“Shpirti i ekipit është në nivelin më të lartë. Të gjithë e kuptojnë se ku ndodhemi në turne dhe çfarë duhet. Edhe lojtarët që nuk janë përzgjedhur po na shtyjnë përpara. Energjia në grup është shumë pozitive”, ka deklaruar Tomas Tuheli./Sport Ekspres/

“Ne kemi nivelin për të bërë gjëra të mëdha. Duhet të besojmë. Kushdo mund të jetë hero, jo vetëm unë. Ne jemi bashkë. Portieri i Kongos… urime. I takojnë merita. Ai bëri disa pritje të shkëlqyera”, është shprehur Harri Kejni./Sport Ekspres/

Megjithatë, ekipi i drejtuar nga Tuheli nuk e uli në asnjë çast ritmin. Këmbëngulja e anglezëve u shpërblye më pas me dy gola. Ishte Harri Kejni ai që përmbysi ndeshjen për “tre luanët”. Sulmuesi i Bajernit të Mynihut barazoi shifrat në minutën e 75, ndërsa në të 86-n shënoi golin e kualifikimit për Anglinë. Këta të fundit do të përballen me Meksikën në ndeshjen e vlefshme për fazën e 1/16-ave të Kupës së Botës 2026./Sport Ekspres/

Pas fitores ndaj Ekuadorit festa është zhvendosur jashtë fushës së lojës. Gati 1 milionë njerëz kanë dalë në rrugët e Meksiko Sitit, për të festuar kualifikimin e Kombëtares. Pamjet e filmuara nga ajri janë mbresëlënëse dhe dëshmojnë dashurinë dhe pasionin e pakufizuar të popullit meksikan për ekipin e tij kombëtar./Sport Ekspres/

This video is not AI, this is Mexico City after their World Cup Knockout round victory pic.twitter.com/BrG2URmEH4

— Barstool Sports (@barstoolsports) July 1, 2026

Pas përfundimit të ndeshjes, të cilën Franca e dominoi tërësisht, Deshamp shkoi të takonte lojtarët e tij. Trajneri i “trikolorëve” iu afrua sulmuesit të Mançester Sitit për t’i dhënë dorën. Por ky i fundit refuzoi, duke e injoruar kreun e pankinës franceze. Një gjest që tregoi se situata në dhomën e zhveshjes së Francës nuk është aq harmonike sa duket në fushën e lojës./Sport Ekspres/

“Djema, ju nuk po ndryshoni vetëm historinë e futbollit norvegjez, por edhe historinë e Norvegjisë në përgjithësi. Kjo është diçka kaq madhore. Nuk ka për të ndodhur kurrë. Tani do të kualifikohemi radhazi. Gjithë ajo që po ndodh në shtëpi, ajo që po ndjeni ju dhe që po ndjej edhe unë këtu, nuk do të kthehet përsëri. Kjo falë jush. Ia dolët që njerëzit t? dehen p?r 14 ditë rresht në Norvegji dhe askush të mos i shohë çuditshëm. Diçka që e krijuat ju. Sot shijoni gjithçka. Dhe prisni, Karlo Ançeloti, po vijmë për ty”, ka thënë Stale Solbakeni./Sport Ekspres/

Disa grupime personash kanë sulmuar forcat e policisë. Raportohet se marokenët kanë sulmuar forcat e rendit me fishekzjarre dhe me gurë. Situata ka dalë jashtë kontrollit, duke detyruar policinë të përdorë shkopat e gomës dhe të arrestojë agresorët./Sport Ekspres/

“Vendosëm të luanim në këtë mënyrë, sepse pësuam shumë gola në tre ndeshje. Mund ta injoronim dhe të vazhdonim si më parë, por pastaj i takon trajnerit të ndryshojë gjërat. Është mjaft e mundur që disa gjëra të përmirësohen dhe të bëhen ndryshe.

Të gjithë kanë thënë se duhet të luajmë me pesë mbrojtës. Kështu bëjmë, dhe unë kritikohem për këtë. Epo… nuk më intereson. Nëse njerëzit mendojnë se po marr një rrezik, nuk më intereson. Do të bëja sërish të njëjtën zgjedhje. A do të thotë kjo që duhet të marr vendime në rast se eliminohem? Kjo nuk i përshtatet një trajneri, dhe sigurisht jo mua”, ka deklaruar Ronald Kumani./Sport Ekspres/

“Gjithmonë u thoja atyre se rivalët që kishim përballë, me gjithë respektin e duhur, ishin stërvitur në akademitë më të mira në Europë. Ne, nga ana tjetër, vijmë nga toka e kuqe. Fanella jonë mban ngjyrat e asaj toke ku shumë filluan të luanin zbathur.

Ne vijmë nga sakrifica e prindërve që bëjnë gjithçka që është e mundur që fëmijët e tyre të stërviten, të cilët shpesh mbeten pa gjëra dhe luftojnë për të siguruar jetesën në mënyrë që t’u japin atyre mundësinë për të përmbushur një ëndërr. Sepse, cili prind nuk dëshiron ta shohë fëmijën e tij të arrijë ëndrrat e tij? Ata e bëjnë këtë me përpjekje, me sakrifica, me privime dhe, shumë herë, në heshtje. Ky është vendi nga vijmë ne.

Kjo nuk do të thotë që fituam sepse vijmë nga toka e kuqe, as që ata humbën sepse u formuan në një kontekst tjetër. Aspak. Edhe ne do të dëshironim të mbështeteshim në burimet, infrastrukturën dhe nivelin e zhvillimit që kanë. Nuk është rastësi që ata mbajnë katër yje në stemën e tyre.

Por unë kurrë nuk do ta mohoj origjinën time, sepse ato janë ato që na përcaktojnë si njerëz dhe si ekip kombëtar. Atje qëndron thelbi i gjithçkaje. Nëse do të më duhej ta shpjegoja këtë fitore, do ta bëja në atë mënyrë.

Ka qenë një demonstrim absolut i dashurisë për veten dhe bindjes. Një përzierje gjaku, sakrifice dhe utopie që bëri të mundur atë që dukej e pamundur. Pa asnjë dyshim, kjo është fitorja më e rëndësishme e karrierës sime si trajner.

Kjo është arsyeja pse i falënderova lojtarët. Faleminderit që më dhuruat një natë të paharrueshme. Pati një moment kur qëndrova duke parë stadiumin, sepse sytë dhe shqisat e mia nuk ishin të mjaftueshme për të kuptuar gjithçka që po përjetoja: atmosferën, ndjenjën dhe dashurinë e madhe që kjo skuadër tregoi për ekipin kombëtar.

Për mua, pa asnjë dyshim, ka qenë fitorja më e madhe e jetës sime. Dhe shpresoj se do të jetë vetëm e para nga shumë të tjera”, ka thënë Gustavo Alfaro./Sport Ekspres/

“Jam i disponueshëm nëse Federata e dëshiron këtë. Nëse Federata Gjermane e Futbollit nuk dëshiron (të jem trajneri i Kombëtares), duhet të ma thonë. Unë nuk jam nga ata që ikin, kjo është e pamundur”, është shprehur Julian Nagelsmani./Sport Ekspres/

Ky gjest i 41-vjeçarit ka shtuar “zjarrin” në opinionin sportiv portugez, ku po debatohet ashpër mbi rolin dhe minutazhin e tij në këtë Kampionat Botëror. Ronaldo, i cili ka qenë titullar në të tre ndeshjet e grupit, po përballet me presion në rritje për shkak të formës së tij fizike dhe kontributit në lojë.

Në mbrojtje të kapitenit ka dalë menjëherë trajneri Roberto Martinez. Ai theksoi se Ronaldo mbetet një element kyç për disiplinën taktike dhe hapësirat që krijon për shokët e skuadrës. Megjithatë, Martinez la të hapur mundësinë e ndryshimeve në formacion për ndeshjet e ardhshme, duke deklaruar se situata po monitorohet nga ndeshja në ndeshje. Mbetet të shihet nëse kjo situatë do të ndikojë në atmosferën brenda ekipit portugez në vazhdim të turneut.

“Cristiano zakonisht është në vendin e duhur në kohën e duhur. Këtu është më shumë çështje force mendore. Ai është gjithmonë i disiplinuar në pozicionin e tij dhe krijon hapësirë ??për shokët e tij të ekipit në sulm. Në këtë ndeshje, ai nuk pati probleme fizike ose mendore që do ta pengonin të luante 90 minutat e plota, por ndoshta mund të bëjmë një ndryshim në ndeshjen tjetër. Kjo vlen për çdo lojtar, ne e monitorojmë situatën nga ndeshja në ndeshje”, tha Martinez. /Sport Ekspres/

“Mendoj se me numrin e ekipeve, humbet shumë vlerë dhe kuptim. Edhe ndeshjet kualifikuese në Europë dhe Afrikë po humbasin kuptimin dhe rëndësinë e tyre, sepse ka shumë. Në ditët e sotme vendos parana dhe ne nuk e quajmë më futboll, por ‘moneyball'”, ka thënë Karlos Kierozi./Sport Ekspres/

“Do t’i thoja të bënte pedikyr herën tjetër (qesh). Është e drejtë për të gjithë dhe nuk ka protestë në këtë rast. Pati një kërkesë të veçantë për Davinsonin, që të mos e neglizhonte Kristiano Ronaldon në zonë. Ai është një lojtar vdekjeprurës atje”, ka thënë Nestor Lorenzoja./Sport Ekspres/

Por vetë lojtari argjentinas zgjodhi të ulej në stol dhe t’i jepte hapësirë shokëve të skuadrës. Një gjest që është duartrokitur edhe nga trajneri Skaloni. Ky i fundit ka thënë përpara gazetarëve se Mesi nuk është aspak i përqendruar te rekordet dhe kjo do të thotë shumë se çfarë lojtari është ai.

“Mesi mund të kishte luajtur për 90 minuta sot dhe, pa dashur të tregoj mungesë respekti për kundërshtarin, ndoshta do ta konsolidonte më tepër statusin e tij si legjendë, por ai preferoi t’i jepte hapësirë shokëve të tij të skuadrës.

Mesi nuk mendon për rekordet. Ai preferon të mendojë për të ardhmen dhe kjo do të thotë shumë, sepse nuk është i përqendruar te ato numrat që mendojnë të gjithë. Kështu që jam i gëzuar që ai mori atë vendim për të lënë shokët e skuadrës të luajnë në vendin e tij”, ka thënë Lionel Skaloni./Sport Ekspres/

Muçi kaloi një sezon të shkëlqyer me 15 gola të shënuar dhe 7 asiste të dhëna në të gjitha kompeticionet. Kjo formë e tij bindi drejtuesit t’i paguanin Beshiktashit 8.5 milionë euro. Por vetëm pak kohë më vonë Napoli është shfaqur në skenë dhe ofron dyfishin e çmimit për Muçit. Një ofertë kjo që ka bërë krerët e Trabzonsporit të ulen për diskutim. Nëse do të arrihet një marrëveshje, atëherë ky do të ishte shansi më i madh në karrierë për ish-lojtarin e Tiranës./Sport Ekspres/

Një meritë të madhe në këtë gol ka edhe Emiljano Marinezi. Portieri i Argjentinës ka dhënë një “asist” pa e prekur aspak topin. Në momentin kur ekipet po përgatiteshin për gjuajtjen e goditjes së dënimit, gardiani i Aston Vilës ndërhyn për të ndihmuar ekipin e tij.

Prej zonës së tij ai udhëzon shokët e skuadrës si të pozicionohen përpara portierit të Jordanisë në mënyrë që të bllokonin pamjen e tij. Udhëzimet e tij rezultuan të sakta, pasi portieri jordanez përfundoi në krahun e kundërt të topit, duke pësuar kështu gol./Sport Ekspres/

“Kristiano është mësuar të jetë në vendin e duhur në kohën e duhur. Ai është shumë i disiplinuar në pozicionin e tij dhe gjithashtu krijon hapësirë ??për shokët e tij të ekipit.

Gjendja e tij fizike dhe mendore nuk është në dyshim. Mund të na duhet të bëjmë ndryshime në ndeshjen tjetër, por çdo vendim e bazojmë në informacionin dhe të dhënat që kemi”, ka deklaruar Roberto Martinezi./Sport Ekspres/

Xhaka e ka mirëpritur këtë ribashkim me ish-trajnerin e tij. Mësohet se vetë mesfushori i Sunderland-it ka arritur marrëveshjen verbale me Chelsea-n, ndërsa tani pritet të gjetet gjuha e përbashkët mes dy klubeve./Sport Ekspres/

Sipas futbollistit, vështirësitë logjistike kanë qenë të jashtëzakonshme. Irani është detyruar të qëndrojë në Tijuana të Meksikës, duke pasur pengesa të vazhdueshme për udhëtimet drejt Shteteve të Bashkuara për shkak të problemeve me vizat të stafit teknik. “Është një botëror katastrofik. FIFA nuk ka zgjidhur asnjë nga problemet tona, edhe pse na ishte premtuar ndryshe,” u shpreh ai me zhgënjim.

Kulmi i deklaratave të tij erdhi kur u pyet nëse besonte se organizatorët dëshirojnë eliminimin e Iranit. Taremi u përgjigj hapur: “Të luftosh këtu është shumë e vështirë. Nuk e di nëse njerëzit e duan këtë, por nga perspektiva jonë, po, duket sikur duan të eliminohemi.” Pavarësisht këtyre pengesave, Taremi theksoi se lojtarët vazhdojnë të luftojnë për popullin e tyre, duke kërkuar të dërgojnë një mesazh paqeje, edhe pse ndjejnë një mungesë të theksuar mbështetjeje nga organet drejtuese të futbollit botëror. /Sport Ekspres/

“Ndeshje e mundshme me Brazilin? Nuk na ka mundur kurrë në histori. Në rastin tonë, nuk mund të flasim për këtë. Kemi një ndeshje të vështirë kundër Bregut të Fildishtë përpara, ata kanë një nga ekipet më të forta fizikisht. Mendoj se Brazili do të avancojë, por pastaj do të shohim se çfarë do të ndodhë.

Ka njerëz që kanë paguar shumë para për Odegardin dhe Halandin? Po, e kuptoj mendimin tuaj. Ne duam të qëndrojmë këtu dhe të luajmë sa më shumë ndeshje të jetë e mundur. Jam këtu për të marrë vendimet më të mira për të vazhduar përpara dhe për të luajtur, jo vetëm për të argëtuar. Tani duhet të ndërrojmë hotele dhe kemi një ditë pushim më pak, gjë që justifikon edhe zgjedhjen time”, ka deklaruar Stale Solbakeni./Sport Elspres/

Por kjo humbje nuk i ka shqetësuar aspak nordikët. Këta të fundit luajtën me formacionin e dytë dhe prisnin të pësonin disfatë në fund. Një humbje i dërgonte ata në vendin e dytë, çka përkthehej në kundërshtar më të lehtë në raundin pasardhës. Tashmë Norvegjia do të përballet me Bregun e Fildishtë. ndërsa Franca do të ketë rival Suedinë./Sport Ekspres/

“Dikur kisha një lojtar që nuk donte të merrte një injeksion të vogël për të luajtur një ndeshje. Hoqa këpucën dhe çorapet, ia vura këmbën pikërisht përpara fytyrës dhe i thashë mjekut: ‘Më bëni injeksionin’. Ai ma bëri dhe gishti im i këmbës ishte perfekt.

Pastaj i thashë lojtarit: ‘Eja, edhe ti mund ta bësh’. Ai tha: ‘Jo, je i çmendur’… mirë”. Ai nuk luajti asnjë ndeshje me mua pas kësaj”, ka treguar Zhoze Murinjo./Sport Ekspres/

Me ketë fitore Ekuadori ka siguruar kualifikimin më tej si një ndër ekipet e treta më të mira. Gjithashtu së bashku me të dhe Gjermaninë është kualifikuar edhe Bregu i Fildisht?./Sport Ekspres/

“Nëse do të isha brazilian dhe do të më pyesnin për emrin e trajnerit ideal për ekipin kombëtar, nuk do të kisha asnjë dyshim: Karlo. Ai mund të drejtojë çdo ekip kombëtar me një ngritje të vetullës së tij. Mendoj se Brazili ka potencial të madh, por dikush duhet ta nxjerrë atë në pah. Atyre u mungon pak disiplinë taktike dhe nuk ka person më të mirë për t’i ndihmuar të përmirësohen. Karlo është i pabesueshëm, brazilianët janë me fat”, ka deklaruar Jurgen Klopi./Sport Ekspres/

Ndërkohë në krahun tjetër Bosnja ka mposhtur Katarin me shifrat 3-1. Kjo fitore e rendit skuadrën ballkanike në vendin e 3-të në grupin B me 4 pikë të grumbulluara. Tashmë boshnjakët do të presin me ankth përfundimin e të gjitha ndeshjeve në grupet e tjera, për t? mësuar nëse do të kualifikohet më tej si një prej ekipeve më të mira të renditura në vendin e 3-të./Sport Ekspres/

Kështu, shënjestra e Xhakës ndryshoi dhe shkelmi i tij gjeti këmbën e Larinit. Pavarësisht goditjes, Graniti nuk u ndëshkua me karton të kuq nga gjyqtari i ndeshjes. Ky vendim ka shkaktuar një debat në rrjet, teksa një pjesë mendojnë se lojtari shqiptar duhej ndëshkuar ne karton të kuq./Sport Ekspres/

Granit Xhaka you better sleep with one eye open boy. pic.twitter.com/k9AjyyADqB

— Just Saints (@JustSaints_) June 24, 2026

“Është e vërtetë, kemi mundësinë të bëjmë histori. Ne donim të ishim këtu dhe tani duam të përpiqemi të marrim tre pikët. Sigurisht, kemi një ndeshje shumë të vështirë, sepse kjo është Kupa e Botës. I dimë vështirësitë që do të hasim kundër Bosnjës, një ekipi me kaq shumë cilësi. Por jemi të emocionuar dhe të gatshëm për ndeshjen”, ka thënë Julien Lopetegui./Sport Ekspres/

Ky zhvillim ka shkaktuar një “tërmet” në ambientin sportiv senegalez, duke ngritur pikëpyetje të mëdha mbi hierarkinë dhe harmoninë brenda grupit. Raportohet se lojtarët kryesorë ndërhynë për ta zëvendësuar kapitenin për shkak të performancës së tij të dobët në fushë. Një lëvizje e tillë, e cila anashkalon autoritetin e stafit teknik, hedh dritë mbi një situatë tepër të tensionuar në përfaqësuese. Nëse këto pretendime konfirmohen, ky episod rrezikon të destabilizojë moralin e ekipit në një moment vendimtar, duke shndërruar dhomat e zhveshjes në një vatër konfliktesh që mund të ndikojnë ndjeshëm në vazhdimësinë e tyre në këtë Kupë Bote. /Sport Ekspres/

Sulmuesi i Argjentinës, Julian Alvarez, i shokoi të gjithë pas fitores kundër Austrisë. Ai qëndroi para kamerave dhe tha publikisht se donte të largohej nga Atletico Madrid dhe “ta bënte ëndrrën e tij realitet”. Ai nuk specifikoi se cili klub është ëndrra e tij, sepse Real Madridi tashmë ka ofruar 150 milionë euro për të, dhe Barcelona dhe Paris Saint-Germain gjithashtu e duan. Megjithatë, në fund të fundit supozohet të jetë Barcelona.

Pavarësisht penalltisë së humbur kundër Austrisë, ai shleu gabimin e tij duke tundur rrjetën në minutën e 38. Ndërkohë, kur po numëroheshin sekondat e fundit të ndeshjes, ishte përsëri ish-lojtari i Barcelonës ai që me të majtën e tij gjeti rrugën e rrjetës. Dy golat e tij i dhanë fitoren 2-0 Argjentinës përballë Austrisë, duke siguruar kështu kualifikimin në fazën pasardhëse. Mesi deri më tani ka treguar se është vetë Argjentina, teksa të 5 golat e shënuar nga Kombëtarja amerikano-jugore deri më tani mbajnë autorësinë e tij./Sport Ekspres/

“Më i miri midis Kejnit, Halandit, Mesit dhe meje? Mesi, kjo është e qartë. Ai është më i miri përkrahë Kristianos. Nuk do të luaj futboll në moshën 40 vjeçare… do të më kishit nxjerrë jashtë deri atëherë”, ka thënë Kilian Mbapeja./Sport Ekspres/

Një prej ndërhyrjeve të rëndësishme po realizohet në “Shtëpinë e Futbollit”, ku dy fushat me bar natyral i janë nënshtruar një procesi të plotë rehabilitimi. Pas heqjes së tapetit ekzistues, në ditët në vijim do të nisë mbjellja e barit të ri.

Ky është një investim i planifikuar nga FSHF, që synon rritjen e cilësisë së terreneve stërvitore dhe krijimin e kushteve optimale për ekipet kombëtare dhe aktivitetet e futbollit në vend.

Punimet po ecin sipas afateve të parashikuara dhe fushat pritet të jenë gati për përdorim në mesin e muajit shtator.

“Këtë vit, me vullnetin e Zotit, do të bëhemi kampionë. Duhet t’u sjellim buzëqeshje këtyre tifozëve, këtij komuniteti”, ka thënë Ismail Kartali. Nga ana tjetër Vedat Muriqi i është përgjigjur me fjalët: “Të gjithë kemi nevojë për të (titullin kampion), trajner”./Sport Ekspres/

Gardiani i Kuraçaos ka thënë me buzëqeshje se i vjen keq që nuk e theu rekordin, por nga ana tjetër ka shtuar me humor se pret t’i kushtohet një statujë në vendin e tij.

“Është për të ardhur keq, por jam ende krenar, sepse mendoj se ai vuajti pak nga televizori… Megjithatë, pres që të më ngrenë një statujë në Kuraçao.

Emocioni? I madh. Jam i hutuar, kam kaq shumë gjëra në kokën time dhe mendoj për babanë tim që ishte këtu me mua. Dhashë gjithçka që kisha. Dhe kështu bëri edhe ekipi. Është e pabesueshme që kombi më i vogël ka arritur ndonjëherë të arrijë një rezultat të tillë. Kjo tregon se jemi një grup i veçantë”, është shprehur Eloi Rumi./Sport Ekspres/

“Si ia bëj? Nuk e di. Mundohem të sjell vetëbesimin tim në fushë. E di që mund të shënoj në çdo ndeshje, veçanërisht me këta lojtarë të jashtëzakonshëm përreth meje.

Çfarë doni të thoni me vështirësi? Ne pësuam një gol dhe pastaj ushtruam presion. E tëra që mungonte ishte lëvizja e fundit, dhe nëse luan kaq gjatë në një portë, topi do të shkojë në rrjetë në një moment. Falë Zotit ndodhi kur hyra unë në fushë, kështu që një ndeshje e tillë mund të ndryshojë tashmë. Sigurisht, Bregu i Fildishtë pati shumë mundësi për kundërsulme, por ne u mbrojtëm mirë”, ka thënë Deniz Undavi./Sport Ekspres/

Gjermanët provuan të barazonin, por hasën vështirësi. Goli për ta u shënua vetëm në minutën e 68, kur Undavi e dërgoi topin në rrjetë. Loja u duk se do të shkonte drejt barazimit, por në sekondat e fundit Undavi shënoi përsëri dhe përmbysi shifrat në 2-1. Me këtë fitore Gjermania ka siguruar kualifikimin në fazën me eleminim të drejtpërdrejtë./Sport Ekspres/

Sipas tij, dështimet dhe zhgënjimet në kompeticionet e kaluara tashmë i përkasin së shkuarës dhe kanë shërbyer si një mësim i vlefshëm për t’u rritur. Kimmich nënvizoi se atmosfera brenda kampit gjerman është e shkëlqyer dhe se lojtarët janë më të bashkuar se kurrë për të rikthyer Gjermaninë në majat e futbollit botëror.

“Atmosfera është gjithmonë pozitive kur fitohet një ndeshje. Por unë e vlerësova pozitivisht edhe para ndeshjes së parë. Jo çdo ditë është perfekte, por është e rëndësishme që të gjithë ta kuptojmë mirë njëri-tjetrin në mënyrë që të punojmë drejt qëllimit tonë.

Shumë ekspertë thonë se lojtarët tanë deheshin bashkë dhe se gjithçka ishte perfekte pas kësaj fitore të thellë. Unë nuk besoj në këtë. Unë besoj se nëse jep më të mirën tënde në fushë, atëherë mund ta forcosh më tej atë ndjenjë bashkësie, edhe nëse pi ujë të qetë vetëm në mbrëmje”, tha Kimich. /Elio Hajdari-Sport Ekspres/

Kjo fitore e ngjit Marokun në krye të tabelës së Grupit C, duke e bërë situatën në grup shumë të nxehtë para ndeshjeve vendimtare. Për trajnerin Steve Clarke dhe ekipin skocez, kjo disfatë kërkon reagim të menjëhershëm, ndërsa Maroku dëshmon edhe një herë se është një prej kombëtareve më të organizuara të këtij kompeticioni. Tifozët presin me padurim raundin final, ku do të vendosen fatet e skuadrave për kalimin në fazën eliminatore. /Sport Ekspres/

“Jashari është një lojtar shumë inteligjent. Edhe ai u pengua nga disa probleme fizike, por më pas u përmirësua në gjysmën e dytë të sezonit. Ai kishte nevojë për kohë për t’u përshtatur në vitin e tij të parë në një ligë tjetër dhe në një klub të madh. Mendoj se do të lulëzojë, po. Një lojtar që mund të rritet hap pas hapi në Milan, duke dëshmuar se mund të arrijë nivelin më të lartë. Mendoj se ai është një lojtar fantastik që tifozët kuqezi do ta duan. Mos kini dyshime për cilësinë e tij”, është shprehur Georges Leekens./Sport Ekspres/

“Nuk jam i fiksuar pas golave. Dua të argëtohem dhe të fitoj. Nuk jam i interesuar të shënoj shumë gola dhe pastaj të eliminohem nga turneu. Mesi? Çdo ndeshje vërteton se ai është më i miri i të gjitha kohërave. Idhulli im është Nejmari, por Mesi është numri një. Një përballje me Argjentinën? Për të fituar një Kupë Bote, duhet të mposhtësh më të mirët. Ne jemi Spanja dhe duam të konkurrojmë me ta”, ka thënë Lamin Jamali./Sport Ekspres/