“Kam bërë çmos për ta marrë Lautaro Martinezin në gusht. Është një sulmues i madh, e donim te Barça. Unë personalisht e telefonova presidentin e Interit, Marotën, dhe ai menjëherë më ndaloi: nuk kishte asnjë mundësi. Ai nuk ishte në shitje dhe unë e respektoj qëndrimin e Interit”, është shprehur Joan Laporta./Sport Ekspres/

Zgjedhja e tre klubeve nuk është rastësi. Fabregas u formua te akademia e Barcelonës, u bë kapiten dhe figurë kryesore te Arsenali, ndërsa me Chelsean fitoi dy tituj të Premier League. Spanjolli ka refuzuar më parë interesimin e Interit, Romës dhe Bayer Leverkusenit, pasi është i fokusuar te projekti i Comos. Megjithatë, ëndrra për të drejtuar një klub të madh mbetet e hapur. Sipas raportimeve, Barcelona shihet si një destinacion veçanërisht interesant për të ardhmen, ndërsa Fabregas vazhdon të ndërtojë reputacionin e tij si një prej trajnerëve më të spikatur të brezit të ri. /Elio Hajdari-Sport Ekspres/

Sipas statistikave zyrtare të Serisë A, Rrahmani kryeson listën e lojtarëve më të mirë për dueler ajrore të fituara. Futbollisti i Napolit numëron 37 duele ajrore të fituara, plot 17 më tepër se Andrea Karboni i vendit të dytë./Sport Ekspres/

5 lojtarët më të mirë sipas dueleve ajrore të fituara:

1. Amir Rrahmani (Napoli): 37
2. Andrea Karboni (Monca): 20
3. Leo Ostigard (Xhenova): 19
4. Gleison Bremer (Juventus): 18
5. Xhorxho Çitadini (Frosinone): 17

Bardhezinjtë kanë mpshtur Atalantën me shifrat 2-0. Ndeshja u zhbllokua nga Konseisao në minutën e 28, ndërsa në të 77 goli nisi nga këmba e Zhegrovës. Ky i fundit ekzekutoi me përsosmëri një goditje nga këndi, e cila më pas u shndërrua në gol nga Bremeri./Sport Ekspres/

Nico Gonzalez zhbllokoi rezultatin në minutën e 9-të, pas një aksioni ku portieri Kamil Grabara dha edhe asistin me një pasim të gjatë. Në minutën e 24-t, Kerim Alajbegovic dyfishoi avantazhin me një goditje të bukur, ndërsa Nick Woltemade shënoi golin e tretë nga pika e bardhë në minutën e 35-të.

Pas pushimit, Juventusi vazhdoi dominimin. Zeki Celik realizoi golin e katërt, përpara se Randal Kolo Muani të vuloste rezultatin përfundimtar 5-0. Pesë gola nga pesë autorë të ndryshëm i dhanë Juventusit tri pikë të rëndësishme në startin e Europa League./Sport Ekspres/

Durmisi do të ishte sulmuesi i tretë i Juventusit në organikë dhe do ta niste nga stoli, duke shpresuar për të marrë minuta në pjesën e dytë. Më pas Juventusit i është komunikuar se shqiptari nuk mund të luajë kundër NEC pasi është ndëshkuar me karton të kuq në ndeshjen e fundit me moshat e Juventusit në Europë. Një rregull i padrejtë që i heq një shans të artë nga duart Durmisit, pasi një karton i marrë nga ndeshjet me të rinjtë nuk duhej të ndikonte në ekipin e parë. /Sport Ekspres/

“Inzagi nuk donte të më mbante. Thjesht kaq. Në atë kohë isha më i miri, me katër gola dhe dy asiste. Dhe e them këtë me gjithë respektin për Robinjon, Kakanë dhe Balotelin, të cilët ishin lojtarë të mëdhenj. Ende e kujtoj debutimin tim në Ligën e Kampionëve kundër Atletico Madridit. Në ndeshjen e parë bëra një paraqitje të shkëlqyer. Mendova se do të më konfirmonin, por nuk ndodhi kështu dhe rashë në depresion. Së bashku me transferimin e dështuar te PSG-ja, këto janë dy pendesat më të mëdha që mbaj me vete.

Përplasja me Kakanë? Ishte një ushtrim, sulm kundër mbrojtjes. Nuk ia pasova topin Rikit (Kakasë) dhe ai filloi të më bërtiste për disa minuta. Nuk pushonte së bërtituri. Në një moment, i vura duart në fyt. Për një çast e humba kontrollin. Në fund, i kërkuam falje njëri-tjetrit”, ka rrëfyer Adel Tarabti./Sport Ekspres/

Zhegrova ishte vendimtar në momentet më të rëndësishme të ndeshjes, duke realizuar dy gola dhe duke rikthyer dy herë Juventusin në lojë. Golin e parë e shënoi në minutën e 82-të, ndërsa në shtesë realizoi edhe të dytin me një goditje të fuqishme, duke bërë të mendohej se kishte shpëtuar të paktën një pikë për skuadrën e Luciano Spallettit.

Por Sassuolo kishte fjalën e fundit. Vasilije Adzic shënoi në minutat e fundit dhe i dha vendasve fitoren 3-2, duke zbehur disi një nga paraqitjet më të mira individuale të Zhegrovës me fanellën e Juventusit, ndërsa më poshtë mund të ndiqni paraqitjen e sulmuesit shqiptar, përtej dy golave të shënuara. /Elio Hajdari-Sport Ekspres/

Zhegrova hyri në fushë nga stoli dhe menjëherë bëri diferencën. Anësori nga Kosova dha shkëndijat e para me driblimet e tij, ndërsa në minutën e 82-të përjetoi për herë të parë shijen e golit me fanellën bardhezi.

Sasuolo e ktheu sërish rezultatin në favorin e vetë, por në minutën e 91-të Zhegrova ndëshkoi Muriçin për herë të dytë. Megjithatë, kjo mbrëmje e çmendur nuk u kurorëzua dot me pikë për të. Sasuolo gjeti rrugën e rrjetës në sekondat e fundit të lojës, duke fituar kështu me rezultatin 3-2./Sport Ekspres/

Kur kronometri po numëronte minutën e 83-të Zhegrova, me të majtën e tij, e dërgoi topin në rrjetën e Sasuolos dhe barazoi shifrat në 1-1. Një çast të cilin futbollisti i Kosovës e pristje prej një viti./Sport Ekspres/

Kështu ndodhi teksa Napoli është përballur kundër Bologna, në ndeshjen e mbyllur me shifrat 1-0. Në fundin e takimit, Lorenzo Lucca, shpërdoroi një mundësi për të mbyllur ndeshjen dhe kjo i la një shije të hidhur Allegrit që nuk kërkoi të ishte “me zemër të ngrirë”, duke shpërthyer ndaj lojtarit të tij. /Sport Ekspres/

? | ?????? ??? ?? ?????? ?????? ???? ???? ??????? ???? ?? ??? ????! pic.twitter.com/XYxVp6HeZf

— ????????? (@Elcalcio_) September 13, 2026

“Mbappé ka të drejtë për përgjigjen e tij ndaj kritikave. Një lojtar që shënon 40 gola nuk është kurrë problem për ekipin”, u shpreh Mourinho. Ai e krahasoi sulmuesin me një pemë që jep shumë fruta, duke thënë se njerëzit zakonisht hedhin gurë pikërisht mbi pemën që jep më shumë.

Mourinho u ndal edhe te fundi i ndeshjes me Interin, kur Mbappé, sipas tij, tregoi gatishmëri për të ndihmuar ekipin edhe në mbrojtje. Portugezi pranoi se Real Madridi pati momente të vështira dhe mund të kishte pësuar më shumë, por kritikoi analizat që fokusohen vetëm te rastet e humbura nga kundërshtari.

“Thonë se mund të na kishin shënuar tre apo katër gola. Po, mundeshin. Por ne mund të kishim shënuar tetë! Pse nuk e thonë këtë?”, deklaroi Mourinho. Në fund, trajneri i Realit ironizoi kritikët: “A jeni të pakënaqur sepse fituam?” /Sport Ekspres/

Skuadra e José Mourinhos e gjeti avantazhin në minutën e 14-të. Kylian Mbappé përfitoi nga një gabim i mbrojtjes së Interit dhe, pas asistit të Brahim Diaz, dërgoi topin në rrjetë për 1-0. Vetëm në minutën e 23-të, Real Madrid dyfishoi avantazhin me Fede Valverden, i cili përfitoi nga një tjetër gabim i skuadrës italiane.

Interi nuk u dorëzua dhe në pjesën e dytë rriti ndjeshëm presionin. Përpjekjet e zikaltërve u shpërblyen në minutën e 77-të, kur Carlos Augusto shënoi dhe riktheu Interin në lojë.

Minutat e fundit ishin dramatike, me Interin që kërkoi me çdo kusht barazimin. Megjithatë, Thibaut Courtois ishte vendimtar për Realin, duke realizuar disa pritje të rëndësishme dhe duke ruajtur fitoren.

Në fund, Real Madrid mori tri pikët e para në Champions League, ndërsa Interi u largua nga Madridi me një humbje, pavarësisht reagimit të fortë në pjesën e dytë. /Sport Ekspres/

Në momentin më të mirë të Juventusit, Milani arrin të gjejë rrugën e golit. Ciseja shënoi në minutën e 69, duke befasuar të pranishmit në stadium. Megjithatë Juventusi nuk u dorëzua. Bardhezinjtë e kërkuan golin dhe në minutat e fundit e gjetën atë. I ardhur nga stoli, Gati bëri atë që për shumë minuta asnjë nga sulmuesit e Juventusit nuk e bëri. Goditja me kokë e mbrojtësit italian në minutën e 92-të e dërgoi sërish ndeshjen në baraspeshë. Rezulati 1-1 mbeti më pas i pandryshuar, duke bërë që të dyja skuadrat të largoheshin me nga një pikë nga stadiumi./Sport Ekspres/

“Kam dashur shumë të vij këtu te Lazio, sepse kërkoja një klub që të më përfshinte 100% në një projekt”, u shpreh Frattesi. Një rol të rëndësishëm në zgjedhjen e tij ka pasur edhe trajneri Gennaro Gattuso, me të cilin kishte punuar më parë në Kombëtaren italiane. Sipas Frattesit, bisedat me teknikun e bindën edhe më shumë për zgjedhjen e tij.

I pyetur për të kaluarën te Interi dhe nëse transferimi te Lazio lidhet me dëshirën për hakmarrje, Frattesi ishte i qartë: “Nuk ka asnjë ndjenjë të tillë”. Ai pranoi se mund të ketë disa pengje, por kujtimet nga periudha zikaltër mbeten shumë pozitive.

“Te Interi përjetuam momente të jashtëzakonshme, të vështira për t’u përsëritur në një karrierë. Ndoshta ka pak peng, por nuk do t’i ndërroja kurrë ato emocione me tifozët”, tha ai. Tani Frattesi synon të japë maksimumin për Lazion, duke kërkuar sa më shumë paraqitje, gola dhe asistime. /Elio Hajdari-Sport Ekspres/

Pjesa e parë u mbyll pa gola, me të dyja skuadrat që krijuan disa raste, por pa mundur të gjenin rrugën e rrjetës. Napoli shpërtheu në fillimin e pjesës së dytë. Në minutën e 50-të, Matteo Politano kaloi napolitanët në avantazh, ndërsa vetëm tre minuta më vonë Rasmus Højlund dyfishoi shifrat pas asistimit të Giovanni Di Lorenzos.

Interi reagoi menjëherë dhe në minutën e 56-të Lautaro Martinez ngushtoi diferencën, duke rikthyer shpresën te vendasit.

Presioni i Interit vazhdoi dhe në minutën e 82-të Marcus Thuram realizoi golin e barazimit me kokë, duke ndezur plotësisht San Siron. Kur dukej se ndeshja do të mbyllej në barazim, Lautaro Martinez u shfaq sërish në minutën e 91-të dhe realizoi golin e fitores.

Një përmbysje fantastike për Interin, që vazhdon sezonin me pikë të plota dhe merr një tjetër sinjal të fortë për objektivat e këtij sezoni. /Elio Hajdari-Sport Ekspres/

“Ky Inter në krahasim me ekipin fitues të tripletës? Pas gjashtëmbëdhjetë vitesh, nuk ka pasur më një ekip si i yni. Ne kishim gjithçka, me të vërtetë gjithçka. Nuk mendoj se ka ndonjë lojtar nga ky Inter që mund të kishte luajtur për tonin. Lautaro në vendin tim? Mos u tallni…”, ka thënë Uesli Shnajderi./Sport Ekspres/

“Ai është një trajner i ri dhe që nga dita e parë që u ktheva nga pushimet me ekipin, ai solli një energji të re. Për të gjithë skuadrën, por po mendoj edhe për të gjithë mjedisin dhe të gjithë njerëzit që punojnë këtu. Ne mund ta ndiejmë këtë si lojtarë. E ndiejmë se është diçka e re, e ndryshme dhe që po shkon në drejtimin e duhur.

A është Juventus-Milan një provë për të kuptuar potencialin e Milanit të ri?
Po, sigurisht. E kuptova edhe sezonin e kaluar sa të rëndësishme janë këto ndeshje. Sigurisht që edhe të tjerat janë, çdo ndeshje duhet të fitohet, por në këto lloj ndeshjesh i dëgjon tifozët, historinë pas tyre… ata janë të ndryshëm. Do të jetë thelbësore të përgatitemi sa më mirë që të mundemi për një ndeshje të madhe. Na ndihmon të tregojmë se ku qëndrojmë me stilin tonë të lojës.

Oferta nga Juventusi në verë? Të them të drejtën, isha me pushime në atë kohë, fillimisht në Kupën e Botës dhe më pas. Kur situata në lidhje me trajnerin e ri u sqarua, fola me të. Dëshira dhe qëllimi im i vetëm është të arrij nivelin tim më të lartë në këtë klub. Do të bëj gjithçka që mundem për këtë. Nuk kam menduar për pjesën tjetër.

Të shënoj kundër Juventusit? Do të ishte fantastike! Pata një shans javën e kaluar, por koha nuk ishte e duhur. Mezi pres të shënoj golin tim të parë dhe do të ishte e mrekullueshme nëse do të ndodhte në një ndeshje kaq të rëndësishme”, ka deklaruar Ardon Jashari./Sport Ekspres/

Ish-mesfushori holandez foli për Chivun gjatë një eventi të organizuar nga Betsson dhe kujtoi periudhën kur të dy ishin pjesë e Interit. Sneijder zbuloi se rumuni fliste vazhdimisht për futbollin dhe se që atëherë kishte kuptuar se ai kishte potencial për t’u bërë trajner.

“Chivu fliste gjithmonë për futboll. Ai jeton për futbollin. E kuptova menjëherë se do të bëhej një trajner i madh. Më kishte thënë se dëshironte të bëhej trajner pasi të përfundonte karrierën”, u shpreh Sneijder.

Holandezi, megjithatë, theksoi se të jesh një futbollist i madh nuk do të thotë automatikisht se do të jesh edhe trajner i suksesshëm. Chivu, sipas tij, ka dëshmuar se ka cilësitë e nevojshme për këtë profesion.

Chivu mori drejtimin e Interit në një moment delikat, pas largimit të Simone Inzaghit dhe humbjes së finales së Champions League. Megjithatë, ai arriti të bindë kritikët dhe të udhëheqë skuadrën drejt titullit kampion në Itali. /Sport Ekspres/

“Për tre vjet, u shkruajt se unë refuzova të zgjasja bashkëpunimin tim, se nuk doja të flisja me klubin për rinovimin e kontratës sime. E vetmja e vërtetë është se nuk kam pasur ndonjë bisedë specifike me klubin për këtë. Herën e fundit që folëm, nuk arritëm një marrëveshje. Pati shumë fjalë për mua që kërkova kushte të ndryshme, por pati shumë presion mbi mua që më shqetësoi, sepse unë e di të vërtetën dhe e di se çfarë ndodhi.

Pati presion nga publiku, media dhe tifozët. I kuptoj plotësisht tifozët që lexojnë dhe pranojnë atë që po u ushqehet. Nuk është e këndshme kur stadiumi të vërshëllen në një miqësore kundër ekipit U23”, është shprehur Dushan Vlahoviçi./Sport Ekspres/

Sipas Fabricio Romanos, Zhegrova ka refuzuar Atalantën dhe është i hapur për kalimin në një tjetër tij. Sipas gazetarit italian, lojtari i Juventusit i ka hapur derën Al Itihadit. Një zgjedhje që ka çuditur jo pak opinionin sportiv, pasi po preferon largimin nga një prej ligave më të forta të botës drejt Arabisë Saudite./Sport Ekspres/

Xhanluka Di Marcio bën me dije se Lacio ka hedhur sytë nga anësori shqiptar. Ai raporton se klubi kryeqytetas ka nisur kontaktet e para për transferimin e Zhegrovës. Megjithatë, deri më tani klubi italian është në fazën e informimit dhe të vlerësimit të situatës. Në ditët në vazhdim pritet të vijë edhe oferta kontrete për Edon Zhegrovën./Sport Ekspres/

“Ne shkuam dhe e morëm Kolo Muaninë. Jemi kujdesur për të dhe e dimë vlerën e tij. Por ai duhet ta kuptojë se nuk ka luajtur për dy vjet dhe duhet të ketë një arsye për këtë. Ndonjëherë mendon se je në një nivel të jashtëzakonshëm, por ke lënë pas diçka që duhet të shkosh dhe ta rifitosh”, ka deklaruar Luçiano Spaleti./Sport Ekspres/

Ndeshja u vendos në minutën e 22-të të saj, atëherë kur Bremeri e dërgoi topin në rrjetë. Në këtë ndeshje pati minuta edhe për Edon Zhegrovën. Sulmuesi shqiptar zëvendësoi Konseisaon në minutën e 69 të lojës, duke luajtur gjithsej 25 minuta në këtë takim./Sport Ekspres/

Interi kaloi në avantazh që në minutën e 6-të me Hakan Çalhano?lu, por Monza reagoi dhe barazoi në minutën e 29-të me Gustavo Varela. Pjesa e parë u mbyll në barazim, duke lënë gjithçka të hapur për 45 minutat e dyta.

Megjithatë, Interi shpërtheu menjëherë pas pushimit. Në minutën e 48-të, Piotr Zielinski shënoi golin e dytë për vendasit, duke rikthyer avantazhin e skuadrës së Cristian Chivut.

Vetëm pak minuta më vonë, Francesco Pio Esposito realizoi golin e tretë me finte, ndërsa Yann Bisseck vulosi rezultatin 4-1 në minutën e 63-të.

Në këtë mënyrë, Interi e nis kampionatin me një fitore bindëse dhe me një paraqitje që premton shumë për vazhdimin e sezonit. Ndërkohë, Zielinski ishte një nga protagonistët kryesorë, duke gjetur rrjetën që në ndeshjen e parë. /Sport Ekspres/

“Interi ka nënshkruar me lojtarë të fortë dhe me përvojë anglezë. Ata kanë lojtarë të rinj premtues si Stankoviçi, dhe Pavari është rikthyer gjithashtu. Mbeten skuadra për t’u mposhtur. Napoli, me Alegrin, do të jetë në gjendje të jetë protagonist, ata do të jenë kundërshtari kryesor. Me siguri mund të fitojnë Skudeton.

Ata kanë një strukturë të re, italiane dhe kompetente menaxhimi. Mund të bëjnë mirë. Karnevali me Spaletin ishin zgjedhja e duhur. Dua ta shoh Lukumin, Kolo Muani është i fortë, por jo një golashënues. Diçka më shumë nevojitej në mesfushë. Roma? Gasperini luajti mirë, nuk është kurrë e lehtë. Zgjedhja e tij ishte e rëndësishme. Ai do të ketë fjalën e tij edhe në Ligën e Kampionëve. Së fundmi, Milani: Isha në turne me ta. E vëzhgova Gonçalo Ramosin përmes syve të mbrojtësit dhe mund të them se ai lëviz shumë mirë dhe është shumë i fortë, shumë i fortë. Do të shënojë më shumë se 15 gola”, ka deklaruar Kristian Panuçi./Sport Ekspres/

Gazetari Nikolo Shira ka bërë me dije se Monca dëshiron të sigurojë shërbimet e Asllanit. Sipas tij, klubet kanë nisur bisedimet mes tyre për të realizuar me sukses këtë transferim. Vlen të theksohet fakti se Interi synon transferimin e përhershëm të mesfushorit dhe jo huazimin e tij./Sport Ekspres/

Asnjë nga këto dy ekipe nuk zbatuan marrëveshjen për blerjen e kartonit të shqiptarit dhe Asllani është kthyer te Interi. Zikaltërit e kanë bërë të qartë për futbollistin e Kombëtares se nuk do të jetë pjesë e ekipit dhe se duhet të largohet.

Megjithatë sipas lajmeve të fundit, nuk ka ende një skuadër që kërkon të blejë kartonin e Kristjan Asllanit. Kështu mesfushori shqiptar mbetet ende në kërkim të një ekipi të ri dhe ditët e fundit të merkatos pritet që të jenë vendimtare për të. /Elio Hajdari-Sport Ekspres/

“Ky është vendimi i trajnerit, por të luash me Lukën është fantastike. Ai është një nga lojtarët më të mirë në botë dhe të ndash fushën me të është e pabesueshme. Luajtëm 30 minuta së bashku kundër Interit dhe mendoj se treguam se mund të luajmë përkrah njëri-tjetrit. Le të shohim se çfarë vendos trajneri, por unë nuk do të them jo për të luajtur me Lukën. Krejt e kundërta.

Ne e dimë se si trajneri dëshiron që ne të luajmë. Sigurisht, nuk mund ta zbatosh gjithçka në mënyrë të përsosur brenda natës, por ne po punojmë shumë që ta bëjmë të ndodhë. Nëse skuadra luan siç duhet, atëherë mund të tregoj cilësitë e mia në fushë. Jam i kënaqur me performancën time, megjithëse e di që ka ende disa gjëra që mund t’i përmirësoj për të arritur nivelin tim më të mirë”, ka deklaruar Ardon Jashari./Sport Ekspres/

Sipas raportimeve të “El Nacional”, Milan e ka vendosur 28-vjeçarin në treg dhe Barcelona është një prej klubeve që mund të përfitojë nga kjo situatë. Drejtori sportiv i Barcelonës, Deco, thuhet se nuk e ka përjashtuar mundësinë e transferimit të francezit, i cili mund të jetë një opsion relativisht i lirë nëse planet kryesore të klubit nuk realizohen.

Nkunku iu bashkua Milanit vetëm verën e kaluar pas largimit nga Chelsea, por qëndrimi i tij në “San Siro” mund të përfundojë shumë më shpejt nga sa pritej. Në sezonin e kaluar, ai regjistroi tetë gola dhe tre asistime në 35 paraqitje me fanellën kuqezi.

Një tjetër avantazh për Barcelonën është fleksibiliteti i tij. Nkunku mund të luajë si sulmues, pas tij apo edhe në krahë, duke i dhënë trajnerit më shumë alternativa taktike.

Për momentin nuk ka marrëveshje, por situata mbetet për t’u ndjekur. Nëse transferimi realizohet, Nkunku do të kalonte nga Milani te Barcelona pas vetëm një sezoni, në një lëvizje që do të ishte padyshim ndër surprizat e merkatos. /Sport Ekspres/

“Mbërrita në Bergamo dhjetë vite më parë si një futbollist i ri, me një ëndërr dhe një dëshirë të zjarrtë për të treguar vlerat e mia. Sot po largohem me ndërgjegjien se ky vend më dha shumë më tepër sesa thjesht futboll. Këtu u rrita si lojtar, si burrë dhe si baba. Këtu u rrit edhe familja ime. Bergamo u bë shtëpia ime dhe Atalanta u shndërrua në diçka shumë më tepër sesa thjesht një skuadër.

Gjatë këtyre dhjetë viteve, përjetuam fitore, humbje, netë të paharrueshme dhe arritje që dikur vetëm mund t’i kishim ëndërruar. Por ajo që do të marr me vete mbi gjithçka tjetër, janë njerëzit. Bashkëlojtarët e mi, trajnerët, i gjithë stafi, të gjithë ata që punojnë për klubin, familja Perkazi, tifozët tanë dhe gjithë banorët e Bergamos: ju falënderoj për besimin, mbështetjen, për luftën krahë nesh dhe për faktin që bëtë që unë dhe familja ime të ndiheshim pjesë e diçkaje të veçantë.

Asgjë nga ato që arritëm nuk na u dhurua. I ndërtuam gjërat së bashku përmes punës së palodhur, sakrificës, disiplinës, pasionit dhe mentalitetit që e lidh thellësisht Atalantën me qytetin e saj. Sot nis një kapitull i ri. Por ka vende që nuk i lë kurrë vërtet pas. Mund të largohesh nga një skuadër. Mund të largohesh nga një qytet. Por shtëpinë e mban gjithmonë me vete”, ka shkruajtur Berat Gjimshiti./Sport Ekspres/

Problemet e skuadrës së Amorimit ishin të dukshme gjatë gjithë takimit. Milani pati vështirësi të krijonte raste dhe nuk arriti të regjistronte asnjë goditje në kuadratin e portës së Chelsea-t. Në krahun tjetër, anglezët shfrytëzuan pothuajse çdo hapësirë të krijuar dhe dominuan takimin.

Joao Pedro ishte protagonist absolut për Chelsea-n, duke shënuar dy gola, ndërsa Moises Caicedo realizoi golin e tretë me një goditje spektakolare nga distanca.

Kjo humbje shton edhe më shumë pikëpyetjet rreth punës së Amorimit. Trajneri portugez ka marrë përsipër një projekt të madh në Milano, por rezultatet e para nuk po japin sinjale pozitive.

Edhe pse bëhet fjalë për fazën përgatitore dhe sezoni zyrtar ende nuk ka nisur, paraqitjet e Milanit po krijojnë shqetësim te tifozët. Amorimit i duhet ende shumë punë për të ndërtuar një skuadër që të jetë në gjendje të luftojë për objektivat madhore të klubit. /Elio Hajdari-Sport Ekspres/

“Kam respekt të madh për Alegrin, i cili ka fituar kaq shumë në Itali. Besoj se secili ka idetë e veta dhe mënyrën e vet të shprehjes së futbollit, dhe kjo është në rregull. Nuk shkoi siç shpresoja, u lëndova dhe luajta pak. Kjo nuk ishte sipas planeve të mia. Për të bërë mirë, më duhet vazhdimësi.

Ka një atmosferë të re me Amorimin. Më pëlqen ideja e tij për futbollin: dominues dhe intensiv. Në Belgjikë, kam luajtur tashmë në një mesfushë me dy lojtarë, kështu që është një sistem që e njoh”, është shprehur Ardon Jashari./Sport Ekspres/

“Ky është një nga ato raste që nuk pasqyron mirë botën e futbollit dhe padyshim i bën tifozët dhe entuziastët pak të zhgënjyer. U habitëm dhe u zhgënjyem nga zhvillimi i kësaj situate. Kaljari ishte ulur me menaxherin në një fazë të hershme, pavarësisht faktit se ai kishte një kontratë deri në vitin 2030 të nënshkruar vitin e kaluar, dhe javën e kaluar kishte zyrtarizuar një propozim për rritje të konsiderueshme të pagës, gjë që e bëri Espositon një nga lojtarët më të paguar në skuadër. Ishte bujaria jonë, dhe në fund, u përballëm me diçka që i ngjante një përpjekjeje zhvatjeje. Djali, padyshim i këshilluar keq nga agjenti i tij, u largua nga kampi stërvitor gjatë natës, duke mos respektuar grupin, trajnerin, stafin dhe tifozët e kuqeblu. Ne e prisnim atë sot kur stërvitja rifilloi, por në vend të tij, mbërriti një certifikatë mjekësore me përmbajtje të turpshme, për të thënë më të paktën. Lojtari është sigurisht në treg, por Kaljari do të shqyrtojë vetëm ofertat që janë në përputhje me aftësitë e tij teknike dhe në përputhje me kërkesën e tij të përsëritur për një pagë afër dyfishit të tij aktual”, ka thënë Stefano Melisi./Sport Ekspres/

“Jam shumë i lumtur me golin dhe me ekipin. Të gjithë duan të përmirësohen dhe unë punoj çdo ditë për ta bërë këtë. Le të shpresojmë që sezoni i ardhshëm të shkojë më mirë dhe shpresoj për tifozët që të mund të fitojmë. Sezonin e kaluar pata probleme me hernien sportive, por besoj në vetvete dhe jam i lumtur me veten dhe Juven. Është një klub i shkëlqyer. Dua të qëndroj këtu dhe të vazhdojmë të bëjmë gjëra të mëdha së bashku”, ka deklaruar Edon Zhegrova./Sport Ekspres/

Lojtari nga Kosova realizoi një gol spektakolar ndaj “bluve të Londrës”. Mjaft i bukur sa për të mahnitur tifozët, por jo sa për të ndryshuar mendimin e trajnerit. Spaleti ka deklaruar në konferencë për shtyp se pavarësisht golit, gjëja më e rëndësishme është performanca në fushën e lojës. Trajneri italian ka shtuar se ndeshja zgjat 96 minuta dhe një lojtar i mirë nuk e ul ritmin në asnjë moment.

“Të gjithë janë të kënaqur me golin, por gjëja e rëndësishme është performanca. Ndeshja zgjat 96 minuta dhe qëndrimi ka rëndësi gjatë gjithë ndeshjes. Ai e humbi topin disa herë, por tregoi edhe aftësinë e tij me topin në këmbë. Duhet të punosh çdo ditë për të qenë një lojtar më i mirë të nesërmen. Një lojtar nuk ndalet kurrë së qeni lojtar, për të arritur gjithmonë nivele më të larta”, është shprehur Luçiano Spaleti./Sport Ekspres/

Pjesa e parë ishte e ekuilibruar, me Chelsean që mbajti më shumë topin, por pa arritur të krijonte raste të shumta të pastra shënimi. Juventusi u mbrojt mirë dhe priti momentin e duhur për të goditur në kundërsulm, ndërsa portierët e të dy skuadrave u treguan të sigurt sa herë u vunë në provë.

Momenti vendimtar erdhi në pjesën e dytë, kur Edon Zhegrova realizoi një gol spektakolar nga distanca, duke mposhtur portierin e Chelseat dhe duke i dhënë avantazhin bardhezinjve. Pavarësisht përpjekjeve të londinezëve për të barazuar në minutat e mbetura, mbrojtja e Juventusit rezistoi deri në fund, me lojtarin shqiptar që mori rolin e heroit. /Sport Ekspres/

Dans le cadre de sa tournée de pré-saison à Hong Kong, la Juventus affrontait Chelsea en match amical. Entré à la mi-temps, l’ancien Lillois Edon Zhegrova a ouvert le score d’une magnifique frappe enroulée pour les Bianconeri pic.twitter.com/jRFvn3rArZ

— L’Équipe (@lequipe) August 5, 2026

“E kuptoj që, nëse shikoni vetëm vitet e fundit, Interi ka fituar më shumë se ne. Por Milani është Milani. Dhe kjo është arsyeja pse unë gjithmonë do të them Milan. Sepse Milani nuk ka të bëjë vetëm me trofetë. Milani përfaqëson diçka që nuk mund të blihet. A e kuptoni? Për mua, që kur isha fëmijë, gjithmonë ka qenë Milani. Pra, hapni YouTube-in, shikoni videot dhe do ta kuptoni pse gjithmonë do të zgjidhja Milanin”, është shprehur Ruben Amorimi./Sport Ekspres/

“E dimë që Liga e Kampionëve është një fazë e ndryshme me ekipe shumë më të forta financiarisht dhe në aspektin e lojtarëve. Megjithatë, në këtë format të ri, ke një shans shumë më të mirë për të kaluar fazën e grupeve, por pastaj bëhet një llotari. Varet se me kë të bie shorti dhe nga gjëra të tjera. Para së gjithash, duhet të përqendrohemi te rritja dhe te një fazë të mirë grupesh”, ka thënë Leonardo Spinaxola./Sport Ekspres/