Serie A

“Titulli? Do ta bëj edhe unë si kolegët e mi”, ironia e Kivusë: Do them që po i afrohemi objektivit për Ligën e Kampionëve

Sport Ekspres — Mon, 13 Apr 2026 17:13:45 +0000

Interi është afruar gjithnjë e më shumë me titullin kampion. Pas fitores kundër Komos, zikaltrit qendrojnë 9 pikë sipër Milanit në renditje. I pyetur pas ndeshjes për skudeton, Kivu ka ironizuar kolegët e tij. Ai është shprehur se do të sillet njësoj si homologët e tij, të cilët shmangin çështjen e titullit kampion dhe kthejnë sytë nga sigurimi i kualifikimit në Ligën e Kampionëve.

“Titulli? Jo, do e bëj si kolegët e mi, të cilët flasin për objetivin e Ligës së Kampionëve. Kështu që jemi të lumtur që po i afrohemi objektivit për t’u kualifikuar në Ligën e Kampionëve”, ka thënë Kristian Kivu./Sport Ekspres/

“Dy vite më parë ëndërronim një miqësore me Interin, tani duket sikur duhet ta mundim”, Fabregasi ul me këmbë në tokë opinionin sportiv

Sport Ekspres — Mon, 13 Apr 2026 14:11:06 +0000

Interi ka mposhtur Komon me rezultatin 3-4 mbrëmjen e djeshme, duke hedhur kështu një hap më tepër drejt titullit kampion. Pas përfundimit të ndeshjes Fabregasi ka ulur opinionin sportiv me këmbë në tokë. Trajneri i Komos ka nënvijëzuar faktin se dy vite më parë ekipi i tij ëndërronte të luante një miqësore me Interin, ndërsa tashmë është krijuar përshtypja se duhet ta mposhtte në fushën e lojës. Sipas tij, Komo ka ende rrugë përpara për të bërë.

“Dy vite më parë u përpoqa që të luanim një miqësore me Interin. Ishte një ëndërr për ne më pak se para 22 muajve. Tani duket sikur ne duhet ta mundim Interin, ose të luajmë shumë herë më mirë. E dimë se kush jemi. Kemi shumë rrugë për të bërë dhe jemi vetëm në fillim të asaj se që unë kam në mendje se deri ku mund të shkojë ky klub dhe kjo skuadër”, ka thënë Çesk Fabregasi./Sport Ekspres/

Gjimshiti vendos rekord kundër Juventusit, statistika që e fut në historinë e Atalantës

Sport Ekspres — Sun, 12 Apr 2026 11:50:23 +0000

Berat Gjimshiti ka vendosur një rekord të ri me fanellën e Atalantës. Në mbrëmjen e djeshme kundër Juventusit ai regjistroi ndeshjen e tij numër 328 si lojtar i bergamaskëve. Një shifër që e bën kapitenin e Kombëtares shqiptare qendërmbrojtësin me më shumë ndeshje të zhvilluara në historinë e Atalantës.

Ndërkohë Gjimshiti ka kaluar edhe Bonaçinën, duke u renditur kështu i 4-ti në listën e futbollistëve me më shumë paraqitje në historinë e klubit. Përpara tij qendrojnë vetëm Pashaliçi, Belini dhe De Roni./Sport Ekspres/

Tifozët vërshëllyen Milanin pas humbjes, Alegri ruan qetësinë: Ishte një gabim i vogël, jemi në top 4-she

Sport Ekspres — Sun, 12 Apr 2026 10:24:44 +0000

Milani pësoj një humbe të papritur mbrëmjen e djeshme. Udinezja i mposhti në “San Siro” me rezultatin e pastër 0-3. Tifozët mbetën të zhgënjyer nga ky rezultat dhe vërshëllyen lojtarët tyre në fund të ndeshjes. Megjithatë, Alegri ka mbetur i qetë pas takimit. Në deklararën e dhënë për mediat ai ka thënë se ekipi duhet të ketë besim, pasi ende gjendet mes 4 më të mirëve në Serinë A. Trajnerj i Milanit e ka cilësuar këtë humbje thjesht si një gabim të vogël.

“Duhet të kemi besim, sepse jemi ende në katër vendet e para. E dimë që do të duhet të punojmë shumë. Nuk kemi luajtur kurrë një ndeshje si kjo më parë këtë sezon dhe kjo duhet të na ndihmojë të riorganizohemi. Por mbi të gjitha, të kemi më shumë rend në fushë. Patëm mundësi të favorshme, por nuk i shfrytëzuam ato. Është një gabim i vogël, tani kemi një javë për t’u përgatitur mirë për Veronën”, ka deklaruar Masimiliano Alegri./Sport Ekspres/

“Mesfushori duhet të ketë aftësi më të plota se sa ato të Zhegrovës”, Spalletti kërkon më shumë: Tani po i kërkoj verëm gjënë më thelbësore

Sport Ekspres — Sat, 11 Apr 2026 10:18:28 +0000

Luciano Spalletti ka folur për kanalin zyrtar të Juventusit pas rinovimit të kontratës. Trajneri italian është ndalur edhe te rëndësia e mesfushorëve në ekip. Sipas tij, mesfushorët duhet të kenë një paketë aftësish më të plota se sa ato të Yildiz-it, Conceicao-s, apo edhe Zhegrovës. Kjo pasi lojtarët e këtij roli duhet të jenë mjaft të përgatitur në të dyja fazat e lojës, si në atë sulmuese, ashtu edhe në atë mbrojtëse.

“Mesfushorët kanë një avantazh në të mësuarit rreth asaj që po ndodh në mbrojtje dhe sulm. Ata duhet të kenë një sërë aftësish më të plota sesa Conceicao, Yildiz ose Zhegrova i momentit, të cilëve u kërkohet të bëjnë një gjë themelore: të jenë në gjendje t’i bëjnë gjërat mirë.

Mesfushori duhet të jetë në gjendje të bëjë nga pak nga gjithçka gjatë zhvillimit të ndeshjes. Futbolli modern na tregon se mund t’i përdorim më shumë në lojë dhe si ekip, sepse ata mund të zgjidhin nga pak gjithçka”, ka thënë ndër të tjera Luciano Spalletti./Sport Ekspres/

“Të gjithë menduan se isha i mbaruar”, portieri shqiptar me superlativa për trajnerin: Më besoi kur unë isha gati të shkoja në Turqi

Sport Ekspres — Fri, 10 Apr 2026 17:53:00 +0000

Arijanet Muriçi po kalon një sezon mjaft pozitiv te Sasuolo. Groso ka besuar shumë te aftësitë e tij dhe portieri shqiptar ka ditur si t’ja shpërblejë në fushën e lojës. Në një intervistë për “Corriere dello Sport”, gardiani i Kosovës ka folur me superlativa për trajnerin e tij. Ai ka thënë se të gjithë e konsideruan si një kartë të djegur pas dëmtimit që pësoi, por kreu i pankinës së Sasuolos i dha besimin që i mungonte.

“Ai (Groso) do të thotë shumë për mua. Po vija nga një dëmtim i rëndë. Pata një operacion në shpatull dhe nuk luajta për 6-7 muaj. Menduan se isha i mbaruar. Isha gati të shkoja në Turqi dhe e vlerësoj shumë besimin që trajneri tregoi tek unë. Gjithashtu, trajneri më vlerëson që arrita deri këtu. Ai mund të kishte bërë zgjedhje të tjera. Më donte dhe më lejoi të luaja menjëherë. Unë luaj edhe për të”, ka thënë Arijanet Muriçi./Sport Ekspres/

“Alegri dhe Tare duhet të nderohen”, ish-lojtari italian: Kanë bërë një mrekulli me këtë Milan

Sport Ekspres — Fri, 10 Apr 2026 16:59:22 +0000

Milani ka thyer pritshmëritë e të gjithëve. Megjithëse vinin nga një sezon i dobët dhe me investime në shifra të ulta, kuqezinjtë kanë arritur të renditen në vendin e 3-të me vetëm 9 pikë diferencë ng kreu. I ftuar në “Marakana” në “TMW Radio”, ish-lojtari Mikele Padovano i ka dhënë meritat kryesore Alegrit dhe Tares. Sipas tij, dyshja në fjalë duhet të nderohet këtë vit, pasi kanë realizuar një mrekulli me këtë Milan.

“Mendoj se Allegri dhe Tare duhet të nderohen këtë vit. Me ekipin që kanë, të qenurit atje është një mrekulli. Ata ishin mjaftueshëm të zgjuar për të nënshkruar me Rabionë dhe Modriçin, të cilët kanë rregulluar shumë gjëra. Këto janë gjëra që i mungojnë Juves, lojtarë me përvojë që ndihmojnë ekipin të rritet”, ka deklaruar Mikele Padovano./Sport Elspres/

“Interi ka bërë vetëvrasje dy herë”, ish-lojtari italian: Duhet të kishin bërë atë që bëri Juventusi për 9 vite

Sport Ekspres — Fri, 10 Apr 2026 16:44:46 +0000

Paolo Di Kanio ka dhënë një intervistë për “Corriere della Sera”, ku është ndalur ndër të tjera te Interim Ish-lojtari i njohur është shprehur se zikaktrit kanë kryer vetëvrasje dy herë, pasi sipas tij duhet të kishin arritur atë që arriti Juventusi në 9 vite. Di Kanio ka thënë se Interi ka ekipin që është ndërtuar më mirë, por nuk ka arritur të përfitojë dot nga problematikat e rivalëve të vetë.

“Interi ka kryer vetëvrasje dy herë. Gjatë pesë viteve të fundit, ata duhet të kishin bërë atë që bëri Juve për nëntë sezone, duke pasur parasysh se ishin i vetmi klub që u ndërtua mirë. Ata kanë lojtarët më të mirë, ndërsa rivalët e tyre kanë ndryshuar stafin e trajnerëve dhe lojtarët çdo vit, duke përkeqësuar shpesh performancat e tyre”, është shprehur Paolo Di Kanio./Sport Ekspres/

“E pasonte topin aty ku vetëm ai e shihte”, Alegri i përgjigjet kritikave të Kasanos: Më ka bërë një kompliment të madh

Sport Ekspres — Fri, 10 Apr 2026 15:23:07 +0000

Antonio Kasano nuk është kursyer aspak në kritikat e tij për Masimiliano Alegrin. Ish-sulmuesi italian ka thënë se ai po e dërgon futbollin vendas drejt humnerës. Alegri është shprehur në konferencë për shtyp se Kasano i ngjason me Ronaldinjon, ndërsa në fund shton se i ka bërë një kompliment të madh me fjalët e tij.

“Pata fatin dhe kënaqësinë ta stërvisja. Si lojtar, ai kishte disa aftësi të jashtëzakonshme. Mendoj se ishte pak si Ronaldinjo, sepse e pasonte topin aty ku vetëm ai mund ta shihte. Dhe Antonio ishte shumë i mirë për këtë. I respektoj mendimet e të gjithëve. Mendoj se më bëri një kompliment të madh duke thënë se unë isha përgjegjës për gjithçka…”, ka thënë Masimiliano Alegri./Sport Ekspres/

Dy klube të Serisë A janë të interesuara për shërbimet e tij, mesfushori shqiptar pranë rikthimit në Itali

Sport Ekspres — Thu, 09 Apr 2026 22:05:08 +0000

Vera mund ta gjejë Arijon Ibrahimoviçin në një tjetër skuadër. Dy klube të Serisë A janë të interesuara për shërbimet e tij. Bëhet fjalë për Fiorentinën dhe për Kaljarin. Të dyja skuadrat e pëlqejnë profilin e Ibrahimoviçit, i cili e njeh mjaft mirë futbollin italian

Më herët Ibrahimoviçi ka qenë pjesë e Lacios dhe e Frosinones. Ndërkohë tashmë mesfushori shqiptar luan për Hajdenhajmin në Bundesligë. Sakaq, mësohet se gjithashtu edhe Vijareali dhe Brajtoni kanë shfaqur interesim për Ibrahimoviçin./Sport Ekspres/

“Ai dhe by*lëpirësit e tij po e çojnë futbollin tonë në humnerë”, Kasano sulmon Alegrin: Flet budallallëqe, nuk e di pse paguhet kaq shumë

Sport Ekspres — Thu, 09 Apr 2026 20:32:59 +0000

Antonio Kasano ka folur për “Viva El Futbol”, ku ka komentuar sfidën mes Milanit dhe Romës. Ish-sulmuesi i njohur ka kritikuar Masimiliano Alegrin. Kasano është shprehur se Alegri po e dërgon futbollin italian në humnerë.

“Allegri është trajneri kryesor, jo menaxheri. Ai po e çon futbollin tonë drejt humnerës, që është katastrofa që Allegri dhe by*lëpirësit e tij kanë krijuar gjatë dhjetë viteve të fundit. Ai nuk di si të stërvitë, flet budallallëqe, vazhdon të fitojë kaq shumë para dhe nuk e kuptoj pse. Për sa kohë që flas, do të luftoj kundër këtyre njerëzve.

Milani ishte një katastrofë kundër Napolit dhe ai thotë ‘në rastin më të keq, do të barazojmë 0-0’. Do të vijë koha kur këta personazhe do të jenë jashtë futbollit. Sa më shpejt të largohen, aq më i mirë do të jetë futbolli ynë”, ka thënë Antonio Kasano./Sport Ekspres/

Gasperini kritikon merkaton e Romës: Kanë sjellë 30 lojtarë dhe tani vetëm 4 prej tyre luajnë

Sport Ekspres — Thu, 09 Apr 2026 18:53:11 +0000

Xhan Piero Gasperini ka kritikuar strategjinë e merkatos së Romës. Trajneri italian është shprehur për mediat se te verdhekuqtë kanë ardhur 30 lojtarë, ndër të cilët jo më shumë se 5 luajnë. Ky fakt tregon se në klub nuk kanë punuar në mënyrën e duhur. Gasperini ka theksuar faktin se duhet orientuar tregu i transferimeve drejt cilësisë dhe jo drejt sasisë.

“Mendoj se duhet të përpiqemi gjithmonë të përmirësojmë ekipet. Para se të mendosh të lëshosh atë që ke, duhet të kuptosh se çfarë po sjell. Kjo është gjithmonë pika kyçe, të gjithë do të donim të kishim Mesin ose Ronaldon, por duhet ta kuptojmë këtë. Qëllimi është të përmirësojmë ekipet me kalimin e kohës. Mendoj se në Romë, duke parë Transfermarkt, kanë ardhur 30 lojtarë dhe ndoshta 4 ose 5 po luajnë tani. Nuk do të fajësoj askënd, por ndoshta na duhen objektiva të ndryshëm. Në Romë, kam parë disa lojtarë dhe ekipe të shkëlqyera; publiku njeh lojtarët e fortë. Jam më i prirur për këtë lloj ideje sesa për 30 lojtarë”, ka dekaruar Xhan Piero Gasperini./Sport Ekspres/

“Në Itali e ndjekin kundërshtarin deri në tualet”, Lahmi tregon problemin e futbollit italian: E ka fajin Atalanta

Sport Ekspres — Tue, 07 Apr 2026 19:01:55 +0000

Filip Lahmi ka dhënë një intervistë për “The Guardian”, ku ka thekuar problematikën kryesore të futbollit italian. Ai shprehet se në gadishullin Apenin i mëshojnë markimit një kundër një, duke e ndjekur kundërshtarin në çdo hap që hedh në fushë. Sipas tij, kjo është një qasje e vjetër dhe e dalë mode, të cilën po e sheh herë pas here edhe në Bundesligë. Lahmi ka bërë thirrje që në Gjermani të heqin dorë nga kjo mënyrë loje, pasi në të kundërt do të kenë fatin e futbollit italian.

“Trajnerët na thonin: ‘Ndiqe kundërshtarin deri në tualet’. Ata donin mbulimin një kundër një në mënyrë që mbrojtësit të mos mendonin shumë. Kjo qasje e vjetër po ringjallet dhe për këtë duhet të fajësohet Atalanta. Ata fituan Ligën e Euopës në 2024-n kundër Bajer Leverkusenit duke luajtur në atë mënyrë.

Italia ka mbetur prapa. Nëse Gjermania ndjek këtë rrugë, e njëjta gjë mund të na ndodhë edhe neve. Jam i befasuar që kaq shumë mbrojtës në Bundesligë po i markojnë përsëri kundërshtarët e tyre një kundër një. në tualet. Po i ndjekin deri në tualet. Edhe Bajerni i Mynihut e bën këtë. Vinsent Kompani ndonjëherë mbështetet në markimin e lojtarëve. Në Bundesligë, ku nuk ka konkurrencë, gabimet nuk ndëshkohen”, ka deklaruar Filip Lahmi./Sport Ekspres/

Gjimshiti me moral të ulur pas eleminimit të Shqipërisë, trajneri i Atalantës: Kam zhvilluar biseda individuale, duhet t’i japim besim

Sport Ekspres — Mon, 06 Apr 2026 19:07:42 +0000

Rafaele Paladino ka dhënë një intervistë për mikrofonin e “Sky Sport” pas fitores 3-0 kundër Leçes. Trajneri italian ka folur për gjendjen emocionale të rënduar të lojtarëve italianë, por edhe të Gjimshitit e Zalevskit, të cilët nuk mundën të kualifikoheshin për në Kupën e Botës 2026. Paladino ka thënë se ka zhvilluar biseda me secilin dhe është përpjekur t’i ngrejë humorin me batuta dhe ngacmime.

“Kemi pasur shumë intervista individuale. Përpos të qenurit lojtarë, ata janë edhe njerëz. Nuk po flas vetëm për italianët, pasi Gjimshiti dhe Zalevski janë gjithashtu aty. Duhet t’i japim besim. Qoftë kjo edhe me shaka apo ngacmime. Duhet të përqendrohemi 100% te Atalanta dhe të japim gjithçka nga vetja deri në fund”, ka deklaruar Rafaele Paladino./Sport Ekspres/

Juventusi mposht Xhenoan dhe vazhdon luftën për Ligën e Kampionëve, Zhegrova harron ndjesinë e fushës

Sport Ekspres — Mon, 06 Apr 2026 18:08:31 +0000

Juventusi ka mposhtur Xhenoan me rezultatin 2-0. Bardhezinjtë janë rikthyer me fitore pas ndërprerjes së kampionateve për shkak të ndeshjeve të Kombëtareve. Bremeri tundi rrjetën që në minutën e 4-t të lojës, ndërsa në të 17-n Mekeni dyfishoi shifrat.

Xhenoa kishte mundësinë të rihapte lojën në minutën e 74-t. Skuadra italiane fitoi të drejtën e një 11 metërshi, por Di Gregorio fitoi duelin me lojtarin kundërshtar, duke e pritur me sukses gjuajtjen e tij. As në këtë ndeshje nuk pati minuta për Edon Zhegrovën, i cili te Juventusi duket se po harron ndjesinë e të shkelurit në fushën e blertë. Pas kësaj fitoreje Juventusi shkon në kuotën e 57 pikëve dhe vijon luftën për të zënë një vend në Ligën e Kampionëve sezonin e ardhshëm. Vendi i 4-t mbetet vetëm një pikë larg./Sport Ekspres/

U shpall lojtari më i mirë i ndeshjes, Ismajli: Tani mund ta bëjmë gjumin të qetë

Sport Ekspres — Sun, 05 Apr 2026 18:58:05 +0000

Ardian Ismajli është shpallur lojtari më i mirë i ndeshjes Piza-Torino. Mbrojtësi shqiptar ka folur për “Sky” pas fitores, ku ka dhënë përshtypjet e tij të para pas përfundimit të lojës. Ismajli ka thënë se Torino e meritonte fitoren dhe tashmë e ka lënë pas krahëve krizën e rezultateve.

“Jam i lumtur me çmimin, por gjëja më e rëndësishme ishte të merrnim tre pikët në shtëpi. Dhe e meritonim. Për Pizën, ishte ndeshja e fundit ku ata mund të kishin bërë një hap përpara, por ne luajtëm mirë. Tani mund të flemë të qetë. Nuk e meritonim këtë krizë, por që nga ardhja e D’Aversës, kemi ndryshuar”, ka thënë Ardian Ismajli./Sport Ekspres/

“Jam i trishtuar, hera e 3 radhazi jashtë Botërorit”! Simeone Inzaghi refuzon stolin e Kombëtares së Italisë

Sport Ekspres — Sun, 05 Apr 2026 17:06:20 +0000

Trajneri i Al Hilal, Simone Inzaghi, tha se nuk dëshiron të marrë drejtimin e ekipit italian të futbollit dhe shtoi se është i lumtur në Arabinë Saudite.
Italia aktualisht është pa trajner, pasi Gennaro Gattuso dha dorëheqjen pasi u eliminua nga Bosnja dhe Hercegovina në finalen e play-off-it të Kupës së Botës.

“Unë për të zëvendësuar Gattuson? Jam i kënaqur, por jam i lumtur në Arabinë Saudite dhe kam ende një vit të mbetur në kontratën time me Al Hilal,” tha Gattuso për gazetën italiane Liberta.

“Jam shumë i trishtuar që Italia nuk do të luajë në Kupën e Botës për herë të tretë radhazi. Unë jam 100 për qind italian, vëllai im fitoi Kupën e Botës. Jam absolutisht i sigurt se futbolli italian do të rikuperohet shpejt,” shtoi trajneri Al Hilal. /Elio Hajdari-Sport Ekspres/

Teknikë dhe karakter, Igli Tare piketon mesfushorin e Bajernit të Mynihut

Sport Ekspres — Fri, 03 Apr 2026 20:03:39 +0000

Igli Tare ka nisur punën e tij për merkaton e verës. Alegri kërkon një mesfushor të nivelit të lartë për të ndihmuar Rabionë. Igli Tare ka piketuar lojtarin e Bajernin e Mynihut pëe të plotësuar kërkesën e Alegrit.

Bëhet fjalë për Leon Goretckën. Sipas “Milannews.it”, Tare ka nisur kontaktet me mesfushorin gjerman, të cilit i skadon kontrata në datën 30 qershor. Goretcka pëlqehet edhe nga trajneri Alegri për faktin se përbush kriterin teknik dhe atë karakterial për të qenë pjesë e Milanit./Sport Ekspres/

“Një 40-vjeçar luan titullar në Serinë A dhe i fsheh topin të gjithëve”, De Laurentisi tregon plagën e futbollit italian: A ju duket normale?!

Sport Ekspres — Thu, 02 Apr 2026 11:33:26 +0000

Mospjesëmarrja për të tretin vit radhazi në Kupën e Botës e Italisë ka hapur një debat të gjerë në opinionin sportiv. Kryeredaktori i “Corriere dello Sport” ka vënë theksin se lojtarët italianë nuk kanë përgatitjen e duhur fizike. Paolo De Laurentisi ka sjellë në dritë faktin se Modriçi, i cili nuk gjeti hapësira në Spanjë, në Serinë A dallon si ndër më të mirët, pavarësisht moshës 40-vjeçare. Një tregues ky i nivelit të kampionatit italian.

“Bota e futbollit po i lidh pikat para syve të të gjithëve. A është normale që Modriçi, vetëm një minutë për Real Madridin vitin e kaluar, të vijë këtu në moshën 40 vjeç dhe gjithmonë të fillojë titullar, duke e fshehur topin nga të gjithë? Le ta lëmë jashtë Bosnjën dhe incidentet e saj. A është normale që Norvegjia të na mbushë me gola, duke na mposhtur fizikisht edhe para se ta bëjë këtë teknikisht? Ne kemi trajnerë që janë mjeshtra të taktikave, por a jemi të sigurt se po bëjmë gjënë e duhur fizikisht? Pse të tjerët vrapojnë dy herë më shpejt dhe topi i tyre udhëton më shpejt kur ne luajmë në garën e kupës?”, ka thënë Paolo De Laurentisi./Sport Ekspres/

“De Rosi më thotë që jam një skandal për futbollin”, ish-sulmuesi i Partizanit shpjegon britmat e trajnerit

Sport Ekspres — Sun, 29 Mar 2026 20:00:33 +0000

Xhenoa është duke shfrytëzuar pushimin prej Kombëtareve për të zhvilluar përgatitjet për sfidën ndaj Juventusit. Kaleb Ekubani ka dhënë një intervistë për “Sky Sport”, ku ka treguar pritshmëritë e tij për ndeshjen me bardhezinjtë. Ish-lojtari i Partizanit ka ndarë me gazetarët edhe një moment tensioni me trajnerin De Rosi, i cili nuk e ka menduar dy herë të rrisë tonin e zérit të tij.

“Është një ndeshje shumë e luftuar. Juventusit gjithashtu i duhen pikë për të qëndruar në garën e Ligës së Kampionëve. Do të përpiqemi të shkojmë atje të përgatitur, të luftojmë fort dhe të marrim disa pikë në shtëpi.

Për çfarë po më bërtiste De Rosi në stërvitje? Se unë jam një skandal në futboll dhe shkoj në stërvitje me pantofla. Por kjo është në rregull. Nëse atij i duhet të shfryjë në fushë, do ta lejoj”, ka treguar Kaleb Ekubani./Sport Ekspres/

Modriçi ishte goditja që heshti gjithë kritikët e Tares, Milani kërkon ndihmën e kroatit për Champions-in

Sport Ekspres — Sun, 22 Mar 2026 12:53:14 +0000

Përzgjedhja e Igli Tares në rolin e drejtorit sportiv të Milanit po jep frytet e veta. Ish-sulmuesi shqiptar ka bindur edhe kritikët e tij me punën e kryer deri më tani. Me një buxhet të kufizuar, ai arriti t’i jepte një tjetër fytyrë kuqezinjve. Afrimi Luka Modriçit në Milano u shoqërua me kritika të mëdha në verë, por koha tregoi se kroati ishte goditja e Tares në merkato.

Pavarësisht moshës së madhe, Modriçi ka qenë pika kyçe e Milanit dhe një nga lojtarët më të spikatur në Serinë A. Paraqitjet e tij kanë heshtur edhe kritikët e Tares, ndërsa ky i fundit po përgatit zgjatjen e kontratës edhe për një sezon për mesfushorin kroat. Sipas “Tuttosport”-it, Tare po përpiqet të bindë Modriçin të vazhdojë karrierën edhe pas Kupës së Botës, teksa Milani ka nevojë për përvojën e tij në Champions League sezonin e ardhshëm. Klubi italian është i gatshëm të ofrojë 4.5 milionë euro në vit plus bonuse, por paratë duket të jenë problemi i fundit në këtë marrëveshje./Sport Ekspres/

Portieri shqiptar u shpall lojtari i ndeshjes ndaj Juventusit, Berardi: Ka cilësi të shkëlqyera, po na jep një dorë të madhe

Sport Ekspres — Sun, 22 Mar 2026 12:03:57 +0000

Arijanet Muriçi ishte heroi i Sasuolos në përballjen kundër Juventusit. Falë tij ekipi arriti të largohej me një barazim 1-1 nga Torinoja. Portieri i Kosovës ishte vendimtar me pritjet e tij, duke u shpallur edhe lojtari i ndeshjes.

I pyetur nëse e meritonte këtë vlerësim, Berardi është përgjigjur pozitivisht. Lojtari italian ka thënë për “Sky Sport” se Muriç ka cilësi të shkëlqyera, të cilat shokët e tij të ekipit i kanë zbuluar prej kohësh.

“Po, ai ka kohë që po luan mirë. Po na jep një dorë të madhe. Ai po bën gjëra të shkëlqyera. Ka cilësi të shkëlqyera, këtë nuk po e zbulojmë sot”, ka thënë Domeniko Berardi./Sport Ekspres/

Priti penalltinë dhe shkëlqeu ndaj Juventusit, portieri shqiptar: Isha mjaft i sigurt, e ndjeja që do ta prisja

Sport Ekspres — Sun, 22 Mar 2026 10:46:45 +0000

Arijanet Muriçi ishte lojtari i ndeshjes në përballjen Juventus-Sasuolo. Skuadrat u larguan nga fusha me një barazim 1-1 dhe meritë të madhe për këtë rezultat ka pikërisht portieri shqiptar. Gardiani i Sasuolos priti penalltinë e Lokatelit në minutën e 88, si dhe arriti të priste një gjuajtje mjaft të rrezikshme të Milikut. Dy raste vendimtare që i mohuan fitoren Juventusit.

Në intervistën e dhënë pas ndeshjes, Muriçi është shprehur se e ndjente që do ta priste penalltinë e Lokatelit. Më tej ai ka shtuar se pritja e goditjes e kokë të Milikut ishte më e vështirë për t’u realizuar se sa rasti i 11 metërshit.

“Patëm shumë raste. Jam i kënaqur me performancën time, por luajtëm një ndeshje të shkëlqyer si ekip. Isha mjaft i sigurt se do ta prisja (penalltinë). Ishte çështje ndjenje, mendova: ‘Do ta pres’.

Më e vështirë pritja e penalltisë apo gjuajtja e Milikut? Goditja me kokë ishte më e vështirë për t’u pritur”, është shprehur Arijanet Muriçi./Sport Ekspres/

Leao refuzoi të largohej nga fusha, Tare “u tërbua” në tribunë: Pa shiko si bën?!

Sport Ekspres — Mon, 16 Mar 2026 17:54:17 +0000

Ndeshja kundër Lacios zgjati vetëm 66 minuta për Rafael Leaon. Alegri zgjodhi ta zëvendësonte anësorin portugez, por vendimi i tij nuk u prit aspak mirë nga ky i fundit. Futbollisti 27-vjeçar refuzoi përqafimin e Alegrit sapo iu afrua vijës anësore, teksa i kërkoi hapur ta lejonte të luante në fushë.

Pakënaqësia dukej qartë në fytyrën e Leaos dhe ky i fundit nuk u mundua aspak ta fshihte. Ndërkohë, ky veprim ka “tërbuar” edhe Igli Taren. Drejtori sportiv shqiptar u pa i nervozuar në tribunë, duke thënë: “Pa shiko se ç’po ndodh, shiko si bën”. Një situatë e pakëndshme për skuadrën e Milanit, që dështoi të merrte tre pikët në fund të ndeshjes./Sport Ekspres/

“Edhe ekipet angleze po hasin vështirësi në Champions, është format argëtues”, Alegri: Ka vetëm një mënyrë për të kapur Interin

Sport Ekspres — Sun, 15 Mar 2026 12:30:51 +0000

Milani do të përballet sot kundër Lacios në ndeshjen e vlefshme për javën e 29 të Serisë A. Një fitore ndaj bardhekaltërve do të shkurtonte diferencën me Interin e vendit të parë me vetëm 5 pikë.

Alegri ka thënë në konferencë për shtyp se mënyra e vetme për të arritur Interin është që këta të fundit të humbin dhe Milani të fitojë. Sa i përket eleminimi të hershëm të ekipeve italiane nga Liga e Kampionëve, Alegri nuk e lidh këtë fajt me mungesën e cilësisë në Serinë A. Sipas tij, edhe ekipet angleze po hasin vështirësi për shkak të formatit të këtij kompeticioni.

“Futbolli është i bukur sepse është i hapur për debat dhe sepse situatat ndryshojnë çdo vit. Tani për tani, po shohim fazat finale, por edhe ekipet angleze po hasin vështirësi.

Ky format është argëtues nga njëra anë, ka kaq shumë ndeshje dhe rrezikon të gjesh veten në të dyja anët e tabelës. Ndoshta vitin tjetër do të jetë ndryshe. Gjëja e rëndësishme është të luash, pastaj do të shohim se çfarë është e aftë të bëjë secila skuadër. Nuk ka rregulla.

Mbrojtja më e mirë zakonisht fiton Skudeton?Ka vetëm një mënyrë për ne që ta kapim Interin: që ata të humbasin dhe ne të fitojmë”, ka thënë Masimiliano Alegri./Sport Ekspres/

“I ka rikthyer tifozëve emocionet”, ish-lojtari duartroket Taren: Ka bërë një punë fantastike

Sport Ekspres — Sun, 08 Mar 2026 13:14:05 +0000

Milani ka pësuar një ndryshim pozitiv këtë sezon. Projekti i ri po ecën me sukses dhe meritat i takojnë edhe Igli Tares. Puna e drejtorit sportiv shqiptar është dukshme. Madje, ndikimi i tij te Milani është nxjerrë në pah edhe nga opinioni sportiv italian. Së fundmi, ka qenë Cristian Brocchi ai që ka vlerësuar kontributin e Tares. Ish-lojtari italian ka thënë për “Tuttosport”-in se Igli ka qenë vendimtar në rikthimin e emocioneve te tifozët.

“Allegri dhe Tare kanë bërë një punë fantastike: drejtori sportiv ka qenë vendimtar në çimentimin e grupit dhe në rikthimin e emocioneve te tifozët, si një rikthim në Ligën e Kampionëve. Atje duhet të jetë Milani”, ka thënë Cristian Brocchi./Sport Ekspres/

Ish-lojtari italian i jep merita Tares për ndryshimin e Milanit: Igli dhe Allegri janë lojtarët kyç të kuqezinjve

Sport Ekspres — Sun, 08 Mar 2026 12:10:30 +0000

Mbrëmbjen e sotme “San Siro” pret derbin e Milanos. Në prag të kësaj sfide, Demetrio Albertini ka dhënë një intervistë për “La Repubblica”-n. Ish-lojtari italian ka vënë në duke punën e shkëlqyer të Igli Tares dhe të Allegri-t, të cilët i konsideron si lojtarët kyç të ndryshimit të pozitiv të Milanit në këtë sezon.

“Milani ka ndryshuar shumë, klubi e ka vënë veten në pikëpyetje. Tani, në një nivel sportiv, ata kanë dy lojtarë kyç, Taren dhe Allegri-n. Një trajner i shkëlqyer, askush nuk mund ta vërë në dyshim këtë. Sigurisht, tregu i transferimeve vendoset nga klubi”, është shprehur Demetrio Albertini./Sport Ekspres/

“Gjimshiti është një nga ‘senatorët’ e ekipit”, trajneri i Atalantës tregon peshën e mbrojtësit shqiptar: Është thelbësor për ne

Sport Ekspres — Sun, 08 Mar 2026 10:12:39 +0000

Berat Gjimshiti e nisi nga stoli ndeshjen e mbrëmshme kundër Udinezes. Mbrojtësi shqiptar hyri në fushë vetëm në minutën e 87. Megjithatë, kapiteni i Kombëtares kuqezi mban një peshë të madhe në skuadër. Të paktën kështu ka lënë të kuptohet trajneri i Atalantës. Paladino ka thënë për mediat pas përfundimit të lojës se Gjimshiti, së bashku me Kolashinacin dhe De Ronin janë “senatorë” të skuadrës dhe thelbësor për bergamaskët.

“Ata (zëvendësuesit) padyshim dhanë kontributin e tyre. Për ne, ‘senatorët’, si Kolashinaci, De Roni dhe Gjimshiti janë thelbësorë. Por edhe lojtarët e rinj po japin kontributin e tyre”, është shprehur ndër të tjera Rafaele Paladino./Sport Ekspres/

Juventusi argëtohet kundër Pizës, për Zhegrovën nuk ka minuta as në goleadën e bardhezinjve

Sport Ekspres — Sat, 07 Mar 2026 22:10:30 +0000

Juventusi ka marrë fitore bindëse në javën e 28 të Serisë A. Bardhezinjtë janë argëtuar në fushën e lojës, teksa kanë mposhtur Pizën me shifrat e thella 4-0. Kambiaso (54′), Turami (65′), Jëlldizi (75′) dhe Boga (90’+3′) ishin autorët e golave për “zonjën e vjetër”, e cila ka marrë tre pikë mjaft të rëndësishme në kampionat.

Tashmë Juventusi ka shkuar në kuotën e 50 pikëve, vetëm një pikë larg zonës Champions. Ndërkohë, Zhegrova nuk zhvilloi asnjë minutë në fushën e lojës në këtë ndeshje. Lojtari shqiptar nuk u preferua nga Luçiano Spaleti, pavarësisht faktit se bardhezinjtë po fitonin bindshëm ndaj Pizës./Sport Ekspres/

Sytë e Italisë janë kthyer drejt “San Siros”, derbi vendos rekord të ardhurash për Serinë A

Sport Ekspres — Sat, 07 Mar 2026 13:14:53 +0000

Sportdashësit italian, por edhe ata botërorë, i kanë kthyer sytë drejt Milanos. Mbrëmjen e nesërme, duke nisur nga ora 20:45, në “San Siro” do të luhet derbi mes Milanit dhe Interit. Një ndeshje që përpos traditës dhe historisë së skuadrave, merr një peshë edhe më të madhe nga renditja e skuadrave në tabelë. Rezultati i nesërm mund të jetë përcaktues sa i përket garës për titullin kampion.

Biletat janë shitur të gjitha, teksa në stadium do të ketë media nga e gjithë bota, si dhe nuk do të mungojnë personalitete të njohura të futbollit. Gjithashtu, blen të theksohet se ky derbi ka vendosur tashmë një rekord të ri në futbollin italian. Të ardhurat e nesërme do të jenë më të lartat në historinë e Serisë A. Të ardhurat nga ky derbi e tejkalojnë shifrën 8.7 milionë euro./Sport Ekspres/.

“Kam marrëdhënie të mrekullueshme me trajnerin”, Ardian Ismaili: Ai na solli përsëri vetëbesimin

Sport Ekspres — Fri, 06 Mar 2026 21:34:11 +0000

Torino po bërballet sot me ekipin e Napolit në javën e 28 të Serisë A. Titullar në këtë sfidë është edhe Ardian Ismajli. Ky i fundit ka folur për “DAZN”-in pëpara nisjes së sfidës. Ai i ka dhënë rëndësi të madhe punës së kryer nga trajneri D’Aversa, me të cilin shprehet se ka një raport të mrekullueshëm.

“Sapo D’Aversa mbërriti, ai solli sërish vetëbesimin dhe mentalitetin, vullnetin për mos t’u dorëzuar asnjëherë. Kemi punuar bashkë për një vit e gjysmë dhe marrëdhënia jonë është e mrekullueshme. Ai foli me të gjithë. Rëndësia e tij në ndeshjen me Lacion ishte e dukshme”, ka thënë Ardian Ismajli./Sport Ekspres/

Asnjë ekip italian në top 10-she, klubeve të Serisë A u ka humbur vlera e fanellës

Sport Ekspres — Mon, 02 Mar 2026 20:11:17 +0000

Futbolli italian është larg shkëlqimit të dikurshëm. Klubet e Serisë A po çalojnë në fushën e lojës në kompeticionet e UEFA-s, duke humbur kështu dominimin e mëparshëm në arenën europiane. Rënia e nivelit në fushë ka sjellë në mënyrë të drejtpërdrejtë pasojat e veta edhe te tifozët.

Në listimin e kryer nga “Transfermarkt”-i, asnjë ekip italian nuk gjendet në top 10-shen e klubeve që kanë shitur më tepër fanella në vitin 2025. Barcelona udhëheq me 277 milionë euro të arkëtuara, teksa ndiqet nga Reali i Madridit me 231 milionë euro dhe Bajerni i Mynihut me 189 milionë euro fitime. Ndërkohë klubi italian me më tepër fanella të shitura në vitin 2025 është Milani, i cili renditet i 13-i. Ndërkohë Juventusi renditet i 15-i me 56 milionë euro të fituara, ndërsa fill pas tij vjen Interi me vetëm 1 milionë euro më pak fitim./Sport Ekspres/

Lista e klubeve me më shumë fitime nga shitja e fanellave për vitin 2025:

1) Barcelona – €277 milion

2) Real Madrid – €231 milion

3) Bajern Mynih – €189 milion

4) Mançester Junajted – €172 milion

5) Arsenal – €151 milion

6) Liverpul – €148 milion

7) Totenhem – €102 milion

8) Gallatasarai – €99 milion

9) Çelsi – €95 milion

10) PSG – €88 milion

——-

13) Milan – €68 milion

15) Juventus – €56 milion

16) Inter – €55 milion

Ismajli është ndër më të mirët e ndeshjes, media italiane: Ndërtoi një mur në mbrojtje, trajneri i la çelësat e mbrojtjes

Sport Ekspres — Sun, 01 Mar 2026 19:40:09 +0000

Ardian Ismajli ka shkëlqyer në fitoren e sotme me shifrat 2-0 kundër Lacios. Mbrojtësi i Torinos ishte i pakalueshëm në mbrojtje, duke ndihmuar ekipin të ruante rrjetën e paprekur. Ismajli është vlerësuar me notën 7 nga “Tuttomercatoweb.it”, teksa vetëm Simeone ka marrë një notë (7.5) më të lartë.

“Ai ndërton një mur kundër Ratkovit dhe më pas kundër Noslinit, duke i prerë manovrat sulmuese kundërshtarëve. D’Aversa i beson atij çelësat e mbrojtjes dhe ai përgjigjet me vendosmëri”, ka shkruajtur media e njohur italiane në vlerësimin e bërë për mbrojtësin shqiptar./Sport Ekspres/

Alegri bën humor me lojtarin e tij të dëmtuar: Doli në momentin e duhur, i takojnë meritat për fitoren

Sport Ekspres — Sun, 01 Mar 2026 18:05:19 +0000

Milani ka fituar me shifrat 0-2 kundër Kremonezes. Golat e fitores u shënuan shumë vonë për kuqezinjtë, teksa deri në minutën e 89 rezultati ishte 0-0. Masimiliani Alegri nuk i ka kursyer batutat pas përfundimit të ndeshjes. Gjatë intervistës së dhënë për “DAZN”-in, trajneri italian ka bërë humor me Bartezagin, lojtarin e tij që doli i dëmtuar nga fusha e lojës. Ai është shprehur se Bartezagi ka meritën e fitores, pasi pas largimit të tij u shënua edhe goli i Milanit.

“Bartezagi ishte i jashtëzakonshëm. Ai doli në momentin e duhur. Më pas Estupinjani hyri dhe dha asistin. Merita për këtë fitore i shkon atij”, ka thënë Masimiliano Alegri në mënyrë ironike./Sport Ekspres/

“Djalli” zgjohet në minutat e fundit, Milani i shpëton turpit kundër Kremonezes

Sport Ekspres — Sun, 01 Mar 2026 13:29:57 +0000

Milani është përballur sot me Kremonezen në javën e 27 të Serisë A. Megjithëse një kundërshtar i lehtë në letër, Kremonezja i ka hapur probleme kuqezinjve. “Djalli” u zgjua vetëm në minutat e fundit të lojës. Pavloviçi zhbllokoi rezultatin në minutën e 89 të takimit, ndërsa në minutën e 3-të shtesë Leao fiksoi shifrat në 0-3.

Me këtë fitore Milani shkon në kuotën e 57 pikëve në vendin e dytë në tabelën e renditjes. Ndërkaq, Kremoneze vijon të mbetet e pozicionuar e 17-a në klasifikimin e Serisë A./Sport Ekspres/

“Është histori e shpikur”! Diego Simeone te Interi? Reagon Marota: Jemi të lumtur me Chivu

Sport Ekspres — Wed, 25 Feb 2026 13:05:13 +0000

Interi ka humbur në shifrat totale 2-5 nga Bodo Glimt dhe është eleminuar nga Champions League. Kjo tronditje e madhe ka shtuar edhe zërat për një tronditje të mundshme të postit të trajnerit Chivu.

Në media u tha se Diego Simeone, një ëndërr e hershme e zikaltërve, ishte pranë Interit.

Megjithatë ishte presidenti i Interit, Marota, që sqaroi gjithçka. “Raportimet nga Spanja për një parakontratë mes nesh dhe Diego Simeones janë të rreme. Historia nuk është fare e vërtet, ne jemi shumë të lumtur me trajnerin Chivu”, tha Marotta. /Sport Ekspres/

“Vështirë të gjesh sot lojtarë si Ismajli”, trajneri i ri flet me superlativa për mbrojtësin shqiptar: Është luftëtar

Sport Ekspres — Tue, 24 Feb 2026 11:45:44 +0000

Trajneri i ri i Torinos ka folur me superlativa për Ardian Ismajlin. Roberto D’Aversa ka marrë së fundmi detyrën pas shkarkimit të Marko Baronit, teksa sot ka zhvilluar edhe prezantimin e tij përpara mediave. Gjatë konferencës ai ka folur edhe për Ardian Ismajlin, të cilin e ka quajtur një luftëtar dhe një lojtar që rrallë mund ta gjesh në ditët e sotme.

“Ismajli pati sezonin e tij më të mirë, por pati edhe probleme. Është luftëtar, luajti me dorë të thyer. Është e vështirë të gjesh lojtarë si ky sot, me këtë shpirt”, është shprehur Roberto D’Aversa./Sport Ekspres/

Parma shtang Milanin në “San Siro”, kuqezinjtë humbasin terren në garën me Interin

Sport Ekspres — Sun, 22 Feb 2026 19:44:52 +0000

Milani është përballur sot me Parmën në ndeshjen e vlefshme për javën e 26 të Serisë A. Parma ka shtangur kuqezinjtë në “San Siro”. Skuadra italiane ka mposhtur Milanin me rezultatin minimal 0-1.

Kjo përballje u vendos në minutën e 80, kur Troilo-ja e dërgoi topin në rrjetë. Me këtë gol, Parma i dha fund ecurisë prej 24 ndeshjeve pa humbje të Milanit. Tashmë kuqezinjtë e Alegrit humbasin terren edhe në garën për titullin kampion, teksa diferenca mes tyre është thelluar në 14 pikë./Sport Ekspres/

Super Atalanta e Berat Gjimshitit! I heq Napolit përfundimisht titullin kampion, në garë për Champions League

Sport Ekspres — Sun, 22 Feb 2026 16:24:10 +0000

Atalanta ka marrë sot një fitore të madhe në shtëpi kundër Napolit në shifrat 2-1. Ishte një fitore e madhe jo vetëm për faktin që u fitua ndaj ekipit të Antonio Conte, por për faktin se pas kësaj fitore, Napoli nuk ka më asnjë shans për të fituar titullin kampion.

E gjitha kjo falë triumfit të Atalantës, ndërsa aktualisht diferenca mes Interit dhe Napolit të vendit të tretë është 14 pikë. Buekuema solli avantazhin te Napoli në minutën e 18, teksa pjesa e parë u mbyll 0-1.

Përmbysja filloi në pjesën e dytë pasi Pasalic shënoi në minutën e 61. Ndërkohë në minutën e 81, Samardiz do të shënonte edhe golin e dytë, duke vendosur për fitoren e Atalantës që pas nisje katastrofale të sezonit, tani synon një vend që të dërgon në Champions League. Nga ana tjetër Berat Gjimshiti i cili ndiente disa shqetësime, ka hyrë në pjesën e dytë kundër Napolit duke marrë vendin e Scalvinit. /Elio Hajdari-Sport Ekspres/

Como është për t’u duartrokitur në Serie A! Fitojnë edhe kundër Juventusit në transfertë, shënon gol Vojvoda

Sport Ekspres — Sat, 21 Feb 2026 16:02:36 +0000

Como ka arritur të fitojë ndaj Juventusit në shifrat 0-2. Cesc Fabregas ka ndërtuar një makineri të frikshme e cila është e aftë vetëm që të fitojë. Kështu ndodhi edhe sot, teksa Como ka grumbulluar tre pikët.
Mërgim Vojvoda do të shënonte golin e parë të takimit në minutën e 11, duke mposhtur portierin e bardhezinjve. Pas kësaj fitore, Como renditet në vendin e 6 me 1 pikë më pak se Juventusi i vendit të pestë. /Elio Hajdari-Sport Ekspres/