Por skandali nuk ndalet brenda 90 minutave të lojës. Pjesa më e turpshme e kësaj historie vijon në rrjetet sociale. Klubi serb e ka shpërndarë me krenari këtë baner në llogarinë zyrtare në “Twitter”. Sipër fotos është vendosur mbishkrimi: “Faleminderit”, në gjuhën franceze së bashku me flamujt e Serbisë dhe të Francës./Sport Ekspres/

Pavarësisht humbjes, lojtari shqiptar ka spikatur në fushën e lojës. Hoxha ka dëshmuar edhe një herë formën e tij mjaft pozitive që po kalon në këtë sezon. Futbollisti i Kombëtares kuqezi është vlerësuar nga “Sofascore” me notën 8.4 për performancën e zhvilluar në fushën lojës. Një vlerësim i tillë e ka përfshirë 27-vjeçarin në formacionin më të mirë sa i përket përballjeve të para të fazës “play off” të Ligës së Europës”./Sport Ekspres/

Goli i dytë i takimit është “gatuar” nga këmbët e sulmuesit shqiptar. Hoxha pasoi topin në zonën kundërshtare, ku gjeti Beljon, i cili më pas e dërgoi topin në rrjetë./Sport Ekspres/

Gabimi i papritur shkaktoi menjëherë një reagim të stuhishëm nga tifozët e Villarreal, të cilët e pritën gabimin me fishkëllima të forta. Ata nuk e fshehën pakënaqësinë e tyre, sepse klubi i tyre është pjesë e Champions League, kështu që himni i gabuar dukej si një dështim serioz organizativ.
Edhe vetë futbollistët ishin të hutuar, të cilët nuk mund ta kuptonin se çfarë ndodhi saktësisht në fushë dhe pse pati një trazirë të tillë. Incidenti u korrigjua shpejt, por la një përshtypje të pakëndshme në fillim të një dueli të rëndësishëm evropian. /Elio Hajdari-Sport Ekspres/

Ky i fundit e dërgoi topin në rrjetë në minutën e 19 dhe të 73-të, ndërsa në minutën e 88 dha asistin për Salahun. Shaqiri ka regjistruat statistika mbresëlënëse që kur është rikthyer te Bazeli. Tashmë ai numëron 60 gola dhe asiste në 58 ndeshje të luajtura me skuadrën zvicerane./Sport Ekspres/

“Nuk kam parë kurrë të humbësh një penallti tre herë. Arsyeja për gabimet nga pika e bardhë? Nuk e di. Është një situatë unike dhe e e rastësishme. Ndodh rrallë. Por ndodhi dhe kompromentoi rezultatin”, ka deklaruar Xhanpiero.Gasperini./Sport Ekspres/

Por arbitri vendosi për përsëritjen e penalltisë dhe Dovbyk-u mori sërish përsipër gjuajtjen e 11 metërshit. Megjithatë, edhe skena ishte një kopje e penalltisë së parë. Çudia nuk përfundoi këtu. Gjyqtari dha sërish urdhër për përsëritjen e penalltisë. Gasperini vendosi të ndërronte gjuajtësin e 11 metërshit. Pranë topit shkoi Soule, i cili vendosi ta dërgonte sferën në krahun e kundërt. Por edhe këtë herë portieri Ozer ia doli të priste me sukses goditjen. Një meritë e jashtëzakonshme e gardianit të Lille-s, i cili bëri që skuadra franceze të siguronte fitoren përballë Romës./Sport Ekspres/

Vitet janë vetëm një shifër për sulmuesin francez. Megjithëse në moshën 38-vjeçare, Zhiru vazhdon të jetë vendimtar në fushën e lojës. Ish-lojtari i Milanit “fluturoi” mbi dy mbrojtësit kundërshtarë në zonë për ta ndalur më pas topin në rrjetë në minutën e 80./Sport Ekspres/

“Isha me shumë fat te goli i parë që shënova. Pas dy apo tre përplasjeve hyri në portë. Këmbët e mia të gjata mund të shërbejnë për diçka… Dhe për të dytin, thjesht ndoqa lëvizjen e Hoxhës dhe përfundova aksionin”, ka deklaruar Dion Drena Beljo./Sport Ekspres/

Hoxha e nisi ndeshjen si titullar dhe arriti të ishte protagonist. Anësori i majtë i sulmit dha pasimin e fundit për golin e shënuar nga Beljo në minutën e 50. Ky gol i dërgoi shifrat në 2-1 në favor të Dinamos së Zagrebit. Ndeshja e vlefshme për fazën e grupeve të Europa Ligës vazhdon ende të luhet në kryeqytetin kroat./Sport Ekspres/

Një rezultat pozitiv ka marrë edhe Drita. Skuadra nga Gjilani ka mposhtur me shifrat 2-1 Diferdanzhin në ndeshjen e parë “play off” të Ligës së Konferencës. Golat për kampionët e Kosovës u shënuan nga Dabiqaj dhe Krasniqi./Sport Ekspres/

Por nuk mbaron këtu, një grup i tifozëve ultras të Crevena Zvezdës, rreth 200 tifozë të pajisur me shkopa dhe mjete të tjera goditën disa tifozë të paaarmatosur të Lech Poznan gjatë natës. E gjitha kjo ndodhi do të bëjë që tani të ketë një marrëdhënie tjetër mes polakëve dhe serbëve. /Sport Ekspres/

??????
UEFA has fined Poland’s Lech Pozna? football club €10,000 for displaying a banner that read “Kosovo is Serbia” during a match.

And if that wasn’t enough, Lech Pozna? was attacked by Delije.

Delije (Crvena Zvezda), with approximately 200 men and equipment, attacked… pic.twitter.com/heJd5qxIqT

— Based Poland ?? (@Poland_Based) August 13, 2025

“Kishte shumë emocione. Gjëja më e rëndësishme ishte që fituam, por na duhej një fitore. Në javët e fundit, menduam se nuk dinim më të luanim futboll. Në pjesën e parë nuk bëmë asgjë. Në pjesën e dytë, u zgjuam nga letargjia dhe ishte e qartë se erdhëm me një përgatitje të ndryshme mendore, më shumë agresivitet, luftuam si ekip.

Duhet të shohim pjesën e dytë dhe të bëjmë të njëjtën gjë në të ardhmen. Na duhej vërtet një moment si ky, të gjithë u përpoqëm të bënim çmos për të ndryshuar diçka. Diçka ka ndryshuar, por duhet të vazhdojmë të punojmë. Kemi potencial, mund t’i trembim të gjitha ekipet, por për momentin po trembim vetëm veten”, ka deklaruar Daniel Birligea./Sport Ekspres/

“Siç tregoi loja, topi ishte vetëm në këmbët tona. Ata shënuan vetëm prej fatit të keq. Kur topi mbeti në këmbët e tyre, goli nuk u shënua. Çfarë emocionesh duhet të kem? Nuk pata emocione se nuk po shënonim asnjë gol. Thashë ndoshta do të luajmë kualifikimin atje, por nuk mund të eliminohesh nga një ekip i tillë. Duhet të jesh pa fat, por sa pa fat mund të jesh”, ka deklaruar Xhixhi Bekali./Sport Ekspres/

Ndërkohë të njëjtin fat nuk e pati Drita. Klubi nga Gjilani është mposhtur nga Steaua e Bukureshtit në ndeshjen e parë të turit të tretë kualifikues të Ligës së Europës. Ekipi shqiptar arriti të kalonte i pari në epërsi. Tusha tundi rrjetën që në minutën e 7, ndërsa në të 50-n Manaj dyfishoi shifrat dhe bëri të krijohej ideja se Drita do të largohej me fitore nga Rumania.

Por ndeshja nisi të merrte një rrjedhë tjetër që nga minuta e 65, kur Birligea tundi rrjetën për Steauan. Graovaci barazoi rezultatin në minutën e 72-të, ndërsa në të 94-tën ishte përsëri Birligea ai që vulosi përmbysjen e sfidës. Lojtari i kampionëve të Rumanisë u tregua i saktë nga pika e bardhë e penalltisë dhe i dha fitoren Steauas së Bukureshtit./Sport Ekspres/

Skuadrat e kampionatit shqiptar renditen në mesin e atyre me më tepër fitore deri në këtë fazë të kompeticioneve të UEFA-s. Ekipet e Shqipërisë kanë regjistruar deri më tani 6 fitore, 2 barazime dhe 4 humbje. Me po të njëjtin numër fitoresh janë edhe skuadrat e kampionatit bjellorus, maqedonas, islandez dhe ukrainas. Ndërkohë ekipet me më tepër fitore deri më tani janë ato të Suedisë dhe Polonisë, me 9 të tilla. Në këtë renditje Superiorja lë pas, ndër të tjerë, kampionate si ai serb, danez, azer, austriak, irlandez apo andorras./Sport Ekspres/

Ndërkaq, Drita do të luajë në raundin e tretë kualifikues të Ligës së Europës. E gjithë vëmendja e kampiones së Kosovës tashmë do të jetë te Shkëndija. Kuqezinjtë e Tetovës do të luajnë nesër në mbrëmje kundër Steauas së Bukureshtit, të cilën e mposhti në shtëpi me shifrat minimale 1-0. Në rast fitoreje ose barazimi Shkëndija do të kualifikohej në raundin e tretë të Ligës së Kampionëve, por në rast eleminimi do të përballej me Dritën në Ligën e Europës./Sport Ekspres/

Më pas Tolaj në minutën e 32-të dhe Adetunji në të 76-n përmbysën rezultatin në 4-2 për Ballkanin. Kështu ekipi i Orges Shehit ka hedhur njërën këmbë në turin e tretë të Europa Legue-s, duke shkuar më i qetë në ndeshjen e kthimit javën e ardhshme./Sport Ekspres/

Nëse këto propozime miratohen në takimin e IFAB në nëntor, atëherë një votim do të zhvillohej në mars të vitit të ardhshëm. Kjo do të siguronte që rregullat e reja të zbatohen tashmë në Kupën e Botës në SHBA, Kanada dhe Meksikë në vitin 2026. /Sport Ekspres/

“Prita kaq shumë për të ndryshuar klub, sepse doja vetëm këtë klub, Mançester Junajtedin. Do të qendroj këtu për aq kohë sa klubi do të dëshirojë. Nuk do të dorëhiqem. Kam besim te puna ime dhe nuk do të ndryshoj asgjë. Nëse drejtuesit ose tifozët ndjejnë se unë nuk jam njeriu i duhur, do të largohen të nesërmen pa asnjë bisedë për kompensimin financiar… por nuk do të jap dorëheqjen”, ka deklaruar Ruben Amorimi./Sport Ekspres/

Spërsat kanë mposhtur në finalen e Ligës së Europës Mançester Junajtedin me rezultatin 1-0. Ndeshja u vendos në minutën e 42-të nga goli i shënuar prej Xhonsonit. Ky është trofeu i parë pas 17 viteve pritje për Totenhemin./Sport Ekspres/

“Dua vërtetë që t’i jap diçka tifozëve, sepse kemi qenë shumë zhgënjyes në Premier Ligë këtë sezon. Është më shumë e rëndësishme që t’ju japim diçka tifozëve, se sa të shtoj diçka në CV-në time si fitues”, ka thënë Ruben Amorimi./Sport Ekspres/

“Djajtë e kuq” kanë shkatërruar sot me rezultatin 4-1 Atletik Bilbaon në “Old Treford”. Hauregizari shënoi në minutën e 31-të golin e vetëm për baskët, por anglezët përmbysën shifrat në pjesën e dytë. Maunti (72’, 90’+1’), Kasemiro (80’) dhe Hojlundi (85’) i dhanë fitoren Junajtedi, i cili shkon në finale me rezultat të përgjithshëm 7-1.

Në krahun tjetër Totenhemi ka mposhtir Bodo/Glimtin në transfertë. Spërsat fituan me shifrat 0-2 falë golave të shënuar nga Solanke dhe Pedro Porros./sport Ekspres/

Bodo është një vend i vogël dhe e gjithë popullsia e tij mund të futet në stadiumin e Totenhemit. Pra edhe nëse i gjithë qyteti i Bodos do të vendoste që ta shihte ndeshjen në stadium, jo vetëm që stadiumi i Totenhemit do t’i jepte mundësinë për ta parë nga afër ndeshjen, por do të ketë sërish vend për tifozë të tjerë. Qyteti i norvegjezëve ka rreth 43.000 banorë, ndërsa shtëpia e Totenhem mund të strehojë 62.850 tifozë. /Elio Hajdari-Sport Ekspres/

Lazio trefishoi rezultatin në minutën e 100 falë golit të Dias dhe dukej se situata po shkonte në favor të italianëve. Por 9 minuta më vonë Helmerseni i shpërtoi mbulimit të Hysajt, i cili u aktivizua në minutën e 94-t, dhe i tundi rrjetën. Kështu ndeshja shkoi në penallti, aty ku skuadra e Bodo/Glimtit u tregua më e saktë. Norvegjezët prenë biletën për në gjysmëfinale të Ligës së Europës, ku do të përballen me Totenhemin./Sport Ekspres/

Francezët kthyen rezultatin me dy golat e shënuar nga Çerki në minutën e 104-t dhe nga Lakazet në të 109-n. Por kur dukej se kualifikimi ishte thuajse i sigurt për Lionin, ndodhi ajo që më pak pritej. Mançesteri përmbysi rezultatin në minutat e fundit të ndeshjes. Fernandezi (114′ p.),  Maino (119′) dhe në fund Harri Meguajeri (120+1′) vulosën shifrat përfundimtare në 5-4. Një ndeshje të cilën lojtarët dhe tifozët e Mançester Junajtedit do ta mbajnë mend gjatë./Sport Ekspres/

Pol Skullsi është treguar i ashpër me Onanën pas përfundimit të ndeshjes. Legjenda e Mançester Junajtedit i është referuar gjithashtu edhe deklaratave të portierit përpara kësaj sfide. Onana u shpreh se Junajtedi është superior në të gjitha aspektet në krahasim me Lionin. Por gabimi i tij nuk përputhet me deklaratën e dhënë.

“Me shumë mundësi, pasi mbaroi ndeshja ai do të kishte dëshiruar që ta kishte qepur gojën. Nuk jam i sigurt se çfarë u përpoq të bënte. Është një gabim i tmerrshëm prej tij”, ka deklaruar ndër të tjera Pol Skullsi./Sport Ekspres/

Onana nuk arrin dot të kontrollojë topin pas një goditjeje të kundërshtarit, duke e lënë sferën në zonën e tij. Çerki u gjend në vendin e duhur dhe në kohën e duhur për ta dërguar topin në rrjetë. Lioni fiksoi shifrat në 2-2, duke e mbyllur në baraspeshë ballafaqimin e parë, të vlefshëm për çerekfinalet e Ligës së Europës./Sport Ekspres/

Hysaj luajti 45 minuta në sfidën e sotme të Lacios kundër Bodo/Glimtit, e vlefshme për Ligën e Europës, ndërsa me fillimin e pjesës së dytë la fushën e lojës.

Ndeshja përfundoi me fitoren 2-0 të norvegjezëve. Bodo/Glimti tundi rrjetën e italianëve dy herë në pjesën e dytë të lojës. Saltnesi ishte autori i golave, të cilët u shënuan në minutën e 47 dhe të 70./Sport Ekspres/

“Shpresoj që gjithçka që më ka ndodhur në garat europiane nuk është një pasojë e finales së Budapestit dhe shpresoj që të jetë thjesht rastësi. Që nga ajo finale, që nga pezullimi im, gjërat që na kanë ndodhur ne… Nuk luajtëm në Ligën e Kampionëve për shkak të një penalltie në minutën e 120, të cilën vetëm arbitri i 4-t e pa. Sot erdhëm këtu dhe VAR-i nuk pa asnjë nga 3 penalltitë për ne. Shpresoj që të jetë rastësi. E pagova pezullimin tim dhe shpresoj që të ketë mbaruar. Lutem që ky të jetë vetëm fat i keq”, ka deklaruar Zhoze Murinjo./Sport Ekspres/

Gjatë transmetimit u dallua që trajneri i Romës i dha diçka në dorë kreut të pankinës së Atletik Bilbaos. Vetë Ranieri ka shuar kureshtjen e të gjithëve në konferencë për shtyp, ku ka zbuluar se i dha Valverdes kartëvizitën e tij.

“I dhashë kartvizitën time. Jemi kaq miq të mirë sa ia dhashë, sepse kam humbur numrin e tij. Ai njeh shumë lojtarë spanjollë dhe mund të më duhet”, ka zbuluar Klaudio Ranieri./Sport Ekspres/

Të gjithë me flamuj me ngjyrat  simbol të Romës dhe duke brohoritur kë kor në mbështetje të ekipit të tyre të zemrës. Një atmosferë mbresëlënësr, nga e cila është e pamund të mos motivohesh për një performancë më të mirë në fushën e lojës./Sport Ekspres/

“Tifozët ishin njësoj si skuadra. Ata nuk dhanë shumë mbështetje, ndërsa skuadra nui performoi mirë. Edhe trajneri nuk performoi mirë gjithashtu. Ndoshta ju do të qeshni me mua, por jam i lumtur që ndeshja mbaroi 3-1. Kjo sepse kur shikon lojën tonë, ne mund të kishim një rezultat edhe më të keq”, ka deklaruar Zhoze Murinjo./Sport Ekspres/

Goli i vetëm i takimit u shënua në minutën e 18. Më saktësisht, kemi të bëjmë me një autogol. Në përpjekje për të larguar topin nga zona, Bergvalli e dërgoi atë në portën e vetë. Një fitore e rëndësishme për AZ Alkmarin, së cilës në ndeshjen e kthimit i nevojitet vetëm një barazim për të kaluar më tej./Sport Ekspres/

“Jam i lumtur. Ia dolë për në raundin tjetër dhe nuk humbëm. Gjëja më e rëndësishme në këto lloj ndeshjesh është që të kualifikohesh dhe nëse nuk e humb ndeshjen është edhe më mirë. E meritojmë që të pushojmë tani. Meritojmë që të shkojmë në hotel dhe të hamë qebabë. Më pas do të shikoj serialet e mia, do t’i shijoj dhe mëngjesin e nesërm do të mendoj për derbin”, ka deklaruar Zhoze Murinjo./Sport Ekspres/

Tifozët vendas kanë sulmuar ata të Fenerbahçes, duke krijuar një situatë të shëmtuar në fushën e lojës. Forcat e sigurisë kanë ndërhyrë menjëherë për të qetësuar situatën, ndërsa arbitri vendosi të tërhiqte ekipet në dhomat e zhveshjes deri në krijimin e kushteve të përshtatshme për të vazhduar ndeshjen./Sport Ekspres/

Roma gjeti sërish rrugën e rrjetës në minutën e 83-të, por këtë herë autorësia e golit i shkon Pisilit. Porto ngushtoi shifrat në 3-2 falë autogolit të Rençit në minutën e 96, por pa mundur që të ndryshojë fatin e takimit. Në fund festa ishte e gjitha për tifozët e Romës, të cilët nuk nguruan të respektonin edhe Paolo Dibalën, duke u ngritur të gjithë në këmbë dhe duke thërritur në kor emrin e tij në momentin e zëvendësimit./Sport Ekspres/

Skuadra hollandeze ka fituar me goleadë 4-1 në ndeshjen e parë të “play off”-it në Ligën e Europës. Mijnansi (12’), Parroti (37’ p.), Klasi (57’) dhe Ulfi (66’) kanë shënuar për AZ Alkmarin. Sa i përket Gallatasarait, goli i vetëm për ta u realizua nga Zalai në minutën e 20 të takimit. Vlen të përmendet se skuadra nga Stambolli luajti me 10 lojtarë që nga minuta e 51-të, kur u Ajhani u largua me karton të kuq nga fusha e lojës./Sport Ekspres/

“Ne fituam sot, por përvoja ime më thotë që pavarësisht rezultatit 3-0, kualifikimi është ende i hapur. Asgjë nuk ka mbaruar. Gjithçka është e mundur në futboll. Shkrinjari është një lider. Ai dallon në mbrojtje me ndihmën që ai i mundëson shokëve të skuadrës dhe me komunikimin e tij. Sofiani (Amrabati) është një lojtar shumë inteligjent”, ka thënë Zhoze Murinjo./Sport Ekspres/