sportit.

Përgjegjësia e drejtuesve të klubeve është edhe më e madhe. Ata duhet të jenë shembull i korrektësisë dhe respektit ndaj kundërshtarit, arbitrave dhe institucioneve të futbollit, pavarësisht tensionit të një ndeshjeje apo pakënaqësisë ndaj vendimeve të arbitrimit.
Organet kompetente disiplinore të FSHF-së do të procedojnë në përputhje me rregulloret në fuqi dhe në pavarësi të plotë në marrjen e vendimeve përkatëse.

FSHF do të mbrojë me vendosmëri arbitrat dhe çdo zyrtar të ndeshjes nga dhuna, kërcënimet dhe presioni. Mund të ketë debate, kritika dhe kundërshtime për vendimet e arbitrimit, por ekziston një vijë që askush nuk mund ta kalojë: dhuna fizike.
Në futbollin shqiptar nuk mund dhe nuk do të ketë tolerancë për akte të tilla, pavarësisht emrit, klubit apo pozicionit të personit që i kryen”, shkruan FSHF. /Sport Ekspres/

Nga krahu tjetër drama e vërtetë ndodhi te Elbasani-Vllaznia. Murataj shënoi golin e parë në minutën e 18 për shkodranët, ndërsa Hebaj barazoi në të 75. Drama e vërtetë ndodhi në fund, atje ku në të 88, Tafili shënoi gol për Vllazninë.

Pasi VAR hyri dhe pati ndërprerje të lojës, goli do të anullohej për pozicion jashtë loje. Martini u irritua shumë për këtë vendim dhe nuk ishte dakort me gjyqtarët. Megjithatë loja vazhdoi dhe në të 94, Musta shënoi golin e fitores.

Festa shpërtheu dhe Martini hyri në fushë duke bërë me ironi shenjën e VAR, për t’i treguar arbitrave që ta shikonin edhe këtë gol në VAR, i sigurt se goli ishte i rregullt. Arbitri do ta nxirrte me karton të kuq për këtë veprim, por ajo që ishte më dramatikja ishte fakti se VAR-i hyri vërtetë dhe madje do ta anulonte golin për pozicion jashtë loje. /Sport Ekspres/

Aktualisht Shqipëria ndodhet në vendin e 42, duke rikuperuar ndjeshëm pozicionet dhe është e sigurt se në fund do të marrë të paktën vendin e 40, pasi Moldavia dhe Ishut Faroe kanë ngelur pa asnjë ekip. Ideja është që vendi i fundit që të jep një ekip në Europa League është vendi i 33. Kosova ishte shumë afër këtij objektivi, por mbeti pa asnjë skuadër në fund, atje ku humbi dhe Drita. Ndërkohë nëse Egnatia do të përfitojë nga shorti dhe do të marrë disa fitore radhazi, me një tjetër sezon të mirë veror, nuk përjashtohet mundësia që pas 2 vitesh, Shqipërisë t’i rikthehet Europa League. Gjithcka fillon me Egnatian… /Sport Ekspres/

Një klasike që ka prodhuar shumë rivalitet dhe luftë sportive në dekadën e fundit, jo vetëm në fushën e blertë, por edhe për atmosferën në tribuna.

Për këtë duel kaq interesant, klubi ka planifikuar edhe një organizim të veçantë, ndaj tifozët duhet të mbushin shkallët e stadiumit për të shijuar një mbrëmje ndryshe të futbollit shqiptar.

Do të jetë një spektakël i vërtetë, me plot surpriza, ndaj tifozët nuk duhet ta humbasin këtë premierë.

Trajneri Edlir Tetova kërkon të debutojë me fitore në krye të ekipit të zemrës dhe, për ta arritur këtë objektiv, e ka të gjithë grupin në dispozicion.

Në stërvitjet e fundit, tekniku është fokusuar te loja fluide dhe goditjet në portë. Barazimi me Partizanin tregoi aspektet ku ekipi duhet të përmirësohet dhe stafi teknik i ka kushtuar një rëndësi të veçantë.

Atmosfera është e shkëlqyer dhe të gjithë janë në unison se do ta kthejnë ndeshjen me Tiranën në një festë të vërtetë sportive.

Në 5 takimet e fundit, Teuta ka arritur 2 fitore, dy sfida janë mbyllur në barazim, ndërsa një takim ka folur për kryeqytetasit.

Ndryshe nga një sezon më parë, presidenca ka afruar lojtarë me peshë, si Kallaku, Mala e Fangaj, që e kanë provuar shijen e titullit kampion. Por edhe të tjerë me eksperiencë ndërkombëtare, si portieri Paul Bernardoni, që ka përfaqësuar Francën në Lojërat Olimpike “Tokio 2020”, apo Pedro, që vjen nga Portugalia.

Duka u shfaq krah presidentit të UEFA-s, Aleksander Ceferin, në një moment të rëndësishëm për futbollin shqiptar. Kreu i FSHF-së nuk e fshehu krenarinë për suksesin e klubit rrogozhinas, duke përcjellë një mesazh special pas shortit.

“Me krenari të veçantë ndoqa sot shortin e UEFA Conference League! Për herë të parë në histori, një klub shqiptar mes klubeve të Conference League! Një arritje e jashtëzakonshme për Egnatian dhe futbollin shqiptar! Urimet e mia dhe shumë suksese në Europë”, shkroi Duka.

Kjo është një arritje historike për Egnatian, pasi klubi nga Rrogozhina bëhet skuadra e parë nga kampionati shqiptar që siguron pjesëmarrjen në fazën e ligës së Conference League.

Egnatia tashmë përgatitet për një tjetër aventurë europiane, me synimin për të përfaqësuar denjësisht Shqipërinë në arenën ndërkombëtare. Për futbollin shqiptar, kjo pjesëmarrje përbën një tjetër hap të rëndësishëm në rritjen e klubeve në kompeticionet europiane. /Sport Ekspres/

Shorti është treguar bujar me rrogozhinasit. Midtjillandi dhe Braga janë dy rivalët më të fortë për kampionët e Shqipërisë, ndërsa ekipet e tjera janë emra të përballueshëm në fushën e lojës. Tashmë kalimi i fazës së grupeve nuk është një mision i pamundur për Egnatian./Sport Ekspres/

Kundërshtarët e Egnatias.

Midtjilland

Braga

Linkoln Red Imps

Universitatea Kraiova

Kauno Zhalgiris

Arhus

Sota tundi rrjetën e Lilestromit në minutën e 33-të dhe tashmë te Egnatia kanë shansin që në pjesën e dytë të lojës të ruajë epërsinë dhe të kualifikohet në grupet e Ligës së Konferencës. Në krahun tjetër, Dinamo është duke barazuar 1-1 në transfertën ndaj Pafosit. Megjithatë në lojë janë edhe të paktën 45 minuta për t’u zhvilluar./Sport Ekspres/

Në shoqërinë e ndihmësve të tij, Christian Maraner dhe Ervin Bulku, trajneri i Kombëtares zhvilloi një vizitë në ambientet e KF Tiranës, ku u takua me trajnerin e skuadrës bardheblu, Dean Klafuriç, si edhe ndoqi nga afër një seancë stërvitore të ekipit.

Takimi shërbeu për shkëmbimin e ideve dhe eksperiencave mbi punën e përditshme të skuadrës, zhvillimin e futbollistëve dhe situatën aktuale të futbollit shqiptar.

Vizitat në klubet vendase janë pjesë e qasjes së trajnerit Maran për të krijuar një komunikim sa më të drejtpërdrejtë me stafet teknike dhe për të njohur nga afër mënyrën e punës në kampionatin shqiptar. Kjo qasje synon gjithashtu t’i japë stafit të Kombëtares një panoramë sa më të plotë mbi futbollistët dhe potencialin që ofrojnë klubet shqiptare.

Gjatë javëve të fundit, Maran ka ndjekur nga afër edhe angazhimet e Egnatias dhe Dinamo City në kompeticionet europiane, duke monitoruar performancat e skuadrave dhe futbollistëve shqiptarë në arenën ndërkombëtare.

Turi i trajnerit të Kombëtares do të vijojë edhe në klubet e tjera të “Abissnet Superiore”, me takime me trajnerët, stafet teknike, drejtuesit dhe futbollistët.

Përmes këtij komunikimi të drejtpërdrejtë, synohet forcimi i bashkëpunimit mes Kombëtares dhe klubeve, si dhe krijimi i një lidhjeje gjithnjë e më të ngushtë në funksion të zhvillimit të futbollit shqiptar dhe të përfaqësueses kuqezi.

Po në të njëjtin orar do të zbresë në fushë edhe Dinamoja. “Nëndetësja blu” do të luajë në transfertë kundër Pafosit, teksa ballafaqimi i parë mes tyre përfundoi në baraspeshë 1-1. Në garë për një vend në grupet e Ligës së Konferencës është edhe Drita. Ekipi shqiptar do të luajë nesër në mbremje, duke filluar nga ora 19:00, kundër Inter D’Eskaldesit./Sport Ekspres/

Liga e Europës

E enjte, 27 gusht

19:00 Lilestrom – Egnatia (0-0)

Liga e Konferencës

E enjte, 27 gusht

19:00 Pafos – Dinamo (1-1)

19:00 Inter D’Eskaldes – Drita (2-2)

Skuadra e Serisë B synon ngjitjen në elitën e futbollit italian dhe për të arritur këtë objektiv ka nevojë për lojtarë cilësorë. Një prej tyre është edhe Kristian Shpendi, që me golat e tij ka dhënë një kontribut të madh për Çezenën. Sipas  Alfredo Pedulës, Palermo është e gatshme të rrisë ofertën për të siguruar kartonin e Shpendit. Në një rast të tillë lojtari shqiptar do të stërvitej nga një legjendë e Milanit si Pipo Inzaghi/Sport Ekspres/

Në Itali, Cristian Shpendi shënoi për Cesenën në përballjen ndaj Sampdorias. Sulmuesi shqiptar realizoi në minutën e 17-të, duke i dhënë skuadrës së tij avantazhin e parë të ndeshjes. Sampdoria arriti të barazojë më vonë, ndërsa sfida përfundoi 1-1.

Në Iran, Jasir Asani vazhdon paraqitjet pozitive me Esteghlal. Pas asistit të regjistruar në javën e kaluar, sulmuesi i Kombëtares shqiptare shënoi edhe golin e parë të sezonit në fitoren 2-0 ndaj Sepahanit. Asani zhbllokoi ndeshjen që në minutën e 4-t, me një goditje me të majtën nga jashtë zonës, duke i dhënë avantazhin skuadrës së tij.

Në Greqi, Stavro Pilo kontribuoi në fitoren e thellë 4-0 të AEK Athens ndaj Iraklis 1908. Mbrojtësi i Kombëtares shqiptare dha asistin për golin e dytë të takimit, të shënuar nga Jovic në minutën e 19-të, duke ndihmuar skuadrën e tij në këtë sukses.

Në Kroaci, Etnik Brruti shënoi me Hajduk Splitin në ndeshjen ndaj Osijekut. Mesfushori i Kombëtares U-21 ishte titullar dhe realizoi në minutën e 9-të, duke i dhënë avantazhin skuadrës së tij pas një aksioni të zhvilluar nga krahu i majtë. Hajduk Split fitoi 4-0, ndërsa Brruti regjistroi një paraqitje pozitive në këtë sfidë.

Në këtë javë, me skuadrat e tyre janë aktivizuar edhe legjionarë të tjerë të Kombëtares shqiptare. Thomas Strakosha, Berat Gjimshiti, Ardian Ismajli, Klisman Cake, Ylber Ramadani, Juljan Shehu, Qazim Laçi, Adrion Pajaziti, Arbër Hoxha, Taulant Seferi, Armando Broja dhe Myrto Uzuni vijojnë angazhimet në kampionatet respektive.

Formacioni i përzgjedhur vjen në skemën 1-4-3-3, me lojtarë nga tetë prej dhjetë skuadrave të “Abissnet Superiore”.

Në portë është përzgjedhur Pano Qirko (Partizani), ndërsa katërshja e mbrojtjes përbëhet nga Konstantinos Dionellis (Vora), Bruno Lulaj (AF Elbasani), Dion Vata (Partizani) dhe Abdurraman Fangaj (Teuta).

Në mesfushë janë Orgi Cena (Laçi), Altin Kryeziu (Egnatia) dhe Ibrahim Diabaté (Egnatia), ndërsa treshja e sulmit përbëhet nga Charles Bismark (Skënderbeu), Bekim Balaj (Vllaznia) dhe Briajan Gjyla (Vora).

Për paraqitjen e skuadrës së tij në javën e parë, vlerësimi për trajnerin e javës i është dhënë Arjan Bellajt të Vorës, pas fitores 1-0 ndaj Dinamo City.

Në krahun tjetër Dinamo e ka befasuar opinionin sportiv. “Nëndetësja blu” e ka nisur me humbje kampionatin, duke u mposhtur nga Vora. Këta të fundit kanë fituar minimalisht 0-1 falë golit të talentit 19-vjeçar, Brian Gjyla, në minutën e 11 të sfidës./Sport Ekspres/

Teuta e provoi me të gjitha mënyrat për të fituar, duke humbur edhe një penallti me Kallakun. Në fund heroi ishte Qirko që mbajti në lojë Partizanin, për të dalë me një pikë. Nga ana tjetër, Laçi ka barazuar në shifrat 1-1 ndaj Elbasanit. Një super gol nga distanca i Cenës në të 85, bëri që goli i Hebajt të mos i sillte tre pikët Elbasanit. /Sport Ekspres/

Në krahun tjetër Laçi dhe Elbasani kanë barazuar me shifrat 1-1. Hebaj kaloi në epërsi verdheblutë me penalltinë e shënuar në minutën e 55-të, ndërsa në minutën e 85 Cena i hoqi fitoren nga duart Elbasanit. Kështu, java e parë e “Abissnet Superiore”-s nuk e ka nxjerrë ende një fitues, teksa mbeten për t’u parë edhe rezultatet e dy ndeshjeve të nesërme. Bëhet fjalë për duelet mes Egnatias dhe Tiranës, si dhe Dinamos me Vorën./Sport Ekspres/

“Nuk jam i kënaqur, sepse e meritonim fitoren. Ata sigurisht që luajtën një ndeshje të mirë në pjesën e dytë dhe na ushtruan presion, por ne luajtëm një pjesë të parë shumë të mirë dhe humbëm disa raste. Kur shënuam, goli nuk u llogarit, gjë që mendoj se ishte e padrejtë. Në fund, morëm më të paktën që mund të merrnim, një barazim. Ata janë një ekip që mund të mos ketë të njëjtën cilësi, por kanë pasion dhe vrapim. Tani i kemi në shtëpi dhe duam ta përfundojmë punën.

Humbëm golin e pastër. Ata janë një ekip me pasion, vrapojnë dhe bëjnë shumë presion. E dinim këtë dhe e dinim se nuk është e lehtë të luash këtu. Gjithashtu e dinim se ata ndryshojnë sistemet. E bënë në pjesën e dytë dhe na u desh të përshtateshim edhe ne. Kur gjetëm zgjidhjet, arritëm të barazonim. Nuk ishte një ndeshje e lehtë dhe as ajo tjetër nuk do të jetë. Duam të luajmë lojën tonë, por duhet të përfundojmë fazat tona.

Fusha nuk na ndihmoi dhe me kalimin e kohës u përkeqësua. Ata po përpiqeshin të gjenin sulmuesit e tyre me topa nga mbrojtja. Megjithatë, kjo nuk është justifikim. Këto janë pjesë të lojës në të cilat duhet të punojmë dhe të përmirësohemi. Për zëvendësimin e David Luiz në pjesën e parë: “Ai donte të vazhdonte. Por si masë paraprake, i thashë të qëndronte jashtë, sepse mendova se mund ta humbisnim për një kohë të gjatë. Ai është një futbollist i jashtëzakonshëm, është kapiteni i ekipit, të gjithë e dimë se çfarë jep”, tha Sa Pinto. /Sport Ekspres/

Në prag të startit të sezonit, Presidenti i FSHF-së, Armand Duka, përcjell mesazhin e tij për edicionin e ri, duke vënë theksin te zhvillimi i talenteve, rritja e konkurrueshmërisë së klubeve shqiptare, profesionalizmi dhe bashkëpunimi për të çuar futbollin shqiptar edhe më përpara.

Presidenti Duka uron të gjitha klubet, lojtarët, trajnerët, arbitrat dhe stafet për një sezon të suksesshëm, ndërsa tifozëve u uron një kampionat të bukur, emocionues dhe të paharrueshëm.

Mesazhi i Presidentit të FSHF, Armand Duka, në prag të edicionit të 88-të të “Abissnet Superiore 2026-2027”:

Sot nis edicioni i 88-të i “Abissnet Superiore”, një tjetër kapitull në historinë e futbollit shqiptar dhe një sezon që vjen me ambicie të reja, ndryshime të rëndësishme dhe dëshirën për ta çuar edhe më përpara nivelin e garës.

Ky sezon do të jetë ndryshe. Formati i ri i kampionatit, me tri faza të rregullta dhe ndarjen më pas në play-off dhe play-out, synon të garantojë një garë më të fortë dhe më të hapur deri në fund. Lufta për titullin, objektivat europiane apo mbijetesa do të kërkojnë përkushtim maksimal nga çdo klub dhe do ta bëjnë çdo javë të kampionatit edhe më të rëndësishme.

Një nga prioritetet tona kryesore mbetet zhvillimi i futbollistëve të rinj shqiptarë. Rregulli i ri për aktivizimin e detyrueshëm të një lojtari të datëlindjes 2007 e në vijim, me pasaportë shqiptare, është një mundësi konkrete për talentet tona që të fitojnë hapësirë, eksperiencë dhe besim në nivelin më të lartë të futbollit vendas. Investimi te të rinjtë është investimi më i rëndësishëm për të ardhmen e futbollit shqiptar.

E nisim këtë kampionat edhe në një moment pozitiv për klubet tona në arenën europiane. Egnatia ka siguruar tashmë një vend në fazën e ligës së UEFA Conference League dhe vijon të luftojë për një tjetër arritje të rëndësishme, atë të fazës së ligës së UEFA Europa League. Dinamo City, gjithashtu, është në play-off-in e UEFA Conference League dhe po lufton për një vend në fazën e ligës.

Këto rezultate tregojnë se klubet shqiptare po fitojnë gjithnjë e më shumë eksperiencë dhe konkurrueshmëri në Europë. Ky progres duhet të na motivojë të gjithëve për të bërë më shumë.

FSHF do të vijojë të mbështesë klubet në rrugën e tyre të zhvillimit, duke i nxitur të investojnë në akademi, infrastrukturë, profesionalizëm dhe në krijimin e kushteve sa më të mira për futbollistët dhe stafet e tyre. Vetëm përmes një pune të përbashkët mund ta konsolidojmë progresin e arritur dhe ta çojmë futbollin shqiptar në një nivel edhe më të lartë.

Në të njëjtën kohë, duam që futbolli të jetë gjithmonë e më pranë njerëzve. Për këtë arsye, iniciativa “Klubi në Komunitet” do të vijojë edhe gjatë këtij sezoni, me synimin për të forcuar lidhjen mes klubeve, tifozëve, familjeve, fëmijëve dhe komuniteteve që ato përfaqësojnë.

Një sezon i ri kërkon edhe përgjegjësi të reja. Uroj të gjitha klubet, lojtarët, trajnerët, arbitrat dhe stafet për një kampionat të suksesshëm, të karakterizuar nga konkurrenca e ndershme, respekti, profesionalizmi dhe Fair-Play. Çdo ndeshje është një mundësi për të treguar vlerat më të mira të sportit dhe për të kontribuar në imazhin e futbollit shqiptar.

Tifozëve dua t’u them se ju jeni dhe mbeteni një pjesë e pandashme e këtij spektakli. Stadiumet kanë nevojë për pasionin, zërin dhe mbështetjen tuaj. Le t’i mbushim ato me emocione dhe rivalitet sportiv, duke respektuar gjithmonë kundërshtarin dhe lojën.

Futbolli shqiptar po rritet dhe këtë rritje duhet ta ndërtojmë të gjithë së bashku. Edicioni i 88-të i “Abissnet Superiore” është një tjetër hap në këtë rrugëtim, me më shumë konkurrencë, më shumë hapësira për talentet dhe ambicie gjithnjë e më të mëdha.

Në emër të Federatës Shqiptare të Futbollit, uroj të gjitha skuadrat për një sezon të suksesshëm dhe të gjithë tifozët për një kampionat të bukur, emocionues dhe të paharrueshëm.

Le të nisë edicioni i 88-të i “Abissnet Superiore”!

Megjithatë pas këtij super edicioni në Europë, vecanërisht nga Egnatia dhe Dinamo, situata ka ndryshuar. Shqipëria jo vetëm që ka fituar shumë pozicione, por është mes shteteve që ka marrë më shumë pikë në këtë “ëndërr vere”.

Edhe pas këtyre dy barazimeve të marra nga Egnatia dhe Dinamo në fazën e Play Off, Shqipëria ka fituar dhe një pozicion tjetër, duke marrë vendin e 42 dhe duke lënë pas vetes Maqedoninë që ndodhet në vendin e 43.

Ndërkohë me Egnatian që ndodhet në grupet e Conference League, nëse nuk do ndodhi një cudi me Lillestrom, Shqipëria do të marrë pikë të tjera nga ndeshjet në fazën e grupeve dhe ka të gjitha mundësitë për t’u renditur mes 35 kampionateve më të mira në Europë. /Sport Ekspres/

Ishte Fadairo ai që zhbllokoi rezultatin për ekipin e Dinamos. Por festa e dinamovitëve zgjati shumë pak. Lele barazoi shifrat në ato përfundimtare, 1-1, nga pika e bardhë e 11 metërshit. Tashmë gjithçka mbetet e hapur për ndeshjen e kthimit, e cila do të luhet oas një jave në Qipro./Sport Ekspres/

Të dyja skuadrat do të ballafaqohen sërish në fushën e lojës javën e ardhshme, por këtë herë në Norvegji. Në rast fitoreje, Egnatia do t’i bashkohej Skënderbeut si ekipi i dytë shqiptar që kualifikohet në Ligën e Europës. Megjithatë, në rast humbjeje kampionët e Shqipërisë do të luajnë në grupet e Ligës së Konferencës./Sport Ekspres/

Gjatë takimit u prezantuan ndryshimet dhe sqarimet e reja në Rregullat e Lojës, me fokus te zëvendësimet, procedurat përkatëse, shkeljet dhe sanksionet, vendimmarrja e arbitrave dhe përdorimi i sistemit VAR.

Gjithashtu, u trajtuan çështje që lidhen me kohëzgjatjen dhe rifillimin e ndeshjeve, penalltitë, faullet dhe sjelljen e pahijshme, rivëniet anësore e fundore, goditjet nga këndi, si dhe procedurat e reja për trajtimin dhe vlerësimin e lojtarëve jashtë fushës.

Në vijim, Sektori i Arbitrimit zhvilloi edhe një takim me delegatët e Abissnet Superiore dhe Kategorisë së Parë, ku u prezantuan ndryshimet dhe u dhanë sqarimet e nevojshme mbi zbatimin e tyre gjatë ndeshjeve.

Takimet synojnë të sigurojnë një kuptim të qartë dhe zbatim sa më të njëtrajtshëm të rregullave, duke forcuar bashkëpunimin mes arbitrimit, strukturave të garave, klubeve dhe delegatëve në prag të sezonit të ri.

Sfida, e programuar fillimisht më 23 gusht në orën 18:30, do të luhet në të njëjtën datë, por në orën 21:00.

Kalendari i plotë i javës së parë të “Abissnet Superiore”:

Java 1
Vllaznia – Skënderbeu, 21.08.2026, 21:00
Partizani – Teuta, 22.08.2026, 16:00
KF Laçi – AF Elbasani, 22.08.2026, 16:00
Dinamo City – FK Vora, 23.08.2026, 21:00
Egnatia – Tirana, 23.08.2026, 21:00

Dinamo City është gati për një tjetër sfidë të rëndësishme europiane. Skuadra e drejtuar nga Ilir Daja do të luajë nesër në mbrëmje ndeshjen e parë të play-off-it të UEFA Conference League ndaj Pafos, në “Elbasan Arena”, në orën 21:00.

Pas një paraqitjeje fantastike ndaj Audës, ku triumfoi me rezultatin 4-0 në “Elbasan Arena” dhe përmbysi humbjen 1-0 të ndeshjes së parë në Letoni, Dinamo City siguroi kualifikimin në play-off dhe tashmë është vetëm një hap larg fazës së ligës së UEFA Conference League.

Blutë vijnë në këtë përballje me besim të lartë, pas një tjetër mbrëmjeje të suksesshme në arenën europiane. Përballë do të jetë Pafos, në një sfidë që pritet të jetë një tjetër provë e fortë për skuadrën shqiptare. Dinamo City do të kërkojë të shfrytëzojë faktorin fushë dhe mbështetjen e tifozëve për të marrë një rezultat sa më pozitiv në ndeshjen e parë të këtij raundi.

Pas një rrugëtimi të suksesshëm deri në këtë pikë, Dinamo City synon të vijojë të shkruajë një tjetër kapitull në aventurën europiane dhe të hedhë një hap të rëndësishëm drejt objektivit të madh, kualifikimit në fazën e ligës së UEFA Conference League.

Ndërkohë, dy skuadra të tjera shqiptare do të luajnë në “play off” të Ligës së Konferencës. Bëhet fjalë për Dinamon dhe për Dritën. “Nëndetësja blu” pret më 20 gusht Pafosin, duke nisur nga ora 21:00, ndërsa Drita luan në shtëpi, po më 20 gusht,  me Inter D’Escaldesin. /Sport Ekspres/

Kalendari i ekipeve shqiptare në Europë:

Liga e Europës

E enjte, 20 gusht

21:00 Egnatia – Lilestrom

Liga e Konferencës

E enjte, 20 gusht

19:00 Dinamo – Pafos

20:00 Drita – Inter D’Eskaldes

Një format i ri për kampionatin

“Abissnet Superiore” do të zhvillohet në tre faza të rregullta, me gjithsej 27 javë. Pas përfundimit të tyre, skuadrat do të ndahen në dy grupe, ku gjashtë ekipet e para do të vijojnë garën në play-off, ndërsa katër skuadrat e fundit do të luajnë në play-out. Pikët e fazës së rregullt do të përgjysmohen përpara nisjes së këtyre fazave.

Formati i ri synon ta mbajë garën të hapur dhe konkurruese deri në javët e fundit, si për titullin kampion, ashtu edhe për mbijetesën.

Më shumë hapësirë për talentet e rinj

Një tjetër risi e rëndësishme është aktivizimi i detyrueshëm i futbollistëve të rinj. Në “Abissnet Superiore” dhe Kupën e Shqipërisë, çdo skuadër do të ketë detyrimin të aktivizojë nga minuta e parë, për të paktën një pjesë loje, një futbollist të datëlindjes 2007 e në vijim, me pasaportë shqiptare.

Ky rregull synon të krijojë më shumë mundësi për talentet e rinj shqiptarë dhe të kontribuojë në zhvillimin e brezit të ardhshëm të futbollistëve.

Orar i ri, organizim më efikas

Ndeshjet do të zhvillohen në katër fasha orare: 13:30, 16:00, 18:30 dhe 21:00. Struktura e re synon të optimizojë kalendarin e garave dhe të krijojë kushte më të mira për klubet, futbollistët, transmetuesin dhe tifozët.

Klubi më pranë komunitetit

Në sezonin e ri do të vijojë edhe iniciativa “Klubi në Komunitet”, përmes së cilës FSHF synon të forcojë lidhjen e klubeve me tifozët, familjet, të rinjtë dhe komunitetet lokale.

Me një format të ri, më shumë hapësira për të rinjtë, organizim të përmirësuar dhe një qasje më të afërt me komunitetin, “Abissnet Superiore” nis një sezon të ri zhvillimi dhe konkurrimi.

Pas mbjelljes së barit natyral, specialistët po vijojnë punën e përditshme për zhvillimin dhe konsolidimin e sipërfaqes së lojës. Procesi përfshin kositjen dhe mbledhjen e barit, ujitjen, mirëmbajtjen dhe monitorimin e vazhdueshëm të fushës, në mënyrë që ajo të arrijë parametrat optimalë.

Paralelisht, vijon edhe procesi i ndriçimit me llampa speciale për rritjen dhe zhvillimin e barit, një element i rëndësishëm për garantimin e kushteve optimale të fushës.

Punimet dhe mirëmbajtja do të vijojnë edhe gjatë javëve në vazhdim, ndërsa “Air Albania” synohet të jetë plotësisht gati gjatë muajit shtator.

Fusha e re është një tjetër investim i rëndësishëm i Federatës Shqiptare të Futbollit në funksion të modernizimit të infrastrukturës dhe përgatitjeve për Kampionatin Europian U-21 2027.