La Liga

Deklarata e fortë e Neymar, parashikon suksesin e yllit katalanas: Yamal fiton 3-4 Topa të Artë në të ardhmen

Sport Ekspres — Fri, 20 Mar 2026 17:30:36 +0000

Neymar kohët e fundit ka tërhequr sërish vëmendjen e publikut të futbollit me deklaratat e tij. Këtë herë bëhet fjalë për mendimin e tij për talentin e ri Lamine Yamal. Neymar theksoi se beson që Yamal do të fitojë të paktën tre ose katër çmime Ballon d’Or në të ardhmen. Një deklaratë e tillë shkaktoi një stuhi të vërtetë në mediat sociale midis tifozëve dhe ekspertëve. Shumë besojnë se është e rrallë të shohësh një mbështetje kaq të fortë nga yjet e afirmuar për lojtarët e rinj.

Lamine Yamal është ende shumë i ri, por ai tashmë po tregon cilësi të jashtëzakonshme në fushë. Shpejtësia, teknika dhe aftësia e tij për të krijuar mundësi për shokët e tij të ekipit tërhoqën vëmendjen e ekspertëve të futbollit. Neymar, i cili vetë zotëron një koleksion mbresëlënës trofesh, e sheh qartë Yamalin si një yll botëror të futbollit. Shumë media e raportuan këtë deklaratë, duke theksuar se sa e pazakontë është që një futbollist i afirmuar të parashikojë kaq qartë suksesin e një talenti të ri. /Sport Ekspres/

Robert Lewandowski nuk është në formë para Shqipërisë, shifrat flasin kundër sulmuesit të Barcelonës

Sport Ekspres — Sun, 15 Mar 2026 16:34:48 +0000

Robert Lewandowski nuk është në formën më të mirë para Shqipërisë. Kuqezinjtë i rrezikuan Europianin në herën e fundit duke e lënë pas vetes, por këtë herë kanë mundësi që t’i heqin Botërorin e fundit të karrierës.

Sulmuesi i Barcelonës ka nisur që të ndiejë vitet mbi shpinë dhe 2026 nuk mund të quhet viti i tij. Në 16 ndeshje që katalanasit kanë zhvilluar këtë vit, Leëandoëski ka arritur të realizojë vetëm 6 gola. Shumë pak për një sulmues klasi dhe mbi të gjithë, për një sulmues i cili është pjesë e një ekipi si Barcelona, që sulmon gjithë kohën kundërshtarin e saj. /Sport Ekspres/

“I pashë të gjithë duke shkulur flokët”, goli nga 70 metra mahnit trajnerin e Realit

Sport Ekspres — Sun, 15 Mar 2026 12:52:13 +0000

Arda Gyleri ka shënuar golin më të bukur të karrierës së tij. Ai tundi rrjetën nga një distancë prej 70 metrash në fitoren 4-1 të Realit të Madridit kundër Elçesë. Alvaro Arbeloa ka deklaruar për mediat pas ndeshjes se ia vlen të paguash biletën vetëm për të parë një gol të tillë.

“I pashë të gjithë duke shkulur flokët. Është e pabesueshme të shënosh nga 70 metra. Ia vlen të paguash për një biletë vetëm për të parë një gol të tillë”, është shprehur Alvaro Arbeloa./Sport Ekspres/

Cristiano Ronaldo i drejtohet terapisë së pazakontë, do të “trajtohet me ajër” në Madrid

Sport Ekspres — Thu, 12 Mar 2026 17:05:12 +0000

Lojtari i famshëm portugez Cristiano Ronaldo u lëndua në ndeshjen midis Al-Nassr dhe Al-Fayha. Ndeshja e luajtur më 28 shkurt përfundoi me një fitore 3-1 për Al-Nassr.
Ronaldo u largua nga fusha në minutën e 81-të të ndeshjes. Në shikim të parë, nuk dukej si një dëmtim serioz në kofshën e tij. Ronaldo më pas udhëtoi për në Madrid për të filluar një proces të veçantë rikuperimi.

Megjithatë, trajneri Jorge Jesus shpejt konfirmoi se sulmuesi portugez duhej të bënte ende një pushim për një periudhë të caktuar. Kjo shkaktoi menjëherë shqetësim në mesin e publikut portugez.

Sipas gazetës britanike Daily Mail, Ronaldo zgjodhi një trajtim specifik të njohur si presoterapi. Është një metodë terapeutike në të cilën krijohet presion në pjesë të caktuara të trupit me anë të injektimit të kontrolluar të ajrit.

Në këtë mënyrë, stimulohet lëvizja e lëngut ndërqelizor të akumuluar. Ky proces aktivizon sistemin limfatik dhe ndihmon trupin të heqë qafe lëngun e tepërt dhe substancat e dëmshme më shpejt. /Elio Hajdari-Sport Ekspres/

Laporta reagon kundër Xavi-t: Me të njëjtët lojtarë Flick-u fiton, Xavi nuk fitonte dot

Sport Ekspres — Mon, 09 Mar 2026 21:43:43 +0000

Joan Laporta ka reaguar pas intervistës së fundit të Xavi Hernandezit. Ish-mesfusori katalanas ka thënë për “La Vanguard”-un se presidenti aktual nuk dëshironte rikthimin e Messi-t. Ai gjithashtu ka treguar se u ndje keq kur mësoi se klubi po negocionte me Flick-un pas shpinës së tij.

“Intervista e Xavi-t më befasoi dhe më lëndoi. E kuptoj që ai është i lënduar. Me të njëjtët lojtarë, Flick-u fiton… dhe Xavi nuk fitonte dot. Me Xavi-n shihja se ne do të humbim dhe me Flick-un shoh se do të fitojë”, ka dëklaruar Joan Laporta./Sport Ekspres/

“Bënim ndonjë punë taktike vetëm ndaj Bajernit dhe Barçës”, Bejli zbulon Realin nën drejtimin e Zidanit: Bënim minimumin

Sport Ekspres — Sat, 07 Mar 2026 09:50:13 +0000

Për të fituat trofe nuk është e nevojshme puna shtesë në stërvitje apo zbatimi me përpikmëri i një plani të mirëmenduar taktik. Të paktën këtë ka lënë të kuptohet Gareth Bejli. Ish-lojtari i Madridit ka zbuluar për “The Overlap” mënyrën e të përgatiturit të ndeshjeve nën drejtimin e Zidanit. Pavarësisht se arritën të fitonin trofe me të në krye, Bejli është shprehur se ekipi zhvillonte pak punë taktike gjatë stërvitjes vetëm nëse luanin përballë Barcelonës ose Bajernit të Mynihut. Në të kundërt, përgatitja ishte minimale.

“Me Zidanin, nëse luanim kundër Barcelonës ose Bajernit, atëherë bënim ndonjë punë taktike. Kundër ekipeve të tjera, bënim minimumin. Thjesht stërvitjen normale, lojërat me zotërimin e topit dhe goditjet në portë. Më pas drejt e në dhomën e zhveshjes dhe shkonim në shtëpi”, ka treguar Gareth Bejli./Sport Ekspres/

VIDEO/ Getafe hesht “Bernabeun” me një super gol, Reali largohet me humbje nga stadiumi

Sport Ekspres — Mon, 02 Mar 2026 22:33:10 +0000

Mbrëmjen e sotme Reali i Madridit ka pritur në “Santiago Bernabeu” Getafen. Një kundërshtar i lehtë në letër, por jo në fushë. Satriano tundi rrjetën me një goditje spektakolare, duke shtangur stadiumin. Goli i tij rezultoi vendimtar, teksa ndeshja përfundoi me shifrat 0-1 në favor të Getafes. Tashmë Reali i Madridit gjendet në vendin e dytë në renditje, 4 pikë larg Barcelonës kryesuese./Sport Ekspres/

https://sportekspres.com/wp-content/uploads/2026/03/ssstwitter.com_1772489757837.mp4

“Mesi nuk më foli në ceremoninë e Topit të Artë”, Laporta: Do t’i bëjmë një statujë në “Kamp Nou”

Sport Ekspres — Mon, 23 Feb 2026 12:18:58 +0000

Joan Laporta ka folur hapur për marrëdhënien e tij me Lionel Mesin. Presidenti i Barcelonës ka pranuar se marrëdhënia mes tyre është krisur. Ai ka zbuluar për “Radio Katalunjën” se Mesi refuzoi që të përshëndetej me të në ceremoninë e Topit të Artë 2023. Largimi i argjentinasit nga Barcelona nuk u krye në mënyrën që ai priste, duke ndikuar kështu në raportin me drejtuesit e klubit. Megjithatë Laporta ka shtuar se 7 herë fituesi i Topit të Artë ka statusin e një legjende te Barça dhe meriton një statujë në “Kamp Nou”.

“Marrëdhënia me Mesin nuk është më si ka qenë. Pati një incodent në ceremoninë e Topit të Artë, kur unë shkova ta përshëndesja dhe ai ndjeu se nuk duhet ta përshëndesnim njëri-tjetrin. Nga ai moment e tutje kemi pasur disa përpjekje për t’u rilidhur dhe shpresoj që do të ndodhë në të ardhmen. Marrëdhënia është dëmtiar, por ai është një legjendë e Barcelonës.

Leo meriton një statujë në “Kamp Nou”, ashtu si kanë Krojfi dhe Kubala. Ai meriton një tribut dhe ne mendojmë se koha e duhur për ta bërë është kur stadiumi të ketë përfunduar tërësisht dhe të ketë një kapacitet prej 100 mijë ulësesh”, ka thënë Joan Laporta./Sport Ekspres/

Është golashënuesi më i mirë në Europë, Muriqi regjistron statistikën që asnjë lojtar shqiptar nuk e ka arritur më parë

Sport Ekspres — Sat, 21 Feb 2026 11:04:08 +0000

Vedat Muriqi është padyshim sulmuesi shqiptar që po përjeton suksesin më të madh në nivelet më të larta të futbollit europian. “Pirati” është kthyer në një “kërcënim” madhor për cilindo kundërshtar këtë sezon. Sulmuesi nga Prizreni ka regjistruar së fundmi një tjetër statistikë mbresëlënëse.

Muriqi është momentalisht golashënuesi më i mirë me kokë në pesë ligat më të mira të Europës këtë sezon, si asnjë lojtar tjetër shqiptar më parë. Ai është lojtari i parë i Majorkës që shënon 6 gola me kokë në një sezon të vetëm që nga Pier Uebo në sezonin 2010/11. Kjo statistikë është publikuar nga faqja zyrtare e La Ligës në rrjetet sociale./Sport Ekspres/

Endrick vendos kushtin te Real Madridi, duhet të largohet Garcia ose Rodrigo, në të kundërt nuk rikthehet

Sport Ekspres — Fri, 20 Feb 2026 17:25:37 +0000

Asgjë nuk është e thjeshtë dhe e lehtë kur bëhet fjalë për Real Madridin. Talenti i ri brazilian, Endrick, thuhet se është gati të kthehet në klub në fund të sezonit, por me një kusht që mund t’i ndryshojë plotësisht gjërat. Detajet ende nuk dihen, por nga burime spanjolle vijnë informacione se Endrick po kërkon largimin e njërit prej lojtarëve aktualë të ekipit të parë përpara se të veshë përsëri fanellën e bardhë.

Ylli i ri brazilian bëri përshtypje në paraqitjet e tij të para që kur iu bashkua Lyonit në formë huazimi dhe Madridi u pendua shpejt që e la të largohej, por mezi pret ta rikthejë në skuadrën e tyre gjatë verës. Megjithatë, vetë lojtari thuhet se nuk dëshiron të jetë pjesë e ekipit, të paktën jo derisa gjërat të “zgjidhen”. Thuhet se Endrick nuk dëshiron të jetojë me premtime boshe. Sulmuesi i ri brazilian e di shumë mirë se zhvillimi i tij varet nga minutat, jo vetëm nga lëvdatat. Prandaj, qëndrimi i tij për sezonin e ardhshëm është i vendosur: ai nuk do të qëndrojë te Real Madrid pa garanci dhe premtime të vërteta se do të luajë një rol të rëndësishëm.

Nuk bëhet fjalë për kërkimin e një pozicioni të përhershëm titullar ose për të luftuar në kushte të barabarta me yjet e vendosur. Endrick e kupton moshën dhe situatën e tij aktuale, por ai gjithashtu e di se futbolli nuk pret askënd. Ai beson se duhet të kthehet vetëm nëse largohen një ose dy sulmues. Emrat që u shfaqën në diskutimin e brendshëm janë Rodrygo dhe Gonzalo García. Qëndrimi i brazilianit është i thjeshtë: nëse ka largime lojtarësh në vijën sulmuese që zvogëlojnë konkurrencën, ai është gati të kthehet dhe të luftojë për një vend. Duke pasur parasysh se lojtarët standardë Viniicus dhe Mbappe janë të paprekshëm, Endrick beson se me qëndrimin e Rodrygo dhe Garcia, do të ishte çmenduri të shpresohej për minuta konkrete. /Elio Hajdari-Sport Ekspres/

“U kam kthyer gëzimin tifozëve”, Laporta kërkon presidencën te Barcelona: Kemi fituar shumë tituj…

Sport Ekspres — Mon, 09 Feb 2026 16:56:13 +0000

Joan Laporta ka përfunduar mandatin e tij si president i Barcelonës. Megjithatë, ai ka hedhur sërish kandidaturën për zgjedhjet presidenciale, të cilat do të mbahen më 15 mars. Në deklaratën e tij për mediat pas mbledhjes me Bordin Drejtues, Laporta nënvijëzoi arritjet e tij gjatë mandatit 5-vjeçar, si dhe ka nënkuptuar ambicien e tij për të fituar trofeun e Ligës së Kampionëve.

“Po largohem me dëshirën për t’ju parë sërish së shpejti. Tifozët janë të lumtur. Kemi rifituar gëzimin. Po e lë klubin në një gjendje më të mirë se sa para 5 viteve. Na u desh të merrnim vendime të vështira dhe duke parë se si shkuan gjërat, ndihemi krenarë.

Lojtarët janë arkitektët e sukseseve të 5 viteve të fundit, janë shumë tituj… disa na kanë ikur, por do t’i lëmë për vitet e ardhshme nëse anëtarët na votojnë. ‘Spotify Kamp Nou’? Është projekti kapital më i madh në historinë e klubit”, ka deklaruar Joan Laporta./Sport Ekspres/

Barcelona fton Muriqin në sfidë me Levandovskin, sulmuesi shqiptar reagon në rrjetet sociale

Sport Ekspres — Sat, 07 Feb 2026 10:53:33 +0000

Barcelona do të luajë sot përballë Majorkës në javën e 23-të të kampionatit spanjoll. Ndeshja ka nisur më herët, jo në fushën e blertë, por në rrjetet sociale. Barcelona ka shpërndarë një postim në llogarinë zyrtare në “Twitter”, ku në një farë mënyre ka ftuar në sfidë Muriqin dhe Levandovskin.

Klubi katalanas ka shpërndarë një foto të polakut nga seanca stërvitore me përshkrimin: “Levi vs Muriqi”. Nuk ka munguar edhe reagimi i “piratit”, i cili është ndjerë i vlerësuar nga ky duel i shpallur nga një skuadër e nivelit të Barcelonës.

“Ka pak sulmues që mund të konkurojnë me Levin… Dhe unë nuk jam njëri prej tyre. Por faleminderit gjithsesi”, ka shkruajtur Vedat Muriqi në reagimin e tij në rrjetin social “Twitter”./Sport Ekspres/

“Muriqi po kryen një punë fantastike”, trajneri i Barcelonës vlerëson “piratin”: Duhet ta kemi në vëzhgim

Sport Ekspres — Sat, 07 Feb 2026 09:57:56 +0000

Barcelona do të përballet sot, duke nisur nga ira 16:15, me Majorkën në ndeshjen e vlefshme për javën e 23-të të La Ligas. Hansi Fliku ka folur për mediat në prag të këtij takimi. Trajneri i skuadrës katalanasve ka vënë në dukje sezonin fantastik që po zhvillon Muriqi. Fliku u shpreh se lojtarët e tij duhet ta mbajnë në vëzhgim sulmuesin shqiptar.

“Jam i shumë i kënaqur me stilin tonë të futbollit. Ekipi po shkon në ndeshjen kundër Majorkës me një gjendje të mirë mendore. Muriqi po kryen një punë fantastike. Duhet ta mbajmë nën vëzhgim”, ka deklaruar Hansi Fliku./Sport Ekspres/

Është i 5-ti në Europë, Vedat Muriqi arrin lartësinë e Mbapesë, Halandit dhe Kejnit

Sport Ekspres — Fri, 06 Feb 2026 13:17:15 +0000

Vedat Muriqi po shijon suksesin e tij te Majorka. Puna e palodhur është shpërblyer për shtatlartin shqiptar, i cili tashmë ka arritur lartësinë e futbollistëve të klasit botëror si Mbape, Haland apo Kejn. “Pirati” deri më tani ka shënuar 15 gola me fanellën e Majorkës, duke u renditur ndër golashënuesit më të mirë në Europë.

Sa i përket top 5 ligave më të forta të Europës, Muriqi e gjen veten në pozicionin e 5-të në listën e golashënuesëve më të mirë. Mbapeja dhe Kejni janë dy futbollistët që kanë shënuar më tepër, nga 22 gola secili. Ndërkaq, podiumin e plotëson Halandi me 20 gola të shënuar, ndërsa pas tij vjen Tiago i Brentfordit me 16 gola. Fill pas këtij të fundit gjendet Vedat Muriqi me vetëm një gol më pak. Një arritje e jashtëzakonshme për sulmuesin nga Kosova, duke marrë parasysh nivelin e kampionatit ku luan dhe ekipin ku bën pjesë, i cili është larg nivelit të Realit të Madridit, Bajernit të Mynihut, apo Mançester Sitit./Sport Ekspres/

Golashënuesit më të mirë në top 5 ligat më të forta të Europës:

Mbape 22 (Real Madrid, La Liga)
Kejn 22 (Bajern Mynih, Bundesliga)
Haland 20 (Mançester Siti, Liga Premier)
Igor Tiago 16 (Brentfordi, Liga Premier)
Muriqi 15 (Majorka, La Liga)

Vedat Muriqi në ndjekje të Kilian Mbapesë, “pirati” tund sërish rrjetën në La Liga

Sport Ekspres — Mon, 02 Feb 2026 22:43:53 +0000

Vedat Muriqi po gëzon një formë të jashtëzakonshme në La Liga. Sulmuesi shqiptar vazhdon të shënojë me fanellën e Majorkës. “Pirati” ka gjetur rrugën e rrjetës edhe mbrëmjen e sotme në goleadën 4-1 të Majorkës kundër Sevijës.

Rebeshi i golave nisi pikërisht nga Vedat Muriqi, i cili shënoi golin e parë të takimit në minutën e 26. Lojtari i Kosovës u tregua i saktë nga pika e bardhë e penalltisë, dukë shënuar golin e tij të 15 në La Liga. Vedat Muriqi është në ndjekje të Kilian Mbapesë, i cili deri më tani numëron 22 gola të shënuar/Sport Ekspres/

VIDEO/ Penalltia në minutën e 10 të shtesës shpëton Real Madrid, fitorja që mban afër Barcelonën

Sport Ekspres — Sun, 01 Feb 2026 16:14:52 +0000

Real Madrid e ka kthyer në një dramë të vërtetë ndeshjen kundër Rayo Vallecano. Një ndeshje e mbyllur në shifrat 2-1, teksa madrilenët ia kanë dalë në minutën e 10 të shtesës. Goli i parë i takimit u realizua nga Vinicius Junior në minutën e 15 të shtesës. Ndërkohë me nisjen e pjesës së dytë, Frutos arriti të realizonte për Vallecano, duke kthyer baraspeshën.

Reali po vuante, ndërsa miqtë e bën pak më të lehtë situatën në të 80 pasi Ciss u ndëshkua me karton të kuq. Ndërkohë në fund të takimit, Real Madrid shënoi me anë të Mbappe, në minutën e 10 të shtesës, nga pika e bardhë e penalltisë. Falë kësaj fitore, Real Madrid mban vendin e dytë me një pikë më pak se Barcelona. /Sport Ekspres/

https://sportekspres.com/wp-content/uploads/2026/02/ssstwitter.com_1769961575890.mp4

Rafinja shpreh hapur zhgënjimin: Topin e Artë e meritoja unë, shikoni statistikat e mia

Sport Ekspres — Fri, 30 Jan 2026 12:57:58 +0000

Rafinja ka shprehur hapur mendimin e tij për Topin e Artë. Braziliani u rendit i 5-ti në edicionin e shkuar, teksa trofeu shkoi në duart e Dembelesë. Por në një intervistë për “Sofascore”-n, Rafinja është shprehur se e meritonte ai këtë çmim kaq të lakmuar për lojtarët. Ai ka listuar si argumente statistikat, titujt e fituar dhe kontributin e dhënë në fushën e lojës për Barcelonën.

“Për mendimin tim, një çmim individual nuk duhet të jetë i bazuar vetëm në një kompeticion. Bazuar në këtë parim, unë e meritoja ta fitoja (Topin e Artë), duke pasur parasysh sezonin tim, titujt që fitova, statistikat dhe gjithçka që dhashë në fushë për skuadrën”, ka deklaruar Rafinja./Sport Ekspres/

VIDEO/ Stadiumi i ri i Barcelonës rezulton një dështim, në “Camp Nou” hyn uji ngado

Sport Ekspres — Mon, 26 Jan 2026 12:43:02 +0000

Barcelona është rikthyer në shtëpinë e saj. Katalanasit tashmë i luajnë sërish ndeshjet e tyre në “Camp Nou”. Rikonstruktimi i plotë përfunon në vitin 2027, por Impianti ka marrë dritën e gjelbër për të zhvilluar ndeshjet e La Ligës.

Por përballja e fundit kundër Real Oviedos nxorri në pah një problem serioz të “Spotify Camp Nou”-t. Mungesa e mbulesës së tribunave bëri që shiu të përfundonte i gjithi mbi tifozët e pranishëm. Majde jo vetëm kaq, por edhe tribuna e mediave u përfshi nga reshjet. Ndërkohë edhe në ambientet drejt daljes nga stadiumi situata ishte po e njëjtë./Sport Ekspres/

This is a condition of the New Camp Nou, btw ??? pic.twitter.com/zbbk8AdYyd

— Dr Yash ? (@YashRMFC) January 25, 2026

El Santiago Bernabéu se convierte en un estadio de NFL.

El Metropolitano se convierte en una pista de patinaje sobre hielo.

El Spotify Camp Nou se convierte en un parque acuático.

pic.twitter.com/osZB2GaAKP

— (fan) Mario (@Mario___RM) January 25, 2026

Roma kërkon kthimin e Marash Kumbullës në Itali, klubi i Serisë A provon të transferojë mbrojtësin shqiptar

Sport Ekspres — Fri, 23 Jan 2026 21:38:57 +0000

Marash Kumbulla mund të rikthehet në Itali. Të paktën, këtë duket se kërkon të bëjë edhe Roma. Sipas “Sky Sport” Udineze po përpiqet të përfitojë nga kjo situatë.

Roma është dakort për kthimin e lojtarit në Serinë A, por fillimisht duhet të gjejë gjuhën e përbashkët me Majorkën. Ndërkohë situatën e Marash Kumbullës po e vëzhgon me kujdes edhe Espanjoli.

Këta të fundit e kishin mbrojtësin shqiptar pjesë të tyre sezonin e shkuar. Me fanellën e Espanjolit Kumbulla zhvilloi një sezon të shkëlqyer, duke spikatur si një nga mbrojtësit më të mirë të La Ligës./Sport Ekspres/

Muriqi po shkruan historinë me Majorkën, merr topin me firmat e lojtarëve/ Mesazhi i Kumbullës: Ta hëngsha zemrën!

Sport Ekspres — Sun, 18 Jan 2026 10:58:02 +0000

Vedat Muriqi është shndërruar në një nga lojtarët më të rëndësishëm në historinë e Majorkës. “Pirati” ka pushtuar ishullin spanjoll, teksa me tregolëshin e mbrëmshëm është fare pranë thyerjes së rekordit të Samuel Etosë. Sipas rregullit, topin e merr me vete futbollisti që ka shënuar tre gola gjatë një loje dhe në këtë rast ka përfunduar në shtëpinë e Muriqit.

Në të janë hedhur edhe firmat e shokëve të skuadrës, si dhe mesazhet që ata kishin për sulmuesin shqiptar. Nuk mund të mungonte një mesazh edhe nga Marash Kumbulla. “Ta hëngsha zemrën” ishte mesazhi që mbrojtësi i Kombëtares kuqezi kishte shkruajtur për Vedat Muriqin./Sport Ekspres/

Lojtar shqiptar më i nënvlerësuar! Vedat Muriqi është “mbreti”, 2 gola dhe direkt pas Mbappe

Sport Ekspres — Sat, 17 Jan 2026 16:37:56 +0000

Vedat Muriqi mund të quhet padyshim lojtari shqiptar më i nënvlerësuar. Sulmuesi shqiptar është në një formë fantastike në La Liga teksa sot ka realizuar edhe dy gola të tjerë. Majorka po barazon në shifrat 2-2 ndaj Atletiko Bilbaos dhe të dyja golat janë realizuar nga ana e Muriqit. Në fillim duke mbyllur në mënyrë fantastike një aksion të shokëve të ekipit dhe më pas nga penalltia. Ky ishte goli i 13 për Muriqin në këtë sezon dhe mban vendin e dytë në listën e golashënuesve, duke ardhur menjëherë pas Mbappe. E sigurt është që emri i Muriqit nuk shet sa duhet, por ky lojtar është aktualisht mbreti i shqiptarëve në Europë, askush më mirë se ai. /Sport Ekspres/

Fundi i hidhur me Realin e Madridit nuk e ndal, Çabi Alonso do të kthehet sërish në ajkën e futbollit europian

Sport Ekspres — Thu, 15 Jan 2026 21:06:37 +0000

Reali i Madridit ishte një ëndërr e madhe e Çabi Alonsos, i cili la menjërë Leverkusenin për t’u ulur në stolin e “los blancos”. Por ëndrra madrilene përfundoi më shpejt se sa mund ta kishte menduar. Vetëm pak muaj kaluan dhe ish-mesfushori spanjoll e pa veten të shkarkuar nga detyra.

Yjet e Realit të Madridit nuk e pranuan kurrë disiplinën e rreptë të Çabit dhe përfundimi rezultoi i hidhur për këtë të fundit. Por trajneri 44-vjeçar nuk e ka në mendje të qendrojë gjatë larg futbollit. Fabricio Romano zbulon se Çabi Alonso do të rikthehet shpejt. Sipas tij ish-trajneri i Realit dhe i Leverkusenit do të kthehet sërish në verë ose në vitin 2027. Alonso është i uritur për të arritur më shumë dhe klube të ajkës së Europës vazhdojnë të kenë interes për të./Sport Ekspres/

“E shkarkuan për disa fëmijë të llastuar”, Habib Nurmagomedovi thumbon yjet e Realit: Një vit më parë i luteshin Çabit

Sport Ekspres — Wed, 14 Jan 2026 19:59:38 +0000

Përvoja e Çabi Alonsos në stolin e Realit të Madridit zgjati vetëm pak muaj. Trajneri spanjoll u shkarkua nga detyra pas humbjes kundër Barcelonës në finalen e Superkupës. Megjithatë, sinjalet e largimit ishin dhënë më herët, për shkak të marrëdhënies së tij jo të mirë me disa prej yjeve të ekipit.

Për shkarkimin nga pozicioni i trajnerit ka reaguar edhe Habib Nurmagomedovi. Ish-sportisti i njohur i arteve marciale të përziera ka shpërndarë një “story” në llogarinë e tij në “Instagram”. Ai ka postuar një foto të Çabit duke ngritur trofeun e Bundesligës, ndërsa më pas i ka cilësuar yjet e Realit si fëmijë të llastuar dhe shkaktarë për këtë vendim të klubit.

“Nuk ka si besnikëria. Një vit më parë i luteshin, tani e shkarkojnë për shkak të disa fëmijëve të llastuar. Çabi, je më i miri”, ka shkruajtur Habib Nurmagomedovi./Sport Ekspres/

Video që tregon momentin e fundit të Xabi Alonso-s te Real Madrid, donte të nderonte Barcelonën, Mbappe: Ky është budalla…

Sport Ekspres — Tue, 13 Jan 2026 16:15:13 +0000

Xabi Alonso nuk është më trajneri i Real Madrid. Një njoftim paksa i befasishëm erdhi nga Spanja në një moment që kishin qarkulluar lajmet se këtij trajneri do t’i besohej edhe për vazhdimësinë te madrilenët, përtej humbjes së finales së Superkupës.

Në fund të ndeshjes, në momentin e ceremonisë, Xabi Alonso i kërkoi ekipit që të bënte rreshtin për të nderuar Barcelonën në formë respekti për fitoren e arritur. Por i pari që kundërshtoi ishte Mbappe, i cili jo vetëm që nuk pranoi, por nuk ngurroi të thoshte: “Ky është budalla”. Më pas francezin e ndoqën edhe lojtarët e tjerë të Real Madrid që nuk iu përgjigjen trajnerit. /Sport Ekspres/

https://sportekspres.com/wp-content/uploads/2026/01/G4PAwyO74KENCOVF.mp4

Ishte Perez që mbylli historinë e trajnerit, këta janë 7 lojtarët e Real Madrid që nuk e kanë përshëndetur Xabi Alonson

Sport Ekspres — Tue, 13 Jan 2026 16:02:24 +0000

Dje pasdite, Real Madridi i habiti të gjithë duke lëshuar një deklaratë zyrtare duke njoftuar shkarkimin e Xabi Alonsos. Ishte diçka që askush nuk e priste dhe të gjitha raportet tregonin se klubi i kishte dhënë trajnerit një votë besimi dhe mbështetjeje pas finales së Superkupës së Spanjës pavarësisht humbjes ndaj Barcelonës.

Megjithatë, pas diskutimeve midis trajnerit dhe klubit, ata arritën në përfundimin se nuk kishte zgjidhje. Fabrizio Romano ka zbuluar se vetë Perez është përgjegjës kryesisht për largimin e Xabi Alonsos. Dhe ajo që është e habitshme është se shtatë lojtarë ende nuk i kanë thënë publikisht lamtumirë trajnerit.

Vinícius Júnior, Jude Bellingham, Brahim Díaz, Ferland Mendy, Trent Alexander-Arnold, Franco Mastantuono dhe Endrick janë lojtarët që ende nuk kanë publikuar një postim për Xabin Alonso-n. /Elio Hajdari-Sport Ekspres/

LAJM I FUNDIT/ Mrekullia e Leverkusen nuk përsëritet në Spanjë, Real Madrid shkarkon nga puna Xabi Alonso-n pas humbjes me Barcelonën

Sport Ekspres — Mon, 12 Jan 2026 17:51:30 +0000

Pasi Real Madrid humbi luftën për trofeun e parë të sezonit, Florentino Perez bëri një lëvizje dhe e shkarkoi ish-mesfushorin e klubit madrilen. “Real Madrid CF njofton se me marrëveshje të ndërsjellë midis klubit dhe Xabi Alonsos, u mor vendimi për t’i dhënë fund episodit të tij si trajner i ekipit të parë.

Xabi Alonso do të ketë gjithmonë dashurinë dhe respektin e të gjithë madrilenëve, sepse ai është një legjendë e Real Madridit dhe në çdo kohë ka përfaqësuar vlerat e klubit tonë. Real Madridi do të jetë gjithmonë shtëpia e tij. Klubi falënderon Xabi Alonson dhe të gjithë stafin e tij të trajnerëve për punën dhe përkushtimin e tyre gjatë kësaj periudhe dhe u uron atyre fat të mbarë në fazën e re të jetës së tyre”, shkroi klubi. /Sport Ekspres/

Edhe guri…do të qante! Skena prekëse, presidenti i Barcelonës i pëshpëriti Araujos: Të thashë se gjithçka do të shkonte mirë

Sport Ekspres — Mon, 12 Jan 2026 16:54:21 +0000

Mbrëmë pamë një tjetër përballje spektakolare midis Barcelonës dhe Real Madridit dhe përsëri ata kishin më shumë arsye për të festuar në klubin katalanas sepse arritën të mbronin trofeun e fituesit të Superkupës. Për Barcelonën, kjo është tashmë finalja e tretë radhazi në të cilën ata arritën të mposhtin rivalin e tyre. Barcelona përfundimisht fitoi 3-2, me Raphinha që shënoi dy herë. Robert Leëandoëski gjithashtu shënoi, ndërsa Vinicius Junior dhe Gonzalo Garcia gjithashtu shënuan. Pas përfundimit të ndeshjes, medaljet dhe një trofe iu dhanë fituesit të Superkupës, dhe një detaj në veçanti shënoi mbrëmjen.

Në fakt, presidentët e dy klubeve, Joan Laporta dhe Florentino Perez, ishin në skenë dhe i përgëzuan lojtarët e Barcelonës dhe Realit për një ndeshje të shkëlqyer para se t’u jepeshin medaljet. Detaji që shënoi ndarjen e trofeut ndodhi në fund të fundit kur kapiteni i Barcelonës, Ronald Araujo, doli në skenë dhe qëndroi veçanërisht me Laportën, i cili e përqafoi dhe e kënaqi me fjalët e tij.

“Të thashë se gjithçka do të shkonte mirë”, i pëshpëriti Laporta, ndër të tjera, mbrojtësit uruguaian. Dihet që kjo ishte ndeshja e parë për Araujon pas më shumë se një muaji dhe dramës që kaloi.
Araujo nuk ka luajtur që nga ndeshja e Ligës së Kampionëve në Londër, kur Chelsea mundi Barcelonën, dhe ai mori kritika të mëdha nga publiku dhe tifozët për performancën e tij të dobët.
Për shkak të një sulmi të tillë, ai pati probleme psikologjike dhe nuk u stërvit fare me ekipin për një muaj, madje pati spekulime se Araujo nuk do të luante më kurrë për Barcelonën. /Elio Hajdari-Sport Ekspres/

Tha se nuk i interesonte humbja e Superkupës! Tifozët e Real Madrid kërkojnë shkarkimin e Xabi Alonso, Florentino Perez kërkon takim urgjent

Sport Ekspres — Mon, 12 Jan 2026 16:32:22 +0000

Real Madridi dështoi të ndërpresë serinë e keqe në finale kundër Barcelonës, pasi katalanasit arritën të fitojnë finalen e tretë radhazi kundër rivalit të tyre të betuar. Klubi katalanas festoi mbrëmë në një ndeshje fantastike finale të Superkupës së Spanjës dhe arriti të mbrojë trofeun në këtë garë.

Barcelona fitoi kundër Realit me shifrat 3-2 dhe heroi ishte Raphinha, i cili luajti një ndeshje mjeshtërore dhe madje goditi dy herë portën e Thibaut Courtois. Një gol për katalanasit ishte vepër e Robert Leëandoëski, dhe për ekipin e Realit, Vinicius Junior dhe Gonzalo Garcia tundën portën e Barcelonës.

Pas ndeshjes, Xabi Alonso shkaktoi një ortek kritikash nga tifozët e Realit duke deklaruar se humbja nuk i ra aq rëndë sepse për të trofeu i Superkupës nuk është gjëja më e rëndësishme e sezonit.
Disa tifozë madje i thanë Florentino Perez të reagonte dhe të dorëzonte dorëheqjen e Alonsos sepse eksperti i ri ende nuk ka dhënë më të mirën e tij dhe ata mendojnë se është koha për të ndryshuar trajnerin.

Mediat spanjolle raportojnë se Perez mbajti një takim urgjent me bashkëpunëtorët e tij mbrëmë, ku tema kryesore ishte Alonso.
Edhe pse tifozët po kërkojnë që trajneri të zëvendësohet, mediat në Spanjë shkruajnë se Perez dhe njerëzit e tij janë ende kundër kësaj dhe kanë vendosur që Alonso të mbetet në stolin e trajnerëve të Real Madridit në periudhën e ardhshme. /Elio Hajdari-Sport Ekspres/

Vetëm 10 gola larg rekordit të Etosë, Vedat Muriqi luan për të shkruajtur historinë te Majorka

Sport Ekspres — Sun, 11 Jan 2026 00:00:46 +0000

Majorka ka rezultuar zgjedhja më e mirë në karrierën e Vedat Muriqit. Sulmuesi shqiptar është kthyer në njeriun gol te skuadra spanjolle. Përpos garës për golashënues në kampionat, shtatlarti nga Kosova luan për të shkruajtur historinë.

Vetëm 10 gola e ndajnë nga lavdia në Majorka. Në rast se Muriqi do të shënonte 10 gola në kampionat, atëherë do të barazonte rekordin e Samuel Etosë, i cili numëron 54 gola të shënuar në La Liga. Një rekord më se i arritshëm për Muriqin, duke marrë në konsideratë ritmin e lartë të golave që po shënon./Sport Ekspres/

Në nivelin e Halandit, Kejnit dhe Mbapesë! Vedat Muriqi në 10 sulmuesit me më shumë gola në ligat më të forta të Europës

Sport Ekspres — Thu, 08 Jan 2026 13:06:42 +0000

Vedat Muriqi është padyshim sulmuesi shqiptar më në formë i momentit. Deri më tani, futbollisti nga Prizreni numëron 10 gola të shënuar në kampionat. Një shifër mjaft pozitive që e rendit atë të 3-tin në La Liga pas Mbapesë dhe Ferran Torresit.

Ndërkohë, Muriqi gjendet gjithashtu në listën e 10 lojtarëve me më tepër gola të shënuar në 5 ligat më të forta të Europës në këtë sezon. Lojtari i Kosovës gjendet në nivelin e Halandit, Kejnit e Mbapesë, të cilët udhëheqin listën. Një arritje e jashtëzakonshme për “piratin”, që nga kampionati shqiptar përfundoi në nivelet më të larta të futbollit europian./Sport Ekspres/

Sulmuesit me më tepër gola të shënuar në 5 ligat më të forta të Europës:

Erling Haland 20
Harri Kejni 19
Kilian Mbapeja 18
Igor Tiago 16
Ferran Torresi 11
Mejson Grinud 11
Muriqi 10 gola
Lautaro Martinezi 10 gola
Antuan Semenio 10 gola
Joakin Paniçeli 10 gola

Cristiano Ronaldo sillet si presidenti i Al Nassr, do të marrë mbrojtësin e Real Madrid me një sygjerim

Sport Ekspres — Tue, 06 Jan 2026 17:21:12 +0000

Sipas mediave spanjolle, më konkretisht portalit “Fichajes”, Cristiano Ronaldo u rekomandoi drejtuesve të Al Nassr që ta sillnin një lojtar të Real Madridit në radhët e tyre. Po flasim për lojtarin e kombëtares gjermane Antonio Rudiger, i cili ka qenë një nga shtyllat e mbrojtjes së klubit Mbretëror për disa sezone.

Ronaldo beson se ardhja e një mbrojtësi me përvojë do ta rriste ndjeshëm cilësinë e linjës mbrojtëse të klubit saudit. Portugezi thuhet se është i bindur se Rudiger do t’i sillte menjëherë stabilitet, forcë dhe një mentalitet fitues ekipit të Al Nassr.

Ekipi nga Arabia Saudite po e shqyrton seriozisht këtë opsion, të vetëdijshëm se rekomandimi i Cristiano Ronaldos mbart një peshë të veçantë. Megjithatë, transferimi ende nuk është as afër realizimit, sepse vetë lojtari nuk ka marrë një vendim përfundimtar për të ardhmen e tij. Antonio Rudiger aktualisht është i përqendruar në përfundimin e sezonit me Real Madridin, me të cilin ka objektiva të qarta konkurruese. /Elio Hajdari-Sport Ekspres/

VIDEO/ Vedat Muriqi shënon golin e 10 në La Liga, lë pas Levandovskin dhe yjet e kampionatit spanjoll në garën për golashënues

Sport Ekspres — Sun, 04 Jan 2026 19:39:18 +0000

Vedat Muriqi po shkëlqen këtë sezon me fanellën e Majorkës. Sulmuesi shqiptar ka shënuar golin e tij numër 10 në La Liga. Majorka është përballur sot me Zhironën, ndaj së cilës është mposhtur me shifrat 1-2.

Goli i Majorkës mban autorësinë e Vedat Muriqit, që u tregua i saktë nga pika e bardhë e penalltisë në minutën e 90+1. Sulmuesi nga Kosova lë kështu pas Levandovskin në listën e golashënuesëve më të mirë të kampionatit, ndërsa përpara sheh vetëm Ferran Torresin (11 gola) dhe Mbapenë (18 gola). Ndërkohë, poshtë tij në listën e golashënuesëve më të mirë të La Ligës gjendjen yje si Jamali, Rafinja, Vinicius Xhuniori, Antuan Grizmani, Hulian Alvarezi etj../Sport Ekspres/

https://sportekspres.com/wp-content/uploads/2026/01/bandicam-2026-01-04-20-51-39-874.mp4

Skena e pabesueshme do të ndodhi! Si dikur me Luis Figon, tifozët do t’i hedhin minj në fushë lojtarit të Barcelonës

Sport Ekspres — Sat, 03 Jan 2026 16:05:39 +0000

Joan Garcia bëri një veprim të papritur verën e kaluar. Ai u transferua nga Espanyol te rivalët e qytetit, Barcelona, ??dhe kreu një mëkat të pafalshëm. Ai ka qenë i “vdekur” për tifozët e Espanyol për një kohë të gjatë, ata e fyejnë dhe e quajnë tradhtar, por vetëm sonte do ta kuptojnë se çfarë do të thotë kjo fjalë.

Garcia do të qëndrojë midis shtyllave të Barcelonës për herë të parë në ndeshjen kundër Espanyol, në stadiumin ku ai bëri hapat e tij të parë në futbollin profesionist. Një pritje djallëzore është përgatitur për të. Ultrasit e Espanyol do ta mirëpresin atë ashtu siç Barcelona e priti Luis Figon pasi ai u bashkua me Real Madridin më shumë se 20 vjet më parë. Ata hodhën koka derri mbi Figon dhe diçka e ngjashme do ta përshëndesë portierin e ri.

“Tifozët e Espanyol po planifikojnë të hedhin minj në fushë. Ata nuk mund ta harrojnë faktin që Joan Garcia është transferuar në Barcelonë”, thuhet në mediat spanjolle. /Sport Ekspres/

Igli Tare shkatërroi Real Madridin? E pranojnë vetë në Spanjë, drejtori shqiptar bëri goditjen më të zgjuar

Sport Ekspres — Thu, 25 Dec 2025 15:59:33 +0000

Luka Modriç e veshi fanellën e Real Madridit për 13 vjet. Ai është lojtari më i dekoruar në historinë e klubit dhe largimi i tij nga klubi pati pasoja të rënda për dhomën e zhveshjes. Modriç, së bashku me Dani Carvajal dhe Lucas Vazquez, ishte zëri i arsyes brenda ekipit. Largimi i tij prishi shumë gjëra:

“Ai ishte udhëheqësi i dhomës së zhveshjes”, pohon El Mundo, duke pretenduar se Madridi pendohet që e la mesfushorin legjendar të largohej. “Disa njerëz brenda klubit janë të vetëdijshëm se prania e Luka Modriçit brenda dhe jashtë fushës do të ishte thelbësore për dhomën e zhveshjes në këtë moment”. Vetë Luka pranoi se me të vërtetë donte të qëndronte te Real Madridi. Ai besonte se kishte ende shumë për të treguar, por Igli Tare përfitoi nga momentin për ta marrë te Milani. /Elio Hajdari-Sport Ekspres/

Video që shkaktoi zemërimin e madrilenëve, Junior dhe Endrick qeshnin kur Real Madrid u vendos në vështirësi nga “amatorët”

Sport Ekspres — Sat, 20 Dec 2025 16:16:57 +0000

Skena që bëri xhiron e botës dhe shkaktoi zemërimin e tifozëve të Real Madridit ndodhi në fund të ndeshjes kundër Talvaleres, në një moment kur klubi mbretëror po përjetonte një dramë të vërtetë.

Ndërsa Talavera shënoi golin e dytë, për 2-3 dhe për të bërë një tronditje të lehtë, kamerat kapën diçka që vështirë se mund të justifikohet. Tabela e rezultateve tregonte 3-2, loja ishte në minutën e 91-të, nervozizmi ishte i prekshëm në stolin e Realit, Xabi Alonso ishte dukshëm i tensionuar, lojtarët ishin të rraskapitur dhe në panik. Dhe në stol? Vinicius Junior dhe Endrick qeshnin! /Elio Hajdari-Sport Ekspres/

https://sportekspres.com/wp-content/uploads/2025/12/ssstwitter.com_1766247408672.mp4

“Më dërgoi në foto një tufë parash dhe një çantë Louis Vuitton”! Influenceria tregon sesi Lamine Yamal u përpoq ta josh

Sport Ekspres — Wed, 17 Dec 2025 15:59:27 +0000

Lamine Yamal nuk është vetëm një nga lojtarët më të mirë të Barcelonës në fushë, por edhe një figurë publike në ngritje, jeta e të cilit larg futbollit vazhdon të tërheqë vëmendjen. Por, ndërsa ngritja e tij sportive ka qenë meteorike, shqetësimet po rriten në lidhje me zhurmën e vazhdueshme që rrethon yllin e ri dhe një polemikë e re e ka rikthyer Yamal në qendër të vëmendjes.

Këtë herë për shkak të asaj që postoi influencuesja Carla Aish. Duke folur në podkastin Batmowli, Aish pretendoi se ishte kontaktuar nga një futbollist i famshëm në një përpjekje për ta impresionuar duke i dërguar një foto të një tufe me kartëmonedha dhe një çante Louis Vuitton. Edhe pse nuk e përmendi drejtpërdrejt Lamine-n, komentet e saj nuk lanë vend për dyshime, duke nënkuptuar yllin e ri të Barcelonës. /Elio Hajdari-Sport Ekspres/

Milani dhe ekipet në Turqi shprehën interesimin, Lewandowski merr vendimin për të ardhmen

Sport Ekspres — Mon, 15 Dec 2025 16:01:34 +0000

Golashënuesi 37-vjeçar, Lewandowski, ka qenë te Barcelona që nga viti 2022, duke luajtur shkëlqyeshëm dhe duke shënuar gola rregullisht, por kontrata e tij skadon në fund të sezonit dhe ka spekulime të shumta nëse ai do të qëndrojë apo do të largohet.
Disa klube në Arabinë Saudite e duan Leëandoëski-n, si dhe klube evropiane si Milan, Fenerbahce dhe Galatasaray, të cilat janë të gatshme t’i ofrojnë atij një pagë tërheqëse për lojtarin. Megjithatë, sipas informacioneve nga mediat spanjolle, Leëandoëski ka vetëm një mendim dhe ai është të qëndrojë në Katalonjë. /Elio Hajdari-Sport Ekspres/

VIDEO/ “Kamp Nou” oshëtin nga tifozët, i këndojnë trajnerit të Realit: Çabi qendro, Çabi qendro

Sport Ekspres — Sat, 13 Dec 2025 22:46:22 +0000

E ardhmja e Çabi Alonsos në krye të Realit të Madridit është në pikëpyetje. Forma e dobët e klubit madrilen ka bërë që në media të qarkullojnë zëra se shkarkimi i ish-mesfushorit është çështje kohe. Nisur nga kjo situatë, tifozët e Barcelonës nuk i kanë kursyer ngacmimet.

Në përballjen kundër Osasunës “Kamp Nou” oshëtinte nga koret e tifozëve, por këto të fundit nuk kishin lidhje me ekipin e tyre të zemrës. “Çabi qendro, Çabi qendro” është dëgjuar disa herë të thërritjen nga tifozeria katalanase./Sport Ekspres/

Barça fans sing: “Xabi stay, Xabi stay” ???

? @NEKODeportes pic.twitter.com/4SJ3wzYlYu

— 433 (@433) December 13, 2025

A do të shkarkohet Xabi Alonso? Trajneri i ri i Real Madrid e ndoqi ndeshjen kundër Manchester City nga zona VIP

Sport Ekspres — Thu, 11 Dec 2025 17:58:59 +0000

Real Madridi është ende në krizë. Ekipi i Xabi Alonsos pësoi dy humbje, së pari kundër Celtës në kampionat, tani kundër Manchester City në Champions League, çuditërisht të dyja në shtëpi dhe ekipi mbretëror fitoi vetëm tre nga nëntë ndeshjet në të gjitha garat.

“Rezultatet janë ato që janë. Kjo nuk është një situatë e re për shumë trajnerë dhe ne duhet ta pranojmë atë, veçanërisht te Real Madridi. Ne duhet ta përballojmë atë” tha Xabi Alonso në një konferencë për shtyp pas ndeshjes. Shumë veta tani po pyesin veten se kush do ta pasojë Alonson nëse ai shkarkohet?

Media spanjolle raporton se Zinedine Zidane u shfaq në stadiumin Santiago Bernabeu gjatë ndeshjes Real Madrid – Manchester City. Francezi ishte në lokacionin VIP me gruan e tij. Si pasojë, në Spanjë po shfaqet një narrativë se është Zidane ai që mund ta zëvendësojë Alonson si trajner i Real Madridit. “Zidane u shfaq në Bernabeu. Disa e shohin Zidanen si zgjidhjen për momentin, në përpjekjen e tij të tretë,” shkruan e përditshmja katalanase Sport. /Sport Ekspres/

Joan Laporta nuk do të jetë më presidenti i Barcelonës, heq dorë nga detyra: Nuk dua të jem Vladimir Putin dhe as Nicolas Maduro

Sport Ekspres — Fri, 05 Dec 2025 16:03:45 +0000

Joan Laporta ka njoftuar se nuk do të kandidojë për një mandat tjetër si president i Barcelonës. Mandati i tij aktual skadon në qershor 2026, duke e bërë atë të dytin. Në parim, ai ka të drejtë për një tjetër, por duket e pamundur që ai ta ushtrojë atë.

“Mund të kandidoj përsëri, por nuk do të jem si Vladimir Putin ose Nicolás Maduro. Kjo do të ishte e papërshtatshme. Unë e vlerësoj demokracinë dhe statuti është dokumenti më i lartë që qeveris klubin. Përveç kësaj, unë jam i moshuar”, tha Laporta, duke marrë pjesë në forumin “La Vanguardia”. /Elio Hajdari-Sport Ekspres/