Rezultati mbeti i pandryshuar edhe në kohën shtesë dhe skuadrat iu drejtuan 11 metërshave. Lojtarët e PSG-së u treguan më të saktë nga penalltitë, ndërsa 2 prej futbollistëve të Arsenalit gabuan me shënjestrën. Kështu parisienët ngritën trofeun nën qiellin e Budapestit dhe shijuan suksesin e dytë radhazi në Europë./Sport Ekspres/

Trajneri i PSG-së ka përzgjedhur rreshtimin klasik 4-3-3, ku sulmi udhëhiqet nga treshja e rrezikshme Dembélé, Kvaratskhelia dhe Doué, të mbështetur nga një mesfushë solide me Vitinha-n, João Neves dhe Fabian Ruiz.

Nga ana tjetër, Arsenali i përgjigjet me një skemë 4-2-3-1. Në mungesë të Ben White të  dëmtuar, mbrojtja përbehet me Saliba dhe Gabriel, ndërsa reparti i avancuar i besohet dyshes Saka dhe Trossard, me Havertz në majë të sulmit. Gjithçka është gati për natën më të rëndësishme të futbollit europian!

“Vuajtëm, kishim nevojë për këtë. Po arrijmë përsëri në finale. Duhet t’i shijojmë këto lloj ndeshjesh. Arteta tha se do ta fitonin Champions-in? Do ta shohim nesër. Do të shohim kush është më i mirë dhe kush ka fituar. Ne jemi kampionë. Askush nuk ka pasur një orar më të keq se ne dhe kjo na ka bërë të rritemi”, është shprehur Luis Enrike./Sport Ekspres/

“Ata po e mbrojnë trofeun. Pra, ishin të fundit që fituan të drejtën për ta ngritur atë trofe dhe në fakt janë kampionët. Ne jemi këtu për t’ua marrë atë. Është mundësia për të përvetësuar momentin dhe mundësia për të shkruar një kapitull të ri në historinë e këtij klubi futbolli. Për ta bërë këtë, duhet të luajmë me qartësi, shumë guxim dhe një dëshirë të paepur për të fituar. Nesër kemi mundësinë të bëjmë diçka që nuk është bërë në këtë klub.

Ambicia është më e madhe. Kemi një (trofe). Duam edhe një tjetër. Kjo është e gjitha për të cilën kemi folur. Duhet të arrijmë destinacione më të mëdha. Djemtë kanë nivelin maksimal të dëshirës. Ata duan më shumë”, ka deklaruar Mikel Arteta./Sport Ekspres/

Kështu Gordoni do të jetë pjesë e kampionëve të La Ligës deri në vitin 2031. Theksojmë se operacioni për transferimin e 25-vjeçarit i ka kushtuar Barçës gjithsej 80 milionë euro./Sport Ekspres/

“Kemi dërguar një faks te FC Barcelona me ofertën tonë të transferimit: 4 bileta për koncertin e nesërm të Bad Bunny-t, një abonim vjetor në “ABC” dhe një qese me fara luledielli. Presim me padurim përgjigjen për të përgatitur ‘njoftimin'”, ka shkruajtur klubi Atletiko Madrid./Sport Ekspres/

“Klubi e dinte se mund të kishte frustrim me Zhegrovën, por ne zgjodhëm ta merrnim sepse ai ka një aftësi shumë të qartë. Ai mund të krijojë diçka nga asgjëja. Ai mund të dalë nga një situatë me këmbën e djathtë ose të majtë. Ka një cilësi specifike që na e kishin treguar si algoritmi ashtu edhe vëzhguesit. Kishte një mirëkuptim të qartë me lojtarin, i cili e dinte rolin e tij. E kuptoj frustrimin e tij.

Ai më tha: “Nëse do ta kisha shënuar atë gol (kundër Gallatasarait), ndoshta do të kishte ndryshuar sezonin dhe karrierën time”. Unë iu përgjigja: “Po, është e mundur, por tani duhet të jesh mjaftueshëm i fortë mendërisht për të reaguar”. Jemi të kënaqur me kontributin e tij. Ehe trajneri është i kënaqur edhe me kontributin e tij”, është shprehur Damien Komoli./Sport Ekspres/

“PSG-ja nuk do ta fitojë kupën, pikë. Kam vënë re se lojtarët parisienë kanë shumë herë më pak uri. Ata janë kurorëzuar kampionë të Francës dhe do të arrijnë në Budapest me pak vetëbesim të tepruar. Do të vihen në vështirësi nga anglezët dhe do të pësojnë shumë gola nga Arsenali. Për këtë arsye PSG-ja nuk do të fitojë, por do të vuajë një humbje”, ka thënë Robert Pire./Sport Ekspres/

Argjentinasi ia ka bërë të qartë Atletikos së Madridit se ka vendosur të largohet, ndërsa katalanasit po përpiqen të përfitojnë nga kjo situatë. Ata kanë dorëzuar në zyrën e Atletikos një ofertë prej 100 milionë eurosh. Por sipas Ben Xhejkobsit, drejtuesit e klubit madrilen dëshirojnë më tepër se sa 120 milionë euro për yllin e tyre./Sport Ekspres/

“Ta pranojmë, e humba Kamardën për katër muaj, Sotilin për një kohë të gjatë dhe Berishën, i cili supozohej të bënte diferencën për sa i përket cilësisë në mesfushë. Për Leçen, këto janë humbje të mëdha. Në rrethana të caktuara, u përpoqa të ndryshoja, shkuam në pesë, gjithmonë për të mirën e Leçes dhe duke menduar për një zgjidhje që do të funksiononte drejt arritjes së objektivit tonë”, ka thënë ndër të tjera Euzebio Di Françesko./Sport Ekspres/

Sipas Fabrizio Romanos, te Barça po përpiqen ta mbyllin sa më shpejt marrëveshjen me bardhezinjtë. Drejtuesit e klubit katalanas kanë ofruar gjithsej, së bashku me bonuset, 80 milionë euro për kartonin e 25-vjeçarit. Ndërkohë në garë për Gordonin janë edhe Bayern Munich-u, si dhe disa klube angleze./Sport Sport/

“Nuk kam folur me askënd, por i kam në mendje. Emrat që kam bazohen në kushtet që mund të ofrojmë. Nuk mund të shkojmë pas lojtarëve si Muriqi tani… Do të doja ta kisha pasur. Duhet ta ulim ndjeshëm investimin tonë. Duhet ta fusim këtë në mendje. Por nuk mund ta ulim shumë”, ka deklaruar Luis Garsia Plaza./Sport Ekspres/

Kartmonedha ka vlerën prej 20 paund, si dhe ka të stampuar golin unik të Mektomineit. Bëhet fjalë për golin me roveshatë të shënuar kundër Danimarkës. Ky gol mbart një vlerë mjaft të vyer për Skocinë, teksa i dha kualifikimin e parë në një Kupë Bote./Sport Ekspres/

Ultrasit e klubit kuqezi kanë shpalosur një baner në mbështetje të dyshes Tare-Alegri. Ndërkohë, ata i kanë dalë kundër Ibrahimoviçit, për të cilin kanë shprehur hapur pakënaqësinë e tyre.

“Tare dhe Alegri, të vetmit burra të vërtetë. Ibra, e keqe absolute. Lojtarët dhe klubi, të gjithë janë për t’u fajësuar”, shkruhej në banerin e shpalosur pranë “San Siros”./Sport Ekspres/

“Pas ndeshjes me Bolonjën kam vënë re dhe kam denonuar disa situata që nuk më kanë pëlqyer. Duhet të kesh bo** për ta bërë këtë. Nuk kam luajtur kurrë në kampionate anonime dhe të shoqëroja të vdekurit”, ka deklaruar Antonio Konte./Sport Ekspres/

Këta të fundit kanë dhënë një mesazh të pastër. Tifozët e Milanit kanë shpalosur një baner në ambientet stërvitore të klubit, ku kanë shkruajtur: “Askush nuk duhet të qendrojë. Të largohet edhe Ibrahimoviçi menjëherë gjithashtu”./Sport Ekspres/

“Pas zhgënjimit të vitit të kaluar, mandati i vendosur për Klubin ishte të kthehej në Ligën e Kampionëve dhe të krijonte një themel për të fituar vazhdimisht në krye të Serie A. Për pjesën më të madhe të këtij sezoni, ne ishim në dy pozicionet e para në Serie A, me një shans të besueshëm për të garuar për Scudetton. Pjesa e fundit ishte krejtësisht e papajtueshme me performancën deri në atë pikë, me humbjen zhgënjyese të mbrëmjes së kaluar në ndeshjen e fundit që e ktheu sezonin në një dështim të qartë.

Tani është koha për ndryshim dhe një riorganizim gjithëpërfshirës të operacioneve të futbollit. Duke filluar menjëherë, po ndahemi me Drejtorin Ekzekutiv Giorgio Furlani, Drejtorin Sportiv Igli Tare, Trajnerin Kryesor Massimiliano Allegri dhe Drejtorin Teknik Geoffrey Moncada. I falënderojmë secilin prej tyre për punën e palodhur dhe përkushtimin ndaj AC Milan gjatë mandateve të tyre përkatëse. Njoftime të mëtejshme në lidhje me emërimet e ardhshme do të bëhen në kohën e duhur, me qëllim që të jemi gati dhe të përgatitur mirë për sezonin e ardhshëm”, është shkruajtur në komunikatën zyrtare të RedBird Partners./Sport Ekspres/

Kombëtarja iberike ka shpallur listën zyrtare me të cilën do të provojë të fitojë Kampionatin Botëror dhe ajo që vihet re është mospërfshirja e futbollistëve të Realit. Ndërkohë, në krahun tjetër Barcelona do të përfaqësohet me plot 8 lojtarë në përfaqësuesen spanjolle./Sport Ekspres/

Esta es la lista de todo un país.

ESTA ES LA LISTA DE ESPAÑA.

? Estos son los internacionales que representarán a la @SEFutbol y todas nuestras ilusiones en la próxima#CopaMundialFIFA.#VamosEspaña pic.twitter.com/pZAFzRUg1b

— Selección Española Masculina de Fútbol (@SEFutbol) May 25, 2026

“Ai mund ta shikojë Olizenë edhe me 5 sy nëse dëshiron, por kjo nuk do të bëjë asnjë të mirë. Ai do të qëndrojë këtu, nuk është në shitje. Murinjo mund t’ja kishte kursyer vetes udhëtimin nga Madridi”, është shprehur Uli Hënes./Sport Ekspres/

Sigurisht që një lojtar me të dhënat e tij ka arritur të tërheqë vëmendje në futbollin italian. Sipas “Il Resto dell Carlino”, tre klube të Serisë A janë të interesuara për shërbimet e talentit të Kombëtares shqiptare. Mësohet se Bolonja, Lacio dhe Torino dëshirojnë transferimin e Shpendit. Ndoshta tani është momenti i duhur për 23-vjeçarin për të hedhur hapin e madh në karrierë./Sport Ekspres/

“Smolçiçi është një ushtar, e kam thënë shumë herë. Nuk më habiti sepse kur ke shumë mundësi dhe nëse nuk luan, je i trishtuar ose i zemëruar, por jo ai në stërvitje. Më kujtohet ndeshja e parë në shtëpi kundër Juventusit, nuk prisja një performancë të tillë prej tij. Vaje është gjithashtu një lojtar shumë i ngjashëm në aspektin e qëndrimit dhe sjelljes. Janë Da Kunja, Vojvoda… Jam shumë me fat. Kemi sjellë lojtarë që ndoshta nuk janë talentet më të mëdha, por që luftojnë për nivelin tonë, për të fluturuar më lart se sa presin njerëzit. Mund t’ja dalësh me këta djem, jo me ata që shënojnë dy gola dhe ndoshta ngadalësojnë të nesërmen. Kjo është arsyeja pse e vlerësoj progresin e të gjithë lojtarëve”, ka deklaruar Çesk Fabregasi./Sport Ekspres/

“Janë tre ose katër lojtarë që do të jenë të kërkuar, madje edhe nga divizionet më të larta. Shpendi? Ai është tashmë vendimtar dhe ende ka vend për përmirësim. Mendoj se ai mund të jetë tashmë i kërkuar në Serie A. Do të donim ta shijonim atë për një vit tjetër, pastaj do të shqyrtojmë edhe kushtet financiare, të cilat janë thelbësore për ne”, është shprehur Fabricio Korsi./Sport Ekspres/

Shifra të frikshme që do t’i kishin zili edhe sulmuesit më me emër, të cilat e rendisin Muriqin në ajkën e futbollit europian. Por as 23 golat e tij dhe as sezoni i tij mbresëlënës nuk mundën ta shpëtonin dot Majorkën. Skuadra spanjolle e përfundoi kampionatin në vendin e 18, çka automatikisht e dërgon atë një kategori më poshtë. Tashmë Vedat Muriqi do të duhet të vendosë për të ardhmen e tij, teksa interesimi për shërbimet e sulmuesit të Kosovës mbetet i lartë./Sport Ekspres/

Bëhet fjalë për Nic Paz, një mesfushor të talentuar që bëri përshtypje me performancat e tij me fanellën e Comos këtë sezon.

Trajneri spanjoll nuk i kurseu fjalët kur komentoi lajmet që vinin nga Milani. “Nico Paz nuk do të luajë për Interin. Ai ose do të qëndrojë në Como ose do të kthehet te Real Madridi”, tha Fabregas. /Sport Ekspres/

Sipas informacionit të dhënë nga mediat spanjolle, Real Madridi dhe ylli brazilian nuk arritën një marrëveshje përfundimtare për zgjatjen e bashkëpunimit edhe pas pothuajse dy vitesh bisedimesh.
Situata është bërë veçanërisht e ndjeshme sepse Vinicius po hyn në një periudhë kur klubi duhet të marrë një vendim kyç – ose do të pranojë kërkesat e tij financiare ose do të rrezikojë të humbasë një nga lojtarët më të rëndësishëm të projektit në të ardhmen.

Thuhet se Real Madridi i ofroi brazilianit një kontratë të re pesëvjeçare me vlerë rreth 20 milionë euro neto në sezon me bonuse. Megjithatë, kjo nuk është e mjaftueshme për të përfunduar historinë e plotë.
Gazetari spanjoll Miguel Serrano pohon se Vinicius nuk ka ndërmend të shkaktojë probleme për klubin dhe se nuk dëshiron të largohet një ditë si lojtar i lirë pa kompensim. /Elio Hajdari-Sport Ekspres/

Onuaçu është autori i dy golave të shënuar nga Trabzonspori. Fillimisht tundi rrjetën në minutën e 17 dhe më pas në minutën e 78 me penallti. Ndërkohë goli i vetëm për Koniasporin u shënua në minutën e 49 dhe mban autorësinë e Mulekas./Sport Ekspres/

Tashmë që jemi në fund të sezonit, në media ka nisur të bëhet edhe rezymeja e përgjithshme e kampionatit. Gazetari Jëlldiz Furkan e ka veçuar Ernest Muçin si surprizën e vitit. Ndërkohë, si lojtarin më të mirë të vitit ka cilësuar Viktor Osimhenin./Sport Ekspres/

?? @YildizFurkanr, Süper Lig’de sezonun enlerini belirledi.

? Y?l?n ç?k?? gerçekle?tiren oyuncusu: Christ Oulai
?? MVP: Victor Osimhen
?? Y?l?n hayal k?r?kl???: Ederson / Be?ikta?
? Y?l?n sürprizi: Ernest Muçi
? Y?l?n teknik direktörü: Okan Buruk
?? Y?l?n transferi: U?urcan… pic.twitter.com/U3Npk7znlJ

— A Spor (@aspor) May 22, 2026

Sipas “A Spor”, Beshiktashi po përgatitet për një eksod futbolistësh. Plot 15 prej tyre pritet të largohen. Sakaq 8 lojtarë do të marrin miratimin nga trajneri i ri nëse do të qendrojnë apo jo në Stamboll. Ndër ta përfshihet edhe Kristjan Asllani. Ky i fundit do ta mësojë fatin e tij në këtë merkato transferimesh nga trajneri i ri i Beshiktashit./Sport Ekspres/

Në mesazhin e tij të lamtumirës, Guardiola u shpreh se e ndiente thellë brenda vetes që ky ishte momenti i duhur për t’u larguar. Megjithatë, ai nuk do të shkëputet plotësisht nga strukturat e klubit, pasi do të mbajë rolin e Ambasadorit Global për “City Football Group”.

Ndeshja e kësaj të diele ndaj Aston Villa-s do të jetë e fundit për Pep në krye të pankinës, ku tifozët po përgatisin një lamtumirë madhështore për trajnerin më të mirë të historisë së tyre. /Sport Ekspres/

“Sot festojmë 122 vjetorin e themelimit të FIFA-s, shtëpisë më të madhe të futbollit botëror. Në këtë ditë historike, përgëzoj FIFA-n dhe të gjithë anëtarët e saj. Në veçanti, dua të uroj Presidentin Gianni Infantino në këtë ditë historike suksese të mëtejshme. Kjo është një ditë për të reflektuar mbi fuqinë e futbollit si një forcë bashkuese mes njerëzve dhe kombeve. Gëzuar FIFA-s”, ka uruar Armand Duka /Sport Ekspres/

Portugezi ka udhëhequr skuadrën drejt titullit kampion, me të cilin u kurorëzuan këtë mbrëmje. Ronaldo nuk mundi t’i kontrollonte emocionet e tij. Në fund të ndeshjes ai ka qarë si fëmijë, duke shfaqur me të njëjtin pasion si në fillimet e karrierës së tij. Më pas nuk ka munguar as festa me tifozët e pranishëm. Ronaldo ka marrë tupanin dhe ka ndezur tifozerinë, duke u shndërruar për një çast në një ultras dhe duke krijuar një atmosferë mahnitëse në stadium./Sport Ekspres/

Protagonist në këtë sfidë nuk kishte si të mos ishte edhe Cristiano Ronaldo. Ky i fundit tundi rrjetën 2 herë, teksa gjithsej ka arritur të shënojë 28 gola në kampionat me fanellën e Al Nassr-it./Sport Ekspres/

Ndërkohë, Harri Meguajeri ka reaguar për mospjesëmarrjen në Kupën e Botës. Mbrojtësi i Mançester Junajtedit ka deklaruar se kishte bindjen se do të përfaqësonte vendin e tij këtë verë, por verdikti i Tuhelit e ka lënë të shkatërruar.

“Isha i bindur se mund të luaja një rol të rëndësishëm këtë verë për vendin tim pas sezonit që kam pasur. Jam shokuar dhe i shkatërruar nga vendimi.

Nuk kam dashur asgjë më shumë sesa të vesh atë fanellë dhe të përfaqësoj vendin tim përgjatë viteve. U uroj lojtarëve gjithë të mirat këtë verë”, ka deklaruar Harri Meguajeri./Sport Ekspres/

“Ndoshta nuk e kuptoni. Një nga ndjesitë më të mira që kam pasur ndonjëherë. Duhej të shkoja këtu në Colney për të parë ndeshjen me djemtë dhe stafin, sepse kjo ishte ajo që donin, por nuk munda. Mendoj se 20 minuta më vonë, para ndeshjes, më duhej të largohesha, nuk munda të sillja energjinë që doja. Mendoja se ishte e tyre për ta parë dhe për të parë se cili do të ishte rezultati…

Shkova në shtëpi. Dola jashtë në kopsht. Fillova të ndezja zjarr dhe fillova të bëja pak barbeque. Nuk pashë asgjë. Dëgjoja vetëm disa zhurma në sfond, në dhomën e ndenjes. Dhe papritmas, ndodhi magjia…

Djali im më i madh hapi derën e kopshtit. Ai filloi të vraponte drejt meje, filloi të qante, më përqafoi dhe tha, ne jemi kampionë, babi. Pastaj erdhën dy djemtë e mi të tjerë dhe gruaja ime dhe ishte e bukur. Vetëm të shihja atë gëzim tek ata, që janë gjithmonë me mua, ishte magjike”, ka treguar Mikel Arteta./Sport Ekspres/

“Arritëm një marrëveshje me Beshiktashin në lidhje me transferimin e Ernest Muçit. E shfrytëzuam opsionin e tij (për blerjen e kartonit). Muçi donte shumë të qëndronte me ne. Ai po punonte shumë mirë me trajnerin e tij. Edhe ne ishim shumë të kënaqur me të. Kjo është një tarifë rekord transferimi për Trabzonsporin. Na u dha edhe në shitje, dhe tani edhe në blerje. Mund ta tejkalojmë këtë. Duket se po vijnë transferime edhe me tarifa më të larta”, ka deklaruar Ertugrul Dogani./Sport Ekspres/

Megjithatë, përtej festës së lojtarëve në fushë, vëmendja e të gjithëve u kthye nga arkitekti i këtij suksesi: Unai Emery. Trajneri spanjoll vërtetoi edhe një herë se është specialisti absolut dhe i padiskutueshëm i këtij kompeticioni. Me këtë triumf, Emery shkroi historinë duke arritur shifrën e jashtëzakonshme prej 6 finaleshe në karrierën e tij në Europa League.

Statistikat e tij janë thjesht të frikshme: nga gjashtë finale të luajtura, ai ka pësuar vetëm 1 humbje dhe ka siguruar plot 5 trofe të fituara. Ky sukses i pestë personal jo vetëm që e ngjit atë në fronin e trajnerëve më të suksesshëm në Europë, por tregon se Emery zotëron “kodin sekret” të këtij turneu, duke shndërruar çdo skuadër që drejton në një makineri të pandalshme fituese. /Sport Ekspres/

“Ai (Murinjo) është një person shumë i mirë kur skuadra fiton, por jashtëzakonisht kërkues kur rezultatet nuk po shkojnë sipas dëshirës së tyre. Mësova shumë detaje taktike prej tij për të cilat nuk kisha qenë aq i vetëdijshëm më parë.

Gjëra të vogla që bëjnë diferencën për një mbrojtës: të dish kur të ndalosh një lojë me një faull, të pranosh një karton nëse situata e kërkon, ose të trajtosh momente të caktuara të lojës në mënyrë më inteligjente. Këto janë aspekte që në fund i kuptova duke punuar nën drejtimin e tij.

A më kujtohet ndonjë bisedë e veçantë me të? Po. Para finales së Europa League kundër Sevijas, ai donte të më ngrinte humorin sepse kisha këputur ligamentin kruciat dhe nuk mund të luaja në atë ndeshje. Ai më kujtoi rëndësinë e golit që shënova kundër Real Sosiedadit në ndeshjen e parë të çerekfinaleve. Ne fituam 2-0 në Romë dhe ky rezultat ishte çelësi për të pasur një avantazh përpara ndeshjes së kthimit.

Një e metë e Murinjos? Nëse do ta quaja një të metë, do të thoja se është shumë i ndershëm. Kur skuadra humbet, kjo vihet re menjëherë në qëndrimin e tij. Ka ditë kur mezi flet me askënd dhe do të preferoje të mos i afroheshe shumë sepse e di që është i tërbuar.

(Fitimi i Ligës së Konferencës në Tiranë) Ishte ndoshta emocioni më intensiv që kam përjetuar ndonjëherë si futbollist. Fitimi i një titulli me Romën para tifozëve nga vendi im ishte i pabesueshëm, pothuajse sikur të ishte e destinuar të ndodhte. Parada nëpër rrugët e Romës të nesërmen. Të shihje mijëra njerëz kaq të emocionuar, disa madje duke qarë, ishte e padurueshme. Kaluam orë të tëra duke udhëtuar nëpër qytet me autobus në vapën përvëluese, por askush nuk donte që ai moment të mbaronte. Kam një fotografi me Koloseun në sfond dhe të gjithë tifozët përreth meje që do t’i çmoj gjithmonë.

A mbaj kontakt me drejtuesit e Romës? Po, herë pas here flas me dikë përgjegjës në klub për të diskutuar se si po shkon përvoja ime në Majorka. Është normale kur i përket një klubi kaq të rëndësishëm.

A do të kisha dashur të punoja më gjatë me Gasperinin? Po, sepse stili i tij ka ngjashmëri me atë të Juriçit dhe mendoj se do të kisha mësuar shumë. Ne punuam së bashku vetëm shkurtimisht në parasezon dhe më pas ata morën vendime të tjera, gjë që është plotësisht e respektueshme”, është shprehur Marash Kumbulla./Sport Ekspres/

Ndërkohë Di Marcio ka zbuluar se Tares iu komunikua nga klubi se nuk kishte mjaftueshëm para për merkaton, prandaj ai vendosi të merrte në Milano Fyllkrugun. Por në fund të merkatos u shfaqën 35 milionë euro për Matetët. Sipas, gazetarit në fjalë ky ishte momenti kur u shfaqën edhe problemet mes Tares dhe drejtesve të Milanit.

“Sa i përket drejtorit sportiv, megjithatë, besoj se Tare ka arritur objektivat që iu kërkua të arrinte. Përkatësisht Ligën e Kampionëve dhe ka bërë disa shitje të rëndësishme. Disa nënshkrime janë vënë në dyshim, por ai është i qetë. Nkunku, për sa i përket golave ??të shënuar për minuta të luajtura, është një nga më të mirët. Francezi nuk është tërhequr kurrë kur kishte përgjegjësi për të marrë, si penalltia që mori në Xhenoa. Jashari ishte i lënduar për një kohë të gjatë, ai u pagua si De Ketelaere, por kini kujdes mos ta largoni, sepse pamë çfarë bëri CDK. Atekame shënoi në Xhenoa.

Në Itali, shpesh i hedhim poshtë shpejt transferimet. Pastaj të gjithë drejtorët sportivë bëjnë gabime. Në janar, Tares iu tha se nuk kishte para, kështu që ai shkoi ta merrte Fyllkrugun në huazim. Pastaj, në fund të afatit kalimtar, papritmas u shfaqën 35 milionë euro për Matetën. Me sa duket, klubi vendosi të bënte marrëveshje të tjera pa u konsultuar me drejtorin sportiv dhe trajnerin. Dhe këtu lindën fërkimet midis palëve, si dhe dyshimet për të ardhmen”, ka shpjeguar Xhanluka Di Marcio./Sport Ekspres/

Por nuk ka munguar edhe humori nga ana e Balliut. I pyetur se çfarë premtimi jepte nëse Rajo Vajekanoja do të fitonte trofeun, mbrojtës i krahut të djathtë u përgjigj se do t’i vendosnin flokë shokut të skuadrës, Isi Palazonit. Ai ka thënë me humor se një udhëtim në Turqi, një vend që njihet për mbjelljen e flokëve, nuk do të ishte keq për Palazonin.

“Ata (tifozët) na ndalojnë në rrugë ose në fushën e stërvitjes. Jemi të gjithë plotësisht të angazhuar. Të gjithë e kanë atë gëzim, atë shkëndijë. Kemi mbërritur në kohën e përsosur.

Çfarë premtimi do të jepja nëse do të fitonim Ligën e Konferencës? Nuk e di, ndoshta mund t’i japim Isi Palazonit një paruke ose diçka të tillë. Jam i sigurt se mund të gjejmë dikë që ta sponsorizojë. Një udhëtim në Turqi nuk do të ishte keq”, ka thënë Ivan Balliu./Sport Ekspres/

“Ai e ndryshoi të gjithë PSG-në. Që kur ka mbëritur, të gjithë e kanë ndryshuar mentalitetin. Tani jemi një ekip, luajmë për njëri-tjetrin, vrapojmë për njëri-tjetrin, jemi një familje. Të luajturit kështi na e bën gjithçka më të lehtë. Jam me fat që jam në këtë ekip, me këta shokë skuadre dhe me këtë trajner. Ai më ka ndryshuar mentalitetin dhe mënyrën se si qendroj në fushë. Më ka bërë futbollist dhe njeri më të mirë”, ka deklaruar Açraf Hakimi./Sport Ekspres/