Ishte Fadairo ai që zhbllokoi rezultatin për ekipin e Dinamos. Por festa e dinamovitëve zgjati shumë pak. Lele barazoi shifrat në ato përfundimtare, 1-1, nga pika e bardhë e 11 metërshit. Tashmë gjithçka mbetet e hapur për ndeshjen e kthimit, e cila do të luhet oas një jave në Qipro./Sport Ekspres/

Ekipi nga Andorra riktheu sërish baraspeshën në minutën e 13, kur Berlanga e dërgoi topin pas shpinës së portierit. Krasniqi kaloi sërish Dritën në epërsi në minutën e 42-të, ndërsa Lopezi vulosi shifrat përfundimtare 2-2 në minutën e 56. Tashmë kualifikimi për në grupet e Ligës së Konferencës do të vendoset javën e ardhshme në Andorra./Sport Ekspres/

Ndërkohë, dy skuadra të tjera shqiptare do të luajnë në “play off” të Ligës së Konferencës. Bëhet fjalë për Dinamon dhe për Dritën. “Nëndetësja blu” pret më 20 gusht Pafosin, duke nisur nga ora 21:00, ndërsa Drita luan në shtëpi, po më 20 gusht,  me Inter D’Escaldesin. /Sport Ekspres/

Kalendari i ekipeve shqiptare në Europë:

Liga e Europës

E enjte, 20 gusht

21:00 Egnatia – Lilestrom

Liga e Konferencës

E enjte, 20 gusht

19:00 Dinamo – Pafos

20:00 Drita – Inter D’Eskaldes

Pafosi mbetet një kundërshtar mjaft i vështirë për Dinamon, teksa sezonin e shkuar u kualifikua në grupet e Ligës së Kampionëve. Madje, arriti edhe të befasonte Europën me disa rezultate surprizë të siguruara në nivelin më të lartë të futbollit të organizuar nga UEFA. Megjithatë, Dinamo duhet fillimisht të kalojë Audën në turin e tretë kualifikues për të menduar më pas për Pafosin./Sport Ekspres/

Arbitri ndërkombëtar Enea Jorgji është caktuar nga UEFA për të drejtuar ndeshjen e raundit të tretë kualifikues të UEFA Conference League mes Debreceni VSC (Hungari) dhe FC Copenhagen (Danimarkë), e cila do të zhvillohet më 6 gusht, duke nisur nga ora 19:00, në Debrecen.

Jorgji do të ketë në ndihmë një trupë tërësisht shqiptare arbitrash. Denis Rexha dhe Xhulio Mani do të jenë arbitra asistentë, ndërsa Olsid Ferataj do të kryejë detyrën e arbitrit të katërt. Në sistemin VAR do të jetë italiani Daniele Doveri, i asistuar nga arbitri shqiptar Albert Doda në rolin e AVAR.

Ky emërim përbën një tjetër vlerësim të rëndësishëm për arbitrimin shqiptar dhe dëshmon besimin e vazhdueshëm që UEFA u jep arbitrave tanë për drejtimin e ndeshjeve në kompeticionet më prestigjioze europiane.

Angazhimi i vazhdueshëm i arbitrave shqiptarë në ndeshjet ndërkombëtare është rezultat i punës, përgatitjes profesionale dhe zhvillimit të vazhdueshëm të arbitrimit në vend, ndërsa njëkohësisht rrit edhe më tej përfaqësimin e futbollit shqiptar në arenën europiane.

Megjithatë, Dinamoja mund të ketë humbur ndeshjen, por jo shpresat për kualifikim. Rezultati minimal e lë çështjen e kualifikimit të hapur dhe fituesi përfundimtar do të caktohet në ndeshjen e kthimit, e cila do të zhvillohet në Shqipëri./Sport Ekspres/

Ekipi i Ilir Dajës do të luajë ndeshjen e fundit të fazës kualifikuese me humbësin e çiftit Salcburg (Austri) – Pafos (Qipro).  Kundërshtarë aspak të lehtë për “nëndetësen blu”, teksa Pafosi bëri befasinë e madhe sezonin e shkuar, duke u kualifikuar në grupet e Ligës së Kamoionëve.

Në krahun tjetër, shorti është treguar bujar ne Dritën. Kampionët e Kosovës do të ndeshen me humbësin e Florës së Talinit dhe Inter D’Eskaldesit. Sa i përket Shkëndijës, kundërshtar në “play off” të Ligës së Konferencës me humbësin e çiftit Gent dhe Goteborg./Sport Ekspres/

Përballja do të luhet në Hungari, në stadiumin “Nagyerdei” të Debrecenit. Ky duel është i vlefshëm për turin e tretë kualifikues të Ligës së Konferencës./Sport Ekspres/

Po në transfertë do ta nisë edhe Dinamoja turin e tretë kualifikues të Ligës së Konferencës. Ekipi i Ilir Dajës do të ndeshet më 6 gusht me Audën, e cila eleminoi dje Steauan e Bukureshtit. Ndërkaq, dy ditë më vonë në fushë do të zbresin edhe Shkëndija me Dritën, të cilat do të përballen përkatësisht me Hibernianin dhe Tre Fiorin./Sport Ekspres/

4 gusht

18:00 Auda – Dinamo (Liga e Konferencës)

21:00 Shamrok Rovers – Egnatia (Liga e Europës)

6 gusht

21:00 Hibernian – Shkëndija (Liga e Konferencës)

21:00 Tre Fiori – Drita (Liga e Konferencës)

Ndeshja u zhbllokua që në minutën e 24-t, kur Lorenco Vila e dërgoi topin në rrjetë. Dy minuta përpara përfundimit të kohës së rregullt të pjesës së parë, Qefalija dyfishoi shifrat e këtij takimi. Për të vulosur fitoren 3-0 mendoi Përndreca, i cili gjeti rrugën e rrjetës në minutën e 77. Dinamoja ka siguruar kështu kualifikimin me rezultatin e përgjithshëm 4-2, duke mbajtur gjallë shpresat për pjesëmarrjen në grupet e Ligës së Konferencës./Sport Ekspres/

Ekipi i Ilir Dajës ishte në kontroll të lojës, por një gabim i Aldo Teqjas i hoqi fitoren nga duart Dinamos. Portieri i dinamovitëve i fali topin kundërshtarit në minutën e 84-t, kur Vërbaneci shfrytëzoi rastin dhe barazoi shifrat në 1-1. Kështu, kualifikimi për në turin e tretë kualifikues të Ligës së Konferencës do të vendoset javën e ardhshme në Shqipëri, ku do të zhvillohet ndeshja e kthimit./Sport Ekspres/

Malisheva ka mposhtur Hibernianin me shifrat 2-0 në turin e dytë kualifikues. Uka zhbllokoi shifrat në minutën e 21-të, ndërsa Nafiu vulosi fitoren me golin e shënuar në minutën e 90. Ndeshja e kthimit do të zhvillohet javën e ardhshme në Skoci, ku do të përcaktohet edhe ekipi që do të kualifikohet në turin e tretë të Ligës së Konferencës./Sport Ekspres/

Ky i fundit shndërroi në gol një 11 metërsh në minutën e 29 të takimit. Por Ballkani nuk mundi të ruante dot epërsinë deri në fund të lojës. Xhejms-Tejlori barazoi shifrat në minutën 76 të ndeshjes, ndërsa në minutën e 90 Tierni përmbysi rezultatin në favor të Bohemiansit. Ndeshja e kthimit do të luhet javën e ardhshme në Kosovë, kur edhe do të përcaktohet ekipi që do të vazhdojë rrugëtimin në Ligën e Konferencës./Sport Ekspres/

Një ndeshje jo normale për të dyja skuadrat, teksa u ndërpre disa herë. Në stadium i fikën dy herë dritat për shkak të problemeve me ernergjinë elektrike. Kjo bëri që gjyqtari të akordonte 13 minuta shtesë dhe që ndeshja të zgjaste mbi 100 minuta. Pikërisht në këtë hark kohor u zgjuan edhe ekipet. Balaj realizoi me parabël në minutën e 97, por në minutën e 102-të Drina barazoi sërish shifrat në ato përfundimtare 1-1. Ndeshja e kthimit do të zhvillohet pas një jave në Prishtinë./Sport Ekspres/

Skuadra e drejtuar nga Ilir Daja ka mësuar sot rivalët e mundshëm në rast kualifikimi. Kështu, nëse kalon me sukses turin e dytë, atëherë Dinamoja do të përballet me fituesin e çiftit Steaua e Bukureshtit (Rumani) – Auda (Letoni), ku rumunët hyjnë si favoritë. Megjithatë Dinamo fillimisht duket të eleminojë Aluminijn për të menduar më pas për turin e tretë kualifikues të Ligës së Konferencës./Sport Ekspres/

Egnatia do të masë forcat në turin e dytë të Ligës së Kampionëve me Çeljen më 22 korrik, duke nisur nga ora 21:00. Në krahun tjetër Dinamo do të përballet me Aluminijn në turin e dytë kualifikues të Ligës së Konferencës më 23 korrik, duke nisur nga ora 20:00. Duke parë nivelin e kundërshtarëve që do të kenë në fushë, kualifikimi për në turin e tretë nuk është i pamundur për t’u arritur, megjithëse nuk pritet të jetë as i lehtë./Sport Ekspres/

21 korrik

19:30 Drita – Floriana

22 korrik

19:00 Bohemians – Ballkani

21:00 Egnatia – Çelje

23 korrik

16:30 Malisheva – Hibernian

20:00 Aluminij – Dinamo

20:30 Lugano – Dukagjini

20:45 Bravo – Shkëndija

Këtë herë koha e rregullt përfundoi në baraspeshë 0-0, duke bërë që skuadrat t’i drejtoheshin kohës shtesë. Megjithatë, edhe 30 minutat e shtesës nuk sollën gol për asnjërin prej ekipeve. Në këto kushte fituesi do të përcaktohej nga ruleta e penalltive. Bate Borisovi u tregua më e saktë në gjuajtjen e 11 metërshave, çka solli kualifikimin e tyre në turin e dytë të Ligës së Konferencës dhe eleminimin e Elbasanit./Sport Ekspres/

Por me të njëjtën monedhë u kundërpërgjigj edhe “nëndetësja blu”. Bruno Dita shënoi gol me penallti në minutën e 50, ndërsa në minutën e 62-të Hekuran Berisha përmbysi rezultatin. Koha e rregullt përfundoi me shifrat 1-2 për Dinamon, duke bërë që ndeshja të shkonte në shtesa.

Lorenco Villa shënoi golin e tretë në minutën e 93-të, ndërsa në të 120+5-n Mustafa Koma vulosi shifrat përfundimtare në 1-4. Dinamo bën kështu mrekullinë në Europë, duke eleminuar me goleadë në transfertë një ekip si Astana, që ka siguruar më parë edhe pjesëmarrjen në grupet e Kupave të Europës./Sport Ekspres/

Megjithatë, vendasit reaguan po në pjesën e parë të lojës. Në minutën e 37 Balaj lë topin në mënyrë inteligjente për Qaton, i cili në hyrje të zonës e dërgon topin në trekëndësh. Ndërkohë në minutën e 56, Emiljano Musta realizoi një perlë nga goditja e dënimit. Gjuajtja e tij e fuqishme përfundoi në trekëndësh, duke mos i lënë asnjë mundësi reagimi portierit. Derbi shqiptar në Europë u mbyll kështu me përmbysjen e Vllaznisë, në një duel që prodhoi tre gola njëri më mbresëlënës se tjetri. Kualifikimi do të vendoset javën e ardhshme në Kosovë, ku do të luhet edhe ndeshja e kthimit./Sport Ekspres/

Ndërkohë, goglat nuk janë treguar bujare me Elbasanin dhe Dinamon. Verdheblutë do të kenë kundërshtar Bate Borisovin, ndërsa në krahun tjetër Dinamo do të përballet me Astanën. Ndeshjet e para do të luhen më datë 9 korrik dhe ndeshjet e kthimit do të zhvillohen një javë më vonë, më 16 korrik./Sport Ekspres/

Turi i parë kualifikues i Ligës së Konferencës:

Vllaznia – Malisheva

Elbasani – Bate Borisov

Dinamo – Astana

Por nuk ka munguar edhe humori nga ana e Balliut. I pyetur se çfarë premtimi jepte nëse Rajo Vajekanoja do të fitonte trofeun, mbrojtës i krahut të djathtë u përgjigj se do t’i vendosnin flokë shokut të skuadrës, Isi Palazonit. Ai ka thënë me humor se një udhëtim në Turqi, një vend që njihet për mbjelljen e flokëve, nuk do të ishte keq për Palazonin.

“Ata (tifozët) na ndalojnë në rrugë ose në fushën e stërvitjes. Jemi të gjithë plotësisht të angazhuar. Të gjithë e kanë atë gëzim, atë shkëndijë. Kemi mbërritur në kohën e përsosur.

Çfarë premtimi do të jepja nëse do të fitonim Ligën e Konferencës? Nuk e di, ndoshta mund t’i japim Isi Palazonit një paruke ose diçka të tillë. Jam i sigurt se mund të gjejmë dikë që ta sponsorizojë. Një udhëtim në Turqi nuk do të ishte keq”, ka thënë Ivan Balliu./Sport Ekspres/

“Në edicionin e fundit në Kupat e Europës ka pasur ndryshim pozitiv. Pak më mirë se 1 vit më parë. I kemi menduar të gjitha se si mund të bëjmë ndryshime që edhe klubet shqiptare të marrin pjesë. Për nivelin e futbollit që kemi, e meritojmë që të jemi të paktën në grupet e Ligës së Konferencës. E kemi parë që një talent, sapo rritet, largohet.

Njerëzit njohin disa futbollistë që luajnë në disa ekipe të larta apo në Kombëtare, por kemi shumë emra që luajnë në Turqi, Ukrainë, Rusi, Rumani. Nëse do të kishte financa më të mira, do të kontribuonin për klubet tona dhe do të kishim rezultate të mira në Europë. Përveç imazhit pozitiv, pjesëmarrja në Ligën e Konferencës do të rregullonte edhe financat. Vendosëm që të hapet dhe të luajnë futbollistë të huaj, me idenë që do të kishim rezultate pozitive. Vitin e kaluar ishte më mirë, mendoj që do të jetë më mirë në kampionat dhe të paktën të kemi një skuadër në Ligën e Konferencës”, është shprehur Armand Duka./Sport Ekspres/

Paraqitja e Stavro Pilos u vlerësua me notën 7 nga “Sofascore”. Mbrojtësi në fjalë është përfshirë në formacionin më të mirë të javës në Ligën e Konferencës. Ndërkohë krahu i djathtë i mbrojtjes përbëhet nga një tjetrr lojtar me origjinë shqiptare, Rota./Sport Ekspres/

Goli i parë për verdhezinjtë u shënua që në minutën e 13. Protagonist në këtë gol ishte edhe Stavro Pilo. Lojtari më i ri i Kombëtares shqiptare dha asist për Zinin, i cili më pas e ndali topin në rrjetë. Ndërkohë në lojë mbeten edhe të paktën 45 minuta të tjera për të vendosur se cili ekip do të kualifikohet më tej në Ligën e Konferencës./Sport Ekspres/

Këta të fundit luajnë në kampionatin slloven dhe janë një rival i përballueshëm për Dritën. Ndërkohë, në rast kualifikimi, “intelektualët” do të sfidojnë Spartën e Pragës ose AEK-un e Athinës./Sport Ekspres/

Goglat kanë rezervuar emrin e Samsunsporit për Shkëndijën. Skuadra shqiptare do të përballet me Samsunsporin më 19 dhe më 26 shkurt. Në rast se kalon me sukes fazën “play off”, atëherë Shëkndija do të ndeshet me njërin prej Shaktjor Donjetskut dhe Rajo Vajekanos./Sport Ekspres/

Si kuqezinjtë e Tetovës, ashtu edhe skuadra gjilanase janë renditur përkatësisht në vendin e 22-të dhe të 20 të Ligës së Konferencës. Duke qenë mes 24 më të mirave, të dyja skuadrat kanë prerë kështu biletën për në fazën “play off” të këtij kompeticioni./Sport Ekspres/

Ndërkohë, Drita pati një fat të kundërt me kuqezinjtë e Tetovës. Skuadra nga Gjilani ka humbur në shtëpi me shifrat 0-3 nga AZ Alkmari. Kjo ishte edhe humbja e parë e Dritës në këtë sezon të Ligës së Konferencës. Pavarësisht kësaj humbjeje, ekipi nga Kosova mbetet në zonën që e dërgon në fazën tjetër të kompeticionit. Ndeshja e fundit e fazës së ligës do të luhet në 18 dhjetor dhe të dyja skuadrat shqiptare i presin kundërshtarë të vështirë. Shkëndija do të sfidojë AEK Larnakën në Qipro, e cila tashmë udhëheq tabelën e renditjes. Në krahun tjetër, Drita do të udhëtojë në Spanjë për t’u përballur me Rajo Vajekanon./Sport Ekspres/

Statistikat folën për Shkëndijën, por goli i Manajt në minutën e 20 i dhanë 3 pikët skuadrës nga Gjilani. Me këtë fitore Drita është ngjitur në vendin e 8 në renditje. Me 6 pikë të mbetura ende në lojë, ekipi nga Kosova është shumë pranë arritjes historike, kalimit në fazën me eleminim të drejtpërdrejtë në Ligën e Konferencës./Sport Ekspres/

Por kur në Shkup pritej vetëm vërshëllima përfundimtare për të festuar fitoren, ndodhi befasia e madhe. Jagiellonia barazoi rezultatin në minutën e 10 të shtesës. Goli i shënuar në sekondat e fundit nga Lozanoja i hoqi fitoren nga duart Shkëndijës. Tashmë skuadra shqiptare numëron një fitore, një barazim dhe një humbje në Ligën e Konferencës./Sport Ekspres/

Drita arriti ta shfrytëzonte epërsinë numerike në fushë. Ajzeraj e dërgoi topin në rrjetë në minutën e 57, duke i dhënë fitoren e parë në histori në Ligën e Kampionëve Dritës. Vlen të theksohet se ekipi nga Kosova është i pamposhtur në 3 ndeshjet e para të këtij kompeticioni./Sport Ekspres/

Rrahmani do t’i nënshtrohet vizitave mjekësore për të mësuar nëse bëhet fjalë për një dëmtim shqetësues, apo thjesht një lëndim që mund të kalojë shpejt. Mbetet për t’u parë nëse do të vihet në rrezik thërritja e tij te Kosova për dy ndeshjet vendimtare sa i përket kualifikimit bë Botëror./Sport Ekspres/

Fitorja ka ardhur në minutat e fundit të ndeshjes për klubin shqiptar. Kur po kronometrohej minuta e dytë shtesë, Patrik Bereti e dërgoi topin në rrjetën e portës së tij. Një autogol që rezultoi fatal për irlandezët, por që sollo festën te Shkëndija./Sport Ekspres/

“Kemi bërë një rrugëtim fantastik. Kemi shkuar në “play off” pas 15 viteve mungesë në Europë. Nuk mund të zëvendësosh lojtarët brenda një muaji me të gjitha këto problematika. Megjithatë, kjo ishte ndeshja ime e 60 në Europë si trajner, por një arbitrim kështu nuk e kam parë ndonjëherë. Nuk flas për kampionatin, sepse jam i dënuar nga një tjetër arbitër i UEFA-s. Do të mundohemi të bëjmë disa zëvendësime, sepse i kemi me pikatore. As rotacione nuk mund të bëjmë. Kampionati nuk ka filluar akoma.

Presim këto 2-3 ditë për të bërë një ndërhyrje në merkato, por lojtarë në mbrojtje dhe në sulm. Natyrshëm që Dinamoja, nga historia dhe tradita që ka, ka objektiva madhore. Më mirë t’i marrim gjërat me qetësi, të jemi me këmbë në tokë. Rrugës do të shohim se çfarë objektivi do të kemi.

Ne duhet të kishim ndërhyrje që në janar, sepse dihej që edhe Zabërgja, edhe Itodo… Që në janar duhet t’i kishim gjetur zëvendësuesit. Që sot të mos përballeshim me një grup të cunguar, por të përballeshim denjësisht. Megjithëse e dimë se Jagiellonia është një ekip i madh, e tregoi këtë në ndeshjen e parë. Do të doja që sot ta kishim mbyllur me një fitore”, ka deklaruar Ilir Daja./Sport Ekspres/

Ndeshja u zhbllokua në minutën e 68 nga Dejvi Bregu, por vetëm 11 minuta më vona Rallisi barazoi sërish shifrat. Kështu, Dinamoja është eleminuar nga Liga e Konferencës me shifrat e përgjithshme 4-1, duke qenë vetëm një hap larg fazës së grupeve./Sport Ekspres/

Në të njëjtin kompeticion do të marrë pjesë edhe Shkëndija. Kuqezinjtë e Tetovës janë përballur me Ludogoretsin në “play off” të Ligës së Europës. Bullgarët fituan me rezultatin 2-1, po aq sa Shkëndija në ndeshjen e parë. Sfida shkoi në shtesa, kur Ludogoretsi shënoi edhe dy herë të tjera, duke e përfunduar takimin në shifrat 4-2. Kështu, kuqezinjtë u eleminuan nga Liga e Europës, për të vazhduar rrugëtimin në grupet e Ligës së Konferencës./Sport Ekspres/

Dinamoja ka kërkuar ndihmën e tifozëve për të përmbysur këtë rezultat të thellë. Klubi ka shpërndarë një postim në faqen zyrtare në “Facebook”, ku përpos të dhënave për zhvillimin e ndeshjes, ka shkruajtur: “Edhe 90 minuta shpresë, të gjithë bashkë në stadium për Dinamon”. Kjo sfidë do të luhet më 28 gusht në “Air Albania”, duke nisur nga ora 20:45. Në rast kualifikimi, Dinamoja do të shkruante historinë, teksa për herë të parë do të kualifikohej në një turne të UEFA-s./Sport Ekspres/

“Nuk ka dyshim se jemi të kënaqur me këtë ndeshje të parë. Por është një short me dy ndeshje dhe në ndeshjen e dytë duhet të konfirmojmë atë që treguam sot, të konfirmojmë se meritojmë të avancojmë. Ne e dinim se me kë po përballeshim dhe i dinim pikat e forta të kundërshtarit.

Ajo që pashë patjetër gjatë ndeshjes ishte ajo që pashë edhe edhe në video, se disa nga lojtarët ishin shumë të shpejtë. Por kur arrita në fushë vura re se ata ishin vërtetë shumë të shpejtë. Siç thashë para ndeshjes, ky është një ekip i rrezikshëm dhe unë i qëndroj këtij mendimi edhe pas kësaj ndeshjeje. Kjo është arsyeja pse do të shkojmë atje për një takim të vështirë, jam i bindur për këtë”, ka deklaruar Adrian Siemeneku./Sport Ekspres/

Një rezultat pozitiv ka marrë edhe Drita. Skuadra nga Gjilani ka mposhtur me shifrat 2-1 Diferdanzhin në ndeshjen e parë “play off” të Ligës së Konferencës. Golat për kampionët e Kosovës u shënuan nga Dabiqaj dhe Krasniqi./Sport Ekspres/

Kur pritej që në pjesën e dytë të shihnim reagimin e Dinamos, Jagiellonia i ndëshkoi sërish. Këtë herë ishte Vojtuzeku ai që në minutën e 50 vulosi shifrat përfundimtare në 3-0. Skuadrat do të përballen përsëri një javë më vonë në “Air Albania”, kur do të përcaktohet përfundimisht se cili do të sigurojë një vend në grupet e Ligës së Konferencës./Sport Ekspres/