Milani u ndëshkua nga një gabim i rëndë i portierit Lorenzo Torriani. Në përpjekje për të kontrolluar një pasim mbrapa nga mbrojtja, gardiani italian bëri një prekje të gabuar të topit dhe nuk e kuptoi se kundërshtarët po i afroheshin me shpejtësi. Zachariassen i rrëmbeu topin, ndërsa Torriani e pengoi në momentin e daljes, por gjyqtari lejoi vazhdimin e aksionit.

Përfituesi ishte Lenny Joseph, i cili e kishte të lehtë ta dërgonte topin në rrjetën e boshatisur. Një gol që shkaktoi zhgënjim të madh te tifozët vendas dhe vuri në pikëpyetje paraqitjen e portierit të ri.

Problemet për Milanin u thellua në minutën e 66-të, kur i njëjti lojtar, Joseph, përfitoi nga një tjetër kundërsulm i shpejtë për të realizuar golin e dytë. Zachariassen ishte sërish protagonist me asistin, duke kompletuar një mbrëmje fantastike për skuadrën hungareze. As kartoni i kuq i Bamidele Yusuf në minutën e 77-të nuk i ndihmoi italianët të riktheheshin në lojë.

Kështu, Milani pëson një tjetër goditje të rëndë në Europa League, ndërsa Ferencvarosh konfirmon se nuk është rastësisht mes skuadrave më të mira të kompeticionit. Një fitore e madhe për hungarezët, por një natë me shumë pikëpyetje për kuqezinjtë. /Sport Ekspres/

“Erdhi dita t’ua kthej të gjithëve fanellën me numrin 7 të kombëtares sonë. Nuk ishte një vendim i lehtë, sepse disa vendime nuk merren vetëm me mendje, por edhe me zemër.

Doja të fitoja, të isha më i miri, të hyja në histori dhe dhashë gjithçka për atë fanellë. Kam dështuar gjithashtu, kam vuajtur gjithashtu. Por unë kurrë nuk hoqa dorë.

Golat zbehen, trofetë mbeten në muze, ndërsa rekordet, herët a vonë, thyhen. Por ka diçka që koha nuk mund ta fshijë kurrë: vendin që kemi në zemrat e njerëzve. Nëse ndonjëherë ju kam bërë të lumtur, nëse ndonjëherë golat e mi ju kanë bërë të përqafoni dikë, të harronit diçka ose të ndiheshit krenar për kombin tonë, atëherë ia ka vlejtur.

E kalova jetën time duke punuar për t’u bërë lojtari më i mirë në botë. Sot e kuptoj se fitorja më e madhe ishte fakti që fitova të drejtën për të përfaqësuar vendin më të mirë në botë.

Fanella me numrin 7 mbetet. Krenaria që e kam veshur do të mbetet e imja përgjithmonë. Portugalia do të mbetet brenda meje përgjithmonë”, është shprehur ndër të tjera Kristiano Ronaldo./Sport Ekspres/

Portugal estará sempre em mim https://t.co/dnFj51rxmh

— Cristiano Ronaldo (@Cristiano) November 5, 2026

I pyetur për mundësinë që sulmuesi brazilian të fitojë çmimin më prestigjioz individual në futboll, Flick nuk ka ngurruar të shprehë bindjen e tij. “Raphinha mund ta fitojë Topin e Artë vitin e ardhshëm, jam i sigurt për këtë”, deklaroi trajneri gjerman.

Shifrat e brazilianit e mbështesin entuziazmin e teknikut. Në 13 ndeshje të luajtura këtë sezon me Barcelonën, Raphinha ka realizuar plot 19 gola dhe ka dhënë edhe 3 asistime. Ironia qëndron te fakti se braziliani nuk u përfshi as në 30 kandidatët për Topin e Artë këtë vit, pavarësisht paraqitjeve të shkëlqyera. Tashmë, me këto statistika, ai kërkon të hyjë fuqishëm në garën për çmimin e madh të vitit 2027. Megjithatë, konkurrenca pritet të jetë e fortë, veçanërisht nga shoku i tij i skuadrës, Lamine Yamal. /Sport Ekspres/

Mbrojtësi i Kombëtares shqiptare po shfaq një nivel të lartë në Ligën e Kampionëve, ku deri më tani numëron një gol dhe një asist. Megjithatë, sot është momenti për të treguar se sa vlen, pasi përballë do të ketë një superfuqi si Reali i Madridit. Me Diomandenë në krahun e djathtë diçka është e sigurt për Pilon, do të përjetojë mbrëmjen më të lodhshme të karrierës së tij./Sport Ekspres/

“Luajtëm në të njëjtën mënyrë, me të njëjtën ambicie, pa u përqendruar te ndeshja apo rezultati. Kur luan në të njëjtën mënyrë, çdo gjë që ndodh është pozitive. E respektuam kundërshtarin, duke luajtur me të njëjtin intensitet gjatë gjithë ndeshjes. Është e vështirë për çdo skuadër që pëson tre gola brenda pesë minutash të marrë veten.

Tre zëvendësimet ishin një shaka. Nëse rezultati ishte 0-0 dhe ata nxjerrin jashtë tre lojtarë, e pastaj unë shtyj njërin prej tyre, i cili merr karton të verdhë, por lejohet të vazhdojë lojën… atëherë do t’i kisha shtyrë edhe dy të tjerët. Çfarë është kjo, lojë fëmijësh? Le t’i respektojmë profesionistët, ashtu siç respektojmë ekipin e gjyqtarëve”, ka thënë Luis Enrike./Sport Ekspres

“Sot ishte një përvojë e mirë, por një rezultat i keq. U përballëm me një ekip që luan në një nivel shumë të lartë, diçka që nuk e shohim në Premier League”, ka. thënë ndër të tjera Unai Emeri./Sport Ekspres/

Sulmuesi spanjoll realizoi golin e avantazhit për Barcelonën në përballjen ndaj Aston Villas, në minutën e tetë të takimit, duke shfrytëzuar një gabim në mbrojtjen e skuadrës angleze. Ky gol ishte i veçantë për 19-vjeçarin, pasi e çoi në kuotën e 14 realizimeve në Champions League përpara se të mbushë 20 vjeç.

Në këtë mënyrë, Yamal ka kaluar Kylian Mbappe, i cili mbante rekordin me 13 gola të shënuar në kompeticionin më të rëndësishëm europian për klube përpara ditëlindjes së tij të 20-të. Pas tyre në këtë renditje pozicionohet Erling Haaland, me 10 gola, ndërsa diferenca me dy yjet e tjerë është tashmë e konsiderueshme.

Ajo që e bën edhe më të jashtëzakonshëm këtë rekord është fakti se Yamal do të festojë 20-vjetorin vetëm më 13 korrik 2027. Kjo do të thotë se ylli i Barcelonës ka ende kohë për ta përmirësuar ndjeshëm këtë statistikë dhe për ta bërë rekordin edhe më të vështirë për t’u thyer. /Sport Ekspres/

Roma e nisi në mënyrën më të mirë takimin, duke kaluar në avantazh në minutën e 11-të me Matias Soulé. Vetëm shtatë minuta më vonë, Donyell Malen dyfishoi shifrat nga pika e bardhë e penalltisë, duke e vështirësuar ndjeshëm misionin e vendasve. Manchester United u rikthye në lojë në minutën e 58-të, kur Bruno Fernandes realizoi një penallti të përsëritur, pasi tentativa e parë ishte ndalur nga portieri kundërshtar.

Kur Roma mendonte se do të largohej me një fitore të madhe, në skenë doli Matheus Cunha. Sulmuesi brazilian barazoi shifrat në minutën e 83-të, ndërsa vetëm tre minuta më vonë realizoi golin e përmbysjes, duke shpërthyer festën në “Old Trafford”. Cunha u ndëshkua me karton të kuq në minutat shtesë, por United arriti të ruante avantazhin deri në fund, duke siguruar një triumf 3-2. /Sport Ekspres/

“Të gjithë kemi fituar dhe të gjithë kemi humbur. Kam kaluar nëpër situata të panumërta ku, në sytë e shumë njerëzve, kam qenë një dështak. Por ky “dështaku” ka vazhduar të evoluojë dhe të përmirësohet, sepse ky është pikërisht mentaliteti që duhet të ketë një trajner. E tani, të gjithë mendojnë se unë jam “i zgjedhuri” apo diçka e tillë. Por e gjitha është gënjeshtër, thjesht gënjeshtër. E rëndësishme është të ndjekësh rrugën tënde”, ka deklaruar Luis Enrike./Sport Ekspres/

Ky çmim i është dorëzuar gjatë ceremonisë së organizuar nga Shoqata Panhelenike e Futbollistëve Profesionistë, e cila përkonte me 45 vjetorin e krijimit të kësaj organizate. Gjithashtu, Tomas Strakosha është përfshirë në formacionin më të mirë të sezonit 2025/26 të kampionatit grek./Sport Ekspres/

Por ajo që bie më shumë në sy është statistika e tij përpara portës. Sulmuesi i ri ka realizuar plot 148 gola në kategoritë e moshave, duke treguar një instinkt të jashtëzakonshëm golashënuesi. Ai aktivizohet si numër nëntë në ekipin e moshave të Real Madridit dhe spikat për forcën fizike, shpejtësinë dhe dominimin në duele. Lopez ka shkëlqyer edhe me Spanjën U-15, me të cilën fitoi Kupën e Botës për këtë grupmoshë. Në ndeshjen ndaj Barbadosit, ai realizoi një tregolësh brenda vetëm nëntë minutave. Sigurisht, rruga drejt futbollit profesionist është ende e gjatë, por Reali duket se ka një perlë të vërtetë në akademinë e tij. /Sport Ekspres/

“Luajtëm me zemër. Allajbegoviçi është një lojtar shumë i fortë. Sot, para ndeshjes, folëm me Zhegrovën dhe thamë të gjuajmë më shumë. E kishim këtë ndër mend. Ai e ka atë goditje, duhet ta përdorë më shpesh dhe duhet ta bëjë këtë me bindjen që tregoi sot”, është shprehur Zheremi Boga./Sport Ekspres/

Prej disa ndeshjeve, Como po merr një dorë të madhe dhe nga arbitrat. Kjo ndodhi edhe në fitoren e sotme 1-0 kundër Venecias, atje ku goli i vetëm i takimit u shënua nga penalltia, ndërsa në krahun tjetër, Venecias iu mohua një penallti e pastër. /Sport Ekspres/

Il braccio si allarga, il corpo è in area: come è possibili le che non sia rigore dopo revisione? E soprattutto, perché episodi uguali sono stati giudicati rigore? Inaccettabile https://t.co/AgxC2DygQq

— Marco Giordano (@MarcoGiordano6) November 1, 2026

Rezultati u zhbllokua shumë shpejt, teksa Pulisiçi e dërgoi topin në rrjetë që në minutën e 4-t. Vetëm 6 minuta më vonë Rabio dyfishoi shifrat për kuqezinjtë. Bastoni ngushtoi diferencat për Interin në minutën e 22-të, por goli i tij në fund do t’i shërbente vetëm statistikave. Moreira tundi rrjetën në minutën e 43-të, duke vulosur kështu një herë e mirë fitoren e Milanit.

Pas këtij triumfi në derbi, ekipi i drejtuar nga Amorimi u ngjit në vendin e 4-t në renditje, vetën 4 pikë larg kreut të Serisë A. Në krahun tjetër, zikaltrit rrezikojnë të humbin edhe vendin e parë në tabelën e klasifikimit./Sport Ekspres/

Në minutën e 65, Shpendi u gjend në çastin e duhur dhe në vendin e duhur për ta shtyrë topin në rrjetë. Goli i tij i dha barazimin 1-1 Çezenës përballë Sudtirolit. e vlefshme për javën e 10 të Serisë B. Ndërkohë, ky ishte goli i 8 i shë nuar në kampionat për Kristianin, i cili deri më tani udhëheq listën e golashënuesëve më të mirë në Serinë B italiane./Sport Ekspres/

Më pas, portugezi ka theksuar se sulmuesi e meriton plotësisht këtë trofe, i cili do të ishte një vlerësim i madh për gjithçka ka bërë gjatë karrierës së tij. “Ai e meriton Topin e Artë. Do të ishte qershia mbi tortë e karrierës së tij”, ka përfunduar Mourinho. Deklarata e tij vjen në një moment të veçantë për Kane, i cili është shpallur fitues i Topit të Artë 2026, duke lënë pas emra të mëdhenj si Kylian Mbappé dhe Lamine Yamal. Sulmuesi anglez ka realizuar një sezon të jashtëzakonshëm, me 73 gola për klubin dhe kombëtaren, duke u shpërblyer me çmimin më të madh individual në futboll. /Sport Ekspres/

Pjesa e parë ishte e luftuar, me të dyja skuadrat që provuan të gjenin rrugën drejt rrjetës. Manchester United madje pati një gol të anuluar për pozicion jashtë loje, pas ndërhyrjes së VAR-it. Në minutën e 50-të, Morgan Rogers zhbllokoi rezultatin për Chelsea-n, pas një aksioni individual fantastik. Ky gol i dha më shumë qetësi skuadrës londineze, që nisi të kontrollonte më mirë lojën.

Momenti vendimtar erdhi në minutat e fundit, kur Lisandro Martinez u ndëshkua me dy kartonë të verdhë brenda një kohe shumë të shkurtër, duke lënë Manchester United me 10 lojtarë. Chelsea fitoi penallti dhe Cole Palmer u tregua i saktë nga pika e bardhë në minutën e 64-t. Kështu, Chelsea siguroi tri pikë të rëndësishme, ndërsa Manchester United vazhdon të zhgënjejë dhe kriza e skuadrës së Michael Carrick bëhet gjithnjë e më e thellë. /Sport Ekspres/

Sipas raportimeve të mediave, sulmuesi brazilian dëshiron të shfrytëzojë pushimin nga kombëtarja për t’u rikuperuar plotësisht nga dëmtimi dhe për të rifituar formën e tij më të mirë. Megjithatë, kjo kërkesë nuk është pritur mirë nga Ancelotti, i cili e konsideron Raphinhën një element të rëndësishëm për planet e tij.

Për këtë arsye, klubi katalanas ka ndërhyrë gjithashtu, duke kontaktuar Federatën Braziliane të Futbollit për të kërkuar që Raphinha të lihet jashtë grumbullimit të ardhshëm.

Brazili pritet të luajë ndaj Japonisë më 14 nëntor dhe Singaporit më 17 nëntor. Udhëtimi i gjatë drejt Azisë është një tjetër shqetësim për Barcelonën, e cila dëshiron që sulmuesi të rikthehet në gjendjen e tij optimale fizike.

Tashmë, vendimi përfundimtar i takon Ancelottit, i cili pritet të shpallë listën e lojtarëve më 29 tetor. Mbetet për t’u parë nëse trajneri italian do të respektojë kërkesën e futbollistit apo do të insistojë ta ketë në dispozicion për dy miqësoret e ardhshme. /Sport Ekspres/

Në atë vit, Ronaldo vinte pas një sezoni të suksesshëm me Real Madridin, me të cilin kishte fituar Ligën e Kampionëve. Megjithatë, trofeu individual shkoi për Modriçin, i cili kishte udhëhequr Kroacinë drejt finales së Kupës së Botës në Rusi.

Benatia kujton se Ronaldo ishte shumë i zhgënjyer kur mësoi se nuk do ta fitonte çmimin.

“Mbaj mend vitin kur ai erdhi te Juventusi. Donte të fitonte Topin e Artë, por e fitoi Modriçi. Cristiano ishte aq i lënduar sa nuk mund ta fshihte”, tregoi ish-futbollisti maroken.

Sipas Benatias, ylli portugez ishte shumë i përqendruar te fitimi i këtij trofeu dhe reagoi me zemërim ndaj organizatorëve, pasi dëshironte me çdo kusht ta fitonte për herë të gjashtë.

Në renditjen përfundimtare të vitit 2018, Modriç grumbulloi 753 pikë, ndërsa Ronaldo u rendit i dyti me 476 pikë. Pas tyre u pozicionuan Antoine Griezmann, Kylian Mbappé dhe Lionel Messi. Ky episod tregon edhe një herë se sa e fortë ishte ambicia e Ronaldos për të qëndruar në majën e futbollit botëror. /Sport Ekspres/

Takimi nisi në mënyrë të vështirë për vendasit, pasi Bologna kaloi në avantazh që në minutën e 8-të me Samuel Mbangulën. Milani reagoi shpejt dhe gjeti barazimin në minutën e 14-të me Cissé, i cili u shfaq sërish në minutën e 27-të, duke përmbysur rezultatin në 2-1.

Megjithatë, pjesa e dytë solli një tjetër histori. Në minutën e 60-të, Davide Bartesaghi dërgoi topin në rrjetën e gabuar, duke i dhënë Bolognës barazimin. Vetëm dy minuta më vonë, Mbangula shënoi golin e dytë personal dhe riktheu miqtë në avantazh.

Milani u përpoq të reagonte, por Bologna goditi sërish në minutën e 86-të. Mbangula kompletoi tregolëshin, duke vulosur fitoren e madhe 4-2 në “San Siro”. Një përmbysje e jashtëzakonshme për Bolognën, që i shkakton Milanit një humbje të rëndë dhe i jep fund nisjes së pamposhtur të kuqezinjve në kampionat. Një mbrëmje për t’u harruar për vendasit dhe një triumf për t’u mbajtur mend për miqtë. /Sport Ekspres/

“Krahasimet me trajnerin më pëlqejnë gjithmonë, por ai ka shënuar shumë më tepër se unë. Jam shumë i lumtur që kam shënuar një gol të bukur dhe, mbi të gjitha, për fitoren. Ishte e rëndësishme t’i ktheheshim fitoreve dhe e bëmë këtë në mënyrën më të mirë të mundshme, para tifozëve tanë.

Mungesa e golave prej disa ndeshjesh? Për një sulmues që ushqehet me gola, momente të tilla mund të ndodhin gjatë gjithë sezonit. E rëndësishme është të dish si të reagosh. Jam i lumtur që jam rikthyer te golat, por gjëja më e rëndësishme ishte grupi. Shiriti i kapitenit? Është gjithmonë kënaqësi ta mbash, dhe mbi të gjitha, është një nder”, ka deklaruar Kristian Shpendi./Sport Ekspres/

“Sot, Topi i Artë është paksa çështje marketingu. Ua japin atyre që kanë më shumë ndjekës në Instagram ose atyre që dinë të flasin më mirë. Nëse ulesh dhe shikon një ndeshje futbolli, ajo që ka bërë Leo është e pakrahasueshme. Nuk kam parë kurrë askënd të bëjë atë që ka bërë ai.

Ekziston një keqkuptim se kushdo që fiton Ligën e Kampionëve apo Kupën e Botës duhet ta fitojë çmimin, por ajo që ai bën dhe krijon është diçka që nuk e kam parë askënd tjetër ta bëjë. Lamini, Harri dhe Mbapeja janë tre lojtarë fenomenalë, të jashtëzakonshëm. Këta djem janë jashtëzakonisht të fortë, kanë statistika të jashtëzakonshme, por ajo që bëri Leo ishte diçka ndryshe”, është shprehur Kriatian Romero./Sport Ekspres/

“Është një rastësi e madhe që ‘Topin e Artë’ të 70-vjetorit po e sjellin në Londër dhe që dikush nga Londra e fiton atë. Çfarë rastësie, apo jo? Është një rastësi e jashtëzakonshme. Lamini dhe Mbapeja e meritojnë më shumë. Mjafton të shihni fytyrën e Kejnit kur ia përmendin emrin.

Ai nuk e kishte imagjinuar kurrë se do ta fitonte ‘Topin e Artë’. Mendonte se Lamini dhe Mbapeja do të ishin para tij. Nuk bën një fytyrë të tillë nëse fiton ‘Topin e Artë’ dhe mendon se e meriton. Ai madje nuk dinte as si ta vishte xhaketën”, është shprehur Guti./Sport Ekspres/

Nis nga kjo situatë e krijuar, Kilian Mbapeja ka reaguar publikisht. Ai i ka kërkuar falje publike komunitetit kinez, për të cilin është shprehur se gëzon respektin e tij.

“Gjatë një interviste të fundit, reago,va ndaj një fotografie në të cilën shfaqesha unë. Komenti im ishte i pamenduar mirë dhe sot e kuptoj se ai ka lënduar shumë njerëz në Kinë, si dhe anëtarë të komunitetit kinez në mbarë botën. U kërkoj ndjesë të gjithë atyre që mund të jenë ndjerë të fyer nga fjalët e mia. Kjo nuk ishte aspak qëllimi im. Kam respekt të thellë për popullin kinez dhe historinë e tij, dhe më vjen sinqerisht keq për këtë”, ka thënë Kilian Mbapeja./Sport Ekspres/

Talenti i Barcelonës kishte besim se do të merrte në duart e tij çmimin më prestigjoz për një futbollist, por në sallë ishte emri Kejnit ai që u thërrit. Jamali nuk u përpoq aspak për ta fshehur zhgënjimin. Kjo ndjesi dukej qartësisht në fytyrën e tij, e cila nuk kishte se si t’i shpëtonte kamerave. Reagimi i lojtarit spanjoll ka bërë jehonë të madhe në mediat botërore, teksa ishte mjaft i sinqertë dhe i pafiltruar./Sport Ekspres/

Concernant Yamal maintenant
Petit, va chercher ce trophée
Porte le Barça
Fait des gros matchs dans des gros matchs et tu l’auras facilement
Vamos Lamine https://t.co/9cuH9Y8XA3

— Loguito Fcb (@Loguito6) October 26, 2026

Duka gjenden pranë Joan Laportës, i cili tërhoqi trofeun e klubit më të mirë në kategorinë e femrave për vitin 2026, që u fitua nga Barcelona. Ndërkohë, mbrëmja kulmoi me dorëzimin e Topit të Artë në kategorinë e meshkujve, i cili shkoi në duart e Herri Kejnit./Sport Ekspres/

Ndërkohë De La Fuente është shpallur trajneri më i mirë i vitit, ndërsa Unai Simon është vlerësur si portieri më i mirë për vitin 2026./Sport Ekspres/

“El Clasico” u zhbllokua në minutën e 42-të të lojës, kur Mbapeja e dërgoi topin n? rrjetë. Barcelona u përgjigj me Rafinjën në minutën e 61-të, por Mbapeja shënoi sërish në minutën e 87, kur edhe vulosi fitoren e Realit të Madridit./Sport Ekspres/

Takimi nisi në mënyrë të jashtëzakonshme, me Romano Schmid që kaloi Frosinonen në avantazh që në minutën e parë. Atalanta reagoi në minutën e 14-të me Nikola Krstovic, por vetëm tre minuta më vonë Schmid realizoi sërish, duke rikthyer epërsinë e miqve.

Vendasit nuk u dorëzuan dhe Ederson barazoi rezultatin në minutën e 33-të nga pika e bardhë. Në fundin e pjesës së parë, Krstovic shënoi golin e dytë personal, duke përmbysur gjithçka në 3-2.

Edhe pjesa e dytë nisi me spektakël. Giacomo Calo barazoi në minutën e 48-të, ndërsa Eljif Elmas riktheu menjëherë Atalantën në avantazh, duke realizuar golin e rezultatit 4-3.

Kur dukej se vendasit po shkonin drejt një fitoreje të rëndësishme, Aleksa Terzic goditi në minutën e 82-të, duke vendosur baraspeshën përfundimtare.

Një ndeshje e çmendur, ku mbrojtjet gabuan vazhdimisht, por spektakli ishte i garantuar. Tifozët shijuan tetë gola dhe një duel që do të mbahet mend gjatë në Serie A. /Sport Ekspres/

?ALEKSA TERZIC

Atalanta 4-4 Frosinone. https://t.co/i41LlYutMA

— AYO BALL? (@Ayoball99) October 25, 2026

“Gjyqtari i katërt e thirri gjyqtarin kryesor dhe unë u përjashtova. Nuk kisha bërë absolutisht asgjë. Është për të ardhur keq, por herën tjetër thjesht do të qëndroj në stol. Sa herë që lëviz, më përjashtojnë. Shoh të tjerë që futen në fushë dhe bëjnë rrëmujë të madhe. Dua ta falënderoj Sakanin, ndërsa për të tjerat, kam vetëm fjalë lavdërimi për djemtë”, ka thënë Masimiliano Alegri./Sport Ekspres/

“Lojtarët ofrojnë ekuilibrin. Të gjesh ekuilibrin do të thotë të gjesh përshtatjen e duhur. Unë e di se çfarë mund të ofrojnë lojtarët dhe punoj më shumë me dobësitë e tyre sesa me pikat e forta. Ismajli ishte gjithmonë luftarak, por luante shumë mirë me topin dhe tregonte personalitet në lëvizjet e tij.

Kur stërvit lojtarë mbi 30 vjeç, të cilët kanë vetëbesim, nuk është e lehtë t’u hysh thellë në mendje apo t’i ndryshosh. Jam i kënaqur me Ismajlin. Ai është stërvitur gjithmonë me profesionalizëm dhe jam i sigurt se do të bëjë një ndeshje të mirë edhe ndaj Moncës”, është shprehur Ignacio Abate./Sport Ekspres/

Në një intervistë për “DAZN” -in, Tibu Kurtua ka zbuluar se lojtarët e Realit qeshin shpesh me këto “meme”. Madje ai shton se herë pas here i këndojnë Mbapesë edhe këngën e diktatorit.

“Kilian Mbape, një diktator? Në dhomën e zhveshjes qeshim vazhdimisht me këtë! Madje ia këndojmë edhe këngën… Besoj se edhe atij i duket për të qeshur”, ka thënë Tibu Kurtuaja./Sport Ekspres/

“Humbëm dhe është një mbrëmje për t’u harruar për të gjithë. Por në të njëjtën kohë, duhet të mësojmë nga kjo përvojë dhe të kuptojmë se çfarë ndodhi. Luajtëm kundër një skuadre angleze. Gjërat ishin ndryshe nga zakonisht dhe situata ishte shumë e ndërlikuar.

Na mungoi mentaliteti i duhur për të qenë në lartësinë e duhur që nga sekonda e parë dhe për të luftuar. Nuk dua të them se nuk ishim gati, por në duelet e para ata ishin më të fortë. Pas penalltisë së parë gjithçka u bë e vështirë, pasi askush nuk e priste. Dhe pas golit të dytë, shoqëruar me kartonin e kuq ndërkohë që ishim ende në minutën e njëzetë, u bë shumë e vështirë të riktheheshim në lojë. Ishte e vështirë të përballeshe me Bournemouth-in, veçanërisht kur mbetëm me një lojtar më pak”, ka deklaruar Ardon Jashari./Sport Ekspres/

Bardhezinjtë kaluan në avantazh që në minutën e pestë me Zeki Çelik, i cili përfitoi nga një pasim i shkëlqyer i Nick Woltemade dhe mposhti portierin kundërshtar. Megjithatë, Rennes reagoi shpejt dhe barazoi në minutën e 15-të me Mousa Al Tamari, pas një aksioni të ndërtuar mirë nga krahu i majtë.

Problemet për Juventusin u shtuan në fundin e pjesës së parë. Në minutën e 43-të, Boulaye Dia shënoi nga pika e bardhë e penalltisë, duke përmbysur rezultatin në favor të skuadrës franceze. Gjatë pjesës së parë, vendasit patën edhe raste të mira, por nuk arritën t’i shfrytëzonin.

Në fraksionin e dytë, Juventusi kërkoi me ngulm golin e barazimit dhe arriti ta gjente me Nick Woltemade, i cili realizoi nga pika e bardhë pas një prekjeje me dorë në zonë.

Kështu, të dyja skuadrat ndanë nga një pikë pas një sfide me shumë emocione. Juventusi shmangu humbjen, por barazimi lë sërish pikëpyetje për formën e skuadrës së Spallettit. /Sport Ekspres/

REAGIM PUBLIK – KËRKOJ NDËRHYRJE TË MENJËHERSHME INSTITUCIONALE!
Me keqardhje, ndihem i detyruar të tërhiqem nga Kampionati Botëror, garë kualifikuese për Lojërat Olimpike, pasi drejtuesi i Federatës ka vendosur që të garoj pa asnjë trajner në krah.

– I kërkoj Ministrisë përgjegjëse për Sportin dhe Komitetit Olimpik Kombëtar Shqiptar të ndërhyjnë URGJENTISHT, të marrin përgjegjësitë që u takojnë dhe të zgjidhin këtë situatë. Nuk mjaftojnë heshtja apo deklaratat formale; kërkohen veprime konkrete dhe llogaridhënie institucionale.

– Federata e Peshëngritjes nuk është pronë private e askujt! Ajo nuk mund të drejtohet sipas interesave personale dhe as të përdoret për të penguar sportistët që përfaqësojnë Shqipërinë.

– Fondet publike duhet të shërbejnë për mbështetjen e sportistëve dhe trajnerëve, jo për konflikte personale apo vendime që dëmtojnë përfaqësimin kombëtar.

– Prej tre vitesh përballem me kallëzime të përsëritura në polici nga një person që e konsideroj dashakeqës ndaj meje , ndërsa tani rrezikohet edhe pjesëmarrja ime në një garë me rëndësi olimpike.

U kërkoj institucioneve përgjegjëse të veprojnë menjëherë, të shqyrtojnë këtë çështje, të garantojnë të drejtat e mia si sportist dhe të kërkojnë llogari për vendimet e marra.

Nuk kërkoj privilegje, por drejtësi, barazi dhe respekt për sakrificën time sportive.

Nuk mund të pranohet që një sportist të detyrohet të heqë dorë nga një garë kualifikuese olimpike për shkak të vendimeve të drejtuesve të institucionit që duhet ta mbështesë.

Heshtja institucionale nuk është zgjidhje. Ndërhyrja është detyrim! Përgjegjësia duhet të mbahet, ndërsa flamuri shqiptar dhe sportistët që e përfaqësojnë duhet të jenë mbi çdo interes personal.

“Salah është një nga më të mirët, jo vetëm për lojtarët te Hearts-it, por për çdo lojtar në botë. Ai është një nga heronjtë e mi. E kam ndjekur dhe jam përpjekur të mësoj prej tij.

A do të doja të merrja fanellën e Salah pas ndeshjes? Kam folur tashmë me futbollistin shqiptar që luan për Trabzonsporin dhe është gjithashtu pjesë e kombëtares sonë. Shpresoj të siguroj një vend në formacionin titullar. Le të shohim. “Por, më mirë do të ishte të merrnim tri pikët. Kështu që, shpresoj që Salah të ketë një ndeshje të dobët të enjten”, është shprehur Sabah Kerjota./Sport Ekspres/

“Nuk bëhet fjalë për mua. Bëhet fjalë për të përpunuar lojën dhe se si shkoi ajo. Sinqerisht, jam i zemëruar. E gjithë jeta ime sillet rreth kësaj. Nuk më pëlqeu ajo që pashë sonte. Nuk e kam menduar ende pozicionin tim”, është shprehur Michael Carrick-u./Sport Ekspres/

Arsenali kaloi në avantazh në minutën e 25-të me Eberechi Eze, i cili përfitoi nga një pasim i bukur i Martin Odegaard dhe mposhti portierin Manuel Neuer. Reagimi i Bayern Munich nuk vonoi, pasi Alphonso Davies barazoi shifrat në minutën e 35-të, duke rikthyer ekuilibrin në këtë përballje të rëndësishme.

Në pjesën e dytë, vendasit rritën presionin dhe arritën të përmbysnin rezultatin. Harry Kane u tregua i saktë nga pika e bardhë e penalltisë në minutën e 61-të, duke i dhënë Bayern Munich avantazhin 2-1.

Megjithatë, Arsenali nuk u dorëzua dhe vijoi të kërkonte golin e barazimit. Në minutën e 82-të, Declan Rice dërgoi topin në rrjetë pas një aksioni të bukur ofensiv, duke vulosur rezultatin përfundimtar 2-2.

Me këtë barazim, Arsenali shkon në shtatë pikë pas tri ndeshjeve, ndërsa Bayern Munich grumbullon pesë pikë në fazën e ligës së Champions League. /Sport Ekspres/

Ndeshja nisi në mënyrën më të keqe për Manchester United. Që në minutën e dytë, Nico Paz dërgoi topin në rrjetë, duke kaluar vendasit në avantazh dhe duke ndezur festën në stadiumin “Giuseppe Sinigaglia”.

United nuk arriti të reagonte siç duhej dhe Como e shfrytëzoi këtë situatë në pjesën e dytë. Në minutën e 49-të, Tasos Douvikas dyfishoi shifrat, ndërsa vetëm tetë minuta më vonë, Nico Paz realizoi golin e tretë të ekipit, duke e bërë misionin e anglezëve pothuajse të pamundur.

Dominimi i italianëve vazhdoi dhe Jacobo Ramón shënoi golin e katërt në minutën e 76-të, duke vulosur një mbrëmje të paharrueshme për skuadrën e Fabregas.

Manchester United arriti të shënonte vetëm në minutën e 90+1-të me Joshua Zirkzee, por goli shërbeu vetëm për statistikë.

Kjo humbje ngre pikëpyetje serioze për formën e United, ndërsa Como dërgon një mesazh të fortë në Europë: nuk është më një kundërshtar për t’u nënvlerësuar. /Sport Ekspres/