I lindur dhe rritur në Angli, Storey ka zgjedhur prej rreth një dekade Shqipërinë si vendin ku jeton dhe zhvillon aktivitetin e tij profesional. Ai është agjent i licencuar dhe pjesë e Stellar, një prej agjencive më të njohura në botë për menaxhimin e futbollistëve.

Emri i tij u bë veçanërisht i spikatur gjatë merkatos së fundit, ku ishte pjesë e operacionit që solli transferimin e mbrojtësit Ezri Konsa te Arsenali për një shumë prej rreth 60 milionë eurosh. Për Storey, ky ishte një moment i veçantë, pasi bëhej fjalë edhe për klubin e zemrës së tij. Gjatë prezantimit, ai pati mundësinë të takohej me trajnerin Mikel Arteta.

Lidhja e Storey me Shqipërinë është forcuar edhe përmes familjes, pasi ai është i martuar me vajzën e të ndjerit Muhamet Malo.

Prania e një figure të tillë në Tiranë krijon mundësi të reja për futbollin shqiptar. Ndoshta një ditë, përmes këtyre kontakteve, një tjetër talent kuqezi mund të marrë rrugën drejt Premier League. /Sport Ekspres/

Bournemouth kaloi i pari në avantazh në minutën e 26-të, kur Marcus Tavernier përfitoi nga një gabim në mbrojtjen e Manchester Cityt dhe dërgoi topin në rrjetë. Vendasit patën vështirësi për të krijuar raste të pastra dhe pjesa e parë u mbyll me avantazhin e skuadrës mike.

Në pjesën e dytë, City u hodh në sulm në kërkim të barazimit. Presioni i vazhdueshëm u shpërblye në minutën e 85-të, kur Marc Guéhi realizoi me kokë pas një goditjeje këndi dhe riktheu besimin te skuadra e Marescas.

Kur dukej se ndeshja do të përfundonte në barazim, Joško Gvardiol u shndërrua në heroin e mbrëmjes. Mbrojtësi kroat shënoi në minutat shtesë, me golin që fillimisht u anulua për pozicion jashtë loje, por pas ndërhyrjes së VAR-it u konfirmua.

Kështu, Maresca e nis aventurën e tij në Premier League me një fitore të madhe 2-1, duke i dhënë Manchester Cityt një start emocionues në epokën post-Guardiola. /Elio Hajdari-Sport Ekspres/

Vendasit e nisën ndeshjen me shumë energji dhe arritën të zhbllokonin rezultatin në minutën e 17-të. Pas një goditjeje nga këndi dhe një pritjeje të portierit të Manchester United, Semi Ajayi reagoi shpejt dhe dërgoi topin në rrjetë, duke ndezur atmosferën në stadium.

Hull nuk u mjaftua me avantazhin dhe vazhdoi të rrezikonte. Presioni i tyre u shpërblye sërish në minutën e 38-të, kur Nobel Mendy shënoi golin e dytë, duke e çuar skuadrën në dhomat e zhveshjes me një avantazh të shkëlqyer 2-0.

Manchester United pati më shumë kontroll të topit, por vuajti për të krijuar raste të pastra. Edhe ndryshimet e bëra në pjesën e dytë, përfshirë aktivizimin e Marcus Rashford, nuk mjaftuan për të ndryshuar fatin e takimit.

Në fund, Hull City siguroi një fitore historike 2-0 dhe mori tri pikët në rikthimin e saj në Premier League. Për Manchester United dhe trajnerin Michael Carrick, ndërkohë, kjo ishte një goditje e fortë që në javën e parë të kampionatit. /Sport Ekspres/

“Ndihem i mërzitur djema. Ndihem i zhgënjyer me veten për gjërat jashtëzakonisht idiote që përpiqem të bëj për t’ju ruajtur ju, për t’u bërë të sigurtë, për t’ju dhënë besimin se mund ta bëni. Ndihem si një budalla. Dhe a e dini se çfarë do të ndodhë? Ju do të keni një trajner tjetër. Performancë m*** që keni bërë, të gjithë ju. Është një turp djema. Jam tërësisht i lodhur. I lodhur. Jam i sfilitur, i shteruar. Dua të heq dorë. Jam i lodhur miqtë e mi, jam shumë i lodhur. Ndihem i vetmuar. Kur luani kështu, ndihem i vetmuar. Po shkoj t’ju mbroj në media”, është shprehur Pep Guardiola./Sport Ekspres/

“Jam i divorcuar nga gruaja më e bukur në botë. E dua jashtëzakonisht shumë, por kemi humbur pasionin”, ishte rrëfimi i tij para ekipit. Më pas, Guardiola e lidhi situatën e tij personale me futbollin, duke kërkuar nga lojtarët që të luanin me më shumë dëshirë dhe përkushtim. Ai theksoi se nuk kërkonte thjesht futbollistë të mirë, por lojtarë që të kishin pasion.

Në një tjetër moment, pas një paraqitjeje zhgënjyese të skuadrës, emocionet e tij shpërthyen. Guardiola kritikoi ashpër lojtarët dhe pranoi se po kalonte një periudhë jashtëzakonisht të rëndë, duke e bërë të qartë se problemet personale po ndikonin edhe në gjendjen e tij psikologjike. Rrëfimi tregon një anë krejt tjetër të Guardiolës, larg imazhit të trajnerit të qetë dhe dominues që tifozët kanë parë prej vitesh në pankinë.

Kështu luhet futbolli: duhet të luash për diçka që e mban brenda teje. Në jetë, çfarëdo që të bësh, bëje me pasion. Nuk dua lojtarë të mirë, dua lojtarë me pasion. Ndihem si një idiot i mallkuar. Po jap jetën time, divorcin tim, familja ime është larg – dhe të gjitha këto për shkakun tuaj. Dhe çfarë po më jepni ju mbrapsht? Performancën e mallkuar që sapo dhatë – të gjithë ju!”, tha Guardiola i tërbuar, duke e bërë të qartë se sa shumë ishte prekur nga pafuqia e ekipit. /Sport Ekspres/

Menjëherë pas hyrjes së tij, ritmi i ndeshjes ndryshoi. Në minutën e 82, pas një pasimit të Brojës, Edëards do të fitonte një penallti që u ekzekutua saktësisht nga Flemming. Gjithashtu Fleming shënoi dhe në të 3 e shtesës, duke barazuar në 2-2. Ajo që u pa ishte jo vetëm një pasim në moment kyç nga Broja, por një Broja tjetër, shumë më i mirë në bashkëpunimin me ekipin, që ndryshoi tempin e lojës, në mbrojtjen e topit, në ushtrimin e presionit te kundërshtari, madje dhe dyluftim për të mbrojtur shokun e tij të ekipit.

Një Broja tërësisht tjetër është parë sot në Championship dhe ajo që duhet të theksohet është padyshim fakti se shqiptari shkëlqeu pasi hyri në skemën me dy sulmues, ndërsa më parë, Burnley luajti vetëm me Fleming si sulmues kryesor. Pas disavantazhit të dy golave, trajneri luajti me dy sulmues dhe aty Broja ndryshoi tempin e lojës. Megjithatë shqiptari ka ende punë përpara pasi Fleming është padyshim lojtari kryesor i Burnley dhe në skemën me një sulmues, do të jetë në përparësi me Brojën. /Sport Ekspres/

“Topçinjtë” dhanë sinjalet e para që në sekondat e para të takimit, duke kaluar në avantazh me Riccardo Calafiorin pas vetëm 23 sekondash lojë. Mbrojtësi italian përfitoi nga një aksion i shpejtë dhe i dha Arsenalit një start fantastik.

City u përpoq të reagonte, por skuadra e drejtuar nga Enzo Maresca e pati të vështirë të gjente hapësira përballë presingut dhe organizimit të Arsenalit. Në minutën e 28-të, Kai Havertz dyfishoi avantazhin me një goditje me kokë pas asistimit të Christos Tzolis.

Pas pushimit, Arsenali vazhdoi të kontrollonte situatën dhe Martin Odegaard shënoi golin e tretë, duke vulosur një fitore bindëse. Manchester City pati disa tentativa, por David Raya ishte në një ditë shumë të mirë dhe neutralizoi rrezikshmërinë e kundërshtarëve, përfshirë Erling Haalandin dhe Phil Fodenin.

Ky triumf i jep Arsenalit trofeun e parë të sezonit dhe një dozë të madhe besimi përpara nisjes së Premier League. Për Manchester Cityn, ndërkohë, humbja është një sinjal alarmi në fillimin e epokës së re nën drejtimin e Marescas. /Sport Ekspres/

Fjalët e tij janë interpretuar si një tjetër thumbim ndaj Guardiolës, i cili pas largimit nga Barcelona në vitin 2012 qëndroi për një vit jashtë futbollit. Aktualisht, spanjolli po kalon sërish një periudhë pushimi pas një dekade në drejtimin e Manchester Cityt. Në të kundërt, Mourinho theksoi se nuk e imagjinon dot jetën pa futbollin. Trajneri portugez, i cili dëshiron të vazhdojë të punojë edhe për shumë vite, tha se synon të fitojë ende trofe dhe se stadiumet me mijëra tifozë janë pjesë e pandashme e jetës së tij. Rivaliteti Mourinho-Guardiola, i nisur që nga përballjet e tyre në Spanjë, vazhdon të prodhojë deklarata të forta edhe shumë vite më vonë. /Elio Hajdari-Sport Ekspres/

Raportohet se “Topçinjtë” janë të gatshëm të ofrojnë plot 100 milionë euro për kartonin e 26-vjeçarit. Përveç shumës së madhe të transferimit, Arsenali i ka përgatitur Viniciusit edhe një kontratë katërvjeçare me pagë rreth 25 milionë euro në sezon, ndërsa do t’i japë edhe të drejtat e plota të imazhit, një ofertë shumë e rrallë në futbollin modern.

Megjithatë, deri në këtë moment nuk ka konfirmim se oferta është dorëzuar zyrtarisht te Real Madridi. Situata mbetet e hapur, pasi Vinicius vazhdon negociatat me klubin spanjoll për rinovimin e kontratës, bisedime që ende nuk kanë përfunduar. Pikërisht kjo ka shtyrë Arsenalin të monitorojë me kujdes zhvillimet dhe të jetë gati të veprojë nëse krijohet mundësia.

Në rast se transferimi realizohet, ai do të ishte një nga më të shtrenjtët në historinë e Arsenalit dhe një deklaratë e fortë e ambicieve të skuadrës së Mikel Artetës. Megjithatë, shumë burime pranë klubit madrilen besojnë se prioriteti i Viniciusit mbetet vazhdimi i karrierës te Reali, nëse arrihet një marrëveshje e re financiare mes palëve. Javët në vijim pritet të jenë vendimtare për të ardhmen e brazilianit. /Sport Ekspres/

“Jemi në fazën përgatitore dhe rezultati nuk është gjëja më e rëndësishme. Mendoj se ishte pozitive për shumë lojtarë që luajtën 75 minuta për herë të parë. Ishte një ndeshje e luftuar fort. Kjo është ajo që presim në Premier League”, ka deklaruar ndër të tjera Xabi Alonso./Sport Ekspres/

Plani i futbollistit ishte që t’i mbulonte shpenzimet e udhëtimit dhe akomodimit për të siguruar ardhjen e saj në Londër dhe për të kaluar disa netë me të. Megjithatë, pasi ka arkëtuar paratë, vajza në fjalë ka ndryshuar itinerar, duke shfrytëzuar fondet për pushime në rajonin e Ballkanit, konkretisht në Greqi, ndërkohë që i kishte dërguar fotomontazhe sikur po nisej drejt Anglisë.

Edhe pse lojtari u tentua të mbante gjithçka hermetike dhe larg syrit të publikut, historia ka dalë në dritë pasi vetë modelja nisi të mburrej para shoqërisë së saj për ngjarjen. Për momentin nuk ka ende një reagim zyrtar nga ana e Gyokeres apo përfaqësuesve të tij, por kjo histori ka bërë bujë të madhe, duke treguar se edhe yjet e madhështisë së Premier Ligës mund të bien lehtësisht pre e kurthit të rrjeteve sociale. /Sport Ekspres/

Xhaka e ka mirëpritur këtë ribashkim me ish-trajnerin e tij. Mësohet se vetë mesfushori i Sunderland-it ka arritur marrëveshjen verbale me Chelsea-n, ndërsa tani pritet të gjetet gjuha e përbashkët mes dy klubeve./Sport Ekspres/

Trajneri i PSG-së ka përzgjedhur rreshtimin klasik 4-3-3, ku sulmi udhëhiqet nga treshja e rrezikshme Dembélé, Kvaratskhelia dhe Doué, të mbështetur nga një mesfushë solide me Vitinha-n, João Neves dhe Fabian Ruiz.

Nga ana tjetër, Arsenali i përgjigjet me një skemë 4-2-3-1. Në mungesë të Ben White të  dëmtuar, mbrojtja përbehet me Saliba dhe Gabriel, ndërsa reparti i avancuar i besohet dyshes Saka dhe Trossard, me Havertz në majë të sulmit. Gjithçka është gati për natën më të rëndësishme të futbollit europian!

Në mesazhin e tij të lamtumirës, Guardiola u shpreh se e ndiente thellë brenda vetes që ky ishte momenti i duhur për t’u larguar. Megjithatë, ai nuk do të shkëputet plotësisht nga strukturat e klubit, pasi do të mbajë rolin e Ambasadorit Global për “City Football Group”.

Ndeshja e kësaj të diele ndaj Aston Villa-s do të jetë e fundit për Pep në krye të pankinës, ku tifozët po përgatisin një lamtumirë madhështore për trajnerin më të mirë të historisë së tyre. /Sport Ekspres/

“Ndoshta nuk e kuptoni. Një nga ndjesitë më të mira që kam pasur ndonjëherë. Duhej të shkoja këtu në Colney për të parë ndeshjen me djemtë dhe stafin, sepse kjo ishte ajo që donin, por nuk munda. Mendoj se 20 minuta më vonë, para ndeshjes, më duhej të largohesha, nuk munda të sillja energjinë që doja. Mendoja se ishte e tyre për ta parë dhe për të parë se cili do të ishte rezultati…

Shkova në shtëpi. Dola jashtë në kopsht. Fillova të ndezja zjarr dhe fillova të bëja pak barbeque. Nuk pashë asgjë. Dëgjoja vetëm disa zhurma në sfond, në dhomën e ndenjes. Dhe papritmas, ndodhi magjia…

Djali im më i madh hapi derën e kopshtit. Ai filloi të vraponte drejt meje, filloi të qante, më përqafoi dhe tha, ne jemi kampionë, babi. Pastaj erdhën dy djemtë e mi të tjerë dhe gruaja ime dhe ishte e bukur. Vetëm të shihja atë gëzim tek ata, që janë gjithmonë me mua, ishte magjike”, ka treguar Mikel Arteta./Sport Ekspres/

“Kam edhe një vit tjetër në kontratë. Nga bisedat që kam pasur për shumë vite dhe nga përvoja ime, ajo që njofton përgjatë sezonit lidhet me rezultatet e këqija. Kështu që personi i parë me të cilin duhet të flas është presidenti., sepse të dy do të vendosim kur të mbarojë sezoni. Do të ulemi dhe do të flasim, është kaq e thjeshtë. Më pas do të marrim një vendim”, ka deklauar  Pep Guardiola./Sport Ekspres/

Një moment që tifozët e klubit londinez e kanë pritur mjaft gjatë, për plot 22 vite. Pikërisht në vitin 2004 ishte hera e fundit që “topçinjtë” festonin fitimin e titullit kampion. Më në fund pak qetësi edhe për Mikel Artetën. Trajneri spanjoll po shijon sot frytet e punës së tij disa vjeçare, e cila shpesh është kritikuar për shkak të mungesës së trofeve. Tashmë vëmendja zhvendoset e gjitha në Budapest, atje kur më 30 maj Arsenali do të synojë të shtojë në kabinetin e tij edhe kupën e Champions Leage-s./Sport Ekspres/

Me këtë fitore, “topçinjtë” vazhdojnë të mbeten në krye të renditjes. Manchester City ndodhet 5 pikë larg, por ka një ndeshje më tepër për të zhvilluar. Në këto kushte, ekipi i drejtuar nga Arteta është vetëm 90 minuta larg titullit kampion. Pritjes 22-vjeçare për një titull kampion është duke i ardhur fundi./Sport Ekspres/

Ekipi i Armando Brojës ka rënë nga kategoria, por sot ka mundësinë të ndryshojë rrjedhën e kampionatit. Në rast se Burnley ndal Arsenalin, atëherë City mund të ketë shansin e artë të marrë kreun e renditjes dhe të jetë një hap larg titullit kampion. Ndërkohë, Armando Broja nuk do të jetë pjesë e kësaj sfide. Sulmuesi shqiptar do ta ndjekë ndeshjen nga shtëpia, pasi nuk është përfshirë në listën me 20 lojtarë të skuadrës angleze./Sport Ekspres/

“Mendoj se Unitedi duhet ta shqyrtojë seriozisht nënshkrimin e Granit Xhakës. Ai nuk do të kushtojë shumë dhe ndonjëherë kjo është pikërisht lloji i marrëveshjes që ju nevojitet. Ne duhet ta ndërtojmë ekipin rreth Kobbie Mainoo-së. Casemiro po largohet, kështu që ju sillni lojtarë të rinj si Adam Wharton ose Elliot Anderson për t’u rritur me të.

Ajo që do t’i mungojë United-it kur Casemiro të largohet është lidershipi. Dhe kur shoh atë që Xhaka ka bërë në Sunderland, ndikimi është i dukshëm. Ai organizon, kërkon standarde, i mban të gjithë përgjegjës. Kjo është diçka që nuk mund ta marrësh gjithmonë nga lojtarët e rinj.

Ai ende mund të luajë shumicën e ndeshjeve, ka përvojë dhe e kupton se çfarë duhet për të garuar në nivelin më të lartë. Edhe nëse është vetëm për një ose dy vjet, ky lloj lidershipi mund të jetë masiv për një ekip të ri si ky. Ju nevojitet ekuilibër. Jo vetëm talent, por lojtarë që mund t’i udhëzojnë të tjerët në fushë”, është shprehur Peter Schmeichel./Sport Ekspres/

Por Siti ia doli të reagonte. Halandi (83′)  dhe Roku (90’+7′) shënuan gol dhe shpëuan ekipin nga humbja. Me këtë rezultat Mançester Siti mbetet në vend të dytë, me 5 pikë diferencë nga kreu./Sport Ekspres/

“Ose ndalesh, ose nuk i arrin dot 32 vjeç… Duhet të dish si ta menaxhosh energjinë tënde, sepse trupi ka kufijtë e tij dhe të gjithë kemi një datë skadimi.

Kur e përfundova Kampionatin Europian, isha plotësisht i rraskapitur. Kjo lodhje më bëri të dyshoja te vetja ime për sezonet në vijim” , ka thënë Rodri./Sport Ekspres/

“Jemi gjallë. A po e shijoj? Nuk mendoj se është fjala e duhur. Shpresë. Kjo ndeshje na jep shpresë. Kaq është e gjitha. Po e shijojmë momentin, por… realiteti është: Cili është në krye të ligës? Nuk jemi ne. Sa i përket diferencës së golave, e cilit është më e mirë? Është e tyre. Hap pas hapi. Por, sigurisht, kemi shpresën se do t’i shtyjmë shanset tona për të luftuar deri në fund”, ka thënë Pep Guardiola./Sport Ekspres/

Klubi italian ka planifikuar një kontratë 3-vjeçare për Bernardo Silvën, i cili do të përfitojë 7 milionë euro neto në sezon. Ndërkohë në garë për shërbimet e tij janë edhe Barcelona e Benfika, teksa nuk mungojnë as ofertat e majme financiare nga Arabia dhe nga Amerika./Sport Ekspres/

“Është dielli… Jo, nuk po tallem. Në Mançester nuk ka asnjëherë diell. Nëse do të kishte diell në nëntor, atëherë ne do të ishim kampionë të Ligës Premier në janar. Sinqerisht, ndikon dielli”, ka thënë Pep Guardiola./Sport Ekspres/

“Mohamed Salah do të ulë perden e karrierës së tij të shkëlqyer me Klubin e Futollit Liverpul në fund të sezonit 2025-26. Koha për të festuar plotësisht trashëgiminë dhe arritjet e tij do të vijë më vonë gjatë vitit, kur ai t’i thotë lamtumirë ‘Enfieldit’”, ka shkruajtur klubi Liverpul në faqen e vetë zyrtare në “Twitter”./Sport Ekspres/

E gjitha kjo u bë më e qartë kur Bernardo Silva mori një karton të kuq direkt në mes të pjesës së parë dhe Reali mori një penallti nga e cila Vinicius shënoi për 0:1. City barazoi me Erling Haaland dhe në kohën shtesë Vini shënoi golin e dytë për festën e plotë të Madridit, i cili me meritë kaloi më tej.

Pas ndeshjes, Pep Guardiola përshëndeti lojtarët e Real Madridit dhe gjithçka ishte sportive derisa erdhi radha e Antonio Rudiger. Videoja tregon se mbrojtësi gjerman hyri në një konflikt verbal me trajnerin e City, shokët e tij të ekipit e qetësuan, dhe më pas strategu i City mund të shihej duke u kthyer nga gjermani dhe duke i dhënë një puthje ndërsa po largohej. /Elio Hajdari-Sport Ekspres/

Guardiola felicita a todos los jugadores del Real Madrid, todos les dan la mano sin problema, hasta que llega el demente de Rudiger y le empieza a decir de todo. Ese chico necesita ayuda urgente, tiene problemas serios. Es peligroso. pic.twitter.com/6W8e6aXGFg

— -1899- (@_Futbolero_) March 18, 2026

Flasim për kohën e artë të Brojës te moshat e Chelsea, ndërsa edhe Muslika, po si Armando, po del nga shkolla angleze e futbollit. Në ditën e sotme, djaloshi shqiptar ka shënuar në ndeshjen mes Totenhem U-18 dhe Southampton U-18, e mbyllur në shifrat 4-1. Në minutën e 29 të takimit, Muslika tregoi gjithë klasin e tij duke shënuar një gol shumë të bukur nga distanca. /Elio Hajdari-Sport Ekspres/

Problemi është se formacioni i tij titullar për ndeshjen e Ligës së Kampionëve të luajtur mbrëmë u publikua tetë orë para fillimit të ndeshjes. Përbërja qarkulloi në mediat sociale pasi u publikua nga një gazetar francez.

Është e qartë se ai ishte autentik sepse u tha se do të luante Filip Jorgensen në vend të Robert Sanchez, ashtu si edhe ndodhi, me portierin e Chelsea që gaboi duke pasur peshën e tij në atë humbje 5-2. /Elio Hajdari-Sport Ekspres/

Një punë e mrekullueshme e Carrick-ut, i cili në 7 ndeshjet e kryera si trajner i përkohshëm ka arritur 6 fitore dhe një barazim. Gjithashtu ndër fitoret e marra, dy prej tyre kanë ardhur kundër Arsenalit dhe Manchester City-t. Koha ka ecur shpejt për “djajtë e kuq”, të cilët në vitin e shkuar e gjenin veten në pjesën e poshtme të tabelës, ndërsa tashmë Arsenali kryesues është vetëm 10 pikë larg./Sport Ekspres/

Qendrimi edhe për një tjetër sezon po bëhet gjithnjë e më i vështirë, teksa zona e sigurt është 8 pikë larg. Por Nottingham Foresti ka një ndeshje më tepër në dispozicion për të zhvilluar. Në këto kushte, Championshipi-i është më pranë se elita e futbollit anglez për Armando Brojën dhe për ekipin e tij./Sport Ekspres/

“Armando nuk do të jetë pjesë e fundjavës, pasi ka pasur një problem që ka vazhduar prej disa javësh. Nuk duhet të mungojë për shumë gjatë, por fundjava është shumë shpejt. Edhe Axel-i është disa javë larg (kthimit në fushë)”, ka deklaruar Scott Parkeri./Sport Ekspres/

Bërlei ka publikuar formacionin zyrtar për përballjen e radhës, por emri i Brojës mungonte në listë. Sulmuesi kuqezi ka përfunduar në tribunë, duke shkaktuar befasi në opinionin publik. Ende nuk është bërë e ditur nëse kemi të bëjmë me një lëndim fizik, apo një zgjedhje teknike nga ana e trajnerit./Sport Ekspres/

Sa i përket top 5 ligave më të forta të Europës, Muriqi e gjen veten në pozicionin e 5-të në listën e golashënuesëve më të mirë. Mbapeja dhe Kejni janë dy futbollistët që kanë shënuar më tepër, nga 22 gola secili. Ndërkaq, podiumin e plotëson Halandi me 20 gola të shënuar, ndërsa pas tij vjen Tiago i Brentfordit me 16 gola. Fill pas këtij të fundit gjendet Vedat Muriqi me vetëm një gol më pak. Një arritje e jashtëzakonshme për sulmuesin nga Kosova, duke marrë parasysh nivelin e kampionatit ku luan dhe ekipin ku bën pjesë, i cili është larg nivelit të Realit të Madridit, Bajernit të Mynihut, apo Mançester Sitit./Sport Ekspres/

Golashënuesit më të mirë në top 5 ligat më të forta të Europës:

1. Mbape 22 (Real Madrid, La Liga)
2. Kejn 22 (Bajern Mynih, Bundesliga)
3. Haland 20 (Mançester Siti, Liga Premier)
4. Igor Tiago 16 (Brentfordi, Liga Premier)
5. Muriqi 15 (Majorka, La Liga)

“The Athletic” ka zbuluar se Juventusi ka hapur negociata me Evertonin për të veshur bardhezi Beton. Klubi i Premier League-s ka kërkuar në këmbim Edon Zhegrovën, por italianët kanë ndërprerë menjëherë negociatat. Spaleti e sheh Zhegrovën si alternativën e parë për të zëvendësuar Konseisaon, duke refuzuar kështu në mënyrë kategorike largimin e sulmuesit shqiptar./Sport Ekspres/

“United-i e ka rikthyer vetëbesimin. Ata kanë marrë dy fitore të mëdha, por kushdo mund të fitojë dy ndeshje. Edhe nëse United-i do të fitonte çdo ndeshje deri në fund të sezonit, unë prapë nuk do t’ja jepja atij punën. Ende nuk do të isha i bindur se ai është njeriu i duhur për këtë punë. Absolutisht që jo.

United-i ka nevojë për një trajner më të madh dhe më të mirë. Duke marrë parasysh madhësinë e klubit dhe sfidat me të cilat do të përballen në vitet e ardhshme, ata kanë nevojë për një trajner që mund të fitojë ligën”, është shprehur Roy Keane./Sport Ekspres/

Drejtori i ri sportiv i Torinos la të kuptohet se ky vendim ishte për të përmirësuar akoma më shumë cilësinë e skuadrës, në mënyrë që rezultatet të ndryshonin. Në fakt kjo jo vetëm që nuk ndodhi, por sot Torino humbi në shifrat 6-0 me Como-n. /Elio Hajdari-Sport Ekspres/

Carrick pranoi të merrte përsipër detyrën e trajnerit të përkohshëm të Manchester United deri në fund të sezonit. Ai i bëri menjëherë përshtypje të gjithë spektatorëve të martën në mbrëmje, ndërsa u shfaq në Leig Sports Village për të parë ekipin U21 të Manchester United. Ndryshe nga Carrick, Ruben Amorim nuk pa kurrë një ndeshje të ekipit të të rinjve gjatë kohës së tij në klubin Old Trafford. Ky është padyshim edhe një shembull për futbollin shqiptar. /Elio Hajdari-Sport Ekspres/

Megjithatë, nëse nuk arrijnë të sigurojnë firmën e gjermanit të famshëm, Lopez ka informacion se Real do të kërkojë 38-vjeçarin Fabregas. “Do të përmendja një emër. Është Cesc Fabregas,” thotë Lopez dhe vazhdon historinë:

“Nëse Klopp nuk vjen, megjithëse mendoj se Real do të bëjë gjithçka për ta sjellë atë, atëherë shikoni për Cesc Fabregasin. Ai vlerësohet në klub. Ata u përpoqën ta sillnin dy herë si lojtar dhe ai nuk është veçanërisht i lidhur me Barcelonën. Po, ai luajti për ekipin e të rinjve, por u largua i ri. Ai gjithmonë ka folur me shumë respekt për Real Madridin dhe është një trajner modern”, tha Fabregas. /Elio Hajdari-Sport Ekspres/