“Kam bërë çmos për ta marrë Lautaro Martinezin në gusht. Është një sulmues i madh, e donim te Barça. Unë personalisht e telefonova presidentin e Interit, Marotën, dhe ai menjëherë më ndaloi: nuk kishte asnjë mundësi. Ai nuk ishte në shitje dhe unë e respektoj qëndrimin e Interit”, është shprehur Joan Laporta./Sport Ekspres/

Dyshimet u rikthyen fuqishëm pas paraqitjes së tij me Brazilin kundër Australisë. Performanca jo shumë e mirë e Viniciusit u shoqërua me komente dhe shaka në rrjetet sociale, duke i dhënë më shumë jetë kësaj historie. Versioni më ekstrem i teorisë pretendon se Vinicius është zhdukur dhe se një person që i ngjan atij po e zëvendëson për të vazhduar kontratat e tij të mëdha reklamuese. Madje, një faqe ka pretenduar se futbollisti ka ndërruar jetë më 31 gusht, por nuk ekziston asnjë provë e besueshme për këtë pretendim.

Ndryshimet në pamjen e tij mund të shpjegohen shumë më thjesht, përmes stilit të flokëve, peshës, trajtimeve estetike, ndriçimit dhe këndeve të fotografimit. Vinicius vazhdon normalisht aktivitetin e tij si futbollist. Për momentin, gjithçka mbetet thjesht një teori interneti, pa asnjë bazë faktike. /Sport Ekspres/

??? ??? ??É???? ??? ?? ??????? ?? ??É??? ??? ???Í???? ! ????

Une théorie complotiste affirme que Vinícius aurait DISPARU dans des circonstances mystérieuses et aurait été remplacé par un sosie pour poursuivre ses contrats publicitaires. ?… pic.twitter.com/jUJJt1qajC

— Lives Foot (@livesfoot) September 28, 2026

“Guardiola dhe Fliku nuk ngjajnë aspak me njëri-tjetrin. Kur mbërrita te Barcelona, ??mendova se po hyja në filozofinë e “rondos” dhe të zotërimit të topit, por e vërteta është se në katër ditët e para më nënshtruan një stërvitjeje kaq të rëndë fizike, saqë thashë me vete: “Në çfarë situate jam futur?”, ka thënë Rodri./Sport Ekspres/

“Ky është trofeu që shpërblen lojtarin më të mirë të vitit, lojtarin që është i veçantë, atë që të pëlqen ta shohësh. Aq sa do të ndiqje një ndeshje vetëm për hir të tij. Nuk ka të bëjë aspak me numrin e golave ??që shënon apo me ndonjë gjë tjetër. Kur mendoj për ‘Topin e Artë’, mendoj për Mesin, Ronaldinjon, lojtarë si ata, të cilët janë të veçantë dhe të bëjnë të buzëqeshësh kur i sheh duke luajtur.

Besoj se kushdo që e ndjek futbollin i di arsyet e mia. Dal në fushë, kënaqem, luaj mirë dhe ashtu siç dua unë. Për fat të mirë, kam fituar edhe shumë tituj me Barçën dhe kam fituar titullin më të rëndësishëm, Kupën e Botës, me Kombëtaren time. Përtej kësaj, besoj se stili im i lojës është pika ime e fortë. Është ai që më veçon nga të tjerët”, ëzhtë shprehur Lamin Jamali /Sport Ekspres/

Portugezi u tregoi gazetarëve kornizat për të cilat ai beson se lojtarët e Atleticos duhej të përjashtoheshin, veçanërisht në duelet e Cristiano Romeros me Jude Bellingham dhe Lee Kangin me Federico Valverde. Presidenti i La Ligës, Javier Tebas, ka reaguar tani për të gjitha këto, dhe pas përgjigjes së tij, mund të pritet një reagim i ri nga Reali.

“I kuptoj ankesat e Real Madridit, por nuk e kuptoj mënyrën se si paraqiten ato”, tha Teba, duke shtuar: “Disa kohë më parë e dënuam sjelljen e kanalit të klubit Real Madrid dhe pas ngjarjeve të fundit duhet të vazhdojmë të respektojmë standardet etike. Kjo është një mënyrë e padrejtë dhe mizore për të ushtruar presion mbi gjyqtarin”, shkruhet në reagim. /Sport Ekspres/

Real Madridi e nisi ndeshjen me Mbappé, Vinicius dhe Bellingham në repartin ofensiv, ndërsa vendasit u përgjigjën me Jonathan David dhe Lee Kang-in. Pjesa e parë ishte e luftuar, por pa gola, me të dyja skuadrat që u treguan të kujdesshme.

Në pjesën e dytë erdhi momenti që ndryshoi ndeshjen. Dean Huijsen shkaktoi një faull në zonë ndaj Simeones dhe u ndëshkua me karton të kuq. Atlético fitoi penallti dhe Grimaldo u tregua i saktë nga pika e bardhë, duke kaluar vendasit në avantazh.

Me një lojtar më shumë, Atlético shfrytëzoi hapësirat dhe Jonathan David realizoi golin e dytë, pas një aksioni të mirë të vendasve.

Real Madridi reagoi në fund dhe Antonio Rüdiger shënoi për 2-1, duke rihapur sfidën. Megjithatë, Atlético rezistoi deri në vërshëllimën e fundit dhe mori një fitore të rëndësishme në derbi. /Sport Ekspres/

Preja e radhës këtë herë ishte Sevija, e cila humbi me shifrat 1-3. Lojtari i ndeshjes ishte Rafinja, që shënoi tre gola për katalanasit. Një tjetër fitore bindëse për Barcelonën, që këtë sezon duket se po e shndërron La Ligën në një kamp stërvitor./Sport Ekspres/

“Ai është një nga njerëzit më inteligjentë që kam takuar ndonjëherë. Është një lider. E dija këtë para se të vinte, por ta shohësh çdo ditë të bën të kuptosh se ai është një njeri vërtet i veçantë dhe një trajner legjendar, i cili ka lënë gjurmë në epokën e tij dhe do të vazhdojë ta bëjë këtë me ne.

A duhet të jenë miq lojtarët e një skuadreje? Ne duhet të jemi të zotë, të bashkuar dhe të punojmë për të mirën e përbashkët, që është suksesi i Real Madridit. A jeni ju miq me të gjithë kolegët tuaj te AS? Kjo është diçka më e zakonshme te brezi i ri i tifozëve, sepse me rrjetet sociale gjithçka vihet nën lupë. Ndoshta dikush nuk shtrëngon dorën ose nuk buzëqesh… Por është normale. Ne e dimë këtë dhe përpiqemi të mos u kushtojmë rëndësi gjërave që nuk janë gjithmonë të vërteta. Gjëja më e rëndësishme është Real Madridi”, ka thënë Kilian Mbapeja./Sport Ekspres/

Ndërkohë sot, vetëm 2 vite më vonë, Gueye arriti të shënonte gol kundër Barcelonës në Camp Nou. Një arritje historike për këtë lojtar dhe që tregon shumë edhe në moralin për lojtarët shqiptarë, që mund t’ia dalin edhe nëse e nisin nga Shqipëria, përtej rezultatit të thellë ku Barcelona fitoi 7-2 ndaj Santander. /Sport Ekspres/

Maguette Gueye, le jeune Bargnois ???? pic.twitter.com/Q07lR3U3Hf

— SénéFoot ?? (@ActuFSn) September 16, 2026

“Do të kisha preferuar dy ose tri javë pushime të qeta, por nuk ndodhi aspak kështu. M’u desh të analizoja shumë gjëra dhe të merrja një vendim kaq të rëndësishëm mes dy prej klubeve më të mira në botë. Në fund, zgjodha bazuar në aspektin sportiv, duke ndjekur atë që ndieja më shumë dhe duke vlerësuar se ku mund të fitoja e të rritesha më së shumti si lojtar. Nuk ishte aspak një vendim i lehtë. T’i thuash ‘jo’ Madridit nuk është e thjeshtë, sidomos sepse ata janë sjellë në mënyrë shembullore me mua”, ka treguar Rodri./Sport Ekspres/

“6 konferenca për shtyp në një javë. Jam lodhur prej jush, ju jeni lodhur prej meje. Unë them gjithmonë të njëjtat gjëra dhe ju nuk keni më pyetje për të bërë.

Nëse javën tjetër arrijmë të kursejmë një prej tyre, do të sjell diçka për të ngrënë dhe do të argëtohemi pak”, ka thënë Zhoze Murinjo./Sport Ekspres/

Bellinghami ndëshkoi sërish Rajo, teksa trefishoi rezultatin në minutën e 35. Kamelo ngushtoi rezultatin në minutën e 51-të, por pa mundur të shmangë humbjen. Ishte Mbapeja ai që fiksoi shifrat në 4-1 me anë të golit të shënuar në minutën e 91-të./Sport Ekspres/

“Mbappé ka të drejtë për përgjigjen e tij ndaj kritikave. Një lojtar që shënon 40 gola nuk është kurrë problem për ekipin”, u shpreh Mourinho. Ai e krahasoi sulmuesin me një pemë që jep shumë fruta, duke thënë se njerëzit zakonisht hedhin gurë pikërisht mbi pemën që jep më shumë.

Mourinho u ndal edhe te fundi i ndeshjes me Interin, kur Mbappé, sipas tij, tregoi gatishmëri për të ndihmuar ekipin edhe në mbrojtje. Portugezi pranoi se Real Madridi pati momente të vështira dhe mund të kishte pësuar më shumë, por kritikoi analizat që fokusohen vetëm te rastet e humbura nga kundërshtari.

“Thonë se mund të na kishin shënuar tre apo katër gola. Po, mundeshin. Por ne mund të kishim shënuar tetë! Pse nuk e thonë këtë?”, deklaroi Mourinho. Në fund, trajneri i Realit ironizoi kritikët: “A jeni të pakënaqur sepse fituam?” /Sport Ekspres/

Sipas Decos, Silva kishte dëshirë të madhe për të veshur fanellën blaugrana, por kërkesat e tij nuk përputheshin me parametrat që klubi katalanas kishte vendosur për transferimet. Problemi kryesor ishte financiar, por edhe roli që lojtari kërkonte në skuadër.

“Bernardo donte të vinte te Barcelona, por nuk u përputhëm. Problemi ishte ekonomik dhe sa minuta do të luante. Ai donte të luante, ndërsa unë preferoj lojtarët tanë”, deklaroi Deco.

Silva, pas nëntë vitesh te Manchester City, firmosi një kontratë dyvjeçare me Real Madridin. Portugezi, tashmë 32-vjeç, ka zhvilluar katër ndeshje me madrilenët, por ende nuk ka regjistruar gol apo asist.

Kështu, një lojtar që dëshironte Barcelonën përfundoi te rivalët e përjetshëm, duke i dhënë këtij transferimi një tjetër dimension. Tani mbetet për t’u parë nëse vendimi i Decos do të rezultojë i drejtë apo nëse Silva do ta bëjë Barcelonën të pendohet për refuzimin. /Sport Ekspres/

Sipas raportimeve, Messi do të marrë 100 për qind të aksioneve të klubit, duke u bërë pronari i vetëm i Eldense. Megjithatë, finalizimi i plotë i operacionit kërkon përfundimin e procedurave ligjore dhe miratimin e autoriteteve përkatëse në Spanjë.

Eldense nuk po kalon një moment të mirë sportiv. Pas katër ndeshjeve të para të sezonit, skuadra ka grumbulluar vetëm dy pikë dhe ndodhet në vendin e 20-të, çka ka sjellë edhe ndryshime në pankinë.

Kjo nuk është investimi i parë i Messit në futbollin spanjoll. Në prill, ai bleu gjithashtu klubin katalanas UE Cornellà, që luan në një kategori më të ulët.

Me Eldense, Messi hyn në një projekt shumë më ambicioz. Klubi është vetëm një kategori larg elitës së futbollit spanjoll dhe tashmë emri i një prej futbollistëve më të mëdhenj në histori pritet të sjellë vëmendje të jashtëzakonshme ndërkombëtare. /Sport Ekspres/

“Urime Betisit, që luajti për barazim dhe pati fat. Nëse përfundon me barazim, ne largohemi të frustruar, sepse kemi bërë më shumë. Kështu që imagjinoni si ndihemi me një humbje.

Ekzagjerimet e lojtarëve kundërshtarë? Ai djali që ishte shtrirë aty përpara stolit tim… Mendova se po vinte ambulanca, por në fund, nuk erdhi asnjë”, është shprehur Zhoze Murinjo./Sport Ekspres/

Ndeshja ishte e luftuar dhe Real Madridi krijoi disa raste të rrezikshme, por portieri i Betisit, Álvaro Valles, rezultoi vendimtar. Goli i vetëm i takimit erdhi në minutën e 81-të, kur Troy Parrott përfitoi nga një top i kthyer pas pritjes së Thibaut Courtois dhe dërgoi topin në rrjetë.

Real Madridi tentoi të reagojë menjëherë dhe arriti të shënojë, por goli i Carlos Espí u anulua nga VAR për pozicion jashtë loje. Drama kulmoi në minutat shtesë, kur Vinícius Júnior fitoi një penallti. Kylian Mbappé mori përsipër ekzekutimin, por goditja e tij u ndal nga Valles, i cili vulosi fitoren e madhe të Betisit. Me këtë sukses, Betisi i dha Real Madridit humbjen e parë të sezonit, ndërsa të dyja skuadrat mbeten me nga nëntë pikë pas katër javësh. /Sport Ekspres/

Sulmuesi francez zhbllokoi rezultatin në minutën e 40-të, pas një aksioni të nisur nga Federico Valverde. Megjithatë, Real Sociedad reagoi menjëherë dhe Luka Suçiç barazoi në fundin e pjesës së parë, duke i dhënë më shumë emocione sfidës.

Në pjesën e dytë, Real Madridi ndryshoi ritëm dhe nisi të dominonte. Mbappé riktheu avantazhin pas një kombinimi të bukur me Jude Bellingham, ndërsa Vinícius Junior shënoi golin e tretë pas asistimit të anglezit. Në minutën e 80-të, Mbappé kompletoi tripletën me një finalizim elegant, duke vulosur rezultatin 4-1.

Kjo ishte një mbrëmje e veçantë edhe për Mourinho-n, i cili u rikthye në Bernabéu pas 13 vitesh. Real Madridi tregoi forcë të madhe në pjesën e dytë, ndërsa Mbappé dha sinjalin e parë të madh se mund të jetë lideri kryesor i skuadrës këtë sezon. /Elio Hajdari-Sport Ekspres/

Marrëdhënia e tij me tifozët dhe me klubin është thyer përfundimisht. Vendimi i tij i fundit është një dëshmi e qartë. Alvarezi ka munguar në seancën e fundit stërvitore. Një “hakmarrje” e vogël e sulmuesit të Argjentinës, i cili jep sërish mesazhin e qartë se nuk mund të qendrojë më në klubin e Atletikos së Madridit dhe se në mendjen e tij është vetëm Barcelona. Në krahun tjetër, Arsenali po mbikëqyr me vëmendje rastin në fjalë./Sport Ekspres/

Por Espanjoli reagoi në minutën e 30 me anë të Kalatravës. Ky fundit e dërgoi rezultatin në 1-1, i cili mbeti i pandryshuar deri në minutën e 90. Pikërisht në këtë moment Espi arriti të shënonte golin e fitores 1-2 të Realit të Madridit. Lojtari 21-vjeçar hyri në fushë në minutën e 80 dhe vetëm 10 minuta më vonë shpëtoi Murinjon nga dështimi në debutim./Sport Ekspres/

“Po, fola me të disa herë. Real Madridi i bëri një ofertë shumë të mirë. Rodri kishte dyshime. Dhe dyshimet që kishte Rodri, më dhanë edhe mua dyshime. Lojtar i jashtëzakonshëm, shumë korrekt me ne. Por Real Madridi është i një dimensioni të tillë sa lojtarët nuk mund të mendojnë dy herë. I telefonon dhe lojtarët të pyesin: ‘Kur duhet të vij?’. Por ai ishte shumë korrekt me ne dhe unë e pëlqej shumë”, ka treguar Zhoze Murinjo./Sport Ekspres/

“Është e qartë se kisha edhe opsione të tjera, por Barcelona ishte zgjedhja ime e parë”, deklaroi ai, duke theksuar se vendimi i tij ishte i bazuar kryesisht në aspektin sportiv. Rodri foli gjithashtu me superlativa për trajnerin Hansi Flick, duke thënë se stili i tij i lojës dhe entuziazmi që përcjell e kanë motivuar për të zgjedhur Barcelonën. Mesfushori pritet të jetë një nga figurat kryesore të skuadrës katalanase në sezonet e ardhshme. Debutimi i tij mund të vijë në fundjavë, kur Barcelona do të përballet me Elchen në transfertë. /Sport Ekspres/

Pas dy ofertave të refuzuara, “qytetarët” kanë pranuar shifrën prej 65.4 milionë paundësh. Sipas “Sky Sports”, kjo vlerë i ka bindur drejtuesit e klubit anglez për të shtërnguar duart me drejtuesit e Barcelonës. Tashmë gjithçka është e kryer dhe e vetmja gjë që pritet është zyrtarizimi./Sport Ekspres/

Sipas raportimeve të “El Nacional”, Milan e ka vendosur 28-vjeçarin në treg dhe Barcelona është një prej klubeve që mund të përfitojë nga kjo situatë. Drejtori sportiv i Barcelonës, Deco, thuhet se nuk e ka përjashtuar mundësinë e transferimit të francezit, i cili mund të jetë një opsion relativisht i lirë nëse planet kryesore të klubit nuk realizohen.

Nkunku iu bashkua Milanit vetëm verën e kaluar pas largimit nga Chelsea, por qëndrimi i tij në “San Siro” mund të përfundojë shumë më shpejt nga sa pritej. Në sezonin e kaluar, ai regjistroi tetë gola dhe tre asistime në 35 paraqitje me fanellën kuqezi.

Një tjetër avantazh për Barcelonën është fleksibiliteti i tij. Nkunku mund të luajë si sulmues, pas tij apo edhe në krahë, duke i dhënë trajnerit më shumë alternativa taktike.

Për momentin nuk ka marrëveshje, por situata mbetet për t’u ndjekur. Nëse transferimi realizohet, Nkunku do të kalonte nga Milani te Barcelona pas vetëm një sezoni, në një lëvizje që do të ishte padyshim ndër surprizat e merkatos. /Sport Ekspres/

“Për mua, të vija këtu ishte një ëndërr, dhe është ende një ëndërr të jem këtu çdo ditë dhe të kem këtë mundësi. Unë jam dikush që di ta shijojë të tashmen dhe e di sa me fat jam që jam këtu. Por tani duhet të fitojmë. Mund të jesh kudo, por veçanërisht te Real Madridi, duhet të fitosh tituj. Kjo është arsyeja pse jam këtu. Siç thashë, do të fitojmë tituj këtë vit”, ka thënë Kilian Mbapeja./Sport Ekspres/

Eksperti i merkatos, Fabricio Romano, ka bërë me dije se Ferran Torresi donte vetëm parisienët dhe palët kanë vulosur më në fund marrëveshjen. Nga ky transferim Barcelona do të përfitojë 50 milionë euro. Me këtë afrim, skuadra e Luis Enrikes bëhet edhe më e frikshme për kundërshtarët./Sport Ekspres/

“Baba, ende nuk mund ta besoj që nuk je më këtu. Nuk e kam përthithur ende realitetin, ose më saktë, nuk dua ta bëj. E kam kaq të vështirë të imagjinoj se nuk do të të shoh më kurrë, se nuk do të flasim më kurrë. E di që po vuaje dhe se kjo është për të mirën tënde, por na le shumë shpejt. Kishim ende kaq shumë gjëra për të shijuar së bashku.

Ti vazhdoje të më kërkoje të luaja në një Botëror të fundit dhe pikërisht pak ditë para se të fillonte, gjendja jote u përkeqësua. Ishte hera e parë që nuk do të ishe aty me mua në një turne, por mami më thoshte se do të përmirësoheshe dhe se do të ishe mjaftueshëm mirë për të udhëtuar. Unë të thoja vazhdimisht se do të arrinim në finale, që ti të mund të bëje udhëtimin.

Pas çdo ndeshjeje, prisja me padurim mesazhin tënd. Atëherë e kuptova se sa serioze ishte vërtet situata. Megjithatë, nuk mund të mos mendoja për të shkuar sa më larg që të ishte e mundur, për të të dhënë më shumë kohë dhe mundësinë për të parë një nga ndeshjet. Arritëm në finale, por ti nuk munde të ishe aty. Doja ta fitoja që të mund të të sillja trofeun dhe të të tregoja një tjetër. Nuk munda. Këmbët e mia thjesht nuk mbanin më. Këtë herë u përpoqa të shkoja përtej limiteve të trupit tim, por nuk ia dola. Nuk arrita kurrë të ndihesha mirë fizikisht.

Kur u ktheva, ti mendoje se e kishim humbur finalen me penallti. Nuk mundëm të flisnim për asgjë nga ato që kishin ndodhur. Nuk munde të shijoje asgjë prej saj. Nuk u shpallëm kampionë, por nuk e ke idenë se sa shumë e shijuam çdo ndeshje. Edhe një herë, ti kishe të drejtë: duhej të isha aty dhe të luaja. Po t’i them të gjitha këto sepse ishte e vetmja gjë për të cilën nuk patëm kurrë mundësi të flisnim. Për gjithçka tjetër, ti tashmë e di. Flisnim çdo ditë dhe shiheshim sa herë që angazhimet e mia na e lejonin. Nuk e di çfarë do të bëj pa ty. Nuk di si të vazhdoj më tej. Gjithçka që kam bërë ka qenë të luaj futboll dhe tani kam dyshime të mëdha nëse do të vazhdoj ta bëj këtë edhe për shumë kohë. Ti ishe në krahun tim që në fillim dhe kishte mbetur kaq pak deri në fund. Pse nuk munde të rezistoje edhe pak më gjatë, që ta përfundonim së bashku?

E di që lumturia jote buronte nga fakti që e shihje familjen tënde mirë – gruan, fëmijët – dhe, mbi të gjitha, pa e ditur askush tjetër, nga momenti kur më shihje duke luajtur… Kështu kishte qenë gjithmonë, që kur isha i vogël. Më çoje në çdo seancë stërvitore sapo ktheheshe nga puna. Edhe mami më çonte shpesh, sepse ti ishe i zënë me punë. Dhe sigurisht, nuk humbisje asnjë ndeshje. Sa shumë vuaje duke më parë, por edhe sa shumë e shijoije, edhe pse rrallëherë më bëje komplimente të tepruara.

Ti ishe babai im, miku im dhe përfaqësuesi im. Gjithmonë e dije saktësisht se cili rol të takonte në çdo moment dhe nuk gaboje kurrë. Pavarësisht ndonjë debati apo mosmarrëveshjeje, ti kishe gjithmonë të drejtë. Në fund, gjërat ndodhnin gjithmonë ashtu siç i kishe parashikuar ti. Do të më mungosh shumë, por do të jesh gjithmonë i pranishëm, veçanërisht në mënyrën se si i rris fëmijët e mi; sepse po i edukoj dhe po i rris ashtu siç më rritët ti dhe mami mua. Prehu në paqe dhe na shiko nga lart, ashtu siç bëje edhe këtu. Faleminderit për gjithçka”, shkruan Mesi. /Sport Ekspres/

Ai nuk është veçanërisht i interesuar për atë që ka ndodhur në të kaluarën. Portugezi kërkon profesionalizëm maksimal nga të dy lojtarët dhe beson se konflikti që patën do të kalojë vetë, pa tensione shtesë. Në fushë, kjo dyshe do të duhet të bashkëpunojë. Plani që Mourinho ka është që Tchouameni dhe Valverde të mbajnë mesfushën dhe të jenë bashkime pas vijës së fuqishme sulmuese.

Pra, kjo dyshe do të mbajë dhe lidhë së bashku mbrojtjen dhe sulmin e klubit mbretëror, dhe do të luajë pas një linje sulmi të fuqishme të përbërë nga Mbappe, Vinicius, Jude Bellingham dhe Yan Diomande. “Jose Mourinho ka besim të plotë te të dy lojtarët”, thonë burime pranë klubit mbretëror. Sigurisht që do të jetë shumë interesante të shohim se si do të duket kjo dyshe në fushë pas gjithë kësaj. Klubi sigurisht që është përpara çështjeve personale dhe do të duhet të japë gjithçka nga vetja. /Elio Hajdari-Sport Ekspres/

“Ai është një lojtar shumë i rëndësishëm për ne. I shkreti djalë, kur shkon me pushime, i pëlqen të shkëputet plotësisht. Nuk bën asnjë punë, kështu që ka ardhur me një nivel shumë më poshtë standardit të tij të zakonshëm. Tani i duhet të punojë fort”, ka deklaruar Zhoze Murinjo./Sport Ekspres/

Në mesin e rivalitetit të përjetshëm historik dhe sportiv mes klubeve, ngjarjet e tilla tragjike dhe njerëzore shërbejnë për të kujtuar se vlera e jetës dhe respekti reciprok tejkalojnë çdo rivalitet në fushën e blertë. Klubi mbretëror, përmes një njoftimi të shkurtër por tejet domethënës, ka shprehur dhimbjen e thellë të institucionit për këtë humbje të madhe që ka prekur familjen e yllit argjentinas.

Në komunikatën e lëshuar nga zyrat e “Santiago Bernabéu”, thuhet:

“Real Madrid C.F., presidenti dhe Bordi i Drejtorëve të tij shprehin keqardhjen e tyre më të thellë për ndarjen nga jeta të Jorge Messit, babait të Leo Messit. Klubi ynë dëshiron të shprehë ngushëllimet e tij më të sinqerta për Leon, familjen e tij dhe të gjithë të dashurit e tij. U prehftë në paqe.”

Ky reagim i shpejtë dhe institucional nga ana e drejtuesve madrilenë është pritur me mjaft vlerësim në opinionin publik sportiv ndërkombëtar. Jorge Messi ka qenë një figurë kyçe jo vetëm në jetën personale të yllit argjentinas, por edhe në karrierën e tij të jashtëzakonshme sportive, duke e shoqëruar dhe udhëhequr atë që nga hapat e parë në futboll e deri në majat e suksesit botëror.

Humbja e tij lë një boshllëk të madh për familjen Messi, ndërsa mesazhet e solidaritetit dhe ngushëllimit nga e gjithë bota e futbollit po vazhdojnë të vijnë pa ndërprerje, duke dëshmuar ndikimin e madh që familja ka pasur ndër vite. /Elio Hajdari-Sport Ekspres/

Jorge Messi ka qenë një nga figurat më kyçe dhe më influencuese në jetën dhe karrierën e fituesit të Topit të Artë. Që në hapat e parë të djalit të tij në Argjentinë, e deri te sakrificat e mëdha për ta dërguar në Spanjë kur ishte vetëm 13 vjeç për t’u bashkuar me akademinë e Barcelonës, ai luftoi pa u ndalur për të ardhmen e tij. Për dekada me radhë, ai shërbeu si shtylla kurrizore e karrierës së Lionelit, duke e udhëhequr atë përmes sfidave të mëdha deri në majat e futbollit botëror.

Lajmi për humbjen e tij ka tronditur tifozët anembanë globit, të cilët janë bashkuar në mesazhe ngushëllimi për familjen Messi në këtë moment tejet të vështirë. Me largimin e tij, futbolli botëror humb një njeri thelbësor që ndihmoi në formësimin e një prej lojtarëve më të mëdhenj në histori. /Sport Ekspres/

Largimi i Ter Stegen vjen pas një periudhe të vështirë në “Camp Nou”, ku humbi vendin e titullarit dhe nuk ishte më në planet e trajnerit Hansi Flick. Barcelona kishte vendosur të ndërtonte të ardhmen e portës me alternativa të tjera, ndërsa gjermani kërkonte një klub ku të rikthehej protagonist dhe të fitonte vazhdimësi në fushë.

Ajax beson se eksperienca e Ter Stegen do të jetë një armë e fortë për sezonin e ri. Klubi holandez synon të luftojë për titullin në Eredivisie dhe të ketë një paraqitje të mirë në kompeticionet evropiane, ndërsa ardhja e një portieri me përvojë të madhe në nivelet më të larta konsiderohet një përforcim i rëndësishëm.

Për Barcelonën, ky transferim shënon fundin e një epoke. Ter Stegen ishte një nga figurat kryesore të skuadrës, fitoi shumë trofe dhe për vite me radhë u konsiderua një prej portierëve më të mirë në botë. Tani ai nis një sfidë të re në Amsterdam, me objektivin për të rikthyer formën e tij më të mirë dhe për të dëshmuar se ende ka shumë për të dhënë në futbollin elitar. /Sport Ekspres/

“Kam një plagë, por tani është shëruar. Duke parë prapa, ruaj anën pozitive dhe jo gjërat që nuk funksionuan. Isha ??shumë kritik ndaj vetes, duke menduar për atë që mund të kisha bërë më mirë, sepse nuk shkoi siç e kisha menduar”, ka thënë Xabi Alonso./Sport Ekspres/

Ky i fundit ka folur për “NBC” ku e ka lënë të hapur mundësinë e largimit. Autori i golit që i dha Spanjës Kupën e Botës ka thënë se ka ende një kontratë ligjore me Barcelonën, por kurrë nuk i dihet në futboll.

“Kam një kontratë me Barcelonën, por në futboll nuk i dihet kurrë. Po pres të marr vendimin e duhur. Nuk e di ende”, është shprehur Ferran Torresi./Sport Ekspres/

Konfirmimi vjen nga i pagabueshmi i merkatos, Fabricio Romano. Gazetari italian ka bërë me dije se palët janë duke mbyllur marrëveshjen mes tyre. Marash Kumbulla do të transferohet me formulën e huazimit, teksa në vijim pritet edhe formalizimi i kontratës./Sport Ekspres/

Sipas njoftimit zyrtar, Preston nuk kishte në dispozicion një numër të mjaftueshëm lojtarësh nga skuadra e parë për të zhvilluar ndeshjen. Dëmtimet, problemet fizike dhe mungesat e shumta e vendosën klubin në një situatë të vështirë, duke e bërë të pamundur organizimin e takimit në kushte normale kundër Barcelonës.

Vendimi u mor në marrëveshje mes dy klubeve, me Preston që propozoi që ta luante ndeshjen me U-21 e saj. Megjithatë ishte vetë Barcelona që e refuzoi një mundësi të tillë duke zgjedhur vazhdimin normal të stërvitjes në krahasim me ndeshjen kundër U-21 të Preston. /Sport Ekspres/

“Ka disa gjëra që nuk po funksionojnë mirë ende. Ai ka më shumë potencial për të shfaqur pikat e tij të forta shumë më tepër, por është java e parë dhe kjo është normale. E shoh shumë më mirë, dhe me shpejtësinë dhe cilësinë e tij, mund të bëjë mirë. Ai ka shumë potencial dhe mund të na japë shumë”, ka deklaruar Hansi Fliku./Sport Ekspres/

Sipas burimeve të afërta me klubin, drejtuesit e Realit nuk kanë asnjë plan për të shitur një nga yjet më të rëndësishëm të skuadrës. Përkundrazi, synimi i tyre është të finalizojnë sa më shpejt rinovimin e kontratës së Viniciusit me një marrëveshje afatgjatë, duke i dhënë fund çdo dyshimi mbi të ardhmen e tij.

Interesim serioz për brazilianin kishte shfaqur Arsenali, i cili monitoroi nga afër situatën dhe shpresonte të përfitonte në rast se negociatat mes lojtarit dhe Realit dështonin. Megjithatë, “Topçinjtë” nuk morën asnjë sinjal se klubi spanjoll ishte i gatshëm të diskutonte shitjen e tij.

Një rol të rëndësishëm në këtë vendim ka edhe trajneri Jose Mourinho, i cili e konsideron Viniciusin një nga shtyllat kryesore të projektit të tij të ri te Real Madridi. Portugezi dëshiron ta ndërtojë repartin ofensiv rreth brazilianit dhe nuk e sheh të mundur largimin e tij këtë verë.

Tashmë pritet vetëm finalizimi i marrëveshjes së re mes palëve, ndërsa gjithçka tregon se Vinicius Junior do të vazhdojë të jetë një nga figurat kryesore të “Los Blancos” edhe në vitet e ardhshme. /Sport Ekspres/

Tre klube spanjolle kërkojnë shërbimet e Marash Kumbullës. Bëhet fjalë për Rajo Vajekanon, Elçenë dhe për Levanten. Të treja skuadrat do të jenë pjesë e La Ligës në sezonin e ardhshëm, kampionat të cilin 26-vjeçari e njeh mjaft mirë, pasi ka luajtur aty në dy sezonet e tij të fundit. Roma është e hapur për një huazim me të drejtë blerje, por ende asgjë konkrete nuk është arritur./Sport Ekspres/