Sulmuesi shqiptar ka spikatur me fanellën e Empolit në Serinë B në këtë sezon, të cilin e përfundoi me 15 gola të shënuar. Mbetet për t’u parë nëse do të arrihet një marrëveshje mes palëve në mënyrë që Shpendi të jetë pjesë e Kaljarit në Serinë A në sezonin e ri./Sport Ekspres/

Një mundësi mjaft e mirë për Memushajn për të treguar vlerat e tij në rolin e trajnerit. Pas përvojës së shkurtër si trajner në Serinë D, tashmë ish-lojtari shqiptar do të provojë veten në një kategori më lart, në Serinë C të futbollit italian./Sport Ekspres)

Sigurisht që një lojtar me të dhënat e tij ka arritur të tërheqë vëmendje në futbollin italian. Sipas “Il Resto dell Carlino”, tre klube të Serisë A janë të interesuara për shërbimet e talentit të Kombëtares shqiptare. Mësohet se Bolonja, Lacio dhe Torino dëshirojnë transferimin e Shpendit. Ndoshta tani është momenti i duhur për 23-vjeçarin për të hedhur hapin e madh në karrierë./Sport Ekspres/

“Janë tre ose katër lojtarë që do të jenë të kërkuar, madje edhe nga divizionet më të larta. Shpendi? Ai është tashmë vendimtar dhe ende ka vend për përmirësim. Mendoj se ai mund të jetë tashmë i kërkuar në Serie A. Do të donim ta shijonim atë për një vit tjetër, pastaj do të shqyrtojmë edhe kushtet financiare, të cilat janë thelbësore për ne”, është shprehur Fabricio Korsi./Sport Ekspres/

Tifozët nuk e kanë pritur mirë këtë veprim të skuadrës së tyre të zemrës. Ata tashmë i kanë kërkuar klubit kompensim të plotë për paratë që kishin shpenzuar për të ndjekur nga afër ndeshjet “play off” për ngjitjen në Premier League. Ndërkohë, drejtuesit e Southampton-it, përmes një komunikate të gjatë në kanalet zyrtare në rrjetet sociale, kanë pranuar fajin e tyre. Por nga ana tjetër, e kanë cilësuar si të ekzagjeruar dënimin e marrë, pasi sipas tyre është dënimi me koston më të lartë të dhënë ndonjëherë në futbollin anglez.

“Ne kemi apeluar vendimin e djeshëm të Komitetit të Pavarur Disiplinor për të përjashtuar Klubin e Futbollit Southampton nga playoff-et e Sky Bet Championship dhe për të vendosur një zbritje prej katër pikësh për sezonin 2026/27. Para se të adresoj këtë apel, dua t’u flas drejtpërdrejt dhe pa hezitim tifozëve tanë, lojtarëve tanë dhe të gjithë komunitetit të futbollit.

Ajo që ndodhi ishte e gabuar. Klubi ka pranuar se ka shkelur rregulloret 3.4 dhe 127 të EFL-së. Kërkojmë ndjesë nga klubet e tjera të përfshira dhe, mbi të gjitha, nga tifozët e Southampton-it, besnikëria dhe mbështetja e jashtëzakonshme e të cilëve këtë sezon meritonin një trajtim më të mirë nga klubi.

Ne kemi bashkëpunuar plotësisht me procesin hetimor dhe disiplinor të EFL-së. Pas apelimit, ne gjithashtu do të kontaktojmë EFL-në për të ofruar pjesëmarrjen tonë në një grup pune mbi zbatimin praktik dhe zbatimin e Rregullores 127 në të gjithë Kampionatin. Pendimi pa ndryshim është i pakuptimtë dhe ne synojmë të tregojmë se kemi ndryshuar.

Lidhur me vetë apelin: ne pranojmë që duhet të ketë një sanksion. Ajo që nuk mund ta pranojmë është një sanksion joproporcional me veprën penale. Ndërsa Leeds United u gjobit me 200,000 £ për një vepër të ngjashme penale, Southamptonit i është mohuar mundësia për të garuar në një ndeshje me vlerë mbi 200 milionë £ dhe kjo do të thotë shumë për stafin, lojtarët dhe tifozët tanë.

Ne besojmë se pasojat financiare nga vendimi i djeshëm e bëjnë atë padyshim dënimin më të madh të vendosur ndonjëherë ndaj një klubi anglez të futbollit. Zbritja prej 30 pikësh e Luton Toën në sezonin 2008/09 – deri më tani dënimi më i rëndë sportiv në futbollin anglez – iu dha një klubi që tashmë luante në League Tëo, pa të ardhura të krahasueshme në lojë. Zbritja prej 21 pikësh e Derby County në vitin 2021 i kushtoi atyre statusin e tyre në Championship. Zbritja pasuese prej gjashtë pikësh e Evertonit në sezonin 2023/24 erdhi pas humbjeve prej 124.5 milionë £, një shumë e papërfillshme krahasuar me atë që i është marrë Southampton në një pasdite të vetme. Gjoba më e madhe financiare e vendosur ndonjëherë nga Premier League, kundër Chelsea-t në mars të këtij viti, ishte 10.75 milionë £ dhe nuk përfshinte ndonjë sanksion sportiv, pavarësisht se përfshinte 47.5 milionë £ në pagesa të pazbuluara gjatë shtatë viteve.

Nuk po e themi këtë për të minimizuar atë që ndodhi në këtë klub, të cilën e kemi pranuar se ishte e gabuar. Po e themi sepse proporcionaliteti është në vetvete një parim i drejtësisë natyrore. Komisioni kishte të drejtë të vendoste një sanksion. Megjithatë, do të argumentojmë se nuk kishte të drejtë të vendoste një që është dukshëm joproporcional me të gjitha sanksionet e mëparshme në historinë e futbollit anglez. Apeli ynë do të dëgjohet sot dhe do t’ju informojmë për çdo zhvillim të mëtejshëm”, ka komunikuar klubi Southampton./Sport Ekspres/

“Faleminderit! Mantova 1911 njofton përfundimin e marrëdhënies bashkëpunuese me drejtorin sportive Leandro Rinaudo dhe bashkëpunëtorin Erjon Bogdani. Klubi bardhekuq, me president Filippo Piccoli në krye, synon t’u shprehë Leandro Rinaudos dhe Erjon Bogdanit një falënderim të merituar për punën e shkëlqyer të bërë, e cila përcaktoi arritjen e objektivit të arritur. Rinaudo dhe Bogdani uroj që në të ardhmen të arrijnë kënaqësi të reja, si nga pikëpamja njerëzore, ashtu edhe profesionale”, ka komunikuar klubi Mantova 1911./Sport Ekspres/

Sipas “Antenna Sud”, Memushaj është kandidatura kryesore e Altamurës. Klubi italian duket i bindur për aftësitë e ish-mesfushorit. Skuadra italiane, e cila luan në Serinë C, ka ndarë rrugët me Devis Mangia-n dhe po mendon seriozisht për të nënshkruar me Ledian Memushajn. Një mundësi e mirë për 39-vjeçarin për të spikatur edhe më shumë në futbollin italian./Sport Ekspres/

Gazetarja: “Pep, ka shumë thashetheme për ty që do të largohesh. Nuk do të largohesh, apo jo”?

Guardiola: “Cilat thashetheme”?

Gazetarja: “Thashethemet”.

Guardiola: “Kalofshi një mbrëmje të bukur”.

Më pas trajneri i Manchester City është larguar me një buzëqeshje në fytyrë. Ndërkohë edhe gazetarja së bashku me analistët kanë qeshur me reagimin e Pep Guardiolës./Sport Ekspres/

Sulmuesi kuqezi tundi rrjetën që në sekondat e para të lojës, ndërsa në minutën e fundit i dha toskanëve barazimin 2-2 ndaj Moncës. Një pikë mjaft e vyer për Empolin, që siguroi kështu qendrimin në Serinë B edhe për të paktën një sezon.

Ndërkohë edhe Kristjan Shpendi arriti të gjente rrugën e rrjetës mbrëmjen e sotme. Sulmuesi shqiptar shënoi dy gola dhe dha një asist në humbjen 3-4 të Çezenës kundër Padovas. Të dy binjakët e mbyllin kështu sezoni në Serinë B me nga 15 gola të shënuar. Një shifër mjaft pozitive, që i rendit ata ndër më të mirët e kampionatit./Sport Ekspres/

Ky i fundit shkëlqeu në fushën e lojës. Mbrojtësi i Atalantës është vlerësuar me notën 7.8 nga “Sofascore”. Një vlerësim që e ka përfshirë kapitenin e Kombëtares shqiptare në formacionin më të mirë të fazës gjysmëfinale të Kupës së Italisë./Sport Ekspres/

Në Serinë B vihet re prania e 3 lojtarëve shqiptarë. Në vendin e 7 gjendet Stiven Shpendi me vlerësimin 72.3. Pika e tij më e fortë është loja në ajër. Fill pas tij vjen vëllai binjak, Kristiani, me notën 72. Pika e tij më e fortë është finalizimi përpara portës.

Ndërkohë lista vazhdon me një tjetër shqiptar. Bëhet fjalë për Luis Hasën. Lojtari i Karrarezes spikat për lojën një kundër një dhe ka vlerësimin 71.8./Sport Ekspres/

Së fundmi është Palermo klubi që është interesuar për shërbimet e tij. Sipas “TuttoCesena.it”, drejtuesit e Palermos kanë piketuar Shpendin për të përforcuar sulmin e tyre. Skuadra siçiliane momentalisht renditet e 4-ta në Serinë B, teksa ende është në garë për vendin e 2-të, i cili mund t’i sigurojë një kualifikim në Serinë A në sezonin e ardhshëm.

Ndërkohë gara për kartonin e Kristjan Shpendit është e fortë, teksa Parma, Lacio, Uest Hemi dhe Kristal Palasi janë duke e mbajtur nën vëzhgim 22-vjeçarin shqiptar./Sport Ekspres/

“Është diçka që mund të më sjellë vetëm përfitime. Sigurisht, në ndeshjet e para duhet të mësohesh me të, të përshtatesh dhe të mësosh lëvizjet. Por nëse filloj nga e majta, mund të tërhiqem dhe të provoj lojën time.

Mendoj se luajta një ndeshje të shkëlqyer dhe se e gjithë skuadra bëri një performancë të shkëlqyer. Zëvendësimi? Askush nuk është i lumtur kur zëvendësohet. Të gjithë duam të luajmë sa më shumë të jetë e mundur. Por është vendimi i trajnerit, të cilin e kuptoj 100%”, ka thënë Kristjan Shpendi./Sport Ekspres/

“Mendoj se përpjekja për të shfrytëzuar shpejtësinë e tij pas një mbrojtjeje me tre lojtarë që favorizonte markimin e lojtarëve ishte plani që në fillim. Sa i përket rolit të tij në krahun e majtë, është shumë e thjeshtë: lojtarët duhet të përshtaten dhe më pëlqen shumë mënyra se si luan në të majtë. Mendoj se është efektiv dhe integrohet mirë me të tjerët, dhe si grup, duhet të përshtatemi. Duhet të ndryshojmë mentalitetin tonë dhe t’i afrohemi golit kur kemi mundësinë të nisim kundërsulme të shpejta. Personalisht, kam luajtur me Thierry Henry-në, i cili ishte një numër nëntë, por ai gjithmonë luante nga e majta. Mendoj se ka gjëra pozitive në performancën e Shpendit. Ai bëri shumë përpjekje dhe mendoj se përputhej mirë me planin e lojës që kishim përgatitur për sot”, ka deklaruar Ashley Cole./Sport Ekspres/

Lojtari me origjinë nga Peqini ka dhënë asist në minutën e 63-të të takimit, i cili solli më pas golin e 3-të dhe të fundit për Karrarezen. Deri më tani Luis Hasa numëron gjithsej 5 gola dhe 4 asiste në këtë sezon futbollistik. Ndërkohë kartoni i meësfushorit 22-vjeçar zotërohet nga Napoli./Sport Ekspres/

“Ai është një djalë shumë interesant, por sigurisht që nuk jam unë ai që e zbulova. Ai ka cilësi dhe po konfirmon gjithçka që është thënë për të”, është shprehur Alberiko Evani./Sport Ekspres/

Klubi katalanas eleminohet kështu nga Kupa e Mbretit dhe bileta për në finale shkon pikërisht për Atletikon e Madridit. Ekipi i drejtuar nga Simeone do të presë duelin mes Real Sosiedadit dhe Atletikos së Bilbaos për të mësuar emrin e kundërshtarit që do të ketë në finale./Sport Ekspres/

Ndeshja përfundoi me shifrat 1-1 dhe në të dy golat e shënuar janë përfshirë dy binjakët shqiptare. Cristian Shpendi kaloi në epërsi Çezenën me golin e shënuar në minutën e 29, ndërsa në minutën e 71-të Stiveni dha asistin që solli më pas golin e barazimit për Empolin. Të dy vëllezërit po përjetojnë një sezon mjaft të mirë me ekipet e tyre./Sport Ekspres/

E djathta e tij e dërgoi topin në trekëndësh, duke shënuar një gol spektakolar. Ipsuiçi është duke udhëhequr ndeshjen me shifrat minimale 1-0, teksa ende është duke u zhvilluar pjesa e parë e lojës./Sport Ekspres/

“Shpresoj që ai të jetë një forcë lëvizëse deri në fund. E kam pasur tashmë te Çezena, kështu që me mua ai nuk ka nevojë që të përpiqet të më bindë. Ai është një lojtar i rëndësishëm dhe një djalë i veçantë. Ka shumë hapësirë për rritje. Ndërkohë, do ta mbajmë fort dhe pastaj do të shohim se çfarë do të ndodhë më pas”, ka deklaruar Stefano Stefaneli./Sport Ekspres/

Ndërkohë të njëjtin numër golash ka shënuar edhe Stiven Shpendi, i cili në statistikat e tij ka edhe 1 asist. Sulmuesi i Empolit shënoi dopietë në ndeshjen e fundit në kampionat, ku ishte nga më të mirët në fushën e lojës. Stiven Shpendi është vlerësuar me notën 9.2, çka e ka përfshirë atë në formacionin më të mirë të javës së 26 të Serisë B. Vlen të theksohet se nota e futbollistit shqiptar është nota më e lartë që është marrë sa i përket ndeshjeve të zhvilluara në javën që lamë pas./Sport Ekspres/

“Pashë një imazh që tregon qartë se nuk ishte pozicion jashtë loje. Ai që u transmetua në TV nuk tregoi momentin e saktë kur Fermin Lopezi goditi topin. Në një imazh tjetër, mund ta shihni Ferminin duke gjuajtur ndërsa mbrojtësi është një metër larg Robert Levandovski-t. Nëse ai imazh nuk është rezultat i inteligjencës artificiale, atëherë është një skandal. Është gjithçka shumë e qartë”, ka deklaruar Frenki De Jongu./Sport Ekspres/

Pas përfundimit të lojës, Erik Garsia është shprehur besimplotë për ndeshjen e kthimit. Siç citon media e njohur “AS”, futbollisti i Barcelonës ka deklaruar se nuk ka dyshime që do ta përmbysin Atletikon e Madridit në “Kamp Nou”.

“Kanë mbetur edhe 90 minuta. Do të luajmë në shtëpi, para tifozëve tanë, në “Kamp Nou”. Me ekipin që kemi dhe lojtarët që do të kthehen, nuk kam dyshim se mund ta përmbysim situatën”, ka deklaruar Erik Garsia./Sport Ekspres/

Më pas ishte Antuan Grizmani ai që dyfishoi shifrat në minutën e 14, ndërsa në të 33-tën do të vinte radha e Ademola Lukmanit për të shënuar. Kur po kronometrohej minuta e dytë shtesë e pjesës së parë Alvarezi vulosi shifrat në 4-0. Barcelona ngushtoi shifrat me anë të Kubarsit në minutën e 52-të të lojës, por VAR-i e konsideroi golin të parregullt. Kështu Atletikoja e Madridit arriti të merrte një fitore mjaft të rëndësishme, e cila e afron së tepërmi me finalen e Kupës së Mbretit. Ndeshja e kthimit mes Barcelonës dhe Atletikos së Madridit do të luhet në “Kamp Nou” më 3 mars./Sport Ekspres/

“Çfarë mendoni për ata që ia ulin vlerën këtij trofeu, ose që përpiqen të heqin pak nga rëndësia e tij për shkak se nuk jeni përballur me asnjë ekip të ligës elitare këtë vit”, ishte pyetja e shtruar nga njëri prej gazetarëve të pranishëm në sallë.

“Pyesni Realin e Madridit”, është përgjigjur ironikisht Hansi Fliku. Theksojmë se Reali i Madridit u eleminua nga ky kompeticion në fazën e 1/16-ve pikërisht nga një ekip i ligës së dytë, nga Albasete./Sport Ekspres/

“Ne po e shijojmë 100% që e kemi këtu, e dimë që ai është cilësor. Fola me të kur luajtëm kundër Bristolit në shtëpi dhe e pyeta ‘po vjen?’ dhe ai tha ‘po, mendoj se po’. Unë u gëzova kur e tha këtë, sepse e di cilësinë që ka dhe sa shumë punon me dhe pa top. Ta kesh atë në ekip është e pabesueshme, kështu që jam shumë i lumtur që ai është këtu”, ka deklaruar Leif Davis-i./Sport Ekspres/

“Po e shijoj kohën time këtu. Erdha këtu me ambicien për t’u ngjitur në këtë klub të madh. Kështu që po e shijoj kohën time dhe po e marr çdo ditë ashtu siç vjen, duke shijuar futbollin tim dhe duke u përpjekur të kontribuoj në fitore. Jemi të sigurt. Djemtë e kanë bërë këtë më pare (të ngjiten në Premier League). Për mua, ne jemi ndoshta skuadra më e fortë në kampionat. Pra, kemi çdo shans për të bërë atë që duhet të bëjmë, dhe kjo është të fitojmë ndeshjet dhe shpresojmë të arrijmë qëllimin tonë në fund të sezonit”, ka thënë Anis Mehmeti./Sport Ekspres/

“Është e qartë që drejtori Fusko më kërkoi, ai më donte dhe kjo është një nga shumë arsyet përse unë jam këtu sot. E zgjodha Çezenën, sepse është skuadra që më donte më së shumti dhe ishte gjithashtu një zgjedhje edhe në nivelin personal. Nuk e mendova dy herë.

Partneriteti me Shpendin në sulm? Kam dëgjuar për të dy vëllezërit, duke qenë se ata janë shqiptarë. Kam qenë i kënaqur që ata po luanin mirë, sidomos për Kristianin, i cili fitoi çmimin e golashënuesit më të mirë dy vite më parë. Gëzohem që shoh një djalë të lindur dhe të rritur këtu, me prindër që kanë ardhur për një të ardhme më të mirë, ashtu ai të mitë”, ka thënë Xhakomo Vrioni./Sport Ekspres/

“Thjesht mund të përgëzoj djemtë që u përballën me një ekip të madh me një trajner të shkëlqyer. E jona ishte një ndeshje e përsosur dhe me kurajo. Tre mbrojtësit bënë një punë të shkëkqyer, ashtu sikurse bënë edhe në pozicionet e tjera. Ishim klinikë. Punë e paqme nga të gjithë, edhe nga zëvendësuesit. Ia dedikojmë fitoren tifozëve tanë. Kam një klub ambicioz, që gjithmonë synon të rritet dhe ka shumë dëshirë të fitojë Kupën e Italisë”, ka deklaruar Rafaele Paladinoja./Sport Ekspres/

Më pas ishin Sulemana në minutën e 77 dhe Pashaliçi në të 85-n ata që vulosën rezultatin përfundimtar në 3-0. Juventusi provoi të shënonte, por Gjimshiti me shokë ishin të pakalushëm në prapavijë./Sport Ekspres/

“Shpresoj që ta bindim Carabao Cup që Marc (Guehi) të luajë në finale. Është e vështirë për ta kuptuar… klubi bën një investim të madh për të marrë një lojtar, ai na përket ne. Nuk e kuptoj përse ai nuk mund të luajë në finale. Do të shkruajmë një letër dhe shpresoj që Carabao Cup apo kushdo që vendos ta kuptojnë se kur ble një lojtar për shumë para dhe nuk mund të luajë për shkak të një rregulli të cilin nuk e kuptoj, mund ta ndryshojnë (rregullin) dhe ai mund të luajë”, ka deklaruar Pep Guardiola./Sport Ekspres/

“Sulmuesi i lindur në vitin 2001 do të veshë fanellën ’90’. SSC Bari njofton transferimin e Marvin Çunit (10 korrik 2001, Frajzing, Gjermani) nga FK Rubin Kazani në formë huazimi me të drejtë blerjeje. Sulmuesi shqiptar do të veshë fanellën me numër 90 dhe do të jetë menjëherë në dispozicion të trajnerit Longo.

Një produkt i sistemit të të rinjve të Bajernit të Mynihut, ai bëri debutimin e tij profesional me Zonenhof G. (38 ndeshje, 23 gola). Pas periudhave me Paderbornin dhe Zarbrykenin, si në Gjermani ashtu edhe në huazim, në verën e vitit 2023 ai u ble nga skuadra e Serisë A, Frozinone (25 ndeshje, 2 gola), e cila e shiti atë pas një sezoni te skuadra ruse Rubin Kazan (14 ndeshje). Ai luajti pjesën e parë të sezonit aktual me Sampdorian (14 ndeshje, 1 gol, 1 asist). Pasi luajti për ekipet U19 dhe U21, ai bëri debutimin e tij për ekipin kombëtar të të rriturve të Shqipërisë në tetor të vitit 2023. Mirë se erdhe Marvin”, ka komunikuar klubi Bari./Sport Ekspres/

Ekipi që luan në ligën e dytë të futbollit spanjoll ka mposhtur Realin e Madridit me shifrat 3-2. Vijari tundi rrjetën i pari në minutën e 42-të, por 6 minuta më vonë Mastantuono e mbylli pjesën e parë me rezultatin 1-1.

Në minutën e 82-të Betankori i dha sërish epërsinë Albasetes, por edhe këtë herë Reali i Madridit barazoi shifrat anë të Garsiasin minutën e 90’+1’. Por në selondat e fundit Betankori i vulosi shifrat në 3-2 dhe nisi festën e shfrenuar të kualifikimit. Tashmë Albasete është kualifikuar në çerekfinale të Kupës së Mbretit dhe i ka dhënë një “shuplakë” të fortë Realit të  Madridit./Sport Ekspres/

Ndërkohë në minutën e 45’+4’ Levandovski ktheu sërish rezultatin në favor të Barçës, por vetëm 2 minuta më vonë Gonzaloja i vendosi shifrat në 2-2. Pjesa e parë përfundoi me këtë rezultat, ndërsa në të dytën katalanasit gjetën sërish rrugën e rrjetës. Rafinja shënoi golin e fitores në minutën e 73-të dhe i dha trofeun e parë për këtë vit kalendarik Barcelonës./Sport Ekspres/

Gjithsej kemi të bëjmë me 14 kontribute për gol për futbollistin 24-vjeçar. Një shifër kjo që e rendit atë të tretin në listën e lojtarëve me më tepër kontribute për gol në Championship. Më lart se ai qendrojnë vetëm Sorba Thomas dhe Adam Armstrongu, të dy me nga 15 kontribute për gol./Sport Ekspres/

Këtë herë interesimi vjen nga një ligë më e fortë. Bëhet fjalë për skuadra që zhvillojnë aktivitetin e tyre në Championship, i cili është kampionati i dytë për nga rëndësia në futbollin anglez. Gjithashtu vetë Kaçurri është i hapur për një tjetër huazim deri në fund të sezonit ose për një largim të përhershëm nga Arsenali./Sport Ekspres/

“Sky Sport” bën me dije se ish-trajneri i Kombëtares së Italisë i ka kërkuar Al Sadit që të transferojnë Shpendin. Mançini e sheh sulmuesin shqiptar si alternativën e duhur për të zëvendësuar Firminjon e dëmtuar. Megjithatë, mbetet për t’u parë nëse 22-vjeçari do të japë miratimin e tij për kalimin në Katar, apo do të vazhdojë karrierën në Itali. Vlen të theksohet se Çezena është në garë për t’u ngjitur në Serinë A./Sport Ekspres/

Titullarë në këtë sfidë ishin edhe dy lojtarë shqiptarë. Me fanellën e kaltër qendronte në fushë Amir Rrahmani, ndërsa në kampin kuqezi Ardon Jashari e nisi lojën nga minuta e parë, për t’i lënë më pas vendin Modriçit në pjesën e dytë të takimit. Mbrëmjen e nesërme do të mësohet edhe finalisti i dytë i Superkupës së Italisë, i cili do të jetë fituesi i çiftit Inter-Bolonja./Sport Ekspres/

Madje ekipi i ligës së tretë spanjolle, kishte mundësinë e artë të shënonte në sekondat e fundit të lojës, por portieri i Realit të Madridit kreu një pritje spektakolare, e cila la në fuqi rezultatin 2-3 në favor të kryeqytetasve.

Ndërkohë, nuk kanë munguar ngacmimet e tifozerisë vendase. “Los blancos” fituan një 11 metërsh, i cili solli polemika. Tifozët e pranishëm në stadium kishin mendim të kundërt me arbitrin, duke nisur kështu koret: “Kështu fiton Madridi”./Sport Ekspres/