“Spartaku duket më i fortë sot sesa ka qenë në vitet e fundit, veçanërisht me mbërritjen e Dakut. Një nga sulmuesit më të fortë që kam parë ndonjëherë në Premier League. Ai është një rritje e madhe. Për mua, pyetja kryesore është se si do të përshtatet mendërisht me ekipin. Nëse kjo është një ide e qartë, mendoj se ky do të jetë transferimi më i mirë i Spartakut në kohët e fundit”, ka deklaruar Zaur Tedeev-i./Sport Ekspres/

“Për tre vjet, u shkruajt se unë refuzova të zgjasja bashkëpunimin tim, se nuk doja të flisja me klubin për rinovimin e kontratës sime. E vetmja e vërtetë është se nuk kam pasur ndonjë bisedë specifike me klubin për këtë. Herën e fundit që folëm, nuk arritëm një marrëveshje. Pati shumë fjalë për mua që kërkova kushte të ndryshme, por pati shumë presion mbi mua që më shqetësoi, sepse unë e di të vërtetën dhe e di se çfarë ndodhi.

Pati presion nga publiku, media dhe tifozët. I kuptoj plotësisht tifozët që lexojnë dhe pranojnë atë që po u ushqehet. Nuk është e këndshme kur stadiumi të vërshëllen në një miqësore kundër ekipit U23”, është shprehur Dushan Vlahoviçi./Sport Ekspres/

“Dinje duhet të zgjohet. Është në rregull që ai pranoi rolin e zëvendësuesit, por nuk është këtu me pushime ose në pension. Nuno Mendesi nuk do të luajë gjithmonë dhe ai duhet të jetë gati. Ai duhet të angazhohet, ne nuk do ta pranojmë që ai të bëjë ndryshe” ka thënë Luis Enrike./Sport Ekspres/

“A është Europa League një nga objektivat kryesore të Juventusit këtë sezon? Është një garë e nivelit shumë të lartë. Dallimi është se sa shumë arrin të rritesh dhe të qëndrosh në një nivel të lartë. Para pushimit ndërkombëtar, do të luajmë nëntë ndeshje në 22 ditë. Do të na duhet ekuilibër dhe aftësia për të alternuar 22 lojtarë midis futbollit të nivelit të lartë në ligë dhe Europa League. Nuk do të jetë e lehtë. Marrëveshja e zgjidhjes së UEFA-s nuk na lejon një skuadër shumë të madhe. Kemi kufizime që na detyruan të lëmë pesë lojtarë jashtë listës së UEFA-s. Ishte një vendim që më mbajti zgjuar natën”, ka deklaruar Luçiano Spaleti./Sport Ekspres/

“Të flasësh për Messin është e komplikuar. Nuk ka shumë gjëra të tjera për të thënë. Nuk ka fjalë që mund të përshkruajnë cilësinë e tij si lojtar. Edhe në këtë Kupë Bote, ku luajti në moshën 38 ose 39 vjeç, ai mbeti i njëjti lojtar që kemi parë gjithmonë. Ai është një nga ata lojtarë që do të na mungojë. Do të duhet të shohim disa ndeshje të MLS-së, gjë që nuk më emocionon veçanërisht, por duhet ta bëjmë për të shijuar plotësisht këto vitet e fundit, këto sezonet e fundit, për ta parë të luajë…”, ka deklaruar Zhoze Murinjo./Sport Ekspres/

Spalletti ka bërë zgjedhjet e tij, duke vendosur ta lërë jashtë Edon Zhegrovën. Ndërkohë pjesë e listës B ishte një tjetër futbollist shqiptar. Bëhet fjalë për Arman Durmishin. Lojtari 18-vjeçar duket se i ka bërë përshtypje Spalletti-t, i cili tashmë po i jep mundësinë të shfaqë potencialin e tij./Sport Ekspres/

Një largim pasi Flemming kërkonte më shumë dhe kishte ambicie për Premier League. Ky sulnues ishte kryesori te Burnley dhe nuk po ndalej me golat e shënuar.

Pas kësaj, vendi i Flemming hapet për Armando Brojën. Të paktën teorikisht, sulmuesi shqiptar mund të jetë opsioni i parë i Burnley pas largimit të Flemming, deri në moment që një eksperiment tjetër i trajnerit mund të rezultojë i suksesshëm. /Sport Ekspres/

Futbollisti 24-vjeçar ka qenë protagonist në fitoren 1-3 kundër Preston North End-it. Ai dha pasimin për gol në minutën e 4-t të takimit, duke i hapur kështu udhën fitores së Bristolit./Sport Ekspres/

Ernest Muçi e ka falenderuar publikisht ish-trajnerin e tij. Përmes një “story” në “Instagram”, sulmuesi shqiptar ka shkruajtur: “Faleminderit dhe gjithë të mirat”. Vlen për t’u përmendur se Fatih Teqeja ishte personi që këmbënguli për transferimin e Muçit te Trabzonspori dhe e që e rilindi edhe një herë sulmuesin e Kombëtares kuqezi./Sport Ekspres/

“I shkrova këto fjalë më 21 korrik, dy ditë pas finales… sot, pas asaj që ndodhi me babanë tim, jam edhe më i bindur për këtë vendim se më parë. Pas gjithë kësaj kohe që nga finalja, dhe pasi e kam menduar shumë, dua t’u them të gjithëve se po tërhiqem nga ekipi kombëtar.

Ishte një vendim që më dhembi dhe ende më dhemb thellë brenda, por e kuptoj se ky është momenti i duhur. Betohem se gjithmonë kam dhënë gjithçka, jo vetëm në këto vitet e fundit kur fituam gjithçka, por edhe para kësaj. Gjithmonë kam luftuar dhe kam dhënë gjithçka për këtë fanellë, për t’ju sjellë lumturi dhe për t’ju bërë të ndiheni krenarë që jeni argjentinas përmes futbollit.

Nuk ka mbetur shumë kohë dhe kapitujve të ndryshëm po i vjen fundi. Ky është një që më dhemb shumë. E doja, e dua dhe do ta dua gjithmonë të jem pjesë e ekipit kombëtar. Dhashë gjithçka që kisha dhe nuk kam asgjë më shumë për të dhënë. Gjithashtu, ka lojtarë të rinj të shkëlqyer që po dalin dhe meritojnë të jenë këtu.

Faleminderit për gjithë dashurinë gjatë këtyre 20 viteve. Do të më mungojë t’ju dëgjoj nga brenda. Tani do të jem një nga ju, gjithmonë duke ju mbështetur nga jashtë, në kohë të mira dhe akoma më shumë në kohë të këqija.

Faleminderit familjes sime që ishte gjithmonë aty dhe që ishte me mua gjatë gjithë këtij udhëtimi të bukur, por të vështirë. Faleminderit çdo trajneri, shoku skuadreje dhe drejtori me të cilin pata mundësinë ta ndaja përvojën. Marr me vete kujtime dhe momente të paharrueshme.

Po largohem me paqe dhe krenari, duke e ditur se së bashku me shokët e mi të skuadrës ju dhamë momente që dikur i ëndërronim. Ishte çmenduri të përjetoja të gjitha këto me ju. Ju dua! Faleminderit Zot që më bëre argjentinas”, ka njofuar Lionel Mesi./Sport Ekspres/

“Vamos Argentina!

Megjithatë, goli i Manajt nuk u përkthye në pikë për Sivasporin. Karadenizi në minutën e 92-të dhe Bernardo Souza 2 minuta më vonë përmbysën ndeshjen dhe i dhanë Batmanit fitoren 2-1./Sport Ekspres/

Shpendi ka shënar gol në minutën e 36 të takimit kundër Entelës. Goli i tij rezultoi vendimtar, teksa Çezena fitoi me shifrat 1-2. Ky ishte goli i dytë në këtë sezon të ri për Kristjan Shpendin në po aq ndeshje të zhvilluara./Sport Ekspres/

Sipas Fabricio Romanos, Zhegrova ka refuzuar Atalantën dhe është i hapur për kalimin në një tjetër tij. Sipas gazetarit italian, lojtari i Juventusit i ka hapur derën Al Itihadit. Një zgjedhje që ka çuditur jo pak opinionin sportiv, pasi po preferon largimin nga një prej ligave më të forta të botës drejt Arabisë Saudite./Sport Ekspres/

Xhanluka Di Marcio bën me dije se Lacio ka hedhur sytë nga anësori shqiptar. Ai raporton se klubi kryeqytetas ka nisur kontaktet e para për transferimin e Zhegrovës. Megjithatë, deri më tani klubi italian është në fazën e informimit dhe të vlerësimit të situatës. Në ditët në vazhdim pritet të vijë edhe oferta kontrete për Edon Zhegrovën./Sport Ekspres/

Shorti është treguar bujar me rrogozhinasit. Midtjillandi dhe Braga janë dy rivalët më të fortë për kampionët e Shqipërisë, ndërsa ekipet e tjera janë emra të përballueshëm në fushën e lojës. Tashmë kalimi i fazës së grupeve nuk është një mision i pamundur për Egnatian./Sport Ekspres/

Kundërshtarët e Egnatias.

Midtjilland

Braga

Linkoln Red Imps

Universitatea Kraiova

Kauno Zhalgiris

Arhus

Ndërkohë Pafosi përmbysi rezultatin në minutën e 78 me anë të Joanusë, por vetëm pak kohë. Në minutën e 87 ishte Silva Riçardsi ai që e dërgoi ndeshjen në shtesa për Dinamon. Megjithatë ekipi shqiptar ishte i pafat në kohën shtesë. Ngamaleu në minutën e 116 dhe Andersoni në minutën e 120+1 i dhanë fitoren 4-2 Pafosit. Dinamo eleminohet kështu në fazën “play off” të Ligës së Komferencës, duke qenë vetëm një hap larg suksesit historik./Sport Ekspres/

Egnatia u eleminua kështu nga Liga e Europës, por jo nga vetë Europa. Rrogozhinasit do të vazhdojnë rrugëtimin e tyre në grupet e Ligës së Konferencës. Një sukses historik ky për Egnatian, që për herë të parë do të jetë pjesë e këtij kompeticioni./Sport Ekspres/

Sota tundi rrjetën e Lilestromit në minutën e 33-të dhe tashmë te Egnatia kanë shansin që në pjesën e dytë të lojës të ruajë epërsinë dhe të kualifikohet në grupet e Ligës së Konferencës. Në krahun tjetër, Dinamo është duke barazuar 1-1 në transfertën ndaj Pafosit. Megjithatë në lojë janë edhe të paktën 45 minuta për t’u zhvilluar./Sport Ekspres/

Sulmuesi francez zhbllokoi rezultatin në minutën e 40-të, pas një aksioni të nisur nga Federico Valverde. Megjithatë, Real Sociedad reagoi menjëherë dhe Luka Suçiç barazoi në fundin e pjesës së parë, duke i dhënë më shumë emocione sfidës.

Në pjesën e dytë, Real Madridi ndryshoi ritëm dhe nisi të dominonte. Mbappé riktheu avantazhin pas një kombinimi të bukur me Jude Bellingham, ndërsa Vinícius Junior shënoi golin e tretë pas asistimit të anglezit. Në minutën e 80-të, Mbappé kompletoi tripletën me një finalizim elegant, duke vulosur rezultatin 4-1.

Kjo ishte një mbrëmje e veçantë edhe për Mourinho-n, i cili u rikthye në Bernabéu pas 13 vitesh. Real Madridi tregoi forcë të madhe në pjesën e dytë, ndërsa Mbappé dha sinjalin e parë të madh se mund të jetë lideri kryesor i skuadrës këtë sezon. /Elio Hajdari-Sport Ekspres/

I lindur dhe rritur në Angli, Storey ka zgjedhur prej rreth një dekade Shqipërinë si vendin ku jeton dhe zhvillon aktivitetin e tij profesional. Ai është agjent i licencuar dhe pjesë e Stellar, një prej agjencive më të njohura në botë për menaxhimin e futbollistëve.

Emri i tij u bë veçanërisht i spikatur gjatë merkatos së fundit, ku ishte pjesë e operacionit që solli transferimin e mbrojtësit Ezri Konsa te Arsenali për një shumë prej rreth 60 milionë eurosh. Për Storey, ky ishte një moment i veçantë, pasi bëhej fjalë edhe për klubin e zemrës së tij. Gjatë prezantimit, ai pati mundësinë të takohej me trajnerin Mikel Arteta.

Lidhja e Storey me Shqipërinë është forcuar edhe përmes familjes, pasi ai është i martuar me vajzën e të ndjerit Muhamet Malo.

Prania e një figure të tillë në Tiranë krijon mundësi të reja për futbollin shqiptar. Ndoshta një ditë, përmes këtyre kontakteve, një tjetër talent kuqezi mund të marrë rrugën drejt Premier League. /Sport Ekspres/

Po në të njëjtin orar do të zbresë në fushë edhe Dinamoja. “Nëndetësja blu” do të luajë në transfertë kundër Pafosit, teksa ballafaqimi i parë mes tyre përfundoi në baraspeshë 1-1. Në garë për një vend në grupet e Ligës së Konferencës është edhe Drita. Ekipi shqiptar do të luajë nesër në mbremje, duke filluar nga ora 19:00, kundër Inter D’Eskaldesit./Sport Ekspres/

Liga e Europës

E enjte, 27 gusht

19:00 Lilestrom – Egnatia (0-0)

Liga e Konferencës

E enjte, 27 gusht

19:00 Pafos – Dinamo (1-1)

19:00 Inter D’Eskaldes – Drita (2-2)

“Daku do të jetë një aset i madh. Edhe Huan Karlos Karsedo e përmendi këtë. Plani i lojës kundër Zenitit ishte i tillë që Mirlindi nuk mori shumë kohë loje. Por ai do ta provojë veten, nuk ka dyshim për këtë. Daku është një pjesë jetësore e ekipit dhe ekipi e ka pritur shumë mirë. Pas ndeshjes së fundit, ai tha se ndihej sikur ai dhe Manfred Ugaldja kishin luajtur së bashku për tre ose katër vjet”, ka thënë Sergei Nekrasovi./Sport Ekspres/

Marrëdhënia e tij me tifozët dhe me klubin është thyer përfundimisht. Vendimi i tij i fundit është një dëshmi e qartë. Alvarezi ka munguar në seancën e fundit stërvitore. Një “hakmarrje” e vogël e sulmuesit të Argjentinës, i cili jep sërish mesazhin e qartë se nuk mund të qendrojë më në klubin e Atletikos së Madridit dhe se në mendjen e tij është vetëm Barcelona. Në krahun tjetër, Arsenali po mbikëqyr me vëmendje rastin në fjalë./Sport Ekspres/

“Ne shkuam dhe e morëm Kolo Muaninë. Jemi kujdesur për të dhe e dimë vlerën e tij. Por ai duhet ta kuptojë se nuk ka luajtur për dy vjet dhe duhet të ketë një arsye për këtë. Ndonjëherë mendon se je në një nivel të jashtëzakonshëm, por ke lënë pas diçka që duhet të shkosh dhe ta rifitosh”, ka deklaruar Luçiano Spaleti./Sport Ekspres/

Samuel Eto ja dalë kundër rrymës, teksa në një intervistë për “CNN” -in i ka dalë në mbrojtje Infantinos. Ai ka deklaruar se kreu i FIFA-s e ka ndryshuar futbollin dhe se sulmet mediatike karshi tij vijnë për shkak të faktit se po afron data e zgjedhjeve

“Ai ndihmoi kontinentin tonë. Ai lejoi që federatat tona të rriteshin shumë më shpejt dhe ne duhet ta pranojmë këtë. Ne duhet ta mbështesim atë për gjithçka që ka arritur deri më tani.

Ai ndryshoi futbollin. U dha kombeve që më parë nuk kishin mundësinë të merrnin pjesë në garën më të bukur, Kupën e Botës. E gjithë kjo po ndodh sepse po vijnë zgjedhjet”, është shprehur Samuel Etoja./Sport Ekspres/

Sipas ekspertit të merkatos, Fabricio Romanos, Al Jazira ka nisur bisedimet për transferimin e Kristjan Asllanit. Klubi nga Emiratet e Bashkuara Arabe nuk ka marrë ende një përgjigje përfundimtare nga mesfushori shqiptar, ndërsa në krahun tjetër Interi kënbëngul që formula e transferimit të jetë një shitje e përhershme dhe jo një huazim.

Al Jazira i drejtohet mesfushorit të Interit, Kristjan Asllani, teksa bisedimet kanë filluar klub me klub.

Ende nuk ka vendim nga ana e lojtarit + Interi këmbëngul në shitje të përhershme, jo huazim.

“Ky është futbolli. PSG-ja nuk ka fituar asgjë. Nëse mendon për atë që ke arritur tashmë, nuk do të fitosh kurrë më asgjë. Duhet të vërtetosh çdo ditë, në stërvitje dhe në ndeshje, se je gati. Përndryshe, është shumë e lehtë të bëhesh i vetëkënaqur. Për të fituar, duhet të dalësh nga zona jote e rehatisë”, ka thënë Luis Enrike./Sport Ekspres/

“Disa, për fat të keq, nuk kanë nevojë ose nuk duan që të tjerët të rriten, por ne duhet ta zvogëlojmë këtë hendek midis vendeve të mëdha, vendeve shumë të mëdha dhe të gjitha të tjerave.

Kjo është ajo që jemi përpjekur të bëjmë gjatë dhjetë viteve të fundit dhe ajo që do të vazhdojmë të bëjmë në vitet e ardhshme. Është e rëndësishme të dëgjohesh, të të kushtohet vëmendje dhe të jesh në gjendje të shprehësh mendimet e tua”, ka deklaruar Xhani Infantino./Sport Ekspres/

Skuadra e Serisë B synon ngjitjen në elitën e futbollit italian dhe për të arritur këtë objektiv ka nevojë për lojtarë cilësorë. Një prej tyre është edhe Kristian Shpendi, që me golat e tij ka dhënë një kontribut të madh për Çezenën. Sipas  Alfredo Pedulës, Palermo është e gatshme të rrisë ofertën për të siguruar kartonin e Shpendit. Në një rast të tillë lojtari shqiptar do të stërvitej nga një legjendë e Milanit si Pipo Inzaghi/Sport Ekspres/

“Salah është një lojtar shumë i mirë. Të luash me të është një nder për ne. Të gjithë shokët e mi të ekipit ndihen njësoj. Duam të vazhdojmë aty ku e lamë sezonin e kaluar. Duam të vazhdojmë në këtë mënyrë. Edhe Salah përshtatet shumë mirë me ne. Shpresoj ta përfundojmë këtë sezon në një pozicion shumë të mirë”, është shprehur Ernest Muçi./Sport Ekspres/

Ndeshja u vendos në minutën e 22-të të saj, atëherë kur Bremeri e dërgoi topin në rrjetë. Në këtë ndeshje pati minuta edhe për Edon Zhegrovën. Sulmuesi shqiptar zëvendësoi Konseisaon në minutën e 69 të lojës, duke luajtur gjithsej 25 minuta në këtë takim./Sport Ekspres/

Muçi ka kombinuar me një prekje e Salahun në zonën kundërshtare. Prej aty, egjiptiani e ka shfrytëzuar më së miri mundësinë dhe e ka ndalur topin në rrjetë. Aktualisht Trabzonspori është duke udhëhequr me shifrat 2-1, teksa kanë mbetur ende edhe disa minuta për t’u luajtur./Sport Ekspres/

Bournemouth kaloi i pari në avantazh në minutën e 26-të, kur Marcus Tavernier përfitoi nga një gabim në mbrojtjen e Manchester Cityt dhe dërgoi topin në rrjetë. Vendasit patën vështirësi për të krijuar raste të pastra dhe pjesa e parë u mbyll me avantazhin e skuadrës mike.

Në pjesën e dytë, City u hodh në sulm në kërkim të barazimit. Presioni i vazhdueshëm u shpërblye në minutën e 85-të, kur Marc Guéhi realizoi me kokë pas një goditjeje këndi dhe riktheu besimin te skuadra e Marescas.

Kur dukej se ndeshja do të përfundonte në barazim, Joško Gvardiol u shndërrua në heroin e mbrëmjes. Mbrojtësi kroat shënoi në minutat shtesë, me golin që fillimisht u anulua për pozicion jashtë loje, por pas ndërhyrjes së VAR-it u konfirmua.

Kështu, Maresca e nis aventurën e tij në Premier League me një fitore të madhe 2-1, duke i dhënë Manchester Cityt një start emocionues në epokën post-Guardiola. /Elio Hajdari-Sport Ekspres/

Por Espanjoli reagoi në minutën e 30 me anë të Kalatravës. Ky fundit e dërgoi rezultatin në 1-1, i cili mbeti i pandryshuar deri në minutën e 90. Pikërisht në këtë moment Espi arriti të shënonte golin e fitores 1-2 të Realit të Madridit. Lojtari 21-vjeçar hyri në fushë në minutën e 80 dhe vetëm 10 minuta më vonë shpëtoi Murinjon nga dështimi në debutim./Sport Ekspres/

Vedat Muriqi zhbllokoi kështu rezultatin dhe i hapn rrugën fitores 4-2 kundër Koniasporit. Sulmuesi shqiptar ishte gjithashtu autori i asistit në golin e 4-t të takimit, që vulosi në edhe fitoren e verdhebluve./Sport Ekspres/

Interi kaloi në avantazh që në minutën e 6-të me Hakan Çalhano?lu, por Monza reagoi dhe barazoi në minutën e 29-të me Gustavo Varela. Pjesa e parë u mbyll në barazim, duke lënë gjithçka të hapur për 45 minutat e dyta.

Megjithatë, Interi shpërtheu menjëherë pas pushimit. Në minutën e 48-të, Piotr Zielinski shënoi golin e dytë për vendasit, duke rikthyer avantazhin e skuadrës së Cristian Chivut.

Vetëm pak minuta më vonë, Francesco Pio Esposito realizoi golin e tretë me finte, ndërsa Yann Bisseck vulosi rezultatin 4-1 në minutën e 63-të.

Në këtë mënyrë, Interi e nis kampionatin me një fitore bindëse dhe me një paraqitje që premton shumë për vazhdimin e sezonit. Ndërkohë, Zielinski ishte një nga protagonistët kryesorë, duke gjetur rrjetën që në ndeshjen e parë. /Sport Ekspres/

Vendasit e nisën ndeshjen me shumë energji dhe arritën të zhbllokonin rezultatin në minutën e 17-të. Pas një goditjeje nga këndi dhe një pritjeje të portierit të Manchester United, Semi Ajayi reagoi shpejt dhe dërgoi topin në rrjetë, duke ndezur atmosferën në stadium.

Hull nuk u mjaftua me avantazhin dhe vazhdoi të rrezikonte. Presioni i tyre u shpërblye sërish në minutën e 38-të, kur Nobel Mendy shënoi golin e dytë, duke e çuar skuadrën në dhomat e zhveshjes me një avantazh të shkëlqyer 2-0.

Manchester United pati më shumë kontroll të topit, por vuajti për të krijuar raste të pastra. Edhe ndryshimet e bëra në pjesën e dytë, përfshirë aktivizimin e Marcus Rashford, nuk mjaftuan për të ndryshuar fatin e takimit.

Në fund, Hull City siguroi një fitore historike 2-0 dhe mori tri pikët në rikthimin e saj në Premier League. Për Manchester United dhe trajnerin Michael Carrick, ndërkohë, kjo ishte një goditje e fortë që në javën e parë të kampionatit. /Sport Ekspres/

“Shpesh ndodh që në ndeshje të ketë shumë ulje-ngritje. Kjo është ajo që ndodhi sot. Mendoj se luajtëm mjaft mirë në të dyja pjesët, veçanërisht në të parën. Mund të kishim udhëhequr pas 30-40 sekondash. Në pjesën e parë humbasim momentumin dhe ata marrin pak vrull, dhe në pjesën e dytë mendoj se bëhet shumë rrëmujë.

Është një atmosferë shumë e nxehtë dhe shtypëse. Ndihmon për të ndikuar në lojë, dhe ne jemi në krye dhe punojmë shumë mirë, kështu që të gjitha meritat u takojnë djemve për këtë.

Do të jetë shumë argëtuese dhe mezi presim. Pastaj do të arrijmë të përmirësohemi një ose dy herë më shumë”, ka thënë Hans Erik Odegardi./Sport Ekspres/

“Një ndeshje shumë e vështirë jashtë fushe kundër një skuadre shumë të mirë në shtëpi. I pamë ata në dy ndeshje kundër Shamrock Rovers, kështu që e dinim se me çfarë po përballeshim këtu. Një skuadër shumë e mirë në shtëpi. Por kemi një pikënisje shumë të mirë para ndeshjes së kthimit në Arasen.

Duhet të luash pak më ndryshe sesa nëse në një ndeshje të rregullt të Eliteserien. Duhet të luash me pak cinizëm, veçanërisht në fushën mysafire.

A ndikoi moti i nxehtë? Absolutisht, por ishim të vetëdijshëm se mund të përballeshim me gjëra të tilla në Europë. Por nuk kemi zgjidhje tjetër veçse ta përballojmë këtë dhe mendoj se e bëmë mirë sot”, ka thënë Ylldren Ibrahimaj./Sport Ekspres/

“Jemi të kënaqur që Mohamed Salah na është bashkuar! Gjatë gjithë sezonit, ne do ta ndihmojmë atë dhe ai do të na ndihmojë ne. Duhet të mësohemi me njëri-tjetrin përmes seancave stërvitore. Besoj se duke punuar mirë gjatë gjithë sezonit, mund të arrijmë diçka”, ka thënë Ernest Muçi./Sport Ekspres/